📅 2023-yil 14-dekabr · Vazirlik va idoralar hujjatlari · Energetika vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 14 декабрь · Вазирлик ва идоралар ҳужжатлари · Энергетика вазири
Расмий матн. Расмий ҳужжат. Таҳририй изоҳлар киритилмаган.
📅 14 декабря 2023 г. · Документы министерств и ведомств · Министр энергетики
Официальный текст. Официальный документ. Редакционные примечания не включены.
📅 14 December 2023 · Ministry and agency documents · Energetika vaziri
Official text. Official document. Editorial notes are not included.
Ўзбекистон Республикаси энергетика вазирининг
буйруғи
«Қаттиқ ёқилғидан фойдаланиш ва уни ҳисобга олиш қоидаларини тасдиқлаш тўғрисида»ги буйруққа ўзгартиришлар киритиш тўғрисида
Ўзбекистон Республикасининг 2023 йил 26 октябрдаги ЎРҚ-872-сон «Ўлчаш воситаларини қиёслашдан ўтказиш соҳасига хусусий сектор жалб қилиниши муносабати билан «Метрология тўғрисида»ги Ўзбекистон Республикаси Қонунига ўзгартириш ва қўшимчалар киритиш ҳақида»ги Қонуни ҳамда Ўзбекистон Республикаси Вазирлар Маҳкамасининг 2019 йил 9 февралдаги 108-сон «Ўзбекистон Республикаси Энергетика вазирлиги тўғрисидаги низомни тасдиқлаш ҳақида»ги қарорига мувофиқ буюраман:
1. Электр энергетикада назорат бўйича давлат инспекцияси бошлиғининг 2010 йил 18 мартдаги 51-сон «Қаттиқ ёқилғидан фойдаланиш ва уни ҳисобга олиш қоидаларини тасдиқлаш тўғрисида»ги буйруғига (рўйхат рақами 2096, 2010 йил 14 апрель) (Ўзбекистон Республикаси қонун ҳужжатлари тўплами, 2010 й., 14-15-сон, 122-модда) иловага мувофиқ ўзгартиришлар киритилсин.
2. Мазкур буйруқ 2024 йил 28 январдан эътиборан кучга киради.
Ўзбекистон Республикаси энергетика вазирининг 2023 йил 14 декабрдаги 03-2023-сон буйруғига ИЛОВА
«Қаттиқ ёқилғидан фойдаланиш ва уни ҳисобга олиш қоидаларини тасдиқлаш тўғрисида»ги буйруққа киритилаётган ўзгартиришлар
1. Буйруқ муқаддимаси қуйидаги таҳрирда баён этилсин:
«Ўзбекистон Республикасининг «Энергиядан оқилона фойдаланиш тўғрисида»ги, «Ер ости бойликлари тўғрисида»ги қонунларига ва Ўзбекистон Республикаси Вазирлар Маҳкамасининг 2019 йил 9 февралдаги 108-сон қарори билан тасдиқланган Ўзбекистон Республикаси Энергетика вазирлиги тўғрисидаги низомга мувофиқ буюраман:».
2. Низомда :
а) муқаддима қуйидаги таҳрирда баён этилсин:
«Мазкур Қоидалар қаттиқ ёқилғидан фойдаланиш ва уни ҳисобга олишнинг тартибини белгилайди.»;
б) 13-банднинг биринчи хатбошисидаги «ишлатиш» деган сўз «фойдаланиш» деган сўз билан алмаштирилсин;
в) 29-банддаги «давлат метрология текширувидан» деган сўзлар «метрология текшируви ва давлат метрология назоратидан» деган сўзлар билан алмаштирилсин.
Вазир Ж. МИРЗАМАҲМУДОВ
Тошкент ш.,
2023 йил 14 декабрь,
03-2023-сон
Oʻzbekiston Respublikasi energetika vazirining
buyrugʻi
“Qattiq yoqilgʻidan foydalanish va uni hisobga olish qoidalarini tasdiqlash toʻgʻrisida”gi buyruqqa oʻzgartirishlar kiritish toʻgʻrisida
Oʻzbekiston Respublikasining 2023-yil 26-oktabrdagi OʻRQ-872-son “Oʻlchash vositalarini qiyoslashdan oʻtkazish sohasiga xususiy sektor jalb qilinishi munosabati bilan “Metrologiya toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida”gi Qonuni hamda Oʻzbekiston Respublikasi Vazirlar Mahkamasining 2019-yil 9-fevraldagi 108-son “Oʻzbekiston Respublikasi Energetika vazirligi toʻgʻrisidagi nizomni tasdiqlash haqida”gi qaroriga muvofiq buyuraman:
1. Elektr energetikada nazorat boʻyicha davlat inspeksiyasi boshligʻining 2010-yil 18-martdagi 51-son “Qattiq yoqilgʻidan foydalanish va uni hisobga olish qoidalarini tasdiqlash toʻgʻrisida”gi buyrugʻiga (roʻyxat raqami 2096, 2010-yil 14-aprel) (Oʻzbekiston Respublikasi qonun hujjatlari toʻplami, 2010-y., 14-15-son, 122-modda) ilovaga muvofiq oʻzgartirishlar kiritilsin.
2. Mazkur buyruq 2024-yil 28-yanvardan eʼtiboran kuchga kiradi.
Oʻzbekiston Respublikasi energetika vazirining 2023-yil 14-dekabrdagi 03-2023-son buyrugʻiga ILOVA
“Qattiq yoqilgʻidan foydalanish va uni hisobga olish qoidalarini tasdiqlash toʻgʻrisida”gi buyruqqa kiritilayotgan oʻzgartirishlar
1. Buyruq muqaddimasi quyidagi tahrirda bayon etilsin:
“Oʻzbekiston Respublikasining “Energiyadan oqilona foydalanish toʻgʻrisida”gi, “Yer osti boyliklari toʻgʻrisida”gi qonunlariga va Oʻzbekiston Respublikasi Vazirlar Mahkamasining 2019-yil 9-fevraldagi 108-son qarori bilan tasdiqlangan Oʻzbekiston Respublikasi Energetika vazirligi toʻgʻrisidagi nizomga muvofiq buyuraman:”.
2. Nizomda :
a) muqaddima quyidagi tahrirda bayon etilsin:
“Mazkur Qoidalar qattiq yoqilgʻidan foydalanish va uni hisobga olishning tartibini belgilaydi.”;
b) 13-bandning birinchi xatboshisidagi “ishlatish” degan soʻz “foydalanish” degan soʻz bilan almashtirilsin;
v) 29-banddagi “davlat metrologiya tekshiruvidan” degan soʻzlar “metrologiya tekshiruvi va davlat metrologiya nazoratidan” degan soʻzlar bilan almashtirilsin.
Vazir J. MIRZAMAHMUDOV
Toshkent sh.,
2023-yil 14-dekabr,
03-2023-son