UzbekAI

Ўзбекистон Республикаси Вазирлар Маҳкамасининг

қарори

НИЗОМ

МАЪМУРИЙ РЕГЛАМЕНТИ

СХЕМАСИ

РЎЙХАТИ

Ўзбекистон Республикаси Транспорт вазирлиги ҳузуридаги Транспорт назорати инспекцияси фаолиятини ташкил этиш чора-тадбирлари тўғрисида

Ўзбекистон Республикаси Президентининг «Маъмурий ислоҳотлар доирасида транспорт соҳасида давлат бошқарувини самарали ташкил қилиш чора-тадбирлари тўғрисида» 2023 йил 14 июндаги ПФ-94-сон Фармони ижросини таъминлаш, шунингдек, Ўзбекистон Республикаси Транспорт вазирлиги ҳузуридаги Транспорт назорати инспекцияси фаолиятини ташкил этиш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Транспорт вазирлиги ҳузуридаги Темир йўлларда юк ва йўловчилар ташиш хавфсизлигини назорат қилиш инспекцияси ҳамда Йўл-қурилиш ишлари сифатини назорат қилиш инспекцияси негизида Транспорт вазирлиги ҳузурида Транспорт назорати инспекцияси (кейинги ўринларда — Инспекция) ташкил этилганлиги ҳамда унга Транспорт вазирлигининг 269 та штат бирлиги ўтказилганлиги;

Инспекция автомобиль, темир йўл, сув, электр транспорти, метрополитен ва йўл хўжалиги соҳаларида назорат функцияларини амалга оширадиган республика ижро этувчи ҳокимият органи ҳисобланиши маълумот учун қабул қилинсин.

2. Қуйидагиларни назарда тутувчи:

а) Ўзбекистон Республикаси Транспорт вазирлиги ҳузуридаги Транспорт назорати инспекцияси тўғрисидаги низом 1-иловага мувофиқ:

Инспекциянинг мақоми ва фаолиятини ташкил этиш асослари, вазифалари, функциялари, ҳуқуқлари ҳамда жавобгарлиги;

транспорт соҳасида қонунчилик ҳужжатларида белгиланган талабларга риоя этилиши устидан назоратни амалга ошириш;

б) Ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш бўйича давлат хизматларини кўрсатишнинг маъмурий регламенти 2-иловага мувофиқ тасдиқлансин:

ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказишнинг талаблари ҳамда давлат хизматини кўрсатиш тартиби;

ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш, рўйхатдан қайта ўтказиш ҳамда уларга рўйхатдан ўтказилганлиги тўғрисида гувоҳнома бериш тартиби.

3. Ўзбекистон Республикаси Транспорт вазирлиги:

2024 йил 1 ноябрга қадар ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш ахборот тизимини (кейинги ўринларда — Ахборот тизими) ишлаб чиқсин ҳамда ишга туширсин;

2024 йил 1 декабрга қадар Рақамли технологиялар вазирлиги билан биргаликда Ахборот тизимининг Ягона интерактив давлат хизматлари портали (кейинги ўринларда — ЯИДХП) билан интеграция қилинишини ҳамда мазкур қарор билан тасдиқланган Маъмурий регламентга мувофиқ ЯИДХП орқали давлат хизматлари жорий этилишини таъминласин.

Бунда 2026 йил 1 январдан белгиланган тартибда давлат рўйхатидан ўтказилмаган ҳаракатдаги темир йўл таркиби ва темир йўл транспорти инфратузилмаси объектларидан фойдаланиш тақиқлансин;

республика ва маҳаллий ижро этувчи ҳокимият органлари билан биргаликда ушбу қарорга мувофиқ жорий этилаётган ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш талабларининг мазмун-моҳиятини тушунтириш бўйича масъул вазирлик, идора ҳамда бошқа ташкилотлар вакиллари иштирокида режа-график асосида мунтазам равишда ўқув семинарлари ўтказилишини, улар ўртасида тарғибот ишлари олиб борилишини таъминласин.

4. Белгилаб қўйилсинки:

Инспекция Ўзбекистон Республикаси Транспорт вазирлиги ҳузуридаги Темир йўлларда юк ва йўловчилар ташиш хавфсизлигини назорат қилиш инспекцияси, Йўл-қурилиш ишлари сифатини назорат қилиш инспекцияси, Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармаларининг автомобилда ташишлар хавфсизлигини таъминлаш бўлинмаларининг вазифа ва функцияларини бажаришга оид ҳуқуқлари, мажбуриятлари ва шартномалари бўйича ҳуқуқий вориси ҳисобланади;

Инспекция ва унинг ҳудудий бўлинмалари маҳаллий давлат ҳокимияти органларидан мустақилдир ва бевосита Ўзбекистон Республикаси Транспорт вазирлигига бўйсунади;

Инспекция ва унинг ҳудудий бўлинмалари ходимлари хизмат фаолиятини идоравий формали кийимда амалга оширади.

5. Ўзбекистон Республикаси Транспорт вазирлиги уч ой муддатда Инспекция ва унинг ҳудудий бўлинмалари ходимларининг идоравий формали кийим намуна-эталонларини тасдиқлаш бўйича тегишли Ҳукумат қарори лойиҳасини Вазирлар Маҳкамасига киритсин.

6. Ўзбекистон Республикаси Иқтисодиёт ва молия вазирлиги:

Вазирлар Маҳкамасининг «Давлат бошқаруви ва маҳаллий давлат ҳокимияти органларида хизмат автотранспорт воситаларидан фойдаланиш тизимини тубдан такомиллаштириш чора-тадбирлари тўғрисида» 2021 йил 29 апрелдаги 258-сон қарорига асосан 4 та шахсан бириктирилган автотранспорт воситаларини;

Инспекциянинг ҳудудий бўлинмаларига махсус 33 та ҳамда 2024 йилда харид қилинадиган 14 та махсус жиҳозланган автотранспорт воситаларини сақлаш учун лимит ажратсин.

Бунда ушбу автотранспорт воситаларини харид қилиш учун 2024 йилга Давлат бюджети параметрларида Транспорт вазирлигининг тегишли ҳисоб-китобларига асосан зарур маблағларни назарда тутсин.

7. Қуйидагилар:

«Тошшаҳартрансхизмат» АЖ бошқаруви органининг Инспекция, Тошкент шаҳар транспорт бошқармаси ҳамда «Транспорт илмий-тадқиқот маркази» МЧЖни Тошкент шаҳар Юнусобод тумани Амир Темур 1-тор кўчаси 6-уй манзилидаги бинога текин фойдаланиш ҳуқуқи асосида жойлаштириш тўғрисидаги таклифи маъқуллансин;

Инспекциянинг ҳудудий бўлинмалари Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармалари маъмурий биноларига текин фойдаланиш ҳуқуқи асосида жойлаштирилсин.

8. Ўзбекистон Республикаси Транспорт вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни уч ой муддатда ушбу қарорга мувофиқлаштирсин.

9. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.

10. Мазкур қарорнинг бажарилишини назорат қилиш Ўзбекистон Республикаси транспорт вазири И.Р. Махкамов зиммасига юклансин.

Вазирлар Маҳкамасининг 2023 йил 15 декабрдаги 668-сон қарорига 1-ИЛОВА

Ўзбекистон Республикаси Транспорт вазирлиги ҳузуридаги Транспорт назорати инспекцияси тўғрисида

1-боб. Умумий қоидалар

1. Мазкур Низом Ўзбекистон Республикаси Транспорт вазирлиги ҳузуридаги Транспорт назорати инспекциясининг (кейинги ўринларда — Инспекция) мақоми, асосий вазифалари, функциялари, ҳуқуқлари, жавобгарлиги, фаолиятини ташкил этиш тартибини, шунингдек, раҳбарларининг функционал вазифалари ва масъулиятини белгилайди.

2. Инспекция автомобиль, темир йўл, сув, электр транспорти, метрополитен ва йўл хўжалиги соҳаларида назорат функцияларини амалга оширадиган республика ижро этувчи ҳокимият органи ҳисобланади.

3. Инспекция ўз фаолиятида Ўзбекистон Республикаси Транспорт вазирлигига (кейинги ўринларда — Вазирлик) бўйсунади ва ҳисобот беради.

4. Инспекция ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Вазирлик қарорлари ва буйруқларига, шунингдек, ушбу Низомга ва бошқа қонунчилик ҳужжатларига амал қилади.

5. Инспекция ўз фаолиятини Вазирлик раҳбарлигида, шунингдек, республика ва маҳаллий ижро этувчи ҳокимият органлари ҳамда бошқа ташкилотлар билан ўзаро ҳамкорликда амалга оширади.

6. Инспекциянинг қонунчилик ҳужжатлари ва ўз ваколати доирасида қабул қилган қарорлари ҳамда кўрсатмалари республика ва маҳаллий ижро этувчи ҳокимият органлари ҳамда бошқа ташкилотлар ва уларнинг мансабдор шахслари, шунингдек, фуқаролар томонидан бажарилиши мажбурий ҳисобланади.

7. Инспекция юридик шахс ҳисобланади, Ўзбекистон Республикасининг Давлат герби тасвири туширилган ва ўз номи давлат тилида ёзилган муҳрга, мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида шахсий ғазна ҳисобварақларига, шу жумладан, чет эл валютасидаги ҳисобварақларига эга.

8. Инспекциянинг расмий номи:

а) давлат тилида:

тўлиқ номи — Ўзбекистон Республикаси Транспорт вазирлиги ҳузуридаги Транспорт назорати инспекцияси;

қисқартирилган номи — Транспорт назорати инспекцияси;

б) рус тилида:

тўлиқ номи — Инспекция по надзору в сфере транспорта при Министерстве транспорта Республики Узбекистан;

қисқартирилган номи — Инспекция «Узтранснадзор»;

в) инглиз тилида:

тўлиқ номи — The Inspection of transport supervision under Ministry of Transport of the Republic of Uzbekistan;

қисқартирилган номи — inspection «Uztranssupervision».

2-боб. Инспекция ва унинг ҳудудий бўлинмаларининг вазифалари ҳамда функциялари

9. Қуйидагилар Инспекция ва унинг ҳудудий бўлинмаларининг асосий вазифалари ҳисобланади:

автомобиль, темир йўл, сув, электр транспорти ва метрополитенда ташиш хавфсизлигини таъминлаш юзасидан ўз ваколати доирасида давлат назоратини амалга ошириш;

автомобиль йўллари ва сунъий иншоотларни қуриш, реконструкция қилиш ҳамда таъмирлашда шаҳарсозлик тўғрисидаги қонунчилик ҳужжатлари ва техник жиҳатдан тартибга солиш соҳасидаги норматив ҳужжатлар талабларига риоя этилишини назорат қилиш;

Ўзбекистон Республикасининг халқаро шартномаларида назарда тутилган автомобилда халқаро ташиш шартларига риоя этилишини назорат қилиш;

республика ҳудудида (Давлат чегараси орқали ўтказиш пунктлари бундан мустасно) автотранспорт воситаларининг рухсат этилган вазн ва габарит параметрларига риоя этилишини назорат қилиш;

юк ва йўловчиларни ташишда ҳайдовчиларнинг ҳамда локомотив бригадалари ишчиларининг меҳнат ва дам олиш режимини назорат қилиш;

ҳаракатдаги темир йўл таркиби ҳамда темир йўл транспорти инфратузилмаси объектларини рўйхатдан ўтказиш орқали уларни ҳисобга олиш ва ягона реестрини юритиш;

тортиш ҳаракатдаги темир йўл таркибини бошқариш ҳуқуқини берувчи гувоҳнома беради.

10. Инспекция ва унинг ҳудудий бўлинмалари ўзига юкланган вазифаларга мувофиқ қуйидаги функцияларни амалга оширади:

1) автомобиль, темир йўл, сув, электр транспорти ва метрополитенда ташиш хавфсизлигини таъминлаш юзасидан ўз ваколати доирасида давлат назоратини амалга ошириш соҳасида:

а) автомобилда ташишлар ва ҳаракат хавфсизлиги таъминланиши юзасидан давлат назоратини амалга ошириш бўйича:

йўловчилар, багаж ва юк ташиш қоидаларига риоя этиш, йўловчилар ва юк ташиш хавфсизлиги, йўловчиларга хизмат кўрсатиш маданиятининг зарур даражасини таъминлаш, йўловчи ташиш йўналишларида транспорт воситаларининг бир маромда ҳаракатланиши, белгиланган ҳаракат жадвали ва оралиқ интервалларига риоя этилишини;

йўловчилар ҳаёти, соғлиги ва (ёки) мулкига зарар етказганлик учун қонунчилик ҳужжатларида белгиланган фуқаролик жавобгарлигини мажбурий суғурталашга оид мажбуриятларнинг бажарилишини;

ташувчининг лицензия талаблари ва шартларига, рухсатнома ҳужжатлари шартларига риоя қилишини;

йўналишсиз таксиларда йўловчиларни ташиш қоидаларига ҳамда транспорт воситаларини жиҳозлашга қўйиладиган талабларга риоя этилишини;

автовокзал (автостанция)нинг фаолият кўрсатишига қўйилган талабларга риоя этилишини назорат қилади;

б) сув транспортида ташишлар ва ҳаракат хавфсизлиги таъминланиши юзасидан давлат назоратини амалга ошириш бўйича:

сув транспортида ташиш хавфсизлигини таъминлаш юзасидан ўз ваколати доирасида давлат назоратини амалга оширади;

сув транспортида юк ва йўловчилар ташишни ташкил этиш ва такомиллаштириш, шунингдек, сузиш хавфсизлигини ташкил этиш бўйича норматив-ҳуқуқий ҳужжатларни ишлаб чиқиш юзасидан таклифлар киритади;

сув транспортини ривожлантиришнинг комплекс дастурларини, шунингдек, сузиш хавфсизлигини таъминлаш чора-тадбирларини ишлаб чиқади ва амалга оширади, сув транспорти фаолиятини мувофиқлаштиради;

кемаларни рўйхатга/қайта рўйхатга олади ва техник кўриклардан ўтказади;

кемаларни қуриш, янгидан жиҳозлаш ва таъмирлаш даврида техник назоратни амалга оширади;

кемаларнинг техник-лойиҳа ҳужжатларининг Регистр қоидалари ва маҳаллий сузиш шартларига мувофиқлигини текширади, келишади ва эксперт хулосасини беради;

сув ҳавзаларида кечувларни ташкил этишда техник талабларни белгилайди ва уларнинг фаолиятини назорат қилади;

сув транспортида содир этилган авария ҳодисалари сабабларини аниқлаш ишларида иштирок этади, таҳлил этади ва уларни бартараф этиш бўйича чора-тадбирларни белгилайди;

сув транспортида, шу жумладан, сузиш хавфсизлигини таъминлаш масалалари бўйича кадрларни ўқитиш ва уларнинг малакасини оширишни ташкил этади;

Ўзбекистон Республикасининг халқаро шартномаларида назарда тутилган Ўзбекистон Республикаси ҳудудида сувда халқаро ташиш шартларига риоя этилишини назорат қилади;

сув транспортида кема ҳужжатлари мавжудлигини назорат қилади;

кема экипажи аъзоларининг билимларини текширади;

кема ҳайдовчиларини аттестациядан ўтказади ва кема ҳайдовчиси гувоҳномаларини беради;

в) темир йўл транспорти ҳамда метрополитенда ташишлар ва ҳаракат хавфсизлиги таъминланиши юзасидан давлат назоратини амалга ошириш бўйича:

ҳаракатдаги темир йўл таркиби ва темир йўл транспорти инфратузилмаси объектларига эга бўлган ёки улардан фойдаланувчи хўжалик бошқаруви ҳамда ижро этувчи ҳокимият органлари, тадбиркорлик субъектлари, шу жумладан, хорижий давлатларнинг Ўзбекистон Республикаси ҳудудида темир йўл транспорти соҳасида фаолиятни амалга оширувчи жисмоний ва юридик шахслар, уларнинг бўлинмалари (кейинги ўринларда — темир йўл транспорти субъектлари) томонидан умумий фойдаланишдаги темир йўлларда, метрополитенда ва умумий фойдаланишда бўлмаган темир йўлларида темир йўл транспорти соҳасидаги юк ва йўловчилар ташиш, ҳаракат хавфсизлигини таъминлашга оид норматив-ҳуқуқий ҳужжатлар ҳамда техник жиҳатдан тартибга солиш соҳасидаги норматив ҳужжатлар талабларига риоя этилиши юзасидан давлат назоратини амалга оширади;

темир йўл транспорти субъектларининг юк ва йўловчи ташишда ҳаракатдаги темир йўл таркиби, техник воситалари, жиҳозлари ва темир йўл транспорти инфратузилмаси объектларини ишчи ҳолатда сақлаш, эксплуатация қилиш, уларга техник хизмат кўрсатиш ва таъмирлаш бўйича техник жиҳатдан тартибга солиш соҳасидаги норматив ҳужжатлар талабларига риоя этилишини назорат қилади;

темир йўл транспортида йўловчилар, багаж ва юк багажини ташиш қоидаларига риоя этилиши юзасидан ўз ваколати доирасида давлат назоратини амалга оширади;

темир йўл транспорти ва метрополитен темир йўл транспорти инфратузилмаси объектларини қурадиган ҳамда ишлаб чиқарадиган корхоналар ва ташкилотларда темир йўл маҳсулотини ишлаб чиқариш, капитал қайта тиклаш ва режали таъмирлаш турларини амалга оширишда технологик жараёнларга ҳамда техник жиҳатдан тартибга солиш соҳасидаги норматив ҳужжатлар талабларига риоя этилишини назорат қилади;

темир йўл транспорти ва метрополитен объектларини қурадиган ҳамда улардан фойдаланувчи корхоналар ва ташкилотлар фаолиятини уларда поездларнинг хавфсиз ҳаракатланишини таъминлаш бўйича техник текширишни ташкил этади ва амалга оширади;

темир йўл транспорти ва метрополитен объектлари, маҳсулотлари ҳамда технологияларининг қонунчилик ва техник жиҳатдан тартибга солиш соҳасидаги норматив ҳужжатлар талабларига мувофиқлиги юзасидан уларни доимий ёки вақтинча фойдаланишга қабул қилишда иштирок этади;

темир йўл транспорти субъектлари ва метрополитен томонидан темир йўлларда поездлар ҳаракати хавфсизлигини таъминлашга ва темир йўлда ташишлар хавфсизлигини таъминлайдиган техник воситаларнинг ишончлилигини оширишга қаратилган комплекс чора-тадбирларнинг белгиланган муддатларда бажарилиши юзасидан давлат назоратини амалга оширади;

ўзининг темир йўлларига эга бўлган субъектларнинг ҳуқуқбузарлик ҳолатларининг олдини олишга қаратилган профилактика тадбирлари натижаларини уларнинг фаолиятига аралашмаган ҳолда таҳлил этади ва баҳолайди;

темир йўл транспортида хавфли юклар транзити, қурол-яроғ, ҳарбий техника ва ҳарбий мол-мулкнинг, шунингдек, ҳарбий таркибларнинг транзити бўйича белгиланган тартибда хулосалар беради;

темир йўл транспорти ва метрополитенда поездлар ҳалокати ҳамда авариялар бўйича хизмат текширувларини ташкил этади ва амалга оширади;

темир йўл транспорти субъектлари томонидан темир йўл транспорти ҳамда метрополитенда ҳаракат ва ташишлар хавфсизлиги талабларининг бузилиши билан боғлиқ ҳодисалар содир бўлганда, хизмат текширувини ўтказиш бўйича комиссия таркибида иштирок этади ва хизмат текширувлари ҳисобини юритади;

темир йўл транспорти ҳамда метрополитенда ҳаракат ва ташишлар хавфсизлиги талабларининг бузилиши билан боғлиқ ҳодисалар тўғри таснифланишини, улар томонидан хизмат текширувларининг белгиланган муддатларда, холисона ўтказилиши ва тўғрилигини назорат қилади;

ўз ваколати доирасида Ўзбекистон Республикасининг йўловчи поездларининг бошқа давлатлар ҳудудида юз берган авария ва ҳалокатларининг хизмат текшируви ишларида белгиланган тартибда иштирок этади;

2) автомобиль йўллари ва сунъий иншоотларни қуриш, реконструкция қилиш ҳамда таъмирлашда (кейинги ўринларда — йўл қурилиши) шаҳарсозлик тўғрисидаги қонунчилик ҳужжатлари ва техник жиҳатдан тартибга солиш соҳасидаги норматив ҳужжатлар талабларига риоя этилишини назорат қилиш соҳасида:

йўл қурилиши объектларида бажариладиган қурилиш-монтаж ва таъмирлаш ишларининг, шунингдек, уларда қўлланиладиган материаллар ҳамда конструкцияларнинг шаҳарсозлик тўғрисидаги қонунчилик ва техник жиҳатдан тартибга солиш соҳасидаги норматив ҳужжатлар ҳамда лойиҳа ҳужжатлари талабларига риоя этилиши юзасидан қонунчилик ҳужжатларида белгиланган тартибда давлат назоратини таъминлайди;

йўл қурилиши объектининг лойиҳа ҳужжатларида қабул қилинган техник ечимлар, шунингдек, йўл қурилиши жараёнида лойиҳа ҳужжатларига киритиладиган ўзгартиришларнинг қонунчилик ҳужжатлари ҳамда техник жиҳатдан тартибга солиш соҳасидаги норматив ҳужжатлар талабларига мувофиқлигини назорат қилади;

йўл қурилиши объектларида қонунчилик ҳужжатларида белгиланган тартибда техник, муаллифлик ва ички назорат юритилиши устидан давлат назоратини таъминлайди;

қурилиши тугалланган йўл объектларини фойдаланишга қабул қилиш комиссияларининг ишида иштирок этади, бажарилган қурилиш-монтаж ва таъмирлаш ишларининг тасдиқланган лойиҳа ҳужжатларига мувофиқлиги ҳамда ишларнинг сифатини аниқлаш бўйича диагностика ва лаборатория синовлари ўтказилишини назорат қилади;

автомобиль йўлларидан фойдаланувчилар ҳамда автомобиль йўлларини балансида сақловчиларнинг қоидабузарликлар тўғрисида киритган маълумотлари асосида йўллар, шаҳар кўчалари ва бошқа аҳоли пунктларида йўл тўшамасини ўзбошимчалик билан қазиш, уларда сунъий нотекисликлар ва тўсиқлар яратиш ҳамда қайта тиклаш ишларини назорат қилади;

йўл қурилишида шаҳарсозлик қонунчилигига риоя этилишини назорат қилишни ташкил этиш борасида техник жиҳатдан тартибга солиш соҳасидаги норматив ҳужжатларни такомиллаштириш бўйича таклифлар киритади;

3) Ўзбекистон Республикасининг халқаро шартномаларида назарда тутилган автомобилда халқаро ташиш шартларига риоя этилишини назорат қилиш соҳасида:

автомобилда халқаро юк ва йўловчи ташиш шартларига риоя этилишини;

йўловчилар, багаж ва юкларни мунтазам ҳамда номунтазам ташиш учун рухсат берувчи ҳужжатлар мавжудлигини;

ҳаракат жадвалига риоя қилинишини;

халқаро автомобилда йўловчилар ва багажни номунтазам ташишларда йўловчилар рўйхати мавжудлигини;

Ўзбекистон Республикаси ҳудудида хорижий давлатларга тегишли бўлган автотранспорт воситаларида йўловчилар, багаж ёки юкларни ташиш, шу жумладан, Ўзбекистон Республикаси ҳудудига вақтинча келтирилган хорижий давлатлар автотранспорт воситаларида ташишда (каботаж ташишда) халқаро шартномалар шартларига риоя этилишини;

хорижий давлатларга тегишли бўлган автотранспорт воситалари ҳайдовчиларининг Ўзбекистон Республикаси ҳудудида белгиланган ҳаракатлар чизмасига риоя этишини;

автомобилда юк ва йўловчиларни халқаро ташишда ташувчиларнинг автотранспорт воситасининг давлат ҳудуди бўйлаб ўтиши ва тегишли ташиш турини амалга ошириш ҳуқуқини берувчи рухсатнома бланкаларисиз ташиш билан шуғулланиши, рухсатнома бланкаларини тўлдириш бўйича талабларни бузиши, шунингдек, Ўзбекистон Республикаси ҳудуди бўйлаб транзит ўтиши учун мўлжалланган йўналишларда ҳаракатланишини назорат қилади;

4) республика ҳудудида (Давлат чегараси орқали ўтказиш пунктлари бундан мустасно) автотранспорт воситаларининг рухсат этилган вазн ва габарит параметрларига риоя этилишини назорат қилиш соҳасида:

стационар ва мобил постларда транспорт воситаларининг вазн ҳамда ҳажм параметрларига (оғирлик, узунлик, баландлик, кенглик ва бошқалар) мувофиқлигини;

катта ҳажмли ва оғир вазнли транспорт воситаларининг ҳаракатланиши учун махсус рухсатномалар мавжудлигини;

Ўзбекистон Республикаси чегарасини кесиб ўтувчи ва транзит ҳудуд бўйлаб хавфли юк билан ҳаракатланувчи транспорт воситаларида:

хавфли юкни ташишга рухсатномаси мавжудлигини;

йўналиш маршрутининг мавжудлигини;

ташувлар кузатув асосида амалга оширилаётганлигини;

ташилаётган хавфли юкларни товар транспорт ҳужжатларига хослигини ҳамда ҳаракатланиш тартиби бузилмаганлигини назорат қилади;

5) юк ва йўловчиларни ташишда ҳайдовчиларнинг ҳамда локомотив бригадалари ишчиларининг меҳнат ва дам олиш режимини назорат қилиш соҳасида:

ҳайдовчиларнинг шаҳарлараро ва халқаро йўловчи ташиш автобусларини, халқаро юк ташиладиган транспорт воситаларини назорат асбобларисиз (тахографларсиз, носоз тахографдан фойдаланган ёки тахографни ўчирган ҳолда ҳамда ҳайдовчида махсус тахограф картасиз) бошқариши, шунингдек, ишлаш ва дам олиш режимини бузиши (тахограф маълумотларига асосан) ёки бошқа ҳуқуқий асосларга кўра меҳнат ва дам олиш тартибига риоя этганлигини текширади;

рақамли технологияларни қўллаган ҳолда, темир йўл транспортида юк ва йўловчиларни ташишда локомотив бригадалари ишчиларининг меҳнат ҳамда дам олиш режимини назорат қилади;

юк ва йўловчиларни ташишда ҳайдовчиларнинг меҳнат ҳамда дам олиш режимини текшириш жараёнида қонун бузилиши ҳолатлари юзасидан қўшимча ҳолатлар аниқланган тақдирда, тегишлилиги бўйича бошқа давлат органларига кўриб чиқиш учун юборади;

6) ҳаракатдаги темир йўл таркиби ҳамда темир йўл транспорти инфратузилмаси объектларини рўйхатдан ўтказиш орқали уларни ҳисобга олиш ва ягона реестрини юритиш соҳасида:

ҳаракатдаги темир йўл таркиби ҳамда темир йўл транспорти инфратузилмаси объектларини белгиланган тартибда рўйхатдан ўтказиш, қайта рўйхатдан ўтказиш ва рўйхатдан чиқариш орқали уларнинг ҳисобини юритади;

ҳаракатдаги темир йўл таркиби ҳамда темир йўл транспорти инфратузилмаси объектларининг ягона реестрини юритади;

ҳаракатдаги темир йўл таркиби ҳамда темир йўл транспорти инфратузилмаси объектларини ҳисобга олиш учун тақдим этилган ҳужжатлардаги маълумотлар тўғрилигини жойига чиққан ҳолда ўрганади, техник ҳолатини кўрикдан ўтказади ва унинг натижалари асосида маълумотлар ягона реестрга киритилишини назорат қилади;

ҳаракатдаги темир йўл таркиби ҳамда темир йўл транспорти инфратузилмаси объектларининг рўйхатдан ўтганлиги тўғрисида гувоҳномалар беради;

мажбурий талаблар бузилишининг олдини олиш, уларни аниқлаш ва уларга чек қўйишга қаратилган маълумотларни темир йўл транспорти субъектлари фаолиятига аралашмаган ҳолда тўплаш, умумлаштириш ва таҳлил қилиш орқали темир йўл транспорти субъектлари фаолиятини ўз ваколатлари доирасида мониторинг қилади;

7) тортиш ҳаракатдаги темир йўл таркибини бошқариш ҳуқуқини тасдиқловчи гувоҳнома бериш соҳасида :

белгиланган тартибга тортиш ҳаракатдаги темир йўл таркибини бошқариш ҳуқуқини берувчи гувоҳнома беради.

11. Инспекция қонунчилик ҳужжатларида назарда тутилган бошқа функцияларни ҳам амалга ошириши мумкин.

3-боб. Инспекция ва унинг ҳудудий бўлинмаларининг ҳуқуқлари ҳамда жавобгарлиги

12. Инспекция ўзига юкланган вазифа ва функцияларни амалга ошириш учун қуйидаги ҳуқуқларга эга:

а) автомобиль ва сув транспорти назорати бўйича:

автотранспорт воситасида юк ва йўловчилар ташиш қоидаларининг бузилиши визуал кузатув ёки махсус мосламалар ёрдамида аниқланганда, автотранспорт воситасини юк ва йўловчи ташишни назорат қилиш бўйича рейд тадбирларида, стационар ва мобил постларда текшириш учун тўхтатиш;

стационар ва мобил постларда рейд тадбирлари жараёнида текшириш учун транспорт воситасини тўхтатишда махсус чироқ-маёқча, овоз кучайтиргич мослама, қўл ёки жезл ишораларидан фойдаланиш;

тўхташ ишорасига бўйсунмаган транспорт воситаларини кузатиш ёки ички ишлар органлари ходимларига хабар бериш ва уларга белгиланган тартибда қонуний чоралар кўриш;

назорат тадбирларида йўловчиларни ва юк ташишда мижозларни излаш бўйича интерактив хизматлар (агрегаторлар) орқали ва бошқа ҳолатларда ноқонуний шуғулланаётган ҳуқуқбузарларни аниқлаш;

ташувчиларга юк ва йўловчи ташиш ҳуқуқи учун берилган лицензиялар ҳамда рухсатнома ҳужжатларининг амал қилиш муддатини белгиланган тартибда тўхтатиб туриш, тугатиш ва бекор қилиш чораларини кўриш;

назорат тадбирлари давомида ҳуқуқбузарликни аниқлаш мақсадида автомобиль салонида бўлган йўловчилар билан суҳбат олиб бориш;

хорижий ташувчиларга тегишли бўлган, шу жумладан, улар томонидан Ўзбекистон Республикаси ҳудудига вақтинча олиб кирилган автотранспорт воситаларида йўловчилар ва юкларни ташишда каботаж ташиш ҳолатлари ёки бошқа ҳуқуқбузарлик ҳолатлари аниқланганда, стационар ва чегара ўтиш пунктларида ваколатли давлат органлари билан ҳамкорликда чоралар кўриш;

хизмат фаолиятини амалга ошириш жараёнида фото, видео тасвирга олиш мосламаларидан фойдаланиш;

ҳуқуқбузарликка йўл қўйган ҳайдовчиларга жарима солиш ҳақида қарор чиқарилган кундан эътиборан олтмиш кун ичида жарима тўланмаган тақдирда, ички ишлар органларига тегишли ахборот киритиш;

ўзига юкланган вазифаларни амалга ошириш учун республика ва маҳаллий ижро этувчи ҳокимият органлари ҳамда бошқа ташкилотларнинг маълумотлар базасидан белгиланган тартибда реал вақт режимида фойдаланиш;

транспорт соҳасида назоратни амалга оширишда махсус касбий билимларни талаб этадиган масалаларни кўриб чиқиш учун республика ва маҳаллий ижро этувчи ҳокимият органлари ҳамда бошқа ташкилотларнинг мутахассисларини эксперт сифатида жалб этиш;

кема ҳужжатларининг амал қилиш муддати тугаганда, кемалар малакали экипаж билан бутланмаганда, кемани кема ҳайдовчиси гувоҳномасига эга бўлмаган шахс бошқарганда, бортда авария-қутқариш, ёнғинга қарши инвентарь мавжуд бўлмаганда, сузиб юрувчи қурилмаларда одамларнинг хавфсизлигига таҳдид солувчи нуқсонлар пайдо бўлганда, кемалардан фойдаланиш, ёнғинга қарши ва санитария хавфсизлиги қоидалари талаблари бузилганда кемалар ва сузиб юрувчи қурилмалардан фойдаланишни қонунчилик ҳужжатларида белгиланган тартибда тақиқлаш;

б) йўл қурилиши назорати бўйича:

йўл қурилишида фаолият юритиш учун берилган лицензиянинг амал қилишини тўхтатиб туриш ёки бекор қилиш тўғрисида ваколатли давлат органига таклиф киритиш;

ваколатига кирадиган масалаларни ҳал қилиш учун керакли маълумотларни ҳамда республика ва маҳаллий ижро этувчи ҳокимият органлари, хўжалик бирлашмалари ҳамда бошқа ташкилотлар, шунингдек, тадбиркорлик субъектларидан уларнинг фаолиятида текширув амалга оширилаётган жараёнда текширув предметига оид маълумотларни, ҳужжатларни белгиланган тартибда сўраш ва олиш;

йўл қурилиши объектларига монеликсиз кириш;

қўлланиладиган йўл қурилиши материаллари, конструкциялари, буюмлари ҳамда бажариладиган йўл қурилиши ишларининг сифатини текшириш учун зарур бўлган лойиҳа, технологик, ижро ҳужжатларини ва бошқа материалларни лойиҳа, пудрат ташкилотлари ва буюртмачи ташкилотлардан сўраш ҳамда олиш;

пудрат ташкилотларига конструкциялар, узеллар ва деталларнинг айрим элементларини очишни, тагзаминдаги тупроқни синашни ва қайта ёпиб қўйиш, қўлланилган қурилиш материаллари, буюмлари, конструкцияларини, муҳандислик тизимларини синаб кўриш ишларини топшириш, зарурат бўлганда тегишли хулоса тайёрлаш учун илмий-тадқиқот, синаш ва лойиҳа ташкилотларининг экспертларини, мутахассисларини шартнома асосида жалб этиш;

қурилиши тугалланган йўл объектларини фойдаланишга қабул қилиш жараёнида бажарилган ишларнинг сифатини текшириш учун лаборатория синовлари ва диагностика ўтказилишини талаб қилиш;

юридик ва жисмоний шахсларга йўл қурилишида аниқланган қоидабузарликларни бартараф этиш тўғрисида олтмиш кундан ортиқ бўлмаган муддатни белгилаган ҳолда, бажариши мажбурий бўлган кўрсатмалар бериш;

сифатсиз бажарилган қурилиш-монтаж ишлари аниқланганда, буюртмачилардан ушбу иш ҳажмларини тўловга қабул қилинган умумий ишлар ҳажмидан чиқариб ташлашни талаб қилиш;

йўл қурилишида мустаҳкамлик ва барқарорлик тавсифлари бузилишига олиб келадиган лойиҳа ечимлари ва техник жиҳатдан тартибга солиш соҳасидаги норматив ҳужжатлар талаблари бузилиши аниқланганда, шунингдек, ўзбошимчалик билан йўл қурилишида авариялар хавфи мавжуд бўлган ҳолларда қурилиш-таъмирлаш ишларини бажаришни вақтинча тўхтатиб қўйиш (тадбиркорлик субъектининг фаолиятини тўхтатиб қўйиш суд тартибида амалга оширилади, фавқулодда вазиятлар, эпидемиялар ва аҳолининг ҳаёти ва соғлиғига бошқа реал хавф юзага келишининг олди олиниши муносабати билан фаолиятни ўн иш кунидан ортиқ бўлмаган муддатга тўхтатиб қўйиш ҳоллари бундан мустасно);

шаҳарсозлик тўғрисидаги қонунчилик ҳужжатлари ҳамда техник жиҳатдан тартибга солиш соҳасидаги норматив ҳужжатлар талаблари бузилишлари юзасидан ваколат доирасида кўрилган чоралар натижасида бартараф этилмаган йўл қурилиш ишлари тўғрисидаги материалларни ҳуқуқ-тартибот органларига бериш;

в) темир йўл транспорти ва метрополитен назорати бўйича:

темир йўл ҳамда метрополитенда ҳаракат ва ташишлар хавфсизлигини таъминлашга, ҳаракатдаги темир йўл таркиби, техник воситалари ва темир йўл транспорти инфратузилмаси объектларини сақлаш, уларга хизмат кўрсатиш, уларни таъмирлаш ва улардан фойдаланишга оид норматив-ҳуқуқий ҳужжатлар ҳамда техник жиҳатдан тартибга солиш соҳасидаги норматив ҳужжатлар талабларининг аниқланган бузилиш ҳолатларини белгиланган муддатда бартараф этиш тўғрисида Инспекция ваколатига кирадиган масалалар юзасидан бажарилиши мажбурий бўлган кўрсатмалар бериш ва бу борада кўрилаётган чоралар ҳақида ахборот бериш муддатларини белгилаш;

темир йўл транспортининг техник воситаларидан фойдаланишни ва ташишлар жараёни билан боғлиқ ишларни бажаришни белгиланган тартибда тўхтатиш, носозлиги сабабли одамлар ҳаёти ва соғлигига, ташишлар хавфсизлигига хавф туғдирадиган темир йўл инфратузилмаларида ҳаракатланишни тўхтатиш ёки ҳаракатланиш тезлигини чеклаш тўғрисида кўрсатмалар бериш;

сифатсиз таъмирлангани учун локомотивлар, моторвагонли ҳаракатланувчи таркиб ва вагонларни, йўллар ва бир изни бошқа изга ўтказиш стрелкаларини, сигнализация ва алоқа мосламалари, боғланиш тармоқларини таъмирлашдан чиқаришни тақиқлаш;

локомотивлар, вагонлар, йўллар, сигнал, алоқа ва электр таъминоти тизимлари, шунингдек, темир йўл транспортининг бошқа техник воситалари тегишли комиссия кўригидан белгиланган тартиб бузилган ҳолда ўтказилгани учун уларнинг натижаларини бекор қилиш;

темир йўл транспортига оид норматив-ҳуқуқий ҳужжатлар ҳамда техник жиҳатдан тартибга солиш соҳасидаги норматив ҳужжатлар талабларини бузган темир йўл транспорти субъектларига нисбатан қонунчилик ҳужжатларига мувофиқ тақиқловчи чораларни кўриш;

поездлар ҳаракати хавфсизлиги талаблари ҳамда темир йўлда ташишлар хавфсизлигини таъминлаш, ҳаракатдаги таркибни, темир йўл транспортининг техник воситаларини сақлаш, уларга хизмат кўрсатиш, уларни таъмирлаш ва улардан фойдаланиш бўйича техник жиҳатдан тартибга солиш соҳасидаги норматив ҳужжатларнинг бузилиш ҳолатлари юзасидан материалларни тегишли органларга белгиланган тартибда бериш;

темир йўл транспорти ҳамда метрополитенда ҳаракат ва ташишлар хавфсизлиги талабларининг бузилиши билан боғлиқ ҳодисалар бўйича ўтказиладиган хизмат текшируви комиссияларида, шунингдек, хизмат текширувлари даврида ўтказиладиган тадқиқотлар, синовлар, экспертизаларда иштирок этиш;

темир йўл транспорти субъектларидан темир йўл транспорти ҳамда метрополитенда содир бўлган ҳаракат ва ташишлар хавфсизлиги талабларининг бузилиши билан боғлиқ ҳодисалар тўғрисида тезкор хабардор қилишни, шунингдек, ушбу ҳодисалар бўйича ўтказилган хизмат текшируви материалларининг белгиланган тартибда расмийлаштирилишини ҳамда ўз муддатида тақдим этилишини талаб этиш;

давлат хизматларини кўрсатишда ҳаракатдаги темир йўл таркиби ва темир йўл транспорти инфратузилмаси объектларини белгиланган талабларга мувофиқлигини жойига чиққан ҳолда ўрганиш;

ҳаракатдаги темир йўл таркиби ва бошқа техник воситаларини янги тури ўзлаштирилганда уларни ишлаб чиқариш (қуриш), синаш, оммавий ишлаб чиқариш ва фойдаланишга қабул қилишда иштирок этиш;

юкланган вазифаларни бажариш юзасидан Ўзбекистон Республикаси бўйлаб хизмат сафарлари чоғида Инспекцияга тегишли вагондан поездлар таркибида тўсқинликсиз фойдаланиш;

Инспекция ходимларини Ўзбекистон Республикаси бўйлаб сафарлар чоғида локомотивлар (1 нафаргача) ва поездлар бригадалари таркибига текширувчилар сифатида киритиш.

Инспекция ва унинг ҳудудий бўлинмалари автомобилда юк ҳамда йўловчи ташиш, темир йўл, ички сув ва шаҳар электр транспорти ҳамда йўл хўжалиги соҳасида белгиланган тартибда маъмурий ҳуқуқбузарликлар тўғрисида баённомалар тузади, маъмурий ҳуқуқбузарликлар тўғрисидаги ишларни кўриб чиқади ва маъмурий жазо чораларини қўллайди.

Инспекция ўз ваколати доирасида қонунчилик ҳужжатлари ва техник жиҳатдан тартибга солиш соҳасидаги норматив ҳужжатлар бузилишларини бартараф этиш тўғрисида республика ва маҳаллий ижро этувчи ҳокимият органлари, хўжалик бирлашмалари, тадбиркорлик субъектлари ҳамда бошқа ташкилотларга бажарилиши мажбурий бўлган тақдимнома ва кўрсатмалар киритади.

Инспекция юкланган вазифалар ва функцияларни бажариш билан боғлиқ бўлган норматив-ҳуқуқий ва бошқа ҳужжатлар лойиҳаларини Вазирликка белгиланган тартибда киритади.

Инспекция республика ва маҳаллий ижро этувчи ҳокимият органлари, хўжалик бирлашмалари, тадбиркорлик субъектлари ҳамда бошқа ташкилотлардан ўз ваколатига кирувчи масалалар бўйича материаллар, маълумотлар ва тушунтиришларни сўраб олади.

Инспекция қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

13. Инспекция ва унинг ҳудудий бўлинмалари:

юкланган вазифалар ва функцияларнинг самарали бажарилиши, шунингдек, тегишли соҳадаги давлат сиёсатининг амалга оширилиши;

Вазирликка киритиладиган норматив-ҳуқуқий ҳужжатлар ва бошқа ҳужжатлар лойиҳалари, шунингдек, Инспекция қабул қиладиган қарорларнинг сифати, якуний натижалари ва амалга ошириш оқибатлари;

фуқаролар ва тадбиркорлик субъектларининг ҳуқуқлари ҳамда қонуний манфаатларига риоя этилиши ҳамда уларнинг ҳимоя қилинишини таъминлаш;

назорат натижасида аниқланган муаммоларни ҳар томонлама ва чуқур ўрганиш ҳамда умумлаштириш асосида ҳудудлардаги тегишли соҳани ривожлантиришга доир таклифлар тайёрлаш;

қонунчилик ҳужжатларига мувофиқ ўзига юкланган вазифалар ва функцияларнинг бажарилиши учун жавобгардир.

4-боб. Инспекция раҳбарларининг асосий функционал вазифалари

14. Қуйидагилар Инспекция бошлиғининг асосий функционал вазифалари ҳисобланади:

Ўзбекистон Республикаси Конституцияси ва қонунлари, шунингдек, бошқа қонунчилик ҳужжатлари талабларига риоя этиш;

Инспекция фаолиятига умумий раҳбарлик қилиш, Ўзбекистон Республикаси Президентининг ва Вазирлар Маҳкамасининг тегишли ҳужжатлари ҳамда бошқа қонунчилик ҳужжатлари билан Инспекцияга юкланган вазифалар ва функциялар бажарилишини ташкил этиш;

Инспекция, шунингдек, ҳудудий бўлинмалар фаолиятига тегишли прогноз кўрсаткичларга сўзсиз эришишни таъминлаш бўйича амалий чора-тадбирларнинг ишлаб чиқилишини ташкил этиш ва амалга ошириш;

ўз ўринбосарларининг ваколатларини белгилаш, Инспекциянинг бошқа мансабдор шахслари ваколатларини белгилаш, ўз ўринбосарлари ва бошқа мансабдор шахсларнинг Инспекция фаолиятининг алоҳида қисмларига раҳбарлик қилиши учун уларнинг шахсий масъулият даражаларини белгилаш;

Инспекция тизимида кадрларни танлаш ва жой-жойига қўйиш, уларнинг самарали фаолияти учун зарур шарт-шароитлар яратиш, Инспекциянинг кадрлар захирасини шакллантириш;

Инспекция ваколатига тегишли масалалар бўйича буйруқлар чиқариш, кўрсатмалар бериш;

Ўзбекистон Республикаси Президентининг фармонлари, қарорлари, фармойишлари, Вазирлар Маҳкамасининг қарорлари, фармойишлари ва топшириқлари ижросини таъминлаш, таркибий бўлинмаларда ижро интизомини мустаҳкамлаш бўйича комплекс амалий чора-тадбирларни амалга ошириш, Ўзбекистон Республикаси Президентининг «Қонунчилик ҳужжатлари ижросини самарали ташкил этишда республика ижро этувчи ҳокимият органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига ва «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига мувофиқ таркибий бўлинма раҳбарларининг шахсий масъулиятини ошириш чораларини кўриш;

Инспекция раҳбарлари ва ходимларининг хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон ва «Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига тўлиқ мос равишда амалга ошириш ва ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ҳамда оқилона фойдаланишни таъминлаш;

Инспекция ходимлари томонидан Вазирлар Маҳкамасининг 2022 йил 14 октябрдаги 595-сон қарори билан тасдиқланган Давлат фуқаролик хизматчилари одоб-ахлоқининг намунавий қоидалари асосида тасдиқланган Инспекция ходимларининг одоб-ахлоқ қоидалари талабларига риоя этилишини назорат қилиш;

Инспекция ходимларини рағбатлантириш ва интизомий жавобгарликка тортиш масалаларини ҳал қилиш;

Ўзбекистон Республикасининг «Коррупцияга қарши курашиш тўғрисида»ги Қонуни талабларига мувофиқ Инспекция тизимида коррупция ва бошқа қонунбузарликларнинг олдини олиш чораларини кўриш, шунингдек, ҳуқуқ амалиёти ва қонунчиликни такомиллаштириш бўйича чора-тадбирларни ишлаб чиқиш ва амалга ошириш йўли билан уларни аниқлаш, таҳлил қилиш, уларни юзага келтирувчи сабаблар ва шарт-шароитларни бартараф этиш;

Ўзбекистон Республикасининг «Электрон ҳукумат тўғрисида»ги Қонунини амалга ошириш доирасида замонавий ахборот-коммуникация технологияларидан фойдаланиш;

жисмоний ва юридик шахсларнинг мурожаатларини кўриб чиқиш бўйича ишларни Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонуни , Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга мувофиқ самарали ташкил этиш, жамоатчилик билан бевосита ва очиқ мулоқот ўрнатиш, шахсий қабулларни мунтазам равишда ўтказиш, шу жумладан, жисмоний ва юридик шахсларнинг вакилларини жойларга бориб, белгиланган муддатда ва тартибда қабул қилиш;

Ўзбекистон Республикаси Президентининг Халқ қабулхоналари билан самарали ҳамкорликни, уларнинг фаолиятида Инспекция ходимлари ва раҳбарларининг фаол иштирок этишини ташкил этиш, жисмоний ва юридик шахсларнинг Ўзбекистон Республикаси Президентининг виртуал қабулхонасидан тушган мурожаатлари ўз вақтида ва тўлиқ кўриб чиқилишини таъминлаш;

давлат сирига киритилган маълумотлар ва махфий ахборот билан ишлашда қонунчилик ҳужжатлари талабларига риоя қилиш;

Инспекция ва ҳудудий бўлинмалар ходимларини белгиланган тартибда ишга қабул қилиш ва улар билан меҳнат шартномасини бекор қилиш;

ўз ваколати доирасида Инспекция ходимлари томонидан бажарилиши мажбурий бўлган буйруқлар чиқариш ва кўрсатмалар бериш;

Инспекцияга юкланган вазифалар ижросини таъминлаш доирасида давлат органлари ва бошқа ташкилотлар, лойиҳа ташкилотлари, илмий ва таълим муассасалари, шунингдек, халқаро ташкилотлар ва хорижий компанияларнинг юқори малакали мутахассисларини эксперт сифатида жалб қилиш;

Инспекция бошлиғи қонунчилик ҳужжатларига мувофиқ бошқа функционал вазифаларга ҳам эга бўлиши мумкин.

15. Қуйидагилар Инспекция бошлиғи ўринбосарларининг асосий функционал вазифалари ҳисобланади:

Инспекциянинг ўзлари назорат қиладиган таркибий бўлинмалари фаолиятини мувофиқлаштириш, назорат қилиш ва бевосита бошқариш, уларнинг ходимлари ўртасида вазифаларни тақсимлаш;

ўзлари назорат қиладиган таркибий бўлинмалар томонидан прогноз кўрсаткичларнинг сўзсиз бажарилишини таъминлаш чораларини кўриш, бўлинмалар раҳбарларининг ҳисоботларини мунтазам равишда эшитиб бориш ва ушбу кўрсаткичларга эришиш учун уларнинг шахсий масъулиятини ошириш;

ўзлари назорат қиладиган таркибий бўлинмалар раҳбарларининг иш режаларини тасдиқлаш, уларнинг бажарилиши юзасидан назоратни таъминлаш;

Ўзбекистон Республикаси Президентининг фармонлари, қарорлари, фармойишлари, Вазирлар Маҳкамасининг қарорлари, фармойишлари ва топшириқлари ижросини таъминлаш, ўзлари назорат қиладиган таркибий бўлинмаларда ижро интизомини мустаҳкамлаш бўйича комплекс амалий чора-тадбирларни амалга ошириш, Ўзбекистон Республикаси Президентининг «Қонунчилик ҳужжатлари ижросини самарали ташкил этишда республика ижро этувчи ҳокимият органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига ва «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорига мувофиқ таркибий бўлинма раҳбарларининг шахсий масъулиятини ошириш чораларини кўриш;

Инспекциянинг йиғилиш қарорлари, Инспекция бошлиғининг буйруқлари ва топшириқлари ўз вақтида ҳамда сифатли бажарилишини таъминлаш;

хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон ва «Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига тўлиқ мос равишда амалга ошириш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш.

Инспекция бошлиғи ўринбосарлари қонунчилик ҳужжатларига мувофиқ бошқа функционал вазифаларга ҳам эга бўлиши мумкин.

5-боб. Инспекция раҳбарларининг жавобгарлиги

16. Инспекция бошлиғи:

Инспекцияга юкланган вазифалар ва функцияларнинг бажарилиши;

ушбу Низомнинг 14-бандида кўрсатилган ўз функционал вазифаларининг сифатли бажарилиши учун шахсан жавобгардир.

17. Бошлиқ ўринбосарлари:

мутасаддилик қилинадиган ходимлар томонидан Инспекцияга юкланган вазифалар ва функцияларнинг бажарилиши;

ушбу Низомнинг 15-бандида кўрсатилган ўз функционал вазифаларининг сифатли бажарилиши учун шахсан жавобгардир.

6-боб. Инспекция ва унинг ҳудудий бўлинмалари фаолиятини ташкил этиш

1-§. Инспекция раҳбарияти

18. Инспекцияга Вазирлар Маҳкамасининг тақдимномасига кўра Ўзбекистон Республикаси Президенти томонидан лавозимга тайинланадиган ва лавозимдан озод этиладиган бошлиқ раҳбарлик қилади.

Инспекция бошлиғининг ўринбосарлари Ўзбекистон Республикаси транспорт вазирининг тақдимномасига кўра Вазирлар Маҳкамаси томонидан лавозимга тайинланади ва лавозимдан озод этилади.

19. Инспекция бошлиғи бўлмаган даврда унинг ваколатлари тегишли ўринбосар томонидан амалга оширилади.

20. Инспекция бошлиғи:

Инспекция марказий аппарати ва ҳудудий бўлинмалари ходимларини ишга қабул қилади ҳамда улар билан меҳнат шартномасини бекор қилади;

ўз ваколатига кирувчи масалалар бўйича ўтказиладиган Вазирлик ҳайъати мажлисларида, йиғилишларида белгиланган тартибда иштирок этади.

Инспекция бошлиғи қонунчилик ҳужжатларига мувофиқ бошқа ваколатларни ҳам амалга ошириши мумкин.

2-§. Инспекция ходимларининг ҳудудий бўлинмалар билан ўзаро ҳамкорлиги тартиби

21. Инспекция ходимларининг ҳудудий бўлинмалар билан ўзаро ҳамкорлиги Инспекция бошлиғи ва унинг ўринбосарлари томонидан таъминланади.

22. Инспекция ходимлари:

ҳудудий бўлинмаларга раҳбарият топшириқларини етказади ҳамда уларнинг бажарилишини назорат қилади;

Инспекциянинг ҳудудий бўлинмаларига уларнинг бевосита фаолияти бўйича сўровлар юборади ҳамда уларнинг ижро этилишини назорат қилади;

Инспекциянинг ҳудудий бўлинмалари фаолиятини текширади ва ўрганади, умумлаштиради, уни такомиллаштиришга қаратилган чора-тадбирларни ишлаб чиқади;

Инспекциянинг ҳудудий бўлинмалари фаолиятини ташкил этиш ва фаолияти натижалари тўғрисида ҳисобот ва ахборот материаллари, статистика маълумотлари ва бошқа маълумотларни тўплашни ташкил этади;

Инспекциянинг ҳудудий бўлинмалари иш режаларини таҳлил қилади, уларнинг фаолиятини режалаштиришни такомиллаштиришга доир чоралар кўради;

Инспекциянинг ҳудудий бўлинмаларидан тушган таклифларни кўриб чиқади.

23. Ҳудудий бўлинмалар:

Инспекция раҳбарияти топшириқлари бажарилиши ҳақида ахборот беради;

ўз фаолияти натижалари тўғрисидаги ҳисоботларни белгиланган тартибда ва муддатларда Инспекцияга тақдим қилади;

автомобиль, темир йўл, сув, электр транспорти ва метрополитенда ташиш хавфсизлигини таъминлашга қаратилган таклифларни Инспекцияга юборади.

3-§. Инспекциянинг республика ва маҳаллий ижро этувчи ҳокимият органлари, хўжалик бирлашмалари ҳамда бошқа ташкилотлар билан ўзаро ҳамкорлиги

24. Инспекция ўз вазифалари ва функцияларини амалга оширишда республика ҳамда маҳаллий ижро этувчи ҳокимият органлари, хўжалик бирлашмалари ва бошқа ташкилотлар билан ҳамкорлик қилади.

25. Инспекциянинг ҳудудий бўлинмалари ўз ваколатлари доирасида республика ва маҳаллий ижро этувчи ҳокимият органларининг ҳудудий бўлинмалари билан ҳамкорлик қилади.

7-боб. Инспекция ва унинг ҳудудий бўлинмаларини молиялаштириш ва моддий-техник таъминлаш, уларнинг ходимлари меҳнатига ҳақ тўлаш ҳамда уларни моддий рағбатлантириш

26. Инспекция ва унинг ҳудудий бўлинмаларини молиялаштириш ва моддий-техник таъминлаш Ўзбекистон Республикаси Давлат бюджети маблағлари, Вазирлик ҳузуридаги Транспорт ва логистикани ривожлантириш жамғармаси ва қонунчилик ҳужжатларида тақиқланмаган бошқа манбалар ҳисобидан амалга оширилади.

27. Инспекция ва унинг ҳудудий бўлинмалари ходимларининг иш ҳақи лавозим маоши, рағбатлантиришлар, қўшимча тўловлар, устамалар ва бошқа тўловлардан иборат.

Инспекция ва унинг ҳудудий бўлинмалари ходимларининг лавозим маоши Ягона тариф сеткасининг тасдиқланган разрядлари бўйича белгиланади.

Инспекция ва унинг ҳудудий бўлинмалари ходимларининг лавозим маошларига, Ўзбекистон Республикаси республика бюджетига йўналтириладиган маблағлар миқдори билан Инспекция ва ҳудудий бўлинмалари таъминоти учун бюджетдан ажратиладиган маблағлар миқдори ўртасида юзага келадиган тафовут ҳисобига 2 баробар ўсиб борувчи коэффициент қўлланилади.

Инспекция ва унинг ҳудудий бўлинмалари ходимларига Давлат бюджети ҳисобидан кўп йиллик меҳнати учун рағбатлантириш коэффициентини ҳисобга олган ҳолда, лавозим маошига белгиланган коэффициентларда қуйидаги ҳажмларда ҳар ойда қўшимча пул тўланади: 2 йилдан 5 йилгача — 0,1; 5 йилдан 10 йилгача — 0,2; 10 йилдан 15 йилгача — 0,3; 15 йилдан ортиқ — 0,4.

Инспекция ва унинг ҳудудий бўлинмалари ходимларини қўшимча моддий рағбатлантириш, Вазирлик ҳузуридаги Транспорт ва логистикани ривожлантириш жамғармаси ҳисобидан иш ҳақи фондига нисбатан 200 фоизгача миқдорда амалга оширилади.

28. Инспекция ва унинг ҳудудий бўлинмалари ходимлари учун автомобиль, темир йўл, ҳаво, сув транспорти корхоналари ходимларининг ижтимоий ёрдам кўрсатиш бўйича ҳуқуқи ва имтиёзлари, шунингдек, хизмат сафарлари давомида доимий равишда, таътил даврида — бир йилда бир марта автомобиль, темир йўл, ҳаво транспортидан имтиёзли фойдаланиш татбиқ этилади.

8-боб. Якунловчи қоидалар

29. Инспекция ва унинг ҳудудий бўлинмалари ходимлари (назорат функцияси юкланмаган ходимлар ҳамда қонунчилик ҳужжатларида бошқача тартиб белгиланган ҳолатлар бундан мустасно) ҳар уч йилда аттестациядан ўтказилади.

30. Назорат тадбирлари жараёнида жисмоний ва юридик шахслар Инспекция ҳамда унинг ҳудудий бўлинмалари ходимлари томонидан транспорт соҳасидаги назоратни амалга ошириш учун фаолият билан боғлиқ бўлган шарт-шароитларни яратишга мажбурдирлар.

31. Инспекция ва унинг ҳудудий бўлинмаларининг фаолиятига ноқонуний аралашиш ёки тўсқинлик қилиш, нотўғри маълумотни тақдим этиш ёки тақдим этишдан бўйин товлаш, шунингдек, Инспекциянинг мансабдор шахсларини Инспекцияга қонунчилик ҳужжатлари билан юкланмаган вазифаларни бажаришга мажбурлаш ҳамда уларга ҳар қандай шаклда таъсир кўрсатиш тақиқланади ва қонунчиликда белгиланган жавобгарликка сабаб бўлади.

32. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

Вазирлар Маҳкамасининг 2023 йил 15 декабрдаги 668-сон қарорига 2-ИЛОВА

Ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш бўйича давлат хизматларини кўрсатишнинг

1-боб. Умумий қоидалар

1. Ушбу Маъмурий регламент (кейинги ўринларда — Регламент) юридик ва жисмоний шахсларга тегишли ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш, рўйхатдан қайта ўтказиш, уларга рўйхатдан ўтказилганлиги тўғрисида гувоҳнома бериш ҳамда уларни рўйхатдан чиқариш бўйича давлат хизматларини (кейинги ўринларда — давлат хизмати) кўрсатиш тартибини белгилайди.

2. Ушбу Регламентда қуйидаги асосий тушунчалардан фойдаланилади:

ариза берувчи — умумий фойдаланишдаги темир йўл транспорти ҳамда ўз фаолиятини умумий фойдаланишдаги темир йўл транспорти тизимига кирмайдиган умумий фойдаланишда бўлмаган темир йўлларда амалга оширувчи, гувоҳнома олиш учун тегишли ҳужжатларни тақдим этувчи ҳаракатдаги темир йўл таркиби ва темир йўл транспорти инфратузилмаси объектларининг эгаси;

давлат рўйхатидан ўтказиш ҳаракатлари — ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш, рўйхатдан қайта ўтказиш ва уларни рўйхатдан чиқариш, шунингдек, техник кўрикдан ўтказиш, уларга гувоҳнома бериш, ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш ахборот тизимига (кейинги ўринларда — Ахборот тизими) маълумотларни киритиш ва ягона реестрини юритиш;

давлат рўйхатидан ўтказиш ҳужжати (кейинги ўринларда — гувоҳнома) — ҳаракатдаги темир йўл таркиби ва темир йўл транспорти инфратузилмаси объектларининг давлат рўйхатидан ўтганлиги тўғрисида гувоҳнома;

ягона реестр — Ўзбекистон Республикаси Транспорт вазирлиги ҳузуридаги Транспорт назорати инспекциясида (кейинги ўринларда — Инспекция) давлат рўйхатидан ўтказилган ҳаракатдаги темир йўл таркиби ва темир йўл транспорти инфратузилмаси объектлари тўғрисидаги маълумотларни ўз ичига олган давлат электрон ахборот ресурси;

ҳаракатдаги темир йўл таркиби — локомотивлар, тортиш локомотивининг юк, багаж, йўловчи ташиш вагонлари ва моторвагонли ҳаракатдаги таркиб, шунингдек, ташишларнинг амалга оширилишини ва темир йўл транспортининг фаолият кўрсатишини таъминлаш учун мўлжалланган бошқа транспорт воситалари;

ҳаракатдаги темир йўл таркибининг эгаси — мулк ҳуқуқи ёки бошқа ашёвий ҳуқуқ асосида ҳаракатдаги темир йўл таркибига эгалик қилувчи жисмоний (якка тартибдаги тадбиркор) ёки юридик шахс;

темир йўл транспорти инфратузилмаси — технологик мажмуа бўлиб, ушбу мажмуа фаолиятини таъминловчи темир йўлларни, темир йўл станцияларини, электр таъминоти қурилмаларини, алоқа тармоқларини, сигнализация, марказлаштириш ва блоклаш тизимларини, ахборот мажмуаларини, ҳаракатни бошқариш тизимини, бинолар, иншоотлар, қурилмалар, жиҳозлар ва ускуналарни ўз ичига олади;

темир йўл транспорти инфратузилмаси объекти — темир йўл транспорти инфратузилмаси қуйи тизимларининг таркибий қисми ёки унинг қуйи тизимларининг таркибий қисмлари тўплами;

темир йўл транспорти инфратузилмаси объектларининг эгаси — мулк ҳуқуқи ёки бошқа ашёвий ҳуқуқ асосида темир йўл транспорти инфратузилмаси объектларига, жумладан, транспорт ишларини бажариш ва темир йўл транспорти хизматларини кўрсатиш билан боғлиқ қурилмалар, бино ва иншоотлар ҳамда бошқа объектларга эгалик қилувчи, жисмоний (якка тартибдаги тадбиркор) ёки юридик шахс;

ҳаракатдаги темир йўл таркиби ва темир йўл транспорти инфратузилмаси объектларини модернизация қилиш — ҳаракатдаги мавжуд темир йўл таркиби ва темир йўл транспорти инфратузилмаси объектларини унинг таркибий қисмларини янада такомиллашганларига алмаштириш орқали техник-иқтисодий тавсифларни яхшилашга қаратилган ишлар мажмуи;

ҳаракатдаги темир йўл таркибини модернизация қилиш орқали хизмат муддатини узайтириш — хизмат муддатини узайтириш мақсадида базавий конструкцияга ўзгартиришлар киритиш орқали ҳаракатдаги мавжуд темир йўл таркибининг техник-иқтисодий тавсифларини яхшилаш бўйича ишлар мажмуи;

ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш — ҳаракатдаги темир йўл таркиби ҳамда темир йўл транспорти инфратузилмаси объектларини доимий ҳисобга олиш, ҳаракатдаги темир йўл таркиби ва темир йўл транспорти инфратузилмаси объектларининг рўйхатдан ўтказилгани тўғрисида гувоҳнома бериш ҳамда ягона реестрни шакллантириш;

ҳаракатдаги темир йўл таркиби ва темир йўл транспорти инфратузилмаси объектларини қайта давлат рўйхатидан ўтказиш — тегишли ҳуқуқий асослар бўлганда, ҳаракатдаги темир йўл таркиби ҳамда темир йўл транспорти инфратузилмаси объектларининг давлат рўйхатидан ўтгани тўғрисидаги ҳужжатларга ўзгартириш ва қўшимчалар киритиш;

умумий фойдаланишдаги темир йўллар — умумий фойдаланишдаги темир йўл транспорти соҳасидаги ваколатли ташкилотга ва унинг бўлинмаларига тегишли бўлган, поездларни ўтказиш, қабул қилиш ва жўнатиш, багажни, юк багажини, юкларни, почта ва курьерлик жўнатмаларини қабул қилиш ҳамда бериш ва йўловчиларга хизмат кўрсатиш бўйича тегишли операцияларни, манёвр ишларини бажариш учун очиқ бўлган, ажратилган минтақа доирасида перегонлар, темир йўл станциялари, разъездлар, қувиб ўтиш пунктлари жойлашган темир йўллар;

умумий фойдаланишда бўлмаган темир йўллар — юкни жўнатувчиларга (жўнатувчиларга) ва юкни олувчиларга (олувчиларга) шартнома шартлари асосида хизмат кўрсатиш ёки эгалик қилувчининг ўз эҳтиёжлари учун технологик ишларни бажаришга мўлжалланган умумий фойдаланишдаги темир йўлларга бевосита ёки бошқа темир йўл шохобча йўллари орқали туташадиган шохобча темир йўллар, шунингдек, умумий фойдаланишдаги темир йўлларга туташмайдиган темир йўллар.

3. Ҳаракатдаги темир йўл таркиби (кейинги ўринларда — ҳаракатдаги таркиб) ва темир йўл транспорти инфратузилмаси объектлари (кейинги ўринларда — инфратузилма объектлари) давлат рўйхатидан Инспекция томонидан ҳаракатдаги таркиб ва инфратузилма объектлари ҳақидаги маълумотларни Ахборот тизимига киритиш орқали ўтказилади.

4. Қонунчиликда белгиланган тартибда фойдаланишга қабул қилинган ҳаракатдаги таркиб ва инфратузилма объектлари, шунингдек, соҳаси ва қўлланиладиган жойидан қатъи назар, умумий фойдаланишдаги темир йўлларга чиқиш ҳуқуқига эга бўлган ҳамда ички технологик мақсадларда фойдаланиладиган, жисмоний ва юридик шахслар мулкига тегишли ҳаракатдаги темир йўл таркибларининг бирликлари давлат рўйхатидан ўтказилади ва ягона реестрда ҳисобга олинади.

Юридик ва жисмоний шахслар ҳаракатдаги таркиб ва инфратузилма объектлари бўйича эгалик ҳуқуқи, мулк ҳуқуқи ёки бошқа ашёвий ҳуқуқлар пайдо бўлгандан сўнг ўн иш куни муддатда уларни давлат рўйхатидан ўтказиши лозим.

Ҳаракатдаги таркиб ва инфратузилма объектлари Инспекция томонидан давлат рўйхатидан ўтказилади.

5. Давлат хизмати Регламентга 1-иловада келтирилган схемага мувофиқ кўрсатилади.

2-боб. Ҳаракатдаги таркиб ва инфратузилма объектларини давлат рўйхатидан ўтказишнинг талаблари ҳамда шартлари

6. Қуйидагилар ҳаракатдаги таркиб ва инфратузилма объектларини давлат рўйхатидан ўтказишнинг талаблари ҳамда шартлари ҳисобланади:

ҳаракатдаги таркиб ва инфратузилма объектларининг техник паспорти (формуляри) мавжуд бўлиши;

ҳаракатдаги таркибнинг хизмат муддати узайтирилганлиги тўғрисида гувоҳнома, янги харид қилинган ҳаракатдаги таркибнинг мувофиқлик сертификатлари мавжуд бўлиши;

рўйхатдан ўтказилган ҳаракатдаги таркиб ва инфратузилма объектларидан гувоҳномада кўрсатилган муддатларда фойдаланиш;

Инспекциянинг талабига кўра давлат рўйхатидан ўтказишнинг талаблари ва шартларига риоя этилишини ўрганиш пайтида юзага келадиган масалалар бўйича зарур маълумотларни тақдим этиш;

ариза берувчининг номи ёки жойлашган жойи (почта манзили) ўзгарганлиги сабабли қайта давлат рўйхатидан ўтганда, бу ҳақда ўн иш куни ичида Инспекцияни хабардор қилиш.

3-боб. Давлат хизматини кўрсатиш тартиби

7. Ариза берувчи ҳаракатдаги таркиб ёки инфратузилма объектларини давлат рўйхатидан ўтказиш учун Ягона интерактив давлат хизматлари порталида (кейинги ўринларда — ЯИДХП) рўйхатдан ўтади.

8. Тоифаланган объектлар ҳақидаги маълумотлар ва тарқатилиши чекланган ахборотни ўз ичига олган ҳужжатлар ариза берувчи томонидан Инспекцияга бевосита тақдим этилади.

9. Ҳаракатдаги таркиб ёки инфратузилма объектларини давлат рўйхатидан ўтказиш учун ЯИДХП орқали мурожаат этилганда, ариза берувчи мустақил равишда ушбу Регламентга 2-иловага мувофиқ аризани электрон шаклда тўлдиради.

Аризага илова қилинадиган ҳужжатлар кўрсатиладиган хизмат турларига мувофиқ аризани тўлдириш жараёнида автоматик тарзда белгиланади. Аризага талаб этиладиган ҳужжатларнинг сканер қилинган «PDF» шаклидаги нусхалари илова қилинади.

10. Аризага зарур маълумотлар расмийлаштирилиб, киритилгандан сўнг ариза берувчи уни электрон рақамли имзоси (кейинги ўринларда — ЭРИ) билан тасдиқлайди.

11. Давлат хизматини кўрсатишда ҳаракатдаги таркибнинг бирликларига ва ҳар бир инфратузилма объектини давлат рўйхатидан ўтказиш учун базавий ҳисоблаш миқдорининг 10 фоизи миқдорида йиғим ундирилади.

Давлат хизмати кўрсатилганда, йиғим тўланганлиги Ягона биллинг тизими орқали тасдиқланади.

12. Йиғимлар суммаси қуйидаги тартибда тақсимланади:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига;

11,75 фоизи — Ўзбекистон Республикаси Рақамли технологиялар вазирлиги ҳузуридаги «Электрон ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги Ғазначилик хизмати қўмитасидаги махсус ҳисобварағига (шу жумладан, 0,5 фоизи — ягона биллинг тизими орқали тасдиқлангани учун);

қолган маблағлар — Ўзбекистон Республикаси Транспорт вазирлиги ҳузуридаги Транспорт ва логистикани ривожлантириш жамғармасига ўтказилади.

13. Инспекцияга келиб тушган аризанинг тўғри тўлдирилганлиги текширилади. Агар аризада хато ва камчиликлар бўлса, уларни беш иш куни ичида бартараф этиш учун қайтарилади.

Белгиланган муддатда хатолар бартараф этилмаган, етишмаётган маълумотлар тақдим этилмаган ва нотўғри маълумотлар тақдим этилган ёки давлат хизматини кўрсатиш учун йиғим тўланмаган тақдирда, шунингдек, мазкур Регламентнинг 6-бандида кўрсатилган талаблар ва шартларга амал қилинмаганда, давлат хизматини кўрсатиш рад этилади.

Давлат хизматини кўрсатишни ушбу бандда кўрсатилгандан ташқари бошқа асослар бўйича рад этиш тақиқланади.

14. Ариза берувчи давлат хизматидан фойдаланишда уларни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматидан фойдаланишдан бош тортганда, унинг аризаси кўрилмасдан қолдирилади ва тўланган йиғим суммаси қайтарилмайди.

15. Ариза берувчи томонидан ЯИДХП орқали мурожаат этилганда, ариза автоматик тарзда Инспекцияга юборилади.

16. Ариза келиб тушган кундан бошлаб ўн беш иш кунидан ошмайдиган муддатда кўриб чиқилади.

Бунда Инспекция ходимлари жойига чиққан ҳолда, ҳаракатдаги таркиб ёки инфратузилма объектларини техник кўрикдан ўтказиш орқали тақдим этилган ҳужжатлардаги маълумотлар тўғрилигини ўрганиб чиқиб, унинг натижалари асосида ҳаракатдаги таркибнинг ёки инфратузилма объектларининг техник ҳолатини кўрикдан ўтказиш далолатномаси ҳамда уларни рўйхатдан ўтказиш ёки рўйхатдан ўтказишни рад этиш бўйича хулоса тайёрлайди.

17. Инспекция ҳужжатларни кўриб чиқиш натижаси бўйича тегишли гувоҳномани мазкур Регламентга 3 ва 4-иловаларга мувофиқ шаклда QR-код (матрик штрихли код) қўйиб расмийлаштиради ва уни ЭРИ билан тасдиқлайди ҳамда ариза берувчига ЯИДХП орқали юборади.

Гувоҳнома ҳаракатдаги таркиб ва инфратузилма объектлари давлат рўйхатидан чиқарилган кунга қадар амал қилади.

18. Гувоҳнома бериш рад этилганда, ариза берувчига рад этиш сабаблари ва ариза берувчи кўрсатиб ўтилган сабабларни бартараф этиб, ҳужжатларни қайта кўриб чиқишга тақдим этиши мумкин бўлган муддат кўрсатилган тегишли билдиришнома юборилади. Рўйхатдан ўтказишни рад этиш ҳақидаги билдиришномада кўрсатилган муддат камчиликларни бартараф этиш учун зарур бўлган вақтга мутаносиб бўлиши ва кўпи билан бир ой муддатдан ошмаслиги лозим.

Ариза берувчи билдиришномада белгиланган вақт давомида келтирилган сабабларни бартараф этиб, ҳужжатларни қайта кўриб чиқиш учун ЯИДХП орқали тақдим этиши мумкин. Бунда ҳужжатлар қайта тақдим этилганда, тўлов такроран ундирилмайди.

19. Камчиликлар бартараф этилганлиги ҳақидаги ариза Инспекцияга келиб тушган кундан бошлаб беш иш куни давомида такроран кўриб чиқилади.

Рўйхатдан ўтказиш бўйича ҳужжатларни такроран кўриб чиқишда Инспекциянинг аввалги рад этиш асосларида баён этилмаган сабаблар кўрсатилишига йўл қўйилмайди, аввал кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабаблари келтирилиши бундан мустасно.

4-боб. Ҳаракатдаги таркиб ва инфратузилма объектларини давлат рўйхатидан ўтказиш учун тақдим этиладиган ҳужжатлар

20. Ҳаракатдаги таркибни давлат рўйхатидан ўтказиш учун аризага қуйидаги ҳужжатлар илова қилинади:

рўйхатдан ўтказилаётган ҳаракатдаги таркибнинг мазкур Регламентга 5-иловага мувофиқ шаклдаги рўйхати;

ҳаракатдаги таркибнинг олди-сотди шартномаси ёки бошқа ҳаракатдаги таркибга эгалик ҳуқуқи вужудга келишига асос бўлувчи ҳужжат нусхаси;

ҳаракатдаги таркибни қабул қилиш-топшириш далолатномаси ёки ҳаракатдаги таркиб топширилганлигини тасдиқловчи бошқа ҳужжат нусхаси;

ишлаб чиқилганидан, модернизация қилинганидан ёки таъмирланганидан сўнг ҳаракатдаги таркибнинг фойдаланишга топширилганлиги ҳақида далолатноманинг нусхаси;

мувофиқлик сертификатининг нусхаси (мувофиқлиги тасдиқланиши шарт бўлган ҳаракатдаги таркиб учун);

ҳаракатдаги таркиб техник паспортининг нусхаси.

21. Мазкур Регламентга 6-иловада кўрсатилган инфратузилма объектларини давлат рўйхатидан ўтказиш учун ариза берувчи аризага қуйидаги ҳужжатларни илова қилган ҳолда ЯИДХП орқали тақдим этади:

инфратузилма объектининг техник паспорти;

инфратузилма объектини капитал қурилишдан сўнг қабул қилиш бўйича, шунингдек, ташкилотлар балансидан ўз балансига ўтказиш ёки сотиб олиш юзасидан мулк ҳуқуқини тасдиқловчи ҳужжатлар.

22. Ҳаракатдаги таркиб ва инфратузилма объектларини давлат рўйхатидан ўтказишда ариза берувчидан ушбу Регламентнинг 20 ва 21-бандларида назарда тутилмаган ҳужжатларни тақдим этишни талаб қилишга йўл қўйилмайди.

5-боб. Ҳаракатдаги таркиб ва инфратузилма объектларини давлат рўйхатидан қайта ўтказиш, шунингдек, уларнинг ижараси тўғрисидаги маълумотларни юритиш

23. Ҳаракатдаги таркибнинг модернизация қилиш (қайта жиҳозлаш) натижасида модели ўзгарганда, эгаси ўзгарганда ёки хизмат муддати узайтирилганда, давлат рўйхатидан қайта ўтказилади.

24. Инспекция томонидан ҳаракатдаги таркиб ва инфратузилма объектларини давлат рўйхатидан қайта ўтказиш ариза тақдим этилган кундан бошлаб ўн иш куни ичида амалга оширилади.

Давлат рўйхатидан қайта ўтказиш тўғрисидаги ариза кўриб чиқилганлиги учун ҳаракатдаги таркибнинг бирликларига ва ҳар бир инфратузилма объектига базавий ҳисоблаш миқдорининг 10 фоизи миқдорида йиғим ундирилади.

Давлат хизмати кўрсатилганда, йиғим тўланганлиги Ягона биллинг тизими орқали тасдиқланади.

25. Йиғимлар суммаси қуйидаги тартибда тақсимланади:

26. Ариза берувчи ЯИДХП орқали мустақил равишда ушбу Регламентга 2-иловага мувофиқ аризани электрон шаклда тўлдиради.

27. Ариза берувчи давлат рўйхатидан қайта ўтказилаётган ҳаракатдаги таркибнинг амалдаги гувоҳномаси билан бирга қўшимча равишда қуйидаги ҳужжатларни илова қилган ҳолда аризани тақдим этади:

а) ҳаракатдаги таркибни модернизация қилиш (қайта жиҳозлаш) натижасида унинг модели ўзгарганда:

амалга оширилган модернизация ва модернизация коди кўрсатилган ҳаракатдаги таркибни фойдаланишга топширилганлиги ҳақидаги далолатноманинг нусхаси;

мувофиқлик сертификатининг нусхаси;

ҳаракатдаги таркибнинг техник паспорти нусхаси;

б) ҳаракатдаги таркибнинг эгаси ўзгарганда:

ҳаракатдаги таркибнинг олди-сотди шартномаси ёки ҳаракатдаги таркибга мулк ҳуқуқини берувчи бошқа ҳужжат нусхаси;

ҳаракатдаги таркибнинг техник паспорти нусхаси;

в) ҳаракатдаги таркибнинг хизмат муддати узайтирилганда:

ишлар техник ечимга мувофиқ амалга оширилганлиги тўғрисидаги далолатноманинг нусхаси;

ҳаракатдаги таркибнинг техник паспорти нусхаси;

мувофиқлик сертификатининг (ҳаракатдаги таркиб модернизация қилинган ҳолда хизмат муддатлари узайтирилганидан кейин олинган) нусхаси.

28. Инфратузилма объектлари реконструкция қилинганда, техник маълумотлари ёки эгаси ўзгарганда, давлат рўйхатидан қайта ўтказилади.

Ариза берувчи давлат рўйхатидан қайта ўтказилаётган инфратузилма объектининг амалдаги гувоҳномаси билан бирга қўшимча равишда қуйидаги ҳужжатларни илова қилган ҳолда аризани тақдим этади:

инфратузилма объектининг техник паспорти (темир йўл транспорти инфратузилмаси объектларининг техник маълумотларига киритилган ўзгартиришлар билан);

умумий фойдаланишда бўлмаган темир йўлларни, шунингдек, юклаш, тушириш ҳамда вагон ва контейнерларни тозалаш учун мўлжалланган қурилмаларни қуриш ва реконструкция қилиш бўйича рухсат бериш тартиб-таомилларидан ўтганлиги ҳақида ҳужжат;

фойдаланишга қабул қилиб олиш далолатномаси;

мулк ҳуқуқини тасдиқловчи ҳужжатлар.

29. Ҳаракатдаги таркиб ва инфратузилма объектларини давлат рўйхатидан қайта ўтказиш бўйича давлат хизматини кўрсатиш учун йиғим тўланмаган тақдирда, шунингдек, мазкур Регламентнинг 27 ва 28-бандида кўрсатилган ҳужжатлар тақдим этилмаганда, давлат хизматини кўрсатиш рад этилади.

Давлат хизматини кўрсатишни ушбу бандда кўрсатилгандан ташқари бошқа асослар бўйича рад этиш тақиқланади.

30. Ҳаракатдаги таркиб ва инфратузилма объектлари ижарага берилганда ёки ижараси тугатилганда, давлат рўйхатидан қайта ўтказилмайди, бунда Ахборот тизимида ягона реестрга «ижарага берилган» ва «ижара тугатилган» ёзуви киритилади.

31. Ҳаракатдаги таркиб ёки инфратузилма объектлари ижарага берилганда ва ижараси тугатилганда, ариза берувчи ЯИДХП орқали мустақил равишда аризани электрон шаклда қуйидаги ҳужжатларни илова қилган ҳолда тўлдиради:

ижара шартномаси нусхаси;

гувоҳнома нусхаси.

32. Ҳаракатдаги таркиб ва инфратузилма объектлари ижарага берилган ёки ижараси тугатилганлиги тўғрисида Ахборот тизимига маълумот киритилганлиги учун тўлов ундирилмайди.

33. Ҳаракатдаги таркиб ва инфратузилма объектларининг давлат рўйхатидан қайта ўтказилганлиги ёки ўтказиш рад этилганлиги, шунингдек, уларнинг ижарага берилганлиги ёки ижараси тугатилганлиги тўғрисидаги маълумотлар ариза берувчининг ЯИДХПдаги шахсий кабинетига автоматик равишда юборилади.

6-боб. Ҳаракатдаги таркиб ва инфратузилма объектларини давлат рўйхатидан чиқариш

34. Ҳаракатдаги таркиб давлат рўйхатидан қуйидаги ҳолларда чиқарилади:

ҳаракатдаги таркиб Ўзбекистон Республикаси ҳудудидан ташқарида фойдаланиш учун олиб чиқиб кетилганда (расмийлаштирилган божхона юк декларацияси асосида);

ҳаракатдаги таркиб фойдаланишга яроқсиз деб топилганда (ҳаракатдаги таркиб ҳисобдан чиқарилиши, унинг тиклаб бўлмас даражада шикастланиши, хизмат муддатининг тугаганлиги).

35. Ҳаракатдаги таркибни давлат рўйхатидан чиқариш учун ариза берувчи ЯИДХП орқали мустақил равишда аризани электрон шаклда тўлдиради ҳамда аризага давлат рўйхатидан чиқариладиган ҳаракатдаги таркибнинг мазкур Регламентга 5-иловага мувофиқ шаклдаги рўйхатини ва қўшимча равишда қуйидаги ҳужжатларни илова қилган ҳолда тақдим этади:

а) Ўзбекистон Республикаси ҳудудидан ташқарида фойдаланиш учун олиб чиқиб кетилганда:

расмийлаштирилган божхона юк декларацияси;

амалдаги гувоҳнома;

б) ҳаракатдаги таркиб фойдаланишга яроқсиз деб топилганда:

ҳаракатдаги таркибни фойдаланишга яроқсиз деб топиш ва ҳисобдан чиқариш тўғрисидаги буйруқ ёки далолатнома;

амалдаги гувоҳнома.

36. Инспекция томонидан ҳаракатдаги таркибни давлат рўйхатидан чиқариш ариза тақдим этилган кундан бошлаб беш иш куни ичида амалга оширилади.

37. Қуйидаги ҳолатлар ҳаракатдаги таркибни давлат рўйхатидан чиқаришни рад этишга асос ҳисобланади:

мазкур Регламентнинг 35-бандида кўрсатилган ҳужжатлар тўлиқ тақдим этилмаганлиги;

ишлаб чиқарувчи томонидан ҳаракатдаги таркибга қўйилган идентификация тамғасини яшириш, сохталаштириш, ўзгартириш, йўқ қилиш аломатлари мавжудлиги ёки тақдим этилган ҳужжатлар сохталаштирилганлиги;

давлат рўйхатидан ўтказиш ҳужжатларидаги ёхуд давлат рўйхатидан чиқариш бўйича тақдим этилган ҳужжатлардаги маълумотлар билан ҳаракатдаги таркиб ва унинг рақамли узеллари ёки агрегатлари номувофиқлиги аниқланганлиги;

ҳаракатдаги таркиб, рақам узеллари ҳамда агрегатлари қидирувда эканлиги ёки тақдим этилган ҳужжатлар йўқотилганлар (ўғирланганлар) жумласига кириши ҳақидаги маълумотлар мавжудлиги.

Давлат хизматини кўрсатишни ушбу бандда кўрсатилгандан ташқари бошқа асослар бўйича рад этиш тақиқланади.

Ариза берувчи ҳаракатдаги таркибни давлат рўйхатидан чиқаришга рад этиш учун асос бўлган сабабларни бартараф этган ҳолда, уни ҳисобдан чиқариш тўғрисидаги ариза билан қайта мурожаат этишга ҳақли.

38. Инфратузилма объектлари яроқсиз деб топилганлиги (ҳисобдан чиқарилиши, тиклаб бўлмас даражада шикастланиши, хизмат муддатининг тугагаши) сабабли давлат рўйхатидан чиқарилади.

39. Ариза берувчи инфратузилма объектларини давлат рўйхатидан чиқариш учун ЯИДХП орқали мустақил равишда аризани электрон шаклда тўлдиради ҳамда аризага инфратузилма объектлари яроқсиз деб топилганда, уларни демонтаж қилиш ёки фойдаланишдан чиқариш тўғрисидаги буйруқ ёки далолатномани илова қилади.

40. Ҳаракатдаги таркиб ёки инфратузилма объектларини давлат рўйхатидан чиқариш учун тўлов ундирилмайди.

41. Ҳаракатдаги таркиб ёки инфратузилма объектларининг давлат рўйхатидан чиқарилганлиги ёки чиқариш рад этилганлиги тўғрисидаги маълумотлар ариза берувчининг ЯИДХПдаги шахсий кабинетига автоматик равишда юборилади.

42. Давлат рўйхатидан чиқарилган ҳаракатдаги таркиб ёки инфратузилма объектларига берилган гувоҳнома Инспекция томонидан бекор қилинади.

7-боб. Ҳаракатдаги таркиб ва инфратузилма объектларидан фойдаланишни вақтинча тўхтатиш

43. Ҳаракатдаги таркибнинг режали турдаги таъмирлаш муддатлари ўтганда, юриш қисмининг носозликлари бўлганда ёки ҳаракатдаги таркибдан фойдаланиш эҳтиёжи бўлмаганда, ундан фойдаланиш вақтинча тўхтатилади.

44. Ҳаракатдаги таркибдан фойдаланиш вақтинча тўхтатилганда, ариза берувчи ЯИДХП орқали мустақил равишда аризани электрон шаклда тўлдиради. Аризага давлат рўйхатидан чиқариладиган ҳаракатдаги таркибнинг мазкур Регламентга 5-иловага мувофиқ шаклдаги рўйхатини ва қўшимча равишда қуйидаги ҳужжатларни илова қилган ҳолда тақдим этади:

ҳаракатдаги таркиб эгасининг фойдаланиш вақтинча тўхтатилганлиги ҳақидаги белгиси қўйилган ҳаракатдаги таркиб техник паспорти;

ариза берувчининг ҳаракатдаги таркибдан фойдаланиш вақтинча тўхтатилганлиги ҳақидаги буйруғи ёки далолатнома;

амалдаги гувоҳнома.

45. Инфратузилма объектларининг носозлиги ёки инфратузилма объектидан фойдаланишга эҳтиёж бўлмаганда, ундан фойдаланиш вақтинча тўхтатилади.

Инфратузилма объектидан фойдаланиш вақтинча тўхтатилганда, ариза берувчи ЯИДХП орқали мустақил равишда аризани электрон шаклда тўлдиради. Аризага инфратузилма объектлари эгасининг инфратузилма объектларидан фойдаланиш вақтинча тўхтатилгани тўғрисидаги буйруғи ёки далолатнома илова қилинади.

46. Ҳаракатдаги таркиб ва инфратузилма объектларидан фойдаланиш вақтинча тўхтатилганда, Ахборот тизимида ягона реестрга «фойдаланишдан тўхтатилган» ёзуви киритилади.

47. Ҳаракатдаги таркиб ва инфратузилма объектларидан фойдаланишни вақтинча тўхтатиш учун тўлов ундирилмайди.

48. Ҳаракатдаги таркиб ва инфратузилма объектларидан фойдаланиш вақтинча тўхтатилганлиги тўғрисидаги маълумот ариза берувчининг ЯИДХПдаги шахсий кабинетига автоматик равишда юборилади.

8-боб. Якунловчи қоидалар

49. Давлат хизматини кўрсатиш жараёнида иштирок этувчи ваколатли органлар ўз фаолиятини амалга ошириши натижасида олинган маълумотларнинг сир сақланишини таъминлайди.

50. Ўзбекистон Республикаси Адлия вазирлиги, унинг ҳудудий органлари мазкур Регламент талаблари ижроси бўйича давлат органлари ва бошқа ташкилотларнинг фаолиятини, шу жумладан, ЯИДХП орқали доимий назорат ва мониторинг қилиб боради.

51. Ариза берувчи давлат органлари ва бошқа ташкилотлар ходимларининг ҳаракати (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.

52. Ушбу Регламент талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш бўйича давлат хизматларини кўрсатишнинг маъмурий регламентига 1-ИЛОВА

Ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш бўйича давлат хизматларини кўрсатиш

Босқичлар Масъуллар Чора-тадбирлар Муддатлар I. Ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш 1-босқич Ариза берувчи 1. Ягона интерактив давлат хизматлари порталида (кейинги ўринларда — ЯИДХП) рўйхатдан ўтади ва мурожаат қилади. 2. Электрон шаклдаги аризани унга илова қилинадиган ҳужжатларнинг электрон шаклини юклаган ҳолда тўлдиради ва тасдиқлайди. 3. Давлат хизматларидан фойдаланиш учун белгиланган миқдордаги йиғимни тўлайди. Хоҳишига кўра 2-босқич ЯИДХП Аризани Транспорт вазирлиги ҳузуридаги Транспорт назорати инспекциясига (кейинги ўринларда — Транспорт назорати инспекцияси) юборади. Автоматик равишда 3-босқич Транспорт назорати инспекцияси 1. Келиб тушган ариза ва илова қилинган ҳужжатларнинг тўғри ва тўлиқ тўлдирилгани ҳамда тўловларнинг тўланганини текширади. Ҳужжатлар қабул қилинган кунда 2. Транспорт назорати инспекцияси ходимлари жойига чиққан ҳолда, ҳаракатдаги темир йўл таркиби ёки темир йўл транспорти инфратузилмаси объектларининг техник кўрикдан ўтказиш орқали тақдим этилган ҳужжатлардаги маълумотлар тўғрилигини ўрганиб чиқиб, унинг натижалари асосида ҳаракатдаги темир йўл таркибнинг ёки темир йўл транспорти инфратузилмаси объектларини техник ҳолатини кўрикдан ўтказиш далолатномаси ҳамда уларни рўйхатдан ўтказиш ёки рўйхатдан ўтказишни рад этиш бўйича хулоса тайёрлайди. 3. Аризани кўриб чиқиш натижалари бўйича ҳаракатдаги темир йўл таркиби ва темир йўл транспорти инфратузилмаси объектлари давлат рўйхатидан ўтказилгани тўғрисида QR-код (матрик штрихли код) қўйилган тегишли гувоҳномани ёки рўйхатдан ўтказиш рад этилгани ҳақидаги билдиришномани ариза берувчининг ЯИДХПдаги шахсий кабинетига юборади. 15 иш куни ичида II. Ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан қайта ўтказиш 1-босқич Ариза берувчи 1. ЯИДХПда рўйхатдан ўтади ва мурожаат қилади. 2. Электрон шаклдаги аризани унга илова қилинадиган ҳужжатларнинг электрон шаклини юклаган ҳолда тўлдиради ва тасдиқлайди. 3. Давлат хизматларидан фойдаланиш учун белгиланган миқдордаги йиғимни тўлайди. Хоҳишига кўра 2-босқич ЯИДХП Аризани Транспорт назорати инспекциясига юборади. Автоматик равишда 3-босқич Транспорт назорати инспекцияси 1. Келиб тушган ариза ва илова қилинган ҳужжатларнинг тўғри ва тўлиқ тўлдирилгани ҳамда тўловларнинг тўланганини текширади. Ҳужжатлар қабул қилинган кунда 2. Аризани кўриб чиқиш натижалари бўйича ҳаракатдаги темир йўл таркиби ва темир йўл транспорти инфратузилмаси объектлари қайта давлат рўйхатидан ўтказилгани ёки ўтказиш рад этилгани ҳақидаги маълумотлар ариза берувчининг ЯИДХПдаги шахсий кабинетига юборади. 10 иш куни ичида III. Ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан чиқариш 1-босқич Ариза берувчи 1. ЯИДХПда рўйхатдан ўтади ва мурожаат қилади. 2. Электрон шаклдаги аризани унга илова қилинадиган ҳужжатларнинг электрон шаклини юклаган ҳолда тўлдиради ва тасдиқлайди. Хоҳишига кўра 2-босқич ЯИДХП Аризани Транспорт назорати инспекциясига юборади. Автоматик равишда 3-босқич Транспорт назорати инспекцияси 1. Келиб тушган ариза ва илова қилинган ҳужжатларнинг тўғри ва тўлиқ тўлдирилганини текширади. Ҳужжатлар қабул қилинган кунда 2. Аризани кўриб чиқиш натижалари бўйича ҳаракатдаги темир йўл таркиби ва темир йўл транспорти инфратузилмаси объектлари давлат рўйхатидан чиқарилгани ёки давлат рўйхатидан чиқариш рад этилгани ҳақидаги маълумотларни ариза берувчининг ЯИДХПдаги шахсий кабинетига юборади. 5 иш куни ичида

__________________ (сана) __________________ (рақам) Ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш бўйича давлат хизматларидан фойдаланиш учун АРИЗА I. Ариза берувчи тўғрисида маълумот: Ҳаракатдаги темир йўл таркибини рўйхатдан ўтказиш (рўйхатдан қайта ўтказиш, рўйхатдан чиқариш) учун 1. Тўлиқ номи ва ташкилий-ҳуқуқий шакли: (юридик шахслар учун) Ф.И.О. (жисмоний шахслар учун) 2. Манзили, телефон рақами, электрон почтаси: 3. Реквизитлари (СТИР, банк коди, ҳисобварағи ): (юридик шахслар учун) 4. Эгалик ҳуқуқи (хусусий мулк, бошқа мулкий ҳуқуқлар, ижара шартномалари ва бошқалар) 5. Ҳаракатдаги темир йўл таркибнинг тури 6. Ҳаракатдаги темир йўл таркибининг жойлашган жойи 7. Ҳаракатдаги темир йўл таркибини рўйхатдан ўтказиш (рўйхатдан қайта ўтказиш, рўйхатдан чиқариш ва бошқалар) учун асос Темир йўл транспорти инфратузилмаси объектларини рўйхатдан ўтказиш (рўйхатдан қайта ўтказиш, рўйхатдан чиқариш) учун 1. Тўлиқ номи ва ташкилий-ҳуқуқий шакли: (юридик шахслар учун) Ф.И.О. (жисмоний шахслар учун) 2. Манзили, телефон рақами, электрон почтаси: 3. Реквизитлари (СТИР, банк коди, ҳисобварағи): (юридик шахслар учун) 4. Эгалик ҳуқуқи (хусусий мулк, бошқа мулкий ҳуқуқлар, ижара шартномалари ва бошқалар) 5. Темир йўл транспорти инфратузилмаси объекти жойлашган темир йўл станцияси ёки перегони 6. Темир йўл инфратузилмаси транспорти объектини рўйхатдан ўтказиш (рўйхатдан қайта ўтказиш, рўйхатдан чиқариш ва бошқалар) учун асос II. Аризага илова: Ҳаракатдаги темир йўл таркиби ва темир йўл транспорти инфратузилмаси объектларини давлат рўйхатидан ўтказиш ( рўйхатдан қайта ўтказиш, рўйхатдан чиқариш ) учун зарур бўлган ҳужжатларнинг электрон шакли:* * Хизмат туридан келиб чиқиб, ҳужжатлар рўйхати ва улар ҳақидаги маълумот автоматик тарзда белгиланади. Ариза берувчининг электрон рақамли имзоси

Oʻzbekiston Respublikasi Transport vazirligi huzuridagi Transport nazorati inspeksiyasi Инспекция по надзору в сфере транспорта при Министерстве транспорта Республики Узбекистан Guvohnoma / Свидетельство Harakatdagi temir yoʻl tarkibini davlat roʻyxatidan oʻtkazish toʻgʻrisida / о государственной регистрации железнодорожного подвижного состава Transport nazorati inspeksiyasi davlat reyestridan roʻyxatdan oʻtgan / Зарегистрировано в Государственном реестре Инспекция по надзору в сфере транспорта 20 __-y. «___» ________ ____-son Mazkur guvohnoma / Настоящее свидетельство выдано ___________________________ _____________________________________________________________________________ (yuridik shaxs nomi / наименование юридического лица ) berilgan va harakatdagi temir yoʻl tarkibining davlat roʻyxatidan oʻtganligini tasdiqlaydi / и подтверждает государственную регистрацию железнодорожного подвижного состава: _____________________________________________________ harakatdagi tarkib turi / вид подвижного состава seriyasi, vagon turi / серия, тип вагона _________________________________________ zavodda berilgan raqami / заводской номер ______________________________________ inventar raqami / инвентарный номер ___________________________________________ seksiyasi / секция __________________________________________________________ qurilgan yili / год постройки «____» _______________ 20 __-yil / года Ushbu Guvohnoma qonunchilik hujjatlarida nazarda tutilgan barcha hollarda qoʻllaniladi hamda harakatdagi temir yoʻl tarkibining egasini tasdiqlovchi hujjat bilan birgalikda taqdim etiladi va unda keltirilgan maʼlumotlar oʻzgarganda almashtirilishi shart boʻladi / Настоящее Свидетельство применяется во всех предусмотренных законодательством случаях и предъявляется вместе с документом, удостоверяющим владельца железнодорожного подвижного состава, и подлежит замене в случае изменения приведенных в нем сведений. 20 __- yil «____»______________

Oʻzbekiston Respublikasi Transport vazirligi huzuridagi Transport nazorati inspeksiyasi Инспекция по надзору в сфере транспорта при Министерстве транспорта Республики Узбекистан Guvohnoma / Свидетельство Temir yoʻl transporti infratuzilmasi obyektini davlat roʻyxatidan oʻtkazish toʻgʻrisida / о государственной регистрации объекта инфраструктуры железнодорожного транспорта Transport nazorati inspeksiyasi davlat reyestridan roʻyxatdan oʻtgan / Зарегистрировано в Государственном реестре Инспекции по надзору в сфере транспорта 20 ___-y. «___» _________ ____-son Mazkur guvohnoma / Настоящее свидетельство выдано __________________________________________________________________________________________________________ __________________________________________________________________________________________________________ __________________________________________________________________________________________________________ (yuridik shaxs va obyektning nomi / наименование юридического лица и объекта) berilgan va temir yoʻl transporti infratuzilmasi obyektining davlat roʻyxatidan oʻtganligini tasdiqlaydi / и подтверждает государственную регистрацию объекта инфраструктуры железнодорожного транспорта Ushbu Guvohnoma qonunchilik hujjatlarida nazarda tutilgan barcha hollarda qoʻllaniladi hamda temir yoʻl transporti infratuzilmasi obyektining egasini tasdiqlovchi hujjat bilan birgalikda taqdim etiladi va unda keltirilgan maʼlumotlar oʻzgarganida almashtirilishi shart boʻladi / Настоящее Свидетельство применяется во всех предусмотренных законодательством случаях и предъявляется вместе с документом, удостоверяющим владельца объекта инфраструктуры железнодорожного транспорта, и подлежит замене в случае изменения приведенных в нем сведений. QR-код (матрик штрихли код) 20____-yil «____» ____________

Тортиш ҳаракатдаги темир йўл таркибининг (локомотивлар, моторвагонли ҳаракатдаги таркиб)

Т/р Серияси Завод рақами Инвентарь рақами Ишлаб чиқарилган санаси Меъёрий хизмат муддати Амалдаги хизмат муддати Капитал таъмир ҳажмида ўтказилган охирги таъмир санаси: Кейинги таъмир санаси Техник ҳолати Фойдаланишда ёки сақлаб турилибди Яроқлилик муддати Рўйхатда турган депоси КТ-1 КТ-2 яроқли ҳисобдан чиқарилган 1. 2. 3. Ариза берувчи ташкилот раҳбари _____________________ _____________________________________________ (имзо) (Ф.И.О.) М.Ў.

Юк ва йўловчи вагонлар

Т/р Вагон тури Вагоннинг завод рақами Вагоннинг инвентарь рақами Ишлаб чиқарилган сана Вагоннинг меъёрий хизмат муддати Вагоннинг амалдаги хизмат муддати Охирги депо таъмирининг санаси (ДР) Капитал таъмир ҳажмида ўтказилган охирги таъмир санаси: Кейинги таъмир санаси Техник ҳолати Яроқлилик муддати Жойлашган темир йўл станцияси КР КРП яроқли ҳисобдан чиқарилган 1. 2. 3. Ариза берувчи ташкилот раҳбари _____________________ _____________________________________________ (имзо) (Ф.И.О.) М.Ў.

Махсус ҳаракатдаги таркиблар

Т/р Серияси Завод рақами Инвентарь рақами Ишлаб чиқарилган сана Меъёрий хизмат муддати Амалдаги хизмат муддати Капитал таъмир ҳажмида ўтказилган охирги таъмир санаси: Кейинги таъмир санаси Техник ҳолати Яроқлилик муддати Жойлашган жойи КР-1 КР-2 яроқли ҳисобдан чиқарилган 1. 2. 3. Ариза берувчи ташкилот раҳбари _____________________ _____________________________________________ (имзо) (Ф.И.О.) М.Ў.

Темир йўл транспорти инфратузилмаси объектлари

Т/р Темир йўл транспорти инфратузилмаси объекти* Рўйхатга олинадиган темир йўл транспорти инфратузилмаси объекти техник паспортида кўрсатиладиган маълумотлар 1. Темир йўл станцияси 1. Йўл хўжалиги бўйича: темир йўллар (асосий, темир йўл станция йўллари, бошқа йўллар); стрелкали ўтказгичлар; темир йўл кесишмалари; габарит назорат қурилмалари; сунъий иншоотлар, жумладан: дренаж, деформацияга қарши, ҳимоя ва мустаҳкамловчи иншоотлар, сув ўтказувчи қувурлар; темир йўл кўприги, туннеллар; темир йўл орқали пиёдалар ўтиш жойлари, кўприги, туннеллари . 2. Алоқа ва сигналлаштириш хўжалиги бўйича: сигналлаштириш марказлаштириш қурилмалари; темир йўл кесишмалари қурилмалари; алоқа қурилмалари; марказлашган стрелкали ўтказгичлар; бошқарув пульт қурилмалари. 3. Электр таъминоти хўжалиги бўйича: контакт тармоғи; трансформаторлар; трансформатор подстанциялари; тортиш подстанцияси; электр узатиш тармоғи; бошқарув тизим қурилмалари. 4. Локомотив хўжалиги бўйича: локомотив таъмирлаш ва хизмат кўрсатиш пункти. 5. Вагон хўжалиги: техник хизмат кўрсатиш пунктлари. 6. Йўловчи ташиш хўжалиги: йўловчи платформалари; йўловчиларга хизмат кўрсатиш бино ва иншоотлари. 7. Юк ташиш хўжалиги: темир йўл станцияси синфи (класс); тўхташ пункти; юк ортиш ва тушириш майдонлари, контейнер майдонлари (м 2 ); юк сақлаш майдони (м 2 ); саралаш тепаликлари; юк платформалари; ювиш ва буғлаш станциялари; вагонларни ювиш ва дезинфекциялаш пунктлари; вагонларни юк ортишга тайёрлаш пунктлари. 2. Умумий фойдаланишда бўлмаган темир йўли 3. Перегондаги темир йўллар 1. Йўл хўжалиги бўйича: темир йўллар; стрелкали ўтказгичлар; темир йўл кесишмаси; сунъий иншоотлар, жумладан: дренаж, деформацияга қарши, ҳимоя ва мустаҳкамловчи иншоотлар, сув ўтказувчи қувурлар; темир йўл кўприги, туннеллар; темир йўл орқали пиёдалар ўтиш жойлари, кўприги, туннеллари . 2. Алоқа ва сигналлаштириш хўжалиги бўйича: алоқа қурилмалари; сигналлаштириш марказлаштириш қурилмалари; темир йўл кесишмалари қурилмалари; ҳаракатдаги таркиблар буксаларини масофадан назорат қилиш қурилмаси; габарит назорат қурилмалари; ҳаракатдаги таркиблар издан чиқишини назорат қилувчи қурилмалар. 3. Электр таъминоти хўжалиги бўйича: контакт тармоғи; электр узатиш тармоғи; трансформаторлар; секциялаш постлари. 4. Йўловчи ташиш хўжалиги: йўловчи платформалари; йўловчиларга хизмат кўрсатиш бино ва иншоотлари (касса); тўхташ пункти.

Вазирлар Маҳкамасининг 2023 йил 15 декабрдаги 668-сон қарорига 3-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Ўзбекистон Республикаси ҳудуди орқали махсус юклар ва ҳарбий таркибларнинг транзитини давлат томонидан тартибга солиш ва назорат қилиш тўғрисида» 2002 йил 21 февралдаги 62-сон қарорида :

а) 4-банднинг иккинчи хатбошиси қуйидаги таҳрирда баён этилсин:

«Белгилаб қўйилсинки, хавфли юклар транзитига рухсатнома ташиладиган юкларнинг тури ва хусусиятлари ҳисобга олинган ҳолда, Ўзбекистон Республикаси Соғлиқни сақлаш вазирлиги, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Иқтисодиёт ва молия вазирлиги ҳузуридаги Божхона қўмитаси, Инвестициялар, саноат ва савдо вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси, Транспорт вазирлиги ҳузуридаги Фуқаро авиацияси агентлиги ва Транспорт назорати инспекциясининг асосли хулосалари олингандан кейин қатъий белгиланган тартибда берилади»;

б) 5-банднинг иккинчи хатбошисидаги «Давлат божхона қўмитаси, Саноат хавфсизлиги давлат қўмитаси, Транспорт вазирлиги ҳузуридаги Фуқаро авиацияси агентлиги ва Темир йўлларда юк ва йўловчилар ташиш хавфсизлигини назорат қилиш инспекцияси» сўзлари «Иқтисодиёт ва молия вазирлиги ҳузуридаги Божхона қўмитаси, Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси, Транспорт вазирлиги ҳузуридаги Фуқаро авиацияси агентлиги ва Транспорт назорати инспекцияси» сўзлари билан алмаштирилсин;

в) 3-илованинг 31-банди қуйидаги таҳрирда баён этилсин:

«31. Ўзбекистон Республикаси Соғлиқни сақлаш вазирлиги, Ички ишлар вазирлиги, Давлат хавфсизлик хизмати, Экология, атроф-муҳитни муҳофаза қилиш ва иқлим ўзгариши вазирлиги, Транспорт вазирлиги ҳузуридаги Транспорт назорати инспекцияси ҳамда Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси ўз ваколатларига мувофиқ назоратни амалга оширадилар».

2. Вазирлар Маҳкамасининг 2003 йил 4 ноябрдаги 482-сон қарори билан тасдиқланган Ўзбекистон Республикасида автобусларда йўловчилар ташиш хавфсизлигини таъминлашга доир талабларда :

а) 2-банднинг ўнинчи хатбошисидаги «(Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармалари)» сўзлари «ҳузуридаги Транспорт назорати инспекцияси» сўзлари билан алмаштирилсин;

б) 5-бандда :

биринчи хатбошидаги «Транспорт вазирлигининг (Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармаларининг)» сўзлари «Транспорт вазирлиги ҳузуридаги Транспорт назорати инспекцияси» сўзлари билан алмаштирилсин;

олтинчи хатбошидаги «ташиш йўналишларини тендер асосида амалга ошириш механизмини жорий этиш,» сўзлари чиқариб ташлансин;

в) 72-банднинг биринчи хатбошисидаги «Транспорт вазирлигининг ҳудудий бўлинмалари» сўзлари «Транспорт вазирлиги ҳузуридаги Транспорт назорати инспекцияси» сўзлари билан алмаштирилсин.

3. Вазирлар Маҳкамасининг 2011 йил 26 декабрдаги 342-сон қарори билан тасдиқланган Ўзбекистон Республикаси ҳудудидаги автомобиль йўллари минтақасида хавфсизликни таъминлаш ва ташкил этиш қоидаларида :

а) 10-банд қуйидаги таҳрирда баён этилсин:

«10. Давлат ва маҳаллий аҳамиятга молик умумий фойдаланишдаги автомобиль йўлларининг ҳамда шаҳар кўчаларини таъмирлаш ва реконструкция қилиш бўйича иш лойиҳалари лойиҳалаш ташкилоти томонидан ишлаб чиқилгандан сўнг Йўл ҳаракати хавфсизлиги хизмати ҳамда Ўзбекистон Республикаси Транспорт вазирлиги ҳузуридаги Транспорт назорати инспекцияси томонидан кўриб чиқилади ва келишилади»;

б) 11-банд қуйидаги таҳрирда баён этилсин:

«11. Халқаро аҳамиятга молик умумий фойдаланишдаги автомобиль йўлларининг ва шаҳар магистрал кўчаларини иш лойиҳалари лойиҳалаш ташкилоти томонидан ишлаб чиқилгандан сўнг Йўл ҳаракати хавфсизлиги хизмати ҳамда Ўзбекистон Республикаси Транспорт вазирлиги ҳузуридаги Транспорт назорати инспекцияси билан келишилади».

4. Вазирлар Маҳкамасининг 2012 йил 13 апрелдаги 109-сон қарори билан тасдиқланган Ўзбекистон Республикаси темир йўл транспортида йўловчилар, багаж ва юк багаж ташиш қоидаларининг 22-банди «в» кичик банди ҳамда 235-бандидаги «Темир йўлларда юк ва йўловчилар ташиш хавфсизлигини назорат қилиш инспекцияси» сўзлари «Транспорт назорати инспекцияси» сўзлари билан алмаштирилсин.

6 . Вазирлар Маҳкамасининг 2015 йил 15 сентябрдаги 266-сон қарори билан тасдиқланган Ташувчининг фуқаролик жавобгарлигини мажбурий суғурта қилиш қоидаларининг 66-бандида :

учинчи хатбошидаги «Темир йўлларда юк ва йўловчилар ташиш хавфсизлигини назорат қилиш инспекцияси » сўзлари «Транспорт назорати инспекцияси» сўзлари билан алмаштирилсин;

тўртинчи хатбоши «Транспорт вазирлиги» сўзларидан кейин «ҳузуридаги Транспорт назорати инспекцияси» сўзлари билан тўлдирилсин.

7. Вазирлар Маҳкамасининг «Аҳолига транспорт хизмати кўрсатиш ҳамда шаҳарлар ва қишлоқларда автобусларда йўловчилар ташиш тизимини янада такомиллаштириш чора-тадбирларини амалга ошириш тўғрисида» 2017 йил 25 апрелдаги 238-сон қарорининг 6-банди иккинчи хатбошисидаги «Қорақалпоғистон Республикаси Транспорт вазирлиги, вилоятлар ва Тошкент шаҳар транспорт бошқармаларининг» сўзлари «Ўзбекистон Республикаси Транспорт вазирлиги ҳузуридаги Транспорт назорати инспекцияси» сўзлари билан алмаштирилсин.

8. Вазирлар Маҳкамасининг «Инвестиция лойиҳалари ўз вақтида ва сифатли амалга оширилиши учун лойиҳалар ташаббускорлари бўлган ташкилотларнинг масъулиятини ошириш чора-тадбирлари тўғрисида» 2017 йил 15 майдаги 285-сон қарорига 2-илова рус тилидаги матнининг 7-банди қуйидаги таҳрирда баён этилсин:

«7. Министерство транспорта».

9. Вазирлар Маҳкамасининг 2019 йил 19 апрелдаги 336-сон қарори билан тасдиқланган Ўзбекистон Республикаси Транспорт вазирлиги тўғрисидаги низомда :

а) 10-бандда :

олтинчи хатбошидаги «Темир йўлларда юк ва йўловчилар ташиш хавфсизлигини назорат қилиш инспекцияси» сўзлари «Транспорт назорати инспекцияси» сўзлари билан алмаштирилсин;

еттинчи хатбоши чиқариб ташлансин;

саккизинчи — ўнинчи хатбошилар тегишлича еттинчи — тўқкизинчи хатбошилар деб ҳисоблансин;

б) 19-бандда :

5-кичик банд қуйидаги таҳрирда баён этилсин:

«5) автоташувлар, автовокзал, автостанциялар фаолиятини бошқариш ва диспетчерлик назоратини ўрнатишни ташкил этади»;

10-кичик банд қуйидаги таҳрирда баён этилсин:

«10) Ўзбекистон Республикаси Транспорт вазирлиги ҳузуридаги Транспорт ва логистикани ривожлантириш жамғармасидан йўловчилар автовокзаллари, автостанциялар, маҳаллий ижро этувчи ҳокимият органлари тасарруфида бўлган умумий фойдаланишдаги йўловчилар йўналишларидаги тўхташ бекатларини қуриш, реконструкция қилиш ва таъмирлаш ишларини молиялаштириш учун ажратилган пул маблағларидан мақсадли фойдаланилганлигини, Вазирлик ва унинг идоравий мансуб ташкилотлар ходимларини моддий рағбатлантиришга йўналтирилган маблағларнинг сарфланишини назорат қилади»;

в) 21-банднинг 6 ва 10-кичик бандлари чиқариб ташлансин.

10. Вазирлар Маҳкамасининг «Ўзбекистон Республикаси Транспорт вазирлиги ҳузуридаги Фуқаро авиацияси агентлиги, Темир йўлларда юк ва йўловчилар ташиш хавфсизлигини назорат қилиш инспекцияси ва Йўл-қурилиш ишлари сифатини назорат қилиш инспекцияси фаолиятини ташкил этиш тўғрисида» 2019 йил 19 апрелдаги 337-сон қарорида :

а) номидаги «, Темир йўлларда юк ва йўловчилар ташиш хавфсизлигини назорат қилиш инспекцияси ва Йўл-қурилиш ишлари сифатини назорат қилиш инспекцияси» сўзлари чиқариб ташлансин;

б) 1-банднинг учинчи — олтинчи , саккизинчи ва тўққизинчи хатбошилари чиқариб ташлансин;

в) 2-банддаги «, Темир йўлларда юк ва йўловчилар ташиш хавфсизлигини назорат қилиш инспекцияси ва Йўл-қурилиш ишлари сифатини назорат қилиш инспекцияси бошлиқларига» сўзлари чиқариб ташлансин;

г) 3-банд ҳамда 2-3 , 5 ва 6-иловалар ўз кучини йўқотган деб ҳисоблансин.

11. Вазирлар Маҳкамасининг «Юқори тезликдаги темир йўл участкаларида ҳаракат хавфсизлигини таъминлашга оид чора-тадбирлар амалга оширилишини ташкил этиш ва мувофиқлаштириш, шунингдек, назорат қилиш бўйича идоралараро комиссия тўғрисидаги низомни тасдиқлаш ҳақида» 2019 йил 8 майдаги 387-сон қарорида :

а) 1-илованинг 20-банди биринчи хатбошисидаги «Темир йўлларда юк ва йўловчилар ташиш хавфсизлигини назорат қилиш инспекцияси» сўзлари «Транспорт назорати инспекцияси» сўзлари билан алмаштирилсин;

б) 2-илованинг 2-банди қуйидаги таҳрирда баён этилсин:

«2. Ж.А. Каримов — Ўзбекистон Республикаси Транспорт вазирлиги ҳузуридаги Транспорт назорати инспекцияси бошлиғи, комиссия раҳбарининг ўринбосари ».

12. Вазирлар Маҳкамасининг 2019 йил 24 майдаги 429-сон қарори билан тасдиқланган Ўзбекистон Республикаси Транспорт вазирлиги ва унинг идоравий мансуб ташкилотлари ходимларини Ўзбекистон Республикаси Транспорт вазирлиги ҳузуридаги Транспорт ва логистикани ривожлантириш жамғармаси ҳисобига қўшимча моддий рағбатлантириш тартиби тўғрисидаги низомнинг 3-бандидаги «Йўл-қурилиш ишлари сифатини назорат қилиш инспекцияси ва Темир йўлларда юк ва йўловчилар ташиш хавфсизлигини назорат қилиш инспекцияси» сўзлари «Транспорт вазирлиги ҳузуридаги Транспорт назорати инспекцияси» сўзлари билан алмаштирилсин.

13. Вазирлар Маҳкамасининг 2020 йил 5 мартдаги 123-сон қарори билан тасдиқланган Ўзбекистон Республикаси Молия вазирлиги ҳамда Қорақалпоғистон Республикаси Молия вазирлиги, вилоятлар ва Тошкент шаҳар ҳокимликлари молия бош бошқармалари ҳузуридаги Автомобиль йўлларини ривожлантириш мақсадли жамғармалари тўғрисидаги низомнинг 29-бандида :

олтинчи хатбошидаги «автомобиль йўллари соҳасига оид норматив-ҳуқуқий ҳужжатларни (стандартлар, шаҳарсозлик нормалари ва қоидалари, идоравий қоидалар ва нормалар, йўриқномалар ва бошқалар) ишлаб чиқиш ва қайта ишлаш ҳамда» сўзлари чиқариб ташлансин;

қуйидаги мазмундаги еттинчи хатбоши билан тўлдирилсин:

«автомобиль йўллари соҳасига оид норматив-ҳуқуқий ҳужжатларни (стандартлар, шаҳарсозлик нормалари ва қоидалари, идоравий қоидалар ва нормалар, йўриқномалар ва бошқалар) ишлаб чиқиш ва қайта ишлаш юзасидан — Транспорт вазирлиги»;

еттинчи — ўнинчи хатбошилар тегишлича саккизинчи — ўн биринчи хатбошилар деб ҳисоблансин.

14. Вазирлар Маҳкамасининг 2021 йил 6 декабрдаги 738-сон қарори билан тасдиқланган Шаҳар, шаҳар атрофи, шаҳарлараро (Қорақалпоғистон Республикаси ва вилоятлар ичида ҳамда Қорақалпоғистон Республикаси, Тошкент шаҳар ва вилоятлараро) ва халқаро йўналишларни бириктириш бўйича очиқ тендерларни электрон тарзда ташкил этиш ва ўтказиш тартиби тўғрисидаги низомда :

а) 4-банднинг саккизинчи хатбошиси чиқариб ташлансин;

б) 54-бандда :

биринчи хатбошидаги «ҳамда уларнинг талаб ва шартларига риоя этилиши устидан назорат» сўзлари чиқариб ташлансин;

қуйидаги мазмундаги хатбоши билан тўлдирилсин:

«Тендер талаб ва шартларига риоя этилиши устидан назорат — Транспорт вазирлиги ҳузуридаги Транспорт назорати инспекцияси ва унинг ҳудудий бўлинмалари томонидан амалга оширилади».

15. Вазирлар Маҳкамасининг «Автомобиль йўллари соҳасида очиқлик стандартларини жорий этиш ва соҳада жамоатчилик назоратини кучайтириш чора-тадбирлари тўғрисида» 2022 йил 2 февралдаги 49-сон қарорида :

а) 1-илованинг 17-позицияси «Жойлаштириш учун масъул вазирлик ва идоралар» устунидаги «Йўл қурилиш ишлари сифатини назорат қилиш инспекцияси» сўзлари «Транспорт назорати инспекцияси» сўзлари билан алмаштирилсин;

б) 2-илованинг 31-бандидаги «Йўл-қурилиш ишлари сифатини назорат қилиш инспекцияси» сўзлари «Транспорт вазирлиги ҳузуридаги Транспорт назорати инспекцияси» сўзлари билан алмаштирилсин.

16. Вазирлар Маҳкамасининг 2022 йил 28 сентябрдаги 537-сон қарори билан тасдиқланган Фойдаланишга топшириладиган ҳаракатдаги темир йўл таркиби хавфсизлиги тўғрисидаги умумий техник регламентда :

а) 125-банддаги «Темир йўлларда юк ва йўловчилар ташиш хавфсизлигини назорат қилиш инспекцияси» сўзлари «Транспорт назорати инспекцияси» сўзлари билан алмаштирилсин;

б) 2-илованинг «I босқич», «III босқич», «V босқич» ва «VI босқич» позициялари «Субъектлар» устунидаги ««Ўзтемирйўлназорат» инспекцияси» сўзлари «Транспорт назорати инспекцияси» сўзлари билан алмаштирилсин.

17. Вазирлар Маҳкамасининг 2022 йил 31 январдаги 46-сон қарори билан тасдиқланган Қурилиш соҳасида пудрат ташкилотларини белгилаш бўйича электрон давлат харидларини ташкил этиш ва амалга ошириш тартиби тўғрисидаги низомнинг 10-банди «д» кичик бандининг еттинчи хатбошиси қуйидаги таҳрирда баён этилсин:

«Транспорт вазирлиги ҳузуридаги Транспорт назорати инспекциясининг электрон маълумотлар базасидан Транспорт назорати инспекциясида рўйхатга олинган объектлар бўйича қурилишни якунлаш муддатидан ўтиб кетмаганлигини».

Ўзбекистон Республикасининг Бош вазири А. АРИПОВ

Тошкент ш.,

2023 йил 15 декабрь,

668-сон

(Қонунчилик маълумотлари миллий базаси, 18.12.2023 й., 09/23/668/0945-сон; 05.08.2024 й., 09/24/458/0573-сон; 23.06.2026 й., 09/26/317/0617-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

MAʼMURIY REGLAMENTI

SXEMASI

ROʻYXATI

Oʻzbekiston Respublikasi Transport vazirligi huzuridagi Transport nazorati inspeksiyasi faoliyatini tashkil etish chora-tadbirlari toʻgʻrisida

Oʻzbekiston Respublikasi Prezidentining “Maʼmuriy islohotlar doirasida transport sohasida davlat boshqaruvini samarali tashkil qilish chora-tadbirlari toʻgʻrisida” 2023-yil 14-iyundagi PF-94-son Farmoni ijrosini taʼminlash, shuningdek, Oʻzbekiston Respublikasi Transport vazirligi huzuridagi Transport nazorati inspeksiyasi faoliyatini tashkil etish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish xavfsizligini nazorat qilish inspeksiyasi hamda Yoʻl-qurilish ishlari sifatini nazorat qilish inspeksiyasi negizida Transport vazirligi huzurida Transport nazorati inspeksiyasi (keyingi oʻrinlarda — Inspeksiya) tashkil etilganligi hamda unga Transport vazirligining 269 ta shtat birligi oʻtkazilganligi;

Inspeksiya avtomobil, temir yoʻl, suv, elektr transporti, metropoliten va yoʻl xoʻjaligi sohalarida nazorat funksiyalarini amalga oshiradigan respublika ijro etuvchi hokimiyat organi hisoblanishi maʼlumot uchun qabul qilinsin.

2. Quyidagilarni nazarda tutuvchi:

a) Oʻzbekiston Respublikasi Transport vazirligi huzuridagi Transport nazorati inspeksiyasi toʻgʻrisidagi nizom 1-ilovaga muvofiq:

Inspeksiyaning maqomi va faoliyatini tashkil etish asoslari, vazifalari, funksiyalari, huquqlari hamda javobgarligi;

transport sohasida qonunchilik hujjatlarida belgilangan talablarga rioya etilishi ustidan nazoratni amalga oshirish;

b) Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish boʻyicha davlat xizmatlarini koʻrsatishning maʼmuriy reglamenti 2-ilovaga muvofiq tasdiqlansin:

harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazishning talablari hamda davlat xizmatini koʻrsatish tartibi;

harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish, roʻyxatdan qayta oʻtkazish hamda ularga roʻyxatdan oʻtkazilganligi toʻgʻrisida guvohnoma berish tartibi.

3. Oʻzbekiston Respublikasi Transport vazirligi:

2024-yil 1-noyabrga qadar harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish axborot tizimini (keyingi oʻrinlarda — Axborot tizimi) ishlab chiqsin hamda ishga tushirsin;

2024-yil 1-dekabrga qadar Raqamli texnologiyalar vazirligi bilan birgalikda Axborot tizimining Yagona interaktiv davlat xizmatlari portali (keyingi oʻrinlarda — YIDXP) bilan integratsiya qilinishini hamda mazkur qaror bilan tasdiqlangan Maʼmuriy reglamentga muvofiq YIDXP orqali davlat xizmatlari joriy etilishini taʼminlasin.

Bunda 2026-yil 1-yanvardan belgilangan tartibda davlat roʻyxatidan oʻtkazilmagan harakatdagi temir yoʻl tarkibi va temir yoʻl transporti infratuzilmasi obyektlaridan foydalanish taqiqlansin;

respublika va mahalliy ijro etuvchi hokimiyat organlari bilan birgalikda ushbu qarorga muvofiq joriy etilayotgan harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish talablarining mazmun-mohiyatini tushuntirish boʻyicha masʼul vazirlik, idora hamda boshqa tashkilotlar vakillari ishtirokida reja-grafik asosida muntazam ravishda oʻquv seminarlari oʻtkazilishini, ular oʻrtasida targʻibot ishlari olib borilishini taʼminlasin.

4. Belgilab qoʻyilsinki:

Inspeksiya Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish xavfsizligini nazorat qilish inspeksiyasi, Yoʻl-qurilish ishlari sifatini nazorat qilish inspeksiyasi, Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalarining avtomobilda tashishlar xavfsizligini taʼminlash boʻlinmalarining vazifa va funksiyalarini bajarishga oid huquqlari, majburiyatlari va shartnomalari boʻyicha huquqiy vorisi hisoblanadi;

Inspeksiya va uning hududiy boʻlinmalari mahalliy davlat hokimiyati organlaridan mustaqildir va bevosita Oʻzbekiston Respublikasi Transport vazirligiga boʻysunadi;

Inspeksiya va uning hududiy boʻlinmalari xodimlari xizmat faoliyatini idoraviy formali kiyimda amalga oshiradi.

5. Oʻzbekiston Respublikasi Transport vazirligi uch oy muddatda Inspeksiya va uning hududiy boʻlinmalari xodimlarining idoraviy formali kiyim namuna-etalonlarini tasdiqlash boʻyicha tegishli Hukumat qarori loyihasini Vazirlar Mahkamasiga kiritsin.

6. Oʻzbekiston Respublikasi Iqtisodiyot va moliya vazirligi:

Vazirlar Mahkamasining “Davlat boshqaruvi va mahalliy davlat hokimiyati organlarida xizmat avtotransport vositalaridan foydalanish tizimini tubdan takomillashtirish chora-tadbirlari toʻgʻrisida” 2021-yil 29-apreldagi 258-son qaroriga asosan 4 ta shaxsan biriktirilgan avtotransport vositalarini;

Inspeksiyaning hududiy boʻlinmalariga maxsus 33 ta hamda 2024-yilda xarid qilinadigan 14 ta maxsus jihozlangan avtotransport vositalarini saqlash uchun limit ajratsin.

Bunda ushbu avtotransport vositalarini xarid qilish uchun 2024-yilga Davlat budjeti parametrlarida Transport vazirligining tegishli hisob-kitoblariga asosan zarur mablagʻlarni nazarda tutsin.

7. Quyidagilar:

“Toshshahartransxizmat” AJ boshqaruvi organining Inspeksiya, Toshkent shahar transport boshqarmasi hamda “Transport ilmiy-tadqiqot markazi” MCHJni Toshkent shahar Yunusobod tumani Amir Temur 1-tor koʻchasi 6-uy manzilidagi binoga tekin foydalanish huquqi asosida joylashtirish toʻgʻrisidagi taklifi maʼqullansin;

Inspeksiyaning hududiy boʻlinmalari Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalari maʼmuriy binolariga tekin foydalanish huquqi asosida joylashtirilsin.

8. Oʻzbekiston Respublikasi Transport vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni uch oy muddatda ushbu qarorga muvofiqlashtirsin.

9. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

10. Mazkur qarorning bajarilishini nazorat qilish Oʻzbekiston Respublikasi transport vaziri I.R. Maxkamov zimmasiga yuklansin.

Vazirlar Mahkamasining 2023-yil 15-dekabrdagi 668-son qaroriga 1-ILOVA

Oʻzbekiston Respublikasi Transport vazirligi huzuridagi Transport nazorati inspeksiyasi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi Transport vazirligi huzuridagi Transport nazorati inspeksiyasining (keyingi oʻrinlarda — Inspeksiya) maqomi, asosiy vazifalari, funksiyalari, huquqlari, javobgarligi, faoliyatini tashkil etish tartibini, shuningdek, rahbarlarining funksional vazifalari va masʼuliyatini belgilaydi.

2. Inspeksiya avtomobil, temir yoʻl, suv, elektr transporti, metropoliten va yoʻl xoʻjaligi sohalarida nazorat funksiyalarini amalga oshiradigan respublika ijro etuvchi hokimiyat organi hisoblanadi.

3. Inspeksiya oʻz faoliyatida Oʻzbekiston Respublikasi Transport vazirligiga (keyingi oʻrinlarda — Vazirlik) boʻysunadi va hisobot beradi.

4. Inspeksiya oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Vazirlik qarorlari va buyruqlariga, shuningdek, ushbu Nizomga va boshqa qonunchilik hujjatlariga amal qiladi.

5. Inspeksiya oʻz faoliyatini Vazirlik rahbarligida, shuningdek, respublika va mahalliy ijro etuvchi hokimiyat organlari hamda boshqa tashkilotlar bilan oʻzaro hamkorlikda amalga oshiradi.

6. Inspeksiyaning qonunchilik hujjatlari va oʻz vakolati doirasida qabul qilgan qarorlari hamda koʻrsatmalari respublika va mahalliy ijro etuvchi hokimiyat organlari hamda boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiy hisoblanadi.

7. Inspeksiya yuridik shaxs hisoblanadi, Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhrga, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy gʻazna hisobvaraqlariga, shu jumladan, chet el valyutasidagi hisobvaraqlariga ega.

8. Inspeksiyaning rasmiy nomi:

a) davlat tilida:

toʻliq nomi — Oʻzbekiston Respublikasi Transport vazirligi huzuridagi Transport nazorati inspeksiyasi;

qisqartirilgan nomi — Transport nazorati inspeksiyasi;

b) rus tilida:

toʻliq nomi — Inspeksiya po nadzoru v sfere transporta pri Ministerstve transporta Respubliki Uzbekistan;

qisqartirilgan nomi — Inspeksiya “Uztransnadzor”;

v) ingliz tilida:

toʻliq nomi — The Inspection of transport supervision under Ministry of Transport of the Republic of Uzbekistan;

qisqartirilgan nomi — inspection “Uztranssupervision”.

2-bob. Inspeksiya va uning hududiy boʻlinmalarining vazifalari hamda funksiyalari

9. Quyidagilar Inspeksiya va uning hududiy boʻlinmalarining asosiy vazifalari hisoblanadi:

avtomobil, temir yoʻl, suv, elektr transporti va metropolitenda tashish xavfsizligini taʼminlash yuzasidan oʻz vakolati doirasida davlat nazoratini amalga oshirish;

avtomobil yoʻllari va sunʼiy inshootlarni qurish, rekonstruksiya qilish hamda taʼmirlashda shaharsozlik toʻgʻrisidagi qonunchilik hujjatlari va texnik jihatdan tartibga solish sohasidagi normativ hujjatlar talablariga rioya etilishini nazorat qilish;

Oʻzbekiston Respublikasining xalqaro shartnomalarida nazarda tutilgan avtomobilda xalqaro tashish shartlariga rioya etilishini nazorat qilish;

respublika hududida (Davlat chegarasi orqali oʻtkazish punktlari bundan mustasno) avtotransport vositalarining ruxsat etilgan vazn va gabarit parametrlariga rioya etilishini nazorat qilish;

yuk va yoʻlovchilarni tashishda haydovchilarning hamda lokomotiv brigadalari ishchilarining mehnat va dam olish rejimini nazorat qilish;

harakatdagi temir yoʻl tarkibi hamda temir yoʻl transporti infratuzilmasi obyektlarini roʻyxatdan oʻtkazish orqali ularni hisobga olish va yagona reyestrini yuritish;

tortish harakatdagi temir yoʻl tarkibini boshqarish huquqini beruvchi guvohnoma beradi.

10. Inspeksiya va uning hududiy boʻlinmalari oʻziga yuklangan vazifalarga muvofiq quyidagi funksiyalarni amalga oshiradi:

1) avtomobil, temir yoʻl, suv, elektr transporti va metropolitenda tashish xavfsizligini taʼminlash yuzasidan oʻz vakolati doirasida davlat nazoratini amalga oshirish sohasida:

a) avtomobilda tashishlar va harakat xavfsizligi taʼminlanishi yuzasidan davlat nazoratini amalga oshirish boʻyicha:

yoʻlovchilar, bagaj va yuk tashish qoidalariga rioya etish, yoʻlovchilar va yuk tashish xavfsizligi, yoʻlovchilarga xizmat koʻrsatish madaniyatining zarur darajasini taʼminlash, yoʻlovchi tashish yoʻnalishlarida transport vositalarining bir maromda harakatlanishi, belgilangan harakat jadvali va oraliq intervallariga rioya etilishini;

yoʻlovchilar hayoti, sogʻligi va (yoki) mulkiga zarar yetkazganlik uchun qonunchilik hujjatlarida belgilangan fuqarolik javobgarligini majburiy sugʻurtalashga oid majburiyatlarning bajarilishini;

tashuvchining litsenziya talablari va shartlariga, ruxsatnoma hujjatlari shartlariga rioya qilishini;

yoʻnalishsiz taksilarda yoʻlovchilarni tashish qoidalariga hamda transport vositalarini jihozlashga qoʻyiladigan talablarga rioya etilishini;

avtovokzal (avtostansiya)ning faoliyat koʻrsatishiga qoʻyilgan talablarga rioya etilishini nazorat qiladi;

b) suv transportida tashishlar va harakat xavfsizligi taʼminlanishi yuzasidan davlat nazoratini amalga oshirish boʻyicha:

suv transportida tashish xavfsizligini taʼminlash yuzasidan oʻz vakolati doirasida davlat nazoratini amalga oshiradi;

suv transportida yuk va yoʻlovchilar tashishni tashkil etish va takomillashtirish, shuningdek, suzish xavfsizligini tashkil etish boʻyicha normativ-huquqiy hujjatlarni ishlab chiqish yuzasidan takliflar kiritadi;

suv transportini rivojlantirishning kompleks dasturlarini, shuningdek, suzish xavfsizligini taʼminlash chora-tadbirlarini ishlab chiqadi va amalga oshiradi, suv transporti faoliyatini muvofiqlashtiradi;

kemalarni roʻyxatga/qayta roʻyxatga oladi va texnik koʻriklardan oʻtkazadi;

kemalarni qurish, yangidan jihozlash va taʼmirlash davrida texnik nazoratni amalga oshiradi;

kemalarning texnik-loyiha hujjatlarining Registr qoidalari va mahalliy suzish shartlariga muvofiqligini tekshiradi, kelishadi va ekspert xulosasini beradi;

suv havzalarida kechuvlarni tashkil etishda texnik talablarni belgilaydi va ularning faoliyatini nazorat qiladi;

suv transportida sodir etilgan avariya hodisalari sabablarini aniqlash ishlarida ishtirok etadi, tahlil etadi va ularni bartaraf etish boʻyicha chora-tadbirlarni belgilaydi;

suv transportida, shu jumladan, suzish xavfsizligini taʼminlash masalalari boʻyicha kadrlarni oʻqitish va ularning malakasini oshirishni tashkil etadi;

Oʻzbekiston Respublikasining xalqaro shartnomalarida nazarda tutilgan Oʻzbekiston Respublikasi hududida suvda xalqaro tashish shartlariga rioya etilishini nazorat qiladi;

suv transportida kema hujjatlari mavjudligini nazorat qiladi;

kema ekipaji aʼzolarining bilimlarini tekshiradi;

kema haydovchilarini attestatsiyadan oʻtkazadi va kema haydovchisi guvohnomalarini beradi;

v) temir yoʻl transporti hamda metropolitenda tashishlar va harakat xavfsizligi taʼminlanishi yuzasidan davlat nazoratini amalga oshirish boʻyicha:

harakatdagi temir yoʻl tarkibi va temir yoʻl transporti infratuzilmasi obyektlariga ega boʻlgan yoki ulardan foydalanuvchi xoʻjalik boshqaruvi hamda ijro etuvchi hokimiyat organlari, tadbirkorlik subyektlari, shu jumladan, xorijiy davlatlarning Oʻzbekiston Respublikasi hududida temir yoʻl transporti sohasida faoliyatni amalga oshiruvchi jismoniy va yuridik shaxslar, ularning boʻlinmalari (keyingi oʻrinlarda — temir yoʻl transporti subyektlari) tomonidan umumiy foydalanishdagi temir yoʻllarda, metropolitenda va umumiy foydalanishda boʻlmagan temir yoʻllarida temir yoʻl transporti sohasidagi yuk va yoʻlovchilar tashish, harakat xavfsizligini taʼminlashga oid normativ-huquqiy hujjatlar hamda texnik jihatdan tartibga solish sohasidagi normativ hujjatlar talablariga rioya etilishi yuzasidan davlat nazoratini amalga oshiradi;

temir yoʻl transporti subyektlarining yuk va yoʻlovchi tashishda harakatdagi temir yoʻl tarkibi, texnik vositalari, jihozlari va temir yoʻl transporti infratuzilmasi obyektlarini ishchi holatda saqlash, ekspluatatsiya qilish, ularga texnik xizmat koʻrsatish va taʼmirlash boʻyicha texnik jihatdan tartibga solish sohasidagi normativ hujjatlar talablariga rioya etilishini nazorat qiladi;

temir yoʻl transportida yoʻlovchilar, bagaj va yuk bagajini tashish qoidalariga rioya etilishi yuzasidan oʻz vakolati doirasida davlat nazoratini amalga oshiradi;

temir yoʻl transporti va metropoliten temir yoʻl transporti infratuzilmasi obyektlarini quradigan hamda ishlab chiqaradigan korxonalar va tashkilotlarda temir yoʻl mahsulotini ishlab chiqarish, kapital qayta tiklash va rejali taʼmirlash turlarini amalga oshirishda texnologik jarayonlarga hamda texnik jihatdan tartibga solish sohasidagi normativ hujjatlar talablariga rioya etilishini nazorat qiladi;

temir yoʻl transporti va metropoliten obyektlarini quradigan hamda ulardan foydalanuvchi korxonalar va tashkilotlar faoliyatini ularda poyezdlarning xavfsiz harakatlanishini taʼminlash boʻyicha texnik tekshirishni tashkil etadi va amalga oshiradi;

temir yoʻl transporti va metropoliten obyektlari, mahsulotlari hamda texnologiyalarining qonunchilik va texnik jihatdan tartibga solish sohasidagi normativ hujjatlar talablariga muvofiqligi yuzasidan ularni doimiy yoki vaqtincha foydalanishga qabul qilishda ishtirok etadi;

temir yoʻl transporti subyektlari va metropoliten tomonidan temir yoʻllarda poyezdlar harakati xavfsizligini taʼminlashga va temir yoʻlda tashishlar xavfsizligini taʼminlaydigan texnik vositalarning ishonchliligini oshirishga qaratilgan kompleks chora-tadbirlarning belgilangan muddatlarda bajarilishi yuzasidan davlat nazoratini amalga oshiradi;

oʻzining temir yoʻllariga ega boʻlgan subyektlarning huquqbuzarlik holatlarining oldini olishga qaratilgan profilaktika tadbirlari natijalarini ularning faoliyatiga aralashmagan holda tahlil etadi va baholaydi;

temir yoʻl transportida xavfli yuklar tranziti, qurol-yarogʻ, harbiy texnika va harbiy mol-mulkning, shuningdek, harbiy tarkiblarning tranziti boʻyicha belgilangan tartibda xulosalar beradi;

temir yoʻl transporti va metropolitenda poyezdlar halokati hamda avariyalar boʻyicha xizmat tekshiruvlarini tashkil etadi va amalga oshiradi;

temir yoʻl transporti subyektlari tomonidan temir yoʻl transporti hamda metropolitenda harakat va tashishlar xavfsizligi talablarining buzilishi bilan bogʻliq hodisalar sodir boʻlganda, xizmat tekshiruvini oʻtkazish boʻyicha komissiya tarkibida ishtirok etadi va xizmat tekshiruvlari hisobini yuritadi;

temir yoʻl transporti hamda metropolitenda harakat va tashishlar xavfsizligi talablarining buzilishi bilan bogʻliq hodisalar toʻgʻri tasniflanishini, ular tomonidan xizmat tekshiruvlarining belgilangan muddatlarda, xolisona oʻtkazilishi va toʻgʻriligini nazorat qiladi;

oʻz vakolati doirasida Oʻzbekiston Respublikasining yoʻlovchi poyezdlarining boshqa davlatlar hududida yuz bergan avariya va halokatlarining xizmat tekshiruvi ishlarida belgilangan tartibda ishtirok etadi;

2) avtomobil yoʻllari va sunʼiy inshootlarni qurish, rekonstruksiya qilish hamda taʼmirlashda (keyingi oʻrinlarda — yoʻl qurilishi) shaharsozlik toʻgʻrisidagi qonunchilik hujjatlari va texnik jihatdan tartibga solish sohasidagi normativ hujjatlar talablariga rioya etilishini nazorat qilish sohasida:

yoʻl qurilishi obyektlarida bajariladigan qurilish-montaj va taʼmirlash ishlarining, shuningdek, ularda qoʻllaniladigan materiallar hamda konstruksiyalarning shaharsozlik toʻgʻrisidagi qonunchilik va texnik jihatdan tartibga solish sohasidagi normativ hujjatlar hamda loyiha hujjatlari talablariga rioya etilishi yuzasidan qonunchilik hujjatlarida belgilangan tartibda davlat nazoratini taʼminlaydi;

yoʻl qurilishi obyektining loyiha hujjatlarida qabul qilingan texnik yechimlar, shuningdek, yoʻl qurilishi jarayonida loyiha hujjatlariga kiritiladigan oʻzgartirishlarning qonunchilik hujjatlari hamda texnik jihatdan tartibga solish sohasidagi normativ hujjatlar talablariga muvofiqligini nazorat qiladi;

yoʻl qurilishi obyektlarida qonunchilik hujjatlarida belgilangan tartibda texnik, mualliflik va ichki nazorat yuritilishi ustidan davlat nazoratini taʼminlaydi;

qurilishi tugallangan yoʻl obyektlarini foydalanishga qabul qilish komissiyalarining ishida ishtirok etadi, bajarilgan qurilish-montaj va taʼmirlash ishlarining tasdiqlangan loyiha hujjatlariga muvofiqligi hamda ishlarning sifatini aniqlash boʻyicha diagnostika va laboratoriya sinovlari oʻtkazilishini nazorat qiladi;

avtomobil yoʻllaridan foydalanuvchilar hamda avtomobil yoʻllarini balansida saqlovchilarning qoidabuzarliklar toʻgʻrisida kiritgan maʼlumotlari asosida yoʻllar, shahar koʻchalari va boshqa aholi punktlarida yoʻl toʻshamasini oʻzboshimchalik bilan qazish, ularda sunʼiy notekisliklar va toʻsiqlar yaratish hamda qayta tiklash ishlarini nazorat qiladi;

yoʻl qurilishida shaharsozlik qonunchiligiga rioya etilishini nazorat qilishni tashkil etish borasida texnik jihatdan tartibga solish sohasidagi normativ hujjatlarni takomillashtirish boʻyicha takliflar kiritadi;

3) Oʻzbekiston Respublikasining xalqaro shartnomalarida nazarda tutilgan avtomobilda xalqaro tashish shartlariga rioya etilishini nazorat qilish sohasida:

avtomobilda xalqaro yuk va yoʻlovchi tashish shartlariga rioya etilishini;

yoʻlovchilar, bagaj va yuklarni muntazam hamda nomuntazam tashish uchun ruxsat beruvchi hujjatlar mavjudligini;

harakat jadvaliga rioya qilinishini;

xalqaro avtomobilda yoʻlovchilar va bagajni nomuntazam tashishlarda yoʻlovchilar roʻyxati mavjudligini;

Oʻzbekiston Respublikasi hududida xorijiy davlatlarga tegishli boʻlgan avtotransport vositalarida yoʻlovchilar, bagaj yoki yuklarni tashish, shu jumladan, Oʻzbekiston Respublikasi hududiga vaqtincha keltirilgan xorijiy davlatlar avtotransport vositalarida tashishda (kabotaj tashishda) xalqaro shartnomalar shartlariga rioya etilishini;

xorijiy davlatlarga tegishli boʻlgan avtotransport vositalari haydovchilarining Oʻzbekiston Respublikasi hududida belgilangan harakatlar chizmasiga rioya etishini;

avtomobilda yuk va yoʻlovchilarni xalqaro tashishda tashuvchilarning avtotransport vositasining davlat hududi boʻylab oʻtishi va tegishli tashish turini amalga oshirish huquqini beruvchi ruxsatnoma blankalarisiz tashish bilan shugʻullanishi, ruxsatnoma blankalarini toʻldirish boʻyicha talablarni buzishi, shuningdek, Oʻzbekiston Respublikasi hududi boʻylab tranzit oʻtishi uchun moʻljallangan yoʻnalishlarda harakatlanishini nazorat qiladi;

4) respublika hududida (Davlat chegarasi orqali oʻtkazish punktlari bundan mustasno) avtotransport vositalarining ruxsat etilgan vazn va gabarit parametrlariga rioya etilishini nazorat qilish sohasida:

statsionar va mobil postlarda transport vositalarining vazn hamda hajm parametrlariga (ogʻirlik, uzunlik, balandlik, kenglik va boshqalar) muvofiqligini;

katta hajmli va ogʻir vaznli transport vositalarining harakatlanishi uchun maxsus ruxsatnomalar mavjudligini;

Oʻzbekiston Respublikasi chegarasini kesib oʻtuvchi va tranzit hudud boʻylab xavfli yuk bilan harakatlanuvchi transport vositalarida:

xavfli yukni tashishga ruxsatnomasi mavjudligini;

yoʻnalish marshrutining mavjudligini;

tashuvlar kuzatuv asosida amalga oshirilayotganligini;

tashilayotgan xavfli yuklarni tovar transport hujjatlariga xosligini hamda harakatlanish tartibi buzilmaganligini nazorat qiladi;

5) yuk va yoʻlovchilarni tashishda haydovchilarning hamda lokomotiv brigadalari ishchilarining mehnat va dam olish rejimini nazorat qilish sohasida:

haydovchilarning shaharlararo va xalqaro yoʻlovchi tashish avtobuslarini, xalqaro yuk tashiladigan transport vositalarini nazorat asboblarisiz (taxograflarsiz, nosoz taxografdan foydalangan yoki taxografni oʻchirgan holda hamda haydovchida maxsus taxograf kartasiz) boshqarishi, shuningdek, ishlash va dam olish rejimini buzishi (taxograf maʼlumotlariga asosan) yoki boshqa huquqiy asoslarga koʻra mehnat va dam olish tartibiga rioya etganligini tekshiradi;

raqamli texnologiyalarni qoʻllagan holda, temir yoʻl transportida yuk va yoʻlovchilarni tashishda lokomotiv brigadalari ishchilarining mehnat hamda dam olish rejimini nazorat qiladi;

yuk va yoʻlovchilarni tashishda haydovchilarning mehnat hamda dam olish rejimini tekshirish jarayonida qonun buzilishi holatlari yuzasidan qoʻshimcha holatlar aniqlangan taqdirda, tegishliligi boʻyicha boshqa davlat organlariga koʻrib chiqish uchun yuboradi;

6) harakatdagi temir yoʻl tarkibi hamda temir yoʻl transporti infratuzilmasi obyektlarini roʻyxatdan oʻtkazish orqali ularni hisobga olish va yagona reyestrini yuritish sohasida:

harakatdagi temir yoʻl tarkibi hamda temir yoʻl transporti infratuzilmasi obyektlarini belgilangan tartibda roʻyxatdan oʻtkazish, qayta roʻyxatdan oʻtkazish va roʻyxatdan chiqarish orqali ularning hisobini yuritadi;

harakatdagi temir yoʻl tarkibi hamda temir yoʻl transporti infratuzilmasi obyektlarining yagona reyestrini yuritadi;

harakatdagi temir yoʻl tarkibi hamda temir yoʻl transporti infratuzilmasi obyektlarini hisobga olish uchun taqdim etilgan hujjatlardagi maʼlumotlar toʻgʻriligini joyiga chiqqan holda oʻrganadi, texnik holatini koʻrikdan oʻtkazadi va uning natijalari asosida maʼlumotlar yagona reyestrga kiritilishini nazorat qiladi;

harakatdagi temir yoʻl tarkibi hamda temir yoʻl transporti infratuzilmasi obyektlarining roʻyxatdan oʻtganligi toʻgʻrisida guvohnomalar beradi;

majburiy talablar buzilishining oldini olish, ularni aniqlash va ularga chek qoʻyishga qaratilgan maʼlumotlarni temir yoʻl transporti subyektlari faoliyatiga aralashmagan holda toʻplash, umumlashtirish va tahlil qilish orqali temir yoʻl transporti subyektlari faoliyatini oʻz vakolatlari doirasida monitoring qiladi;

7) tortish harakatdagi temir yoʻl tarkibini boshqarish huquqini tasdiqlovchi guvohnoma berish sohasida :

belgilangan tartibga tortish harakatdagi temir yoʻl tarkibini boshqarish huquqini beruvchi guvohnoma beradi.

11. Inspeksiya qonunchilik hujjatlarida nazarda tutilgan boshqa funksiyalarni ham amalga oshirishi mumkin.

3-bob. Inspeksiya va uning hududiy boʻlinmalarining huquqlari hamda javobgarligi

12. Inspeksiya oʻziga yuklangan vazifa va funksiyalarni amalga oshirish uchun quyidagi huquqlarga ega:

a) avtomobil va suv transporti nazorati boʻyicha:

avtotransport vositasida yuk va yoʻlovchilar tashish qoidalarining buzilishi vizual kuzatuv yoki maxsus moslamalar yordamida aniqlanganda, avtotransport vositasini yuk va yoʻlovchi tashishni nazorat qilish boʻyicha reyd tadbirlarida, statsionar va mobil postlarda tekshirish uchun toʻxtatish;

statsionar va mobil postlarda reyd tadbirlari jarayonida tekshirish uchun transport vositasini toʻxtatishda maxsus chiroq-mayoqcha, ovoz kuchaytirgich moslama, qoʻl yoki jezl ishoralaridan foydalanish;

toʻxtash ishorasiga boʻysunmagan transport vositalarini kuzatish yoki ichki ishlar organlari xodimlariga xabar berish va ularga belgilangan tartibda qonuniy choralar koʻrish;

nazorat tadbirlarida yoʻlovchilarni va yuk tashishda mijozlarni izlash boʻyicha interaktiv xizmatlar (agregatorlar) orqali va boshqa holatlarda noqonuniy shugʻullanayotgan huquqbuzarlarni aniqlash;

tashuvchilarga yuk va yoʻlovchi tashish huquqi uchun berilgan litsenziyalar hamda ruxsatnoma hujjatlarining amal qilish muddatini belgilangan tartibda toʻxtatib turish, tugatish va bekor qilish choralarini koʻrish;

nazorat tadbirlari davomida huquqbuzarlikni aniqlash maqsadida avtomobil salonida boʻlgan yoʻlovchilar bilan suhbat olib borish;

xorijiy tashuvchilarga tegishli boʻlgan, shu jumladan, ular tomonidan Oʻzbekiston Respublikasi hududiga vaqtincha olib kirilgan avtotransport vositalarida yoʻlovchilar va yuklarni tashishda kabotaj tashish holatlari yoki boshqa huquqbuzarlik holatlari aniqlanganda, statsionar va chegara oʻtish punktlarida vakolatli davlat organlari bilan hamkorlikda choralar koʻrish;

xizmat faoliyatini amalga oshirish jarayonida foto, video tasvirga olish moslamalaridan foydalanish;

huquqbuzarlikka yoʻl qoʻygan haydovchilarga jarima solish haqida qaror chiqarilgan kundan eʼtiboran oltmish kun ichida jarima toʻlanmagan taqdirda, ichki ishlar organlariga tegishli axborot kiritish;

oʻziga yuklangan vazifalarni amalga oshirish uchun respublika va mahalliy ijro etuvchi hokimiyat organlari hamda boshqa tashkilotlarning maʼlumotlar bazasidan belgilangan tartibda real vaqt rejimida foydalanish;

transport sohasida nazoratni amalga oshirishda maxsus kasbiy bilimlarni talab etadigan masalalarni koʻrib chiqish uchun respublika va mahalliy ijro etuvchi hokimiyat organlari hamda boshqa tashkilotlarning mutaxassislarini ekspert sifatida jalb etish;

kema hujjatlarining amal qilish muddati tugaganda, kemalar malakali ekipaj bilan butlanmaganda, kemani kema haydovchisi guvohnomasiga ega boʻlmagan shaxs boshqarganda, bortda avariya-qutqarish, yongʻinga qarshi inventar mavjud boʻlmaganda, suzib yuruvchi qurilmalarda odamlarning xavfsizligiga tahdid soluvchi nuqsonlar paydo boʻlganda, kemalardan foydalanish, yongʻinga qarshi va sanitariya xavfsizligi qoidalari talablari buzilganda kemalar va suzib yuruvchi qurilmalardan foydalanishni qonunchilik hujjatlarida belgilangan tartibda taqiqlash;

b) yoʻl qurilishi nazorati boʻyicha:

yoʻl qurilishida faoliyat yuritish uchun berilgan litsenziyaning amal qilishini toʻxtatib turish yoki bekor qilish toʻgʻrisida vakolatli davlat organiga taklif kiritish;

vakolatiga kiradigan masalalarni hal qilish uchun kerakli maʼlumotlarni hamda respublika va mahalliy ijro etuvchi hokimiyat organlari, xoʻjalik birlashmalari hamda boshqa tashkilotlar, shuningdek, tadbirkorlik subyektlaridan ularning faoliyatida tekshiruv amalga oshirilayotgan jarayonda tekshiruv predmetiga oid maʼlumotlarni, hujjatlarni belgilangan tartibda soʻrash va olish;

yoʻl qurilishi obyektlariga moneliksiz kirish;

qoʻllaniladigan yoʻl qurilishi materiallari, konstruksiyalari, buyumlari hamda bajariladigan yoʻl qurilishi ishlarining sifatini tekshirish uchun zarur boʻlgan loyiha, texnologik, ijro hujjatlarini va boshqa materiallarni loyiha, pudrat tashkilotlari va buyurtmachi tashkilotlardan soʻrash hamda olish;

pudrat tashkilotlariga konstruksiyalar, uzellar va detallarning ayrim elementlarini ochishni, tagzamindagi tuproqni sinashni va qayta yopib qoʻyish, qoʻllanilgan qurilish materiallari, buyumlari, konstruksiyalarini, muhandislik tizimlarini sinab koʻrish ishlarini topshirish, zarurat boʻlganda tegishli xulosa tayyorlash uchun ilmiy-tadqiqot, sinash va loyiha tashkilotlarining ekspertlarini, mutaxassislarini shartnoma asosida jalb etish;

qurilishi tugallangan yoʻl obyektlarini foydalanishga qabul qilish jarayonida bajarilgan ishlarning sifatini tekshirish uchun laboratoriya sinovlari va diagnostika oʻtkazilishini talab qilish;

yuridik va jismoniy shaxslarga yoʻl qurilishida aniqlangan qoidabuzarliklarni bartaraf etish toʻgʻrisida oltmish kundan ortiq boʻlmagan muddatni belgilagan holda, bajarishi majburiy boʻlgan koʻrsatmalar berish;

sifatsiz bajarilgan qurilish-montaj ishlari aniqlanganda, buyurtmachilardan ushbu ish hajmlarini toʻlovga qabul qilingan umumiy ishlar hajmidan chiqarib tashlashni talab qilish;

yoʻl qurilishida mustahkamlik va barqarorlik tavsiflari buzilishiga olib keladigan loyiha yechimlari va texnik jihatdan tartibga solish sohasidagi normativ hujjatlar talablari buzilishi aniqlanganda, shuningdek, oʻzboshimchalik bilan yoʻl qurilishida avariyalar xavfi mavjud boʻlgan hollarda qurilish-taʼmirlash ishlarini bajarishni vaqtincha toʻxtatib qoʻyish (tadbirkorlik subyektining faoliyatini toʻxtatib qoʻyish sud tartibida amalga oshiriladi, favqulodda vaziyatlar, epidemiyalar va aholining hayoti va sogʻligʻiga boshqa real xavf yuzaga kelishining oldi olinishi munosabati bilan faoliyatni oʻn ish kunidan ortiq boʻlmagan muddatga toʻxtatib qoʻyish hollari bundan mustasno);

shaharsozlik toʻgʻrisidagi qonunchilik hujjatlari hamda texnik jihatdan tartibga solish sohasidagi normativ hujjatlar talablari buzilishlari yuzasidan vakolat doirasida koʻrilgan choralar natijasida bartaraf etilmagan yoʻl qurilish ishlari toʻgʻrisidagi materiallarni huquq-tartibot organlariga berish;

v) temir yoʻl transporti va metropoliten nazorati boʻyicha:

temir yoʻl hamda metropolitenda harakat va tashishlar xavfsizligini taʼminlashga, harakatdagi temir yoʻl tarkibi, texnik vositalari va temir yoʻl transporti infratuzilmasi obyektlarini saqlash, ularga xizmat koʻrsatish, ularni taʼmirlash va ulardan foydalanishga oid normativ-huquqiy hujjatlar hamda texnik jihatdan tartibga solish sohasidagi normativ hujjatlar talablarining aniqlangan buzilish holatlarini belgilangan muddatda bartaraf etish toʻgʻrisida Inspeksiya vakolatiga kiradigan masalalar yuzasidan bajarilishi majburiy boʻlgan koʻrsatmalar berish va bu borada koʻrilayotgan choralar haqida axborot berish muddatlarini belgilash;

temir yoʻl transportining texnik vositalaridan foydalanishni va tashishlar jarayoni bilan bogʻliq ishlarni bajarishni belgilangan tartibda toʻxtatish, nosozligi sababli odamlar hayoti va sogʻligiga, tashishlar xavfsizligiga xavf tugʻdiradigan temir yoʻl infratuzilmalarida harakatlanishni toʻxtatish yoki harakatlanish tezligini cheklash toʻgʻrisida koʻrsatmalar berish;

sifatsiz taʼmirlangani uchun lokomotivlar, motorvagonli harakatlanuvchi tarkib va vagonlarni, yoʻllar va bir izni boshqa izga oʻtkazish strelkalarini, signalizatsiya va aloqa moslamalari, bogʻlanish tarmoqlarini taʼmirlashdan chiqarishni taqiqlash;

lokomotivlar, vagonlar, yoʻllar, signal, aloqa va elektr taʼminoti tizimlari, shuningdek, temir yoʻl transportining boshqa texnik vositalari tegishli komissiya koʻrigidan belgilangan tartib buzilgan holda oʻtkazilgani uchun ularning natijalarini bekor qilish;

temir yoʻl transportiga oid normativ-huquqiy hujjatlar hamda texnik jihatdan tartibga solish sohasidagi normativ hujjatlar talablarini buzgan temir yoʻl transporti subyektlariga nisbatan qonunchilik hujjatlariga muvofiq taqiqlovchi choralarni koʻrish;

poyezdlar harakati xavfsizligi talablari hamda temir yoʻlda tashishlar xavfsizligini taʼminlash, harakatdagi tarkibni, temir yoʻl transportining texnik vositalarini saqlash, ularga xizmat koʻrsatish, ularni taʼmirlash va ulardan foydalanish boʻyicha texnik jihatdan tartibga solish sohasidagi normativ hujjatlarning buzilish holatlari yuzasidan materiallarni tegishli organlarga belgilangan tartibda berish;

temir yoʻl transporti hamda metropolitenda harakat va tashishlar xavfsizligi talablarining buzilishi bilan bogʻliq hodisalar boʻyicha oʻtkaziladigan xizmat tekshiruvi komissiyalarida, shuningdek, xizmat tekshiruvlari davrida oʻtkaziladigan tadqiqotlar, sinovlar, ekspertizalarda ishtirok etish;

temir yoʻl transporti subyektlaridan temir yoʻl transporti hamda metropolitenda sodir boʻlgan harakat va tashishlar xavfsizligi talablarining buzilishi bilan bogʻliq hodisalar toʻgʻrisida tezkor xabardor qilishni, shuningdek, ushbu hodisalar boʻyicha oʻtkazilgan xizmat tekshiruvi materiallarining belgilangan tartibda rasmiylashtirilishini hamda oʻz muddatida taqdim etilishini talab etish;

davlat xizmatlarini koʻrsatishda harakatdagi temir yoʻl tarkibi va temir yoʻl transporti infratuzilmasi obyektlarini belgilangan talablarga muvofiqligini joyiga chiqqan holda oʻrganish;

harakatdagi temir yoʻl tarkibi va boshqa texnik vositalarini yangi turi oʻzlashtirilganda ularni ishlab chiqarish (qurish), sinash, ommaviy ishlab chiqarish va foydalanishga qabul qilishda ishtirok etish;

yuklangan vazifalarni bajarish yuzasidan Oʻzbekiston Respublikasi boʻylab xizmat safarlari chogʻida Inspeksiyaga tegishli vagondan poyezdlar tarkibida toʻsqinliksiz foydalanish;

Inspeksiya xodimlarini Oʻzbekiston Respublikasi boʻylab safarlar chogʻida lokomotivlar (1 nafargacha) va poyezdlar brigadalari tarkibiga tekshiruvchilar sifatida kiritish.

Inspeksiya va uning hududiy boʻlinmalari avtomobilda yuk hamda yoʻlovchi tashish, temir yoʻl, ichki suv va shahar elektr transporti hamda yoʻl xoʻjaligi sohasida belgilangan tartibda maʼmuriy huquqbuzarliklar toʻgʻrisida bayonnomalar tuzadi, maʼmuriy huquqbuzarliklar toʻgʻrisidagi ishlarni koʻrib chiqadi va maʼmuriy jazo choralarini qoʻllaydi.

Inspeksiya oʻz vakolati doirasida qonunchilik hujjatlari va texnik jihatdan tartibga solish sohasidagi normativ hujjatlar buzilishlarini bartaraf etish toʻgʻrisida respublika va mahalliy ijro etuvchi hokimiyat organlari, xoʻjalik birlashmalari, tadbirkorlik subyektlari hamda boshqa tashkilotlarga bajarilishi majburiy boʻlgan taqdimnoma va koʻrsatmalar kiritadi.

Inspeksiya yuklangan vazifalar va funksiyalarni bajarish bilan bogʻliq boʻlgan normativ-huquqiy va boshqa hujjatlar loyihalarini Vazirlikka belgilangan tartibda kiritadi.

Inspeksiya respublika va mahalliy ijro etuvchi hokimiyat organlari, xoʻjalik birlashmalari, tadbirkorlik subyektlari hamda boshqa tashkilotlardan oʻz vakolatiga kiruvchi masalalar boʻyicha materiallar, maʼlumotlar va tushuntirishlarni soʻrab oladi.

Inspeksiya qonunchilik hujjatlariga muvofiq boshqa huquqlarga ham ega boʻlishi mumkin.

13. Inspeksiya va uning hududiy boʻlinmalari:

yuklangan vazifalar va funksiyalarning samarali bajarilishi, shuningdek, tegishli sohadagi davlat siyosatining amalga oshirilishi;

Vazirlikka kiritiladigan normativ-huquqiy hujjatlar va boshqa hujjatlar loyihalari, shuningdek, Inspeksiya qabul qiladigan qarorlarning sifati, yakuniy natijalari va amalga oshirish oqibatlari;

fuqarolar va tadbirkorlik subyektlarining huquqlari hamda qonuniy manfaatlariga rioya etilishi hamda ularning himoya qilinishini taʼminlash;

nazorat natijasida aniqlangan muammolarni har tomonlama va chuqur oʻrganish hamda umumlashtirish asosida hududlardagi tegishli sohani rivojlantirishga doir takliflar tayyorlash;

qonunchilik hujjatlariga muvofiq oʻziga yuklangan vazifalar va funksiyalarning bajarilishi uchun javobgardir.

4-bob. Inspeksiya rahbarlarining asosiy funksional vazifalari

14. Quyidagilar Inspeksiya boshligʻining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlari talablariga rioya etish;

Inspeksiya faoliyatiga umumiy rahbarlik qilish, Oʻzbekiston Respublikasi Prezidentining va Vazirlar Mahkamasining tegishli hujjatlari hamda boshqa qonunchilik hujjatlari bilan Inspeksiyaga yuklangan vazifalar va funksiyalar bajarilishini tashkil etish;

Inspeksiya, shuningdek, hududiy boʻlinmalar faoliyatiga tegishli prognoz koʻrsatkichlarga soʻzsiz erishishni taʼminlash boʻyicha amaliy chora-tadbirlarning ishlab chiqilishini tashkil etish va amalga oshirish;

oʻz oʻrinbosarlarining vakolatlarini belgilash, Inspeksiyaning boshqa mansabdor shaxslari vakolatlarini belgilash, oʻz oʻrinbosarlari va boshqa mansabdor shaxslarning Inspeksiya faoliyatining alohida qismlariga rahbarlik qilishi uchun ularning shaxsiy masʼuliyat darajalarini belgilash;

Inspeksiya tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Inspeksiyaning kadrlar zaxirasini shakllantirish;

Inspeksiya vakolatiga tegishli masalalar boʻyicha buyruqlar chiqarish, koʻrsatmalar berish;

Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasining qarorlari, farmoyishlari va topshiriqlari ijrosini taʼminlash, tarkibiy boʻlinmalarda ijro intizomini mustahkamlash boʻyicha kompleks amaliy chora-tadbirlarni amalga oshirish, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda respublika ijro etuvchi hokimiyat organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga va “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga muvofiq tarkibiy boʻlinma rahbarlarining shaxsiy masʼuliyatini oshirish choralarini koʻrish;

Inspeksiya rahbarlari va xodimlarining xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda amalga oshirish va tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli hamda oqilona foydalanishni taʼminlash;

Inspeksiya xodimlari tomonidan Vazirlar Mahkamasining 2022-yil 14-oktabrdagi 595-son qarori bilan tasdiqlangan Davlat fuqarolik xizmatchilari odob-axloqining namunaviy qoidalari asosida tasdiqlangan Inspeksiya xodimlarining odob-axloq qoidalari talablariga rioya etilishini nazorat qilish;

Inspeksiya xodimlarini ragʻbatlantirish va intizomiy javobgarlikka tortish masalalarini hal qilish;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq Inspeksiya tizimida korrupsiya va boshqa qonunbuzarliklarning oldini olish choralarini koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shart-sharoitlarni bartaraf etish;

Oʻzbekiston Respublikasining “Elektron hukumat toʻgʻrisida”gi Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

jismoniy va yuridik shaxslarning murojaatlarini koʻrib chiqish boʻyicha ishlarni Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni , Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsiy qabullarni muntazam ravishda oʻtkazish, shu jumladan, jismoniy va yuridik shaxslarning vakillarini joylarga borib, belgilangan muddatda va tartibda qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Inspeksiya xodimlari va rahbarlarining faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidentining virtual qabulxonasidan tushgan murojaatlari oʻz vaqtida va toʻliq koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish;

Inspeksiya va hududiy boʻlinmalar xodimlarini belgilangan tartibda ishga qabul qilish va ular bilan mehnat shartnomasini bekor qilish;

oʻz vakolati doirasida Inspeksiya xodimlari tomonidan bajarilishi majburiy boʻlgan buyruqlar chiqarish va koʻrsatmalar berish;

Inspeksiyaga yuklangan vazifalar ijrosini taʼminlash doirasida davlat organlari va boshqa tashkilotlar, loyiha tashkilotlari, ilmiy va taʼlim muassasalari, shuningdek, xalqaro tashkilotlar va xorijiy kompaniyalarning yuqori malakali mutaxassislarini ekspert sifatida jalb qilish;

Inspeksiya boshligʻi qonunchilik hujjatlariga muvofiq boshqa funksional vazifalarga ham ega boʻlishi mumkin.

15. Quyidagilar Inspeksiya boshligʻi oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa qonunchilik hujjatlari talablariga rioya etish;

Inspeksiyaning oʻzlari nazorat qiladigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ularning xodimlari oʻrtasida vazifalarni taqsimlash;

oʻzlari nazorat qiladigan tarkibiy boʻlinmalar tomonidan prognoz koʻrsatkichlarning soʻzsiz bajarilishini taʼminlash choralarini koʻrish, boʻlinmalar rahbarlarining hisobotlarini muntazam ravishda eshitib borish va ushbu koʻrsatkichlarga erishish uchun ularning shaxsiy masʼuliyatini oshirish;

oʻzlari nazorat qiladigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasining qarorlari, farmoyishlari va topshiriqlari ijrosini taʼminlash, oʻzlari nazorat qiladigan tarkibiy boʻlinmalarda ijro intizomini mustahkamlash boʻyicha kompleks amaliy chora-tadbirlarni amalga oshirish, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda respublika ijro etuvchi hokimiyat organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga va “Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida” 2021-yil 31-maydagi PQ-5132-son qaroriga muvofiq tarkibiy boʻlinma rahbarlarining shaxsiy masʼuliyatini oshirish choralarini koʻrish;

Inspeksiyaning yigʻilish qarorlari, Inspeksiya boshligʻining buyruqlari va topshiriqlari oʻz vaqtida hamda sifatli bajarilishini taʼminlash;

xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda amalga oshirish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash.

Inspeksiya boshligʻi oʻrinbosarlari qonunchilik hujjatlariga muvofiq boshqa funksional vazifalarga ham ega boʻlishi mumkin.

5-bob. Inspeksiya rahbarlarining javobgarligi

16. Inspeksiya boshligʻi:

Inspeksiyaga yuklangan vazifalar va funksiyalarning bajarilishi;

ushbu Nizomning 14-bandida koʻrsatilgan oʻz funksional vazifalarining sifatli bajarilishi uchun shaxsan javobgardir.

17. Boshliq oʻrinbosarlari:

mutasaddilik qilinadigan xodimlar tomonidan Inspeksiyaga yuklangan vazifalar va funksiyalarning bajarilishi;

ushbu Nizomning 15-bandida koʻrsatilgan oʻz funksional vazifalarining sifatli bajarilishi uchun shaxsan javobgardir.

6-bob. Inspeksiya va uning hududiy boʻlinmalari faoliyatini tashkil etish

1-§. Inspeksiya rahbariyati

18. Inspeksiyaga Vazirlar Mahkamasining taqdimnomasiga koʻra Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan boshliq rahbarlik qiladi.

Inspeksiya boshligʻining oʻrinbosarlari Oʻzbekiston Respublikasi transport vazirining taqdimnomasiga koʻra Vazirlar Mahkamasi tomonidan lavozimga tayinlanadi va lavozimdan ozod etiladi.

19. Inspeksiya boshligʻi boʻlmagan davrda uning vakolatlari tegishli oʻrinbosar tomonidan amalga oshiriladi.

20. Inspeksiya boshligʻi:

Inspeksiya markaziy apparati va hududiy boʻlinmalari xodimlarini ishga qabul qiladi hamda ular bilan mehnat shartnomasini bekor qiladi;

oʻz vakolatiga kiruvchi masalalar boʻyicha oʻtkaziladigan Vazirlik hayʼati majlislarida, yigʻilishlarida belgilangan tartibda ishtirok etadi.

Inspeksiya boshligʻi qonunchilik hujjatlariga muvofiq boshqa vakolatlarni ham amalga oshirishi mumkin.

2-§. Inspeksiya xodimlarining hududiy boʻlinmalar bilan oʻzaro hamkorligi tartibi

21. Inspeksiya xodimlarining hududiy boʻlinmalar bilan oʻzaro hamkorligi Inspeksiya boshligʻi va uning oʻrinbosarlari tomonidan taʼminlanadi.

22. Inspeksiya xodimlari:

hududiy boʻlinmalarga rahbariyat topshiriqlarini yetkazadi hamda ularning bajarilishini nazorat qiladi;

Inspeksiyaning hududiy boʻlinmalariga ularning bevosita faoliyati boʻyicha soʻrovlar yuboradi hamda ularning ijro etilishini nazorat qiladi;

Inspeksiyaning hududiy boʻlinmalari faoliyatini tekshiradi va oʻrganadi, umumlashtiradi, uni takomillashtirishga qaratilgan chora-tadbirlarni ishlab chiqadi;

Inspeksiyaning hududiy boʻlinmalari faoliyatini tashkil etish va faoliyati natijalari toʻgʻrisida hisobot va axborot materiallari, statistika maʼlumotlari va boshqa maʼlumotlarni toʻplashni tashkil etadi;

Inspeksiyaning hududiy boʻlinmalari ish rejalarini tahlil qiladi, ularning faoliyatini rejalashtirishni takomillashtirishga doir choralar koʻradi;

Inspeksiyaning hududiy boʻlinmalaridan tushgan takliflarni koʻrib chiqadi.

23. Hududiy boʻlinmalar:

Inspeksiya rahbariyati topshiriqlari bajarilishi haqida axborot beradi;

oʻz faoliyati natijalari toʻgʻrisidagi hisobotlarni belgilangan tartibda va muddatlarda Inspeksiyaga taqdim qiladi;

avtomobil, temir yoʻl, suv, elektr transporti va metropolitenda tashish xavfsizligini taʼminlashga qaratilgan takliflarni Inspeksiyaga yuboradi.

3-§. Inspeksiyaning respublika va mahalliy ijro etuvchi hokimiyat organlari, xoʻjalik birlashmalari hamda boshqa tashkilotlar bilan oʻzaro hamkorligi

24. Inspeksiya oʻz vazifalari va funksiyalarini amalga oshirishda respublika hamda mahalliy ijro etuvchi hokimiyat organlari, xoʻjalik birlashmalari va boshqa tashkilotlar bilan hamkorlik qiladi.

25. Inspeksiyaning hududiy boʻlinmalari oʻz vakolatlari doirasida respublika va mahalliy ijro etuvchi hokimiyat organlarining hududiy boʻlinmalari bilan hamkorlik qiladi.

7-bob. Inspeksiya va uning hududiy boʻlinmalarini moliyalashtirish va moddiy-texnik taʼminlash, ularning xodimlari mehnatiga haq toʻlash hamda ularni moddiy ragʻbatlantirish

26. Inspeksiya va uning hududiy boʻlinmalarini moliyalashtirish va moddiy-texnik taʼminlash Oʻzbekiston Respublikasi Davlat budjeti mablagʻlari, Vazirlik huzuridagi Transport va logistikani rivojlantirish jamgʻarmasi va qonunchilik hujjatlarida taqiqlanmagan boshqa manbalar hisobidan amalga oshiriladi.

27. Inspeksiya va uning hududiy boʻlinmalari xodimlarining ish haqi lavozim maoshi, ragʻbatlantirishlar, qoʻshimcha toʻlovlar, ustamalar va boshqa toʻlovlardan iborat.

Inspeksiya va uning hududiy boʻlinmalari xodimlarining lavozim maoshi Yagona tarif setkasining tasdiqlangan razryadlari boʻyicha belgilanadi.

Inspeksiya va uning hududiy boʻlinmalari xodimlarining lavozim maoshlariga, Oʻzbekiston Respublikasi respublika budjetiga yoʻnaltiriladigan mablagʻlar miqdori bilan Inspeksiya va hududiy boʻlinmalari taʼminoti uchun budjetdan ajratiladigan mablagʻlar miqdori oʻrtasida yuzaga keladigan tafovut hisobiga 2 barobar oʻsib boruvchi koeffitsiyent qoʻllaniladi.

Inspeksiya va uning hududiy boʻlinmalari xodimlariga Davlat budjeti hisobidan koʻp yillik mehnati uchun ragʻbatlantirish koeffitsiyentini hisobga olgan holda, lavozim maoshiga belgilangan koeffitsiyentlarda quyidagi hajmlarda har oyda qoʻshimcha pul toʻlanadi: 2 yildan 5 yilgacha — 0,1; 5 yildan 10 yilgacha — 0,2; 10 yildan 15 yilgacha — 0,3; 15 yildan ortiq — 0,4.

Inspeksiya va uning hududiy boʻlinmalari xodimlarini qoʻshimcha moddiy ragʻbatlantirish, Vazirlik huzuridagi Transport va logistikani rivojlantirish jamgʻarmasi hisobidan ish haqi fondiga nisbatan 200 foizgacha miqdorda amalga oshiriladi.

28. Inspeksiya va uning hududiy boʻlinmalari xodimlari uchun avtomobil, temir yoʻl, havo, suv transporti korxonalari xodimlarining ijtimoiy yordam koʻrsatish boʻyicha huquqi va imtiyozlari, shuningdek, xizmat safarlari davomida doimiy ravishda, taʼtil davrida — bir yilda bir marta avtomobil, temir yoʻl, havo transportidan imtiyozli foydalanish tatbiq etiladi.

8-bob. Yakunlovchi qoidalar

29. Inspeksiya va uning hududiy boʻlinmalari xodimlari (nazorat funksiyasi yuklanmagan xodimlar hamda qonunchilik hujjatlarida boshqacha tartib belgilangan holatlar bundan mustasno) har uch yilda attestatsiyadan oʻtkaziladi.

30. Nazorat tadbirlari jarayonida jismoniy va yuridik shaxslar Inspeksiya hamda uning hududiy boʻlinmalari xodimlari tomonidan transport sohasidagi nazoratni amalga oshirish uchun faoliyat bilan bogʻliq boʻlgan shart-sharoitlarni yaratishga majburdirlar.

31. Inspeksiya va uning hududiy boʻlinmalarining faoliyatiga noqonuniy aralashish yoki toʻsqinlik qilish, notoʻgʻri maʼlumotni taqdim etish yoki taqdim etishdan boʻyin tovlash, shuningdek, Inspeksiyaning mansabdor shaxslarini Inspeksiyaga qonunchilik hujjatlari bilan yuklanmagan vazifalarni bajarishga majburlash hamda ularga har qanday shaklda taʼsir koʻrsatish taqiqlanadi va qonunchilikda belgilangan javobgarlikka sabab boʻladi.

32. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Vazirlar Mahkamasining 2023-yil 15-dekabrdagi 668-son qaroriga 2-ILOVA

Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish boʻyicha davlat xizmatlarini koʻrsatishning

1-bob. Umumiy qoidalar

1. Ushbu Maʼmuriy reglament (keyingi oʻrinlarda — Reglament) yuridik va jismoniy shaxslarga tegishli harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish, roʻyxatdan qayta oʻtkazish, ularga roʻyxatdan oʻtkazilganligi toʻgʻrisida guvohnoma berish hamda ularni roʻyxatdan chiqarish boʻyicha davlat xizmatlarini (keyingi oʻrinlarda — davlat xizmati) koʻrsatish tartibini belgilaydi.

2. Ushbu Reglamentda quyidagi asosiy tushunchalardan foydalaniladi:

ariza beruvchi — umumiy foydalanishdagi temir yoʻl transporti hamda oʻz faoliyatini umumiy foydalanishdagi temir yoʻl transporti tizimiga kirmaydigan umumiy foydalanishda boʻlmagan temir yoʻllarda amalga oshiruvchi, guvohnoma olish uchun tegishli hujjatlarni taqdim etuvchi harakatdagi temir yoʻl tarkibi va temir yoʻl transporti infratuzilmasi obyektlarining egasi;

davlat roʻyxatidan oʻtkazish harakatlari — harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish, roʻyxatdan qayta oʻtkazish va ularni roʻyxatdan chiqarish, shuningdek, texnik koʻrikdan oʻtkazish, ularga guvohnoma berish, harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish axborot tizimiga (keyingi oʻrinlarda — Axborot tizimi) maʼlumotlarni kiritish va yagona reyestrini yuritish;

davlat roʻyxatidan oʻtkazish hujjati (keyingi oʻrinlarda — guvohnoma) — harakatdagi temir yoʻl tarkibi va temir yoʻl transporti infratuzilmasi obyektlarining davlat roʻyxatidan oʻtganligi toʻgʻrisida guvohnoma;

yagona reyestr — Oʻzbekiston Respublikasi Transport vazirligi huzuridagi Transport nazorati inspeksiyasida (keyingi oʻrinlarda — Inspeksiya) davlat roʻyxatidan oʻtkazilgan harakatdagi temir yoʻl tarkibi va temir yoʻl transporti infratuzilmasi obyektlari toʻgʻrisidagi maʼlumotlarni oʻz ichiga olgan davlat elektron axborot resursi;

harakatdagi temir yoʻl tarkibi — lokomotivlar, tortish lokomotivining yuk, bagaj, yoʻlovchi tashish vagonlari va motorvagonli harakatdagi tarkib, shuningdek, tashishlarning amalga oshirilishini va temir yoʻl transportining faoliyat koʻrsatishini taʼminlash uchun moʻljallangan boshqa transport vositalari;

harakatdagi temir yoʻl tarkibining egasi — mulk huquqi yoki boshqa ashyoviy huquq asosida harakatdagi temir yoʻl tarkibiga egalik qiluvchi jismoniy (yakka tartibdagi tadbirkor) yoki yuridik shaxs;

temir yoʻl transporti infratuzilmasi — texnologik majmua boʻlib, ushbu majmua faoliyatini taʼminlovchi temir yoʻllarni, temir yoʻl stansiyalarini, elektr taʼminoti qurilmalarini, aloqa tarmoqlarini, signalizatsiya, markazlashtirish va bloklash tizimlarini, axborot majmualarini, harakatni boshqarish tizimini, binolar, inshootlar, qurilmalar, jihozlar va uskunalarni oʻz ichiga oladi;

temir yoʻl transporti infratuzilmasi obyekti — temir yoʻl transporti infratuzilmasi quyi tizimlarining tarkibiy qismi yoki uning quyi tizimlarining tarkibiy qismlari toʻplami;

temir yoʻl transporti infratuzilmasi obyektlarining egasi — mulk huquqi yoki boshqa ashyoviy huquq asosida temir yoʻl transporti infratuzilmasi obyektlariga, jumladan, transport ishlarini bajarish va temir yoʻl transporti xizmatlarini koʻrsatish bilan bogʻliq qurilmalar, bino va inshootlar hamda boshqa obyektlarga egalik qiluvchi, jismoniy (yakka tartibdagi tadbirkor) yoki yuridik shaxs;

harakatdagi temir yoʻl tarkibi va temir yoʻl transporti infratuzilmasi obyektlarini modernizatsiya qilish — harakatdagi mavjud temir yoʻl tarkibi va temir yoʻl transporti infratuzilmasi obyektlarini uning tarkibiy qismlarini yanada takomillashganlariga almashtirish orqali texnik-iqtisodiy tavsiflarni yaxshilashga qaratilgan ishlar majmui;

harakatdagi temir yoʻl tarkibini modernizatsiya qilish orqali xizmat muddatini uzaytirish — xizmat muddatini uzaytirish maqsadida bazaviy konstruksiyaga oʻzgartirishlar kiritish orqali harakatdagi mavjud temir yoʻl tarkibining texnik-iqtisodiy tavsiflarini yaxshilash boʻyicha ishlar majmui;

harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish — harakatdagi temir yoʻl tarkibi hamda temir yoʻl transporti infratuzilmasi obyektlarini doimiy hisobga olish, harakatdagi temir yoʻl tarkibi va temir yoʻl transporti infratuzilmasi obyektlarining roʻyxatdan oʻtkazilgani toʻgʻrisida guvohnoma berish hamda yagona reyestrni shakllantirish;

harakatdagi temir yoʻl tarkibi va temir yoʻl transporti infratuzilmasi obyektlarini qayta davlat roʻyxatidan oʻtkazish — tegishli huquqiy asoslar boʻlganda, harakatdagi temir yoʻl tarkibi hamda temir yoʻl transporti infratuzilmasi obyektlarining davlat roʻyxatidan oʻtgani toʻgʻrisidagi hujjatlarga oʻzgartirish va qoʻshimchalar kiritish;

umumiy foydalanishdagi temir yoʻllar — umumiy foydalanishdagi temir yoʻl transporti sohasidagi vakolatli tashkilotga va uning boʻlinmalariga tegishli boʻlgan, poyezdlarni oʻtkazish, qabul qilish va joʻnatish, bagajni, yuk bagajini, yuklarni, pochta va kuryerlik joʻnatmalarini qabul qilish hamda berish va yoʻlovchilarga xizmat koʻrsatish boʻyicha tegishli operatsiyalarni, manyovr ishlarini bajarish uchun ochiq boʻlgan, ajratilgan mintaqa doirasida peregonlar, temir yoʻl stansiyalari, razyezdlar, quvib oʻtish punktlari joylashgan temir yoʻllar;

umumiy foydalanishda boʻlmagan temir yoʻllar — yukni joʻnatuvchilarga (joʻnatuvchilarga) va yukni oluvchilarga (oluvchilarga) shartnoma shartlari asosida xizmat koʻrsatish yoki egalik qiluvchining oʻz ehtiyojlari uchun texnologik ishlarni bajarishga moʻljallangan umumiy foydalanishdagi temir yoʻllarga bevosita yoki boshqa temir yoʻl shoxobcha yoʻllari orqali tutashadigan shoxobcha temir yoʻllar, shuningdek, umumiy foydalanishdagi temir yoʻllarga tutashmaydigan temir yoʻllar.

3. Harakatdagi temir yoʻl tarkibi (keyingi oʻrinlarda — harakatdagi tarkib) va temir yoʻl transporti infratuzilmasi obyektlari (keyingi oʻrinlarda — infratuzilma obyektlari) davlat roʻyxatidan Inspeksiya tomonidan harakatdagi tarkib va infratuzilma obyektlari haqidagi maʼlumotlarni Axborot tizimiga kiritish orqali oʻtkaziladi.

4. Qonunchilikda belgilangan tartibda foydalanishga qabul qilingan harakatdagi tarkib va infratuzilma obyektlari, shuningdek, sohasi va qoʻllaniladigan joyidan qatʼi nazar, umumiy foydalanishdagi temir yoʻllarga chiqish huquqiga ega boʻlgan hamda ichki texnologik maqsadlarda foydalaniladigan, jismoniy va yuridik shaxslar mulkiga tegishli harakatdagi temir yoʻl tarkiblarining birliklari davlat roʻyxatidan oʻtkaziladi va yagona reyestrda hisobga olinadi.

Yuridik va jismoniy shaxslar harakatdagi tarkib va infratuzilma obyektlari boʻyicha egalik huquqi, mulk huquqi yoki boshqa ashyoviy huquqlar paydo boʻlgandan soʻng oʻn ish kuni muddatda ularni davlat roʻyxatidan oʻtkazishi lozim.

Harakatdagi tarkib va infratuzilma obyektlari Inspeksiya tomonidan davlat roʻyxatidan oʻtkaziladi.

5. Davlat xizmati Reglamentga 1-ilovada keltirilgan sxemaga muvofiq koʻrsatiladi.

2-bob. Harakatdagi tarkib va infratuzilma obyektlarini davlat roʻyxatidan oʻtkazishning talablari hamda shartlari

6. Quyidagilar harakatdagi tarkib va infratuzilma obyektlarini davlat roʻyxatidan oʻtkazishning talablari hamda shartlari hisoblanadi:

harakatdagi tarkib va infratuzilma obyektlarining texnik pasporti (formulyari) mavjud boʻlishi;

harakatdagi tarkibning xizmat muddati uzaytirilganligi toʻgʻrisida guvohnoma, yangi xarid qilingan harakatdagi tarkibning muvofiqlik sertifikatlari mavjud boʻlishi;

roʻyxatdan oʻtkazilgan harakatdagi tarkib va infratuzilma obyektlaridan guvohnomada koʻrsatilgan muddatlarda foydalanish;

Inspeksiyaning talabiga koʻra davlat roʻyxatidan oʻtkazishning talablari va shartlariga rioya etilishini oʻrganish paytida yuzaga keladigan masalalar boʻyicha zarur maʼlumotlarni taqdim etish;

ariza beruvchining nomi yoki joylashgan joyi (pochta manzili) oʻzgarganligi sababli qayta davlat roʻyxatidan oʻtganda, bu haqda oʻn ish kuni ichida Inspeksiyani xabardor qilish.

3-bob. Davlat xizmatini koʻrsatish tartibi

7. Ariza beruvchi harakatdagi tarkib yoki infratuzilma obyektlarini davlat roʻyxatidan oʻtkazish uchun Yagona interaktiv davlat xizmatlari portalida (keyingi oʻrinlarda — YIDXP) roʻyxatdan oʻtadi.

8. Toifalangan obyektlar haqidagi maʼlumotlar va tarqatilishi cheklangan axborotni oʻz ichiga olgan hujjatlar ariza beruvchi tomonidan Inspeksiyaga bevosita taqdim etiladi.

9. Harakatdagi tarkib yoki infratuzilma obyektlarini davlat roʻyxatidan oʻtkazish uchun YIDXP orqali murojaat etilganda, ariza beruvchi mustaqil ravishda ushbu Reglamentga 2-ilovaga muvofiq arizani elektron shaklda toʻldiradi.

Arizaga ilova qilinadigan hujjatlar koʻrsatiladigan xizmat turlariga muvofiq arizani toʻldirish jarayonida avtomatik tarzda belgilanadi. Arizaga talab etiladigan hujjatlarning skaner qilingan “PDF” shaklidagi nusxalari ilova qilinadi.

10. Arizaga zarur maʼlumotlar rasmiylashtirilib, kiritilgandan soʻng ariza beruvchi uni elektron raqamli imzosi (keyingi oʻrinlarda — ERI) bilan tasdiqlaydi.

11. Davlat xizmatini koʻrsatishda harakatdagi tarkibning birliklariga va har bir infratuzilma obyektini davlat roʻyxatidan oʻtkazish uchun bazaviy hisoblash miqdorining 10 foizi miqdorida yigʻim undiriladi.

Davlat xizmati koʻrsatilganda, yigʻim toʻlanganligi Yagona billing tizimi orqali tasdiqlanadi.

12. Yigʻimlar summasi quyidagi tartibda taqsimlanadi:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga;

11,75 foizi — Oʻzbekiston Respublikasi Raqamli texnologiyalar vazirligi huzuridagi “Elektron hukumat loyihalarini boshqarish markazi” davlat muassasasining Iqtisodiyot va moliya vazirligi Gʻaznachilik xizmati qoʻmitasidagi maxsus hisobvaragʻiga (shu jumladan, 0,5 foizi — yagona billing tizimi orqali tasdiqlangani uchun);

qolgan mablagʻlar — Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasiga oʻtkaziladi.

13. Inspeksiyaga kelib tushgan arizaning toʻgʻri toʻldirilganligi tekshiriladi. Agar arizada xato va kamchiliklar boʻlsa, ularni besh ish kuni ichida bartaraf etish uchun qaytariladi.

Belgilangan muddatda xatolar bartaraf etilmagan, yetishmayotgan maʼlumotlar taqdim etilmagan va notoʻgʻri maʼlumotlar taqdim etilgan yoki davlat xizmatini koʻrsatish uchun yigʻim toʻlanmagan taqdirda, shuningdek, mazkur Reglamentning 6-bandida koʻrsatilgan talablar va shartlarga amal qilinmaganda, davlat xizmatini koʻrsatish rad etiladi.

Davlat xizmatini koʻrsatishni ushbu bandda koʻrsatilgandan tashqari boshqa asoslar boʻyicha rad etish taqiqlanadi.

14. Ariza beruvchi davlat xizmatidan foydalanishda ularni koʻrsatishning har qanday bosqichida bosh tortish huquqiga ega. Ariza beruvchi davlat xizmatidan foydalanishdan bosh tortganda, uning arizasi koʻrilmasdan qoldiriladi va toʻlangan yigʻim summasi qaytarilmaydi.

15. Ariza beruvchi tomonidan YIDXP orqali murojaat etilganda, ariza avtomatik tarzda Inspeksiyaga yuboriladi.

16. Ariza kelib tushgan kundan boshlab oʻn besh ish kunidan oshmaydigan muddatda koʻrib chiqiladi.

Bunda Inspeksiya xodimlari joyiga chiqqan holda, harakatdagi tarkib yoki infratuzilma obyektlarini texnik koʻrikdan oʻtkazish orqali taqdim etilgan hujjatlardagi maʼlumotlar toʻgʻriligini oʻrganib chiqib, uning natijalari asosida harakatdagi tarkibning yoki infratuzilma obyektlarining texnik holatini koʻrikdan oʻtkazish dalolatnomasi hamda ularni roʻyxatdan oʻtkazish yoki roʻyxatdan oʻtkazishni rad etish boʻyicha xulosa tayyorlaydi.

17. Inspeksiya hujjatlarni koʻrib chiqish natijasi boʻyicha tegishli guvohnomani mazkur Reglamentga 3 va 4-ilovalarga muvofiq shaklda QR-kod (matrik shtrixli kod) qoʻyib rasmiylashtiradi va uni ERI bilan tasdiqlaydi hamda ariza beruvchiga YIDXP orqali yuboradi.

Guvohnoma harakatdagi tarkib va infratuzilma obyektlari davlat roʻyxatidan chiqarilgan kunga qadar amal qiladi.

18. Guvohnoma berish rad etilganda, ariza beruvchiga rad etish sabablari va ariza beruvchi koʻrsatib oʻtilgan sabablarni bartaraf etib, hujjatlarni qayta koʻrib chiqishga taqdim etishi mumkin boʻlgan muddat koʻrsatilgan tegishli bildirishnoma yuboriladi. Roʻyxatdan oʻtkazishni rad etish haqidagi bildirishnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi va koʻpi bilan bir oy muddatdan oshmasligi lozim.

Ariza beruvchi bildirishnomada belgilangan vaqt davomida keltirilgan sabablarni bartaraf etib, hujjatlarni qayta koʻrib chiqish uchun YIDXP orqali taqdim etishi mumkin. Bunda hujjatlar qayta taqdim etilganda, toʻlov takroran undirilmaydi.

19. Kamchiliklar bartaraf etilganligi haqidagi ariza Inspeksiyaga kelib tushgan kundan boshlab besh ish kuni davomida takroran koʻrib chiqiladi.

Roʻyxatdan oʻtkazish boʻyicha hujjatlarni takroran koʻrib chiqishda Inspeksiyaning avvalgi rad etish asoslarida bayon etilmagan sabablar koʻrsatilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.

4-bob. Harakatdagi tarkib va infratuzilma obyektlarini davlat roʻyxatidan oʻtkazish uchun taqdim etiladigan hujjatlar

20. Harakatdagi tarkibni davlat roʻyxatidan oʻtkazish uchun arizaga quyidagi hujjatlar ilova qilinadi:

roʻyxatdan oʻtkazilayotgan harakatdagi tarkibning mazkur Reglamentga 5-ilovaga muvofiq shakldagi roʻyxati;

harakatdagi tarkibning oldi-sotdi shartnomasi yoki boshqa harakatdagi tarkibga egalik huquqi vujudga kelishiga asos boʻluvchi hujjat nusxasi;

harakatdagi tarkibni qabul qilish-topshirish dalolatnomasi yoki harakatdagi tarkib topshirilganligini tasdiqlovchi boshqa hujjat nusxasi;

ishlab chiqilganidan, modernizatsiya qilinganidan yoki taʼmirlanganidan soʻng harakatdagi tarkibning foydalanishga topshirilganligi haqida dalolatnomaning nusxasi;

muvofiqlik sertifikatining nusxasi (muvofiqligi tasdiqlanishi shart boʻlgan harakatdagi tarkib uchun);

harakatdagi tarkib texnik pasportining nusxasi.

21. Mazkur Reglamentga 6-ilovada koʻrsatilgan infratuzilma obyektlarini davlat roʻyxatidan oʻtkazish uchun ariza beruvchi arizaga quyidagi hujjatlarni ilova qilgan holda YIDXP orqali taqdim etadi:

infratuzilma obyektining texnik pasporti;

infratuzilma obyektini kapital qurilishdan soʻng qabul qilish boʻyicha, shuningdek, tashkilotlar balansidan oʻz balansiga oʻtkazish yoki sotib olish yuzasidan mulk huquqini tasdiqlovchi hujjatlar.

22. Harakatdagi tarkib va infratuzilma obyektlarini davlat roʻyxatidan oʻtkazishda ariza beruvchidan ushbu Reglamentning 20 va 21-bandlarida nazarda tutilmagan hujjatlarni taqdim etishni talab qilishga yoʻl qoʻyilmaydi.

5-bob. Harakatdagi tarkib va infratuzilma obyektlarini davlat roʻyxatidan qayta oʻtkazish, shuningdek, ularning ijarasi toʻgʻrisidagi maʼlumotlarni yuritish

23. Harakatdagi tarkibning modernizatsiya qilish (qayta jihozlash) natijasida modeli oʻzgarganda, egasi oʻzgarganda yoki xizmat muddati uzaytirilganda, davlat roʻyxatidan qayta oʻtkaziladi.

24. Inspeksiya tomonidan harakatdagi tarkib va infratuzilma obyektlarini davlat roʻyxatidan qayta oʻtkazish ariza taqdim etilgan kundan boshlab oʻn ish kuni ichida amalga oshiriladi.

Davlat roʻyxatidan qayta oʻtkazish toʻgʻrisidagi ariza koʻrib chiqilganligi uchun harakatdagi tarkibning birliklariga va har bir infratuzilma obyektiga bazaviy hisoblash miqdorining 10 foizi miqdorida yigʻim undiriladi.

Davlat xizmati koʻrsatilganda, yigʻim toʻlanganligi Yagona billing tizimi orqali tasdiqlanadi.

25. Yigʻimlar summasi quyidagi tartibda taqsimlanadi:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi shaxsiy gʻazna hisobvaragʻiga;

qolgan mablagʻlar — Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasiga oʻtkaziladi.

26. Ariza beruvchi YIDXP orqali mustaqil ravishda ushbu Reglamentga 2-ilovaga muvofiq arizani elektron shaklda toʻldiradi.

27. Ariza beruvchi davlat roʻyxatidan qayta oʻtkazilayotgan harakatdagi tarkibning amaldagi guvohnomasi bilan birga qoʻshimcha ravishda quyidagi hujjatlarni ilova qilgan holda arizani taqdim etadi:

a) harakatdagi tarkibni modernizatsiya qilish (qayta jihozlash) natijasida uning modeli oʻzgarganda:

amalga oshirilgan modernizatsiya va modernizatsiya kodi koʻrsatilgan harakatdagi tarkibni foydalanishga topshirilganligi haqidagi dalolatnomaning nusxasi;

muvofiqlik sertifikatining nusxasi;

harakatdagi tarkibning texnik pasporti nusxasi;

b) harakatdagi tarkibning egasi oʻzgarganda:

harakatdagi tarkibning oldi-sotdi shartnomasi yoki harakatdagi tarkibga mulk huquqini beruvchi boshqa hujjat nusxasi;

harakatdagi tarkibning texnik pasporti nusxasi;

v) harakatdagi tarkibning xizmat muddati uzaytirilganda:

ishlar texnik yechimga muvofiq amalga oshirilganligi toʻgʻrisidagi dalolatnomaning nusxasi;

harakatdagi tarkibning texnik pasporti nusxasi;

muvofiqlik sertifikatining (harakatdagi tarkib modernizatsiya qilingan holda xizmat muddatlari uzaytirilganidan keyin olingan) nusxasi.

28. Infratuzilma obyektlari rekonstruksiya qilinganda, texnik maʼlumotlari yoki egasi oʻzgarganda, davlat roʻyxatidan qayta oʻtkaziladi.

Ariza beruvchi davlat roʻyxatidan qayta oʻtkazilayotgan infratuzilma obyektining amaldagi guvohnomasi bilan birga qoʻshimcha ravishda quyidagi hujjatlarni ilova qilgan holda arizani taqdim etadi:

infratuzilma obyektining texnik pasporti (temir yoʻl transporti infratuzilmasi obyektlarining texnik maʼlumotlariga kiritilgan oʻzgartirishlar bilan);

umumiy foydalanishda boʻlmagan temir yoʻllarni, shuningdek, yuklash, tushirish hamda vagon va konteynerlarni tozalash uchun moʻljallangan qurilmalarni qurish va rekonstruksiya qilish boʻyicha ruxsat berish tartib-taomillaridan oʻtganligi haqida hujjat;

foydalanishga qabul qilib olish dalolatnomasi;

mulk huquqini tasdiqlovchi hujjatlar.

29. Harakatdagi tarkib va infratuzilma obyektlarini davlat roʻyxatidan qayta oʻtkazish boʻyicha davlat xizmatini koʻrsatish uchun yigʻim toʻlanmagan taqdirda, shuningdek, mazkur Reglamentning 27 va 28-bandida koʻrsatilgan hujjatlar taqdim etilmaganda, davlat xizmatini koʻrsatish rad etiladi.

Davlat xizmatini koʻrsatishni ushbu bandda koʻrsatilgandan tashqari boshqa asoslar boʻyicha rad etish taqiqlanadi.

30. Harakatdagi tarkib va infratuzilma obyektlari ijaraga berilganda yoki ijarasi tugatilganda, davlat roʻyxatidan qayta oʻtkazilmaydi, bunda Axborot tizimida yagona reyestrga “ijaraga berilgan” va “ijara tugatilgan” yozuvi kiritiladi.

31. Harakatdagi tarkib yoki infratuzilma obyektlari ijaraga berilganda va ijarasi tugatilganda, ariza beruvchi YIDXP orqali mustaqil ravishda arizani elektron shaklda quyidagi hujjatlarni ilova qilgan holda toʻldiradi:

ijara shartnomasi nusxasi;

guvohnoma nusxasi.

32. Harakatdagi tarkib va infratuzilma obyektlari ijaraga berilgan yoki ijarasi tugatilganligi toʻgʻrisida Axborot tizimiga maʼlumot kiritilganligi uchun toʻlov undirilmaydi.

33. Harakatdagi tarkib va infratuzilma obyektlarining davlat roʻyxatidan qayta oʻtkazilganligi yoki oʻtkazish rad etilganligi, shuningdek, ularning ijaraga berilganligi yoki ijarasi tugatilganligi toʻgʻrisidagi maʼlumotlar ariza beruvchining YIDXPdagi shaxsiy kabinetiga avtomatik ravishda yuboriladi.

6-bob. Harakatdagi tarkib va infratuzilma obyektlarini davlat roʻyxatidan chiqarish

34. Harakatdagi tarkib davlat roʻyxatidan quyidagi hollarda chiqariladi:

harakatdagi tarkib Oʻzbekiston Respublikasi hududidan tashqarida foydalanish uchun olib chiqib ketilganda (rasmiylashtirilgan bojxona yuk deklaratsiyasi asosida);

harakatdagi tarkib foydalanishga yaroqsiz deb topilganda (harakatdagi tarkib hisobdan chiqarilishi, uning tiklab boʻlmas darajada shikastlanishi, xizmat muddatining tugaganligi).

35. Harakatdagi tarkibni davlat roʻyxatidan chiqarish uchun ariza beruvchi YIDXP orqali mustaqil ravishda arizani elektron shaklda toʻldiradi hamda arizaga davlat roʻyxatidan chiqariladigan harakatdagi tarkibning mazkur Reglamentga 5-ilovaga muvofiq shakldagi roʻyxatini va qoʻshimcha ravishda quyidagi hujjatlarni ilova qilgan holda taqdim etadi:

a) Oʻzbekiston Respublikasi hududidan tashqarida foydalanish uchun olib chiqib ketilganda:

rasmiylashtirilgan bojxona yuk deklaratsiyasi;

amaldagi guvohnoma;

b) harakatdagi tarkib foydalanishga yaroqsiz deb topilganda:

harakatdagi tarkibni foydalanishga yaroqsiz deb topish va hisobdan chiqarish toʻgʻrisidagi buyruq yoki dalolatnoma;

amaldagi guvohnoma.

36. Inspeksiya tomonidan harakatdagi tarkibni davlat roʻyxatidan chiqarish ariza taqdim etilgan kundan boshlab besh ish kuni ichida amalga oshiriladi.

37. Quyidagi holatlar harakatdagi tarkibni davlat roʻyxatidan chiqarishni rad etishga asos hisoblanadi:

mazkur Reglamentning 35-bandida koʻrsatilgan hujjatlar toʻliq taqdim etilmaganligi;

ishlab chiqaruvchi tomonidan harakatdagi tarkibga qoʻyilgan identifikatsiya tamgʻasini yashirish, soxtalashtirish, oʻzgartirish, yoʻq qilish alomatlari mavjudligi yoki taqdim etilgan hujjatlar soxtalashtirilganligi;

davlat roʻyxatidan oʻtkazish hujjatlaridagi yoxud davlat roʻyxatidan chiqarish boʻyicha taqdim etilgan hujjatlardagi maʼlumotlar bilan harakatdagi tarkib va uning raqamli uzellari yoki agregatlari nomuvofiqligi aniqlanganligi;

harakatdagi tarkib, raqam uzellari hamda agregatlari qidiruvda ekanligi yoki taqdim etilgan hujjatlar yoʻqotilganlar (oʻgʻirlanganlar) jumlasiga kirishi haqidagi maʼlumotlar mavjudligi.

Davlat xizmatini koʻrsatishni ushbu bandda koʻrsatilgandan tashqari boshqa asoslar boʻyicha rad etish taqiqlanadi.

Ariza beruvchi harakatdagi tarkibni davlat roʻyxatidan chiqarishga rad etish uchun asos boʻlgan sabablarni bartaraf etgan holda, uni hisobdan chiqarish toʻgʻrisidagi ariza bilan qayta murojaat etishga haqli.

38. Infratuzilma obyektlari yaroqsiz deb topilganligi (hisobdan chiqarilishi, tiklab boʻlmas darajada shikastlanishi, xizmat muddatining tugagashi) sababli davlat roʻyxatidan chiqariladi.

39. Ariza beruvchi infratuzilma obyektlarini davlat roʻyxatidan chiqarish uchun YIDXP orqali mustaqil ravishda arizani elektron shaklda toʻldiradi hamda arizaga infratuzilma obyektlari yaroqsiz deb topilganda, ularni demontaj qilish yoki foydalanishdan chiqarish toʻgʻrisidagi buyruq yoki dalolatnomani ilova qiladi.

40. Harakatdagi tarkib yoki infratuzilma obyektlarini davlat roʻyxatidan chiqarish uchun toʻlov undirilmaydi.

41. Harakatdagi tarkib yoki infratuzilma obyektlarining davlat roʻyxatidan chiqarilganligi yoki chiqarish rad etilganligi toʻgʻrisidagi maʼlumotlar ariza beruvchining YIDXPdagi shaxsiy kabinetiga avtomatik ravishda yuboriladi.

42. Davlat roʻyxatidan chiqarilgan harakatdagi tarkib yoki infratuzilma obyektlariga berilgan guvohnoma Inspeksiya tomonidan bekor qilinadi.

7-bob. Harakatdagi tarkib va infratuzilma obyektlaridan foydalanishni vaqtincha toʻxtatish

43. Harakatdagi tarkibning rejali turdagi taʼmirlash muddatlari oʻtganda, yurish qismining nosozliklari boʻlganda yoki harakatdagi tarkibdan foydalanish ehtiyoji boʻlmaganda, undan foydalanish vaqtincha toʻxtatiladi.

44. Harakatdagi tarkibdan foydalanish vaqtincha toʻxtatilganda, ariza beruvchi YIDXP orqali mustaqil ravishda arizani elektron shaklda toʻldiradi. Arizaga davlat roʻyxatidan chiqariladigan harakatdagi tarkibning mazkur Reglamentga 5-ilovaga muvofiq shakldagi roʻyxatini va qoʻshimcha ravishda quyidagi hujjatlarni ilova qilgan holda taqdim etadi:

harakatdagi tarkib egasining foydalanish vaqtincha toʻxtatilganligi haqidagi belgisi qoʻyilgan harakatdagi tarkib texnik pasporti;

ariza beruvchining harakatdagi tarkibdan foydalanish vaqtincha toʻxtatilganligi haqidagi buyrugʻi yoki dalolatnoma;

amaldagi guvohnoma.

45. Infratuzilma obyektlarining nosozligi yoki infratuzilma obyektidan foydalanishga ehtiyoj boʻlmaganda, undan foydalanish vaqtincha toʻxtatiladi.

Infratuzilma obyektidan foydalanish vaqtincha toʻxtatilganda, ariza beruvchi YIDXP orqali mustaqil ravishda arizani elektron shaklda toʻldiradi. Arizaga infratuzilma obyektlari egasining infratuzilma obyektlaridan foydalanish vaqtincha toʻxtatilgani toʻgʻrisidagi buyrugʻi yoki dalolatnoma ilova qilinadi.

46. Harakatdagi tarkib va infratuzilma obyektlaridan foydalanish vaqtincha toʻxtatilganda, Axborot tizimida yagona reyestrga “foydalanishdan toʻxtatilgan” yozuvi kiritiladi.

47. Harakatdagi tarkib va infratuzilma obyektlaridan foydalanishni vaqtincha toʻxtatish uchun toʻlov undirilmaydi.

48. Harakatdagi tarkib va infratuzilma obyektlaridan foydalanish vaqtincha toʻxtatilganligi toʻgʻrisidagi maʼlumot ariza beruvchining YIDXPdagi shaxsiy kabinetiga avtomatik ravishda yuboriladi.

8-bob. Yakunlovchi qoidalar

49. Davlat xizmatini koʻrsatish jarayonida ishtirok etuvchi vakolatli organlar oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.

50. Oʻzbekiston Respublikasi Adliya vazirligi, uning hududiy organlari mazkur Reglament talablari ijrosi boʻyicha davlat organlari va boshqa tashkilotlarning faoliyatini, shu jumladan, YIDXP orqali doimiy nazorat va monitoring qilib boradi.

51. Ariza beruvchi davlat organlari va boshqa tashkilotlar xodimlarining harakati (harakatsizligi) yuzasidan qonunchilik hujjatlarida belgilangan tartibda shikoyat qilishi mumkin.

52. Ushbu Reglament talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish boʻyicha davlat xizmatlarini koʻrsatishning maʼmuriy reglamentiga 1-ILOVA

Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish boʻyicha davlat xizmatlarini koʻrsatish

Bosqichlar Masʼullar Chora-tadbirlar Muddatlar I. Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish 1-bosqich Ariza beruvchi 1. Yagona interaktiv davlat xizmatlari portalida (keyingi oʻrinlarda — YIDXP) roʻyxatdan oʻtadi va murojaat qiladi. 2. Elektron shakldagi arizani unga ilova qilinadigan hujjatlarning elektron shaklini yuklagan holda toʻldiradi va tasdiqlaydi. 3. Davlat xizmatlaridan foydalanish uchun belgilangan miqdordagi yigʻimni toʻlaydi. Xohishiga koʻra 2-bosqich YIDXP Arizani Transport vazirligi huzuridagi Transport nazorati inspeksiyasiga (keyingi oʻrinlarda — Transport nazorati inspeksiyasi) yuboradi. Avtomatik ravishda 3-bosqich Transport nazorati inspeksiyasi 1. Kelib tushgan ariza va ilova qilingan hujjatlarning toʻgʻri va toʻliq toʻldirilgani hamda toʻlovlarning toʻlanganini tekshiradi. Hujjatlar qabul qilingan kunda 2. Transport nazorati inspeksiyasi xodimlari joyiga chiqqan holda, harakatdagi temir yoʻl tarkibi yoki temir yoʻl transporti infratuzilmasi obyektlarining texnik koʻrikdan oʻtkazish orqali taqdim etilgan hujjatlardagi maʼlumotlar toʻgʻriligini oʻrganib chiqib, uning natijalari asosida harakatdagi temir yoʻl tarkibning yoki temir yoʻl transporti infratuzilmasi obyektlarini texnik holatini koʻrikdan oʻtkazish dalolatnomasi hamda ularni roʻyxatdan oʻtkazish yoki roʻyxatdan oʻtkazishni rad etish boʻyicha xulosa tayyorlaydi. 3. Arizani koʻrib chiqish natijalari boʻyicha harakatdagi temir yoʻl tarkibi va temir yoʻl transporti infratuzilmasi obyektlari davlat roʻyxatidan oʻtkazilgani toʻgʻrisida QR-kod (matrik shtrixli kod) qoʻyilgan tegishli guvohnomani yoki roʻyxatdan oʻtkazish rad etilgani haqidagi bildirishnomani ariza beruvchining YIDXPdagi shaxsiy kabinetiga yuboradi. 15 ish kuni ichida II. Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan qayta oʻtkazish 1-bosqich Ariza beruvchi 1. YIDXPda roʻyxatdan oʻtadi va murojaat qiladi. 2. Elektron shakldagi arizani unga ilova qilinadigan hujjatlarning elektron shaklini yuklagan holda toʻldiradi va tasdiqlaydi. 3. Davlat xizmatlaridan foydalanish uchun belgilangan miqdordagi yigʻimni toʻlaydi. Xohishiga koʻra 2-bosqich YIDXP Arizani Transport nazorati inspeksiyasiga yuboradi. Avtomatik ravishda 3-bosqich Transport nazorati inspeksiyasi 1. Kelib tushgan ariza va ilova qilingan hujjatlarning toʻgʻri va toʻliq toʻldirilgani hamda toʻlovlarning toʻlanganini tekshiradi. Hujjatlar qabul qilingan kunda 2. Arizani koʻrib chiqish natijalari boʻyicha harakatdagi temir yoʻl tarkibi va temir yoʻl transporti infratuzilmasi obyektlari qayta davlat roʻyxatidan oʻtkazilgani yoki oʻtkazish rad etilgani haqidagi maʼlumotlar ariza beruvchining YIDXPdagi shaxsiy kabinetiga yuboradi. 10 ish kuni ichida III. Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan chiqarish 1-bosqich Ariza beruvchi 1. YIDXPda roʻyxatdan oʻtadi va murojaat qiladi. 2. Elektron shakldagi arizani unga ilova qilinadigan hujjatlarning elektron shaklini yuklagan holda toʻldiradi va tasdiqlaydi. Xohishiga koʻra 2-bosqich YIDXP Arizani Transport nazorati inspeksiyasiga yuboradi. Avtomatik ravishda 3-bosqich Transport nazorati inspeksiyasi 1. Kelib tushgan ariza va ilova qilingan hujjatlarning toʻgʻri va toʻliq toʻldirilganini tekshiradi. Hujjatlar qabul qilingan kunda 2. Arizani koʻrib chiqish natijalari boʻyicha harakatdagi temir yoʻl tarkibi va temir yoʻl transporti infratuzilmasi obyektlari davlat roʻyxatidan chiqarilgani yoki davlat roʻyxatidan chiqarish rad etilgani haqidagi maʼlumotlarni ariza beruvchining YIDXPdagi shaxsiy kabinetiga yuboradi. 5 ish kuni ichida

Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish boʻyicha davlat xizmatlarini koʻrsatishning maʼmuriy reglamentiga 2-ILOVA

__________________ (sana) __________________ (raqam) Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish boʻyicha davlat xizmatlaridan foydalanish uchun ARIZA I. Ariza beruvchi toʻgʻrisida maʼlumot: Harakatdagi temir yoʻl tarkibini roʻyxatdan oʻtkazish (roʻyxatdan qayta oʻtkazish, roʻyxatdan chiqarish) uchun 1. Toʻliq nomi va tashkiliy-huquqiy shakli: (yuridik shaxslar uchun) F.I.O. (jismoniy shaxslar uchun) 2. Manzili, telefon raqami, elektron pochtasi: 3. Rekvizitlari (STIR, bank kodi, hisobvaragʻi ): (yuridik shaxslar uchun) 4. Egalik huquqi (xususiy mulk, boshqa mulkiy huquqlar, ijara shartnomalari va boshqalar) 5. Harakatdagi temir yoʻl tarkibning turi 6. Harakatdagi temir yoʻl tarkibining joylashgan joyi 7. Harakatdagi temir yoʻl tarkibini roʻyxatdan oʻtkazish (roʻyxatdan qayta oʻtkazish, roʻyxatdan chiqarish va boshqalar) uchun asos Temir yoʻl transporti infratuzilmasi obyektlarini roʻyxatdan oʻtkazish (roʻyxatdan qayta oʻtkazish, roʻyxatdan chiqarish) uchun 1. Toʻliq nomi va tashkiliy-huquqiy shakli: (yuridik shaxslar uchun) F.I.O. (jismoniy shaxslar uchun) 2. Manzili, telefon raqami, elektron pochtasi: 3. Rekvizitlari (STIR, bank kodi, hisobvaragʻi): (yuridik shaxslar uchun) 4. Egalik huquqi (xususiy mulk, boshqa mulkiy huquqlar, ijara shartnomalari va boshqalar) 5. Temir yoʻl transporti infratuzilmasi obyekti joylashgan temir yoʻl stansiyasi yoki peregoni 6. Temir yoʻl infratuzilmasi transporti obyektini roʻyxatdan oʻtkazish (roʻyxatdan qayta oʻtkazish, roʻyxatdan chiqarish va boshqalar) uchun asos II. Arizaga ilova: Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish ( roʻyxatdan qayta oʻtkazish, roʻyxatdan chiqarish ) uchun zarur boʻlgan hujjatlarning elektron shakli:* * Xizmat turidan kelib chiqib, hujjatlar roʻyxati va ular haqidagi maʼlumot avtomatik tarzda belgilanadi. Ariza beruvchining elektron raqamli imzosi

Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish boʻyicha davlat xizmatlarini koʻrsatishning maʼmuriy reglamentiga 3-ILOVA

Oʻzbekiston Respublikasi Transport vazirligi huzuridagi Transport nazorati inspeksiyasi Inspeksiya po nadzoru v sfere transporta pri Ministerstve transporta Respubliki Uzbekistan Guvohnoma / Svidetelstvo Harakatdagi temir yoʻl tarkibini davlat roʻyxatidan oʻtkazish toʻgʻrisida / o gosudarstvennoy registratsii jeleznodorojnogo podvijnogo sostava Transport nazorati inspeksiyasi davlat reyestridan roʻyxatdan oʻtgan / Zaregistrirovano v Gosudarstvennom reyestre Inspeksiya po nadzoru v sfere transporta 20 __-y. “___” ________ ____-son Mazkur guvohnoma / Nastoyasheye svidetelstvo vidano ___________________________ _____________________________________________________________________________ (yuridik shaxs nomi / naimenovaniye yuridicheskogo litsa ) berilgan va harakatdagi temir yoʻl tarkibining davlat roʻyxatidan oʻtganligini tasdiqlaydi / i podtverjdayet gosudarstvennuyu registratsiyu jeleznodorojnogo podvijnogo sostava: _____________________________________________________ harakatdagi tarkib turi / vid podvijnogo sostava seriyasi, vagon turi / seriya, tip vagona _________________________________________ zavodda berilgan raqami / zavodskoy nomer ______________________________________ inventar raqami / inventarniy nomer ___________________________________________ seksiyasi / seksiya __________________________________________________________ qurilgan yili / god postroyki “____” _______________ 20 __-yil / goda Ushbu Guvohnoma qonunchilik hujjatlarida nazarda tutilgan barcha hollarda qoʻllaniladi hamda harakatdagi temir yoʻl tarkibining egasini tasdiqlovchi hujjat bilan birgalikda taqdim etiladi va unda keltirilgan maʼlumotlar oʻzgarganda almashtirilishi shart boʻladi / Nastoyasheye Svidetelstvo primenyayetsya vo vsex predusmotrennix zakonodatelstvom sluchayax i predʼyavlyayetsya vmeste s dokumentom, udostoveryayushim vladelsa jeleznodorojnogo podvijnogo sostava, i podlejit zamene v sluchaye izmeneniya privedennix v nem svedeniy. 20 __- yil “____”______________

Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish boʻyicha davlat xizmatlarini koʻrsatishning maʼmuriy reglamentiga 4-ILOVA

Oʻzbekiston Respublikasi Transport vazirligi huzuridagi Transport nazorati inspeksiyasi Inspeksiya po nadzoru v sfere transporta pri Ministerstve transporta Respubliki Uzbekistan Guvohnoma / Svidetelstvo Temir yoʻl transporti infratuzilmasi obyektini davlat roʻyxatidan oʻtkazish toʻgʻrisida / o gosudarstvennoy registratsii obyekta infrastrukturi jeleznodorojnogo transporta Transport nazorati inspeksiyasi davlat reyestridan roʻyxatdan oʻtgan / Zaregistrirovano v Gosudarstvennom reyestre Inspeksii po nadzoru v sfere transporta 20 ___-y. “___” _________ ____-son Mazkur guvohnoma / Nastoyasheye svidetelstvo vidano __________________________________________________________________________________________________________ __________________________________________________________________________________________________________ __________________________________________________________________________________________________________ (yuridik shaxs va obyektning nomi / naimenovaniye yuridicheskogo litsa i obyekta) berilgan va temir yoʻl transporti infratuzilmasi obyektining davlat roʻyxatidan oʻtganligini tasdiqlaydi / i podtverjdayet gosudarstvennuyu registratsiyu obyekta infrastrukturi jeleznodorojnogo transporta Ushbu Guvohnoma qonunchilik hujjatlarida nazarda tutilgan barcha hollarda qoʻllaniladi hamda temir yoʻl transporti infratuzilmasi obyektining egasini tasdiqlovchi hujjat bilan birgalikda taqdim etiladi va unda keltirilgan maʼlumotlar oʻzgarganida almashtirilishi shart boʻladi / Nastoyasheye Svidetelstvo primenyayetsya vo vsex predusmotrennix zakonodatelstvom sluchayax i predʼyavlyayetsya vmeste s dokumentom, udostoveryayushim vladelsa obyekta infrastrukturi jeleznodorojnogo transporta, i podlejit zamene v sluchaye izmeneniya privedennix v nem svedeniy. QR-kod (matrik shtrixli kod) 20____-yil “____” ____________

Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish boʻyicha davlat xizmatlarini koʻrsatishning maʼmuriy reglamentiga 5-ILOVA

Tortish harakatdagi temir yoʻl tarkibining (lokomotivlar, motorvagonli harakatdagi tarkib)

T/r Seriyasi Zavod raqami Inventar raqami Ishlab chiqarilgan sanasi Meʼyoriy xizmat muddati Amaldagi xizmat muddati Kapital taʼmir hajmida oʻtkazilgan oxirgi taʼmir sanasi: Keyingi taʼmir sanasi Texnik holati Foydalanishda yoki saqlab turilibdi Yaroqlilik muddati Roʻyxatda turgan deposi KT-1 KT-2 yaroqli hisobdan chiqarilgan 1. 2. 3. Ariza beruvchi tashkilot rahbari _____________________ _____________________________________________ (imzo) (F.I.O.) M.Oʻ.

Yuk va yoʻlovchi vagonlar

T/r Vagon turi Vagonning zavod raqami Vagonning inventar raqami Ishlab chiqarilgan sana Vagonning meʼyoriy xizmat muddati Vagonning amaldagi xizmat muddati Oxirgi depo taʼmirining sanasi (DR) Kapital taʼmir hajmida oʻtkazilgan oxirgi taʼmir sanasi: Keyingi taʼmir sanasi Texnik holati Yaroqlilik muddati Joylashgan temir yoʻl stansiyasi KR KRP yaroqli hisobdan chiqarilgan 1. 2. 3. Ariza beruvchi tashkilot rahbari _____________________ _____________________________________________ (imzo) (F.I.O.) M.Oʻ.

Maxsus harakatdagi tarkiblar

T/r Seriyasi Zavod raqami Inventar raqami Ishlab chiqarilgan sana Meʼyoriy xizmat muddati Amaldagi xizmat muddati Kapital taʼmir hajmida oʻtkazilgan oxirgi taʼmir sanasi: Keyingi taʼmir sanasi Texnik holati Yaroqlilik muddati Joylashgan joyi KR-1 KR-2 yaroqli hisobdan chiqarilgan 1. 2. 3. Ariza beruvchi tashkilot rahbari _____________________ _____________________________________________ (imzo) (F.I.O.) M.Oʻ.

Harakatdagi temir yoʻl tarkibi va temir yoʻl transporti infratuzilmasi obyektlarini davlat roʻyxatidan oʻtkazish boʻyicha davlat xizmatlarini koʻrsatishning maʼmuriy reglamentiga 6-ILOVA

Temir yoʻl transporti infratuzilmasi obyektlari

T/r Temir yoʻl transporti infratuzilmasi obyekti* Roʻyxatga olinadigan temir yoʻl transporti infratuzilmasi obyekti texnik pasportida koʻrsatiladigan maʼlumotlar 1. Temir yoʻl stansiyasi 1. Yoʻl xoʻjaligi boʻyicha: temir yoʻllar (asosiy, temir yoʻl stansiya yoʻllari, boshqa yoʻllar); strelkali oʻtkazgichlar; temir yoʻl kesishmalari; gabarit nazorat qurilmalari; sunʼiy inshootlar, jumladan: drenaj, deformatsiyaga qarshi, himoya va mustahkamlovchi inshootlar, suv oʻtkazuvchi quvurlar; temir yoʻl koʻprigi, tunnellar; temir yoʻl orqali piyodalar oʻtish joylari, koʻprigi, tunnellari . 2. Aloqa va signallashtirish xoʻjaligi boʻyicha: signallashtirish markazlashtirish qurilmalari; temir yoʻl kesishmalari qurilmalari; aloqa qurilmalari; markazlashgan strelkali oʻtkazgichlar; boshqaruv pult qurilmalari. 3. Elektr taʼminoti xoʻjaligi boʻyicha: kontakt tarmogʻi; transformatorlar; transformator podstansiyalari; tortish podstansiyasi; elektr uzatish tarmogʻi; boshqaruv tizim qurilmalari. 4. Lokomotiv xoʻjaligi boʻyicha: lokomotiv taʼmirlash va xizmat koʻrsatish punkti. 5. Vagon xoʻjaligi: texnik xizmat koʻrsatish punktlari. 6. Yoʻlovchi tashish xoʻjaligi: yoʻlovchi platformalari; yoʻlovchilarga xizmat koʻrsatish bino va inshootlari. 7. Yuk tashish xoʻjaligi: temir yoʻl stansiyasi sinfi (klass); toʻxtash punkti; yuk ortish va tushirish maydonlari, konteyner maydonlari (m 2 ); yuk saqlash maydoni (m 2 ); saralash tepaliklari; yuk platformalari; yuvish va bugʻlash stansiyalari; vagonlarni yuvish va dezinfeksiyalash punktlari; vagonlarni yuk ortishga tayyorlash punktlari. 2. Umumiy foydalanishda boʻlmagan temir yoʻli 3. Peregondagi temir yoʻllar 1. Yoʻl xoʻjaligi boʻyicha: temir yoʻllar; strelkali oʻtkazgichlar; temir yoʻl kesishmasi; sunʼiy inshootlar, jumladan: drenaj, deformatsiyaga qarshi, himoya va mustahkamlovchi inshootlar, suv oʻtkazuvchi quvurlar; temir yoʻl koʻprigi, tunnellar; temir yoʻl orqali piyodalar oʻtish joylari, koʻprigi, tunnellari . 2. Aloqa va signallashtirish xoʻjaligi boʻyicha: aloqa qurilmalari; signallashtirish markazlashtirish qurilmalari; temir yoʻl kesishmalari qurilmalari; harakatdagi tarkiblar buksalarini masofadan nazorat qilish qurilmasi; gabarit nazorat qurilmalari; harakatdagi tarkiblar izdan chiqishini nazorat qiluvchi qurilmalar. 3. Elektr taʼminoti xoʻjaligi boʻyicha: kontakt tarmogʻi; elektr uzatish tarmogʻi; transformatorlar; seksiyalash postlari. 4. Yoʻlovchi tashish xoʻjaligi: yoʻlovchi platformalari; yoʻlovchilarga xizmat koʻrsatish bino va inshootlari (kassa); toʻxtash punkti.

Vazirlar Mahkamasining 2023-yil 15-dekabrdagi 668-son qaroriga 3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oʻzbekiston Respublikasi hududi orqali maxsus yuklar va harbiy tarkiblarning tranzitini davlat tomonidan tartibga solish va nazorat qilish toʻgʻrisida” 2002-yil 21-fevraldagi 62-son qarorida :

a) 4-bandning ikkinchi xatboshisi quyidagi tahrirda bayon etilsin:

“Belgilab qoʻyilsinki, xavfli yuklar tranzitiga ruxsatnoma tashiladigan yuklarning turi va xususiyatlari hisobga olingan holda, Oʻzbekiston Respublikasi Sogʻliqni saqlash vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Iqtisodiyot va moliya vazirligi huzuridagi Bojxona qoʻmitasi, Investitsiyalar, sanoat va savdo vazirligi, Ekologiya, atrof-muhitni muhofaza qilish va iqlim oʻzgarishi vazirligi, Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi, Transport vazirligi huzuridagi Fuqaro aviatsiyasi agentligi va Transport nazorati inspeksiyasining asosli xulosalari olingandan keyin qatʼiy belgilangan tartibda beriladi”;

b) 5-bandning ikkinchi xatboshisidagi “Davlat bojxona qoʻmitasi, Sanoat xavfsizligi davlat qoʻmitasi, Transport vazirligi huzuridagi Fuqaro aviatsiyasi agentligi va Temir yoʻllarda yuk va yoʻlovchilar tashish xavfsizligini nazorat qilish inspeksiyasi” soʻzlari “Iqtisodiyot va moliya vazirligi huzuridagi Bojxona qoʻmitasi, Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi, Transport vazirligi huzuridagi Fuqaro aviatsiyasi agentligi va Transport nazorati inspeksiyasi” soʻzlari bilan almashtirilsin;

v) 3-ilovaning 31-bandi quyidagi tahrirda bayon etilsin:

“31. Oʻzbekiston Respublikasi Sogʻliqni saqlash vazirligi, Ichki ishlar vazirligi, Davlat xavfsizlik xizmati, Ekologiya, atrof-muhitni muhofaza qilish va iqlim oʻzgarishi vazirligi, Transport vazirligi huzuridagi Transport nazorati inspeksiyasi hamda Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi oʻz vakolatlariga muvofiq nazoratni amalga oshiradilar”.

2. Vazirlar Mahkamasining 2003-yil 4-noyabrdagi 482-son qarori bilan tasdiqlangan Oʻzbekiston Respublikasida avtobuslarda yoʻlovchilar tashish xavfsizligini taʼminlashga doir talablarda :

a) 2-bandning oʻninchi xatboshisidagi “(Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalari)” soʻzlari “huzuridagi Transport nazorati inspeksiyasi” soʻzlari bilan almashtirilsin;

b) 5-bandda :

birinchi xatboshidagi “Transport vazirligining (Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalarining)” soʻzlari “Transport vazirligi huzuridagi Transport nazorati inspeksiyasi” soʻzlari bilan almashtirilsin;

oltinchi xatboshidagi “tashish yoʻnalishlarini tender asosida amalga oshirish mexanizmini joriy etish,” soʻzlari chiqarib tashlansin;

v) 72-bandning birinchi xatboshisidagi “Transport vazirligining hududiy boʻlinmalari” soʻzlari “Transport vazirligi huzuridagi Transport nazorati inspeksiyasi” soʻzlari bilan almashtirilsin.

3. Vazirlar Mahkamasining 2011-yil 26-dekabrdagi 342-son qarori bilan tasdiqlangan Oʻzbekiston Respublikasi hududidagi avtomobil yoʻllari mintaqasida xavfsizlikni taʼminlash va tashkil etish qoidalarida :

a) 10-band quyidagi tahrirda bayon etilsin:

“10. Davlat va mahalliy ahamiyatga molik umumiy foydalanishdagi avtomobil yoʻllarining hamda shahar koʻchalarini taʼmirlash va rekonstruksiya qilish boʻyicha ish loyihalari loyihalash tashkiloti tomonidan ishlab chiqilgandan soʻng Yoʻl harakati xavfsizligi xizmati hamda Oʻzbekiston Respublikasi Transport vazirligi huzuridagi Transport nazorati inspeksiyasi tomonidan koʻrib chiqiladi va kelishiladi”;

b) 11-band quyidagi tahrirda bayon etilsin:

“11. Xalqaro ahamiyatga molik umumiy foydalanishdagi avtomobil yoʻllarining va shahar magistral koʻchalarini ish loyihalari loyihalash tashkiloti tomonidan ishlab chiqilgandan soʻng Yoʻl harakati xavfsizligi xizmati hamda Oʻzbekiston Respublikasi Transport vazirligi huzuridagi Transport nazorati inspeksiyasi bilan kelishiladi”.

4. Vazirlar Mahkamasining 2012-yil 13-apreldagi 109-son qarori bilan tasdiqlangan Oʻzbekiston Respublikasi temir yoʻl transportida yoʻlovchilar, bagaj va yuk bagaj tashish qoidalarining 22-bandi “v” kichik bandi hamda 235-bandidagi “Temir yoʻllarda yuk va yoʻlovchilar tashish xavfsizligini nazorat qilish inspeksiyasi” soʻzlari “Transport nazorati inspeksiyasi” soʻzlari bilan almashtirilsin.

6 . Vazirlar Mahkamasining 2015-yil 15-sentabrdagi 266-son qarori bilan tasdiqlangan Tashuvchining fuqarolik javobgarligini majburiy sugʻurta qilish qoidalarining 66-bandida :

uchinchi xatboshidagi “Temir yoʻllarda yuk va yoʻlovchilar tashish xavfsizligini nazorat qilish inspeksiyasi ” soʻzlari “Transport nazorati inspeksiyasi” soʻzlari bilan almashtirilsin;

toʻrtinchi xatboshi “Transport vazirligi” soʻzlaridan keyin “huzuridagi Transport nazorati inspeksiyasi” soʻzlari bilan toʻldirilsin.

7. Vazirlar Mahkamasining “Aholiga transport xizmati koʻrsatish hamda shaharlar va qishloqlarda avtobuslarda yoʻlovchilar tashish tizimini yanada takomillashtirish chora-tadbirlarini amalga oshirish toʻgʻrisida” 2017-yil 25-apreldagi 238-son qarorining 6-bandi ikkinchi xatboshisidagi “Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalarining” soʻzlari “Oʻzbekiston Respublikasi Transport vazirligi huzuridagi Transport nazorati inspeksiyasi” soʻzlari bilan almashtirilsin.

8. Vazirlar Mahkamasining “Investitsiya loyihalari oʻz vaqtida va sifatli amalga oshirilishi uchun loyihalar tashabbuskorlari boʻlgan tashkilotlarning masʼuliyatini oshirish chora-tadbirlari toʻgʻrisida” 2017-yil 15-maydagi 285-son qaroriga 2-ilova rus tilidagi matnining 7-bandi quyidagi tahrirda bayon etilsin:

“7. Ministerstvo transporta”.

9. Vazirlar Mahkamasining 2019-yil 19-apreldagi 336-son qarori bilan tasdiqlangan Oʻzbekiston Respublikasi Transport vazirligi toʻgʻrisidagi nizomda :

a) 10-bandda :

oltinchi xatboshidagi “Temir yoʻllarda yuk va yoʻlovchilar tashish xavfsizligini nazorat qilish inspeksiyasi” soʻzlari “Transport nazorati inspeksiyasi” soʻzlari bilan almashtirilsin;

yettinchi xatboshi chiqarib tashlansin;

sakkizinchi — oʻninchi xatboshilar tegishlicha yettinchi — toʻqkizinchi xatboshilar deb hisoblansin;

b) 19-bandda :

5-kichik band quyidagi tahrirda bayon etilsin:

“5) avtotashuvlar, avtovokzal, avtostansiyalar faoliyatini boshqarish va dispetcherlik nazoratini oʻrnatishni tashkil etadi”;

10-kichik band quyidagi tahrirda bayon etilsin:

“10) Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasidan yoʻlovchilar avtovokzallari, avtostansiyalar, mahalliy ijro etuvchi hokimiyat organlari tasarrufida boʻlgan umumiy foydalanishdagi yoʻlovchilar yoʻnalishlaridagi toʻxtash bekatlarini qurish, rekonstruksiya qilish va taʼmirlash ishlarini moliyalashtirish uchun ajratilgan pul mablagʻlaridan maqsadli foydalanilganligini, Vazirlik va uning idoraviy mansub tashkilotlar xodimlarini moddiy ragʻbatlantirishga yoʻnaltirilgan mablagʻlarning sarflanishini nazorat qiladi”;

v) 21-bandning 6 va 10-kichik bandlari chiqarib tashlansin.

10. Vazirlar Mahkamasining “Oʻzbekiston Respublikasi Transport vazirligi huzuridagi Fuqaro aviatsiyasi agentligi, Temir yoʻllarda yuk va yoʻlovchilar tashish xavfsizligini nazorat qilish inspeksiyasi va Yoʻl-qurilish ishlari sifatini nazorat qilish inspeksiyasi faoliyatini tashkil etish toʻgʻrisida” 2019-yil 19-apreldagi 337-son qarorida :

a) nomidagi “, Temir yoʻllarda yuk va yoʻlovchilar tashish xavfsizligini nazorat qilish inspeksiyasi va Yoʻl-qurilish ishlari sifatini nazorat qilish inspeksiyasi” soʻzlari chiqarib tashlansin;

b) 1-bandning uchinchi — oltinchi , sakkizinchi va toʻqqizinchi xatboshilari chiqarib tashlansin;

v) 2-banddagi “, Temir yoʻllarda yuk va yoʻlovchilar tashish xavfsizligini nazorat qilish inspeksiyasi va Yoʻl-qurilish ishlari sifatini nazorat qilish inspeksiyasi boshliqlariga” soʻzlari chiqarib tashlansin;

g) 3-band hamda 2-3 , 5 va 6-ilovalar oʻz kuchini yoʻqotgan deb hisoblansin.

11. Vazirlar Mahkamasining “Yuqori tezlikdagi temir yoʻl uchastkalarida harakat xavfsizligini taʼminlashga oid chora-tadbirlar amalga oshirilishini tashkil etish va muvofiqlashtirish, shuningdek, nazorat qilish boʻyicha idoralararo komissiya toʻgʻrisidagi nizomni tasdiqlash haqida” 2019-yil 8-maydagi 387-son qarorida :

a) 1-ilovaning 20-bandi birinchi xatboshisidagi “Temir yoʻllarda yuk va yoʻlovchilar tashish xavfsizligini nazorat qilish inspeksiyasi” soʻzlari “Transport nazorati inspeksiyasi” soʻzlari bilan almashtirilsin;

b) 2-ilovaning 2-bandi quyidagi tahrirda bayon etilsin:

“2. J.A. Karimov — Oʻzbekiston Respublikasi Transport vazirligi huzuridagi Transport nazorati inspeksiyasi boshligʻi, komissiya rahbarining oʻrinbosari ”.

12. Vazirlar Mahkamasining 2019-yil 24-maydagi 429-son qarori bilan tasdiqlangan Oʻzbekiston Respublikasi Transport vazirligi va uning idoraviy mansub tashkilotlari xodimlarini Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasi hisobiga qoʻshimcha moddiy ragʻbatlantirish tartibi toʻgʻrisidagi nizomning 3-bandidagi “Yoʻl-qurilish ishlari sifatini nazorat qilish inspeksiyasi va Temir yoʻllarda yuk va yoʻlovchilar tashish xavfsizligini nazorat qilish inspeksiyasi” soʻzlari “Transport vazirligi huzuridagi Transport nazorati inspeksiyasi” soʻzlari bilan almashtirilsin.

13. Vazirlar Mahkamasining 2020-yil 5-martdagi 123-son qarori bilan tasdiqlangan Oʻzbekiston Respublikasi Moliya vazirligi hamda Qoraqalpogʻiston Respublikasi Moliya vazirligi, viloyatlar va Toshkent shahar hokimliklari moliya bosh boshqarmalari huzuridagi Avtomobil yoʻllarini rivojlantirish maqsadli jamgʻarmalari toʻgʻrisidagi nizomning 29-bandida :

oltinchi xatboshidagi “avtomobil yoʻllari sohasiga oid normativ-huquqiy hujjatlarni (standartlar, shaharsozlik normalari va qoidalari, idoraviy qoidalar va normalar, yoʻriqnomalar va boshqalar) ishlab chiqish va qayta ishlash hamda” soʻzlari chiqarib tashlansin;

quyidagi mazmundagi yettinchi xatboshi bilan toʻldirilsin:

“avtomobil yoʻllari sohasiga oid normativ-huquqiy hujjatlarni (standartlar, shaharsozlik normalari va qoidalari, idoraviy qoidalar va normalar, yoʻriqnomalar va boshqalar) ishlab chiqish va qayta ishlash yuzasidan — Transport vazirligi”;

yettinchi — oʻninchi xatboshilar tegishlicha sakkizinchi — oʻn birinchi xatboshilar deb hisoblansin.

14. Vazirlar Mahkamasining 2021-yil 6-dekabrdagi 738-son qarori bilan tasdiqlangan Shahar, shahar atrofi, shaharlararo (Qoraqalpogʻiston Respublikasi va viloyatlar ichida hamda Qoraqalpogʻiston Respublikasi, Toshkent shahar va viloyatlararo) va xalqaro yoʻnalishlarni biriktirish boʻyicha ochiq tenderlarni elektron tarzda tashkil etish va oʻtkazish tartibi toʻgʻrisidagi nizomda :

a) 4-bandning sakkizinchi xatboshisi chiqarib tashlansin;

b) 54-bandda :

birinchi xatboshidagi “hamda ularning talab va shartlariga rioya etilishi ustidan nazorat” soʻzlari chiqarib tashlansin;

quyidagi mazmundagi xatboshi bilan toʻldirilsin:

“Tender talab va shartlariga rioya etilishi ustidan nazorat — Transport vazirligi huzuridagi Transport nazorati inspeksiyasi va uning hududiy boʻlinmalari tomonidan amalga oshiriladi”.

15. Vazirlar Mahkamasining “Avtomobil yoʻllari sohasida ochiqlik standartlarini joriy etish va sohada jamoatchilik nazoratini kuchaytirish chora-tadbirlari toʻgʻrisida” 2022-yil 2-fevraldagi 49-son qarorida :

a) 1-ilovaning 17-pozitsiyasi “Joylashtirish uchun masʼul vazirlik va idoralar” ustunidagi “Yoʻl qurilish ishlari sifatini nazorat qilish inspeksiyasi” soʻzlari “Transport nazorati inspeksiyasi” soʻzlari bilan almashtirilsin;

b) 2-ilovaning 31-bandidagi “Yoʻl-qurilish ishlari sifatini nazorat qilish inspeksiyasi” soʻzlari “Transport vazirligi huzuridagi Transport nazorati inspeksiyasi” soʻzlari bilan almashtirilsin.

16. Vazirlar Mahkamasining 2022-yil 28-sentabrdagi 537-son qarori bilan tasdiqlangan Foydalanishga topshiriladigan harakatdagi temir yoʻl tarkibi xavfsizligi toʻgʻrisidagi umumiy texnik reglamentda :

a) 125-banddagi “Temir yoʻllarda yuk va yoʻlovchilar tashish xavfsizligini nazorat qilish inspeksiyasi” soʻzlari “Transport nazorati inspeksiyasi” soʻzlari bilan almashtirilsin;

b) 2-ilovaning “I bosqich”, “III bosqich”, “V bosqich” va “VI bosqich” pozitsiyalari “Subyektlar” ustunidagi ““Oʻztemiryoʻlnazorat” inspeksiyasi” soʻzlari “Transport nazorati inspeksiyasi” soʻzlari bilan almashtirilsin.

17. Vazirlar Mahkamasining 2022-yil 31-yanvardagi 46-son qarori bilan tasdiqlangan Qurilish sohasida pudrat tashkilotlarini belgilash boʻyicha elektron davlat xaridlarini tashkil etish va amalga oshirish tartibi toʻgʻrisidagi nizomning 10-bandi “d” kichik bandining yettinchi xatboshisi quyidagi tahrirda bayon etilsin:

“Transport vazirligi huzuridagi Transport nazorati inspeksiyasining elektron maʼlumotlar bazasidan Transport nazorati inspeksiyasida roʻyxatga olingan obyektlar boʻyicha qurilishni yakunlash muddatidan oʻtib ketmaganligini”.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 15-dekabr,

668-son

(Qonunchilik maʼlumotlari milliy bazasi, 18.12.2023-y., 09/23/668/0945-son; 05.08.2024-y., 09/24/458/0573-son; 23.06.2026-y., 09/26/317/0617-son)

lex.uz