UzbekAI

Ўзбекистон Республикаси Президентининг

Қарори

РЎЙХАТИ

«Ўзбекистон-Туркманистон» эркин савдо зонасини ташкил этиш тўғрисида

Ташқи савдо инфратузилмасини ривожлантириш, экспорт салоҳиятини ошириш, хорижий харидорлар ва маҳаллий экспортчилар учун қулай шароитлар яратиш мақсадида:

1. Вазирлар Маҳкамаси, Инвестициялар, саноат ва савдо вазирлиги, Қишлоқ хўжалиги вазирлиги, Иқтисодиёт ва молия вазирлиги ҳамда Хоразм вилояти ҳокимлигининг:

Хоразм вилояти Шовот туманидаги иловага мувофиқ суғориладиган 3,1 гектар ер участкасини қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказиш;

ушбу 3,1 гектар ер участкасида товарларни сақлаш, саралаш, сотиш, транспорт ва бошқа замонавий хизматлар инфратузилмасини ташкил этиш учун «Ўзбекистон-Туркманистон» эркин савдо зонасини (кейинги ўринларда — савдо зонаси) ташкил қилиш;

савдо зонасининг фаолият кўрсатиш муддатини кейинчалик узайтириш имкони билан 30 йил этиб белгилаш тўғрисидаги таклифларига розилик берилсин.

2. Савдо зонаси фаолиятини бошқариш вазифаси «Ҳазорасп» эркин иқтисодий зонаси дирекцияси» давлат унитар корхонасига (кейинги ўринларда — Дирекция) юклансин.

Савдо зонасини ташкил қилиш ва унинг фаолиятини йўлга қўйиш билан боғлиқ ишларни амалга ошириш мақсадида Ўзбекистон Республикасининг Бош вазири А.Н. Арипов бошчилигида штаб ташкил этилсин.

3. Белгилаб қўйилсинки:

а) савдо зонасида:

замонавий технологиялар асосида маҳсулотларни қабул қилиш, сақлаш ва саралаш хизматлари кўрсатилади;

«ягона дарча» ва интерактив механизмлар асосида божхона, солиқ, сертификатлаш, фитосанитария, ветеринария, транспорт хизматлари, мавжуд инфратузилма ва имкониятларни ўрганган ҳолда, банк ва валюта айирбошлаш, мобил алоқа ҳамда мижозлар учун тиббий, меҳмонхона, автотранспорт воситаларига техник хизмат кўрсатиш ва бошқа хизматлар йўлга қўйилади;

фақат Ўзбекистон Республикаси ва Туркманистон Республикасида ишлаб чиқарилган маҳсулотлар савдоси ташкил қилинади;

чакана савдо операцияларини амалга ошириш ҳуқуқи берилган «эркин божхона зонаси» божхона режими амал қилади;

Ўзбекистон Республикаси ҳудудида бўлган хорижий давлатлар фуқаролари ва фуқаролиги бўлмаган шахслар ҳаракатланиш ҳужжатлари асосида алоҳида назорат ўтказиш пункти орқали ўтади ва уларнинг ортга қайтишига фақат кирган назорат ўтказиш пункти орқали рухсат этилади;

шахслар, транспорт воситалари ва юклар эркин ҳаракатланади;

б) савдо зонасига:

маҳсулотлар божхона тўловлари тўланмасдан ва иқтисодий сиёсат чоралари қўлланмасдан олиб кирилади;

маҳсулотлар савдо зонаси иштирокчилари томонидан «эркин божхона зонаси» божхона режимига расмийлаштириш орқали жойлаштирилади;

маҳсулотлар юридик ва жисмоний шахслар томонидан Ўзбекистон Республикаси қонунчилик ҳужжатларида белгиланган талабларга мувофиқ олиб кирилади ёки олиб чиқилади;

Туркманистон ва ушбу давлат орқали ташриф буюрувчи чет эл фуқаролари учун махсус назорат ўтказиш пункти орқали визасиз тартибда, шахсни тасдиқловчи ҳужжат орқали кириш, 15 кун мобайнида ҳудудда бўлиш ва кирган назорат пункти орқали чиқиш имконияти йўлга қўйилади;

в) Дирекция Хоразм вилояти ҳокимлиги билан биргаликда савдо зонасидаги бино ва иншоотларни тадбиркорлик субъектларига электрон онлайн аукцион савдолари асосида ижарага беради.

4. Белгилансинки, ушбу қарорга асосан қишлоқ хўжалигига мўлжалланган ер участкаларининг ер фонди тоифаси ўзгартирилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаш бўйича компенсация тўловлари ундирилмайди.

5. Хоразм вилояти ҳокимлиги Кадастр агентлиги ва Қишлоқ хўжалиги вазирлиги билан биргаликда қишлоқ хўжалигига мўлжалланган ер участкалари қисқариб кетишининг олдини олиш мақсадида 2024 йил 1 июлга қадар тегишлича ушбу қарор билан ер фонди тоифаси ўзгартирилаётган суғориладиган ер участкалари майдонининг беш баравари миқдорида янги ерлар ўзлаштирилишини ва суғориладиган ерлар тоифасига ўтказилишини таъминласин.

6. Инвестициялар, саноат ва савдо вазирлиги савдо зонасининг бош режаси ва унда жойлаштириладиган объектларнинг лойиҳа-смета ҳужжатларини ишлаб чиқиш ҳамда қурилиши билан боғлиқ барча харажатларни молиялаштириш учун Экспортни қўллаб-қувватлаш жамғармаси ҳисобидан Дирекцияга 3 йиллик имтиёзли давр билан 10 йил муддатга зарур маблағларни ажратсин.

Бунда, Экспортни қўллаб-қувватлаш жамғармаси ҳисобидан ажратиладиган маблағлар савдо зонасидаги объектларни ижарага бериш, сотиш ҳамда Хоразм вилояти маҳаллий бюджетининг қўшимча манбалари ҳисобидан қайтарилади.

7. Автомобиль йўллари қўмитаси, «Ҳудудий электр тармоқлари» АЖ, «Ҳудудгазтаъминот» АЖ, «Ўзбектелеком» АК, «Ўзсувтаъминот» АЖ Хоразм вилояти ҳокимлиги билан биргаликда муҳандислик-коммуникация ва йўл инфратузилмаси билан таъминланиши лозим бўлган объектларнинг тасдиқланган рўйхати асосида 2024 йил 1 майга қадар савдо зонаси ҳудудида ишга тушириладиган объектларнинг лойиҳа ҳужжатларини ишлаб чиқсин ва белгиланган тартибда келишиш ишларини якунласин.

8. Дирекция ва Хоразм вилояти ҳокимлиги Қурилиш ва уй-жой коммунал хўжалиги вазирлиги билан биргаликда бир ой муддатда савдо зонасининг бош режаси ҳамда икки ой муддатда савдо зонасида жойлаштириладиган объектларнинг лойиҳа-смета ҳужжатлари ишлаб чиқилишини таъминласин. Бунда:

Хоразм вилояти ҳокимлиги ҳузуридаги «Ягона буюртмачи хизмати» инжиниринг компанияси савдо зонасининг бош режасини ҳамда қуриладиган бино ва иншоотларнинг лойиҳа-смета ҳужжатларини ишлаб чиқиш ва қуриш бўйича буюртмачи этиб белгилансин;

бош режа ва қуриладиган бино ва иншоотларнинг лойиҳа-смета ҳужжатларини ишлаб чиқиш бўйича лойиҳа ташкилоти ҳамда пудрат ташкилоти белгиланган тартибда танлов (тендер) савдоларига асосан аниқлансин.

9. Хоразм вилояти ҳокимлиги Иқтисодиёт ва молия вазирлиги, Инвестициялар, саноат ва савдо вазирлиги, Рақамли технологиялар вазирлиги, Автомобиль йўллари қўмитаси, «Ҳудудий электр тармоқлари» АЖ, «Ҳудудгазтаъминот» АЖ ҳамда «Ўзсувтаъминот» АЖ билан биргаликда бир ой муддатда савдо зонасининг 2024-2025 йилларда муҳандислик-коммуникация ва йўл инфратузилмаси билан таъминланиши лозим бўлган объектларининг манзилли дастурларини савдо зонасининг тасдиқланган бош режасига асосан шакллантирсин ва тасдиқлаш учун Вазирлар Маҳкамасига киритсин. Бунда:

савдо зонасининг ташқи муҳандислик-коммуникация тармоқларини қуриш ишларини молиялаштириш Ўзбекистон Республикаси Президентининг 2020 йил 18 декабрдаги «Ҳудудларда муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-4929-сон қарорига ;

савдо зонасининг ташқи муҳандислик-коммуникация тармоқларини қуриш-таъмирлаш ишлари бўйича буюртмачи вазифасини белгилаш Ўзбекистон Республикаси Президентининг 2021 йил 30 апрелдаги «Махсус иқтисодий ва кичик саноат зоналари муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-5101-сон қарорига мувофиқ амалга оширилиши белгилаб қўйилсин.

10. Миллий гвардия Ички ишлар вазирлиги, Давлат хавфсизлик хизмати Чегара қўшинлари, Иқтисодиёт ва молия вазирлиги ҳамда Божхона қўмитаси билан биргаликда бир ой муддатда савдо зонаси ҳудудини қўриқлаш, жамоат тартибини сақлаш ҳамда чегара ва божхона расмийлаштирувини амалга ошириш учун талаб этиладиган шахсий таркиб штат бирлигини белгилаш, уни моддий-техник жиҳатдан таъминлаш бўйича Вазирлар Маҳкамасига таклиф киритсин.

11. Инвестициялар, саноат ва савдо вазирлиги Хоразм вилояти ҳокимлиги ҳамда манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

12. Мазкур қарорнинг ижросини самарали ташкил қилишга масъул ва шахсий жавобгар этиб Ўзбекистон Республикаси Бош вазирининг ўринбосари Ж.А. Ходжаев ҳамда Хоразм вилояти ҳокими Ж.Р. Рахимов белгилансин.

Қарор ижроси учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президентининг 2024 йил 28 февралдаги ПҚ-90-сон қарорига ИЛОВА

Хоразм вилоятининг Шовот туманидаги қишлоқ хўжалигига мўлжалланган ерлар тоифасидан саноат, транспорт, алоқа, мудофаа ва бошқа мақсадларга мўлжалланган ерлар тоифасига ўтказиладиган ер майдонлари

Ҳудуд номи Ердан фойдаланувчи номи Контур рақами Жами ер майдони, га Шундан Тупроқ бонитет бали суғориладиган ерлар (га) бошқа ерлар, (га) «Маҳтумқули» МФЙ ҳудуди Туман ҳокимлиги захирасидаги ерлар 192қ 0,2 0,2 61,6 193қ 1,2 0,56 0,64 61,6 194қ 1,7 1,7 61,6 Жами 3,1 2,46 0,64

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 28 февраль,

ПҚ-90-сон

(Қонунчилик маълумотлари миллий базаси, 28.02.2024 й., 07/24/90/0164-сон)

lex.uz

Oʻzbekiston Respublikasi Prezidentining

Qarori

ROʻYXATI

“Oʻzbekiston-Turkmaniston” erkin savdo zonasini tashkil etish toʻgʻrisida

Tashqi savdo infratuzilmasini rivojlantirish, eksport salohiyatini oshirish, xorijiy xaridorlar va mahalliy eksportchilar uchun qulay sharoitlar yaratish maqsadida:

1. Vazirlar Mahkamasi, Investitsiyalar, sanoat va savdo vazirligi, Qishloq xoʻjaligi vazirligi, Iqtisodiyot va moliya vazirligi hamda Xorazm viloyati hokimligining:

Xorazm viloyati Shovot tumanidagi ilovaga muvofiq sugʻoriladigan 3,1 gektar yer uchastkasini qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkazish;

ushbu 3,1 gektar yer uchastkasida tovarlarni saqlash, saralash, sotish, transport va boshqa zamonaviy xizmatlar infratuzilmasini tashkil etish uchun “Oʻzbekiston-Turkmaniston” erkin savdo zonasini (keyingi oʻrinlarda — savdo zonasi) tashkil qilish;

savdo zonasining faoliyat koʻrsatish muddatini keyinchalik uzaytirish imkoni bilan 30 yil etib belgilash toʻgʻrisidagi takliflariga rozilik berilsin.

2. Savdo zonasi faoliyatini boshqarish vazifasi “Hazorasp” erkin iqtisodiy zonasi direksiyasi” davlat unitar korxonasiga (keyingi oʻrinlarda — Direksiya) yuklansin.

Savdo zonasini tashkil qilish va uning faoliyatini yoʻlga qoʻyish bilan bogʻliq ishlarni amalga oshirish maqsadida Oʻzbekiston Respublikasining Bosh vaziri A.N. Aripov boshchiligida shtab tashkil etilsin.

3. Belgilab qoʻyilsinki:

a) savdo zonasida:

zamonaviy texnologiyalar asosida mahsulotlarni qabul qilish, saqlash va saralash xizmatlari koʻrsatiladi;

“yagona darcha” va interaktiv mexanizmlar asosida bojxona, soliq, sertifikatlash, fitosanitariya, veterinariya, transport xizmatlari, mavjud infratuzilma va imkoniyatlarni oʻrgangan holda, bank va valyuta ayirboshlash, mobil aloqa hamda mijozlar uchun tibbiy, mehmonxona, avtotransport vositalariga texnik xizmat koʻrsatish va boshqa xizmatlar yoʻlga qoʻyiladi;

faqat Oʻzbekiston Respublikasi va Turkmaniston Respublikasida ishlab chiqarilgan mahsulotlar savdosi tashkil qilinadi;

chakana savdo operatsiyalarini amalga oshirish huquqi berilgan “erkin bojxona zonasi” bojxona rejimi amal qiladi;

Oʻzbekiston Respublikasi hududida boʻlgan xorijiy davlatlar fuqarolari va fuqaroligi boʻlmagan shaxslar harakatlanish hujjatlari asosida alohida nazorat oʻtkazish punkti orqali oʻtadi va ularning ortga qaytishiga faqat kirgan nazorat oʻtkazish punkti orqali ruxsat etiladi;

shaxslar, transport vositalari va yuklar erkin harakatlanadi;

b) savdo zonasiga:

mahsulotlar bojxona toʻlovlari toʻlanmasdan va iqtisodiy siyosat choralari qoʻllanmasdan olib kiriladi;

mahsulotlar savdo zonasi ishtirokchilari tomonidan “erkin bojxona zonasi” bojxona rejimiga rasmiylashtirish orqali joylashtiriladi;

mahsulotlar yuridik va jismoniy shaxslar tomonidan Oʻzbekiston Respublikasi qonunchilik hujjatlarida belgilangan talablarga muvofiq olib kiriladi yoki olib chiqiladi;

Turkmaniston va ushbu davlat orqali tashrif buyuruvchi chet el fuqarolari uchun maxsus nazorat oʻtkazish punkti orqali vizasiz tartibda, shaxsni tasdiqlovchi hujjat orqali kirish, 15 kun mobaynida hududda boʻlish va kirgan nazorat punkti orqali chiqish imkoniyati yoʻlga qoʻyiladi;

v) Direksiya Xorazm viloyati hokimligi bilan birgalikda savdo zonasidagi bino va inshootlarni tadbirkorlik subyektlariga elektron onlayn auksion savdolari asosida ijaraga beradi.

4. Belgilansinki, ushbu qarorga asosan qishloq xoʻjaligiga moʻljallangan yer uchastkalarining yer fondi toifasi oʻzgartirilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrnini qoplash boʻyicha kompensatsiya toʻlovlari undirilmaydi.

5. Xorazm viloyati hokimligi Kadastr agentligi va Qishloq xoʻjaligi vazirligi bilan birgalikda qishloq xoʻjaligiga moʻljallangan yer uchastkalari qisqarib ketishining oldini olish maqsadida 2024-yil 1-iyulga qadar tegishlicha ushbu qaror bilan yer fondi toifasi oʻzgartirilayotgan sugʻoriladigan yer uchastkalari maydonining besh baravari miqdorida yangi yerlar oʻzlashtirilishini va sugʻoriladigan yerlar toifasiga oʻtkazilishini taʼminlasin.

6. Investitsiyalar, sanoat va savdo vazirligi savdo zonasining bosh rejasi va unda joylashtiriladigan obyektlarning loyiha-smeta hujjatlarini ishlab chiqish hamda qurilishi bilan bogʻliq barcha xarajatlarni moliyalashtirish uchun Eksportni qoʻllab-quvvatlash jamgʻarmasi hisobidan Direksiyaga 3 yillik imtiyozli davr bilan 10 yil muddatga zarur mablagʻlarni ajratsin.

Bunda, Eksportni qoʻllab-quvvatlash jamgʻarmasi hisobidan ajratiladigan mablagʻlar savdo zonasidagi obyektlarni ijaraga berish, sotish hamda Xorazm viloyati mahalliy budjetining qoʻshimcha manbalari hisobidan qaytariladi.

7. Avtomobil yoʻllari qoʻmitasi, “Hududiy elektr tarmoqlari” AJ, “Hududgaztaʼminot” AJ, “Oʻzbektelekom” AK, “Oʻzsuvtaʼminot” AJ Xorazm viloyati hokimligi bilan birgalikda muhandislik-kommunikatsiya va yoʻl infratuzilmasi bilan taʼminlanishi lozim boʻlgan obyektlarning tasdiqlangan roʻyxati asosida 2024-yil 1-mayga qadar savdo zonasi hududida ishga tushiriladigan obyektlarning loyiha hujjatlarini ishlab chiqsin va belgilangan tartibda kelishish ishlarini yakunlasin.

8. Direksiya va Xorazm viloyati hokimligi Qurilish va uy-joy kommunal xoʻjaligi vazirligi bilan birgalikda bir oy muddatda savdo zonasining bosh rejasi hamda ikki oy muddatda savdo zonasida joylashtiriladigan obyektlarning loyiha-smeta hujjatlari ishlab chiqilishini taʼminlasin. Bunda:

Xorazm viloyati hokimligi huzuridagi “Yagona buyurtmachi xizmati” injiniring kompaniyasi savdo zonasining bosh rejasini hamda quriladigan bino va inshootlarning loyiha-smeta hujjatlarini ishlab chiqish va qurish boʻyicha buyurtmachi etib belgilansin;

bosh reja va quriladigan bino va inshootlarning loyiha-smeta hujjatlarini ishlab chiqish boʻyicha loyiha tashkiloti hamda pudrat tashkiloti belgilangan tartibda tanlov (tender) savdolariga asosan aniqlansin.

9. Xorazm viloyati hokimligi Iqtisodiyot va moliya vazirligi, Investitsiyalar, sanoat va savdo vazirligi, Raqamli texnologiyalar vazirligi, Avtomobil yoʻllari qoʻmitasi, “Hududiy elektr tarmoqlari” AJ, “Hududgaztaʼminot” AJ hamda “Oʻzsuvtaʼminot” AJ bilan birgalikda bir oy muddatda savdo zonasining 2024-2025-yillarda muhandislik-kommunikatsiya va yoʻl infratuzilmasi bilan taʼminlanishi lozim boʻlgan obyektlarining manzilli dasturlarini savdo zonasining tasdiqlangan bosh rejasiga asosan shakllantirsin va tasdiqlash uchun Vazirlar Mahkamasiga kiritsin. Bunda:

savdo zonasining tashqi muhandislik-kommunikatsiya tarmoqlarini qurish ishlarini moliyalashtirish Oʻzbekiston Respublikasi Prezidentining 2020-yil 18-dekabrdagi “Hududlarda muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-4929-son qaroriga ;

savdo zonasining tashqi muhandislik-kommunikatsiya tarmoqlarini qurish-taʼmirlash ishlari boʻyicha buyurtmachi vazifasini belgilash Oʻzbekiston Respublikasi Prezidentining 2021-yil 30-apreldagi “Maxsus iqtisodiy va kichik sanoat zonalari muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-5101-son qaroriga muvofiq amalga oshirilishi belgilab qoʻyilsin.

10. Milliy gvardiya Ichki ishlar vazirligi, Davlat xavfsizlik xizmati Chegara qoʻshinlari, Iqtisodiyot va moliya vazirligi hamda Bojxona qoʻmitasi bilan birgalikda bir oy muddatda savdo zonasi hududini qoʻriqlash, jamoat tartibini saqlash hamda chegara va bojxona rasmiylashtiruvini amalga oshirish uchun talab etiladigan shaxsiy tarkib shtat birligini belgilash, uni moddiy-texnik jihatdan taʼminlash boʻyicha Vazirlar Mahkamasiga taklif kiritsin.

11. Investitsiyalar, sanoat va savdo vazirligi Xorazm viloyati hokimligi hamda manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

12. Mazkur qarorning ijrosini samarali tashkil qilishga masʼul va shaxsiy javobgar etib Oʻzbekiston Respublikasi Bosh vazirining oʻrinbosari J.A. Xodjayev hamda Xorazm viloyati hokimi J.R. Raximov belgilansin.

Qaror ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2024-yil 28-fevraldagi PQ-90-son qaroriga ILOVA

Xorazm viloyatining Shovot tumanidagi qishloq xoʻjaligiga moʻljallangan yerlar toifasidan sanoat, transport, aloqa, mudofaa va boshqa maqsadlarga moʻljallangan yerlar toifasiga oʻtkaziladigan yer maydonlari

Hudud nomi Yerdan foydalanuvchi nomi Kontur raqami Jami yer maydoni, ga Shundan Tuproq bonitet bali sugʻoriladigan yerlar (ga) boshqa yerlar, (ga) “Mahtumquli” MFY hududi Tuman hokimligi zaxirasidagi yerlar 192q 0,2 0,2 61,6 193q 1,2 0,56 0,64 61,6 194q 1,7 1,7 61,6 Jami 3,1 2,46 0,64

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 28-fevral,

PQ-90-son

(Qonunchilik maʼlumotlari milliy bazasi, 28.02.2024-y., 07/24/90/0164-son)

lex.uz

Президента Республики Узбекистан

Постановление

ПЕРЕЧЕНЬ

О создании свободной экономической зоны «Узбекистан-Туркменистан»

В целях развития внешнеторговой инфраструктуры, повышения экспортного потенциала, создания благоприятных условий для иностранных покупателей и отечественных экспортеров:

1. Согласиться с предложениями Кабинета Министров, Министерства инвестиций, промышленности и торговли, Министерства сельского хозяйства, Министерства экономики и финансов и хокимията Хорезмской области:

о переводе орошаемого земельного участка площадью 3,1 гектара в Шаватском районе Хорезмской области из категории земель сельскохозяйственного назначения в категорию земель промышленности, транспорта, связи, обороны и иного назначения согласно приложению ;

о создании свободной экономической зоны «Узбекистан-Туркменистан» (далее — торговая зона) для организации на данном земельном участке площадью 3,1 гектара инфраструктуры для хранения, отбора, реализации товаров, транспортных и других современных услуг;

об определении срока функционирования торговой зоны 30 лет с возможностью его последующего продления.

2. Возложить функцию управления деятельностью торговой зоны на Государственное унитарное предприятие «Дирекция свободной экономической зоны «Хазарасп» (далее — Дирекция).

В целях осуществления работ, связанных с организацией торговой зоны и налаживанием ее деятельности, образовать штаб под руководством Премьер-министра Республики Узбекистан А.Н. Арипова.

3. Установить, что:

а) в торговой зоне:

на основе современных технологий осуществляется оказание услуг по приему, хранению и отбору продукции;

на основе «единого окна» и интерактивных механизмов для клиентов организуются банковские услуги и обмен валюты, мобильной связи, медицинские и гостиничные услуги, услуги технического обслуживания автотранспортных средств и другие с проведением изучения имеющейся инфраструктуры и возможностей таможенных, налоговых услуг, сертификационных, фитосанитарных, ветеринарных и транспортных услуг;

организуется торговля продукцией, произведенной исключительно в Республике Узбекистан и Республике Туркменистан;

действует таможенный режим «свободная таможенная зона» с правом осуществления розничных торговых операций;

граждане зарубежных государств и лица без гражданства, находящиеся на территории Республики Узбекистан, проходят через отдельный контрольно-пропускной пункт на основании проездных документов, их обратное возвращение разрешается исключительно через тот же контрольно-пропускной пункт;

лица, транспортные средства и грузы передвигаются свободно;

б) в торговой зоне:

продукция ввозится без уплаты таможенных платежей и применения мер экономической политики;

продукция размещается участниками торговой зоны путем оформления таможенного режима «свободная таможенная зона»;

продукция ввозится или вывозится юридическими и физическими лицами в соответствии с требованиями, определенными в актах законодательства Республики Узбекистан;

для граждан Туркменистана и иностранных граждан, прибывающих через данное государство, создается возможность для въезда через специальный контрольно-пропускной пункт в безвизовом режиме на основании подтверждающего личность документа, их пребывания на ее территории в течение 15 дней и выезда через тот же контрольно-пропускной пункт;

в) Дирекция совместно с хокимиятом Хорезмской области передают в аренду здания и сооружения в торговой зоне субъектам предпринимательства на основе электронных онлайн-аукционных торгов.

4. Установить, что в связи с изменением категории земель сельскохозяйственного назначения на основании настоящего постановления компенсационные выплаты по возмещению потерь сельскохозяйственного и лесохозяйственного производства не взимаются.

5. Хокимияту Хорезмской области совместно с Агентством по кадастру и Министерством сельского хозяйства в целях предупреждения сокращения земельных участков сельскохозяйственного назначения в срок до 1 июля 2024 года обеспечить соответственно освоение новых земель площадью, равной пятикратному размеру площади орошаемых земельных участков, категория земельного фонда которых изменяется на основании настоящего постановления, а также их перевод в категорию орошаемых земель.

6. Министерству инвестиций, промышленности и торговли выделить Дирекции необходимые средства для разработки генерального плана торговой зоны и проектно-сметной документации размещаемых на ней объектов, а также финансирования всех расходов, связанных со строительством, за счет Фонда поддержки экспорта на срок 10 лет с льготным периодом 3 года.

При этом средства, выделяемые за счет Фонда поддержки экспорта, возвращаются за счет передачи в аренду и реализации объектов в торговой зоне, а также дополнительных источников местного бюджета Хорезмской области.

7. Комитету по автомобильным дорогам, АО «Региональные электрические сети», АО «Худудгазтаъминот», АК «Узбектелеком», АО «Узсувтаъминот» совместно с хокимиятом Хорезмской области на основе утвержденного перечня объектов, подлежащих обеспечению инженерно-коммуникационной и дорожной инфраструктурой, в срок до 1 мая 2024 года разработать проектную документацию объектов, запускаемых на территории торговой зоны, и завершить ее согласование в установленном порядке.

8. Дирекции и хокимияту Хорезмской области совместно с Министерством строительства и жилищно-коммунального хозяйства в месячный срок обеспечить разработку генерального плана торговой зоны и в двухмесячный срок — разработку проектно-сметной документации объектов, размещаемых в торговой зоне. При этом:

определить инжиниринговую компанию «Служба единого заказчика» при хокимияте Хорезмской области заказчиком разработки генерального плана торговой зоны и проектно-сметной документации строящихся в ней зданий и сооружений, а также их строительства;

определить проектную организацию и подрядную организацию по разработке генерального плана и проектно-сметной документации строящихся зданий и сооружений в установленном порядке на основании конкурсных (тендерных) торгов.

9. Хокимияту Хорезмской области совместно с Министерством экономики и финансов, Министерством инвестиций, промышленности и торговли, Министерством цифровых технологий, Комитетом по автомобильным дорогам, АО «Региональные электрические сети», АО «Худудгазтаъминот» и АО «Узсувтаъминот» в месячный срок сформировать на основе утвержденного генерального плана торговой зоны адресные программы объектов торговой зоны, подлежащих обеспечению инженерно-коммуникационной и дорожной инфраструктурой в 2024-2025 годах, и внести их в Кабинет Министров для утверждения. При этом установить, что:

финансирование строительных работ внешних инженерно-коммуникационных сетей торговой зоны осуществляется в соответствии с постановлением Президента Республики Узбекистан от 18 декабря 2020 года № ПП-4929 «О мерах по дальнейшему развитию инженерно-коммуникационной инфраструктуры в регионах»;

определение функции заказчика по строительно-ремонтным работам внешних инженерно-коммуникационных сетей торговой зоны осуществляется в соответствии с постановлением Президента Республики Узбекистан от 30 апреля 2021 года № ПП-5101 «О мерах по дальнейшему развитию инженерно-коммуникационной инфраструктуры специальных экономических и малых промышленных зон».

10. Национальной гвардии совместно с Министерством внутренних дел, Пограничными войсками Службы государственной безопасности, Министерством экономики и финансов и Таможенным комитетом в месячный срок внести в Кабинет Министров предложение по определению штатных единиц личного состава, требуемых для охраны, обеспечения общественного порядка и осуществления таможенного оформления на территории торговой зоны, а также его материально-техническому обеспечению.

11. Министерству инвестиций, промышленности и торговли совместно с хокимиятом Хорезмской области и заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

12. Возложить на заместителя Премьер-министра Республики Узбекистан Ж.А. Ходжаева и хокима Хорезмской области Ж.Р. Рахимова персональную ответственность за эффективную организацию исполнения настоящего постановления.

Осуществление координации и контроля за деятельностью ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.

ПРИЛОЖЕНИЕ к постановлению Президента Республики Узбекистан от 28 февраля 2024 года № ПП-90

земельных площадей в Шаватском районе Хорезмской области, переводимых из категории земель сельскохозяйственного назначения в категорию земель промышленности, транспорта, связи, обороны и иного назначения

Наименование территории Наименование землепользователя Номер контура Общая земельная площадь, га В том числе: Балл бонитета почвы орошаемые земли (га) прочие земли, (га) Территория СГМ «Махтумкули» Земли, находящиеся в резерве хокимията района 192к 0,2 0,2 61,6 193к 1,2 0,56 0,64 61,6 194к 1,7 1,7 61,6 Всего 3,1 2,46 0,64

Президент Республики Узбекистан Ш. МИРЗИЁЕВ

г. Ташкент,

28 февраля 2024 г.,

№ ПП-90

(Национальная база данных законодательства, 28.02.2024 г., № 07/24/90/0164)

lex.uz