📅 2023-yil 27-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 27 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 ноября 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 27 November 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
МАЪМУРИЙ РЕГЛАМЕНТИ
СХЕМАСИ
БУЮРТМАНОМА
БУЮРТМАНОМА
Алоҳида уй-жойни (квартира, уй, квартиранинг ёки уйнинг бир қисмини) хусусийлаштиришга розилик берган шахслар тўғрисида маълумотнома ҳамда давлат мулки объектини хусусийлаштириш учун буюртманома бериш бўйича давлат хизматларини кўрсатишнинг маъмурий регламентларини тасдиқлаш ҳақида
Ўзбекистон Республикаси Президентининг «Давлат хизматлари кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида» 2021 йил 24 июлдаги ПФ-6269-сон Фармони ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Иқтисодиётда давлат иштирокини қисқартиришнинг қўшимча чора-тадбирлари тўғрисида» 2023 йил 25 мартдаги ПҚ-102-сон қарорига мувофиқ давлат уй-жой фондига қарашли уйдаги квартирага (уйнинг бир қисмига) мулк ҳуқуқини эътироф этиш ваколати маҳаллий ижро этувчи ҳокимият органларига ўтказилиши белгиланганлиги маълумот учун қабул қилинсин.
2. Шундай тартиб жорий этилсинки, унга кўра 2024 йил 1 июлдан бошлаб хусусийлаштирилган уй-жойларга оид давлат ордерлари ва маълумотномалар туман (шаҳар) ҳокимликлари (Тошкент шаҳрида — «Тошкент шаҳар уй-жойларга давлат ордерлари ва маълумотномалар бериш маркази» ДУК) томонидан берилади.
3. Давлат активларини бошқариш агентлиги:
«Ўзархив» агентлиги билан биргаликда 2024 йил 1 июлга қадар Давлат активларини бошқариш агентлигининг ҳудудий бошқармаларида хусусийлаштирилган уй-жойларга оид давлат ордерлари ва маълумотномалар бериш бўйича шаклланган ҳужжатлар базасини (архивини) тегишли туман (шаҳар) ҳокимликларига топширсин;
«Тошкент шаҳар уй-жойларга давлат ордерлари ва маълумотномалар бериш маркази» ДУКни Тошкент шаҳар ҳокимлиги тасарруфига ўтказсин.
4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
туман (шаҳар) ҳокимликларининг хусусийлаштирилган уй-жойларга давлат ордерлари ва улар бўйича маълумотномалар бериш ишларини ташкил этиш ҳамда мувофиқлаштириш юзасидан зарур чоралар кўрсин;
Давлат активларини бошқариш агентлиги ҳамда Рақамли технологиялар вазирлиги билан биргаликда 2024 йил 1 июлга қадар туман (шаҳар) ҳокимликлари томонидан хусусийлаштирилган уй-жойларга оид давлат ордерлари ва маълумотномалар бериш бўйича шакллантирилган ҳужжатлар базаси (архиви) рақамлаштирилишини ҳамда тегишли идоралараро электрон тизимлар билан интеграция қилинишини таъминласин. Бунда ҳужжатлар базасини (архивини) рақамлаштириш ва бошқа бинога кўчириш харажатлари туман (шаҳар) маҳаллий бюджетлари даромадларининг прогноздан ошириб бажарилган қисми ҳисобидан молиялаштирилиши белгилаб қўйилсин.
5. Қуйидагиларни назарда тутувчи:
б) Давлат мулки объектини хусусийлаштириш учун буюртманома бериш бўйича давлат хизматларини кўрсатишнинг маъмурий регламенти 2-иловага мувофиқ тасдиқлансин ва 2024 йил 1 январдан бошлаб амалга киритилсин:
нодавлат юридик ёки жисмоний шахслар томонидан давлат мулки объектини хусусийлаштириш учун буюртманома бериш бўйича давлат хизматларини кўрсатиш тартиби;
давлат хизматини Давлат активларини бошқариш агентлиги ёки унинг ҳудудий бошқармалари томонидан давлат хизматлари марказлари ёки ЯИДХП орқали кўрсатиш тартиби;
давлат хизмати йиғим ундирилмасдан кўрсатилишини.
6. Давлат активларини бошқариш агентлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда бир ой муддатда туман (шаҳар) ҳокимларининг тегишли ўринбосарлари ва ходимлари иштирокида ушбу қарор билан тасдиқланган маъмурий регламентларни амалда қўллашга йўналтирилган ўқув-амалий семинарлар ташкил этилиши ва ўтказилишини таъминласин.
7. Рақамли технологиялар вазирлиги Давлат активларини бошқариш агентлиги ҳамда Адлия вазирлиги билан биргаликда 2024 йил 1 январга қадар:
ЯИДХПда давлат хизматлари кўрсатилишининг ҳар бир босқичида мурожаатларнинг кўриб чиқилишини кузатиб бориш имконияти яратилишини;
ушбу қарор билан тасдиқланган давлат хизматларини кўрсатишнинг маъмурий регламентларига мувофиқ давлат хизматларини кўрсатиш давлат хизматлари марказлари ва ЯИДХП орқали жорий этилишини таъминласин.
8. Адлия вазирлиги:
давлат органлари ва бошқа ташкилотлар томонидан уларнинг фаолияти доирасида давлат хизматларини кўрсатишнинг белгиланган тартибига риоя этилиши бўйича, жумладан, ЯИДХП орқали, доимий назорат ўрнатсин;
ушбу қарор билан тасдиқланган давлат хизматларини кўрсатишнинг маъмурий регламентлари талаблари бузилган ҳолларда, давлат органлари ва бошқа ташкилотларнинг мансабдор шахсларига нисбатан белгиланган тартибда маъмурий жазолар қўлласин.
9. Давлат активларини бошқариш агентлиги:
бир ой муддатда Давлат уй-жой фондидан фойдаланиш ва уни тасарруф этиш бўйича давлат хизматларини кўрсатишнинг маъмурий регламенти лойиҳасини;
2025 йил 1 январга қадар туман (шаҳар) ҳокимликлари томонидан хусусийлаштирилган уй-жойларга оид давлат ордерлари ва маълумотномалар бериш тартибига риоя этилишини таҳлил қилган ҳолда қонунчиликни такомиллаштириш бўйича таклифларни Вазирлар Маҳкамасига киритсин.
10. Мазкур қарорнинг бажарилишини назорат қилиш Ўзбекистон Республикаси адлия вазири А.Ж. Ташкулов ва Давлат активларини бошқариш агентлиги директори А.Ж. Ортиқов зиммасига юклансин.
Вазирлар Маҳкамасининг 2023 йил 27 ноябрдаги 627-сон қарорига 2-ИЛОВА
Давлат мулки объектини хусусийлаштириш учун буюртманома бериш бўйича давлат хизматларини кўрсатишнинг
1-боб. Умумий қоидалар
1. Ушбу Регламент нодавлат юридик ёки жисмоний шахс томонидан давлат мулки объектини хусусийлаштириш учун буюртманома бериш бўйича давлат хизматларини кўрсатиш тартибини белгилайди.
Мазкур Регламент давлат уй-жой фондига қарашли уйдаги квартирани (уйнинг бир қисмини) хусусийлаштиришга нисбатан татбиқ этилмайди.
2. Давлат мулки объектини хусусийлаштириш учун буюртманома бериш бўйича давлат хизмати ушбу Регламентга 1-иловага мувофиқ схема бўйича кўрсатилади.
3. Ушбу Регламентда қуйидаги асосий тушунчалардан фойдаланилади:
ариза берувчи — давлат мулки объектларини хусусийлаштириш юзасидан ариза берувчи нодавлат юридик ёки жисмоний шахс;
буюртманома — давлат мулки объектини сотиш учун мазкур Регламентга 2 ва 3-иловаларга мувофиқ тегишли буюртманома шакли;
ваколатли орган — Давлат активларини бошқариш агентлиги ёки унинг ҳудудий бошқармалари;
давлат мулки объекти — давлат кўчмас мулк объектлари, хўжалик жамиятлари устав фондидаги (капиталидаги) давлатга тегишли бўлган улушлар (акциялар);
хабарнома — ваколатли орган мансабдор шахслари томонидан QR-код (матрик-штрихли код) билан тасдиқланган хабарнома шакли.
4. Давлат мулки объектини хусусийлаштириш юзасидан ариза берувчи давлат мулки объектини сотиш учун Давлат хизматлари маркази ёки Ягона интерактив давлат хизматлари портали (кейинги ўринларда — ЯИДХП) орқали буюртманома бериши мумкин.
5. Давлат хизматлари маркази ва ваколатли орган ўртасида ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаган ҳолда, фақат идоралараро электрон ўзаро боғланиш орқали амалга оширилади.
6. Ариза берувчи ўзининг яшаш ёки турган жойи бўйича рўйхатдан ўтган жойидан (юридик шахслар жойлашган манзилидан) қатъи назар, исталган Давлат хизматлари марказига борган ҳолда ёки ЯИДХП орқали буюртманома бериши мумкин.
2-боб. Давлат хизматларини кўрсатиш тартиби
7. Ариза берувчи давлат хизматидан фойдаланиш учун Давлат хизматлари марказига ўзи келиб мурожаат қилади ёки давлат хизматларидан электрон шаклда фойдаланиш учун ЯИДХПда рўйхатдан ўтади.
8. Ариза берувчи ўзи келиб мурожаат қилган тақдирда, Давлат хизматлари маркази ходими ариза берувчи номидан, ЯИДХП орқали мурожаат этган тақдирда эса-мустақил равишда ушбу Регламентга 2 ва 3-иловаларга мувофиқ шаклдаги тегишли буюртманомани электрон тарзда тўлдиради.
Бунда буюртманомалар:
юридик шахс номидан ушбу Регламентга 2-иловага мувофиқ шаклда раҳбар ёки унинг вакили томонидан;
жисмоний шахс номидан ушбу Регламентга 3-иловага мувофиқ шаклда ариза берувчининг ўзи ёки унинг вакили томонидан имзоланиши керак.
9. Ариза берувчи Давлат хизматлари марказига ўзи келиб мурожаат этганда буюртманома Давлат хизматлари маркази ходими томонидан тўлдирилиб, ариза берувчи томонидан тасдиқлангандан сўнг реал вақт режимида ваколатли органга электрон шаклда юборилади. ЯИДХП орқали мурожаат қилинганда эса, буюртманома автоматик тарзда ваколатли органга келиб тушади.
10. Буюртманома ариза келиб тушган кундан бошлаб 5 иш куни ичида кўриб чиқилади.
11. Ваколатли орган томонидан буюртманомада хато ва камчиликлар мавжудлиги аниқланган тақдирда, уларни бартараф этиш учун тегишли изоҳлар билан Давлат хизматлари марказига (ЯИДХП орқали мурожаат этилганда — ариза берувчига) қайтаради.
12. Ариза берувчи томонидан хато ва камчиликлар бартараф этилмаган ёки буюртманома такроран хато ва камчиликлар билан юборилган тақдирда, ваколатли орган буюртманомани кўриб чиқишни рад этади.
Буюртманомани қабул қилишни бошқа сабабларга кўра рад этиш қатъиян тақиқланади.
13. Ваколатли орган томонидан буюртманомада хато ва камчиликлар аниқланмаган тақдирда, 5 иш куни ичида ушбу Регламентга 4-иловада мувофиқ шаклда хабарномани Давлат хизматлари марказига (ЯИДХП орқали мурожаат қилинганда — ариза берувчига) юборади.
14. Давлат хизматини кўрсатганлик учун йигим ундирилмайди.
3-боб. Якунловчи қоидалар
15. Давлат хизматлари маркази ва ваколатли орган ўз фаолиятини амалга ошириши натижасида олинган маълумотларнинг сир сақланишини таъминлайди.
16. Ўзбекистон Республикаси Адлия вазирлиги, Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари ҳамда давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолиятини, шу жумладан ЯИДХП орқали, доимий назорат ва мониторинг қилиб боради.
17. Ариза берувчи буюртманома бериш асоссиз рад этилганда, шунингдек, ваколатли орган ходимларининг хатти-ҳаракати (ҳаракатсизлиги) устидан қонунчилик ҳужжатларида белгиланган тартибда шикоят қилиш ҳуқуқига эга.
18. Ушбу Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.
Давлат мулки объектини хусусийлаштириш учун буюртманома бериш бўйича давлат хизматларини кўрсатишнинг маъмурий регламентига 1-ИЛОВА
Давлат мулки объектини хусусийлаштириш учун буюртманома бериш
Босқичлар Субъектлар Тадбирлар Бажариш муддатлари 1-босқич Ариза берувчи Давлат мулки объектини хусусийлаштиришга буюртманома бериш учун Давлат хизматлари марказига ёки Ягона интерактив давлат хизматлари портали (кейинги ўринларда — ЯИДХП) орқали мурожаат қилади. Ўз хоҳишига кўра 2-босқич 1. Давлат хизматлари маркази 1. Буюртманомани тўлдиради ва тасдиқлайди. Реал вақт режимида 2. Ягона интерактив давлат хизматлари портали 2. ЯИДХП орқали мурожаат этганда буюртманомани белгиланган электрон шаклда тўлдиради ва тасдиқлайди. 3-босқич 1. Давлат хизматлари маркази 1. Тасдиқланган буюртманомани ваколатли органга (Давлат активларини бошқариш агентлиги ёки унинг ҳудудий бошқармаларига) юборади. 1. Буюртманома тўлдирилгандан кейин 30 дақиқада 2. Ягона интерактив давлат хизматлари портали 2. ЯИДХП орқали мурожаат этганда буюртманомани автоматик тарзда юборади. 2. Реал вақт режимида 4-босқич Ваколатли орган (Давлат активларини бошқариш агентлиги ёки унинг ҳудудий бошқармалари) 1. Келиб тушган буюртманомаларни кўриб чиқади. 2. Келиб тушган буюртманомаларда хато ва камчиликлар аниқланган тақдирда, уларни изоҳлаган ҳолда қайтаради. 3. Хато ва камчиликлар мавжуд бўлмаган тақдирда, буюртманома қабул қилинганлиги тўғрисида хабарнома юборади. 5 иш куни ичида
Давлат мулки объектини хусусийлаштириш учун буюртманома бериш бўйича давлат хизматларини кўрсатишнинг маъмурий регламентига 2-ИЛОВА
Давлат мулки объектини сотиш учун
______________________________________________________________________ манзилида жойлашган (манзил) _____________________________________________________________________________________ нинг (давлат кўчмас мулк объекти ёки давлат улуши мавжуд бўлган хўжалик жамиятининг номи) давлат мулки объектини сотиш тўғрисида қарор қабул қилишингизни сўрайман. _________________________________________________________________________________________ (давлат кўчмас мулки объекти бўйича балансда сақловчи) _________________________________________________________________________________________ (ариза берувчи тўғрисида маълумотлар) _________________________________________________________________________________________ (нодавлат юридик шахснинг номи) _________________________________________________________________________________________ (манзили, телефон рақами) _________________________________________________________________________________________ (рўйхатдан ўтказиш рақами ва давлат рўйхатидан ўтказилган сана) _________________________________________________________________________________________ (ташкилий-ҳуқуқий шакли) _________________________________________________________________________________________ (устав фондидаги давлат улуши, фоизларда) Буюртманомани имзолашга вакил қилинган шахс: _________________________________________________________________________________________ (Ф.И.О., лавозими)
Давлат мулки объектини хусусийлаштириш учун буюртманома бериш бўйича давлат хизматларини кўрсатишнинг маъмурий регламентига 3-ИЛОВА
Давлат мулки объектини сотиш учун
_____________________________________________________________________________________ нинг (давлат кўчмас мулк объекти ёки давлат улуши мавжуд бўлган хўжалик жамиятининг номи) давлат мулки объектини сотиш тўғрисида қарор қабул қилишингизни сўрайман. ______________________________________________________________________ манзилида жойлашган (манзил) _________________________________________________________________________________________ (давлат кўчмас мулки объекти бўйича балансда сақловчи) _________________________________________________________________________________________ (ариза берувчи тўғрисида маълумотлар) _________________________________________________________________________________________ (жисмоний шахснинг Ф.И.О.) _________________________________________________________________________________________ (манзили, телефон рақами) _________________________________________________________________________________________ (паспорт серияси, рақами, ким томонидан ва қачон берилган)
Давлат мулки объектини хусусийлаштириш учун буюртманома бериш бўйича давлат хизматларини кўрсатишнинг маъмурий регламентига 4-ИЛОВА
Ўзбекистон Республикаси Давлат герби тасвири туширилган ва ўз номи давлат тилида ёзилган бланк ___________________________________ (нодавлат юридик ёки жисмоний шахс) Давлат мулки объектини хусусийлаштириш учун буюртманома бериш юзасидан ХАБАРНОМА Сизнинг __________________________________________________________________ манзилида (давлат мулки объекти жойлашган манзили) жойлашган ___________________________________________________________________ давлат мулки (давлат мулки объекти номи) объектини хусусийлаштириш учун юборган буюртманомангиз қабул қилинди. Амалдаги қонунчиликка мувофиқ мазкур давлат мулки объектини хусусийлаштириш юзасидан давлат кўчмас мулки бўйича унинг балансда сақловчисига, давлатга тегишли улуш (акция)лар бўйича иштирокчи (акциядор) функциясини бажарувчи тегишли давлат органига сўров юборилди. Давлат активларини бошқариш агентлиги томонидан тасдиқланган тартибга мувофиқ уч ойдан ортиқ фойдаланилмасдан бўш турган объект балансда сақловчининг розилигисиз ижарага бериш ёки сотиш учун савдога чиқарилиши мумкин. Сўров натижасига мувофиқ Сизга 30 кун муддатда қўшимча равишда хабарнома тақдим этилади. Давлат активларини бошқариш агентлиги ёки унинг ҳудудий бошқармаси мансабдор шахси лавозими QR-код (матрик-штрихли код) Ф.И.О. Ижрочи: Ф.И.О. Телефон: ________________
Ўзбекистон Республикасининг Бош вазири А. АРИПОВ
Тошкент ш.,
2023 йил 27 ноябрь,
627-сон
Oʻzbekiston Respublikasi Vazirlar Mahkamasining
qarori
MAʼMURIY REGLAMENTI
SXEMASI
BUYURTMANOMA
BUYURTMANOMA
Alohida uy-joyni (kvartira, uy, kvartiraning yoki uyning bir qismini) xususiylashtirishga rozilik bergan shaxslar toʻgʻrisida maʼlumotnoma hamda davlat mulki obyektini xususiylashtirish uchun buyurtmanoma berish boʻyicha davlat xizmatlarini koʻrsatishning maʼmuriy reglamentlarini tasdiqlash haqida
Oʻzbekiston Respublikasi Prezidentining “Davlat xizmatlari koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida” 2021-yil 24-iyuldagi PF-6269-son Farmoni ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Iqtisodiyotda davlat ishtirokini qisqartirishning qoʻshimcha chora-tadbirlari toʻgʻrisida” 2023-yil 25-martdagi PQ-102-son qaroriga muvofiq davlat uy-joy fondiga qarashli uydagi kvartiraga (uyning bir qismiga) mulk huquqini eʼtirof etish vakolati mahalliy ijro etuvchi hokimiyat organlariga oʻtkazilishi belgilanganligi maʼlumot uchun qabul qilinsin.
2. Shunday tartib joriy etilsinki, unga koʻra 2024-yil 1-iyuldan boshlab xususiylashtirilgan uy-joylarga oid davlat orderlari va maʼlumotnomalar tuman (shahar) hokimliklari (Toshkent shahrida — “Toshkent shahar uy-joylarga davlat orderlari va maʼlumotnomalar berish markazi” DUK) tomonidan beriladi.
3. Davlat aktivlarini boshqarish agentligi:
“Oʻzarxiv” agentligi bilan birgalikda 2024-yil 1-iyulga qadar Davlat aktivlarini boshqarish agentligining hududiy boshqarmalarida xususiylashtirilgan uy-joylarga oid davlat orderlari va maʼlumotnomalar berish boʻyicha shakllangan hujjatlar bazasini (arxivini) tegishli tuman (shahar) hokimliklariga topshirsin;
“Toshkent shahar uy-joylarga davlat orderlari va maʼlumotnomalar berish markazi” DUKni Toshkent shahar hokimligi tasarrufiga oʻtkazsin.
4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
tuman (shahar) hokimliklarining xususiylashtirilgan uy-joylarga davlat orderlari va ular boʻyicha maʼlumotnomalar berish ishlarini tashkil etish hamda muvofiqlashtirish yuzasidan zarur choralar koʻrsin;
Davlat aktivlarini boshqarish agentligi hamda Raqamli texnologiyalar vazirligi bilan birgalikda 2024-yil 1-iyulga qadar tuman (shahar) hokimliklari tomonidan xususiylashtirilgan uy-joylarga oid davlat orderlari va maʼlumotnomalar berish boʻyicha shakllantirilgan hujjatlar bazasi (arxivi) raqamlashtirilishini hamda tegishli idoralararo elektron tizimlar bilan integratsiya qilinishini taʼminlasin. Bunda hujjatlar bazasini (arxivini) raqamlashtirish va boshqa binoga koʻchirish xarajatlari tuman (shahar) mahalliy budjetlari daromadlarining prognozdan oshirib bajarilgan qismi hisobidan moliyalashtirilishi belgilab qoʻyilsin.
5. Quyidagilarni nazarda tutuvchi:
b) Davlat mulki obyektini xususiylashtirish uchun buyurtmanoma berish boʻyicha davlat xizmatlarini koʻrsatishning maʼmuriy reglamenti 2-ilovaga muvofiq tasdiqlansin va 2024-yil 1-yanvardan boshlab amalga kiritilsin:
nodavlat yuridik yoki jismoniy shaxslar tomonidan davlat mulki obyektini xususiylashtirish uchun buyurtmanoma berish boʻyicha davlat xizmatlarini koʻrsatish tartibi;
davlat xizmatini Davlat aktivlarini boshqarish agentligi yoki uning hududiy boshqarmalari tomonidan davlat xizmatlari markazlari yoki YIDXP orqali koʻrsatish tartibi;
davlat xizmati yigʻim undirilmasdan koʻrsatilishini.
6. Davlat aktivlarini boshqarish agentligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda tuman (shahar) hokimlarining tegishli oʻrinbosarlari va xodimlari ishtirokida ushbu qaror bilan tasdiqlangan maʼmuriy reglamentlarni amalda qoʻllashga yoʻnaltirilgan oʻquv-amaliy seminarlar tashkil etilishi va oʻtkazilishini taʼminlasin.
7. Raqamli texnologiyalar vazirligi Davlat aktivlarini boshqarish agentligi hamda Adliya vazirligi bilan birgalikda 2024-yil 1-yanvarga qadar:
YIDXPda davlat xizmatlari koʻrsatilishining har bir bosqichida murojaatlarning koʻrib chiqilishini kuzatib borish imkoniyati yaratilishini;
ushbu qaror bilan tasdiqlangan davlat xizmatlarini koʻrsatishning maʼmuriy reglamentlariga muvofiq davlat xizmatlarini koʻrsatish davlat xizmatlari markazlari va YIDXP orqali joriy etilishini taʼminlasin.
8. Adliya vazirligi:
davlat organlari va boshqa tashkilotlar tomonidan ularning faoliyati doirasida davlat xizmatlarini koʻrsatishning belgilangan tartibiga rioya etilishi boʻyicha, jumladan, YIDXP orqali, doimiy nazorat oʻrnatsin;
ushbu qaror bilan tasdiqlangan davlat xizmatlarini koʻrsatishning maʼmuriy reglamentlari talablari buzilgan hollarda, davlat organlari va boshqa tashkilotlarning mansabdor shaxslariga nisbatan belgilangan tartibda maʼmuriy jazolar qoʻllasin.
9. Davlat aktivlarini boshqarish agentligi:
bir oy muddatda Davlat uy-joy fondidan foydalanish va uni tasarruf etish boʻyicha davlat xizmatlarini koʻrsatishning maʼmuriy reglamenti loyihasini;
2025-yil 1-yanvarga qadar tuman (shahar) hokimliklari tomonidan xususiylashtirilgan uy-joylarga oid davlat orderlari va maʼlumotnomalar berish tartibiga rioya etilishini tahlil qilgan holda qonunchilikni takomillashtirish boʻyicha takliflarni Vazirlar Mahkamasiga kiritsin.
10. Mazkur qarorning bajarilishini nazorat qilish Oʻzbekiston Respublikasi adliya vaziri A.J. Tashkulov va Davlat aktivlarini boshqarish agentligi direktori A.J. Ortiqov zimmasiga yuklansin.
Vazirlar Mahkamasining 2023-yil 27-noyabrdagi 627-son qaroriga 2-ILOVA
Davlat mulki obyektini xususiylashtirish uchun buyurtmanoma berish boʻyicha davlat xizmatlarini koʻrsatishning
1-bob. Umumiy qoidalar
1. Ushbu Reglament nodavlat yuridik yoki jismoniy shaxs tomonidan davlat mulki obyektini xususiylashtirish uchun buyurtmanoma berish boʻyicha davlat xizmatlarini koʻrsatish tartibini belgilaydi.
Mazkur Reglament davlat uy-joy fondiga qarashli uydagi kvartirani (uyning bir qismini) xususiylashtirishga nisbatan tatbiq etilmaydi.
2. Davlat mulki obyektini xususiylashtirish uchun buyurtmanoma berish boʻyicha davlat xizmati ushbu Reglamentga 1-ilovaga muvofiq sxema boʻyicha koʻrsatiladi.
3. Ushbu Reglamentda quyidagi asosiy tushunchalardan foydalaniladi:
ariza beruvchi — davlat mulki obyektlarini xususiylashtirish yuzasidan ariza beruvchi nodavlat yuridik yoki jismoniy shaxs;
buyurtmanoma — davlat mulki obyektini sotish uchun mazkur Reglamentga 2 va 3-ilovalarga muvofiq tegishli buyurtmanoma shakli;
vakolatli organ — Davlat aktivlarini boshqarish agentligi yoki uning hududiy boshqarmalari;
davlat mulki obyekti — davlat koʻchmas mulk obyektlari, xoʻjalik jamiyatlari ustav fondidagi (kapitalidagi) davlatga tegishli boʻlgan ulushlar (aksiyalar);
xabarnoma — vakolatli organ mansabdor shaxslari tomonidan QR-kod (matrik-shtrixli kod) bilan tasdiqlangan xabarnoma shakli.
4. Davlat mulki obyektini xususiylashtirish yuzasidan ariza beruvchi davlat mulki obyektini sotish uchun Davlat xizmatlari markazi yoki Yagona interaktiv davlat xizmatlari portali (keyingi oʻrinlarda — YIDXP) orqali buyurtmanoma berishi mumkin.
5. Davlat xizmatlari markazi va vakolatli organ oʻrtasida axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllagan holda, faqat idoralararo elektron oʻzaro bogʻlanish orqali amalga oshiriladi.
6. Ariza beruvchi oʻzining yashash yoki turgan joyi boʻyicha roʻyxatdan oʻtgan joyidan (yuridik shaxslar joylashgan manzilidan) qatʼi nazar, istalgan Davlat xizmatlari markaziga borgan holda yoki YIDXP orqali buyurtmanoma berishi mumkin.
2-bob. Davlat xizmatlarini koʻrsatish tartibi
7. Ariza beruvchi davlat xizmatidan foydalanish uchun Davlat xizmatlari markaziga oʻzi kelib murojaat qiladi yoki davlat xizmatlaridan elektron shaklda foydalanish uchun YIDXPda roʻyxatdan oʻtadi.
8. Ariza beruvchi oʻzi kelib murojaat qilgan taqdirda, Davlat xizmatlari markazi xodimi ariza beruvchi nomidan, YIDXP orqali murojaat etgan taqdirda esa-mustaqil ravishda ushbu Reglamentga 2 va 3-ilovalarga muvofiq shakldagi tegishli buyurtmanomani elektron tarzda toʻldiradi.
Bunda buyurtmanomalar:
yuridik shaxs nomidan ushbu Reglamentga 2-ilovaga muvofiq shaklda rahbar yoki uning vakili tomonidan;
jismoniy shaxs nomidan ushbu Reglamentga 3-ilovaga muvofiq shaklda ariza beruvchining oʻzi yoki uning vakili tomonidan imzolanishi kerak.
9. Ariza beruvchi Davlat xizmatlari markaziga oʻzi kelib murojaat etganda buyurtmanoma Davlat xizmatlari markazi xodimi tomonidan toʻldirilib, ariza beruvchi tomonidan tasdiqlangandan soʻng real vaqt rejimida vakolatli organga elektron shaklda yuboriladi. YIDXP orqali murojaat qilinganda esa, buyurtmanoma avtomatik tarzda vakolatli organga kelib tushadi.
10. Buyurtmanoma ariza kelib tushgan kundan boshlab 5 ish kuni ichida koʻrib chiqiladi.
11. Vakolatli organ tomonidan buyurtmanomada xato va kamchiliklar mavjudligi aniqlangan taqdirda, ularni bartaraf etish uchun tegishli izohlar bilan Davlat xizmatlari markaziga (YIDXP orqali murojaat etilganda — ariza beruvchiga) qaytaradi.
12. Ariza beruvchi tomonidan xato va kamchiliklar bartaraf etilmagan yoki buyurtmanoma takroran xato va kamchiliklar bilan yuborilgan taqdirda, vakolatli organ buyurtmanomani koʻrib chiqishni rad etadi.
Buyurtmanomani qabul qilishni boshqa sabablarga koʻra rad etish qatʼiyan taqiqlanadi.
13. Vakolatli organ tomonidan buyurtmanomada xato va kamchiliklar aniqlanmagan taqdirda, 5 ish kuni ichida ushbu Reglamentga 4-ilovada muvofiq shaklda xabarnomani Davlat xizmatlari markaziga (YIDXP orqali murojaat qilinganda — ariza beruvchiga) yuboradi.
14. Davlat xizmatini koʻrsatganlik uchun yigim undirilmaydi.
3-bob. Yakunlovchi qoidalar
15. Davlat xizmatlari markazi va vakolatli organ oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.
16. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari hamda davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyatini, shu jumladan YIDXP orqali, doimiy nazorat va monitoring qilib boradi.
17. Ariza beruvchi buyurtmanoma berish asossiz rad etilganda, shuningdek, vakolatli organ xodimlarining xatti-harakati (harakatsizligi) ustidan qonunchilik hujjatlarida belgilangan tartibda shikoyat qilish huquqiga ega.
18. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
Davlat mulki obyektini xususiylashtirish uchun buyurtmanoma berish boʻyicha davlat xizmatlarini koʻrsatishning maʼmuriy reglamentiga 1-ILOVA
Davlat mulki obyektini xususiylashtirish uchun buyurtmanoma berish
Bosqichlar Subyektlar Tadbirlar Bajarish muddatlari 1-bosqich Ariza beruvchi Davlat mulki obyektini xususiylashtirishga buyurtmanoma berish uchun Davlat xizmatlari markaziga yoki Yagona interaktiv davlat xizmatlari portali (keyingi oʻrinlarda — YIDXP) orqali murojaat qiladi. Oʻz xohishiga koʻra 2-bosqich 1. Davlat xizmatlari markazi 1. Buyurtmanomani toʻldiradi va tasdiqlaydi. Real vaqt rejimida 2. Yagona interaktiv davlat xizmatlari portali 2. YIDXP orqali murojaat etganda buyurtmanomani belgilangan elektron shaklda toʻldiradi va tasdiqlaydi. 3-bosqich 1. Davlat xizmatlari markazi 1. Tasdiqlangan buyurtmanomani vakolatli organga (Davlat aktivlarini boshqarish agentligi yoki uning hududiy boshqarmalariga) yuboradi. 1. Buyurtmanoma toʻldirilgandan keyin 30 daqiqada 2. Yagona interaktiv davlat xizmatlari portali 2. YIDXP orqali murojaat etganda buyurtmanomani avtomatik tarzda yuboradi. 2. Real vaqt rejimida 4-bosqich Vakolatli organ (Davlat aktivlarini boshqarish agentligi yoki uning hududiy boshqarmalari) 1. Kelib tushgan buyurtmanomalarni koʻrib chiqadi. 2. Kelib tushgan buyurtmanomalarda xato va kamchiliklar aniqlangan taqdirda, ularni izohlagan holda qaytaradi. 3. Xato va kamchiliklar mavjud boʻlmagan taqdirda, buyurtmanoma qabul qilinganligi toʻgʻrisida xabarnoma yuboradi. 5 ish kuni ichida
Davlat mulki obyektini xususiylashtirish uchun buyurtmanoma berish boʻyicha davlat xizmatlarini koʻrsatishning maʼmuriy reglamentiga 2-ILOVA
Davlat mulki obyektini sotish uchun
______________________________________________________________________ manzilida joylashgan (manzil) _____________________________________________________________________________________ ning (davlat koʻchmas mulk obyekti yoki davlat ulushi mavjud boʻlgan xoʻjalik jamiyatining nomi) davlat mulki obyektini sotish toʻgʻrisida qaror qabul qilishingizni soʻrayman. _________________________________________________________________________________________ (davlat koʻchmas mulki obyekti boʻyicha balansda saqlovchi) _________________________________________________________________________________________ (ariza beruvchi toʻgʻrisida maʼlumotlar) _________________________________________________________________________________________ (nodavlat yuridik shaxsning nomi) _________________________________________________________________________________________ (manzili, telefon raqami) _________________________________________________________________________________________ (roʻyxatdan oʻtkazish raqami va davlat roʻyxatidan oʻtkazilgan sana) _________________________________________________________________________________________ (tashkiliy-huquqiy shakli) _________________________________________________________________________________________ (ustav fondidagi davlat ulushi, foizlarda) Buyurtmanomani imzolashga vakil qilingan shaxs: _________________________________________________________________________________________ (F.I.O., lavozimi)
Davlat mulki obyektini xususiylashtirish uchun buyurtmanoma berish boʻyicha davlat xizmatlarini koʻrsatishning maʼmuriy reglamentiga 3-ILOVA
Davlat mulki obyektini sotish uchun
_____________________________________________________________________________________ ning (davlat koʻchmas mulk obyekti yoki davlat ulushi mavjud boʻlgan xoʻjalik jamiyatining nomi) davlat mulki obyektini sotish toʻgʻrisida qaror qabul qilishingizni soʻrayman. ______________________________________________________________________ manzilida joylashgan (manzil) _________________________________________________________________________________________ (davlat koʻchmas mulki obyekti boʻyicha balansda saqlovchi) _________________________________________________________________________________________ (ariza beruvchi toʻgʻrisida maʼlumotlar) _________________________________________________________________________________________ (jismoniy shaxsning F.I.O.) _________________________________________________________________________________________ (manzili, telefon raqami) _________________________________________________________________________________________ (pasport seriyasi, raqami, kim tomonidan va qachon berilgan)
Davlat mulki obyektini xususiylashtirish uchun buyurtmanoma berish boʻyicha davlat xizmatlarini koʻrsatishning maʼmuriy reglamentiga 4-ILOVA
Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan blank ___________________________________ (nodavlat yuridik yoki jismoniy shaxs) Davlat mulki obyektini xususiylashtirish uchun buyurtmanoma berish yuzasidan XABARNOMA Sizning __________________________________________________________________ manzilida (davlat mulki obyekti joylashgan manzili) joylashgan ___________________________________________________________________ davlat mulki (davlat mulki obyekti nomi) obyektini xususiylashtirish uchun yuborgan buyurtmanomangiz qabul qilindi. Amaldagi qonunchilikka muvofiq mazkur davlat mulki obyektini xususiylashtirish yuzasidan davlat koʻchmas mulki boʻyicha uning balansda saqlovchisiga, davlatga tegishli ulush (aksiya)lar boʻyicha ishtirokchi (aksiyador) funksiyasini bajaruvchi tegishli davlat organiga soʻrov yuborildi. Davlat aktivlarini boshqarish agentligi tomonidan tasdiqlangan tartibga muvofiq uch oydan ortiq foydalanilmasdan boʻsh turgan obyekt balansda saqlovchining roziligisiz ijaraga berish yoki sotish uchun savdoga chiqarilishi mumkin. Soʻrov natijasiga muvofiq Sizga 30 kun muddatda qoʻshimcha ravishda xabarnoma taqdim etiladi. Davlat aktivlarini boshqarish agentligi yoki uning hududiy boshqarmasi mansabdor shaxsi lavozimi QR-kod (matrik-shtrixli kod) F.I.O. Ijrochi: F.I.O. Telefon: ________________
Oʻzbekiston Respublikasining Bosh vaziri A. ARIPOV
Toshkent sh.,
2023-yil 27-noyabr,
627-son