📅 2024-yil 23-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 23 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 января 2024 г. · Постановления Президента
Официальный текст. Официальный документ. Редакционные примечания не включены.
📅 23 January 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«ЙЎЛ ХАРИТАСИ»
Тадбиркорлик субъектларининг барқарорлик рейтингини жорий этиш чора-тадбирлари тўғрисида
2023 йил 18 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган устувор вазифалар ижросини таъминлаш, шунингдек, солиқларни ўз вақтида тўлаб, қонунчилик талабларига амал қилган ҳолда фаолият юритаётган тадбиркорлик субъектларига янада қулай шарт-шароитлар яратиш ва уларни рағбатлантириш мақсадида:
1. Савдо-саноат палатаси, Солиқ қўмитаси, Иқтисодиёт ва молия вазирлиги ҳамда Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилнинг 2024 йил 1 февралдан бошлаб қонунчилик талабларига риоя этган ҳолда фаолият юритаётган тадбиркорлик субъектларини аниқлаш ва қўшимча рағбатлантиришни назарда тутувчи Тадбиркорлик субъектларининг барқарорлик рейтингини (кейинги ўринларда — рейтинг) жорий этиш тўғрисидаги таклифига розилик берилсин.
2. Белгилансинки:
а) рейтинг доирасида тадбиркорлик субъектлари қуйидаги тоифаларга ажратилади:
«AAA», «AA» ва «A» тоифалар — юқори барқарорлик рейтинги;
«BBB», «BB» ва «B» тоифалар — ўрта барқарорлик рейтинги;
«CCC», «CC» ва «C» тоифалар — қониқарли барқарорлик рейтинги;
«D» тоифа — қуйи барқарорлик рейтинги;
б) рейтинг Солиқ қўмитасининг «Тадбиркорларнинг барқарорлик рейтинги» электрон платформасида (кейинги ўринларда — платформа) идоралараро ахборот алмашинуви воситасида автоматик тарзда (онлайн) шакллантирилади ва Савдо-саноат палатасининг расмий веб-сайтида эълон қилиб борилади;
в) юқори барқарорлик рейтингидаги тадбиркорлик субъектлари Ўзбекистон Республикаси Президенти ҳузуридаги Тадбиркорликни қўллаб-қувватлаш бўйича жамоатчилик кенгаши (кейинги ўринларда — Жамоатчилик кенгаши) таклифига асосан ҳар йили 20 август — Тадбиркорлар куни арафасида тақдирлаш учун давлат мукофотлари ҳамда «Фаол тадбиркор» кўкрак нишонига тавсия этилади.
3. Савдо-саноат палатаси Солиқ қўмитаси, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ва манфаатдор идоралар билан биргаликда икки ҳафта муддатда рейтинг кўрсаткичлари мезонлари бўйича услубий қўлланма ишлаб чиқиб, унинг солиқ тўловчининг шахсий кабинети орқали тадбиркорлик субъектларига етказилишини таъминласин.
4. Юқори барқарорлик рейтингидаги тадбиркорлик субъектлари учун қуйидаги рағбатлантириш чоралари жорий этилсин:
а) «AAA» тоифадаги тадбиркорлик субъектлари фаолиятида солиқ текширувлари ўтказилмайди (жиноий ишлар доирасида ўтказиладиган текширувлар бундан мустасно), шунингдек, ушбу тоифадаги тадбиркорлик субъектларига қўшилган қиймат солиғи суммаси ўрнини қоплаш (қайтариш) бир кун муддатда текширувларсиз амалга оширилади. Мазкур тартиб тадбиркорлик субъектини қайта ташкил этиш натижасида ҳуқуқий ворисда ҳосил бўлган қўшилган қиймат солиғининг салбий фарқ суммасига нисбатан татбиқ этилмайди;
в) «A» ва ундан юқори тоифадаги тадбиркорлик субъектларига солиқлар бўйича (қўшилган қиймат солиғи бундан мустасно) мавжуд ортиқча тўлов суммасини қайтариш уч кун муддатда амалга оширилади;
г) «BBB» ва ундан юқори тоифадаги тадбиркорлик субъектларига товарларни импорт қилишда ва товарларни (хизматларни) реализация қилишда тўланадиган қўшилган қиймат солиғи суммаларини ўзаро ҳисобга олиш тартиби татбиқ этилади.
5. Белгилаб қўйилсинки:
мазкур қарорнинг 4-бандида назарда тутилган рағбатлантириш чоралари давлат корхоналари ҳамда устав капиталида 50 фоиз ва ундан ортиқ миқдорда давлат улуши мавжуд бўлган юридик шахсларга нисбатан татбиқ этилмайди;
2024 йил 1 апрелдан бошлаб тадбиркорлик субъектларига субсидия, имтиёз ва преференциялар уларнинг рейтинг даражасидан келиб чиққан ҳолда жорий этилади, бундан солиқ ва божхона имтиёзлари, шунингдек, солиқ тўловчига тўланган қўшилган қиймат солиғининг бир қисмини қайтариш мустасно.
Иқтисодиёт ва молия вазирлиги Савдо-саноат палатаси ва бошқа манфаатдор вазирлик ва идоралар билан биргаликда икки ой муддатда тадбиркорлик субъектларига субсидия, имтиёз ва преференцияларни тақдим қилишнинг янгиланган тартибини Вазирлар Маҳкамасига киритсин.
6. Платформанинг 2024 йил 1 февралдан тўлиқ ишга туширилишини таъминлаш мақсадида:
Олий суд ўзининг ахборот тизимлари платформага интеграция қилинишини таъминласин;
Солиқ қўмитаси Савдо-саноат палатасига платформадан фойдаланиш ҳуқуқини берсин;
Савдо-саноат палатаси рейтинг маълумотларини ҳамда келиб тушаётган мурожаатларга тезкор жавоб берилишини мониторинг қилиб борсин ва маълумотларнинг очиқлигини таъминласин.
7. Жамоатчилик кенгашининг қуйидаги таклифлари маъқуллансин:
Жамоатчилик кенгаши аъзоларини ҳудудлар ва соҳаларга бириктирган ҳолда, 2024 йилнинг I чорагида тадбиркорлик субъектларига рейтинг тизими ва унинг имкониятларини ўргатиш бўйича семинарлар ўтказиш;
ҳар ҳафта мустақил экспертлар, мутахассислар ва аҳолининг фикри ва муносабатини акс эттирувчи таҳлилий ток-шоулар, мунозаралар, брифинглар, савол-жавоблар, видеороликлар ва бошқа тарғибот тадбирларини ташкил этиш;
рейтинг натижаларини ҳудудлар, соҳалар ва тоифалар кесимида ҳар чоракда Жамоатчилик кенгашида муҳокама қилиш ва аниқланган тизимли муаммоларни ҳал этиш бўйича таклифларни киритиб бориш.
8. Вазирлар Маҳкамаси бир ҳафта муддатда Тадбиркорлик субъектларининг барқарорлик рейтингини юритиш тартибини тасдиқласин.
9. Тадбиркорлик субъектларининг барқарорлик рейтинги мазмун-моҳиятини ёритиш ва уни жорий этишнинг ташкилий масалаларини ҳал этиш бўйича «йўл харитаси» иловага мувофиқ тасдиқлансин.
10. Савдо-саноат палатаси Солиқ қўмитаси ва Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил билан биргаликда:
а) ҳар ҳафта тадбиркорлик субъектлари билан учрашувлар ўтказиб, ўрта, қониқарли ва қуйи барқарорлик рейтингидаги тадбиркорлик субъектларининг рейтинг кўрсаткичларини яхшилаш бўйича уларга тизимли равишда амалий ёрдам кўрсатиб борсин;
б) ҳар чоракда:
юқори барқарорлик рейтингидаги тадбиркорлик субъектлари фаолияти тўғрисида видеороликлар ва ташвиқот материалларини тайёрлаб, оммавий ахборот воситалари, ижтимоий тармоқлар орқали кенг ёритиб борсин ва маҳаллаларда тарғибот тадбирларини амалга оширсин;
юқори барқарорлик рейтингидаги тадбиркорлик субъектлари иштирокида умумий, ўрта махсус ва олий таълим ташкилотларида таҳсил олаётган ёшлар учун ўқув курслари ва маҳорат дарсларини ташкил қилсин;
в) ҳар йили рейтинг кўрсаткичлари мезонлари ва уларни баҳолаш методикасини рейтинг натижаларининг холислигини таъминлаш нуқтаи назаридан Жамоатчилик кенгаши йиғилишларида таҳлил қилиб, уларни такомиллаштириб борсин.
11. Ахборот ва оммавий коммуникациялар агентлиги, Ўзбекистон Миллий ахборот агентлиги ва Ўзбекистон Миллий телерадиокомпанияси мазкур қарорнинг мақсади, вазифалари ва ундан кутилаётган натижаларни оммавий ахборот воситалари, Интернет ва ижтимоий тармоқларда кенг ёритсин.
12. Солиқ қўмитаси Савдо-саноат палатаси, манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 23 январдаги ПҚ-39-сон қарорига ИЛОВА
Тадбиркорлик субъектларининг барқарорлик рейтинги мазмун-моҳиятини ёритиш ва уни жорий этишнинг ташкилий масалаларини ҳал этиш бўйича
Т/р Чора-тадбирлар номи Амалга ошириш механизми Амалга ошириш шакли Ижро муддати Масъул ижрочилар I. Тадбиркорлик субъектларининг барқарорлик рейтинги мазмун-моҳиятини тадбиркорлик субъектлари ўртасида тушунтириш 1. Тарғибот материаллари тўпламини яратиш, тизимдаги ва бошқа манфаатдор ташкилотларга етказиб бериш. 1. Ахборот-таҳлилий материаллардан фойдаланган ҳолда ҳужжатлар тўпламини (маъруза матни, тақдимот, аннотация, инфографика, схема) тайёрлаш. 2. Тарғибот материаллари тўпламини Савдо-саноат палатаси ва Солиқ қўмитасининг ҳудудий бўлинмалари ва манфаатдор ташкилотларга етказиб бериш. Амалий чора-тадбирлар 2024 йил 25 январь Савдо-саноат палатаси (Ваҳобов) , Солиқ қўмитаси (Кудбиев), Бизнес-омбудсман (Касимов) 3. Тадбиркорлик субъектларининг барқарорлик рейтингининг мазмун-моҳиятини тушунтиришга қаратилган материаллар матнини, заруратга кўра рус, инглиз ва бошқа хорижий тилларга таржима қилиш, кенг фойдаланувчилар эътиборига ҳавола қилиш мақсадида «Дунё» ахборот агентлигига етказиш. Амалий чора-тадбирлар 2024 йил 15 февраль 2. Оммавий ахборот воситалари вакиллари учун матбуот анжуманини ўтказиш. 1. Матбуот анжумани ҳақида расмий веб-сайт, ижтимоий тармоқлар ва оммавий ахборот воситалари орқали эълон бериш. Амалий чора-тадбирлар 2024 йил 28 январь Савдо-саноат палатаси (Ваҳобов) , Солиқ қўмитаси (Кудбиев), Бизнес-омбудсман (Касимов) 2. Матбуот анжуманини ўтказиш ва оммавий ахборот воситаларига тайёрланган тарғибот материаллари тўпламини тақдим этиш. 3. Матбуот анжуманини оммавий ахборот воситалари ва ижтимоий тармоқларда ёритиш. Амалий чора-тадбирлар 2024 йил 1 февраль 3. Тадбиркорлик субъектларининг барқарорлик рейтинги бўйича манфаатдор ташкилотлар ходимларини ўқитиш. 1. Ўқув машғулотларини ўтказишнинг чораклик графикларини тасдиқлаш. Режа-график 2024 йил 1 февраль Савдо-саноат палатаси (Ваҳобов) , Солиқ қўмитаси (Кудбиев), Бизнес-омбудсман (Касимов) , манфаатдор вазирлик ва идоралар 2. Малакали мутахассислар, олимлар, экспертларни жалб этган ҳолда Савдо-саноат палатаси, Солиқ қўмитаси, Бизнес-омбудсман ва бошқа манфаатдор идоралар ходимлари учун графикка асосан ўқув машғулотлари ўтказиш. Амалий чора-тадбирлар Графикка асосан 4. Тадбиркорлик субъектларининг барқарорлик рейтинги мазмун-моҳиятини тушунтиришни ташкил этиш. 1. Ҳудудий ва республика тарғибот гуруҳларини шакллантириш ва уларнинг таркибини тасдиқлаш. 2. Тарғибот гуруҳларини тарғибот материаллари тўплами билан таъминлаш. 3. Тарғибот тадбирларининг концепцияси, дастури ва уларни ўтказиш графигини тасдиқлаш. Амалий чора-тадбирлар 2024 йил 1 февраль Савдо-саноат палатаси (Ваҳобов) , Солиқ қўмитаси (Кудбиев), Бизнес-омбудсман (Касимов) , манфаатдор вазирлик ва идоралар 4. Манзилли ва предметли тарғибот тадбирларини ўтказиш. Амалий чора-тадбирлар Графикка асосан 5. Тадбиркорлик субъектларининг барқарорлик рейтинги мазмун-моҳиятини оммавий ахборот воситалари орқали ёритиш. 1. Тадбиркорлик субъектларининг барқарорлик рейтинги мазмун-моҳиятини тушунтиришга қаратилган мақола, материалларни веб-сайтларда жойлаштириш. 2. Мустақил экспертлар, мутахассислар ва аҳолининг фикри ва муносабатини акс эттирувчи таҳлилий ток-шоулар, мунозаралар, баҳслар ҳамда бошқа замонавий шакллар назарда тутилган медиа-режани тасдиқлаш . Амалий чора-тадбирлар 2024 йил 1 февраль Савдо-саноат палатаси (Ваҳобов) , Солиқ қўмитаси (Кудбиев), Бизнес-омбудсман (Касимов) 3. Медиа-режага асосан тарғибот тадбирларини амалга ошириш. Амалий чора-тадбирлар Режага асосан 6. Тадбиркорлик субъектларининг барқарорлик рейтинги мазмун-моҳиятини ижтимоий тармоқлар орқали кенг жамоатчиликка етказиш. 1. Тадбиркорлик субъектларининг барқарорлик рейтинги бўйича савол-жавоблар, анимацион роликлар ва бошқа усуллардан фойдаланган ҳолда ҳуқуқий ахборот контентини яратиш. 2. Ижтимоий тармоқларда ҳуқуқий тарғибот материалларини тарқатиш. Амалий чора-тадбирлар 2024 йил 28 январь Савдо-саноат палатаси (Ваҳобов) , Солиқ қўмитаси (Кудбиев), Бизнес-омбудсман (Касимов) 7. Тадбиркорлик субъектларининг ҳуқуқий саводхонлигини аниқлаш мақсадида ижтимоий сўровлар ўтказиш. 1. Сўровнома саволномасини тузиш. 2. Сўровнома ўтказиладиган тадбиркорлар тоифалари ва ҳудудларни белгилаб олиш. Амалий чора-тадбирлар 2024 йил 1 март Савдо-саноат палатаси (Ваҳобов) , Солиқ қўмитаси (Кудбиев), Бизнес-омбудсман (Касимов) 3. Сўровномани ўтказиш. 4. Сўровнома натижаларини умумлаштириш, таклифлар ишлаб чиқиш. Амалий чора-тадбирлар Доимий 8. Тадбиркорлик субъектларининг барқарорлик рейтинги натижалари бўйича аниқланган тизимли масалаларни ҳал қилиш. 1. Ўзбекистон Республикаси Президенти ҳузуридаги Тадбиркорликни қўллаб-қувватлаш бўйича жамоатчилик кенгашида тадбиркорлик субъектларининг барқарорлик рейтинги натижаларини ҳудуд, соҳа ва тоифалар кесимида тизимли равишда муҳокама қилиш. 2. Муҳокама натижалари асосида аниқланган тизимли муаммоларни бартараф этиш бўйича таклифлар ишлаб чиқиш. Амалий чора-тадбирлар Ҳар чорак Савдо-саноат палатаси (Ваҳобов) , Солиқ қўмитаси (Кудбиев), Бизнес-омбудсман (Касимов) , манфаатдор идоралар II. Тадбиркорлик субъектларининг барқарорлик рейтингини жорий этишнинг ташкилий масалаларини ҳал этиш 9. Тадбиркорлик субъектларининг барқарорлик рейтингини юритиш тартибини белгилаш. 1. Тадбиркорлик субъектларининг барқарорлик рейтингини юритиш бўйича қуйидагиларни назарда тутувчи тартибни тасдиқлаш: тадбиркорлик субъектларининг барқарорлик рейтингини шакллантириш тартиби; тадбиркорлик субъектларининг фаолиятини баҳолаш мезонлари, даврийлиги ва методикаси; тадбиркорлик субъектларининг барқарорлик рейтингини эълон қилиш тартиби. 2. Тадбиркорлик субъектларини рейтинг доирасида қуйидаги тоифаларга ажратиш: «AAA», «AA» ва «A» тоифалар — юқори; «BBB», «BB» ва «B» тоифалар — ўрта; «CCC», «CC» ва «C» тоифалар — қониқарли; «D» тоифа — қуйи барқарорлик рейтинги. Вазирлар Маҳкамаси қарори лойиҳаси 2024 йил январь Савдо-саноат палатаси (Ваҳобов) , Солиқ қўмитаси (Кудбиев), Бизнес-омбудсман (Касимов) , Иқтисодиёт ва молия вазирлиги (Норқулов) 10. Юқори барқарорлик рейтингидаги тадбиркорлик субъектларини рағбатлантириш. 1. «AAA» тоифадаги тадбиркорлик субъектлари фаолиятида солиқ текширувларини ўтказмаслик (жиноий ишлар доирасида ўтказиладиган текширувлар бундан мустасно), шунингдек, ушбу тадбиркорлик субъектларига қўшилган қиймат солиғи суммаси ўрнини қоплашни (қайтаришни) бир кун муддатда текширувларсиз амалга ошириш. Қонун лойиҳаси 2024 йил март Солиқ қўмитаси (Кудбиев), Иқтисодиёт ва молия вазирлиги (Норқулов) 2. 4 ва 5-тоифадаги туманларда фаолият юритаётган «AA » ва ундан юқори тоифадаги тадбиркорлик субъектларига бўлиб-бўлиб тўлаш шарти билан сотилган давлат активлари ва қишлоқ хўжалигига мўлжалланмаган ер участкалари бўйича камида 15 фоиз миқдоридаги дастлабки тўлов бир йўла амалга оширилганда қолган суммага Марказий банкнинг асосий ставкаси миқдорида йиллик фоизларни ҳисобламаслик ҳамда бўлиб-бўлиб тўлаш муддатини 5 йилгача узайтириш. Вазирлар Маҳкамаси қарори лойиҳаси 2024 йил март Давлат активларини бошқариш агентлиги (Ортиков), Иқтисодиёт ва молия вазирлиги (Норқулов), Савдо-саноат палатаси (Ваҳобов) 3. «A » ва ундан юқори тоифадаги тадбиркорлик субъектларига: солиқлар бўйича (қўшилган қиймат солиғи бундан мустасно) мавжуд ортиқча тўлов суммасини қайтаришни уч кун муддатда амалга ошириш; Қонун лойиҳаси 2024 йил март Солиқ қўмитаси (Кудбиев) , Иқтисодиёт ва молия вазирлиги (Норқулов) товарларни импорт қилишда ва товарларни (хизматларни) реализация қилишда тўланадиган қўшилган қиймат солиғи суммаларини ўзаро ҳисобга олиш тартибини татбиқ этиш. Амалий чора-тадбирлар Доимий Божхона қўмитаси (Мавлонов) , Солиқ қўмитаси (Кудбиев) 11. «Тадбиркорларнинг барқарорлик рейтинги» электрон платформасини жорий этиш. 1. Идоралараро ахборот алмашинуви воситасида автоматик тарзда (онлайн) шакллантириладиган «Тадбиркорларнинг барқарорлик рейтинги» электрон платформасини ишлаб чиқиш ва ишга тушириш. Амалий чора-тадбирлар 2024 йил январь Солиқ қўмитаси (Кудбиев), Савдо-саноат палатаси (Ваҳобов) 2. Олий суд ахборот тизимларини платформага интеграция қилиш. Амалий чора-тадбирлар 2024 йил январь Олий суд (Исламов) , Солиқ қўмитаси (Кудбиев) 3. Савдо-саноат палатасига «Тадбиркорларнинг барқарорлик рейтинги» электрон платформасидан фойдаланиш ҳуқуқини бериш. Амалий чора-тадбирлар 2024 йил январь Солиқ қўмитаси (Кудбиев) 4. Рейтинг натижалари тўғрисидаги маълумотларни Савдо-саноат палатасининг расмий веб-сайтида эълон қилиб бориш. Амалий чора-тадбирлар Доимий Савдо-саноат палатаси (Ваҳобов) , Солиқ қўмитаси (Кудбиев) 5. Рейтинг маълумотларини ҳамда келиб тушаётган мурожаатларга тезкор жавоб берилишини мониторинг қилиб бориш ва маълумотларнинг очиқлигини таъминлаш. Амалий чора-тадбирлар Доимий 12. Тадбиркорлик субъектларига қўллаб-қувватлаш чораларини тақдим этишни такомиллаштириш. Тадбиркорлик субъектларига субсидия, имтиёз ва преференцияларни уларнинг рейтинг даражасидан келиб чиққан ҳолда, жорий этиш тартибини белгилаш. Ўзбекистон Республикаси Президентининг қарори лойиҳаси 2024 йил март Иқтисодиёт ва молия вазирлиги (Норқулов) , Савдо-саноат палатаси (Ваҳобов) 13. Тадбиркорлик субъектларининг барқарорлик рейтинги бўйича бизнес вакиллари ўртасида тарғибот тадбирларини ташкил этиш. 1. Рейтинг кўрсаткичлари мезонлари бўйича услубий қўлланма ишлаб чиқиш. Амалий чора-тадбирлар 2024 йил январь Савдо-саноат палатаси (Ваҳобов) , Солиқ қўмитаси (Кудбиев) , Бизнес-омбудсман (Касимов) 2. Рейтинг тизими бўйича тадбиркорлик субъектлари билан учрашувлар ташкиллаштириш, махсус видеоролик тайёрлаш ва уни оммавий ахборот воситалари орқали кенг ёритиб бориш, шунингдек, услубий қўлланмани Савдо-саноат палатасининг ҳудудий бошқармалари орқали бизнес вакилларига тарқатиш. Амалий чора-тадбирлар Доимий 3. Ишлаб чиқилган услубий қўлланмаларни солиқ тўловчининг шахсий кабинети орқали тадбиркорлик субъектларига етказиш. Амалий чора-тадбирлар 2024 йил январь Солиқ қўмитаси (Кудбиев) 14. Тадбиркорлик субъектларига барқарорлик рейтингини яхшилашда амалий ёрдам кўрсатиб бориш. Тармоқлар кесимида ўрта, қониқарли ва қуйи барқарорлик рейтингидаги тадбиркорлик субъектлари фаолиятини таҳлил қилиб, уларнинг рейтинг кўрсаткичларини яхшилаш бўйича тавсия ва таклифлар бериб бориш. Бунда, юқори барқарорлик рейтингидаги тадбиркорлик субъектлари иштирокида маҳорат дарсларини ўтказиш. Амалий чора-тадбирлар Ҳар ҳафта Савдо-саноат палатаси (Ваҳобов) , Бизнес-омбудсман (Касимов) , Солиқ қўмитаси (Кудбиев) 15. Тадбиркорлик субъектларининг барқарорлик рейтингини такомиллаштириб бориш. Тадбиркорлик субъектларининг барқарорлик рейтинги мезонларини ва уларни баҳолаш методикасини рейтинг натижаларининг холислигини таъминлаш нуқтаи назаридан таҳлил қилиб бориш, зарур ҳолларда уларни такомиллаштириш бўйича таклифлар ишлаб чиқиш. Амалий чора-тадбирлар Ҳар йили Савдо-саноат палатаси (Ваҳобов) , Бизнес-омбудсман (Касимов) , Солиқ қўмитаси (Кудбиев)
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 23 январь,
ПҚ-39-сон
Oʻzbekiston Respublikasi Prezidentining
Qarori
“YOʻL XARITASI”
Tadbirkorlik subyektlarining barqarorlik reytingini joriy etish chora-tadbirlari toʻgʻrisida
2023-yil 18-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan ustuvor vazifalar ijrosini taʼminlash, shuningdek, soliqlarni oʻz vaqtida toʻlab, qonunchilik talablariga amal qilgan holda faoliyat yuritayotgan tadbirkorlik subyektlariga yanada qulay shart-sharoitlar yaratish va ularni ragʻbatlantirish maqsadida:
1. Savdo-sanoat palatasi, Soliq qoʻmitasi, Iqtisodiyot va moliya vazirligi hamda Tadbirkorlik subyektlarining huquqlari va qonuniy manfaatlarini himoya qilish boʻyicha vakilning 2024-yil 1-fevraldan boshlab qonunchilik talablariga rioya etgan holda faoliyat yuritayotgan tadbirkorlik subyektlarini aniqlash va qoʻshimcha ragʻbatlantirishni nazarda tutuvchi Tadbirkorlik subyektlarining barqarorlik reytingini (keyingi oʻrinlarda — reyting) joriy etish toʻgʻrisidagi taklifiga rozilik berilsin.
2. Belgilansinki:
a) reyting doirasida tadbirkorlik subyektlari quyidagi toifalarga ajratiladi:
“AAA”, “AA” va “A” toifalar — yuqori barqarorlik reytingi;
“BBB”, “BB” va “B” toifalar — oʻrta barqarorlik reytingi;
“CCC”, “CC” va “C” toifalar — qoniqarli barqarorlik reytingi;
“D” toifa — quyi barqarorlik reytingi;
b) reyting Soliq qoʻmitasining “Tadbirkorlarning barqarorlik reytingi” elektron platformasida (keyingi oʻrinlarda — platforma) idoralararo axborot almashinuvi vositasida avtomatik tarzda (onlayn) shakllantiriladi va Savdo-sanoat palatasining rasmiy veb-saytida eʼlon qilib boriladi;
v) yuqori barqarorlik reytingidagi tadbirkorlik subyektlari Oʻzbekiston Respublikasi Prezidenti huzuridagi Tadbirkorlikni qoʻllab-quvvatlash boʻyicha jamoatchilik kengashi (keyingi oʻrinlarda — Jamoatchilik kengashi) taklifiga asosan har yili 20-avgust — Tadbirkorlar kuni arafasida taqdirlash uchun davlat mukofotlari hamda “Faol tadbirkor” koʻkrak nishoniga tavsiya etiladi.
3. Savdo-sanoat palatasi Soliq qoʻmitasi, Tadbirkorlik subyektlarining huquqlari va qonuniy manfaatlarini himoya qilish boʻyicha vakil va manfaatdor idoralar bilan birgalikda ikki hafta muddatda reyting koʻrsatkichlari mezonlari boʻyicha uslubiy qoʻllanma ishlab chiqib, uning soliq toʻlovchining shaxsiy kabineti orqali tadbirkorlik subyektlariga yetkazilishini taʼminlasin.
4. Yuqori barqarorlik reytingidagi tadbirkorlik subyektlari uchun quyidagi ragʻbatlantirish choralari joriy etilsin:
a) “AAA” toifadagi tadbirkorlik subyektlari faoliyatida soliq tekshiruvlari oʻtkazilmaydi (jinoiy ishlar doirasida oʻtkaziladigan tekshiruvlar bundan mustasno), shuningdek, ushbu toifadagi tadbirkorlik subyektlariga qoʻshilgan qiymat soligʻi summasi oʻrnini qoplash (qaytarish) bir kun muddatda tekshiruvlarsiz amalga oshiriladi. Mazkur tartib tadbirkorlik subyektini qayta tashkil etish natijasida huquqiy vorisda hosil boʻlgan qoʻshilgan qiymat soligʻining salbiy farq summasiga nisbatan tatbiq etilmaydi;
v) “A” va undan yuqori toifadagi tadbirkorlik subyektlariga soliqlar boʻyicha (qoʻshilgan qiymat soligʻi bundan mustasno) mavjud ortiqcha toʻlov summasini qaytarish uch kun muddatda amalga oshiriladi;
g) “BBB” va undan yuqori toifadagi tadbirkorlik subyektlariga tovarlarni import qilishda va tovarlarni (xizmatlarni) realizatsiya qilishda toʻlanadigan qoʻshilgan qiymat soligʻi summalarini oʻzaro hisobga olish tartibi tatbiq etiladi.
5. Belgilab qoʻyilsinki:
mazkur qarorning 4-bandida nazarda tutilgan ragʻbatlantirish choralari davlat korxonalari hamda ustav kapitalida 50 foiz va undan ortiq miqdorda davlat ulushi mavjud boʻlgan yuridik shaxslarga nisbatan tatbiq etilmaydi;
2024-yil 1-apreldan boshlab tadbirkorlik subyektlariga subsidiya, imtiyoz va preferensiyalar ularning reyting darajasidan kelib chiqqan holda joriy etiladi, bundan soliq va bojxona imtiyozlari, shuningdek, soliq toʻlovchiga toʻlangan qoʻshilgan qiymat soligʻining bir qismini qaytarish mustasno.
Iqtisodiyot va moliya vazirligi Savdo-sanoat palatasi va boshqa manfaatdor vazirlik va idoralar bilan birgalikda ikki oy muddatda tadbirkorlik subyektlariga subsidiya, imtiyoz va preferensiyalarni taqdim qilishning yangilangan tartibini Vazirlar Mahkamasiga kiritsin.
6. Platformaning 2024-yil 1-fevraldan toʻliq ishga tushirilishini taʼminlash maqsadida:
Oliy sud oʻzining axborot tizimlari platformaga integratsiya qilinishini taʼminlasin;
Soliq qoʻmitasi Savdo-sanoat palatasiga platformadan foydalanish huquqini bersin;
Savdo-sanoat palatasi reyting maʼlumotlarini hamda kelib tushayotgan murojaatlarga tezkor javob berilishini monitoring qilib borsin va maʼlumotlarning ochiqligini taʼminlasin.
7. Jamoatchilik kengashining quyidagi takliflari maʼqullansin:
Jamoatchilik kengashi aʼzolarini hududlar va sohalarga biriktirgan holda, 2024-yilning I choragida tadbirkorlik subyektlariga reyting tizimi va uning imkoniyatlarini oʻrgatish boʻyicha seminarlar oʻtkazish;
har hafta mustaqil ekspertlar, mutaxassislar va aholining fikri va munosabatini aks ettiruvchi tahliliy tok-shoular, munozaralar, brifinglar, savol-javoblar, videoroliklar va boshqa targʻibot tadbirlarini tashkil etish;
reyting natijalarini hududlar, sohalar va toifalar kesimida har chorakda Jamoatchilik kengashida muhokama qilish va aniqlangan tizimli muammolarni hal etish boʻyicha takliflarni kiritib borish.
8. Vazirlar Mahkamasi bir hafta muddatda Tadbirkorlik subyektlarining barqarorlik reytingini yuritish tartibini tasdiqlasin.
9. Tadbirkorlik subyektlarining barqarorlik reytingi mazmun-mohiyatini yoritish va uni joriy etishning tashkiliy masalalarini hal etish boʻyicha “yoʻl xaritasi” ilovaga muvofiq tasdiqlansin.
10. Savdo-sanoat palatasi Soliq qoʻmitasi va Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan birgalikda:
a) har hafta tadbirkorlik subyektlari bilan uchrashuvlar oʻtkazib, oʻrta, qoniqarli va quyi barqarorlik reytingidagi tadbirkorlik subyektlarining reyting koʻrsatkichlarini yaxshilash boʻyicha ularga tizimli ravishda amaliy yordam koʻrsatib borsin;
b) har chorakda:
yuqori barqarorlik reytingidagi tadbirkorlik subyektlari faoliyati toʻgʻrisida videoroliklar va tashviqot materiallarini tayyorlab, ommaviy axborot vositalari, ijtimoiy tarmoqlar orqali keng yoritib borsin va mahallalarda targʻibot tadbirlarini amalga oshirsin;
yuqori barqarorlik reytingidagi tadbirkorlik subyektlari ishtirokida umumiy, oʻrta maxsus va oliy taʼlim tashkilotlarida tahsil olayotgan yoshlar uchun oʻquv kurslari va mahorat darslarini tashkil qilsin;
v) har yili reyting koʻrsatkichlari mezonlari va ularni baholash metodikasini reyting natijalarining xolisligini taʼminlash nuqtai nazaridan Jamoatchilik kengashi yigʻilishlarida tahlil qilib, ularni takomillashtirib borsin.
11. Axborot va ommaviy kommunikatsiyalar agentligi, Oʻzbekiston Milliy axborot agentligi va Oʻzbekiston Milliy teleradiokompaniyasi mazkur qarorning maqsadi, vazifalari va undan kutilayotgan natijalarni ommaviy axborot vositalari, Internet va ijtimoiy tarmoqlarda keng yoritsin.
12. Soliq qoʻmitasi Savdo-sanoat palatasi, manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 23-yanvardagi PQ-39-son qaroriga ILOVA
Tadbirkorlik subyektlarining barqarorlik reytingi mazmun-mohiyatini yoritish va uni joriy etishning tashkiliy masalalarini hal etish boʻyicha
T/r Chora-tadbirlar nomi Amalga oshirish mexanizmi Amalga oshirish shakli Ijro muddati Masʼul ijrochilar I. Tadbirkorlik subyektlarining barqarorlik reytingi mazmun-mohiyatini tadbirkorlik subyektlari oʻrtasida tushuntirish 1. Targʻibot materiallari toʻplamini yaratish, tizimdagi va boshqa manfaatdor tashkilotlarga yetkazib berish. 1. Axborot-tahliliy materiallardan foydalangan holda hujjatlar toʻplamini (maʼruza matni, taqdimot, annotatsiya, infografika, sxema) tayyorlash. 2. Targʻibot materiallari toʻplamini Savdo-sanoat palatasi va Soliq qoʻmitasining hududiy boʻlinmalari va manfaatdor tashkilotlarga yetkazib berish. Amaliy chora-tadbirlar 2024-yil 25-yanvar Savdo-sanoat palatasi (Vahobov) , Soliq qoʻmitasi (Kudbiyev), Biznes-ombudsman (Kasimov) 3. Tadbirkorlik subyektlarining barqarorlik reytingining mazmun-mohiyatini tushuntirishga qaratilgan materiallar matnini, zaruratga koʻra rus, ingliz va boshqa xorijiy tillarga tarjima qilish, keng foydalanuvchilar eʼtiboriga havola qilish maqsadida “Dunyo” axborot agentligiga yetkazish. Amaliy chora-tadbirlar 2024-yil 15-fevral 2. Ommaviy axborot vositalari vakillari uchun matbuot anjumanini oʻtkazish. 1. Matbuot anjumani haqida rasmiy veb-sayt, ijtimoiy tarmoqlar va ommaviy axborot vositalari orqali eʼlon berish. Amaliy chora-tadbirlar 2024-yil 28-yanvar Savdo-sanoat palatasi (Vahobov) , Soliq qoʻmitasi (Kudbiyev), Biznes-ombudsman (Kasimov) 2. Matbuot anjumanini oʻtkazish va ommaviy axborot vositalariga tayyorlangan targʻibot materiallari toʻplamini taqdim etish. 3. Matbuot anjumanini ommaviy axborot vositalari va ijtimoiy tarmoqlarda yoritish. Amaliy chora-tadbirlar 2024-yil 1-fevral 3. Tadbirkorlik subyektlarining barqarorlik reytingi boʻyicha manfaatdor tashkilotlar xodimlarini oʻqitish. 1. Oʻquv mashgʻulotlarini oʻtkazishning choraklik grafiklarini tasdiqlash. Reja-grafik 2024-yil 1-fevral Savdo-sanoat palatasi (Vahobov) , Soliq qoʻmitasi (Kudbiyev), Biznes-ombudsman (Kasimov) , manfaatdor vazirlik va idoralar 2. Malakali mutaxassislar, olimlar, ekspertlarni jalb etgan holda Savdo-sanoat palatasi, Soliq qoʻmitasi, Biznes-ombudsman va boshqa manfaatdor idoralar xodimlari uchun grafikka asosan oʻquv mashgʻulotlari oʻtkazish. Amaliy chora-tadbirlar Grafikka asosan 4. Tadbirkorlik subyektlarining barqarorlik reytingi mazmun-mohiyatini tushuntirishni tashkil etish. 1. Hududiy va respublika targʻibot guruhlarini shakllantirish va ularning tarkibini tasdiqlash. 2. Targʻibot guruhlarini targʻibot materiallari toʻplami bilan taʼminlash. 3. Targʻibot tadbirlarining konsepsiyasi, dasturi va ularni oʻtkazish grafigini tasdiqlash. Amaliy chora-tadbirlar 2024-yil 1-fevral Savdo-sanoat palatasi (Vahobov) , Soliq qoʻmitasi (Kudbiyev), Biznes-ombudsman (Kasimov) , manfaatdor vazirlik va idoralar 4. Manzilli va predmetli targʻibot tadbirlarini oʻtkazish. Amaliy chora-tadbirlar Grafikka asosan 5. Tadbirkorlik subyektlarining barqarorlik reytingi mazmun-mohiyatini ommaviy axborot vositalari orqali yoritish. 1. Tadbirkorlik subyektlarining barqarorlik reytingi mazmun-mohiyatini tushuntirishga qaratilgan maqola, materiallarni veb-saytlarda joylashtirish. 2. Mustaqil ekspertlar, mutaxassislar va aholining fikri va munosabatini aks ettiruvchi tahliliy tok-shoular, munozaralar, bahslar hamda boshqa zamonaviy shakllar nazarda tutilgan media-rejani tasdiqlash . Amaliy chora-tadbirlar 2024-yil 1-fevral Savdo-sanoat palatasi (Vahobov) , Soliq qoʻmitasi (Kudbiyev), Biznes-ombudsman (Kasimov) 3. Media-rejaga asosan targʻibot tadbirlarini amalga oshirish. Amaliy chora-tadbirlar Rejaga asosan 6. Tadbirkorlik subyektlarining barqarorlik reytingi mazmun-mohiyatini ijtimoiy tarmoqlar orqali keng jamoatchilikka yetkazish. 1. Tadbirkorlik subyektlarining barqarorlik reytingi boʻyicha savol-javoblar, animatsion roliklar va boshqa usullardan foydalangan holda huquqiy axborot kontentini yaratish. 2. Ijtimoiy tarmoqlarda huquqiy targʻibot materiallarini tarqatish. Amaliy chora-tadbirlar 2024-yil 28-yanvar Savdo-sanoat palatasi (Vahobov) , Soliq qoʻmitasi (Kudbiyev), Biznes-ombudsman (Kasimov) 7. Tadbirkorlik subyektlarining huquqiy savodxonligini aniqlash maqsadida ijtimoiy soʻrovlar oʻtkazish. 1. Soʻrovnoma savolnomasini tuzish. 2. Soʻrovnoma oʻtkaziladigan tadbirkorlar toifalari va hududlarni belgilab olish. Amaliy chora-tadbirlar 2024-yil 1-mart Savdo-sanoat palatasi (Vahobov) , Soliq qoʻmitasi (Kudbiyev), Biznes-ombudsman (Kasimov) 3. Soʻrovnomani oʻtkazish. 4. Soʻrovnoma natijalarini umumlashtirish, takliflar ishlab chiqish. Amaliy chora-tadbirlar Doimiy 8. Tadbirkorlik subyektlarining barqarorlik reytingi natijalari boʻyicha aniqlangan tizimli masalalarni hal qilish. 1. Oʻzbekiston Respublikasi Prezidenti huzuridagi Tadbirkorlikni qoʻllab-quvvatlash boʻyicha jamoatchilik kengashida tadbirkorlik subyektlarining barqarorlik reytingi natijalarini hudud, soha va toifalar kesimida tizimli ravishda muhokama qilish. 2. Muhokama natijalari asosida aniqlangan tizimli muammolarni bartaraf etish boʻyicha takliflar ishlab chiqish. Amaliy chora-tadbirlar Har chorak Savdo-sanoat palatasi (Vahobov) , Soliq qoʻmitasi (Kudbiyev), Biznes-ombudsman (Kasimov) , manfaatdor idoralar II. Tadbirkorlik subyektlarining barqarorlik reytingini joriy etishning tashkiliy masalalarini hal etish 9. Tadbirkorlik subyektlarining barqarorlik reytingini yuritish tartibini belgilash. 1. Tadbirkorlik subyektlarining barqarorlik reytingini yuritish boʻyicha quyidagilarni nazarda tutuvchi tartibni tasdiqlash: tadbirkorlik subyektlarining barqarorlik reytingini shakllantirish tartibi; tadbirkorlik subyektlarining faoliyatini baholash mezonlari, davriyligi va metodikasi; tadbirkorlik subyektlarining barqarorlik reytingini eʼlon qilish tartibi. 2. Tadbirkorlik subyektlarini reyting doirasida quyidagi toifalarga ajratish: “AAA”, “AA” va “A” toifalar — yuqori; “BBB”, “BB” va “B” toifalar — oʻrta; “CCC”, “CC” va “C” toifalar — qoniqarli; “D” toifa — quyi barqarorlik reytingi. Vazirlar Mahkamasi qarori loyihasi 2024-yil yanvar Savdo-sanoat palatasi (Vahobov) , Soliq qoʻmitasi (Kudbiyev), Biznes-ombudsman (Kasimov) , Iqtisodiyot va moliya vazirligi (Norqulov) 10. Yuqori barqarorlik reytingidagi tadbirkorlik subyektlarini ragʻbatlantirish. 1. “AAA” toifadagi tadbirkorlik subyektlari faoliyatida soliq tekshiruvlarini oʻtkazmaslik (jinoiy ishlar doirasida oʻtkaziladigan tekshiruvlar bundan mustasno), shuningdek, ushbu tadbirkorlik subyektlariga qoʻshilgan qiymat soligʻi summasi oʻrnini qoplashni (qaytarishni) bir kun muddatda tekshiruvlarsiz amalga oshirish. Qonun loyihasi 2024-yil mart Soliq qoʻmitasi (Kudbiyev), Iqtisodiyot va moliya vazirligi (Norqulov) 2. 4 va 5-toifadagi tumanlarda faoliyat yuritayotgan “AA ” va undan yuqori toifadagi tadbirkorlik subyektlariga boʻlib-boʻlib toʻlash sharti bilan sotilgan davlat aktivlari va qishloq xoʻjaligiga moʻljallanmagan yer uchastkalari boʻyicha kamida 15 foiz miqdoridagi dastlabki toʻlov bir yoʻla amalga oshirilganda qolgan summaga Markaziy bankning asosiy stavkasi miqdorida yillik foizlarni hisoblamaslik hamda boʻlib-boʻlib toʻlash muddatini 5 yilgacha uzaytirish. Vazirlar Mahkamasi qarori loyihasi 2024-yil mart Davlat aktivlarini boshqarish agentligi (Ortikov), Iqtisodiyot va moliya vazirligi (Norqulov), Savdo-sanoat palatasi (Vahobov) 3. “A ” va undan yuqori toifadagi tadbirkorlik subyektlariga: soliqlar boʻyicha (qoʻshilgan qiymat soligʻi bundan mustasno) mavjud ortiqcha toʻlov summasini qaytarishni uch kun muddatda amalga oshirish; Qonun loyihasi 2024-yil mart Soliq qoʻmitasi (Kudbiyev) , Iqtisodiyot va moliya vazirligi (Norqulov) tovarlarni import qilishda va tovarlarni (xizmatlarni) realizatsiya qilishda toʻlanadigan qoʻshilgan qiymat soligʻi summalarini oʻzaro hisobga olish tartibini tatbiq etish. Amaliy chora-tadbirlar Doimiy Bojxona qoʻmitasi (Mavlonov) , Soliq qoʻmitasi (Kudbiyev) 11. “Tadbirkorlarning barqarorlik reytingi” elektron platformasini joriy etish. 1. Idoralararo axborot almashinuvi vositasida avtomatik tarzda (onlayn) shakllantiriladigan “Tadbirkorlarning barqarorlik reytingi” elektron platformasini ishlab chiqish va ishga tushirish. Amaliy chora-tadbirlar 2024-yil yanvar Soliq qoʻmitasi (Kudbiyev), Savdo-sanoat palatasi (Vahobov) 2. Oliy sud axborot tizimlarini platformaga integratsiya qilish. Amaliy chora-tadbirlar 2024-yil yanvar Oliy sud (Islamov) , Soliq qoʻmitasi (Kudbiyev) 3. Savdo-sanoat palatasiga “Tadbirkorlarning barqarorlik reytingi” elektron platformasidan foydalanish huquqini berish. Amaliy chora-tadbirlar 2024-yil yanvar Soliq qoʻmitasi (Kudbiyev) 4. Reyting natijalari toʻgʻrisidagi maʼlumotlarni Savdo-sanoat palatasining rasmiy veb-saytida eʼlon qilib borish. Amaliy chora-tadbirlar Doimiy Savdo-sanoat palatasi (Vahobov) , Soliq qoʻmitasi (Kudbiyev) 5. Reyting maʼlumotlarini hamda kelib tushayotgan murojaatlarga tezkor javob berilishini monitoring qilib borish va maʼlumotlarning ochiqligini taʼminlash. Amaliy chora-tadbirlar Doimiy 12. Tadbirkorlik subyektlariga qoʻllab-quvvatlash choralarini taqdim etishni takomillashtirish. Tadbirkorlik subyektlariga subsidiya, imtiyoz va preferensiyalarni ularning reyting darajasidan kelib chiqqan holda, joriy etish tartibini belgilash. Oʻzbekiston Respublikasi Prezidentining qarori loyihasi 2024-yil mart Iqtisodiyot va moliya vazirligi (Norqulov) , Savdo-sanoat palatasi (Vahobov) 13. Tadbirkorlik subyektlarining barqarorlik reytingi boʻyicha biznes vakillari oʻrtasida targʻibot tadbirlarini tashkil etish. 1. Reyting koʻrsatkichlari mezonlari boʻyicha uslubiy qoʻllanma ishlab chiqish. Amaliy chora-tadbirlar 2024-yil yanvar Savdo-sanoat palatasi (Vahobov) , Soliq qoʻmitasi (Kudbiyev) , Biznes-ombudsman (Kasimov) 2. Reyting tizimi boʻyicha tadbirkorlik subyektlari bilan uchrashuvlar tashkillashtirish, maxsus videorolik tayyorlash va uni ommaviy axborot vositalari orqali keng yoritib borish, shuningdek, uslubiy qoʻllanmani Savdo-sanoat palatasining hududiy boshqarmalari orqali biznes vakillariga tarqatish. Amaliy chora-tadbirlar Doimiy 3. Ishlab chiqilgan uslubiy qoʻllanmalarni soliq toʻlovchining shaxsiy kabineti orqali tadbirkorlik subyektlariga yetkazish. Amaliy chora-tadbirlar 2024-yil yanvar Soliq qoʻmitasi (Kudbiyev) 14. Tadbirkorlik subyektlariga barqarorlik reytingini yaxshilashda amaliy yordam koʻrsatib borish. Tarmoqlar kesimida oʻrta, qoniqarli va quyi barqarorlik reytingidagi tadbirkorlik subyektlari faoliyatini tahlil qilib, ularning reyting koʻrsatkichlarini yaxshilash boʻyicha tavsiya va takliflar berib borish. Bunda, yuqori barqarorlik reytingidagi tadbirkorlik subyektlari ishtirokida mahorat darslarini oʻtkazish. Amaliy chora-tadbirlar Har hafta Savdo-sanoat palatasi (Vahobov) , Biznes-ombudsman (Kasimov) , Soliq qoʻmitasi (Kudbiyev) 15. Tadbirkorlik subyektlarining barqarorlik reytingini takomillashtirib borish. Tadbirkorlik subyektlarining barqarorlik reytingi mezonlarini va ularni baholash metodikasini reyting natijalarining xolisligini taʼminlash nuqtai nazaridan tahlil qilib borish, zarur hollarda ularni takomillashtirish boʻyicha takliflar ishlab chiqish. Amaliy chora-tadbirlar Har yili Savdo-sanoat palatasi (Vahobov) , Biznes-ombudsman (Kasimov) , Soliq qoʻmitasi (Kudbiyev)
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 23-yanvar,
PQ-39-son
Президента Республики Узбекистан
Постановление
О мерах по внедрению рейтинга устойчивости субъектов предпринимательства
В целях обеспечения исполнения приоритетных задач, определенных в рамках открытого диалога Президента Республики Узбекистан с предпринимателями, проведенного 18 августа 2023 года, а также создания наиболее благоприятных условий для субъектов предпринимательства, своевременно уплачивающих налоги и осуществляющих деятельность с соблюдением требований законодательства, и их поощрения:
1. Согласиться с предложением Торгово-промышленной палаты, Налогового комитета, Министерства экономики и финансов, а также Уполномоченного по защите прав и законных интересов субъектов предпринимательства о внедрении с 1 февраля 2024 года Рейтинга устойчивости субъектов предпринимательства (далее — Рейтинг), предусматривающего выявление и дополнительное поощрение субъектов предпринимательства, осуществляющих деятельность с соблюдением требований законодательства.
2. Установить, что:
а) в рамках Рейтинга субъекты предпринимательства разделяются на следующие категории:
категории «ААА», «АА» и «А» — высокий рейтинг устойчивости;
категории «ВВВ», «ВВ» и «В» — средний рейтинг устойчивости;
категории «ССС», «СС» и «С» — удовлетворительный рейтинг устойчивости;
категория «D» — низкий рейтинг устойчивости;
б) Рейтинг формируется автоматически (онлайн) на электронной платформе «Рейтинг устойчивости предпринимателей» Налогового комитета (далее — Платформа) посредством межведомственного обмена данными и публикуется на официальном веб-сайте Торгово-промышленной палаты;
в) субъекты предпринимательства с высоким рейтингом устойчивости ежегодно накануне 20 августа — Дня предпринимателей рекомендуются к награждению государственными наградами и нагрудным знаком «Фаол тадбиркор» по предложению Общественного совета по поддержке предпринимательства при Президенте Республики Узбекистан (далее — Общественный совет).
3. Торгово-промышленной палате совместно с Налоговым комитетом, Уполномоченным по защите прав и законных интересов субъектов предпринимательства и заинтересованными ведомствами в двухнедельный срок разработать методическое пособие по критериям рейтинговых показателей, обеспечить его доведение до субъектов предпринимательства посредством персонального кабинета налогоплательщика.
4. Внедрить следующие меры поощрения субъектов предпринимательства с высоким рейтингом устойчивости:
а) в деятельности субъектов предпринимательства категории «ААА» не проводятся налоговые проверки (за исключением проверок, проводимых в рамках уголовных дел), а также возмещение (возврат) сумм налога на добавленную стоимость данной категории субъектов предпринимательства осуществляется в однодневный срок без проведения проверок. Данный порядок не применяется к сумме отрицательной разницы налога на добавленную стоимость, образовавшейся у правопреемника субъекта предпринимательства в результате его реорганизации;
в) для субъектов предпринимательства категории «А» и выше возврат излишне уплаченных сумм по налогам (за исключением налога на добавленную стоимость) осуществляется в трехдневный срок;
г) субъектам предпринимательства категории «BBB» и выше применяется порядок взаимного учета сумм налога на добавленную стоимость, уплачиваемых при импорте товаров и реализации товаров (услуг).
5. Определить, что:
меры поощрения, предусмотренные пунктом 4 настоящего постановления, не распространяются на государственные предприятия и юридические лица, в уставном капитале которых государственная доля составляет 50 процентов и более;
с 1 апреля 2024 года субсидии, льготы и преференции применяются к субъектам предпринимательства в зависимости от уровня их рейтинга, за исключением налоговых и таможенных льгот, а также возврата налогоплательщику части уплаченного налога на добавленную стоимость.
Министерству экономики и финансов совместно с Торгово-промышленной палатой и другими заинтересованными министерствами и ведомствами в двухмесячный срок внести в Кабинет Министров обновленный порядок предоставления субсидий, льгот и преференций субъектам предпринимательства.
6. В целях обеспечения полного запуска Платформы с 1 февраля 2024 года:
Верховному суду обеспечить интеграцию своих информационных систем с Платформой;
Налоговому комитету предоставить Торгово-промышленной палате право на пользование Платформой;
Торгово-промышленной палате вести мониторинг данных рейтинга и оперативности реагирования на поступающие обращения, обеспечивать открытость данных.
7. Одобрить предложения Общественного совета по:
закреплению членов Общественного совета за регионами и отраслями и проведению в I квартале 2024 года семинаров для обучения субъектов предпринимательства рейтинговой системе и ее возможностям;
еженедельной организации аналитических ток-шоу, диспутов, брифингов, вопросов-ответов, показа видеороликов и иных пропагандистских мероприятий, отображающих мнение и отношение независимых экспертов, специалистов и населения;
ежеквартальному обсуждению в Общественном совете результатов рейтинга в разрезе регионов, отраслей и категорий, а также внесению предложений по решению выявленных системных проблем.
8. Кабинету Министров в недельный срок утвердить Порядок ведения Рейтинга устойчивости субъектов предпринимательства.
9. Утвердить «Дорожную карту» по освещению сути и содержания Рейтинга устойчивости субъектов предпринимательства и решению организационных вопросов его внедрения согласно приложению * .
10. Торгово-промышленной палате совместно с Налоговым комитетом и Уполномоченным по защите прав и законных интересов субъектов предпринимательства:
а) еженедельно проводить встречи с субъектами предпринимательства, оказывать на системной основе практическую помощь в улучшении рейтинговых показателей субъектам предпринимательства, отнесенным к «средней», «удовлетворительной» и «низкой» категориям;
б) ежеквартально:
подготавливать видеоролики и разъяснительные материалы о деятельности субъектов предпринимательства с высоким рейтингом устойчивости, широко освещать их в средствах массовой информации, социальных сетях, а также проводить пропагандистские мероприятия в махаллях;
организовывать учебные курсы и уроки профессионального мастерства для молодежи, обучающейся в общеобразовательных, средних специальных и высших образовательных организациях с участием субъектов предпринимательства с высоким рейтингом устойчивости;
в) ежегодно на заседаниях Общественного совета анализировать критерии и методику оценки рейтинговых показателей с точки зрения обеспечения объективности результатов рейтинга, регулярно совершенствовать их.
11. Агентству информации и массовых коммуникаций, Национальному информационному агентству Узбекистана и Национальной телерадиокомпании Узбекистана широко освещать в средствах массовой информации, сети Интернет и социальных сетях цели и задачи, а также ожидаемые результаты реализации настоящего постановления.
12. Налоговому комитету совместно с Торгово-промышленной палатой, заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
13. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ответственных организаций возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
23 января 2024 г.,
№ ПП-39