📅 2024-yil 27-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 27 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 27 февраля 2024 г. · Указы Президента
Официальный текст. Официальный документ. Редакционные примечания не включены.
📅 27 February 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАРКИБИ
Техник жиҳатдан тартибга солиш соҳасидаги давлат бошқарувини янада такомиллаштиришга доир чора-тадбирлар тўғрисида
Техник жиҳатдан тартибга солиш, шу жумладан стандартлаштириш, сертификатлаш ва метрология соҳаларида давлат бошқарувини самарали ташкил этиш, рақамли технологияларни жорий этиш орқали ушбу соҳани шаффоф, самарали ва коррупциядан холи тизимга айлантириш, шунингдек, соҳани Жаҳон савдо ташкилоти андозаларига уйғунлаштириш жараёнларини жадаллаштириш, республиканинг ички бозорини ҳимоя қилиш ҳамда экспорт географиясини кенгайтириш учун шарт-шароитлар яратиш мақсадида:
1. Инвестициялар, саноат ва савдо вазирлиги ҳузуридаги Ўзбекистон техник жиҳатдан тартибга солиш агентлиги (кейинги ўринларда — Агентлик) Вазирлар Маҳкамаси бўйсунувига ўтказилсин.
2. Қуйидагилар Агентлик фаолиятининг асосий йўналишлари этиб белгилансин:
халқаро ташкилотлар ва хорижий давлатлар билан миллий мувофиқликни баҳолаш, синов ҳамда ўлчаш натижаларини экспорт бозорларида тан олиш борасида ҳамкорликни кенгайтириш;
маҳаллий маҳсулотларни ишлаб чиқаришда халқаро стандартлар ва техник регламентларни жорий этиш орқали уларнинг замонавий талабларга мувофиқлигини таъминлаш ва ташқи бозорларда рақобатбардошлигини ошириш бўйича манзилли чоралар кўриш;
сифатни бошқаришнинг замонавий тизимларини, биринчи навбатда, экспорт қилувчи корхоналарда кенг жорий этиш ва маҳсулотларни техник регламентлар ва стандартлаштиришга доир норматив ҳужжатлар талабларига мувофиқлигини таъминлаш;
миллий қонунчиликни, техник тартибга солиш, мувофиқликни баҳолаш инструментлари ва стандартлаштиришга доир норматив ҳужжатларни Жаҳон савдо ташкилоти талабларига уйғунлаштириш;
маҳсулотлар (ишлар, хизматлар) сифати ва хавфсизлик талабларига риоя этилиши ҳамда истеъмолчиларнинг ҳуқуқларини нотўғри ўлчаш натижаларининг салбий оқибатларидан ҳимоя қилиш чораларини кўриш;
техник жиҳатдан тартибга солиш соҳасидаги норматив ҳужжатларнинг мажбурий талаблари, ўлчашларнинг ягона бирликда бўлиши ва тўғрилиги таъминланиши, мажбурий сертификатлаштириш қоидаларига амал қилиниши юзасидан давлат назоратини ташкил этиш ва унинг амалга оширилишини мувофиқлаштириш;
техник жиҳатдан тартибга солиш, шу жумладан стандартлаштириш ва метрология соҳаларидаги қонунчилик ҳужжатлари бузилишининг олдини олиш ва профилактикасини таъминлаш бўйича таъсирчан чоралар кўриш;
техник жиҳатдан тартибга солиш соҳасини рақамлаштириш орқали самарадорлик ва натижадорликка эришиш, тадбиркорлик субъектларига кўрсатиладиган давлат хизматлари турларини кенгайтириш, шаффоф ва коррупциядан холи самарали тизимни жорий этиш;
техник жиҳатдан тартибга солиш соҳасида кадрларни қайта тайёрлаш ва уларнинг малакасини оширишни ташкил этиш.
4. Агентлик тузилмасида:
«Ўзбекистон аккредитация маркази» давлат корхонаси амалдаги молиялаштириш тартиби ва манбалари сақлаб қолинган ҳолда, «Ўзбекистон аккредитация маркази» давлат муассасаси этиб қайта ташкил қилинсин;
Техник жиҳатдан тартибга солиш, стандартлаштириш, сертификатлаштириш ва метрология соҳасида давлат назорати департаменти Техник жиҳатдан тартибга солиш соҳасида назорат инспекцияси (кейинги ўринларда — Инспекция) этиб қайта ташкил қилинсин.
5. 2024 йил 1 сентябрдан бошлаб Инспекциянинг давлат инспекторларига тезкор назорат тадбирларини Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил билан олдиндан келишмасдан, ўтказилган текширув ҳақида Текширувларни электрон рўйхатга олиш ягона тизимида рўйхатдан ўтказиш орқали текширув бошланган пайтдан бошлаб 24 соат ичида Вакилни мажбурий равишда хабардор қилган ҳолда амалга ошириш ваколати тақдим этилсин.
6. Белгилансинки:
а) Агентлик техник жиҳатдан тартибга солиш, шу жумладан стандартлаштириш ва метрология соҳаларида давлат сиёсатини амалга оширувчи республика ижро этувчи ҳокимият органи ҳисобланади;
б) техник жиҳатдан тартибга солиш, шу жумладан стандартлаштириш, сертификатлаш ва метрология масалалари бўйича республика ҳамда маҳаллий ижро этувчи ҳокимият органлари ва бошқа ташкилотлар, шунингдек, уларнинг ҳузурида ташкил этиладиган стандартлаштириш бўйича техник қўмиталар фаолияти Агентлик томонидан мувофиқлаштирилади;
в) Агентлик ўз ваколатлари доирасида умуммажбурий бўлган норматив-ҳуқуқий ҳужжатлар қабул қилишга ҳақли;
г) Агентлик директори:
Ўзбекистон Республикаси Президенти томонидан белгиланган тартибда лавозимга тайинланади ва лавозимидан озод қилинади;
Агентлик ва унинг тизимидаги ташкилотлар ишини тўғри ва самарали ташкил этиш, бу орқали уларнинг фаолиятини натижадорликка йўналтириш, шунингдек, ушбу йўналишда белгиланган мақсадли кўрсаткичларга сўзсиз ва тўлақонли эришилиши учун масъул ҳамда шахсан жавобгар ҳисобланади.
7. Техник жиҳатдан тартибга солиш соҳасини жадал ривожлантириш, тизим фаолиятини рақамлаштириш ва самарали йўлга қўйиш ҳамда соҳани халқаро андозаларга уйғунлаштириш борасида белгиланган вазифалар ижросини сўзсиз таъминлаш учун Техник жиҳатдан тартибга солиш соҳасини ривожлантириш бўйича идоралараро республика кенгаши 1-иловага мувофиқ таркибда ташкил этилсин.
8. Агентлик ва Адлия вазирлиги (А. Ташкулов):
ўн кун муддатда Ўзбекистон Республикаси Президентининг Ўзбекистон техник жиҳатдан тартибга солиш агентлигининг фаолиятини ташкил этиш чора-тадбирлари тўғрисидаги қарори лойиҳасини киритсин;
икки ой муддатда қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Ўзбекистон Республикаси Президентининг айрим ҳужжатларига 2-иловага мувофиқ ўзгартириш ва қўшимчалар киритилсин.
10. Мазкур Фармоннинг ижросини самарали ташкил қилишга масъул ва шахсий жавобгар этиб Агентлик директори белгилансин.
Фармон ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 27 февралдаги ПФ-41-сон Фармонига 1-ИЛОВА
Техник жиҳатдан тартибга солиш соҳасини ривожлантириш бўйича Идоралараро республика кенгаши
1. А. Арипов — Ўзбекистон Республикасининг Бош вазири, республика кенгаши раиси 2. А. Жуманазаров — Ўзбекистон техник жиҳатдан тартибга солиш агентлиги директори 3. А. Ташкулов — адлия вазири 4. И. Норқулов — иқтисодиёт ва молия вазирининг биринчи ўринбосари 5. Л. Кудратов — инвестициялар, саноат ва савдо вазири 6. А. Абдуҳакимов — экология, атроф-муҳитни муҳофаза қилиш ва иқлим ўзгариши вазири 7. Ш. Хидоятов — қурилиш ва уй-жой коммунал хўжалиги вазири в.б. 8. Б. Исламов — тоғ-кон саноати ва геология вазири 9. И. Махкамов — транспорт вазири 10. А. Худаяров — соғлиқни сақлаш вазири в.б. 11. Д. Вахобов — Савдо-саноат палатаси раиси 12. А. Қаюмов — Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси ўринбосари 13. Т. Мухамеджанов — «Ўзкимёсаноат» АЖ бошқаруви раиси в.б. 14. З. Нарзуллаев — «Ўзбекистон темир йўллари» АЖ бошқаруви раиси 15. И. Ҳайдаров — «Ўзтўқимачиликсаноати» уюшмаси раиси 16. М. Юнусов — «Ўзэлтехсаноат» уюшмаси раиси 17. Р. Пирматов — «Ўзметкомбинат» АЖ бошқаруви раиси 18. У. Розукулов — «Ўзавтосаноат» АЖ бошқаруви раиси 19. Б. Бобокулов — «Ўзсаноатқурилишматериаллари» уюшмаси раиси ўринбосари 20. Лавозими бўйича — Ўзбекистон техник жиҳатдан тартибга солиш агентлиги директорининг биринчи ўринбосари, республика кенгаши котиби
Ўзбекистон Республикаси Президентининг 2024 йил 27 февралдаги ПФ-41-сон Фармонига 2-ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонида :
а) 1-иловада :
«2. Инвестициялар, саноат ва савдо вазирлиги» бўлимининг 1-позицияси ва унга изоҳ қисми чиқариб ташлансин;
қуйидаги мазмундаги «25. Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги» бўлими билан тўлдирилсин:
« 25. Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги Ўзбекистон техник жиҳатдан тартибга солиш агентлиги 77 77 шу жумладан, директор ўринбосарлари сони 3 3 Техник жиҳатдан тартибга солиш соҳасида назорат инспекцияси 76 76 шу жумладан, бошлиқ ўринбосарлари сони 1 1 » ;
изоҳ қисмининг 5.2-банди чиқариб ташлансин;
б) 2-иловада :
2-банднинг 2.1-кичик банди чиқариб ташлансин;
қуйидаги мазмундаги 27-банд билан тўлдирилсин:
«27. Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги»;
изоҳ қисмининг тўртинчи хатбошиси қуйидаги таҳрирда баён этилсин:
«агентликлар — 25 та, шу жумладан, алоҳида мақомга эга мустақил агентликлар — 4 та»;
в) 2а-иловада :
2.1-позиция чиқариб ташлансин;
қуйидаги мазмундаги 28-банд билан тўлдирилсин:
« 28. Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги Техник тартибга солиш агентлиги Агентство технического регулирования » .
2. Ўзбекистон Республикаси Президентининг 2023 йил 21 июлдаги «Маъмурий ислоҳотлар доирасида инвестициялар, саноат ва савдо соҳасида давлат бошқарувини самарали ташкил қилиш чора-тадбирлари тўғрисида»ги ПФ-111-сон Фармонида :
а) 4-бандда :
бешинчи хатбоши чиқариб ташлансин;
олтинчи — тўққизинчи хатбошилар тегишинча бешинчи — саккизинчи хатбошилар деб ҳисоблансин;
б) 4-илованинг «Ўзбекистон техник жиҳатдан тартибга солиш агентлиги» блоки чиқариб ташлансин;
в) 5-илова ўз кучини йўқотган деб ҳисоблансин;
г) 11-илованинг 2-банди «а» кичик банди чиқариб ташлансин.
3. Ўзбекистон Республикаси Президентининг 2018 йил 12 декабрдаги «Техник жиҳатдан тартибга солиш, стандартлаштириш, сертификатлаштириш ва метрология тизимларини янада ривожлантириш чора-тадбирлари тўғрисида»ги ПҚ-4059-сон қарорининг 14-бандининг олтинчи хатбошиси қуйидаги таҳрирда баён этилсин:
«Ўзбекистон техник жиҳатдан тартибга солиш агентлигининг ривожлантириш махсус жамғармасига молиявий санкция ва жарималардан келиб тушаётган маблағлардан 50 фоизигача қисмини ҳар ой якуни билан кейинги ойнинг ўн иш куни ичида Техник жиҳатдан тартибга солиш соҳасида назорат инспекциясининг бюджетдан ташқари ривожлантириш жамғармасига Инспекция ходимларига қўшимча ҳақ, мукофот, бошқа рағбатлантириш, ва компенсация тўловларини тўлаш учун ҳамда Инспекциянинг бошқа харажатлари учун ўтказиш».
4. Ўзбекистон Республикаси Президентининг 2021 йил 2 июндаги «Ўзбекистон Республикаси Инвестициялар ва ташқи савдо вазирлиги ҳузуридаги Ўзбекистон техник жиҳатдан тартибга солиш агентлиги фаолиятини ташкил этиш чора-тадбирлари тўғрисида»ги ПҚ-5133-сон қарорида :
а) 2-бандда :
иккинчи ва учинчи хатбошилар чиқариб ташлансин;
тўртинчи — еттинчи хатбошилар тегишинча иккинчи — бешинчи хатбошилар деб ҳисоблансин;
б) 1 ва 2-иловалар ўз кучини йўқотган деб ҳисоблансин.
5. Ўзбекистон Республикаси Президентининг 2022 йил 2 декабрдаги «2030 йилгача Ўзбекистон Республикасининг «яшил» иқтисодиётга ўтишига қаратилган ислоҳотлар самарадорлигини ошириш бўйича чора-тадбирлар тўғрисида»ги ПҚ-436-сон қарорига 3-илованинг 61-позицияси 3 ва 4-кичик бандлари «Ижро муддати» устунидаги «2023 йил декабрь» ва «2024 йил январь» сўзлари «2024 йил апрель» сўзлари билан алмаштирилсин.
6. Ўзбекистон Республикаси Президентининг 2023 йил 21 декабрдаги «Ўзбекистон маҳаллалари уюшмаси фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида»ги ПҚ-402-сон қарорнинг 13-банди қуйидаги мазмундаги хатбоши билан тўлдирилсин:
«Бунда, Бирлашган Миллатлар Ташкилоти Болалар жамғармасининг Ўзбекистондаги ваколатхонаси мазкур бинонинг 2 632 квадрат метр қисмида (кадастр рақами 10:04:03:01:01:0072) бепул фойдаланиш ҳуқуқи асосида жойлаштирилади».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 27 февраль,
ПФ-41-сон
Oʻzbekiston Respublikasi Prezidentining
Farmoni
TARKIBI
Texnik jihatdan tartibga solish sohasidagi davlat boshqaruvini yanada takomillashtirishga doir chora-tadbirlar toʻgʻrisida
Texnik jihatdan tartibga solish, shu jumladan standartlashtirish, sertifikatlash va metrologiya sohalarida davlat boshqaruvini samarali tashkil etish, raqamli texnologiyalarni joriy etish orqali ushbu sohani shaffof, samarali va korrupsiyadan xoli tizimga aylantirish, shuningdek, sohani Jahon savdo tashkiloti andozalariga uygʻunlashtirish jarayonlarini jadallashtirish, respublikaning ichki bozorini himoya qilish hamda eksport geografiyasini kengaytirish uchun shart-sharoitlar yaratish maqsadida:
1. Investitsiyalar, sanoat va savdo vazirligi huzuridagi Oʻzbekiston texnik jihatdan tartibga solish agentligi (keyingi oʻrinlarda — Agentlik) Vazirlar Mahkamasi boʻysunuviga oʻtkazilsin.
2. Quyidagilar Agentlik faoliyatining asosiy yoʻnalishlari etib belgilansin:
xalqaro tashkilotlar va xorijiy davlatlar bilan milliy muvofiqlikni baholash, sinov hamda oʻlchash natijalarini eksport bozorlarida tan olish borasida hamkorlikni kengaytirish;
mahalliy mahsulotlarni ishlab chiqarishda xalqaro standartlar va texnik reglamentlarni joriy etish orqali ularning zamonaviy talablarga muvofiqligini taʼminlash va tashqi bozorlarda raqobatbardoshligini oshirish boʻyicha manzilli choralar koʻrish;
sifatni boshqarishning zamonaviy tizimlarini, birinchi navbatda, eksport qiluvchi korxonalarda keng joriy etish va mahsulotlarni texnik reglamentlar va standartlashtirishga doir normativ hujjatlar talablariga muvofiqligini taʼminlash;
milliy qonunchilikni, texnik tartibga solish, muvofiqlikni baholash instrumentlari va standartlashtirishga doir normativ hujjatlarni Jahon savdo tashkiloti talablariga uygʻunlashtirish;
mahsulotlar (ishlar, xizmatlar) sifati va xavfsizlik talablariga rioya etilishi hamda isteʼmolchilarning huquqlarini notoʻgʻri oʻlchash natijalarining salbiy oqibatlaridan himoya qilish choralarini koʻrish;
texnik jihatdan tartibga solish sohasidagi normativ hujjatlarning majburiy talablari, oʻlchashlarning yagona birlikda boʻlishi va toʻgʻriligi taʼminlanishi, majburiy sertifikatlashtirish qoidalariga amal qilinishi yuzasidan davlat nazoratini tashkil etish va uning amalga oshirilishini muvofiqlashtirish;
texnik jihatdan tartibga solish, shu jumladan standartlashtirish va metrologiya sohalaridagi qonunchilik hujjatlari buzilishining oldini olish va profilaktikasini taʼminlash boʻyicha taʼsirchan choralar koʻrish;
texnik jihatdan tartibga solish sohasini raqamlashtirish orqali samaradorlik va natijadorlikka erishish, tadbirkorlik subyektlariga koʻrsatiladigan davlat xizmatlari turlarini kengaytirish, shaffof va korrupsiyadan xoli samarali tizimni joriy etish;
texnik jihatdan tartibga solish sohasida kadrlarni qayta tayyorlash va ularning malakasini oshirishni tashkil etish.
4. Agentlik tuzilmasida:
“Oʻzbekiston akkreditatsiya markazi” davlat korxonasi amaldagi moliyalashtirish tartibi va manbalari saqlab qolingan holda, “Oʻzbekiston akkreditatsiya markazi” davlat muassasasi etib qayta tashkil qilinsin;
Texnik jihatdan tartibga solish, standartlashtirish, sertifikatlashtirish va metrologiya sohasida davlat nazorati departamenti Texnik jihatdan tartibga solish sohasida nazorat inspeksiyasi (keyingi oʻrinlarda — Inspeksiya) etib qayta tashkil qilinsin.
5. 2024-yil 1-sentabrdan boshlab Inspeksiyaning davlat inspektorlariga tezkor nazorat tadbirlarini Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan oldindan kelishmasdan, oʻtkazilgan tekshiruv haqida Tekshiruvlarni elektron roʻyxatga olish yagona tizimida roʻyxatdan oʻtkazish orqali tekshiruv boshlangan paytdan boshlab 24 soat ichida Vakilni majburiy ravishda xabardor qilgan holda amalga oshirish vakolati taqdim etilsin.
6. Belgilansinki:
a) Agentlik texnik jihatdan tartibga solish, shu jumladan standartlashtirish va metrologiya sohalarida davlat siyosatini amalga oshiruvchi respublika ijro etuvchi hokimiyat organi hisoblanadi;
b) texnik jihatdan tartibga solish, shu jumladan standartlashtirish, sertifikatlash va metrologiya masalalari boʻyicha respublika hamda mahalliy ijro etuvchi hokimiyat organlari va boshqa tashkilotlar, shuningdek, ularning huzurida tashkil etiladigan standartlashtirish boʻyicha texnik qoʻmitalar faoliyati Agentlik tomonidan muvofiqlashtiriladi;
v) Agentlik oʻz vakolatlari doirasida umummajburiy boʻlgan normativ-huquqiy hujjatlar qabul qilishga haqli;
g) Agentlik direktori:
Oʻzbekiston Respublikasi Prezidenti tomonidan belgilangan tartibda lavozimga tayinlanadi va lavozimidan ozod qilinadi;
Agentlik va uning tizimidagi tashkilotlar ishini toʻgʻri va samarali tashkil etish, bu orqali ularning faoliyatini natijadorlikka yoʻnaltirish, shuningdek, ushbu yoʻnalishda belgilangan maqsadli koʻrsatkichlarga soʻzsiz va toʻlaqonli erishilishi uchun masʼul hamda shaxsan javobgar hisoblanadi.
7. Texnik jihatdan tartibga solish sohasini jadal rivojlantirish, tizim faoliyatini raqamlashtirish va samarali yoʻlga qoʻyish hamda sohani xalqaro andozalarga uygʻunlashtirish borasida belgilangan vazifalar ijrosini soʻzsiz taʼminlash uchun Texnik jihatdan tartibga solish sohasini rivojlantirish boʻyicha idoralararo respublika kengashi 1-ilovaga muvofiq tarkibda tashkil etilsin.
8. Agentlik va Adliya vazirligi (A. Tashkulov):
oʻn kun muddatda Oʻzbekiston Respublikasi Prezidentining Oʻzbekiston texnik jihatdan tartibga solish agentligining faoliyatini tashkil etish chora-tadbirlari toʻgʻrisidagi qarori loyihasini kiritsin;
ikki oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.
10. Mazkur Farmonning ijrosini samarali tashkil qilishga masʼul va shaxsiy javobgar etib Agentlik direktori belgilansin.
Farmon ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 27-fevraldagi PF-41-son Farmoniga 1-ILOVA
Texnik jihatdan tartibga solish sohasini rivojlantirish boʻyicha Idoralararo respublika kengashi
1. A. Aripov — Oʻzbekiston Respublikasining Bosh vaziri, respublika kengashi raisi 2. A. Jumanazarov — Oʻzbekiston texnik jihatdan tartibga solish agentligi direktori 3. A. Tashkulov — adliya vaziri 4. I. Norqulov — iqtisodiyot va moliya vazirining birinchi oʻrinbosari 5. L. Kudratov — investitsiyalar, sanoat va savdo vaziri 6. A. Abduhakimov — ekologiya, atrof-muhitni muhofaza qilish va iqlim oʻzgarishi vaziri 7. Sh. Xidoyatov — qurilish va uy-joy kommunal xoʻjaligi vaziri v.b. 8. B. Islamov — togʻ-kon sanoati va geologiya vaziri 9. I. Maxkamov — transport vaziri 10. A. Xudayarov — sogʻliqni saqlash vaziri v.b. 11. D. Vaxobov — Savdo-sanoat palatasi raisi 12. A. Qayumov — Raqobatni rivojlantirish va isteʼmolchilar huquqlarini himoya qilish qoʻmitasi raisi oʻrinbosari 13. T. Muxamedjanov — “Oʻzkimyosanoat” AJ boshqaruvi raisi v.b. 14. Z. Narzullayev — “Oʻzbekiston temir yoʻllari” AJ boshqaruvi raisi 15. I. Haydarov — “Oʻztoʻqimachiliksanoati” uyushmasi raisi 16. M. Yunusov — “Oʻzeltexsanoat” uyushmasi raisi 17. R. Pirmatov — “Oʻzmetkombinat” AJ boshqaruvi raisi 18. U. Rozukulov — “Oʻzavtosanoat” AJ boshqaruvi raisi 19. B. Bobokulov — “Oʻzsanoatqurilishmateriallari” uyushmasi raisi oʻrinbosari 20. Lavozimi boʻyicha — Oʻzbekiston texnik jihatdan tartibga solish agentligi direktorining birinchi oʻrinbosari, respublika kengashi kotibi
Oʻzbekiston Respublikasi Prezidentining 2024-yil 27-fevraldagi PF-41-son Farmoniga 2-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmonida :
a) 1-ilovada :
“2. Investitsiyalar, sanoat va savdo vazirligi” boʻlimining 1-pozitsiyasi va unga izoh qismi chiqarib tashlansin;
quyidagi mazmundagi “25. Vazirlar Mahkamasi huzuridagi Oʻzbekiston texnik jihatdan tartibga solish agentligi” boʻlimi bilan toʻldirilsin:
“ 25. Vazirlar Mahkamasi huzuridagi Oʻzbekiston texnik jihatdan tartibga solish agentligi Oʻzbekiston texnik jihatdan tartibga solish agentligi 77 77 shu jumladan, direktor oʻrinbosarlari soni 3 3 Texnik jihatdan tartibga solish sohasida nazorat inspeksiyasi 76 76 shu jumladan, boshliq oʻrinbosarlari soni 1 1 ” ;
izoh qismining 5.2-bandi chiqarib tashlansin;
b) 2-ilovada :
2-bandning 2.1-kichik bandi chiqarib tashlansin;
quyidagi mazmundagi 27-band bilan toʻldirilsin:
“27. Vazirlar Mahkamasi huzuridagi Oʻzbekiston texnik jihatdan tartibga solish agentligi”;
izoh qismining toʻrtinchi xatboshisi quyidagi tahrirda bayon etilsin:
“agentliklar — 25 ta, shu jumladan, alohida maqomga ega mustaqil agentliklar — 4 ta”;
v) 2a-ilovada :
2.1-pozitsiya chiqarib tashlansin;
quyidagi mazmundagi 28-band bilan toʻldirilsin:
“ 28. Vazirlar Mahkamasi huzuridagi Oʻzbekiston texnik jihatdan tartibga solish agentligi Texnik tartibga solish agentligi Agentstvo texnicheskogo regulirovaniya ” .
2. Oʻzbekiston Respublikasi Prezidentining 2023-yil 21-iyuldagi “Maʼmuriy islohotlar doirasida investitsiyalar, sanoat va savdo sohasida davlat boshqaruvini samarali tashkil qilish chora-tadbirlari toʻgʻrisida”gi PF-111-son Farmonida :
a) 4-bandda :
beshinchi xatboshi chiqarib tashlansin;
oltinchi — toʻqqizinchi xatboshilar tegishincha beshinchi — sakkizinchi xatboshilar deb hisoblansin;
b) 4-ilovaning “Oʻzbekiston texnik jihatdan tartibga solish agentligi” bloki chiqarib tashlansin;
v) 5-ilova oʻz kuchini yoʻqotgan deb hisoblansin;
g) 11-ilovaning 2-bandi “a” kichik bandi chiqarib tashlansin.
3. Oʻzbekiston Respublikasi Prezidentining 2018-yil 12-dekabrdagi “Texnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari toʻgʻrisida”gi PQ-4059-son qarorining 14-bandining oltinchi xatboshisi quyidagi tahrirda bayon etilsin:
“Oʻzbekiston texnik jihatdan tartibga solish agentligining rivojlantirish maxsus jamgʻarmasiga moliyaviy sanksiya va jarimalardan kelib tushayotgan mablagʻlardan 50 foizigacha qismini har oy yakuni bilan keyingi oyning oʻn ish kuni ichida Texnik jihatdan tartibga solish sohasida nazorat inspeksiyasining budjetdan tashqari rivojlantirish jamgʻarmasiga Inspeksiya xodimlariga qoʻshimcha haq, mukofot, boshqa ragʻbatlantirish, va kompensatsiya toʻlovlarini toʻlash uchun hamda Inspeksiyaning boshqa xarajatlari uchun oʻtkazish”.
4. Oʻzbekiston Respublikasi Prezidentining 2021-yil 2-iyundagi “Oʻzbekiston Respublikasi Investitsiyalar va tashqi savdo vazirligi huzuridagi Oʻzbekiston texnik jihatdan tartibga solish agentligi faoliyatini tashkil etish chora-tadbirlari toʻgʻrisida”gi PQ-5133-son qarorida :
a) 2-bandda :
ikkinchi va uchinchi xatboshilar chiqarib tashlansin;
toʻrtinchi — yettinchi xatboshilar tegishincha ikkinchi — beshinchi xatboshilar deb hisoblansin;
b) 1 va 2-ilovalar oʻz kuchini yoʻqotgan deb hisoblansin.
5. Oʻzbekiston Respublikasi Prezidentining 2022-yil 2-dekabrdagi “2030-yilgacha Oʻzbekiston Respublikasining “yashil” iqtisodiyotga oʻtishiga qaratilgan islohotlar samaradorligini oshirish boʻyicha chora-tadbirlar toʻgʻrisida”gi PQ-436-son qaroriga 3-ilovaning 61-pozitsiyasi 3 va 4-kichik bandlari “Ijro muddati” ustunidagi “2023-yil dekabr” va “2024-yil yanvar” soʻzlari “2024-yil aprel” soʻzlari bilan almashtirilsin.
6. Oʻzbekiston Respublikasi Prezidentining 2023-yil 21-dekabrdagi “Oʻzbekiston mahallalari uyushmasi faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida”gi PQ-402-son qarorning 13-bandi quyidagi mazmundagi xatboshi bilan toʻldirilsin:
“Bunda, Birlashgan Millatlar Tashkiloti Bolalar jamgʻarmasining Oʻzbekistondagi vakolatxonasi mazkur binoning 2 632 kvadrat metr qismida (kadastr raqami 10:04:03:01:01:0072) bepul foydalanish huquqi asosida joylashtiriladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 27-fevral,
PF-41-son
Президента Республики Узбекистан
Указ
СОСТАВ
О мерах по дальнейшему совершенствованию государственного управления в области технического регулирования
В целях преобразования сферы технического регулирования в прозрачную, эффективную и свободную от коррупции систему путем эффективной организации государственного управления в данной области, в том числе в области стандартизации, сертификации и метрологии, внедрения цифровых технологий, а также создания условий для ускорения процессов гармонизации сферы с требованиями Всемирной торговой организации, защиты внутреннего рынка республики и расширения географии экспорта:
1. Передать в ведомственное подчинение Кабинета Министров Узбекское агентство по техническому регулированию при Министерстве инвестиций, промышленности и торговли (далее — Агентство).
2. Определить основными направлениями деятельности Агентства:
расширение сотрудничества с международными организациями и зарубежными государствами по признанию на экспортных рынках результатов национальных систем оценки соответствия, испытаний и измерений;
принятие адресных мер по обеспечению соответствия отечественной продукции современным требованиям и повышению конкурентоспособности на внешних рынках путем внедрения международных стандартов и технических регламентов при ее производстве;
широкое внедрение современных систем управления качеством, в первую очередь на предприятиях-экспортерах, и обеспечение соответствия продукции требованиям технических регламентов и стандартизации;
гармонизация с требованиями Всемирной торговой организации национального законодательства, инструментов технического регулирования, оценки соответствия и нормативных документов в области стандартизации;
принятие мер по соблюдению требований качества и безопасности продукции (работ, услуг), защите прав потребителей от негативных последствий в результате неправильного измерения;
организацию и координацию осуществления государственного контроля за выполнением обязательных требований нормативных документов в области технического регулирования, обеспечением единства и правильности измерений, выполнением правил обязательной сертификации;
принятие действенных мер по предупреждению и профилактике нарушений актов законодательства в области технического регулирования, в том числе стандартизации и метрологии;
достижение эффективности и результативности путем цифровизации сферы технического регулирования, расширение видов государственных услуг, оказываемых субъектам предпринимательства, внедрение прозрачной и эффективной системы, свободной от коррупции;
организацию переподготовки и повышения квалификации кадров в области технического регулирования.
4. Преобразовать в структуре Агентства:
государственное предприятие «Узбекский центр аккредитации» в государственное учреждение «Узбекский центр аккредитации» с сохранением действующего порядка и источников финансирования;
Департамент государственного контроля в области технического регулирования, стандартизации, сертификации и метрологии в Инспекцию по контролю в области технического регулирования (далее — Инспекция).
5. Уполномочить с 1 сентября 2024 года государственных инспекторов Инспекции осуществлять оперативные контрольные мероприятия без предварительного согласования с Уполномоченным представителем по защите прав и законных интересов субъектов предпринимательства с обязательным оповещением Уполномоченного о проведенной проверке в течение 24 часов с момента начала проверки путем регистрации в Единой системе электронной регистрации проверок.
6. Установить, что:
а) Агентство является республиканским органом исполнительной власти, осуществляющим государственную политику в области технического регулирования, в том числе стандартизации и метрологии;
б) Агентство осуществляет координацию за деятельностью республиканских и местных органов исполнительной власти и других организаций, а также создаваемых при них технических комитетов по стандартизации касательно вопросов технического регулирования, в том числе стандартизации, сертификации и метрологии;
в) Агентство в рамках своих полномочий вправе принимать общеобязательные нормативно-правовые документы;
г) директор Агентства:
назначается на должность и освобождается от должности Президентом Республики Узбекистан в установленном порядке;
несет персональную ответственность за надлежащую и эффективную организацию работы Агентства и организаций его системы, ориентацию посредством этого их деятельности на результат, а также безусловное и полноценное достижение целевых показателей, определенных в данном направлении.
7. В целях безусловного обеспечения исполнения определенных задач по ускоренному развитию области технического регулирования, цифровизации и эффективному налаживанию деятельности системы, гармонизации сферы с международными стандартами организовать Республиканский межведомственный совет по развитию области технического регулирования в составе согласно приложению № 1 .
8. Агентству и Министерству юстиции (А. Ташкулов):
в десятидневный срок внести проект постановления Президента Республики Узбекистан о мерах по организации деятельности Агентства по техническому регулированию;
в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
9. Внести изменения и дополнения в некоторые акты Президента Республики Узбекистан согласно приложению № 2 .
10. Возложить на директора Агентства персональную ответственность за эффективную организацию исполнения настоящего Указа.
Обсуждение хода исполнения настоящего Указа, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к Указу Президента Республики Узбекистан от 27 февраля 2024 года № УП-41
Республиканского межведомственного совета по развитию области технического регулирования
1. А. Арипов — Премьер-министр Республики Узбекистан, председатель Р еспубликанского совета 2. А. Жуманазаров — директор Узбекского агентства по техническому регулированию 3. А. Ташкулов — министр юстиции 4. И. Норкулов — первый заместитель министра экономики и финансов 5. Л. Кудратов — министр инвестиций, промышленности и торговли 6. А. Абдухакимов — министр экологии, охраны окружающей среды и изменения климата 7. Ш. Хидоятов — и.о. министра строительства и жилищно-коммунального хозяйства 8. Б. Исламов — министр горнодобывающей промышленности и геологии 9. И. Махкамов — министр транспорта 10. А. Худаяров — и.о. министра здравоохранения 11. Д. Вахобов — председатель Торгово-промышленной палаты 12. А. Каюмов — заместитель председателя Комитета по развитию конкуренции и защите прав потребителей 13. Т. Мухамеджанов — и.о. председателя правления АО «Узкимёсаноат» 14. З. Нарзуллаев — председатель правления АО «Узбекистон темир йуллари» 15. И. Хайдаров — председатель Ассоциации «Узтукимачиликсаноати» 16. М. Юнусов — председатель Ассоциации «Узэлтехсаноат» 17. Р. Пирматов — председатель правления АО «Узметкомбинат» 18. У. Розукулов — председатель правления АО «Узавтосаноат» 19. Б. Бобокулов — заместитель председателя Ассоциации «Узсаноаткурилишматериаллари» 20. По должности — первый заместитель директора Узбекского агентства по техническому регулированию, секретарь Р еспубликанского совета
ПРИЛОЖЕНИЕ № 2 к Указу Президента Республики Узбекистан от 27 февраля 2024 года № УП-41
Изменения и дополнения, вносимые в некоторые акты Президента Республики Узбекистан
1. В Указе Президента Республики Узбекистан от 25 января 2023 года № УП-14 «О первоочередных организационных мерах по эффективному налаживанию деятельности республиканских органов исполнительной власти»:
а) в приложении № 1 :
позицию 1 раздела «2. Министерство инвестиций, промышленности и торговли» и примечание к ней исключить;
дополнить разделом «24. Узбекское агентство по техническому регулированию при Кабинете Министров» следующего содержания:
« 24. Узбекское агентство по техническому регулированию при Кабинете Министров Узбекское агентство по техническому регулированию 77 77 в т.ч. количество заместителей директора 3 3 Инспекция по контролю в области технического регулирования 76 76 в т.ч. количество заместителей начальника 1 1 »;
пункт 5.2 примечания исключить;
б) в приложении № 2 :
подпункт 2.1 пункта 2 исключить;
дополнить пунктом 27 следующего содержания:
«27. Узбекское агентство по техническому регулированию при Кабинете Министров»;
абзац четвертый примечания изложить в следующей редакции:
«агентства — 25 ед., в том числе самостоятельные агентства, имеющие особый статус, — 4 ед.»;
в) в приложении № 2а :
позицию 2.1 исключить;
дополнить пунктом 28 следующего содержания:
« 28. Узбекское агентство по техническому регулированию при Кабинете Министров Техник тартибга солиш агентлиги Агентство технического регулирования ».
2. В Указе Президента Республики Узбекистан от 21 июля 2023 года № УП-111 «О мерах по эффективной организации государственного управления в сфере инвестиций, промышленности и торговли в рамках административных реформ»:
а) в пункте 4 :
абзац пятый исключить;
абзацы шестой — девятый считать соответственно абзацами пятым — восьмым;
б) в приложении № 4 блок «Узбекское агентство по техническому регулированию» исключить;
в) приложение № 5 признать утратившим силу;
г) подпункт «а» пункта 2 приложения № 11 исключить.
3. Абзац шестой пункта 14 постановления Президента Республики Узбекистан от 12 декабря 2018 года № ПП-4059 «О мерах по дальнейшему развитию систем технического регулирования, стандартизации, сертификации и метрологии» изложить в следующей редакции:
«перечислять ежемесячно в течение 10 рабочих дней следующего месяца во внебюджетный фонд развития Инспекции по контролю в области технического регулирования в размере до 50 процентов средств, поступающих в Специальный фонд развития Узбекского агентства по техническому регулированию от финансовых санкций и штрафов, для выплаты надбавок, премии, других поощрительных и компенсационных выплат работникам Инспекции, а также других расходов Инспекции».
4. В постановлении Президента Республики Узбекистан от 2 июня 2021 года № ПП-5133 «О мерах по организации деятельности Узбекского агентства по техническому регулированию при Министерстве инвестиций и внешней торговли Республики Узбекистан»:
а) в пункте 2 :
абзацы второй и третий исключить;
абзацы четвертый — седьмой считать соответственно абзацами вторым — пятым;
б) приложения №№ 1 и 2 признать утратившими силу.
5. В графе «Срок исполнения» подпунктов 3 и 4 позиции 61 приложения № 3 к постановлению Президента Республики Узбекистан от 2 декабря 2022 года № ПП-436 «О мерах по повышению эффективности реформ, направленных на переход Республики Узбекистан на «зеленую» экономику до 2030 года» слова «Декабрь 2023 года» и «Январь 2024 года» заменить словами «Апрель 2024 года».
6. Пункт 13 постановления Президента Республики Узбекистан от 21 декабря 2023 года № ПП-402 «О дополнительных мерах по организации деятельности Ассоциации махаллей Узбекистана и совершенствованию системы управления в махаллях» дополнить абзацем следующего содержания:
«При этом в части этого здания площадью 2 632 квадратных метра (кадастровый номер 10:04:03:01:01:0072) размещается представительство Детского фонда Организации Объединенных Наций в Узбекистане на праве безвозмездного пользования».
Президент Республики Узбекистан Ш. МИРЗИЁЕВ
г. Ташкент,
27 февраля 2024 г.,
№ УП-41