📅 2024-yil 8-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 8 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 февраля 2024 г. · Постановления Президента
Официальный текст. Официальный документ. Редакционные примечания не включены.
📅 8 February 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«Ургут» эркин иқтисодий зонаси ҳудудларини кенгайтириш чора-тадбирлари тўғрисида
Самарқанд вилоятидаги «Ургут» эркин иқтисодий зонасида (кейинги ўринларда — «Ургут» ЭИЗ) янги ишлаб чиқариш қувватларини ошириш, замонавий технологияларни жорий қилиш, импорт ўрнини босувчи ҳамда экспортбоп маҳсулотлар ишлаб чиқариш, вилоятнинг мавжуд ресурс салоҳиятидан комплекс ва самарали фойдаланиш, шунингдек, янги иш ўринларини яратиш мақсадида:
1. Инвестициялар, саноат ва савдо вазирлиги ҳамда Самарқанд вилояти ҳокимлигининг Самарқанд вилояти Нуробод туманидаги қишлоқ хўжалигига мўлжалланмаган 40 гектар бўш ер участкасини ажратиш ҳисобидан «Ургут» ЭИЗ ҳудудини кенгайтириш тўғрисидаги таклифига розилик берилсин.
2. Самарқанд вилояти ҳокимлиги:
а) Кадастр агентлиги ҳамда «Ургут» ЭИЗ дирекцияси» давлат унитар корхонаси билан биргаликда бир ҳафта муддатда ушбу қарор талабларидан келиб чиқиб, давлат ер кадастри маълумотларига белгиланган тартибда тегишли ўзгартиришлар киритсин ва ер участкаларини электрон онлайн аукцион савдоларига чиқарсин;
б) Инвестициялар, саноат ва савдо вазирлиги билан биргаликда бир ой муддатда «Ургут» ЭИЗ дирекцияси» давлат унитар корхонаси маблағлари ҳисобидан «Ургут» ЭИЗнинг янги ҳудудлари бош режасининг ишлаб чиқилиши ва тасдиқланишини таъминласин. Бунда:
Самарқанд вилояти ҳокимлиги ҳузуридаги «Ягона буюртмачи хизмати» инжиниринг компанияси бош режани ишлаб чиқишда буюртмачи ташкилот этиб белгилансин;
бош режани ишлаб чиқиш бўйича пудрат ташкилоти белгиланган тартибда танлов (тендер) савдоларига асосан аниқлансин;
бош режани ишлаб чиқиш билан боғлиқ харажатлар Самарқанд вилояти маҳаллий бюджетининг орттириб бажарилган қисми ҳамда Самарқанд вилояти ҳокимлиги ҳузуридаги Тадбиркорлик инфратузилмасини ривожлантириш жамғармаси маблағлари ҳисобидан амалга оширилсин.
3. Белгилансинки, «Ургут» ЭИЗ ҳудудида:
инвестиция лойиҳаларини амалга ошириш учун ер участкаларини электрон онлайн аукцион орқали реализация қилиш Ўзбекистон Республикаси Президентининг 2018 йил 21 декабрдаги «Эркин иқтисодий зоналар фаолиятини мувофиқлаштириш ва бошқариш тизимини янада такомиллаштириш чора-тадбирлари тўғрисида»ги ПФ-5600-сон Фармонига мувофиқ;
инфратузилма объектларини қуриш ишларини молиялаштириш Ўзбекистон Республикаси Президентининг 2020 йил 18 декабрдаги «Ҳудудларда муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-4929-сон қарорига мувофиқ;
инфратузилма объектлари ишлари бўйича буюртмачиларни белгилаш Ўзбекистон Республикаси Президентининг 2021 йил 30 апрелдаги «Махсус иқтисодий ва кичик саноат зоналари муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-5101-сон қарорига мувофиқ амалга оширилади.
4. Инвестициялар, саноат ва савдо вазирлиги Самарқанд вилояти ҳокимлиги билан биргаликда бир ой муддатда «Ургут» ЭИЗга янги қўшилаётган ер участкаларини ташқи муҳандислик-коммуникация тармоқлари билан таъминлаш юзасидан манзилли дастурни Вазирлар Маҳкамасига тасдиқлаш учун киритсин.
Бунда, инфратузилма объектлари 2024 йил ва келгуси йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурлари доирасида махсус иқтисодий зоналар, кичик саноат, ёшлар саноат ва тадбиркорлик зоналарини ташқи муҳандислик-коммуникация тармоқлари билан таъминлаш учун ажратилган маблағлар ҳисобидан молиялаштирилади.
5. Ўзбекистон Республикаси Президентининг 2021 йил 4 ноябрдаги «Ургут» эркин иқтисодий зонаси фаолиятини кенгайтириш чора-тадбирлари тўғрисида»ги ПҚ-5278-сон қарорига иловага мувофиқ қўшимча ва ўзгартириш киритилсин.
6. Мазкур қарорнинг ижросини самарали ташкил қилишга масъул ва шахсий жавобгар этиб инвестициялар, саноат ва савдо вазири Л.Ш. Кудратов ҳамда Самарқанд вилояти ҳокими Э.О. Турдимов белгилансин.
Қарор ижроси учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президентининг 2024 йил 8 февралдаги ПҚ-64-сон қарорига ИЛОВА
Ўзбекистон Республикаси Президентининг 2021 йил 4 ноябрдаги «Ургут» эркин иқтисодий зонаси фаолиятини кенгайтириш чора-тадбирлари тўғрисида»ги ПҚ-5278-сон қарорига киритилаётган қўшимча ва ўзгартириш
1-иловада :
а) қуйидаги мазмундаги 16-позиция билан тўлдирилсин:
« 16. Нуробод тумани, «Тепақул» МФЙ ҳудуди: шимолий томондан — А-378 «Самарқанд — Қарши» автомобиль йўли; шарқий томондан — «Миронқул газ сервис» МЧЖ ва «Баҳром бобо Вафақулов» фермер хўжалиги ҳудуди; жанубий томондан — «Баҳром бобо Вафақулов» фермер хўжалиги ҳудуди; ғарбий томондан — «Баҳром бобо Вафақулов» фермер хўжалиги ҳудуди 40,0 » ;
б) «Жами» позициясидаги «407,32» рақами «447,32» рақами билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 8 февраль,
ПҚ-64-сон
Oʻzbekiston Respublikasi Prezidentining
qarori
“Urgut” erkin iqtisodiy zonasi hududlarini kengaytirish chora-tadbirlari toʻgʻrisida
Samarqand viloyatidagi “Urgut” erkin iqtisodiy zonasida (keyingi oʻrinlarda — “Urgut” EIZ) yangi ishlab chiqarish quvvatlarini oshirish, zamonaviy texnologiyalarni joriy qilish, import oʻrnini bosuvchi hamda eksportbop mahsulotlar ishlab chiqarish, viloyatning mavjud resurs salohiyatidan kompleks va samarali foydalanish, shuningdek, yangi ish oʻrinlarini yaratish maqsadida:
1. Investitsiyalar, sanoat va savdo vazirligi hamda Samarqand viloyati hokimligining Samarqand viloyati Nurobod tumanidagi qishloq xoʻjaligiga moʻljallanmagan 40 gektar boʻsh yer uchastkasini ajratish hisobidan “Urgut” EIZ hududini kengaytirish toʻgʻrisidagi taklifiga rozilik berilsin.
2. Samarqand viloyati hokimligi:
a) Kadastr agentligi hamda “Urgut” EIZ direksiyasi” davlat unitar korxonasi bilan birgalikda bir hafta muddatda ushbu qaror talablaridan kelib chiqib, davlat yer kadastri maʼlumotlariga belgilangan tartibda tegishli oʻzgartirishlar kiritsin va yer uchastkalarini elektron onlayn auksion savdolariga chiqarsin;
b) Investitsiyalar, sanoat va savdo vazirligi bilan birgalikda bir oy muddatda “Urgut” EIZ direksiyasi” davlat unitar korxonasi mablagʻlari hisobidan “Urgut” EIZning yangi hududlari bosh rejasining ishlab chiqilishi va tasdiqlanishini taʼminlasin. Bunda:
Samarqand viloyati hokimligi huzuridagi “Yagona buyurtmachi xizmati” injiniring kompaniyasi bosh rejani ishlab chiqishda buyurtmachi tashkilot etib belgilansin;
bosh rejani ishlab chiqish boʻyicha pudrat tashkiloti belgilangan tartibda tanlov (tender) savdolariga asosan aniqlansin;
bosh rejani ishlab chiqish bilan bogʻliq xarajatlar Samarqand viloyati mahalliy budjetining orttirib bajarilgan qismi hamda Samarqand viloyati hokimligi huzuridagi Tadbirkorlik infratuzilmasini rivojlantirish jamgʻarmasi mablagʻlari hisobidan amalga oshirilsin.
3. Belgilansinki, “Urgut” EIZ hududida:
investitsiya loyihalarini amalga oshirish uchun yer uchastkalarini elektron onlayn auksion orqali realizatsiya qilish Oʻzbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmoniga muvofiq;
infratuzilma obyektlarini qurish ishlarini moliyalashtirish Oʻzbekiston Respublikasi Prezidentining 2020-yil 18-dekabrdagi “Hududlarda muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-4929-son qaroriga muvofiq;
infratuzilma obyektlari ishlari boʻyicha buyurtmachilarni belgilash Oʻzbekiston Respublikasi Prezidentining 2021-yil 30-apreldagi “Maxsus iqtisodiy va kichik sanoat zonalari muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-5101-son qaroriga muvofiq amalga oshiriladi.
4. Investitsiyalar, sanoat va savdo vazirligi Samarqand viloyati hokimligi bilan birgalikda bir oy muddatda “Urgut” EIZga yangi qoʻshilayotgan yer uchastkalarini tashqi muhandislik-kommunikatsiya tarmoqlari bilan taʼminlash yuzasidan manzilli dasturni Vazirlar Mahkamasiga tasdiqlash uchun kiritsin.
Bunda, infratuzilma obyektlari 2024-yil va kelgusi yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturlari doirasida maxsus iqtisodiy zonalar, kichik sanoat, yoshlar sanoat va tadbirkorlik zonalarini tashqi muhandislik-kommunikatsiya tarmoqlari bilan taʼminlash uchun ajratilgan mablagʻlar hisobidan moliyalashtiriladi.
5. Oʻzbekiston Respublikasi Prezidentining 2021-yil 4-noyabrdagi “Urgut” erkin iqtisodiy zonasi faoliyatini kengaytirish chora-tadbirlari toʻgʻrisida”gi PQ-5278-son qaroriga ilovaga muvofiq qoʻshimcha va oʻzgartirish kiritilsin.
6. Mazkur qarorning ijrosini samarali tashkil qilishga masʼul va shaxsiy javobgar etib investitsiyalar, sanoat va savdo vaziri L.Sh. Kudratov hamda Samarqand viloyati hokimi E.O. Turdimov belgilansin.
Qaror ijrosi uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidentining 2024-yil 8-fevraldagi PQ-64-son qaroriga ILOVA
Oʻzbekiston Respublikasi Prezidentining 2021-yil 4-noyabrdagi “Urgut” erkin iqtisodiy zonasi faoliyatini kengaytirish chora-tadbirlari toʻgʻrisida”gi PQ-5278-son qaroriga kiritilayotgan qoʻshimcha va oʻzgartirish
1-ilovada :
a) quyidagi mazmundagi 16-pozitsiya bilan toʻldirilsin:
“ 16. Nurobod tumani, “Tepaqul” MFY hududi: shimoliy tomondan — A-378 “Samarqand — Qarshi” avtomobil yoʻli; sharqiy tomondan — “Mironqul gaz servis” MChJ va “Bahrom bobo Vafaqulov” fermer xoʻjaligi hududi; janubiy tomondan — “Bahrom bobo Vafaqulov” fermer xoʻjaligi hududi; gʻarbiy tomondan — “Bahrom bobo Vafaqulov” fermer xoʻjaligi hududi 40,0 ” ;
b) “Jami” pozitsiyasidagi “407,32” raqami “447,32” raqami bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 8-fevral,
PQ-64-son
Президента Республики Узбекистан
Постановление
О мерах по расширению территории свободной экономической зоны «Ургут»
В целях наращивания новых производственных мощностей, внедрения современных технологий и производства импортозамещающей и экспортоориентированной продукции в свободной экономической зоне «Ургут» (далее — СЭЗ «Ургут»), а также комплексного и эффективного использования имеющегося ресурсного потенциала и создания новых рабочих мест в Самаркандской области:
1. Согласиться с предложением Министерства инвестиций, промышленности и торговли и хокимията Самаркандской области о расширении территории СЭЗ «Ургут» за счет выделения 40 гектаров пустующих земельных участков несельскохозяйственного назначения в Нурабадском районе Самаркандской области.
2. Хокимияту Самаркандской области:
а) в недельный срок совместно с Агентством по кадастру и Государственным унитарным предприятием «Дирекция СЭЗ «Ургут» исходя из требований настоящего постановления внести в установленном порядке соответствующие изменения в данные государственного земельного кадастра и выставить земельные участки на электронные онлайн-аукционные торги;
б) в месячный срок совместно с Министерством инвестиций, промышленности и торговли обеспечить разработку и утверждение генерального плана новых территорий СЭЗ «Ургут» за счет средств Государственного унитарного предприятия «Дирекция СЭЗ «Ургут». При этом:
определить Инжиниринговую компанию «Служба единого заказчика» при хокимияте Самаркандской области организацией-заказчиком разработки генерального плана;
подрядную организацию по разработке генерального плана определить в установленном порядке на основе конкурсных (тендерных) торгов;
расходы по разработке генерального плана произвести за счет перевыполненной части местного бюджета Самаркандской области и средств Фонда развития предпринимательской инфраструктуры при хокимияте Самаркандской области.
3. Установить, что на территории СЭЗ «Ургут»:
реализация земельных участков для осуществления инвестиционных проектов проводится посредством электронного онлайн-аукциона в соответствии с Указом Президента Республики Узбекистан от 21 декабря 2018 года № УП-5600 «О мерах по дальнейшему совершенствованию системы координации и управления деятельностью свободных экономических зон»;
финансирование работ по строительству инфраструктурных объектов осуществляется в соответствии с постановлением Президента Республики Узбекистан от 18 декабря 2020 года № ПП-4929 «О мерах по дальнейшему развитию инженерно-коммуникационной инфраструктуры в регионах»;
определение заказчиков работ по инфраструктурным объектам осуществляется в соответствии с постановлением Президента Республики Узбекистан от 30 апреля 2021 года № ПП-5101 «О мерах по дальнейшему развитию инженерно-коммуникационной инфраструктуры специальных экономических и малых промышленных зон».
4. Министерству инвестиций, промышленности и торговли совместно с хокимиятом Самаркандской области в месячный срок внести на утверждение в Кабинет Министров Адресную программу обеспечения внешними инженерно-коммуникационными сетями новых земельных участков, присоединяемых к СЭЗ «Ургут».
При этом объекты инфраструктуры финансируются за счет средств, выделенных для обеспечения внешними инженерно-коммуникационными сетями специальных экономических, малых промышленных, молодежных промышленных и предпринимательских зон в рамках программ развития социальной и производственной инфраструктуры Республики Узбекистан на 2024 год и последующие годы.
5. Внести дополнение и изменение в постановление Президента Республики Узбекистан от 4 ноября 2021 года № ПП-5278 «О мерах по расширению деятельности свободной экономической зоны «Ургут» согласно приложению .
6. Возложить на министра инвестиций, промышленности и торговли Л.Ш. Кудратова и хокима Самаркандской области Э.О. Турдимова персональную ответственность за эффективную организацию исполнения настоящего постановления.
Осуществление координации и контроля за деятельностью ведомств, ответственных за исполнение настоящего постановления, возложить на заместителя Премьер-министра Ж.А. Ходжаева.
ПРИЛОЖЕНИЕ к постановлению Президента Республики Узбекистан от 8 февраля 2024 года № ПП-64
Дополнение и изменение, вносимые в постановление Президента Республики Узбекистан от 4 ноября 2021 года № ПП-5278 «О мерах по расширению деятельности свободной экономической зоны «Ургут»
В тексте на государственном языке приложения № 1 :
а) дополнить позицией 16 следующего содержания:
« 16. Нуробод тумани, «Тепақул» МФЙ ҳудуди: шимолий томондан — А-378 «Самарқанд-Қарши» автомобиль йўли; шарқий томондан — «Миронқул газ сервис» МЧЖ ва «Баҳром бобо Вафақулов» фермер хўжалиги ҳудуди; жанубий томондан — «Баҳром бобо Вафақулов» фермер хўжалиги ҳудуди; ғарбий томондан — «Баҳром бобо Вафақулов» фермер хўжалиги ҳудуди 40,0 »;
б) в позиции «Жами» цифру «407,32» заменить цифрой «447,32».
Президент Республики Узбекистан Ш. МИРЗИЁЕВ
г. Ташкент,
8 февраля 2024 г.,
№ ПП-64