UzbekAI

Ўзбекистон Республикаси Президентининг

Қарори

ТАРКИБИ

АСОСИЙ КЎРСАТКИЧЛАРИ

ПРОГНОЗ ЖАДВАЛИ

ГРАФИГИ

Европа тикланиш ва тараққиёт банки иштирокида «Самарқанд шаҳар жамоат транспорти учун электробуслар харид қилиш ва улар билан бевосита боғлиқ инфратузилмани яратиш» лойиҳасини амалга ошириш чора-тадбирлари тўғрисида

Самарқанд шаҳар жамоат транспортини комплекс ривожлантириш, йўловчиларга хавфсиз ва сифатли транспорт хизматларини кўрсатиш, самарали ва экологик тоза транспорт турларига босқичма-босқич ўтиш мақсадида:

1. Қуйидагилар:

а) Ўзбекистон Республикаси ҳамда Европа тикланиш ва тараққиёт банки (кейинги ўринларда — ЕТТБ) ўртасида 2023 йил 17 май куни «Самарқанд шаҳар жамоат транспорти учун электробуслар харид қилиш ва улар билан бевосита боғлиқ инфратузилмани яратиш» лойиҳасини (кейинги ўринларда — лойиҳа) амалга ошириш учун 3 йиллик имтиёзли даврни ўз ичига олган 18 йил муддатга қиймати 49 млн АҚШ доллари миқдорида қарз битими имзоланганлиги;

б) лойиҳанинг умумий қиймати 61,99 млн АҚШ долларини, шу жумладан:

ЕТТБ қарзи маблағлари — 49 млн АҚШ долларини;

лойиҳани амалга оширишда Ўзбекистон Республикасининг улуши — 12,99 млн АҚШ долларини ташкил этиши, шу жумладан, қўшилган қиймат солиғини қоплаш ва божхона имтиёзларини бериш кўринишида ҳамда лойиҳани амалга ошириш гуруҳининг харажатлари Транспорт вазирлиги ҳузуридаги Транспорт ва логистикани ривожлантириш жамғармаси ҳисобидан молиялаштирилиши;

в) лойиҳа доирасида Самарқанд шаҳрида ҳайдовчиларни тайёрлаш ва уларнинг малакасини ошириш ўқув марказини ўз ичига олган, ҳаракат таркибини сақлаш, техник хизмат кўрсатиш ва таъмирлаш учун мўлжалланган автобус саройини реконструкция қилиш ва ташқи электр таъминоти объектларини қуриш ҳам назарда тутилганлиги;

г) Самарқанд вилояти транспорт бошқармаси «Samarqandyoʻlovchitrans» давлат корхонаси (кейинги ўринларда — «Samarqandyoʻlovchitrans» ДК) ва халқаро тендер натижалари бўйича ғолиб деб топилган Хитой Халқ Республикасининг «Yutong Bus Co., Ltd» компанияси ўртасида 100 та электробус ва 50 та қувватлаш қурилмасини харид қилиш бўйича умумий қиймати 29,7 млн АҚШ долларига тенг бўлган шартнома имзоланганлиги;

мазкур шартнома доирасида 2023 йил май ойида 6 та электробус ва 3 та қувватлаш қурилмаси олиб келинганлиги ҳамда электробуслар шаҳар жамоат транспорти йўналишларига қўйилганлиги;

д) лойиҳани амалга ошириш даври 3 йилни (2023 — 2025 йиллар) ташкил этиши маълумот учун қабул қилинсин.

2. Белгилаб қўйилсинки:

лойиҳа ЕТТБ томонидан ажратиладиган қарз маблағлари ҳисобидан молиялаштирилади;

Транспорт вазирлиги ва Самарқанд вилояти ҳокимлиги ЕТТБ томонидан ажратиладиган қарз маблағларидан мақсадли ва самарали фойдаланиш ҳамда лойиҳанинг ўз муддатида ва сифатли амалга оширилиши учун масъул ижро этувчи органлар ҳисобланади;

«Samarqandyoʻlovchitrans» ДК лойиҳа бенефициари ҳисобланади;

лойиҳа доирасида ЕТТБнинг асосий қарзини қайтариш, унга ҳисобланган фоизлар, бир марталик бошланғич ва мажбурий тўловлар Самарқанд вилояти маҳаллий бюджети маблағлари ҳисобидан амалга оширилади;

лойиҳа доирасида харид қилинадиган электробуслар ва қувватлаш қурилмалари хусусий секторга (ташувчиларга) энг яхши таклифларни танлаб олиш йўли билан молиявий ижарага берилади;

харид қилинадиган электробуслар лойиҳа доирасида танлаб олинган мунтазам шаҳар автобус йўналишларига брутто-шартнома асосида, истисно тариқасида, тўғридан-тўғри 7 йил муддатга бириктирилади. Бунда, йўналишлар нархи белгиланган тартибда шакллантирилади;

молиявий ижарага бериладиган электробуслар ва қувватлаш қурилмалари лойиҳа доирасида реконструкция қилинадиган автобус саройида «Samarqandyoʻlovchitrans» ДК ва ташувчилар ўртасида белгиланган тартибда шартнома асосида сақланади ва хизмат кўрсатилади;

лойиҳа доирасида ўзлаштирилган маблағлар ва эришилган натижалар юзасидан маълумотлар ўрнатилган тартибда Транспорт вазирлиги ҳамда Самарқанд вилояти ҳокимлигининг расмий веб-сайтида мунтазам эълон қилиб борилади.

3. Электробуслар ва қувватлаш қурилмаларини молиявий ижарага бериш бўйича идоралараро ишчи гуруҳ 1-иловага мувофиқ таркибда ташкил этилсин ва унинг асосий вазифалари этиб қуйидагилар белгилансин:

молиявий ижарага бериш бўйича танлов ўтказиш тартиб-таомилларини ва танлов иштирокчилари учун қўйиладиган минимал талабларни белгилаш;

молиявий ижарага бериш шартларини ишлаб чиқиш ва тасдиқлаш;

танлов ўтказиш ва танлов иштирокчиларининг таклифларини баҳолаш ҳамда ғолибларни аниқлаш;

молиявий ижарага бериш бўйича намунавий шартномани ишлаб чиқиш ва тасдиқлаш;

ташувчилар (танлов ғолиблари) томонидан «Samarqandyoʻlovchitrans» ДК автобус саройидан фойдаланиш шартларини белгилаш.

4. Белгилансинки:

молиявий ижарага бериладиган электробуслар ва қувватлаш қурилмалари лойиҳа доирасида танлаб олинган мунтазам шаҳар автобус йўналишлари кесимида лотлар бўйича танлов савдоларига чиқарилади;

молиявий ижара шартномаси 10 йил муддатга тузилади ҳамда ижара тушумлари Самарқанд вилояти жамоат транспортини молиялаштириш бўйича махсус жамғармасига йўналтирилади;

ижарачи томонидан молиявий ижара шартномасида белгиланган мажбуриятлар тўлиқ бажарилган тақдирда, электробуслар ва қувватлаш қурилмалари ижарачининг мулкига ўтказилади;

лойиҳа доирасида реконструкция қилинадиган автобус саройи ташувчиларга (танлов ғолибларига) ижара асосида хизмат кўрсатади ҳамда учинчи шахсларга сотилиши ва бегоналаштирилишига рухсат этилмайди.

5. Қуйидагилар:

Европа тикланиш ва тараққиёт банки иштирокидаги «Самарқанд шаҳар жамоат транспорти учун электробуслар харид қилиш ва улар билан бевосита боғлиқ инфратузилмани яратиш» лойиҳаси техник-иқтисодий асосининг асосий кўрсаткичлари 2-иловага мувофиқ;

«Самарқанд шаҳар жамоат транспорти учун электробуслар харид қилиш ва улар билан бевосита боғлиқ инфратузилмани яратиш» лойиҳаси бўйича жалб қилинган ЕТТБнинг асосий қарзини қайтариш, унга ҳисобланган фоизлар, бир марталик бошланғич ва мажбурий тўловларни амалга оширишнинг прогноз жадвали 3-иловага мувофиқ;

Самарқанд шаҳар жамоат транспорти учун электробуслар ва қувватлаш қурилмаларини етказиб бериш графиги 4-иловага мувофиқ тасдиқлансин.

6. Адлия вазирлиги (А. Ташкулов) Ўзбекистон Республикаси ҳамда ЕТТБ ўртасидаги қарз битимига белгиланган тартибда юридик хулоса берилишини таъминласин.

7. Самарқанд вилояти ҳокимлиги (Э. Турдимов) лойиҳа доирасида объектлар қурилиши режалаштирилган ҳудудлардаги жисмоний ва юридик шахсларга тегишли кўчмас мулк объектларини кўчириш ва мулкдорларга етказилган зарарнинг ўрни қонунчиликда белгиланган тартибда қопланишини таъминласин.

8. Транспорт вазирлиги (И. Махкамов) ЕТТБ билан келишган ҳолда бир ой муддатда Транспорт вазирлиги ҳузурида лойиҳани амалга ошириш гуруҳи ташкил этилишини таъминласин.

9. Қорақалпоғистон Республикаси Вазирлар Кенгаши Раиси ва вилоятлар ҳокимлари Транспорт вазирлиги, Инвестициялар, саноат ва савдо вазирлиги билан биргаликда икки ой муддатда Нукус шаҳри ва вилоятлар марказлари жамоат транспорти учун электробусларни харид қилиш лойиҳаларини ишлаб чиқсин.

10. Давлат дастурлари ижро этилишини назорат қилиш ва мувофиқлаштириш бўйича республика штаби (С. Самадов) лойиҳа доирасидаги маблағларнинг мақсадли ажратилиши ва сарфланиши устидан доимий назорат ўрнатсин ҳамда ҳар ярим йилда Ўзбекистон Республикаси Президенти Администрациясига ахборот киритиб борсин.

Коррупцияга қарши курашиш агентлиги (А. Бурханов) лойиҳа доирасида ажратиладиган маблағларнинг мақсадли ишлатилиши жараёнида очиқлик ва ошкораликни таъминлаш устидан доимий назорат ўрнатсин.

11. Қуйидагиларга:

Транспорт вазирлигига (И. Махкамов) Самарқанд вилояти ҳокимлиги (Э. Турдимов), Қурилиш ва уй-жой коммунал хўжалиги вазирлиги (Ш. Хидоятов) билан биргаликда объектларнинг лойиҳа-смета ҳужжатлари ишлаб чиқилиши ва ваколатли органлардан белгиланган тартибда экспертизадан ўтказилишини таъминлаш;

Қурилиш ва уй-жой коммунал хўжалиги вазирлигига (Ш. Хидоятов) — объектларда амалга ошириладиган қурилиш-монтаж ишларининг сифатли бажарилиши устидан назоратни амалга ошириш;

Экология, атроф-муҳитни муҳофаза қилиш ва иқлим ўзгариши вазирлигига (А. Абдуҳакимов) — объектларнинг лойиҳа ҳужжатлари белгиланган тартибда давлат экологик экспертизасидан ўтказилиши ва лойиҳа доирасида табиатни муҳофаза қилишга оид қонунчилик ҳужжатларига риоя этилиши устидан назоратни таъминлаш;

Маданий мерос агентлигига (Б. Абдикаримов) — лойиҳа доирасида маданий мерос объектлари билан боғлиқ амалга ошириладиган ишлар белгиланган тартибда келишилиши ва маданий мерос объектларини муҳофаза қилиш ва улардан фойдаланиш бўйича қонунчилик ҳужжатларига риоя қилиниши устидан назорат ўрнатиш вазифалари юклансин.

12. Транспорт вазирлиги ва Самарқанд вилояти ҳокимлигининг буюртманомаларига биноан лойиҳани амалга оширишда иштирок этадиган:

хорижий мутахассислар учун кириш визалари консуллик йиғимлари ва ҳақиқий харажатларнинг ўрнини қоплаш ҳисобидан йиғимлар ундирилмасдан, зарур ҳолларда, И. Каримов номидаги «Тошкент» халқаро аэропортида расмийлаштирилишини таъминлаш — Ташқи ишлар вазирлигига (Б. Саидов);

хорижий мутахассисларга давлат божи ундирилмасдан кўп марталик визалар расмийлаштирилиши (муддати узайтирилиши) ҳамда турган жойи бўйича рўйхатдан ўтказилиши ва унинг муддати узайтирилишини таъминлаш — Ички ишлар вазирлигига (П. Бобожонов);

хорижий мутахассисларга белгиланган тартибда (Ўзбекистон Республикаси фуқаролари орасида бундай мутахассислар бўлмаган тақдирда) Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномалар берилишини (муддати узайтирилишини) таъминлаш — Камбағалликни қисқартириш ва бандлик вазирлигига (Б. Мусаев) юклатилсин.

13. Мазкур қарор ижросини самарали ташкил қилишга масъул ва шахсий жавобгар этиб транспорт вазири И.Р. Махкамов ва Самарқанд вилояти ҳокими Э.О. Турдимов белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосарлари А.Ж. Раматов ва Ж.А. Ходжаев зиммасига юклансин.

Ўзбекистон Республикаси Президентининг 2024 йил 22 январдаги ПҚ-37-сон қарорига 1-ИЛОВА

Электробуслар ва қувватлаш қурилмаларини молиявий ижарага бериш бўйича идоралараро ишчи гуруҳ

И.Р. Махкамов — транспорт вазири, Идоралараро ишчи гуруҳ раҳбари А.Ғ. Шукуров — Самарқанд вилояти ҳокимининг ўринбосари, Идоралараро ишчи гуруҳ раҳбарининг ўринбосари Б.Б. Ходжаев — иқтисодиёт ва молия вазири ўринбосари Д.Т. Ахмедов — инвестициялар, саноат ва савдо вазири ўринбосари А.Э. Миралиев — Давлат активларини бошқариш агентлиги директори ўринбосари О.Ч. Саидов — Ички ишлар вазирлиги Йўл ҳаракати хавфсизлиги хизмати бошлиғи А.С. Ашуров — Самарқанд вилояти транспорт бошқармаси бошлиғи, Идоралараро ишчи гуруҳ котиби

Ўзбекистон Республикаси Президентининг 2024 йил 22 январдаги ПҚ-37-сон қарорига 2-ИЛОВА

Европа тикланиш ва тараққиёт банки иштирокидаги «Самарқанд шаҳар жамоат транспорти учун электробуслар харид қилиш ва улар билан бевосита боғлиқ инфратузилмани яратиш» лойиҳаси техник-иқтисодий асосининг

Т/р Компонент номи Ўлчов бирлиги Жами * Молиялаштириш манбалари ЕТТБ кредити Ўзбекистон Республикаси маблағлари Транспорт вазирлиги маблағлари Лойиҳанинг умумий қиймати минг АҚШ долл. 61 989,54 49 000,0 12 671,54 318,0 1. Капитал қўйилмалар қиймати, жами минг АҚШ долл. 55 770,47 48 510,0 7 260,47 шу жумладан 1.1. Қурилиш-монтаж ишлари минг АҚШ долл. 17 640,00 15 750,0 1 890,00 1.2. Машина ва ускуналар минг АҚШ долл. 34 385,68 29 700,0 4 685,68 1.3. Бошқа харажатлар минг АҚШ долл. 2 053,59 1 550,0 185,59 318,0 1.4. Тақсимланмаган харажатлар минг АҚШ долл. 1 691,2 1 510,0 181,20 2. Молиявий харажатлар ва бошқа тўловлар минг АҚШ долл. 6 313,33 490 5 729,07

Ўзбекистон Республикаси Президентининг 2024 йил 22 январдаги ПҚ-37-сон қарорига 3-ИЛОВА

«Самарқанд шаҳар жамоат транспорти учун электробуслар харид қилиш ва улар билан бевосита боғлиқ инфратузилмани яратиш» лойиҳаси бўйича жалб қилинган ЕТТБнинг асосий қарзини қайтариш, унга ҳисобланган фоизлар, бир марталик бошланғич ва мажбурий тўловларни амалга оширишнинг

Қарз суммаси 49 миллион АҚШ доллари Қарз муддати 18 йил Имтиёзли давр 3 йил Фоиз ставкаси SOFR + 0,5% (спред) + 1,0% Мажбурият учун тўлов 0,50% (ўзлаштирилмаган қарз миқдоридан) Бир марталик бошланғич тўлов 1,0% (умумий қарз миқдоридан) АҚШ доллар Тўлов даври Қарз ўзлаштирилиши Қарз қолдиғи Тўлов миқдори Тўланиши лозим бўлган умумий маблағ **** асосий қарз фоизлар * бир марталик бошланғич тўлов ** мажбуриятлар учун тўлов *** 15.03.2024 44 442 600,00 44 442 600,00 0,00 490 000,00 166 055,56 656 055,56 15.09.2024 1 707 500,00 46 150 100,00 1 540 084,23 11 646,69 1 551 730,92 15.03.2025 1 707 500,00 47 857 600,00 1 573 179,99 7 164,33 1 580 344,32 15.09.2025 571 300,00 48 428 900,00 1 658 425,37 2 919,47 1 661 344,84 15.03.2026 571 100,00 49 000 000,00 1 650 860,49 1 650 860,49 15.09.2026 47 366 666,67 1 633 333,33 1 698 013,33 3 331 346,66 15.03.2027 45 733 333,33 1 633 333,33 1 614 650,72 3 247 984,05 15.09.2027 44 100 000,00 1 633 333,33 1 584 812,44 3 218 145,77 15.03.2028 42 466 666,67 1 633 333,33 1 511 601,00 3 144 934,33 15.09.2028 40 833 333,33 1 633 333,33 1 471 611,56 3 104 944,89 15.03.2029 39 200 000,00 1 633 333,33 1 391 940,28 3 025 273,61 15.09.2029 37 566 666,67 1 633 333,33 1 358 410,67 2 991 744,00 15.03.2030 35 933 333,33 1 633 333,33 1 280 585,06 2 913 918,39 15.09.2030 34 300 000,00 1 633 333,33 1 245 209,78 2 878 543,11 15.03.2031 32 666 666,67 1 633 333,33 1 169 229,83 2 802 563,16 15.09.2031 31 033 333,33 1 633 333,33 1 132 008,89 2 765 342,22 15.03.2032 29 400 000,00 1 633 333,33 1 063 719,22 2 697 052,55 15.09.2032 27 766 666,67 1 633 333,33 1 018 808,00 2 652 141,33 15.03.2033 26 133 333,33 1 633 333,33 946 519,39 2 579 852,72 15.09.2033 24 500 000,00 1 633 333,33 905 607,11 2 538 940,44 15.03.2034 22 866 666,67 1 633 333,33 835 164,17 2 468 497,50 15.09.2034 21 233 333,33 1 633 333,33 792 406,22 2 425 739,55 15.03.2035 19 600 000,00 1 633 333,33 723 808,94 2 357 142,27 15.09.2035 17 966 666,67 1 633 333,33 679 205,33 2 312 538,66 15.03.2036 16 333 333,33 1 633 333,33 615 837,44 2 249 170,77 15.09.2036 14 700 000,00 1 633 333,33 566 004,44 2 199 337,77 15.03.2037 13 066 666,67 1 633 333,33 501 098,50 2 134 431,83 15.09.2037 11 433 333,33 1 633 333,33 452 803,56 2 086 136,89 15.03.2038 9 800 000,00 1 633 333,33 389 743,28 2 023 076,61 15.09.2038 8 166 666,67 1 633 333,33 339 602,67 1 972 936,00 15.03.2039 6 533 333,33 1 633 333,33 278 388,06 1 911 721,39 15.09.2039 4 900 000,00 1 633 333,33 226 401,78 1 859 735,11 15.03.2040 3 266 666,67 1 633 333,33 167 955,67 1 801 289,00 15.09.2040 1 633 333,33 1 633 333,33 113 200,89 1 746 534,22 15.03.2041 0,00 1 633 333,33 55 677,61 1 689 010,94 Жами 49 000 000,00 0,00 49 000 000,00 32 552 575,92 490 000,00 187 786,05 82 230 361,97

Ўзбекистон Республикаси Президентининг 2024 йил 22 январдаги ПҚ-37-сон қарорига 4-ИЛОВА

Самарқанд шаҳар жамоат транспорти учун электробуслар ва қувватлаш қурилмаларини етказиб бериш

дона Т/р Босқичлар Электробуслар сони Қувватлаш қурилмалари сони Ижро муддати 1. 1-босқичда 6 3 2023 йил 2. 2-босқичда 30 15 2024 йил I чорак 3. 3-босқичда 64 32 2024 йил II чорак Жами 100 50

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 22 январь,

ПҚ-37-сон

(Қонунчилик маълумотлари миллий базаси, 23.01.2024 й., 07/24/37/0060-сон; 10.06.2026 й., 06/26/109/0580-сон)

lex.uz

Oʻzbekiston Respublikasi Prezidentining

Qarori

TARKIBI

ASOSIY KOʻRSATKICHLARI

PROGNOZ JADVALI

GRAFIGI

Yevropa tiklanish va taraqqiyot banki ishtirokida “Samarqand shahar jamoat transporti uchun elektrobuslar xarid qilish va ular bilan bevosita bogʻliq infratuzilmani yaratish” loyihasini amalga oshirish chora-tadbirlari toʻgʻrisida

Samarqand shahar jamoat transportini kompleks rivojlantirish, yoʻlovchilarga xavfsiz va sifatli transport xizmatlarini koʻrsatish, samarali va ekologik toza transport turlariga bosqichma-bosqich oʻtish maqsadida:

1. Quyidagilar:

a) Oʻzbekiston Respublikasi hamda Yevropa tiklanish va taraqqiyot banki (keyingi oʻrinlarda — YETTB) oʻrtasida 2023-yil 17-may kuni “Samarqand shahar jamoat transporti uchun elektrobuslar xarid qilish va ular bilan bevosita bogʻliq infratuzilmani yaratish” loyihasini (keyingi oʻrinlarda — loyiha) amalga oshirish uchun 3 yillik imtiyozli davrni oʻz ichiga olgan 18 yil muddatga qiymati 49 mln AQSH dollari miqdorida qarz bitimi imzolanganligi;

b) loyihaning umumiy qiymati 61,99 mln AQSH dollarini, shu jumladan:

YETTB qarzi mablagʻlari — 49 mln AQSH dollarini;

loyihani amalga oshirishda Oʻzbekiston Respublikasining ulushi — 12,99 mln AQSH dollarini tashkil etishi, shu jumladan, qoʻshilgan qiymat soligʻini qoplash va bojxona imtiyozlarini berish koʻrinishida hamda loyihani amalga oshirish guruhining xarajatlari Transport vazirligi huzuridagi Transport va logistikani rivojlantirish jamgʻarmasi hisobidan moliyalashtirilishi;

v) loyiha doirasida Samarqand shahrida haydovchilarni tayyorlash va ularning malakasini oshirish oʻquv markazini oʻz ichiga olgan, harakat tarkibini saqlash, texnik xizmat koʻrsatish va taʼmirlash uchun moʻljallangan avtobus saroyini rekonstruksiya qilish va tashqi elektr taʼminoti obyektlarini qurish ham nazarda tutilganligi;

g) Samarqand viloyati transport boshqarmasi “Samarqandyoʻlovchitrans” davlat korxonasi (keyingi oʻrinlarda — “Samarqandyoʻlovchitrans” DK) va xalqaro tender natijalari boʻyicha gʻolib deb topilgan Xitoy Xalq Respublikasining “Yutong Bus Co., Ltd” kompaniyasi oʻrtasida 100 ta elektrobus va 50 ta quvvatlash qurilmasini xarid qilish boʻyicha umumiy qiymati 29,7 mln AQSH dollariga teng boʻlgan shartnoma imzolanganligi;

mazkur shartnoma doirasida 2023-yil may oyida 6 ta elektrobus va 3 ta quvvatlash qurilmasi olib kelinganligi hamda elektrobuslar shahar jamoat transporti yoʻnalishlariga qoʻyilganligi;

d) loyihani amalga oshirish davri 3 yilni (2023 — 2025-yillar) tashkil etishi maʼlumot uchun qabul qilinsin.

2. Belgilab qoʻyilsinki:

loyiha YETTB tomonidan ajratiladigan qarz mablagʻlari hisobidan moliyalashtiriladi;

Transport vazirligi va Samarqand viloyati hokimligi YETTB tomonidan ajratiladigan qarz mablagʻlaridan maqsadli va samarali foydalanish hamda loyihaning oʻz muddatida va sifatli amalga oshirilishi uchun masʼul ijro etuvchi organlar hisoblanadi;

“Samarqandyoʻlovchitrans” DK loyiha benefitsiari hisoblanadi;

loyiha doirasida YETTBning asosiy qarzini qaytarish, unga hisoblangan foizlar, bir martalik boshlangʻich va majburiy toʻlovlar Samarqand viloyati mahalliy budjeti mablagʻlari hisobidan amalga oshiriladi;

loyiha doirasida xarid qilinadigan elektrobuslar va quvvatlash qurilmalari xususiy sektorga (tashuvchilarga) eng yaxshi takliflarni tanlab olish yoʻli bilan moliyaviy ijaraga beriladi;

xarid qilinadigan elektrobuslar loyiha doirasida tanlab olingan muntazam shahar avtobus yoʻnalishlariga brutto-shartnoma asosida, istisno tariqasida, toʻgʻridan-toʻgʻri 7 yil muddatga biriktiriladi. Bunda, yoʻnalishlar narxi belgilangan tartibda shakllantiriladi;

moliyaviy ijaraga beriladigan elektrobuslar va quvvatlash qurilmalari loyiha doirasida rekonstruksiya qilinadigan avtobus saroyida “Samarqandyoʻlovchitrans” DK va tashuvchilar oʻrtasida belgilangan tartibda shartnoma asosida saqlanadi va xizmat koʻrsatiladi;

loyiha doirasida oʻzlashtirilgan mablagʻlar va erishilgan natijalar yuzasidan maʼlumotlar oʻrnatilgan tartibda Transport vazirligi hamda Samarqand viloyati hokimligining rasmiy veb-saytida muntazam eʼlon qilib boriladi.

3. Elektrobuslar va quvvatlash qurilmalarini moliyaviy ijaraga berish boʻyicha idoralararo ishchi guruh 1-ilovaga muvofiq tarkibda tashkil etilsin va uning asosiy vazifalari etib quyidagilar belgilansin:

moliyaviy ijaraga berish boʻyicha tanlov oʻtkazish tartib-taomillarini va tanlov ishtirokchilari uchun qoʻyiladigan minimal talablarni belgilash;

moliyaviy ijaraga berish shartlarini ishlab chiqish va tasdiqlash;

tanlov oʻtkazish va tanlov ishtirokchilarining takliflarini baholash hamda gʻoliblarni aniqlash;

moliyaviy ijaraga berish boʻyicha namunaviy shartnomani ishlab chiqish va tasdiqlash;

tashuvchilar (tanlov gʻoliblari) tomonidan “Samarqandyoʻlovchitrans” DK avtobus saroyidan foydalanish shartlarini belgilash.

4. Belgilansinki:

moliyaviy ijaraga beriladigan elektrobuslar va quvvatlash qurilmalari loyiha doirasida tanlab olingan muntazam shahar avtobus yoʻnalishlari kesimida lotlar boʻyicha tanlov savdolariga chiqariladi;

moliyaviy ijara shartnomasi 10 yil muddatga tuziladi hamda ijara tushumlari Samarqand viloyati jamoat transportini moliyalashtirish boʻyicha maxsus jamgʻarmasiga yoʻnaltiriladi;

ijarachi tomonidan moliyaviy ijara shartnomasida belgilangan majburiyatlar toʻliq bajarilgan taqdirda, elektrobuslar va quvvatlash qurilmalari ijarachining mulkiga oʻtkaziladi;

loyiha doirasida rekonstruksiya qilinadigan avtobus saroyi tashuvchilarga (tanlov gʻoliblariga) ijara asosida xizmat koʻrsatadi hamda uchinchi shaxslarga sotilishi va begonalashtirilishiga ruxsat etilmaydi.

5. Quyidagilar:

Yevropa tiklanish va taraqqiyot banki ishtirokidagi “Samarqand shahar jamoat transporti uchun elektrobuslar xarid qilish va ular bilan bevosita bogʻliq infratuzilmani yaratish” loyihasi texnik-iqtisodiy asosining asosiy koʻrsatkichlari 2-ilovaga muvofiq;

“Samarqand shahar jamoat transporti uchun elektrobuslar xarid qilish va ular bilan bevosita bogʻliq infratuzilmani yaratish” loyihasi boʻyicha jalb qilingan YETTBning asosiy qarzini qaytarish, unga hisoblangan foizlar, bir martalik boshlangʻich va majburiy toʻlovlarni amalga oshirishning prognoz jadvali 3-ilovaga muvofiq;

Samarqand shahar jamoat transporti uchun elektrobuslar va quvvatlash qurilmalarini yetkazib berish grafigi 4-ilovaga muvofiq tasdiqlansin.

6. Adliya vazirligi (A. Tashkulov) Oʻzbekiston Respublikasi hamda YETTB oʻrtasidagi qarz bitimiga belgilangan tartibda yuridik xulosa berilishini taʼminlasin.

7. Samarqand viloyati hokimligi (E. Turdimov) loyiha doirasida obyektlar qurilishi rejalashtirilgan hududlardagi jismoniy va yuridik shaxslarga tegishli koʻchmas mulk obyektlarini koʻchirish va mulkdorlarga yetkazilgan zararning oʻrni qonunchilikda belgilangan tartibda qoplanishini taʼminlasin.

8. Transport vazirligi (I. Maxkamov) YETTB bilan kelishgan holda bir oy muddatda Transport vazirligi huzurida loyihani amalga oshirish guruhi tashkil etilishini taʼminlasin.

9. Qoraqalpogʻiston Respublikasi Vazirlar Kengashi Raisi va viloyatlar hokimlari Transport vazirligi, Investitsiyalar, sanoat va savdo vazirligi bilan birgalikda ikki oy muddatda Nukus shahri va viloyatlar markazlari jamoat transporti uchun elektrobuslarni xarid qilish loyihalarini ishlab chiqsin.

10. Davlat dasturlari ijro etilishini nazorat qilish va muvofiqlashtirish boʻyicha respublika shtabi (S. Samadov) loyiha doirasidagi mablagʻlarning maqsadli ajratilishi va sarflanishi ustidan doimiy nazorat oʻrnatsin hamda har yarim yilda Oʻzbekiston Respublikasi Prezidenti Administratsiyasiga axborot kiritib borsin.

Korrupsiyaga qarshi kurashish agentligi (A. Burxanov) loyiha doirasida ajratiladigan mablagʻlarning maqsadli ishlatilishi jarayonida ochiqlik va oshkoralikni taʼminlash ustidan doimiy nazorat oʻrnatsin.

11. Quyidagilarga:

Transport vazirligiga (I. Maxkamov) Samarqand viloyati hokimligi (E. Turdimov), Qurilish va uy-joy kommunal xoʻjaligi vazirligi (Sh. Xidoyatov) bilan birgalikda obyektlarning loyiha-smeta hujjatlari ishlab chiqilishi va vakolatli organlardan belgilangan tartibda ekspertizadan oʻtkazilishini taʼminlash;

Qurilish va uy-joy kommunal xoʻjaligi vazirligiga (Sh. Xidoyatov) — obyektlarda amalga oshiriladigan qurilish-montaj ishlarining sifatli bajarilishi ustidan nazoratni amalga oshirish;

Ekologiya, atrof-muhitni muhofaza qilish va iqlim oʻzgarishi vazirligiga (A. Abduhakimov) — obyektlarning loyiha hujjatlari belgilangan tartibda davlat ekologik ekspertizasidan oʻtkazilishi va loyiha doirasida tabiatni muhofaza qilishga oid qonunchilik hujjatlariga rioya etilishi ustidan nazoratni taʼminlash;

Madaniy meros agentligiga (B. Abdikarimov) — loyiha doirasida madaniy meros obyektlari bilan bogʻliq amalga oshiriladigan ishlar belgilangan tartibda kelishilishi va madaniy meros obyektlarini muhofaza qilish va ulardan foydalanish boʻyicha qonunchilik hujjatlariga rioya qilinishi ustidan nazorat oʻrnatish vazifalari yuklansin.

12. Transport vazirligi va Samarqand viloyati hokimligining buyurtmanomalariga binoan loyihani amalga oshirishda ishtirok etadigan:

xorijiy mutaxassislar uchun kirish vizalari konsullik yigʻimlari va haqiqiy xarajatlarning oʻrnini qoplash hisobidan yigʻimlar undirilmasdan, zarur hollarda, I. Karimov nomidagi “Toshkent” xalqaro aeroportida rasmiylashtirilishini taʼminlash — Tashqi ishlar vazirligiga (B. Saidov);

xorijiy mutaxassislarga davlat boji undirilmasdan koʻp martalik vizalar rasmiylashtirilishi (muddati uzaytirilishi) hamda turgan joyi boʻyicha roʻyxatdan oʻtkazilishi va uning muddati uzaytirilishini taʼminlash — Ichki ishlar vazirligiga (P. Bobojonov);

xorijiy mutaxassislarga belgilangan tartibda (Oʻzbekiston Respublikasi fuqarolari orasida bunday mutaxassislar boʻlmagan taqdirda) Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalar berilishini (muddati uzaytirilishini) taʼminlash — Kambagʻallikni qisqartirish va bandlik vazirligiga (B. Musayev) yuklatilsin.

13. Mazkur qaror ijrosini samarali tashkil qilishga masʼul va shaxsiy javobgar etib transport vaziri I.R. Maxkamov va Samarqand viloyati hokimi E.O. Turdimov belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosarlari A.J. Ramatov va J.A. Xodjayev zimmasiga yuklansin.

Oʻzbekiston Respublikasi Prezidentining 2024-yil 22-yanvardagi PQ-37-son qaroriga 1-ILOVA

Elektrobuslar va quvvatlash qurilmalarini moliyaviy ijaraga berish boʻyicha idoralararo ishchi guruh

I.R. Maxkamov — transport vaziri, Idoralararo ishchi guruh rahbari A.Gʻ. Shukurov — Samarqand viloyati hokimining oʻrinbosari, Idoralararo ishchi guruh rahbarining oʻrinbosari B.B. Xodjayev — iqtisodiyot va moliya vaziri oʻrinbosari D.T. Axmedov — investitsiyalar, sanoat va savdo vaziri oʻrinbosari A.E. Miraliyev — Davlat aktivlarini boshqarish agentligi direktori oʻrinbosari O.Ch. Saidov — Ichki ishlar vazirligi Yoʻl harakati xavfsizligi xizmati boshligʻi A.S. Ashurov — Samarqand viloyati transport boshqarmasi boshligʻi, Idoralararo ishchi guruh kotibi

Oʻzbekiston Respublikasi Prezidentining 2024-yil 22-yanvardagi PQ-37-son qaroriga 2-ILOVA

Yevropa tiklanish va taraqqiyot banki ishtirokidagi “Samarqand shahar jamoat transporti uchun elektrobuslar xarid qilish va ular bilan bevosita bogʻliq infratuzilmani yaratish” loyihasi texnik-iqtisodiy asosining

T/r Komponent nomi Oʻlchov birligi Jami * Moliyalashtirish manbalari YETTB krediti Oʻzbekiston Respublikasi mablagʻlari Transport vazirligi mablagʻlari Loyihaning umumiy qiymati ming AQSH doll. 61 989,54 49 000,0 12 671,54 318,0 1. Kapital qoʻyilmalar qiymati, jami ming AQSH doll. 55 770,47 48 510,0 7 260,47 shu jumladan 1.1. Qurilish-montaj ishlari ming AQSH doll. 17 640,00 15 750,0 1 890,00 1.2. Mashina va uskunalar ming AQSH doll. 34 385,68 29 700,0 4 685,68 1.3. Boshqa xarajatlar ming AQSH doll. 2 053,59 1 550,0 185,59 318,0 1.4. Taqsimlanmagan xarajatlar ming AQSH doll. 1 691,2 1 510,0 181,20 2. Moliyaviy xarajatlar va boshqa toʻlovlar ming AQSH doll. 6 313,33 490 5 729,07

Oʻzbekiston Respublikasi Prezidentining 2024-yil 22-yanvardagi PQ-37-son qaroriga 3-ILOVA

“Samarqand shahar jamoat transporti uchun elektrobuslar xarid qilish va ular bilan bevosita bogʻliq infratuzilmani yaratish” loyihasi boʻyicha jalb qilingan YETTBning asosiy qarzini qaytarish, unga hisoblangan foizlar, bir martalik boshlangʻich va majburiy toʻlovlarni amalga oshirishning

Qarz summasi 49 million AQSH dollari Qarz muddati 18 yil Imtiyozli davr 3 yil Foiz stavkasi SOFR + 0,5% (spred) + 1,0% Majburiyat uchun toʻlov 0,50% (oʻzlashtirilmagan qarz miqdoridan) Bir martalik boshlangʻich toʻlov 1,0% (umumiy qarz miqdoridan) AQSH dollar Toʻlov davri Qarz oʻzlashtirilishi Qarz qoldigʻi Toʻlov miqdori Toʻlanishi lozim boʻlgan umumiy mablagʻ **** asosiy qarz foizlar * bir martalik boshlangʻich toʻlov ** majburiyatlar uchun toʻlov *** 15.03.2024 44 442 600,00 44 442 600,00 0,00 490 000,00 166 055,56 656 055,56 15.09.2024 1 707 500,00 46 150 100,00 1 540 084,23 11 646,69 1 551 730,92 15.03.2025 1 707 500,00 47 857 600,00 1 573 179,99 7 164,33 1 580 344,32 15.09.2025 571 300,00 48 428 900,00 1 658 425,37 2 919,47 1 661 344,84 15.03.2026 571 100,00 49 000 000,00 1 650 860,49 1 650 860,49 15.09.2026 47 366 666,67 1 633 333,33 1 698 013,33 3 331 346,66 15.03.2027 45 733 333,33 1 633 333,33 1 614 650,72 3 247 984,05 15.09.2027 44 100 000,00 1 633 333,33 1 584 812,44 3 218 145,77 15.03.2028 42 466 666,67 1 633 333,33 1 511 601,00 3 144 934,33 15.09.2028 40 833 333,33 1 633 333,33 1 471 611,56 3 104 944,89 15.03.2029 39 200 000,00 1 633 333,33 1 391 940,28 3 025 273,61 15.09.2029 37 566 666,67 1 633 333,33 1 358 410,67 2 991 744,00 15.03.2030 35 933 333,33 1 633 333,33 1 280 585,06 2 913 918,39 15.09.2030 34 300 000,00 1 633 333,33 1 245 209,78 2 878 543,11 15.03.2031 32 666 666,67 1 633 333,33 1 169 229,83 2 802 563,16 15.09.2031 31 033 333,33 1 633 333,33 1 132 008,89 2 765 342,22 15.03.2032 29 400 000,00 1 633 333,33 1 063 719,22 2 697 052,55 15.09.2032 27 766 666,67 1 633 333,33 1 018 808,00 2 652 141,33 15.03.2033 26 133 333,33 1 633 333,33 946 519,39 2 579 852,72 15.09.2033 24 500 000,00 1 633 333,33 905 607,11 2 538 940,44 15.03.2034 22 866 666,67 1 633 333,33 835 164,17 2 468 497,50 15.09.2034 21 233 333,33 1 633 333,33 792 406,22 2 425 739,55 15.03.2035 19 600 000,00 1 633 333,33 723 808,94 2 357 142,27 15.09.2035 17 966 666,67 1 633 333,33 679 205,33 2 312 538,66 15.03.2036 16 333 333,33 1 633 333,33 615 837,44 2 249 170,77 15.09.2036 14 700 000,00 1 633 333,33 566 004,44 2 199 337,77 15.03.2037 13 066 666,67 1 633 333,33 501 098,50 2 134 431,83 15.09.2037 11 433 333,33 1 633 333,33 452 803,56 2 086 136,89 15.03.2038 9 800 000,00 1 633 333,33 389 743,28 2 023 076,61 15.09.2038 8 166 666,67 1 633 333,33 339 602,67 1 972 936,00 15.03.2039 6 533 333,33 1 633 333,33 278 388,06 1 911 721,39 15.09.2039 4 900 000,00 1 633 333,33 226 401,78 1 859 735,11 15.03.2040 3 266 666,67 1 633 333,33 167 955,67 1 801 289,00 15.09.2040 1 633 333,33 1 633 333,33 113 200,89 1 746 534,22 15.03.2041 0,00 1 633 333,33 55 677,61 1 689 010,94 Jami 49 000 000,00 0,00 49 000 000,00 32 552 575,92 490 000,00 187 786,05 82 230 361,97

Oʻzbekiston Respublikasi Prezidentining 2024-yil 22-yanvardagi PQ-37-son qaroriga 4-ILOVA

Samarqand shahar jamoat transporti uchun elektrobuslar va quvvatlash qurilmalarini yetkazib berish

dona T/r Bosqichlar Elektrobuslar soni Quvvatlash qurilmalari soni Ijro muddati 1. 1-bosqichda 6 3 2023-yil 2. 2-bosqichda 30 15 2024-yil I chorak 3. 3-bosqichda 64 32 2024-yil II chorak Jami 100 50

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 22-yanvar,

PQ-37-son

(Qonunchilik maʼlumotlari milliy bazasi, 23.01.2024-y., 07/24/37/0060-son; 10.06.2026-y., 06/26/109/0580-son)

lex.uz

Президента Республики Узбекистан

Постановление

О мерах по реализации проекта «Закупка электробусов для общественного транспорта города Самарканда и создание непосредственно связанной с ними инфраструктуры» с участием Европейского банка реконструкции и развития

В целях комплексного развития общественного транспорта города Самарканда, оказания безопасных и качественных транспортных услуг пассажирам, а также поэтапного перехода к эксплуатации эффективных и экологичных видов транспорта:

1. Принять к сведению, что:

а) между Республикой Узбекистан и Европейским банком реконструкции и развития (далее — ЕБРР) 17 мая 2023 года подписано Заемное соглашение по реализации проекта «Закупка электробусов для общественного транспорта города Самарканда и создание непосредственно связанной с ними инфраструктуры» (далее — проект) в размере 49 млн долларов США сроком на 18 лет, включая трехлетний льготный период;

б) общая стоимость проекта составляет 61,99 млн долларов США, в том числе:

заемные средства ЕБРР — 49 млн долларов США;

вклад Республики Узбекистан в реализацию проекта — 12,99 млн долларов США, в том числе в виде покрытия налога на добавленную стоимость и предоставления таможенных льгот, а также финансирования расходов группы реализации проекта за счет Фонда развития транспорта и логистики при Министерстве транспорта;

в) в рамках проекта предусмотрены также реконструкция автобусного парка в городе Самарканде, предназначенного для хранения, технического обслуживания и ремонта подвижного состава, включающего в себя учебный центр по подготовке и повышению квалификации водителей, а также строительство объектов внешнего электроснабжения;

г) между Государственным предприятием «Samarqandyoʻlovchitrans» Управления транспорта Самаркандской области (далее — ГП «Samarqandyoʻlovchitrans») и признанной победителем по итогам международного тендера компанией «Yutong Bus Co., Ltd» Китайской Народной Республики подписан договор на общую сумму 29,7 млн долларов США на приобретение 100 электробусов и 50 зарядных устройств;

в рамках данного договора в мае 2023 года осуществлена поставка 6 электробусов и 3 зарядных устройств, данные электробусы поставлены на маршруты городского общественного транспорта;

д) период реализации проекта составляет 3 года (2023 — 2025 годы).

2. Определить, что:

проект финансируется за счет заемных средств, выделяемых ЕБРР;

исполнительными органами, ответственными за своевременную и качественную реализацию проекта, а также целевое и эффективное использование займа ЕБРР, являются Министерство транспорта и хокимият Самаркандской области;

ГП «Samarqandyoʻlovchitrans» является бенефициаром проекта;

погашение основного займа ЕБРР, начисленные по нему проценты, первоначальные разовые и обязательные платежи в рамках проекта осуществляются за счет средств местного бюджета Самаркандской области;

электробусы и зарядные устройства, закупаемые в рамках проекта, передаются в финансовую аренду частному сектору (перевозчикам) путем отбора наилучших предложений;

закупаемые электробусы, в порядке исключения, закрепляются напрямую за отобранными в рамках проекта регулярными городскими автобусными маршрутами на основе брутто-контакта сроком на 7 лет. При этом стоимость маршрутов формируется в установленном порядке;

хранение и обслуживание электробусов и зарядных устройств, передаваемых в финансовую аренду, осуществляется в реконструируемом в рамках проекта автобусном парке в порядке, установленном между ГП «Samarqandyoʻlovchitrans» и перевозчиками на основе договора;

информация по освоенным средствам и достигнутым результатам в рамках проекта регулярно публикуется на официальных веб-сайтах Министерства транспорта и хокимията Самаркандской области.

3. Образовать Межведомственную рабочую группу по передаче в финансовую аренду электробусов и зарядных устройств в составе согласно приложению № 1 * и определить ее основными задачами:

определение процедур проведения конкурса по передаче в финансовую аренду и минимальных требований, предъявляемых к участникам конкурса;

разработку и утверждение условий передачи в финансовую аренду;

проведение конкурса, оценку предложений участников конкурса и определение победителей;

разработку и утверждение типового договора по передаче в финансовую аренду;

определение условий эксплуатации автобусного парка ГП «Samarqandyoʻlovchitrans» перевозчиками (победителями конкурса).

4. Установить, что:

электробусы и зарядные устройства, передаваемые в финансовую аренду, выставляются на конкурсные торги по лотам в разрезе регулярных городских автобусных маршрутов, отобранных в рамках проекта;

договор финансовой аренды заключается сроком на 10 лет, средства от которой направляются в Специальный фонд финансирования общественного транспорта Самаркандской области;

в случае полного исполнения арендатором обязательств, предусмотренных договором финансовой аренды, электробусы и зарядные устройства переходят в собственность арендатора;

автобусный парк, реконструируемый в рамках проекта, обслуживает перевозчиков (победителей конкурса) на условиях аренды и не подлежит реализации или отчуждению третьим лицам.

5. Утвердить:

Основные показатели технико-экономического обоснования проекта «Закупка электробусов для общественного транспорта города Самарканда и создание непосредственно связанной с ними инфраструктуры» с участием Европейского банка реконструкции и развития согласно приложению № 2 * ;

Прогнозный график погашения основного займа ЕБРР, привлеченного в рамках проекта «Закупка электробусов для общественного транспорта города Самарканда и создание непосредственно связанной с ними инфраструктуры», выплаты начисленных по нему процентов, а также первоначального разового и обязательных платежей согласно приложению № 3 * ;

График поставки электробусов и зарядных устройств для общественного транспорта города Самарканда согласно приложению № 4 * .

6. Министерству юстиции (А. Ташкулов) обеспечить в установленном порядке выдачу юридического заключения по заемному соглашению между Республикой Узбекистан и ЕБРР.

7. Хокимияту Самаркандской области (Э. Турдимов) обеспечить перенос объектов недвижимости физических и юридических лиц, расположенных на территориях, в которых планируется строительство объектов в рамках проекта, и возмещение причиненного собственнику ущерба в порядке, установленном законодательством.

8. Министерству транспорта (И. Махкамов) в месячный срок по согласованию с ЕБРР обеспечить создание Группы реализации проекта при Министерстве транспорта.

9. Председателю Совета Министров Республики Каракалпакстан и хокимам областей совместно с Министерством транспорта, Министерством инвестиций, промышленности и торговли в двухмесячный срок разработать проекты по закупке электробусов для общественного транспорта города Нукуса и областных центров.

10. Республиканскому штабу по контролю и координации реализации государственных программ (С. Самадов) установить постоянный контроль за целевым выделением и использованием средств в рамках проекта и каждые полгода вносить соответствующую информацию в Администрацию Президента Республики Узбекистан.

Агентству по противодействию коррупции (А. Бурханов) установить постоянный контроль за обеспечением открытости и гласности в процессе целевого использования средств, выделяемых в рамках проекта.

11. Возложить нижеследующие задачи на:

Министерство транспорта (И. Махкамов) совместно с хокимиятом Самаркандской области (Э. Турдимов), Министерством строительства и жилищно-коммунального хозяйства (Ш. Хидоятов) — по обеспечению разработки проектно-сметной документации объектов и проведению их экспертизы в уполномоченных органах в установленном порядке;

Министерство строительства и жилищно-коммунального хозяйства (Ш. Хидоятов) — по осуществлению контроля за качественным выполнением строительно-монтажных работ, проводимых на объектах;

Министерство экологии, охраны окружающей среды и изменения климата (А. Абдухакимов) — по обеспечению контроля за проведением государственной экологической экспертизы проектной документации объектов в установленном порядке и соблюдением в рамках проекта актов законодательства по охране природы;

Агентство культурного наследия (Б. Абдикаримов) — по установлению контроля за согласованием в рамках проекта работ, связанных с объектами культурного наследия в установленном порядке, а также соблюдением актов законодательства по охране и использованию объектов культурного наследия.

12. По заявкам Министерства транспорта и хокимията Самаркандской области возложить нижеследующие задачи на:

Министерство иностранных дел (Б. Саидов) — по обеспечению оформления въездных виз зарубежным специалистам, участвующим в реализации проекта, без взимания консульских сборов и сборов в счет возмещения фактических расходов, при необходимости — в Международном аэропорту имени И. Каримова;

Министерство внутренних дел (П. Бобожонов) — по обеспечению оформления (продления срока) многоразовых виз без взимания государственной пошлины, а также регистрации и ее продления по месту пребывания зарубежных специалистов, участвующих в реализации проекта;

Министерство занятости и сокращения бедности (Б. Мусаев) — по обеспечению выдачи (продления срока) подтверждений на право осуществления трудовой деятельности на территории Республики Узбекистан зарубежным специалистам, участвующим в реализации проекта (в случае отсутствия таких специалистов среди граждан Республики Узбекистан).

13. Возложить на министра транспорта И.Р. Махкамова и хокима Самаркандской области Э.О. Турдимова персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителей Премьер-министра А.Ж. Раматова и Ж.А. Ходжаева.

Президент Республики Узбекистан Ш. МИРЗИЁЕВ

г. Ташкент,

22 января 2024 г.,

№ ПП-37

(Национальная база данных законодательства, 23.01.2024 г., № 07/24/37/0060; 10.06.2026 г., № 06/26/109/0580)

lex.uz