📅 2024-yil 1-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 1 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 февраля 2024 г. · Постановления Президента
Официальный текст. Официальный документ. Редакционные примечания не включены.
📅 1 February 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Рақамлаштириш соҳасида малакали мутахассислар тайёрлаш фаолиятини қўллаб-қувватлаш бўйича қўшимча чора-тадбирлар тўғрисида
Рақамли технологиялар соҳасида замонавий билимлар олишни рағбатлантириш, ушбу йўналишда фаолият юритувчи ёш кадрларнинг хорижий тилларни билиш кўникмаларини ошириш, меҳнат бозорида IT-хизматлар экспорти соҳасида талаб юқори бўлган касбларга ўқитиш, шунингдек, мазкур йўналишдаги нодавлат таълим ташкилотлари фаолиятини қўллаб-қувватлаш мақсадида:
1. Белгилансинки, 2024 йил 1 мартдан бошлаб:
нодавлат таълим ташкилотларига битирувчиси IT-хизматларни экспорт қилувчи ташкилотга ишга жойлашганда базавий ҳисоблаш миқдорининг 75 бараваригача, ногиронлиги бўлган ёш битирувчиси бундай ташкилотга ишга жойлашган ҳолларда эса 105 бараваригача бир марталик субсидия (кейинги ўринларда — субсидия) ажратиш тизимини назарда тутувчи дастур (кейинги ўринларда — Дастур);
халқаро IT-сертификатларга эга ёшларнинг ўқиш ҳамда ушбу сертификатларни олиш харажатларининг 60 фоизгача бўлган қисмини қоплаб бериш тартиби;
инглиз тилини билиш бўйича B2 ва ундан юқори даражадаги сертификатга эга бўлган ёшларнинг халқаро IT-сертификатлар олиш харажатларини тўлиқ қоплаб бериш тартиби жорий этилади.
2. Белгилаб қўйилсинки:
субсидия битирувчиси IT-хизматлар экспорти соҳасида талаб юқори бўлган ўқув йўналишлари бўйича таҳсил олган ҳамда Дастурий маҳсулотлар ва ахборот технологиялари технологик парки (кейинги ўринларда — IT-парк) резиденти мақомига эга бўлган IT-хизматларни экспорт қилувчи ташкилотларга ишга қабул қилинган нодавлат таълим ташкилотларига ўрнатиладиган мезонларга мувофиқ ажратилади;
субсидия олиш ҳамда халқаро IT-сертификатларга эга ёшларнинг ўқиш ва ушбу сертификатларни олиш харажатларини қоплаб бериш бўйича давлат хизматлари Ўзбекистон Республикаси Ягона интерактив давлат хизматлари портали (кейинги ўринларда — Ягона портал) орқали бепул кўрсатилади;
нодавлат таълим ташкилотларининг ўқувчиларини рўйхатга олиш, Ягона портал орқали келиб тушган аризаларни кўриб чиқиш ва натижаларини эълон қилиш билан боғлиқ жараёнлар Рақамли технологиялар вазирлигининг махсус ахборот тизими орқали амалга оширилади.
3. Шундай тартиб ўрнатилсинки, унга мувофиқ қуйидагилар Рақамли технологияларни ривожлантириш жамғармаси маблағлари ҳисобидан қоплаб берилади:
ҳар бир битирувчи учун ажратиладиган субсидия;
халқаро IT-сертификатларга эга ёшларнинг ўқиш ҳамда ушбу сертификатларни олиш харажатларининг 60 фоизгача бўлган қисмини ва инглиз тилини билиш бўйича B2 ва ундан юқори даражадаги сертификатга эга бўлган ёшларнинг халқаро IT-сертификатларни олиш харажатлари тўлиқ миқдорда.
4. Рақамли технологиялар вазирлиги:
икки ҳафта муддатда соҳада талаб юқори бўлган йўналишларни таҳлил қилиб, субсидия тақдим этиладиган ўқув йўналишлари рўйхатини тасдиқласин ҳамда IT-хизматларни экспорт қилувчи ташкилотлар эҳтиёжлари асосида мунтазам равишда янгилаб борсин;
бир ой муддатда Дастур доирасида нодавлат таълим ташкилотларига бир марталик субсидия ажратиш ҳамда ёшларнинг халқаро IT-сертификатларни олиш харажатларини қоплаб бериш бўйича давлат хизматлари Ягона портал орқали кўрсатилиши ҳамда унинг ҳар бир босқичида ариза берувчиларнинг мурожаатлари кўриб чиқилишини кузатиб бориш имкониятини яратсин;
2025 йил 1 январга қадар Дастурни амалга оширишнинг натижадорлиги ва самарадорлиги бўйича ўрганишлар ўтказиб, шу жумладан, уни IT-хизматларни экспорт қилувчи IT-парк резиденти мақомига эга бўлмаган бошқа ташкилотларга нисбатан ҳам татбиқ этиш юзасидан Вазирлар Маҳкамасига тегишли таклифлар киритсин.
6. Вазирлар Маҳкамаси бир ой муддатда қуйидагиларни назарда тутувчи Ҳукумат қарорларини қабул қилсин:
битирувчиси IT-хизматларни экспорт қилувчи ташкилотларга ишга жойлашган нодавлат таълим ташкилотларига ажратиладиган субсидия миқдорларини тасдиқлаш;
субсидия олиш учун нодавлат таълим ташкилотлари ва уларнинг битирувчиларига қўйиладиган талабларни белгилаш;
халқаро IT-сертификатларга эга ёшларнинг ўқиш ҳамда ушбу сертификатларни олиш харажатларини қоплаш миқдорларини тасдиқлаш;
субсидия ажратиш ва халқаро IT-сертификатларга эга ёшларнинг ўқиш ҳамда ушбу сертификатларни олиш харажатларини қоплаб бериш бўйича вазифаларни амалга оширувчи масъул ваколатли органни белгилаш;
Дастур доирасида нодавлат таълим ташкилотларига бир марталик субсидия ажратиш ҳамда ёшларнинг халқаро IT-сертификатларни олиш харажатларини қоплаб бериш бўйича давлат хизматлари кўрсатишнинг маъмурий регламентларини тасдиқлаш.
7. Ўзбекистон Республикаси Президентининг 2023 йил 24 майдаги «Рақамли хизматлар қамрови ва сифатини ошириш ҳамда соҳа, тармоқ ва ҳудудларни рақамли трансформация қилиш чора-тадбирлари тўғрисида»ги 162-сон қарори 9-бандининг «б» кичик бандидаги «2023 йил 1 октябрдан» сўзлари «2024 йил 1 мартдан» сўзлари билан алмаштирилсин.
8. Рақамли технологиялар вазирлиги икки ой муддатда:
вазирликнинг махсус ахборот тизими ҳамда расмий веб-сайтида Дастур доирасида республика ва ҳудудлар кесимида нодавлат таълим ташкилотларининг онлайн тарзда янгилаб бориладиган рейтинги шакллантирилишини назарда тутувчи модулни ишга туширсин;
манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини самарали ташкил қилишга масъул ва шахсий жавобгар этиб рақамли технологиялар вазири Ш.Х. Шерматов белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 1 февраль,
ПҚ-51-сон
Oʻzbekiston Respublikasi Prezidentining
Qarori
Raqamlashtirish sohasida malakali mutaxassislar tayyorlash faoliyatini qoʻllab-quvvatlash boʻyicha qoʻshimcha chora-tadbirlar toʻgʻrisida
Raqamli texnologiyalar sohasida zamonaviy bilimlar olishni ragʻbatlantirish, ushbu yoʻnalishda faoliyat yurituvchi yosh kadrlarning xorijiy tillarni bilish koʻnikmalarini oshirish, mehnat bozorida IT-xizmatlar eksporti sohasida talab yuqori boʻlgan kasblarga oʻqitish, shuningdek, mazkur yoʻnalishdagi nodavlat taʼlim tashkilotlari faoliyatini qoʻllab-quvvatlash maqsadida:
1. Belgilansinki, 2024-yil 1-martdan boshlab:
nodavlat taʼlim tashkilotlariga bitiruvchisi IT-xizmatlarni eksport qiluvchi tashkilotga ishga joylashganda bazaviy hisoblash miqdorining 75 baravarigacha, nogironligi boʻlgan yosh bitiruvchisi bunday tashkilotga ishga joylashgan hollarda esa 105 baravarigacha bir martalik subsidiya (keyingi oʻrinlarda — subsidiya) ajratish tizimini nazarda tutuvchi dastur (keyingi oʻrinlarda — Dastur);
xalqaro IT-sertifikatlarga ega yoshlarning oʻqish hamda ushbu sertifikatlarni olish xarajatlarining 60 foizgacha boʻlgan qismini qoplab berish tartibi;
ingliz tilini bilish boʻyicha B2 va undan yuqori darajadagi sertifikatga ega boʻlgan yoshlarning xalqaro IT-sertifikatlar olish xarajatlarini toʻliq qoplab berish tartibi joriy etiladi.
2. Belgilab qoʻyilsinki:
subsidiya bitiruvchisi IT-xizmatlar eksporti sohasida talab yuqori boʻlgan oʻquv yoʻnalishlari boʻyicha tahsil olgan hamda Dasturiy mahsulotlar va axborot texnologiyalari texnologik parki (keyingi oʻrinlarda — IT-park) rezidenti maqomiga ega boʻlgan IT-xizmatlarni eksport qiluvchi tashkilotlarga ishga qabul qilingan nodavlat taʼlim tashkilotlariga oʻrnatiladigan mezonlarga muvofiq ajratiladi;
subsidiya olish hamda xalqaro IT-sertifikatlarga ega yoshlarning oʻqish va ushbu sertifikatlarni olish xarajatlarini qoplab berish boʻyicha davlat xizmatlari Oʻzbekiston Respublikasi Yagona interaktiv davlat xizmatlari portali (keyingi oʻrinlarda — Yagona portal) orqali bepul koʻrsatiladi;
nodavlat taʼlim tashkilotlarining oʻquvchilarini roʻyxatga olish, Yagona portal orqali kelib tushgan arizalarni koʻrib chiqish va natijalarini eʼlon qilish bilan bogʻliq jarayonlar Raqamli texnologiyalar vazirligining maxsus axborot tizimi orqali amalga oshiriladi.
3. Shunday tartib oʻrnatilsinki, unga muvofiq quyidagilar Raqamli texnologiyalarni rivojlantirish jamgʻarmasi mablagʻlari hisobidan qoplab beriladi:
har bir bitiruvchi uchun ajratiladigan subsidiya;
xalqaro IT-sertifikatlarga ega yoshlarning oʻqish hamda ushbu sertifikatlarni olish xarajatlarining 60 foizgacha boʻlgan qismini va ingliz tilini bilish boʻyicha B2 va undan yuqori darajadagi sertifikatga ega boʻlgan yoshlarning xalqaro IT-sertifikatlarni olish xarajatlari toʻliq miqdorda.
4. Raqamli texnologiyalar vazirligi:
ikki hafta muddatda sohada talab yuqori boʻlgan yoʻnalishlarni tahlil qilib, subsidiya taqdim etiladigan oʻquv yoʻnalishlari roʻyxatini tasdiqlasin hamda IT-xizmatlarni eksport qiluvchi tashkilotlar ehtiyojlari asosida muntazam ravishda yangilab borsin;
bir oy muddatda Dastur doirasida nodavlat taʼlim tashkilotlariga bir martalik subsidiya ajratish hamda yoshlarning xalqaro IT-sertifikatlarni olish xarajatlarini qoplab berish boʻyicha davlat xizmatlari Yagona portal orqali koʻrsatilishi hamda uning har bir bosqichida ariza beruvchilarning murojaatlari koʻrib chiqilishini kuzatib borish imkoniyatini yaratsin;
2025-yil 1-yanvarga qadar Dasturni amalga oshirishning natijadorligi va samaradorligi boʻyicha oʻrganishlar oʻtkazib, shu jumladan, uni IT-xizmatlarni eksport qiluvchi IT-park rezidenti maqomiga ega boʻlmagan boshqa tashkilotlarga nisbatan ham tatbiq etish yuzasidan Vazirlar Mahkamasiga tegishli takliflar kiritsin.
6. Vazirlar Mahkamasi bir oy muddatda quyidagilarni nazarda tutuvchi Hukumat qarorlarini qabul qilsin:
bitiruvchisi IT-xizmatlarni eksport qiluvchi tashkilotlarga ishga joylashgan nodavlat taʼlim tashkilotlariga ajratiladigan subsidiya miqdorlarini tasdiqlash;
subsidiya olish uchun nodavlat taʼlim tashkilotlari va ularning bitiruvchilariga qoʻyiladigan talablarni belgilash;
xalqaro IT-sertifikatlarga ega yoshlarning oʻqish hamda ushbu sertifikatlarni olish xarajatlarini qoplash miqdorlarini tasdiqlash;
subsidiya ajratish va xalqaro IT-sertifikatlarga ega yoshlarning oʻqish hamda ushbu sertifikatlarni olish xarajatlarini qoplab berish boʻyicha vazifalarni amalga oshiruvchi masʼul vakolatli organni belgilash;
Dastur doirasida nodavlat taʼlim tashkilotlariga bir martalik subsidiya ajratish hamda yoshlarning xalqaro IT-sertifikatlarni olish xarajatlarini qoplab berish boʻyicha davlat xizmatlari koʻrsatishning maʼmuriy reglamentlarini tasdiqlash.
7. Oʻzbekiston Respublikasi Prezidentining 2023-yil 24-maydagi “Raqamli xizmatlar qamrovi va sifatini oshirish hamda soha, tarmoq va hududlarni raqamli transformatsiya qilish chora-tadbirlari toʻgʻrisida”gi 162-son qarori 9-bandining “b” kichik bandidagi “2023-yil 1-oktabrdan” soʻzlari “2024-yil 1-martdan” soʻzlari bilan almashtirilsin.
8. Raqamli texnologiyalar vazirligi ikki oy muddatda:
vazirlikning maxsus axborot tizimi hamda rasmiy veb-saytida Dastur doirasida respublika va hududlar kesimida nodavlat taʼlim tashkilotlarining onlayn tarzda yangilab boriladigan reytingi shakllantirilishini nazarda tutuvchi modulni ishga tushirsin;
manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini samarali tashkil qilishga masʼul va shaxsiy javobgar etib raqamli texnologiyalar vaziri Sh.X. Shermatov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 1-fevral,
PQ-51-son
Президента Республики Узбекистан
Постановление
О дополнительных мерах поддержки деятельности по подготовке квалифицированных специалистов в сфере цифровизации
В целях стимулирования получения современных знаний в сфере цифровых технологий, повышения навыков владения иностранными языками молодых кадров, осуществляющих деятельность в этом направлении, поддержки обучения профессиям в сфере экспорта IТ-услуг, востребованным на рынке труда, а также деятельности негосударственных образовательных организаций в данной сфере:
1. Установить, что с 1 марта 2024 года внедряются:
программа, предусматривающая систему выделения разовой субсидии (далее — субсидия) негосударственным образовательным организациям, выпускники которых трудоустроились в организации, осуществляющие экспорт IТ-услуг — до 75-кратного размера базовой расчетной величины, а при трудоустройстве молодого выпускника с инвалидностью в такой организации — до 105-кратного размера (далее — Программа);
порядок покрытия части расходов до 60 процентов молодых людей, имеющих международные IT-сертификаты, по обучению и получению данных сертификатов;
порядок покрытия в полном объеме расходов по получению международных IT-сертификатов молодых людей, имеющих сертификат уровня B2 и выше по английскому языку.
2. Определить, что:
субсидия выделяется негосударственным образовательным организациям, выпускники которых прошли обучение по направлениям образования, востребованным в сфере экспорта IТ-услуг, а также приняты на работу в организации, осуществляющие экспорт IТ-услуг, имеющие статус резидента Технологического парка программных продуктов и информационных технологий (далее — IТ-парк), согласно установленным критериям;
государственные услуги по получению субсидии, а также покрытию расходов молодых людей, имеющих международные IT-сертификаты, связанных с обучением и получением данных сертификатов, оказываются посредством Единого портала интерактивных государственных услуг Республики Узбекистан (далее — Единый портал) на бесплатной основе;
процессы, связанные с регистрацией учащихся негосударственных образовательных организаций, рассмотрением заявлений, поступивших посредством Единого портала, а также опубликованием их результатов, осуществляются посредством специальной информационной системы Министерства цифровых технологий.
3. Установить порядок, в соответствии с которым за счет средств Фонда развития цифровых технологий финансируются:
субсидия, выделяемая за каждого выпускника;
до 60 процентов расходов молодых людей, имеющих международные IT-сертификаты, по обучению и получению данных сертификатов, а также полный объем расходов по получению международных IT-сертификатов молодых людей, имеющих сертификат уровня B2 и выше по английскому языку.
4. Министерству цифровых технологий:
в двухнедельный срок проанализировать востребованные в сфере направления и утвердить перечень направлений образования, по которым будет предоставляться субсидия, а также регулярно обновлять указанный перечень исходя из потребностей организаций, осуществляющих экспорт IТ-услуг;
в месячный срок создать возможность предоставления государственных услуг по выделению разовой субсидии негосударственным образовательным организациям в рамках Программы и покрытию расходов молодых людей, связанных с получением международных IT-сертификатов, посредством Единого портала, а также наблюдения за рассмотрением обращения заявителей на каждом этапе оказания государственных услуг;
в срок до 1 января 2025 года провести изучение результативности и эффективности реализации Программы и внести в Кабинет Министров соответствующие предложения, в том числе по ее применению также к другим организациям, осуществляющим экспорт IТ-услуг, не имеющим статуса резидента IТ-парка.
6. Кабинету Министров в месячный срок принять постановления Правительства, предусматривающие:
утверждение размеров субсидии, выделяемой негосударственным образовательным организациям, выпускники которых трудоустроились в организации, осуществляющие экспорт IТ-услуг;
установление требований получения субсидии, предъявляемых к негосударственным образовательным организациям и их выпускникам;
утверждение размеров покрытия расходов молодых людей, имеющих международные IT-сертификаты, по обучению и получению данных сертификатов;
определение ответственного уполномоченного органа, осуществляющего задачи выделения субсидии и покрытия расходов молодых людей, имеющих международные IT-сертификаты, по обучению и получению указанных сертификатов;
утверждение административных регламентов оказания государственных услуг по выделению разовой субсидии негосударственным образовательным организациям в рамках Программы и покрытию расходов молодых людей по получению международных IT-сертификатов.
7. В подпункте «б» пункта 9 постановления Президента Республики Узбекистан от 24 мая 2023 года № ПП-162 «О мерах по расширению охвата и повышению качества цифровых услуг, а также цифровой трансформации сфер, отраслей и регионов» слова «с 1 октября 2023 года» заменить словами «с 1 марта 2024 года».
8. Министерству цифровых технологий в двухмесячный срок:
запустить в специальной информационной системе и на официальном веб-сайте министерства модуль, предусматривающий формирование в рамках Программы обновляемого в режиме онлайн рейтинга негосударственных образовательных организаций в разрезе республики и регионов;
совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Возложить на министра цифровых технологий Ш.Х. Шерматова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ответственных организаций возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
1 февраля 2024 г.,
№ ПП-51