📅 2023-yil 25-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 25 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 декабря 2023 г. · Постановления Президента
Официальный текст. Официальный документ. Редакционные примечания не включены.
📅 25 December 2023 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Наслчилик хўжаликларини давлат томонидан қўллаб-қувватлашга доир қўшимча чора-тадбирлар тўғрисида
Ички истеъмол бозорини гўшт, сут, тухум маҳсулотлари билан барқарор таъминлаш, чорвачилик, паррандачилик ва балиқчилик озуқа базасини кенгайтириш, рақобатбардош маҳсулотлар ишлаб чиқаришни ошириш, наслчилик соҳасига хусусий инвестициялар ҳажмини янада кўпайтириш мақсадида:
1. Наслчилик субъектлари учун уларнинг асосий фаолият тури бўйича фойда солиғи (тижорат банкларида жойлаштирилган маблағлардан олинган фоизлардан ташқари), мол-мулк солиғи, ер солиғи ва сув ресурсларидан фойдаланганлик учун солиқни 50 фоиз пасайтирилган ставкада тўлаш шаклидаги солиқ имтиёзи муддати иқтисод қилинган маблағларни асосий фаолиятни ривожлантиришга йўналтириш шарти билан 2025 йил 1 январга қадар узайтирилсин.
2. Қишлоқ хўжалиги вазирлиги ва Солиқ қўмитаси бир ҳафта муддатда мазкур қарор билан тақдим этилган имтиёз муддати узайтирилганлиги ҳақида наслчилик хўжаликларига етказиш ҳамда уларга зарур тушунтириш ишларини ташкил қилиш чораларини кўрсин.
3. Мазкур қарорнинг ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 25 декабрь,
ПҚ-403-сон
Oʻzbekiston Respublikasi Prezidentining
Qarori
Naslchilik xoʻjaliklarini davlat tomonidan qoʻllab-quvvatlashga doir qoʻshimcha chora-tadbirlar toʻgʻrisida
Ichki isteʼmol bozorini goʻsht, sut, tuxum mahsulotlari bilan barqaror taʼminlash, chorvachilik, parrandachilik va baliqchilik ozuqa bazasini kengaytirish, raqobatbardosh mahsulotlar ishlab chiqarishni oshirish, naslchilik sohasiga xususiy investitsiyalar hajmini yanada koʻpaytirish maqsadida:
1. Naslchilik subyektlari uchun ularning asosiy faoliyat turi boʻyicha foyda soligʻi (tijorat banklarida joylashtirilgan mablagʻlardan olingan foizlardan tashqari), mol-mulk soligʻi, yer soligʻi va suv resurslaridan foydalanganlik uchun soliqni 50 foiz pasaytirilgan stavkada toʻlash shaklidagi soliq imtiyozi muddati iqtisod qilingan mablagʻlarni asosiy faoliyatni rivojlantirishga yoʻnaltirish sharti bilan 2025-yil 1-yanvarga qadar uzaytirilsin.
2. Qishloq xoʻjaligi vazirligi va Soliq qoʻmitasi bir hafta muddatda mazkur qaror bilan taqdim etilgan imtiyoz muddati uzaytirilganligi haqida naslchilik xoʻjaliklariga yetkazish hamda ularga zarur tushuntirish ishlarini tashkil qilish choralarini koʻrsin.
3. Mazkur qarorning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 25-dekabr,
PQ-403-son
Президента Республики Узбекистан
Постановление
О дополнительных мерах по государственной поддержке племенных хозяйств
В целях стабильного обеспечения внутреннего потребительского рынка мясомолочными продуктами и яйцепродуктами, расширения кормовой базы животноводства, птицеводства и рыбоводства, повышения производства конкурентоспособной продукции, дальнейшего увеличения объемов частных инвестиций в племенную отрасль:
1. Продлить на срок до 1 января 2025 года льготы по налогу на прибыль (за исключением процентов, полученных за счет средств, размещенных в коммерческих банках), налогу на имущество, земельному налогу и налогу за пользование водными ресурсами по основному виду деятельности субъектов племенного дела в виде оплаты налога по сниженной на 50 процентов ставке с условием направления сэкономленных средств на развитие их основной деятельности.
2. Министерству сельского хозяйства и Налоговому комитету в недельный срок принять меры по информированию племенных хозяйств о продлении в соответствии с настоящим постановлением срока предоставленной льготы и проведению необходимой разъяснительной работы среди них.
3. Контроль за исполнением настоящего постановления возложить на заместителя Премьер-министра Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
25 декабря 2023 г.,
№ ПП-403