📅 2023-yil 30-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 30 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 ноября 2023 г. · Постановления Президента
Официальный текст. Официальный документ. Редакционные примечания не включены.
📅 30 November 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Саудия тараққиёт жамғармаси ва Ўзбекистон Республикаси Тикланиш ва тараққиёт жамғармаси иштирокидаги «Қарши насос станциялари каскадини капитал-қайта тиклаш (III фаза)» лойиҳасини амалга оширишга доир қўшимча чора-тадбирлар тўғрисида
Сув хўжалиги объектларини модернизация қилиш ва сув ресурсларини самарали бошқариш, электр энергияси сарфини мақбуллаштириш, шунингдек, «Қарши насос станциялари каскадини капитал-қайта тиклаш (III фаза)» лойиҳаси самарадорлигини янада ошириш орқали Қашқадарё вилоятининг суғориладиган ерларини сув билан кафолатли таъминлаш мақсадида:
1. «Қарши насос станциялари каскадини капитал-қайта тиклаш (III фаза)» лойиҳаси (келгуси ўринларда — Лойиҳа) доирасида қиймати 70,7 млн АҚШ долларига тенг бўлган ишлар амалга оширилаётганлиги ҳамда ўтказилган тендер натижаларига кўра 34,6 млн АҚШ доллари, шундан Саудия тараққиёт жамғармасининг 19,82 млн АҚШ доллари миқдоридаги қарз маблағлари ҳамда Тикланиш ва тараққиёт жамғармасининг 14,78 млн АҚШ доллари миқдоридаги кредитлари иқтисод қилинганлиги маълумот учун қабул қилинсин.
2. Сув хўжалиги вазирлиги, Инвестициялар, саноат ва савдо вазирлиги, Иқтисодиёт ва молия вазирлиги ҳамда Қашқадарё вилояти ҳокимлигининг Лойиҳа доирасида иқтисод қилинган 34,6 млн АҚШ доллари маблағлари ҳисобидан қўшимча 9 та насос агрегатларини модернизация қилиш, турли русумдаги 7 та махсус техникаларни ҳамда 4 та земснарядларни харид қилиш тўғрисидаги таклифи маъқуллансин.
3. Сув хўжалиги вазирлиги (Ш. Хамраев) 2024 йил 1 апрелга қадар Лойиҳанинг техник-иқтисодий асосларига ўзгартиришлар киритиш тўғрисидаги тегишли қарор лойиҳасини Вазирлар Маҳкамасига киритсин.
4. Сув хўжалиги вазирлиги (Ш. Хамраев) Иқтисодиёт ва молия вазирлиги (И. Норқулов), Қурилиш ва уй-жой коммунал хўжалиги вазирлиги (Б. Закиров) ҳамда Қашқадарё вилояти ҳокимлиги (М. Азимов) билан биргаликда:
насос станциялари орқали чиқарилаётган сув ерга сингиб кетишининг олдини олиш ва электр энергияси ресурсларидан самарали фойдаланиш мақсадида насос станцияларига бириктирилган каналларнинг техник носоз қисмларини бетонлаштириш;
Қашқадарё вилоятида пилот лойиҳаси сифатида Қамаши ва Косон туманларидаги насос станцияларига бириктирилган МК-2, Зафаробод ва Қўнғиртоғ каналларининг 26 км қисмини бетонлаштириш учун Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида 2024 йилда лойиҳа-смета ҳужжатларини ишлаб чиқиш ва 2025 йилдан бошлаб қурилиш ишларини амалга ошириш чораларини кўрсин.
5. Ташқи ишлар вазирлиги (Б. Саидов) Лойиҳани амалга оширишда иштирок этадиган хорижий ва маҳаллий мутахассисларнинг Туркманистонга кириш визаларини расмийлаштириш бўйича Сув хўжалиги вазирлигининг мурожаати Туркманистон тарафига белгиланган тартибда етказилишида кўмаклашсин.
6. Ўзбекистон Республикаси Президентининг айрим ҳужжатларига иловага мувофиқ ўзгартиришлар киритилсин.
7. Мазкур қарорнинг ижросини самарали ташкил қилишга масъул ва шахсий жавобгар этиб сув хўжалиги вазири Ш.Р. Хамраев белгилансин.
Қарор ижроси учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.
Ўзбекистон Республикаси Президентининг 2023 йил 30 ноябрдаги ПҚ-382-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2017 йил 19 майдаги «Қарши насос станциялари каскадини капитал-қайта тиклаш (III фаза)» лойиҳасини амалга оширишда биринчи навбатдаги чора-тадбирлар тўғрисида»ги ПҚ-2977-сон қарори 1-бандининг «в» кичик бандидаги «2023» рақами «2025» рақами билан алмаштирилсин.
2. Ўзбекистон Республикаси Президентининг 2019 йил 9 февралдаги «Қарши насос станциялари каскадини капитал-қайта тиклаш (III фаза)» лойиҳасини амалга оширишга оид қўшимча чора-тадбирлар тўғрисида»ги ПҚ-4170-сон қарорида :
2-банднинг биринчи хатбошисидаги «Ўзбекистон Республикаси Сув хўжалиги вазирлиги ҳузуридаги Сув хўжалиги соҳасидаги лойиҳаларни амалга ошириш агентлиги» ва «Молия вазирлиги» сўзлари тегишинча «Ўзбекистон Республикаси Сув хўжалиги вазирлиги ҳузуридаги Сув хўжалигида хорижий инвестиция лойиҳаларини амалга ошириш маркази» ва «Иқтисодиёт ва молия вазирлиги» сўзлари билан алмаштирилсин;
3-банднинг биринчи хатбошисидаги «Молия вазирлигига» сўзлари «Иқтисодиёт ва молия вазирлигига» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 30 ноябрь,
ПҚ-382-сон
Oʻzbekiston Respublikasi Prezidentining
Qarori
Saudiya taraqqiyot jamgʻarmasi va Oʻzbekiston Respublikasi Tiklanish va taraqqiyot jamgʻarmasi ishtirokidagi “Qarshi nasos stansiyalari kaskadini kapital-qayta tiklash (III faza)” loyihasini amalga oshirishga doir qoʻshimcha chora-tadbirlar toʻgʻrisida
Suv xoʻjaligi obyektlarini modernizatsiya qilish va suv resurslarini samarali boshqarish, elektr energiyasi sarfini maqbullashtirish, shuningdek, “Qarshi nasos stansiyalari kaskadini kapital-qayta tiklash (III faza)” loyihasi samaradorligini yanada oshirish orqali Qashqadaryo viloyatining sugʻoriladigan yerlarini suv bilan kafolatli taʼminlash maqsadida:
1. “Qarshi nasos stansiyalari kaskadini kapital-qayta tiklash (III faza)” loyihasi (kelgusi oʻrinlarda — Loyiha) doirasida qiymati 70,7 mln AQSh dollariga teng boʻlgan ishlar amalga oshirilayotganligi hamda oʻtkazilgan tender natijalariga koʻra 34,6 mln AQSh dollari, shundan Saudiya taraqqiyot jamgʻarmasining 19,82 mln AQSh dollari miqdoridagi qarz mablagʻlari hamda Tiklanish va taraqqiyot jamgʻarmasining 14,78 mln AQSh dollari miqdoridagi kreditlari iqtisod qilinganligi maʼlumot uchun qabul qilinsin.
2. Suv xoʻjaligi vazirligi, Investitsiyalar, sanoat va savdo vazirligi, Iqtisodiyot va moliya vazirligi hamda Qashqadaryo viloyati hokimligining Loyiha doirasida iqtisod qilingan 34,6 mln AQSh dollari mablagʻlari hisobidan qoʻshimcha 9 ta nasos agregatlarini modernizatsiya qilish, turli rusumdagi 7 ta maxsus texnikalarni hamda 4 ta zemsnaryadlarni xarid qilish toʻgʻrisidagi taklifi maʼqullansin.
3. Suv xoʻjaligi vazirligi (Sh. Xamrayev) 2024-yil 1-aprelga qadar Loyihaning texnik-iqtisodiy asoslariga oʻzgartirishlar kiritish toʻgʻrisidagi tegishli qaror loyihasini Vazirlar Mahkamasiga kiritsin.
4. Suv xoʻjaligi vazirligi (Sh. Xamrayev) Iqtisodiyot va moliya vazirligi (I. Norqulov), Qurilish va uy-joy kommunal xoʻjaligi vazirligi (B. Zakirov) hamda Qashqadaryo viloyati hokimligi (M. Azimov) bilan birgalikda:
nasos stansiyalari orqali chiqarilayotgan suv erga singib ketishining oldini olish va elektr energiyasi resurslaridan samarali foydalanish maqsadida nasos stansiyalariga biriktirilgan kanallarning texnik nosoz qismlarini betonlashtirish;
Qashqadaryo viloyatida pilot loyihasi sifatida Qamashi va Koson tumanlaridagi nasos stansiyalariga biriktirilgan MK-2, Zafarobod va Qoʻngʻirtogʻ kanallarining 26 km qismini betonlashtirish uchun Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida 2024-yilda loyiha-smeta hujjatlarini ishlab chiqish va 2025-yildan boshlab qurilish ishlarini amalga oshirish choralarini koʻrsin.
5. Tashqi ishlar vazirligi (B. Saidov) Loyihani amalga oshirishda ishtirok etadigan xorijiy va mahalliy mutaxassislarning Turkmanistonga kirish vizalarini rasmiylashtirish boʻyicha Suv xoʻjaligi vazirligining murojaati Turkmaniston tarafiga belgilangan tartibda yetkazilishida koʻmaklashsin.
6. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar kiritilsin.
7. Mazkur qarorning ijrosini samarali tashkil qilishga masʼul va shaxsiy javobgar etib suv xoʻjaligi vaziri Sh.R. Xamrayev belgilansin.
Qaror ijrosi uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidentining 2023-yil 30-noyabrdagi PQ-382-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2017-yil 19-maydagi “Qarshi nasos stansiyalari kaskadini kapital-qayta tiklash (III faza)” loyihasini amalga oshirishda birinchi navbatdagi chora-tadbirlar toʻgʻrisida”gi PQ-2977-son qarori 1-bandining “v” kichik bandidagi “2023” raqami “2025” raqami bilan almashtirilsin.
2. Oʻzbekiston Respublikasi Prezidentining 2019-yil 9-fevraldagi “Qarshi nasos stansiyalari kaskadini kapital-qayta tiklash (III faza)” loyihasini amalga oshirishga oid qoʻshimcha chora-tadbirlar toʻgʻrisida”gi PQ-4170-son qarorida :
2-bandning birinchi xatboshisidagi “Oʻzbekiston Respublikasi Suv xoʻjaligi vazirligi huzuridagi Suv xoʻjaligi sohasidagi loyihalarni amalga oshirish agentligi” va “Moliya vazirligi” soʻzlari tegishincha “Oʻzbekiston Respublikasi Suv xoʻjaligi vazirligi huzuridagi Suv xoʻjaligida xorijiy investitsiya loyihalarini amalga oshirish markazi” va “Iqtisodiyot va moliya vazirligi” soʻzlari bilan almashtirilsin;
3-bandning birinchi xatboshisidagi “Moliya vazirligiga” soʻzlari “Iqtisodiyot va moliya vazirligiga” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 30-noyabr,
PQ-382-son
Президента Республики Узбекистан
Постановление
О дополнительных мерах по реализации проекта «Капитально-восстановительный ремонт Каршинского каскада насосных станций (Фаза III)» с участием Саудовского фонда развития и Фонда реконструкции и развития Республики Узбекистан
В целях гарантированного обеспечения водой орошаемых земель Кашкадарьинской области путем модернизации объектов водного хозяйства и эффективного управления водными ресурсами, оптимизации потребления электроэнергии, а также дальнейшего повышения эффективности проекта «Капитально-восстановительный ремонт Каршинского каскада насосных станций (Фаза III)»:
1. Принять к сведению, что в рамках реализации проекта «Капитально-восстановительный ремонт Каршинского каскада насосных станций (Фаза III)» (далее — Проект) проводятся работы стоимостью 70,7 млн долларов США, по результатам проведенного тендера сэкономлено в общей сложности 34,6 млн долларов США, из них 19,82 млн долларов США — заемные средства Саудовского фонда развития, 14,78 млн долларов США — кредиты Фонда реконструкции и развития.
2. Одобрить предложение Министерства водного хозяйства, Министерства инвестиций, промышленности и торговли, Министерства экономики и финансов, а также хокимията Кашкадарьинской области о модернизации дополнительно 9 насосных агрегатов, закупке 7 марок специальной техники и 4 земснарядов за счет 34,6 млн долларов США, сэкономленных в рамках Проекта.
3. Министерству водного хозяйства (Ш. Хамраев) в срок до 1 апреля 2024 года внести в Кабинет Министров проект соответствующего постановления о внесении изменений в технико-экономическое обоснование Проекта.
4. Министерству водного хозяйства (Ш. Хамраев) совместно с Министерством экономики и финансов (И. Норкулов), Министерством строительства и жилищно-коммунального хозяйства (Б. Закиров) и хокимиятом Кашкадарьинской области (М. Азимов) принять меры по:
бетонированию технически неисправных частей каналов, прикрепленных к насосным станциям, в целях предупреждения потерь в грунте русла каналов воды, перекачиваемой насосными станциями, а также эффективной эксплуатации ресурсов электроэнергии;
разработке в 2024 году проектно-сметной документации и выполнению с 2025 года строительных работ по бетонированию части, составляющей 26 километров, каналов МК-2, Зафаробод и Кунгиртог, прикрепленных к насосным станциям Камашинского и Касанского районов, в рамках Программы развития социальной и производственной инфраструктуры Республики Узбекистан в качестве пилотного проекта в Кашкадарьинской области.
5. Министерству иностранных дел (Б. Саидов) оказать содействие в доведении в установленном порядке до Туркменской стороны обращения Министерства водного хозяйства по оформлению въездных виз в Туркменистан для зарубежных и отечественных специалистов, принимающих участие в реализации Проекта.
6. Внести изменения в некоторые постановления Президента Республики Узбекистан согласно приложению .
7. Возложить на министра водного хозяйства Ш.Р. Хамраева персональную ответственность за эффективную организацию исполнения настоящего постановления.
Осуществление координации и контроля за деятельностью организаций, ответственных за исполнение настоящего постановления, возложить на заместителя Премьер-министра Республики Узбекистан Ж.А. Ходжаева.
ПРИЛОЖЕНИЕ к постановлению Президента Республики Узбекистан от 30 ноября 2023 года № ПП-382
Изменения, вносимые в некоторые постановления Президента Республики Узбекистан
1. В подпункте «в» пункта 1 постановления Президента Республики Узбекистан от 19 мая 2017 года № ПП-2977 «О первоочередных мерах по реализации проекта «Капитально-восстановительный ремонт Каршинского каскада насосных станций (Фаза III)» цифру «2023» заменить цифрой «2025».
2. В постановлении Президента Республики Узбекистан от 9 февраля 2019 года № ПП-4170 «О дополнительных мерах по реализации проекта «Капитально-восстановительный ремонт Каршинского каскада насосных станций (Фаза III)»:
В абзаце первом пункта 2 слова «Агентству по реализации проектов в сфере водного хозяйства при Министерстве водного хозяйства Республики Узбекистан» и «Министерством финансов» заменить словами «Центру реализации зарубежных инвестиционных проектов в водном хозяйстве при Министерстве водного хозяйства Республики Узбекистан» и «Министерством экономики и финансов» соответственно;
в абзаце первом пункта 3 слова «Министерство финансов» заменить словами «Министерство экономики и финансов».
Президент Республики Узбекистан Ш. МИРЗИЁЕВ
г. Ташкент,
30 ноября 2023 г.,
№ ПП-382