📅 2023-yil 27-dekabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 27 декабрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 27 декабря 2023 г. · Законы и кодексы
Официальный текст. Официальный документ. Редакционные примечания не включены.
📅 27 December 2023 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг айрим қонун ҳужжатларига ўзгартиришлар ва қўшимча киритиш тўғрисида
Қонунчилик палатаси томонидан 2023 йил 5 сентябрда қабул қилинган Сенат томонидан 2023 йил 25 ноябрда маъқулланган
Кейинги йилларда мамлакатимизда аҳоли бандлигини таъминлаш ва камбағалликни қисқартириш, оилавий тадбиркорликни ривожлантириш, аҳолини спорт билан шуғулланишга кенг жалб этиш, шаҳарсозлик фаолиятини такомиллаштириш бўйича чора-тадбирлар амалга оширилмоқда.
Шу билан бирга оилавий тадбиркорликни янада ривожлантириш, спорт-таълим ташкилотларини давлат томонидан қўллаб-қувватлашни кучайтириш мақсадида, шунингдек қурилиш соҳасида давлат хизматлари кўрсатиш тартиби жорий этилганлигидан келиб чиққан ҳолда мазкур соҳалардаги муносабатларни тартибга солувчи қонун ҳужжатларини қайтадан кўриб чиқиш зарурияти юзага келмоқда.
Мазкур Қонун билан «Оилавий тадбиркорлик тўғрисида»ги Ўзбекистон Республикаси Қонунига юридик шахс ташкил этмаган ҳолдаги оилавий тадбиркорлик субъектларига беш нафаргача доимий ходимни улар билан меҳнат шартномасини тузган ҳолда ёллаш ҳуқуқини, шунингдек бир оилавий корхона иштирокчисига бир вақтнинг ўзида бошқа оилавий корхона иштирокчиси бўлиш ҳуқуқини берувчи ўзгартиришлар киритилмоқда.
Бундан ташқари Ўзбекистон Республикасининг Божхона кодексига давлат ҳамда нодавлат спорт-таълим ташкилотлари томонидан ўз эҳтиёжлари учун импорт қилинадиган махсус спорт кийим-бошлари, пойабзал, спорт анжомлари, жиҳозлари ва ускуналарининг эллик фоизи учун божхона божини тўлашдан озод этиш тарзидаги имтиёзлар берилишини назарда тутувчи ўзгартиришлар киритилмоқда.
Ўзбекистон Республикасининг Шаҳарсозлик кодексига маҳаллий ижро этувчи ҳокимият органларининг шаҳарсозлик фаолияти объектларини қуриш тўғрисида қарорлар қабул қилиш бўйича ваколатлари бекор қилинишини назарда тутувчи ўзгартиришлар киритилмоқда.
Ушбу Қонун архитектура ва қурилиш соҳасидаги ортиқча бюрократик тартиб-таомилларни бартараф этишга, оилавий тадбиркорликни янада ривожлантиришга, шунингдек спорт-таълим ташкилотларининг моддий-техника базасини яхшилашга хизмат қилади.
1-модда . Ўзбекистон Республикасининг 2012 йил 26 апрелда қабул қилинган «Оилавий тадбиркорлик тўғрисида»ги ЎРҚ-327-сонли Қонунига (Ўзбекистон Республикаси Олий Мажлиси палаталарининг Ахборотномаси, 2012 йил, № 4, 111-модда; 2013 йил, № 4, 98-модда; 2015 йил, № 8, 312-модда; 2016 йил, № 12, 385-модда; 2019 йил, № 3, 166-модда; 2020 йил, № 1, 2-модда, № 7, 449-модда, № 11, 652-модда; 2021 йил, 4-сонга илова) қуйидаги ўзгартиришлар киритилсин:
1) 3-модданинг бешинчи қисмидаги «уч нафаргача» деган сўзлар «беш нафаргача» деган сўзлар билан алмаштирилсин;
2) 5-модданинг :
биринчи қисмидаги «Оила бошлиғи, унинг хотини (эри)» деган сўзлар «Эр, хотин, уларнинг» деган сўзлар билан алмаштирилсин;
учинчи қисми чиқариб ташлансин.
2-модда. Ўзбекистон Республикасининг 2016 йил 20 январда қабул қилинган ЎРҚ-400-сонли Қонуни билан тасдиқланган Ўзбекистон Республикасининг Божхона кодекси (Ўзбекистон Республикаси Олий Мажлиси палаталарининг Ахборотномаси, 2016 йил, 1-сонга илова; 2017 йил, № 9, 510-модда; 2018 йил, № 4, 224-модда, № 7, 433-модда, № 10, 670-модда; 2019 йил, № 1, 5-модда, № 2, 47-модда, № 5, 267-модда, № 9, 589-модда, № 10, 671-модда, № 12, 880-модда; 2020 йил, № 10, 593-модда; 2021 йил, 4-сонга илова, № 10, 969-модда; 2022 йил, № 2, 75-модда, № 7, 666-модда, № 12, 1190-модда) 297-моддасининг иккинчи қисми қуйидаги мазмундаги 15-банд билан тўлдирилсин:
«15) Ўзбекистон Миллий олимпия қўмитаси, Ўзбекистон Миллий паралимпия қўмитаси, олимпия ҳамда паралимпия спорт турлари бўйича федерациялар (ассоциациялар) таклифлари асосида белгиланган тартибда Ўзбекистон Республикаси Ёшлар сиёсати ва спорт вазирлиги томонидан шакллантириладиган ҳамда Ўзбекистон Республикаси Вазирлар Маҳкамаси томонидан тасдиқланадиган рўйхат бўйича давлат ҳамда нодавлат спорт-таълим ташкилотлари томонидан ўз эҳтиёжлари учун хориждан импорт қилинадиган, Ўзбекистон Республикасида ишлаб чиқарилмайдиган махсус спорт кийим-бошлари (экипировкалари), пойабзал, спорт анжомлари, жиҳозлари ва ускуналари учун белгиланган божхона божи ставкасининг эллик фоизига».
3-модда. Ўзбекистон Республикасининг 2021 йил 22 февралда қабул қилинган ЎРҚ-676-сонли Қонуни билан тасдиқланган Ўзбекистон Республикасининг Шаҳарсозлик кодексига (Ўзбекистон Республикаси Олий Мажлиси палаталарининг Ахборотномаси, 2021 йил, № 2, 145-модда; 2022 йил, № 6, 570-модда, № 11, 1061-модда) қуйидаги ўзгартиришлар киритилсин:
1) 21-модда биринчи қисмининг :
бешинчи хатбошиси чиқариб ташлансин;
олтинчи — ўн олтинчи хатбошилари тегишинча бешинчи — ўн бешинчи хатбошилар деб ҳисоблансин;
2) 22-модда биринчи қисмининг :
тўққизинчи хатбошиси чиқариб ташлансин;
ўнинчи — ўн иккинчи хатбошилари тегишинча тўққизинчи — ўн биринчи хатбошилар деб ҳисоблансин.
4-модда . Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;
ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
5-модда . Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2023 йил 27 декабрь,
ЎРҚ-890-сон
Oʻzbekiston Respublikasining Qonuni
Oʻzbekiston Respublikasining ayrim qonun hujjatlariga oʻzgartirishlar va qoʻshimcha kiritish toʻgʻrisida
Qonunchilik palatasi tomonidan 2023-yil 5-sentabrda qabul qilingan Senat tomonidan 2023-yil 25-noyabrda maʼqullangan
Keyingi yillarda mamlakatimizda aholi bandligini taʼminlash va kambagʻallikni qisqartirish, oilaviy tadbirkorlikni rivojlantirish, aholini sport bilan shugʻullanishga keng jalb etish, shaharsozlik faoliyatini takomillashtirish boʻyicha chora-tadbirlar amalga oshirilmoqda.
Shu bilan birga oilaviy tadbirkorlikni yanada rivojlantirish, sport-taʼlim tashkilotlarini davlat tomonidan qoʻllab-quvvatlashni kuchaytirish maqsadida, shuningdek qurilish sohasida davlat xizmatlari koʻrsatish tartibi joriy etilganligidan kelib chiqqan holda mazkur sohalardagi munosabatlarni tartibga soluvchi qonun hujjatlarini qaytadan koʻrib chiqish zaruriyati yuzaga kelmoqda.
Mazkur Qonun bilan “Oilaviy tadbirkorlik toʻgʻrisida”gi Oʻzbekiston Respublikasi Qonuniga yuridik shaxs tashkil etmagan holdagi oilaviy tadbirkorlik subyektlariga besh nafargacha doimiy xodimni ular bilan mehnat shartnomasini tuzgan holda yollash huquqini, shuningdek bir oilaviy korxona ishtirokchisiga bir vaqtning oʻzida boshqa oilaviy korxona ishtirokchisi boʻlish huquqini beruvchi oʻzgartirishlar kiritilmoqda.
Bundan tashqari Oʻzbekiston Respublikasining Bojxona kodeksiga davlat hamda nodavlat sport-taʼlim tashkilotlari tomonidan oʻz ehtiyojlari uchun import qilinadigan maxsus sport kiyim-boshlari, poyabzal, sport anjomlari, jihozlari va uskunalarining ellik foizi uchun bojxona bojini toʻlashdan ozod etish tarzidagi imtiyozlar berilishini nazarda tutuvchi oʻzgartirishlar kiritilmoqda.
Oʻzbekiston Respublikasining Shaharsozlik kodeksiga mahalliy ijro etuvchi hokimiyat organlarining shaharsozlik faoliyati obyektlarini qurish toʻgʻrisida qarorlar qabul qilish boʻyicha vakolatlari bekor qilinishini nazarda tutuvchi oʻzgartirishlar kiritilmoqda.
Ushbu Qonun arxitektura va qurilish sohasidagi ortiqcha byurokratik tartib-taomillarni bartaraf etishga, oilaviy tadbirkorlikni yanada rivojlantirishga, shuningdek sport-taʼlim tashkilotlarining moddiy-texnika bazasini yaxshilashga xizmat qiladi.
1-modda . Oʻzbekiston Respublikasining 2012-yil 26-aprelda qabul qilingan “Oilaviy tadbirkorlik toʻgʻrisida”gi OʻRQ-327-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2012-yil, № 4, 111-modda; 2013-yil, № 4, 98-modda; 2015-yil, № 8, 312-modda; 2016-yil, № 12, 385-modda; 2019-yil, № 3, 166-modda; 2020-yil, № 1, 2-modda, № 7, 449-modda, № 11, 652-modda; 2021-yil, 4-songa ilova) quyidagi oʻzgartirishlar kiritilsin:
1) 3-moddaning beshinchi qismidagi “uch nafargacha” degan soʻzlar “besh nafargacha” degan soʻzlar bilan almashtirilsin;
2) 5-moddaning :
birinchi qismidagi “Oila boshligʻi, uning xotini (eri)” degan soʻzlar “Er, xotin, ularning” degan soʻzlar bilan almashtirilsin;
uchinchi qismi chiqarib tashlansin.
2-modda. Oʻzbekiston Respublikasining 2016-yil 20-yanvarda qabul qilingan OʻRQ-400-sonli Qonuni bilan tasdiqlangan Oʻzbekiston Respublikasining Bojxona kodeksi (Oʻzbekiston Respublikasi Oliy Majlisi palatalarining Axborotnomasi, 2016-yil, 1-songa ilova; 2017-yil, № 9, 510-modda; 2018-yil, № 4, 224-modda, № 7, 433-modda, № 10, 670-modda; 2019-yil, № 1, 5-modda, № 2, 47-modda, № 5, 267-modda, № 9, 589-modda, № 10, 671-modda, № 12, 880-modda; 2020-yil, № 10, 593-modda; 2021-yil, 4-songa ilova, № 10, 969-modda; 2022-yil, № 2, 75-modda, № 7, 666-modda, № 12, 1190-modda) 297-moddasining ikkinchi qismi quyidagi mazmundagi 15-band bilan toʻldirilsin:
“15) Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, olimpiya hamda paralimpiya sport turlari boʻyicha federatsiyalar (assotsiatsiyalar) takliflari asosida belgilangan tartibda Oʻzbekiston Respublikasi Yoshlar siyosati va sport vazirligi tomonidan shakllantiriladigan hamda Oʻzbekiston Respublikasi Vazirlar Mahkamasi tomonidan tasdiqlanadigan roʻyxat boʻyicha davlat hamda nodavlat sport-taʼlim tashkilotlari tomonidan oʻz ehtiyojlari uchun xorijdan import qilinadigan, Oʻzbekiston Respublikasida ishlab chiqarilmaydigan maxsus sport kiyim-boshlari (ekipirovkalari), poyabzal, sport anjomlari, jihozlari va uskunalari uchun belgilangan bojxona boji stavkasining ellik foiziga”.
3-modda. Oʻzbekiston Respublikasining 2021-yil 22-fevralda qabul qilingan OʻRQ-676-sonli Qonuni bilan tasdiqlangan Oʻzbekiston Respublikasining Shaharsozlik kodeksiga (Oʻzbekiston Respublikasi Oliy Majlisi palatalarining Axborotnomasi, 2021-yil, № 2, 145-modda; 2022-yil, № 6, 570-modda, № 11, 1061-modda) quyidagi oʻzgartirishlar kiritilsin:
1) 21-modda birinchi qismining :
beshinchi xatboshisi chiqarib tashlansin;
oltinchi — oʻn oltinchi xatboshilari tegishincha beshinchi — oʻn beshinchi xatboshilar deb hisoblansin;
2) 22-modda birinchi qismining :
toʻqqizinchi xatboshisi chiqarib tashlansin;
oʻninchi — oʻn ikkinchi xatboshilari tegishincha toʻqqizinchi — oʻn birinchi xatboshilar deb hisoblansin.
4-modda . Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;
ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
5-modda . Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2023-yil 27-dekabr,
OʻRQ-890-son
Закон Республики Узбекистан
О внесении изменений и дополнения в некоторые законодательные акты Республики Узбекистан
Принят Законодательной палатой 5 сентября 2023 года Одобрен Сенатом 25 ноября 2023 года
В последние годы в стране реализуются меры по обеспечению занятости населения и сокращению бедности, развитию семейного предпринимательства, широкому вовлечению населения в занятие спортом, совершенствованию градостроительной деятельности.
Наряду с этим в целях дальнейшего развития семейного предпринимательства, усиления государственной поддержки спортивно-образовательных организаций, а также исходя из того, что внедрен порядок оказания государственных услуг в сфере строительства, возникает необходимость пересмотра законодательных актов, регулирующих отношения в данных сферах.
Данным Законом в Закон Республики Узбекистан «О семейном предпринимательстве» вносятся изменения, предоставляющие субъектам семейного предпринимательства без образования юридического лица право нанимать до пяти постоянных работников с заключением с ними трудового договора, а также право участнику одного семейного предприятия быть одновременно участником другого семейного предприятия.
Кроме того, в Таможенный кодекс Республики Узбекистан вносятся изменения, предусматривающие предоставление льгот в виде освобождения от уплаты таможенной пошлины в отношении пятидесяти процентов импортируемых государственными и негосударственными спортивно-образовательными организациями для собственных нужд специальной спортивной формы, обуви, спортивного инвентаря, оборудования и снаряжения.
В Градостроительный кодекс Республики Узбекистан вносятся изменения, предусматривающие отмену полномочий органов исполнительной власти на местах по принятию решений о строительстве объектов градостроительной деятельности.
Настоящий Закон послужит устранению излишних бюрократических процедур в сфере архитектуры и строительства, дальнейшему развитию семейного предпринимательства, а также улучшению материально-технической базы спортивно-образовательных организаций.
Статья 1. Внести в Закон Республики Узбекистан от 26 апреля 2012 года № ЗРУ-327 «О семейном предпринимательстве» (Ведомости палат Олий Мажлиса Республики Узбекистан, 2012 г., № 4, ст. 111; 2013 г., № 4, ст. 98; 2015 г., № 8, ст. 312; 2016 г., № 12, ст. 385; 2019 г., № 3, ст. 166; 2020 г., № 1, ст. 2, № 7, ст. 449, № 11, ст. 652; 2021 г., приложение к № 4) следующие изменения:
1) в части пятой статьи 3 слова «до трех» заменить словами «до пяти»;
2) в статье 5 :
в части первой слова «глава семьи, его супруга (супруг)» заменить словами «супруг, супруга, их»;
часть третью исключить.
Статья 2. Часть вторую статьи 297 Таможенного кодекса Республики Узбекистан, утвержденного Законом Республики Узбекистан от 20 января 2016 года № ЗРУ-400 (Ведомости палат Олий Мажлиса Республики Узбекистан, 2016 г., приложение к № 1; 2017 г., № 9, ст. 510; 2018 г., № 4, ст. 224, № 7, ст. 433, № 10, ст. 670; 2019 г., № 1, ст. 5, № 2, ст. 47, № 5, ст. 267, № 9, ст. 589, № 10, ст. 671, № 12, ст. 880; 2020 г., № 10, ст. 593; 2021 г., приложение к № 4, № 10, ст. 969; 2022 г., № 2, ст. 75, № 7, ст. 666, № 12, ст. 1190), дополнить пунктом 15 следующего содержания:
«15) пятидесяти процентов от установленной ставки таможенной пошлины на импортируемые из-за рубежа государственными и негосударственными спортивно-образовательными организациями для собственных нужд, не производимые в Республике Узбекистан специальную спортивную форму (экипировку), обувь, спортивный инвентарь, оборудование и снаряжение по перечню, формируемому в установленном порядке Министерством молодежной политики и спорта Республики Узбекистан на основании предложений Национального олимпийского комитета Узбекистана, Национального паралимпийского комитета Узбекистана, федераций (ассоциаций) по олимпийским и паралимпийским видам спорта и утверждаемому Кабинетом Министров Республики Узбекистан».
Статья 3. Внести в Градостроительный кодекс Республики Узбекистан, утвержденный Законом Республики Узбекистан от 22 февраля 2021 года № ЗРУ-676 (Ведомости палат Олий Мажлиса Республики Узбекистан, 2021 г., № 2, ст. 145; 2022 г., № 6, ст. 570, № 11, ст. 1061), следующие изменения:
1) в части первой статьи 21:
абзац пятый исключить;
абзацы шестой — шестнадцатый считать соответственно абзацами пятым — пятнадцатым;
2) в части первой статьи 22:
абзац девятый исключить;
абзацы десятый — двенадцатый считать соответственно абзацами девятым — одиннадцатым.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону;
обеспечить исполнение, доведение до исполнителей и разъяснение среди населения сути и значения настоящего Закона.
Статья 5. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
27 декабря 2023 г.,
№ ЗРУ-890