UzbekAI

Ўзбекистон Республикаси Президентининг

қарори

РЕСПУБЛИКА ШТАБИ ТАРКИБИ

ЧОРА-ТАДБИРЛАР РЕЖАСИ

Мактабгача ва умумий ўрта таълим соҳаси объектларини барпо этишда буюртмачи хизмати фаолиятини янада такомиллаштириш чора-тадбирлари тўғрисида

Мактабгача ва умумий ўрта таълим соҳасига ажратилган маблағлардан самарали фойдаланиш ва уларни иқтисод қилиш, келгусида мактабгача таълим ташкилотлари, умумтаълим ва ихтисослаштирилган мактабларни сақлаш харажатларини қисқартириш мақсадида:

1. Иқтисодиёт ва молия вазирлиги, Қурилиш ва уй-жой коммунал хўжалиги вазирлиги ҳамда Мактабгача ва мактаб таълими вазирлигининг:

Қурилиш ва уй-жой коммунал хўжалиги вазирлиги ҳузурида давлат муассасаси шаклида Инфратузилмани ривожлантириш инжиниринг компаниясини (кейинги ўринларда — Компания) ташкил этиш;

Ўзбекистон Республикаси Президентининг 2023 йил 25 декабрдаги ПҚ-404-сон қарори билан тасдиқланган 2024 — 2026 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури (кейинги ўринларда — Дастур) доирасида Компания мактабгача таълим ташкилотлари, умумтаълим ва ихтисослаштирилган мактабларни (кейинги ўринларда — объектлар) қуриш, реконструкция қилиш ва капитал таъмирлаш бўйича буюртмачи вазифасини бажариши;

Компанияга Дастур доирасида тасдиқланган лойиҳа-смета ҳужжатлари асосида объектлар учун марказлашган ҳолда асосий қурилиш материаллари, жиҳозлар ва конструкцияларни (қурилиш жараёни билан боғлиқ бўлмаган мебель жиҳозлари ва асбоб-ускуналар бундан мустасно) харид қилиш ҳуқуқини бериш тўғрисидаги таклифларига розилик берилсин.

2. Мактабгача таълим ташкилотлари, умумтаълим ва ихтисослаштирилган мактабларни қуриш ишларини мувофиқлаштириш бўйича республика штаби (кейинги ўринларда — Республика штаби) таркиби 1-иловага мувофиқ тасдиқлансин.

Қуйидагилар Республика штабининг асосий вазифалари этиб белгилансин:

ташкил этилаётган Компания фаолиятини йўлга қўйиш, молиялаштириш ва сақлаш, шу жумладан Компания зиммасига юкланган функцияларнинг ўз вақтида ва сифатли амалга оширилиши учун зарур шарт-шароитлар яратиш;

объектлар қурилишига ажратилаётган маблағлардан самарали фойдаланиш ҳамда ортиқча харажатларни қисқартириш орқали маблағларни иқтисод қилиш бўйича зарур чораларни кўриш;

Компания томонидан объектлар учун марказлашган ҳолда қурилиш материаллари, жиҳозлар ва конструкцияларни харид қилиш ҳамда ўз вақтида етказиб беришда юзага келадиган муаммоли масалаларни тезкор ҳал этиб бориш;

объектларда лойиҳалаштириш ва қурилиш-монтаж ишларини бажариш ҳажми ва муддатлари бўйича доимий равишда Компания ва масъулларнинг ҳисоботини эшитиб бориш;

Дастур доирасида иқтисод қилинган маблағлар ҳисобига янги ва қўшимча объектларни қуриб, фойдаланишга топшириш бўйича манзилли дастурни тасдиқлаш ва ижросини назорат қилиш;

объектлардаги қурилиш, реконструкция қилиш ва капитал таъмирлаш ишларининг ҳолатини ҳар ойда муҳокама қилиб бориш.

3. Шундай тартиб жорий этилсинки, унга мувофиқ:

а) Компания объектларни қуриш, реконструкция қилиш ва капитал таъмирлаш учун:

харидларни амалга ошириш доирасида маҳсулотлар ва хизматларни топиш ва баҳолаш, ишлаб чиқарувчи ва етказиб берувчилар билан музокаралар олиб бориш ҳамда маҳсулотлар сифатини пасайтирмаган ҳолда тежамкор битимлар тузилишини таъминлайди;

харид қилинган қурилиш материаллари, жиҳозлар ва конструкцияларни объектларга тўғридан-тўғри етказиб беради ҳамда пудратчиларга топширади;

б) Компания объектларнинг сифатини мунтазам назорат қилиб бориш мақсадида ҳудудлар кесимида ҳар бешта объектга камида битта техник назорат ходимини бириктиради;

в) Компанияга:

объектлар учун зарур бўлган қурилиш материаллари, жиҳозлар ва конструкциялар ишлаб чиқарувчилар таклифлари ўртача биржа нархларидан 20 фоиз арзон бўлган тақдирда, истисно тариқасида, тендер (танлов) савдоларини ўтказмасдан, энг яхши таклифлар орасидан танлаб олиш орқали товарларни тўғридан-тўғри харид қилиш;

асосланган ҳисоб-китобларга кўра объектлар учун зарур бўлган қурилиш материаллари, жиҳозлар ва конструкцияларни харид қилиш (етказиб бериш) учун олдиндан 30 фоиз аванс (бўнак) ажратиш;

ҳудудларда зарур инфратузилмага эга омборхоналар ташкил этиш учун тендер (танлов) савдоларини ўтказмасдан, энг яхши таклифлар орасидан танлаб олиш орқали тўғридан-тўғри ижара шартномаларини тузиш;

марказлашган ҳолда етказиб бериладиган қурилиш материаллари, жиҳозлар ва конструкциялардан ташқари, тасдиқланган лойиҳа-смета ҳужжатлари доирасида зарур қўшимча товарларни харид қилиш учун, кейинчалик уларнинг қийматини бажарилган ишлар учун ҳисоб-китоб қилиш шарти билан бош пудрат ташкилотларига тегишли маблағларни ажратиш;

маҳаллий ва хорижий бошқарувчи, маслаҳатчиларни (PMC — Project Management Consultancy) тендер (танлов) савдоларини ўтказмасдан, энг яхши таклифлар орасидан танлаб олиш ва тўғридан-тўғри шартнома тузиш орқали жалб қилиш ҳуқуқи берилади.

4. Белгилансинки:

а) Компаниянинг фаолиятини молиялаштириш, шу жумладан сақлаш, моддий-техника базасини мустаҳкамлаш ҳамда маҳаллий ва хорижий маслаҳатчиларни жалб қилиш харажатлари Дастур доирасида ажратилган маблағларнинг 1 фоиздан кам бўлмаган қисми ҳисобидан амалга оширилади;

б) Дастур доирасида аввалги йилларда бошланган йилдан-йилга ўтувчи объектлар бўйича буюртмачи функцияларини тегишлича Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузуридаги «Ягона буюртмачи хизмати» инжиниринг компаниялари бажаради;

в) объектлар бўйича минимал рейтинг талабларини тўғри белгилаш мақсадида уларнинг бошланғич қиймати Компания томонидан харид қилинадиган қурилиш материаллари, жиҳозлар ва конструкцияларнинг лойиҳа-смета ҳужжатларидаги қиймати билан бирга ҳисобланади;

г) объектларни қуриш, реконструкция қилиш ва капитал таъмирлаш бўйича пудрат ташкилотлари танлови учун «Шаффоф қурилиш» миллий ахборот тизимининг электрон тендер платформасида:

эълон шартларини белгилашда марказлашган тартибда харид қилинадиган қурилиш материаллари, жиҳозлар ва конструкциялар ҳажми ва қиймати Компаниянинг харажатларини инобатга олган ҳолда алоҳида қатор билан жойлаштирилади;

жойлаштирилган эълонларда объектларнинг бошланғич қийматидан Компания томонидан харид қилинадиган қурилиш материаллари, жиҳозлар ва конструкцияларнинг лойиҳа-смета ҳужжатларидаги қиймати айрилади. Бунда, бош пудратчининг тўғридан-тўғри харажатга ҳисобланган харажатлари суммаси тўлиқ сақланади;

д) объектлар ҳудудидаги муҳандислик-коммуникация тармоқларини кўчириш, шунингдек, ичимлик ва оқова сув таъминоти, электр, газ ва алоқа тармоқларини тортиб келиш тадбирлари тегишлилиги бўйича «Ўзсувтаъминот» АЖ, «Ҳудудий электр тармоқлари» АЖ, «Ҳудудгазтаъминот» АЖ ва «Ўзбектелеком» АК томонидан маҳаллий бюджетларда ушбу мақсадларга мўлжалланган маблағлар ҳамда уларнинг қўшимча манбалари ҳисобидан амалга оширилади.

5. Мактабгача таълим ташкилотлари, умумтаълим ва ихтисослаштирилган мактабларни лойиҳалаштириш, қурилиш-монтаж ва молиялаштириш ишларини самарали ташкил этиш бўйича чора-тадбирлар режаси 2-иловага мувофиқ тасдиқлансин.

6. Бош прокурор ўринбосари С.И. Самадов Дастур доирасида объектларни қуриш, реконструкция қилиш ва капитал таъмирлаш учун ажратилган маблағларнинг мақсадли сарфланиши устидан доимий назорат ўрнатсин.

7. Қурилиш ва уй-жой коммунал хўжалиги вазирлиги Иқтисодиёт ва молия вазирлиги, Адлия вазирлиги билан биргаликда 2024 йил якунига қадар объектларни қуриш бўйича ўтказилган тажриба-синов самарадорлиги таҳлили натижаларидан келиб чиқиб:

заруратга кўра мазкур амалиётни ижтимоий ва ишлаб чиқариш инфратузилмасини ривожлантириш дастурлари доирасида бошқа соҳа объектларига нисбатан жорий этиш;

бюджет маблағлари ҳисобидан молиялаштириладиган ижтимоий ва инфратузилма объектлари қурилишига оид қонунчилик ҳужжатларига тегишли ўзгартириш ва қўшимчалар киритиш юзасидан таклифларни Вазирлар Маҳкамасига киритсин.

8. Мазкур қарор ижросини самарали ташкил қилиш учун масъул ва шахсан жавобгар этиб қурилиш ва уй-жой коммунал хўжалиги вазири вазифасини вақтинча бажарувчи Ш.С. Ҳидоятов белгилансин.

Қарор ижросини муҳокама қилиб бориш, вазифалар ижросига масъул вазирликлар, идоралар ва маҳаллий ҳокимликлар фаолиятини мувофиқлаштириш ҳамда назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президентининг 2024 йил 8 февралдаги ПҚ-65-сон қарорига 1-ИЛОВА

Мактабгача таълим ташкилотлари, умумтаълим ва ихтисослаштирилган мактаблар қурилиши ишларини мувофиқлаштириш бўйича

1. А.Н. Арипов — Ўзбекистон Республикасининг Бош вазири, Республика штаби раҳбари 2. Ж.А. Қўчқоров — Бош вазир ўринбосари — иқтисодиёт ва молия вазири, Республика штаби раҳбари ўринбосари 3. Лавозимига кўра — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари 4. А.М. Бобоев — Ҳисоб палатаси раиси 5. С.И. Самадов — Бош прокурор ўринбосари 6. Ш.С. Ҳидоятов — қурилиш ва уй-жой коммунал хўжалиги вазири в.в.б. 7. Х.У. Умарова — мактабгача ва мактаб таълими вазири 8. Ш.Х. Шерматов — рақамли технологиялар вазири 9. И.Р. Маҳкамов — транспорт вазири 10. Ж.Т. Мирзамаҳмудов — энергетика вазири 11. А.Д. Ташкулов — адлия вазири 12. А.Ж. Ортиков — Давлат активларини бошқариш агентлиги директори 13. И.И. Норқулов — иқтисодиёт ва молия вазирининг биринчи ўринбосари 14. Ф.Ж. Пулатов — Иқтисодиёт ва молия вазирлиги ҳузуридаги Кадастр агентлиги директори 15. М.Б. Жуманиязов — Вазирлар Маҳкамаси котибият мудири, Республика штаби котиби

Ўзбекистон Республикаси Президентининг 2024 йил 8 февралдаги ПҚ-65-сон қарорига 2-ИЛОВА

Мактабгача таълим ташкилотлари, умумтаълим ва ихтисослаштирилган мактабларни лойиҳалаштириш, қурилиш-монтаж ва молиялаштириш ишларини самарали ташкил этиш бўйича

Т/р Чора-тадбирлар Амалга ошириш муддати Масъул ижрочилар 1. «Инфратузилмани ривожлантириш инжиниринг компанияси» давлат муассасасининг (кейинги ўринларда — Компания) раҳбарлик лавозимларига соҳада юқори тажриба ва замонавий билимларга эга номзодлар бўйича Вазирлар Маҳкамасига таклифлар киритиш. 2024 йил 20 февраль Қурилиш ва уй-жой коммунал хўжалиги вазирлиги, Мактабгача ва мактаб таълими вазирлиги 2. Компаниянинг тузилмаси, харажатлар сметаси, штатлар жадвали, устави ва ҳудудларда фаолиятини ташкил этиш тартибини белгиланган тартибда тасдиқлаш. 2024 йил 1 март Қурилиш ва уй-жой коммунал хўжалиги вазирлиги, Иқтисодиёт ва молия вазирлиги 3. Компанияни тўлақонли фаолият юритиши учун Қурилиш ва уй-жой коммунал хўжалиги вазирлиги ҳамда унинг ҳудудий бўлинмалари биноларида зарур шарт-шароитларга эга бўлган хоналарга вақтинчалик текин фойдаланиш ҳуқуқи билан жойлаштириш. 2024 йил 1 март Қурилиш ва уй-жой коммунал хўжалиги вазирлиги, Давлат активларини бошқариш агентлиги 4. Объектларни қуриш ва реконструкция қилиш бўйича бош пудрат ташкилоти билан тузиладиган намунавий пудрат шартномаси лойиҳасини ишлаб чиқиш. 2024 йил 1 апрель Қурилиш ва уй-жой коммунал хўжалиги вазирлиги, Иқтисодиёт ва молия вазирлиги, Адлия вазирлиги 5. Компания объектларида техник назоратни олиб боришга шаҳарсозлик фаолияти соҳасида камида уч йиллик иш тажрибасига эга бўлган мутахассислар (техник назоратчилар)ни жалб қилиш. 2024 йил 1 апрель Қурилиш ва уй-жой коммунал хўжалиги вазирлиги 6. Компаниянинг объектлари бўйича лойиҳа-смета ҳужжатлари қисқа муддатларда экспертизадан ўтказилишини таъминлаш. Қурилиш-монтаж ишларини амалга оширишда техник жиҳатдан тартибга солиш соҳасидаги норматив ҳужжатлар талабларига қатъий риоя этилиши устидан давлат назоратини ўрнатиш. Доимий равишда Қурилиш ва уй-жой коммунал хўжалиги вазирлиги, Шаҳарсозлик ҳужжатларини экспертиза қилиш республика маркази, Қурилиш ва уй-жой коммунал хўжалиги соҳасида назорат қилиш инспекцияси 7. Мактабгача ва мактаб таълими вазирлиги тизимидаги «Ихтисослаштирилган лойиҳа-изланиш институти» ДУКни жалб этган ҳолда янги барпо этиладиган мактабгача таълим ташкилотлари ва умумтаълим мактабларининг амалдаги лойиҳаларини қайта кўриб чиқиш, энергия тежамкор қурилиш материалларини қўллаган ҳолда намунавий лойиҳа ечимларини ишлаб чиқиш. Бунда, бино ва иншоотларга қўйиладиган минимал функционал ва эксплуатация талабларини, шу жумладан замонавий ресурс тежовчи технологияларни жорий этиш ва объектлардан фойдаланиш харажатларини оптималлаштиришга алоҳида эътибор қаратиш. 2024 йил 1 апрель Қурилиш ва уй-жой коммунал хўжалиги вазирлиги, Мактабгача ва мактаб таълими вазирлиги 8. Объектлар қурилишини молиялаштиришда Компания томонидан етказиб бериладиган қурилиш материаллари, жиҳозлар ва конструкциялар хариди харажатлари ва пудрат ташкилотларининг қурилиш-монтаж ишлари пропорционал равишда молиялаштирилишини ташкил этиш. Ҳар ойда Иқтисодиёт ва молия вазирлиги 9. Дастур доирасида мактабгача ва умумий ўрта таълим соҳасида ажратилган маблағларнинг иқтисод қилинган қисмини янги ва қўшимча 330 ўринли умумтаълим мактабларини қуриш ва реконструкция қилишга йўналтириш бўйича таклифларни Вазирлар Маҳкамасига киритиб бориш. 2024 йил давомида, ҳар ойда Иқтисодиёт ва молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 10. Қурилиш материаллари, жиҳозлар ва конструкциялар ишлаб чиқарувчилар томонидан Компания талаби асосида зарур маҳсулотларни тўғридан-тўғри ажратиш бўйича тасдиқланган балансларга тегишли ўзгартиришлар киритиш. 2024 йил 1 март Иқтисодиёт ва молия вазирлиги, «Ўзсаноатқурилишматериаллари» уюшмаси, «Ўзметкомбинат» АЖ 11. Янги объектлар қурилиши учун ажратилган ер участкаларини Компанияга белгиланган тартибда қайта расмийлаштириш чораларини кўриш. 2024 йил 1 март Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Кадастр агентлиги Тегишлича «Ягона буюртмачи хизмати» инжиниринг компаниялари томонидан объектларни лойиҳа-қидирув ва лойиҳалаштириш билан боғлиқ барча ҳужжатлар тўпламининг белгиланган тартибда Компанияга топширилишини таъминлаш. 2024 йил 1 апрель

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 8 февраль,

ПҚ-65-сон

(Қонунчилик маълумотлари миллий базаси, 10.02.2024 й., 07/24/65/0111-сон)

lex.uz

Oʻzbekiston Respublikasi Prezidentining

qarori

RESPUBLIKA ShTABI TARKIBI

ChORA-TADBIRLAR REJASI

Maktabgacha va umumiy oʻrta taʼlim sohasi obyektlarini barpo etishda buyurtmachi xizmati faoliyatini yanada takomillashtirish chora-tadbirlari toʻgʻrisida

Maktabgacha va umumiy oʻrta taʼlim sohasiga ajratilgan mablagʻlardan samarali foydalanish va ularni iqtisod qilish, kelgusida maktabgacha taʼlim tashkilotlari, umumtaʼlim va ixtisoslashtirilgan maktablarni saqlash xarajatlarini qisqartirish maqsadida:

1. Iqtisodiyot va moliya vazirligi, Qurilish va uy-joy kommunal xoʻjaligi vazirligi hamda Maktabgacha va maktab taʼlimi vazirligining:

Qurilish va uy-joy kommunal xoʻjaligi vazirligi huzurida davlat muassasasi shaklida Infratuzilmani rivojlantirish injiniring kompaniyasini (keyingi oʻrinlarda — Kompaniya) tashkil etish;

Oʻzbekiston Respublikasi Prezidentining 2023-yil 25-dekabrdagi PQ-404-son qarori bilan tasdiqlangan 2024 — 2026-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi (keyingi oʻrinlarda — Dastur) doirasida Kompaniya maktabgacha taʼlim tashkilotlari, umumtaʼlim va ixtisoslashtirilgan maktablarni (keyingi oʻrinlarda — obyektlar) qurish, rekonstruksiya qilish va kapital taʼmirlash boʻyicha buyurtmachi vazifasini bajarishi;

Kompaniyaga Dastur doirasida tasdiqlangan loyiha-smeta hujjatlari asosida obyektlar uchun markazlashgan holda asosiy qurilish materiallari, jihozlar va konstruksiyalarni (qurilish jarayoni bilan bogʻliq boʻlmagan mebel jihozlari va asbob-uskunalar bundan mustasno) xarid qilish huquqini berish toʻgʻrisidagi takliflariga rozilik berilsin.

2. Maktabgacha taʼlim tashkilotlari, umumtaʼlim va ixtisoslashtirilgan maktablarni qurish ishlarini muvofiqlashtirish boʻyicha respublika shtabi (keyingi oʻrinlarda — Respublika shtabi) tarkibi 1-ilovaga muvofiq tasdiqlansin.

Quyidagilar Respublika shtabining asosiy vazifalari etib belgilansin:

tashkil etilayotgan Kompaniya faoliyatini yoʻlga qoʻyish, moliyalashtirish va saqlash, shu jumladan Kompaniya zimmasiga yuklangan funksiyalarning oʻz vaqtida va sifatli amalga oshirilishi uchun zarur shart-sharoitlar yaratish;

obyektlar qurilishiga ajratilayotgan mablagʻlardan samarali foydalanish hamda ortiqcha xarajatlarni qisqartirish orqali mablagʻlarni iqtisod qilish boʻyicha zarur choralarni koʻrish;

Kompaniya tomonidan obyektlar uchun markazlashgan holda qurilish materiallari, jihozlar va konstruksiyalarni xarid qilish hamda oʻz vaqtida yetkazib berishda yuzaga keladigan muammoli masalalarni tezkor hal etib borish;

obyektlarda loyihalashtirish va qurilish-montaj ishlarini bajarish hajmi va muddatlari boʻyicha doimiy ravishda Kompaniya va masʼullarning hisobotini eshitib borish;

Dastur doirasida iqtisod qilingan mablagʻlar hisobiga yangi va qoʻshimcha obyektlarni qurib, foydalanishga topshirish boʻyicha manzilli dasturni tasdiqlash va ijrosini nazorat qilish;

obyektlardagi qurilish, rekonstruksiya qilish va kapital taʼmirlash ishlarining holatini har oyda muhokama qilib borish.

3. Shunday tartib joriy etilsinki, unga muvofiq:

a) Kompaniya obyektlarni qurish, rekonstruksiya qilish va kapital taʼmirlash uchun:

xaridlarni amalga oshirish doirasida mahsulotlar va xizmatlarni topish va baholash, ishlab chiqaruvchi va yetkazib beruvchilar bilan muzokaralar olib borish hamda mahsulotlar sifatini pasaytirmagan holda tejamkor bitimlar tuzilishini taʼminlaydi;

xarid qilingan qurilish materiallari, jihozlar va konstruksiyalarni obyektlarga toʻgʻridan-toʻgʻri yetkazib beradi hamda pudratchilarga topshiradi;

b) Kompaniya obyektlarning sifatini muntazam nazorat qilib borish maqsadida hududlar kesimida har beshta obyektga kamida bitta texnik nazorat xodimini biriktiradi;

v) Kompaniyaga:

obyektlar uchun zarur boʻlgan qurilish materiallari, jihozlar va konstruksiyalar ishlab chiqaruvchilar takliflari oʻrtacha birja narxlaridan 20 foiz arzon boʻlgan taqdirda, istisno tariqasida, tender (tanlov) savdolarini oʻtkazmasdan, eng yaxshi takliflar orasidan tanlab olish orqali tovarlarni toʻgʻridan-toʻgʻri xarid qilish;

asoslangan hisob-kitoblarga koʻra obyektlar uchun zarur boʻlgan qurilish materiallari, jihozlar va konstruksiyalarni xarid qilish (yetkazib berish) uchun oldindan 30 foiz avans (boʻnak) ajratish;

hududlarda zarur infratuzilmaga ega omborxonalar tashkil etish uchun tender (tanlov) savdolarini oʻtkazmasdan, eng yaxshi takliflar orasidan tanlab olish orqali toʻgʻridan-toʻgʻri ijara shartnomalarini tuzish;

markazlashgan holda yetkazib beriladigan qurilish materiallari, jihozlar va konstruksiyalardan tashqari, tasdiqlangan loyiha-smeta hujjatlari doirasida zarur qoʻshimcha tovarlarni xarid qilish uchun, keyinchalik ularning qiymatini bajarilgan ishlar uchun hisob-kitob qilish sharti bilan bosh pudrat tashkilotlariga tegishli mablagʻlarni ajratish;

mahalliy va xorijiy boshqaruvchi, maslahatchilarni (PMC — Project Management Consultancy) tender (tanlov) savdolarini oʻtkazmasdan, eng yaxshi takliflar orasidan tanlab olish va toʻgʻridan-toʻgʻri shartnoma tuzish orqali jalb qilish huquqi beriladi.

4. Belgilansinki:

a) Kompaniyaning faoliyatini moliyalashtirish, shu jumladan saqlash, moddiy-texnika bazasini mustahkamlash hamda mahalliy va xorijiy maslahatchilarni jalb qilish xarajatlari Dastur doirasida ajratilgan mablagʻlarning 1 foizdan kam boʻlmagan qismi hisobidan amalga oshiriladi;

b) Dastur doirasida avvalgi yillarda boshlangan yildan-yilga oʻtuvchi obyektlar boʻyicha buyurtmachi funksiyalarini tegishlicha Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi “Yagona buyurtmachi xizmati” injiniring kompaniyalari bajaradi;

v) obyektlar boʻyicha minimal reyting talablarini toʻgʻri belgilash maqsadida ularning boshlangʻich qiymati Kompaniya tomonidan xarid qilinadigan qurilish materiallari, jihozlar va konstruksiyalarning loyiha-smeta hujjatlaridagi qiymati bilan birga hisoblanadi;

g) obyektlarni qurish, rekonstruksiya qilish va kapital taʼmirlash boʻyicha pudrat tashkilotlari tanlovi uchun “Shaffof qurilish” milliy axborot tizimining elektron tender platformasida:

eʼlon shartlarini belgilashda markazlashgan tartibda xarid qilinadigan qurilish materiallari, jihozlar va konstruksiyalar hajmi va qiymati Kompaniyaning xarajatlarini inobatga olgan holda alohida qator bilan joylashtiriladi;

joylashtirilgan eʼlonlarda obyektlarning boshlangʻich qiymatidan Kompaniya tomonidan xarid qilinadigan qurilish materiallari, jihozlar va konstruksiyalarning loyiha-smeta hujjatlaridagi qiymati ayriladi. Bunda, bosh pudratchining toʻgʻridan-toʻgʻri xarajatga hisoblangan xarajatlari summasi toʻliq saqlanadi;

d) obyektlar hududidagi muhandislik-kommunikatsiya tarmoqlarini koʻchirish, shuningdek, ichimlik va oqova suv taʼminoti, elektr, gaz va aloqa tarmoqlarini tortib kelish tadbirlari tegishliligi boʻyicha “Oʻzsuvtaʼminot” AJ, “Hududiy elektr tarmoqlari” AJ, “Hududgaztaʼminot” AJ va “Oʻzbektelekom” AK tomonidan mahalliy budjetlarda ushbu maqsadlarga moʻljallangan mablagʻlar hamda ularning qoʻshimcha manbalari hisobidan amalga oshiriladi.

5. Maktabgacha taʼlim tashkilotlari, umumtaʼlim va ixtisoslashtirilgan maktablarni loyihalashtirish, qurilish-montaj va moliyalashtirish ishlarini samarali tashkil etish boʻyicha chora-tadbirlar rejasi 2-ilovaga muvofiq tasdiqlansin.

6. Bosh prokuror oʻrinbosari S.I. Samadov Dastur doirasida obyektlarni qurish, rekonstruksiya qilish va kapital taʼmirlash uchun ajratilgan mablagʻlarning maqsadli sarflanishi ustidan doimiy nazorat oʻrnatsin.

7. Qurilish va uy-joy kommunal xoʻjaligi vazirligi Iqtisodiyot va moliya vazirligi, Adliya vazirligi bilan birgalikda 2024-yil yakuniga qadar obyektlarni qurish boʻyicha oʻtkazilgan tajriba-sinov samaradorligi tahlili natijalaridan kelib chiqib:

zaruratga koʻra mazkur amaliyotni ijtimoiy va ishlab chiqarish infratuzilmasini rivojlantirish dasturlari doirasida boshqa soha obyektlariga nisbatan joriy etish;

budjet mablagʻlari hisobidan moliyalashtiriladigan ijtimoiy va infratuzilma obyektlari qurilishiga oid qonunchilik hujjatlariga tegishli oʻzgartirish va qoʻshimchalar kiritish yuzasidan takliflarni Vazirlar Mahkamasiga kiritsin.

8. Mazkur qaror ijrosini samarali tashkil qilish uchun masʼul va shaxsan javobgar etib qurilish va uy-joy kommunal xoʻjaligi vaziri vazifasini vaqtincha bajaruvchi Sh.S. Hidoyatov belgilansin.

Qaror ijrosini muhokama qilib borish, vazifalar ijrosiga masʼul vazirliklar, idoralar va mahalliy hokimliklar faoliyatini muvofiqlashtirish hamda nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2024-yil 8-fevraldagi PQ-65-son qaroriga 1-ILOVA

Maktabgacha taʼlim tashkilotlari, umumtaʼlim va ixtisoslashtirilgan maktablar qurilishi ishlarini muvofiqlashtirish boʻyicha

1. A.N. Aripov — Oʻzbekiston Respublikasining Bosh vaziri, Respublika shtabi rahbari 2. J.A. Qoʻchqorov — Bosh vazir oʻrinbosari — iqtisodiyot va moliya vaziri, Respublika shtabi rahbari oʻrinbosari 3. Lavozimiga koʻra — Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari 4. A.M. Boboyev — Hisob palatasi raisi 5. S.I. Samadov — Bosh prokuror oʻrinbosari 6. Sh.S. Hidoyatov — qurilish va uy-joy kommunal xoʻjaligi vaziri v.v.b. 7. X.U. Umarova — maktabgacha va maktab taʼlimi vaziri 8. Sh.X. Shermatov — raqamli texnologiyalar vaziri 9. I.R. Mahkamov — transport vaziri 10. J.T. Mirzamahmudov — energetika vaziri 11. A.D. Tashkulov — adliya vaziri 12. A.J. Ortikov — Davlat aktivlarini boshqarish agentligi direktori 13. I.I. Norqulov — iqtisodiyot va moliya vazirining birinchi oʻrinbosari 14. F.J. Pulatov — Iqtisodiyot va moliya vazirligi huzuridagi Kadastr agentligi direktori 15. M.B. Jumaniyazov — Vazirlar Mahkamasi kotibiyat mudiri, Respublika shtabi kotibi

Oʻzbekiston Respublikasi Prezidentining 2024-yil 8-fevraldagi PQ-65-son qaroriga 2-ILOVA

Maktabgacha taʼlim tashkilotlari, umumtaʼlim va ixtisoslashtirilgan maktablarni loyihalashtirish, qurilish-montaj va moliyalashtirish ishlarini samarali tashkil etish boʻyicha

T/r Chora-tadbirlar Amalga oshirish muddati Masʼul ijrochilar 1. “Infratuzilmani rivojlantirish injiniring kompaniyasi” davlat muassasasining (keyingi oʻrinlarda — Kompaniya) rahbarlik lavozimlariga sohada yuqori tajriba va zamonaviy bilimlarga ega nomzodlar boʻyicha Vazirlar Mahkamasiga takliflar kiritish. 2024-yil 20-fevral Qurilish va uy-joy kommunal xoʻjaligi vazirligi, Maktabgacha va maktab taʼlimi vazirligi 2. Kompaniyaning tuzilmasi, xarajatlar smetasi, shtatlar jadvali, ustavi va hududlarda faoliyatini tashkil etish tartibini belgilangan tartibda tasdiqlash. 2024-yil 1-mart Qurilish va uy-joy kommunal xoʻjaligi vazirligi, Iqtisodiyot va moliya vazirligi 3. Kompaniyani toʻlaqonli faoliyat yuritishi uchun Qurilish va uy-joy kommunal xoʻjaligi vazirligi hamda uning hududiy boʻlinmalari binolarida zarur shart-sharoitlarga ega boʻlgan xonalarga vaqtinchalik tekin foydalanish huquqi bilan joylashtirish. 2024-yil 1-mart Qurilish va uy-joy kommunal xoʻjaligi vazirligi, Davlat aktivlarini boshqarish agentligi 4. Obyektlarni qurish va rekonstruksiya qilish boʻyicha bosh pudrat tashkiloti bilan tuziladigan namunaviy pudrat shartnomasi loyihasini ishlab chiqish. 2024-yil 1-aprel Qurilish va uy-joy kommunal xoʻjaligi vazirligi, Iqtisodiyot va moliya vazirligi, Adliya vazirligi 5. Kompaniya obyektlarida texnik nazoratni olib borishga shaharsozlik faoliyati sohasida kamida uch yillik ish tajribasiga ega boʻlgan mutaxassislar (texnik nazoratchilar)ni jalb qilish. 2024-yil 1-aprel Qurilish va uy-joy kommunal xoʻjaligi vazirligi 6. Kompaniyaning obyektlari boʻyicha loyiha-smeta hujjatlari qisqa muddatlarda ekspertizadan oʻtkazilishini taʼminlash. Qurilish-montaj ishlarini amalga oshirishda texnik jihatdan tartibga solish sohasidagi normativ hujjatlar talablariga qatʼiy rioya etilishi ustidan davlat nazoratini oʻrnatish. Doimiy ravishda Qurilish va uy-joy kommunal xoʻjaligi vazirligi, Shaharsozlik hujjatlarini ekspertiza qilish respublika markazi, Qurilish va uy-joy kommunal xoʻjaligi sohasida nazorat qilish inspeksiyasi 7. Maktabgacha va maktab taʼlimi vazirligi tizimidagi “Ixtisoslashtirilgan loyiha-izlanish instituti” DUKni jalb etgan holda yangi barpo etiladigan maktabgacha taʼlim tashkilotlari va umumtaʼlim maktablarining amaldagi loyihalarini qayta koʻrib chiqish, energiya tejamkor qurilish materiallarini qoʻllagan holda namunaviy loyiha yechimlarini ishlab chiqish. Bunda, bino va inshootlarga qoʻyiladigan minimal funksional va ekspluatatsiya talablarini, shu jumladan zamonaviy resurs tejovchi texnologiyalarni joriy etish va obyektlardan foydalanish xarajatlarini optimallashtirishga alohida eʼtibor qaratish. 2024-yil 1-aprel Qurilish va uy-joy kommunal xoʻjaligi vazirligi, Maktabgacha va maktab taʼlimi vazirligi 8. Obyektlar qurilishini moliyalashtirishda Kompaniya tomonidan yetkazib beriladigan qurilish materiallari, jihozlar va konstruksiyalar xaridi xarajatlari va pudrat tashkilotlarining qurilish-montaj ishlari proporsional ravishda moliyalashtirilishini tashkil etish. Har oyda Iqtisodiyot va moliya vazirligi 9. Dastur doirasida maktabgacha va umumiy oʻrta taʼlim sohasida ajratilgan mablagʻlarning iqtisod qilingan qismini yangi va qoʻshimcha 330 oʻrinli umumtaʼlim maktablarini qurish va rekonstruksiya qilishga yoʻnaltirish boʻyicha takliflarni Vazirlar Mahkamasiga kiritib borish. 2024-yil davomida, har oyda Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 10. Qurilish materiallari, jihozlar va konstruksiyalar ishlab chiqaruvchilar tomonidan Kompaniya talabi asosida zarur mahsulotlarni toʻgʻridan-toʻgʻri ajratish boʻyicha tasdiqlangan balanslarga tegishli oʻzgartirishlar kiritish. 2024-yil 1-mart Iqtisodiyot va moliya vazirligi, “Oʻzsanoatqurilishmateriallari” uyushmasi, “Oʻzmetkombinat” AJ 11. Yangi obyektlar qurilishi uchun ajratilgan yer uchastkalarini Kompaniyaga belgilangan tartibda qayta rasmiylashtirish choralarini koʻrish. 2024-yil 1-mart Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Kadastr agentligi Tegishlicha “Yagona buyurtmachi xizmati” injiniring kompaniyalari tomonidan obyektlarni loyiha-qidiruv va loyihalashtirish bilan bogʻliq barcha hujjatlar toʻplamining belgilangan tarti�da Kompaniyaga topshirilishini taʼminlash. 2024-yil 1-aprel

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 8-fevral,

PQ-65-son

(Qonunchilik maʼlumotlari milliy bazasi, 10.02.2024-y., 07/24/65/0111-son)

lex.uz

Президента Республики Узбекистан

Постановление

СОСТАВ РЕСПУБЛИКАНСКОГО ШТАБА

ПЛАН МЕР

О мерах по дальнейшему совершенствованию деятельности службы заказчика в строительстве объектов сферы дошкольного и общего среднего образования

В целях эффективного использования и экономии средств, выделенных на сферу дошкольного и общего среднего образования, сокращения расходов на последующее содержание дошкольных образовательных организаций, общеобразовательных и специализированных школ:

1. Согласиться с предложениями Министерства экономики и финансов, Министерства строительства и жилищно-коммунального хозяйства и Министерства дошкольного и школьного образования:

о создании при Министерстве строительства и жилищно-коммунального хозяйства Инжиниринговой компании развития инфраструктуры (далее — Компания) в форме государственного учреждения;

о выполнении Компанией функции заказчика по строительству, реконструкции и капитальному ремонту дошкольных образовательных организаций, общеобразовательных и специализированных школ (далее — объекты) в рамках Программы развития социальной и производственной инфраструктуры Республики Узбекистан в 2024 — 2026 годах, утвержденной постановлением Президента Республики Узбекистан от 25 декабря 2023 года № ПП-404;

о предоставлении Компании права на закупку в централизованном порядке основных строительных материалов, оборудования и конструкций (за исключением мебели и оборудования, не связанных со строительным процессом) для объектов на основе утвержденной в рамках Программы проектно-сметной документации.

2. Утвердить состав Республиканского штаба по координации работ строительства дошкольных образовательных организаций, общеобразовательных и специализированных школ (далее — Республиканский штаб) согласно приложению № 1 .

Определить основными задачами Республиканского штаба:

создание необходимых условий для налаживания деятельности, финансирования и содержания создаваемой Компании, в том числе своевременного и качественного выполнения функций, возложенных на Компанию;

принятие необходимых мер по экономии средств путем эффективного использования средств, выделяемых на строительство объектов, и сокращения излишних расходов;

оперативное решение проблемных вопросов, возникающих при закупке Компанией строительных материалов, оборудования и конструкций для объектов в централизованном порядке, а также их своевременной поставке;

заслушивание на постоянной основе отчета Компании и ответственных лиц по объемам и срокам выполнения проектировочных и строительно-монтажных работ на объектах;

утверждение и контроль за исполнением адресной программы по строительству и сдаче в эксплуатацию новых и дополнительных объектов за счет средств, сэкономленных в рамках Программы;

ежемесячное обсуждение состояния работ по строительству, реконструкции и капитальному ремонту на объектах.

3. Внедрить порядок, в соответствии с которым:

а) Компания для строительства, реконструкции и капитального ремонта объектов:

обеспечивает поиск и оценку товаров и услуг в рамках осуществления закупок, проведение переговоров с производителями и поставщиками, а также заключение выгодных соглашений без снижения качества товаров;

осуществляет прямую поставку на объекты закупленных строительных материалов, оборудования и конструкций, а также передает их подрядчикам;

б) Компания в целях осуществления регулярного контроля качества объектов закрепляет как минимум одного сотрудника технического контроля на каждые пять объектов в разрезе территорий;

в) Компании предоставляется право на:

прямую закупку товаров путем отбора наилучших предложений без проведения тендерных (конкурсных) торгов в порядке исключения в случае, если предложения производителей строительных материалов, оборудования и конструкций, необходимых для объектов, ниже по цене по отношению к средним биржевым ценам на 20 процентов;

выделение по обоснованным расчетам предварительного аванса в размере 30 процентов на закупку (поставку) строительных материалов, оборудования и конструкций, необходимых для объектов;

заключение прямых договоров аренды путем отбора наилучших предложений без проведения тендерных (конкурсных) торгов для создания складских помещений с необходимой инфраструктурой в регионах;

выделение генеральным подрядным организациям соответствующих средств для закупки необходимых дополнительных товаров в рамках утвержденной проектно-сметной документации на условиях осуществления последующего расчета их стоимости за выполненные работы, за исключением строительных материалов, оборудования и конструкций, поставка которых осуществляется в централизованном порядке;

привлечение отечественных и зарубежных управляющих, консультантов (PMC — Project Management Consultancy) путем отбора наилучших предложений без проведения тендерных (конкурсных) торгов и заключения прямых договоров.

4. Установить, что:

а) расходы на финансирование деятельности Компании, включая содержание, укрепление материально-технической базы, привлечение отечественных и зарубежных консультантов, осуществляются за счет части средств, выделенных в рамках Программы, в размере не менее 1 процента;

б) функции заказчика по переходящим объектам, начатым в прошлые годы в рамках Программы, выполняют инжиниринговые компании «Служба единого заказчика» при Совете Министров Республики Каракалпакстан, хокимиятах областей и города Ташкента соответственно;

в) в целях правильного определения минимальных рейтинговых требований по объектам их стартовая стоимость рассчитывается вместе с указанной в проектно-сметной документации стоимостью строительных материалов, оборудования и конструкций, закупаемых Компанией;

г) на электронной тендерной платформе Национальной информационной системы «Прозрачное строительство» для отбора подрядных организаций по строительству, реконструкции и капитальному ремонту объектов:

при определении условий объявления объем и стоимость строительных материалов, оборудования и конструкций, закупаемых в централизованном порядке, размещаются отдельной строкой с учетом расходов Компании;

в размещенных объявлениях из стартовой стоимости объектов вычитается стоимость закупаемых Компанией строительных материалов, оборудования и конструкций, указанная в проектно-сметной документации. При этом полностью сохраняется сумма расходов генерального подрядчика, рассчитанная на прямые расходы;

д) перенос инженерно-коммуникационных сетей на территории объектов, а также мероприятия по прокладке сетей питьевого водоснабжения и канализации, электроснабжения, газоснабжения и связи осуществляются соответственно АО «Узсувтаъминот», АО «Региональные электрические сети», АО «Худудгазтаъминот» и АК «Узбектелеком» за счет средств, предназначенных на эти цели в местных бюджетах, и их дополнительных источников.

5. Утвердить План мер по эффективной организации работ по проектированию, осуществлению строительно-монтажных работ и финансированию дошкольных образовательных организаций, общеобразовательных и специализированных школ согласно приложению № 2 .

6. Заместителю Генерального прокурора С.И. Самадову установить постоянный контроль за целевым расходованием средств, выделенных на строительство, реконструкцию и капитальный ремонт объектов в рамках Программы.

7. Министерству строительства и жилищно-коммунального хозяйства совместно с Министерством экономики и финансов, Министерством юстиции до конца 2024 года исходя из результатов анализа эффективности проведенного эксперимента по строительству объектов внести в Кабинет Министров предложения по:

распространению при необходимости данной практики на объекты других сфер в рамках программ развития социальной и производственной инфраструктуры;

внесению соответствующих изменений и дополнений в акты законодательства, касающиеся строительства социальных и инфраструктурных объектов, финансируемых за счет бюджетных средств.

8. Возложить на временно исполняющего обязанности министра строительства и жилищно-коммунального хозяйства Ш.С. Хидоятова персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью министерств, ведомств и местных хокимиятов, ответственных за исполнение задач, возложить на Премьер-министра Республики Узбекистан А.Н. Арипова.

ПРИЛОЖЕНИЕ № 1 к постановлению Президента Республики Узбекистан от 8 февраля 2024 года № ПП-65

по координации работ строительства дошкольных образовательных организаций, общеобразовательных и специализированных школ

1. А.Н. Арипов — Премьер-министр Республики Узбекистан, руководитель Республиканского штаба 2. Д.А. Кучкаров — заместитель Премьер-министра — министр экономики и финансов, заместитель руководителя Республиканского штаба 3. По должности — Председатель Совета Министров Республики Каракалпакстан, хокимы областей и города Ташкента 4. А.М. Бобоев — председатель Счетной палаты 5. С.И. Самадов — заместитель Генерального прокурора 6. Ш.С. Хидоятов — врио министра строительства и жилищно-коммунального хозяйства 7. Х.У. Умарова — министр дошкольного и школьного образования 8. Ш.Х. Шерматов — министр цифровых технологий 9. И.Р. Махкамов — министр транспорта 10. Ж.Т. Мирзамахмудов — министр энергетики 11. А.Д. Ташкулов — министр юстиции 12. А.Ж. Ортиков — директор Агентства по управлению государственными активами 13. И.И. Норкулов — первый заместитель министра экономики и финансов 14. Ф.Ж. Пулатов — директор Агентства по кадастру при Министерстве экономики и финансов 15. М.Б. Жуманиязов — заведующий секретариатом Кабинета Министров, секретарь Республиканского штаба

ПРИЛОЖЕНИЕ № 2 к постановлению Президента Республики Узбекистан от 8 февраля 2024 года № ПП-65

по эффективной организации работ по проектированию, осуществлению строительно-монтажных работ и финансированию дошкольных образовательных организаций, общеобразовательных и специализированных школ

№ Мероприятия Сроки реализации Ответственные исполнители 1. Внесение предложений в Кабинет Министров по кандидатурам на руководящие должности государственного учреждения «Инжиниринговая компания развития инфраструктуры» (далее — Компания), обладающим большим опытом и современными знаниями в сфере. 20 февраля 2024 года Министерство строительства и жилищно-коммунального хозяйства, Министерство дошкольного и школьного образования 2. Утверждение структуры, сметы расходов, штатного расписания, устава Компании и порядка организации ее деятельности в регионах в установленном порядке. 1 марта 2024 года Министерство строительства и жилищно-коммунального хозяйства, Министерство экономики и финансов 3. В целях полноценного функционирования Компании временное размещение ее в зданиях Министерства строительства и жилищно-коммунального хозяйства и его территориальных подразделений в помещениях, имеющих необходимые условия, с правом безвозмездного пользования. 1 марта 2024 года Министерство строительства и жилищно-коммунального хозяйства, Агентство по управлению государственными активами 4. Разработка проекта типового подрядного договора, заключаемого с генеральной подрядной организацией по строительству и реконструкции объектов. 1 апреля 2024 года Министерство строительства и жилищно-коммунального хозяйства, Министерство экономики и финансов, Министерство юстиции 5. Привлечение специалистов (технических контролеров), имеющих не менее, чем трехлетний опыт работы в сфере градостроительной деятельности, к проведению технического контроля на объектах Компании. 1 апреля 2024 года Министерство строительства и жилищно-коммунального хозяйства 6. Обеспечение проведения экспертизы проектно-сметной документации по объектам Компании в краткие сроки. Установление государственного надзора за строгим соблюдением требований нормативных документов в сфере технического регулирования при осуществлении строительно-монтажных работ. Постоянно Министерство строительства и жилищно-коммунального хозяйства, Республиканский центр экспертизы градостроительной документации, Инспекция по контролю в сфере строительства и жилищно-коммунального хозяйства 7. Пересмотр действующих проектов новых возводимых дошкольных образовательных организаций и общеобразовательных школ, разработка типовых проектных решений с применением энергосберегающих строительных материалов с привлечением ГУП «Специализированный проектно-изыскательский институт» в системе Министерства дошкольного и школьного образования. При этом уделение особого внимания внедрению минимальных функциональных и эксплуатационных требований, предъявляемых к зданиям и сооружениям, в том числе современных ресурсосберегающих технологий, и оптимизации расходов на использование объектов. 1 апреля 2024 года Министерство строительства и жилищно-коммунального хозяйства, Министерство дошкольного и школьного образования 8. При финансировании строительства объектов организация финансирования затрат на закупку поставляемых Компанией строительных материалов, оборудования и конструкций, строительно-монтажных работ подрядных организаций в пропорциональном порядке. Ежемесячно Министерство экономики и финансов 9. Внесение в Кабинет Министров предложений по направлению сэкономленной части средств, выделенных сфере дошкольного и общего среднего образования в рамках Программы, на строительство новых и реконструкцию общеобразовательных школ дополнительно на 330 ученических мест. В течение 2024 года, ежемесячно Министерство экономики и финансов, Совет Министров Республики Каракалпакстан, хокимияты областей и города Ташкента 10. Внесение соответствующих изменений в балансы, утвержденные по непосредственному выделению необходимой продукции на основе требований Компании производителями строительных материалов, оборудования и конструкций. 1 марта 2024 года Министерство экономики и финансов, Ассоциация «Узсаноаткурилишматериаллари», АО «Узметкомбинат» 11. Принятие мер по переоформлению на Компанию земельных участков, выделенных для строительства новых объектов, в установленном порядке. 1 марта 2024 года Совет Министров Республики Каракалпакстан, хокимияты областей и города Ташкента, Агентство по кадастру Обеспечение передачи Компании пакета всей документации, связанной с проектно-изыскательной работой и проектированием объектов соответственно инжиниринговыми компаниями «Служба единого заказчика», в установленном порядке. 1 апреля 2024 года

Президент Республики Узбекистан Ш. МИРЗИЁЕВ

г. Ташкент,

8 февраля 2024 г.,

№ ПП-65

(Национальная база данных законодательства, 10.02.2024 г., № 07/24/65/0111)

lex.uz