📅 2024-yil 18-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 18 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 18 января 2024 г. · Указы Президента
Официальный текст. Официальный документ. Редакционные примечания не включены.
📅 18 January 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
МАЙДОНИ
Қишлоқ хўжалигига мўлжалланган ер участкаларини ижарага бериш тартибини такомиллаштириш бўйича қўшимча чора-тадбирлар тўғрисида
Ўзбекистон Республикаси Президентининг 2021 йил 8 июндаги «Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида»ги ПФ-6243-сон Фармони билан бошланган ер муносабатлари соҳасидаги ислоҳотларни изчил давом эттириш мақсадида:
1. 2024 йил 1 мартдан бошлаб қишлоқ хўжалигига мўлжалланган ер участкаларини ижарага беришда очиқ электрон танлов ўрнига электрон онлайн аукцион савдолари жорий этилсин.
2. Белгилансинки:
а) қишлоқ хўжалигига мўлжалланган ер участкалари электрон онлайн аукцион савдолари орқали ўттиз йилга ижарага берилади, бунда бошланғич нарх ер участкасининг норматив қиймати миқдорида белгиланади, сотилмаган лотларнинг нархи ҳар такрорий савдода 10 фоиздан босқичма-босқич бошланғич нархнинг 20 фоизигача камайтирилади;
б) ер участкаларини электрон онлайн аукцион савдоларига чиқариш бўйича материалларни тайёрлаш, қонунчиликка тегишли ўзгартиришлар киритилгунига қадар, очиқ электрон танлов учун белгиланган тартибда, электрон онлайн аукцион савдоларини ўтказиш эса, аукцион савдоларини ташкил этиш ҳамда ўтказиш тартибига мувофиқ амалга оширилади;
д) электрон онлайн аукцион савдолари орқали ижара ҳуқуқини сотишдан тушган маблағлар ижара ҳуқуқи давлат рўйхатидан ўтказилганидан кейин оператор хизмат ҳақи чегирилган ҳолда қуйидаги тартибда тақсимланади:
10 фоизи — Қишлоқ хўжалиги вазирлиги тизимидаги ташкилотларга (2 фоиз — «Агросаноатни рақамлаштириш маркази» МЧЖга, 3 фоиз — «Ўздаверлойиҳа» давлат илмий-лойиҳалаш институтига, 5 фоиз — Қишлоқ хўжалигини ривожлантириш ва озиқ-овқат таъминоти жамғармасига);
5 фоизи — туман ва шаҳарлар солиқ инспекциялари бюджетдан ташқари жамғармаларига;
10 фоизи — 2025 йилнинг 1 мартидан бошлаб республика бюджетига мақсадли равишда аҳоли томорқаларида ва деҳқон хўжалиги ер майдонларида маҳсулот етиштириш бўйича ихтисослашувни чуқурлаштириш тадбирларига йўналтирилади. Бунда, республика бюджетига йўналтирилган маблағлар «Тадбиркорликни ривожлантириш компанияси» акциядорлик жамиятига давлат улушини ошириш учун йўналтирилади ва мақсадли равишда «Uzagrostar xolding» компанияси ва унинг муассислигидаги ихтисослашган компаниялар фаолиятини молиявий қўллаб-қувватлаш учун сарфланади;
базавий ҳисоблаш миқдорининг бир ярим баравари миқдорида — ер участкасига бўлган ҳуқуқни давлат рўйхатидан ўтказиш учун рўйхатдан ўтказувчи органнинг ҳисобварағига;
қолган маблағлар — тегишли туман (шаҳар) маҳаллий бюджетига.
Бунда Солиқ қўмитаси қишлоқ хўжалигига мўлжалланган ер участкасига бўлган ижара ҳуқуқини сотиш бўйича тўловларни ундиришга масъул этиб белгилансин.
Солиқ қўмитаси Қишлоқ хўжалиги вазирлиги ва «Электрон онлайн аукционларни ташкил этиш маркази» АЖ билан биргаликда 2025 йил 1 февралга қадар ўз маълумотлар базаларини интеграция қилиш орқали қишлоқ хўжалигига мўлжалланган ер участкасига бўлган ижара ҳуқуқини сотиш бўйича ҳар бир ижарага олувчи учун шахсий карточка ҳамда тўловларнинг аниқ ҳисоби юритилишини таъминласин.
3. Қишлоқ хўжалиги вазирлиги Қорақалпоғистон Республикаси Вазирлар Кенгаши, вилоятлар ҳокимлари, Кадастр агентлиги ва Давлат активларини бошқариш агентлиги билан биргаликда 2024 йил 1 мартга қадар:
1-иловага мувофиқ 15 626,8 гектар қишлоқ хўжалигига мўлжалланган ер участкасининг электрон онлайн аукцион савдоларига чиқарилишини (аҳоли пунктларига яқин, сув таъминоти яхши, унумдорлиги юқори бўлган, майдони, қоида тариқасида, 5 гектардан юқори контурларни 1 гектаргача лотларга бўлган ҳолда);
очиқ электрон танловга чиқарилган ва ғолиб аниқланмаган қишлоқ хўжалигига мўлжалланган ер участкалари 2024 йил 1 мартдан бошлаб автоматик тарзда электрон онлайн аукцион савдоларига чиқарилишини таъминласин.
4. 2024 йил 1 мартдан бошлаб қишлоқ хўжалигига мўлжалланган ер участкалари ижарачиларига ижарага берилган ер участкалари бўйича ўз ҳуқуқ ва мажбуриятларини ер участкасидан фойдаланиш мақсадини ўзгартирмаган ҳолда тўлиқ ёки қисман бошқа шахсга ўтказишга (қайта ижарага беришга) рухсат берилсин. Бунда:
ижарага олувчи ер участкасидан камида уч йил давомида, ушбу банднинг учинчи хатбошисида назарда тутилган ҳолларда эса, камида беш йил давомида ўзи фойдаланган бўлиши шарт, ушбу муддат ижара ҳуқуқи давлат рўйхатидан ўтказилган пайтдан бошлаб ҳисобланади;
юридик шахсларга электрон онлайн аукцион савдолари, очиқ электрон танлов ёки танлов ўтказмасдан давлат органларининг қарорлари билан тўғридан-тўғри ижарага берилган ер участкаларини бошқа шахсга ўтказишга (қайта ижарага беришга) ижара ҳуқуқи давлат рўйхатидан ўтказилган пайтдан бошлаб беш йилдан кейин йўл қўйилади;
ижарага берувчи очиқ электрон танлов натижасига кўра ижара муддатига тенг тақсимланадиган қўшимча тўловларни ёки электрон онлайн аукцион савдолари натижаларига кўра бўлиб-бўлиб тўлаш назарда тутилган тўловларни бирйўла тўлаши шарт.
5. Олий Мажлис Қонунчилик палатаси Кенгаши ва Олий Мажлис Сенати Кенгашининг 2023 йил 13 декабрдаги «Республикамизда ерлардан оқилона ва самарали фойдаланиш ҳолатини ўрганиш, бу борада маҳаллий Кенгашлар томонидан назорат қилиш самарадорлигини янада ошириш тўғрисида»ги 3787-IV/КҚ-642-IV-сонли қўшма қарори маълумот учун қабул қилинсин.
2027 йил 1 январга қадар бўлган даврда халқ депутатлари туман (шаҳар) Кенгашларига ҳуқуқни тасдиқловчи ҳужжатлари тўлиқ бўлмаган, ҳужжатдаги ва амалдаги майдони бир-биридан фарқ қиладиган, доимий фойдаланиш ҳуқуқи билан ажратилган, шу сабабларга кўра ҳуқуқ давлат рўйхатидан ўтказилмаган ҳолда амалда фойдаланиб келинаётган қишлоқ хўжалигига мўлжалланган ер участкаларидан фойдаланиш самарадорлигини ўрганиб, ўз сессияларида ушбу ер участкалари бўйича:
туман (шаҳар) ҳокими ва ердан фойдаланувчи ўртасида ер ижараси шартномасини тузиш (ижара шартномасига ўзгартириш ва қўшимчалар киритиш) тўғрисида;
ер участкасини захирага қайтариш чораларини кўриш тўғрисида қарорлар қабул қилиш ваколати берилсин.
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимлари 2027 йил 1 январга қадар ўз ҳудудларида ерга бўлган ҳуқуқ давлат рўйхатидан ўтказилмаган, лекин амалда фойдаланиб келинаётган қишлоқ хўжалигига мўлжалланган барча ер участкалари бўйича ижара ҳуқуқини давлат рўйхатидан ўтказиш ёки ерни захирага қайтариш чораларини кўрсин.
6. Қишлоқ хўжалигига мўлжалланган суғориладиган ерлар учун қишлоқ хўжалиги ва ўрмон хўжалиги ишлаб чиқариши нобудгарчилиги ўрнини қоплаш бўйича тўловлар барча ҳолларда барча шахслардан тўлиқ ундирилиши белгилансин, бундан ер участкалари жамоат эҳтиёжлари учун олиб қўйилган ҳоллар мустасно.
7. Шундай тартиб ўрнатилсинки, унга мувофиқ гаровга қўювчининг ер участкасига бўлган ҳуқуқлар гарови билан таъминланган мажбурияти бажарилмаган тақдирда, ер участкасидан фойдаланиш мақсадини ўзгартирмаган ҳолда, ижара ҳуқуқини ер ижараси шартномасининг қолган даврига электрон онлайн аукцион савдолари орқали реализация қилишга рухсат этилади. Бунда:
ер участкасига ижара ҳуқуқини электрон онлайн аукцион савдоларига чиқаришни ваколатли органлар билан келишиш (хулоса олиш) талаб этилмайди;
суд ҳужжатлари ва бошқа органлар ҳужжатларини ижро этиш тўғрисидаги қонунчиликка мувофиқ, ижара ҳуқуқини электрон онлайн аукцион савдоларида реализация қилишдан тушган маблағлар қонунчиликда белгиланган тартибда тақсимланади.
8. Агросаноат кластерларига ер участкаларини Вазирлар Маҳкамаси томонидан тўғридан-тўғри ижарага бериш тартиби бекор қилинсин. Бунда, агросаноат кластерлари ер участкаларини электрон онлайн аукцион савдолари орқали ёки йирик инвестиция лойиҳасини амалга ошириш учун энг яхши таклифни танлаб олиш йўли билан ижарага олишлари мумкин.
9. Инвестициялар, саноат ва савдо вазирлиги, Адлия вазирлиги икки ой муддатда йирик инвестиция лойиҳасини амалга ошириш учун энг яхши таклифни танлаб олиш тартибини соддалаштириш бўйича Ҳукумат қарори лойиҳасини, шунингдек, чет эл инвестициялари иштирокидаги корхоналарга ер участкаларини ажратиш тартибини такомиллаштириш бўйича норматив-ҳуқуқий ҳужжат лойиҳасини Вазирлар Маҳкамасига киритсин.
Бунда, ер участкаларини чет эл инвестициялари иштирокидаги корхоналарга, йирик инвестиция лойиҳасини амалга ошириш учун энг яхши таклифни танлаб олиш йўли билан маҳаллий ва чет эллик инвесторларга тўғридан-тўғри ижарага беришда ушбу ер участкасига ижара ҳуқуқининг баҳоловчи ташкилот томонидан аниқланадиган бозор қийматига нисбатан коэффициентларда белгиланадиган миқдордаги маблағ ижарага олувчи томонидан Давлат бюджетига тўланиши назарда тутилсин.
10. Адлия вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Ўзбекистон Республикаси Президентининг айрим ҳужжатларига 2-иловага мувофиқ ўзгартиришлар ва қўшимча киритилсин.
12. Мазкур Фармоннинг ижросини самарали ташкил қилишга масъул ва шахсий жавобгар этиб Бош вазир ўринбосарлари Ж.А. Ходжаев ва Ж.А. Қўчқоров, қишлоқ хўжалиги вазири И.Ю. Абдурахмонов белгилансин.
Фармон ижроси учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 18 январдаги ПФ-15-сон Фармонига 1-ИЛОВА
2024 йил 1 мартга қадар электрон онлайн аукцион савдоларига чиқариладиган қишлоқ хўжалигига мўлжалланган ер участкалари
Т/р Ҳудудлар номи Ер майдони, гектар 1. Қорақалпоғистон Республикаси 1 724,8 2. Андижон вилояти 1 402,3 3. Бухоро вилояти 1 115,8 4. Жиззах вилояти 952,2 5. Қашқадарё вилояти 1 460,0 6. Навоий вилояти 449,2 7. Наманган вилояти 1 110,5 8. Самарқанд вилояти 1 332,2 9. Сурхондарё вилоят 1 353,3 10. Сирдарё вилояти 849,1 11. Тошкент вилояти 1 263,1 12. Фарғона вилояти 1 490,4 13. Хоразм вилояти 1 123,9 Республика бўйича 15 626,8
Ўзбекистон Республикаси Президентининг 2024 йил 18 январдаги ПФ-15-сон Фармонига 2-ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар ва қўшимча
1. Ўзбекистон Республикаси Президентининг 2021 йил 8 июндаги «Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида»ги ПФ-6243-сон Фармонида :
а) 2-банднинг бешинчи хатбошисидаги «очиқ электрон танлов» сўзлари «электрон онлайн аукцион» сўзлари билан алмаштирилсин;
б) 3-бандда :
учинчи хатбоши чиқариб ташлансин;
тўртинчи ва бешинчи хатбошилар тегишинча учинчи ва тўртинчи хатбошилар деб ҳисоблансин;
в) 4-банднинг иккинчи хатбошисидаги «очиқ танлов якунларини тасдиқлаш, ижара шартномасини имзолаш, ер участкаларини хусусийлаштириш натижаларини расмийлаштириш» сўзлари «ижара шартномасини имзолаш» сўзлари билан алмаштирилсин.
2. Ўзбекистон Республикаси Президентининг 2023 йил 8 августдаги «Қорақалпоғистон Республикасида тадбиркорларга қулай шароитлар яратишга оид қўшимча чора-тадбирлар тўғрисида»ги ПФ-129-сон Фармонининг 3-бандида :
бешинчи хатбоши «лойиҳа ташаббускорларига» сўзларидан кейин «, шу жумладан чет эл инвестициялари иштирокидаги корхоналарга» сўзлари билан тўлдирилсин;
олтинчи хатбошидаги «ўрмон фонди, қишлоқ хўжалигига мўлжалланмаган яйлов, сув етиб бормайдиган, унумдорлиги паст бўлган ерларнинг тоифасини» сўзлари «ўрмон фонди ерлари ва қишлоқ хўжалигига мўлжалланган ерлар таркибидаги суғорилмайдиган ер участкаларининг (яйловлар, сув етиб бормайдиган, унумдорлиги паст бўлган ерларнинг) ер фонди тоифасини» сўзлари билан алмаштирилсин.
3. Ўзбекистон Республикаси Президентининг 2020 йил 7 сентябрдаги «Ўзбекистон Республикаси Давлат солиқ қўмитаси ҳузуридаги Кадастр агентлиги фаолиятини ташкил этиш чора-тадбирлари тўғрисида»ги ПҚ-4819-сон қарори 11-бандининг тўртинчи хатбошиси чиқариб ташлансин.
4. Ўзбекистон Республикаси Президентининг 2022 йил 12 апрелдаги «Муҳандислик-коммуникация тармоқлари учун ер участкаларини ажратиш тартибини такомиллаштириш чора-тадбирлари тўғрисида»ги ПҚ-204-сон қарорининг 3-банди тўққизинчи хатбошиси қуйидаги таҳрирда баён этилсин:
«Ҳукумат комиссияси аъзолари томонидан имзоланган Ўзбекистон Республикаси Президентининг ва (ёки) Вазирлар Маҳкамасининг фармойиши лойиҳаси ишчи орган томонидан Адлия вазирлигига ҳуқуқий экспертизадан ўтказиш учун белгиланган тартибда киритилади, бунда мазкур лойиҳаларни бошқа идоралар билан келишиш талаб этилмайди, лойиҳаларга ер участкаларининг ер фонди тоифасини ўзгартиришдан бошқа масалаларни киритишга йўл қўйилмайди».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 18 январь,
ПФ-15-сон
Oʻzbekiston Respublikasi Prezidentining
Farmoni
MAYDONI
Qishloq xoʻjaligiga moʻljallangan yer uchastkalarini ijaraga berish tartibini takomillashtirish boʻyicha qoʻshimcha chora-tadbirlar toʻgʻrisida
Oʻzbekiston Respublikasi Prezidentining 2021-yil 8-iyundagi “Yer munosabatlarida tenglik va shaffoflikni taʼminlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida”gi PF-6243-son Farmoni bilan boshlangan yer munosabatlari sohasidagi islohotlarni izchil davom ettirish maqsadida:
1. 2024-yil 1-martdan boshlab qishloq xoʻjaligiga moʻljallangan yer uchastkalarini ijaraga berishda ochiq elektron tanlov oʻrniga elektron onlayn auksion savdolari joriy etilsin.
2. Belgilansinki:
a) qishloq xoʻjaligiga moʻljallangan yer uchastkalari elektron onlayn auksion savdolari orqali oʻttiz yilga ijaraga beriladi, bunda boshlangʻich narx yer uchastkasining normativ qiymati miqdorida belgilanadi, sotilmagan lotlarning narxi har takroriy savdoda 10 foizdan bosqichma-bosqich boshlangʻich narxning 20 foizigacha kamaytiriladi;
b) yer uchastkalarini elektron onlayn auksion savdolariga chiqarish boʻyicha materiallarni tayyorlash, qonunchilikka tegishli oʻzgartirishlar kiritilguniga qadar, ochiq elektron tanlov uchun belgilangan tartibda, elektron onlayn auksion savdolarini oʻtkazish esa, auksion savdolarini tashkil etish hamda oʻtkazish tartibiga muvofiq amalga oshiriladi;
d) elektron onlayn auksion savdolari orqali ijara huquqini sotishdan tushgan mablagʻlar ijara huquqi davlat roʻyxatidan oʻtkazilganidan keyin operator xizmat haqi chegirilgan holda quyidagi tartibda taqsimlanadi:
10 foizi — Qishloq xoʻjaligi vazirligi tizimidagi tashkilotlarga (2 foiz — “Agrosanoatni raqamlashtirish markazi” MCHJga, 3 foiz — “Oʻzdaverloyiha” davlat ilmiy-loyihalash institutiga, 5 foiz — Qishloq xoʻjaligini rivojlantirish va oziq-ovqat taʼminoti jamgʻarmasiga);
5 foizi — tuman va shaharlar soliq inspeksiyalari budjetdan tashqari jamgʻarmalariga;
10 foizi — 2025-yilning 1-martidan boshlab respublika budjetiga maqsadli ravishda aholi tomorqalarida va dehqon xoʻjaligi yer maydonlarida mahsulot yetishtirish boʻyicha ixtisoslashuvni chuqurlashtirish tadbirlariga yoʻnaltiriladi. Bunda, respublika budjetiga yoʻnaltirilgan mablagʻlar “Tadbirkorlikni rivojlantirish kompaniyasi” aksiyadorlik jamiyatiga davlat ulushini oshirish uchun yoʻnaltiriladi va maqsadli ravishda “Uzagrostar xolding” kompaniyasi va uning muassisligidagi ixtisoslashgan kompaniyalar faoliyatini moliyaviy qoʻllab-quvvatlash uchun sarflanadi;
bazaviy hisoblash miqdorining bir yarim baravari miqdorida — yer uchastkasiga boʻlgan huquqni davlat roʻyxatidan oʻtkazish uchun roʻyxatdan oʻtkazuvchi organning hisobvaragʻiga;
qolgan mablagʻlar — tegishli tuman (shahar) mahalliy budjetiga.
Bunda Soliq qoʻmitasi qishloq xoʻjaligiga moʻljallangan yer uchastkasiga boʻlgan ijara huquqini sotish boʻyicha toʻlovlarni undirishga masʼul etib belgilansin.
Soliq qoʻmitasi Qishloq xoʻjaligi vazirligi va “Elektron onlayn auksionlarni tashkil etish markazi” AJ bilan birgalikda 2025-yil 1-fevralga qadar oʻz maʼlumotlar bazalarini integratsiya qilish orqali qishloq xoʻjaligiga moʻljallangan yer uchastkasiga boʻlgan ijara huquqini sotish boʻyicha har bir ijaraga oluvchi uchun shaxsiy kartochka hamda toʻlovlarning aniq hisobi yuritilishini taʼminlasin.
3. Qishloq xoʻjaligi vazirligi Qoraqalpogʻiston Respublikasi Vazirlar Kengashi, viloyatlar hokimlari, Kadastr agentligi va Davlat aktivlarini boshqarish agentligi bilan birgalikda 2024-yil 1-martga qadar:
1-ilovaga muvofiq 15 626,8 gektar qishloq xoʻjaligiga moʻljallangan yer uchastkasining elektron onlayn auksion savdolariga chiqarilishini (aholi punktlariga yaqin, suv taʼminoti yaxshi, unumdorligi yuqori boʻlgan, maydoni, qoida tariqasida, 5 gektardan yuqori konturlarni 1 gektargacha lotlarga boʻlgan holda);
ochiq elektron tanlovga chiqarilgan va gʻolib aniqlanmagan qishloq xoʻjaligiga moʻljallangan yer uchastkalari 2024-yil 1-martdan boshlab avtomatik tarzda elektron onlayn auksion savdolariga chiqarilishini taʼminlasin.
4. 2024-yil 1-martdan boshlab qishloq xoʻjaligiga moʻljallangan yer uchastkalari ijarachilariga ijaraga berilgan yer uchastkalari boʻyicha oʻz huquq va majburiyatlarini yer uchastkasidan foydalanish maqsadini oʻzgartirmagan holda toʻliq yoki qisman boshqa shaxsga oʻtkazishga (qayta ijaraga berishga) ruxsat berilsin. Bunda:
ijaraga oluvchi yer uchastkasidan kamida uch yil davomida, ushbu bandning uchinchi xatboshisida nazarda tutilgan hollarda esa, kamida besh yil davomida oʻzi foydalangan boʻlishi shart, ushbu muddat ijara huquqi davlat roʻyxatidan oʻtkazilgan paytdan boshlab hisoblanadi;
yuridik shaxslarga elektron onlayn auksion savdolari, ochiq elektron tanlov yoki tanlov oʻtkazmasdan davlat organlarining qarorlari bilan toʻgʻridan-toʻgʻri ijaraga berilgan yer uchastkalarini boshqa shaxsga oʻtkazishga (qayta ijaraga berishga) ijara huquqi davlat roʻyxatidan oʻtkazilgan paytdan boshlab besh yildan keyin yoʻl qoʻyiladi;
ijaraga beruvchi ochiq elektron tanlov natijasiga koʻra ijara muddatiga teng taqsimlanadigan qoʻshimcha toʻlovlarni yoki elektron onlayn auksion savdolari natijalariga koʻra boʻlib-boʻlib toʻlash nazarda tutilgan toʻlovlarni biryoʻla toʻlashi shart.
5. Oliy Majlis Qonunchilik palatasi Kengashi va Oliy Majlis Senati Kengashining 2023-yil 13-dekabrdagi “Respublikamizda yerlardan oqilona va samarali foydalanish holatini oʻrganish, bu borada mahalliy Kengashlar tomonidan nazorat qilish samaradorligini yanada oshirish toʻgʻrisida”gi 3787-IV/KQ-642-IV-sonli qoʻshma qarori maʼlumot uchun qabul qilinsin.
2027-yil 1-yanvarga qadar boʻlgan davrda xalq deputatlari tuman (shahar) Kengashlariga huquqni tasdiqlovchi hujjatlari toʻliq boʻlmagan, hujjatdagi va amaldagi maydoni bir-biridan farq qiladigan, doimiy foydalanish huquqi bilan ajratilgan, shu sabablarga koʻra huquq davlat roʻyxatidan oʻtkazilmagan holda amalda foydalanib kelinayotgan qishloq xoʻjaligiga moʻljallangan yer uchastkalaridan foydalanish samaradorligini oʻrganib, oʻz sessiyalarida ushbu yer uchastkalari boʻyicha:
tuman (shahar) hokimi va yerdan foydalanuvchi oʻrtasida yer ijarasi shartnomasini tuzish (ijara shartnomasiga oʻzgartirish va qoʻshimchalar kiritish) toʻgʻrisida;
yer uchastkasini zaxiraga qaytarish choralarini koʻrish toʻgʻrisida qarorlar qabul qilish vakolati berilsin.
Qoraqalpogʻiston Respublikasi Vazirlar Kengashi, viloyatlar va Toshkent shahri hokimlari 2027-yil 1-yanvarga qadar oʻz hududlarida yerga boʻlgan huquq davlat roʻyxatidan oʻtkazilmagan, lekin amalda foydalanib kelinayotgan qishloq xoʻjaligiga moʻljallangan barcha yer uchastkalari boʻyicha ijara huquqini davlat roʻyxatidan oʻtkazish yoki yerni zaxiraga qaytarish choralarini koʻrsin.
6. Qishloq xoʻjaligiga moʻljallangan sugʻoriladigan yerlar uchun qishloq xoʻjaligi va oʻrmon xoʻjaligi ishlab chiqarishi nobudgarchiligi oʻrnini qoplash boʻyicha toʻlovlar barcha hollarda barcha shaxslardan toʻliq undirilishi belgilansin, bundan yer uchastkalari jamoat ehtiyojlari uchun olib qoʻyilgan hollar mustasno.
7. Shunday tartib oʻrnatilsinki, unga muvofiq garovga qoʻyuvchining yer uchastkasiga boʻlgan huquqlar garovi bilan taʼminlangan majburiyati bajarilmagan taqdirda, yer uchastkasidan foydalanish maqsadini oʻzgartirmagan holda, ijara huquqini yer ijarasi shartnomasining qolgan davriga elektron onlayn auksion savdolari orqali realizatsiya qilishga ruxsat etiladi. Bunda:
yer uchastkasiga ijara huquqini elektron onlayn auksion savdolariga chiqarishni vakolatli organlar bilan kelishish (xulosa olish) talab etilmaydi;
sud hujjatlari va boshqa organlar hujjatlarini ijro etish toʻgʻrisidagi qonunchilikka muvofiq, ijara huquqini elektron onlayn auksion savdolarida realizatsiya qilishdan tushgan mablagʻlar qonunchilikda belgilangan tartibda taqsimlanadi.
8. Agrosanoat klasterlariga yer uchastkalarini Vazirlar Mahkamasi tomonidan toʻgʻridan-toʻgʻri ijaraga berish tartibi bekor qilinsin. Bunda, agrosanoat klasterlari yer uchastkalarini elektron onlayn auksion savdolari orqali yoki yirik investitsiya loyihasini amalga oshirish uchun eng yaxshi taklifni tanlab olish yoʻli bilan ijaraga olishlari mumkin.
9. Investitsiyalar, sanoat va savdo vazirligi, Adliya vazirligi ikki oy muddatda yirik investitsiya loyihasini amalga oshirish uchun eng yaxshi taklifni tanlab olish tartibini soddalashtirish boʻyicha Hukumat qarori loyihasini, shuningdek, chet el investitsiyalari ishtirokidagi korxonalarga yer uchastkalarini ajratish tartibini takomillashtirish boʻyicha normativ-huquqiy hujjat loyihasini Vazirlar Mahkamasiga kiritsin.
Bunda, yer uchastkalarini chet el investitsiyalari ishtirokidagi korxonalarga, yirik investitsiya loyihasini amalga oshirish uchun eng yaxshi taklifni tanlab olish yoʻli bilan mahalliy va chet ellik investorlarga toʻgʻridan-toʻgʻri ijaraga berishda ushbu yer uchastkasiga ijara huquqining baholovchi tashkilot tomonidan aniqlanadigan bozor qiymatiga nisbatan koeffitsiyentlarda belgilanadigan miqdordagi mablagʻ ijaraga oluvchi tomonidan Davlat budjetiga toʻlanishi nazarda tutilsin.
10. Adliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirishlar va qoʻshimcha kiritilsin.
12. Mazkur Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosarlari J.A. Xodjayev va J.A. Qoʻchqorov, qishloq xoʻjaligi vaziri I.Yu. Abduraxmonov belgilansin.
Farmon ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 18-yanvardagi PF-15-son Farmoniga 1-ILOVA
2024-yil 1-martga qadar elektron onlayn auksion savdolariga chiqariladigan qishloq xoʻjaligiga moʻljallangan yer uchastkalari
T/r Hududlar nomi Yer maydoni, gektar 1. Qoraqalpogʻiston Respublikasi 1 724,8 2. Andijon viloyati 1 402,3 3. Buxoro viloyati 1 115,8 4. Jizzax viloyati 952,2 5. Qashqadaryo viloyati 1 460,0 6. Navoiy viloyati 449,2 7. Namangan viloyati 1 110,5 8. Samarqand viloyati 1 332,2 9. Surxondaryo viloyat 1 353,3 10. Sirdaryo viloyati 849,1 11. Toshkent viloyati 1 263,1 12. Fargʻona viloyati 1 490,4 13. Xorazm viloyati 1 123,9 Respublika boʻyicha 15 626,8
Oʻzbekiston Respublikasi Prezidentining 2024-yil 18-yanvardagi PF-15-son Farmoniga 2-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2021-yil 8-iyundagi “Yer munosabatlarida tenglik va shaffoflikni taʼminlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida”gi PF-6243-son Farmonida :
a) 2-bandning beshinchi xatboshisidagi “ochiq elektron tanlov” soʻzlari “elektron onlayn auksion” soʻzlari bilan almashtirilsin;
b) 3-bandda :
uchinchi xatboshi chiqarib tashlansin;
toʻrtinchi va beshinchi xatboshilar tegishincha uchinchi va toʻrtinchi xatboshilar deb hisoblansin;
v) 4-bandning ikkinchi xatboshisidagi “ochiq tanlov yakunlarini tasdiqlash, ijara shartnomasini imzolash, yer uchastkalarini xususiylashtirish natijalarini rasmiylashtirish” soʻzlari “ijara shartnomasini imzolash” soʻzlari bilan almashtirilsin.
2. Oʻzbekiston Respublikasi Prezidentining 2023-yil 8-avgustdagi “Qoraqalpogʻiston Respublikasida tadbirkorlarga qulay sharoitlar yaratishga oid qoʻshimcha chora-tadbirlar toʻgʻrisida”gi PF-129-son Farmonining 3-bandida :
beshinchi xatboshi “loyiha tashabbuskorlariga” soʻzlaridan keyin “, shu jumladan chet el investitsiyalari ishtirokidagi korxonalarga” soʻzlari bilan toʻldirilsin;
oltinchi xatboshidagi “oʻrmon fondi, qishloq xoʻjaligiga moʻljallanmagan yaylov, suv yetib bormaydigan, unumdorligi past boʻlgan yerlarning toifasini” soʻzlari “oʻrmon fondi yerlari va qishloq xoʻjaligiga moʻljallangan yerlar tarkibidagi sugʻorilmaydigan yer uchastkalarining (yaylovlar, suv yetib bormaydigan, unumdorligi past boʻlgan yerlarning) yer fondi toifasini” soʻzlari bilan almashtirilsin.
3. Oʻzbekiston Respublikasi Prezidentining 2020-yil 7-sentabrdagi “Oʻzbekiston Respublikasi Davlat soliq qoʻmitasi huzuridagi Kadastr agentligi faoliyatini tashkil etish chora-tadbirlari toʻgʻrisida”gi PQ-4819-son qarori 11-bandining toʻrtinchi xatboshisi chiqarib tashlansin.
4. Oʻzbekiston Respublikasi Prezidentining 2022-yil 12-apreldagi “Muhandislik-kommunikatsiya tarmoqlari uchun yer uchastkalarini ajratish tartibini takomillashtirish chora-tadbirlari toʻgʻrisida”gi PQ-204-son qarorining 3-bandi toʻqqizinchi xatboshisi quyidagi tahrirda bayon etilsin:
“Hukumat komissiyasi aʼzolari tomonidan imzolangan Oʻzbekiston Respublikasi Prezidentining va (yoki) Vazirlar Mahkamasining farmoyishi loyihasi ishchi organ tomonidan Adliya vazirligiga huquqiy ekspertizadan oʻtkazish uchun belgilangan tartibda kiritiladi, bunda mazkur loyihalarni boshqa idoralar bilan kelishish talab etilmaydi, loyihalarga yer uchastkalarining yer fondi toifasini oʻzgartirishdan boshqa masalalarni kiritishga yoʻl qoʻyilmaydi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 18-yanvar,
PF-15-son
Президента Республики Узбекистан
Указ
ПЛОЩАДЬ
О дополнительных мерах по совершенствованию порядка предоставления в аренду земельных участков сельскохозяйственного назначения
В целях последовательного продолжения реформ в сфере земельных отношений, начатых в соответствии с Указом Президента Республики Узбекистан от 8 июня 2021 года № УП-6243 «О мерах по обеспечению равенства и прозрачности в земельных отношениях, надежной защите прав на землю и превращению их в рыночный актив»:
1. Внедрить с 1 марта 2024 года электронные онлайн-аукционные торги вместо открытого электронного конкурса при предоставлении в аренду земельных участков сельскохозяйственного назначения.
2. Установить, что:
а) земельные участки сельскохозяйственного назначения предоставляются в аренду на срок тридцать лет посредством электронных онлайн-аукционных торгов, при которых стартовая цена устанавливается в размере нормативной стоимости земельного участка, цена нереализованных лотов снижается на каждых повторных торгах с 10 процентов до 20 процентов стартовой цены поэтапно;
б) подготовка материалов для выставления земельных участков на электронные онлайн-аукционные торги, до внесения соответствующих изменений в законодательство, осуществляется в порядке, установленном для открытого электронного конкурса, а проведение электронных онлайн-аукционных торгов осуществляется в соответствии с порядком организации и проведения аукционных торгов;
д) средства, вырученные от продажи права аренды посредством электронных онлайн-аукционных торгов, после государственной регистрации права аренды за вычетом платы за услуги оператора, распределяются в следующем порядке:
10 процентов — организациям системы Министерства сельского хозяйства (2 процента — ООО «Центр цифровизации агропромышленности», 3 процента — Государственному научно-проектному институту «Уздаверлойиха», 5 процентов — Фонду развития сельского хозяйства и продовольственного обеспечения);
5 процентов — внебюджетным фондам налоговых инспекций районов и городов;
10 процентов начиная с 1 марта 2025 года направляются в республиканский бюджет на мероприятия углубления специализации по выращиванию продукции на приусадебных землях населения и земельных площадях дехканских хозяйств. При этом средства, направленные в республиканский бюджет, передаются акционерному обществу «Компания по развитию предпринимательства» для повышения государственной доли и расходуются для финансовой поддержки деятельности компании «Uzagrostar xolding» и специализированных компаний под ее учредительством в целевом порядке;
полуторакратный размер базовой расчетной величины — в счет регистрирующего органа для государственной регистрации права аренды на земельный участок;
остальные средства — в местный бюджет соответствующего района (города).
При этом определить Налоговый комитет ответственным за взыскание платежей по реализации права аренды на земельный участок сельскохозяйственного назначения.
Налоговому комитету совместно с Министерством сельского хозяйства и АО «Центр организации электронных онлайн-аукционов» до 1 февраля 2025 года посредством интеграции своих баз данных обеспечить ведение точного учета лицевой карточки и платежей для каждого арендатора по реализации права аренды на земельный участок сельскохозяйственного назначения.
3. Министерству сельского хозяйства совместно с Советом Министров Республики Каракалпакстан, хокимами областей, Агентством по кадастру и Агентством по управлению государственными активами в срок до 1 марта 2024 года обеспечить:
выставление 15 626,8 гектара земельных участков сельскохозяйственного назначения на электронные онлайн-аукционные торги (близлежащие к населенным пунктам, с хорошим водоснабжением, высокой продуктивностью, объемом, как правило, с разделением контуров площадью более 5 гектаров на лоты площадью до 1 гектара) согласно приложению № 1 ;
автоматическое выставление с 1 марта 2024 года на электронные онлайн-аукционные торги земельных участков сельскохозяйственного назначения, которые ранее были выставлены на открытый электронный конкурс и победитель которых не определен.
4. Разрешить начиная с 1 марта 2024 года арендаторам земельных участков сельскохозяйственного назначения передавать свои права и обязательства (перенаем) по арендуемым земельным участкам другому лицу без изменения цели использования земельного участка полностью или частично. При этом:
арендатор обязан сам пользоваться земельным участком как минимум три года, а в случаях, предусмотренных абзацем третьим настоящего пункта, не менее пяти лет, данный срок исчисляется с момента государственной регистрации права аренды;
передача (перенаем) другому лицу земельных участков, предоставленных непосредственно юридическим лицам в аренду по решению государственных органов без проведения электронных онлайн-аукционных торгов, открытого электронного конкурса или конкурса, допускается по истечении пяти лет с момента государственной регистрации права аренды;
арендодатель обязан единовременно осуществить дополнительные платежи, которые соразмерно распределяются в соответствии со сроком аренды по результатам открытого электронного конкурса, или платежи, которые предусмотрены к оплате в рассрочку по результатам электронных онлайн-аукционных торгов.
5. Принять к сведению совместное постановление Кенгаша Законодательной палаты Олий Мажлиса и Кенгаша Сената Олий Мажлиса от 13 декабря 2023 года № 3787-IV/КҚ-642-IV «Об изучении состояния рационального и эффективного использования земель в республике, а также дальнейшем повышении эффективности контроля местными Кенгашами в данном направлении».
Районным (городским) Кенгашам народных депутатов предоставить полномочия в период до 1 января 2027 года принимать на своих сессиях решения по земельным участкам сельскохозяйственного назначения, имеющим неполные правоустанавливающие документы, отличающимся друг от друга по документам и фактической площади, отведенным на праве постоянного пользования, фактически используемым без проведения по вышеуказанным причинам государственной регистрации, на основе изучения ими эффективности использования данных участков:
о заключении договора аренды земли (внесении изменений и дополнений в договор аренды) между хокимом района (города) и землепользователем;
о принятии мер по возврату земельного участка в запас.
Совету Министров Республики Каракалпакстан, хокимам областей и города Ташкента до 1 января 2027 года принять меры по государственной регистрации права аренды на земельные участки или возврату земли в запас по всем земельным участкам сельскохозяйственного назначения на своих территориях, по которым не произведена государственная регистрация права на землю, но которые используются фактически.
6. Установить, что компенсационные выплаты по возмещению потерь сельскохозяйственного и лесохозяйственного производства за орошаемые земли сельскохозяйственного назначения во всех случаях взыскиваются в полном объеме со всех лиц, за исключением случаев изъятия земельных участков для общественных нужд.
7. Установить порядок, в соответствии с которым в случае неисполнения обязательства залогодателя, обеспеченного залогом прав на земельный участок, без изменения цели использования земельного участка допускается реализация права аренды на оставшийся срок действия договора аренды земельного участка посредством электронных онлайн-аукционных торгов. При этом:
не требуется согласования (получения заключения) с уполномоченными органами на выставление права аренды земельного участка на электронные онлайн-аукционные торги;
средства, вырученные от реализации права аренды на электронных онлайн-аукционных торгах в соответствии с законодательством об исполнении судебных актов и актов иных органов, распределяются в порядке, установленном законодательством.
8. Отменить порядок прямой передачи Кабинетом Министров земельных участков в аренду агропромышленным кластерам. При этом агропромышленные кластеры могут арендовать земельные участки посредством электронных онлайн-аукционных торгов или путем отбора наилучшего предложения для реализации крупного инвестиционного проекта.
9. Министерству инвестиций, промышленности и торговли, Министерству юстиции в двухмесячный срок внести в Кабинет Министров проект постановления Правительства об упрощении порядка отбора наилучшего предложения для реализации крупного инвестиционного проекта, а также проект нормативно-правового акта по совершенствованию порядка выделения земельных участков предприятиям с участием иностранных инвестиций.
При этом предусмотреть внесение арендатором в Государственный бюджет средств в размере, определенном в коэффициентах в соотношении с рыночной стоимостью права аренды земельного участка, определяемой оценочной организацией, в случае предоставления данного земельного участка напрямую в аренду предприятиям с участием иностранных инвестиций, отечественным и иностранным инвесторам путем отбора наилучшего предложения для реализации крупного инвестиционного проекта.
10. Министерству юстиции совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
11. Внести изменения и дополнение в некоторые акты Президента Республики Узбекистан согласно приложению № 2 .
12. Возложить на заместителей Премьер-министра Ж.А. Ходжаева и Д.А. Кучкарова, министра сельского хозяйства И.Ю. Абдурахмонова персональную ответственность за эффективную организацию исполнения настоящего Указа.
Осуществление координации и контроля за деятельностью ведомств, ответственных за исполнение настоящего Указа, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к Указу Президента Республики Узбекистан от 18 января 2024 года № УП-15
земельных участков сельскохозяйственного назначения, выставляемых на электронные онлайн-аукционные торги до 1 марта 2024 года
№ Наименование регионов Земельная площадь, гектар 1. Республика Каракалпакстан 1 724,8 2. Андижанская область 1 402,3 3. Бухарская область 1 115,8 4. Джизакская область 952,2 5. Кашкадарьинская область 1 460,0 6. Навоийская область 449,2 7. Наманганская область 1 110,5 8. Самаркандская область 1 332,2 9. Сурхандарьинская область 1 353,3 10. Сырдарьинская область 849,1 11. Ташкентская область 1 263,1 12. Ферганская область 1 490,4 13. Хорезмская область 1 123,9 По республике: 15 626,8
ПРИЛОЖЕНИЕ № 2 к Указу Президента Республики Узбекистан от 18 января 2024 года № УП-15
Изменения и дополнение, вносимые в некоторые акты Президента Республики Узбекистан
1. В Указе Президента Республики Узбекистан от 8 июня 2021 года № УП-6243 «О мерах по обеспечению равенства и прозрачности в земельных отношениях, надежной защите прав на землю и превращению их в рыночный актив»:
а) в абзаце пятом пункта 2 слова «открытых электронных конкурсов» заменить словами «электронных онлайн-аукционов»;
б) в пункте 3 :
абзац третий исключить;
абзацы четвертый и пятый считать абзацами третьим и четвертым соответственно;
в) в абзаце втором пункта 4 слова «утверждению итогов открытого конкурса, подписанию договора аренды, оформлению результатов приватизации земельных участков» заменить словами «подписанию договора аренды».
2. В пункте 3 Указа Президента Республики Узбекистан от 8 августа 2023 года № УП-129 «О дополнительных мерах по созданию благоприятных условий для предпринимателей в Республике Каракалпакстан»:
в абзаце пятом после слов «инициаторам проектов» дополнить словами «, в том числе предприятиям с участием иностранных инвестиций»;
в абзаце шестом слова «категории земель лесного фонда, несельскохозяйственных пастбищ, земель без доступа к воде и низкоплодородных земель» заменить словами «категории земельного фонда неорошаемых земельных участков (пастбищ, земель без доступа к воде, низкоплодородных земель), в составе земель лесного фонда и земель сельскохозяйственного назначения».
3. Абзац четвертый пункта 11 постановления Президента Республики Узбекистан от 7 сентября 2020 года № ПП-4819 «О мерах по организации деятельности Агентства по кадастру при Государственном налоговом комитете Республики Узбекистан» исключить.
4. Абзац девятый пункта 3 постановления Президента Республики Узбекистан от 12 апреля 2022 года № ПП-204 «О мерах по совершенствованию порядка выделения земельных участков для инженерно-коммуникационных сетей» изложить в следующей редакции:
«проект распоряжения Президента Республики Узбекистан и (или) Кабинета Министров, подписанный членами Правительственной комиссии, вносится рабочим органом в Министерство юстиции для проведения правовой экспертизы в установленном порядке, при этом согласование данных проектов с другими ведомствами не требуется, включение в проекты вопросов, кроме изменения категории земельного фонда земельных участков, не допускается».
Президент Республики Узбекистан Ш. МИРЗИЁЕВ
г. Ташкент,
18 января 2024 г.,
№ УП-15