📅 2023-yil 28-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 28 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 28 декабря 2023 г. · Указы Президента
Официальный текст. Официальный документ. Редакционные примечания не включены.
📅 28 December 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Истеъмол бозорларида асосий турдаги озиқ-овқат маҳсулотлари нархларининг барқарорлигини таъминлаш чора-тадбирлари тўғрисида
Аҳолининг харид қобилиятини мустаҳкамлаш, асосий турдаги озиқ-овқат ва истеъмол маҳсулотларига бўлган эҳтиёжини таъминлаш ҳамда инфляция даражасини жиловлаш мақсадида:
2. Белгилансинки, 2027 йил 1 январга қадар кимёвий таркиби ўзгартирилмаган ҳолда тозаланган ёки тозаланмаган кунгабоқар, махсар ёки пахта мойи ва уларнинг фракцияларини (ТИФТН коди 1512) Ўзбекистон Республикаси ҳудудига олиб киришда божхона божининг ноль ставкаси қўлланилади.
3. Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси (Ж. Ходжаев):
2024 йил 1 февралга қадар ички бозорда шакар нархи кескин ўзгаришининг олдини олиш ва ишлаб чиқариш барқарорлигини таъминлаш бўйича амалий чора-тадбирлар юзасидан;
2024 йил 1 октябрга қадар мазкур Фармонда назарда тутилган имтиёзларнинг самарадорлигини ички бозорда нархлар ва ишлаб чиқаришнинг барқарорлигини таъминлаш нуқтаи назаридан баҳолаш натижаларига кўра имтиёзлар қўллашни давом эттириш бўйича Ўзбекистон Республикаси Президенти Администрациясига таклифлар киритсин.
4. Ўзбекистон Республикаси Президентининг айрим фармонларига иловага мувофиқ ўзгартиришлар киритилсин.
5. Мазкур Фармоннинг ижросини назорат қилиш Бош вазир ўринбосарлари Ж.А. Қўчқоров ва Ж.А. Ходжаев зиммасига юклансин.
Ўзбекистон Республикаси Президентининг 2023 йил 28 декабрдаги ПФ-217-сон Фармонига ИЛОВА
Ўзбекистон Республикаси Президентининг айрим фармонларига киритилаётган ўзгартиришлар
1. Ўзбекистон Республикаси Президентининг 2022 йил 31 майдаги «Истеъмол бозорларида нархлар барқарорлигини таъминлашга ва монополияга қарши чораларнинг таъсирчанлигини оширишга доир қўшимча чора-тадбирлар тўғрисида»ги ПФ-145-сон Фармони 1 ва 4-бандларининг биринчи хатбошисидаги ҳамда 1-илованинг номланишидаги «2024 йил 1 январга қадар» сўзлари «2025 йил 1 январга қадар» сўзлари билан алмаштирилсин.
2. Ўзбекистон Республикаси Президентининг 2023 йил 23 мартдаги «Истеъмол бозорларида нархлар барқарорлигини таъминлашга доир қўшимча чора-тадбирлар тўғрисида»ги ПФ-41-сон Фармонининг 1-бандидаги ва 1-илованинг номланишидаги «2024 йил 1 январга қадар» сўзлари «2025 йил 1 январга қадар» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 28 декабрь,
ПФ-217-сон
Oʻzbekiston Respublikasi Prezidentining
Farmoni
Isteʼmol bozorlarida asosiy turdagi oziq-ovqat mahsulotlari narxlarining barqarorligini taʼminlash chora-tadbirlari toʻgʻrisida
Aholining xarid qobiliyatini mustahkamlash, asosiy turdagi oziq-ovqat va isteʼmol mahsulotlariga boʻlgan ehtiyojini taʼminlash hamda inflyatsiya darajasini jilovlash maqsadida:
2. Belgilansinki, 2027-yil 1-yanvarga qadar kimyoviy tarkibi oʻzgartirilmagan holda tozalangan yoki tozalanmagan kungaboqar, maxsar yoki paxta moyi va ularning fraksiyalarini (TIFTN kodi 1512) Oʻzbekiston Respublikasi hududiga olib kirishda bojxona bojining nol stavkasi qoʻllaniladi.
3. Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi (J. Xodjayev):
2024-yil 1-fevralga qadar ichki bozorda shakar narxi keskin oʻzgarishining oldini olish va ishlab chiqarish barqarorligini taʼminlash boʻyicha amaliy chora-tadbirlar yuzasidan;
2024-yil 1-oktabrga qadar mazkur Farmonda nazarda tutilgan imtiyozlarning samaradorligini ichki bozorda narxlar va ishlab chiqarishning barqarorligini taʼminlash nuqtai nazaridan baholash natijalariga koʻra imtiyozlar qoʻllashni davom ettirish boʻyicha Oʻzbekiston Respublikasi Prezidenti Administratsiyasiga takliflar kiritsin.
4. Oʻzbekiston Respublikasi Prezidentining ayrim farmonlariga ilovaga muvofiq oʻzgartirishlar kiritilsin.
5. Mazkur Farmonning ijrosini nazorat qilish Bosh vazir oʻrinbosarlari J.A. Qoʻchqorov va J.A. Xodjayev zimmasiga yuklansin.
Oʻzbekiston Respublikasi Prezidentining 2023-yil 28-dekabrdagi PF-217-son Farmoniga ILOVA
Oʻzbekiston Respublikasi Prezidentining ayrim farmonlariga kiritilayotgan oʻzgartirishlar
1. Oʻzbekiston Respublikasi Prezidentining 2022-yil 31-maydagi “Isteʼmol bozorlarida narxlar barqarorligini taʼminlashga va monopoliyaga qarshi choralarning taʼsirchanligini oshirishga doir qoʻshimcha chora-tadbirlar toʻgʻrisida”gi PF-145-son Farmoni 1 va 4-bandlarining birinchi xatboshisidagi hamda 1-ilovaning nomlanishidagi “2024-yil 1-yanvarga qadar” soʻzlari “2025-yil 1-yanvarga qadar” soʻzlari bilan almashtirilsin.
2. Oʻzbekiston Respublikasi Prezidentining 2023-yil 23-martdagi “Isteʼmol bozorlarida narxlar barqarorligini taʼminlashga doir qoʻshimcha chora-tadbirlar toʻgʻrisida”gi PF-41-son Farmonining 1-bandidagi va 1-ilovaning nomlanishidagi “2024-yil 1-yanvarga qadar” soʻzlari “2025-yil 1-yanvarga qadar” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 28-dekabr,
PF-217-son
Президента Республики Узбекистан
Указ
О мерах по обеспечению стабильности цен на основные виды продовольственной продукции на потребительских рынках
В целях укрепления покупательской способности населения, обеспечения удовлетворения его потребностей в основных видах продовольственной и потребительской продукции, а также сдерживания уровня инфляции:
2. Установить, что до 1 января 2027 года применяется нулевая ставка таможенной пошлины при ввозе на территорию Республики Узбекистан масла подсолнечного, сафлорового или хлопкового и их фракций, нерафинированных или рафинированных, но без изменения химического состава (код ТН ВЭД 1512).
3. Правительственной комиссии по вопросам привлечения инвестиций, промышленного развития и регулирования торговли (Ж. Ходжаев) внести в Администрацию Президента Республики Узбекистан предложения:
в срок до 1 февраля 2024 года — о практических мерах по предупреждению резкого изменения цен на сахар на внутреннем рынке и обеспечению стабильности производства;
в срок до 1 октября 2024 года — о продолжении применения льгот, предусмотренных настоящим Указом, по результатам оценки их эффективности с точки зрения обеспечения стабильности цен на внутреннем рынке и производства.
4. Внести изменения в некоторые указы Президента Республики Узбекистан согласно приложению .
5. Контроль за исполнением настоящего Указа возложить на заместителей Премьер-министра Д.А. Кучкарова и Ж.А. Ходжаева.
ПРИЛОЖЕНИЕ к Указу Президента Республики Узбекистан от 28 декабря 2023 года УП-217
Изменения, вносимые в некоторые указы Президента Республики Узбекистан
1. В абзаце первом пунктов 1 и 4 , а также в наименовании приложения № 1 к Указу Президента Республики Узбекистан от 31 мая 2022 года № УП-145 «О дополнительных мерах по обеспечению стабильности цен на потребительских рынках и повышению действенности антимонопольных мер» слова «до 1 января 2024 года» заменить словами «до 1 января 2025 года».
2. В пункте 1 и наименовании приложения № 1 к Указу Президента Республики Узбекистан от 23 марта 2023 года № УП-41 «О дополнительных мерах по обеспечению стабильности цен на потребительских рынках» слова «до 1 января 2024 года» заменить словами «до 1 января 2025 года».
Президент Республики Узбекистан Ш. МИРЗИЁЕВ
г. Ташкент,
28 декабря 2023 г.,
№ УП-217