📅 2024-yil 13-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 13 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 февраля 2024 г. · Постановления Президента
Официальный текст. Официальный документ. Редакционные примечания не включены.
📅 13 February 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Қишлоқ хўжалиги ерлари деградациясига қарши курашиш, тупроқнинг гумус миқдори ва унумдорлигини оширишни қўллаб-қувватлашнинг қўшимча чора-тадбирлари тўғрисида
Республикада иқлим ўзгариши билан боғлиқ салбий таъсирнинг олдини олиш, қишлоқ хўжалиги ерлари деградациясини камайтириш, тупроқдаги гумус миқдорини кўпайтириш орқали экинлар ҳосилдорлиги ва тупроқ унумдорлигини ошириш мақсадида:
1. Шундай тартиб жорий этилсинки, унга мувофиқ 2024-2025 йилларда тажриба тариқасида пахта майдонларида тупроқ унумдорлиги ва ҳосилдорликни, шу жумладан тупроқнинг гумус миқдорини ошириш бўйича агротехник тадбирлар учун ердан фойдаланувчиларга (жумладан, кластерларга) Давлат бюджети маблағлари ҳисобидан ҳар бир гектар майдонга бир миллион сўмдан субсидия ажратилади. Бунда:
субсидия ажратиш Қишлоқ хўжалиги вазирлиги томонидан «Агросубсидия ахборот тизими» орқали амалга оширилади;
пахта майдонларида тупроқ унумдорлиги ва ҳосилдорликни ошириш бўйича тадбирларни бажариш учун дастлаб ҳисобланган субсидиянинг 70 фоизи 2024 йилда ажратилади;
субсидиянинг қолган 30 фоизи Ўзбекистон Республикаси Президенти ҳузуридаги Пахтачилик кенгашининг ҳосилдорлик олдинги мавсумга нисбатан ўртача 10 фоизга ошганлиги тўғрисидаги хулосасига асосан 2025 йилда ажратилади.
2. Қишлоқ хўжалиги вазирлиги Иқтисодиёт ва молия вазирлиги билан биргаликда 2024 йил Давлат бюджети параметрларига мувофиқ ажратилган маблағлар ҳисобидан мазкур қарорнинг 1-бандида назарда тутилган субсидиялар ўз муддатида ажратиб берилишини таъминласин.
3. Қишлоқ хўжалиги вазирлигининг агротехник тадбирлар учун тақдим этадиган талабномаларига мувофиқ тупроқнинг гумус миқдорини ошириш мақсадида, заруриятга кўра, Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармасидан 2025 йил пахта ҳосили учун 2024 йилнинг сентябрь ойидан бошлаб имтиёзли кредитлар ажратилишига рухсат берилсин.
4. Қишлоқ хўжалиги ерлари деградациясига қарши курашиш ҳамда тупроқ унумдорлигини ошириш бўйича республика комиссияси таркиби иловага мувофиқ тасдиқлансин.
Республика комиссиясининг асосий вазифалари этиб қуйидагилар белгилансин:
хорижий тажрибани чуқур таҳлил қилган ҳолда тупроқдаги гумус миқдорини кўпайтириш орқали тупроқ унумдорлиги ва ҳосилдорликни ошириш бўйича таклифлар ишлаб чиқиш;
тупроқ таркибида гумус миқдори кам бўлган ер майдонларини аниқлаш, уларнинг хариталарини яратиш ва мониторинг қилиш;
ҳудудларда тупроқни муҳофаза қилишга қаратилган ердан фойдаланиш тизимини жорий қилиш ва рағбатлантириш чораларини кўриш;
пахта майдонларида тупроқ унумдорлигини ошириш тажрибасини республиканинг бошқа ҳудудларида кенг жорий қилиш;
ерлар деградацияси жараёнларининг олдини олиш бўйича илмий асосланган тавсиялар ишлаб чиқиш;
Давлат бюджетидан ажратилган субсидияларнинг ўз муддатида мақсадли ва самарали ишлатилишини ташкил қилиш.
5. Тупроқшунослик йўналишидаги фаолиятни ягона тизимда амалга ошириш мақсадида «Тупроқ таркиби ва репозиторийси, сифати таҳлил маркази» давлат унитар корхонаси Тупроқшунослик ва агрокимёвий тадқиқотлар институти таркибига ўтказилсин.
Белгилансинки, Тупроқшунослик ва агрокимёвий тадқиқотлар институти, унинг минтақавий филиаллари ва таркибидаги «Тупроқ таҳлил маркази» давлат муассасаси тупроққа оид тадқиқотлар, шу жумладан тупроқнинг сифатини баҳолаш (бонитировка), шўрланиш, эрозия хариталари, агрокимёвий ва экологик таҳлиллар ўтказиш ҳамда ушбу йўналишлардаги тематик тупроқ хариталарини тузиш бўйича Қишлоқ хўжалиги вазирлигининг Ягона етказиб берувчиси ҳисобланади.
6. Вазирлар Маҳкамаси бир ҳафта муддатда:
2024-2025 йилларда пахта майдонларида тупроқ унумдорлигини ошириш учун субсидия ажратиш тажрибаси синовдан ўтказиладиган туманлар рўйхатини;
Пахта майдонларида тупроқнинг гумус миқдори ва унумдорлигини ошириш бўйича чора-тадбирлар дастурини;
Пахта майдонларида тупроқ унумдорлиги ва ҳосилдорликни ошириш бўйича агротехник тадбирлар учун субсидия ажратиш тартиби тўғрисидаги вақтинчалик низомни тасдиқласин.
7. Ҳисоб палатаси (А. Бобоев) мазкур қарор доирасида Давлат бюджети ҳисобидан маблағларнинг мақсадли ажратилиши ва сарфланиши устидан назорат ўрнатсин.
8. Қишлоқ хўжалиги вазирлиги Фанлар академияси, Ўзбекистон фермер, деҳқон хўжаликлари ва томорқа ер эгалари кенгаши билан биргаликда 2024 йилнинг иккинчи чорагида илмий-тадқиқот ва олий таълим муассасалари олимларидан иборат ишчи гуруҳларни ташкил қилган ҳолда жойларда тупроқнинг гумус миқдорини ошириш бўйича амалга ошириладиган агротехник тадбирлар ҳамда Давлат бюджетидан ажратиладиган субсидия тўғрисида ҳар бир туманда фермер хўжаликлари учун семинарлар ташкил этсин ва уларга тушунтиришлар берсин.
Бунда, тупроқнинг гумус миқдорини ошириш бўйича агротехник тадбирларни амалга ошириш бўйича тавсиялар ишлаб чиқиш ва ҳар бир фермер хўжалигига етказиш назарда тутилади.
9. Қишлоқ хўжалиги вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини самарали ташкил этиш ва назорат қилиш Ўзбекистон Республикаси Президентининг аграр ривожланиш масалалари бўйича маслаҳатчиси Ш.М. Ғаниев зиммасига юклансин.
Ўзбекистон Республикаси Президентининг 2024 йил 13 февралдаги ПҚ-71-сон қарорига ИЛОВА
Қишлоқ хўжалиги ерлари деградациясига қарши курашиш ҳамда тупроқ унумдорлигини ошириш бўйича республика комиссияси
1. Ш. Ғаниев — Ўзбекистон Республикаси Президенти маслаҳатчиси, Республика комиссияси раиси 2. Т. Рапиков — Вазирлар Маҳкамаси котибият мудири 3. Ш. Хамраев — сув хўжалиги вазири 4. А. Қосимов — қишлоқ хўжалиги вазирининг ўринбосари 5. А. Хайдаров — иқтисодиёт ва молия вазирининг ўринбосари 6. Б. Норқобилов — Ветеринария ва чорвачиликни ривожлантириш қўмитаси раиси 7. И. Эргашев — Ўсимликлар карантини ва ҳимояси агентлиги директори 8. А. Хаитов — Ўзбекистон фермер, деҳқон хўжаликлари ва томорқа ер эгалари кенгаши раиси 9. М. Рахматов — Ўзбекистон пахта-тўқимачилик кластерлари уюшмаси раиси 10. А. Равшанов — Пахта селекцияси уруғчилиги ва етиштириш агротехнологияси илмий-тадқиқот институти директори 11. Ш. Отажонов — Ўзбекистон Республикаси Президенти ҳузуридаги Пахтачилик кенгаши котиби 12. О. Аманов — Жанубий деҳқончилик илмий-тадқиқот институти директори 13. Н. Усанбаев — Фанлар академияси Умумий ва ноорганик кимё институти илмий ишлар бўйича директор ўринбосари 14. А. Эшматов — Жиззах вилояти Пахтакор туманидаги «Анвар-А» фермер хўжалиги раҳбари 15. Лавозими бўйича — Қорақалпоғистон Республикаси Вазирлар Кенгаши Раисининг ва вилоятлар ҳокимларининг қишлоқ ва сув хўжалиги масалалари бўйича ўринбосарлари 16. Ш. Бобомуродов — Тупроқшунослик ва агрокимёвий тадқиқотлар институти директори, Республика комиссияси котиби
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 13 февраль,
ПҚ-71-сон
Oʻzbekiston Respublikasi Prezidentining
Qarori
TARKIBI
Qishloq xoʻjaligi yerlari degradatsiyasiga qarshi kurashish, tuproqning gumus miqdori va unumdorligini oshirishni qoʻllab-quvvatlashning qoʻshimcha chora-tadbirlari toʻgʻrisida
Respublikada iqlim oʻzgarishi bilan bogʻliq salbiy taʼsirning oldini olish, qishloq xoʻjaligi yerlari degradatsiyasini kamaytirish, tuproqdagi gumus miqdorini koʻpaytirish orqali ekinlar hosildorligi va tuproq unumdorligini oshirish maqsadida:
1. Shunday tartib joriy etilsinki, unga muvofiq 2024-2025-yillarda tajriba tariqasida paxta maydonlarida tuproq unumdorligi va hosildorlikni, shu jumladan tuproqning gumus miqdorini oshirish boʻyicha agrotexnik tadbirlar uchun yerdan foydalanuvchilarga (jumladan, klasterlarga) Davlat budjeti mablagʻlari hisobidan har bir gektar maydonga bir million soʻmdan subsidiya ajratiladi. Bunda:
subsidiya ajratish Qishloq xoʻjaligi vazirligi tomonidan “Agrosubsidiya axborot tizimi” orqali amalga oshiriladi;
paxta maydonlarida tuproq unumdorligi va hosildorlikni oshirish boʻyicha tadbirlarni bajarish uchun dastlab hisoblangan subsidiyaning 70 foizi 2024-yilda ajratiladi;
subsidiyaning qolgan 30 foizi Oʻzbekiston Respublikasi Prezidenti huzuridagi Paxtachilik kengashining hosildorlik oldingi mavsumga nisbatan oʻrtacha 10 foizga oshganligi toʻgʻrisidagi xulosasiga asosan 2025-yilda ajratiladi.
2. Qishloq xoʻjaligi vazirligi Iqtisodiyot va moliya vazirligi bilan birgalikda 2024-yil Davlat budjeti parametrlariga muvofiq ajratilgan mablagʻlar hisobidan mazkur qarorning 1-bandida nazarda tutilgan subsidiyalar oʻz muddatida ajratib berilishini taʼminlasin.
3. Qishloq xoʻjaligi vazirligining agrotexnik tadbirlar uchun taqdim etadigan talabnomalariga muvofiq tuproqning gumus miqdorini oshirish maqsadida, zaruriyatga koʻra, Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasidan 2025-yil paxta hosili uchun 2024-yilning sentabr oyidan boshlab imtiyozli kreditlar ajratilishiga ruxsat berilsin.
4. Qishloq xoʻjaligi yerlari degradatsiyasiga qarshi kurashish hamda tuproq unumdorligini oshirish boʻyicha respublika komissiyasi tarkibi ilovaga muvofiq tasdiqlansin.
Respublika komissiyasining asosiy vazifalari etib quyidagilar belgilansin:
xorijiy tajribani chuqur tahlil qilgan holda tuproqdagi gumus miqdorini koʻpaytirish orqali tuproq unumdorligi va hosildorlikni oshirish boʻyicha takliflar ishlab chiqish;
tuproq tarkibida gumus miqdori kam boʻlgan yer maydonlarini aniqlash, ularning xaritalarini yaratish va monitoring qilish;
hududlarda tuproqni muhofaza qilishga qaratilgan yerdan foydalanish tizimini joriy qilish va ragʻbatlantirish choralarini koʻrish;
paxta maydonlarida tuproq unumdorligini oshirish tajribasini respublikaning boshqa hududlarida keng joriy qilish;
yerlar degradatsiyasi jarayonlarining oldini olish boʻyicha ilmiy asoslangan tavsiyalar ishlab chiqish;
Davlat budjetidan ajratilgan subsidiyalarning oʻz muddatida maqsadli va samarali ishlatilishini tashkil qilish.
5. Tuproqshunoslik yoʻnalishidagi faoliyatni yagona tizimda amalga oshirish maqsadida “Tuproq tarkibi va repozitoriysi, sifati tahlil markazi” davlat unitar korxonasi Tuproqshunoslik va agrokimyoviy tadqiqotlar instituti tarkibiga oʻtkazilsin.
Belgilansinki, Tuproqshunoslik va agrokimyoviy tadqiqotlar instituti, uning mintaqaviy filiallari va tarkibidagi “Tuproq tahlil markazi” davlat muassasasi tuproqqa oid tadqiqotlar, shu jumladan tuproqning sifatini baholash (bonitirovka), shoʻrlanish, eroziya xaritalari, agrokimyoviy va ekologik tahlillar oʻtkazish hamda ushbu yoʻnalishlardagi tematik tuproq xaritalarini tuzish boʻyicha Qishloq xoʻjaligi vazirligining Yagona yetkazib beruvchisi hisoblanadi.
6. Vazirlar Mahkamasi bir hafta muddatda:
2024-2025-yillarda paxta maydonlarida tuproq unumdorligini oshirish uchun subsidiya ajratish tajribasi sinovdan oʻtkaziladigan tumanlar roʻyxatini;
Paxta maydonlarida tuproqning gumus miqdori va unumdorligini oshirish boʻyicha chora-tadbirlar dasturini;
Paxta maydonlarida tuproq unumdorligi va hosildorlikni oshirish boʻyicha agrotexnik tadbirlar uchun subsidiya ajratish tartibi toʻgʻrisidagi vaqtinchalik nizomni tasdiqlasin.
7. Hisob palatasi (A. Boboyev) mazkur qaror doirasida Davlat budjeti hisobidan mablagʻlarning maqsadli ajratilishi va sarflanishi ustidan nazorat oʻrnatsin.
8. Qishloq xoʻjaligi vazirligi Fanlar akademiyasi, Oʻzbekiston fermer, dehqon xoʻjaliklari va tomorqa yer egalari kengashi bilan birgalikda 2024-yilning ikkinchi choragida ilmiy-tadqiqot va oliy taʼlim muassasalari olimlaridan iborat ishchi guruhlarni tashkil qilgan holda joylarda tuproqning gumus miqdorini oshirish boʻyicha amalga oshiriladigan agrotexnik tadbirlar hamda Davlat budjetidan ajratiladigan subsidiya toʻgʻrisida har bir tumanda fermer xoʻjaliklari uchun seminarlar tashkil etsin va ularga tushuntirishlar bersin.
Bunda, tuproqning gumus miqdorini oshirish boʻyicha agrotexnik tadbirlarni amalga oshirish boʻyicha tavsiyalar ishlab chiqish va har bir fermer xoʻjaligiga yetkazish nazarda tutiladi.
9. Qishloq xoʻjaligi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini samarali tashkil etish va nazorat qilish Oʻzbekiston Respublikasi Prezidentining agrar rivojlanish masalalari boʻyicha maslahatchisi Sh.M. Gʻaniyev zimmasiga yuklansin.
Oʻzbekiston Respublikasi Prezidentining 2024-yil 13-fevraldagi PQ-71-son qaroriga ILOVA
Qishloq xoʻjaligi yerlari degradatsiyasiga qarshi kurashish hamda tuproq unumdorligini oshirish boʻyicha respublika komissiyasi
1. Sh. Gʻaniyev — Oʻzbekiston Respublikasi Prezidenti maslahatchisi, Respublika komissiyasi raisi 2. T. Rapikov — Vazirlar Mahkamasi kotibiyat mudiri 3. Sh. Xamrayev — suv xoʻjaligi vaziri 4. A. Qosimov — qishloq xoʻjaligi vazirining oʻrinbosari 5. A. Xaydarov — iqtisodiyot va moliya vazirining oʻrinbosari 6. B. Norqobilov — Veterinariya va chorvachilikni rivojlantirish qoʻmitasi raisi 7. I. Ergashev — Oʻsimliklar karantini va himoyasi agentligi direktori 8. A. Xaitov — Oʻzbekiston fermer, dehqon xoʻjaliklari va tomorqa yer egalari kengashi raisi 9. M. Raxmatov — Oʻzbekiston paxta-toʻqimachilik klasterlari uyushmasi raisi 10. A. Ravshanov — Paxta seleksiyasi urugʻchiligi va yetishtirish agrotexnologiyasi ilmiy-tadqiqot instituti direktori 11. Sh. Otajonov — Oʻzbekiston Respublikasi Prezidenti huzuridagi Paxtachilik kengashi kotibi 12. O. Amanov — Janubiy dehqonchilik ilmiy-tadqiqot instituti direktori 13. N. Usanbayev — Fanlar akademiyasi Umumiy va noorganik kimyo instituti ilmiy ishlar boʻyicha direktor oʻrinbosari 14. A. Eshmatov — Jizzax viloyati Paxtakor tumanidagi “Anvar-A” fermer xoʻjaligi rahbari 15. Lavozimi boʻyicha — Qoraqalpogʻiston Respublikasi Vazirlar Kengashi Raisining va viloyatlar hokimlarining qishloq va suv xoʻjaligi masalalari boʻyicha oʻrinbosarlari 16. Sh. Bobomurodov — Tuproqshunoslik va agrokimyoviy tadqiqotlar instituti direktori, Respublika komissiyasi kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 13-fevral,
PQ-71-son
Президента Республики Узбекистан
Постановление
СОСТАВ
О дополнительных мерах по борьбе с деградацией земель сельскохозяйственного назначения, поддержке повышения содержания гумуса в почве и ее плодородия
В целях предотвращения негативного воздействия изменения климата в республике, снижения деградации сельскохозяйственных угодий, повышения урожайности сельскохозяйственных культур и плодородия почв путем увеличения содержания гумуса в почве:
1. Внедрить порядок, в соответствии с которым в 2024-2025 годах в качестве эксперимента землепользователям (в том числе кластерам) для агротехнических мероприятий по повышению плодородия почв и урожайности, в том числе содержания гумуса на хлопковых площадях, будут выделены субсидии в размере одного миллиона сумов на гектар за счет средств Государственного бюджета. При этом:
выделение субсидий осуществляется Министерством сельского хозяйства через «Информационную систему агросубсидий»;
в 2024 году 70 процентов первоначально рассчитанной субсидии выделяется на проведение мер по повышению плодородия почв и урожайности на хлопковых площадях;
остальные 30 процентов субсидии выделяются в 2025 году на основании заключения Совета по хлопководству при Президенте Республики Узбекистан об увеличении урожайности в среднем на 10 процентов относительно предыдущего сезона.
2. Министерству сельского хозяйства совместно с Министерством экономики и финансов обеспечить своевременное выделение субсидий, предусмотренных пунктом 1 настоящего постановления, за счет средств, выделенных в соответствии с параметрами Государственного бюджета на 2024 год.
3. В целях увеличения содержания гумуса в почве в соответствии с заявками Министерства сельского хозяйства на агротехнические мероприятия, при необходимости, разрешить начиная с сентября 2024 года выделение льготных кредитов из Фонда государственной поддержки сельского хозяйства при Министерстве экономики и финансов для урожая хлопка 2025 года.
4. Утвердить состав Республиканской комиссии по борьбе с деградацией земель сельскохозяйственного назначения и повышению плодородия почв согласно приложению .
Определить основными задачами Республиканской комиссии:
разработку предложений по повышению плодородия почв и урожайности путем увеличения содержания гумуса в почве на основе глубокого анализа зарубежного опыта;
выявление земельных площадей с низким содержанием гумуса в составе почвы, составление их карт и ведение мониторинга;
внедрение системы землепользования, направленной на охрану почв в регионах, и принятие мер стимулирования производителей продукции;
широкое внедрение опыта повышения плодородия почв на хлопковых площадях в других регионах республики;
разработку научно обоснованных рекомендаций по предотвращению процессов деградации земель;
организацию своевременного целевого и эффективного использования субсидий, выделяемых из Государственного бюджета.
5. В целях реализации деятельности в области почвоведения в единой системе передать государственное унитарное предприятие «Аналитический центр качества, состава и репозиторий почв» в состав Института почвоведения и агрохимических исследований.
Определить, что Институт почвоведения и агрохимических исследований, его региональные филиалы и Государственное учреждение «Центр анализа почвы» в его составе являются Единым поставщиком Министерства сельского хозяйства по исследованиям почвы, в том числе оценке качества (бонитировке) почвы, подготовке карт по засоленности, эрозии почв, проведению агрохимического и экологического анализа, а также составлению тематических почвенных карт в данных направлениях.
6. Кабинету Министров в недельный срок утвердить:
Перечень районов, в которых апробируется практика выделения субсидий на повышение плодородия почвы хлопковых площадей в 2024-2025 годах;
Программу мер по повышению содержания гумуса и плодородия почвы на хлопковых площадях;
Временное положение о порядке выделения субсидий на агротехнические мероприятия по повышению плодородия почв и урожайности хлопковых площадей.
7. Счетной палате (А. Бобоев) установить контроль за целевым распределением и расходованием средств Государственного бюджета в рамках настоящего постановления.
8. Министерству сельского хозяйства совместно с Академией наук, Советом фермерских, дехканских хозяйств и владельцев приусадебных земель Узбекистана во втором квартале 2024 года создать рабочие группы из числа ученых научно-исследовательских и высших образовательных учреждений и организовать в каждом районе семинары для фермерских хозяйств с целью разъяснения важности агротехнических мероприятий по повышению содержания гумуса в почве, о субсидиях, выделяемых из Государственного бюджета.
При этом будут предусмотрены разработка и предоставление каждому фермерскому хозяйству рекомендаций по проведению агротехнических мероприятий по увеличению содержания гумуса в почве.
9. Министерству сельского хозяйства совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Возложить на советника Президента Республики Узбекистан по вопросам аграрного развития Ш.М. Ганиева ответственность за эффективную организацию и осуществление контроля за исполнением настоящего постановления.
ПРИЛОЖЕНИЕ к постановлению Президента Республики Узбекистан от 13 февраля 2024 года № ПП-71
Республиканской комиссии по борьбе с деградацией земель сельскохозяйственного назначения и повышению плодородия почв
1. Ш. Ганиев — советник Президента Республики Узбекистан, руководитель Республиканской комиссии 2. Т. Рапиков — заведующий секретариатом Кабинета Министров 3. Ш. Хамраев — министр водного хозяйства 4. А. Косимов — заместитель министра сельского хозяйства 5. А. Хайдаров — заместитель министра экономики и финансов 6. Б. Норкобилов — председатель Комитета ветеринарии и развития животноводства 7. И. Эргашев — директор Агентства по карантину и защите растений 8. А. Хаитов — председатель Совета фермерских, дехканских хозяйств и владельцев приусадебных земель Узбекистана 9. М. Рахматов — председатель Ассоциации хлопково-текстильных кластеров Узбекистана 10. А. Равшанов — директор Научно-исследовательского института селекции, семеноводства и агротехнологии выращивания хлопка 11. Ш. Отажонов — секретарь Совета по хлопководству при Президенте Республики Узбекистан 12. О. Аманов — директор Научно-исследовательского института земледелия в южных районах 13. Н. Усанбаев — заместитель директора по научной работе Института общей и неорганической химии Академии наук 14. А. Эшматов — председатель фермерского хозяйства «Анвар-А» Пахтакорского района Джизакской области 15. По должности — заместитель Председателя Совета Министров Республики Каракалпакстан и заместители хокимов областей по вопросам сельского и водного хозяйства 16. Ш. Бобомуродов — директор Института почвоведения и агрохимических исследований, секретарь Р еспубликанской комиссии
Президент Республики Узбекистан Ш. МИРЗИЁЕВ
г. Ташкент,
13 февраля 2024 г.,
№ ПП-71