📅 2023-yil 7-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 7 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 декабря 2023 г. · Постановления Кабинета Министров
Официальный текст. Официальный документ. Редакционные примечания не включены.
📅 7 December 2023 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
КОЭФФИЦИЕНТ
Ўсимлик ва ҳайвонот дунёсини муҳофаза қилишга оид қонунчилик ҳужжатларига риоя этилмаганлиги учун ҳуқуқий таъсир чоралари кучайтирилиши муносабати билан Вазирлар Маҳкамасининг «Биологик ресурслардан фойдаланишни тартибга солиш ва табиатдан фойдаланиш соҳасида рухсат бериш тартиб-таомилларидан ўтиш тартиби тўғрисида» 2014 йил 20 октябрдаги 290-сон қарорига ўзгартиришлар киритиш тўғрисида
Сўнгги йилларда мамлакатимизда биохилма-хилликни сақлаш ва ундан фойдаланиш, Ўзбекистон Республикасининг Қизил китобига киритилган ўсимлик ва ҳайвонот дунёсининг, айниқса, камёб ва йўқолиб кетиш хавфи остида турган турларининг барқарор яшаш шароитларини таъминлаш ҳамда уларни сақлаб қолиш бўйича комплекс чора-тадбирлар амалга оширилмоқда.
Шу билан бирга, Ўзбекистон Республикасининг Қизил китобига ҳамда халқаро Қизил китобга киритилган ўсимлик ва ҳайвонот дунёсига ноқонуний муносабатда бўлиш оқибатида етказилган зарарни ундириш миқдорларини қайта кўриб чиқиш зарурати юзага келмоқда.
Ўзбекистон Республикаси Президентининг «Экология ва атроф-муҳитни муҳофаза қилиш соҳасини трансформация қилиш ва ваколатли давлат органи фаолиятини ташкил этиш чора-тадбирлари тўғрисида» 2023 йил 31 майдаги ПФ-81-сон Фармони ҳамда «Экология, атроф-муҳитни муҳофаза қилиш ва иқлим ўзгариши вазирлиги фаолиятини самарали ташкил этиш чора-тадбирлари тўғрисида» 2023 йил 31 майдаги ПҚ-171-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Экология ва атроф-муҳитни муҳофаза қилиш соҳасини трансформация қилиш ва ваколатли давлат органи фаолиятини ташкил этиш чора-тадбирлари тўғрисида» 2023 йил 31 майдаги ПФ-81-сон Фармонига мувофиқ Ўзбекистон Республикаси Қизил китобига киритилган ҳайвонларнинг ноқонуний овланиши оқибатида ҳайвонот дунёсига етказилган зарар учун ундириш суммаларини 10 бараварга ҳамда ўсимликларни ўсишдан тўхташ даражасигача шикастлантириш ёки йўқ қилиш билан уларга етказилган зарар учун ундириш суммаларини 5 бараварга ошириш белгиланганлиги маълумот учун қабул қилинсин.
2. Вазирлар Маҳкамасининг «Биологик ресурслардан фойдаланишни тартибга солиш ва табиатдан фойдаланиш соҳасида рухсат бериш тартиб-таомилларидан ўтиш тартиби тўғрисида» 2014 йил 20 октябрдаги 290-сон қарорига иловага мувофиқ қуйидагиларни назарда тутувчи ўзгартиришлар киритилсин:
Ўзбекистон Республикаси Қизил китобига киритилган ўсимликларга етказилган зарарни ундириш миқдорини ҳисоблаш учун коэффициентларни беш бараварга;
Ўзбекистон Республикаси Қизил китобига киритилган ҳайвонот дунёсидан фойдаланиш тартибининг бузилиши сабабли етказилган зарар ҳажмини ҳисоблаш учун тўловлар миқдорларини ўн бараварга ошириш.
3. Мазкур қарорнинг бажарилишини назорат қилиш Ўзбекистон Республикаси экология, атроф-муҳитни муҳофаза қилиш ва иқлим ўзгариши вазири А.А. Абдухакимов зиммасига юклансин.
Вазирлар Маҳкамасининг 2023 йил 7 декабрдаги 649-сон қарорига ИЛОВА
Вазирлар Маҳкамасининг «Биологик ресурслардан фойдаланишни тартибга солиш ва табиатдан фойдаланиш соҳасида рухсат бериш тартиб-таомилларидан ўтиш тартиби тўғрисида» 2014 йил 20 октябрдаги 290-сон қарорига киритилаётган ўзгартиришлар
1. Ўсимлик дунёси объектларидан фойдаланиш ва ўсимлик дунёси объектларидан фойдаланиш соҳасида рухсат бериш тартиб-таомилларидан ўтиш тартиби тўғрисидаги низомга 19-илованинг матни қуйидаги таҳрирда баён этилсин:
«Ўзбекистон Республикаси Қизил китобига киритилган ўсимликларга етказилган ундириладиган зарар миқдорини ҳисоблаш учун
« Тоифасига кўра битта ўсимлик учун Ундириладиган зарар миқдори, белгиланган базавий ҳисоблаш миқдорига нисбатан коэффициентларда (битта ўсимлик учун) 1 — йўқолиб кетаётган 10 2 — камёб 4 3 — камаяётган 2,5 ».
2. Ҳайвонот дунёси объектларидан фойдаланиш ва ҳайвонот дунёси объектларидан фойдаланиш соҳасида рухсат бериш тартиб-таомилларидан ўтиш тартиби тўғрисидаги низомга 14-иловада :
«Сут эмизувчилар» бўлимида:
«Қизил китобга киритилганлар» кичик бўлими қуйидаги таҳрирда баён этилсин:
« Ўзбекистон Республикасининг Қизил китобига киритилганлар Қоплон, тарғил сиртлон (Дўлта), илвирс (қор қоплони) 3 000 400 000 Бурама шохли эчки (морхўр) 2 000 300 000 Ўрта Осиё қундузи, Туркистон силовсини, қорақулоқ, асалхўр, Бухоро буғуси (хонгул) 1 500 250 000 Қизилқум архари (Северцов қўйи), Тянь-Шань тоғ қўйи, Устюрт кўйи, Бухоро тоғ қўйи, Тянь-Шань қўнғир айиғи 1 000 200 000 Сайғоқ, жайрон, мензбир суғури 500 50 000 Манул (ёввойи мушук), саҳро мушуги, қарсок, сариқ сассиқкузан, олақўзан 200 20 000 халқаро Қизил китобга ёки Ўзбекистон Республикасининг Қизил китобига киритилган сут эмизувчиларнинг бошқа турлари 100 10 000 »;
«Бошқа турлар» кичик бўлими қуйидаги таҳрирда баён этилсин:
« Қизил бўри 20 2000 Тоғ эчкиси, тўнғиз 15 1500 Елик (буғу) 10 1200 Тоғ сувсари, қоракўзан (норка), қизил суғур, оқсувсар, олакўзан, тулки, корсак, чиябўри, нутрия, ёввойи мушуклар, сариқ сассиқкузан, ондатра, латча 5 800 Бўри - 200 Бўрсиқ, жайра 2 400 Қуён 1 200 Типратикан, кўршапалак, ўрмон соняси 0,5 100 Ўрмон, қишлоқ ва овчилик хўжалиги зараркунандаларига, хавфли инфекцияларни тарқатувчиларга кирмайдиган бошқа сут эмизувчилар 0,3 50 Сайғоқ, кийик, жайрон, буғу, эчки, қўчқор шохлари бир жуфт шох ва жуфт бўлмаган ҳар бир алоҳида шох мазкур ҳайвоннинг биттасига мувофиқ келади Мўйна буюмлар мазкур буюмдаги терилар сони бўйича Айиқ ёғи (100 г учун) 1 250 Бўрсиқ, суғур, жайра ёғи (100 г учун) 0,25 200 Айиқ сафроси (хомашё ҳолида 1 г учун) 1 200 »;
«Қушлар» бўлимининг «Ўзбекистон Республикасининг Қизил китобига киритилганлар» кичик бўлими қуйидаги таҳрирда баён этилсин:
« Маллабош лочин (шахин), итолғи, лочин (сапсан) 1 500 150 000 Тўхта тувалоқ (дудак), йўрға тувалоқ 1 000 100 000 Вишилдоқ ва қийқирдоқ оққушлар, соқақушлар, қумой, қора лайлак, сувқийғир (скопа), кичик бургут, қиронқора, чўл бургути, болтаютар, бургут, қирғий бургуг, илонхўр бургут, узун думли ва оқ думли сувбургутлари, катта олачипор бургут, оқбош ўрдак, қошиқбурун, кичик оққўтон, сариқ қўтон, қизилтомоқ ғоз, қизилғоз (фламинго), оқ пешанали кичик ғоз, бизғалдоқ, оқ турна 500 50 000 Оқ лайлак, оқкўз (ола қанотли ўрдак), мармар чуррак, қоравой, Зарафшон қирғовули, оқбовур, қорабузов, қора кабутар, оддий ғуррак, тасқара, чўл бўктаргиси, чўл миққийси, қорабош балиқчи, чўл жиқтоғи, тарғоқ, кичик узунбурун (ингичка тумшуқли балиқчи), Осиё моки лойхўраги, оқбовур 100 30 000 Қушларнинг тухумлари (бир дона тухум учун) Мазкур турдаги қушларни ноқонуний овлангани учун етказилган зарарнинг 40 фоизи халқаро Қизил китобга киритилган ёки Ўзбекистон Республикасининг Қизил китобига киритилган қушларнинг бошқа турлари 100 20 000 »;
«Судралиб юрувчилар» бўлимининг «Ўзбекистон Республикасининг Қизил китобига киритилганлар» кичик бўлими қуйидаги таҳрирда баён этилсин:
« Капча илон (кобра) 200 30 000 Бўз эчкемар 100 20 000 Ўрта Осиё чўл тошбақаси 10 1 000 Судралиб юрувчиларнинг тухумлари (бир дона тухум учун) Мазкур турдаги судралиб юрувчиларни ноқонуний овлангани учун етказилган зарарнинг 40 фоизи халқаро Қизил китобга киритилган ёки Ўзбекистон Республикасининг Қизил китобига киритилган судралиб юрувчиларнинг бошқа турлари 30 2 500 »;
«Балиқлар» бўлимининг «Ўзбекистон Республикасининг Қизил китобига киритилганлар» кичик бўлими қуйидаги таҳрирда баён этилсин:
« Орол мўйлабдори (сўзанбалиқ), Орол баҳриси (бакра), Сирдарё куракбуруни, Амударё кичик куракбуруни ва Амударё катта куракбуруни, Орол сулаймонбалиғи, чўртансифат оққайроқ, Амударё гулбалиғи 100 5 000 халқаро Қизил китобга ёки Ўзбекистон Республикасининг Қизил китобига киритилган балиқларнинг бошқа турлари 70 3 000 » ;
«Умуртқасиз жониворлар» бўлимининг биринчи позицияси қуйидаги таҳрирда баён этилсин:
« халқаро Қизил китобга ёки Ўзбекистон Республикасининг Қизил китобига киритилган умуртқасиз жониворлар 50 2 000 ».
Ўзбекистон Республикасининг Бош вазири А. АРИПОВ
Тошкент ш.,
2023 йил 7 декабрь,
649-сон
Oʻzbekiston Respublikasi Vazirlar Mahkamasining
qarori
KOEFFITSIYENT
Oʻsimlik va hayvonot dunyosini muhofaza qilishga oid qonunchilik hujjatlariga rioya etilmaganligi uchun huquqiy taʼsir choralari kuchaytirilishi munosabati bilan Vazirlar Mahkamasining “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan oʻtish tartibi toʻgʻrisida” 2014-yil 20-oktabrdagi 290-son qaroriga oʻzgartirishlar kiritish toʻgʻrisida
Soʻnggi yillarda mamlakatimizda bioxilma-xillikni saqlash va undan foydalanish, Oʻzbekiston Respublikasining Qizil kitobiga kiritilgan oʻsimlik va hayvonot dunyosining, ayniqsa, kamyob va yoʻqolib ketish xavfi ostida turgan turlarining barqaror yashash sharoitlarini taʼminlash hamda ularni saqlab qolish boʻyicha kompleks chora-tadbirlar amalga oshirilmoqda.
Shu bilan birga, Oʻzbekiston Respublikasining Qizil kitobiga hamda xalqaro Qizil kitobga kiritilgan oʻsimlik va hayvonot dunyosiga noqonuniy munosabatda boʻlish oqibatida yetkazilgan zararni undirish miqdorlarini qayta koʻrib chiqish zarurati yuzaga kelmoqda.
Oʻzbekiston Respublikasi Prezidentining “Ekologiya va atrof-muhitni muhofaza qilish sohasini transformatsiya qilish va vakolatli davlat organi faoliyatini tashkil etish chora-tadbirlari toʻgʻrisida” 2023-yil 31-maydagi PF-81-son Farmoni hamda “Ekologiya, atrof-muhitni muhofaza qilish va iqlim oʻzgarishi vazirligi faoliyatini samarali tashkil etish chora-tadbirlari toʻgʻrisida” 2023-yil 31-maydagi PQ-171-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Ekologiya va atrof-muhitni muhofaza qilish sohasini transformatsiya qilish va vakolatli davlat organi faoliyatini tashkil etish chora-tadbirlari toʻgʻrisida” 2023-yil 31-maydagi PF-81-son Farmoniga muvofiq Oʻzbekiston Respublikasi Qizil kitobiga kiritilgan hayvonlarning noqonuniy ovlanishi oqibatida hayvonot dunyosiga yetkazilgan zarar uchun undirish summalarini 10 baravarga hamda oʻsimliklarni oʻsishdan toʻxtash darajasigacha shikastlantirish yoki yoʻq qilish bilan ularga yetkazilgan zarar uchun undirish summalarini 5 baravarga oshirish belgilanganligi maʼlumot uchun qabul qilinsin.
2. Vazirlar Mahkamasining “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan oʻtish tartibi toʻgʻrisida” 2014-yil 20-oktabrdagi 290-son qaroriga ilovaga muvofiq quyidagilarni nazarda tutuvchi oʻzgartirishlar kiritilsin:
Oʻzbekiston Respublikasi Qizil kitobiga kiritilgan oʻsimliklarga yetkazilgan zararni undirish miqdorini hisoblash uchun koeffitsiyentlarni besh baravarga;
Oʻzbekiston Respublikasi Qizil kitobiga kiritilgan hayvonot dunyosidan foydalanish tartibining buzilishi sababli yetkazilgan zarar hajmini hisoblash uchun toʻlovlar miqdorlarini oʻn baravarga oshirish.
3. Mazkur qarorning bajarilishini nazorat qilish Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov zimmasiga yuklansin.
Vazirlar Mahkamasining 2023-yil 7-dekabrdagi 649-son qaroriga ILOVA
Vazirlar Mahkamasining “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan oʻtish tartibi toʻgʻrisida” 2014-yil 20-oktabrdagi 290-son qaroriga kiritilayotgan oʻzgartirishlar
1. Oʻsimlik dunyosi obyektlaridan foydalanish va oʻsimlik dunyosi obyektlaridan foydalanish sohasida ruxsat berish tartib-taomillaridan oʻtish tartibi toʻgʻrisidagi nizomga 19-ilovaning matni quyidagi tahrirda bayon etilsin:
“Oʻzbekiston Respublikasi Qizil kitobiga kiritilgan oʻsimliklarga yetkazilgan undiriladigan zarar miqdorini hisoblash uchun
“ Toifasiga koʻra bitta oʻsimlik uchun Undiriladigan zarar miqdori, belgilangan bazaviy hisoblash miqdoriga nisbatan koeffitsiyentlarda (bitta oʻsimlik uchun) 1 — yoʻqolib ketayotgan 10 2 — kamyob 4 3 — kamayayotgan 2,5 ”.
2. Hayvonot dunyosi obyektlaridan foydalanish va hayvonot dunyosi obyektlaridan foydalanish sohasida ruxsat berish tartib-taomillaridan oʻtish tartibi toʻgʻrisidagi nizomga 14-ilovada :
“Sut emizuvchilar” boʻlimida:
“Qizil kitobga kiritilganlar” kichik boʻlimi quyidagi tahrirda bayon etilsin:
“ Oʻzbekiston Respublikasining Qizil kitobiga kiritilganlar Qoplon, targʻil sirtlon (Doʻlta), ilvirs (qor qoploni) 3 000 400 000 Burama shoxli echki (morxoʻr) 2 000 300 000 Oʻrta Osiyo qunduzi, Turkiston silovsini, qoraquloq, asalxoʻr, Buxoro bugʻusi (xongul) 1 500 250 000 Qizilqum arxari (Seversov qoʻyi), Tyan-Shan togʻ qoʻyi, Ustyurt koʻyi, Buxoro togʻ qoʻyi, Tyan-Shan qoʻngʻir ayigʻi 1 000 200 000 Saygʻoq, jayron, menzbir sugʻuri 500 50 000 Manul (yovvoyi mushuk), sahro mushugi, qarsok, sariq sassiqkuzan, olaqoʻzan 200 20 000 xalqaro Qizil kitobga yoki Oʻzbekiston Respublikasining Qizil kitobiga kiritilgan sut emizuvchilarning boshqa turlari 100 10 000 ”;
“Boshqa turlar” kichik boʻlimi quyidagi tahrirda bayon etilsin:
“ Qizil boʻri 20 2000 Togʻ echkisi, toʻngʻiz 15 1500 Yelik (bugʻu) 10 1200 Togʻ suvsari, qorakoʻzan (norka), qizil sugʻur, oqsuvsar, olakoʻzan, tulki, korsak, chiyaboʻri, nutriya, yovvoyi mushuklar, sariq sassiqkuzan, ondatra, latcha 5 800 Boʻri - 200 Boʻrsiq, jayra 2 400 Quyon 1 200 Tipratikan, koʻrshapalak, oʻrmon sonyasi 0,5 100 Oʻrmon, qishloq va ovchilik xoʻjaligi zararkunandalariga, xavfli infeksiyalarni tarqatuvchilarga kirmaydigan boshqa sut emizuvchilar 0,3 50 Saygʻoq, kiyik, jayron, bugʻu, echki, qoʻchqor shoxlari bir juft shox va juft boʻlmagan har bir alohida shox mazkur hayvonning bittasiga muvofiq keladi Moʻyna buyumlar mazkur buyumdagi terilar soni boʻyicha Ayiq yogʻi (100 g uchun) 1 250 Boʻrsiq, sugʻur, jayra yogʻi (100 g uchun) 0,25 200 Ayiq safrosi (xomashyo holida 1 g uchun) 1 200 ”;
“Qushlar” boʻlimining “Oʻzbekiston Respublikasining Qizil kitobiga kiritilganlar” kichik boʻlimi quyidagi tahrirda bayon etilsin:
“ Mallabosh lochin (shaxin), itolgʻi, lochin (sapsan) 1 500 150 000 Toʻxta tuvaloq (dudak), yoʻrgʻa tuvaloq 1 000 100 000 Vishildoq va qiyqirdoq oqqushlar, soqaqushlar, qumoy, qora laylak, suvqiygʻir (skopa), kichik burgut, qironqora, choʻl burguti, boltayutar, burgut, qirgʻiy burgug, ilonxoʻr burgut, uzun dumli va oq dumli suvburgutlari, katta olachipor burgut, oqbosh oʻrdak, qoshiqburun, kichik oqqoʻton, sariq qoʻton, qiziltomoq gʻoz, qizilgʻoz (flamingo), oq peshanali kichik gʻoz, bizgʻaldoq, oq turna 500 50 000 Oq laylak, oqkoʻz (ola qanotli oʻrdak), marmar churrak, qoravoy, Zarafshon qirgʻovuli, oqbovur, qorabuzov, qora kabutar, oddiy gʻurrak, tasqara, choʻl boʻktargisi, choʻl miqqiysi, qorabosh baliqchi, choʻl jiqtogʻi, targʻoq, kichik uzunburun (ingichka tumshuqli baliqchi), Osiyo moki loyxoʻragi, oqbovur 100 30 000 Qushlarning tuxumlari (bir dona tuxum uchun) Mazkur turdagi qushlarni noqonuniy ovlangani uchun yetkazilgan zararning 40 foizi xalqaro Qizil kitobga kiritilgan yoki Oʻzbekiston Respublikasining Qizil kitobiga kiritilgan qushlarning boshqa turlari 100 20 000 ”;
“Sudralib yuruvchilar” boʻlimining “Oʻzbekiston Respublikasining Qizil kitobiga kiritilganlar” kichik boʻlimi quyidagi tahrirda bayon etilsin:
“ Kapcha ilon (kobra) 200 30 000 Boʻz echkemar 100 20 000 Oʻrta Osiyo choʻl toshbaqasi 10 1 000 Sudralib yuruvchilarning tuxumlari (bir dona tuxum uchun) Mazkur turdagi sudralib yuruvchilarni noqonuniy ovlangani uchun yetkazilgan zararning 40 foizi xalqaro Qizil kitobga kiritilgan yoki Oʻzbekiston Respublikasining Qizil kitobiga kiritilgan sudralib yuruvchilarning boshqa turlari 30 2 500 ”;
“Baliqlar” boʻlimining “Oʻzbekiston Respublikasining Qizil kitobiga kiritilganlar” kichik boʻlimi quyidagi tahrirda bayon etilsin:
“ Orol moʻylabdori (soʻzanbaliq), Orol bahrisi (bakra), Sirdaryo kurakburuni, Amudaryo kichik kurakburuni va Amudaryo katta kurakburuni, Orol sulaymonbaligʻi, choʻrtansifat oqqayroq, Amudaryo gulbaligʻi 100 5 000 xalqaro Qizil kitobga yoki Oʻzbekiston Respublikasining Qizil kitobiga kiritilgan baliqlarning boshqa turlari 70 3 000 ” ;
“Umurtqasiz jonivorlar” boʻlimining birinchi pozitsiyasi quyidagi tahrirda bayon etilsin:
“ xalqaro Qizil kitobga yoki Oʻzbekiston Respublikasining Qizil kitobiga kiritilgan umurtqasiz jonivorlar 50 2 000 ”.
Oʻzbekiston Respublikasining Bosh vaziri A. ARIPOV
Toshkent sh.,
2023-yil 7-dekabr,
649-son