UzbekAI

Ўзбекистон Республикаси Президентининг

Фармони

ТАРКИБИ

Одам савдосига қарши курашиш ва муносиб меҳнат тамойилларини кенг жорий этишга оид қўшимча чора-тадбирлар тўғрисида

Сўнгги йилларда мамлакатимизда фуқароларнинг ҳуқуқлари, эркинликлари ва қонуний манфаатларини ҳимоя қилиш, одам савдосига қарши курашиш, ундан жабрланган шахсларни ҳар томонлама ҳимоя қилиш, мажбурий меҳнатнинг олдини олиш ва унга тўлиқ барҳам беришнинг ташкилий, ҳуқуқий асосларини мустаҳкамлаш, бу борада давлат ва нодавлат ташкилотларнинг фаолиятини мувофиқлаштириш, шунингдек, мазкур йўналишларда фаолият юритаётган халқаро ташкилотлар билан ҳамкорликни ривожлантириш борасида тизимли ишлар олиб борилмоқда.

Бундан ташқари, миллий қонунчиликни одам савдоси ва мажбурий меҳнатга қарши курашиш соҳасидаги халқаро стандартлар билан уйғунлаштириш бўйича чора-тадбирлар амалга оширилмоқда.

Хусусан, мажбурий меҳнатга барҳам берилди, одам савдосига қарши курашиш соҳасидаги ишлар тизимлаштирилди, хорижда вақтинчалик меҳнат фаолиятини амалга ошираётган Ўзбекистон Республикаси фуқароларининг ҳуқуқий ҳимояси давлат сиёсати даражасига кўтарилди, ўзбек пахтасига қўйилган бойкот бекор қилинди, халқаро рейтинг ва индексларда Ўзбекистоннинг ўрни яхшиланди. Мамлакатимизда мажбурий меҳнатга қарши курашиш борасида амалга оширилган ишлар нуфузли халқаро ташкилотлар томонидан юқори баҳоланди ва бошқа давлатлар учун намуна сифатида эътироф этилди.

Ўзбекистонда муносиб меҳнат тамойилларини илгари суриш ва республиканинг барча ҳудудларида оммалаштириш, меҳнат муносабатлари соҳасида халқаро стандартларни кенг жорий қилиш ҳамда одам савдосига қарши курашиш тизимини такомиллаштириш мақсадида:

1. Одам савдосига ва мажбурий меҳнатга қарши курашиш миллий комиссияси Одам савдосига қарши курашиш ва муносиб меҳнат масалалари бўйича миллий комиссия (кейинги ўринларда — Миллий комиссия) этиб қайта ташкил қилинсин ва унинг таркиби иловага мувофиқ тасдиқлансин.

Белгилансинки, Миллий комиссия:

ички ишлар вазири — Миллий комиссия раисининг ўринбосари раҳбарлик қиладиган Одам савдосига қарши курашиш масалалари бўйича кичик комиссиядан;

камбағалликни қисқартириш ва бандлик вазири — Миллий комиссия раисининг ўринбосари раҳбарлик қиладиган Муносиб меҳнат масалалари бўйича кичик комиссиядан иборат бўлади.

2. Қуйидагилар Миллий комиссиянинг асосий вазифалари этиб белгилансин:

республика ижро этувчи ҳокимият органлари, фуқароларнинг ўзини ўзи бошқариш органлари, нодавлат нотижорат ва бошқа ташкилотларнинг одам савдосига қарши курашиш, ундан жабрланган шахсларни ҳар томонлама қўллаб-қувватлаш, шунингдек, муносиб меҳнат тамойилларини, халқаро меҳнат стандартларини кенг жорий этиш, фуқароларнинг меҳнат ҳуқуқларини ҳимоя қилиш соҳасидаги фаолиятини мувофиқлаштириш;

одам савдосига қарши курашиш, ундан жабрланганларни ижтимоий қўллаб-қувватлаш, шунингдек, муносиб меҳнат тамойилларини кенг жорий этиш, фуқароларнинг меҳнат ҳуқуқларини ҳимоя қилишга оид дастурларни ишлаб чиқиш ва амалга оширишни ташкил этиш ҳамда уларнинг ижросини назорат қилиш;

одам савдосига қарши курашиш ва муносиб меҳнат тамойилларини кенг жорий этиш соҳасида амалга оширилаётган чора-тадбирларнинг натижадорлигини таҳлил қилиш, баҳолаш, мониторинг қилиш ҳамда бу борадаги ишлар самарадорлигини ошириш, хусусан, соҳага оид қонунчиликни такомиллаштириш бўйича таклиф ва тавсиялар ишлаб чиқиш;

одам савдосига қарши курашиш, тартибга солинмаган меҳнат миграцияси ҳолатларини камайтириш, муносиб меҳнат тамойилларини кенг жорий этиш ва халқаро меҳнат стандартларини татбиқ этиш бўйича халқаро ва минтақавий ҳамкорликни ривожлантириш чораларини кўриш;

одам савдосига оид жиноятларни аниқлаш, тергов қилиш, уларнинг олдини олиш ва уларга чек қўйиш ҳамда ушбу турдаги жиноятлардан жабрланган шахсларга реабилитация ва реинтеграция хизматларини кўрсатиш амалиётини такомиллаштириш;

одам савдосидан ҳамда мажбурий меҳнат ҳолатидан кенг жамоатчиликни огоҳлантиришга, шунингдек, муносиб меҳнат тамойилларини тарғиб қилишга ва оммалаштиришга қаратилган тарғибот тадбирларини амалга ошириш бўйича тавсия ва таклифлар ишлаб чиқиш;

одам савдосига қарши курашиш ва муносиб меҳнат тамойилларини жорий этиш соҳасида халқаро тажрибани ўрганиш, мазкур соҳада ахборотларни йиғиш, таҳлил қилиш ва маърузалар тайёрлаш.

3. Миллий комиссия бир ой муддатда:

Одам савдосига қарши курашиш масалалари бўйича кичик комиссия тўғрисидаги низомни;

Муносиб меҳнат масалалари бўйича кичик комиссия тўғрисидаги низомни;

Одам савдосига қарши курашиш ва муносиб меҳнат масалалари бўйича ҳудудий комиссиялар тўғрисидаги низомни ишлаб чиқсин ва тасдиқласин.

4. Қорақалпоғистон Республикаси Жўқорғи Кенгеси Раиси, вилоятлар, Тошкент шаҳри, туманлар (шаҳарлар) ҳокимлари зиммасига Одам савдосига қарши курашиш ва муносиб меҳнат масалалари бўйича ҳудудий комиссияларга (кейинги ўринларда — ҳудудий комиссиялар) раҳбарлик қилиш вазифаси юклансин.

5. Одам савдосига қарши курашиш ва муносиб меҳнат тамойилларини жорий этиш соҳасидаги Ўзбекистон Республикаси қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва Миллий комиссиянинг тақдимномалари сўзсиз, ўз вақтида ва сифатли бажарилишини таъминлаш, ҳудудий комиссияларнинг асосий вазифаси этиб белгилансин.

6. Одам савдосига ва мажбурий меҳнатга қарши курашиш бўйича миллий маърузачи институти негизида Одам савдосига қарши курашиш ва муносиб меҳнат масалалари бўйича миллий маърузачи (кейинги ўринларда — Миллий маърузачи) институти таъсис этилсин, унинг функциялари Миллий комиссия раиси зиммасига юклансин.

7. Қуйидагилар Миллий маърузачининг асосий вазифалари этиб белгилансин:

одам савдосига қарши курашиш ва муносиб меҳнат тамойилларини жорий этиш бўйича мамлакатимиздаги ҳамда мазкур йўналишда хорижий давлатлардаги Ўзбекистон Республикаси фуқаролари билан боғлиқ вазиятлар тўғрисида, ушбу соҳада илғор халқаро тажрибани татбиқ этиш ҳамда мавжуд муаммоларни ҳал этиш бўйича амалга оширилаётган чора-тадбирлар ҳақида Ўзбекистон Республикаси Президентига ҳар йили ахборот тақдим этиш;

мазкур соҳаларда республикада кўрилаётган чоралар ҳақидаги ишончли ахборотни кенг жамоатчиликка ва халқаро ҳамжамиятга етказиш;

одам савдосига қарши курашиш ва муносиб меҳнат тамойилларини кенг татбиқ этиш тизимини янада такомиллаштириш соҳасида халқаро ҳамжамият, ушбу йўналишга ихтисослашган ташкилотлар ва ҳуқуқ ҳимоячилари билан самарали ҳамкорлик ва ҳамжиҳатликни, давлатимизга нисбатан хуружларга қарши тезкор муносабат билдириб боришни, шунингдек, мазкур соҳада республиканинг халқаро майдондаги миллий манфаатларини ҳимоя қилишни таъминлаш.

8. Одам савдосига қарши курашиш ва муносиб меҳнат масалалари бўйича миллий комиссияга раҳбарлик қилиш Ўзбекистон Республикаси Олий Мажлиси Сенати Раисига юклатилганлиги муносабати билан Миллий комиссия ишини ташкилий жиҳатдан қўллаб-қувватлаш мақсадида Олий Мажлис Сенатига ўз ички имкониятларидан келиб чиқиб, умумий штат бирликлари доирасида Олий Мажлис Сенатининг девони таркибида Миллий комиссия котибиятини ташкил этиш тавсия этилсин.

9. Ўзбекистон Республикаси Президентининг 2019 йил 30 июлдаги «Одам савдосига ва мажбурий меҳнатга қарши курашиш тизимини янада такомиллаштиришга оид қўшимча чора-тадбирлар тўғрисида»ги ПФ-5775-сон Фармони ўз кучини йўқотган деб ҳисоблансин.

10. Камбағалликни қисқартириш ва бандлик вазирлиги, Ички ишлар вазирлиги манфаатдор вазирликлар ва идоралар билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифлар киритсин.

11. Вазирликлар ва идоралар икки ой муддатда ўзлари қабул қилган норматив-ҳуқуқий ҳужжатларни ушбу Фармонга мувофиқлаштирсин.

12. Мазкур Фармоннинг ижросини назорат қилиш Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.

Ўзбекистон Республикаси Президентининг 2023 йил 21 декабрдаги ПФ-210-сон Фармонига ИЛОВА

Одам савдосига қарши курашиш ва муносиб меҳнат масалалари бўйича Миллий комиссия

1. Т. Нарбаева — Ўзбекистон Республикаси Олий Мажлиси Сенати Раиси, Миллий комиссия раиси 2. П. Бобожонов — Ўзбекистон Республикаси ички ишлар вазири, Миллий комиссия раисининг ўринбосари — Одам савдосига қарши курашиш масалалари бўйича кичик комиссия раҳбари 3. Б. Мусаев — Ўзбекистон Республикаси камбағалликни қисқартириш ва бандлик вазири, Миллий комиссия раисининг ўринбосари — Муносиб меҳнат масалалари бўйича кичик комиссия раҳбари 4. Н. Йўлдошев — Ўзбекистон Республикаси Бош прокурори 5. А. Азизов — Ўзбекистон Республикаси Давлат хавфсизлик хизмати раиси 6. Х. Ёдгоров — Ўзбекистон Республикаси Судьялар олий кенгаши раиси 7. Б. Исломов — Ўзбекистон Республикаси Олий суди раиси 8. Б. Саидов — Ўзбекистон Республикаси ташқи ишлар вазири 9. А. Ташкулов — Ўзбекистон Республикаси адлия вазири 10. А. Иноятов — Ўзбекистон Республикаси соғлиқни сақлаш вазири 11. А. Икрамов — Ўзбекистон Республикаси ёшлар сиёсати ва спорт вазири 12. Ф. Эшматова — Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) 13. О. Фозилкаримов — Ўзбекистон Республикаси иқтисодиёт ва молия вазири ўринбосари 14. К. Рафиков — Ўзбекистон касаба уюшмалари Федерацияси раиси 15. И. Хайдаров — «Ўзтўқимачиликсаноат» уюшмаси раиси 16. Н. Рахимова — «Ижтимоий фикр» республика жамоатчилик фикрини ўрганиш маркази директори 17. Р. Алимов — Ўзбекистон Республикаси Олий Мажлиси Сенатининг Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раиси 18. Э. Маргишвили — Ўзбекистон Республикаси Оила ва хотин-қизлар қўмитаси раисининг ўринбосари 19. Лавозимига кўра — Ўзбекистон Республикаси Оила ва хотин-қизлар қўмитаси раисининг ўринбосари 20. А. Пардаев — Демократик жараёнларни таҳлил қилиш маркази директори в.б. 21. М. Қодиров — Одам савдоси жабрдийдаларига ёрдам бериш бўйича республика реабилитация маркази директори 22. М. Расулова — Аёлларни реабилитация қилиш ва мослаштириш республика маркази директори 23. Х. Мирзарахимова — Андижон вилояти «Меҳримиз Сизга» аёллар ва уларнинг оилаларини ижтимоий-ҳуқуқий қўллаб-қувватлаш маркази директори 24. Н. Каримова — Республика «Истиқболли авлод» ижтимоий ахборот маркази директори 25. Ш. Ғаниев — Демократия ва инсон ҳуқуқлари институти эксперти 26. Лавозимига кўра — Ўзбекистон Республикаси Олий Мажлиси Сенати девони бошқарма бошлиғи — Миллий комиссия масъул котиби 27. Н. Рахимов — Ўзбекистон Республикаси Ички ишлар вазирлиги бошқарма бошлиғи — Одам савдосига қарши курашиш масалалари бўйича кичик комиссия масъул котиби 28. Л. Қаршиев — Ўзбекистон Республикаси Камбағалликни қисқартириш ва бандлик вазирлиги Меҳнатга ҳақ тўлаш ва меҳнат стандартлари бошқармаси бошлиғи — Муносиб меҳнат масалалари бўйича кичик комиссия масъул котиби

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 21 декабрь,

ПФ-210-сон

(Қонунчилик маълумотлари миллий базаси, 23.12.2023 й., 06/23/210/0955-сон; 13.01.2025 й., 06/25/1/0022-сон)

lex.uz

Oʻzbekiston Respublikasi Prezidentining

Farmoni

TARKIBI

Odam savdosiga qarshi kurashish va munosib mehnat tamoyillarini keng joriy etishga oid qoʻshimcha chora-tadbirlar toʻgʻrisida

Soʻnggi yillarda mamlakatimizda fuqarolarning huquqlari, erkinliklari va qonuniy manfaatlarini himoya qilish, odam savdosiga qarshi kurashish, undan jabrlangan shaxslarni har tomonlama himoya qilish, majburiy mehnatning oldini olish va unga toʻliq barham berishning tashkiliy, huquqiy asoslarini mustahkamlash, bu borada davlat va nodavlat tashkilotlarning faoliyatini muvofiqlashtirish, shuningdek, mazkur yoʻnalishlarda faoliyat yuritayotgan xalqaro tashkilotlar bilan hamkorlikni rivojlantirish borasida tizimli ishlar olib borilmoqda.

Bundan tashqari, milliy qonunchilikni odam savdosi va majburiy mehnatga qarshi kurashish sohasidagi xalqaro standartlar bilan uygʻunlashtirish boʻyicha chora-tadbirlar amalga oshirilmoqda.

Xususan, majburiy mehnatga barham berildi, odam savdosiga qarshi kurashish sohasidagi ishlar tizimlashtirildi, xorijda vaqtinchalik mehnat faoliyatini amalga oshirayotgan Oʻzbekiston Respublikasi fuqarolarining huquqiy himoyasi davlat siyosati darajasiga koʻtarildi, oʻzbek paxtasiga qoʻyilgan boykot bekor qilindi, xalqaro reyting va indekslarda Oʻzbekistonning oʻrni yaxshilandi. Mamlakatimizda majburiy mehnatga qarshi kurashish borasida amalga oshirilgan ishlar nufuzli xalqaro tashkilotlar tomonidan yuqori baholandi va boshqa davlatlar uchun namuna sifatida eʼtirof etildi.

Oʻzbekistonda munosib mehnat tamoyillarini ilgari surish va respublikaning barcha hududlarida ommalashtirish, mehnat munosabatlari sohasida xalqaro standartlarni keng joriy qilish hamda odam savdosiga qarshi kurashish tizimini takomillashtirish maqsadida:

1. Odam savdosiga va majburiy mehnatga qarshi kurashish milliy komissiyasi Odam savdosiga qarshi kurashish va munosib mehnat masalalari boʻyicha milliy komissiya (keyingi oʻrinlarda — Milliy komissiya) etib qayta tashkil qilinsin va uning tarkibi ilovaga muvofiq tasdiqlansin.

Belgilansinki, Milliy komissiya:

ichki ishlar vaziri — Milliy komissiya raisining oʻrinbosari rahbarlik qiladigan Odam savdosiga qarshi kurashish masalalari boʻyicha kichik komissiyadan;

kambagʻallikni qisqartirish va bandlik vaziri — Milliy komissiya raisining oʻrinbosari rahbarlik qiladigan Munosib mehnat masalalari boʻyicha kichik komissiyadan iborat boʻladi.

2. Quyidagilar Milliy komissiyaning asosiy vazifalari etib belgilansin:

respublika ijro etuvchi hokimiyat organlari, fuqarolarning oʻzini oʻzi boshqarish organlari, nodavlat notijorat va boshqa tashkilotlarning odam savdosiga qarshi kurashish, undan jabrlangan shaxslarni har tomonlama qoʻllab-quvvatlash, shuningdek, munosib mehnat tamoyillarini, xalqaro mehnat standartlarini keng joriy etish, fuqarolarning mehnat huquqlarini himoya qilish sohasidagi faoliyatini muvofiqlashtirish;

odam savdosiga qarshi kurashish, undan jabrlanganlarni ijtimoiy qoʻllab-quvvatlash, shuningdek, munosib mehnat tamoyillarini keng joriy etish, fuqarolarning mehnat huquqlarini himoya qilishga oid dasturlarni ishlab chiqish va amalga oshirishni tashkil etish hamda ularning ijrosini nazorat qilish;

odam savdosiga qarshi kurashish va munosib mehnat tamoyillarini keng joriy etish sohasida amalga oshirilayotgan chora-tadbirlarning natijadorligini tahlil qilish, baholash, monitoring qilish hamda bu boradagi ishlar samaradorligini oshirish, xususan, sohaga oid qonunchilikni takomillashtirish boʻyicha taklif va tavsiyalar ishlab chiqish;

odam savdosiga qarshi kurashish, tartibga solinmagan mehnat migratsiyasi holatlarini kamaytirish, munosib mehnat tamoyillarini keng joriy etish va xalqaro mehnat standartlarini tatbiq etish boʻyicha xalqaro va mintaqaviy hamkorlikni rivojlantirish choralarini koʻrish;

odam savdosiga oid jinoyatlarni aniqlash, tergov qilish, ularning oldini olish va ularga chek qoʻyish hamda ushbu turdagi jinoyatlardan jabrlangan shaxslarga reabilitatsiya va reyintegratsiya xizmatlarini koʻrsatish amaliyotini takomillashtirish;

odam savdosidan hamda majburiy mehnat holatidan keng jamoatchilikni ogohlantirishga, shuningdek, munosib mehnat tamoyillarini targʻib qilishga va ommalashtirishga qaratilgan targʻibot tadbirlarini amalga oshirish boʻyicha tavsiya va takliflar ishlab chiqish;

odam savdosiga qarshi kurashish va munosib mehnat tamoyillarini joriy etish sohasida xalqaro tajribani oʻrganish, mazkur sohada axborotlarni yigʻish, tahlil qilish va maʼruzalar tayyorlash.

3. Milliy komissiya bir oy muddatda:

Odam savdosiga qarshi kurashish masalalari boʻyicha kichik komissiya toʻgʻrisidagi nizomni;

Munosib mehnat masalalari boʻyicha kichik komissiya toʻgʻrisidagi nizomni;

Odam savdosiga qarshi kurashish va munosib mehnat masalalari boʻyicha hududiy komissiyalar toʻgʻrisidagi nizomni ishlab chiqsin va tasdiqlasin.

4. Qoraqalpogʻiston Respublikasi Joʻqorgʻi Kengesi Raisi, viloyatlar, Toshkent shahri, tumanlar (shaharlar) hokimlari zimmasiga Odam savdosiga qarshi kurashish va munosib mehnat masalalari boʻyicha hududiy komissiyalarga (keyingi oʻrinlarda — hududiy komissiyalar) rahbarlik qilish vazifasi yuklansin.

5. Odam savdosiga qarshi kurashish va munosib mehnat tamoyillarini joriy etish sohasidagi Oʻzbekiston Respublikasi qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va Milliy komissiyaning taqdimnomalari soʻzsiz, oʻz vaqtida va sifatli bajarilishini taʼminlash, hududiy komissiyalarning asosiy vazifasi etib belgilansin.

6. Odam savdosiga va majburiy mehnatga qarshi kurashish boʻyicha milliy maʼruzachi instituti negizida Odam savdosiga qarshi kurashish va munosib mehnat masalalari boʻyicha milliy maʼruzachi (keyingi oʻrinlarda — Milliy maʼruzachi) instituti taʼsis etilsin, uning funksiyalari Milliy komissiya raisi zimmasiga yuklansin.

7. Quyidagilar Milliy maʼruzachining asosiy vazifalari etib belgilansin:

odam savdosiga qarshi kurashish va munosib mehnat tamoyillarini joriy etish boʻyicha mamlakatimizdagi hamda mazkur yoʻnalishda xorijiy davlatlardagi Oʻzbekiston Respublikasi fuqarolari bilan bogʻliq vaziyatlar toʻgʻrisida, ushbu sohada ilgʻor xalqaro tajribani tatbiq etish hamda mavjud muammolarni hal etish boʻyicha amalga oshirilayotgan chora-tadbirlar haqida Oʻzbekiston Respublikasi Prezidentiga har yili axborot taqdim etish;

mazkur sohalarda respublikada koʻrilayotgan choralar haqidagi ishonchli axborotni keng jamoatchilikka va xalqaro hamjamiyatga yetkazish;

odam savdosiga qarshi kurashish va munosib mehnat tamoyillarini keng tatbiq etish tizimini yanada takomillashtirish sohasida xalqaro hamjamiyat, ushbu yoʻnalishga ixtisoslashgan tashkilotlar va huquq himoyachilari bilan samarali hamkorlik va hamjihatlikni, davlatimizga nisbatan xurujlarga qarshi tezkor munosabat bildirib borishni, shuningdek, mazkur sohada respublikaning xalqaro maydondagi milliy manfaatlarini himoya qilishni taʼminlash.

8. Odam savdosiga qarshi kurashish va munosib mehnat masalalari boʻyicha milliy komissiyaga rahbarlik qilish Oʻzbekiston Respublikasi Oliy Majlisi Senati Raisiga yuklatilganligi munosabati bilan Milliy komissiya ishini tashkiliy jihatdan qoʻllab-quvvatlash maqsadida Oliy Majlis Senatiga oʻz ichki imkoniyatlaridan kelib chiqib, umumiy shtat birliklari doirasida Oliy Majlis Senatining devoni tarkibida Milliy komissiya kotibiyatini tashkil etish tavsiya etilsin.

9. Oʻzbekiston Respublikasi Prezidentining 2019-yil 30-iyuldagi “Odam savdosiga va majburiy mehnatga qarshi kurashish tizimini yanada takomillashtirishga oid qoʻshimcha chora-tadbirlar toʻgʻrisida”gi PF-5775-son Farmoni oʻz kuchini yoʻqotgan deb hisoblansin.

10. Kambagʻallikni qisqartirish va bandlik vazirligi, Ichki ishlar vazirligi manfaatdor vazirliklar va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflar kiritsin.

11. Vazirliklar va idoralar ikki oy muddatda oʻzlari qabul qilgan normativ-huquqiy hujjatlarni ushbu Farmonga muvofiqlashtirsin.

12. Mazkur Farmonning ijrosini nazorat qilish Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

Oʻzbekiston Respublikasi Prezidentining 2023-yil 21-dekabrdagi PF-210-son Farmoniga ILOVA

Odam savdosiga qarshi kurashish va munosib mehnat masalalari boʻyicha Milliy komissiya

1. T. Narbayeva — Oʻzbekiston Respublikasi Oliy Majlisi Senati Raisi, Milliy komissiya raisi 2. P. Bobojonov — Oʻzbekiston Respublikasi ichki ishlar vaziri, Milliy komissiya raisining oʻrinbosari — Odam savdosiga qarshi kurashish masalalari boʻyicha kichik komissiya rahbari 3. B. Musayev — Oʻzbekiston Respublikasi kambagʻallikni qisqartirish va bandlik vaziri, Milliy komissiya raisining oʻrinbosari — Munosib mehnat masalalari boʻyicha kichik komissiya rahbari 4. N. Yoʻldoshev — Oʻzbekiston Respublikasi Bosh prokurori 5. A. Azizov — Oʻzbekiston Respublikasi Davlat xavfsizlik xizmati raisi 6. X. Yodgorov — Oʻzbekiston Respublikasi Sudyalar oliy kengashi raisi 7. B. Islomov — Oʻzbekiston Respublikasi Oliy sudi raisi 8. B. Saidov — Oʻzbekiston Respublikasi tashqi ishlar vaziri 9. A. Tashkulov — Oʻzbekiston Respublikasi adliya vaziri 10. A. Inoyatov — Oʻzbekiston Respublikasi sogʻliqni saqlash vaziri 11. A. Ikramov — Oʻzbekiston Respublikasi yoshlar siyosati va sport vaziri 12. F. Eshmatova — Oʻzbekiston Respublikasi Oliy Majlisining Inson huquqlari boʻyicha vakili (ombudsman) 13. O. Fozilkarimov — Oʻzbekiston Respublikasi iqtisodiyot va moliya vaziri oʻrinbosari 14. K. Rafikov — Oʻzbekiston kasaba uyushmalari Federatsiyasi raisi 15. I. Xaydarov — “Oʻztoʻqimachiliksanoat” uyushmasi raisi 16. N. Raximova — “Ijtimoiy fikr” respublika jamoatchilik fikrini oʻrganish markazi direktori 17. R. Alimov — Oʻzbekiston Respublikasi Oliy Majlisi Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi raisi 18. E. Margishvili — Oʻzbekiston Respublikasi Oila va xotin-qizlar qoʻmitasi raisining oʻrinbosari 19. Lavozimiga koʻra — Oʻzbekiston Respublikasi Oila va xotin-qizlar qoʻmitasi raisining oʻrinbosari 20. A. Pardayev — Demokratik jarayonlarni tahlil qilish markazi direktori v.b. 21. M. Qodirov — Odam savdosi jabrdiydalariga yordam berish boʻyicha respublika reabilitatsiya markazi direktori 22. M. Rasulova — Ayollarni reabilitatsiya qilish va moslashtirish respublika markazi direktori 23. X. Mirzaraximova — Andijon viloyati “Mehrimiz Sizga” ayollar va ularning oilalarini ijtimoiy-huquqiy qoʻllab-quvvatlash markazi direktori 24. N. Karimova — Respublika “Istiqbolli avlod” ijtimoiy axborot markazi direktori 25. Sh. Gʻaniyev — Demokratiya va inson huquqlari instituti eksperti 26. Lavozimiga koʻra — Oʻzbekiston Respublikasi Oliy Majlisi Senati devoni boshqarma boshligʻi — Milliy komissiya masʼul kotibi 27. N. Raximov — Oʻzbekiston Respublikasi Ichki ishlar vazirligi boshqarma boshligʻi — Odam savdosiga qarshi kurashish masalalari boʻyicha kichik komissiya masʼul kotibi 28. L. Qarshiyev — Oʻzbekiston Respublikasi Kambagʻallikni qisqartirish va bandlik vazirligi Mehnatga haq toʻlash va mehnat standartlari boshqarmasi boshligʻi — Munosib mehnat masalalari boʻyicha kichik komissiya masʼul kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 21-dekabr,

PF-210-son

(Qonunchilik maʼlumotlari milliy bazasi, 23.12.2023-y., 06/23/210/0955-son; 13.01.2025-y., 06/25/1/0022-son)

lex.uz

Президента Республики Узбекистан

Указ

СОСТАВ

О дополнительных мерах по противодействию торговле людьми и широкому внедрению принципов достойного труда

В последние годы в стране осуществляется системная работа по укреплению организационно-правовых основ защиты прав, свобод и законных интересов граждан, противодействия торговле людьми, всесторонней защиты лиц, пострадавших от нее, предупреждения и полного искоренения принудительного труда, координации деятельности государственных и негосударственных организаций в данной сфере, а также развитию взаимодействия с международными организациями, осуществляющими деятельность в данных направлениях.

Кроме того, осуществляются меры по гармонизации национального законодательства с международными стандартами в сфере противодействия торговле людьми и принудительному труду.

В частности, искоренен принудительный труд, систематизирована работа в области противодействия торговле людьми, на уровень государственной политики поднята правовая защита граждан Республики Узбекистан, осуществляющих временную трудовую деятельность за рубежом, отменен бойкот, установленный на узбекский хлопок, улучшилась позиция Узбекистана в международных рейтингах и индексах. Проведенная в стране работа по борьбе с принудительным трудом высоко оценена авторитетными международными организациями и признана в качестве образца для других государств.

В целях продвижения в Узбекистане и популяризации во всех регионах республики принципов достойного труда, широкого внедрения международных стандартов в сфере трудовых отношений, а также совершенствования системы противодействия торговле людьми:

1. Преобразовать Национальную комиссию по противодействию торговле людьми и принудительному труду в Национальную комиссию по вопросам противодействия торговле людьми и достойного труда (далее — Национальная комиссия) и утвердить ее состав согласно приложению .

Установить, что Национальная комиссия состоит из:

Подкомиссии по вопросам противодействия торговле людьми, возглавляемой министром внутренних дел — заместителем председателя Национальной комиссии;

Подкомиссии по вопросам достойного труда, возглавляемой министром занятости и сокращения бедности — заместителем председателя Национальной комиссии.

2. Определить основными задачами Национальной комиссии:

координацию деятельности республиканских органов исполнительной власти, органов самоуправления граждан, негосударственных некоммерческих и иных организаций в сфере противодействия торговле людьми, всесторонней поддержки лиц, пострадавших от нее, а также широкого внедрения принципов достойного труда, международных трудовых стандартов, защиты трудовых прав граждан;

организацию разработки и реализации программ по противодействию торговле людьми, социальной поддержке лиц, пострадавших от нее, широкому внедрению принципов достойного труда и защите трудовых прав граждан, а также осуществление контроля за их исполнением;

анализ, оценку, мониторинг результативности мер, осуществляемых в сфере противодействия торговле людьми и широкого внедрения принципов достойного труда, а также повышение эффективности работы в данном направлении, в частности, разработку предложений и рекомендаций по совершенствованию законодательства сферы;

принятие мер по развитию международного и регионального сотрудничества в сфере противодействия торговле людьми, уменьшения количества случаев нерегулируемой трудовой миграции, широкого внедрения принципов достойного труда и применения международных трудовых стандартов;

совершенствование практики выявления, расследования, предупреждения и искоренения преступлений, связанных с торговлей людьми, и оказания услуг реабилитации и реинтеграции лицам, пострадавшим от данного вида преступлений;

разработку рекомендаций и предложений по осуществлению агитационных мер, направленных на предупреждение широкой общественности о торговле людьми и состоянии принудительного труда, а также на пропаганду и популяризацию принципов достойного труда;

изучение международного опыта, сбор, анализ информации и подготовку докладов в сфере противодействия торговле людьми и внедрения принципов достойного труда.

3. Национальной комиссии в месячный срок разработать и утвердить:

Положение о Подкомиссии по вопросам противодействия торговле людьми;

Положение о Подкомиссии по вопросам достойного труда;

Положение о территориальных комиссиях по вопросам противодействия торговле людьми и достойного труда.

4. Возложить на Председателя Жокаргы Кенеса Республики Каракалпакстан, хокимов областей, города Ташкента, районов (городов) задачу по руководству территориальными комиссиями по вопросам противодействия торговле людьми и достойного труда (далее — территориальные комиссии).

5. Определить основной задачей территориальных комиссий обеспечение неукоснительного, своевременного и качественного исполнения законов Республики Узбекистан, постановлений палат Олий Мажлиса Республики Узбекистан, указов, постановлений и распоряжений Президента Республики Узбекистан, решений Кабинета Министров Республики Узбекистан и предписаний Национальной комиссии в сфере противодействия торговле людьми и внедрения принципов достойного труда.

6. Учредить на базе института Национального докладчика по противодействию торговле людьми и принудительному труду институт Национального докладчика по вопросам противодействия торговле людьми и достойного труда (далее — Национальный докладчик), возложив его функции на председателя Национальной комиссии.

7. Определить основными задачами Национального докладчика:

ежегодное представление Президенту Республики Узбекистан информации о ситуации в стране по противодействию торговле людьми и внедрению принципов достойного труда и ситуации в зарубежных государствах, связанной с гражданами Республики Узбекистан, осуществляемых мерах по внедрению передового международного опыта и решению имеющихся проблем в данной сфере;

доведение до широкой общественности и международного сообщества достоверной информации о мерах, принимаемых в республике в данных сферах;

обеспечение эффективного сотрудничества и взаимодействия в сфере дальнейшего совершенствования системы противодействия торговле людьми и широкого внедрения принципов достойного труда с международным сообществом, организациями и правозащитниками, специализирующимися на данной тематике, оперативного реагирования на выпады в отношении нашего государства, а также отстаивания национальных интересов республики на международной арене в данной сфере.

8. В целях организационной поддержки работы Национальной комиссии в связи с возложением на Председателя Сената Олий Мажлиса Республики Узбекистан осуществления руководства Национальной комиссией по вопросам противодействия торговле людьми и достойного труда рекомендовать Сенату Олий Мажлиса создать секретариат Национальной комиссии в структуре аппарата Сената Олий Мажлиса в пределах общей штатной численности, исходя из своих внутренних возможностей.

9. Признать утратившим силу Указ Президента Республики Узбекистан от 30 июля 2019 года от № УП-5775 «О дополнительных мерах по дальнейшему совершенствованию системы противодействия торговле людьми и принудительному труду».

10. Министерству занятости и сокращения бедности, Министерству внутренних дел совместно с заинтересованными министерствами и ведомствами в двухмесячный срок внести предложения об изменениях и дополнениях в акты законодательства, вытекающих из настоящего Указа.

11. Министерствам и ведомствам в двухмесячный срок привести принятые ими нормативно-правовые акты в соответствие с настоящим Указом.

12. Контроль за исполнением настоящего Указа возложить на секретаря Совета безопасности при Президенте Республики Узбекистан В.В. Махмудова.

ПРИЛОЖЕНИЕ к Указу Президента Республики Узбекистан от 21 декабря 2023 года № УП-210

Национальной комиссии по вопросам противодействия торговле людьми и достойного труда

1. Т. Нарбаева — Председатель Сената Олий Мажлиса Республики Узбекистан, председатель Национальной комиссии 2. П. Бобожонов — министр внутренних дел Республики Узбекистан, заместитель председателя Национальной комиссии — руководитель Подкомиссии по вопросам противодействия торговле людьми 3. Б. Мусаев — министр занятости и сокращения бедности Республики Узбекистан, заместитель председателя Национальной комиссии — руководитель Подкомиссии по вопросам достойного труда 4. Н. Йулдошев — генеральный прокурор Республики Узбекистан 5. А. Азизов — председатель Службы государственной безопасности Республики Узбекистан 6. Х. Ёдгоров — председатель Высшего судейского совета Республики Узбекистан 7. Б. Исломов — председатель Верховного суда Республики Узбекистан 8. Б. Саидов — министр иностранных дел Республики Узбекистан 9. А. Ташкулов — министр юстиции Республики Узбекистан 10. А. Иноятов — министр здравоохранения Республики Узбекистан 11. А. Икрамов — министр молодежной политики и спорта Республики Узбекистан 12. Ф. Эшматова — Уполномоченный Олий Мажлиса Республики Узбекистан по правам человека (омбудсман) 13. О. Фозилкаримов — заместитель министра экономики и финансов Республики Узбекистан 14. К. Рафиков — председатель Федерации профсоюзов Узбекистана 15. И. Хайдаров — председатель Ассоциации «Узтукимачиликсаноат» 16. Н. Рахимова — директор Республиканского центра изучения общественного мнения «Ижтимоий фикр» 17. Р. Алимов — председатель Комитета Сената Олий Мажлиса Республики Узбекистан по вопросам международных отношений, внешнеэкономических связей, иностранных инвестиций и туризма 18. Э. Маргишвили — исполнительный директор Конфедерации работодателей Узбекистана 19. По должности — заместитель председателя Комитета семьи и женщин 20. А. Пардаев — и.о. директора Центра анализа демократических процессов 21. М. Кодиров — директор Республиканского реабилитационного центра по оказанию помощи жертвам торговли людьми 22. М. Расулова — директор Республиканского центра реабилитации и адаптации женщин 23. Х. Мирзарахимова — директор Центра социально-правовой поддержки женщин и их семей «Мехримиз Сизга» Андижанской области 24. Н. Каримова — директор Республиканского социально-информационного центра «Истикболли авлод» 25. Ш. Ганиев — эксперт Института демократии и прав человека 26. По должности — начальник управления аппарата Сената Олий Мажлиса Республики Узбекистан — ответственный секретарь Национальной комиссии 27. Н. Рахимов — начальник Управления Министерства внутренних дел Республики Узбекистан — ответственный секретарь Подкомиссии по вопросам противодействия торговле людьми 28. Л. Каршиев — Начальник Управления оплаты труда и трудовых стандартов Министерства занятости и сокращения бедности Республики Узбекистан — ответственный секретарь Подкомиссии по вопросам достойного труда

Президент Республики Узбекистан Ш. МИРЗИЁЕВ

г. Ташкент,

21 декабря 2023 г.,

№ УП-210

(Национальная база данных законодательства, 23.12.2023 г., № 06/23/210/0955; 13.01.2025 г., № 06/25/1/0022)

lex.uz