📅 2024-yil 15-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 15 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 15 января 2024 г. · Указы Президента
Официальный текст. Официальный документ. Редакционные примечания не включены.
📅 15 January 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Жамоат хавфсизлигини таъминлаш ва жиноятчиликка қарши курашиш соҳасини илмий тадқиқ қилиш фаолиятини сифат жиҳатидан янги босқичга кўтариш чора-тадбирлари тўғрисида
Мамлакатимизда жамоат хавфсизлиги ва жиноятчиликка қарши курашиш соҳасини илмий жиҳатдан таъминлаш, соҳада илм-фан ютуқларини жорий этиш бўйича кенг қамровли ишлар амалга оширилмоқда.
Бугунги кунда жиноят оқибатлари билан курашишни эмас, балки жиноятчиликнинг асл омилларини аниқлаш ва ўз вақтида бартараф этиш орқали унинг барвақт олдини олишни устувор мақсадга айлантириш долзарб аҳамият касб этмоқда.
Шу билан бирга республикада кузатилаётган жиноятчилик тенденцияларини таҳлил ва прогноз қилиш, жиноятчилик омилларини илмий диагноз қилиш, қонунчилик ва ҳуқуқни қўллаш амалиётини такомиллаштириш орқали уларни бартараф этиш, шунингдек, илмий тадқиқотларни ҳуқуқ-тартибот амалиётидаги муаммоларнинг манзилли ҳал этилишига йўналтириш механизмларини тубдан ислоҳ қилиш зарурати юзага келган.
Ўзбекистон Республикасининг « Илм-фан ва илмий фаолият тўғрисида »ги, « Ҳуқуқбузарликлар профилактикаси тўғрисида »ги қонунларида ва Ўзбекистон Республикаси Жамоат хавфсизлиги концепциясида белгиланган вазифалар ижросини ташкил этиш, шунингдек, жамоат хавфсизлигини таъминлаш ва жиноятчиликка қарши курашиш соҳасини илмий тадқиқ қилиш бўйича фаолиятни сифат жиҳатидан янги босқичга кўтариш ҳамда жиноятларнинг омилларини ўз вақтида бартараф этиш орқали уларни барвақт олдини олиш тизими натижадорлигини ошириш мақсадида:
1. Вазирлар Маҳкамасининг Ўзбекистон Республикаси Криминология тадқиқот институтини (кейинги ўринларда — Институт) ташкил этиш тўғрисидаги таклифи маъқуллансин.
2. Қуйидагилар Институт фаолиятининг асосий йўналишлари этиб белгилансин:
республикадаги криминоген вазиятга оид чуқур тадқиқотларни амалга ошириш, жиноятчилик тенденцияларини тизимли равишда таҳлил ва прогноз қилиш, унинг ижтимоий, иқтисодий, психологик, маънавий-маърифий, ҳуқуқий, тиббий ва ташкилий омилларини комплекс илмий диагноз асосида аниқлаш;
ҳудудлар кесимида криминоген вазиятни барқарорлаштириш чораларининг самарадорлигини илмий жиҳатдан баҳолаш, шунингдек, илмий таҳлил, прогноз ва диагноз хулосаларига асосланган ҳолда, қонунчилик ва ҳуқуқни қўллаш амалиётини такомиллаштириш орқали жиноятчилик омилларини бартараф этиш чораларини ишлаб чиқиш;
илмий-амалий тадқиқот лойиҳаларини бажариш орқали криминологик фаолият амалиётида мавжуд муаммоларни ҳал этиш бўйича илмий асосланган комплекс ечимларни ишлаб чиқиш, илмий ишланмаларни амалиётга жорий этиш бўйича зарур чора-тадбирларни ташкил этиш;
жамоатчилик ўртасида шов-шувга сабаб бўлган жиноятларнинг омилларини аниқлаш ва уларни бартараф этиш чораларини ишлаб чиқишда белгиланган тартибда мутахассис сифатида суриштирув ва дастлабки тергов органларига услубий кўмаклашиш;
жаҳон криминологияси ва хорижий давлатлар криминологик фаолият тўғрисидаги қонунчилигининг илғор тажрибаларини доимий ўрганиш ҳамда унинг натижаларини Ўзбекистон Республикаси шароитларида жорий этиш бўйича таклиф ва тавсияларни ишлаб чиқиш;
криминология соҳаси бўйича мустақил изланувчилик шаклида олий малакали илмий кадрларни тайёрлаш, талабгорларни белгиланган тартибда илмий даражалар ва илмий унвонларга тақдим этиш.
3. Белгилансинки:
Институт криминологик фаолиятни илмий ва экспертлик жиҳатдан таъминлашга ихтисослашган, Ички ишлар вазирлиги ташкилий тузилмасига кирувчи, юридик шахс мақомига эга, республика илмий-тадқиқот муассасаси ҳисобланади;
Институтнинг ташкилий-штат тузилмаси Ички ишлар вазирлиги Жамоат хавфсизлиги масалалари илмий-амалий тадқиқотлар марказининг фаолиятини тугатиш ҳамда вазирлик ва идоралар тизимидаги илмий ташкилотларнинг штат бирликларини босқичма-босқич мақбуллаштириш ҳисобидан ташкил этилади;
Институт Ички ишлар вазирлиги Жамоат хавфсизлиги масалалари илмий-амалий тадқиқотлар марказининг ҳуқуқ ва мажбуриятлари бўйича ҳуқуқий вориси ҳисобланади;
Институт ўз вазифаларини ҳар қандай давлат органлари, жамоат бирлашмалари ҳамда мансабдор шахслардан мустақил равишда амалга оширади, унинг фаолиятига тўсқинлик қилиш, тадқиқот ҳисоботидаги маълумотларни ўзгартириши учун таъсир кўрсатиш тақиқланади;
Институтга Вазирлар Маҳкамаси томонидан лавозимга тайинланадиган ва лавозимидан озод қилинадиган бошлиқ раҳбарлик қилади;
Институтнинг жорий ташкилий ва ташаббус асосидаги тадқиқотлар харажатлари Ички ишлар вазирлигининг бюджет маблағлари, буюртма асосидаги тадқиқот харажатлари эса давлат органлари (буюртмачилар)нинг бюджетдан ташқари маблағлари, пуллик хизматларни кўрсатиш, миллий ва халқаро грантлар, шунингдек, қонунчилик ҳужжатларида тақиқланмаган бошқа манбалар ҳисобидан молиялаштирилади.
4. Шундай тартиб ўрнатилсинки, унга мувофиқ:
Институт ҳар чорак якунида криминология соҳасида бажарилган илмий-тадқиқот лойиҳалари ва диссертациялар, жиноятлар омилларига илмий диагноз қўйиш, жиноятчилик тенденцияларини таҳлил ва прогноз қилиш натижалари асосида «Жиноятчилик омиллари давлат ҳисоботи» ҳамда «Жиноятчилик тенденциялари давлат ҳисоботи»ни, ҳар йил якунида — «Криминологик тадқиқотлар давлат ҳисоботи» ва криминоген вазият юзасидан таҳлилий ахборотни тайёрлайди ҳамда уларни Вазирлар Маҳкамаси ва ҳуқуқбузарликлар профилактикасини бевосита амалга оширувчи органларга киритади;
Ички ишлар вазирлиги ҳуқуқбузарликлар профилактикасини бевосита амалга оширувчи органлар билан биргаликда «Криминологик тадқиқотлар давлат ҳисоботи»дан келиб чиққан ҳолда, ҳар йил якунида келгуси йилда республикамизда жиноятчилик омиллари ва уларнинг салбий тенденцияларини бартараф этиш комплекс чора-тадбирлари бўйича «йўл харитаси»ни ишлаб чиқади ҳамда Вазирлар Маҳкамасига киритади;
Вазирлар Маҳкамаси ҳар йил бошланишида республикамизда жиноятчилик омиллари ва уларнинг салбий тенденцияларини бартараф этиш комплекс чора-тадбирлари бўйича «йўл харитаси»ни тасдиқлайди ҳамда ҳуқуқбузарликлар профилактикасини бевосита амалга оширувчи органлар томонидан ўз вақтида ижро этилишини таъминлайди;
илмий ва олий таълим муассасаларининг криминологик тадқиқотлар ва криминология фанини ўқитиш соҳасидаги ҳамкорлигини самарали ташкил этиш мақсадида Институт ҳузурида Ўзбекистон Республикаси Криминология кенгаши ташкил этилади.
5. Вазирлар Маҳкамаси (А. Арипов) икки ой муддатда мазкур Фармондан келиб чиққан ҳолда Институт тўғрисидаги низомни, унинг ҳузурида Ўзбекистон Республикаси Криминология кенгашининг ишлаш тартибини, Институтнинг илмий таклифлари бўйича ҳуқуқбузарликлар профилактикасини бевосита амалга оширувчи органлар томонидан зарур чора-тадбирларни амалга ошириш тартибини тасдиқласин.
6. Ички ишлар вазирлиги (П. Бобожонов) Институтни Тошкент шаҳар, Мирзо Улуғбек тумани, Буюк Ипак йўли кўчаси, 243-уй манзилида жойлаштириш бўйича зарур ташкилий чора-тадбирларни амалга оширсин.
7. Ўзбекистон Республикаси Президентининг айрим фармонларига иловага мувофиқ ўзгартиришлар киритилсин.
8. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 15 январдаги ПФ-10-сон Фармонига ИЛОВА
Ўзбекистон Республикаси Президентининг айрим фармонларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 31 октябрдаги «Жиноий-ҳуқуқий статистика тизимини тубдан такомиллаштириш ва жиноятларни тизимли таҳлил қилиш самарадорлигини ошириш чора-тадбирлари тўғрисида»ги ПФ-5566-сон Фармонининг 7-банди ўз кучини йўқотган деб ҳисоблансин.
2. Ўзбекистон Республикаси Президентининг 2021 йил 26 мартдаги «Жамоат хавфсизлигини таъминлаш ва жиноятчиликка қарши курашиш соҳасида ички ишлар органлари фаолиятини сифат жиҳатидан янги босқичга кўтариш чора-тадбирлари тўғрисида»ги ПФ-6196-сон Фармонининг 7-банди тўққизинчи — ўн бешинчи хатбошилари ўз кучини йўқотган деб ҳисоблансин.
3. Ўзбекистон Республикаси Президентининг 2021 йил 29 ноябрдаги «Ўзбекистон Республикаси жамоат хавфсизлиги концепциясини тасдиқлаш ва уни амалга ошириш чора-тадбирлари тўғрисида»ги ПФ-27-сон Фармонида :
а) 1-илованинг 8-банди ўнинчи хатбошиси «жамоат хавфсизлигини таъминлаш» сўзларидан кейин «ва криминология» деган сўзлари билан тўлдирилсин;
б) 2-иловада :
41-банди ««Жамоат хавфсизлиги асослари» дарслигини тайёрлаш» сўзларидан кейин «, шунингдек, республика таълим муассасаларида криминология фани ўқитилишини ривожлантириш» деган сўзлари билан тўлдирилсин;
44-бандидан «Ички ишлар вазирлиги Жамоат хавфсизлиги масалалари илмий-амалий тадқиқотлар маркази ва» деган сўзлар чиқариб ташлансин;
47-бандида «Ички ишлар вазирлиги Жамоат хавфсизлиги масалалари илмий-амалий тадқиқотлар маркази» деган сўзлар «Ўзбекистон Республикаси Криминология тадқиқот институти» деган сўзлар билан алмаштирилсин.
4. Ўзбекистон Республикаси Президентининг 2022 йил 28 ноябрдаги «Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида»ги ПФ-257-сон Фармони 2-бандининг тўққизинчи хатбошиси қуйидаги таҳрирда баён этилсин:
«терговга қадар текширув ҳужжатлари ва жиноят ишларини ўрганиш асосида жиноятларни унинг турлари кесимида таҳлил қилиш, ҳуқуқбузарликлар профилактикаси ва жиноятчиликка қарши курашиш фаолиятини услубий ва консультатив таъминлаш».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 15 январь,
ПФ-10-сон
Oʻzbekiston Respublikasi Prezidentining
Farmoni
Jamoat xavfsizligini taʼminlash va jinoyatchilikka qarshi kurashish sohasini ilmiy tadqiq qilish faoliyatini sifat jihatidan yangi bosqichga koʻtarish chora-tadbirlari toʻgʻrisida
Mamlakatimizda jamoat xavfsizligi va jinoyatchilikka qarshi kurashish sohasini ilmiy jihatdan taʼminlash, sohada ilm-fan yutuqlarini joriy etish boʻyicha keng qamrovli ishlar amalga oshirilmoqda.
Bugungi kunda jinoyat oqibatlari bilan kurashishni emas, balki jinoyatchilikning asl omillarini aniqlash va oʻz vaqtida bartaraf etish orqali uning barvaqt oldini olishni ustuvor maqsadga aylantirish dolzarb ahamiyat kasb etmoqda.
Shu bilan birga respublikada kuzatilayotgan jinoyatchilik tendensiyalarini tahlil va prognoz qilish, jinoyatchilik omillarini ilmiy diagnoz qilish, qonunchilik va huquqni qoʻllash amaliyotini takomillashtirish orqali ularni bartaraf etish, shuningdek, ilmiy tadqiqotlarni huquq-tartibot amaliyotidagi muammolarning manzilli hal etilishiga yoʻnaltirish mexanizmlarini tubdan isloh qilish zarurati yuzaga kelgan.
Oʻzbekiston Respublikasining “ Ilm-fan va ilmiy faoliyat toʻgʻrisida ”gi, “ Huquqbuzarliklar profilaktikasi toʻgʻrisida ”gi qonunlarida va Oʻzbekiston Respublikasi Jamoat xavfsizligi konsepsiyasida belgilangan vazifalar ijrosini tashkil etish, shuningdek, jamoat xavfsizligini taʼminlash va jinoyatchilikka qarshi kurashish sohasini ilmiy tadqiq qilish boʻyicha faoliyatni sifat jihatidan yangi bosqichga koʻtarish hamda jinoyatlarning omillarini oʻz vaqtida bartaraf etish orqali ularni barvaqt oldini olish tizimi natijadorligini oshirish maqsadida:
1. Vazirlar Mahkamasining Oʻzbekiston Respublikasi Kriminologiya tadqiqot institutini (keyingi oʻrinlarda — Institut) tashkil etish toʻgʻrisidagi taklifi maʼqullansin.
2. Quyidagilar Institut faoliyatining asosiy yoʻnalishlari etib belgilansin:
respublikadagi kriminogen vaziyatga oid chuqur tadqiqotlarni amalga oshirish, jinoyatchilik tendensiyalarini tizimli ravishda tahlil va prognoz qilish, uning ijtimoiy, iqtisodiy, psixologik, maʼnaviy-maʼrifiy, huquqiy, tibbiy va tashkiliy omillarini kompleks ilmiy diagnoz asosida aniqlash;
hududlar kesimida kriminogen vaziyatni barqarorlashtirish choralarining samaradorligini ilmiy jihatdan baholash, shuningdek, ilmiy tahlil, prognoz va diagnoz xulosalariga asoslangan holda, qonunchilik va huquqni qoʻllash amaliyotini takomillashtirish orqali jinoyatchilik omillarini bartaraf etish choralarini ishlab chiqish;
ilmiy-amaliy tadqiqot loyihalarini bajarish orqali kriminologik faoliyat amaliyotida mavjud muammolarni hal etish boʻyicha ilmiy asoslangan kompleks yechimlarni ishlab chiqish, ilmiy ishlanmalarni amaliyotga joriy etish boʻyicha zarur chora-tadbirlarni tashkil etish;
jamoatchilik oʻrtasida shov-shuvga sabab boʻlgan jinoyatlarning omillarini aniqlash va ularni bartaraf etish choralarini ishlab chiqishda belgilangan tartibda mutaxassis sifatida surishtiruv va dastlabki tergov organlariga uslubiy koʻmaklashish;
jahon kriminologiyasi va xorijiy davlatlar kriminologik faoliyat toʻgʻrisidagi qonunchiligining ilgʻor tajribalarini doimiy oʻrganish hamda uning natijalarini Oʻzbekiston Respublikasi sharoitlarida joriy etish boʻyicha taklif va tavsiyalarni ishlab chiqish;
kriminologiya sohasi boʻyicha mustaqil izlanuvchilik shaklida oliy malakali ilmiy kadrlarni tayyorlash, talabgorlarni belgilangan tartibda ilmiy darajalar va ilmiy unvonlarga taqdim etish.
3. Belgilansinki:
Institut kriminologik faoliyatni ilmiy va ekspertlik jihatdan taʼminlashga ixtisoslashgan, Ichki ishlar vazirligi tashkiliy tuzilmasiga kiruvchi, yuridik shaxs maqomiga ega, respublika ilmiy-tadqiqot muassasasi hisoblanadi;
Institutning tashkiliy-shtat tuzilmasi Ichki ishlar vazirligi Jamoat xavfsizligi masalalari ilmiy-amaliy tadqiqotlar markazining faoliyatini tugatish hamda vazirlik va idoralar tizimidagi ilmiy tashkilotlarning shtat birliklarini bosqichma-bosqich maqbullashtirish hisobidan tashkil etiladi;
Institut Ichki ishlar vazirligi Jamoat xavfsizligi masalalari ilmiy-amaliy tadqiqotlar markazining huquq va majburiyatlari boʻyicha huquqiy vorisi hisoblanadi;
Institut oʻz vazifalarini har qanday davlat organlari, jamoat birlashmalari hamda mansabdor shaxslardan mustaqil ravishda amalga oshiradi, uning faoliyatiga toʻsqinlik qilish, tadqiqot hisobotidagi maʼlumotlarni oʻzgartirishi uchun taʼsir koʻrsatish taqiqlanadi;
Institutga Vazirlar Mahkamasi tomonidan lavozimga tayinlanadigan va lavozimidan ozod qilinadigan boshliq rahbarlik qiladi;
Institutning joriy tashkiliy va tashabbus asosidagi tadqiqotlar xarajatlari Ichki ishlar vazirligining budjet mablagʻlari, buyurtma asosidagi tadqiqot xarajatlari esa davlat organlari (buyurtmachilar)ning budjetdan tashqari mablagʻlari, pullik xizmatlarni koʻrsatish, milliy va xalqaro grantlar, shuningdek, qonunchilik hujjatlarida taqiqlanmagan boshqa manbalar hisobidan moliyalashtiriladi.
4. Shunday tartib oʻrnatilsinki, unga muvofiq:
Institut har chorak yakunida kriminologiya sohasida bajarilgan ilmiy-tadqiqot loyihalari va dissertatsiyalar, jinoyatlar omillariga ilmiy diagnoz qoʻyish, jinoyatchilik tendensiyalarini tahlil va prognoz qilish natijalari asosida “Jinoyatchilik omillari davlat hisoboti” hamda “Jinoyatchilik tendensiyalari davlat hisoboti”ni, har yil yakunida — “Kriminologik tadqiqotlar davlat hisoboti” va kriminogen vaziyat yuzasidan tahliliy axborotni tayyorlaydi hamda ularni Vazirlar Mahkamasi va huquqbuzarliklar profilaktikasini bevosita amalga oshiruvchi organlarga kiritadi;
Ichki ishlar vazirligi huquqbuzarliklar profilaktikasini bevosita amalga oshiruvchi organlar bilan birgalikda “Kriminologik tadqiqotlar davlat hisoboti”dan kelib chiqqan holda, har yil yakunida kelgusi yilda respublikamizda jinoyatchilik omillari va ularning salbiy tendensiyalarini bartaraf etish kompleks chora-tadbirlari boʻyicha “yoʻl xaritasi”ni ishlab chiqadi hamda Vazirlar Mahkamasiga kiritadi;
Vazirlar Mahkamasi har yil boshlanishida respublikamizda jinoyatchilik omillari va ularning salbiy tendensiyalarini bartaraf etish kompleks chora-tadbirlari boʻyicha “yoʻl xaritasi”ni tasdiqlaydi hamda huquqbuzarliklar profilaktikasini bevosita amalga oshiruvchi organlar tomonidan oʻz vaqtida ijro etilishini taʼminlaydi;
ilmiy va oliy taʼlim muassasalarining kriminologik tadqiqotlar va kriminologiya fanini oʻqitish sohasidagi hamkorligini samarali tashkil etish maqsadida Institut huzurida Oʻzbekiston Respublikasi Kriminologiya kengashi tashkil etiladi.
5. Vazirlar Mahkamasi (A. Aripov) ikki oy muddatda mazkur Farmondan kelib chiqqan holda Institut toʻgʻrisidagi nizomni, uning huzurida Oʻzbekiston Respublikasi Kriminologiya kengashining ishlash tartibini, Institutning ilmiy takliflari boʻyicha huquqbuzarliklar profilaktikasini bevosita amalga oshiruvchi organlar tomonidan zarur chora-tadbirlarni amalga oshirish tartibini tasdiqlasin.
6. Ichki ishlar vazirligi (P. Bobojonov) Institutni Toshkent shahar, Mirzo Ulugʻbek tumani, Buyuk Ipak yoʻli koʻchasi, 243-uy manzilida joylashtirish boʻyicha zarur tashkiliy chora-tadbirlarni amalga oshirsin.
7. Oʻzbekiston Respublikasi Prezidentining ayrim farmonlariga ilovaga muvofiq oʻzgartirishlar kiritilsin.
8. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 15-yanvardagi PF-10-son Farmoniga ILOVA
Oʻzbekiston Respublikasi Prezidentining ayrim farmonlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 31-oktabrdagi “Jinoiy-huquqiy statistika tizimini tubdan takomillashtirish va jinoyatlarni tizimli tahlil qilish samaradorligini oshirish chora-tadbirlari toʻgʻrisida”gi PF-5566-son Farmonining 7-bandi oʻz kuchini yoʻqotgan deb hisoblansin.
2. Oʻzbekiston Respublikasi Prezidentining 2021-yil 26-martdagi “Jamoat xavfsizligini taʼminlash va jinoyatchilikka qarshi kurashish sohasida ichki ishlar organlari faoliyatini sifat jihatidan yangi bosqichga koʻtarish chora-tadbirlari toʻgʻrisida”gi PF-6196-son Farmonining 7-bandi toʻqqizinchi — oʻn beshinchi xatboshilari oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2021-yil 29-noyabrdagi “Oʻzbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari toʻgʻrisida”gi PF-27-son Farmonida :
a) 1-ilovaning 8-bandi oʻninchi xatboshisi “jamoat xavfsizligini taʼminlash” soʻzlaridan keyin “va kriminologiya” degan soʻzlari bilan toʻldirilsin;
b) 2-ilovada :
41-bandi ““Jamoat xavfsizligi asoslari” darsligini tayyorlash” soʻzlaridan keyin “, shuningdek, respublika taʼlim muassasalarida kriminologiya fani oʻqitilishini rivojlantirish” degan soʻzlari bilan toʻldirilsin;
44-bandidan “Ichki ishlar vazirligi Jamoat xavfsizligi masalalari ilmiy-amaliy tadqiqotlar markazi va” degan soʻzlar chiqarib tashlansin;
47-bandida “Ichki ishlar vazirligi Jamoat xavfsizligi masalalari ilmiy-amaliy tadqiqotlar markazi” degan soʻzlar “Oʻzbekiston Respublikasi Kriminologiya tadqiqot instituti” degan soʻzlar bilan almashtirilsin.
4. Oʻzbekiston Respublikasi Prezidentining 2022-yil 28-noyabrdagi “Jinoyatlarni tergov qilish sohasida malakali kadrlarni tayyorlashning sifat jihatidan yangi tizimini joriy etish toʻgʻrisida”gi PF-257-son Farmoni 2-bandining toʻqqizinchi xatboshisi quyidagi tahrirda bayon etilsin:
“tergovga qadar tekshiruv hujjatlari va jinoyat ishlarini oʻrganish asosida jinoyatlarni uning turlari kesimida tahlil qilish, huquqbuzarliklar profilaktikasi va jinoyatchilikka qarshi kurashish faoliyatini uslubiy va konsultativ taʼminlash”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 15-yanvar,
PF-10-son
Президента Республики Узбекистан
Указ
О мерах по поднятию на качественно новый уровень научно-исследовательской деятельности в области обеспечения общественной безопасности и борьбы с преступностью
В нашей стране проводится широкомасштабная работа по научному обеспечению сферы общественной безопасности и борьбы с преступностью, внедрению в этой области достижений науки.
На сегодняшний день актуальное значение обретает приоритетная цель раннего предупреждения преступности посредством выявления и своевременного устранения ее истинных факторов, а не через борьбу с последствиями преступления.
Вместе с тем возникает необходимость в коренном реформировании механизмов анализа и прогнозирования наблюдаемых в республике тенденций преступности, научной диагностики факторов преступности и их устранения путем совершенствования законодательства и правоприменительной практики, а также направления научных исследований на адресное решение проблем в практике правопорядка.
В целях организации исполнения задач, определенных в законах Республики Узбекистан « О науке и научной деятельности », « О профилактике правонарушений » и Концепции общественной безопасности Республики Узбекистан, а также повышения результативности системы раннего предупреждения преступлений путем поднятия на качественно новый уровень научно-исследовательскую деятельность в области обеспечения общественной безопасности и борьбы с преступностью, своевременного устранения факторов преступлений:
1. Одобрить предложение Кабинета Министров о создании Исследовательского института криминологии Республики Узбекистан (далее — Институт).
2. Определить основными направлениями деятельности Института:
проведение углубленных исследований криминогенной обстановки в республике, системного анализа и прогнозирования тенденций преступности, определение ее социальных, экономических, психологических, духовно-просветительских, правовых, медицинских и организационных факторов на основе комплексного научного диагноза;
научную оценку эффективности мер по стабилизации криминогенной обстановки в разрезе регионов, а также разработку мер по устранению факторов преступности путем совершенствования законодательства и правоприменительной практики на основе выводов научного анализа, прогнозов и диагноза;
разработку научно обоснованных комплексных решений проблем, существующих в практике криминологической деятельности, путем реализации проектов научно-практических исследований, организацию необходимых мероприятий по практическому внедрению научных разработок;
оказание в установленном порядке в качестве специалиста методической помощи органам дознания и предварительного следствия в выявлении факторов преступлений, вызвавших общественный резонанс, и разработке мер по их устранению;
постоянное изучение передового опыта мировой криминологии и законодательства зарубежных государств в сфере криминологической деятельности, разработку предложений и рекомендаций по внедрению его результатов в условиях Республики Узбекистан;
подготовку научных кадров высшей квалификации в форме самостоятельного соискательства в области криминологии, представление соискателей к ученым степеням и ученым званиям в установленном порядке.
3. Определить, что:
Институт является республиканским научно-исследовательским учреждением, специализирующимся на научном и экспертном обеспечении криминологической деятельности, входящим в организационную структуру Министерства внутренних дел и имеющим статус юридического лица;
организационно-штатная структура Института формируется за счет прекращения деятельности Центра научно-прикладных исследований вопросов общественной безопасности Министерства внутренних дел и поэтапной оптимизации штатных единиц научных организаций в системе министерств и ведомств;
Институт является правопреемником по правам и обязательствам Центра научно-прикладных исследований вопросов общественной безопасности Министерства внутренних дел;
Институт выполняет свои задачи независимо от каких-либо государственных органов, общественных объединений и должностных лиц, запрещается препятствовать его деятельности, воздействовать на него с целью изменения сведений в отчете исследований;
Институт возглавляет руководитель, назначаемый на должность и освобождаемый от должности Кабинетом Министров;
расходы на текущие организационные и инициативные исследования Института финансируются за счет бюджетных средств Министерства внутренних дел, расходы на исследования на основании заказа — за счет внебюджетных средств государственных органов (заказчиков), оказания платных услуг, национальных и международных грантов, а также иных источников, не запрещенных актами законодательства.
4. Установить порядок, в соответствии с которым:
Институт на основе результатов научно-исследовательских проектов и диссертаций в области криминологии, научного диагноза факторов преступлений, анализа и прогнозирования тенденций преступности в конце каждого квартала подготавливает «Государственный отчет о факторах преступности» и «Государственный отчет о тенденциях преступности», в конце каждого года — «Государственный отчет криминологических исследований» и аналитическую информацию о криминогенной ситуации, внося их в Кабинет Министров и органы, непосредственно осуществляющие профилактику правонарушений;
Министерство внутренних дел совместно с органами, непосредственно осуществляющими профилактику правонарушений, исходя из «Государственного отчета криминологических исследований» в конце каждого года разрабатывает и вносит в Кабинет Министров «дорожную карту» комплексных мер по устранению факторов преступности и их негативных тенденций в республике на предстоящий год;
Кабинет Министров в начале каждого года утверждает «дорожную карту» комплексных мер по устранению факторов преступности и их негативных тенденций в республике и обеспечивает ее своевременную реализацию органами, непосредственно осуществляющими профилактику правонарушений;
при Институте создается Криминологический совет Республики Узбекистан в целях эффективной организации взаимодействия научных и высших образовательных учреждений в области криминологических исследований и преподавания предмета «Криминология».
5. Кабинету Министров (А. Арипов) в двухмесячный срок, исходя из настоящего Указа, утвердить Положение об Институте, порядок работы при нем Криминологического совета Республики Узбекистан, порядок осуществления органами, непосредственно осуществляющими профилактику правонарушений, необходимых мероприятий по научным предложениям Института.
6. Министерству внутренних дел (П. Бобожонов) принять необходимые организационные меры по размещению Института по адресу: город Ташкент, Мирзо-Улугбекский район, улица Буюк ипак йули, дом № 243.
7. Внести изменения и дополнения в некоторые указы Президента Республики Узбекистан согласно приложению .
8. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 15 января 2024 года № УП-10
Изменения и дополнения, вносимые в некоторые указы Президента Республики Узбекистан
1. Пункт 7 Указа Президента Республики Узбекистан от 31 октября 2018 года № УП-5566 «О мерах по коренному совершенствованию системы уголовно-правовой статистики и повышению эффективности системного анализа преступлений» признать утратившим силу.
2. Подпункт «б» пункта 7 Указа Президента Республики Узбекистан от 26 марта 2021 года № УП-6196 «О мерах по поднятию на качественно новый уровень деятельности органов внутренних дел в сфере обеспечения общественной безопасности и борьбы с преступностью» признать утратившим силу.
3. В Указе Президента Республики Узбекистан от 29 ноября 2021 года № УП-27 «О мерах по утверждению и реализации Концепции общественной безопасности Республики Узбекистан»:
а) абзац десятый пункта 8 приложения № 1 после слов «в сфере обеспечения общественной безопасности» дополнить словами «и криминологии»;
б) в приложении № 2 :
пункт 41 после слов «отражающих составные части деятельности по обеспечению общественной безопасности» дополнить словами «, а также развитие преподавания предмера криминологии в образовательных учреждениях республики»;
из пункта 44 слова «Центра научно-прикладных исследований вопросов общественной безопасности Министерства внутренних дел и» исключить;
в пункте 47 слова «Центра научно-практических исследований вопросов общественной безопасности Министерства внутренних дел» заменить словами «Исследовательского института криминологии Республики Узбекистан».
4. Абзац девятый пункта 2 Указа Президента Республики Узбекистан от 28 ноября 2022 года № УП-257 «О внедрении качественно новой системы подготовки квалифицированных кадров в сфере расследования преступлений» изложить в следующей редакции:
«осуществление анализа преступлений в разрезе их видов на основании изучения материалов доследственной проверки и уголовных дел, методическое и консультативное обеспечение деятельности по профилактике правонарушений и борьбе с преступностью».
Президент Республики Узбекистан Ш. МИРЗИЁЕВ
г. Ташкент,
15 января 2024 г.,
№ УП-10