📅 2024-yil 1-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 1 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 1 февраля 2024 г. · Указы Президента
Официальный текст. Официальный документ. Редакционные примечания не включены.
📅 1 February 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Рақамли технологиялар халқаро марказини ташкил этиш бўйича биринчи навбатдаги чора-тадбирлар тўғрисида
Мамлакатимизда рақамли технологиялар бозорининг инвестиция жозибадорлигини ошириш учун янада қулай шарт-шароитлар яратиш, рақамли иқтисодиётни ривожлантиришга хорижий инвестицияларни фаол жалб этиш, рақамли технологиялар соҳасидаги корхоналарнинг экспорт фаолиятини жадаллаштириш ва уларнинг халқаро бозорлар билан интеграциялашувини кенгайтириш мақсадида:
1. Қуйидагилар:
Ўзбекистон Республикаси Президентининг 2023 йил 11 сентябрдаги «Ўзбекистон — 2030» стратегиясини 2023 йилда сифатли ва ўз вақтида амалга ошириш чора-тадбирлари тўғрисида»ги ПҚ-300-сон қарори билан IT соҳада хизматлар экспорти ҳажмини 5 миллиард долларга, яратилган иш ўринлари сонини 100 мингтага етказиш, IT-паркда хорижий компаниялар учун янада қулай шароитлар яратиш ва уларнинг ваколатхоналари сонини 1 000 тага етказиш вазифаси белгиланганлиги;
IT-парк резидентлари сони 1 652 тани, шу жумладан хорижий капитал иштирокида 426 тани ташкил этиб, улар томонидан 12,5 триллион сўмлик маҳсулот ва хизматлар ишлаб чиқарилганлиги ва 344 миллион долларлик экспорт амалга оширилганлиги маълумот учун қабул қилинсин.
2. Рақамли технологиялар вазирлиги, Адлия вазирлиги ҳамда Инвестициялар, саноат ва савдо вазирлигининг етакчи хорижий экспертлар иштирокида ишлаб чиқилган қуйидаги таклифларига розилик берилсин:
IT-парк ҳудудида рақамли технологиялар соҳасида маҳсулотлар ишлаб чиқариш ва хизматлар кўрсатиш учун қулай шароитларга эга бўлган махсус ҳудуд сифатида Рақамли технологиялар халқаро марказини (International Digital Technology Center — «ENTERPRISE UZBEKISTAN», кейинги ўринларда — Марказ) ташкил этиш;
4. Рақамли технологиялар вазирлигига Марказ ҳудудида хорижий IT компаниялар учун қўлланиладиган махсус ҳуқуқий режимни жорий қилиш мақсадида қуйидаги қўшимча вазифалар юклансин:
рақамли технологиялар соҳасида тадбиркорлик ва инвестиция фаолиятини амалга ошириш учун илғор халқаро тажрибаларга асосланган қулай шароитлар яратиш орқали мамлакатда рақамли иқтисодиётга инвестицияларни жалб этишга кўмаклашиш;
Дастурий маҳсулотлар ва ахборот технологиялари технологик парки (IT-парк) резидентлари, шунингдек, бошқа корхоналар ва ташкилотлар учун консалтинг, ҳуқуқий, молиявий ва бошқа хизматларни ривожлантириш;
корхона ва ташкилотларнинг рақамли технологиялари ҳамда хизматлари экспортини ривожлантиришни рағбатлантириш ва қўллаб-қувватлаш, уларнинг ташқи бозорлардаги фаолиятини кенгайтиришга кўмаклашиш;
Марказ ҳудудида замонавий инфратузилмани ривожлантириш.
7. Рақамли технологиялар вазирлиги Адлия вазирлиги, Инвестициялар, саноат ва савдо вазирлиги билан биргаликда 2024 йил 1 декабрга қадар экспериментнинг дастлабки натижасини инобатга олган ҳолда «Рақамли технологиялар халқаро маркази тўғрисида»ги Ўзбекистон Республикаси Қонуни лойиҳасини Вазирлар Маҳкамасига киритсин.
Қонун лойиҳасида қуйидагилар назарда тутилиши таъминлансин:
Марказ бошқаруви ҳамда унинг мақоми;
рақамли технологиялар соҳасида инвестицияларни жалб этиш ва экспорт фаолиятини рағбатлантиришга қаратилган тадбиркорлик фаолиятини амалга ошириш, божхона ва солиқ соҳасини тартибга солиш, меҳнат муносабатлари ҳамда бошқа шартларнинг алоҳида тартиби ва ҳуқуқий нормаларни белгиловчи махсус ҳуқуқий режим;
молия ва банк фаолиятини амалга ошириш, шахсга доир маълумотларга ишлов бериш ва уларни ҳимоя қилиш, давлат хизматларини кўрсатиш, интеллектуал мулкни ҳимоя қилиш, шунингдек, тижорат ва фуқаролик низоларини кўриб чиқишнинг алоҳида тартиби;
Марказни молиялаштириш манбалари ва бошқа масалалар.
8. Мазкур Фармоннинг ижросини самарали ташкил қилишга масъул ва шахсий жавобгар этиб, рақамли технологиялар вазири Ш.Х. Шерматов белгилансин.
Мазкур Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 1 февраль,
ПФ-25-сон
Oʻzbekiston Respublikasi Prezidentining
Farmoni
Raqamli texnologiyalar xalqaro markazini tashkil etish boʻyicha birinchi navbatdagi chora-tadbirlar toʻgʻrisida
Mamlakatimizda raqamli texnologiyalar bozorining investitsiya jozibadorligini oshirish uchun yanada qulay shart-sharoitlar yaratish, raqamli iqtisodiyotni rivojlantirishga xorijiy investitsiyalarni faol jalb etish, raqamli texnologiyalar sohasidagi korxonalarning eksport faoliyatini jadallashtirish va ularning xalqaro bozorlar bilan integratsiyalashuvini kengaytirish maqsadida:
1. Quyidagilar:
Oʻzbekiston Respublikasi Prezidentining 2023-yil 11-sentabrdagi “Oʻzbekiston — 2030” strategiyasini 2023-yilda sifatli va oʻz vaqtida amalga oshirish chora-tadbirlari toʻgʻrisida”gi PQ-300-son qarori bilan IT sohada xizmatlar eksporti hajmini 5 milliard dollarga, yaratilgan ish oʻrinlari sonini 100 mingtaga yetkazish, IT-parkda xorijiy kompaniyalar uchun yanada qulay sharoitlar yaratish va ularning vakolatxonalari sonini 1 000 taga yetkazish vazifasi belgilanganligi;
IT-park rezidentlari soni 1 652 tani, shu jumladan xorijiy kapital ishtirokida 426 tani tashkil etib, ular tomonidan 12,5 trillion soʻmlik mahsulot va xizmatlar ishlab chiqarilganligi va 344 million dollarlik eksport amalga oshirilganligi maʼlumot uchun qabul qilinsin.
2. Raqamli texnologiyalar vazirligi, Adliya vazirligi hamda Investitsiyalar, sanoat va savdo vazirligining yetakchi xorijiy ekspertlar ishtirokida ishlab chiqilgan quyidagi takliflariga rozilik berilsin:
IT-park hududida raqamli texnologiyalar sohasida mahsulotlar ishlab chiqarish va xizmatlar koʻrsatish uchun qulay sharoitlarga ega boʻlgan maxsus hudud sifatida Raqamli texnologiyalar xalqaro markazini (International Digital Technology Center — “ENTERPRISE UZBEKISTAN”, keyingi oʻrinlarda — Markaz) tashkil etish;
4. Raqamli texnologiyalar vazirligiga Markaz hududida xorijiy IT kompaniyalar uchun qoʻllaniladigan maxsus huquqiy rejimni joriy qilish maqsadida quyidagi qoʻshimcha vazifalar yuklansin:
raqamli texnologiyalar sohasida tadbirkorlik va investitsiya faoliyatini amalga oshirish uchun ilgʻor xalqaro tajribalarga asoslangan qulay sharoitlar yaratish orqali mamlakatda raqamli iqtisodiyotga investitsiyalarni jalb etishga koʻmaklashish;
Dasturiy mahsulotlar va axborot texnologiyalari texnologik parki (IT-park) rezidentlari, shuningdek, boshqa korxonalar va tashkilotlar uchun konsalting, huquqiy, moliyaviy va boshqa xizmatlarni rivojlantirish;
korxona va tashkilotlarning raqamli texnologiyalari hamda xizmatlari eksportini rivojlantirishni ragʻbatlantirish va qoʻllab-quvvatlash, ularning tashqi bozorlardagi faoliyatini kengaytirishga koʻmaklashish;
Markaz hududida zamonaviy infratuzilmani rivojlantirish.
7. Raqamli texnologiyalar vazirligi Adliya vazirligi, Investitsiyalar, sanoat va savdo vazirligi bilan birgalikda 2024-yil 1-dekabrga qadar eksperimentning dastlabki natijasini inobatga olgan holda “Raqamli texnologiyalar xalqaro markazi toʻgʻrisida”gi Oʻzbekiston Respublikasi Qonuni loyihasini Vazirlar Mahkamasiga kiritsin.
Qonun loyihasida quyidagilar nazarda tutilishi taʼminlansin:
Markaz boshqaruvi hamda uning maqomi;
raqamli texnologiyalar sohasida investitsiyalarni jalb etish va eksport faoliyatini ragʻbatlantirishga qaratilgan tadbirkorlik faoliyatini amalga oshirish, bojxona va soliq sohasini tartibga solish, mehnat munosabatlari hamda boshqa shartlarning alohida tartibi va huquqiy normalarni belgilovchi maxsus huquqiy rejim;
moliya va bank faoliyatini amalga oshirish, shaxsga doir maʼlumotlarga ishlov berish va ularni himoya qilish, davlat xizmatlarini koʻrsatish, intellektual mulkni himoya qilish, shuningdek, tijorat va fuqarolik nizolarini koʻrib chiqishning alohida tartibi;
Markazni moliyalashtirish manbalari va boshqa masalalar.
8. Mazkur Farmonning ijrosini samarali tashkil qilishga masʼul va shaxsiy javobgar etib, raqamli texnologiyalar vaziri Sh.X. Shermatov belgilansin.
Mazkur Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 1-fevral,
PF-25-son
Президента Республики Узбекистан
Указ
О первоочередных мерах по созданию Международного центра цифровых технологий
В целях создания наиболее благоприятных условий для повышения инвестиционной привлекательности рынка цифровых технологий в стране, активного привлечения иностранных инвестиций в развитие цифровой экономики, ускорения экспортной деятельности предприятий в сфере цифровых технологий, а также расширения их интеграции с международными рынками:
1. Принять к сведению, что:
постановлением Президента Республики Узбекистан от 11 сентября 2023 года № ПП-300 «О мерах по качественной и своевременной реализации Стратегии «Узбекистан — 2030» в 2023 году» определены задачи по доведению объема экспорта услуг в IT-сфере до 5 миллиардов долларов, количества созданных рабочих мест до 100 тысяч, созданию более благоприятных условий для иностранных компаний в IT-парке с доведением количества их представительств до 1 000;
количество резидентов IT-парка достигло 1 652, в том числе 426 — с участием иностранного капитала, которыми произведены товары и услуги на 12,5 триллиона сумов, а также осуществлен их экспорт на 344 миллиона долларов.
2. Согласиться с предложениями Министерства цифровых технологий, Министерства юстиции и Министерства инвестиций, промышленности и торговли, разработанными с участием ведущих зарубежных экспертов, предусматривающими:
создание на территории IT-парка Международного центра цифровых технологий (International Digital Technology Center — «ENTERPRISE UZBEKISTAN», далее — Центр) в качестве специальной территории с благоприятными условиями для производства продуктов и оказания услуг в сфере цифровых технологий;
4. В целях внедрения на территории Центра специального правового режима, применяемого для иностранных IT-компаний, возложить на Министерство цифровых технологий следующие дополнительные задачи:
содействие привлечению инвестиций в цифровую экономику страны путем создания благоприятных условий для осуществления предпринимательской и инвестиционной деятельности в сфере цифровых технологий на основе передового международного опыта;
развитие консалтинговых, правовых, финансовых и иных услуг для резидентов Технологического парка программных продуктов и информационных технологий (IT-парк), а также других предприятий и организаций;
стимулирование и поддержку развития экспорта цифровых технологий и услуг предприятиями и организациями, содействие расширению их деятельности на внешних рынках;
развитие современной инфраструктуры на территории Центра.
7. Министерству цифровых технологий совместно с Министерством юстиции, Министерством инвестиций, промышленности и торговли в срок до 1 декабря 2024 года внести в Кабинет Министров проект Закона Республики Узбекистан «О Международном центре цифровых технологий», с учетом предварительных результатов эксперимента.
Обеспечить отражение в проекте закона:
правления Центра и его статуса;
специального правового режима, определяющего особый порядок и правовые нормы осуществления предпринимательской деятельности, направленной на привлечение инвестиций и стимулирование экспортной деятельности в сфере цифровых технологий, а также регулирования таможенной и налоговой сфер, трудовых отношений и иные условия;
отдельного порядка осуществления финансовой и банковской деятельности, обработки и защиты персональных данных, оказания государственных услуг, защиты интеллектуальной собственности, а также рассмотрения коммерческих и гражданских споров;
источников финансирования Центра и других вопросов.
8. Возложить на министра цифровых технологий Ш.Х. Шерматова персональную ответственность за эффективную организацию исполнения настоящего Указа.
Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
1 февраля 2024 г.,
№ УП-25