📅 2023-yil 20-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 20 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 20 ноября 2023 г. · Указы Президента
Официальный текст. Официальный документ. Редакционные примечания не включены.
📅 20 November 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Президенти ва Ҳукуматининг айрим ҳужжатларига ўзгартириш ва қўшимчаларни киритиш тўғрисида
Ички ишлар органлари томонидан жиноий жазони ижро этиш соҳасида амалга оширилаётган фаолияти самарадорлигини янада ошириш, шунингдек, ҳуқуқбузарликлар профилактикаси хизмати ходимларини танлаш ва жой-жойига қўйиш тизимини такомиллаштириш мақсадида:
1. Ўзбекистон Республикаси Президенти ва Ҳукуматининг айрим ҳужжатларига иловага мувофиқ ўзгартириш ва қўшимчалар киритилсин.
2. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 20 ноябрдаги ПФ-197-сон Фармонига ИЛОВА
Ўзбекистон Республикаси Президенти ва Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2020 йил 18 февралдаги «Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида»ги ПФ-5938-сон Фармонининг 20-бандида :
а) бешинчи хатбоши қуйидаги таҳрирда баён этилсин:
«профилактика инспекторини лавозимга тайинлаш ва лавозимидан озод этиш, стажи ва тажрибасини инобатга олган ҳолда маҳаллага бириктириш ҳамда маҳалла орасида ротация қилиш Қорақалпоғистон Республикаси ички ишлар вазири, Тошкент шаҳар ва Тошкент вилояти ички ишлар бош бошқармалари ҳамда вилоятлар ички ишлар бошқармалари бошлиқлари томонидан Ўзбекистон Республикаси Ички ишлар вазирлиги Жамоат хавфсизлиги департаменти Ҳуқуқбузарликлар профилактикаси хизмати билан келишилган ҳолда амалга оширилади (профилактика инспектори лавозимидан катта профилактика инспектори лавозимига ўтказиш бундан мустасно)»;
б) қуйидаги мазмундаги еттинчи хатбоши билан тўлдирилсин:
«Қорақалпоғистон Республикаси Ички ишлар вазирлиги, Тошкент шаҳар ва Тошкент вилояти ички ишлар бош бошқармалари ва вилоятлар ички ишлар бошқармалари Жамоат хавфсизлиги хизматининг ҳуқуқбузарликлар профилактикаси бошқармалари бошлиқлари ва уларнинг ўринбосарлари ҳамда ижтимоий профилактика бўлим бошлиқлари Ўзбекистон Республикаси Ички ишлар вазирлиги Жамоат хавфсизлиги департаментининг Ҳуқуқбузарликлар профилактикаси хизмати билан келишилган ҳолда белгиланган тартибда лавозимга тайинланади ва лавозимдан озод этилади (юқори турувчи раҳбарлик лавозимига ўтказиш ҳолатлари бундан мустасно)»;
в) еттинчи ва саккизинчи хатбошилар тегишинча саккизинчи ва тўққизинчи хатбошилар деб ҳисоблансин.
2. Ўзбекистон Республикаси Президентининг 2020 йил 27 октябрдаги «Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида»ги ПФ-6096-сон Фармонига 4-илованинг 234-позицияси чиқариб ташлансин.
3. Ўзбекистон Республикаси Президентининг 2022 йил 17 майдаги «Тиббиёт муассасалари ходимларини моддий қўллаб-қувватлаш ҳамда рағбатлантиришни кучайтириш чора-тадбирлари тўғрисида»ги ПФ-136-сон Фармонининг 1-банди қуйидаги мазмундаги олтинчи хатбоши билан тўлдирилсин:
«Мазкур бандда белгиланган қоидалар 2024 йил 1 январдан бошлаб Ички ишлар вазирлиги тизимидаги тиббиёт ва фармацевтика ходимларига (махсус ва ҳарбий унвонга эга бўлган ходим ҳамда ҳарбий хизматчилардан ташқари) нисбатан ҳам татбиқ этилади».
4. Ўзбекистон Республикаси Президентининг 2017 йил 29 ноябрдаги ПҚ-3413-сон қарори билан тасдиқланган Ички ишлар органларида хизматни ўташ тартиби тўғрисидаги низомнинг 19-банди саккизинчи хатбошиси «махсус бўлинмаларининг,» сўзларидан кейин «ахборот технологияларини ривожлантириш бўлинмаларининг,» сўзлари билан тўлдирилсин.
5. Ўзбекистон Республикаси Президентининг 2019 йил 29 январдаги «Озодликдан маҳрум этилган шахсларнинг меҳнат билан бандлигини таъминлаш бўйича қўшимча чора-тадбирлар тўғрисида»ги ПҚ-4138-сон қарорининг 3-бандида:
а) учинчи ва тўртинчи хатбошилар қуйидаги таҳрирда баён этилсин:
«етказиб берувчилар, шу жумладан хорижий етказиб берувчилар билан ишлаб чиқариш ва ёрдамчи ускуналар, техника ва бошқа моддий-техник воситалар, ресурслар, хомашё материаллари, ўсимлик уруғлари, чорва молларини (шу жумладан йирик ва майда шохли моллар, парранда, балиқ, асалари ва бошқаларни) харид қилиш ҳамда хизматлар кўрсатиш бўйича танлов (тендер) савдоларини ўтказмасдан тўғридан-тўғри шартномалар тузиш;
колонияларда ишлаб чиқариш фаолиятини кенгайтириш, янги иш ўринларини яратиш ҳамда маҳкумларнинг бандлигини таъминлаш мақсадида бошқа хўжалик юритувчи субъектлар билан тўғридан-тўғри шартномалар тузиш орқали ҳамкорликни амалга ошириш»;
б) еттинчи хатбоши қуйидаги таҳрирда баён этилсин:
«жазони ижро этиш муассасаларининг ишлаб чиқариш бўлинмаларига юқори малакали менежерларни (мутахассисларни) Жазони ижро этиш департаментининг бюджетдан ташқари маблағлари ҳисобидан меҳнатга ҳақ тўлашнинг энг кам миқдорининг 5 бараваридан 15 баробаригача, зарур мутахассисликка эга бўлмаган хизмат кўрсатувчи ходимларга меҳнатга ҳақ тўлашнинг энг кам миқдорининг 5 бараваригача ойлик маоши белгилаш ҳамда уларни жазони ижро этиш муассасалари бошлиқларининг ишлаб чиқаришни ривожлантириш бўйича ўринбосари лавозимига тайинлаш имконияти билан жалб қилиш».
6. Ўзбекистон Республикаси Президентининг 2021 йил 2 апрелдаги «Ички ишлар органларининг жамоат хавфсизлигини таъминлаш ва жиноятчиликка қарши курашиш соҳасидаги фаолиятини янада такомиллаштириш бўйича қўшимча ташкилий чора-тадбирлар тўғрисида»ги ПҚ-5050-сон қарорида :
а) 8-банд қуйидаги мазмундаги саккизинчи хатбоши билан тўлдирилсин:
«жазони ижро этиш муассасалари ҳузуридаги бюджетдан ташқари фаолиятни амалга оширадиган ишлаб чиқариш бўлинмалари лавозимларига тегишли соҳада амалий иш тажрибасига эга бўлган шахслар шаҳодатланган лавозимлар ҳисобидан тайинланиши мумкин»;
б) 2-иловада :
9-бандда :
қуйидаги мазмундаги ўн еттинчи хатбоши билан тўлдирилсин:
«бюджетдан ташқари фаолият ҳисобидан таъминланадиган ишчи ва хизматчилар штат сонига ўзгартириш ва қўшимчалар киритиш»;
ўн еттинчи ва ўн саккизинчи хатбошилар тегишлича ўн саккизинчи ва ўн тўққизинчи хатбошилар деб ҳисоблансин;
15-бандда :
қуйидаги мазмундаги ўн тўққизинчи ва йигирманчи хатбошилар билан тўлдирилсин:
«Департамент ва тизим муассасаларининг бюджетдан ташқари фаолиятидан таъминланадиган ишчи ва хизматчилар штат бирликларини киритади ва қисқартиради;
жазони ижро этиш колониялари томонидан тизим тасарруфидаги бошқа бўлинма ёки жазони ижро этиш колониясига бир йилдан кўп бўлмаган муддатга қайтариб бериш шарти билан молиявий ёрдам кўрсатилишини ташкил этади»;
ўн тўққизинчи хатбоши йигирма биринчи хатбоши деб ҳисоблансин;
16-банднинг учинчи хатбошиси «ўзгартириш ва қўшимчалар киритиш» сўзларидан кейин «(бюджетдан ташқари фаолиятидан таъминланадиган ишчи ва хизматчилар штат бирликлари бундан мустасно)» сўзлари билан тўлдирилсин;
18-банднинг учинчи хатбошиси «таҳлил қилиш ва баҳолаш,» сўзларидан кейин «моддий-техник, молиявий ва ижтимоий-маиший жиҳатдан таъминлашни ташкил этиш,» сўзлари билан тўлдирилсин.
7. Ўзбекистон Республикаси Президентининг 2022 йил 4 апрелдаги «Автомобиль йўлларида инсон хавфсизлигини ишончли таъминлаш ва ўлим ҳолатларини кескин камайтириш чора-тадбирлари тўғрисида»ги ПҚ-190-сон қарорининг 7-бандида :
ўн учинчи хатбоши «эксплуатация-монтаж бўлинмаларининг» сўзларидан кейин «биноларини қуриш, капитал таъмирлаш ва реконструкция қилиш ҳамда» сўзлари билан тўлдирилсин;
қуйидаги мазмундаги ўн олтинчи хатбоши билан тўлдирилсин:
«йўллар бўйида жойлашган мактаблар олдида, камида тўрт тасмали йўллардаги пиёдалар ўтиш жойларида ҳамда йўл-транспорт ҳодисалар ўчоқларида белгиланган тезликни ошириш, пиёдаларни ўтказмаслик ва фуқароларнинг йўлни белгиланмаган жойдан кесиб ўтиши каби қоидабузарликларни аниқловчи махсус фото-видео қайд этиш воситаларини ўрнатиш».
8. Вазирлар Маҳкамасининг 2021 йил 15 октябрдаги «Ички ишлар органлари фаолиятига замонавий ахборот технологияларини кенг жорий этиш чора-тадбирлари тўғрисида»ги 645-сон қарорига 1-илованинг 66-позицияси чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 20 ноябрь,
ПФ-197-сон
Oʻzbekiston Respublikasi Prezidentining
Farmoni
Oʻzbekiston Respublikasi Prezidenti va Hukumatining ayrim hujjatlariga oʻzgartirish va qoʻshimchalarni kiritish toʻgʻrisida
Ichki ishlar organlari tomonidan jinoiy jazoni ijro etish sohasida amalga oshirilayotgan faoliyati samaradorligini yanada oshirish, shuningdek, huquqbuzarliklar profilaktikasi xizmati xodimlarini tanlash va joy-joyiga qoʻyish tizimini takomillashtirish maqsadida:
1. Oʻzbekiston Respublikasi Prezidenti va Hukumatining ayrim hujjatlariga ilovaga muvofiq oʻzgartirish va qoʻshimchalar kiritilsin.
2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 20-noyabrdagi PF-197-son Farmoniga ILOVA
Oʻzbekiston Respublikasi Prezidenti va Hukumatining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2020-yil 18-fevraldagi “Jamiyatda ijtimoiy-maʼnaviy muhitni sogʻlomlashtirish, mahalla institutini yanada qoʻllab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari toʻgʻrisida”gi PF-5938-son Farmonining 20-bandida :
a) beshinchi xatboshi quyidagi tahrirda bayon etilsin:
“profilaktika inspektorini lavozimga tayinlash va lavozimidan ozod etish, staji va tajribasini inobatga olgan holda mahallaga biriktirish hamda mahalla orasida rotatsiya qilish Qoraqalpogʻiston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari boshliqlari tomonidan Oʻzbekiston Respublikasi Ichki ishlar vazirligi Jamoat xavfsizligi departamenti Huquqbuzarliklar profilaktikasi xizmati bilan kelishilgan holda amalga oshiriladi (profilaktika inspektori lavozimidan katta profilaktika inspektori lavozimiga oʻtkazish bundan mustasno)”;
b) quyidagi mazmundagi yettinchi xatboshi bilan toʻldirilsin:
“Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari Jamoat xavfsizligi xizmatining huquqbuzarliklar profilaktikasi boshqarmalari boshliqlari va ularning oʻrinbosarlari hamda ijtimoiy profilaktika boʻlim boshliqlari Oʻzbekiston Respublikasi Ichki ishlar vazirligi Jamoat xavfsizligi departamentining Huquqbuzarliklar profilaktikasi xizmati bilan kelishilgan holda belgilangan tartibda lavozimga tayinlanadi va lavozimdan ozod etiladi (yuqori turuvchi rahbarlik lavozimiga oʻtkazish holatlari bundan mustasno)”;
v) yettinchi va sakkizinchi xatboshilar tegishincha sakkizinchi va toʻqqizinchi xatboshilar deb hisoblansin.
2. Oʻzbekiston Respublikasi Prezidentining 2020-yil 27-oktabrdagi “Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar toʻgʻrisida”gi PF-6096-son Farmoniga 4-ilovaning 234-pozitsiyasi chiqarib tashlansin.
3. Oʻzbekiston Respublikasi Prezidentining 2022-yil 17-maydagi “Tibbiyot muassasalari xodimlarini moddiy qoʻllab-quvvatlash hamda ragʻbatlantirishni kuchaytirish chora-tadbirlari toʻgʻrisida”gi PF-136-son Farmonining 1-bandi quyidagi mazmundagi oltinchi xatboshi bilan toʻldirilsin:
“Mazkur bandda belgilangan qoidalar 2024-yil 1-yanvardan boshlab Ichki ishlar vazirligi tizimidagi tibbiyot va farmatsevtika xodimlariga (maxsus va harbiy unvonga ega boʻlgan xodim hamda harbiy xizmatchilardan tashqari) nisbatan ham tatbiq etiladi”.
4. Oʻzbekiston Respublikasi Prezidentining 2017-yil 29-noyabrdagi PQ-3413-son qarori bilan tasdiqlangan Ichki ishlar organlarida xizmatni oʻtash tartibi toʻgʻrisidagi nizomning 19-bandi sakkizinchi xatboshisi “maxsus boʻlinmalarining,” soʻzlaridan keyin “axborot texnologiyalarini rivojlantirish boʻlinmalarining,” soʻzlari bilan toʻldirilsin.
5. Oʻzbekiston Respublikasi Prezidentining 2019-yil 29-yanvardagi “Ozodlikdan mahrum etilgan shaxslarning mehnat bilan bandligini taʼminlash boʻyicha qoʻshimcha chora-tadbirlar toʻgʻrisida”gi PQ-4138-son qarorining 3-bandida:
a) uchinchi va toʻrtinchi xatboshilar quyidagi tahrirda bayon etilsin:
“yetkazib beruvchilar, shu jumladan xorijiy yetkazib beruvchilar bilan ishlab chiqarish va yordamchi uskunalar, texnika va boshqa moddiy-texnik vositalar, resurslar, xomashyo materiallari, oʻsimlik urugʻlari, chorva mollarini (shu jumladan yirik va mayda shoxli mollar, parranda, baliq, asalari va boshqalarni) xarid qilish hamda xizmatlar koʻrsatish boʻyicha tanlov (tender) savdolarini oʻtkazmasdan toʻgʻridan-toʻgʻri shartnomalar tuzish;
koloniyalarda ishlab chiqarish faoliyatini kengaytirish, yangi ish oʻrinlarini yaratish hamda mahkumlarning bandligini taʼminlash maqsadida boshqa xoʻjalik yurituvchi subyektlar bilan toʻgʻridan-toʻgʻri shartnomalar tuzish orqali hamkorlikni amalga oshirish”;
b) yettinchi xatboshi quyidagi tahrirda bayon etilsin:
“jazoni ijro etish muassasalarining ishlab chiqarish boʻlinmalariga yuqori malakali menejerlarni (mutaxassislarni) Jazoni ijro etish departamentining budjetdan tashqari mablagʻlari hisobidan mehnatga haq toʻlashning eng kam miqdorining 5 baravaridan 15 barobarigacha, zarur mutaxassislikka ega boʻlmagan xizmat koʻrsatuvchi xodimlarga mehnatga haq toʻlashning eng kam miqdorining 5 baravarigacha oylik maoshi belgilash hamda ularni jazoni ijro etish muassasalari boshliqlarining ishlab chiqarishni rivojlantirish boʻyicha oʻrinbosari lavozimiga tayinlash imkoniyati bilan jalb qilish”.
6. Oʻzbekiston Respublikasi Prezidentining 2021-yil 2-apreldagi “Ichki ishlar organlarining jamoat xavfsizligini taʼminlash va jinoyatchilikka qarshi kurashish sohasidagi faoliyatini yanada takomillashtirish boʻyicha qoʻshimcha tashkiliy chora-tadbirlar toʻgʻrisida”gi PQ-5050-son qarorida :
a) 8-band quyidagi mazmundagi sakkizinchi xatboshi bilan toʻldirilsin:
“jazoni ijro etish muassasalari huzuridagi budjetdan tashqari faoliyatni amalga oshiradigan ishlab chiqarish boʻlinmalari lavozimlariga tegishli sohada amaliy ish tajribasiga ega boʻlgan shaxslar shahodatlangan lavozimlar hisobidan tayinlanishi mumkin”;
b) 2-ilovada :
9-bandda :
quyidagi mazmundagi oʻn yettinchi xatboshi bilan toʻldirilsin:
“budjetdan tashqari faoliyat hisobidan taʼminlanadigan ishchi va xizmatchilar shtat soniga oʻzgartirish va qoʻshimchalar kiritish”;
oʻn yettinchi va oʻn sakkizinchi xatboshilar tegishlicha oʻn sakkizinchi va oʻn toʻqqizinchi xatboshilar deb hisoblansin;
15-bandda :
quyidagi mazmundagi oʻn toʻqqizinchi va yigirmanchi xatboshilar bilan toʻldirilsin:
“Departament va tizim muassasalarining budjetdan tashqari faoliyatidan taʼminlanadigan ishchi va xizmatchilar shtat birliklarini kiritadi va qisqartiradi;
jazoni ijro etish koloniyalari tomonidan tizim tasarrufidagi boshqa boʻlinma yoki jazoni ijro etish koloniyasiga bir yildan koʻp boʻlmagan muddatga qaytarib berish sharti bilan moliyaviy yordam koʻrsatilishini tashkil etadi”;
oʻn toʻqqizinchi xatboshi yigirma birinchi xatboshi deb hisoblansin;
16-bandning uchinchi xatboshisi “oʻzgartirish va qoʻshimchalar kiritish” soʻzlaridan keyin “(budjetdan tashqari faoliyatidan taʼminlanadigan ishchi va xizmatchilar shtat birliklari bundan mustasno)” soʻzlari bilan toʻldirilsin;
18-bandning uchinchi xatboshisi “tahlil qilish va baholash,” soʻzlaridan keyin “moddiy-texnik, moliyaviy va ijtimoiy-maishiy jihatdan taʼminlashni tashkil etish,” soʻzlari bilan toʻldirilsin.
7. Oʻzbekiston Respublikasi Prezidentining 2022-yil 4-apreldagi “Avtomobil yoʻllarida inson xavfsizligini ishonchli taʼminlash va oʻlim holatlarini keskin kamaytirish chora-tadbirlari toʻgʻrisida”gi PQ-190-son qarorining 7-bandida :
oʻn uchinchi xatboshi “ekspluatatsiya-montaj boʻlinmalarining” soʻzlaridan keyin “binolarini qurish, kapital taʼmirlash va rekonstruksiya qilish hamda” soʻzlari bilan toʻldirilsin;
quyidagi mazmundagi oʻn oltinchi xatboshi bilan toʻldirilsin:
“yoʻllar boʻyida joylashgan maktablar oldida, kamida toʻrt tasmali yoʻllardagi piyodalar oʻtish joylarida hamda yoʻl-transport hodisalar oʻchoqlarida belgilangan tezlikni oshirish, piyodalarni oʻtkazmaslik va fuqarolarning yoʻlni belgilanmagan joydan kesib oʻtishi kabi qoidabuzarliklarni aniqlovchi maxsus foto-video qayd etish vositalarini oʻrnatish”.
8. Vazirlar Mahkamasining 2021-yil 15-oktabrdagi “Ichki ishlar organlari faoliyatiga zamonaviy axborot texnologiyalarini keng joriy etish chora-tadbirlari toʻgʻrisida”gi 645-son qaroriga 1-ilovaning 66-pozitsiyasi chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 20-noyabr,
PF-197-son
Президента Республики Узбекистан
Указ
О внесении изменений и дополнений в некоторые акты Президента и Правительства Республики Узбекистан
В целях дальнейшего повышения эффективности деятельности органов внутренних дел в сфере исполнения уголовного наказания, а также совершенствования системы отбора и расстановки сотрудников службы профилактики правонарушений:
1. Внести изменения и дополнения в некоторые акты Президента и Правительства Республики Узбекистан согласно приложению .
2. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 20 ноября 2023 года № УП-197
Изменения и дополнения, вносимые в некоторые акты Президента и Правительства Республики Узбекистан
1. В пункте 20 Указа Президента Республики Узбекистан от 18 февраля 2020 года № УП-5938 «О мерах по оздоровлению социально-духовной атмосферы в обществе, дальнейшей поддержке института махалли, а также поднятию на новый уровень системы работы с семьями и женщинами»:
а) абзац пятый изложить в следующей редакции:
«назначение на должность и освобождение от должности, закрепление за махаллей с учетом стажа и опыта работы, а также ротация между махаллями инспектора по профилактике осуществляются министром внутренних дел Республики Каракалпакстан, начальниками главных управлений внутренних дел города Ташкента и Ташкентской области и управлений внутренних дел областей по согласованию со Службой профилактики правонарушений Департамента общественной безопасности Министерства внутренних дел Республики Узбекистан (за исключением перевода с должности инспектора по профилактике на должность старшего инспектора по профилактике)»;
б) дополнить абзацем седьмым следующего содержания:
«назначение на должность и освобождение от должности начальников управлений по профилактике правонарушений Службы общественной безопасности и их заместителей, а также начальников отделов социальной профилактики Министерства внутренних дел Республики Каракалпакстан, главных управлений внутренних дел города Ташкента и Ташкентской области и управлений внутренних дел областей осуществляются в установленном порядке по согласованию со Службой профилактики правонарушений Департамента общественной безопасности Министерства внутренних дел Республики Узбекистан (за исключением случаев перевода на вышестоящую руководящую должность)»;
в) абзацы седьмой и восьмой считать абзацами восьмым и девятым соответственно.
2. Позицию 234 приложения № 4 к Указу Президента Республики Узбекистан от 27 октября 2020 года № УП-6096 «О мерах по ускоренному реформированию предприятий с участием государства и приватизации государственных активов» исключить.
3. Пункт 1 Указа Президента Республики Узбекистан от 17 мая 2022 года № УП-136 «О мерах по усилению материальной поддержки и стимулирования работников медицинских учреждений» дополнить абзацем шестым следующего содержания:
«Порядки, установленные в настоящем пункте, начиная с 1 января 2024 года, распространяются также на медицинских и фармацевтических работников (за исключением сотрудников и военнослужащих, имеющих специальное и воинское звание) системы Министерства внутренних дел».
4. В абзаце восьмом пункта 19 Положения о порядке прохождения службы в органах внутренних дел, утвержденного постановлением Президента Республики Узбекистан от 29 ноября 2017 года № ПП-3413, после слов «специальных подразделений,» дополнить словами «подразделений по развитию информационных технологий,».
5. В пункте 3 постановления Президента Республики Узбекистан от 29 января 2019 года № ПП-4138 «О дополнительных мерах по обеспечению трудовой занятости лиц, осужденных к лишению свободы»:
а) абзацы третий и четвертый изложить в следующей редакции:
«заключения с поставщиками, в том числе иностранными, прямых договоров на приобретение производственного и вспомогательного оборудования, техники и других материально-технических средств, ресурсов, сырьевых материалов, семян растений, скота (в том числе крупного и мелкого рогатого скота, птицы, рыбы, пчел и других) и оказание услуг без проведения конкурсных (тендерных) торгов;
осуществления сотрудничества путем заключения прямых договоров с другими хозяйствующими субъектами в целях расширения производственной деятельности в колониях, создания новых рабочих мест, а также обеспечения занятости осужденных»;
б) абзац седьмой изложить в следующей редакции:
«привлечения в производственные подразделения учреждений по исполнению наказания высококвалифицированных менеджеров (специалистов) с определением им за счет внебюджетных средств Департамента исполнения наказания месячной заработной платы от 5 до 15 минимальных размеров оплаты труда, а также обслуживающего персонала, не имеющего необходимой специальности, — до 5 минимальных размеров оплаты труда, с возможностью назначения их на должность заместителя начальника учреждения по исполнению наказания в сфере развития производства».
6. В постановлении Президента Республики Узбекистан от 2 апреля 2021 года № ПП-5050 «О дополнительных организационных мерах по дальнейшему совершенствованию деятельности органов внутренних дел в сфере обеспечения общественной безопасности и борьбы с преступностью»:
а) пункт 8 дополнить абзацем восьмым следующего содержания:
«в производственные подразделения при учреждениях исполнения наказаний, осуществляющие внебюджетную деятельность, за счет аттестованных должностей могут назначаться лица, имеющие практический опыт работы в соответствующей сфере производства»;
б) в приложении № 2 :
в пункте 9 :
дополнить абзацем семнадцатым следующего содержания:
«вносить изменения и дополнения в штатную численность рабочих и служащих, содержащихся за счет внебюджетной деятельности»;
абзацы семнадцатый и восемнадцатый считать абзацами восемнадцатым и девятнадцатым соответственно;
в пункте 15 :
дополнить абзацами девятнадцатым и двадцатым следующего содержания:
«вводит и сокращает штатные единицы рабочих и служащих, содержащихся за счет внебюджетной деятельности Департамента и учреждений системы;
организует оказание финансовой помощи колониями по исполнению наказания другим подразделениям системы или колониям по исполнению наказания, при условии возврата ее в срок не более одного года»;
абзац девятнадцатый считать абзацем двадцать первым;
в абзаце третьем пункта 16 после слов «его подразделений и учреждений» дополнить словами «(за исключением штатных единиц рабочих и служащих, содержащихся за счет внебюджетной деятельности)»;
в абзаце третьем пункта 18 после слов «и следственных изоляторов,» дополнить словами «организация материально-технического, финансового и социально-бытового обеспечения,».
7. В пункте 7 постановления Президента Республики Узбекистан от 4 апреля 2022 года № ПП-190 «О мерах по надежному обеспечению безопасности человека и резкому сокращению случаев смертности на автомобильных дорогах»:
в абзаце тринадцатом слова «укрепления материально-технической базы эксплуатационно-монтажных подразделений,» заменить словами «строительства, капитального ремонта и реконструкции зданий эксплуатационно-монтажных подразделений, укрепления их материально-технической базы,»;
дополнить абзацем шестнадцатым следующего содержания:
«установления возле школ, расположенных вдоль дорог, на пешеходных переходах дорог с не менее четырьмя полосами и очаги дорожно-транспортных происшествий специальных средств фото-видео-фиксации правонарушений, связанных с превышением установленной скорости, игнорированием пешеходов и пересечением гражданами дорог в неположенном месте».
8. В тексте на государственном языке приложения № 1 к постановлению Кабинета Министров от 15 октября 2021 года № 645 «О мерах по широкому внедрению современных информационных технологий в деятельность органов внутренних дел» позицию 66 исключить.
Президент Республики Узбекистан Ш. МИРЗИЁЕВ
г. Ташкент,
20 ноября 2023 г.,
№ УП-197