📅 2024-yil 4-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 4 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 марта 2024 г. · Постановления Президента
Официальный текст. Официальный документ. Редакционные примечания не включены.
📅 4 March 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
2024 йилги Наврўз умумхалқ байрамига тайёргарлик кўриш ва уни ўтказиш тўғрисида
Она замин ва табиатга меҳр-муҳаббат, саховат ва мурувват, бунёдкорлик ва олижаноблик каби халқимизга хос эзгу фазилатлар энг қадимий байрамимиз бўлган Наврўз тимсолида асрлар давомида улуғланиб, сайқал топиб келмоқда.
Айниқса, бугун, жамиятимизда инсон қадри юксалиб, бебаҳо бойлигимиз — еримиз, сувимиз ва табиатимизга, шу борадаги неча минг йиллик анъаналаримизга эътибор кучайиб бораётган Янги Ўзбекистон шароитида бу байрамнинг ҳаётимиздаги ўрни ва аҳамияти янада ортиб бормоқда.
Дунёда мураккаб вазият ҳукм сураётган ҳозирги таҳликали даврда Наврўзнинг буюк инсонпарварлик моҳияти, ўлмас ғоялари, одамзотни тинчлик ва дўстликни қадрлаб, ўзаро аҳиллик ва ҳамжиҳатликда яшашга, ҳаётни янада гўзал ва обод қилишга ундайдиган бунёдкорлик руҳи ва фалсафаси ер юзидаги турли халқларнинг олижаноб интилишларига ҳам ғоят уйғун ва ҳамоҳангдир.
Ана шундай ноёб фазилатлари билан бугун ҳам эзгулик ва тараққиётга хизмат қилаётган, Бирлашган Миллатлар Ташкилоти томонидан халқаро байрам сифатида эътироф этилган Наврўзи оламнинг беқиёс аҳамиятини ҳисобга олиб ҳамда ушбу айёмни юртимизда амалга оширилаётган улкан ўзгариш ва янгиланишларга мос ҳолда, ҳар томонлама юксак савияда ўтказиш мақсадида:
1. 2024 йилги Наврўз умумхалқ байрами мамлакатимизда «Олам нурга тўлсин сен билан, Наврўз!» деган бош ғоя асосида умумхалқ сайиллари шаклида кўтаринки руҳ ва юқори даражада кенг нишонлансин.
2. 2024 йилги Наврўз умумхалқ байрамига тайёргарлик кўриш ва уни ўтказиш бўйича ташкилий қўмита (кейинги ўринларда — Ташкилий қўмита) тузилсин ҳамда унинг таркиби иловага мувофиқ тасдиқлансин.
Ташкилий қўмита (А. Арипов) бир ҳафта муддатда Тошкент шаҳри, Қорақалпоғистон Республикаси ва вилоятлар марказлари, барча шаҳар ва туманлар, қишлоқ ва овулларда Наврўз умумхалқ байрамини муносиб нишонлаш бўйича ташкилий-амалий, маданий-маънавий ҳамда тарғибот тадбирлари дастурини тасдиқласин, шунингдек, унинг амалга оширилишини таъминласин.
3. Жойларда Наврўз умумхалқ байрамининг барча тадбирларини миллий қадрият ва анъаналаримиз ҳамда замонавий тажрибалар асосида юқори савияда, оммавий сайиллар шаклида ташкил этиш, уларда халқимизнинг фаол иштирокини таъминлаш мақсадида қуйидаги масалаларга алоҳида эътибор қаратилсин:
байрам тадбирларини баҳор айёмида борлиқнинг уйғониши, инсон ва табиат ўртасидаги уйғунлик, она заминга меҳр ва эътиборни акс эттирадиган, юртдошларимизни бугунги тинч ва осуда ҳаётимизни қадрлаб, шукроналик туйғуси билан яшашга ундайдиган маъно-мазмун билан таъсирчан усулларда ўтказиш;
мамлакатимизда амалга оширилаётган туб демократик ислоҳотлар, халқимизнинг кундалик ҳаёти, онги ва дунёқарашида юз бераётган ижобий ўзгаришлар Наврўзнинг азалий қадрият ва анъаналарига ҳамоҳанг эканини намоён этиш;
Тошкент шаҳридаги «Янги Ўзбекистон» мажмуасида алоҳида дастур асосида халқ сайилларини ташкил этиш;
бу йилги Наврўз байрами муқаддас Рамазон ойида нишонланишини инобатга олиб, кекса авлод вакилларини, хусусан, Иккинчи жаҳон уруши қатнашчилари ва меҳнат фронти фахрийларини ҳар томонлама эъзозлаш, «Меҳрибонлик», «Саховат» ва «Мурувват» уйларида яшаётган шахслар, ижтимоий ҳимоя дафтарларига киритилган ҳамда кўмакка муҳтож инсонларнинг ҳолидан хабар олиш, улар учун дастурхонлар ташкил этиш ҳамда турли хайрия тадбирларини амалга ошириш;
«Яшил макон» умуммиллий лойиҳасида белгиланган тадбирларни амалга ошириш, Наврўз байрами арафасида республикамизнинг барча ҳудудларида, кўча, маҳалла, туман ва шаҳарларда ободонлаштириш ва кўкаламзорлаштириш ишларига қаратилган умумхалқ ҳашарларини ўтказиш;
жамиятимизда ҳукм сураётган миллатлараро дўстлик ва тотувлик муҳитини мустаҳкамлашга қаратилган лойиҳа ва акциялар уюштириш, юртимизда истиқомат қилаётган турли миллат ва элат вакилларининг Наврўз байрамининг руҳи ва фалсафасига уйғун бўлган урф-одат, анъана ва қадриятларини кенг намойиш этиш;
байрам тадбирлари давомида ҳунармандчилик кўргазмалари, миллий спорт турлари бўйича мусобақаларни ўтказиш, китоб кўргазмалари, арзонлаштирилган қишлоқ хўжалиги ва озиқ-овқат маҳсулотлари ярмаркалари, кўчма савдо дўконларини ташкил этиш, кўклам таомларини тайёрлаш ҳамда уларнинг кўргазма-савдолари ва танловларини уюштириш;
барча шаҳар ва қишлоқларда ўтказиладиган байрам тантаналарида, оммавий ахборот воситаларида Наврўз байрамининг тарихи, ҳар бир ҳудуддаги уни нишонлаш билан боғлиқ урф-одат ва анъаналарни кенг ёритиш.
4. Маданият вазирлиги (О. Назарбеков):
Республика Маънавият ва маърифат маркази (О. Ҳасанов), Ёзувчилар уюшмаси (С. Саидов) билан биргаликда бир ҳафта муддатда Тошкент шаҳрида Наврўз байрамига бағишлаб ўтказиладиган театрлаштирилган концерт томошасининг дастури ва сценарийсини ишлаб чиқсин;
мазкур концерт томошасини тажрибали сценарист ва режиссёрлар, композитор ва бастакорлар, балетмейстерлар, саҳна рассомлари, истеъдодли ёш ижрочилар, фольклор санъати вакиллари билан биргаликда, юқори бадиий савияда тайёрлаш чораларини кўрсин.
5. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
а) бир ҳафта муддатда қуйидагиларни назарда тутувчи Наврўз умумхалқ сайилларини ўтказиш бўйича ҳудудий чора-тадбирлар дастурларини ишлаб чиқсин ва тасдиқласин:
умумхалқ сайиллари уюштириладиган асосий майдонлар, кўча ва хиёбонларни миллий услубда байрамона безатиш;
умумхалқ сайилларига маҳаллий фольклор гуруҳлари, бадиий ҳаваскорлик жамоалари, цирк санъати вакиллари, оилавий ансамбллар, бахшилар, шоирлар, шунингдек, профессионал ижрочилар ва истеъдодли эстрада артистларини белгиланган тартибда кенг жалб этиш;
байрам тадбирлари доирасида ҳар бир ҳудудга хос бўлган халқ ўйинлари, томошалар, кўргазмалар ўтказиш, баҳорий таомлар сотиладиган очиқ ошхоналар ташкил этиш;
б) байрам дастурларини ва оммавий томошаларни тайёрлашда, кўчалар, майдон ва хиёбонларни безатишда малакали мутахассислардан иборат ижодий гуруҳларни кенг жалб этсин;
в) барча тадбирлар жамоат хавфсизлиги талабларига қатъий риоя қилган ҳолда ўтказилишини таъминласин.
6. Белгилаб қўйилсинки, ўтказиладиган байрам тадбирлари:
Тошкент шаҳрида — республика бюджети ва Тошкент шаҳар маҳаллий бюджети маблағлари ҳисобидан тенг улушларда;
Қорақалпоғистон Республикаси ва вилоятларда — тегишли маҳаллий бюджетлар ҳамда жойлардаги ҳомийлик хайриялари ҳисобидан қопланади.
7. Ўзбекистон Миллий ахборот агентлиги, Ўзбекистон Миллий телерадиокомпанияси, «Дунё» ахборот агентлиги ва бошқа оммавий ахборот воситаларига Наврўз умумхалқ байрамига тайёргарлик кўриш ва уни ўтказиш бўйича амалга оширилаётган ишларни атрофлича ёритиб бориш тавсия этилсин.
8. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдураҳмонов зиммасига юклансин.
Ўзбекистон Республикаси Президентининг 2024 йил 4 мартдаги ПҚ-113-сон қарорига ИЛОВА
2024 йилги Наврўз умумхалқ байрамига тайёргарлик кўриш ва уни ўтказиш бўйича ташкилий қўмита
А.Н. Арипов — Ўзбекистон Республикаси Бош вазири, Ташкилий қўмита раиси Х.М. Султонов — Ўзбекистон Республикаси Президентининг маслаҳатчиси О.Қ. Абдураҳмонов — Ўзбекистон Республикаси Президенти Администрацияси Ижтимоий ривожланиш департаменти раҳбари О.А. Назарбеков — маданият вазири, Ташкилий қўмита раиси ўринбосари Ш.Б. Умурзаков — Тошкент шаҳар ҳокими в.б., Ташкилий қўмита раиси ўринбосари К.А. Шарипов — олий таълим, фан ва инновациялар вазири А.И. Икрамов — спорт вазири Б.А. Мусаев — камбағалликни қисқартириш ва бандлик вазири Х.Ў. Умарова — мактабгача ва мактаб таълими вазири А.А. Худаяров — соғлиқни сақлаш вазири в.б. Ш.Х. Шерматов — рақамли технологиялар вазири Б.О. Саидов — ташқи ишлар вазири Б.Н. Қурбонов — мудофаа вазири П.Р. Бобожонов — ички ишлар вазири Р.М. Жўраев — Миллий гвардия қўмондони И.И. Норқулов — иқтисодиёт ва молия вазирининг биринчи ўринбосари К.К. Куранбаев — Ўзбекистон маҳаллалари уюшмаси раиси Қ.М. Рафиқов — Ўзбекистон касаба уюшмалари Федерацияси раиси Б.С. Юлдашев — Фанлар академияси президенти А.А. Ходжаев — Ахборот ва оммавий коммуникациялар агентлиги директори Р.Ж. Қурбонов — Миллатлараро муносабатлар ва хорижий мамлакатлар билан дўстлик алоқалари қўмитаси раиси Ф.Ф. Абдухолиқов — Кинематография агентлиги директори А.З. Саъдуллаев — Ёшлар ишлари агентлиги директори А.А. Жўрабоев — Ўзбекистон Миллий телерадиокомпанияси раиси А. Кўчимов — Ўзбекистон Миллий ахборот агентлиги бош директори А.В. Нуридинов — Ўзбекистон Бадиий академияси раиси О.А. Ҳасанов — Республика Маънавият ва маърифат маркази раҳбари С.С. Саидов — Ўзбекистон Ёзувчилар уюшмаси раиси С. Турдиев — Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси республика бошқаруви раиси Р.А. Абдуллаев — Ўзбекистон Композиторлар ва бастакорлар уюшмаси раиси Ш.Т. Қудратхўжа — Ўзбекистон Миллий медиа ассоциацияси бошқаруви раиси Х.Х. Салимов — Ўзбекистон Журналистлари уюшмаси раиси в.б. Лавозимига кўра — Қорақалпоғистон Республикаси Вазирлар Кенгаши Раиси ва вилоятлар ҳокимлари Н.Б. Сайфуллаев — Ўзбекистон Республикаси Президенти Администрацияси маданият ва санъатни ривожлантириш шўъбаси мудири Б.О. Онорбоев — Вазирлар Маҳкамаси бўлим бошлиғи, Ташкилий қўмита котиби
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 4 март,
ПҚ-113-сон
Oʻzbekiston Respublikasi Prezidentining
Qarori
TARKIBI
2024-yilgi Navroʻz umumxalq bayramiga tayyorgarlik koʻrish va uni oʻtkazish toʻgʻrisida
Ona zamin va tabiatga mehr-muhabbat, saxovat va muruvvat, bunyodkorlik va olijanoblik kabi xalqimizga xos ezgu fazilatlar eng qadimiy bayramimiz boʻlgan Navroʻz timsolida asrlar davomida ulugʻlanib, sayqal topib kelmoqda.
Ayniqsa, bugun, jamiyatimizda inson qadri yuksalib, bebaho boyligimiz — yerimiz, suvimiz va tabiatimizga, shu boradagi necha ming yillik anʼanalarimizga eʼtibor kuchayib borayotgan Yangi Oʻzbekiston sharoitida bu bayramning hayotimizdagi oʻrni va ahamiyati yanada ortib bormoqda.
Dunyoda murakkab vaziyat hukm surayotgan hozirgi tahlikali davrda Navroʻzning buyuk insonparvarlik mohiyati, oʻlmas gʻoyalari, odamzotni tinchlik va doʻstlikni qadrlab, oʻzaro ahillik va hamjihatlikda yashashga, hayotni yanada goʻzal va obod qilishga undaydigan bunyodkorlik ruhi va falsafasi yer yuzidagi turli xalqlarning olijanob intilishlariga ham gʻoyat uygʻun va hamohangdir.
Ana shunday noyob fazilatlari bilan bugun ham ezgulik va taraqqiyotga xizmat qilayotgan, Birlashgan Millatlar Tashkiloti tomonidan xalqaro bayram sifatida eʼtirof etilgan Navroʻzi olamning beqiyos ahamiyatini hisobga olib hamda ushbu ayyomni yurtimizda amalga oshirilayotgan ulkan oʻzgarish va yangilanishlarga mos holda, har tomonlama yuksak saviyada oʻtkazish maqsadida:
1. 2024-yilgi Navroʻz umumxalq bayrami mamlakatimizda “Olam nurga toʻlsin sen bilan, Navroʻz!” degan bosh gʻoya asosida umumxalq sayillari shaklida koʻtarinki ruh va yuqori darajada keng nishonlansin.
2. 2024-yilgi Navroʻz umumxalq bayramiga tayyorgarlik koʻrish va uni oʻtkazish boʻyicha tashkiliy qoʻmita (keyingi oʻrinlarda — Tashkiliy qoʻmita) tuzilsin hamda uning tarkibi ilovaga muvofiq tasdiqlansin.
Tashkiliy qoʻmita (A. Aripov) bir hafta muddatda Toshkent shahri, Qoraqalpogʻiston Respublikasi va viloyatlar markazlari, barcha shahar va tumanlar, qishloq va ovullarda Navroʻz umumxalq bayramini munosib nishonlash boʻyicha tashkiliy-amaliy, madaniy-maʼnaviy hamda targʻibot tadbirlari dasturini tasdiqlasin, shuningdek, uning amalga oshirilishini taʼminlasin.
3. Joylarda Navroʻz umumxalq bayramining barcha tadbirlarini milliy qadriyat va anʼanalarimiz hamda zamonaviy tajribalar asosida yuqori saviyada, ommaviy sayillar shaklida tashkil etish, ularda xalqimizning faol ishtirokini taʼminlash maqsadida quyidagi masalalarga alohida eʼtibor qaratilsin:
bayram tadbirlarini bahor ayyomida borliqning uygʻonishi, inson va tabiat oʻrtasidagi uygʻunlik, ona zaminga mehr va eʼtiborni aks ettiradigan, yurtdoshlarimizni bugungi tinch va osuda hayotimizni qadrlab, shukronalik tuygʻusi bilan yashashga undaydigan maʼno-mazmun bilan taʼsirchan usullarda oʻtkazish;
mamlakatimizda amalga oshirilayotgan tub demokratik islohotlar, xalqimizning kundalik hayoti, ongi va dunyoqarashida yuz berayotgan ijobiy oʻzgarishlar Navroʻzning azaliy qadriyat va anʼanalariga hamohang ekanini namoyon etish;
Toshkent shahridagi “Yangi Oʻzbekiston” majmuasida alohida dastur asosida xalq sayillarini tashkil etish;
bu yilgi Navroʻz bayrami muqaddas Ramazon oyida nishonlanishini inobatga olib, keksa avlod vakillarini, xususan, Ikkinchi jahon urushi qatnashchilari va mehnat fronti faxriylarini har tomonlama eʼzozlash, “Mehribonlik”, “Saxovat” va “Muruvvat” uylarida yashayotgan shaxslar, ijtimoiy himoya daftarlariga kiritilgan hamda koʻmakka muhtoj insonlarning holidan xabar olish, ular uchun dasturxonlar tashkil etish hamda turli xayriya tadbirlarini amalga oshirish;
“Yashil makon” umummilliy loyihasida belgilangan tadbirlarni amalga oshirish, Navroʻz bayrami arafasida respublikamizning barcha hududlarida, koʻcha, mahalla, tuman va shaharlarda obodonlashtirish va koʻkalamzorlashtirish ishlariga qaratilgan umumxalq hasharlarini oʻtkazish;
jamiyatimizda hukm surayotgan millatlararo doʻstlik va totuvlik muhitini mustahkamlashga qaratilgan loyiha va aksiyalar uyushtirish, yurtimizda istiqomat qilayotgan turli millat va elat vakillarining Navroʻz bayramining ruhi va falsafasiga uygʻun boʻlgan urf-odat, anʼana va qadriyatlarini keng namoyish etish;
bayram tadbirlari davomida hunarmandchilik koʻrgazmalari, milliy sport turlari boʻyicha musobaqalarni oʻtkazish, kitob koʻrgazmalari, arzonlashtirilgan qishloq xoʻjaligi va oziq-ovqat mahsulotlari yarmarkalari, koʻchma savdo doʻkonlarini tashkil etish, koʻklam taomlarini tayyorlash hamda ularning koʻrgazma-savdolari va tanlovlarini uyushtirish;
barcha shahar va qishloqlarda oʻtkaziladigan bayram tantanalarida, ommaviy axborot vositalarida Navroʻz bayramining tarixi, har bir hududdagi uni nishonlash bilan bogʻliq urf-odat va anʼanalarni keng yoritish.
4. Madaniyat vazirligi (O. Nazarbekov):
Respublika Maʼnaviyat va maʼrifat markazi (O. Hasanov), Yozuvchilar uyushmasi (S. Saidov) bilan birgalikda bir hafta muddatda Toshkent shahrida Navroʻz bayramiga bagʻishlab oʻtkaziladigan teatrlashtirilgan konsert tomoshasining dasturi va ssenariysini ishlab chiqsin;
mazkur konsert tomoshasini tajribali ssenarist va rejissorlar, kompozitor va bastakorlar, baletmeysterlar, sahna rassomlari, isteʼdodli yosh ijrochilar, folklor sanʼati vakillari bilan birgalikda, yuqori badiiy saviyada tayyorlash choralarini koʻrsin.
5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
a) bir hafta muddatda quyidagilarni nazarda tutuvchi Navroʻz umumxalq sayillarini oʻtkazish boʻyicha hududiy chora-tadbirlar dasturlarini ishlab chiqsin va tasdiqlasin:
umumxalq sayillari uyushtiriladigan asosiy maydonlar, koʻcha va xiyobonlarni milliy uslubda bayramona bezatish;
umumxalq sayillariga mahalliy folklor guruhlari, badiiy havaskorlik jamoalari, sirk sanʼati vakillari, oilaviy ansambllar, baxshilar, shoirlar, shuningdek, professional ijrochilar va isteʼdodli estrada artistlarini belgilangan tartibda keng jalb etish;
bayram tadbirlari doirasida har bir hududga xos boʻlgan xalq oʻyinlari, tomoshalar, koʻrgazmalar oʻtkazish, bahoriy taomlar sotiladigan ochiq oshxonalar tashkil etish;
b) bayram dasturlarini va ommaviy tomoshalarni tayyorlashda, koʻchalar, maydon va xiyobonlarni bezatishda malakali mutaxassislardan iborat ijodiy guruhlarni keng jalb etsin;
v) barcha tadbirlar jamoat xavfsizligi talablariga qatʼiy rioya qilgan holda oʻtkazilishini taʼminlasin.
6. Belgilab qoʻyilsinki, oʻtkaziladigan bayram tadbirlari:
Toshkent shahrida — respublika budjeti va Toshkent shahar mahalliy budjeti mablagʻlari hisobidan teng ulushlarda;
Qoraqalpogʻiston Respublikasi va viloyatlarda — tegishli mahalliy budjetlar hamda joylardagi homiylik xayriyalari hisobidan qoplanadi.
7. Oʻzbekiston Milliy axborot agentligi, Oʻzbekiston Milliy teleradiokompaniyasi, “Dunyo” axborot agentligi va boshqa ommaviy axborot vositalariga Navroʻz umumxalq bayramiga tayyorgarlik koʻrish va uni oʻtkazish boʻyicha amalga oshirilayotgan ishlarni atroflicha yoritib borish tavsiya etilsin.
8. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abdurahmonov zimmasiga yuklansin.
Oʻzbekiston Respublikasi Prezidentining 2024-yil 4-martdagi PQ-113-son qaroriga ILOVA
2024-yilgi Navroʻz umumxalq bayramiga tayyorgarlik koʻrish va uni oʻtkazish boʻyicha tashkiliy qoʻmita
A.N. Aripov — Oʻzbekiston Respublikasi Bosh vaziri, Tashkiliy qoʻmita raisi X.M. Sultonov — Oʻzbekiston Respublikasi Prezidentining maslahatchisi O.Q. Abdurahmonov — Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.A. Nazarbekov — madaniyat vaziri, Tashkiliy qoʻmita raisi oʻrinbosari Sh.B. Umurzakov — Toshkent shahar hokimi v.b., Tashkiliy qoʻmita raisi oʻrinbosari K.A. Sharipov — oliy taʼlim, fan va innovatsiyalar vaziri A.I. Ikramov — sport vaziri B.A. Musayev — kambagʻallikni qisqartirish va bandlik vaziri X.Oʻ. Umarova — maktabgacha va maktab taʼlimi vaziri A.A. Xudayarov — sogʻliqni saqlash vaziri v.b. Sh.X. Shermatov — raqamli texnologiyalar vaziri B.O. Saidov — tashqi ishlar vaziri B.N. Qurbonov — mudofaa vaziri P.R. Bobojonov — ichki ishlar vaziri R.M. Joʻrayev — Milliy gvardiya qoʻmondoni I.I. Norqulov — iqtisodiyot va moliya vazirining birinchi oʻrinbosari K.K. Kuranbayev — Oʻzbekiston mahallalari uyushmasi raisi Q.M. Rafiqov — Oʻzbekiston kasaba uyushmalari Federatsiyasi raisi B.S. Yuldashev — Fanlar akademiyasi prezidenti A.A. Xodjayev — Axborot va ommaviy kommunikatsiyalar agentligi direktori R.J. Qurbonov — Millatlararo munosabatlar va xorijiy mamlakatlar bilan doʻstlik aloqalari qoʻmitasi raisi F.F. Abduxoliqov — Kinematografiya agentligi direktori A.Z. Saʼdullayev — Yoshlar ishlari agentligi direktori A.A. Joʻraboyev — Oʻzbekiston Milliy teleradiokompaniyasi raisi A. Koʻchimov — Oʻzbekiston Milliy axborot agentligi bosh direktori A.V. Nuridinov — Oʻzbekiston Badiiy akademiyasi raisi O.A. Hasanov — Respublika Maʼnaviyat va maʼrifat markazi rahbari S.S. Saidov — Oʻzbekiston Yozuvchilar uyushmasi raisi S. Turdiyev — Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi respublika boshqaruvi raisi R.A. Abdullayev — Oʻzbekiston Kompozitorlar va bastakorlar uyushmasi raisi Sh.T. Qudratxoʻja — Oʻzbekiston Milliy media assotsiatsiyasi boshqaruvi raisi X.X. Salimov — Oʻzbekiston Jurnalistlari uyushmasi raisi v.b. Lavozimiga koʻra — Qoraqalpogʻiston Respublikasi Vazirlar Kengashi Raisi va viloyatlar hokimlari N.B. Sayfullayev — Oʻzbekiston Respublikasi Prezidenti Administratsiyasi madaniyat va sanʼatni rivojlantirish shoʻbasi mudiri B.O. Onorboyev — Vazirlar Mahkamasi boʻlim boshligʻi, Tashkiliy qoʻmita kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 4-mart,
PQ-113-son
Президента Республики Узбекистан
Постановление
СОСТАВ
О подготовке и проведении всенародного праздника Навруз в 2024 году
В древнем празднике Навруз воплощены лучшие черты нашего народа — любовь к родной земле и природе, доброта и великодушие, созидание и благородство, которые почитаются им и приумножаются на протяжении веков.
Сегодня, в условиях Нового Узбекистана, когда в нашем обществе превыше всего ставится достоинство человека, усиливается внимание к бесценным богатствам — земле, воде, природе и связанным с ними тысячелетним традициям, все более возрастают место и значение этого праздника в нашей жизни.
В нынешней сложной и нестабильной обстановке в мире великая гуманистическая суть Навруза, его бессмертные идеи, созидательный дух и философия, призывающие человечество жить в дружбе и согласии, ценить мир, делать жизнь еще более прекрасной и благополучной, отвечают благородным устремлениям разных народов нашей планеты.
Учитывая неоценимое значение Навруза, получившего признание Организации Объединенных Наций как международного праздника, который своими уникальными качествами служит добру и прогрессу, и в целях его проведения на высоком организационном уровне, созвучно осуществляемым в нашей стране огромным преобразованиям и обновлениям:
1. Широко отметить всенародный праздник Навруз в 2024 году в стране как всенародные гулянья — сайиль в приподнятом настроении и на высоком уровне под девизом: «С тобой, Навруз, мир светом озарится!».
2. Создать Организационный комитет по подготовке и проведению всенародного праздника Навруз (далее — Организационный комитет) в 2024 году и утвердить его состав согласно приложению .
Организационному комитету (А. Арипов) в недельный срок утвердить Программу организационно-практических, культурных и духовно-просветительских мероприятий по достойному празднованию всенародного праздника Навруз в городе Ташкенте, Республике Каракалпакстан и областных центрах, во всех городах и районах, селах и аулах, а также обеспечить ее реализацию.
3. В целях организации всех мероприятий всенародного праздника Навруз как массовых гуляний на местах на высоком уровне на основе национальных ценностей и традиций, а также современного опыта особое внимание уделить:
проведению праздничных мероприятий, отражающих весеннее пробуждение всего живого, гармонию человека с природой, его любовь и заботу о родной земле, призывающих соотечественников ценить сегодняшнюю мирную и спокойную жизнь;
отражению действенными методами созвучия древним ценностям и традициям Навруза осуществляемых в нашей стране кардинальных демократических реформ, позитивных перемен в жизни, сознании и мировоззрении нашего народа;
организации народных гуляний на основе отдельной программы в комплексе «Янги Узбекистон» в городе Ташкенте;
принимая во внимание, что в этом году праздник Навруз отмечается в священный месяц Рамазан, оказанию всестороннего уважения и почтения представителям старшего поколения, в частности, участникам Второй мировой войны и ветеранам трудового фронта, заботы и внимания лицам, проживающим в домах «Мехрибонлик», «Мурувват» и «Саховат», внесенным в социальные тетради и всем нуждающимся в поддержке, организации для них дастарханов и проведению разных благотворительных мероприятий;
реализации в преддверии праздника Навруз мероприятий, предусмотренных общенациональным проектом «Яшил макон», проведению всенародного хашара, направленного на благоустройство и озеленение во всех регионах нашей республики, на каждой улице, в каждой махалле, районах и городах;
организации проектов и акций, направленных на укрепление атмосферы межнациональной дружбы и согласия, царящих в нашем обществе, широкой демонстрации обычаев, традиций и ценностей представителей разных наций и народностей, проживающих в нашей стране, созвучных духу и философии праздника Навруз;
организации во время праздничных мероприятий выставок изделий ремесленничества, соревнований по национальным видам спорта, книжных выставок, ярмарок сельскохозяйственной и продовольственной продукции по низким ценам, передвижных пунктов торговли, а также приготовления, ярмарочной торговли и конкурсов весенних блюд;
широкому освещению в средствах массовой информации истории праздника Навруз, обычаев и традиций, связанных с его празднованием в каждом регионе, в ходе праздничных мероприятий во всех городах и селах.
4. Министерству культуры (О. Назарбеков):
совместно с Республиканским центром духовности и просветительства (О. Хасанов), Союзом писателей (С. Саидов) в недельный срок разработать сценарий и программу театрализованных концертных представлений, проводимых в городе Ташкенте в связи с праздником Навруз;
принять меры по подготовке концертных представлений на высоком художественном уровне с привлечением опытных сценаристов и режиссеров, композиторов, балетмейстеров, художников сцены, талантливых молодых исполнителей и представителей фольклорного искусства.
5. Совету Министров Республики Каракалпакстан, хокимиятам областей и города Ташкента:
а) в недельный срок разработать и утвердить региональные программы мероприятий по проведению всенародных сайилей Навруза, в которых предусмотреть:
праздничное оформление в национальном стиле главных площадей, улиц и скверов, на которых будут организованы всенародные сайили;
широкое привлечение в установленном порядке к участию во всенародных сайилях местных фольклорных коллективов, коллективов художественной самодеятельности, представителей циркового искусства, семейных ансамблей, бахши, поэтов, а также профессиональных исполнителей и талантливых артистов эстрады;
в рамках праздничных мероприятий проведение традиционных для каждого региона народных игр, представлений, выставок, организацию открытых павильонов для реализации весенних блюд;
б) обеспечить широкое привлечение к подготовке праздничных программ и массовых представлений, оформлению улиц, площадей и скверов творческих коллективов из числа квалифицированных специалистов;
в) обеспечить проведение всех мероприятий при строгом соблюдении требований общественной безопасности.
6. Установить, что расходы, связанные с проведением праздничных мероприятий, покрываются:
в городе Ташкенте — за счет средств республиканского бюджета и местного бюджета города Ташкента в равных долях;
в Республике Каракалпакстан и областях — за счет соответствующих местных бюджетов и благотворительных пожертвований на местах.
7. Рекомендовать Национальному информационному агентству Узбекистана, Национальной телерадиокомпании Узбекистана, Информационному агентству «Дунё» и другим средствам массовой информации всесторонне освещать работу по подготовке и проведению всенародного праздника Навруз.
8. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахмонова.
ПРИЛОЖЕНИЕ к постановлению Президента Республики Узбекистан от 4 марта 2024 года № ПП-113
Организационного комитета по подготовке и проведению всенародного праздника Навруз в 2024 году
А.Н. Арипов — Премьер-министр Республики Узбекистан, председатель Организационного комитета Х.М. Султонов — советник Президента Республики Узбекистан О.К. Абдурахмонов — руководитель Департамента социального развития Администрации Президента Республики Узбекистан О.А. Назарбеков — министр культуры, заместитель председателя Организационного комитета Ш.Б. Умурзаков — и.о. хокима Ташкента, заместитель председателя Организационного комитета К.А. Шарипов — министр высшего образования, науки и инноваций А.И. Икрамов — министр спорта Б.А. Мусаев — министр занятости и сокращения бедности Х.У. Умарова — министр дошкольного и школьного образования А.А. Худаяров — и.о. министра здравоохранения Ш.Х. Шерматов — министр цифровых технологий Б.О. Саидов — министр иностранных дел Б.Н. Курбонов — министр обороны П.Р. Бобожонов — министр внутренних дел Р.М. Джураев — командующий Национальной гвардией И.И. Норкулов — первый заместитель министра экономики и финансов К.К. Куранбаев — председатель Ассоциации махаллей Узбекистана К.М. Рафиков — председатель Федерации профсоюзов Узбекистана Б.С. Юлдашев — президент Академии наук А.А. Ходжаев — директор Агентства информации и массовых коммуникаций Р.Дж. Курбанов — председатель комитета по межнациональным отношениям и дружественным связям с зарубежными странами Ф.Ф. Абдухоликов — директор Агентства кинематографии А.З. Саъдуллаев — директор Агентства по делам молодежи А.А. Джурабоев — председатель Национальной телерадиокомпании Узбекистана А. Кучимов — генеральный директор Национального информационного агентства Узбекистана А.В. Нуридинов — председатель Академии художеств Узбекистана О.А. Хасанов — руководитель Республиканского центра духовности и просветительства С.С. Саидов — председатель Союза писателей Узбекистана С. Турдиев — председатель республиканского правления Фонда по поддержке общественной деятельности ветеранов Узбекистана «Нуроний» Р.А. Абдуллаев — председатель Союза композиторов и бастакоров Узбекистана Ш.Т. Кудратходжа — председатель правления Национальной медиа-ассоциации Узбекистана Х.Х. Салимов — и.о. председателя Союза журналистов Узбекистана По должности — Председатель Совета Министров Республики Каракалпакстан и хокимы областей Н.Б. Сайфуллаев — заведующий сектором развития культуры и искусства Администрации Президента Республики Узбекистан Б.О. Онорбоев — начальник отдела Кабинета Министров, секретарь Организационного комитета
Президент Республики Узбекистан Ш. МИРЗИЁЕВ
г. Ташкент,
4 марта 2024 г.,
№ ПП-113