📅 2024-yil 20-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 20 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 20 января 2024 г. · Указы Президента
Официальный текст. Официальный документ. Редакционные примечания не включены.
📅 20 January 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ёшлар сиёсати ва спорт соҳасида давлат бошқаруви тизимини такомиллаштириш чора-тадбирлари тўғрисида
Ёшларга оид давлат сиёсатини янги босқичга олиб чиқиш, спортни ривожлантириш бўйича долзарб муаммоларни самарали ҳал этиш, ушбу соҳалардаги давлат ва нодавлат ташкилотларнинг ҳамкорликдаги фаолиятини такомиллаштириш ва мувофиқлаштириш, шунингдек, «Ўзбекистон — 2030» стратегиясида белгиланган вазифаларни «Ёшлар ва бизнесни қўллаб-қувватлаш йили»да сифатли амалга ошириш ҳамда ёшларга оид давлат сиёсати йўналишида белгиланган мақсадли кўрсаткичларга эришилишини таъминлаш мақсадида:
1. Қуйидагилар:
а) Ёшлар ишлари агентлиги (кейинги ўринларда — Агентлик) Ёшлар сиёсати ва спорт вазирлиги тизимидан Вазирлар Маҳкамаси бўйсунувига ўтказилсин;
б) Ёшлар сиёсати ва спорт вазирлиги негизида Спорт вазирлиги;
Қорақалпоғистон Республикаси Ёшлар сиёсати ва спорт вазирлиги, вилоятлар ва Тошкент шаҳар ёшлар сиёсати ва спорт бошқармалари негизида Қорақалпоғистон Республикаси Спорт вазирлиги, вилоятлар ва Тошкент шаҳар спорт бошқармалари ташкил этилсин.
2. Белгилансинки, Спорт вазирлиги ҳамда Ёшлар ишлари агентлиги тегишлилиги бўйича Ёшлар сиёсати ва спорт вазирлигининг ҳуқуқлари, мажбуриятлари ва шартномалари, шу жумладан халқаро шартномалари бўйича ҳуқуқий вориси ҳисобланади.
3. Қуйидагилар:
Спорт вазирлиги фаолиятининг устувор йўналишлари 1-иловага мувофиқ;
Спорт вазирлигининг ташкилий тузилмаси 2-иловага мувофиқ;
Ёшлар ишлари агентлиги фаолиятининг устувор йўналишлари 3-иловага мувофиқ;
Ёшлар ишлари агентлигининг ташкилий тузилмаси 4-иловага мувофиқ тасдиқлансин.
4. Белгилансинки:
тегишинча Спортни қўллаб-қувватлаш жамғармаси Спорт вазирлиги ҳамда унинг тизимидаги бюджет ташкилотлари ҳузурида, Ёшларга оид давлат сиёсатини қўллаб-қувватлаш жамғармаси Ёшлар ишлари агентлиги ва унинг ҳудудий бўлинмалари ҳамда Ёшлар муаммоларини ўрганиш ва истиқболли кадрларни тайёрлаш институти ҳузурида маблағларни шакллантириш ва улардан фойдаланишнинг амалдаги тартибини тўлиқ сақлаб қолган ҳолда юридик шахс мақомига эга бўлмаган бюджетдан ташқари жамғарма сифатида фаолият юритади;
спорт соҳасига ҳамда ёшларга оид давлат сиёсатини амалга оширишга бевосита ёки билвосита таъсир қиладиган норматив-ҳуқуқий ҳужжатларнинг лойиҳалари, шунингдек, Давлат бюджети маблағлари ҳисобидан барпо этиладиган ёшларга оид инфратузилмалар, спорт объектлари ва иншоотларининг лойиҳа ҳужжатлари тегишлича Спорт вазирлиги ва Ёшлар ишлари агентлиги билан мажбурий равишда келишилади.
5. Спорт вазирлиги Тошкент шаҳри, Абдулла Қодирий кўчаси, 2-уй манзили бўйича, Ёшлар ишлари агентлиги Тошкент шаҳри, Алишер Навоий кўчаси 11б-уй манзили бўйича жойлаштирилсин.
6. Ўзбекистон Республикаси Президентининг 2023 йил 7 апрелдаги «Маъмурий ислоҳотлар доирасида ёшлар сиёсати ва спорт соҳасида давлат бошқарувини самарали ташкил қилиш чора-тадбирлари тўғрисида»ги ПҚ-114-сон қарори 1-бандининг иккинчи , тўртинчи ва бешинчи хатбошилари , шунингдек, қарорга 1 , 3 ва 4-иловалар ўз кучини йўқотган деб ҳисоблансин.
7. Ўзбекистон Республикаси Президентининг айрим фармонларига 5-иловага мувофиқ ўзгартириш ва қўшимчалар киритилсин.
8. Спорт вазирлиги Ёшлар ишлари агентлиги билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 20 январдаги ПФ-18-сон Фармонига 1-ИЛОВА
Спорт вазирлиги фаолиятининг устувор йўналишлари
Қуйидагилар Спорт вазирлиги фаолиятининг устувор йўналишлари ҳисобланади:
а) спорт соҳасида ягона давлат сиёсатини амалга ошириш, унда иштирок этувчи давлат органларининг ушбу йўналишдаги фаолиятини мувофиқлаштириш ҳамда мазкур соҳада қонунчиликка риоя этилиши устидан назоратни амалга ошириш;
б) соҳага оид комплекс дастурларни ишлаб чиқиш ҳамда спорт соҳасида фаолият юритадиган нодавлат нотижорат ташкилотлар ҳамда фуқаролик жамиятининг бошқа институтларини қўллаб-қувватлаш;
в) аҳоли ўртасида спортни оммалаштириш ва соғлом турмуш тарзига кенг жалб этиш, спорт таълими тизимини такомиллаштириш, спорт турлари бўйича юқори натижадор спортчилар захирасини яратиш;
г) Олимпия ва Паралимпия ҳаракатини ривожлантириш, нуфузли халқаро мусобақаларда спортчиларнинг муваффақиятли иштирокини таъминлаш;
д) спорт инфратузилмасини модернизация қилиш, соҳани босқичма-босқич рақамлаштириш, соҳада халқаро ҳамкорликни ривожлантириш;
е) спорт соҳасида халқаро ҳамкорликни йўлга қўйиш ва мустаҳкамлаш, халқаро шартномалар тайёрлаш, тузиш ва бажариш ҳақида таклифлар тақдим этиш;
ж) норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатларнинг ишлаб чиқилиши ва тасдиқланишини ташкил этиш.
Ўзбекистон Республикаси Президентининг 2024 йил 20 январдаги ПФ-18-сон Фармонига 2-ИЛОВА
Спорт вазирлигининг ташкилий тузилмаси
Спорт вазирлиги Қорақалпоғистон Республикаси Спорт вазирлиги, вилоятлар ва Тошкент шаҳар спорт бошқармалари Ўзбекистон давлат жисмоний тарбия ва спорт университети ҳамда унинг Нукус ва Фарғона филиаллари Спорт турларини ривожлантириш республика марказлари Гимнастика спорт турларига тайёрлаш марказлари «Рақамлаштириш ва сертификатлаш маркази» МЧЖ Ўзбекистон давлат спорт академияси Олимпия ва паралимпия спорт турларига тайёрлаш марказлари Ўзбекистон каратэни ривожлантириш маркази Жисмоний тарбия ва спорт бўйича мутахассисларни қайта тайёрлаш ва малакасини ошириш институти ҳамда унинг Нукус, Самарқанд ва Фарғона филиаллари Республика олимпия захиралари теннис мактаби Оғир атлетика маркази Жисмоний тарбия ва спорт илмий тадқиқотлар институти Республика велоспорт маҳорат мактаб-интернати Спорт турлари бўйича ихтисослаштирилган давлат мактаб-интернатлари Ўзбекистон дзюдо академияси Спортнинг эшкак эшиш ва гимнастика бўйича ихтисослаштирилган республика болалар-ўсмирлар олимпия захираси спорт мактаблари Ихтисослаштирилган спорт мактаблари Халқаро шахмат академияси Спорт мактаблари Олимпия ва паралимпия шон-шуҳрати музейи
Ўзбекистон Республикаси Президентининг 2024 йил 20 январдаги ПФ-18-сон Фармонига 3-ИЛОВА
Ёшлар ишлари агентлиги фаолиятининг устувор йўналишлари
Қуйидагилар Ёшлар ишлари агентлиги фаолиятининг устувор йўналишлари ҳисобланади:
а) ёшлар билан боғлиқ соҳа ва йўналишларда ягона давлат сиёсатини, стратегик йўналишлар ва давлат дастурларини ишлаб чиқиш ҳамда амалга ошириш;
б) маҳаллаларда ёшлар билан ишлашнинг янгича бошқарув механизмларини жорий этиш, улар билан ишлашнинг вертикал тизимини яратиш, ёшлар муаммоларини бевосита маҳаллаларда ҳал этиш бўйича белгиланган вазифаларни самарали амалга ошириш;
в) ёшларни Ватанга садоқат, миллий ва умуминсоний қадриятларга ҳурмат руҳида тарбиялаш, уларнинг соғлиғига зарар етказувчи ахборотдан ҳимоя қилиш, ўсиб келаётган ёш авлодни илм-фан ва инновацияларга кенг жалб этиш;
г) ёшларнинг ҳуқуқ ва эркинликлари, қонуний манфаатларини ҳимоя қилиш, ёшлар ўртасида ҳуқуқбузарликлар ва жиноятчилик профилактикасига қаратилган чора-тадбирларни амалга оширишда иштирок этиш;
д) ёшларга оид давлат сиёсатини амалга ошириш жараёнида нодавлат нотижорат ташкилотлар ва фуқаролик жамиятининг бошқа институтлари билан ҳамкорлик қилиш;
е) ёшларнинг интеллектуал ривожланишга бўлган интилишларини қўллаб-қувватлаш ва бу соҳадаги ишларни мувофиқлаштириб бориш;
ж) ёшларни кичик бизнес ва хусусий тадбиркорликка кенг жалб этиш, замонавий касб-ҳунар, рақамли иқтисодиёт кўникмаларини пухта эгаллашлари учун қўшимча шарт-шароитлар яратиш, уларни иш билан таъминлаш жараёнларига кўмаклашиш;
з) ёшлар ишлари соҳасида халқаро ҳамкорликни йўлга қўйиш ва мустаҳкамлаш, халқаро шартномалар тайёрлаш, тузиш ва бажариш ҳақида таклифлар тақдим этиш;
и) норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатларнинг ишлаб чиқилиши ва тасдиқланишини ташкил этиш.
Ўзбекистон Республикаси Президентининг 2024 йил 20 январдаги ПФ-18-сон Фармонига 4-ИЛОВА
Ёшлар ишлари агентлигининг ташкилий тузилмаси
Ёшлар ишлари агентлиги Қорақалпоғистон Республикаси, вилоятлар ва Тошкент шаҳар ёшлар ишлари бошқармалари Ёшлар муаммоларини ўрганиш ва истиқболли кадрларни тайёрлаш институти Туман (шаҳар) ёшлар ишлари бўлимлари
Ўзбекистон Республикаси Президентининг 2024 йил 20 январдаги ПФ-18-сон Фармонига 5-ИЛОВА
Ўзбекистон Республикаси Президентининг айрим фармонларига киритилаётган ўзгартириш ва қўшимчалар
1. Ўзбекистон Республикаси Президентининг 2022 йил 21 декабрдаги «Янги Ўзбекистон маъмурий ислоҳотларини амалга ошириш чора-тадбирлари тўғрисида»ги ПФ-269-сон Фармони 12-бандининг ўнинчи хатбошисидаги «Ёшлар сиёсати ва спорт вазирлиги» сўзлари «Спорт вазирлиги» сўзлари билан алмаштирилсин.
2. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонида :
а) 1-иловада :
«15. Ёшлар сиёсати ва спорт вазирлиги» бўлими қуйидаги таҳрирда баён этилсин:
15. Спорт вазирлиги Спорт вазирлиги 469 469 шу жумладан вазир ўринбосарлари сони 3 3 » ;
қуйидаги мазмундаги 24-бўлим билан тўлдирилсин:
« 24. Ёшлар ишлари агентлиги Ёшлар ишлари агентлиги 776 776 шу жумладан директор ўринбосарлари сони 3 3 » ;
б) 2-иловада :
15-банд қуйидаги таҳрирда баён этилсин:
«15. Спорт вазирлиги»;
15.1-позиция чиқариб ташлансин;
қуйидаги мазмундаги 27-позиция билан тўлдирилсин:
«27. Ёшлар ишлари агентлиги»;
в) 2а-иловада :
15-позиция қуйидаги таҳрирда баён этилсин:
« 15. Ўзбекистон Республикаси Спорт вазирлиги Спорт вазирлиги Минспорта ».
15.1-позиция чиқариб ташлансин;
қуйидаги мазмундаги 27-позиция билан тўлдирилсин:
« 27. Ўзбекистон Республикаси Ёшлар ишлари агентлиги Ёшлар агентлиги Агентство молодежи ».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 20 январь,
ПФ-18-сон
Oʻzbekiston Respublikasi Prezidentining
Farmoni
Yoshlar siyosati va sport sohasida davlat boshqaruvi tizimini takomillashtirish chora-tadbirlari toʻgʻrisida
Yoshlarga oid davlat siyosatini yangi bosqichga olib chiqish, sportni rivojlantirish boʻyicha dolzarb muammolarni samarali hal etish, ushbu sohalardagi davlat va nodavlat tashkilotlarning hamkorlikdagi faoliyatini takomillashtirish va muvofiqlashtirish, shuningdek, “Oʻzbekiston — 2030” strategiyasida belgilangan vazifalarni “Yoshlar va biznesni qoʻllab-quvvatlash yili”da sifatli amalga oshirish hamda yoshlarga oid davlat siyosati yoʻnalishida belgilangan maqsadli koʻrsatkichlarga erishilishini taʼminlash maqsadida:
1. Quyidagilar:
a) Yoshlar ishlari agentligi (keyingi oʻrinlarda — Agentlik) Yoshlar siyosati va sport vazirligi tizimidan Vazirlar Mahkamasi boʻysunuviga oʻtkazilsin;
b) Yoshlar siyosati va sport vazirligi negizida Sport vazirligi;
Qoraqalpogʻiston Respublikasi Yoshlar siyosati va sport vazirligi, viloyatlar va Toshkent shahar yoshlar siyosati va sport boshqarmalari negizida Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalari tashkil etilsin.
2. Belgilansinki, Sport vazirligi hamda Yoshlar ishlari agentligi tegishliligi boʻyicha Yoshlar siyosati va sport vazirligining huquqlari, majburiyatlari va shartnomalari, shu jumladan xalqaro shartnomalari boʻyicha huquqiy vorisi hisoblanadi.
3. Quyidagilar:
Sport vazirligi faoliyatining ustuvor yoʻnalishlari 1-ilovaga muvofiq;
Sport vazirligining tashkiliy tuzilmasi 2-ilovaga muvofiq;
Yoshlar ishlari agentligi faoliyatining ustuvor yoʻnalishlari 3-ilovaga muvofiq;
Yoshlar ishlari agentligining tashkiliy tuzilmasi 4-ilovaga muvofiq tasdiqlansin.
4. Belgilansinki:
tegishincha Sportni qoʻllab-quvvatlash jamgʻarmasi Sport vazirligi hamda uning tizimidagi budjet tashkilotlari huzurida, Yoshlarga oid davlat siyosatini qoʻllab-quvvatlash jamgʻarmasi Yoshlar ishlari agentligi va uning hududiy boʻlinmalari hamda Yoshlar muammolarini oʻrganish va istiqbolli kadrlarni tayyorlash instituti huzurida mablagʻlarni shakllantirish va ulardan foydalanishning amaldagi tartibini toʻliq saqlab qolgan holda yuridik shaxs maqomiga ega boʻlmagan budjetdan tashqari jamgʻarma sifatida faoliyat yuritadi;
sport sohasiga hamda yoshlarga oid davlat siyosatini amalga oshirishga bevosita yoki bilvosita taʼsir qiladigan normativ-huquqiy hujjatlarning loyihalari, shuningdek, Davlat budjeti mablagʻlari hisobidan barpo etiladigan yoshlarga oid infratuzilmalar, sport obyektlari va inshootlarining loyiha hujjatlari tegishlicha Sport vazirligi va Yoshlar ishlari agentligi bilan majburiy ravishda kelishiladi.
5. Sport vazirligi Toshkent shahri, Abdulla Qodiriy koʻchasi, 2-uy manzili boʻyicha, Yoshlar ishlari agentligi Toshkent shahri, Alisher Navoiy koʻchasi 11b-uy manzili boʻyicha joylashtirilsin.
6. Oʻzbekiston Respublikasi Prezidentining 2023-yil 7-apreldagi “Maʼmuriy islohotlar doirasida yoshlar siyosati va sport sohasida davlat boshqaruvini samarali tashkil qilish chora-tadbirlari toʻgʻrisida”gi PQ-114-son qarori 1-bandining ikkinchi , toʻrtinchi va beshinchi xatboshilari , shuningdek, qarorga 1 , 3 va 4-ilovalar oʻz kuchini yoʻqotgan deb hisoblansin.
7. Oʻzbekiston Respublikasi Prezidentining ayrim farmonlariga 5-ilovaga muvofiq oʻzgartirish va qoʻshimchalar kiritilsin.
8. Sport vazirligi Yoshlar ishlari agentligi bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 20-yanvardagi PF-18-son Farmoniga 1-ILOVA
Sport vazirligi faoliyatining ustuvor yoʻnalishlari
Quyidagilar Sport vazirligi faoliyatining ustuvor yoʻnalishlari hisoblanadi:
a) sport sohasida yagona davlat siyosatini amalga oshirish, unda ishtirok etuvchi davlat organlarining ushbu yoʻnalishdagi faoliyatini muvofiqlashtirish hamda mazkur sohada qonunchilikka rioya etilishi ustidan nazoratni amalga oshirish;
b) sohaga oid kompleks dasturlarni ishlab chiqish hamda sport sohasida faoliyat yuritadigan nodavlat notijorat tashkilotlar hamda fuqarolik jamiyatining boshqa institutlarini qoʻllab-quvvatlash;
v) aholi oʻrtasida sportni ommalashtirish va sogʻlom turmush tarziga keng jalb etish, sport taʼlimi tizimini takomillashtirish, sport turlari boʻyicha yuqori natijador sportchilar zaxirasini yaratish;
g) Olimpiya va Paralimpiya harakatini rivojlantirish, nufuzli xalqaro musobaqalarda sportchilarning muvaffaqiyatli ishtirokini taʼminlash;
d) sport infratuzilmasini modernizatsiya qilish, sohani bosqichma-bosqich raqamlashtirish, sohada xalqaro hamkorlikni rivojlantirish;
e) sport sohasida xalqaro hamkorlikni yoʻlga qoʻyish va mustahkamlash, xalqaro shartnomalar tayyorlash, tuzish va bajarish haqida takliflar taqdim etish;
j) normativ-huquqiy hujjatlar va texnik jihatdan tartibga solish sohasidagi normativ hujjatlarning ishlab chiqilishi va tasdiqlanishini tashkil etish.
Oʻzbekiston Respublikasi Prezidentining 2024-yil 20-yanvardagi PF-18-son Farmoniga 2-ILOVA
Sport vazirligining tashkiliy tuzilmasi
Sport vazirligi Qoraqalpogʻiston Respublikasi Sport vazirligi, viloyatlar va Toshkent shahar sport boshqarmalari Oʻzbekiston davlat jismoniy tarbiya va sport universiteti hamda uning Nukus va Fargʻona filiallari Sport turlarini rivojlantirish respublika markazlari Gimnastika sport turlariga tayyorlash markazlari “Raqamlashtirish va sertifikatlash markazi” MChJ Oʻzbekiston davlat sport akademiyasi Olimpiya va paralimpiya sport turlariga tayyorlash markazlari Oʻzbekiston karateni rivojlantirish markazi Jismoniy tarbiya va sport boʻyicha mutaxassislarni qayta tayyorlash va malakasini oshirish instituti hamda uning Nukus, Samarqand va Fargʻona filiallari Respublika olimpiya zaxiralari tennis maktabi Ogʻir atletika markazi Jismoniy tarbiya va sport ilmiy tadqiqotlar instituti Respublika velosport mahorat maktab-internati Sport turlari boʻyicha ixtisoslashtirilgan davlat maktab-internatlari Oʻzbekiston dzyudo akademiyasi Sportning eshkak eshish va gimnastika boʻyicha ixtisoslashtirilgan respublika bolalar-oʻsmirlar olimpiya zaxirasi sport maktablari Ixtisoslashtirilgan sport maktablari Xalqaro shaxmat akademiyasi Sport maktablari Olimpiya va paralimpiya shon-shuhrati muzeyi
Oʻzbekiston Respublikasi Prezidentining 2024-yil 20-yanvardagi PF-18-son Farmoniga 3-ILOVA
Yoshlar ishlari agentligi faoliyatining ustuvor yoʻnalishlari
Quyidagilar Yoshlar ishlari agentligi faoliyatining ustuvor yoʻnalishlari hisoblanadi:
a) yoshlar bilan bogʻliq soha va yoʻnalishlarda yagona davlat siyosatini, strategik yoʻnalishlar va davlat dasturlarini ishlab chiqish hamda amalga oshirish;
b) mahallalarda yoshlar bilan ishlashning yangicha boshqaruv mexanizmlarini joriy etish, ular bilan ishlashning vertikal tizimini yaratish, yoshlar muammolarini bevosita mahallalarda hal etish boʻyicha belgilangan vazifalarni samarali amalga oshirish;
v) yoshlarni Vatanga sadoqat, milliy va umuminsoniy qadriyatlarga hurmat ruhida tarbiyalash, ularning sogʻligʻiga zarar yetkazuvchi axborotdan himoya qilish, oʻsib kelayotgan yosh avlodni ilm-fan va innovatsiyalarga keng jalb etish;
g) yoshlarning huquq va erkinliklari, qonuniy manfaatlarini himoya qilish, yoshlar oʻrtasida huquqbuzarliklar va jinoyatchilik profilaktikasiga qaratilgan chora-tadbirlarni amalga oshirishda ishtirok etish;
d) yoshlarga oid davlat siyosatini amalga oshirish jarayonida nodavlat notijorat tashkilotlar va fuqarolik jamiyatining boshqa institutlari bilan hamkorlik qilish;
e) yoshlarning intellektual rivojlanishga boʻlgan intilishlarini qoʻllab-quvvatlash va bu sohadagi ishlarni muvofiqlashtirib borish;
j) yoshlarni kichik biznes va xususiy tadbirkorlikka keng jalb etish, zamonaviy kasb-hunar, raqamli iqtisodiyot koʻnikmalarini puxta egallashlari uchun qoʻshimcha shart-sharoitlar yaratish, ularni ish bilan taʼminlash jarayonlariga koʻmaklashish;
z) yoshlar ishlari sohasida xalqaro hamkorlikni yoʻlga qoʻyish va mustahkamlash, xalqaro shartnomalar tayyorlash, tuzish va bajarish haqida takliflar taqdim etish;
i) normativ-huquqiy hujjatlar va texnik jihatdan tartibga solish sohasidagi normativ hujjatlarning ishlab chiqilishi va tasdiqlanishini tashkil etish.
Oʻzbekiston Respublikasi Prezidentining 2024-yil 20-yanvardagi PF-18-son Farmoniga 4-ILOVA
Yoshlar ishlari agentligining tashkiliy tuzilmasi
Yoshlar ishlari agentligi Qoraqalpogʻiston Respublikasi, viloyatlar va Toshkent shahar yoshlar ishlari boshqarmalari Yoshlar muammolarini oʻrganish va istiqbolli kadrlarni tayyorlash instituti Tuman (shahar) yoshlar ishlari boʻlimlari
Oʻzbekiston Respublikasi Prezidentining 2024-yil 20-yanvardagi PF-18-son Farmoniga 5-ILOVA
Oʻzbekiston Respublikasi Prezidentining ayrim farmonlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2022-yil 21-dekabrdagi “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi PF-269-son Farmoni 12-bandining oʻninchi xatboshisidagi “Yoshlar siyosati va sport vazirligi” soʻzlari “Sport vazirligi” soʻzlari bilan almashtirilsin.
2. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmonida :
a) 1-ilovada :
“15. Yoshlar siyosati va sport vazirligi” boʻlimi quyidagi tahrirda bayon etilsin:
15. Sport vazirligi Sport vazirligi 469 469 shu jumladan vazir oʻrinbosarlari soni 3 3 ” ;
quyidagi mazmundagi 24-boʻlim bilan toʻldirilsin:
“ 24. Yoshlar ishlari agentligi Yoshlar ishlari agentligi 776 776 shu jumladan direktor oʻrinbosarlari soni 3 3 ” ;
b) 2-ilovada :
15-band quyidagi tahrirda bayon etilsin:
“15. Sport vazirligi”;
15.1-pozitsiya chiqarib tashlansin;
quyidagi mazmundagi 27-pozitsiya bilan toʻldirilsin:
“27. Yoshlar ishlari agentligi”;
v) 2a-ilovada :
15-pozitsiya quyidagi tahrirda bayon etilsin:
“ 15. Oʻzbekiston Respublikasi Sport vazirligi Sport vazirligi Minsporta ”.
15.1-pozitsiya chiqarib tashlansin;
quyidagi mazmundagi 27-pozitsiya bilan toʻldirilsin:
“ 27. Oʻzbekiston Respublikasi Yoshlar ishlari agentligi Yoshlar agentligi Agentstvo molodeji ”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 20-yanvar,
PF-18-son
Президента Республики Узбекистан
Указ
О мерах по совершенствованию системы государственного управления в сфере молодежной политики и спорта
В целях поднятия на новый этап государственной молодежной политики, эффективного решения актуальных проблем по развитию спорта, совершенствования и координации партнерской деятельности государственных и негосударственных организаций в данных сферах, а также качественной реализации в Год поддержки молодежи и бизнеса задач, определенных в Стратегии «Узбекистан — 2030», и обеспечения достижения целевых показателей, намеченных в сфере государственной молодежной политики:
1. Обеспечить:
а) перевод Агентства по делам молодежи (далее — Агентство) из системы Министерства молодежной политики и спорта в подчинение Кабинета Министров;
б) образование:
на базе Министерства молодежной политики и спорта Министерства спорта;
на базе Министерства молодежной политики и спорта Республики Каракалпакстан, управлений молодежной политики и спорта областей и города Ташкента Министерства спорта Республики Каракалпакстан, управлений спорта областей и города Ташкента.
2. Определить, что Министерство спорта и Агентство по делам молодежи являются правопреемниками Министерства молодежной политики и спорта по соответствующим правам, обязательствам и договорам, в том числе международным договорам.
3. Утвердить:
Приоритетные направления деятельности Министерства спорта согласно приложению № 1 ;
Организационную структуру Министерства спорта согласно приложению № 2 ;
Приоритетные направления деятельности Агентства по делам молодежи согласно приложению № 3 ;
Организационную структуру Агентства по делам молодежи согласно приложению № 4 .
4. Установить, что:
Фонд поддержки спорта при Министерстве спорта и бюджетных организациях его системы, Фонд поддержки государственной молодежной политики при Агентстве по делам молодежи, его территориальных подразделениях и Институте изучения проблем молодежи и подготовки перспективных кадров соответственно осуществляют деятельность в качестве внебюджетных фондов без статуса юридического лица с полным сохранением действующего порядка формирования и использования средств;
проекты нормативно-правовых актов, прямо или косвенно влияющих на реализацию государственной молодежной политики и сферу спорта, а также проектная документация объектов инфраструктуры, спортивных и молодежных сооружений, возводимых за счет средств Государственного бюджета, в обязательном порядке согласовываются с Министерством спорта и Агентством по делам молодежи соответственно.
5. Разместить Министерство спорта по адресу: город Ташкент, улица Абдуллы Кадыри, дом 2, Агентство по делам молодежи — по адресу: город Ташкент, улица Алишера Навои, дом 11б.
6. Абзацы второй , четвертый и пятый пункта 1, а также приложения №№ 1 , 3 и 4 к постановлению Президента Республики Узбекистан от 7 апреля 2023 года № ПП-114 «О мерах по эффективной организации государственного управления в сфере молодежной политики и спорта в рамках административных реформ» признать утратившими силу.
7. Внести изменения и дополнения в некоторые указы Президента Республики Узбекистан согласно приложению № 5 .
8. Министерству спорта совместно с Агентством по делам молодежи в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
9. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к Указу Президента Республики Узбекистан от 20 января 2024 года № УП-18
Приоритетные направления деятельности Министерства спорта
Приоритетными направлениями деятельности Министерства спорта являются:
а) осуществление единой государственной политики в сфере спорта, координация деятельности государственных органов, принимающих участие в данном направлении, а также осуществление контроля за соблюдением законодательства в данной сфере;
б) разработка комплексных программ в сфере, а также поддержка негосударственных некоммерческих организаций и других институтов гражданского общества, осуществляющих деятельность в сфере спорта;
в) популяризация спорта и широкое привлечение населения к здоровому образу жизни, совершенствование системы спортивного образования, создание высокоэффективного резерва спортсменов по видам спорта;
г) развитие Олимпийского и Паралимпийского движения, обеспечение успешного участия спортсменов в престижных международных соревнованиях;
д) модернизация спортивной инфраструктуры, поэтапная цифровизация и развитие международного сотрудничества в сфере;
е) налаживание и укрепление международного сотрудничества в сфере спорта, представление предложений по подготовке, заключению и реализации международных соглашений;
ж) организация разработки и утверждения нормативно-правовых актов и нормативных документов в области технического регулирования.
ПРИЛОЖЕНИЕ № 2 к Указу Президента Республики Узбекистан от 20 января 2024 года № УП-18
Организационная структура Министерства спорта
Министерство спорта Министерство спорта Республики Каракалпакстан, управления спорта областей и города Ташкента Узбекский государственный университет физической культуры и спорта, а также его Нукусский и Ферганский филиалы Республиканские центры по развитию видов спорта Центры по подготовке к гимнастическим видам спорта ООО «Центр цифровизации и сертификации» Государственная академия спорта Узбекистана Центры по подготовке к олимпийским и паралимпийским видам спорта Центр развития каратэ Узбекистана Институт переподготовки и повышения квалификации специалистов по физической культуре и спорту, а также его Нукусский, Самаркандский и Ферганский филиалы Республиканская теннисная школа олимпийского резерва Центр тяжелой атлетики Научно-исследовательский институт физической культуры и спорта Республиканская школа-интернат велоспортивного мастерства Государственные специализированные школы-интернаты по видам спорта Академия дзюдо Узбекистана Республиканские специализированные детско-юношеские спортивные школы олимпийского резерва по гребным видам спорта и гимнастике Специализированные спортивные школы Международная шахматная академия Спортивные школы Музей олимпийской и паралимпийской славы
ПРИЛОЖЕНИЕ № 3 к Указу Президента Республики Узбекистан от 20 января 2024 года № УП-18
Приоритетные направления деятельности Агентства по делам молодежи
Приоритетными направлениями деятельности Агентства по делам молодежи являются:
а) разработка и реализация единой государственной политики, стратегических направлений и государственных программ в сферах и направлениях, связанных с молодежью;
б) внедрение новых управленческих механизмов работы с молодежью в махаллях, создание вертикальной системы работы с ними, эффективная реализация установленных задач по решению проблем молодежи непосредственно в махаллях;
в) воспитание молодежи в духе преданности Родине, национальным и общечеловеческим ценностям, защита от информации, наносящей вред их здоровью, широкое привлечение подрастающего молодого поколения к науке и инновациям;
г) защита прав, свобод и законных интересов молодежи, участие в реализации мер, направленных на профилактику правонарушений и преступности среди молодежи;
д) осуществление сотрудничества с негосударственными некоммерческими организациями и другими институтами гражданского общества в процессе реализации государственной молодежной политики;
е) поддержка стремления молодежи к интеллектуальному развитию и координация работ в данном направлении;
ж) широкое привлечение молодежи к малому бизнесу и частному предпринимательству, создание дополнительных условий для прочного освоения ею современных профессий, навыков цифровой экономики, оказание содействия процессам их трудоустройства;
з) представление предложений по установлению и укреплению международного сотрудничества, а также подготовке, заключению и реализации международных договоров в сфере работы с молодежью;
и) организация разработки и утверждения нормативно-правовых актов и нормативных документов в области технического регулирования.
ПРИЛОЖЕНИЕ № 4 к Указу Президента Республики Узбекистан от 20 января 2024 года № УП-18
Организационная структура Агентства по делам молодежи
Агентство по делам молодежи Управления по делам молодежи Республики Каракалпакстан, областей и города Ташкента Институт изучения проблем молодежи и подготовки перспективных кадров Районные (городские) отделы по делам молодежи
ПРИЛОЖЕНИЕ № 5 к Указу Президента Республики Узбекистан от 20 января 2024 года № УП-18
Изменения и дополнения, вносимые в некоторые указы Президента Республики Узбекистан
1. В абзаце десятом пункта 12 Указа Президента Республики Узбекистан от 21 декабря 2022 года № УП-269 «О мерах по реализации административных реформ Нового Узбекистана» слова «Министерство молодежной политики и спорта» заменить словами «Министерство спорта».
2. В Указе Президента Республики Узбекистан от 25 января 2023 года № УП-14 «О первоочередных организационных мерах по эффективному налаживанию деятельности республиканских органов исполнительной власти»:
а) в приложении № 1 :
раздел «15. Министерство молодежной политики и спорта» изложить в следующей редакции:
« 15. Министерство спорта Министерство спорта 469 469 в т.ч. количество заместителей министра 3 3 »;
дополнить разделом 24 следующего содержания:
« 24. Агентство по делам молодежи Агентство по делам молодежи 776 776 в т.ч. количество заместителей директора 3 3 »;
б) в приложении № 2 :
пункт 15 изложить в следующей редакции:
«15. Министерство спорта»;
позицию 15.1 исключить;
дополнить позицией 27 следующего содержания:
«27. Агентство по делам молодежи»;
в) в приложении № 2а :
позицию 15 изложить в следующей редакции:
« 15. Министерство спорта Республики Узбекистан Спорт вазирлиги Минспорта »;
позицию 15.1 исключить;
дополнить позицией 27 следующего содержания:
« 27. Агентство по делам молодежи Республики Узбекистан Ёшлар агентлиги Агентство молодежи ».
Президент Республики Узбекистан Ш. МИРЗИЁЕВ
г. Ташкент,
20 января 2024 г.,
№ УП-18