UzbekAI

Ўзбекистон Республикаси Президентининг

Қарори

РЎЙХАТИ

Электр энергиясини ишлаб чиқариш манбаларини диверсификациялаш, аҳоли ва иқтисодиёт тармоқларининг энергия ресурсларига ортиб бораётган эҳтиёжини таъминлаш, электр энергиясини ишлаб чиқаришда табиий газдан фойдаланишни камайтириш ҳамда қайта тикланувчи энергия манбаларидан фойдаланиш кўламини кенгайтириш учун тўғридан-тўғри хорижий инвестицияларни кенг жалб қилиш мақсадида:

1. Халқаро молия корпорациясининг молиявий ва техник кўмагида Ўзбекистон Республикасининг «Давлат-хусусий шериклик тўғрисида»ги Қонуни асосида «Бухоро вилоятида қуввати 250 МВт бўлган қуёш фотоэлектр станциясини ҳамда 63 МВт бўлган электр энергиясини сақлаш тизимини давлат-хусусий шериклик шартлари асосида қуриш ва бошқариш» лойиҳасини (кейинги ўринларда — Лойиҳа) молиялаштириш, лойиҳалаштириш, қуриш, ишга тушириш ва синовдан ўтказиш, унга эгалик қилиш, техник хизмат кўрсатиш ва ундан фойдаланиш, ишлаб чиқарилган электр энергиясини етказиб бериш (сотиш), шунингдек, қуёш фотоэлектр станциясини ягона электр энергетика тизимига улаш учун қуриладиган ҳаво электр узатиш тармоқлари ва бошқа электр иншоотларини барпо этиш бўйича халқаро тендер натижаларига кўра:

а) «Abu Dhabi Future Energy Company PJSC — Masdar» (БАА) компанияси тендер ғолиби (кейинги ўринларда — Тендер ғолиби) деб топилганлиги;

б) Тендер ғолиби томонидан Лойиҳани амалга ошириш учун хусусий шерик сифатида Ўзбекистон Республикасида «Nur Bukhara Solar PV» МЧЖ ХК (кейинги ўринларда — Хусусий шерик) таъсис этилганлиги;

в) Ўзбекистон Республикаси Ҳукумати номидан Иқтисодиёт ва молия вазирлиги ҳамда Тендер ғолиби номидан Хусусий шерик ўртасида 2023 йил 3 апрелда Давлат томонидан қўллаб-қувватлаш тўғрисидаги битим тузилганлиги ҳамда унга мувофиқ:

Лойиҳани амалга оширишнинг бутун даври мобайнида Бухоро вилоятида қуввати 250 МВт бўлган қуёш фотоэлектр станциясини ҳамда 63 МВт бўлган электр энергиясини сақлаш тизимини Хусусий шерик лойиҳалаштириши, молиялаштириши, қуриши ва эксплуатация қилиши;

юзага келиши мумкин бўлган хавф-хатарларни ўз зиммасига олган ҳолда, дастлабки баҳолаш бўйича жами 273 млн АҚШ доллари миқдорида тўғридан-тўғри хорижий инвестицияларни жалб этиши;

г) «Ўзбекистон миллий электр тармоқлари» АЖ (кейинги ўринларда — Давлат шериги) ва Хусусий шерик ўртасида 2023 йил 3 апрелда Электр энергиясини сотиб олиш тўғрисида битим имзоланганлиги ҳамда унга мувофиқ:

Хусусий шерик ишлаб чиқарилган электр энергиясини ва электр энергиясини сақлаш тизимидаги қувватни Давлат шеригига кафолатланган тарзда сотиш мажбуриятини олиши;

Хусусий шерик қурилиш давридаги ўз мажбуриятлари лозим даражада бажарилишининг таъминоти сифатида 50 млн АҚШ доллари миқдорида биринчи даражали хорижий банк кафолатини тақдим этиши;

Хусусий шерик Лойиҳа доирасида қуёш фотоэлектр станциясини ягона электр энергияси тармоғига улаш учун қуриладиган ҳаво электр узатиш тармоқларини қуриш ҳамда ишга туширилгандан сўнг уларни Давлат шеригига топшириш мажбуриятини ўз зиммасига олиши;

Давлат шериги 25 йил давомида электр энергиясини кафолатланган тарзда харид қилиш мажбуриятини олиши, электр энергияси ва электр энергиясини сақлаш тизимидан фойдаланганлик учун тўловни миллий валютада амалга ошириши маълумот учун қабул қилинсин.

2. Қуйидагилар:

Ўзбекистон Республикаси Ҳукумати номидан Иқтисодиёт ва молия вазирлиги ва Тендер ғолиби номидан Хусусий шерик ўртасида имзоланган Давлат томонидан қўллаб-қувватлаш тўғрисидаги битим тасдиқлансин;

Давлат шериги ва Хусусий шерик ўртасида тузилган Электр энергиясини сотиб олиш тўғрисидаги битим тасдиқлансин.

3. Давлат томонидан қўллаб-қувватлаш тўғрисидаги битим ва Электр энергиясини сотиб олиш тўғрисидаги битим доирасида ишлаб чиқарилган 1 киловатт/соат электр энергияси учун хорижий валютада деноминацияланган 3,044 АҚШ центи ҳамда электр энергиясини сақлаш тизимидаги фойдаланишга тайёр ҳар бир мегаваттга (соатига) 16,55563 АҚШ доллари миқдорида тариф ўрнатилганлиги белгилаб қўйилсин ҳамда Давлат томонидан қўллаб-қувватлаш тўғрисидаги ва Электр энергиясини сотиб олиш тўғрисидаги битимларда кўрсатилган шартларга кўра тўлов нархларининг АҚШ долларига боғланишига рухсат берилсин.

4. Иқтисодиёт ва молия вазирлиги, Энергетика вазирлиги ҳамда Давлат шеригига Хусусий шерик томонидан Лойиҳани амалга ошириш доирасида имзоланган битимлар бўйича мажбуриятлар бажарилмаган тақдирда, Хусусий шерик ва Тендер ғолиби ҳуқуқини Лойиҳани молиялаштиришда иштирок этадиган бошқа кредиторларга тўғридан-тўғри ўтказиш юзасидан битимлар тузиш ҳуқуқи берилсин.

5. Давлат шеригига:

Хусусий шерик билан биргаликда Электр энергиясини сотиб олиш тўғрисидаги битимда белгиланган тартиб-таомилларга мувофиқ Лойиҳани амалга ошириш учун халқаро мустақил инжиниринг компаниясини ва бошқа маслаҳатчиларни тўғридан-тўғри шартномалар тузган ҳолда жалб қилишга;

Хусусий шерик томонидан ишлаб чиқариладиган электр энергиясини уч ой мобайнида сотиб олиш мажбурияти бажарилишининг таъминоти сифатида Хусусий шерик фойдасига чет эл банкининг чет эл валютасида тасдиқланган ва тикланадиган аккредитивини очишга рухсат берилсин.

6. Лойиҳани амалга ошириш доирасида Хусусий шерикка, барча солиқлар ва йиғимлар тўланган ҳолда, Лойиҳани молиялаштириш доирасида қуйидаги ҳуқуқлар берилсин:

чет эл валютасида маблағлар олиш ва улардан фойдаланиш (шу жумладан, чет эл валютасида кредит тушумлари) учун чет элдаги хорижий банкларда банк ҳисобварақларини очиш;

Ўзбекистон Республикасидан ташқарида бўлган хорижий пудрат ташкилотлари, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга ошириш.

7. Лойиҳа доирасида қуёш фотоэлектр панелларини ўрнатиш билан боғлиқ қурилиш ва ер ишларини бажариш, бино ва иншоотлар пойдеворларини лойиҳалаштириш нормалари ва қоидалари Электр энергиясини сотиб олиш тўғрисидаги битимга мувофиқ халқаро стандартлар билан тартибга солиниши белгилаб қўйилсин.

8. Энергетика вазирлиги, Қишлоқ хўжалиги вазирлиги, Сув хўжалиги вазирлиги, Иқтисодиёт ва молия вазирлиги, Бухоро вилояти ҳокимлигининг Лойиҳани амалга ошириш учун ажратиладиган Бухоро вилояти ҳудудидаги иловага мувофиқ жами 648,56 гектар ер участкасини қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказиш тўғрисидаги таклифига розилик берилсин.

Ипакчилик ва жун саноатини ривожлантириш қўмитаси Бухоро вилояти ҳокимлиги билан биргаликда ўн кун муддатда мазкур ер участкасини туман ҳокимлиги захирасига қайтарсин.

9. Бухоро вилояти ҳокимлиги бир ой муддатда Давлат томонидан қўллаб-қувватлаш тўғрисидаги ва Электр энергиясини сотиб олиш тўғрисидаги битимларда кўрсатилган шартларга мос келадиган, аҳоли ва иқтисодиёт тармоқларининг энергия ресурсларига ортиб бораётган эҳтиёжини таъминлаш мақсадида қуёш фотоэлектр станцияси, электр энергиясини сақлаш тизими ҳамда уларнинг фаолиятини таъминлашга хизмат қилувчи ҳаво электр узатиш тармоқлари учун зарур бўлган ер участкалари Энергетика вазирлигига доимий фойдаланиш ҳуқуқи билан ажратилишини таъминласин.

Бунда:

а) Энергетика вазирлиги мазкур бандга асосан ўзига берилган тегишли ер участкаси:

қуёш фотоэлектр станциясини қуриш учун Лойиҳани амалга ошириш муддатига тенг даврга Хусусий шерикка;

электр энергиясини сақлаш тизимини қуриш учун Электр энергиясини сотиб олиш тўғрисидаги битимда кўрсатиб ўтилган муддатга Хусусий шерикка;

ҳаво электр узатиш тармоқларини қуриш учун Давлат шеригига ижарага берилишини таъминласин;

б) Лойиҳани амалга ошириш доирасида:

мазкур қарорга мувофиқ қишлоқ хўжалигига мўлжалланган ерлар тоифаси ўзгартирилиши муносабати билан қишлоқ хўжалиги ва ўрмон хўжалиги ишлаб чиқариши нобудгарчилиги ўрнини қоплаш бўйича компенсация тўловлари ундирилмайди;

Хусусий шерик томонидан ер участкалари учун тўланадиган ижара тўлови миқдори ер солиғи миқдорига тенглаштирилади.

10. Хусусий шерикнинг буюртманомасига биноан:

Ташқи ишлар вазирлиги — Лойиҳани амалга ошириш доирасида жалб қилинадиган хорижий мутахассислар учун кириш визалари, зарур ҳолларда, Ислом Каримов номидаги «Тошкент» халқаро аэропортида белгиланган тартибда расмийлаштирилишини;

Ички ишлар вазирлиги — Хусусий шерик ва Лойиҳа доирасида жалб қилинадиган пудрат ташкилотларининг хорижий мутахассислари ҳамда уларнинг оила аъзоларига кўп марталик виза муддатлари узайтирилишини, шунингдек, турган жойи бўйича рўйхатдан ўтказилиши ва унинг муддати узайтирилишини;

Камбағалликни қисқартириш ва бандлик вазирлиги — Лойиҳани амалга ошириш доирасида жалб этиладиган хорижий мутахассисларга (Ўзбекистон Республикаси фуқаролари орасида бундай мутахассислар бўлмаган тақдирда) Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.

11. Иқтисодиёт ва молия вазирлиги Энергетика вазирлиги билан биргаликда Лойиҳа амалга оширилиши, шунингдек, томонларнинг Давлат томонидан қўллаб-қувватлаш тўғрисидаги ва Электр энергиясини сотиб олиш тўғрисидаги битимлар доирасидаги мажбуриятлари бажарилиши устидан доимий назорат ўрнатсин.

12. Адлия вазирлиги Лойиҳани амалга ошириш доирасида Давлат томонидан қўллаб-қувватлаш тўғрисидаги битим ҳамда унинг қоидаларига мувофиқ имзоланган битимлар юзасидан юридик хулосалар берсин.

13. Кадастр агентлиги Қишлоқ хўжалиги вазирлиги билан биргаликда мазкур қарорнинг иловасига асосан Ер ресурсларининг ҳолати тўғрисидаги миллий ҳисоботга тегишли ўзгартиришлар киритсин.

14. Экология, атроф-муҳитни муҳофаза қилиш ва иқлим ўзгариши вазирлиги Лойиҳа ҳужжатлари белгиланган тартибда экологик экспертизадан ўтказилишини ва Лойиҳани амалга оширишда табиатни муҳофаза қилишга оид қонунчилик ҳужжатларига риоя этилишини таъминласин.

15. Мазкур қарорнинг ижросини самарали ташкил қилишга масъул ва шахсий жавобгар этиб энергетика вазири Ж.Т. Мирзамаҳмудов белгилансин.

Қарор ижроси учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президентининг 2023 йил 30 ноябрдаги ПҚ-383-сон қарорига ИЛОВА

«Бухоро вилоятида қуввати 250 МВт бўлган қуёш фотоэлектр станциясини ҳамда 63 МВт бўлган электр энергиясини сақлаш тизимини давлат-хусусий шериклик шартлари асосида қуриш ва бошқариш» лойиҳаси ни амалга ошириш доирасида қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказилаётган ер участкалари

Ҳудуд номи Ердан фойдаланувчи номи Контур рақами Жами ер участкаси (гектар) Шундан, яйлов ва пичанзорлар (гектар) Олот тумани, Қирлишон массиви Ипакчилик ва жун саноатини ривожлантириш қўмитаси 9141қ 645,91 645,91 Олот тумани, Қирлишон массиви Ипакчилик ва жун саноатини ривожлантириш қўмитаси 9141қ 2,65 2,65 Жами 648,56 648,56

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 30 ноябрь,

ПҚ-383-сон

(Қонунчилик маълумотлари миллий базаси, 04.12.2023 й., 07/23/383/0918-сон; 10.06.2026 й., 06/26/109/0580-сон)

lex.uz

Oʻzbekiston Respublikasi Prezidentining

Qarori

ROʻYXATI

Elektr energiyasini ishlab chiqarish manbalarini diversifikatsiyalash, aholi va iqtisodiyot tarmoqlarining energiya resurslariga ortib borayotgan ehtiyojini taʼminlash, elektr energiyasini ishlab chiqarishda tabiiy gazdan foydalanishni kamaytirish hamda qayta tiklanuvchi energiya manbalaridan foydalanish koʻlamini kengaytirish uchun toʻgʻridan-toʻgʻri xorijiy investitsiyalarni keng jalb qilish maqsadida:

1. Xalqaro moliya korporatsiyasining moliyaviy va texnik koʻmagida Oʻzbekiston Respublikasining “Davlat-xususiy sheriklik toʻgʻrisida”gi Qonuni asosida “Buxoro viloyatida quvvati 250 MVt boʻlgan quyosh fotoelektr stansiyasini hamda 63 MVt boʻlgan elektr energiyasini saqlash tizimini davlat-xususiy sheriklik shartlari asosida qurish va boshqarish” loyihasini (keyingi oʻrinlarda — Loyiha) moliyalashtirish, loyihalashtirish, qurish, ishga tushirish va sinovdan oʻtkazish, unga egalik qilish, texnik xizmat koʻrsatish va undan foydalanish, ishlab chiqarilgan elektr energiyasini yetkazib berish (sotish), shuningdek, quyosh fotoelektr stansiyasini yagona elektr energetika tizimiga ulash uchun quriladigan havo elektr uzatish tarmoqlari va boshqa elektr inshootlarini barpo etish boʻyicha xalqaro tender natijalariga koʻra:

a) “Abu Dhabi Future Energy Company PJSC — Masdar” (BAA) kompaniyasi tender gʻolibi (keyingi oʻrinlarda — Tender gʻolibi) deb topilganligi;

b) Tender gʻolibi tomonidan Loyihani amalga oshirish uchun xususiy sherik sifatida Oʻzbekiston Respublikasida “Nur Bukhara Solar PV” MCHJ XK (keyingi oʻrinlarda — Xususiy sherik) taʼsis etilganligi;

v) Oʻzbekiston Respublikasi Hukumati nomidan Iqtisodiyot va moliya vazirligi hamda Tender gʻolibi nomidan Xususiy sherik oʻrtasida 2023-yil 3-aprelda Davlat tomonidan qoʻllab-quvvatlash toʻgʻrisidagi bitim tuzilganligi hamda unga muvofiq:

Loyihani amalga oshirishning butun davri mobaynida Buxoro viloyatida quvvati 250 MVt boʻlgan quyosh fotoelektr stansiyasini hamda 63 MVt boʻlgan elektr energiyasini saqlash tizimini Xususiy sherik loyihalashtirishi, moliyalashtirishi, qurishi va ekspluatatsiya qilishi;

yuzaga kelishi mumkin boʻlgan xavf-xatarlarni oʻz zimmasiga olgan holda, dastlabki baholash boʻyicha jami 273 mln AQSH dollari miqdorida toʻgʻridan-toʻgʻri xorijiy investitsiyalarni jalb etishi;

g) “Oʻzbekiston milliy elektr tarmoqlari” AJ (keyingi oʻrinlarda — Davlat sherigi) va Xususiy sherik oʻrtasida 2023-yil 3-aprelda Elektr energiyasini sotib olish toʻgʻrisida bitim imzolanganligi hamda unga muvofiq:

Xususiy sherik ishlab chiqarilgan elektr energiyasini va elektr energiyasini saqlash tizimidagi quvvatni Davlat sherigiga kafolatlangan tarzda sotish majburiyatini olishi;

Xususiy sherik qurilish davridagi oʻz majburiyatlari lozim darajada bajarilishining taʼminoti sifatida 50 mln AQSH dollari miqdorida birinchi darajali xorijiy bank kafolatini taqdim etishi;

Xususiy sherik Loyiha doirasida quyosh fotoelektr stansiyasini yagona elektr energiyasi tarmogʻiga ulash uchun quriladigan havo elektr uzatish tarmoqlarini qurish hamda ishga tushirilgandan soʻng ularni Davlat sherigiga topshirish majburiyatini oʻz zimmasiga olishi;

Davlat sherigi 25 yil davomida elektr energiyasini kafolatlangan tarzda xarid qilish majburiyatini olishi, elektr energiyasi va elektr energiyasini saqlash tizimidan foydalanganlik uchun toʻlovni milliy valyutada amalga oshirishi maʼlumot uchun qabul qilinsin.

2. Quyidagilar:

Oʻzbekiston Respublikasi Hukumati nomidan Iqtisodiyot va moliya vazirligi va Tender gʻolibi nomidan Xususiy sherik oʻrtasida imzolangan Davlat tomonidan qoʻllab-quvvatlash toʻgʻrisidagi bitim tasdiqlansin;

Davlat sherigi va Xususiy sherik oʻrtasida tuzilgan Elektr energiyasini sotib olish toʻgʻrisidagi bitim tasdiqlansin.

3. Davlat tomonidan qoʻllab-quvvatlash toʻgʻrisidagi bitim va Elektr energiyasini sotib olish toʻgʻrisidagi bitim doirasida ishlab chiqarilgan 1 kilovatt/soat elektr energiyasi uchun xorijiy valyutada denominatsiyalangan 3,044 AQSH senti hamda elektr energiyasini saqlash tizimidagi foydalanishga tayyor har bir megavattga (soatiga) 16,55563 AQSH dollari miqdorida tarif oʻrnatilganligi belgilab qoʻyilsin hamda Davlat tomonidan qoʻllab-quvvatlash toʻgʻrisidagi va Elektr energiyasini sotib olish toʻgʻrisidagi bitimlarda koʻrsatilgan shartlarga koʻra toʻlov narxlarining AQSH dollariga bogʻlanishiga ruxsat berilsin.

4. Iqtisodiyot va moliya vazirligi, Energetika vazirligi hamda Davlat sherigiga Xususiy sherik tomonidan Loyihani amalga oshirish doirasida imzolangan bitimlar boʻyicha majburiyatlar bajarilmagan taqdirda, Xususiy sherik va Tender gʻolibi huquqini Loyihani moliyalashtirishda ishtirok etadigan boshqa kreditorlarga toʻgʻridan-toʻgʻri oʻtkazish yuzasidan bitimlar tuzish huquqi berilsin.

5. Davlat sherigiga:

Xususiy sherik bilan birgalikda Elektr energiyasini sotib olish toʻgʻrisidagi bitimda belgilangan tartib-taomillarga muvofiq Loyihani amalga oshirish uchun xalqaro mustaqil injiniring kompaniyasini va boshqa maslahatchilarni toʻgʻridan-toʻgʻri shartnomalar tuzgan holda jalb qilishga;

Xususiy sherik tomonidan ishlab chiqariladigan elektr energiyasini uch oy mobaynida sotib olish majburiyati bajarilishining taʼminoti sifatida Xususiy sherik foydasiga chet el bankining chet el valyutasida tasdiqlangan va tiklanadigan akkreditivini ochishga ruxsat berilsin.

6. Loyihani amalga oshirish doirasida Xususiy sherikka, barcha soliqlar va yigʻimlar toʻlangan holda, Loyihani moliyalashtirish doirasida quyidagi huquqlar berilsin:

chet el valyutasida mablagʻlar olish va ulardan foydalanish (shu jumladan, chet el valyutasida kredit tushumlari) uchun chet eldagi xorijiy banklarda bank hisobvaraqlarini ochish;

Oʻzbekiston Respublikasidan tashqarida boʻlgan xorijiy pudrat tashkilotlari, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirish.

7. Loyiha doirasida quyosh fotoelektr panellarini oʻrnatish bilan bogʻliq qurilish va yer ishlarini bajarish, bino va inshootlar poydevorlarini loyihalashtirish normalari va qoidalari Elektr energiyasini sotib olish toʻgʻrisidagi bitimga muvofiq xalqaro standartlar bilan tartibga solinishi belgilab qoʻyilsin.

8. Energetika vazirligi, Qishloq xoʻjaligi vazirligi, Suv xoʻjaligi vazirligi, Iqtisodiyot va moliya vazirligi, Buxoro viloyati hokimligining Loyihani amalga oshirish uchun ajratiladigan Buxoro viloyati hududidagi ilovaga muvofiq jami 648,56 gektar yer uchastkasini qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazish toʻgʻrisidagi taklifiga rozilik berilsin.

Ipakchilik va jun sanoatini rivojlantirish qoʻmitasi Buxoro viloyati hokimligi bilan birgalikda oʻn kun muddatda mazkur yer uchastkasini tuman hokimligi zaxirasiga qaytarsin.

9. Buxoro viloyati hokimligi bir oy muddatda Davlat tomonidan qoʻllab-quvvatlash toʻgʻrisidagi va Elektr energiyasini sotib olish toʻgʻrisidagi bitimlarda koʻrsatilgan shartlarga mos keladigan, aholi va iqtisodiyot tarmoqlarining energiya resurslariga ortib borayotgan ehtiyojini taʼminlash maqsadida quyosh fotoelektr stansiyasi, elektr energiyasini saqlash tizimi hamda ularning faoliyatini taʼminlashga xizmat qiluvchi havo elektr uzatish tarmoqlari uchun zarur boʻlgan yer uchastkalari Energetika vazirligiga doimiy foydalanish huquqi bilan ajratilishini taʼminlasin.

Bunda:

a) Energetika vazirligi mazkur bandga asosan oʻziga berilgan tegishli yer uchastkasi:

quyosh fotoelektr stansiyasini qurish uchun Loyihani amalga oshirish muddatiga teng davrga Xususiy sherikka;

elektr energiyasini saqlash tizimini qurish uchun Elektr energiyasini sotib olish toʻgʻrisidagi bitimda koʻrsatib oʻtilgan muddatga Xususiy sherikka;

havo elektr uzatish tarmoqlarini qurish uchun Davlat sherigiga ijaraga berilishini taʼminlasin;

b) Loyihani amalga oshirish doirasida:

mazkur qarorga muvofiq qishloq xoʻjaligiga moʻljallangan yerlar toifasi oʻzgartirilishi munosabati bilan qishloq xoʻjaligi va oʻrmon xoʻjaligi ishlab chiqarishi nobudgarchiligi oʻrnini qoplash boʻyicha kompensatsiya toʻlovlari undirilmaydi;

Xususiy sherik tomonidan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtiriladi.

10. Xususiy sherikning buyurtmanomasiga binoan:

Tashqi ishlar vazirligi — Loyihani amalga oshirish doirasida jalb qilinadigan xorijiy mutaxassislar uchun kirish vizalari, zarur hollarda, Islom Karimov nomidagi “Toshkent” xalqaro aeroportida belgilangan tartibda rasmiylashtirilishini;

Ichki ishlar vazirligi — Xususiy sherik va Loyiha doirasida jalb qilinadigan pudrat tashkilotlarining xorijiy mutaxassislari hamda ularning oila aʼzolariga koʻp martalik viza muddatlari uzaytirilishini, shuningdek, turgan joyi boʻyicha roʻyxatdan oʻtkazilishi va uning muddati uzaytirilishini;

Kambagʻallikni qisqartirish va bandlik vazirligi — Loyihani amalga oshirish doirasida jalb etiladigan xorijiy mutaxassislarga (Oʻzbekiston Respublikasi fuqarolari orasida bunday mutaxassislar boʻlmagan taqdirda) Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.

11. Iqtisodiyot va moliya vazirligi Energetika vazirligi bilan birgalikda Loyiha amalga oshirilishi, shuningdek, tomonlarning Davlat tomonidan qoʻllab-quvvatlash toʻgʻrisidagi va Elektr energiyasini sotib olish toʻgʻrisidagi bitimlar doirasidagi majburiyatlari bajarilishi ustidan doimiy nazorat oʻrnatsin.

12. Adliya vazirligi Loyihani amalga oshirish doirasida Davlat tomonidan qoʻllab-quvvatlash toʻgʻrisidagi bitim hamda uning qoidalariga muvofiq imzolangan bitimlar yuzasidan yuridik xulosalar bersin.

13. Kadastr agentligi Qishloq xoʻjaligi vazirligi bilan birgalikda mazkur qarorning ilovasiga asosan Yer resurslarining holati toʻgʻrisidagi milliy hisobotga tegishli oʻzgartirishlar kiritsin.

14. Ekologiya, atrof-muhitni muhofaza qilish va iqlim oʻzgarishi vazirligi Loyiha hujjatlari belgilangan tartibda ekologik ekspertizadan oʻtkazilishini va Loyihani amalga oshirishda tabiatni muhofaza qilishga oid qonunchilik hujjatlariga rioya etilishini taʼminlasin.

15. Mazkur qarorning ijrosini samarali tashkil qilishga masʼul va shaxsiy javobgar etib energetika vaziri J.T. Mirzamahmudov belgilansin.

Qaror ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2023-yil 30-noyabrdagi PQ-383-son qaroriga ILOVA

“Buxoro viloyatida quvvati 250 MVt boʻlgan quyosh fotoelektr stansiyasini hamda 63 MVt boʻlgan elektr energiyasini saqlash tizimini davlat-xususiy sheriklik shartlari asosida qurish va boshqarish” loyihasi ni amalga oshirish doirasida qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazilayotgan yer uchastkalari

Hudud nomi Yerdan foydalanuvchi nomi Kontur raqami Jami yer uchastkasi (gektar) Shundan, yaylov va pichanzorlar (gektar) Olot tumani, Qirlishon massivi Ipakchilik va jun sanoatini rivojlantirish qoʻmitasi 9141q 645,91 645,91 Olot tumani, Qirlishon massivi Ipakchilik va jun sanoatini rivojlantirish qoʻmitasi 9141q 2,65 2,65 Jami 648,56 648,56

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 30-noyabr,

PQ-383-son

(Qonunchilik maʼlumotlari milliy bazasi, 04.12.2023-y., 07/23/383/0918-son; 10.06.2026-y., 06/26/109/0580-son)

lex.uz

Президента Республики Узбекистан

Постановление

ПЕРЕЧЕНЬ

О мерах по реализации проекта «Строительство и управление солнечной фотоэлектрической станцией мощностью 250 МВт и системой накопления электрической энергии мощностью 63 МВт в Бухарской области на основе условий государственно-частного партнерства»

В целях диверсификации источников производства электроэнергии, удовлетворения возрастающих потребностей населения и отраслей экономики в энергоресурсах, сокращения использования природного газа при выработке электроэнергии, а также широкого привлечения прямых иностранных инвестиций для расширения масштаба эксплуатации источников возобновляемой энергии:

1. Принять к сведению, что по результатам международного тендера на финансирование, проектирование, строительство, запуск и испытание проекта «Строительство и управление солнечной фотоэлектрической станцией мощностью 250 МВт и системой накопления электрической энергии мощностью 63 МВт в Бухарской области на основе условий государственно-частного партнерства» (далее — Проект) в соответствии с Законом Республики Узбекистан «О государственно-частном партнерстве» при финансовой и технической поддержке Международной финансовой корпорации, а также владение, техническое обслуживание и эксплуатацию, поставку (реализацию) произведенной электроэнергии, строительство воздушных линий электропередач и иных электросооружений для присоединения солнечной фотоэлектрической станции к единой системе электроэнергетики:

а) компания «Abu Dhabi Future Company PJSC — Masdar» (ОАЭ) признана победителем тендера (далее — Победитель тендера);

б) Победителем тендера для реализации Проекта в качестве частного партнера в Республике Узбекистан учреждено ИП ООО «Nur Bukhara Solar PV» (далее — Частный партнер);

в) между Правительством Республики Узбекистан в лице Министерства экономики и финансов и Частным партнером в лице Победителя тендера 3 апреля 2023 года заключено Соглашение о государственной поддержке, в соответствии с которым Частный партнер:

осуществляет проектирование, финансирование, строительство и эксплуатацию солнечной фотоэлектрической станции мощностью 250 МВт и системы накопления электрической энергии мощностью 63 МВт в Бухарской области на протяжении всего периода реализации Проекта;

привлекает прямые иностранные инвестиции в размере по предварительной оценке 273 млн долларов США с принятием на себя возможных рисков;

г) между АО «Национальные электрические сети Узбекистана» (далее — Государственный партнер) и Частным партнером 3 апреля 2023 года заключено Соглашение о закупке электроэнергии, в соответствии с которым Частный партнер принимает на себя обязательства по:

гарантированной реализации Государственному партнеру произведенной электрической энергии и мощностей системы накопления электрической энергии;

предоставлению банковской гарантии первоклассного иностранного банка в размере 50 млн долларов США в качестве обеспечения исполнения своих обязательств в период строительства на надлежащем уровне;

строительству воздушных линий электропередач для подключения солнечной фотоэлектростанции к единой электроэнергетической сети и передаче их Государственному партнеру после ввода в эксплуатацию — в рамках Проекта.

Государственный партнер принимает на себя обязательство гарантированной закупки электрической энергии и оплаты в национальной валюте за электрическую энергию и использование системы накопления электрической энергии в течение 25 лет.

2. Утвердить:

Соглашение о государственной поддержке, подписанное между Правительством Республики Узбекистан в лице Министерства экономики и финансов и Частным партнером в лице Победителя тендера;

Соглашение о закупке электрической энергии, заключенное между Государственным партнером и Частным партнером.

3. Установить деноминированные в иностранной валюте фиксированные тарифы в размере 3,044 цента США — за 1 киловатт/час электрической энергии, в размере 16,55563 доллара США — за каждый мегаватт (час) в состоянии готовности к использованию в системе накопления электрической энергии, выработанные в рамках Соглашения о государственной поддержке и Соглашения о закупке электрической энергии, в соответствии с условиями которых разрешить привязку ставок платежей к доллару США.

4. Предоставить Министерству экономики и финансов, Министерству энергетики и Государственному партнеру право на заключение соглашений о прямой передаче прав Частного партнера и Победителя тендера другим кредиторам, принимающим участие в финансировании Проекта, в случае неисполнения Частным партнером обязательств по соглашениям, подписанным в рамках реализации Проекта.

5. Разрешить Государственному партнеру:

привлечение совместно с Частным партнером международных независимых инжиниринговых компаний и иных консультантов к реализации Проекта путем заключения прямых договоров в соответствии с процедурами, определенными в Соглашении о закупке электрической энергии;

открытие подтвержденного в иностранной валюте, возобновляемого аккредитива иностранного банка в пользу Частного партнера в качестве обеспечения исполнения обязательств по закупке производимой Частным партнером электрической энергии в течение трех месяцев.

6. Предоставить Частному партнеру в рамках реализации Проекта после оплаты всех налогов и сборов в пределах финансирования Проекта следующие права:

открывать банковские счета в иностранных банках за рубежом для получения и использования денежных средств в иностранной валюте (включая кредитные поступления в иностранной валюте);

напрямую осуществлять платежи зарубежным подрядным организациям, поставщикам или иностранным кредиторам, находящимся за пределами Республики Узбекистан, без проведения таких платежей через банковские счета в Республике Узбекистан.

7. Установить, что в рамках Проекта нормы и правила выполнения строительных и земельных работ, связанных с установкой солнечных фотоэлектрических панелей, а также проектирования фундаментов зданий и сооружений регулируются международными стандартами в соответствии с Соглашением о закупке электрической энергии.

8. Согласиться с предложением Министерства энергетики, Министерства сельского хозяйства, Министерства водного хозяйства, Министерства экономики и финансов, а также хокимията Бухарской области о переводе в общей сложности 648,56 гектара земельных участков на территории Бухарской области, выделяемых под реализацию Проекта, из категории земель сельскохозяйственного назначения в категорию земель промышленности, транспорта, связи, обороны и иного назначения согласно приложению .

Комитету по развитию шелководства и шерстяной промышленности совместно с хокимиятом Бухарской области в десятидневный срок возвратить указанные земельные участки в состав земель запаса хокимиятов районов.

9. Хокимияту Бухарской области в целях удовлетворения возрастающих потребностей населения и отраслей экономики в энергоресурсах в месячный срок обеспечить выделение Министерству энергетики земельных участков, соответствующих условиям, указанным в Соглашении о государственной поддержке и Соглашении о закупке электрической энергии, необходимых для солнечной фотоэлектрической станции и системы накопления электрической энергии, а также воздушных линий электропередач, способствующих обеспечению их функционирования, с правом постоянного пользования.

При этом:

а) Министерству энергетики обеспечить предоставление в аренду земельных участков, переданных ему на основании настоящего пункта:

Частному партнеру — для строительства солнечной фотоэлектрической станции на период, равный сроку реализации Проекта;

Частному партнеру — для строительства системы накопления электрической энергии на срок, указанный в Соглашении о закупке электрической энергии;

Государственному партнеру — для строительства воздушных линий электропередач;

б) в рамках реализации Проекта:

компенсационные выплаты по возмещению потерь сельскохозяйственного и лесохозяйственного производства в связи с изменением в соответствии с настоящим постановлением категории земель сельскохозяйственного назначения не взимаются;

размер арендной платы, оплачиваемой Частным партнером за земельные участки, приравнивается к размеру земельного налога.

10. По заявкам Частного партнера обеспечивать:

Министерству иностранных дел — оформление в установленном порядке въездных виз зарубежным специалистам, привлекаемым в рамках реализации Проекта, при необходимости в международном аэропорту «Ташкент» имени Ислама Каримова;

Министерству внутренних дел — продление срока действия многоразовых виз, а также регистрацию и ее продление по месту пребывания зарубежным специалистам Частного партнера и подрядных организаций, привлекаемым в рамках Проекта, а также членам их семей;

Министерству занятости и сокращения бедности — выдачу (продление срока действия) в установленном порядке разрешений на право осуществления трудовой деятельности на территории Республики Узбекистан зарубежным специалистам (при отсутствии таких специалистов среди граждан Республики Узбекистан), привлекаемым в рамках реализации Проекта.

11. Министерству экономики и финансов совместно с Министерством энергетики установить постоянный контроль за реализацией Проекта, а также исполнением сторонами обязательств в рамках Соглашения о государственной поддержке и Соглашения о закупке электрической энергии.

12. Министерству юстиции выдать юридические заключения по Соглашению о государственной поддержке и соглашениям, подписанным в соответствии с положениями этого Соглашения, в рамках реализации Проекта.

13. Агентству по кадастру совместно с Министерством сельского хозяйства на основании приложения к настоящему постановлению внести соответствующие изменения в Национальный отчет о состоянии земельных ресурсов.

14. Министерству экологии, охраны окружающей среды и изменения климата обеспечить в установленном порядке проведение экологической экспертизы документации Проекта и соблюдение актов законодательства по охране природы при реализации Проекта.

15. Возложить на министра энергетики Ж.Т. Мирзамахмудова персональную ответственность за эффективную организацию исполнения настоящего постановления.

Осуществление координации и контроля за деятельностью ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.

ПРИЛОЖЕНИЕ к постановлению Президента Республики Узбекистан от 30 ноября 2023 года № ПП-383

земельных участков, переводимых из категории земель сельскохозяйственного назначения в категорию земель промышленности, транспорта, связи, обороны и иного назначения в рамках реализации проекта «Строительство и управление солнечной фотоэлектрической станцией мощностью 250 МВт и системой накопления электрической энергии мощностью 63 МВт в Бухарской области на основе условий государственно-частного партнерства»

Наименование территории Наименование землепользователя Номера контуров Общая площадь земельных участков (в гектарах) Из них Пастбища и сенокосы (в гектарах) Алатский район, массив Кирлишкон Комитет по развитию шелководства и шерстяной промышленности 9141к 645,91 645,91 Алатский район, массив Кирлишкон Комитет по развитию шелководства и шерстяной промышленности 9141к 2,65 2,65 Всего 648,56 648,56

Президент Республики Узбекистан Ш. МИРЗИЁЕВ

г. Ташкент,

30 ноября 2023 г.,

№ ПП-383

(Национальная база данных законодательства, 04.12.2023 г., № 07/23/383/0918; 10.06.2026 г., № 06/26/109/0580)

lex.uz