📅 2024-yil 18-yanvar · Vazirlik va idoralar hujjatlari · Ichki ishlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 18 январь · Вазирлик ва идоралар ҳужжатлари · Ички ишлар вазири
Расмий матн. Расмий ҳужжат. Таҳририй изоҳлар киритилмаган.
📅 18 января 2024 г. · Документы министерств и ведомств · Министр внутренних дел
Официальный текст. Официальный документ. Редакционные примечания не включены.
📅 18 January 2024 · Ministry and agency documents · Ichki ishlar vaziri
Official text. Official document. Editorial notes are not included.
Ўзбекистон Республикаси ички ишлар вазирининг
буйруғи
ТАЛАБЛАР
МАЙДОНЧА
МАЙДОНЧА
МАЙДОНЧА
ТАЛАБЛАР
Автомототранспорт воситаларида амалий машғулотларни ва имтиҳонларни ўтказишга мўлжалланган ўқув автодромига қўйиладиган талабларни тасдиқлаш тўғрисида
Вазирлар Маҳкамасининг 2018 йил 31 майдаги 408-сон «Автомототранспорт воситалари ва шаҳар электр транспорти воситалари ҳайдовчиларини тайёрлаш ҳамда қайта тайёрлаш бўйича нодавлат таълим хизматларини кўрсатиш фаолиятини лицензиялаш тартибини янада такомиллаштириш чора-тадбирлари тўғрисида»ги қарорига мувофиқ буюраман:
1. Автомототранспорт воситаларида амалий машғулотларни ва имтиҳонларни ўтказишга мўлжалланган ўқув автодромига қўйиладиган талаблар иловага мувофиқ тасдиқлансин.
2. Ушбу буйруқ Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили, Олий таълим, фан ва инновациялар вазирлиги, Транспорт вазирлиги, Қурилиш ва уй-жой коммунал хўжалиги вазирлиги, Фавқулодда вазиятлар вазирлиги, Ўзбекистон Савдо-саноат палатаси ва Ўзбекистон Мудофаасига кўмаклашувчи «Ватанпарвар» ташкилоти Марказий Кенгаши билан келишилган.
3. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси ички ишлар вазирининг 2024 йил 18 январдаги 27-сон буйруғига ИЛОВА
Автомототранспорт воситаларида амалий машғулотларни ва имтиҳонларни ўтказишга мўлжалланган ўқув автодромига қўйиладиган
Мазкур талаблар автомототранспорт воситаларида амалий машғулотларни ва имтиҳонларни ўтказишга мўлжалланган ўқув автодроми (бундан буён матнда ўқув автодроми деб юритилади) ва уни жиҳозлашга доир қоидаларни белгилайди.
1-боб. Умумий қоидалар
1. Ушбу талабларда қуйидаги асосий тушунчалардан фойдаланилади:
ўқув автодроми — ҳайдовчиликка номзод учун автомототранспорт воситаларида амалий машғулотларни ва имтиҳонларни ўтказишга мўлжалланган, йўл ҳаракатини ташкил этишнинг техник воситалари билан жиҳозланган, умумий фойдаланишдаги йўллардан ажратилган ёпиқ ҳудуддаги махсус майдонча;
таълим ташкилотлари — автомототранспорт воситалари ҳайдовчиларини тайёрлаш, қайта тайёрлаш ва уларнинг малакасини ошириш билан шуғулланувчи юридик шахслар.
2. Таълим ташкилотлари томонидан ўқув автодромидан ҳайдовчиликка номзодлар билан автомототранспорт воситаларида амалий машғулотлар ва имтиҳонларни ўтказиш учун фойдаланилади.
2-боб. Ўқув автодромига қўйиладиган талаблар
3. Ўқув автодромида қуйидаги кетма-кетликдаги элементлар мавжуд бўлиши лозим:
«А» ва «А1» тоифалари учун «Ҳаракатни бошлаш (Старт)», «Илон изи», «Тор йўлак», «Тезлашиш-секинлашиш», «Габаритли ярим айлана», «Габаритли коридор», «Паст тезликда ҳаракатланиш», «Габаритли саккиз», «Ҳаракатни якунлаш (Финиш)»;
«B», «C», «D» тоифалар учун «Ҳаракатни бошлаш (Старт)», «Пиёдалар ўтиш жойи», «Тўхташ ва тик баландликка кўтарилиш (Эстакада)», «90 градус бурчак остида бурилишлар», «Тор жойда қайрилиб олиш учун боксга кириш», «Ҳаракат тартибга солинган чорраҳа», «Илон изи», «Орқага ҳаракатланиб параллель тўхташ (Парковка)», «Темир йўл кесишмаси» (Тартибга солинмаган), «Тезлашиш бўлаги», «Авария ҳолатда тўхташ», «Ҳаракатни якунлаш (Финиш)»;
«BE», «CE», «DE» тоифалар учун «Ҳаракатни бошлаш (Старт)», «Орқа бортни платформага қўйиш», «Платформадан йўлга чиқиш», «Габаритли коридорда орқа томонга тўғри чизиқда ҳаракатланиш», «Ҳаракатни якунлаш (Финиш)».
4. Ҳайдовчиликка номзоднинг автомототранспортни бошқариш бўйича амалий кўникмаларини шакллантириш учун ўқув автодромида ўлчами камида 50х15 m бўлган, асфальт ёки цемент бетон билан қопланган майдонча бўлиши зарур.
5. Ўқув автодромида:
мазкур талабларнинг 1-иловасида назарда тутилган «А» ва «А1» тоифалари учун машқларни бажаришга мўлжалланган майдонча ўқув автодромининг ихтиёрий қисмида жойлаштирилиши;
мазкур талабларнинг 2-иловасида назарда тутилган «B», «C», «D» тоифалар учун машқларни бажаришга мўлжалланган майдонча ўқув автодромининг ихтиёрий қисмида жойлаштирилиши;
мазкур талабларнинг 3-иловасида назарда тутилган «BE», «CE» ва «DE» тоифалар учун машқларни бажаришга мўлжалланган майдонча умумий (битта) майдончада жойлаштирилиши;
автомототранспорт воситаларининг ҳаракатланиш схемаси (амалий машғулотлар ва имтиҳонларни бажариш кетма-кетлиги) ҳалқасимон йўналишда бўлиши, бунда «Ҳаракатни бошлаш (Старт)» ва «Ҳаракатни якунлаш (Финиш)» бир ёки бир-бирига яқин жойда, қолган элементлар эса уларнинг оралиғида жойлаштирилиши;
«90 градус бурчак остида бурилишлар», «Чорраҳа», «Илон изи», «Тор жойда қайрилиб олиш учун боксга кириш», «Орқага ҳаракатланиб параллель тўхташ (парковка)» элементлари ўқув автодромининг марказий қисмларида жойлаштирилиши;
элементлар ҳар бир амалий машғулотларни алоҳида бажариш имконини берадиган тарзда жойлаштирилиши;
«А» ва «А1» тоифалари, «B», «C», «D» тоифалар ҳамда «BE», «CE» ва «DE» тоифаларга ажратилган майдончалар бир-биридан ажратилган бўлиши керак.
3-боб. Ўқув автодромини жиҳозлашга доир талаблар
6. Ўқув автодромининг автомототранспорт воситаларига мўлжалланган йўллари асфальт ёки цемент бетон билан қопланган, шунингдек сув тўпланиб қолишининг олдини олиш имконини берадиган ҳолатда бўлиши керак.
7. Ўқув автодромининг автомототранспорт воситаларига мўлжалланган йўллари светофор, йўл белгилари, йўл чизиқлари, тик баландликка кўтарилиш қурилмалари (эстакада) билан жиҳозланган бўлиши керак.
Бунда, автомототранспорт воситалари ён томонга тушиб кетишининг олдини олиш мақсадида тик баландликка кўтарилиш қурилмаларининг (эстакаданинг) ён томонлари тўсиқ (махсус конструкциялар) билан жиҳозланиши лозим.
8. Ўқув машғулотларини масофадан назорат қилиш, ҳайдовчиликка номзодларнинг хато ва камчиликларини таҳлил қилиш учун ўқув автодроми аудио ва видеокузатув тизими билан жиҳозланиши лозим.
9. Ўқув автодроми унга бегона шахслар ва ҳайвонлар киришининг олдини олиш мақсадида 2,0 метрдан кам бўлмаган баландликдаги девор ёки панжара (металл тўсиқ) билан жиҳозланган бўлиши керак.
10. Ўқув автодромида унинг ҳудудига автомототранспорт воситалари ва пиёдаларнинг кириб-чиқиши учун асосий ва захира йўллари мавжуд бўлиши, шунингдек уларда ўрнатиладиган темир панжарали дарвозалар ташқари томонга ёки ёнга очилиши керак.
11. Ўқув автодромида ҳайдовчиликка номзодлар учун қулай бўлган жойда қуйидаги маълумотлар келтирилган ахборот стенди ёки электрон монитор ўрнатилади:
ўқув автодромининг умумий схемаси, унда автомототранспорт воситаларининг ҳаракатланиш йўналиши, рухсат этилган тезлиги ва тўхтаб туриш жойи;
ўқув автомототранспорт воситаларини амалий бошқариш машқларининг кетма-кетлиги;
амалий машғулотларни бажариш учун ўқув автодромига келган ҳайдовчиликка номзодларнинг пиёда ҳаракатланиш, ушбу машғулотларда ўз навбатини кутиб туриш, бошқа ҳайдовчиликка номзодлар бажараётган машқларни кузатиб туриш жойлари;
фавқулодда ҳолатларда ҳудудни тарк этиш схемаси ва хавфсизлик техникаси талабларига доир маълумотлар.
12. Ўқув автодромига кириш ва чиқиш йўлининг кенглиги енгил автомобиллар ва мототранспорт воситалари учун 3,0 метрдан, юк автомобиллари ва автобуслар учун 4,0 метрдан кам бўлмаслиги керак.
13. Ўқув автодромига кириш йўлининг бошланишида 3.2 «Ҳаракатланиш тақиқланган», дарвозасида эса 3.24 «Юқори тезлик чекланган (5 km/s)» йўл белгилари ўрнатилади.
14. Ўқув автодроми ҳудудида тунги ёритгичлар ўрнатилган, бино ва иншоотлар ёнғин хавфсизлиги талабларига мос, шунингдек ичимлик суви ва ҳожатхона бўлиши керак.
15. Ўқув автодромининг автомототранспорт воситаларига мўлжалланган йўлларининг ўлчамларига қўйиладиган талаблар мазкур талабнинг 4-иловасида кўрсатилган.
16. Ўқув автодромининг элементлари автотранспорт воситаларининг таркиблари ва габарит ўлчамларидан келиб чиқиб, лойиҳалаштирилади.
17. Ўқув автодроми ҳудудига мастлик ҳолатида (алкоголь, гиёҳвандлик воситалар ва психотроп моддалар истеъмол қилган ҳолда) йўл ҳаракати хавфсизлигига таҳдид соладиган даражадаги чарчоқлик ва бетоблик ҳолатида бўлган шахслар киритилмайди.
18. Ўқув автодроми ҳудудида таълим ташкилоти раҳбари томонидан тасдиқланадиган техника хавфсизлиги қоидаларига доир йўриқномага амал қилиниши керак.
Бунда, ҳайдовчиликка номзодлар ўқишга қабул қилинган куннинг ўзида ушбу йўриқнома билан таълим ташкилоти масъул ходими томонидан таништирилади.
19. Ўқув автодромида ҳайдовчиликка номзодлар билан ўтказиладиган ўқув машғулотлари таълим ташкилот раҳбари томонидан тасдиқланадиган жадвалга асосан амалга оширилади.
4-боб. Якуний қоида
20. Мазкур талабларнинг бузилишида айбдор бўлган шахслар қонунчилик ҳужжатларига мувофиқ жавоб беради.
Автомототранспорт воситаларида амалий машғулотларни ва имтиҳонларни ўтказишга мўлжалланган ўқув автодромига қўйиладиган талабларга 1-ИЛОВА
«А» ва «А1» тоифалари учун машқларни бажаришга мўлжалланган
Автомототранспорт воситаларида амалий машғулотларни ва имтиҳонларни ўтказишга мўлжалланган ўқув автодромига қўйиладиган талабларга 2-ИЛОВА
«B», «C», «D» тоифалар учун машқларни бажаришга мўлжалланган
Автомототранспорт воситаларида амалий машғулотларни ва имтиҳонларни ўтказишга мўлжалланган ўқув автодромига қўйиладиган талабларга 3-ИЛОВА
«BE», «CE» ва «DE» тоифалар учун машқларни бажаришга мўлжалланган
Автомототранспорт воситаларида амалий машғулотларни ва имтиҳонларни ўтказишга мўлжалланган ўқув автодромига қўйиладиган талабларга 4-ИЛОВА
Ўқув автодромининг автомототранспорт воситаларига мўлжалланган йўлларининг ўлчамларига қўйиладиган
1-боб. «А» ва «А1» тоифалари учун машқларни бажаришга мўлжалланган майдончанинг ўлчамларига қўйиладиган талаблар
1. «А» ва «А1» тоифалари учун машқларни бажаришга мўлжалланган ўқув автодроми (бундан буён матнда ўқув автодроми деб юритилади) майдончасининг чегара чизиқлари сариқ рангда ва 1.4 — йўл ётиқ чизиғи билан белгиланади.
2. Ўқув автодроми йўлининг четки қисмлари оқ рангда ва 1.1 — йўл ётиқ чизиғи билан белгиланади.
3. Ўқув автодроми йўлининг боши ва охири, шунингдек узатмалар поғонасини ўзгартириш чегара чизиғи кенглиги 0,10 метр бўлган узуқ-узуқ сариқ рангдаги чизиқ билан белгиланиши керак.
«СТАРТ», «СТОП» ва «ФИНИШ» чизиқларининг кенглиги 0,4 метр, узунлиги мос равишда оқ рангда ва 1.1 — йўл ётиқ чизиғи билан белгиланади.
«СТАРТ» ва «ФИНИШ» ёзувлари билан ўқув автодроми йўлининг оралиғидаги масофа 1 метрни, шунингдек ушбу ёзувларнинг узунлиги 0,6 метрни ташкил этади.
4. Ўқув автодромининг автомототранспорт воситаларига мўлжалланган йўллари ўлчамларининг схемалари мазкур талабларнинг 1 — 9-машқларида назарда тутилган.
1-машқ. «Ҳаракатни бошлаш (START)» майдони
2-машқ. «Габаритли коридор» майдони
3-машқ. «Габаритли ярим айлана» майдони
4-машқ. «Тезланиш-секинлашиш» майдони
5-машқ. «Илон изи» майдони
6-машқ. «Тор йўлак» майдони
7-машқ. «Паст тезликда ҳаракатланиш» майдони
8-машқ. «Габаритли саккиз» майдони
9-машқ. «Ҳаракатни якунлаш (FINISH)» майдони
2-боб. «B», «C» ва «D» тоифалар учун машқларни бажаришга мўлжалланган майдончанинг ўлчамларига қўйиладиган талаблар
5. «B», «C» ва «D» тоифалар учун машқларни бажаришга мўлжалланган ўқув автодроми (бундан буён матнда ўқув автодроми деб юритилади) майдончасининг чегара чизиқлари оқ рангда ва 1.1 — йўл ётиқ чизиғи билан белгиланади.
6. Ўқув автодроми йўлининг кенглиги (4-машқ «90 градусга бурилиш», 5-машқ «Илон изи бўйлаб ҳаракатланиш», 6-машқ «Қайрилиб олиш ва автомобилни парковка қилиш» ва 7-машқ «Орқага ҳаракатланиб транспортни параллел парковка қилиш» майдончаларидан ташқари) 1.1 — йўл ётиқ чизиғи билан чегараланади ва 3,0 метрдан кам бўлмаслиги керак.
Ўқув автодроми йўлининг четидаги тўсиқларнинг ички томонидан 1.1 ёки 1.4 — йўл ётиқ чизиқларигача бўлган оралиқ масофа 0,1 метрдан кам бўлмаслиги лозим.
7. Ўқув автодроми йўлининг бошланиш ва тугалланиш майдони чегараси чизиғининг кенглиги 0,1 ёки 0,2 метр бўлган узуқ-узуқ сариқ рангли чизиқ билан белгиланади.
8. «START», «STOP» ва «FINISH» чизиқларининг кенглиги 0,4 метр, узунлиги мос равишда оқ рангда ва 1.1 — йўл ётиқ чизиғи билан белгиланади.
9. «СТАРТ» ва «ФИНИШ» ёзувлари билан ўқув автодроми йўлининг оралиғидаги масофа 1 метрни, шунингдек ушбу ёзувларнинг узунлиги 0,6 метр ёки 1 метрни ташкил этади.
10. Машқнинг «СТАРТ» чизиғидан бошлаб 10,0 метр масофада 3.243 — «Юқори тезлик чекланган» (20 км/соат) йўл белгиси ўрнатилади.
Машқнинг «СТАРТ» чизиғидан бошлаб 10 метрдан кам бўлмаган масофада машқни тугаллаш узуқ-узуқ сариқ рангли чизиқ чизилади.
1-машқ. «Ҳаракатни бошлаш (СТАРТ)» майдони
11. «Тўхташ ва тик баландликка кўтарилиш (эстакада)» машқ майдони эстакадасининг қиялиги 10 ёки 16,0 фоизгача бўйлама қияликка эга бўлиши керак, бунда колеяли (темир) эстакададан фойдаланишга рухсат этилмайди.
12. Йўлнинг қатнов қисмининг ҳар бир томонида «Тўхташ ва тик баландликка кўтарилиш (эстакада)» машқ майдони баландлиги 0,3 ёки 0,5 метр ва қалинлиги 0,3 метрдан кам бўлмаган ҳимояловчи тўсиқлар ўрнатилади.
13. Тик баландликка кўтарилишнинг охиригача 1,0 метр масофада эни 0,4 метр бўлган 1.12 «Тўхташ чизиғи» чизилади.
Тик баландликка кўтарилишнинг бошланишидан олдин 3,0 м масофада 1.14 «Тик баландлик» йўл белгиси ўрнатилади. Тик нишабликка тушишнинг бошланишидан 3,0 метр олдин 1.13 «Тик нишаблик» йўл белгиси ўрнатилади.
2-машқ. «Тўхташ ва тик баландликка кўтарилиш (Эстакада)» майдони
14. Пиёдалар ўтиш жойига 5.16.1 ва 5.16.2 «Пиёдалар ўтиш жойи» йўл белгилари ўрнатилади.
3-машқ. «Пиёдалар ўтиш жойи» майдони
15. Машқни бажаришни бошлаш чизиғидан олдин 1.12.1 (1.12.2) «Хавфли бурилишлар» йўл белгилари билан жиҳозланади.
4-машқ. «90 градус бурчак остида бурилишлар» майдони («B» тоифа учун «90 градус бурчак остида бурилишлар» майдони)
4-машқ. «90 градус бурчак остида бурилишлар» майдони («C», «D» тоифа учун «90 градус бурчак остида бурилишлар» майдони)
В — автомобилнинг габарит кенглиги, метр;
D — автомобилнинг габарит узунлиги, метр.
16. Машқни бажаришни бошлаш чизиғидан олдин 1.12.1 (1.12.2) «Хавфли бурилишлар» йўл белгилари билан жиҳозланади.
5-машқ. «Илон изи» майдони («B» тоифа учун «Илон изи» майдони)
5-машқ. «Илон изи» майдони («C», «D» тоифа учун «Илон изи» майдони)
17. Машқнинг бошланиш ва тугалланиш чизиқлари олдида ўқув автодромининг умумий схемасига асосан тегишли йўл белгилари ўрнатилади.
6-машқ. «Тор жойда қайрилиб олиш учун боксга кириш» майдони («B» тоифа учун «Тор жойда қайрилиб олиш учун боксга кириш» майдони)
6-машқ. «Тор жойда қайрилиб олиш учун боксга кириш» майдони («C», «D» тоифа учун «Тор жойда қайрилиб олиш учун боксга кириш» майдони)
В — автомобилнинг габарит кенглиги, метр;
D — автомобилнинг габарит узунлиги, метр;
С — орқа ўқдан автомобилнинг орқа габаритигача бўлган масофа, метр.
18. Машқни бошлаш чизиғида 5.15 «Тўхтаб туриш жойи», 7.4.1 ёки 7.4.3 «Транспорт воситасининг тури» ва 7.6.1 «Транспорт воситасини тўхтаб туриш жойига қўйиш усули» йўл белгилари ўрнатилади.
7-машқ. «Орқага ҳаракатланиб параллел тўхташ (парковка)» майдони («B» тоифа учун «Орқага ҳаракатланиб параллель тўхташ (парковка)» майдони)
7-машқ. «Орқага ҳаракатланиб параллел тўхташ (парковка)» майдони («C», «D» тоифа учун «Орқага ҳаракатланиб параллель тўхташ (парковка)» майдони)
В — автомобилнинг габарит кенглиги, метр;
D — автомобилнинг габарит узунлиги, метр;
K — олдинги ғилдирак колеяси, метр.
19. Чорраҳада бурилиш радиуслари «B» тоифадаги автотранспорт воситалари учун — 4,0 метрдан катта, «C» ва «D» тоифаларидаги автотранспорт воситалари учун 6,0 метрдан катта бўлиши керак.
Чорраҳадаги йўл чизиқлари ва йўл белгилари ўқув автодромининг умумий схемасига асосан ўрнатилади.
Чорраҳанинг тўрт томонига 1.14.1 (1.14.2) йўл ётиқ чизиқлари чизилади. Пиёдалар ўтиш жойи камида 1,0 м масофада, 1.12 йўл ётиқ чизиғи эса 0,4 метр кенгликда чизилади.
8-машқ. «Ҳаракат тартибга солинган чорраҳа» майдони
20. Темир йўл кесишмасидан олдин 2,0 метрдан кам бўлмаган масофада эни 0,4 метр бўлган 1.12 — «Тўхташ» йўл ётиқ чизиғи чизилади. Темир йўл кесишмасидан олдин 1.2, 1.3.1, 2.5 йўл белгилари ўрнатилади.
9-машқ. «Тартибга солинмаган темир йўл кесишмаси» майдони
21. Йўлнинг тўғри йўналишдаги қатнов қисмида тезлашиш учун 4.6 «Энг кам тезлик» (20 км/соат), 3.24 «Юқори тезлик чекланган» (40 км/соат) ва секинланиш учун 3.24 «Юқори тезлик чекланган» (20 км/соат) йўл белгилари камида 40 метр узунликдаги масофаларда жойлаштирилади.
10-машқ. «Тезлашиш бўлаги» майдони
11-машқ. «Авария ҳолатда тўхташ» майдони
22. «Авария ҳолатда тўхташ» машқи учун ажратилган майдон бошқа машқлар учун ажратилган майдондан алоҳида бўлиши керак.
23. «Ҳаракатни якунлаш (Финиш)» машқи ҳудуди узунлиги 10 метрдан кам бўлмаслиги керак.
«Ҳаракатни якунлаш (Финиш)» чизиғидан сўнг автотранспорт воситалари учун тўхтаб туриш жойи бўлиши зарур.
12-машқ. «Ҳаракатни якунлаш (FINISH)» майдон
3-боб. «BE», «CE», «DE» тоифалари учун машқларни бажаришга мўлжалланган майдончанинг ўлчамларига қўйиладиган талаблар
24. Ўқув автодромининг назорат чизиқлари 1.4 — йўл ётиқ чизиқлари билан белгиланади.
Ўқув автодромининг бошланғич ва якуний чизиқларининг кенглиги 0,10 метр бўлган сариқ узуқ-узуқ чизиқ билан белгиланади.
25. «СТАРТ» ва «ФИНИШ» чизиқларини кенглиги 0,4 метр бўлган оқ чизиқ билан белгиланади.
Старт чизиғидан кейин 1,0 метр масофада «СТАРТ» ёзуви белгиланади.
«Ҳаракатни якунлаш (Финиш)» чизиғидан кейин 1,0 метр масофада «ФИНИШ» ёзуви белгиланади.
26. «BЕ», «CЕ», «DE» тоифалари учун машқларни бажаришга ажратилган майдон қуйидаги схемада назарда тутилган:
Вазир П. БОБОЖОНОВ
Ўзбекистон Мудофаасига кўмаклашувчи «Ватанпарвар» ташкилоти Марказий Кенгаши раиси X. БАТИРОВ
Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Д. КАСИМОВ
Ўзбекистон Савдо-саноат палатаси раиси Д. ВАХАБОВ
Транспорт вазири И. МАХКАМОВ
Ўзбекистон Республикаси қурилиш ва уй-жой коммунал хўжалиги вазири Б. ЗАКИРОВ
Фавқулодда вазиятлар вазири А. КУЛДАШEВ
Олий таълим, фан ва инновациялар вазирининг биринчи ўринбосари К. КАРИМОВ
Тошкент ш.,
2024 йил 18 январь,
2024 йил 10 январь
2024 йил 10 январь
2024 йил 9 январь
2024 йил 8 январь
2024 йил 5 январь
2023 йил 30 декабрь
2024 йил 3 январь
27-сон
Oʻzbekiston Respublikasi ichki ishlar vazirining
buyrugʻi
TALABLAR
MAYDONCHA
MAYDONCHA
MAYDONCHA
TALABLAR
Avtomototransport vositalarida amaliy mashgʻulotlarni va imtihonlarni oʻtkazishga moʻljallangan oʻquv avtodromiga qoʻyiladigan talablarni tasdiqlash toʻgʻrisida
Vazirlar Mahkamasining 2018-yil 31-maydagi 408-son “Avtomototransport vositalari va shahar elektr transporti vositalari haydovchilarini tayyorlash hamda qayta tayyorlash boʻyicha nodavlat taʼlim xizmatlarini koʻrsatish faoliyatini litsenziyalash tartibini yanada takomillashtirish chora-tadbirlari toʻgʻrisida”gi qaroriga muvofiq buyuraman:
1. Avtomototransport vositalarida amaliy mashgʻulotlarni va imtihonlarni oʻtkazishga moʻljallangan oʻquv avtodromiga qoʻyiladigan talablar ilovaga muvofiq tasdiqlansin.
2. Ushbu buyruq Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili, Oliy taʼlim, fan va innovatsiyalar vazirligi, Transport vazirligi, Qurilish va uy-joy kommunal xoʻjaligi vazirligi, Favqulodda vaziyatlar vazirligi, Oʻzbekiston Savdo-sanoat palatasi va Oʻzbekiston Mudofaasiga koʻmaklashuvchi “Vatanparvar” tashkiloti Markaziy Kengashi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi ichki ishlar vazirining 2024-yil 18-yanvardagi 27-son buyrugʻiga ILOVA
Avtomototransport vositalarida amaliy mashgʻulotlarni va imtihonlarni oʻtkazishga moʻljallangan oʻquv avtodromiga qoʻyiladigan
Mazkur talablar avtomototransport vositalarida amaliy mashgʻulotlarni va imtihonlarni oʻtkazishga moʻljallangan oʻquv avtodromi (bundan buyon matnda oʻquv avtodromi deb yuritiladi) va uni jihozlashga doir qoidalarni belgilaydi.
1-bob. Umumiy qoidalar
1. Ushbu talablarda quyidagi asosiy tushunchalardan foydalaniladi:
oʻquv avtodromi — haydovchilikka nomzod uchun avtomototransport vositalarida amaliy mashgʻulotlarni va imtihonlarni oʻtkazishga moʻljallangan, yoʻl harakatini tashkil etishning texnik vositalari bilan jihozlangan, umumiy foydalanishdagi yoʻllardan ajratilgan yopiq hududdagi maxsus maydoncha;
taʼlim tashkilotlari — avtomototransport vositalari haydovchilarini tayyorlash, qayta tayyorlash va ularning malakasini oshirish bilan shugʻullanuvchi yuridik shaxslar.
2. Taʼlim tashkilotlari tomonidan oʻquv avtodromidan haydovchilikka nomzodlar bilan avtomototransport vositalarida amaliy mashgʻulotlar va imtihonlarni oʻtkazish uchun foydalaniladi.
2-bob. Oʻquv avtodromiga qoʻyiladigan talablar
3. Oʻquv avtodromida quyidagi ketma-ketlikdagi elementlar mavjud boʻlishi lozim:
“A” va “A1” toifalari uchun “Harakatni boshlash (Start)”, “Ilon izi”, “Tor yoʻlak”, “Tezlashish-sekinlashish”, “Gabaritli yarim aylana”, “Gabaritli koridor”, “Past tezlikda harakatlanish”, “Gabaritli sakkiz”, “Harakatni yakunlash (Finish)”;
“B”, “C”, “D” toifalar uchun “Harakatni boshlash (Start)”, “Piyodalar oʻtish joyi”, “Toʻxtash va tik balandlikka koʻtarilish (Estakada)”, “90 gradus burchak ostida burilishlar”, “Tor joyda qayrilib olish uchun boksga kirish”, “Harakat tartibga solingan chorraha”, “Ilon izi”, “Orqaga harakatlanib parallel toʻxtash (Parkovka)”, “Temir yoʻl kesishmasi” (Tartibga solinmagan), “Tezlashish boʻlagi”, “Avariya holatda toʻxtash”, “Harakatni yakunlash (Finish)”;
“BE”, “CE”, “DE” toifalar uchun “Harakatni boshlash (Start)”, “Orqa bortni platformaga qoʻyish”, “Platformadan yoʻlga chiqish”, “Gabaritli koridorda orqa tomonga toʻgʻri chiziqda harakatlanish”, “Harakatni yakunlash (Finish)”.
4. Haydovchilikka nomzodning avtomototransportni boshqarish boʻyicha amaliy koʻnikmalarini shakllantirish uchun oʻquv avtodromida oʻlchami kamida 50x15 m boʻlgan, asfalt yoki sement beton bilan qoplangan maydoncha boʻlishi zarur.
5. Oʻquv avtodromida:
mazkur talablarning 1-ilovasida nazarda tutilgan “A” va “A1” toifalari uchun mashqlarni bajarishga moʻljallangan maydoncha oʻquv avtodromining ixtiyoriy qismida joylashtirilishi;
mazkur talablarning 2-ilovasida nazarda tutilgan “B”, “C”, “D” toifalar uchun mashqlarni bajarishga moʻljallangan maydoncha oʻquv avtodromining ixtiyoriy qismida joylashtirilishi;
mazkur talablarning 3-ilovasida nazarda tutilgan “BE”, “CE” va “DE” toifalar uchun mashqlarni bajarishga moʻljallangan maydoncha umumiy (bitta) maydonchada joylashtirilishi;
avtomototransport vositalarining harakatlanish sxemasi (amaliy mashgʻulotlar va imtihonlarni bajarish ketma-ketligi) halqasimon yoʻnalishda boʻlishi, bunda “Harakatni boshlash (Start)” va “Harakatni yakunlash (Finish)” bir yoki bir-biriga yaqin joyda, qolgan elementlar esa ularning oraligʻida joylashtirilishi;
“90 gradus burchak ostida burilishlar”, “Chorraha”, “Ilon izi”, “Tor joyda qayrilib olish uchun boksga kirish”, “Orqaga harakatlanib parallel toʻxtash (parkovka)” elementlari oʻquv avtodromining markaziy qismlarida joylashtirilishi;
elementlar har bir amaliy mashgʻulotlarni alohida bajarish imkonini beradigan tarzda joylashtirilishi;
“A” va “A1” toifalari, “B”, “C”, “D” toifalar hamda “BE”, “CE” va “DE” toifalarga ajratilgan maydonchalar bir-biridan ajratilgan boʻlishi kerak.
3-bob. Oʻquv avtodromini jihozlashga doir talablar
6. Oʻquv avtodromining avtomototransport vositalariga moʻljallangan yoʻllari asfalt yoki sement beton bilan qoplangan, shuningdek suv toʻplanib qolishining oldini olish imkonini beradigan holatda boʻlishi kerak.
7. Oʻquv avtodromining avtomototransport vositalariga moʻljallangan yoʻllari svetofor, yoʻl belgilari, yoʻl chiziqlari, tik balandlikka koʻtarilish qurilmalari (estakada) bilan jihozlangan boʻlishi kerak.
Bunda, avtomototransport vositalari yon tomonga tushib ketishining oldini olish maqsadida tik balandlikka koʻtarilish qurilmalarining (estakadaning) yon tomonlari toʻsiq (maxsus konstruksiyalar) bilan jihozlanishi lozim.
8. Oʻquv mashgʻulotlarini masofadan nazorat qilish, haydovchilikka nomzodlarning xato va kamchiliklarini tahlil qilish uchun oʻquv avtodromi audio va videokuzatuv tizimi bilan jihozlanishi lozim.
9. Oʻquv avtodromi unga begona shaxslar va hayvonlar kirishining oldini olish maqsadida 2,0 metrdan kam boʻlmagan balandlikdagi devor yoki panjara (metall toʻsiq) bilan jihozlangan boʻlishi kerak.
10. Oʻquv avtodromida uning hududiga avtomototransport vositalari va piyodalarning kirib-chiqishi uchun asosiy va zaxira yoʻllari mavjud boʻlishi, shuningdek ularda oʻrnatiladigan temir panjarali darvozalar tashqari tomonga yoki yonga ochilishi kerak.
11. Oʻquv avtodromida haydovchilikka nomzodlar uchun qulay boʻlgan joyda quyidagi maʼlumotlar keltirilgan axborot stendi yoki elektron monitor oʻrnatiladi:
oʻquv avtodromining umumiy sxemasi, unda avtomototransport vositalarining harakatlanish yoʻnalishi, ruxsat etilgan tezligi va toʻxtab turish joyi;
oʻquv avtomototransport vositalarini amaliy boshqarish mashqlarining ketma-ketligi;
amaliy mashgʻulotlarni bajarish uchun oʻquv avtodromiga kelgan haydovchilikka nomzodlarning piyoda harakatlanish, ushbu mashgʻulotlarda oʻz navbatini kutib turish, boshqa haydovchilikka nomzodlar bajarayotgan mashqlarni kuzatib turish joylari;
favqulodda holatlarda hududni tark etish sxemasi va xavfsizlik texnikasi talablariga doir maʼlumotlar.
12. Oʻquv avtodromiga kirish va chiqish yoʻlining kengligi yengil avtomobillar va mototransport vositalari uchun 3,0 metrdan, yuk avtomobillari va avtobuslar uchun 4,0 metrdan kam boʻlmasligi kerak.
13. Oʻquv avtodromiga kirish yoʻlining boshlanishida 3.2 “Harakatlanish taqiqlangan”, darvozasida esa 3.24 “Yuqori tezlik cheklangan (5 km/s)” yoʻl belgilari oʻrnatiladi.
14. Oʻquv avtodromi hududida tungi yoritgichlar oʻrnatilgan, bino va inshootlar yongʻin xavfsizligi talablariga mos, shuningdek ichimlik suvi va hojatxona boʻlishi kerak.
15. Oʻquv avtodromining avtomototransport vositalariga moʻljallangan yoʻllarining oʻlchamlariga qoʻyiladigan talablar mazkur talabning 4-ilovasida koʻrsatilgan.
16. Oʻquv avtodromining elementlari avtotransport vositalarining tarkiblari va gabarit oʻlchamlaridan kelib chiqib, loyihalashtiriladi.
17. Oʻquv avtodromi hududiga mastlik holatida (alkogol, giyohvandlik vositalar va psixotrop moddalar isteʼmol qilgan holda) yoʻl harakati xavfsizligiga tahdid soladigan darajadagi charchoqlik va betoblik holatida boʻlgan shaxslar kiritilmaydi.
18. Oʻquv avtodromi hududida taʼlim tashkiloti rahbari tomonidan tasdiqlanadigan texnika xavfsizligi qoidalariga doir yoʻriqnomaga amal qilinishi kerak.
Bunda, haydovchilikka nomzodlar oʻqishga qabul qilingan kunning oʻzida ushbu yoʻriqnoma bilan taʼlim tashkiloti masʼul xodimi tomonidan tanishtiriladi.
19. Oʻquv avtodromida haydovchilikka nomzodlar bilan oʻtkaziladigan oʻquv mashgʻulotlari taʼlim tashkilot rahbari tomonidan tasdiqlanadigan jadvalga asosan amalga oshiriladi.
4-bob. Yakuniy qoida
20. Mazkur talablarning buzilishida aybdor boʻlgan shaxslar qonunchilik hujjatlariga muvofiq javob beradi.
Avtomototransport vositalarida amaliy mashgʻulotlarni va imtihonlarni oʻtkazishga moʻljallangan oʻquv avtodromiga qoʻyiladigan talablarga 1-ILOVA
“A” va “A1” toifalari uchun mashqlarni bajarishga moʻljallangan
Avtomototransport vositalarida amaliy mashgʻulotlarni va imtihonlarni oʻtkazishga moʻljallangan oʻquv avtodromiga qoʻyiladigan talablarga 2-ILOVA
“B”, “C”, “D” toifalar uchun mashqlarni bajarishga moʻljallangan
Avtomototransport vositalarida amaliy mashgʻulotlarni va imtihonlarni oʻtkazishga moʻljallangan oʻquv avtodromiga qoʻyiladigan talablarga 3-ILOVA
“BE”, “CE” va “DE” toifalar uchun mashqlarni bajarishga moʻljallangan
Avtomototransport vositalarida amaliy mashgʻulotlarni va imtihonlarni oʻtkazishga moʻljallangan oʻquv avtodromiga qoʻyiladigan talablarga 4-ILOVA
Oʻquv avtodromining avtomototransport vositalariga moʻljallangan yoʻllarining oʻlchamlariga qoʻyiladigan
1-bob. “A” va “A1” toifalari uchun mashqlarni bajarishga moʻljallangan maydonchaning oʻlchamlariga qoʻyiladigan talablar
1. “A” va “A1” toifalari uchun mashqlarni bajarishga moʻljallangan oʻquv avtodromi (bundan buyon matnda oʻquv avtodromi deb yuritiladi) maydonchasining chegara chiziqlari sariq rangda va 1.4 — yoʻl yotiq chizigʻi bilan belgilanadi.
2. Oʻquv avtodromi yoʻlining chetki qismlari oq rangda va 1.1 — yoʻl yotiq chizigʻi bilan belgilanadi.
3. Oʻquv avtodromi yoʻlining boshi va oxiri, shuningdek uzatmalar pogʻonasini oʻzgartirish chegara chizigʻi kengligi 0,10 metr boʻlgan uzuq-uzuq sariq rangdagi chiziq bilan belgilanishi kerak.
“START”, “STOP” va “FINISH” chiziqlarining kengligi 0,4 metr, uzunligi mos ravishda oq rangda va 1.1 — yoʻl yotiq chizigʻi bilan belgilanadi.
“START” va “FINISH” yozuvlari bilan oʻquv avtodromi yoʻlining oraligʻidagi masofa 1 metrni, shuningdek ushbu yozuvlarning uzunligi 0,6 metrni tashkil etadi.
4. Oʻquv avtodromining avtomototransport vositalariga moʻljallangan yoʻllari oʻlchamlarining sxemalari mazkur talablarning 1 — 9-mashqlarida nazarda tutilgan.
1-mashq. “Harakatni boshlash (START)” maydoni
2-mashq. “Gabaritli koridor” maydoni
3-mashq. “Gabaritli yarim aylana” maydoni
4-mashq. “Tezlanish-sekinlashish” maydoni
5-mashq. “Ilon izi” maydoni
6-mashq. “Tor yoʻlak” maydoni
7-mashq. “Past tezlikda harakatlanish” maydoni
8-mashq. “Gabaritli sakkiz” maydoni
9-mashq. “Harakatni yakunlash (FINISH)” maydoni
2-bob. “B”, “C” va “D” toifalar uchun mashqlarni bajarishga moʻljallangan maydonchaning oʻlchamlariga qoʻyiladigan talablar
5. “B”, “C” va “D” toifalar uchun mashqlarni bajarishga moʻljallangan oʻquv avtodromi (bundan buyon matnda oʻquv avtodromi deb yuritiladi) maydonchasining chegara chiziqlari oq rangda va 1.1 — yoʻl yotiq chizigʻi bilan belgilanadi.
6. Oʻquv avtodromi yoʻlining kengligi (4-mashq “90 gradusga burilish”, 5-mashq “Ilon izi boʻylab harakatlanish”, 6-mashq “Qayrilib olish va avtomobilni parkovka qilish” va 7-mashq “Orqaga harakatlanib transportni parallel parkovka qilish” maydonchalaridan tashqari) 1.1 — yoʻl yotiq chizigʻi bilan chegaralanadi va 3,0 metrdan kam boʻlmasligi kerak.
Oʻquv avtodromi yoʻlining chetidagi toʻsiqlarning ichki tomonidan 1.1 yoki 1.4 — yoʻl yotiq chiziqlarigacha boʻlgan oraliq masofa 0,1 metrdan kam boʻlmasligi lozim.
7. Oʻquv avtodromi yoʻlining boshlanish va tugallanish maydoni chegarasi chizigʻining kengligi 0,1 yoki 0,2 metr boʻlgan uzuq-uzuq sariq rangli chiziq bilan belgilanadi.
8. “START”, “STOP” va “FINISH” chiziqlarining kengligi 0,4 metr, uzunligi mos ravishda oq rangda va 1.1 — yoʻl yotiq chizigʻi bilan belgilanadi.
9. “START” va “FINISH” yozuvlari bilan oʻquv avtodromi yoʻlining oraligʻidagi masofa 1 metrni, shuningdek ushbu yozuvlarning uzunligi 0,6 metr yoki 1 metrni tashkil etadi.
10. Mashqning “START” chizigʻidan boshlab 10,0 metr masofada 3.243 — “Yuqori tezlik cheklangan” (20 km/soat) yoʻl belgisi oʻrnatiladi.
Mashqning “START” chizigʻidan boshlab 10 metrdan kam boʻlmagan masofada mashqni tugallash uzuq-uzuq sariq rangli chiziq chiziladi.
1-mashq. “Harakatni boshlash (START)” maydoni
11. “Toʻxtash va tik balandlikka koʻtarilish (estakada)” mashq maydoni estakadasining qiyaligi 10 yoki 16,0 foizgacha boʻylama qiyalikka ega boʻlishi kerak, bunda koleyali (temir) estakadadan foydalanishga ruxsat etilmaydi.
12. Yoʻlning qatnov qismining har bir tomonida “Toʻxtash va tik balandlikka koʻtarilish (estakada)” mashq maydoni balandligi 0,3 yoki 0,5 metr va qalinligi 0,3 metrdan kam boʻlmagan himoyalovchi toʻsiqlar oʻrnatiladi.
13. Tik balandlikka koʻtarilishning oxirigacha 1,0 metr masofada eni 0,4 metr boʻlgan 1.12 “Toʻxtash chizigʻi” chiziladi.
Tik balandlikka koʻtarilishning boshlanishidan oldin 3,0 m masofada 1.14 “Tik balandlik” yoʻl belgisi oʻrnatiladi. Tik nishablikka tushishning boshlanishidan 3,0 metr oldin 1.13 “Tik nishablik” yoʻl belgisi oʻrnatiladi.
2-mashq. “Toʻxtash va tik balandlikka koʻtarilish (Estakada)” maydoni
14. Piyodalar oʻtish joyiga 5.16.1 va 5.16.2 “Piyodalar oʻtish joyi” yoʻl belgilari oʻrnatiladi.
3-mashq. “Piyodalar oʻtish joyi” maydoni
15. Mashqni bajarishni boshlash chizigʻidan oldin 1.12.1 (1.12.2) “Xavfli burilishlar” yoʻl belgilari bilan jihozlanadi.
4-mashq. “90 gradus burchak ostida burilishlar” maydoni (“B” toifa uchun “90 gradus burchak ostida burilishlar” maydoni)
4-mashq. “90 gradus burchak ostida burilishlar” maydoni (“C”, “D” toifa uchun “90 gradus burchak ostida burilishlar” maydoni)
V — avtomobilning gabarit kengligi, metr;
D — avtomobilning gabarit uzunligi, metr.
16. Mashqni bajarishni boshlash chizigʻidan oldin 1.12.1 (1.12.2) “Xavfli burilishlar” yoʻl belgilari bilan jihozlanadi.
5-mashq. “Ilon izi” maydoni (“B” toifa uchun “Ilon izi” maydoni)
5-mashq. “Ilon izi” maydoni (“C”, “D” toifa uchun “Ilon izi” maydoni)
17. Mashqning boshlanish va tugallanish chiziqlari oldida oʻquv avtodromining umumiy sxemasiga asosan tegishli yoʻl belgilari oʻrnatiladi.
6-mashq. “Tor joyda qayrilib olish uchun boksga kirish” maydoni (“B” toifa uchun “Tor joyda qayrilib olish uchun boksga kirish” maydoni)
6-mashq. “Tor joyda qayrilib olish uchun boksga kirish” maydoni (“C”, “D” toifa uchun “Tor joyda qayrilib olish uchun boksga kirish” maydoni)
V — avtomobilning gabarit kengligi, metr;
D — avtomobilning gabarit uzunligi, metr;
S — orqa oʻqdan avtomobilning orqa gabaritigacha boʻlgan masofa, metr.
18. Mashqni boshlash chizigʻida 5.15 “Toʻxtab turish joyi”, 7.4.1 yoki 7.4.3 “Transport vositasining turi” va 7.6.1 “Transport vositasini toʻxtab turish joyiga qoʻyish usuli” yoʻl belgilari oʻrnatiladi.
7-mashq. “Orqaga harakatlanib parallel toʻxtash (parkovka)” maydoni (“B” toifa uchun “Orqaga harakatlanib parallel toʻxtash (parkovka)” maydoni)
7-mashq. “Orqaga harakatlanib parallel toʻxtash (parkovka)” maydoni (“C”, “D” toifa uchun “Orqaga harakatlanib parallel toʻxtash (parkovka)” maydoni)
V — avtomobilning gabarit kengligi, metr;
D — avtomobilning gabarit uzunligi, metr;
K — oldingi gʻildirak koleyasi, metr.
19. Chorrahada burilish radiuslari “B” toifadagi avtotransport vositalari uchun — 4,0 metrdan katta, “C” va “D” toifalaridagi avtotransport vositalari uchun 6,0 metrdan katta boʻlishi kerak.
Chorrahadagi yoʻl chiziqlari va yoʻl belgilari oʻquv avtodromining umumiy sxemasiga asosan oʻrnatiladi.
Chorrahaning toʻrt tomoniga 1.14.1 (1.14.2) yoʻl yotiq chiziqlari chiziladi. Piyodalar oʻtish joyi kamida 1,0 m masofada, 1.12 yoʻl yotiq chizigʻi esa 0,4 metr kenglikda chiziladi.
8-mashq. “Harakat tartibga solingan chorraha” maydoni
20. Temir yoʻl kesishmasidan oldin 2,0 metrdan kam boʻlmagan masofada eni 0,4 metr boʻlgan 1.12 — “Toʻxtash” yoʻl yotiq chizigʻi chiziladi. Temir yoʻl kesishmasidan oldin 1.2, 1.3.1, 2.5 yoʻl belgilari oʻrnatiladi.
9-mashq. “Tartibga solinmagan temir yoʻl kesishmasi” maydoni
21. Yoʻlning toʻgʻri yoʻnalishdagi qatnov qismida tezlashish uchun 4.6 “Eng kam tezlik” (20 km/soat), 3.24 “Yuqori tezlik cheklangan” (40 km/soat) va sekinlanish uchun 3.24 “Yuqori tezlik cheklangan” (20 km/soat) yoʻl belgilari kamida 40 metr uzunlikdagi masofalarda joylashtiriladi.
10-mashq. “Tezlashish boʻlagi” maydoni
11-mashq. “Avariya holatda toʻxtash” maydoni
22. “Avariya holatda toʻxtash” mashqi uchun ajratilgan maydon boshqa mashqlar uchun ajratilgan maydondan alohida boʻlishi kerak.
23. “Harakatni yakunlash (Finish)” mashqi hududi uzunligi 10 metrdan kam boʻlmasligi kerak.
“Harakatni yakunlash (Finish)” chizigʻidan soʻng avtotransport vositalari uchun toʻxtab turish joyi boʻlishi zarur.
12-mashq. “Harakatni yakunlash (FINISH)” maydon
3-bob. “BE”, “CE”, “DE” toifalari uchun mashqlarni bajarishga moʻljallangan maydonchaning oʻlchamlariga qoʻyiladigan talablar
24. Oʻquv avtodromining nazorat chiziqlari 1.4 — yoʻl yotiq chiziqlari bilan belgilanadi.
Oʻquv avtodromining boshlangʻich va yakuniy chiziqlarining kengligi 0,10 metr boʻlgan sariq uzuq-uzuq chiziq bilan belgilanadi.
25. “START” va “FINISH” chiziqlarini kengligi 0,4 metr boʻlgan oq chiziq bilan belgilanadi.
Start chizigʻidan keyin 1,0 metr masofada “START” yozuvi belgilanadi.
“Harakatni yakunlash (Finish)” chizigʻidan keyin 1,0 metr masofada “FINISH” yozuvi belgilanadi.
26. “BE”, “CE”, “DE” toifalari uchun mashqlarni bajarishga ajratilgan maydon quyidagi sxemada nazarda tutilgan:
Vazir P. BOBOJONOV
Oʻzbekiston Mudofaasiga koʻmaklashuvchi “Vatanparvar” tashkiloti Markaziy Kengashi raisi X. BATIROV
Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV
Oʻzbekiston Savdo-sanoat palatasi raisi D. VAXABOV
Transport vaziri I. MAXKAMOV
Oʻzbekiston Respublikasi qurilish va uy-joy kommunal xoʻjaligi vaziri B. ZAKIROV
Favqulodda vaziyatlar vaziri A. KULDASHEV
Oliy taʼlim, fan va innovatsiyalar vazirining birinchi oʻrinbosari K. KARIMOV
Toshkent sh.,
2024-yil 18-yanvar,
2024-yil 10-yanvar
2024-yil 10-yanvar
2024-yil 9-yanvar
2024-yil 8-yanvar
2024-yil 5-yanvar
2023-yil 30-dekabr
2024-yil 3-yanvar
27-son