📅 2024-yil 7-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 7 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 7 февраля 2024 г. · Указы Президента
Официальный текст. Официальный документ. Редакционные примечания не включены.
📅 7 February 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Президентининг 1999 йил 10 июндаги «Зулфия номидаги Давлат мукофотини таъсис этиш бўйича таклифларни қўллаб-қувватлаш тўғрисида»ги ПФ-2326-сон Фармонига ахборот технологиялари йўналишида алоҳида ютуқларга эришган иқтидорли қизларни қўллаб-қувватлашга қаратилган ўзгартиришлар киритиш ҳақида
Мамлакатимизда хотин-қизларнинг ижтимоий-сиёсий фаоллигини ошириш, уларнинг турли соҳаларда ўз имкониятларини рўёбга чиқариши учун шарт-шароитлар яратиш, ижтимоий ҳаётда фаоллик кўрсатаётган хотин-қизларни муносиб рағбатлантириш борасида изчил ислоҳотлар амалга оширилмоқда.
Хотин-қизлар ўртасида рақамли кўникмаларни шакллантириш, уларнинг ахборот технологиялари соҳасидаги, шу жумладан IT хизматларини кўрсатиш, дастурий маҳсулотлар ишлаб чиқишдаги улушини оширишга алоҳида эътибор қаратилмоқда.
Ўзбекистон Республикаси Президентининг 2022 йил 22 августдаги «2022-2023 йилларда ахборот-коммуникация технологиялари соҳасини янги босқичга олиб чиқиш чора-тадбирлари тўғрисида»ги ПҚ-357-сон қарори ижросини таъминлаш ҳамда ахборот технологиялари йўналишида алоҳида ютуқларга эришган иқтидорли қизларнинг муносиб тақдирлаб борилишини йўлга қўйиш мақсадида:
1. Ўзбекистон Республикаси Президентининг 1999 йил 10 июндаги «Зулфия номидаги Давлат мукофотини таъсис этиш бўйича таклифларни қўллаб-қувватлаш тўғрисида»ги ПФ-2326-сон Фармонига иловага мувофиқ қуйидагиларни назарда тутувчи ўзгартиришлар киритилсин:
ахборот технологиялари йўналишида алоҳида ютуқларга эришган иқтидорли қизларни Зулфия номидаги Давлат мукофоти билан тақдирлаб бориш;
Зулфия номидаги Давлат мукофоти билан тақдирлаб бориш билан боғлиқ харажатларнинг молиялаштириш манбаларини белгилаш.
2. Вазирлик ва идоралар Зулфия номидаги Давлат мукофоти комиссиясига тақдим этилган барча номзодларга тегишли йўналиши бўйича иқтидорини янада ривожлантиришга қаратилган имконият ва шароитлар яратиш, шу жумладан уларнинг халқаро ва республика миқёсидаги тадбирларда иштирок этиши, номзодларни вазирлик ва идоранинг истиқболли кадрлар захирасига киритиш бўйича зарур чоралар кўрсин.
Оила ва хотин-қизлар қўмитаси мазкур банднинг биринчи хатбошисида назарда тутилган тадбирларни амалга ошириш ишларини мувофиқлаштириш учун масъул этиб белгилансин.
3. Оила ва хотин-қизлар қўмитаси икки ой муддатда Зулфия номидаги Давлат мукофотига талабгорларни танлаш ва уларнинг ҳужжатларини тақдим этиш тартибини, белгиланган йўналишлар бўйича ғолибларни аниқлашнинг мезонларини назарда тутувчи Ҳукумат қарори лойиҳасини Вазирлар Маҳкамасига киритсин.
4. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 7 февралдаги ПФ-34-сон Фармонига ИЛОВА
Ўзбекистон Республикаси Президентининг 1999 йил 10 июндаги «Зулфия номидаги Давлат мукофотини таъсис этиш бўйича таклифларни қўллаб-қувватлаш тўғрисида»ги ПФ-2326-сон Фармонига киритилаётган ўзгартиришлар
1. Муқаддимадаги «ёшларнинг адабиёт, санъат, фан ва маданиятни ривожлантиришдаги» сўзлари «ёшларнинг таълим, фан, адабиёт, маданият, санъат, спорт, ахборот технологияларини ривожлантириш ва жамоатчилик фаолиятидаги» сўзлари билан алмаштирилсин.
2. 2-бандда :
а) иккинчи хатбоши қуйидаги таҳрирда баён этилсин:
«Зулфия номидаги Давлат мукофоти таълим, фан, адабиёт, маданият, санъат, спорт, ахборот технологиялари соҳалари ва жамоатчилик фаолиятида алоҳида ютуқларга эришган ўн тўрт ёшга тўлган ва ўттиз ёшдан ошмаган иқтидорли хотин-қизларга берилади»;
б) тўртинчи хатбошидаги «умумий ўрта, ўрта махсус, касб-ҳунар таълими муассасаларининг Зулфия номидаги Давлат мукофоти лауреатлари» сўзлари «умумий ўрта, ўрта махсус, профессионал таълим муассасаларининг Зулфия номидаги Давлат мукофоти совриндорлари» сўзлари билан алмаштирилсин.
3. 5 ва 6-бандлар қуйидаги таҳрирда баён этилсин:
«5. Зулфия номидаги Давлат мукофоти комиссияси Оила ва хотин-қизлар қўмитаси ҳузурида жамоатчилик асосида фаолият кўрсатиши ҳамда унга Ўзбекистон Республикаси Бош вазири ўринбосари — Оила ва хотин-қизлар қўмитаси раиси раҳбарлик қилиши белгилаб қўйилсин.
6. Белгилансинки, Зулфия номидаги Давлат мукофотини бериш, унинг кўкрак нишонлари ва дипломини тайёрлаш билан боғлиқ сарф-харажатлар Оила ва хотин-қизларни қўллаб-қувватлаш давлат мақсадли жамғармаси маблағлари ҳисобидан амалга оширилади».
4. 1-иловада :
а) 1-банднинг биринчи хатбошиси қуйидаги таҳрирда баён этилсин:
«1. Зулфия номидаги Давлат мукофоти таълим, фан, адабиёт, маданият, санъат, спорт, ахборот технологиялари соҳалари ва жамоатчилик фаолиятида алоҳида ютуқларга эришган ўн тўрт ёшга тўлган ва ўттиз ёшдан ошмаган иқтидорли хотин-қизларга берилади»;
б) 2-банд қуйидаги таҳрирда баён этилсин:
«2. Зулфия номидаги Давлат мукофотини олиш учун талабгорнинг сўнгги уч йил мобайнидаги ибратли фаолияти, таълим, фан, адабиёт, маданият, санъат, спорт, ахборот технологиялари соҳалари ва жамоатчилик фаолиятидаги алоҳида ютуқларига оид ҳужжатлар тақдим этилади.
Ҳужжатларни тақдим этиш ва расмийлаштириш тартиби Оила ва хотин-қизлар қўмитаси ҳузуридаги Зулфия номидаги Давлат мукофоти комиссияси томонидан белгиланади».
5. 2-илованинг 1 ва 2-бандлари қуйидаги таҳрирда баён этилсин:
«1. Оила ва хотин-қизлар қўмитаси ҳузуридаги Зулфия номидаги Давлат мукофоти комиссияси (кейинги ўринларда Комиссия деб аталади) таълим, фан, адабиёт, маданият, санъат, спорт, ахборот технологиялари ва бошқа соҳалардаги энг нуфузли арбоблардан, ижодий уюшмалар, нодавлат нотижорат ташкилотлар, таълим, маданият ва спорт муассасаларининг таниқли вакилларидан ташкил топади ва унинг таркиби ҳар тўрт йилда учдан икки қисми янгиланиши назарда тутилган ҳолда Вазирлар Маҳкамаси томонидан тасдиқланади. Мазкур Комиссия аъзолари жамоатчилик асосида ишлайдилар.
2. Комиссияга Ўзбекистон Республикаси Бош вазири ўринбосари — Оила ва хотин-қизлар қўмитаси раиси раҳбарлик қилади».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 7 февраль,
ПФ-34-сон
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining 1999-yil 10-iyundagi “Zulfiya nomidagi Davlat mukofotini taʼsis etish boʻyicha takliflarni qoʻllab-quvvatlash toʻgʻrisida”gi PF-2326-son Farmoniga axborot texnologiyalari yoʻnalishida alohida yutuqlarga erishgan iqtidorli qizlarni qoʻllab-quvvatlashga qaratilgan oʻzgartirishlar kiritish haqida
Mamlakatimizda xotin-qizlarning ijtimoiy-siyosiy faolligini oshirish, ularning turli sohalarda oʻz imkoniyatlarini roʻyobga chiqarishi uchun shart-sharoitlar yaratish, ijtimoiy hayotda faollik koʻrsatayotgan xotin-qizlarni munosib ragʻbatlantirish borasida izchil islohotlar amalga oshirilmoqda.
Xotin-qizlar oʻrtasida raqamli koʻnikmalarni shakllantirish, ularning axborot texnologiyalari sohasidagi, shu jumladan IT xizmatlarini koʻrsatish, dasturiy mahsulotlar ishlab chiqishdagi ulushini oshirishga alohida eʼtibor qaratilmoqda.
Oʻzbekiston Respublikasi Prezidentining 2022-yil 22-avgustdagi “2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari toʻgʻrisida”gi PQ-357-son qarori ijrosini taʼminlash hamda axborot texnologiyalari yoʻnalishida alohida yutuqlarga erishgan iqtidorli qizlarning munosib taqdirlab borilishini yoʻlga qoʻyish maqsadida:
1. Oʻzbekiston Respublikasi Prezidentining 1999-yil 10-iyundagi “Zulfiya nomidagi Davlat mukofotini taʼsis etish boʻyicha takliflarni qoʻllab-quvvatlash toʻgʻrisida”gi PF-2326-son Farmoniga ilovaga muvofiq quyidagilarni nazarda tutuvchi oʻzgartirishlar kiritilsin:
axborot texnologiyalari yoʻnalishida alohida yutuqlarga erishgan iqtidorli qizlarni Zulfiya nomidagi Davlat mukofoti bilan taqdirlab borish;
Zulfiya nomidagi Davlat mukofoti bilan taqdirlab borish bilan bogʻliq xarajatlarning moliyalashtirish manbalarini belgilash.
2. Vazirlik va idoralar Zulfiya nomidagi Davlat mukofoti komissiyasiga taqdim etilgan barcha nomzodlarga tegishli yoʻnalishi boʻyicha iqtidorini yanada rivojlantirishga qaratilgan imkoniyat va sharoitlar yaratish, shu jumladan ularning xalqaro va respublika miqyosidagi tadbirlarda ishtirok etishi, nomzodlarni vazirlik va idoraning istiqbolli kadrlar zaxirasiga kiritish boʻyicha zarur choralar koʻrsin.
Oila va xotin-qizlar qoʻmitasi mazkur bandning birinchi xatboshisida nazarda tutilgan tadbirlarni amalga oshirish ishlarini muvofiqlashtirish uchun masʼul etib belgilansin.
3. Oila va xotin-qizlar qoʻmitasi ikki oy muddatda Zulfiya nomidagi Davlat mukofotiga talabgorlarni tanlash va ularning hujjatlarini taqdim etish tartibini, belgilangan yoʻnalishlar boʻyicha gʻoliblarni aniqlashning mezonlarini nazarda tutuvchi Hukumat qarori loyihasini Vazirlar Mahkamasiga kiritsin.
4. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 7-fevraldagi PF-34-son Farmoniga ILOVA
Oʻzbekiston Respublikasi Prezidentining 1999-yil 10-iyundagi “Zulfiya nomidagi Davlat mukofotini taʼsis etish boʻyicha takliflarni qoʻllab-quvvatlash toʻgʻrisida”gi PF-2326-son Farmoniga kiritilayotgan oʻzgartirishlar
1. Muqaddimadagi “yoshlarning adabiyot, sanʼat, fan va madaniyatni rivojlantirishdagi” soʻzlari “yoshlarning taʼlim, fan, adabiyot, madaniyat, sanʼat, sport, axborot texnologiyalarini rivojlantirish va jamoatchilik faoliyatidagi” soʻzlari bilan almashtirilsin.
2. 2-bandda :
a) ikkinchi xatboshi quyidagi tahrirda bayon etilsin:
“Zulfiya nomidagi Davlat mukofoti taʼlim, fan, adabiyot, madaniyat, sanʼat, sport, axborot texnologiyalari sohalari va jamoatchilik faoliyatida alohida yutuqlarga erishgan oʻn toʻrt yoshga toʻlgan va oʻttiz yoshdan oshmagan iqtidorli xotin-qizlarga beriladi”;
b) toʻrtinchi xatboshidagi “umumiy oʻrta, oʻrta maxsus, kasb-hunar taʼlimi muassasalarining Zulfiya nomidagi Davlat mukofoti laureatlari” soʻzlari “umumiy oʻrta, oʻrta maxsus, professional taʼlim muassasalarining Zulfiya nomidagi Davlat mukofoti sovrindorlari” soʻzlari bilan almashtirilsin.
3. 5 va 6-bandlar quyidagi tahrirda bayon etilsin:
“5. Zulfiya nomidagi Davlat mukofoti komissiyasi Oila va xotin-qizlar qoʻmitasi huzurida jamoatchilik asosida faoliyat koʻrsatishi hamda unga Oʻzbekiston Respublikasi Bosh vaziri oʻrinbosari — Oila va xotin-qizlar qoʻmitasi raisi rahbarlik qilishi belgilab qoʻyilsin.
6. Belgilansinki, Zulfiya nomidagi Davlat mukofotini berish, uning koʻkrak nishonlari va diplomini tayyorlash bilan bogʻliq sarf-xarajatlar Oila va xotin-qizlarni qoʻllab-quvvatlash davlat maqsadli jamgʻarmasi mablagʻlari hisobidan amalga oshiriladi”.
4. 1-ilovada :
a) 1-bandning birinchi xatboshisi quyidagi tahrirda bayon etilsin:
“1. Zulfiya nomidagi Davlat mukofoti taʼlim, fan, adabiyot, madaniyat, sanʼat, sport, axborot texnologiyalari sohalari va jamoatchilik faoliyatida alohida yutuqlarga erishgan oʻn toʻrt yoshga toʻlgan va oʻttiz yoshdan oshmagan iqtidorli xotin-qizlarga beriladi”;
b) 2-band quyidagi tahrirda bayon etilsin:
“2. Zulfiya nomidagi Davlat mukofotini olish uchun talabgorning soʻnggi uch yil mobaynidagi ibratli faoliyati, taʼlim, fan, adabiyot, madaniyat, sanʼat, sport, axborot texnologiyalari sohalari va jamoatchilik faoliyatidagi alohida yutuqlariga oid hujjatlar taqdim etiladi.
Hujjatlarni taqdim etish va rasmiylashtirish tartibi Oila va xotin-qizlar qoʻmitasi huzuridagi Zulfiya nomidagi Davlat mukofoti komissiyasi tomonidan belgilanadi”.
5. 2-ilovaning 1 va 2-bandlari quyidagi tahrirda bayon etilsin:
“1. Oila va xotin-qizlar qoʻmitasi huzuridagi Zulfiya nomidagi Davlat mukofoti komissiyasi (keyingi oʻrinlarda Komissiya deb ataladi) taʼlim, fan, adabiyot, madaniyat, sanʼat, sport, axborot texnologiyalari va boshqa sohalardagi eng nufuzli arboblardan, ijodiy uyushmalar, nodavlat notijorat tashkilotlar, taʼlim, madaniyat va sport muassasalarining taniqli vakillaridan tashkil topadi va uning tarkibi har toʻrt yilda uchdan ikki qismi yangilanishi nazarda tutilgan holda Vazirlar Mahkamasi tomonidan tasdiqlanadi. Mazkur Komissiya aʼzolari jamoatchilik asosida ishlaydilar.
2. Komissiyaga Oʻzbekiston Respublikasi Bosh vaziri oʻrinbosari — Oila va xotin-qizlar qoʻmitasi raisi rahbarlik qiladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 7-fevral,
PF-34-son
Президента Республики Узбекистан
Указ
О внесении изменений в Указ Президента Республики Узбекистан от 10 июня 1999 года № УП-2326 «О поддержке предложений по учреждению Государственной премии имени Зульфии», направленных на поддержку одаренных девушек, добившихся особых успехов в направлении информационных технологий
В стране осуществляются последовательные реформы по повышению общественно-политической активности женщин, созданию условий для реализации ими своих возможностей в различных сферах, достойному поощрению женщин, демонстрирующих активность в общественной жизни.
Особое внимание уделяется формированию у женщин цифровых навыков, а также увеличению их доли в сфере информационных технологий, в том числе по оказанию IT-услуг, производству программных продуктов.
В целях обеспечения исполнения постановления Президента Республики Узбекистан от 22 августа 2022 года № ПП-357 «О мерах по поднятию на новый уровень сферы информационно-коммуникационных технологий в 2022-2023 годах» и налаживания достойного награждения одаренных девушек, добившихся особых успехов в направлении информационных технологий:
1. Внести изменения в Указ Президента Республики Узбекистан от 10 июня 1999 года № УП-2326 «О поддержке предложений по учреждению Государственной премии имени Зульфии» согласно приложению , предусматривающие:
награждение Государственной премией имени Зульфии одаренных девушек, добившихся особых успехов в направлении информационных технологий;
определение источников финансирования расходов, связанных с награждением Государственной премией имени Зульфии.
2. Министерствам и ведомствам принять необходимые меры по созданию для всех кандидатов, представленных в комиссию по Государственной премии имени Зульфии, возможностей и условий, направленных на дальнейшее развитие таланта в соответствующем направлении, в том числе их участию в мероприятиях международного и республиканского уровней, включению кандидатов в резерв перспективных кадров министерств и ведомств.
Возложить на Комитет семьи и женщин ответственность за координацию работ по осуществлению мероприятий, предусмотренных в абзаце первом настоящего пункта.
3. Комитету семьи и женщин в двухмесячный срок внести в Кабинет Министров проект постановления Правительства, предусматривающего порядок отбора соискательниц на Государственную премию имени Зульфии и представления их документов, критерии выявления победителей по определенным направлениям.
4. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 7 февраля 2024 года № УП-34
Изменения, вносимые в Указ Президента Республики Узбекистан от 10 июня 1999 года № УП-2326 «О поддержке предложений по учреждению Государственной премии имени Зульфии»
1. В преамбуле слова «в развитии литературы, искусства, науки и культуры» заменить словами «в развитии образования, науки, литературы, культуры, искусства, спорта, информационных технологий и общественной деятельности».
2. В пункте 2 :
а) абзац второй изложить в следующей редакции:
«Государственная премия имени Зульфии присуждается одаренным женщинам в возрасте от четырнадцати до тридцати лет включительно, достигшим особых успехов в сферах образования, науки, литературы, культуры, искусства, спорта, информационных технологий и общественной деятельности»;
б) в абзаце четвертом текста на государственном языке слова «умумий ўрта, ўрта махсус, касб-ҳунар таълими муассасаларининг Зулфия номидаги Давлат мукофоти лауреатлари» заменить словами «умумий ўрта, ўрта махсус, профессионал таълим муассасаларининг Зулфия номидаги Давлат мукофоти совриндорлари».
3. Пункты 5 и 6 изложить в следующей редакции:
«5. Определить, что Комиссия по Государственной премии имени Зульфии осуществляет свою деятельность при Комитете семьи и женщин на общественных началах и руководит ею заместитель Премьер-министра Республики Узбекистан — председатель Комитета семьи и женщин.
6. Установить, что расходы по присуждению Государственной премии имени Зульфии, изготовлению ее нагрудного знака и диплома осуществляются за счет средств Государственного целевого фонда по поддержке семьи и женщин».
4. В приложении № 1 :
а) абзац первый пункта 1 изложить в следующей редакции:
«1. Государственная премия имени Зульфии присуждается одаренным женщинам в возрасте от четырнадцати до тридцати лет включительно, достигшим особых успехов в сферах образования, науки, литературы, культуры, искусства, спорта, информационных технологий и общественной деятельности»;
б) пункт 2 изложить в следующей редакции:
«2. На получение Государственной премии имени Зульфии представляются документы о примерной деятельности соискательницы, ее особых достижениях в сферах образования, науки, литературы, культуры, искусства, спорта, информационных технологий и общественной деятельности за последние три года.
Порядок представления и оформления документов определяется Комиссией по Государственной премии имени Зульфии при Комитете семьи и женщин».
5. Пункты 1 и 2 приложения № 2 изложить в следующей редакции:
«1. Комиссия по Государственной премии имени Зульфии (далее — Комиссия) при Комитете семьи и женщин состоит из авторитетных деятелей в сферах образования, науки, литературы, культуры, искусства, спорта, информационных технологий и других сфер, видных представителей творческих союзов, негосударственных некоммерческих организаций, учреждений образования, культуры и спорта и состав Комиссии утверждается Кабинетом Министров с учетом обновления двух третей ее членов каждые четыре года. Члены данной Комиссии ведут работу на общественных началах.
2. Руководит Комиссией заместитель Премьер-министра Республики Узбекистан — председатель Комитета семьи и женщин».
Президент Республики Узбекистан Ш. МИРЗИЁЕВ
г. Ташкент,
7 февраля 2024 г.,
№ УП-34