📅 2024-yil 19-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 19 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 февраля 2024 г. · Постановления Президента
Официальный текст. Официальный документ. Редакционные примечания не включены.
📅 19 February 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
Республикада мис хом ашёсини чуқур қайта ишлашни янада жадаллаштириш чора-тадбирлари тўғрисида
Республикада мис хом ашёсини чуқур қайта ишлаш асосида юқори қўшилган қийматли тайёр маҳсулотлар ишлаб чиқариш қувватларини барпо этиш, уларга боғлиқ бўлган саноат тармоқларида ишлаб чиқаришни кенгайтириш ҳамда биржа савдоларида мисни қайта ишлаш корхоналари фаол иштирокини таъминлаш мақсадида:
1. Мис хом ашёсини чуқур қайта ишлаш корхоналари фаолиятини ўрганиш бўйича комиссия (кейинги ўринларда — Комиссия) 1-иловага мувофиқ таркибда ташкил этилсин.
2. Комиссияга биржа савдолари орқали мис хом ашёсини харид қилаётган маҳаллий корхоналар фаолиятини қуйидаги йўналишлар бўйича ўрганиш вазифаси юклансин:
ишлаб чиқаришда кўп поғонали технологик занжир жорий этилганлиги;
умумий ишлаб чиқаришда юқори қўшилган қийматли маҳсулотлар улуши;
экспорт мақсадли кўрсаткичларининг бажарилиши;
маҳсулотлар экспортининг умумий ҳажмида юқори қўшилган қийматга эга маҳсулотлар улуши ҳамда ривожланган давлатларга амалга оширилган экспорт улуши;
биржа савдоларида сотиб олинган мис катодларини қайта ишлаш учун мўлжалланган мис эритиш қувватларининг мавжудлиги;
ишлаб чиқариш жараёни рақамлаштирилганлиги ва халқаро сертификат мавжудлиги;
синов базаси мавжудлиги ва асосий воситаларнинг янгиланиш даражаси.
Комиссия ўрганиш натижаларига кўра мис хом ашёсидан юқори қўшилган қийматли маҳсулот ишлаб чиқарувчи маҳаллий корхоналар рўйхатини (кейинги ўринларда — Рўйхат) тасдиқласин.
3. Белгилансинки:
а) 2025 йил 31 декабрга қадар биржа савдолари орқали харид қилинган мис хомашёси учун тўловларнинг 25 фоизини бўнак тарзида, қолган 75 фоизини мис хомашёси олингандан сўнг 90 кун ичида тўлашга рухсат берилади.
Бунда мис хом ашёси учун тўловларни бўлиб-бўлиб тўлаш имконияти берилган ҳар бир кун учун тўланиши лозим бўлган тўловлар суммаси қуйидагича белгиланади:
30 кун ичида амалга оширилган тўловлар қисмига — фоиз ҳисобланмайди;
31 кундан 60 кун ичида амалга оширилган тўловлар қисмига — Марказий банк асосий ставкасининг 50 фоизи миқдорида фоиз ҳисобланади;
61 кундан 90 кун ичида амалга оширилган тўловлар қисмига — Марказий банк асосий ставкаси миқдорида фоиз ҳисобланади;
б) мис хом ашёсини харид қилиш учун биржа савдоларида иштирок этиш ҳуқуқи Рўйхатга киритилган маҳаллий корхоналарга берилади.
4. «Ўзэлтехсаноат» уюшмаси Иқтисодиёт ва молия вазирлиги, Инвестициялар, саноат ва савдо вазирлиги, Тоғ-кон саноати ва геология вазирлиги билан биргаликда бир ой муддатда юқори технологияли ишлаб чиқаришни ташкил этган маҳаллий корхоналарни баҳолаш мезонлари ҳамда биржа савдолари орқали мис хом ашёсини харид қиладиган маҳаллий корхоналар рўйхатини шакллантириш, уларни рўйхатдан чиқариш ҳамда фаолиятини мониторинг қилиш тартибини ишлаб чиқсин ва Вазирлар Маҳкамасига киритсин.
5. Ўзбекистон Республикаси Президентининг айрим қарорларига 2-иловага мувофиқ ўзгартириш ва қўшимчалар киритилсин.
6. Ушбу қарор 2024 йил 1 апрелдан эътиборан кучга киради ҳамда унинг талаблари 2024 йил 1 апрелга қадар тузилган шартномаларга нисбатан татбиқ этилмайди.
7. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 19 февралдаги ПҚ-77-сон қарорига 1-ИЛОВА
Мис хом ашёсини чуқур қайта ишлаш корхоналари фаолиятини ўрганиш бўйича комиссия
1. Ж.А. Ходжаев — Ўзбекистон Республикаси Бош вазири ўринбосари, Комиссия раҳбари 2. А.Я. Хайдаров — иқтисодиёт ва молия вазири ўринбосари, Комиссия раҳбари ўринбосари 3. Х.Ф. Тешабаев — инвестициялар, саноат ва савдо вазири ўринбосари 4. Ф.Э. Карабаев — Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси ўринбосари 5. Д.А. Вахабов — Савдо-саноат палатаси раиси 6. М.М. Юнусов — «Ўзэлтехсаноат» уюшмаси раиси 7. А.Х. Хурсанов — «Олмалиқ КМК» АЖ бошқаруви раиси 8. Т.Ю. Рапиков — Бош вазир ўринбосари котибияти мудири, Комиссия котиби Маслаҳатчи сифатида жалб қилинадиган корхоналар вакиллари 9. Т.М. Шарипов — «Procab» ҚК МЧЖ таъсисчиси 10. А.Н. Нодирхонов — «Metal Processing Technology» МЧЖ директори 11. Лавозими бўйича — бошқа корхоналар вакиллари (Комиссия таклифига асосан)
Ўзбекистон Республикаси Президентининг 2024 йил 19 февралдаги ПҚ-77-сон қарорига 2-ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 17 январдаги «Мамлакат иқтисодиётининг тармоқларини талаб юқори бўлган маҳсулот ва хом ашё турлари билан барқарор таъминлаш чора-тадбирлари тўғрисида»ги ПҚ-3479-сон қарори 2-бандининг «а» кичик бандида :
иккинчи хатбоши қуйидаги таҳрирда баён этилсин:
«экстракцион бензин, иккиламчи алюминий, металл рух, чорва озуқаси учун буғдой — фақат туман (шаҳар) ҳокимликлари хулосасига мувофиқ уларни кейинчалик қайта ишлаш бўйича ишлаб чиқариш қувватларига эга бўлган корхоналарга»;
қуйидаги мазмундаги учинчи хатбоши билан тўлдирилсин:
«мис катоди, мис катанкаси — Мис хом ашёсини чуқур қайта ишлаш корхоналари фаолиятини ўрганиш бўйича комиссия хулосаси асосида»;
учинчи хатбоши тўртинчи хатбоши деб ҳисоблансин.
2. Ўзбекистон Республикаси Президентининг 2021 йил 2 мартдаги «Электротехника саноатини янада ривожлантириш ва маҳаллий маҳсулотларнинг рақобатбардошлигини оширишга доир қўшимча чора-тадбирлар тўғрисида»ги ПҚ-5011-сон қарори 6-бандида :
а) учинчи хатбошида :
«1 январдан» сўзлари «1 апрелдан» сўзлари билан алмаштирилсин;
«60 иш куни ичида ҳар ойда тенг улушларда» сўзлари «90 кун ичида» сўзлари билан алмаштирилсин;
б) еттинчи хатбоши «мис катоди» сўзларидан кейин «ва мис катанкаси» сўзлари билан тўлдирилсин;
в) қуйидаги мазмундаги хатбошилар билан тўлдирилсин:
«мис хом ашёси учун тўловларни бўлиб-бўлиб тўлаш имконияти берилган ҳар бир кун учун тўланиши лозим бўлган тўловлар суммаси қуйидагича белгиланади:
30 кун ичида амалга оширилган тўловлар қисмига — фоиз ҳисобланмайди;
31 кундан 60 кун ичида амалга оширилган тўловлар қисмига — Марказий банк асосий ставкасининг 50 фоизи миқдорида фоиз ҳисобланади;
61 кундан 90 кун ичида амалга оширилган тўловлар қисмига — Марказий банк асосий ставкаси миқдорида фоиз ҳисобланади».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 19 февраль,
ПҚ-77-сон
Oʻzbekiston Respublikasi Prezidentining
qarori
TARKIBI
Respublikada mis xom ashyosini chuqur qayta ishlashni yanada jadallashtirish chora-tadbirlari toʻgʻrisida
Respublikada mis xom ashyosini chuqur qayta ishlash asosida yuqori qoʻshilgan qiymatli tayyor mahsulotlar ishlab chiqarish quvvatlarini barpo etish, ularga bogʻliq boʻlgan sanoat tarmoqlarida ishlab chiqarishni kengaytirish hamda birja savdolarida misni qayta ishlash korxonalari faol ishtirokini taʼminlash maqsadida:
1. Mis xom ashyosini chuqur qayta ishlash korxonalari faoliyatini oʻrganish boʻyicha komissiya (keyingi oʻrinlarda — Komissiya) 1-ilovaga muvofiq tarkibda tashkil etilsin.
2. Komissiyaga birja savdolari orqali mis xom ashyosini xarid qilayotgan mahalliy korxonalar faoliyatini quyidagi yoʻnalishlar boʻyicha oʻrganish vazifasi yuklansin:
ishlab chiqarishda koʻp pogʻonali texnologik zanjir joriy etilganligi;
umumiy ishlab chiqarishda yuqori qoʻshilgan qiymatli mahsulotlar ulushi;
eksport maqsadli koʻrsatkichlarining bajarilishi;
mahsulotlar eksportining umumiy hajmida yuqori qoʻshilgan qiymatga ega mahsulotlar ulushi hamda rivojlangan davlatlarga amalga oshirilgan eksport ulushi;
birja savdolarida sotib olingan mis katodlarini qayta ishlash uchun moʻljallangan mis eritish quvvatlarining mavjudligi;
ishlab chiqarish jarayoni raqamlashtirilganligi va xalqaro sertifikat mavjudligi;
sinov bazasi mavjudligi va asosiy vositalarning yangilanish darajasi.
Komissiya oʻrganish natijalariga koʻra mis xom ashyosidan yuqori qoʻshilgan qiymatli mahsulot ishlab chiqaruvchi mahalliy korxonalar roʻyxatini (keyingi oʻrinlarda — Roʻyxat) tasdiqlasin.
3. Belgilansinki:
a) 2025-yil 31-dekabrga qadar birja savdolari orqali xarid qilingan mis xomashyosi uchun toʻlovlarning 25 foizini boʻnak tarzida, qolgan 75 foizini mis xomashyosi olingandan soʻng 90 kun ichida toʻlashga ruxsat beriladi.
Bunda mis xom ashyosi uchun toʻlovlarni boʻlib-boʻlib toʻlash imkoniyati berilgan har bir kun uchun toʻlanishi lozim boʻlgan toʻlovlar summasi quyidagicha belgilanadi:
30 kun ichida amalga oshirilgan toʻlovlar qismiga — foiz hisoblanmaydi;
31 kundan 60 kun ichida amalga oshirilgan toʻlovlar qismiga — Markaziy bank asosiy stavkasining 50 foizi miqdorida foiz hisoblanadi;
61 kundan 90 kun ichida amalga oshirilgan toʻlovlar qismiga — Markaziy bank asosiy stavkasi miqdorida foiz hisoblanadi;
b) mis xom ashyosini xarid qilish uchun birja savdolarida ishtirok etish huquqi Roʻyxatga kiritilgan mahalliy korxonalarga beriladi.
4. “Oʻzeltexsanoat” uyushmasi Iqtisodiyot va moliya vazirligi, Investitsiyalar, sanoat va savdo vazirligi, Togʻ-kon sanoati va geologiya vazirligi bilan birgalikda bir oy muddatda yuqori texnologiyali ishlab chiqarishni tashkil etgan mahalliy korxonalarni baholash mezonlari hamda birja savdolari orqali mis xom ashyosini xarid qiladigan mahalliy korxonalar roʻyxatini shakllantirish, ularni roʻyxatdan chiqarish hamda faoliyatini monitoring qilish tartibini ishlab chiqsin va Vazirlar Mahkamasiga kiritsin.
5. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirish va qoʻshimchalar kiritilsin.
6. Ushbu qaror 2024-yil 1-apreldan eʼtiboran kuchga kiradi hamda uning talablari 2024-yil 1-aprelga qadar tuzilgan shartnomalarga nisbatan tatbiq etilmaydi.
7. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 19-fevraldagi PQ-77-son qaroriga 1-ILOVA
Mis xom ashyosini chuqur qayta ishlash korxonalari faoliyatini oʻrganish boʻyicha komissiya
1. J.A. Xodjayev — Oʻzbekiston Respublikasi Bosh vaziri oʻrinbosari, Komissiya rahbari 2. A.Ya. Xaydarov — iqtisodiyot va moliya vaziri oʻrinbosari, Komissiya rahbari oʻrinbosari 3. X.F. Teshabayev — investitsiyalar, sanoat va savdo vaziri oʻrinbosari 4. F.E. Karabayev — Raqobatni rivojlantirish va isteʼmolchilar huquqlarini himoya qilish qoʻmitasi raisi oʻrinbosari 5. D.A. Vaxabov — Savdo-sanoat palatasi raisi 6. M.M. Yunusov — “Oʻzeltexsanoat” uyushmasi raisi 7. A.X. Xursanov — “Olmaliq KMK” AJ boshqaruvi raisi 8. T.Yu. Rapikov — Bosh vazir oʻrinbosari kotibiyati mudiri, Komissiya kotibi Maslahatchi sifatida jalb qilinadigan korxonalar vakillari 9. T.M. Sharipov — “Procab” QK MCHJ taʼsischisi 10. A.N. Nodirxonov — “Metal Processing Technology” MCHJ direktori 11. Lavozimi boʻyicha — boshqa korxonalar vakillari (Komissiya taklifiga asosan)
Oʻzbekiston Respublikasi Prezidentining 2024-yil 19-fevraldagi PQ-77-son qaroriga 2-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 17-yanvardagi “Mamlakat iqtisodiyotining tarmoqlarini talab yuqori boʻlgan mahsulot va xom ashyo turlari bilan barqaror taʼminlash chora-tadbirlari toʻgʻrisida”gi PQ-3479-son qarori 2-bandining “a” kichik bandida :
ikkinchi xatboshi quyidagi tahrirda bayon etilsin:
“ekstraksion benzin, ikkilamchi aluminiy, metall rux, chorva ozuqasi uchun bugʻdoy — faqat tuman (shahar) hokimliklari xulosasiga muvofiq ularni keyinchalik qayta ishlash boʻyicha ishlab chiqarish quvvatlariga ega boʻlgan korxonalarga”;
quyidagi mazmundagi uchinchi xatboshi bilan toʻldirilsin:
“mis katodi, mis katankasi — Mis xom ashyosini chuqur qayta ishlash korxonalari faoliyatini oʻrganish boʻyicha komissiya xulosasi asosida”;
uchinchi xatboshi toʻrtinchi xatboshi deb hisoblansin.
2. Oʻzbekiston Respublikasi Prezidentining 2021-yil 2-martdagi “Elektrotexnika sanoatini yanada rivojlantirish va mahalliy mahsulotlarning raqobatbardoshligini oshirishga doir qoʻshimcha chora-tadbirlar toʻgʻrisida”gi PQ-5011-son qarori 6-bandida :
a) uchinchi xatboshida :
“1-yanvardan” soʻzlari “1-apreldan” soʻzlari bilan almashtirilsin;
“60 ish kuni ichida har oyda teng ulushlarda” soʻzlari “90 kun ichida” soʻzlari bilan almashtirilsin;
b) yettinchi xatboshi “mis katodi” soʻzlaridan keyin “va mis katankasi” soʻzlari bilan toʻldirilsin;
v) quyidagi mazmundagi xatboshilar bilan toʻldirilsin:
“mis xom ashyosi uchun toʻlovlarni boʻlib-boʻlib toʻlash imkoniyati berilgan har bir kun uchun toʻlanishi lozim boʻlgan toʻlovlar summasi quyidagicha belgilanadi:
30 kun ichida amalga oshirilgan toʻlovlar qismiga — foiz hisoblanmaydi;
31 kundan 60 kun ichida amalga oshirilgan toʻlovlar qismiga — Markaziy bank asosiy stavkasining 50 foizi miqdorida foiz hisoblanadi;
61 kundan 90 kun ichida amalga oshirilgan toʻlovlar qismiga — Markaziy bank asosiy stavkasi miqdorida foiz hisoblanadi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 19-fevral,
PQ-77-son
Президента Республики Узбекистан
Постановление
СОСТАВ
О мерах по дальнейшему ускорению глубокой переработки медного сырья в республике
В целях создания производственных мощностей готовой продукции с высокой добавленной стоимостью путем глубокой переработки медного сырья в республике, расширения производства в смежных отраслях промышленности, а также обеспечения активного участия в биржевых торгах предприятий по переработке меди:
1. Создать Комиссию по изучению деятельности предприятий по глубокой переработке медного сырья (далее — Комиссия) в составе согласно приложению № 1 .
2. Возложить на Комиссию задачу по изучению деятельности отечественных предприятий, которые закупают медное сырье через биржевые торги, по следующим направлениям:
внедрение многоуровневой технологической цепочки в производстве;
доля продукции с высокой добавленной стоимостью в общем производстве;
выполнение целевых показателей экспорта;
доля продукции с высокой добавленной стоимостью в общем объеме экспорта продукции и доля осуществленного экспорта в развитые государства;
наличие медеплавильных мощностей, рассчитанных на переработку медных катодов, приобретенных на биржевых торгах;
цифровизация производственного процесса и наличие международного сертификата;
наличие испытательной базы и уровень обновления основных средств.
Комиссии по результатам изучения утвердить перечень отечественных предприятий по производству продукции с высокой добавленной стоимостью из медного сырья (далее — Перечень).
3. Установить, что:
а) Разрешить производить оплату за медное сырье, приобретенное через биржевые торги, до 31 декабря 2025 года, в следующем порядке: 25 процентов — в виде аванса, а оставшиеся 75 процентов — в течение 90 дней после получения медного сырья.
При этом сумма платежей, подлежащих уплате за каждый день предоставления возможности оплаты в рассрочку за медное сырье, устанавливается в следующих размерах:
на часть платежей, осуществленных в течение 30 дней, — проценты не рассчитываются;
на часть платежей, осуществленных с 31-го дня в течение 60 дней, — рассчитываются проценты в размере 50 процентов основной ставки Центрального банка;
на часть платежей, осуществленных с 61-го дня в течение 90 дней, — рассчитываются проценты по основной ставке Центрального банка;
б) отечественным предприятиям, включенным в Перечень, предоставляется право на участие в биржевых торгах с целью приобретения медного сырья.
4. Ассоциации «Узэлтехсаноат» совместно с Министерством экономики и финансов, Министерством инвестиций, промышленности и торговли, Министерством горнодобывающей промышленности и геологии в месячный срок разработать и внести в Кабинет Министров критерии оценки отечественных предприятий, организовавших высокотехнологическое производство, а также порядок формирования перечня отечественных предприятий, закупающих медное сырье через биржевые торги, исключения их из данного перечня и мониторинга деятельности.
5. Внести изменения и дополнения в некоторые постановления Президента Республики Узбекистан согласно приложению № 2 .
6. Настоящее постановление вступает в силу с 1 апреля 2024 года, и его требования не распространяются на договоры, заключенные до 1 апреля 2024 года.
7. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 19 февраля 2024 года № ПП-77
Комиссии по изучению деятельности предприятий по глубокой переработке медного сырья
1. Ж.А. Ходжаев — заместитель Премьер-министра Республики Узбекистан, руководитель Комиссии 2. А.Я. Хайдаров — заместитель министра экономики и финансов, заместитель руководителя Комиссии 3. Х.Ф. Тешабоев — заместитель министра инвестиций, промышленности и торговли 4. Ф.Э. Карабаев — заместитель председателя Комитета по развитию конкуренции и защите прав потребителей 5. Д.А. Вахабов — председатель Торгово-промышленной палаты 6. М.М. Юнусов — председатель Ассоциации «Узэлтехсаноат» 7. А.Х. Хурсанов — председатель правления АО «Алмалыкский ГМК» 8. Т.Ю. Рапиков — заведующий секретариатом заместителя Премьер-министра, секретарь Комиссии Представители предприятий, привлекаемые в качестве консультантов 9. Т.М. Шарипов — учредитель СП ООО «Procab» 10. А.Н. Нодирхонов — директор ООО «Metal Processing Technology» 11. По должности — представители других предприятий (по предложению Комиссии)
ПРИЛОЖЕНИЕ № 2 к постановлению Президента Республики Узбекистан от 19 февраля 2024 года № ПП-77
Изменения и дополнения, вносимые в некоторые постановления Президента Республики Узбекистан
1. В подпункте «а» пункта 2 постановления Президента Республики Узбекистан от 17 января 2018 года № ПП-3479 «О мерах по стабильному обеспечению отраслей экономики страны востребованными видами продукции и сырья»:
абзац второй изложить в следующей редакции:
«бензин экстракционный, алюминий вторичный, цинк металлический, пшеница фуражная — исключительно предприятиям, имеющим производственные мощности по их дальнейшей переработке согласно заключению хокимиятов районов (городов)»;
дополнить абзацем третьим следующего содержания:
«медь катодная, медная катанка — на основе заключения Комиссии по изучению деятельности предприятий по глубокой переработке медного сырья»;
абзац третий считать абзацем четвертым.
2. В пункте 6 постановления Президента Республики Узбекистан от 2 марта 2021 года № ПП-5011 «О дополнительных мерах по дальнейшему развитию электротехнической промышленности и повышению конкурентоспособности отечественной продукции»:
а) в абзаце третьем :
слова «с 1 января» заменить словами «с 1 апреля»;
слова «ежемесячно в равных долях в течение 60 рабочих дней» заменить словами «в течение 90 дней»;
б) в абзаце седьмом после слов «медь катодная» дополнить словами «и медная катанка»;
в) дополнить абзацами следующего содержания:
«сумма платежей, подлежащих уплате за каждый день предоставления возможности оплаты в рассрочку за медное сырье, устанавливается в следующих размерах:
на часть платежей, осуществленных в течение 30 дней, — проценты не рассчитываются;
на часть платежей, осуществленных с 31-го дня в течение 60 дней, — рассчитываются проценты в размере 50 процентов основной ставки Центрального банка;
на часть платежей, осуществленных с 61-го дня в течение 90 дней, — рассчитываются проценты по основной ставке Центрального банка».
Президент Республики Узбекистан Ш. МИРЗИЁЕВ
г. Ташкент,
19 февраля 2024 г.,
№ ПП-77