📅 2024-yil 26-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 26 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 26 февраля 2024 г. · Указы Президента
Официальный текст. Официальный документ. Редакционные примечания не включены.
📅 26 February 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Солиққа оид айрим ҳуқуқбузарликлар учун жавобгарлик чораларини мақбуллаштириш тўғрисида
2023 йил 18 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган устувор вазифалар ижросини таъминлаш, шунингдек, солиқ қонунчилигини бузганлик учун жавобгарликни либераллаштириш мақсадида:
1. Солиқ қўмитаси, Савдо-саноат палатаси, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилнинг фискал белгиларни акс эттириш ёхуд автоматлаштирилган ҳисобга олиш ўлчов воситалари билан жиҳозлаш ёки солиқ органларининг ахборот тизимлари билан интеграция қилинишини таъминлаш бўйича қонунчиликда белгиланган талабларни ёки тартибни бузганлик, шунингдек, товарларни (маҳсулотларни) ишлаб чиқарувчилар, импорт қилувчилар ва сотувчилар томонидан идентификация воситалари орқали мажбурий рақамли маркировкалаш қоидаларини бузганлик (кейинги ўринларда — фискал тартиб-қоидаларга оид ҳуқуқбузарликлар) учун молиявий жарима миқдорини:
ҳуқуқбузарлик биринчи марта содир этилганда — реализация амалга оширилган охирги ҳисобот чорагида олинган соф тушумнинг 2 фоизи;
ҳуқуқбузарлик молиявий жарима қўлланилганидан кейин бир йил давомида такрор содир этилганда — реализация амалга оширилган охирги ҳисобот чорагида олинган соф тушумнинг 20 фоизи миқдорида ўрнатиш тўғрисидаги таклифи маъқуллансин.
2. Белгилансинки, мазкур Фармон кучга киргунга қадар фискал тартиб-қоидаларга оид ҳуқуқбузарликлар учун қўлланилган молиявий жарималар бўйича мавжуд қарздорликнинг 98 фоизи ҳисобдан чиқарилади ва ҳисобдан чиқарилган қарздорликни ундириш билан боғлиқ суд ва ижро ишлари тугатилади.
3. Солиқ кодексига мазкур Фармондан келиб чиқиб, тегишли ўзгартиришлар киритилгунга қадар фискал тартиб-қоидаларга оид ҳуқуқбузарликлар учун молиявий жарималар ва маъмурий жазо чоралари қўлланилмасин.
4. Солиқ қўмитаси бир ой муддатда:
Иқтисодиёт ва молия вазирлиги, Савдо-саноат палатаси ҳамда Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил билан биргаликда ушбу Фармоннинг 1-бандидан келиб чиқиб, Солиқ кодексига ўзгартиришлар киритишга қаратилган қонун лойиҳасини Вазирлар Маҳкамасига киритсин;
мазкур Фармон кучга киргунга қадар фискал тартиб-қоидаларга оид ҳуқуқбузарликлар учун ундирилган жарима суммаларининг 98 фоизи келгуси тўловлар ҳисобига белгиланган тартибда тегишли тадбиркорлик субъектларига қайтарилишини таъминласин.
5. Мазкур Фармоннинг ижросини самарали ташкил қилишга масъул ва шахсий жавобгар этиб Солиқ қўмитаси раиси Ш.Д. Кудбиев белгилансин.
Фармон ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 26 февраль,
ПФ-39-сон
Oʻzbekiston Respublikasi Prezidentining
Farmoni
Soliqqa oid ayrim huquqbuzarliklar uchun javobgarlik choralarini maqbullashtirish toʻgʻrisida
2023-yil 18-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan ustuvor vazifalar ijrosini taʼminlash, shuningdek, soliq qonunchiligini buzganlik uchun javobgarlikni liberallashtirish maqsadida:
1. Soliq qoʻmitasi, Savdo-sanoat palatasi, Tadbirkorlik subyektlarining huquqlari va qonuniy manfaatlarini himoya qilish boʻyicha vakilning fiskal belgilarni aks ettirish yoxud avtomatlashtirilgan hisobga olish oʻlchov vositalari bilan jihozlash yoki soliq organlarining axborot tizimlari bilan integratsiya qilinishini taʼminlash boʻyicha qonunchilikda belgilangan talablarni yoki tartibni buzganlik, shuningdek, tovarlarni (mahsulotlarni) ishlab chiqaruvchilar, import qiluvchilar va sotuvchilar tomonidan identifikatsiya vositalari orqali majburiy raqamli markirovkalash qoidalarini buzganlik (keyingi oʻrinlarda — fiskal tartib-qoidalarga oid huquqbuzarliklar) uchun moliyaviy jarima miqdorini:
huquqbuzarlik birinchi marta sodir etilganda — realizatsiya amalga oshirilgan oxirgi hisobot choragida olingan sof tushumning 2 foizi;
huquqbuzarlik moliyaviy jarima qoʻllanilganidan keyin bir yil davomida takror sodir etilganda — realizatsiya amalga oshirilgan oxirgi hisobot choragida olingan sof tushumning 20 foizi miqdorida oʻrnatish toʻgʻrisidagi taklifi maʼqullansin.
2. Belgilansinki, mazkur Farmon kuchga kirgunga qadar fiskal tartib-qoidalarga oid huquqbuzarliklar uchun qoʻllanilgan moliyaviy jarimalar boʻyicha mavjud qarzdorlikning 98 foizi hisobdan chiqariladi va hisobdan chiqarilgan qarzdorlikni undirish bilan bogʻliq sud va ijro ishlari tugatiladi.
3. Soliq kodeksiga mazkur Farmondan kelib chiqib, tegishli oʻzgartirishlar kiritilgunga qadar fiskal tartib-qoidalarga oid huquqbuzarliklar uchun moliyaviy jarimalar va maʼmuriy jazo choralari qoʻllanilmasin.
4. Soliq qoʻmitasi bir oy muddatda:
Iqtisodiyot va moliya vazirligi, Savdo-sanoat palatasi hamda Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan birgalikda ushbu Farmonning 1-bandidan kelib chiqib, Soliq kodeksiga oʻzgartirishlar kiritishga qaratilgan qonun loyihasini Vazirlar Mahkamasiga kiritsin;
mazkur Farmon kuchga kirgunga qadar fiskal tartib-qoidalarga oid huquqbuzarliklar uchun undirilgan jarima summalarining 98 foizi kelgusi toʻlovlar hisobiga belgilangan tartibda tegishli tadbirkorlik subyektlariga qaytarilishini taʼminlasin.
5. Mazkur Farmonning ijrosini samarali tashkil qilishga masʼul va shaxsiy javobgar etib Soliq qoʻmitasi raisi Sh.D. Kudbiyev belgilansin.
Farmon ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 26-fevral,
PF-39-son
Президента Республики Узбекистан
Указ
Об оптимизации мер ответственности за некоторые налоговые правонарушения
В целях обеспечения исполнения приоритетных задач, определенных в рамках открытого диалога Президента Республики Узбекистан с предпринимателями, проведенного 18 августа 2023 года, а также либерализации ответственности за нарушение налогового законодательства:
1. Одобрить предложение Налогового комитета, Торгово-промышленной палаты, Уполномоченного по защите прав и законных интересов субъектов предпринимательства об установлении нижеследующих размеров финансовых санкций за нарушение установленных законодательством требований или порядка по отображению фискальных отметок либо оснащению автоматизированными измерительными средствами учета или обеспечению интеграции с информационными системами налоговых органов, а также нарушение производителями, импортерами и продавцами правил обязательной цифровой маркировки товаров (продукции) средствами идентификации (далее — фискальные правонарушения), в частности, за:
правонарушение, совершенное впервые, — в размере 2 процентов чистой выручки, полученной в последнем отчетном квартале, в котором имела место реализация;
правонарушение, совершенное повторно в течение одного года после применения финансовых санкций, — в размере 20 процентов чистой выручки, полученной в последнем отчетном квартале, в котором имела место реализация.
2. Установить, что 98 процентов имеющейся задолженности по финансовым санкциям, примененным за фискальные правонарушения до вступления в силу настоящего Указа, списываются, судебные и исполнительские дела, связанные с взысканием списанной задолженности, — прекращаются.
3. Не применять финансовые санкции и административные взыскания за фискальные правонарушения до внесения соответствующих изменений в Налоговый кодекс исходя из настоящего Указа.
4. Налоговому комитету в месячный срок:
совместно с Министерством экономики и финансов, Торгово-промышленной палатой и Уполномоченным по защите прав и законных интересов субъектов предпринимательства внести в Кабинет Министров проект закона о внесении изменений в Налоговый кодекс исходя из пункта 1 настоящего Указа;
обеспечить возврат в установленном порядке соответствующим субъектам предпринимательства 98 процентов сумм штрафов, взысканных за фискальные правонарушения до вступления в силу настоящего Указа, в счет предстоящих платежей.
5. Возложить на председателя Налогового комитета Ш.Д. Кудбиева персональную ответственность за эффективную организацию исполнения настоящего Указа.
Контроль за исполнением настоящего Указа возложить на заместителя Премьер-министра Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
26 февраля 2024 г.,
№ УП-39