📅 2024-yil 23-fevral · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 23 февраль · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 23 февраля 2024 г. · Законы и кодексы
Официальный текст. Официальный документ. Редакционные примечания не включены.
📅 23 February 2024 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг айрим қонун ҳужжатларига республика ҳудудида Интернет ва алоқа қамровини кенгайтириш учун шароитларни яхшилашга қаратилган ўзгартиришлар киритиш тўғрисида
Қонунчилик палатаси томонидан 2023 йил 24 октябрда қабул қилинган Сенат томонидан 2023 йил 20 декабрда маъқулланган
Бугунги кунда дунёда йўлдош алоқанинг жадал суръатлар билан ривожланиши, ушбу соҳада янги технологияларнинг жорий этилиши республика ҳудудида Интернет ва замонавий сифатли алоқа қамровини кенгайтириш учун шароитларни яхшилашга доир янги технологик имкониятларни яратмоқда.
Бироқ мамлакатимизда халқаро телекоммуникациялар тармоқларининг турларидан бири сифатида йўлдош алоқа тармоқларининг ривожланиши учун етарли шарт-шароитлар мавжуд эмаслиги, бундай фаолият тури билан шуғулланиш учун давлат божи миқдорининг юқорилиги ушбу алоқа воситасидан маҳаллий тармоқларда фойдаланишга, шунингдек тоғли ва олис ҳудудларда Интернет ҳамда алоқа қамровини янада кенгайтиришга тўсқинлик қилмоқда.
Мазкур Қонун билан « Давлат божи тўғрисида »ги ҳамда « Лицензиялаш, рухсат бериш ва хабардор қилиш тартиб-таомиллари тўғрисида »ги Ўзбекистон Республикаси қонунларига кўчма радиотелефон (радиотелефон, транкли) алоқага тааллуқли лицензияланадиган фаолиятнинг мавжуд кичик турлари республика ҳудудида йўлдош алоқа тармоқларини лойиҳалаштириш, қуриш, улардан фойдаланиш ва уларнинг хизматларини кўрсатиш каби фаолият тури билан тўлдирилишини, шунингдек республика ижро этувчи ҳокимият органининг номи аниқлаштирилишини назарда тутувчи ўзгартиришлар киритилмоқда.
Ушбу Қонун республика ҳудудининг юқори тезликдаги Интернет ва сифатли алоқа билан қамраб олинишини таъминлашга, йўлдош алоқа тармоқларини ривожлантиришга, шунингдек телекоммуникациялар соҳасидаги имкониятларни янада кенгайтиришга хизмат қилади.
1-модда. Ўзбекистон Республикасининг 2020 йил 6 январда қабул қилинган «Давлат божи тўғрисида»ги ЎРҚ-600-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 1, 1-модда, № 3, 201-модда, № 5, 298-модда, № 10, 593-модда, № 12, 691-модда; 2021 йил, № 1, 13-модда, 4-сонга илова, № 7, 661-модда, № 8, 800, 803-моддалар, № 10, 968-модда; 2022 йил, № 2, 76-модда, № 3, 214, 216-моддалар, № 4, 340-модда, № 5, 463, 464, 467-моддалар, № 12, 1186-модда; 2023 йил, № 2, 103-модда, № 3, 186-модда, № 4, 265, 269-моддалар, № 6, 444, 445-моддалар, № 7, 538-модда) илованинг 33-бандига қуйидаги ўзгартиришлар киритилсин:
«ц» — «ш 2 » кичик бандлар қуйидаги таҳрирда баён этилсин:
« ц) транкли, радиотелефон, республика ҳудудида йўлдош алоқа тармоқларини лойиҳалаштириш, қуриш, улардан фойдаланиш ва уларга хизматлар кўрсатиш — БҲМнинг 135 баравари ч) кўчма радиотелефон (уяли) алоқа тармоқларини лойиҳалаштириш фаолиятини амалга ошириш — БҲМнинг 200 баравари ш) транкли, радиотелефон, республика ҳудудида йўлдош алоқа тармоқларини лойиҳалаштириш — БҲМнинг 10 баравари ш 1 ) кўчма радиотелефон (уяли) алоқа тармоқларини қуриш фаолиятини амалга ошириш — БҲМнинг 400 баравари ш 2 ) транкли, радиотелефон, республика ҳудудида йўлдош алоқа тармоқларини қуриш фаолиятини амалга ошириш — БҲМнинг 20 баравари »;
«ю» ва «я» кичик бандлар қуйидаги таҳрирда баён этилсин:
« ю) транкли, радиотелефон, республика ҳудудида йўлдош алоқа тармоқларидан фойдаланиш — БҲМнинг 30 баравари я) транкли, радиотелефон, республика ҳудудида йўлдош алоқа тармоқларига хизматлар кўрсатиш фаолиятини амалга ошириш — БҲМнинг 80 баравари ».
2-модда. Ўзбекистон Республикасининг 2021 йил 14 июлда қабул қилинган «Лицензиялаш, рухсат бериш ва хабардор қилиш тартиб-таомиллари тўғрисида»ги ЎРҚ-701-сонли Қонунига (Ўзбекистон Республикаси Олий Мажлиси палаталарининг Ахборотномаси, 2021 йил, № 7, 661-модда; 2022 йил, № 4, 340-модда, № 5, 465-модда; 2023 йил, № 2, 103-модда, № 3, 185-модда, № 7, 533-модда) қуйидаги ўзгартиришлар киритилсин:
1) 1-илованинг 32-позицияси қуйидаги таҳрирда баён этилсин:
« 32. Телекоммуникациялар тармоқларини лойиҳалаштириш, қуриш, улардан фойдаланиш ва уларнинг хизматларини кўрсатиш учун лицензия Маҳаллий, шаҳарлараро ва халқаро телекоммуникациялар тармоқларини лойиҳалаштириш; Ўзбекистон Республикаси Рақамли технологиялар вазирлиги маҳаллий, шаҳарлараро ва халқаро телекоммуникациялар тармоқларини қуриш; маҳаллий ва шаҳарлараро телекоммуникациялар тармоқларидан фойдаланиш; маҳаллий ва шаҳарлараро телекоммуникациялар тармоқлари хизматларини кўрсатиш; халқаро телекоммуникациялар тармоқларидан фойдаланиш; халқаро телекоммуникациялар тармоқлари хизматларини кўрсатиш; кўчма радиотелефон (уяли) алоқа тармоқларини лойиҳалаштириш; кўчма радиотелефон (уяли) алоқа тармоқларини қуриш; кўчма радиотелефон (радиотелефон, транкли), республика ҳудудида йўлдош алоқа тармоқларини лойиҳалаштириш; кўчма радиотелефон (радиотелефон, транкли), республика ҳудудида йўлдош алоқа тармоқларини қуриш; кўчма радиотелефон (радиотелефон, транкли), республика ҳудудида йўлдош алоқа тармоқларидан фойдаланиш; кўчма радиотелефон (радиотелефон, транкли), республика ҳудудида йўлдош алоқа тармоқлари хизматларини кўрсатиш; кўчма радиотелефон (уяли) алоқа тармоқларидан фойдаланиш ва уларнинг хизматларини кўрсатиш; маълумотлар узатиш тармоқларини лойиҳалаштириш; маълумотлар узатиш тармоқларини қуриш; маълумотлар узатиш тармоқларидан фойдаланиш; маълумотлар узатиш тармоқлари хизматларини кўрсатиш; телерадиоэшиттиришларни тарқатиш (трансляция қилиш) тармоқларини лойиҳалаштириш; телерадиоэшиттиришларни тарқатиш (трансляция қилиш) тармоқларини қуриш; телерадиоэшиттиришларни тарқатиш (трансляция қилиш) тармоқларидан фойдаланиш; телерадиоэшиттиришларни тарқатиш (трансляция қилиш) тармоқлари хизматларини кўрсатиш. »;
2) 2-илованинг 86-бандидаги «Ўзбекистон Республикаси Ахборот технологиялари ва коммуникацияларини ривожлантириш вазирлиги» деган сўзлар «Ўзбекистон Республикаси Рақамли технологиялар вазирлиги» деган сўзлар билан алмаштирилсин.
3-модда. Ўзбекистон Республикаси Рақамли технологиялар вазирлиги, Адлия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
4-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
5-модда. Ушбу Қонун расмий эълон қилинган кундан эътиборан уч ой ўтгач кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2024 йил 23 февраль,
ЎРҚ-912-сон
Oʻzbekiston Respublikasining Qonuni
Oʻzbekiston Respublikasining ayrim qonun hujjatlariga respublika hududida Internet va aloqa qamrovini kengaytirish uchun sharoitlarni yaxshilashga qaratilgan oʻzgartirishlar kiritish toʻgʻrisida
Qonunchilik palatasi tomonidan 2023-yil 24-oktabrda qabul qilingan Senat tomonidan 2023-yil 20-dekabrda maʼqullangan
Bugungi kunda dunyoda yoʻldosh aloqaning jadal surʼatlar bilan rivojlanishi, ushbu sohada yangi texnologiyalarning joriy etilishi respublika hududida Internet va zamonaviy sifatli aloqa qamrovini kengaytirish uchun sharoitlarni yaxshilashga doir yangi texnologik imkoniyatlarni yaratmoqda.
Biroq mamlakatimizda xalqaro telekommunikatsiyalar tarmoqlarining turlaridan biri sifatida yoʻldosh aloqa tarmoqlarining rivojlanishi uchun yetarli shart-sharoitlar mavjud emasligi, bunday faoliyat turi bilan shugʻullanish uchun davlat boji miqdorining yuqoriligi ushbu aloqa vositasidan mahalliy tarmoqlarda foydalanishga, shuningdek togʻli va olis hududlarda Internet hamda aloqa qamrovini yanada kengaytirishga toʻsqinlik qilmoqda.
Mazkur Qonun bilan “ Davlat boji toʻgʻrisida ”gi hamda “ Litsenziyalash, ruxsat berish va xabardor qilish tartib-taomillari toʻgʻrisida ”gi Oʻzbekiston Respublikasi qonunlariga koʻchma radiotelefon (radiotelefon, trankli) aloqaga taalluqli litsenziyalanadigan faoliyatning mavjud kichik turlari respublika hududida yoʻldosh aloqa tarmoqlarini loyihalashtirish, qurish, ulardan foydalanish va ularning xizmatlarini koʻrsatish kabi faoliyat turi bilan toʻldirilishini, shuningdek respublika ijro etuvchi hokimiyat organining nomi aniqlashtirilishini nazarda tutuvchi oʻzgartirishlar kiritilmoqda.
Ushbu Qonun respublika hududining yuqori tezlikdagi Internet va sifatli aloqa bilan qamrab olinishini taʼminlashga, yoʻldosh aloqa tarmoqlarini rivojlantirishga, shuningdek telekommunikatsiyalar sohasidagi imkoniyatlarni yanada kengaytirishga xizmat qiladi.
1-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda; 2023-yil, № 2, 103-modda, № 3, 186-modda, № 4, 265, 269-moddalar, № 6, 444, 445-moddalar, № 7, 538-modda) ilovaning 33-bandiga quyidagi oʻzgartirishlar kiritilsin:
“ts” — “sh 2 ” kichik bandlar quyidagi tahrirda bayon etilsin:
“ ts) trankli, radiotelefon, respublika hududida yoʻldosh aloqa tarmoqlarini loyihalashtirish, qurish, ulardan foydalanish va ularga xizmatlar koʻrsatish — BHMning 135 baravari ch) koʻchma radiotelefon (uyali) aloqa tarmoqlarini loyihalashtirish faoliyatini amalga oshirish — BHMning 200 baravari sh) trankli, radiotelefon, respublika hududida yoʻldosh aloqa tarmoqlarini loyihalashtirish — BHMning 10 baravari sh 1 ) koʻchma radiotelefon (uyali) aloqa tarmoqlarini qurish faoliyatini amalga oshirish — BHMning 400 baravari sh 2 ) trankli, radiotelefon, respublika hududida yoʻldosh aloqa tarmoqlarini qurish faoliyatini amalga oshirish — BHMning 20 baravari ”;
“yu” va “ya” kichik bandlar quyidagi tahrirda bayon etilsin:
“ yu) trankli, radiotelefon, respublika hududida yoʻldosh aloqa tarmoqlaridan foydalanish — BHMning 30 baravari ya) trankli, radiotelefon, respublika hududida yoʻldosh aloqa tarmoqlariga xizmatlar koʻrsatish faoliyatini amalga oshirish — BHMning 80 baravari ”.
2-modda. Oʻzbekiston Respublikasining 2021-yil 14-iyulda qabul qilingan “Litsenziyalash, ruxsat berish va xabardor qilish tartib-taomillari toʻgʻrisida”gi OʻRQ-701-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2021-yil, № 7, 661-modda; 2022-yil, № 4, 340-modda, № 5, 465-modda; 2023-yil, № 2, 103-modda, № 3, 185-modda, № 7, 533-modda) quyidagi oʻzgartirishlar kiritilsin:
1) 1-ilovaning 32-pozitsiyasi quyidagi tahrirda bayon etilsin:
“ 32. Telekommunikatsiyalar tarmoqlarini loyihalashtirish, qurish, ulardan foydalanish va ularning xizmatlarini koʻrsatish uchun litsenziya Mahalliy, shaharlararo va xalqaro telekommunikatsiyalar tarmoqlarini loyihalashtirish; Oʻzbekiston Respublikasi Raqamli texnologiyalar vazirligi mahalliy, shaharlararo va xalqaro telekommunikatsiyalar tarmoqlarini qurish; mahalliy va shaharlararo telekommunikatsiyalar tarmoqlaridan foydalanish; mahalliy va shaharlararo telekommunikatsiyalar tarmoqlari xizmatlarini koʻrsatish; xalqaro telekommunikatsiyalar tarmoqlaridan foydalanish; xalqaro telekommunikatsiyalar tarmoqlari xizmatlarini koʻrsatish; koʻchma radiotelefon (uyali) aloqa tarmoqlarini loyihalashtirish; koʻchma radiotelefon (uyali) aloqa tarmoqlarini qurish; koʻchma radiotelefon (radiotelefon, trankli), respublika hududida yoʻldosh aloqa tarmoqlarini loyihalashtirish; koʻchma radiotelefon (radiotelefon, trankli), respublika hududida yoʻldosh aloqa tarmoqlarini qurish; koʻchma radiotelefon (radiotelefon, trankli), respublika hududida yoʻldosh aloqa tarmoqlaridan foydalanish; koʻchma radiotelefon (radiotelefon, trankli), respublika hududida yoʻldosh aloqa tarmoqlari xizmatlarini koʻrsatish; koʻchma radiotelefon (uyali) aloqa tarmoqlaridan foydalanish va ularning xizmatlarini koʻrsatish; maʼlumotlar uzatish tarmoqlarini loyihalashtirish; maʼlumotlar uzatish tarmoqlarini qurish; maʼlumotlar uzatish tarmoqlaridan foydalanish; maʼlumotlar uzatish tarmoqlari xizmatlarini koʻrsatish; teleradioeshittirishlarni tarqatish (translatsiya qilish) tarmoqlarini loyihalashtirish; teleradioeshittirishlarni tarqatish (translatsiya qilish) tarmoqlarini qurish; teleradioeshittirishlarni tarqatish (translatsiya qilish) tarmoqlaridan foydalanish; teleradioeshittirishlarni tarqatish (translatsiya qilish) tarmoqlari xizmatlarini koʻrsatish. ”;
2) 2-ilovaning 86-bandidagi “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi” degan soʻzlar “Oʻzbekiston Respublikasi Raqamli texnologiyalar vazirligi” degan soʻzlar bilan almashtirilsin.
3-modda. Oʻzbekiston Respublikasi Raqamli texnologiyalar vazirligi, Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
5-modda. Ushbu Qonun rasmiy eʼlon qilingan kundan eʼtiboran uch oy oʻtgach kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2024-yil 23-fevral,
OʻRQ-912-son
Закон Республики Узбекистан
О внесении изменений в некоторые законодательные акты Республики Узбекистан, направленных на улучшение условий для расширения покрытия Интернетом и связью на территории республики
Принят Законодательной палатой 24 октября 2023 года Одобрен Сенатом 20 декабря 2023 года
В настоящее время стремительное развитие спутниковой связи в мире, внедрение новых технологий в этой сфере создает новые технологические возможности по улучшению условий для расширения покрытия Интернетом и современной качественной связью на территории республики.
Однако отсутствие достаточных условий для развития сетей спутниковой связи в нашей стране, как одной из разновидностей международных сетей телекоммуникаций, высокий размер государственной пошлины за занятие таким видом деятельности, препятствуют использованию этого средства связи в местных сетях, а также дальнейшему расширению охвата Интернетом и связью в горных и труднодоступных регионах.
Данным Законом вносятся изменения в законы Республики Узбекистан « О государственной пошлине » и « О лицензировании, разрешительных и уведомительных процедурах », предусматривающие дополнение существующих подвидов лицензионной деятельности, касающихся подвижной радиотелефонной (радиотелефонной, транковой) связи, таким видом деятельности как проектирование, строительство, эксплуатация и оказание услуг сетей спутниковой связи на территории республики, а также уточнение наименования республиканского органа исполнительной власти.
Настоящий Закон послужит обеспечению охвата территории республики высокоскоростным Интернетом и качественной связью, развитию сетей спутниковой связи, а также дальнейшему расширению возможностей в сфере телекоммуникаций.
Статья 1. Внести в пункт 33 приложения к Закону Республики Узбекистан от 6 января 2020 года № ЗРУ-600 «О государственной пошлине» (Ведомости палат Олий Мажлиса Республики Узбекистан, 2020 г., № 1, ст. 1, № 3, ст. 201, № 5, ст. 298, № 10, ст. 593, № 12, ст. 691; 2021 г., № 1, ст. 13, приложение к № 4, № 7, ст. 661, № 8, ст.ст. 800, 803, № 10, ст. 968; 2022 г., № 2, ст. 76, № 3, ст.ст. 214, 216, № 4, ст. 340, № 5, ст.ст. 463, 464, 467, № 12, ст. 1186; 2023 г., № 2, ст. 103, № 3, ст. 186, № 4, ст.ст. 265, 269, № 6, ст.ст. 444, 445, № 7, ст. 538) следующие изменения:
подпункты «ц» — «ш 2 » изложить в следующей редакции:
« ц) проектирование, строительство, эксплуатация и оказание услуг сетей транковой, радиотелефонной, на территории республики спутниковой связи — 135-кратный размер БРВ ч) проектирование сетей подвижной радиотелефонной (сотовой) связи — 200-кратный размер БРВ ш) проектирование сетей транковой, радиотелефонной, на территории республики спутниковой связи — 10-кратный размер БРВ ш 1 ) строительство сетей подвижной радиотелефонной (сотовой) связи — 400-кратный размер БРВ ш 2 ) строительство сетей транковой, радиотелефонной, на территории республики спутниковой связи — 20-кратный размер БРВ »;
подпункты «ю» и «я» изложить в следующей редакции:
« ю) эксплуатация сетей транковой, радиотелефонной, на территории республики спутниковой связи — 30-кратный размер БРВ я) оказание услуг сетей транковой, радиотелефонной, на территории республики спутниковой связи — 80-кратный размер БРВ ».
Статья 2. Внести в Закон Республики Узбекистан от 14 июля 2021 года № ЗРУ-701 «О лицензировании, разрешительных и уведомительных процедурах» (Ведомости палат Олий Мажлиса Республики Узбекистан, 2021 г., № 7, ст. 661; 2022 г., № 4, ст. 340, № 5, ст. 465; 2023 г., № 2, ст. 103, № 3, ст. 185, № 7, ст. 533) следующие изменения:
1) позицию 32 приложения № 1 изложить в следующей редакции:
« 32. Лицензия на проектирование, строительство, эксплуатацию и оказание услуг сетей телекоммуникаций Проектирование местных, междугородных и международных сетей телекоммуникаций; Министерство цифровых технологий Республики Узбекистан строительство местных, междугородных и международных сетей телекоммуникаций; эксплуатация местных и междугородных сетей телекоммуникаций; оказание услуг местных и междугородных сетей телекоммуникаций; эксплуатация международных сетей телекоммуникаций; оказание услуг международных сетей телекоммуникаций; проектирование сетей подвижной радиотелефонной (сотовой) связи; строительство сетей подвижной радиотелефонной (сотовой) связи; проектирование сетей подвижной радиотелефонной (радиотелефонной, транковой), на территории республики спутниковой связи; строительство сетей подвижной радиотелефонной (радиотелефонной, транковой), на территории республики спутниковой связи; эксплуатация сетей подвижной радиотелефонной (радиотелефонной, транковой), на территории республики спутниковой связи; оказание услуг сетей подвижной радиотелефонной (радиотелефонной, транковой), на территории республики спутниковой связи; эксплуатация и оказание услуг сетей подвижной радиотелефонной (сотовой) связи; проектирование сетей передачи данных; строительство сетей передачи данных; эксплуатация сетей передачи данных; оказание услуг сетей передачи данных; проектирование сетей распространения (трансляции) телерадиопередач; строительство сетей распространения (трансляции) телерадиопередач; эксплуатация сетей распространения (трансляции) телерадиопередач; оказание услуг сетей распространения (трансляции) телерадиопередач. »;
2) в пункте 86 приложения № 2 слова «Министерство по развитию информационных технологий и коммуникаций Республики Узбекистан» заменить словами «Министерство цифровых технологий Республики Узбекистан».
Статья 3. Министерству цифровых технологий, Министерству юстиции Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 5. Настоящий Закон вступает в силу по истечении трех месяцев со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
23 февраля 2024 г.,
№ ЗРУ-912