📅 2023-yil 15-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 15 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 декабря 2023 г. · Постановления Президента
Официальный текст. Официальный документ. Редакционные примечания не включены.
📅 15 December 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Ўзбекистон ипотекани қайта молиялаштириш компанияси» АЖнинг фаолиятини молиявий қўллаб-қувватлаш чора-тадбирлари тўғрисида
Ўзбекистон Республикаси Президентининг 2023 йил 13 апрелдаги «2023 йилда бозор тамойилларига асосланган ипотека кредитлари орқали аҳолини уй-жой билан таъминлаш дастурини амалга ошириш чора-тадбирлари тўғрисида»ги ПФ-51-сон Фармони ижросини таъминлаш, шунингдек, аҳолининг ипотека кредитларидан фойдаланиш имкониятларини кенгайтириш мақсадида:
1. Иқтисодиёт ва молия вазирлиги ҳамда «Ўзбекистон ипотекани қайта молиялаштириш компанияси» АЖ (кейинги ўринларда — Компания) акциядорларининг Компания устав капиталини 1-иловага мувофиқ миқдорларда ошириш тўғрисидаги таклифига розилик берилсин.
2. Белгилансинки:
Ўзбекистон Республикаси Президентининг 2022 йил 22 сентябрдаги «Ипотека кредитидан фойдаланишда аҳолига қўшимча қулайликлар яратиш чора-тадбирлари тўғрисида»ги ПҚ-377-сон қарорига мувофиқ Компанияга ажратилган 300 миллиард сўмгача бюджет ссудасини қоплаб бериш учун қайтариладиган маблағлар Компаниянинг устав капиталидаги давлат улушини оширишга йўналтирилади;
мазкур қарорга мувофиқ Компаниянинг устав капиталини ошириш белгиланган тартибда қўшимча акцияларни чиқариш ва номинал қийматда жойлаштириш орқали амалга оширилади.
3. Ўзбекистон Республикаси Президентининг 2022 йил 22 сентябрдаги «Ипотека кредитидан фойдаланишда аҳолига қўшимча қулайликлар яратиш чора-тадбирлари тўғрисида»ги ПҚ-377-сон қарорига 2-иловага мувофиқ ўзгартиришлар киритилсин.
4. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2023 йил 15 декабрдаги ПҚ-394-сон қарорига 1-ИЛОВА
«Ўзбекистон ипотекани қайта молиялаштириш компанияси» АЖнинг устав капиталини ошириш тартиби
(млрд сўм) Т/р Акциядорлар Устав капитали (2023 йил 1 ноябрь ҳолатига кўра) Қўшимча инвестиция миқдори Устав капитали (2024 йил 1 июнь ҳолатига кўра) қиймати улуши, фоизда қиймати улуши, фоизда Жами 132,79 100,0 808,1 940,89 100,0 1. Давлат улуши (Давлат активларини бошқариш агентлиги) 33,2 25,0 300,0 * 333,2 35,4 2. «Ипотека-банк» АТИБ 26,6 20,0 5,0 31,6 3,4 3. «Бизнесни ривожлантириш банки» АТБ 13,3 10,0 48,8 62,1 6,6 4. «Ўзмиллийбанк» АЖ 13,3 10,0 89,0 102,3 10,9 5. «Ўзсаноатқурилишбанк» АТБ 10,6 8,0 20,0 30,6 3,3 6. АТ «Халқ банки» 9,3 7,0 76,1 85,4 9,1 7. «Асакабанк» АЖ 6,6 5,0 54,4 61,0 6,5 8. «Агробанк» АТБ 6,6 5,0 66,4 73,0 7,8 9. «Туронбанк» АТБ 4,0 3,0 32,6 36,6 3,9 10. «Ориент финанс банк» АТБ 4,0 3,0 22,0 26,0 2,8 11. «Ҳамкорбанк» АТБ 2,7 2,0 21,8 24,5 2,6 12. «Капиталбанк» АТБ 1,3 1,0 1,3 0,1 13. «Инвест финанс банк» АТБ 1,3 1,0 1,3 0,1 14. «Алоқабанк» АТБ 36,0 36,0 3,8 15. «Микрокредитбанк» АТБ 36,0 36,0 3,8
Ўзбекистон Республикаси Президентининг 2023 йил 15 декабрдаги ПҚ-394-сон қарорига 2-ИЛОВА
Ўзбекистон Республикаси Президентининг 2022 йил 22 сентябрдаги «Ипотека кредитидан фойдаланишда аҳолига қўшимча қулайликлар яратиш чора-тадбирлари тўғрисида»ги ПҚ-377-сон қарорига киритилаётган ўзгартиришлар
1. 5-банд қуйидаги таҳрирда баён этилсин:
«5. Иқтисодиёт ва молия вазирлигининг халқаро молия ташкилотларидан Давлат бюджетини қўллаб-қувватлаш учун жалб этилган маблағлар ҳисобидан «Ўзбекистон ипотекани қайта молиялаштириш компанияси» АЖга (кейинги ўринларда — Компания) тижорат банклари томонидан аҳолига берилган ёки бериладиган ипотека кредитларини қайта молиялаштириш учун 3 йил муддатга 12 фоиз ставкада ва фоиз тўловларини ҳар 6 ойда тўлаш шарти билан 300 миллиард сўмгача бюджет ссудасини ажратиш тўғрисидаги таклифи маъқуллансин.
Бунда, Компания томонидан:
ресурслар тижорат банкларига 1 фоиздан кўп бўлмаган миқдорда маржа қўлланилган ҳолда жойлаштирилади;
бюджет ссудасини қоплаб бериш учун қайтариладиган 300 миллиард сўмгача маблағлар Компаниянинг устав капиталидаги давлат улушини оширишга йўналтирилади».
2. 8-банддаги «Молия вазирлиги ҳамда Иқтисодий тараққиёт ва камбағалликни қисқартириш вазирлиги» сўзлари «Иқтисодиёт ва молия вазирлиги» сўзлари билан алмаштирилсин.
3. 9-банднинг биринчи хатбошисидаги «молия вазири Т.А. Ишметов ҳамда иқтисодий тараққиёт ва камбағалликни қисқартириш вазирининг биринчи ўринбосари» сўзлари «иқтисодиёт ва молия вазирининг биринчи ўринбосари» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 15 декабрь,
ПҚ-394-сон
Oʻzbekiston Respublikasi Prezidentining
Qarori
“Oʻzbekiston ipotekani qayta moliyalashtirish kompaniyasi” AJning faoliyatini moliyaviy qoʻllab-quvvatlash chora-tadbirlari toʻgʻrisida
Oʻzbekiston Respublikasi Prezidentining 2023-yil 13-apreldagi “2023-yilda bozor tamoyillariga asoslangan ipoteka kreditlari orqali aholini uy-joy bilan taʼminlash dasturini amalga oshirish chora-tadbirlari toʻgʻrisida”gi PF-51-son Farmoni ijrosini taʼminlash, shuningdek, aholining ipoteka kreditlaridan foydalanish imkoniyatlarini kengaytirish maqsadida:
1. Iqtisodiyot va moliya vazirligi hamda “Oʻzbekiston ipotekani qayta moliyalashtirish kompaniyasi” AJ (keyingi oʻrinlarda — Kompaniya) aksiyadorlarining Kompaniya ustav kapitalini 1-ilovaga muvofiq miqdorlarda oshirish toʻgʻrisidagi taklifiga rozilik berilsin.
2. Belgilansinki:
Oʻzbekiston Respublikasi Prezidentining 2022-yil 22-sentabrdagi “Ipoteka kreditidan foydalanishda aholiga qoʻshimcha qulayliklar yaratish chora-tadbirlari toʻgʻrisida”gi PQ-377-son qaroriga muvofiq Kompaniyaga ajratilgan 300 milliard soʻmgacha budjet ssudasini qoplab berish uchun qaytariladigan mablagʻlar Kompaniyaning ustav kapitalidagi davlat ulushini oshirishga yoʻnaltiriladi;
mazkur qarorga muvofiq Kompaniyaning ustav kapitalini oshirish belgilangan tartibda qoʻshimcha aksiyalarni chiqarish va nominal qiymatda joylashtirish orqali amalga oshiriladi.
3. Oʻzbekiston Respublikasi Prezidentining 2022-yil 22-sentabrdagi “Ipoteka kreditidan foydalanishda aholiga qoʻshimcha qulayliklar yaratish chora-tadbirlari toʻgʻrisida”gi PQ-377-son qaroriga 2-ilovaga muvofiq oʻzgartirishlar kiritilsin.
4. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2023-yil 15-dekabrdagi PQ-394-son qaroriga 1-ILOVA
“Oʻzbekiston ipotekani qayta moliyalashtirish kompaniyasi” AJning ustav kapitalini oshirish tartibi
(mlrd soʻm) T/r Aksiyadorlar Ustav kapitali (2023-yil 1-noyabr holatiga koʻra) Qoʻshimcha investitsiya miqdori Ustav kapitali (2024-yil 1-iyun holatiga koʻra) qiymati ulushi, foizda qiymati ulushi, foizda Jami 132,79 100,0 808,1 940,89 100,0 1. Davlat ulushi (Davlat aktivlarini boshqarish agentligi) 33,2 25,0 300,0 * 333,2 35,4 2. “Ipoteka-bank” ATIB 26,6 20,0 5,0 31,6 3,4 3. “Biznesni rivojlantirish banki” ATB 13,3 10,0 48,8 62,1 6,6 4. “Oʻzmilliybank” AJ 13,3 10,0 89,0 102,3 10,9 5. “Oʻzsanoatqurilishbank” ATB 10,6 8,0 20,0 30,6 3,3 6. AT “Xalq banki” 9,3 7,0 76,1 85,4 9,1 7. “Asakabank” AJ 6,6 5,0 54,4 61,0 6,5 8. “Agrobank” ATB 6,6 5,0 66,4 73,0 7,8 9. “Turonbank” ATB 4,0 3,0 32,6 36,6 3,9 10. “Oriyent finans bank” ATB 4,0 3,0 22,0 26,0 2,8 11. “Hamkorbank” ATB 2,7 2,0 21,8 24,5 2,6 12. “Kapitalbank” ATB 1,3 1,0 1,3 0,1 13. “Invest finans bank” ATB 1,3 1,0 1,3 0,1 14. “Aloqabank” ATB 36,0 36,0 3,8 15. “Mikrokreditbank” ATB 36,0 36,0 3,8
Oʻzbekiston Respublikasi Prezidentining 2023-yil 15-dekabrdagi PQ-394-son qaroriga 2-ILOVA
Oʻzbekiston Respublikasi Prezidentining 2022-yil 22-sentabrdagi “Ipoteka kreditidan foydalanishda aholiga qoʻshimcha qulayliklar yaratish chora-tadbirlari toʻgʻrisida”gi PQ-377-son qaroriga kiritilayotgan oʻzgartirishlar
1. 5-band quyidagi tahrirda bayon etilsin:
“5. Iqtisodiyot va moliya vazirligining xalqaro moliya tashkilotlaridan Davlat budjetini qoʻllab-quvvatlash uchun jalb etilgan mablagʻlar hisobidan “Oʻzbekiston ipotekani qayta moliyalashtirish kompaniyasi” AJga (keyingi oʻrinlarda — Kompaniya) tijorat banklari tomonidan aholiga berilgan yoki beriladigan ipoteka kreditlarini qayta moliyalashtirish uchun 3 yil muddatga 12 foiz stavkada va foiz toʻlovlarini har 6 oyda toʻlash sharti bilan 300 milliard soʻmgacha budjet ssudasini ajratish toʻgʻrisidagi taklifi maʼqullansin.
Bunda, Kompaniya tomonidan:
resurslar tijorat banklariga 1 foizdan koʻp boʻlmagan miqdorda marja qoʻllanilgan holda joylashtiriladi;
budjet ssudasini qoplab berish uchun qaytariladigan 300 milliard soʻmgacha mablagʻlar Kompaniyaning ustav kapitalidagi davlat ulushini oshirishga yoʻnaltiriladi”.
2. 8-banddagi “Moliya vazirligi hamda Iqtisodiy taraqqiyot va kambagʻallikni qisqartirish vazirligi” soʻzlari “Iqtisodiyot va moliya vazirligi” soʻzlari bilan almashtirilsin.
3. 9-bandning birinchi xatboshisidagi “moliya vaziri T.A. Ishmetov hamda iqtisodiy taraqqiyot va kambagʻallikni qisqartirish vazirining birinchi oʻrinbosari” soʻzlari “iqtisodiyot va moliya vazirining birinchi oʻrinbosari” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 15-dekabr,
PQ-394-son
Президента Республики Узбекистан
Постановление
О мерах по финансовой поддержке деятельности АО «Компания по рефинансированию ипотеки Узбекистана»
В целях обеспечения исполнения Указа Президента Республики Узбекистан от 13 апреля 2023 года № УП-51 «О мерах по реализации программы обеспечения населения жильем посредством ипотечных кредитов на основе рыночных принципов на 2023 год», а также расширения доступа населения к ипотечным кредитам:
1. Одобрить предложение Министерства экономики и финансов и акционеров АО «Компания по рефинансированию ипотеки Узбекистана» (далее — Компания) по увеличению уставного капитала Компании в размерах согласно приложению № 1 .
2. Установить, что:
средства, подлежащие возврату для погашения бюджетной ссуды в размере до 300 миллиардов сумов, выделенной Компании в соответствии с постановлением Президента Республики Узбекистан от 22 сентября 2022 года № ПП-377 «О мерах по созданию дополнительных удобств населению при использовании ипотечных кредитов», направляются на увеличение доли государства в уставном капитале Компании;
увеличение в соответствии с настоящим постановлением уставного капитала Компании осуществляется путем выпуска и размещения по номинальной стоимости дополнительных акций в установленном порядке.
3. Внести изменения в постановление Президента Республики Узбекистан от 22 сентября 2022 года № ПП-377 «О мерах по созданию дополнительных удобств населению при использовании ипотечных кредитов» согласно приложению № 2 .
4. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
ПРИЛОЖЕНИЕ № 1 к постановлению Президента Республики Узбекистан от 15 декабря 2023 года № ПП-394
Порядок увеличения уставного капитала АО «Компания по рефинансированию ипотеки Узбекистана»
(млрд сум.) № Акционеры Уставный капитал (по состоянию на 1 ноября 2023 года) Размер дополнительной инвестиции Уставный капитал (по состоянию на 1 июня 2024 года) стоимость доля, % стоимость доля, % Всего 132,79 100,0 808,1 940,89 100,0 1. Государственная доля (Агентство по управлению государственными активами) 33,2 25,0 300,0 * 333,2 35,4 2. АКИБ «Ипотека-банк» 26,6 20,0 5,0 31,6 3,4 3. АКБ «Банк развития бизнеса» 13,3 10,0 48,8 62,1 6,6 4. АО «Узнацбанк» 13,3 10,0 89,0 102,3 10,9 5. АКБ «Узпромстройбанк» 10,6 8,0 20,0 30,6 3,3 6. АК «Халк банки» 9,3 7,0 76,1 85,4 9,1 7. АО «Асакабанк» 6,6 5,0 54,4 61,0 6,5 8. АКБ «Агробанк» 6,6 5,0 66,4 73,0 7,8 9. АКБ «Туронбанк» 4,0 3,0 32,6 36,6 3,9 10. АКБ «Ориент финанс банк» 4,0 3,0 22,0 26,0 2,8 11. АКБ «Хамкорбанк» 2,7 2,0 21,8 24,5 2,6 12. АКБ «Капиталбанк» 1,3 1,0 1,3 0,1 13. АКБ «Инвест финанс банк» 1,3 1,0 1,3 0,1 14. АКБ «Алокабанк» 36,0 36,0 3,8 15. АКБ «Микрокредитбанк» 36,0 36,0 3,8
ПРИЛОЖЕНИЕ № 2 к постановлению Президента Республики Узбекистан от 15 декабря 2023 года № ПП-394
Изменения, вносимые в постановление Президента Республики Узбекистан от 22 сентября 2022 года № ПП-377 «О мерах по созданию дополнительных удобств населению при использовании ипотечных кредитов»
1. Пункт 5 изложить в следующей редакции:
«5. Одобрить предложение Министерства экономики и финансов о выделении АО «Компания по рефинансированию ипотеки Узбекистана» (далее — Компания) бюджетной ссуды до 300 миллиардов сумов за счет привлеченных средств международных финансовых организаций для поддержки Государственного бюджета сроком на 3 года по ставке 12 процентов с условием осуществления процентных платежей каждые 6 месяцев для рефинансирования ипотечных кредитов, выделенных или выделяемых коммерческими банками населению.
При этом:
ресурсы размещаются Компанией в коммерческих банках с маржей не более 1 процента;
средства, подлежащие возврату Компанией для погашения бюджетной ссуды в размере до 300 миллиардов сумов, направляются на увеличение доли государства в уставном капитале Компании».
2. В пункте 8 слова «Министерству финансов и Министерству экономического развития и сокращения бедности» заменить словами «Министерству экономики и финансов».
3. В абзаце первом пункта 9 слова «министра финансов Т.А. Ишметова и первого заместителя министра экономического развития и сокращения бедности» заменить словами «первого заместителя министра экономики и финансов».
Президент Республики Узбекистан Ш. МИРЗИЁЕВ
г. Ташкент,
15 декабря 2023 г.,
№ ПП-394