📅 2024-yil 10-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 10 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 января 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 10 January 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим қарорларига ижтимоий соҳа ходимларининг ҳар ойлик иш ҳақига қўшимча устамалар белгиланадиган олис ва чекка ҳудудлар рўйхатларини янада кенгайтиришга қаратилган ўзгартириш ва қўшимчалар киритиш тўғрисида
Сўнгги йилларда мамлакатимизда ижтимоий соҳа ходимларини ҳар томонлама қўллаб-қувватлаш, уларнинг меҳнатини янада рағбатлантириш, ҳуқуқий мақомини белгилаш ва обрўсини ошириш бўйича кенг қамровли ислоҳотлар амалга оширилмоқда.
Республикамизнинг олис ва чекка ҳудудларида фаолият юритаётган ижтимоий соҳа ходимларининг меҳнатини рағбатлантириш учун устамалар бериш тизими жорий қилинган ҳудудлар рўйхатларини янада кенгайтириш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартиришлар киритилсин:
умумий ўрта таълим муассасаларида бошқа ҳудудлардан келиб фаолият юритаётган педагог ходимларга махсус устама белгиланадиган ҳудудлар рўйхатига Фарғона туманининг «Ҳосилот» ҳамда Риштон туманининг «Чўнғара» маҳалла фуқаролар йиғинларини ва Қашқадарё вилоятининг Кўкдала туманидаги айрим ҳудудларни киритиш;
бирламчи тиббий-санитария муассасаларида фаолият юритаётган шифокорлар ойлик иш ҳақига қўшимча ҳар ойлик устама тўланадиган олис ва чекка ҳудудлар рўйхатига Қашқадарё вилоятининг Кўкдала туманидаги айрим ҳудудларни киритиш.
2. Ўзбекистон Республикаси Мактабгача ва мактаб таълими вазирлиги Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда 2024 йил 1 июнга қадар умумий ўрта таълим муассасаларида бошқа ҳудудлардан келиб фаолият юритаётган педагог ходимларга махсус устама белгиланадиган ҳудудлар рўйхатларини қайта кўриб чиқсин ҳамда Вазирлар Маҳкамасига таклиф киритсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Вазирлар Маҳкамасининг 2024 йил 10 январдаги 19-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг «Олис ҳудудларда жойлашган умумий ўрта таълим муассасаларида фаолият юритаётган педагог ходимларнинг меҳнатини янада рағбатлантириш тўғрисида» 2019 йил 7 июндаги 471-сон қарорида :
1) 3-банднинг биринчи хатбошисидаги «Халқ таълими вазирлиги» сўзлари «Мактабгача ва мактаб таълими вазирлиги» сўзлари билан алмаштирилсин;
2) 1-иловада :
а) 4. «Қашқадарё вилояти» графаси:
«Чироқчи тумани» позицияси қуйидаги таҳрирда баён этилсин:
« Чироқчи тумани «Лангар» маҳалла фуқаролар йиғини (МФЙ) «Тарағай» маҳалла фуқаролар йиғини (МФЙ) «Қуруқсой» маҳалла фуқаролар йиғини (МФЙ) «Янгиҳаёт» маҳалла фуқаролар йиғини (МФЙ) «Қўшанҳор» маҳалла фуқаролар йиғини (МФЙ) «Пахталисой» маҳалла фуқаролар йиғини (МФЙ) «Шўрқудуқ» маҳалла фуқаролар йиғини (МФЙ) «Наврўз» маҳалла фуқаролар йиғини (МФЙ) «Галабек» маҳалла фуқаролар йиғини (МФЙ) »;
қуйидаги мазмундаги «Кўкдала тумани» позицияси билан тўлдирилсин:
« Кўкдала тумани «Талоқтепа» маҳалла фуқаролар йиғини (МФЙ) «Умакай» маҳалла фуқаролар йиғини (МФЙ) «Айритом» маҳалла фуқаролар йиғини (МФЙ) «Эски Анҳор» маҳалла фуқаролар йиғини (МФЙ) «Ҳардури» маҳалла фуқаролар йиғини (МФЙ) «Қаноатли» маҳалла фуқаролар йиғини (МФЙ) «Чорвадор» маҳалла фуқаролар йиғини (МФЙ) «Тошли» маҳалла фуқаролар йиғини (МФЙ) «Гулистон» маҳалла фуқаролар йиғини (МФЙ) «Шўрбозор» маҳалла фуқаролар йиғини (МФЙ) «Хушали» маҳалла фуқаролар йиғини (МФЙ) »;
б) «11. Фарғона вилояти» графаси:
«Махсус устама белгиланаётган ҳудуд» устунидаги «Қўрғонтепа» маҳалла фуқаролар йиғини (МФЙ) позициясидан сўнг қуйидаги мазмундаги позиция билан тўлдирилсин:
« «Ҳосилот» маҳалла фуқаролар йиғини (МФЙ) »;
қуйидаги мазмундаги позиция билан тўлдирилсин:
« Риштон тумани «Чўнғара» маҳалла фуқаролар йиғини (МФЙ) »;
в) изоҳ қисми чиқариб ташлансин.
2. Вазирлар Маҳкамасининг 2022 йил 19 сентябрдаги 510-сон қарори билан тасдиқланган Бирламчи тиббий-санитария муассасаларида фаолият юритаётган шифокорлар ойлик иш ҳақига қўшимча ҳар ойлик устама тўланадиган олис ва чекка ҳудудлар рўйхатида :
а) «4. Қашқадарё вилояти» графасининг 83 — 90 позициялари қуйидаги таҳрирда баён этилсин:
« 83. Чироқчи тумани «Мирзатуп» МФЙ 84. «Араббанди» МФЙ 85. «Чамбил» МФЙ 86. Кўкдала тумани «Эски анҳор» МФЙ 87. «Шўрқудуқ» МФЙ 88. «Чорвадор» МФЙ 89. «Шўрбозор» МФЙ 90. «Гулистон» МФЙ »;
б) изоҳ қисми чиқариб ташлансин.
Ўзбекистон Республикасининг Бош вазири А. АРИПОВ
Тошкент ш.,
2024 йил 10 январь,
19-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga ijtimoiy soha xodimlarining har oylik ish haqiga qoʻshimcha ustamalar belgilanadigan olis va chekka hududlar roʻyxatlarini yanada kengaytirishga qaratilgan oʻzgartirish va qoʻshimchalar kiritish toʻgʻrisida
Soʻnggi yillarda mamlakatimizda ijtimoiy soha xodimlarini har tomonlama qoʻllab-quvvatlash, ularning mehnatini yanada ragʻbatlantirish, huquqiy maqomini belgilash va obroʻsini oshirish boʻyicha keng qamrovli islohotlar amalga oshirilmoqda.
Respublikamizning olis va chekka hududlarida faoliyat yuritayotgan ijtimoiy soha xodimlarining mehnatini ragʻbatlantirish uchun ustamalar berish tizimi joriy qilingan hududlar roʻyxatlarini yanada kengaytirish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirishlar kiritilsin:
umumiy oʻrta taʼlim muassasalarida boshqa hududlardan kelib faoliyat yuritayotgan pedagog xodimlarga maxsus ustama belgilanadigan hududlar roʻyxatiga Fargʻona tumanining “Hosilot” hamda Rishton tumanining “Choʻngʻara” mahalla fuqarolar yigʻinlarini va Qashqadaryo viloyatining Koʻkdala tumanidagi ayrim hududlarni kiritish;
birlamchi tibbiy-sanitariya muassasalarida faoliyat yuritayotgan shifokorlar oylik ish haqiga qoʻshimcha har oylik ustama toʻlanadigan olis va chekka hududlar roʻyxatiga Qashqadaryo viloyatining Koʻkdala tumanidagi ayrim hududlarni kiritish.
2. Oʻzbekiston Respublikasi Maktabgacha va maktab taʼlimi vazirligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda 2024-yil 1-iyunga qadar umumiy oʻrta taʼlim muassasalarida boshqa hududlardan kelib faoliyat yuritayotgan pedagog xodimlarga maxsus ustama belgilanadigan hududlar roʻyxatlarini qayta koʻrib chiqsin hamda Vazirlar Mahkamasiga taklif kiritsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Vazirlar Mahkamasining 2024-yil 10-yanvardagi 19-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Olis hududlarda joylashgan umumiy oʻrta taʼlim muassasalarida faoliyat yuritayotgan pedagog xodimlarning mehnatini yanada ragʻbatlantirish toʻgʻrisida” 2019-yil 7-iyundagi 471-son qarorida :
1) 3-bandning birinchi xatboshisidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;
2) 1-ilovada :
a) 4. “Qashqadaryo viloyati” grafasi:
“Chiroqchi tumani” pozitsiyasi quyidagi tahrirda bayon etilsin:
“ Chiroqchi tumani “Langar” mahalla fuqarolar yigʻini (MFY) “Taragʻay” mahalla fuqarolar yigʻini (MFY) “Quruqsoy” mahalla fuqarolar yigʻini (MFY) “Yangihayot” mahalla fuqarolar yigʻini (MFY) “Qoʻshanhor” mahalla fuqarolar yigʻini (MFY) “Paxtalisoy” mahalla fuqarolar yigʻini (MFY) “Shoʻrquduq” mahalla fuqarolar yigʻini (MFY) “Navroʻz” mahalla fuqarolar yigʻini (MFY) “Galabek” mahalla fuqarolar yigʻini (MFY) ”;
quyidagi mazmundagi “Koʻkdala tumani” pozitsiyasi bilan toʻldirilsin:
“ Koʻkdala tumani “Taloqtepa” mahalla fuqarolar yigʻini (MFY) “Umakay” mahalla fuqarolar yigʻini (MFY) “Ayritom” mahalla fuqarolar yigʻini (MFY) “Eski Anhor” mahalla fuqarolar yigʻini (MFY) “Harduri” mahalla fuqarolar yigʻini (MFY) “Qanoatli” mahalla fuqarolar yigʻini (MFY) “Chorvador” mahalla fuqarolar yigʻini (MFY) “Toshli” mahalla fuqarolar yigʻini (MFY) “Guliston” mahalla fuqarolar yigʻini (MFY) “Shoʻrbozor” mahalla fuqarolar yigʻini (MFY) “Xushali” mahalla fuqarolar yigʻini (MFY) ”;
b) “11. Fargʻona viloyati” grafasi:
“Maxsus ustama belgilanayotgan hudud” ustunidagi “Qoʻrgʻontepa” mahalla fuqarolar yigʻini (MFY) pozitsiyasidan soʻng quyidagi mazmundagi pozitsiya bilan toʻldirilsin:
“ “Hosilot” mahalla fuqarolar yigʻini (MFY) ”;
quyidagi mazmundagi pozitsiya bilan toʻldirilsin:
“ Rishton tumani “Choʻngʻara” mahalla fuqarolar yigʻini (MFY) ”;
v) izoh qismi chiqarib tashlansin.
2. Vazirlar Mahkamasining 2022-yil 19-sentabrdagi 510-son qarori bilan tasdiqlangan Birlamchi tibbiy-sanitariya muassasalarida faoliyat yuritayotgan shifokorlar oylik ish haqiga qoʻshimcha har oylik ustama toʻlanadigan olis va chekka hududlar roʻyxatida :
a) “4. Qashqadaryo viloyati” grafasining 83 — 90 pozitsiyalari quyidagi tahrirda bayon etilsin:
“ 83. Chiroqchi tumani “Mirzatup” MFY 84. “Arabbandi” MFY 85. “Chambil” MFY 86. Koʻkdala tumani “Eski anhor” MFY 87. “Shoʻrquduq” MFY 88. “Chorvador” MFY 89. “Shoʻrbozor” MFY 90. “Guliston” MFY ”;
b) izoh qismi chiqarib tashlansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 10-yanvar,
19-son