📅 2024-yil 19-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 19 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 февраля 2024 г. · Постановления Президента
Официальный текст. Официальный документ. Редакционные примечания не включены.
📅 19 February 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Буюк туркман шоири ва мутафаккири Махтумқули Фироғий таваллудининг 300 йиллигини кенг нишонлаш тўғрисида
Туркман халқининг улуғ фарзанди Махтумқули Фироғий нафақат туркий халқлар, айни пайтда жаҳон адабиёти ва маданияти тарихида алоҳида ўрин эгаллаган атоқли шоир ва мутафаккирдир.
Ҳассос сўз санъаткорининг чуқур гуманизм билан суғорилган асарлари мард ва матонатли, меҳнаткаш туркман халқининг эзгу қадриятлари ва олижаноб фазилатларини тараннум этиши, ҳамиша халқ билан ҳамдард бўлишга, турли миллат ва элатлар ўртасида ўзаро аҳиллик ва ҳамжиҳатлик ришталарини мустаҳкамлашга қаратилган мазмун-моҳияти билан барчамиз, айниқса, ёшларимиз учун ибрат намунасидир.
Бу йил нуфузли халқаро ташкилот — ЮНЕСКО раҳнамолигида Махтумқули Фироғий таваллудининг 300 йиллик қутлуғ юбилей санаси дунё миқёсида кенг нишонланаётгани ҳам шоир адабий мероси жаҳон сўз санъатининг бебаҳо хазинасига айланиб, инсониятнинг маънавий оламини юксалтиришга хизмат қилиб келаётганидан далолат беради.
Ўзбекистон дунёда Махтумқули асарлари энг кўп нашр қилинадиган ва ўқиладиган мамлакатлардан бири сифатида эътироф этилиши, албатта бежиз эмас. Юртимизда мумтоз шоирнинг шеърлари ва улар асосида яратилган қўшиқлар кириб бормаган бирор-бир хонадон, унинг номини билмайдиган бирор-бир ўзбек топилмайди. Махтумқули асрлар мобайнида халқимизнинг ўз шоирига айланган. Унинг шеърлари ўзининг теран фалсафий маъноси, халқона руҳи, юксак бадиияти билан бахши ва ҳофизларимиз, шоирларимизга илҳом бағишлаб, ҳамиша давраларда янграб, эл-юртимиз қалбида яшаб келади.
Махтумқулининг ўз даврида Хивадаги машҳур Шерғозихон мадрасасида таҳсил олгани, Алишер Навоийдек буюк сўз санъаткорини ўзига устоз деб билгани халқларимиз ўртасидаги чинакам дўстликнинг ажойиб намунасидир. Махтумқули Хивада жуда кўп устоз ва маслакдошлар, дўст-ёр ва мухлислар орттирган, бу ерда кечирган йилларини миннатдорлик билан эслаб, гўзал шеърлар битганини ўзбек китобхонлари яхши билади.
Ўзбекистон ва Туркманистон ўртасидаги дўстлик ҳамда яхши қўшничилик муносабатлари тарихида янги давр бошланган ҳозирги пайтда Махтумқули Фироғийнинг ўлмас бадиий мероси халқларимиз учун янада муҳим аҳамият касб этмоқда. Икки қардош эл учун бирдек ардоқли бўлган шоирнинг баркамол асарлари мамлакатимизда мунтазам равишда, йирик ададларда нашр этилмоқда. Тошкент ва Хива шаҳарларида шоир хотирасига бағишлаб бунёд этилган ёдгорлик мажмуалари табаррук зиёратгоҳларга айланган.
Ўзбек халқининг Махтумқули Фироғий сиймосида қардош Туркманистон халқига, унинг бой тарихи ва маданияти, урф-одат ва қадриятларига ҳурмат-эҳтиромининг ёрқин намунаси сифатида ҳамда шоир таваллудининг 300 йиллигини муносиб нишонлаш мақсадида:
1. Маданият вазирлиги, Олий таълим, фан ва инновациялар вазирлиги, Мактабгача ва мактаб таълими вазирлиги, Ташқи ишлар вазирлиги, Ёзувчилар уюшмаси, Фанлар академияси, Республика Маънавият ва маърифат маркази, Бадиий академия, Маданият вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси ҳамда жамоатчилик вакилларининг буюк туркман шоири ва мутафаккири Махтумқули Фироғий таваллудининг 300 йиллигини мамлакатимизда кенг нишонлаш тўғрисидаги таклифлари маъқуллансин.
2. Махтумқули Фироғий таваллудининг 300 йиллигини нишонлаш бўйича ташкилий қўмита (кейинги ўринларда — Ташкилий қўмита) таркиби иловага мувофиқ тасдиқлансин.
3. Ташкилий қўмита (А.Н. Арипов) икки ҳафта муддатда Махтумқули Фироғий таваллудининг 300 йиллигини юқори савияда нишонлаш бўйича чора-тадбирлар дастурини тасдиқласин.
Чора-тадбирлар дастурида:
Махтумқули Фироғийнинг «Танланган асарлар»и ҳамда унинг ҳаёти ва ижодий фаолиятига бағишланган илмий мақолалар тўпламини нашрга тайёрлаш ва чоп этиш;
давлат буюртмаси асосида Ўзбекистон ва Туркманистон кино усталари ҳамкорлигида Махтумқули Фироғийга бағишланган бадиий фильм яратиш;
шоир ҳаёти ва ижодий фаолияти ҳақида спектакль саҳналаштириш;
ёш хонандалар ўртасида «Махтумқули шеърлари билан айтиладиган энг яхши қўшиқлар ижрочиси» республика танловини ўтказиш;
Бадиий академиянинг марказий кўргазмалар залида ўзбек ва туркман халқларининг дўстлик ва қардошлик алоқаларини тараннум этувчи тасвирий санъат асарлари кўргазмасини ташкил этиш;
Хива шаҳрида Фанлар академияси, Ёзувчилар уюшмаси, Хоразм вилояти ҳокимлиги ва бошқа тегишли вазирлик ва идоралар билан ҳамкорликда «Махтумқули ижодининг ўзбек адабиёти ва санъатида тутган ўрни» мавзусида халқаро илмий конференция ўтказиш;
мамлакатимиздаги олий ва ўрта махсус, касб-ҳунар, умумий ўрта таълим ташкилотлари, ҳарбий қисмлар, меҳнат жамоалари ҳамда маҳаллаларда таниқли шоир ва ёзувчилар, олимлар иштирокида учрашувлар, адабий кечалар ташкил этиш;
2024 йил октябрь ойида Алишер Навоий номидаги Ўзбекистон давлат академик катта театрида Махтумқули Фироғий хотирасига бағишланган ижодий кеча ўтказиш тадбирлари кўзда тутилсин.
4. Ўзбекистон Миллий ахборот агентлиги, Ўзбекистон миллий телерадиокомпанияси, «Дунё» ахборот агентлиги ва бошқа оммавий ахборот воситаларига Махтумқули Фироғий таваллудининг 300 йиллигини нишонлаш билан боғлиқ тадбирларни кенг ёритиш тавсия этилсин.
5. Мазкур қарорда назарда тутилган чора-тадбирларни молиялаштириш тегишли вазирлик, идора ва ташкилотларга ажратилган бюджет маблағлари, уларнинг бюджетдан ташқари маблағлари ҳамда қонунчилик ҳужжатлари билан тақиқланмаган бошқа манбалар ҳисобидан амалга оширилиши белгилансин.
6. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 19 февралдаги ПҚ-76-сон қарорига ИЛОВА
Махтумқули Фироғий таваллудининг 300 йиллигини нишонлаш бўйича ташкилий қўмита
1. А.Н. Арипов — Ўзбекистон Республикаси Бош вазири, Ташкилий қўмита раҳбари 2. О.Қ. Абдураҳмонов — Ўзбекистон Республикаси Президенти Администрациясининг Ижтимоий ривожланиш департаменти раҳбари, Ташкилий қўмита раҳбари ўринбосари 3. Х.М. Султонов — Ўзбекистон Республикаси Президентининг маслаҳатчиси 4. О.А. Назарбеков — маданият вазири 5. Қ.А. Шарипов — олий таълим, фан ва инновациялар вазири 6. Х.У. Умарова — мактабгача ва мактаб таълими вазири 7. Б.О. Саидов — ташқи ишлар вазири 8. О.Р. Фозилкаримов — иқтисодиёт ва молия вазири ўринбосари 9. Б.С. Юлдашев — Фанлар академияси президенти 10. С.С. Саидов — Ўзбекистон Ёзувчилар уюшмаси раиси 11. О.А. Ҳасанов — Республика Маънавият ва маърифат маркази раҳбари 12. А.В. Нуридинов — Ўзбекистон Бадиий академияси раиси 13. Р.Ж. Қурбонов — Миллатлараро муносабатлар ва хорижий мамлакатлар билан дўстлик алоқалари қўмитаси раиси 14. Ф.Ф. Абдухолиқов — Кинематография агентлиги директори 15. Ж.Р. Рахимов — Хоразм вилояти ҳокими 16. Б.О. Онорбоев — Вазирлар Маҳкамаси бўлими бошлиғи, Ташкилий қўмита котиби
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 19 февраль,
ПҚ-76-сон
Oʻzbekiston Respublikasi Prezidentining
Qarori
TARKIBI
Buyuk turkman shoiri va mutafakkiri Maxtumquli Firogʻiy tavalludining 300 yilligini keng nishonlash toʻgʻrisida
Turkman xalqining ulugʻ farzandi Maxtumquli Firogʻiy nafaqat turkiy xalqlar, ayni paytda jahon adabiyoti va madaniyati tarixida alohida oʻrin egallagan atoqli shoir va mutafakkirdir.
Hassos soʻz sanʼatkorining chuqur gumanizm bilan sugʻorilgan asarlari mard va matonatli, mehnatkash turkman xalqining ezgu qadriyatlari va olijanob fazilatlarini tarannum etishi, hamisha xalq bilan hamdard boʻlishga, turli millat va elatlar oʻrtasida oʻzaro ahillik va hamjihatlik rishtalarini mustahkamlashga qaratilgan mazmun-mohiyati bilan barchamiz, ayniqsa, yoshlarimiz uchun ibrat namunasidir.
Bu yil nufuzli xalqaro tashkilot — YUNESKO rahnamoligida Maxtumquli Firogʻiy tavalludining 300 yillik qutlugʻ yubiley sanasi dunyo miqyosida keng nishonlanayotgani ham shoir adabiy merosi jahon soʻz sanʼatining bebaho xazinasiga aylanib, insoniyatning maʼnaviy olamini yuksaltirishga xizmat qilib kelayotganidan dalolat beradi.
Oʻzbekiston dunyoda Maxtumquli asarlari eng koʻp nashr qilinadigan va oʻqiladigan mamlakatlardan biri sifatida eʼtirof etilishi, albatta bejiz emas. Yurtimizda mumtoz shoirning sheʼrlari va ular asosida yaratilgan qoʻshiqlar kirib bormagan biror-bir xonadon, uning nomini bilmaydigan biror-bir oʻzbek topilmaydi. Maxtumquli asrlar mobaynida xalqimizning oʻz shoiriga aylangan. Uning sheʼrlari oʻzining teran falsafiy maʼnosi, xalqona ruhi, yuksak badiiyati bilan baxshi va hofizlarimiz, shoirlarimizga ilhom bagʻishlab, hamisha davralarda yangrab, el-yurtimiz qalbida yashab keladi.
Maxtumqulining oʻz davrida Xivadagi mashhur Shergʻozixon madrasasida tahsil olgani, Alisher Navoiydek buyuk soʻz sanʼatkorini oʻziga ustoz deb bilgani xalqlarimiz oʻrtasidagi chinakam doʻstlikning ajoyib namunasidir. Maxtumquli Xivada juda koʻp ustoz va maslakdoshlar, doʻst-yor va muxlislar orttirgan, bu erda kechirgan yillarini minnatdorlik bilan eslab, goʻzal sheʼrlar bitganini oʻzbek kitobxonlari yaxshi biladi.
Oʻzbekiston va Turkmaniston oʻrtasidagi doʻstlik hamda yaxshi qoʻshnichilik munosabatlari tarixida yangi davr boshlangan hozirgi paytda Maxtumquli Firogʻiyning oʻlmas badiiy merosi xalqlarimiz uchun yanada muhim ahamiyat kasb etmoqda. Ikki qardosh el uchun birdek ardoqli boʻlgan shoirning barkamol asarlari mamlakatimizda muntazam ravishda, yirik adadlarda nashr etilmoqda. Toshkent va Xiva shaharlarida shoir xotirasiga bagʻishlab bunyod etilgan yodgorlik majmualari tabarruk ziyoratgohlarga aylangan.
Oʻzbek xalqining Maxtumquli Firogʻiy siymosida qardosh Turkmaniston xalqiga, uning boy tarixi va madaniyati, urf-odat va qadriyatlariga hurmat-ehtiromining yorqin namunasi sifatida hamda shoir tavalludining 300 yilligini munosib nishonlash maqsadida:
1. Madaniyat vazirligi, Oliy taʼlim, fan va innovatsiyalar vazirligi, Maktabgacha va maktab taʼlimi vazirligi, Tashqi ishlar vazirligi, Yozuvchilar uyushmasi, Fanlar akademiyasi, Respublika Maʼnaviyat va maʼrifat markazi, Badiiy akademiya, Madaniyat vazirligi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi hamda jamoatchilik vakillarining buyuk turkman shoiri va mutafakkiri Maxtumquli Firogʻiy tavalludining 300 yilligini mamlakatimizda keng nishonlash toʻgʻrisidagi takliflari maʼqullansin.
2. Maxtumquli Firogʻiy tavalludining 300 yilligini nishonlash boʻyicha tashkiliy qoʻmita (keyingi oʻrinlarda — Tashkiliy qoʻmita) tarkibi ilovaga muvofiq tasdiqlansin.
3. Tashkiliy qoʻmita (A.N. Aripov) ikki hafta muddatda Maxtumquli Firogʻiy tavalludining 300 yilligini yuqori saviyada nishonlash boʻyicha chora-tadbirlar dasturini tasdiqlasin.
Chora-tadbirlar dasturida:
Maxtumquli Firogʻiyning “Tanlangan asarlar”i hamda uning hayoti va ijodiy faoliyatiga bagʻishlangan ilmiy maqolalar toʻplamini nashrga tayyorlash va chop etish;
davlat buyurtmasi asosida Oʻzbekiston va Turkmaniston kino ustalari hamkorligida Maxtumquli Firogʻiyga bagʻishlangan badiiy film yaratish;
shoir hayoti va ijodiy faoliyati haqida spektakl sahnalashtirish;
yosh xonandalar oʻrtasida “Maxtumquli sheʼrlari bilan aytiladigan eng yaxshi qoʻshiqlar ijrochisi” respublika tanlovini oʻtkazish;
Badiiy akademiyaning markaziy koʻrgazmalar zalida oʻzbek va turkman xalqlarining doʻstlik va qardoshlik aloqalarini tarannum etuvchi tasviriy sanʼat asarlari koʻrgazmasini tashkil etish;
Xiva shahrida Fanlar akademiyasi, Yozuvchilar uyushmasi, Xorazm viloyati hokimligi va boshqa tegishli vazirlik va idoralar bilan hamkorlikda “Maxtumquli ijodining oʻzbek adabiyoti va sanʼatida tutgan oʻrni” mavzusida xalqaro ilmiy konferensiya oʻtkazish;
mamlakatimizdagi oliy va oʻrta maxsus, kasb-hunar, umumiy oʻrta taʼlim tashkilotlari, harbiy qismlar, mehnat jamoalari hamda mahallalarda taniqli shoir va yozuvchilar, olimlar ishtirokida uchrashuvlar, adabiy kechalar tashkil etish;
2024-yil oktyabr oyida Alisher Navoiy nomidagi Oʻzbekiston davlat akademik katta teatrida Maxtumquli Firogʻiy xotirasiga bagʻishlangan ijodiy kecha oʻtkazish tadbirlari koʻzda tutilsin.
4. Oʻzbekiston Milliy axborot agentligi, Oʻzbekiston milliy teleradiokompaniyasi, “Dunyo” axborot agentligi va boshqa ommaviy axborot vositalariga Maxtumquli Firogʻiy tavalludining 300 yilligini nishonlash bilan bogʻliq tadbirlarni keng yoritish tavsiya etilsin.
5. Mazkur qarorda nazarda tutilgan chora-tadbirlarni moliyalashtirish tegishli vazirlik, idora va tashkilotlarga ajratilgan budjet mablagʻlari, ularning budjetdan tashqari mablagʻlari hamda qonunchilik hujjatlari bilan taqiqlanmagan boshqa manbalar hisobidan amalga oshirilishi belgilansin.
6. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 19-fevraldagi PQ-76-son qaroriga ILOVA
Maxtumquli Firogʻiy tavalludining 300 yilligini nishonlash boʻyicha tashkiliy qoʻmita
1. A.N. Aripov — Oʻzbekiston Respublikasi Bosh vaziri, Tashkiliy qoʻmita rahbari 2. O.Q. Abdurahmonov — Oʻzbekiston Respublikasi Prezidenti Administratsiyasining Ijtimoiy rivojlanish departamenti rahbari, Tashkiliy qoʻmita rahbari oʻrinbosari 3. X.M. Sultonov — Oʻzbekiston Respublikasi Prezidentining maslahatchisi 4. O.A. Nazarbekov — madaniyat vaziri 5. Q.A. Sharipov — oliy taʼlim, fan va innovatsiyalar vaziri 6. X.U. Umarova — maktabgacha va maktab taʼlimi vaziri 7. B.O. Saidov — tashqi ishlar vaziri 8. O.R. Fozilkarimov — iqtisodiyot va moliya vaziri oʻrinbosari 9. B.S. Yuldashev — Fanlar akademiyasi prezidenti 10. S.S. Saidov — Oʻzbekiston Yozuvchilar uyushmasi raisi 11. O.A. Hasanov — Respublika Maʼnaviyat va maʼrifat markazi rahbari 12. A.V. Nuridinov — Oʻzbekiston Badiiy akademiyasi raisi 13. R.J. Qurbonov — Millatlararo munosabatlar va xorijiy mamlakatlar bilan doʻstlik aloqalari qoʻmitasi raisi 14. F.F. Abduxoliqov — Kinematografiya agentligi direktori 15. J.R. Raximov — Xorazm viloyati hokimi 16. B.O. Onorboyev — Vazirlar Mahkamasi boʻlimi boshligʻi, Tashkiliy qoʻmita kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 19-fevral,
PQ-76-son
Президента Республики Узбекистан
Постановление
СОСТАВ
О широком праздновании 300-летия великого туркменского поэта и мыслителя Махтумкули Фраги
Великий сын туркменского народа, выдающийся поэт и мыслитель Махтумкули Фраги занимает особое место в истории литературы и культуры не только тюркских народов, но и всего мира.
Произведения неповторимого мастера слова, пронизанные глубоким гуманизмом, воспевают благородные ценности и качества мужественного, стойкого и трудолюбивого туркменского народа, их смысл и содержание, призывающие всегда жить заботами людей, укреплять узы дружбы и согласия между разными нациями и народностями, являются нравственным ориентиром для всех нас, особенно для нашей молодежи.
Славная юбилейная дата — 300-летие Махтумкули Фраги — в этом году широко отмечается в мировом масштабе под эгидой авторитетной международной организации ЮНЕСКО. Это также подтверждает, что литературное наследие поэта стало частью бесценной сокровищницы мирового искусства слова и служит обогащению духовного мира человечества.
Узбекистан признан одной из стран, где произведения Махтумкули наиболее издаваемые и читаемые, и это не случайно. В нашей стране нет такого дома, в котором бы ни звучали стихи поэта-классика, созданные на их основе песни, и, пожалуй, не найдется узбека, который бы их не знал. За прошедшие столетия Махтумкули стал своим поэтом для нашего народа. Его стихи с глубокой философией, народным духом, высокой художественностью, вдохновлявшие бахши и хафизов, поэтов и сказителей, всегда звучат на наших сценах, продолжают жить в сердце народа.
Махтумкули в свое время учился в известном медресе Шергазихана в Хиве и считал своим учителем такого великого мастера слова, как Алишер Навои, это прекрасный пример истинной дружбы наших народов. Узбекские читатели хорошо знают, что Махтумкули обрел в Хиве много единомышленников, наставников, друзей и почитателей, он с благодарностью вспоминал о прожитых здесь годах, слагал прекрасные стихи.
В настоящее время, когда в истории отношений дружбы и добрососедства Узбекистана и Туркменистана начался новый этап, бессмертное художественное наследие Махтумкули Фраги приобретает для наших народов еще более важное значение. Непревзойденные произведения поэта, одинаково почитаемого двумя братскими народами, регулярно издаются в нашей стране большими тиражами. В память о поэте в городах Ташкенте и Хиве воздвигнуты мемориальные комплексы, ставшие местом притяжения для почитателей его творчества.
В целях яркого проявления уважения узбекского народа к Махтумкули Фраги и в его лице к братскому народу Туркменистана, его богатой истории и культуре, обычаям и традициям, а также достойного празднования 300-летия со дня рождения поэта:
1. Одобрить предложения Министерства культуры, Министерства высшего образования, науки и инноваций, Министерства дошкольного и школьного образования, Министерства иностранных дел, Союза писателей, Академии наук, Республиканского центра духовности и просветительства, Академии художеств, Комитета по межнациональным отношениям и дружественным связям с зарубежными странами при Министерстве культуры, а также представителей общественности о широком праздновании в нашей стране 300-летия великого туркменского поэта и мыслителя Махтумкули Фраги.
2. Утвердить состав организационного комитета по празднованию 300-летия Махтумкули Фраги (далее — Организационный комитет) согласно приложению .
3. Организационному комитету (А.Н. Арипов) в двухнедельный срок утвердить Программу мероприятий по празднованию на высоком уровне 300-летия Махтумкули Фраги.
В Программе мер предусмотреть:
подготовку к печати и издание «Избранных произведений» Махтумкули Фраги, а также сборника научных статей, посвященных его жизни и творческой деятельности;
создание художественного фильма, посвященного Махтумкули Фраги, при сотрудничестве кинематографистов Узбекистана и Туркменистана на основе государственного заказа;
постановку спектакля о жизни и творческой деятельности поэта;
проведение среди молодых исполнителей республиканского конкурса «Лучший исполнитель песен на стихи Махтумкули»;
организацию в Центральном выставочном зале Академии художеств выставки произведений изобразительного искусства, воспевающих узы дружбы и братства узбекского и туркменского народов;
проведение в городе Хиве международной научной конференции «Роль творчества Махтумкули в узбекской литературе и искусстве» при сотрудничестве Академии наук, Союза писателей, хокимията Хорезмской области, других соответствующих министерств и ведомств;
организацию в высших и средних специальных, профессиональных, средних общеобразовательных организациях, воинских частях, трудовых коллективах и махаллях страны встреч, литературных вечеров с участием известных поэтов, писателей и ученых;
проведение в октябре 2024 года в Государственном академическом Большом театре Узбекистана имени Алишера Навои творческого вечера, посвященного памяти Махтумкули Фраги.
4. Рекомендовать Национальному информационному агентству Узбекистана, Национальной телерадиокомпании Узбекистана, Информационному агентству «Дунё» и другим средствам массовой информации широко освещать мероприятия, посвященные празднованию 300-летия Махтумкули Фраги.
5. Определить, что финансирование мероприятий, предусмотренных настоящим постановлением, осуществляется за счет бюджетных средств, выделенных соответствующим министерствам, ведомствам и организациям, их внебюджетных средств и иных источников, не запрещенных актами законодательства.
6. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 19 февраля 2024 года № ПП-76
Организационного комитета по празднованию 300-летия Махтумкули Фраги
1. А.Н. Арипов — Премьер-министр Республики Узбекистан, руководитель Организационного комитета 2. О.К. Абдурахманов — руководитель Департамента социального развития Администрации Президента Республики Узбекистан, заместитель руководителя Организационного комитета 3. Х.М. Султонов — советник Президента Республики Узбекистан 4. О.А. Назарбеков — министр культуры 5. К.А. Шарипов — министр высшего образования, науки и инноваций 6. Х.У. Умарова — министр дошкольного и школьного образования 7. Б.О. Саидов — министр иностранных дел 8. О.Р. Фозилкаримов — заместитель министра экономики и финансов 9. Б.С. Юлдашев — президент Академии наук 10. С.С. Саидов — председатель Союза писателей Узбекистана 11. О.А. Хасанов — руководитель Республиканского центра духовности и просветительства 12. А.В. Нуридинов — председатель Академии художеств Узбекистана 13. Р.Ж. Курбанов — председатель Комитета по межнациональным отношениям и дружественным связям с зарубежными странами 14. Ф.Ф. Абдухаликов — директор Агентства кинематографии 15. Ж.Р. Рахимов — хоким Хорезмской области 16. Б.О. Онорбоев — начальник отдела Кабинета Министров, секретарь Организационного комитета
Президент Республики Узбекистан Ш. МИРЗИЁЕВ
г. Ташкент,
19 февраля 2024 г.,
№ ПП-76