📅 2024-yil 9-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 9 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 9 января 2024 г. · Постановления Президента
Официальный текст. Официальный документ. Редакционные примечания не включены.
📅 9 January 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
2024 йилда янги иш ўринларини ташкил этиш ва аҳоли бандлигига кўмаклашиш дастури тўғрисида
[Кўчирма]
Тадбиркорлик фаолиятини қўллаб-қувватлаш ва янги иш ўринларини яратишга қаратилган имтиёзли ресурслар, механизм ва енгилликлардан фойдаланиш самарадорлигини ошириш орқали аҳоли бандлигини таъминлаш, иқтисодиёт тармоқларида расмий банд бўлган фуқароларни рағбатлантириш тизимини такомиллаштириш мақсадида:
1. Камбағалликни қисқартириш ва бандлик вазирлиги томонидан масъул вазирликлар, идоралар, тижорат банклари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда ишлаб чиқилган, қуйидагиларни ўз ичига олувчи 2024 йилда янги иш ўринларини ташкил этиш ва аҳоли бандлигига кўмаклашиш дастури (кейинги ўринларда — Дастур) маъқуллансин:
2024 йилда 5 миллион аҳолининг доимий, мавсумий ва вақтинчалик ишларда бандлигини таъминлашнинг йиғма мақсадли кўрсаткичлари 1-иловага * мувофиқ;
2024 йилда йирик ва ҳудудий инвестиция лойиҳаларини ишга тушириш ҳисобига янги иш ўринларини ташкил этишнинг мақсадли кўрсаткичлари 1.1-иловага * мувофиқ;
2024 йилда хизмат кўрсатиш соҳасини ривожлантириш ҳисобига аҳоли бандлигини таъминлаш ва янги иш ўринларини ташкил этишнинг мақсадли кўрсаткичлари 1.2-иловага * мувофиқ;
2024 йилда қишлоқ хўжалиги соҳасида аҳолини доимий ва мавсумий ишларда банд қилишнинг мақсадли кўрсаткичлари 1.3-иловага * мувофиқ;
2024 йилда қурилиш соҳасида аҳолини доимий ва вақтинчалик ишларда банд қилишнинг мақсадли кўрсаткичлари 1.4-иловага * мувофиқ;
янги молиявий хизмат турларини жорий қилиш, шу жумладан микромолиялашни кенгайтириш орқали 2024 йилда 2 миллион аҳолини бизнесга жалб қилишнинг мақсадли кўрсаткичлари 2-иловага * мувофиқ.
2. Дастурнинг амалга оширилишини молиявий қўллаб-қувватлаш мақсадида 3-иловага * мувофиқ 83 триллион сўм ва халқаро молия институтларининг 274,5 миллион АҚШ доллари миқдоридаги маблағлари, шу жумладан:
кичик тадбиркорлик субъектларига кредитлар ажратиш учун — 41 триллион сўм;
микромолиявий хизматлар кўрсатиш учун — 40 триллион сўм;
«Тадбиркорликни ривожлантириш компанияси» АЖ томонидан кичик ва ўрта бизнес лойиҳаларини молиялаштириш учун — 1,5 триллион сўм;
аҳоли бандлигига кўмаклашиш ва иш берувчиларни рағбатлантириш бўйича кўрсатиладиган хизматлар учун — 462 миллиард сўм;
тадбиркорлик лойиҳаларини молиялаштириш учун-халқаро молия институтларининг 274,5 миллион АҚШ доллари миқдоридаги маблағлари йўналтирилсин.
3. Ўзини ўзи банд қилган шахсларнинг тадбиркорлик фаолиятини бошлашини рағбатлантириш мақсадида:
а) Марказий банк, «Ўзмиллийбанк» АЖ ва бошқа давлат иштирокидаги тижорат банкларининг қуйидаги таклифлари маъқуллансин:
ижтимоий солиқ тўлаётган ўзини ўзи банд қилган шахслар учун «Бизнесга биринчи қадам» банк карталари орқали 5 миллион сўмгача миқдорда бир йил муддатгача микроқарзлар тақдим этиш;
камида 6 ой фаолият юритган ва ҳисобварақларида (банк карталарида) пул айланмаларини амалга оширган кичик тадбиркорлик субъектларига фаолиятини кенгайтириш учун микрокредитлар ажратиш;
мазкур кичик банддаги тадбирларни молиялаштириш учун 2024 йилда тижорат банклари томонидан 1 триллион сўм, шу жумладан «Ўзмиллийбанк» АЖ томонидан 100 миллиард сўм маблағ ажратиш;
б) «Бизнесни ривожлантириш банки» АТБ икки ой муддатда қуйидагиларни назарда тутувчи «Менинг бизнесим» электрон платформасини жорий этсин:
меҳнат стажига эга бўлмаган фуқароларни касб-ҳунарга ўқитиш орқали уларнинг бандлигини таъминлашга кўмаклашиш;
аҳолига бизнесни йўлга қўйиш учун кредитлар ажратиш;
фаолиятини бошлаган тадбиркорлик субъектларига маҳсулотини сотиш ва хизмат кўрсатиш учун бозорлар топишга кўмаклашиш;
в) ўзини ўзи банд қилган шахсларга тадбиркорлик фаолиятини бошлаши учун «Бизнесни ривожлантириш банки» АТБ томонидан 100 миллион сўмгача гаровсиз ажратиладиган кредитларнинг 50 фоизини уларнинг банк картасига ўтказиб беришга рухсат берилсин.
4. Белгилансинки, 2024 йил 1 январдан 2025 йил 1 январга қадар микрофирма ва кичик корхоналар томонидан яратилган ҳар бир янги иш ўрни учун ойлик иш ҳақи бўйича тўланган жисмоний шахслардан олинадиган даромад солиғининг 50 фоизи республика бюджетидан иш берувчига (ҳар бир ишчи учун базавий ҳисоблаш миқдорининг икки баробаридан ошмаган миқдорда) қайтариб берилади ҳамда уларга ижтимоий солиқ ставкаси 50 фоизга камайтирилган ҳолда қўлланади.
Бунда, мазкур имтиёз «Ижтимоий ҳимоя ягона реестри»га киритилган фуқаролар ишга қабул қилинганда ҳамда ушбу фуқароларга ҳар бир ой учун иш ҳақи миқдори меҳнатга ҳақ тўлашнинг энг кам миқдоридан кам бўлмаган миқдорда ҳисобланганда қўлланади.
5. 2021 — 2023 йилларда 3,2 триллион сўмлик марказлашган маблағлар ҳисобидан ташқи инфратузилма билан тўлиқ таъминланган 160 та махсус иқтисодий ва кичик саноат зоналарида (кейинги ўринларда — саноат зоналари) инвестиция лойиҳалари жойлаштирилишини жадаллаштириш мақсадида:
а) Инвестициялар, саноат ва савдо вазирлиги ҳамда Савдо-саноат палатаси:
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 2024 йил 1 мартга қадар саноат зоналарида жойлаштириш учун истиқболли лойиҳалар рўйхатини Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссиясига киритсин;
лойиҳаларни ишга туширишгача бўлган барча жараёнларда лойиҳа ташаббускорларига ҳамроҳлик қилсин ҳамда уларнинг маҳсулотига бозор топишга кўмаклашсин;
б) Иқтисодиёт ва молия вазирлиги Инвестициялар, саноат ва савдо вазирлиги билан биргаликда 2024 йилда республика бюджетида саноат зоналарини инфратузилма билан таъминлаш учун кўзда тутилган 1,5 триллион сўм маблағларнинг мақсадли равишда ўз вақтида тўлиқ молиялаштирилишини таъминласин.
6. Тадбиркорлик фаолиятини амалга ошириш учун қишлоқ хўжалигига мўлжалланмаган ер участкаларидан фойдаланиш самарадорлигини ошириш мақсадида Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
2024 йил 1 мартга қадар 2018 — 2022 йилларда реализация қилинган ер участкаларини хатловдан ўтказсин ва ишга туширилмаган лойиҳалар рўйхатини шакллантирсин;
Савдо-саноат палатаси, Тадбиркорларнинг ҳуқуқларини ҳимоя қилиш бўйича вакил, Қурилиш ва уй-жой коммунал хўжалиги вазирлиги ҳамда тижорат банклари билан биргаликда 2024 йил 1 апрелга қадар лойиҳаларни ишга тушириш, шу жумладан молиявий қўллаб-қувватлаш, инфратузилма тармоқларига улаш, асбоб-ускуналарни ишга тушириш, рухсат бериш ҳужжатларини олишга кўмаклашиш бўйича «йўл хариталари»ни тасдиқласин.
7. Қишлоқ хўжалиги вазирлиги Маҳаллабай ишлаш ва тадбиркорликни ривожлантириш агентлиги, маҳаллий ҳокимликлар ва тижорат банклари билан биргаликда 2024 йилда «агрегатор» тизими асосида қуйидагиларни назарда тутувчи «100 минг экспортчи деҳқон» дастурини жорий қилсин:
2022-2023 йилларда деҳқон хўжаликларига ажратилган ер участкаларида маҳсулот етиштириш самарадорлигини баҳолаш асосида юқори қийматли экспортбоп маҳсулотлар етиштиришни йўлга қўйишга кўмаклашиш;
2024 йилда экспортбоп маҳсулотлар етиштириш учун майдони 1 гектаргача бўлган жами 15 минг гектар ер участкасини электрон онлайн аукцион савдоларига чиқариш;
лойиҳа ташаббускорларига «Кичик бизнесни узлуксиз қўллаб-қувватлаш» комплекс дастури доирасида 100 миллион сўмгача гаровсиз, 150 миллион сўмгача гаров талаби 50 фоизгача пасайтирилган кредитлар ажратиш, шунингдек, 1,5 миллиард сўмгача лизинг хизматларини кўрсатиш;
йирик томорқа ер эгаларининг сув чиқариш, кичик техникалар харид қилиш ва оилавий тадбиркорлик дастурлари доирасидаги лойиҳаларига ажратиладиган кредитларнинг 50 фоиз қисмини банк картасига ўтказиб бериш;
катта ҳажмли совиткичли омборларни ташкил қилиш учун «Тадбиркорликни ривожлантириш компанияси» АЖнинг 10 миллиард сўмгача 7 йил муддатга хизматлар ипотекасини тақдим этиш.
8. Ҳисоб палатаси ушбу қарорга 3-иловага * мувофиқ халқаро молия институтларидан жалб қилинган маблағларнинг ўзлаштирилишини таҳлил қилиб борсин.
9. 2024 йилда янги иш ўринларини ташкил этиш ва аҳоли бандлигига кўмаклашиш дастурини амалга ошириш бўйича «йўл харитаси» 4-иловага * мувофиқ тасдиқлансин.
10. 2024 йил 1 февралдан шундай тартиб ўрнатилсинки, унга мувофиқ:
Камбағалликни қисқартириш ва бандлик вазирлиги ҳар ойнинг 15-санасига қадар Дастур доирасида яратилган янги иш ўринлари ва бандлиги таъминланган аҳоли тўғрисидаги маълумотларни идоралараро электрон ахборот алмашинуви орқали Солиқ қўмитасига тақдим этади;
Солиқ қўмитаси ҳар ойнинг 20-санасига қадар аҳоли бандлиги ва иш ўринлари ҳисобининг ҳаққонийлигини текшириб, натижалари бўйича маълумотни Вазирлар Маҳкамасига киритиб боради.
11. Камбағалликни қисқартириш ва бандлик вазирлиги, Статистика агентлиги уч ой муддатда Халқаро меҳнат ташкилоти мезонлари асосида аҳоли бандлиги ва ишсизлик ҳисобини юритишнинг янги методологиясини Вазирлар Маҳкамасига киритсин.
12. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари икки ҳафта муддатда туман (шаҳар)лар кесимида чораклик мақсадли кўрсаткичларни ишлаб чиқиб, уларнинг Қорақалпоғистон Республикаси Жўқорғи Кенгеси, халқ депутатлари вилоят, туман (шаҳар) Кенгашларида муҳокамадан ўтказилишини ва ҳудудий (манзилли) дастурларнинг қабул қилинишини таъминласин.
13. Савдо-саноат палатаси Тадбиркорларнинг ҳуқуқларини ҳимоя қилиш бўйича вакил, Иқтисодиёт ва молия вазирлиги, Инвестициялар, саноат ва савдо вазирлиги ҳамда манфаатдор идоралар билан биргаликда бир ҳафта муддатда ҳудудларда сайёр қабуллар ўтказиш режа-графигини тасдиқласин, тадбиркорлик субъектлари томонидан кўтарилган масалаларни жойида ҳал қилиш чораларини кўриб борсин ва мурожаатлар таҳлили асосида тадбиркорликни ривожлантириш бўйича Вазирлар Маҳкамасига ҳар ойда таклифлар киритиб борсин.
14. Қуйидагилар Дастур ижросини таъминлашга шахсан масъул этиб белгилансин:
инвестициялар, саноат ва савдо вазири Л.Ш. Кудратов, Савдо-саноат палатаси раиси Д.А. Ваҳобов, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари, вазирлик ва идоралар раҳбарлари — йирик ва ҳудудий инвестиция лойиҳалари бўйича;
иқтисодиёт ва молия вазирининг биринчи ўринбосари И.И. Норқулов, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари — хизмат кўрсатиш йўналиши бўйича;
қишлоқ хўжалиги вазири И.Ю. Абдурахмонов, Ўзбекистон фермер, деҳқон хўжаликлари ва томорқа ер эгалари кенгаши раиси А.А. Хаитов, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари — қишлоқ хўжалиги йўналиши бўйича;
қурилиш ва уй-жой коммунал хўжалиги вазири вазифасини вақтинчалик бажарувчи Ш.С. Хидоятов, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари — қурилиш йўналиши бўйича;
камбағалликни қисқартириш ва бандлик вазири Б.А. Мусаев — бандлик органлари томонидан аҳоли бандлигини таъминлаш ва яратилган иш ўринлари ҳисобини юритиш бўйича;
Марказий банк раиси ўринбосари А.А. Турдалиев ва тижорат банклари раислари — янги молиявий хизматларни жорий қилиш, шу жумладан микромолиялашни кенгайтириш орқали 2024 йилда 2 миллион аҳолини бизнесга жалб қилиш бўйича.
Аҳолини кичик ва ўрта бизнесга кенг жалб қилиш бўйича республика комиссияси (Ж.А. Қўчқоров) ҳар чоракда Дастур ижросини танқидий муҳокама қилиб, Ўзбекистон Республикаси Президенти Администрациясига ахборот киритиб борсин.
15. Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 9 январь,
ПҚ-7-сон
Oʻzbekiston Respublikasi Prezidentining
Qarori
2024-yilda yangi ish oʻrinlarini tashkil etish va aholi bandligiga koʻmaklashish dasturi toʻgʻrisida
[Koʻchirma]
Tadbirkorlik faoliyatini qoʻllab-quvvatlash va yangi ish oʻrinlarini yaratishga qaratilgan imtiyozli resurslar, mexanizm va yengilliklardan foydalanish samaradorligini oshirish orqali aholi bandligini taʼminlash, iqtisodiyot tarmoqlarida rasmiy band boʻlgan fuqarolarni ragʻbatlantirish tizimini takomillashtirish maqsadida:
1. Kambagʻallikni qisqartirish va bandlik vazirligi tomonidan masʼul vazirliklar, idoralar, tijorat banklari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ishlab chiqilgan, quyidagilarni oʻz ichiga oluvchi 2024-yilda yangi ish oʻrinlarini tashkil etish va aholi bandligiga koʻmaklashish dasturi (keyingi oʻrinlarda — Dastur) maʼqullansin:
2024-yilda 5 million aholining doimiy, mavsumiy va vaqtinchalik ishlarda bandligini taʼminlashning yigʻma maqsadli koʻrsatkichlari 1-ilovaga * muvofiq;
2024-yilda yirik va hududiy investitsiya loyihalarini ishga tushirish hisobiga yangi ish oʻrinlarini tashkil etishning maqsadli koʻrsatkichlari 1.1-ilovaga * muvofiq;
2024-yilda xizmat koʻrsatish sohasini rivojlantirish hisobiga aholi bandligini taʼminlash va yangi ish oʻrinlarini tashkil etishning maqsadli koʻrsatkichlari 1.2-ilovaga * muvofiq;
2024-yilda qishloq xoʻjaligi sohasida aholini doimiy va mavsumiy ishlarda band qilishning maqsadli koʻrsatkichlari 1.3-ilovaga * muvofiq;
2024-yilda qurilish sohasida aholini doimiy va vaqtinchalik ishlarda band qilishning maqsadli koʻrsatkichlari 1.4-ilovaga * muvofiq;
yangi moliyaviy xizmat turlarini joriy qilish, shu jumladan mikromoliyalashni kengaytirish orqali 2024-yilda 2 million aholini biznesga jalb qilishning maqsadli koʻrsatkichlari 2-ilovaga * muvofiq.
2. Dasturning amalga oshirilishini moliyaviy qoʻllab-quvvatlash maqsadida 3-ilovaga * muvofiq 83 trillion soʻm va xalqaro moliya institutlarining 274,5 million AQSh dollari miqdoridagi mablagʻlari, shu jumladan:
kichik tadbirkorlik subyektlariga kreditlar ajratish uchun — 41 trillion soʻm;
mikromoliyaviy xizmatlar koʻrsatish uchun — 40 trillion soʻm;
“Tadbirkorlikni rivojlantirish kompaniyasi” AJ tomonidan kichik va oʻrta biznes loyihalarini moliyalashtirish uchun — 1,5 trillion soʻm;
aholi bandligiga koʻmaklashish va ish beruvchilarni ragʻbatlantirish boʻyicha koʻrsatiladigan xizmatlar uchun — 462 milliard soʻm;
tadbirkorlik loyihalarini moliyalashtirish uchun-xalqaro moliya institutlarining 274,5 million AQSh dollari miqdoridagi mablagʻlari yoʻnaltirilsin.
3. Oʻzini oʻzi band qilgan shaxslarning tadbirkorlik faoliyatini boshlashini ragʻbatlantirish maqsadida:
a) Markaziy bank, “Oʻzmilliybank” AJ va boshqa davlat ishtirokidagi tijorat banklarining quyidagi takliflari maʼqullansin:
ijtimoiy soliq toʻlayotgan oʻzini oʻzi band qilgan shaxslar uchun “Biznesga birinchi qadam” bank kartalari orqali 5 million soʻmgacha miqdorda bir yil muddatgacha mikroqarzlar taqdim etish;
kamida 6 oy faoliyat yuritgan va hisobvaraqlarida (bank kartalarida) pul aylanmalarini amalga oshirgan kichik tadbirkorlik subyektlariga faoliyatini kengaytirish uchun mikrokreditlar ajratish;
mazkur kichik banddagi tadbirlarni moliyalashtirish uchun 2024-yilda tijorat banklari tomonidan 1 trillion soʻm, shu jumladan “Oʻzmilliybank” AJ tomonidan 100 milliard soʻm mablagʻ ajratish;
b) “Biznesni rivojlantirish banki” ATB ikki oy muddatda quyidagilarni nazarda tutuvchi “Mening biznesim” elektron platformasini joriy etsin:
mehnat stajiga ega boʻlmagan fuqarolarni kasb-hunarga oʻqitish orqali ularning bandligini taʼminlashga koʻmaklashish;
aholiga biznesni yoʻlga qoʻyish uchun kreditlar ajratish;
faoliyatini boshlagan tadbirkorlik subyektlariga mahsulotini sotish va xizmat koʻrsatish uchun bozorlar topishga koʻmaklashish;
v) oʻzini oʻzi band qilgan shaxslarga tadbirkorlik faoliyatini boshlashi uchun “Biznesni rivojlantirish banki” ATB tomonidan 100 million soʻmgacha garovsiz ajratiladigan kreditlarning 50 foizini ularning bank kartasiga oʻtkazib berishga ruxsat berilsin.
4. Belgilansinki, 2024-yil 1-yanvardan 2025-yil 1-yanvarga qadar mikrofirma va kichik korxonalar tomonidan yaratilgan har bir yangi ish oʻrni uchun oylik ish haqi boʻyicha toʻlangan jismoniy shaxslardan olinadigan daromad soligʻining 50 foizi respublika budjetidan ish beruvchiga (har bir ishchi uchun bazaviy hisoblash miqdorining ikki barobaridan oshmagan miqdorda) qaytarib beriladi hamda ularga ijtimoiy soliq stavkasi 50 foizga kamaytirilgan holda qoʻllanadi.
Bunda, mazkur imtiyoz “Ijtimoiy himoya yagona reyestri”ga kiritilgan fuqarolar ishga qabul qilinganda hamda ushbu fuqarolarga har bir oy uchun ish haqi miqdori mehnatga haq toʻlashning eng kam miqdoridan kam boʻlmagan miqdorda hisoblanganda qoʻllanadi.
5. 2021 — 2023-yillarda 3,2 trillion soʻmlik markazlashgan mablagʻlar hisobidan tashqi infratuzilma bilan toʻliq taʼminlangan 160 ta maxsus iqtisodiy va kichik sanoat zonalarida (keyingi oʻrinlarda — sanoat zonalari) investitsiya loyihalari joylashtirilishini jadallashtirish maqsadida:
a) Investitsiyalar, sanoat va savdo vazirligi hamda Savdo-sanoat palatasi:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2024-yil 1-martga qadar sanoat zonalarida joylashtirish uchun istiqbolli loyihalar roʻyxatini Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasiga kiritsin;
loyihalarni ishga tushirishgacha boʻlgan barcha jarayonlarda loyiha tashabbuskorlariga hamrohlik qilsin hamda ularning mahsulotiga bozor topishga koʻmaklashsin;
b) Iqtisodiyot va moliya vazirligi Investitsiyalar, sanoat va savdo vazirligi bilan birgalikda 2024-yilda respublika budjetida sanoat zonalarini infratuzilma bilan taʼminlash uchun koʻzda tutilgan 1,5 trillion soʻm mablagʻlarning maqsadli ravishda oʻz vaqtida toʻliq moliyalashtirilishini taʼminlasin.
6. Tadbirkorlik faoliyatini amalga oshirish uchun qishloq xoʻjaligiga moʻljallanmagan yer uchastkalaridan foydalanish samaradorligini oshirish maqsadida Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
2024-yil 1-martga qadar 2018 — 2022-yillarda realizatsiya qilingan yer uchastkalarini xatlovdan oʻtkazsin va ishga tushirilmagan loyihalar roʻyxatini shakllantirsin;
Savdo-sanoat palatasi, Tadbirkorlarning huquqlarini himoya qilish boʻyicha vakil, Qurilish va uy-joy kommunal xoʻjaligi vazirligi hamda tijorat banklari bilan birgalikda 2024-yil 1-aprelga qadar loyihalarni ishga tushirish, shu jumladan moliyaviy qoʻllab-quvvatlash, infratuzilma tarmoqlariga ulash, asbob-uskunalarni ishga tushirish, ruxsat berish hujjatlarini olishga koʻmaklashish boʻyicha “yoʻl xaritalari”ni tasdiqlasin.
7. Qishloq xoʻjaligi vazirligi Mahallabay ishlash va tadbirkorlikni rivojlantirish agentligi, mahalliy hokimliklar va tijorat banklari bilan birgalikda 2024-yilda “agregator” tizimi asosida quyidagilarni nazarda tutuvchi “100 ming eksportchi dehqon” dasturini joriy qilsin:
2022-2023-yillarda dehqon xoʻjaliklariga ajratilgan yer uchastkalarida mahsulot yetishtirish samaradorligini baholash asosida yuqori qiymatli eksportbop mahsulotlar yetishtirishni yoʻlga qoʻyishga koʻmaklashish;
2024-yilda eksportbop mahsulotlar yetishtirish uchun maydoni 1 gektargacha boʻlgan jami 15 ming gektar yer uchastkasini elektron onlayn auksion savdolariga chiqarish;
loyiha tashabbuskorlariga “Kichik biznesni uzluksiz qoʻllab-quvvatlash” kompleks dasturi doirasida 100 million soʻmgacha garovsiz, 150 million soʻmgacha garov talabi 50 foizgacha pasaytirilgan kreditlar ajratish, shuningdek, 1,5 milliard soʻmgacha lizing xizmatlarini koʻrsatish;
yirik tomorqa yer egalarining suv chiqarish, kichik texnikalar xarid qilish va oilaviy tadbirkorlik dasturlari doirasidagi loyihalariga ajratiladigan kreditlarning 50 foiz qismini bank kartasiga oʻtkazib berish;
katta hajmli sovitkichli omborlarni tashkil qilish uchun “Tadbirkorlikni rivojlantirish kompaniyasi” AJning 10 milliard soʻmgacha 7 yil muddatga xizmatlar ipotekasini taqdim etish.
8. Hisob palatasi ushbu qarorga 3-ilovaga * muvofiq xalqaro moliya institutlaridan jalb qilingan mablagʻlarning oʻzlashtirilishini tahlil qilib borsin.
9. 2024-yilda yangi ish oʻrinlarini tashkil etish va aholi bandligiga koʻmaklashish dasturini amalga oshirish boʻyicha “yoʻl xaritasi” 4-ilovaga * muvofiq tasdiqlansin.
10. 2024-yil 1-fevraldan shunday tartib oʻrnatilsinki, unga muvofiq:
Kambagʻallikni qisqartirish va bandlik vazirligi har oyning 15-sanasiga qadar Dastur doirasida yaratilgan yangi ish oʻrinlari va bandligi taʼminlangan aholi toʻgʻrisidagi maʼlumotlarni idoralararo elektron axborot almashinuvi orqali Soliq qoʻmitasiga taqdim etadi;
Soliq qoʻmitasi har oyning 20-sanasiga qadar aholi bandligi va ish oʻrinlari hisobining haqqoniyligini tekshirib, natijalari boʻyicha maʼlumotni Vazirlar Mahkamasiga kiritib boradi.
11. Kambagʻallikni qisqartirish va bandlik vazirligi, Statistika agentligi uch oy muddatda Xalqaro mehnat tashkiloti mezonlari asosida aholi bandligi va ishsizlik hisobini yuritishning yangi metodologiyasini Vazirlar Mahkamasiga kiritsin.
12. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ikki hafta muddatda tuman (shahar)lar kesimida choraklik maqsadli koʻrsatkichlarni ishlab chiqib, ularning Qoraqalpogʻiston Respublikasi Joʻqorgʻi Kengesi, xalq deputatlari viloyat, tuman (shahar) Kengashlarida muhokamadan oʻtkazilishini va hududiy (manzilli) dasturlarning qabul qilinishini taʼminlasin.
13. Savdo-sanoat palatasi Tadbirkorlarning huquqlarini himoya qilish boʻyicha vakil, Iqtisodiyot va moliya vazirligi, Investitsiyalar, sanoat va savdo vazirligi hamda manfaatdor idoralar bilan birgalikda bir hafta muddatda hududlarda sayyor qabullar oʻtkazish reja-grafigini tasdiqlasin, tadbirkorlik subyektlari tomonidan koʻtarilgan masalalarni joyida hal qilish choralarini koʻrib borsin va murojaatlar tahlili asosida tadbirkorlikni rivojlantirish boʻyicha Vazirlar Mahkamasiga har oyda takliflar kiritib borsin.
14. Quyidagilar Dastur ijrosini taʼminlashga shaxsan masʼul etib belgilansin:
investitsiyalar, sanoat va savdo vaziri L.Sh. Kudratov, Savdo-sanoat palatasi raisi D.A. Vahobov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, vazirlik va idoralar rahbarlari — yirik va hududiy investitsiya loyihalari boʻyicha;
iqtisodiyot va moliya vazirining birinchi oʻrinbosari I.I. Norqulov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari — xizmat koʻrsatish yoʻnalishi boʻyicha;
qishloq xoʻjaligi vaziri I.Y. Abduraxmonov, Oʻzbekiston fermer, dehqon xoʻjaliklari va tomorqa yer egalari kengashi raisi A.A. Xaitov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari — qishloq xoʻjaligi yoʻnalishi boʻyicha;
qurilish va uy-joy kommunal xoʻjaligi vaziri vazifasini vaqtinchalik bajaruvchi Sh.S. Xidoyatov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari — qurilish yoʻnalishi boʻyicha;
kambagʻallikni qisqartirish va bandlik vaziri B.A. Musayev — bandlik organlari tomonidan aholi bandligini taʼminlash va yaratilgan ish oʻrinlari hisobini yuritish boʻyicha;
Markaziy bank raisi oʻrinbosari A.A. Turdaliyev va tijorat banklari raislari — yangi moliyaviy xizmatlarni joriy qilish, shu jumladan mikromoliyalashni kengaytirish orqali 2024-yilda 2 million aholini biznesga jalb qilish boʻyicha.
Aholini kichik va oʻrta biznesga keng jalb qilish boʻyicha respublika komissiyasi (J.A. Qoʻchqorov) har chorakda Dastur ijrosini tanqidiy muhokama qilib, Oʻzbekiston Respublikasi Prezidenti Administratsiyasiga axborot kiritib borsin.
15. Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 9-yanvar,
PQ-7-son
Президента Республики Узбекистан
Постановление
О программе создания новых рабочих мест и содействия занятости населения на 2024 год
[Извлечение]
В целях обеспечения занятости населения путем повышения эффективности использования льготных ресурсов, механизмов и преференций, направленных на поддержку предпринимательской деятельности и создание новых рабочих мест, а также совершенствования системы поощрения граждан, официально занятых в отраслях экономики:
1. Одобрить разработанную Министерством занятости и сокращения бедности совместно с ответственными министерствами, ведомствами, коммерческими банками, Советом Министров Республики Каракалпакстан, хокимиятами областей и города Ташкента Программу создания новых рабочих мест и содействия занятости населения на 2024 год (далее — Программа), включающую:
Сводные целевые показатели обеспечения занятости 5 миллионов человек на постоянных, сезонных и временных работах в 2024 году согласно приложению № 1 * ;
Целевые показатели создания новых рабочих мест за счет запуска крупных и региональных инвестиционных проектов в 2024 году согласно приложению № 1.1 * ;
Целевые показатели обеспечения занятости населения и создания новых рабочих мест за счет развития сферы услуг в 2024 году согласно приложению № 1.2 * ;
Целевые показатели занятости населения на постоянных и сезонных работах в сфере сельского хозяйства в 2024 году согласно приложению № 1.3 * ;
Целевые показатели занятости населения на постоянных и временных работах в сфере строительства в 2024 году согласно приложению № 1.4 * ;
Целевые показатели вовлечения в бизнес 2 миллионов человек в 2024 году путем внедрения новых видов финансовых услуг, в том числе расширения микрофинансирования, согласно приложению № 2 * .
2. В целях финансовой поддержки реализации Программы направить 83 триллиона сумов и средства международных финансовых институтов в размере 274,5 миллиона долларов США согласно приложению № 3 * , в частности на:
выделение кредитов субъектам малого предпринимательства — 41 триллион сумов;
оказание микрофинансовых услуг — 40 триллионов сумов;
финансирование АО «Компания по развитию предпринимательства» проектов малого и среднего бизнеса — 1,5 триллиона сумов;
оказание услуг по содействию занятости населения и стимулированию работодателей — 462 миллиарда сумов;
финансирование проектов предпринимательства — средства международных финансовых институтов в размере 274,5 миллиона долларов США.
3. В целях стимулирования начала предпринимательской деятельности самозанятых лиц:
а) одобрить предложения Центрального банка, АО «Узнацбанк» и других коммерческих банков с государственным участием, предусматривающие:
предоставление микрозаймов с использованием банковских карт «Первый шаг в бизнес» на срок до одного года в размере до 5 миллионов сумов самозанятым лицам, уплачивающим социальный налог;
выделение микрокредитов субъектам малого предпринимательства, осуществляющим деятельность в течение не менее 6 месяцев и денежные обороты в счетах (банковских картах);
выделение коммерческими банками 1 триллиона сумов, в том числе АО «Узнацбанк» — 100 миллиардов сумов в 2024 году на финансирование мероприятий, определенных настоящим подпунктом;
б) АКБ «Банк развития бизнеса» в двухмесячный срок внедрить электронную платформу «Мой бизнес», предусматривающую:
оказание содействия в обеспечении занятости граждан, не имеющих трудового стажа, путем обучения их профессиям;
выделение населению кредитов для налаживания бизнеса;
оказание содействия в поиске для субъектов предпринимательства, начавших свою деятельность, рынков реализации продукции и оказания услуг;
в) разрешить зачисление АКБ «Банк развития бизнеса» 50 процентов суммы беззалоговых кредитов, выделяемых самозанятым лицам в размере до 100 миллионов сумов, на их банковские карты для начала предпринимательской деятельности.
4. Установить, что в период с 1 января 2024 года по 1 января 2025 года 50 процентов сумм налога на доходы физических лиц, уплаченных по заработной плате за каждое новое рабочее место, созданное микрофирмами и малыми предприятиями, возвращается работодателям из республиканского бюджета (в размере не превышающем двукратного размера базовой расчетной величины за каждого работника), также к ним применяется ставка социального налога, сниженная на 50 процентов.
При этом данная льгота применяется при приеме на работу граждан, включенных в «Единый реестр социальной защиты», а также начислении им ежемесячной заработной платы в размере не менее минимального размера оплаты труда.
5. В целях ускорения размещения инвестиционных проектов в 160 специальных экономических и малых промышленных зонах, полностью обеспеченных внешней инфраструктурой за счет централизованных средств в размере 3,2 триллионов сумов в 2021 — 2023 годах (далее — промышленные зоны):
а) Министерству инвестиций, промышленности и торговли и Торгово-промышленной палате:
совместно с Советом Министров Республики Каракалпакстан, хокимиятами областей и города Ташкента в срок до 1 марта 2024 года внести в Правительственную комиссию по вопросам привлечения инвестиций, развития промышленности и регулирования торговли перечень перспективных проектов для размещения в промышленных зонах;
во всех процессах до запуска проектов сопровождать инициаторов проектов и оказывать им содействие в поиске рынков реализации продукции;
б) Министерству экономики и финансов совместно с Министерством инвестиций, промышленности и торговли обеспечить целевое, своевременное и полное финансирование 1,5 триллиона сумов средств, предусмотренных в республиканском бюджете на 2024 год на обеспечение промышленных зон инфраструктурой.
6. Совету Министров Республики Каракалпакстан, хокимиятам областей и города Ташкента в целях повышения эффективности использования земельных участков несельскохозяйственного назначения для ведения предпринимательской деятельности:
в срок до 1 марта 2024 года провести инвентаризацию реализованных в 2018 — 2022 годах земельных участков и составить перечень незапущенных проектов;
совместно с Торгово-промышленной палатой, Уполномоченным по защите прав предпринимателей, Министерством строительства и жилищно-коммунального хозяйства, а также коммерческими банками в срок до 1 апреля 2024 года утвердить «дорожные карты» по запуску проектов, в том числе финансовой поддержке, подключению к сетям инфраструктуры, вводу в эксплуатацию оборудования, оказанию содействия в получении разрешительной документации.
7. Министерству сельского хозяйства совместно с Агентством по работе махаллабай и развитию предпринимательства, местными хокимиятами и коммерческими банками внедрить в 2024 году программу «100 тысяч дехкан-экспортеров» на основе системы «агрегатор», предусматривающую:
оказание содействия в налаживании выращивания экспортоориентированной продукции с высокой стоимостью на основе оценки эффективности выращивания продукции на земельных участках, выделенных дехканским хозяйствам в 2022-2023 годах;
выставление на электронные онлайн-аукционные торги земельных участков площадью до 1 гектара, всего 15 тысяч гектаров для выращивания экспортоориентированной продукции в 2024 году;
выделение инициаторам проектов кредитов в рамках Комплексной программы непрерывной поддержки малого бизнеса в размере до 100 миллионов сумов — без залога, в размере до 150 миллионов сумов — с залоговым требованием, пониженным до 50 процентов и оказание им лизинговых услуг до 1,5 миллиарда сумов;
зачисление на банковские карты крупных владельцев приусадебных земель 50 процентов сумм кредитов, выделенных на их проекты добычи воды, закупки малой техники и в рамках программ семейного предпринимательства;
предоставление ипотеки услуг акционерного общества «Компания развития предпринимательства» до 10 миллиардов сумов сроком на 7 лет для строительства морозильных хранилищ большой вместимости.
8. Счетной палате проводить анализ освоения привлеченных средств международных финансовых институтов согласно приложению № 3 * .
9. Утвердить «Дорожную карту» по реализации Программы создания новых рабочих мест и содействия занятости населения на 2024 год согласно приложению № 4 * .
10. Установить с 1 февраля 2024 года порядок, в соответствии с которым:
Министерство занятости и сокращения бедности ежемесячно до 15-го числа направляет в Налоговый комитет сведения о созданных новых рабочих местах и гражданах, занятость которых обеспечена, в рамках Программы посредством межведомственного электронного обмена данными;
Налоговый комитет ежемесячно до 20-го числа проверяет достоверность учета занятости населения и рабочих мест и представляет в Кабинет Министров информацию по результатам.
11. Министерству занятости и сокращения бедности и Агентству статистики в трехмесячный срок внести в Кабинет Министров новую методологию ведения учета занятости населения и безработицы на основе критериев Международной организации труда.
12. Совету Министров Республики Каракалпакстан, хокимиятам областей и города Ташкента в двухнедельный срок разработать поквартальные целевые показатели в разрезе районов (городов), обеспечить проведение их обсуждения в Жокаргы Кенесе Республики Каракалпакстан, Кенгашах народных депутатов областей, районов (городов) и принятие региональных (адресных) программ.
13. Торгово-промышленной палате совместно с Уполномоченным по защите прав предпринимателей, Министерством экономики и финансов, Министерством инвестиций, промышленности и торговли, а также заинтересованными ведомствами в недельный срок утвердить план-график проведения выездных приемов в регионах, регулярно принимать меры по решению непосредственно на местах вопросов, поднятых субъектами предпринимательства, ежемесячно вносить в Кабинет Министров предложения по развитию предпринимательства на основе анализа обращений.
14. Возложить персональную ответственность за обеспечение реализации Программы на:
министра инвестиций, промышленности и торговли Л.Ш. Кудратова, председателя Торгово-промышленной палаты Д.А. Вахобова, председателя Совета Министров Республики Каракалпакстан, хокимов областей и города Ташкента, руководителей министерств и ведомств — по крупным и региональным инвестиционным проектам;
первого заместителя министра экономики и финансов И.И. Норкулова, Председателя Совета Министров Республики Каракалпакстан, хокимов областей и города Ташкента — в направлении оказания услуг;
министра сельского хозяйства И.Ю. Абдурахмонова, председателя Совета фермерских, дехканских хозяйств и владельцев приусадебных земель Узбекистана А.А. Хаитова, Председателя Совета Министров Республики Каракалпакстан, хокимов областей и города Ташкента — в направлении сельского хозяйства;
временно исполняющего обязанности министра строительства и жилищно-коммунального хозяйства Ш.С. Хидоятова, Председателя Совета Министров Республики Каракалпакстан, хокимов областей и города Ташкента — в направлении строительства;
министра занятости и сокращения бедности Б.А. Мусаева — по обеспечению занятости населения и ведения учета созданных рабочих мест органами занятости;
заместителя председателя Центрального банка А.А. Турдалиева и председателей коммерческих банков — по вовлечению в бизнес 2 миллионов человек в 2024 году путем внедрения новых финансовых услуг, в том числе расширения микрофинансирования.
Республиканской комиссии по широкому вовлечению населения в малый и средний бизнес (Д.А. Кучкаров) ежеквартально проводить критическое обсуждение хода реализации Программы и вносить информацию в Администрацию Президента Республики Узбекистан.
15. Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
9 январь 2024 г.,
№ ПП-7