UzbekAI

Ўзбекистон Республикаси Вазирлар Маҳкамасининг

қарори

Адвокатлик фаолияти учун лицензия олиш тартиби соддалаштирилганлиги муносабати билан Вазирлар Маҳкамасининг 2022 йил 5 августдаги 432-сон қарори билан тасдиқланган Адвокатлик фаолиятини махсус электрон тизим орқали лицензиялаш тартиби тўғрисидаги низомга ўзгартириш киритиш ҳақида

Адвокатлик фаолияти билан шуғулланиш учун лицензия олиш тартибини соддалаштириш орқали соҳага ёш кадрларни кенг жалб этиш ҳамда қонунчилик ҳужжатларини Ўзбекистон Республикасининг «Адвокатура тўғрисида»ги Ўзбекистон Республикаси Қонунининг 3 1 -моддасига ўзгартириш киритиш ҳақида» 2023 йил 9 августдаги ЎРҚ-862-сон Қонунига мувофиқлаштириш мақсадида Вазирлар Маҳкамаси қарор қилади:

1. Ўзбекистон Республикасининг «Адвокатура тўғрисида»ги Ўзбекистон Республикаси Қонунининг 3 1 -моддасига ўзгартириш киритиш ҳақида» 2023 йил 9 августдаги ЎРҚ-862-сон Қонунига мувофиқ адвокатлик фаолияти билан шуғулланиш ҳуқуқини берувчи лицензияни олиш учун юридик мутахассислик бўйича камида икки йиллик иш стажига эга бўлиш талаби бекор қилинганлиги маълумот учун қабул қилинсин.

2. Вазирлар Маҳкамасининг 2022 йил 5 августдаги 432-сон қарори билан тасдиқланган Адвокатлик фаолиятини махсус электрон тизим орқали лицензиялаш тартиби тўғрисидаги низомнинг 5-бандида :

тўртинчи хатбошиси чиқариб ташлансин;

бешинчи-олтинчи хатбошилар тегишинча тўртинчи-бешинчи хатбошилар деб ҳисоблансин.

3. Мазкур қарорнинг бажарилишини назорат қилиш Ўзбекистон Республикаси адлия вазири А.Ж. Ташкулов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2023 йил 27 ноябрь,

628-сон

(Қонунчилик маълумотлари миллий базаси, 29.11.2023 й., 09/23/628/0907-сон)

lex.uz

Oʻzbekiston Respublikasi Vazirlar Mahkamasining

qarori

Advokatlik faoliyati uchun litsenziya olish tartibi soddalashtirilganligi munosabati bilan Vazirlar Mahkamasining 2022-yil 5-avgustdagi 432-son qarori bilan tasdiqlangan Advokatlik faoliyatini maxsus elektron tizim orqali litsenziyalash tartibi toʻgʻrisidagi nizomga oʻzgartirish kiritish haqida

Advokatlik faoliyati bilan shugʻullanish uchun litsenziya olish tartibini soddalashtirish orqali sohaga yosh kadrlarni keng jalb etish hamda qonunchilik hujjatlarini Oʻzbekiston Respublikasining “Advokatura toʻgʻrisida”gi Oʻzbekiston Respublikasi Qonunining 3 1 -moddasiga oʻzgartirish kiritish haqida” 2023-yil 9-avgustdagi OʻRQ-862-son Qonuniga muvofiqlashtirish maqsadida Vazirlar Mahkamasi qaror qiladi:

1. Oʻzbekiston Respublikasining “Advokatura toʻgʻrisida”gi Oʻzbekiston Respublikasi Qonunining 3 1 -moddasiga oʻzgartirish kiritish haqida” 2023-yil 9-avgustdagi OʻRQ-862-son Qonuniga muvofiq advokatlik faoliyati bilan shugʻullanish huquqini beruvchi litsenziyani olish uchun yuridik mutaxassislik boʻyicha kamida ikki yillik ish stajiga ega boʻlish talabi bekor qilinganligi maʼlumot uchun qabul qilinsin.

2. Vazirlar Mahkamasining 2022-yil 5-avgustdagi 432-son qarori bilan tasdiqlangan Advokatlik faoliyatini maxsus elektron tizim orqali litsenziyalash tartibi toʻgʻrisidagi nizomning 5-bandida :

toʻrtinchi xatboshisi chiqarib tashlansin;

beshinchi-oltinchi xatboshilar tegishincha toʻrtinchi-beshinchi xatboshilar deb hisoblansin.

3. Mazkur qarorning bajarilishini nazorat qilish Oʻzbekiston Respublikasi adliya vaziri A.J. Tashkulov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 27-noyabr,

628-son

(Qonunchilik maʼlumotlari milliy bazasi, 29.11.2023-y., 09/23/628/0907-son)

lex.uz