📅 2023-yil 29-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2023 йил 29 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 29 декабря 2023 г. · Указы Президента
Официальный текст. Официальный документ. Редакционные примечания не включены.
📅 29 December 2023 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Президентининг айрим фармонларига ўзгартиришлар ва қўшимча киритиш тўғрисида
Ўзбекистон Республикасининг «2024 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш мақсадида:
1. Ўзбекистон Республикаси Президентининг айрим фармонларига иловага мувофиқ ўзгартиришлар ва қўшимча киритилсин.
2. Вазирликлар ва идоралар бир ой муддатда ўзлари қабул қилган норматив-ҳуқуқий ҳужжатларни ушбу Фармонга мувофиқлаштирсин.
3. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2023 йил 29 декабрдаги ПФ-221-сон Фармонига ИЛОВА
Ўзбекистон Республикаси Президентининг айрим фармонларига киритилаётган ўзгартиришлар ва қўшимча
1. Ўзбекистон Республикаси Президентининг 2018 йил 20 июндаги «Дори воситаларини давлат рўйхатидан ўтказиш самарадорлигини ошириш ва аҳолини улар билан таъминлашни яхшилаш чора-тадбирлари тўғрисида»ги ПФ-5460-сон Фармони 2-бандининг «а» кичик банди ўз кучини йўқотган деб ҳисоблансин.
2. Ўзбекистон Республикаси Президентининг 2019 йил 14 январдаги «Давлат активларини бошқариш, монополияга қарши курашишни тартибга солиш тизимини ва капитал бозорини тубдан такомиллаштириш чора-тадбирлари тўғрисида»ги ПФ-5630-сон Фармони 6-бандининг «б» кичик банди қуйидаги таҳрирда баён этилсин:
«б) давлат активларини сотишдан тушадиган маблағларнинг (ушбу банднинг «в»-«г» кичик бандлари бундан мустасно):
92 фоизи — Ўзбекистон Республикасининг республика бюджетига;
5 фоизи — Жамғармага;
3 фоизи — Ёшлар сиёсати ва спорт вазирлиги ҳузуридаги Спортни қўллаб-қувватлаш жамғармасига».
3. Ўзбекистон Республикаси Президентининг 2021 йил 30 декабрдаги «Республикада кўкаламзорлаштириш ишларини жадаллаштириш, дарахтлар муҳофазасини янада самарали ташкил этиш чора-тадбирлари тўғрисида» ПФ-46-сон Фармони 8-бандининг «ж» кичик банди қуйидаги таҳрирда баён этилсин:
«ж) дарахт ва буталарнинг зараркунандалари ҳамда касалликларига қарши курашиш тадбирларига туман (шаҳар) ҳокимликларининг таклифига кўра халқ депутатлари туман (шаҳар) Кенгашларининг қарори асосида туман (шаҳар) бюджетларида шаклланган қўшимча манбалар ҳисобидан маблағлар ажратилади».
4. Ўзбекистон Республикаси Президентининг 2022 йил 28 январдаги ПФ-60-сон Фармони билан тасдиқланган 2022 — 2026 йилларга мўлжалланган Янги Ўзбекистоннинг тараққиёт стратегияси 41-мақсадидан олтинчи хатбоши чиқариб ташлансин.
5. Ўзбекистон Республикаси Президентининг 2022 йил 7 мартдаги «Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида»ги ПФ-87-сон Фармони 17-банди қуйидаги мазмундаги хатбоши билан тўлдирилсин:
«Мазкур банднинг учинчи хатбошида назарда тутилган ота-оналар бадалидан озод қилинган тарбияланувчиларнинг давлат мактабгача таълим ташкилотларидаги озиқ-овқат харажатлари тўлиқ давлат бюджетидан қоплаб берилсин».
6. Ўзбекистон Республикаси Президентининг 2023 йил 26 майдаги «Мактабгача ва мактаб таълими вазирлиги ҳамда унинг тизимидаги ташкилотлар фаолиятини самарали ташкил этиш чора-тадбирлари тўғрисида»ги ПФ-79-сон Фармонига 8-илова 18-банди «к» кичик бандининг тўртинчи хатбошиси қуйидаги таҳрирда баён этилсин:
«2030 йил 1 январга қадар мактабгача ва мактаб таълими тизимидаги муассаса ва ташкилотларнинг (вазирлик марказий аппарати ва унинг ҳудудий бўлинмаларидан ташқари) бюджетдан ташқари маблағлари ҳисобидан амалга ошириладиган иш ҳақи ва унга тенглаштирилган тўловларга ижтимоий солиқ ставкаси 1 фоиз миқдорида белгиланади».
7. Ўзбекистон Республикаси Президентининг 2023 йил 20 июндаги «Маъмурий ислоҳотлар доирасида сув хўжалиги соҳасида давлат бошқарувини самарали ташкил қилиш чора-тадбирлари тўғрисида»ги ПФ-101-сон Фармони 7-бандининг иккинчи хатбошиси қуйидаги таҳрирда баён этилсин:
«Белгилансинки, Инспекциянинг марказий аппарати фаолияти Ўзбекистон Республикаси республика бюджети ҳамда унинг ҳудудий бошқармалари фаолияти тегишинча Қорақалпоғистон Республикаси бюджети ва вилоятлар маҳаллий бюджетлари маблағлари ҳисобидан молиялаштирилади».
8. Ўзбекистон Республикаси Президентининг 2023 йил 28 августдаги ПФ-151-сон Фармони билан тасдиқланган Қурилиш ва уй-жой коммунал хўжалиги соҳасида ислоҳотларни чуқурлаштириш ва тизим фаолиятини трансформация қилиш бўйича «йўл харитаси»нинг 16-позицияси «Чора-тадбирлар» устунида:
а) «б» кичик банди «тасарруфидаги бино-иншоотлар,» сўзларидан кейин «белгиланган меъёрлар доирасидаги» сўзлари билан тўлдирилсин;
б) «в» кичик банди ўз кучини йўқотган деб ҳисоблансин;
в) «г» кичик бандида:
иккинчи хатбошидаги «2» рақами «1,8» рақами билан алмаштирилсин;
учинчи хатбоши қуйидаги таҳрирда баён этилсин:
«кўп йиллик ишлаганлик учун ҳар ойлик устама тўловлари Вазирлар Маҳкамаси томонидан тасдиқланадиган тартибга асосан амалга оширилади».
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 29 декабрь,
ПФ-221-сон
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining ayrim farmonlariga oʻzgartirishlar va qoʻshimcha kiritish toʻgʻrisida
Oʻzbekiston Respublikasining “2024-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash maqsadida:
1. Oʻzbekiston Respublikasi Prezidentining ayrim farmonlariga ilovaga muvofiq oʻzgartirishlar va qoʻshimcha kiritilsin.
2. Vazirliklar va idoralar bir oy muddatda oʻzlari qabul qilgan normativ-huquqiy hujjatlarni ushbu Farmonga muvofiqlashtirsin.
3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2023-yil 29-dekabrdagi PF-221-son Farmoniga ILOVA
Oʻzbekiston Respublikasi Prezidentining ayrim farmonlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2018-yil 20-iyundagi “Dori vositalarini davlat roʻyxatidan oʻtkazish samaradorligini oshirish va aholini ular bilan taʼminlashni yaxshilash chora-tadbirlari toʻgʻrisida”gi PF-5460-son Farmoni 2-bandining “a” kichik bandi oʻz kuchini yoʻqotgan deb hisoblansin.
2. Oʻzbekiston Respublikasi Prezidentining 2019-yil 14-yanvardagi “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida”gi PF-5630-son Farmoni 6-bandining “b” kichik bandi quyidagi tahrirda bayon etilsin:
“b) davlat aktivlarini sotishdan tushadigan mablagʻlarning (ushbu bandning “v”-“g” kichik bandlari bundan mustasno):
92 foizi — Oʻzbekiston Respublikasining respublika budjetiga;
5 foizi — Jamgʻarmaga;
3 foizi — Yoshlar siyosati va sport vazirligi huzuridagi Sportni qoʻllab-quvvatlash jamgʻarmasiga”.
3. Oʻzbekiston Respublikasi Prezidentining 2021-yil 30-dekabrdagi “Respublikada koʻkalamzorlashtirish ishlarini jadallashtirish, daraxtlar muhofazasini yanada samarali tashkil etish chora-tadbirlari toʻgʻrisida” PF-46-son Farmoni 8-bandining “j” kichik bandi quyidagi tahrirda bayon etilsin:
“j) daraxt va butalarning zararkunandalari hamda kasalliklariga qarshi kurashish tadbirlariga tuman (shahar) hokimliklarining taklifiga koʻra xalq deputatlari tuman (shahar) Kengashlarining qarori asosida tuman (shahar) budjetlarida shakllangan qoʻshimcha manbalar hisobidan mablagʻlar ajratiladi”.
4. Oʻzbekiston Respublikasi Prezidentining 2022-yil 28-yanvardagi PF-60-son Farmoni bilan tasdiqlangan 2022 — 2026-yillarga moʻljallangan Yangi Oʻzbekistonning taraqqiyot strategiyasi 41-maqsadidan oltinchi xatboshi chiqarib tashlansin.
5. Oʻzbekiston Respublikasi Prezidentining 2022-yil 7-martdagi “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida”gi PF-87-son Farmoni 17-bandi quyidagi mazmundagi xatboshi bilan toʻldirilsin:
“Mazkur bandning uchinchi xatboshida nazarda tutilgan ota-onalar badalidan ozod qilingan tarbiyalanuvchilarning davlat maktabgacha taʼlim tashkilotlaridagi oziq-ovqat xarajatlari toʻliq davlat budjetidan qoplab berilsin”.
6. Oʻzbekiston Respublikasi Prezidentining 2023-yil 26-maydagi “Maktabgacha va maktab taʼlimi vazirligi hamda uning tizimidagi tashkilotlar faoliyatini samarali tashkil etish chora-tadbirlari toʻgʻrisida”gi PF-79-son Farmoniga 8-ilova 18-bandi “k” kichik bandining toʻrtinchi xatboshisi quyidagi tahrirda bayon etilsin:
“2030-yil 1-yanvarga qadar maktabgacha va maktab taʼlimi tizimidagi muassasa va tashkilotlarning (vazirlik markaziy apparati va uning hududiy boʻlinmalaridan tashqari) budjetdan tashqari mablagʻlari hisobidan amalga oshiriladigan ish haqi va unga tenglashtirilgan toʻlovlarga ijtimoiy soliq stavkasi 1 foiz miqdorida belgilanadi”.
7. Oʻzbekiston Respublikasi Prezidentining 2023-yil 20-iyundagi “Maʼmuriy islohotlar doirasida suv xoʻjaligi sohasida davlat boshqaruvini samarali tashkil qilish chora-tadbirlari toʻgʻrisida”gi PF-101-son Farmoni 7-bandining ikkinchi xatboshisi quyidagi tahrirda bayon etilsin:
“Belgilansinki, Inspeksiyaning markaziy apparati faoliyati Oʻzbekiston Respublikasi respublika budjeti hamda uning hududiy boshqarmalari faoliyati tegishincha Qoraqalpogʻiston Respublikasi budjeti va viloyatlar mahalliy budjetlari mablagʻlari hisobidan moliyalashtiriladi”.
8. Oʻzbekiston Respublikasi Prezidentining 2023-yil 28-avgustdagi PF-151-son Farmoni bilan tasdiqlangan Qurilish va uy-joy kommunal xoʻjaligi sohasida islohotlarni chuqurlashtirish va tizim faoliyatini transformatsiya qilish boʻyicha “yoʻl xaritasi”ning 16-pozitsiyasi “Chora-tadbirlar” ustunida:
a) “b” kichik bandi “tasarrufidagi bino-inshootlar,” soʻzlaridan keyin “belgilangan meʼyorlar doirasidagi” soʻzlari bilan toʻldirilsin;
b) “v” kichik bandi oʻz kuchini yoʻqotgan deb hisoblansin;
v) “g” kichik bandida:
ikkinchi xatboshidagi “2” raqami “1,8” raqami bilan almashtirilsin;
uchinchi xatboshi quyidagi tahrirda bayon etilsin:
“koʻp yillik ishlaganlik uchun har oylik ustama toʻlovlari Vazirlar Mahkamasi tomonidan tasdiqlanadigan tartibga asosan amalga oshiriladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2023-yil 29-dekabr,
PF-221-son
Президента Республики Узбекистан
Указ
О внесении изменений и дополнений в отдельные указы Президента Республики Узбекистан
В целях обеспечения исполнения Закона Республики Узбекистан «О Государственном бюджете Республики Узбекистан на 2024 год»:
1. Внести изменения и дополнения в отдельные указы Президента Республики Узбекистан согласно приложению .
2. Министерствам и ведомствам в месячный срок привести принятые ими нормативно-правовые акты в соответствие с настоящим Указом.
3. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 29 декабря 2023 года № УП-221
Изменения и дополнения, вносимые в отдельные указы Президента Республики Узбекистан
1. Подпункт «а» пункта 2 Указа Президента Республики Узбекистан от 20 июня 2018 года № УП-5460 «О мерах по повышению эффективности государственной регистрации лекарственных средств и улучшению обеспечения ими населения» признать утратившим силу.
2. Подпункт «б» пункта 6 Указа Президента Республики Узбекистан от 14 января 2019 года № УП-5630 «О мерах по коренному совершенствованию системы управления государственными активами, антимонопольного регулирования и рынка капитала» изложить в следующей редакции:
«б) от реализации государственных активов (за исключением подпунктов «в»-«г» настоящего пункта):
92 процента — в республиканский бюджет Республики Узбекистан;
5 процентов — в Фонд;
3 процента — в Фонд поддержки спорта при Министерстве молодежной политики и спорта;».
3. Подпункт «ж» пункта 8 Указа Президента Республики Узбекистан от 30 декабря 2021 года № УП-46 «О мерах по ускорению работ по озеленению и дальнейшей эффективной организации охраны деревьев в республике» изложить в следующей редакции:
«ж) на мероприятия по борьбе с вредителями и болезнями деревьев и кустарников выделяются средства за счет дополнительных источников, сформированных в бюджетах районов (городов) на основании решений Кенгашей народных депутатов районов (городов) по предложению хокимиятов районов (городов).».
4. Из цели 41 Стратегии развития Нового Узбекистана на 2022 — 2026 годы, утвержденной Указом Президента Республики Узбекистан от 28 января 2022 года № УП-60, абзац шестой исключить.
5. Пункт 17 Указа Президента Республики Узбекистан от 7 марта 2022 года № УП-87 «О мерах по дальнейшему ускорению работы по системной поддержке семьи и женщин» дополнить абзацем следующего содержания:
«Расходы на питание воспитанников, освобожденных от уплачиваемого в государственные дошкольные образовательные организации родительского взноса, предусмотренного в абзаце третьем настоящего пункта, покрыть из Государственного бюджета в полном объеме.».
6. Абзац четвертый подпункта «к» пункта 18 приложения № 8 к Указу Президента Республики Узбекистан от 26 мая 2023 года № УП-79 «О мерах по эффективной организации деятельности Министерства дошкольного и школьного образования и организаций в его системе»:
«до 1 января 2030 года ставка социального налога на заработную плату и приравненные к ней платежи, осуществляемые за счет внебюджетных средств учреждений и организаций в системе дошкольного и школьного образования (за исключением центрального аппарата Министерства и его территориальных подразделений), устанавливается в размере 1 процента.».
7. Абзац второй пункта 7 Указа Президента Республики Узбекистан от 20 июня 2023 года № УП-101 «О мерах по эффективной организации государственного управления в сфере водного хозяйства в рамках административных реформ» изложить в следующей редакции:
«Установить, что деятельность центрального аппарата Инспекции финансируется за счет республиканского бюджета Республики Узбекистан, а также деятельность его территориальных управлений — за счет средств республиканского бюджета Республики Каракалпакстан и местных бюджетов областей соответственно.».
8. В графе «Мероприятия» позиции 16 «Дорожной карты» по углублению реформ в сфере строительства и жилищно-коммунального хозяйства и трансформации деятельности системы, утвержденной Указом Президента Республики Узбекистан от 28 августа 2023 года № УП-151:
а) подпункт «б» после слов «автотранспортных средств» дополнить словами «в пределах установленных норм»;
б) подпункт «в» признать утратившим силу;
в) в подпункте «г»:
в абзаце втором слово «двукратном» заменить словом «1,8-кратном»;
абзац третий изложить в следующей редакции:
«выплачиваются ежемесячные надбавки за выслугу лет на основании порядка, утвержденного Кабинетом Министров».
Президент Республики Узбекистан Ш. МИРЗИЁЕВ
г. Ташкент,
29 декабря 2023 г.,
№ УП-221