UzbekAI

Ўзбекистон Республикаси Вазирлар Маҳкамасининг

қарори

СХЕМАСИ

ИШЧИ ГУРУҲ ТАРКИБИ

ЧОРА-ТАДБИРЛАР РЕЖАСИ

Маҳаллий ва хорижий инвесторларга берилган преференциялар ва имтиёзларнинг ягона реестрини шакллантириш тўғрисида

Ўзбекистон Республикаси Президентининг «Ўзбекистон — 2030» стратегиясини 2023 йилда сифатли ва ўз вақтида амалга ошириш чора-тадбирлари тўғрисида» 2023 йил 11 сентябрдаги ПҚ-300-сон қарори ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Инвестициялар, саноат ва савдо вазирлиги томонидан амалдаги қонунчилик ҳужжатларига асосан маҳаллий ва хорижий инвесторларга берилган преференциялар ва имтиёзларнинг дастлабки реестри ишлаб чиқилганлиги ҳамда Инвестициялар, саноат ва савдо вазирлигининг расмий веб-сайтида жойлаштирилганлиги маълумот учун қабул қилинсин.

2. Белгилансинки, 2024 йил 1 июлдан эътиборан, маҳаллий ва хорижий инвесторларга берилган преференциялар ва имтиёзларнинг турлари, муддатлари, тартиби ва масъул органларни ўз ичига олган Ягона реестр (кейинги ўринларда — Ягона реестр) юритилади.

3. Қуйидагилар:

Маҳаллий ва хорижий инвесторларга берилган преференциялар ва имтиёзларнинг ягона реестрини шакллантириш схемаси 1-иловага мувофиқ;

Маҳаллий ва хорижий инвесторларга берилган преференциялар ва имтиёзларнинг долзарблигини кўриб чиқиш бўйича ишчи гуруҳ таркиби 2-иловага мувофиқ;

Маҳаллий ва хорижий инвесторларни қўллаб-қувватлаш тизимини янада такомиллаштириш бўйича чора-тадбирлар режаси 3-иловага мувофиқ тасдиқлансин.

4. Ўзбекистон Республикаси Инвестициялар, саноат ва савдо вазирлиги:

Ягона реестрни юритиш бўйича оператор этиб белгилансин, унга Ягона реестрнинг юритилишини услубий таъминлаш, давлат органлари ва ташкилотларининг ушбу соҳадаги фаолиятини мувофиқлаштирсин;

икки ой муддатда манфаатдор давлат органлари ва ташкилотлари билан биргаликда маҳаллий ва хорижий инвесторларга берилган барча соҳалардаги преференциялар ва имтиёзлар рўйхатини тўлиқ шакллантирсин;

2024 йил 1 июлдан бошлаб, Ягона реестр Вазирликнинг расмий веб-сайтида алоҳида бўлим сифатида преференциялар ва имтиёзларни соҳалар ва йўналишлар бўйича излаш ва кўриш имкониятини берувчи электрон шаклда юритилишини таъминласин.

5. Маҳаллий ва хорижий инвесторларга берилган преференциялар ва имтиёзларнинг долзарблигини кўриб чиқиш бўйича ишчи гуруҳ (Ж. Ходжаев) Ягона реестрнинг мазкур қарорда белгиланган схемага мувофиқ янгилаб борилишини ҳамда маҳаллий ва хорижий инвесторларга берилган преференциялар ва имтиёзларнинг долзарблиги кўриб чиқилишини ташкил этиб борсин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Вазирлар Маҳкамасининг 2024 йил 7 февралдаги 77-сон қарорига 1-ИЛОВА

Маҳаллий ва хорижий инвесторларга берилган преференциялар ва имтиёзларнинг ягона реестрини шакллантириш

Босқичлар Масъуллар Тадбирлар Бажариш муддатлари 1-босқич Давлат органлари ва ташкилотлари 1. Бириктирилган соҳалар ва тармоқлардаги барча норматив-ҳуқуқий ҳужжатларни хатловдан ўтказади ҳамда маҳаллий ва хорижий инвесторлар учун белгиланган преференциялар ва имтиёзлар рўйхатини шакллантиради. 1 февралга қадар 2. Шакллантирилган рўйхатни мазкур рўйхатдаги преференциялар ва имтиёзларнинг зарурати, асослиги ва долзарблиги тўғрисидаги маълумотларни Инвестициялар, саноат ва савдо вазирлиги ҳамда Иқтисодиёт ва молия вазирлигига киритади. 1 мартга қадар 2-босқич Инвестициялар, саноат ва савдо вазирлиги Давлат органлари ва ташкилотлари томонидан тақдим этилган маҳаллий ва хорижий инвесторлар учун белгиланган преференциялар ва имтиёзларнинг рўйхатини ўз расмий веб-сайтига жойлаштиради. 10 мартга қадар 3-босқич Инвестициялар, саноат ва савдо вазирлиги, Иқтисодиёт ва молия вазирлиги Соҳага тегишли маҳаллий ва хорижий инвесторлар учун белгиланган преференция ва имтиёзларнинг зарурати, асослиги ҳамда долзарблигини танқидий таҳлил қилган ҳолда ушбу преференциялар ва имтиёзларни бекор қилиш, қисқартириш ёки муддатини узайтириш тўғрисидаги таклифларни Маҳаллий ва хорижий инвесторларга берилган преференциялар ва имтиёзларнинг долзарблигини кўриб чиқиш бўйича ишчи гуруҳга (кейинги ўринларда — Ишчи гуруҳ) киритади. 1 апрелга қадар 4-босқич Ишчи гуруҳ Киритилган таклифларни кўриб чиқади ҳамда маҳаллий ва хорижий инвесторларга берилган преференциялар ва имтиёзларни бекор қилиш, қисқартириш ёки муддатини узайтиришнинг мақсадга мувофиқлиги бўйича хулоса қабул қилади. 1 майга қадар 5-босқич Инвестициялар, саноат ва савдо вазирлиги Ишчи гуруҳ хулосасидан келиб чиқиб, зарур холларда тегишли норматив-ҳуқуқий ҳужжатлар лойиҳаларини ишлаб чиқади, келишади ва белгиланган тартибда Вазирлар Маҳкамасига киритади. 1 июлга қадар

Вазирлар Маҳкамасининг 2024 йил 7 февралдаги 77-сон қарорига 2-ИЛОВА

Маҳаллий ва хорижий инвесторларга берилган преференциялар ва имтиёзларнинг долзарблигини кўриб чиқиш бўйича

1. Ж.А. Ходжаев — Бош вазирнинг ўринбосари, ишчи гуруҳ раҳбари 2. Л.Ш. Кудратов — инвестициялар, саноат ва савдо вазири, ишчи гуруҳ раҳбари ўринбосари 3. А.Д. Ташкулов — адлия вазири 4. Ш.Х. Шерматов — рақамли технологиялар вазири 5. И.Ю. Абдураҳмонов — қишлоқ хўжалиги вазири 6. Ш.С. Хидоятов — қурилиш ва уй-жой коммунал хўжалиги вазири в.в.б 7. И.И. Норқулов — иқтисодиёт ва молия вазирининг биринчи ўринбосари 8. Ш.Д. Кудбиев — Вазирлар Маҳкамаси ҳузуридаги Солиқ қўмитаси раиси 9. А.А. Мавлонов — Иқтисодиёт ва молия вазирлиги ҳузуридаги Божхона қўмитаси раиси 10. Лавозим бўйича — Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси 11. Д.А. Ваҳобов — Савдо-саноат палатаси раиси 12. Д.Р. Ли — Истиқболли лойиҳалар миллий агентлиги директори 13. А.В. Сим — Инвестициялар, саноат ва савдо вазирлиги бошқарма бошлиғи, ишчи гуруҳ котиби

Вазирлар Маҳкамасининг 2024 йил 7 февралдаги 77-сон қарорига 3-ИЛОВА

Маҳаллий ва хорижий инвесторларни қўллаб-қувватлаш тизимини янада такомиллаштириш юзасидан

Т/р Тадбирлар номи Амалга ошириш механизми Амалга ошириш муддати Масъул ижрочилар 1. Ҳудудларнинг инвестиция жозибадорлиги рейтингини юритиш. 1. Ҳудудларнинг инвестиция жозибадорлиги рейтингини юритиш учун зарур кўрсаткичлар рўйхатини шакллантириш. 2024 йил март Инвестициялар, саноат ва савдо вазирлиги (Л. Кудратов) 2. Рейтингни ҳисоблаш методологияси ва мезонларини ишлаб чиқиш. 2024 йил апрель 3. Ҳудудларнинг инвестиция жозибадорлиги бўйича дастлабки рейтинг кўрсаткичларини шакллантириш. 2024 йил май-июнь 4. Рейтингни ҳисоблаш ва юритишни рақамлаштириш ҳамда уни юритиш тартибини белгилаш юзасидан тегишли ҳужжат лойиҳасини ишлаб чиқиш. 2024 йил июль-август 2. Халқаро рейтингларда мамлакатимиз ўрнини ошириш чораларини кўриш. 1. Fitch, Moodyʼs ва S&P рейтинг агентликларининг савдо ва инвестиция соҳаларидаги ҳисоботларини чуқур таҳлил қилиш. 2024 йил март Инвестициялар, саноат ва савдо вазирлиги (Л. Кудратов) 2. Мазкур рейтинглар агентликлари билан ҳамкорлик алоқаларини ўрнатиш чорасини кўриш. 2024 йил апрель 3. Ушбу рейтинг агентликлари томонидан тақдим этиладиган саволномаларга тўлиқ ва сифатли жавоб тайёрлаш методологиясини ишлаб чиқиш. 2024 йил май 3. Тўғридан-тўғри хорижий инвестицияларни жалб этиш мақсадида инвестиция ва савдо йўналишидаги нуфузли хорижий платформаларга аъзо бўлиш. 1. Нуфузли хорижий платформаларни таҳлил этиш ва мамлакатимизга мос келадиган платформалар рўйхатини шакллантириш. 2024 йил март Инвестициялар, саноат ва савдо вазирлиги (Л. Кудратов) 2. Шакллантирилган рўйхатдаги платформаларга аъзо бўлиш бўйича «йўл харитаси» ишлаб чиқиш ва тасдиқлаш. 2024 йил апрель 4. Учинчи Тошкент халқаро инвестиция форумини ташкил этиш ва юқори савияда ўтказиш. Хорижнинг илғор PR-компаниялар билан Учинчи Тошкент халқаро инвестиция форумини юқори савияда ўтказиш бўйича Форумнинг дастури ва чора-тадбирлар режаси лойиҳасини ишлаб чиқиш ҳамда Вазирлар Маҳкамасига киритиш. 2024 йил февраль Инвестициялар, саноат ва савдо вазирлиги (Л. Кудратов) 5. Инвесторлар билан ишлашда зарур маълумотлар базасини такомиллаштириш. 1. Халқаро молия корпорацияси билан ҳамкорликда Тошкент вилояти ҳокимлигининг инвесторлар билан ишлаш фаолиятини таҳлил этиш. 2024 йил февраль Инвестициялар, саноат ва савдо вазирлиги (Л. Кудратов) 2. Таҳлил натижаларига асосан инвесторлар билан ишлашда маълумотлар алмашинуви тизимини такомиллаштириш юзасидан таклифлар ишлаб чиқиш. 2024 йил март 6. Иқтисодий ҳамкорлик ва тараққиёт ташкилотининг «Инвестиция сиёсати таҳлили» лойиҳасини бошлаш бўйича тайёргарлик кўриш. 1. Иқтисодий ҳамкорлик ва тараққиёт ташкилотининг махсус платформаси орқали хорижий давлатларнинг инвестиция сиёсати ҳисоботларини таҳлил қилиш. 2024 йил март Инвестициялар, саноат ва савдо вазирлиги (Л. Кудратов ) 2. «Инвестиция сиёсати таҳлили» лойиҳасини амалга ошириш бўйича Ишчи гуруҳ ташкил этиш. 2024 йил апрель 3. Лойиҳани белгиланган муддатларда сифатли якунлаш юзасидан «йўл харитаси»ни ишлаб чиқиш. 2024 йил май 7. Кичик ва ўрта бизнесни ривожлантириш юзасидан молиялаштириш воситаларини кенгайтириш. 1. Краудфандинг , фортфейтинг ҳамда факторинг молиявий воситаларини чуқур таҳлил қилиш. 2024 йил март Инвестициялар, саноат ва савдо вазирлиги (Л. Кудратов) 2. Мазкур воситаларни мамлакатимизда кенг жорий этиш юзасидан таклифлар ишлаб чиқиш. 2024 йил апрель 3. Ишлаб чиқилган таклифларни тегишли вазирлик ва идоралар билан келишган ҳолда Вазирлар Маҳкамасига киритиш. 2024 йил май 8. Хорижий ва маҳаллий инвесторлар фаолиятини янада такомиллаштириш мақсадида B2B (business to business) шаклдаги ҳамкорликни кенг йўлга қўйиш. 1. B 2 B шаклдаги ҳамкорлик бўйича хорижий тажрибани ўрганиш. 2024 йил июнь Инвестициялар, саноат ва савдо вазирлиги (Л. Кудратов) 2. B 2 B шаклдаги ҳамкорликни кенг йўлга қўйиш мақсадида йирик хорижий компанияларни жалб этиш юзасидан чора-тадбирлар режасини ишлаб чиқиш ва тасдиқлаш. 2024 йил август 3. Амалга оширилган ишлар бўйича таҳлилий маълумотларни Вазирлар Маҳкамасига киритиш. 2024 йил сентябрь 9. Маҳаллий инвесторларни илмий фаолият натижалари билан қўллаб-қувватлашга қаратилган S2B (Science tо business) шаклда ҳамкорликни йўлга қўйиш. 1. S2B шаклдаги ҳамкорликни йўлга қўйиш бўйича хорижий тажрибани ўрганиш. 2024 йил март Инвестициялар, саноат ва савдо вазирлиги (Л. Кудратов) 2. Ўрганиш натижалари асосида S2B шаклидаги ҳамкорликни йўлга қўйиш бўйича таклифлар ишлаб чиқиш. 2024 йил апрель 3. Илмий фаолият натижаларига асосланган инвестиция лойиҳаларини молиялаштириш, жумладан хусусий сектор, илмий ташкилот ва тармоқ корхоналарининг шерикликдаги ҳамкорлигини йўлга қўйиш юзасидан таклифлар ишлаб чиқиш. 2024 йил май 10. Мамлакатимизнинг инвестиция муҳитини янада такомиллаштириш юзасидан таклифлар ишлаб чиқиш. 1. И шчи гуруҳ тузган ҳолда мамлакатимиз инвестиция муҳитининг мавжуд ҳолатини ўрганиш, таҳлил қилиш . 2024 йил март Инвестициялар, саноат ва савдо вазирлиги (Л. Кудратов) 2. И нвестиция муҳити яхшилаш бўйича хорижнинг илғор тажрибасини ўрганиш ҳамда ҳисобот тайёрлаш. 2024 йил апрель 3. Ўрганиш натижалари бўйича асослантирилган таклифлар ишлаб чиқиш ва Вазирлар Маҳкамасига киритиш. 2024 йил май

Ўзбекистон Республикасининг Бош вазири А. АРИПОВ

Тошкент ш.,

2024 йил 7 февраль,

77-сон

(Қонунчилик маълумотлари миллий базаси, 13.02.2024 й., 09/24/77/0117-сон)

lex.uz

Oʻzbekiston Respublikasi Vazirlar Mahkamasining

qarori

SXEMASI

IShChI GURUH TARKIBI

ChORA-TADBIRLAR REJASI

Mahalliy va xorijiy investorlarga berilgan preferensiyalar va imtiyozlarning yagona reyestrini shakllantirish toʻgʻrisida

Oʻzbekiston Respublikasi Prezidentining “Oʻzbekiston — 2030” strategiyasini 2023-yilda sifatli va oʻz vaqtida amalga oshirish chora-tadbirlari toʻgʻrisida” 2023-yil 11-sentabrdagi PQ-300-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Investitsiyalar, sanoat va savdo vazirligi tomonidan amaldagi qonunchilik hujjatlariga asosan mahalliy va xorijiy investorlarga berilgan preferensiyalar va imtiyozlarning dastlabki reyestri ishlab chiqilganligi hamda Investitsiyalar, sanoat va savdo vazirligining rasmiy veb-saytida joylashtirilganligi maʼlumot uchun qabul qilinsin.

2. Belgilansinki, 2024-yil 1-iyuldan eʼtiboran, mahalliy va xorijiy investorlarga berilgan preferensiyalar va imtiyozlarning turlari, muddatlari, tartibi va masʼul organlarni oʻz ichiga olgan Yagona reyestr (keyingi oʻrinlarda — Yagona reyestr) yuritiladi.

3. Quyidagilar:

Mahalliy va xorijiy investorlarga berilgan preferensiyalar va imtiyozlarning yagona reyestrini shakllantirish sxemasi 1-ilovaga muvofiq;

Mahalliy va xorijiy investorlarga berilgan preferensiyalar va imtiyozlarning dolzarbligini koʻrib chiqish boʻyicha ishchi guruh tarkibi 2-ilovaga muvofiq;

Mahalliy va xorijiy investorlarni qoʻllab-quvvatlash tizimini yanada takomillashtirish boʻyicha chora-tadbirlar rejasi 3-ilovaga muvofiq tasdiqlansin.

4. Oʻzbekiston Respublikasi Investitsiyalar, sanoat va savdo vazirligi:

Yagona reyestrni yuritish boʻyicha operator etib belgilansin, unga Yagona reyestrning yuritilishini uslubiy taʼminlash, davlat organlari va tashkilotlarining ushbu sohadagi faoliyatini muvofiqlashtirsin;

ikki oy muddatda manfaatdor davlat organlari va tashkilotlari bilan birgalikda mahalliy va xorijiy investorlarga berilgan barcha sohalardagi preferensiyalar va imtiyozlar roʻyxatini toʻliq shakllantirsin;

2024-yil 1-iyuldan boshlab, Yagona reyestr Vazirlikning rasmiy veb-saytida alohida boʻlim sifatida preferensiyalar va imtiyozlarni sohalar va yoʻnalishlar boʻyicha izlash va koʻrish imkoniyatini beruvchi elektron shaklda yuritilishini taʼminlasin.

5. Mahalliy va xorijiy investorlarga berilgan preferensiyalar va imtiyozlarning dolzarbligini koʻrib chiqish boʻyicha ishchi guruh (J. Xodjayev) Yagona reyestrning mazkur qarorda belgilangan sxemaga muvofiq yangilab borilishini hamda mahalliy va xorijiy investorlarga berilgan preferensiyalar va imtiyozlarning dolzarbligi koʻrib chiqilishini tashkil etib borsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.

Vazirlar Mahkamasining 2024-yil 7-fevraldagi 77-son qaroriga 1-ILOVA

Mahalliy va xorijiy investorlarga berilgan preferensiyalar va imtiyozlarning yagona reyestrini shakllantirish

Bosqichlar Masʼullar Tadbirlar Bajarish muddatlari 1-bosqich Davlat organlari va tashkilotlari 1. Biriktirilgan sohalar va tarmoqlardagi barcha normativ-huquqiy hujjatlarni xatlovdan oʻtkazadi hamda mahalliy va xorijiy investorlar uchun belgilangan preferensiyalar va imtiyozlar roʻyxatini shakllantiradi. 1-fevralga qadar 2. Shakllantirilgan roʻyxatni mazkur roʻyxatdagi preferensiyalar va imtiyozlarning zarurati, asosligi va dolzarbligi toʻgʻrisidagi maʼlumotlarni Investitsiyalar, sanoat va savdo vazirligi hamda Iqtisodiyot va moliya vazirligiga kiritadi. 1-martga qadar 2-bosqich Investitsiyalar, sanoat va savdo vazirligi Davlat organlari va tashkilotlari tomonidan taqdim etilgan mahalliy va xorijiy investorlar uchun belgilangan preferensiyalar va imtiyozlarning roʻyxatini oʻz rasmiy veb-saytiga joylashtiradi. 10-martga qadar 3-bosqich Investitsiyalar, sanoat va savdo vazirligi, Iqtisodiyot va moliya vazirligi Sohaga tegishli mahalliy va xorijiy investorlar uchun belgilangan preferensiya va imtiyozlarning zarurati, asosligi hamda dolzarbligini tanqidiy tahlil qilgan holda ushbu preferensiyalar va imtiyozlarni bekor qilish, qisqartirish yoki muddatini uzaytirish toʻgʻrisidagi takliflarni Mahalliy va xorijiy investorlarga berilgan preferensiyalar va imtiyozlarning dolzarbligini koʻrib chiqish boʻyicha ishchi guruhga (keyingi oʻrinlarda — Ishchi guruh) kiritadi. 1-aprelga qadar 4-bosqich Ishchi guruh Kiritilgan takliflarni koʻrib chiqadi hamda mahalliy va xorijiy investorlarga berilgan preferensiyalar va imtiyozlarni bekor qilish, qisqartirish yoki muddatini uzaytirishning maqsadga muvofiqligi boʻyicha xulosa qabul qiladi. 1-mayga qadar 5-bosqich Investitsiyalar, sanoat va savdo vazirligi Ishchi guruh xulosasidan kelib chiqib, zarur xollarda tegishli normativ-huquqiy hujjatlar loyihalarini ishlab chiqadi, kelishadi va belgilangan tartibda Vazirlar Mahkamasiga kiritadi. 1-iyulga qadar

Vazirlar Mahkamasining 2024-yil 7-fevraldagi 77-son qaroriga 2-ILOVA

Mahalliy va xorijiy investorlarga berilgan preferensiyalar va imtiyozlarning dolzarbligini koʻrib chiqish boʻyicha

1. J.A. Xodjayev — Bosh vazirning oʻrinbosari, ishchi guruh rahbari 2. L.Sh. Kudratov — investitsiyalar, sanoat va savdo vaziri, ishchi guruh rahbari oʻrinbosari 3. A.D. Tashkulov — adliya vaziri 4. Sh.X. Shermatov — raqamli texnologiyalar vaziri 5. I.Y. Abdurahmonov — qishloq xoʻjaligi vaziri 6. Sh.S. Xidoyatov — qurilish va uy-joy kommunal xoʻjaligi vaziri v.v.b 7. I.I. Norqulov — iqtisodiyot va moliya vazirining birinchi oʻrinbosari 8. Sh.D. Kudbiyev — Vazirlar Mahkamasi huzuridagi Soliq qoʻmitasi raisi 9. A.A. Mavlonov — Iqtisodiyot va moliya vazirligi huzuridagi Bojxona qoʻmitasi raisi 10. Lavozim boʻyicha — Raqobatni rivojlantirish va isteʼmolchilar huquqlarini himoya qilish qoʻmitasi raisi 11. D.A. Vahobov — Savdo-sanoat palatasi raisi 12. D.R. Li — Istiqbolli loyihalar milliy agentligi direktori 13. A.V. Sim — Investitsiyalar, sanoat va savdo vazirligi boshqarma boshligʻi, ishchi guruh kotibi

Vazirlar Mahkamasining 2024-yil 7-fevraldagi 77-son qaroriga 3-ILOVA

Mahalliy va xorijiy investorlarni qoʻllab-quvvatlash tizimini yanada takomillashtirish yuzasidan

T/r Tadbirlar nomi Amalga oshirish mexanizmi Amalga oshirish muddati Masʼul ijrochilar 1. Hududlarning investitsiya jozibadorligi reytingini yuritish. 1. Hududlarning investitsiya jozibadorligi reytingini yuritish uchun zarur koʻrsatkichlar roʻyxatini shakllantirish. 2024-yil mart Investitsiyalar, sanoat va savdo vazirligi (L. Kudratov) 2. Reytingni hisoblash metodologiyasi va mezonlarini ishlab chiqish. 2024-yil aprel 3. Hududlarning investitsiya jozibadorligi boʻyicha dastlabki reyting koʻrsatkichlarini shakllantirish. 2024-yil may-iyun 4. Reytingni hisoblash va yuritishni raqamlashtirish hamda uni yuritish tartibini belgilash yuzasidan tegishli hujjat loyihasini ishlab chiqish. 2024-yil iyul-avgust 2. Xalqaro reytinglarda mamlakatimiz oʻrnini oshirish choralarini koʻrish. 1. Fitch, Moodyʼs va S&P reyting agentliklarining savdo va investitsiya sohalaridagi hisobotlarini chuqur tahlil qilish. 2024-yil mart Investitsiyalar, sanoat va savdo vazirligi (L. Kudratov) 2. Mazkur reytinglar agentliklari bilan hamkorlik aloqalarini oʻrnatish chorasini koʻrish. 2024-yil aprel 3. Ushbu reyting agentliklari tomonidan taqdim etiladigan savolnomalarga toʻliq va sifatli javob tayyorlash metodologiyasini ishlab chiqish. 2024-yil may 3. Toʻgʻridan-toʻgʻri xorijiy investitsiyalarni jalb etish maqsadida investitsiya va savdo yoʻnalishidagi nufuzli xorijiy platformalarga aʼzo boʻlish. 1. Nufuzli xorijiy platformalarni tahlil etish va mamlakatimizga mos keladigan platformalar roʻyxatini shakllantirish. 2024-yil mart Investitsiyalar, sanoat va savdo vazirligi (L. Kudratov) 2. Shakllantirilgan roʻyxatdagi platformalarga aʼzo boʻlish boʻyicha “yoʻl xaritasi” ishlab chiqish va tasdiqlash. 2024-yil aprel 4. Uchinchi Toshkent xalqaro investitsiya forumini tashkil etish va yuqori saviyada oʻtkazish. Xorijning ilgʻor PR-kompaniyalar bilan Uchinchi Toshkent xalqaro investitsiya forumini yuqori saviyada oʻtkazish boʻyicha Forumning dasturi va chora-tadbirlar rejasi loyihasini ishlab chiqish hamda Vazirlar Mahkamasiga kiritish. 2024-yil fevral Investitsiyalar, sanoat va savdo vazirligi (L. Kudratov) 5. Investorlar bilan ishlashda zarur maʼlumotlar bazasini takomillashtirish. 1. Xalqaro moliya korporatsiyasi bilan hamkorlikda Toshkent viloyati hokimligining investorlar bilan ishlash faoliyatini tahlil etish. 2024-yil fevral Investitsiyalar, sanoat va savdo vazirligi (L. Kudratov) 2. Tahlil natijalariga asosan investorlar bilan ishlashda maʼlumotlar almashinuvi tizimini takomillashtirish yuzasidan takliflar ishlab chiqish. 2024-yil mart 6. Iqtisodiy hamkorlik va taraqqiyot tashkilotining “Investitsiya siyosati tahlili” loyihasini boshlash boʻyicha tayyorgarlik koʻrish. 1. Iqtisodiy hamkorlik va taraqqiyot tashkilotining maxsus platformasi orqali xorijiy davlatlarning investitsiya siyosati hisobotlarini tahlil qilish. 2024-yil mart Investitsiyalar, sanoat va savdo vazirligi (L. Kudratov ) 2. “Investitsiya siyosati tahlili” loyihasini amalga oshirish boʻyicha Ishchi guruh tashkil etish. 2024-yil aprel 3. Loyihani belgilangan muddatlarda sifatli yakunlash yuzasidan “yoʻl xaritasi”ni ishlab chiqish. 2024-yil may 7. Kichik va oʻrta biznesni rivojlantirish yuzasidan moliyalashtirish vositalarini kengaytirish. 1. Kraudfanding , fortfeyting hamda faktoring moliyaviy vositalarini chuqur tahlil qilish. 2024-yil mart Investitsiyalar, sanoat va savdo vazirligi (L. Kudratov) 2. Mazkur vositalarni mamlakatimizda keng joriy etish yuzasidan takliflar ishlab chiqish. 2024-yil aprel 3. Ishlab chiqilgan takliflarni tegishli vazirlik va idoralar bilan kelishgan holda Vazirlar Mahkamasiga kiritish. 2024-yil may 8. Xorijiy va mahalliy investorlar faoliyatini yanada takomillashtirish maqsadida B2B (business to business) shakldagi hamkorlikni keng yoʻlga qoʻyish. 1. B 2 B shakldagi hamkorlik boʻyicha xorijiy tajribani oʻrganish. 2024-yil iyun Investitsiyalar, sanoat va savdo vazirligi (L. Kudratov) 2. B 2 B shakldagi hamkorlikni keng yoʻlga qoʻyish maqsadida yirik xorijiy kompaniyalarni jalb etish yuzasidan chora-tadbirlar rejasini ishlab chiqish va tasdiqlash. 2024-yil avgust 3. Amalga oshirilgan ishlar boʻyicha tahliliy maʼlumotlarni Vazirlar Mahkamasiga kiritish. 2024-yil sentyabr 9. Mahalliy investorlarni ilmiy faoliyat natijalari bilan qoʻllab-quvvatlashga qaratilgan S2B (Science to business) shaklda hamkorlikni yoʻlga qoʻyish. 1. S2B shakldagi hamkorlikni yoʻlga qoʻyish boʻyicha xorijiy tajribani oʻrganish. 2024-yil mart Investitsiyalar, sanoat va savdo vazirligi (L. Kudratov) 2. Oʻrganish natijalari asosida S2B shaklidagi hamkorlikni yoʻlga qoʻyish boʻyicha takliflar ishlab chiqish. 2024-yil aprel 3. Ilmiy faoliyat natijalariga asoslangan investitsiya loyihalarini moliyalashtirish, jumladan xususiy sektor, ilmiy tashkilot va tarmoq korxonalarining sheriklikdagi hamkorligini yoʻlga qoʻyish yuzasidan takliflar ishlab chiqish. 2024-yil may 10. Mamlakatimizning investitsiya muhitini yanada takomillashtirish yuzasidan takliflar ishlab chiqish. 1. I shchi guruh tuzgan holda mamlakatimiz investitsiya muhitining mavjud holatini oʻrganish, tahlil qilish . 2024-yil mart Investitsiyalar, sanoat va savdo vazirligi (L. Kudratov) 2. I nvestitsiya muhiti yaxshilash boʻyicha xorijning ilgʻor tajribasini oʻrganish hamda hisobot tayyorlash. 2024-yil aprel 3. Oʻrganish natijalari boʻyicha asoslantirilgan takliflar ishlab chiqish va Vazirlar Mahkamasiga kiritish. 2024-yil may

Oʻzbekiston Respublikasining Bosh vaziri A. ARIPOV

Toshkent sh.,

2024-yil 7-fevral,

77-son

(Qonunchilik maʼlumotlari milliy bazasi, 13.02.2024-y., 09/24/77/0117-son)

lex.uz