📅 2024-yil 24-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 24 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 февраля 2024 г. · Постановления Президента
Официальный текст. Официальный документ. Редакционные примечания не включены.
📅 24 February 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг айрим қарорларига заргарлик буюмлари ишлаб чиқарувчиларни қўллаб-қувватлаш механизмларини такомиллаштиришга қаратилган қўшимчалар киритиш ҳақида
Сўнгги йилларда заргарлик саноатини ривожлантириш ва заргарлик буюмлари ишлаб чиқарувчиларни ҳар томонлама қўллаб-қувватлаш бўйича бир қатор чора-тадбирлар амалга оширилмоқда.
Хусусан, заргарлик буюмлари ишлаб чиқарувчиларга қимматбаҳо металларни кечиктириб тўлаш шарти билан сотиш тартиби жорий этилиши натижасида уларнинг барқарор фаолият юритиши учун қўшимча имкониятлар яратиб берилди.
Шу билан бирга, қимматбаҳо металларни сотишда кечиктириб тўлашнинг нисбатан узоқ муддати белгиланганлиги қимматбаҳо металларни етказиб берувчи корхоналарнинг айланма маблағларидан самарали фойдаланиш, шу жумладан инвестиция лойиҳаларини молиялаштириш имкониятларини чеклаб қўймоқда.
Заргарлик буюмлари ишлаб чиқарувчиларга қимматбаҳо металларни кечиктириб тўлаш шарти билан сотиш ва заргарлик соҳасида иш ўринларини яратган тадбиркорлик субъектларига қимматбаҳо металларни сотиб олишда чегирмалар қўллаш тартибини янада такомиллаштириш ҳамда улардан самарали фойдаланишни таъминлаш мақсадида:
1. Ўзбекистон Республикаси Президентининг айрим қарорларига иловага мувофиқ қуйидагиларни назарда тутувчи қўшимчалар киритилсин:
а) қимматбаҳо металларни кечиктириб тўлаш шарти билан сотиб олиш имкониятидан фойдаланилган ҳар бир кун учун фоизлар ҳисоблаш тартибини жорий қилиш, хусусан:
30 кун ичида амалга оширилган тўловлар қисмига — фоиз ҳисобламаслик;
31-кундан 180 кун ичида амалга оширилган тўловлар қисмига — Марказий банк асосий ставкаси миқдорида фоиз ҳисоблаш;
б) қимматбаҳо металларни биржа савдоларида чегирмалар қўллаган ҳолда сотиб олувчи тадбиркорлик субъектларига қўйиладиган мезонларни белгилаш, шу жумладан:
яратилган иш ўринларининг камида 70 фоизини заргарлик буюмлари ва қимматбаҳо металл буюмлар ишлаб чиқариш билан шуғулланадиган ишчилар касблари ташкил этишини;
яратилган иш ўринларига ишга қабул қилинган ходимларга камида олти ой давомида иш ҳақи ҳисобланиши ва ушбу ҳолат солиқ органлари томонидан тасдиқланган бўлишини;
тадбиркорлик субъектлари зарур моддий-техника базаси, ускуналар ва бошқа техника воситалари, ишлаб чиқариш майдонлари ҳамда шароитларга эга бўлишини назарда тутувчи тартибни жорий қилиш.
2. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 24 февралдаги ПҚ-85-сон қарорига ИЛОВА
Ўзбекистон Республикаси Президентининг айрим қарорларига киритилаётган қўшимчалар
1. Ўзбекистон Республикаси Президентининг 2021 йил 22 февралдаги «Заргарлик саноатини янада ривожлантириш учун қулай шарт-шароитлар яратиш чора-тадбирлари тўғрисида»ги ПҚ-4998-сон қарорининг 1-банди :
қуйидаги мазмундаги тўртинчи хатбоши билан тўлдирилсин:
«кечиктириб тўлаш шарти билан сотиб олинган қимматбаҳо металлар учун тўловларни амалга оширганда, 30 кун ичида амалга оширилган тўловлар қисмига — фоиз ҳисобланмайди, 31-кундан 180 кун (шу куни ҳам) ичида амалга оширилган тўловлар қисмига — 30-кундан кейин кечиктириб тўлаш имкониятидан фойдаланилган кунларга мос равишда Марказий банк асосий ставкаси миқдорида фоиз ҳисобланади»;
тўртинчи — саккизинчи хатбошилар тегишинча бешинчи — тўққизинчи хатбошилар деб ҳисоблансин.
2. Ўзбекистон Республикаси Президентининг 2022 йил 23 декабрдаги «Заргарлик буюмларини ишлаб чиқариш қувватларини кенгайтириш ва маҳаллий заргарларни ҳар томонлама қўллаб-қувватлаш бўйича қўшимча чора-тадбирлар тўғрисида»ги ПҚ-452-сон қарорининг 2-банди қуйидаги мазмундаги хатбошилар билан тўлдирилсин:
«Белгилансинки, ушбу чегирмалардан фойдаланадиган заргарлик буюмларини ишлаб чиқарувчи тадбиркорлик субъектларининг рўйхати қуйидаги мезонларни инобатга олган ҳолда шакллантирилади:
а) заргарлик буюмларини ишлаб чиқарувчи тадбиркорлик субъектлари томонидан яратилган иш ўринлари сони.
Бунда, ушбу иш ўринларининг камида 70 фоизини Хизматчиларнинг асосий лавозимлари ва ишчилар касблари классификаторида (МХСК — 08 бўйича коди 7313) белгиланган заргарлик буюмлари ва қимматбаҳо металл буюмлари ишлаб чиқариш билан шуғулланадиган ишчилар касблари ташкил этиши лозим;
б) яратилган иш ўринларига ишга қабул қилинган ходимлар билан белгиланган тартибда меҳнат шартномаси тузилганлиги, уларга камида олти ой давомида меҳнатга ҳақ тўлашнинг энг кам миқдорининг бир бараваридан кам бўлмаган миқдорда иш ҳақи ҳисобланганлиги ҳамда ушбу ҳолат солиқ органлари томонидан тасдиқланганлиги;
в) заргарлик буюмларини ишлаб чиқарувчи тадбиркорлик субъектларида юқори қўшилган қийматли заргарлик буюмларини ишлаб чиқариш учун зарур бўлган моддий-техника базаси, ускуналар ва бошқа техника воситалари, шунингдек, заргарлик буюмларини ишлаб чиқариш бўйича белгиланган талабларга жавоб берадиган ишлаб чиқариш майдонлари ва шароитларининг мавжудлиги.
Вазирлар Маҳкамаси икки ҳафта муддатда Қимматбаҳо металларни биржа савдоларида сотишда чегирмалар бериш учун заргарлик буюмларини ишлаб чиқарувчи тадбиркорлик субъектларининг рўйхатини шакллантириш ва юритиш тартибини тасдиқласин».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 24 февраль,
ПҚ-85-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining ayrim qarorlariga zargarlik buyumlari ishlab chiqaruvchilarni qoʻllab-quvvatlash mexanizmlarini takomillashtirishga qaratilgan qoʻshimchalar kiritish haqida
Soʻnggi yillarda zargarlik sanoatini rivojlantirish va zargarlik buyumlari ishlab chiqaruvchilarni har tomonlama qoʻllab-quvvatlash boʻyicha bir qator chora-tadbirlar amalga oshirilmoqda.
Xususan, zargarlik buyumlari ishlab chiqaruvchilarga qimmatbaho metallarni kechiktirib toʻlash sharti bilan sotish tartibi joriy etilishi natijasida ularning barqaror faoliyat yuritishi uchun qoʻshimcha imkoniyatlar yaratib berildi.
Shu bilan birga, qimmatbaho metallarni sotishda kechiktirib toʻlashning nisbatan uzoq muddati belgilanganligi qimmatbaho metallarni yetkazib beruvchi korxonalarning aylanma mablagʻlaridan samarali foydalanish, shu jumladan investitsiya loyihalarini moliyalashtirish imkoniyatlarini cheklab qoʻymoqda.
Zargarlik buyumlari ishlab chiqaruvchilarga qimmatbaho metallarni kechiktirib toʻlash sharti bilan sotish va zargarlik sohasida ish oʻrinlarini yaratgan tadbirkorlik subyektlariga qimmatbaho metallarni sotib olishda chegirmalar qoʻllash tartibini yanada takomillashtirish hamda ulardan samarali foydalanishni taʼminlash maqsadida:
1. Oʻzbekiston Respublikasi Prezidentining ayrim qarorlariga ilovaga muvofiq quyidagilarni nazarda tutuvchi qoʻshimchalar kiritilsin:
a) qimmatbaho metallarni kechiktirib toʻlash sharti bilan sotib olish imkoniyatidan foydalanilgan har bir kun uchun foizlar hisoblash tartibini joriy qilish, xususan:
30 kun ichida amalga oshirilgan toʻlovlar qismiga — foiz hisoblamaslik;
31-kundan 180 kun ichida amalga oshirilgan toʻlovlar qismiga — Markaziy bank asosiy stavkasi miqdorida foiz hisoblash;
b) qimmatbaho metallarni birja savdolarida chegirmalar qoʻllagan holda sotib oluvchi tadbirkorlik subyektlariga qoʻyiladigan mezonlarni belgilash, shu jumladan:
yaratilgan ish oʻrinlarining kamida 70 foizini zargarlik buyumlari va qimmatbaho metall buyumlar ishlab chiqarish bilan shugʻullanadigan ishchilar kasblari tashkil etishini;
yaratilgan ish oʻrinlariga ishga qabul qilingan xodimlarga kamida olti oy davomida ish haqi hisoblanishi va ushbu holat soliq organlari tomonidan tasdiqlangan boʻlishini;
tadbirkorlik subyektlari zarur moddiy-texnika bazasi, uskunalar va boshqa texnika vositalari, ishlab chiqarish maydonlari hamda sharoitlarga ega boʻlishini nazarda tutuvchi tartibni joriy qilish.
2. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 24-fevraldagi PQ-85-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan qoʻshimchalar
1. Oʻzbekiston Respublikasi Prezidentining 2021-yil 22-fevraldagi “Zargarlik sanoatini yanada rivojlantirish uchun qulay shart-sharoitlar yaratish chora-tadbirlari toʻgʻrisida”gi PQ-4998-son qarorining 1-bandi :
quyidagi mazmundagi toʻrtinchi xatboshi bilan toʻldirilsin:
“kechiktirib toʻlash sharti bilan sotib olingan qimmatbaho metallar uchun toʻlovlarni amalga oshirganda, 30 kun ichida amalga oshirilgan toʻlovlar qismiga — foiz hisoblanmaydi, 31-kundan 180 kun (shu kuni ham) ichida amalga oshirilgan toʻlovlar qismiga — 30-kundan keyin kechiktirib toʻlash imkoniyatidan foydalanilgan kunlarga mos ravishda Markaziy bank asosiy stavkasi miqdorida foiz hisoblanadi”;
toʻrtinchi — sakkizinchi xatboshilar tegishincha beshinchi — toʻqqizinchi xatboshilar deb hisoblansin.
2. Oʻzbekiston Respublikasi Prezidentining 2022-yil 23-dekabrdagi “Zargarlik buyumlarini ishlab chiqarish quvvatlarini kengaytirish va mahalliy zargarlarni har tomonlama qoʻllab-quvvatlash boʻyicha qoʻshimcha chora-tadbirlar toʻgʻrisida”gi PQ-452-son qarorining 2-bandi quyidagi mazmundagi xatboshilar bilan toʻldirilsin:
“Belgilansinki, ushbu chegirmalardan foydalanadigan zargarlik buyumlarini ishlab chiqaruvchi tadbirkorlik subyektlarining roʻyxati quyidagi mezonlarni inobatga olgan holda shakllantiriladi:
a) zargarlik buyumlarini ishlab chiqaruvchi tadbirkorlik subyektlari tomonidan yaratilgan ish oʻrinlari soni.
Bunda, ushbu ish oʻrinlarining kamida 70 foizini Xizmatchilarning asosiy lavozimlari va ishchilar kasblari klassifikatorida (MXSK — 08 boʻyicha kodi 7313) belgilangan zargarlik buyumlari va qimmatbaho metall buyumlari ishlab chiqarish bilan shugʻullanadigan ishchilar kasblari tashkil etishi lozim;
b) yaratilgan ish oʻrinlariga ishga qabul qilingan xodimlar bilan belgilangan tartibda mehnat shartnomasi tuzilganligi, ularga kamida olti oy davomida mehnatga haq toʻlashning eng kam miqdorining bir baravaridan kam boʻlmagan miqdorda ish haqi hisoblanganligi hamda ushbu holat soliq organlari tomonidan tasdiqlanganligi;
v) zargarlik buyumlarini ishlab chiqaruvchi tadbirkorlik subyektlarida yuqori qoʻshilgan qiymatli zargarlik buyumlarini ishlab chiqarish uchun zarur boʻlgan moddiy-texnika bazasi, uskunalar va boshqa texnika vositalari, shuningdek, zargarlik buyumlarini ishlab chiqarish boʻyicha belgilangan talablarga javob beradigan ishlab chiqarish maydonlari va sharoitlarining mavjudligi.
Vazirlar Mahkamasi ikki hafta muddatda Qimmatbaho metallarni birja savdolarida sotishda chegirmalar berish uchun zargarlik buyumlarini ishlab chiqaruvchi tadbirkorlik subyektlarining roʻyxatini shakllantirish va yuritish tartibini tasdiqlasin”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 24-fevral,
PQ-85-son
Президента Республики Узбекистан
Постановление
О внесении дополнений в некоторые постановления Президента Республики Узбекистан, направленных на совершенствование механизмов поддержки производителей ювелирных изделий
В последние годы реализуется ряд мер по развитию ювелирной промышленности и всесторонней поддержке производителей ювелирных изделий.
В частности, в результате внедрения порядка реализации драгоценных металлов производителям ювелирных изделий с условием отсрочки платежа созданы дополнительные возможности для осуществления ими стабильной деятельности.
Вместе с тем установление относительно длительного срока отсрочки платежа при реализации драгоценных металлов ограничивает возможности эффективного использования оборотных средств предприятий-поставщиков драгоценных металлов, в том числе финансирования инвестиционных проектов.
В целях дальнейшего совершенствования порядка реализации драгоценных металлов производителям ювелирных изделий с условием отсрочки платежа и применения скидок при закупке драгоценных металлов субъектами предпринимательства, создавшими рабочие места в ювелирной сфере, а также обеспечения эффективного пользования ими:
1. Внести дополнения в некоторые постановления Президента Республики Узбекистан согласно приложению , предусматривающие:
а) внедрение порядка начисления процентов за каждый день использования возможности приобретения драгоценных металлов с условием отсрочки платежа, в соответствии с которым:
на часть платежей, осуществленных в течение 30 дней, — проценты не начисляются;
на часть платежей, осуществленных в период с 31-го дня по 180 день, — начисляются проценты в размере основной ставки Центрального банка;
б) установление критериев к субъектам предпринимательства, осуществляющих закупку драгоценных металлов на биржевых торгах с применением скидок, согласно которым:
не менее 70 процентов созданных рабочих мест должны составлять профессии рабочих, занимающихся изготовлением ювелирных изделий и изделий из драгоценных металлов;
работникам, принятым на работу на созданные рабочие места, в течение не менее чем шести месяцев должна начисляться заработная плата и данный факт должен быть подтвержден налоговыми органами;
субъекты предпринимательства должны иметь в наличии необходимую материально-техническую базу, оборудование, другие технические средства, производственные площади и условия.
2. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 24 февраля 2024 года № ПП-85
Дополнения, вносимые в некоторые постановления Президента Республики Узбекистан
1. Пункт 1 постановления Президента Республики Узбекистан от 22 февраля 2021 года № ПП-4998 «О мерах по созданию благоприятных условий для дальнейшего развития ювелирной промышленности»:
дополнить абзацем четвертым следующего содержания:
«при осуществлении платежей за драгоценные металлы, закупленные с условием отсрочки платежа, на часть платежей, произведенных в течение 30 дней, проценты не начисляются, а на часть платежей, произведенных с 31-го дня по 180 день включительно, — начисляются проценты в размере основной ставки Центрального банка пропорционально дням использования возможности уплаты в рассрочку, исчисляемых после 30 дня»;
абзацы четвертый — восьмой считать абзацами пятым — девятым соответственно.
2. Пункт 2 постановления Президента Республики Узбекистан от 23 декабря 2022 года № ПП-452 «О дополнительных мерах по расширению мощностей производства ювелирных изделий и всесторонней поддержке отечественных ювелиров» дополнить абзацами следующего содержания:
«Установить, что перечень субъектов предпринимательства, занимающихся производством ювелирных изделий, которые будут пользоваться данными скидками, формируется с учетом следующих критериев:
а) количество рабочих мест, созданных субъектами предпринимательства, занимающимися производством ювелирных изделий.
При этом не менее 70 процентов данных рабочих мест должны составлять профессии рабочих, занимающихся производством ювелирных изделий и изделий из драгоценных металлов, установленных в Классификаторе основных должностей служащих и профессий рабочих (МСКЗ — 08, код 7313);
б) заключение в установленном порядке трудового договора с работниками, принятыми на работу на созданные рабочие места, начисление им заработной платы в размере не менее одного минимального размера оплаты труда в течение не менее чем шести месяцев, а также подтверждение данного факта налоговыми органами;
в) наличие у субъектов предпринимательства, занимающихся производством ювелирных изделий, материально-технической базы, оборудования и других технических средств, необходимых для производства ювелирных изделий с высокой добавленной стоимостью, а также производственных площадок и условий, отвечающих требованиям, установленным для производства ювелирных изделий.
Кабинету Министров в двухнедельный срок утвердить порядок формирования и ведения Перечня субъектов предпринимательства, занимающихся производством ювелирных изделий, для предоставления скидок при реализации драгоценных металлов через биржевые торги».
Президент Республики Узбекистан Ш. МИРЗИЁЕВ
г. Ташкент,
24 февраля 2024 г.,
№ ПП-85