📅 2023-yil 21-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 21 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 21 декабря 2023 г. · Указы Президента
Официальный текст. Официальный документ. Редакционные примечания не включены.
📅 21 December 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Оила ва хотин-қизлар қўмитасининг фаолиятини такомиллаштиришга оид қўшимча чора-тадбирлар тўғрисида
Сўнгги йилларда мамлакатимизда оилаларни мустаҳкамлаш, хотин-қизларнинг ижтимоий-сиёсий фаоллигини ҳамда бандлигини ошириш, тадбиркорлик кўникмаларини шакллантириш, гендер тенглигини таъминлаш борасида кенг кўламли ислоҳотлар амалга оширилди.
Хотин-қизларнинг раҳбар лавозимлардаги улуши 35 фоизга етди, биргина 2022-2023 йилларда 398 минг нафарининг бандлиги таъминланди, 100 минг нафари имтиёзли асосларда олийгоҳларга қабул қилинди, 170 минг нафарига таҳсил олаётган олийгоҳларининг шартнома тўловлари учун имтиёзли таълим кредитлари ажратилди, 14 минг нафари магистратурада бепул ўқитилмоқда, 198 минг нафари касбга ўқитилди.
Бундан ташқари, аёллар тадбиркорлиги дастурлари доирасида жорий йилнинг ўтган даврида 225 мингдан зиёд лойиҳаларга 4,4 триллион сўмга яқин кредит, 40 мингга яқин хотин-қизларга жами 179,1 миллиард сўм субсидия ажратилди.
2020 йилдан бошлаб йўлга қўйилган «Аёллар дафтари» тизими орқали қарийб 2,5 миллиондан ортиқ хотин-қизларга ижтимоий-иқтисодий, тиббий, ҳуқуқий ва психологик кўмак бериш учун 5,1 триллион сўмдан зиёд маблағ йўналтирилди.
11 мингдан ортиқ зўравонликка учраган хотин-қизларга тиббий, психологик ва моддий ёрдамлар кўрсатилиб, улар реабилитация марказларида ижтимоий ҳаётга мослаштирилди.
Шу билан бирга, хотин-қизларни қўллаб-қувватлаш борасида марказий ва қуйи ташкилотлар ўртасида тузилмавий алоқалардаги камчиликлар, масъул вазирлик ва идоралар фаолиятида ўзаро ҳамкорликнинг етарли эмаслиги соҳада қатор камчиликлар вужудга келишига сабаб бўлмоқда.
Жумладан, хотин-қизларни фан, таълим ва илмий-ижодий фаолиятга кенг жалб этиш, меҳнат бозорида талаб юқори бўлган замонавий касб-ҳунарга ўқитиш, ишлаш истагидаги хотин-қизларнинг бандлигига кўмаклашиш, тазйиқ ва зўравонликдан ҳимоя қилиш, уларнинг ижтимоий-сиёсий фаоллигини ҳамда раҳбар лавозимлардаги улушини ошириш, шунингдек, ҳуқуқ ва манфаатларини ҳимоя қилиш борасида бир қатор камчиликлар мавжуд.
Хотин-қизларни қўллаб-қувватлаш соҳасидаги вазирлик ва идоралар ҳамда нодавлат ташкилотлари ўзаро ҳамкорликда фаолият юритишларига кўмаклашиш, Оила ва хотин-қизлар қўмитаси қуйи ташкилотларининг жойларда ишини тўғри йўлга қўйиш мақсадида:
1. Оила ва хотин-қизлар қўмитасининг (кейинги ўринларда — Қўмита) бўйсунуви Камбағалликни қисқартириш ва бандлик вазирлигидан Вазирлар Маҳкамасига ўтказилсин.
2. Қуйидагилар Қўмита фаолиятининг устувор йўналишлари этиб белгилансин:
хотин-қизларни қўллаб-қувватлаш тизимини кучайтириш, уларнинг ижтимоий-сиёсий фаоллигини ошириш, ҳуқуқларини ҳимоя қилиш ва қонуний манфаатларини ифодалаш;
эркаклар ва хотин-қизларнинг тенг ҳуқуқ ҳамда имкониятларини таъминлаш, хотин-қизлар ва оилани ҳар томонлама қўллаб-қувватлашга оид қонунчилик ҳужжатларини такомиллаштириш бўйича таклифлар ишлаб чиқиш;
давлат хизмати, таълим, илм-фан ва инновация, спорт, соғлиқни сақлаш ҳамда бошқа ижтимоий-иқтисодий соҳаларда хотин-қизларни қўллаб-қувватлаш бўйича чора-тадбирларни ишлаб чиқиш ва амалга ошириш;
иқтидорли хотин-қизларни аниқлаш ва қўллаб-қувватлаш тизимини такомиллаштириш;
хотин-қизларнинг касбий кўникмалар олишлари, муносиб иш топишларига кўмаклашиш, тадбиркорлигини ривожлантириш;
оила аъзоларининг ҳуқуқий маданиятини ошириш, улар ўртасида ҳуқуқбузарликлар профилактикасини олиб бориш, ижтимоий ходим ва бошқа давлат хизматчилари билан ҳамкорликда хотин-қизларни тазйиқ ва зўравонликлардан ҳимоя қилиш;
оилаларда соғлом турмуш тарзини шакллантириш, соғлом овқатланиш ҳамда репродуктив саломатлик қоидаларини оммалаштириш;
оила институтини мустаҳкамлаш, ижтимоий-маънавий муҳит барқарорлигини таъминлаш, умуминсоний ва миллий қадриятларни тарғиб қилиш;
миграциядан қайтган, жазони ижро этиш муассасаларидан озод этилган, оғир ижтимоий вазиятга тушиб қолган хотин-қизларнинг ижтимоий мослашувига, улар билан манзилли ишлаш орқали зарур ёрдамлар олишларига кўмаклашиш;
кейс менежмент қўллаган ҳолда ижтимоий ҳимояга муҳтож хотин-қизларни аниқлаш ҳамда улар билан манзилли ишлаш;
ўзига юклатилган вазифаларни ўз вақтида ва сифатли амалга ошириш учун давлат ташкилотлари, халқаро молия институтлари ҳамда фуқаролик жамияти институтлари билан яқиндан ҳамкорлик ўрнатиш.
3. Қўмита фаолиятини самарали ташкил этиш мақсадида:
а) Вазирлар Маҳкамаси ижро этувчи тузилмасида мавжуд Бош вазир ўринбосари штати негизида Бош вазир ўринбосари — Оила ва хотин-қизлар қўмитаси раиси лавозими жорий этилсин;
б) Қўмита раиси билан келишилган ҳолда лавозимга тайинланадиган ва лавозимидан озод этиладиган:
Қорақалпоғистон Республикаси Вазирлар Кенгаши Раиси ўринбосари — Қорақалпоғистон Республикаси Оила ва хотин-қизлар қўмитаси раиси лавозими;
вилоятлар ва Тошкент шаҳар ҳокимлари ўринбосарлари — вилоятлар ва Тошкент шаҳар оила ва хотин-қизлар бошқармалари бошлиқлари лавозими;
туман (шаҳар) ҳокимларининг ўринбосарлари — туман (шаҳар) оила ва хотин-қизлар бўлимлари бошлиқлари лавозими киритилсин;
в) Қорақалпоғистон Республикаси Вазирлар Кенгаши Раисининг оила ва хотин-қизлар масалалари бўйича ўринбосари лавозими ҳамда вилоятлар ва Тошкент шаҳар ҳамда туман (шаҳар) ҳокимларининг оила ва хотин-қизлар масалалари бўйича ўринбосари лавозимлари тугатилсин;
г) илмий ва амалий тадқиқотлар натижалари асосида эркаклар ва хотин-қизлар тенг ҳуқуқлилигини таъминлаш бўйича давлат органлари ва ташкилотлари ҳамда жамиятда қулай шарт-шароит яратиш мақсадида Оила ва хотин-қизлар илмий-тадқиқот институти негизида Оила ва гендер илмий-тадқиқот институти ташкил этилсин ва қуйидагилар унинг асосий вазифалари этиб белгилансин:
Қўмита тизими ходимлари, шунингдек, маҳалладаги хотин-қизлар фаолларининг малакасини ошириш, уларнинг фаолиятини услубий қўллаб-қувватлаш;
оила, хотин-қизлар ва гендер тенглик масалаларига оид муаммоларни чуқур таҳлил қилиш, натижалари бўйича муаммолар ечими юзасидан давлат органлари ва ташкилотлари учун тавсиялар ишлаб чиқиш ва киритиш;
оила, хотин-қизлар ва гендер тенглик масалалари бўйича аҳоли ўртасида ўтказиладиган тарғибот ишлари учун услубий қўлланмалар ва тарғибот материалларини тайёрлаш;
оила, хотин-қизлар ва гендер тенглик масалалари бўйича фанлараро фундаментал, илмий-амалий тадқиқотлар, социологик сўров, илмий конференциялар ўтказиш, инновацион лойиҳаларни амалга ошириш;
олимлар ва илмий салоҳиятли кадрларни тайёрлаш, оила, хотин-қизлар ва гендер тенглик масалаларида илмий тадқиқот ўтказаётган изланувчиларни қўллаб-қувватлаш ҳамда уларнинг ишланмалари амалиётга жорий этилишига кўмаклашиш;
оила, хотин-қизлар ва гендер тенглик масалаларига оид халқаро индекс ва рейтингларда Ўзбекистон ўрнини яхшилаш бўйича илмий асосланган таклифларни ишлаб чиқиш ва тегишлилиги бўйича вазирлик ва идораларга киритиб бориш;
д) Оила ва гендер илмий-тадқиқот институти ҳамда Оила ва хотин-қизларни қўллаб-қувватлаш давлат мақсадли жамғармаси Қўмита тузилмасига ўтказилсин.
4. Оила ва хотин-қизлар қўмитасининг ташкилий тузилмаси иловага мувофиқ тасдиқлансин.
5. Белгилансинки:
а) маҳалладаги хотин-қизлар фаоллари ўз фаолиятида Қўмита ва унинг ҳудудий бўлинмаларига бўйсунади ҳамда улар олдида ҳисобдор бўлади;
б) Қўмитанинг бошқарув ходимлари умумий чекланган сони 582 нафар, шу жумладан раис ўринбосари сони 2 нафар этиб белгиланади;
в) Қўмитага ажратиладиган штат бирликларининг:
152 таси Камбағалликни қисқартириш ва бандлик вазирлиги ҳузуридаги Оила ва хотин-қизлар қўмитасининг амалдаги штатлари;
222 таси Қорақалпоғистон Республикаси Вазирлар Кенгаши Раисининг оила ва хотин-қизлар масалалари бўйича ўринбосари, вилоятлар ва Тошкент шаҳар ҳамда туман (шаҳар) ҳокимларининг оила ва хотин-қизлар масалалари бўйича ўринбосарлари штатлари;
208 таси туман (шаҳар) камбағалликни қисқартириш ва бандлик бўлимларидаги оила ва хотин-қизлар билан ишлаш бўйича бош мутахассис штатларини қисқартириш ҳисобига шакллантирилади;
г) Қорақалпоғистон Республикаси Оила ва хотин-қизлар қўмитаси раисига, Қўмитанинг вилоятлар ва Тошкент шаҳар бошқармалари ҳамда туман (шаҳар) бўлимлари раҳбарларига 1 тадан шахсий бириктирилган хизмат автотранспорт воситаларини сақлаш учун лимит ажратилади;
д) Қўмитанинг туман (шаҳар) бўлимлари ходимлари Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармалари орқали марказлашган тарзда молиялаштирилади.
6. Қўмита ходимларининг меҳнатига ҳақ тўлаш шартлари қуйидагича белгилансин:
Қўмита марказий аппарати ходимлари — Камбағалликни қисқартириш ва бандлик вазирлигининг марказий аппарати ходимлари;
Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармалари раҳбарлари — Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг ўринбосарлари;
туман (шаҳар) оила ва хотин-қизлар бўлимлари раҳбарлари — туман ва шаҳар ҳокимларининг ўринбосарлари;
Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармалари ходимлари — Қорақалпоғистон Республикаси Камбағалликни қисқартириш ва бандлик вазирлиги, вилоятлар ва Тошкент шаҳар камбағалликни қисқартириш ва бандлик бошқармалари ходимлари;
туман (шаҳар) оила ва хотин-қизлар бўлимлари ходимларига туман (шаҳар) камбағалликни қисқартириш ва бандлик бўлимлари ходимлари учун белгиланган меҳнатга ҳақ тўлаш шартлари татбиқ этилади.
Белгилансинки, Қорақалпоғистон Республикаси Оила ва хотин-қизлар қўмитаси раиси, вилоятлар ва Тошкент шаҳар оила ва хотин-қизлар бошқармалари раҳбарлари ҳамда туман (шаҳар) оила ва хотин-қизлар бўлимлари раҳбарлари тиббий ва транспорт хизмати кўрсатиш шартларига кўра тегишинча Қорақалпоғистон Республикаси Вазирлар Кенгаши Раиси ўринбосари, вилоятлар ва Тошкент шаҳар ҳамда туман (шаҳар) ҳокимларининг ўринбосарларига тенглаштирилади.
7. Қўмита уч ой муддатда Оила ва гендер илмий-тадқиқот институтини ташкил этиш ҳамда Оила ва хотин-қизларни қўллаб-қувватлаш давлат мақсадли жамғармаси фаолиятини такомиллаштириш тўғрисидаги қарор лойиҳаларини ишлаб чиқсин ва белгиланган тартибда Вазирлар Маҳкамасига киритсин.
8. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 21 декабрдаги ПФ-208-сон Фармонига ИЛОВА
Ўзбекистон Республикаси Оила ва хотин-қизлар қўмитасининг ташкилий тузилмаси
Оила ва хотин-қизлар қўмитаси Оила ва гендер илмий-тадқиқот институти Зулфия номидаги Давлат мукофоти комиссияси Оила ва хотин-қизларни қўллаб-қувватлаш давлат мақсадли жамғармаси Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармалари Республика ва ҳудудий «Хотин-қизлар тадбиркорлик марказлари» Туман (шаҳар) оила ва хотин-қизлар бўлимлари «Саодат» журнали, «Марказий Осиёда жамият, гендер ва оила» халқаро илмий журнали таҳририяти Маҳалладаги хотин-қизлар фаоллари «Олима аёллар» жамияти
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 21 декабрь,
ПФ-208-сон
Oʻzbekiston Respublikasi Prezidentining
Farmoni
Oila va xotin-qizlar qoʻmitasining faoliyatini takomillashtirishga oid qoʻshimcha chora-tadbirlar toʻgʻrisida
Soʻnggi yillarda mamlakatimizda oilalarni mustahkamlash, xotin-qizlarning ijtimoiy-siyosiy faolligini hamda bandligini oshirish, tadbirkorlik koʻnikmalarini shakllantirish, gender tengligini taʼminlash borasida keng koʻlamli islohotlar amalga oshirildi.
Xotin-qizlarning rahbar lavozimlardagi ulushi 35 foizga yetdi, birgina 2022-2023-yillarda 398 ming nafarining bandligi taʼminlandi, 100 ming nafari imtiyozli asoslarda oliygohlarga qabul qilindi, 170 ming nafariga tahsil olayotgan oliygohlarining shartnoma toʻlovlari uchun imtiyozli taʼlim kreditlari ajratildi, 14 ming nafari magistraturada bepul oʻqitilmoqda, 198 ming nafari kasbga oʻqitildi.
Bundan tashqari, ayollar tadbirkorligi dasturlari doirasida joriy yilning oʻtgan davrida 225 mingdan ziyod loyihalarga 4,4 trillion soʻmga yaqin kredit, 40 mingga yaqin xotin-qizlarga jami 179,1 milliard soʻm subsidiya ajratildi.
2020-yildan boshlab yoʻlga qoʻyilgan “Ayollar daftari” tizimi orqali qariyb 2,5 milliondan ortiq xotin-qizlarga ijtimoiy-iqtisodiy, tibbiy, huquqiy va psixologik koʻmak berish uchun 5,1 trillion soʻmdan ziyod mablagʻ yoʻnaltirildi.
11 mingdan ortiq zoʻravonlikka uchragan xotin-qizlarga tibbiy, psixologik va moddiy yordamlar koʻrsatilib, ular reabilitatsiya markazlarida ijtimoiy hayotga moslashtirildi.
Shu bilan birga, xotin-qizlarni qoʻllab-quvvatlash borasida markaziy va quyi tashkilotlar oʻrtasida tuzilmaviy aloqalardagi kamchiliklar, masʼul vazirlik va idoralar faoliyatida oʻzaro hamkorlikning yetarli emasligi sohada qator kamchiliklar vujudga kelishiga sabab boʻlmoqda.
Jumladan, xotin-qizlarni fan, taʼlim va ilmiy-ijodiy faoliyatga keng jalb etish, mehnat bozorida talab yuqori boʻlgan zamonaviy kasb-hunarga oʻqitish, ishlash istagidagi xotin-qizlarning bandligiga koʻmaklashish, tazyiq va zoʻravonlikdan himoya qilish, ularning ijtimoiy-siyosiy faolligini hamda rahbar lavozimlardagi ulushini oshirish, shuningdek, huquq va manfaatlarini himoya qilish borasida bir qator kamchiliklar mavjud.
Xotin-qizlarni qoʻllab-quvvatlash sohasidagi vazirlik va idoralar hamda nodavlat tashkilotlari oʻzaro hamkorlikda faoliyat yuritishlariga koʻmaklashish, Oila va xotin-qizlar qoʻmitasi quyi tashkilotlarining joylarda ishini toʻgʻri yoʻlga qoʻyish maqsadida:
1. Oila va xotin-qizlar qoʻmitasining (keyingi oʻrinlarda — Qoʻmita) boʻysunuvi Kambagʻallikni qisqartirish va bandlik vazirligidan Vazirlar Mahkamasiga oʻtkazilsin.
2. Quyidagilar Qoʻmita faoliyatining ustuvor yoʻnalishlari etib belgilansin:
xotin-qizlarni qoʻllab-quvvatlash tizimini kuchaytirish, ularning ijtimoiy-siyosiy faolligini oshirish, huquqlarini himoya qilish va qonuniy manfaatlarini ifodalash;
erkaklar va xotin-qizlarning teng huquq hamda imkoniyatlarini taʼminlash, xotin-qizlar va oilani har tomonlama qoʻllab-quvvatlashga oid qonunchilik hujjatlarini takomillashtirish boʻyicha takliflar ishlab chiqish;
davlat xizmati, taʼlim, ilm-fan va innovatsiya, sport, sogʻliqni saqlash hamda boshqa ijtimoiy-iqtisodiy sohalarda xotin-qizlarni qoʻllab-quvvatlash boʻyicha chora-tadbirlarni ishlab chiqish va amalga oshirish;
iqtidorli xotin-qizlarni aniqlash va qoʻllab-quvvatlash tizimini takomillashtirish;
xotin-qizlarning kasbiy koʻnikmalar olishlari, munosib ish topishlariga koʻmaklashish, tadbirkorligini rivojlantirish;
oila aʼzolarining huquqiy madaniyatini oshirish, ular oʻrtasida huquqbuzarliklar profilaktikasini olib borish, ijtimoiy xodim va boshqa davlat xizmatchilari bilan hamkorlikda xotin-qizlarni tazyiq va zoʻravonliklardan himoya qilish;
oilalarda sogʻlom turmush tarzini shakllantirish, sogʻlom ovqatlanish hamda reproduktiv salomatlik qoidalarini ommalashtirish;
oila institutini mustahkamlash, ijtimoiy-maʼnaviy muhit barqarorligini taʼminlash, umuminsoniy va milliy qadriyatlarni targʻib qilish;
migratsiyadan qaytgan, jazoni ijro etish muassasalaridan ozod etilgan, ogʻir ijtimoiy vaziyatga tushib qolgan xotin-qizlarning ijtimoiy moslashuviga, ular bilan manzilli ishlash orqali zarur yordamlar olishlariga koʻmaklashish;
keys menejment qoʻllagan holda ijtimoiy himoyaga muhtoj xotin-qizlarni aniqlash hamda ular bilan manzilli ishlash;
oʻziga yuklatilgan vazifalarni oʻz vaqtida va sifatli amalga oshirish uchun davlat tashkilotlari, xalqaro moliya institutlari hamda fuqarolik jamiyati institutlari bilan yaqindan hamkorlik oʻrnatish.
3. Qoʻmita faoliyatini samarali tashkil etish maqsadida:
a) Vazirlar Mahkamasi ijro etuvchi tuzilmasida mavjud Bosh vazir oʻrinbosari shtati negizida Bosh vazir oʻrinbosari — Oila va xotin-qizlar qoʻmitasi raisi lavozimi joriy etilsin;
b) Qoʻmita raisi bilan kelishilgan holda lavozimga tayinlanadigan va lavozimidan ozod etiladigan:
Qoraqalpogʻiston Respublikasi Vazirlar Kengashi Raisi oʻrinbosari — Qoraqalpogʻiston Respublikasi Oila va xotin-qizlar qoʻmitasi raisi lavozimi;
viloyatlar va Toshkent shahar hokimlari oʻrinbosarlari — viloyatlar va Toshkent shahar oila va xotin-qizlar boshqarmalari boshliqlari lavozimi;
tuman (shahar) hokimlarining oʻrinbosarlari — tuman (shahar) oila va xotin-qizlar boʻlimlari boshliqlari lavozimi kiritilsin;
v) Qoraqalpogʻiston Respublikasi Vazirlar Kengashi Raisining oila va xotin-qizlar masalalari boʻyicha oʻrinbosari lavozimi hamda viloyatlar va Toshkent shahar hamda tuman (shahar) hokimlarining oila va xotin-qizlar masalalari boʻyicha oʻrinbosari lavozimlari tugatilsin;
g) ilmiy va amaliy tadqiqotlar natijalari asosida erkaklar va xotin-qizlar teng huquqliligini taʼminlash boʻyicha davlat organlari va tashkilotlari hamda jamiyatda qulay shart-sharoit yaratish maqsadida Oila va xotin-qizlar ilmiy-tadqiqot instituti negizida Oila va gender ilmiy-tadqiqot instituti tashkil etilsin va quyidagilar uning asosiy vazifalari etib belgilansin:
Qoʻmita tizimi xodimlari, shuningdek, mahalladagi xotin-qizlar faollarining malakasini oshirish, ularning faoliyatini uslubiy qoʻllab-quvvatlash;
oila, xotin-qizlar va gender tenglik masalalariga oid muammolarni chuqur tahlil qilish, natijalari boʻyicha muammolar yechimi yuzasidan davlat organlari va tashkilotlari uchun tavsiyalar ishlab chiqish va kiritish;
oila, xotin-qizlar va gender tenglik masalalari boʻyicha aholi oʻrtasida oʻtkaziladigan targʻibot ishlari uchun uslubiy qoʻllanmalar va targʻibot materiallarini tayyorlash;
oila, xotin-qizlar va gender tenglik masalalari boʻyicha fanlararo fundamental, ilmiy-amaliy tadqiqotlar, sotsiologik soʻrov, ilmiy konferensiyalar oʻtkazish, innovatsion loyihalarni amalga oshirish;
olimlar va ilmiy salohiyatli kadrlarni tayyorlash, oila, xotin-qizlar va gender tenglik masalalarida ilmiy tadqiqot oʻtkazayotgan izlanuvchilarni qoʻllab-quvvatlash hamda ularning ishlanmalari amaliyotga joriy etilishiga koʻmaklashish;
oila, xotin-qizlar va gender tenglik masalalariga oid xalqaro indeks va reytinglarda Oʻzbekiston oʻrnini yaxshilash boʻyicha ilmiy asoslangan takliflarni ishlab chiqish va tegishliligi boʻyicha vazirlik va idoralarga kiritib borish;
d) Oila va gender ilmiy-tadqiqot instituti hamda Oila va xotin-qizlarni qoʻllab-quvvatlash davlat maqsadli jamgʻarmasi Qoʻmita tuzilmasiga oʻtkazilsin.
4. Oila va xotin-qizlar qoʻmitasining tashkiliy tuzilmasi ilovaga muvofiq tasdiqlansin.
5. Belgilansinki:
a) mahalladagi xotin-qizlar faollari oʻz faoliyatida Qoʻmita va uning hududiy boʻlinmalariga boʻysunadi hamda ular oldida hisobdor boʻladi;
b) Qoʻmitaning boshqaruv xodimlari umumiy cheklangan soni 582 nafar, shu jumladan rais oʻrinbosari soni 2 nafar etib belgilanadi;
v) Qoʻmitaga ajratiladigan shtat birliklarining:
152 tasi Kambagʻallikni qisqartirish va bandlik vazirligi huzuridagi Oila va xotin-qizlar qoʻmitasining amaldagi shtatlari;
222 tasi Qoraqalpogʻiston Respublikasi Vazirlar Kengashi Raisining oila va xotin-qizlar masalalari boʻyicha oʻrinbosari, viloyatlar va Toshkent shahar hamda tuman (shahar) hokimlarining oila va xotin-qizlar masalalari boʻyicha oʻrinbosarlari shtatlari;
208 tasi tuman (shahar) kambagʻallikni qisqartirish va bandlik boʻlimlaridagi oila va xotin-qizlar bilan ishlash boʻyicha bosh mutaxassis shtatlarini qisqartirish hisobiga shakllantiriladi;
g) Qoraqalpogʻiston Respublikasi Oila va xotin-qizlar qoʻmitasi raisiga, Qoʻmitaning viloyatlar va Toshkent shahar boshqarmalari hamda tuman (shahar) boʻlimlari rahbarlariga 1 tadan shaxsiy biriktirilgan xizmat avtotransport vositalarini saqlash uchun limit ajratiladi;
d) Qoʻmitaning tuman (shahar) boʻlimlari xodimlari Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari orqali markazlashgan tarzda moliyalashtiriladi.
6. Qoʻmita xodimlarining mehnatiga haq toʻlash shartlari quyidagicha belgilansin:
Qoʻmita markaziy apparati xodimlari — Kambagʻallikni qisqartirish va bandlik vazirligining markaziy apparati xodimlari;
Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari rahbarlari — Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining oʻrinbosarlari;
tuman (shahar) oila va xotin-qizlar boʻlimlari rahbarlari — tuman va shahar hokimlarining oʻrinbosarlari;
Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari xodimlari — Qoraqalpogʻiston Respublikasi Kambagʻallikni qisqartirish va bandlik vazirligi, viloyatlar va Toshkent shahar kambagʻallikni qisqartirish va bandlik boshqarmalari xodimlari;
tuman (shahar) oila va xotin-qizlar boʻlimlari xodimlariga tuman (shahar) kambagʻallikni qisqartirish va bandlik boʻlimlari xodimlari uchun belgilangan mehnatga haq toʻlash shartlari tatbiq etiladi.
Belgilansinki, Qoraqalpogʻiston Respublikasi Oila va xotin-qizlar qoʻmitasi raisi, viloyatlar va Toshkent shahar oila va xotin-qizlar boshqarmalari rahbarlari hamda tuman (shahar) oila va xotin-qizlar boʻlimlari rahbarlari tibbiy va transport xizmati koʻrsatish shartlariga koʻra tegishincha Qoraqalpogʻiston Respublikasi Vazirlar Kengashi Raisi oʻrinbosari, viloyatlar va Toshkent shahar hamda tuman (shahar) hokimlarining oʻrinbosarlariga tenglashtiriladi.
7. Qoʻmita uch oy muddatda Oila va gender ilmiy-tadqiqot institutini tashkil etish hamda Oila va xotin-qizlarni qoʻllab-quvvatlash davlat maqsadli jamgʻarmasi faoliyatini takomillashtirish toʻgʻrisidagi qaror loyihalarini ishlab chiqsin va belgilangan tartibda Vazirlar Mahkamasiga kiritsin.
8. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 21-dekabrdagi PF-208-son Farmoniga ILOVA
Oʻzbekiston Respublikasi Oila va xotin-qizlar qoʻmitasining tashkiliy tuzilmasi
Oila va xotin-qizlar qoʻmitasi Oila va gender ilmiy-tadqiqot instituti Zulfiya nomidagi Davlat mukofoti komissiyasi Oila va xotin-qizlarni qoʻllab-quvvatlash davlat maqsadli jamgʻarmasi Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari Respublika va hududiy “Xotin-qizlar tadbirkorlik markazlari” Tuman (shahar) oila va xotin-qizlar boʻlimlari “Saodat” jurnali, “Markaziy Osiyoda jamiyat, gender va oila” xalqaro ilmiy jurnali tahririyati Mahalladagi xotin-qizlar faollari “Olima ayollar” jamiyati
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 21-dekabr,
PF-208-son
Президента Республики Узбекистан
Указ
О дополнительных мерах по совершенствованию деятельности Комитета семьи и женщин
В последние годы в стране проведены масштабные реформы по укреплению семей, повышению общественно-политической активности и занятости женщин, формированию у них предпринимательских навыков, обеспечению гендерного равенства.
Доля женщин на руководящих должностях достигла 35 процентов, только в 2022-2023 годах обеспечена занятость 398 тысяч женщин, приняты в вузы на льготной основе — 100 тысяч, выделены льготные образовательные кредиты для выплаты контрактов — 170 тысячам, бесплатно обучаются в магистратуре — 14 тысяч и 198 тысяч женщин обучены профессии.
Кроме того, в рамках программ женского предпринимательства за истекший период текущего года было выделено около 4,4 триллиона сумов кредитов на более 225 тысяч проектов, около 40 тысяч женщин получили субсидии на общую сумму 179,1 миллиарда сумов.
Посредством системы «Женская тетрадь», которая была задействована с 2020 года, было направлено более 5,1 триллиона сумов на оказание социально-экономической, медицинской, правовой и психологической помощи более 2,5 миллиона женщин.
Более 11 тысячам женщин, подвергшимся насилию, оказана медицинская, психологическая и материальная помощь, которые прошли адаптацию к социальной жизни в реабилитационных центрах.
Вместе с тем недостатки в структурных связях между центральными и подведомственными организациями ненадлежащий уровень взаимодействия ответственных министерств и ведомств в сфере поддержки женщин являются причиной возникновения ряда пробелов в этой области.
В частности, имеется ряд недостатков в широком вовлечении женщин в науку, образование и научно-творческую деятельность, обучении современным профессиям, востребованным на рынке труда, содействии занятости женщин, желающих работать, защите от притеснений и насилия, повышении их общественно-политической активности и доли на руководящих должностях, а также в защите их прав и интересов.
В целях содействия деятельности министерств и ведомств во взаимодействии с негосударственными организациями в области поддержки женщин, правильного налаживания и организации работы первичных организаций Комитета семьи и женщин на местах:
1. Передать подчинение Комитета семьи и женщин (далее — Комитет) от Министерства занятости и сокращения бедности Кабинету Министров.
2. Определить приоритетными направлениями деятельности Комитета:
усиление системы поддержки женщин, повышение их общественно-политической активности, защиту их прав и представление их законных интересов;
разработку предложений по совершенствованию законодательных актов, направленных на обеспечение равных прав и возможностей мужчин и женщин, всестороннюю поддержку женщин и семьи;
разработку и реализацию мер по поддержке женщин в государственной службе, образовании, науке и инновациях, спорте, здравоохранении и других социально-экономических сферах;
совершенствование системы выявления и поддержки талантливых женщин;
содействие получению женщинами профессиональных навыков и нахождению достойной работы, развитие их предпринимательства;
повышение правовой культуры членов семьи, проведение профилактики правонарушений среди них, защиту их от притеснений и насилия в сотрудничестве с социальным работником и другими государственными служащими;
формирование здорового образа жизни в семьях, популяризацию здорового питания и правил репродуктивного здоровья;
укрепление института семьи, обеспечение стабильности социально-духовной атмосферы, пропаганду общечеловеческих и национальных ценностей;
содействие социальной адаптации женщин, вернувшихся из миграции, освобожденных из учреждений исполнения наказания, оказавшихся в трудной социальной ситуации, также получению необходимой помощи посредством адресной работы с ними;
выявление и адресную работу с женщинами, нуждающимися в социальной защите, с использованием кейс-менеджмента;
установление тесного сотрудничества с государственными организациями, международными финансовыми институтами и институтами гражданского общества для своевременного и качественного выполнения возложенных задач.
3. В целях эффективной организации деятельности Комитета:
а) ввести в исполнительной структуре Кабинета Министров должность заместителя Премьер-министра — председателя Комитета семьи и женщин на базе существующего штата заместителя Премьер-министра;
б) по согласованию с председателем Комитета ввести назначаемые и освобождаемые:
должность заместителя Председателя Совета Министров Республики Каракалпакстан — председателя Комитета семьи и женщин Республики Каракалпакстан;
должности заместителей хокимов областей и города Ташкента — должности начальников управлений семьи и женщин областей и города Ташкента;
должности заместителей хокимов районов (городов) — начальников отделов семьи и женщин районов (городов);
в) упразднить должность заместителя Председателя Совета Министров Республики Каракалпакстан по вопросам семьи и женщин, а также должности заместителей хокимов областей и города Ташкента и районов (городов) по вопросам семьи и женщин;
г) создать Научно-исследовательский институт семьи и гендера на базе Научно-исследовательского института семьи и женщин в целях создания благоприятных условий в государственных органах и организациях, а также обществе по обеспечению равноправия мужчин и женщин на основе результатов научных и практических исследований и определить его основными задачами:
повышение квалификации работников системы Комитета, а также женских активистов махалли, методическое сопровождение их деятельности;
глубокий анализ проблем, касающихся семьи, женщин и гендерного равенства, по результатам — разработку и внедрение рекомендаций для государственных органов и организаций по решению проблем;
подготовку методических пособий и агитационных материалов для пропагандистской работы среди населения по вопросам семьи, женщин и гендерного равенства;
проведение междисциплинарных фундаментальных, научно-практических исследований, социологических опросов, научных конференций, реализацию инновационных проектов по вопросам семьи, женщин и гендерного равенства;
подготовку ученых и кадров с научным потенциалом, поддержку соискателей, проводящих научные исследования по вопросам семьи, женщин и гендерного равенства, а также содействие внедрению их разработок в практику;
разработку и внесение в соответствующие министерства и ведомства научно обоснованных предложений по улучшению позиций Узбекистана в международных индексах и рейтингах по вопросам семьи, женщин и гендерного равенства;
д) передать в структуру Комитета Научно-исследовательский институт семьи и гендера и Государственный целевой фонд поддержки семьи и женщин.
4. Утвердить организационную структуру Комитета семьи и женщин согласно приложению .
5. Установить, что:
а) женские активисты махалли в своей деятельности подчиняются Комитету и его территориальным подразделениям и подотчетны им;
б) общая предельная численность управленческого персонала Комитета устанавливается в количестве 582 человека, в том числе 2 заместителя председателя;
в) штатные единицы, выделяемые Комитету, формируются за счет сокращения:
152 текущих штатных единиц Комитета семьи и женщин при Министерстве занятости и сокращения бедности;
222 штатов заместителя Председателя Совета Министров Республики Каракалпакстан по вопросам семьи и женщин, заместителей хокимов областей и города Ташкента и районов (городов) по вопросам семьи и женщин;
208 штатов главных специалистов по работе с семьей и женщинами в отделах сокращения бедности и занятости районов (городов);
г) председателю Комитета семьи и женщин Республики Каракалпакстан, руководителям управлений семьи и женщин областей и города Ташкента, а также отделов районов (городов) выделяется лимит на содержание по одному персональному служебному автотранспорту;
д) работники отделов районов (городов) Комитета финансируются централизованно через Комитет семьи и женщин Республики Каракалпакстан, управления семьи и женщин областей и города Ташкента.
6. Установить условия оплаты труда работников Комитета следующим образом:
к работникам центрального аппарата Комитета применяются условия оплаты труда работников центрального аппарата Министерства занятости и сокращения бедности;
к председателю Комитета семьи и женщин Республики Каракалпакстан, руководителям управлений семьи и женщин областей и города Ташкента — заместителя Председателя Совета Министров Республики Каракалпакстан, заместителей хокимов областей и города Ташкента;
к руководителям отделов семьи и женщин районов (городов) — заместителей хокимов районов и городов;
к работникам Комитета семьи и женщин Республики Каракалпакстан, управлений семьи и женщин областей и города Ташкента — работников Министерства занятости и сокращения бедности Республики Каракалпакстан, управлений занятости и сокращения бедности областей и города Ташкента;
к работникам отделов семьи и женщин районов (городов) — работников отделов занятости и сокращения бедности районов (городов).
Установить, что председатель Комитета семьи и женщин Республики Каракалпакстан, руководители управлений семьи и женщин областей и города Ташкента, а также отделов семьи и женщин районов (городов) по условиям медицинского и транспортного обслуживания приравниваются к заместителю Председателя Совета Министров Республики Каракалпакстан, заместителям хокимов областей и города Ташкента и районов (городов) соответственно.
7. Комитету в трехмесячный срок разработать и в установленном порядке внести в Кабинет Министров проекты постановлений по созданию Научно-исследовательского института семьи и гендера и совершенствованию деятельности Государственного целевого фонда поддержки семьи и женщин.
8. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 21 декабря 2023 года № УП-208
Организационная структура Комитета семьи и женщин Республики Узбекистан
Комитет семьи и женщин Научно-исследовательский институт семьи и гендера Комиссия по Государственной премии имени Зульфии Государственный целевой фонд поддержки семьи и женщин Комитет семьи и женщин Республики Каракалпакстан, управления семьи и женщин областей и города Ташкента Республиканский и территориальные «центры предпринимательства женщин» Отделы семьи и женщин районов (городов) Журнал «Саодат», редакция международного научного журнала «Марказий Осиёда жамият, гендер ва оила» Женские активисты махаллей Общество «Ученые женщины»
Президент Республики Узбекистан Ш. МИРЗИЁЕВ
г. Ташкент,
21 декабря 2023 г.,
№ УП-208