📅 2024-yil 7-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 7 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 марта 2024 г. · Постановления Президента
Официальный текст. Официальный документ. Редакционные примечания не включены.
📅 7 March 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Хотин-қизларнинг тадбиркорлигини йўлга қўйиш ва ривожлантиришни қўллаб-қувватлашга оид қўшимча чора-тадбирлар тўғрисида
Мамлакат иқтисодий ҳаётида хотин-қизларнинг фаоллигини ошириш, аёллар тадбиркорлигини ҳар томонлама қўллаб-қувватлаш, уларга тадбиркорлик кўникмаларини ўргатиш мақсадида:
1. Хотин-қизларнинг иқтисодий фаоллигини ошириш, касбга ўқитиш ва бандлигини таъминлаш, уларни тадбиркорликка кенг жалб этиш учун Тикланиш ва тараққиёт жамғармаси ҳисобидан уч йиллик имтиёзли давр билан етти йил муддатга йиллик 14 фоиз ставкада жами 100 миллион АҚШ доллари эквивалентида, шундан АТ «Халқ банки»га 35 миллион АҚШ доллари, «Бизнесни ривожлантириш банки» АТБга 35 миллион АҚШ доллари ва «Микрокредитбанк»АТБга 30 миллион АҚШ доллари миқдорида кредит ресурслари ажратилсин.
Белгилансинки, хотин-қизларнинг бизнес-лойиҳаларини молиялаштиришга:
АТ «Халқ банки» ва «Микрокредитбанк»АТБга ажратилган маблағлар ҳисобидан оилавий тадбиркорликни ривожлантириш дастури доирасида белгиланган тартиб ва механизмлар асосида;
«Бизнесни ривожлантириш банки» АТБга ажратилган маблағлар ҳисобидан Ўзбекистон Республикаси Президентининг 2023 йил 14 сентябрдаги « Кичик бизнесни ривожлантиришни молиявий ва институционал қўллаб-қувватлаш чора-тадбирлари тўғрисида »ги ПҚ-306-сон ва 2023 йил 15 ноябрдаги « Аҳолини кичик ва ўрта бизнесга кенг жалб қилишнинг қўшимча чора-тадбирлари тўғрисида »ги ПҚ-366-сон қарорларида белгиланган тартиб ва механизмлар асосида кредитлар ажратилади.
2. Белгилаб қўйилсинки, Савдо-саноат палатаси, АТ «Халқ банки», «Бизнесни ривожлантириш банки» АТБ ва «Микрокредитбанк» АТБда қуйидагиларни назарда тутувчи хотин-қизлар тадбиркорлигини қўллаб-қувватлаш тизими яратилади:
ташаббускор хотин-қизларнинг бизнес лойиҳаларини ишлаб чиқишга кўмаклашиш;
маҳаллаларда хотин-қизларни тадбиркорликка ўқитиш;
хотин-қизлар томонидан тайёрланган маҳсулотларни сотиш;
кооперация асосида лойиҳаларни амалга оширишга кўмаклашиш;
лойиҳалар амалга оширилишини кузатиб бориш ва аёл тадбиркорлар билан доимий мулоқот қилиш.
3. Бош вазир ўринбосари З. Махкамова Маҳаллабай ишлаш ва тадбиркорликни ривожлантириш агентлиги, Ижтимоий ҳимоя миллий агентлиги ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимлиги билан биргаликда бир ой муддатда 2024-2025 йилларда тадбиркорлик, даромад топишга қаратилган муайян меҳнат фаолияти билан шуғулланиш ва фаолият турини кенгайтириш истагини билдирган хотин-қизларни қўллаб-қувватлаш дастурини (кейинги ўринларда — Дастур) ишлаб чиқсин.
Белгилансинки, Дастурни шакллантиришда ва унга киритилган лойиҳаларга мазкур қарорнинг 1-бандида назарда тутилган маблағлар ҳисобидан кредит ажратишда устуворлик «Ижтимоий ҳимоя ягона реестри» ахборот тизимига, «Аёллар дафтари», «Ёшлар дафтари» ва «Темир дафтар»га киритилган хотин-қизлар томонидан амалга ошириш таклиф этилаётган лойиҳаларга берилади.
4. Хотин-қизлар тадбиркорлигини ривожлантириш бўйича махсус комиссия (Т. Нарбаева):
бир ҳафта муддатда Хотин-қизлар тадбиркорлигини ривожлантириш бўйича махсус комиссия таркибини тасдиқласин;
мазкур қарорнинг 3-бандида назарда тутилган Дастурни тасдиқласин;
ҳар ой якуни билан Хотин-қизлар тадбиркорлигини ривожлантириш бўйича махсус комиссиянинг йиғилишида амалга оширилаётган ишлар самараси ва натижадорлигини муҳокама қилиб борсин.
5. Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 7 март,
ПҚ-122-сон
Oʻzbekiston Respublikasi Prezidentining
Qarori
Xotin-qizlarning tadbirkorligini yoʻlga qoʻyish va rivojlantirishni qoʻllab-quvvatlashga oid qoʻshimcha chora-tadbirlar toʻgʻrisida
Mamlakat iqtisodiy hayotida xotin-qizlarning faolligini oshirish, ayollar tadbirkorligini har tomonlama qoʻllab-quvvatlash, ularga tadbirkorlik koʻnikmalarini oʻrgatish maqsadida:
1. Xotin-qizlarning iqtisodiy faolligini oshirish, kasbga oʻqitish va bandligini taʼminlash, ularni tadbirkorlikka keng jalb etish uchun Tiklanish va taraqqiyot jamgʻarmasi hisobidan uch yillik imtiyozli davr bilan yetti yil muddatga yillik 14 foiz stavkada jami 100 million AQSh dollari ekvivalentida, shundan AT “Xalq banki”ga 35 million AQSh dollari, “Biznesni rivojlantirish banki” ATBga 35 million AQSh dollari va “Mikrokreditbank”ATBga 30 million AQSh dollari miqdorida kredit resurslari ajratilsin.
Belgilansinki, xotin-qizlarning biznes-loyihalarini moliyalashtirishga:
AT “Xalq banki” va “Mikrokreditbank”ATBga ajratilgan mablagʻlar hisobidan oilaviy tadbirkorlikni rivojlantirish dasturi doirasida belgilangan tartib va mexanizmlar asosida;
“Biznesni rivojlantirish banki” ATBga ajratilgan mablagʻlar hisobidan Oʻzbekiston Respublikasi Prezidentining 2023-yil 14-sentabrdagi “ Kichik biznesni rivojlantirishni moliyaviy va institutsional qoʻllab-quvvatlash chora-tadbirlari toʻgʻrisida ”gi PQ-306-son va 2023-yil 15-noyabrdagi “ Aholini kichik va oʻrta biznesga keng jalb qilishning qoʻshimcha chora-tadbirlari toʻgʻrisida ”gi PQ-366-son qarorlarida belgilangan tartib va mexanizmlar asosida kreditlar ajratiladi.
2. Belgilab qoʻyilsinki, Savdo-sanoat palatasi, AT “Xalq banki”, “Biznesni rivojlantirish banki” ATB va “Mikrokreditbank” ATBda quyidagilarni nazarda tutuvchi xotin-qizlar tadbirkorligini qoʻllab-quvvatlash tizimi yaratiladi:
tashabbuskor xotin-qizlarning biznes loyihalarini ishlab chiqishga koʻmaklashish;
mahallalarda xotin-qizlarni tadbirkorlikka oʻqitish;
xotin-qizlar tomonidan tayyorlangan mahsulotlarni sotish;
kooperatsiya asosida loyihalarni amalga oshirishga koʻmaklashish;
loyihalar amalga oshirilishini kuzatib borish va ayol tadbirkorlar bilan doimiy muloqot qilish.
3. Bosh vazir oʻrinbosari Z. Maxkamova Mahallabay ishlash va tadbirkorlikni rivojlantirish agentligi, Ijtimoiy himoya milliy agentligi hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimligi bilan birgalikda bir oy muddatda 2024-2025-yillarda tadbirkorlik, daromad topishga qaratilgan muayyan mehnat faoliyati bilan shugʻullanish va faoliyat turini kengaytirish istagini bildirgan xotin-qizlarni qoʻllab-quvvatlash dasturini (keyingi oʻrinlarda — Dastur) ishlab chiqsin.
Belgilansinki, Dasturni shakllantirishda va unga kiritilgan loyihalarga mazkur qarorning 1-bandida nazarda tutilgan mablagʻlar hisobidan kredit ajratishda ustuvorlik “Ijtimoiy himoya yagona reyestri” axborot tizimiga, “Ayollar daftari”, “Yoshlar daftari” va “Temir daftar”ga kiritilgan xotin-qizlar tomonidan amalga oshirish taklif etilayotgan loyihalarga beriladi.
4. Xotin-qizlar tadbirkorligini rivojlantirish boʻyicha maxsus komissiya (T. Narbayeva):
bir hafta muddatda Xotin-qizlar tadbirkorligini rivojlantirish boʻyicha maxsus komissiya tarkibini tasdiqlasin;
mazkur qarorning 3-bandida nazarda tutilgan Dasturni tasdiqlasin;
har oy yakuni bilan Xotin-qizlar tadbirkorligini rivojlantirish boʻyicha maxsus komissiyaning yigʻilishida amalga oshirilayotgan ishlar samarasi va natijadorligini muhokama qilib borsin.
5. Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 7-mart,
PQ-122-son
Президента Республики Узбекистан
Постановление
О дополнительных мерах по поддержке организации и развития женского предпринимательства
В целях повышения активности женщин в экономической жизни страны, их обучения предпринимательским навыкам, всесторонней поддержки женского предпринимательства:
1. Для повышения экономической активности, обучения профессиям и обеспечения занятости женщин, их широкого вовлечения в предпринимательство выделить за счет Фонда реконструкции и развития кредитные ресурсы в эквиваленте в общей сложности 100 миллионов долларов США на срок 7 лет, включая льготный период 3 года, по ставке 14 процентов годовых, из них АК «Халк банки» — в размере 35 миллионов долларов США, АКБ «Банк развития бизнеса» — в размере 35 миллионов долларов США, АКБ «Микрокредитбанк» — в размере 30 миллионов долларов США.
Установить, что кредиты на финансирование бизнес-проектов женщин предоставляются:
за счет средств, выделенных АК «Халк банки» и АКБ «Микрокредитбанк», в соответствии с порядком и механизмами, определенными в рамках Программы развития семейного предпринимательства;
за счет средств, выделенных АКБ «Банк развития бизнеса», в соответствии с порядком и механизмами, определенными постановлениями Президента Республики Узбекистан от 14 сентября 2023 года № ПП-306 « О мерах финансовой и институциональной поддержки развития малого бизнеса » и от 15 ноября 2023 года № ПП-366 « О дополнительных мерах по широкому вовлечению населения в малый и средний бизнес ».
2. Определить, что в Торгово-промышленной палате, АК «Халк банки», АКБ «Банк развития бизнеса» и АКБ «Микрокредитбанк» создается система поддержки женского предпринимательства, предусматривающая:
оказание содействия в разработке бизнес-проектов инициативных женщин;
обучение предпринимательству женщин в махаллях;
реализацию продукции, произведенной женщинами;
оказание содействия в осуществлении проектов на основе кооперации;
ведение мониторинга осуществления проектов и установление регулярного диалога с женщинами-предпринимателями.
3. Заместителю Премьер-министра З. Махкамовой совместно с Агентством по работе махаллабай и развитию предпринимательства, Национальным агентством социальной защиты, а также Советом Министров Республики Каракалпакстан, хокимиятами областей и города Ташкента в месячный срок разработать Программу поддержки женщин, изъявивших желание заниматься предпринимательством, осуществлять трудовую деятельность, направленную на извлечение дохода, расширить вид деятельности в 2024-2025 годах (далее — Программа).
Установить, что при формировании Программы и выделении кредитов на включенные в нее проекты за счет средств, предусмотренных пунктом 1 настоящего постановления, приоритет отдается проектам, рекомендуемым для реализации женщинами, включенными в информационную систему «Единый реестр социальной защиты», «Женскую тетрадь», «Молодежную тетрадь» и «Железную тетрадь».
4. Специальной комиссии по развитию женского предпринимательства (Т. Нарбаева):
в недельный срок утвердить состав Специальной комиссии по развитию женского предпринимательства;
утвердить Программу, предусмотренную пунктом 3 настоящего постановления;
по итогам каждого месяца на заседаниях Специальной комиссии по развитию женского предпринимательства проводить обсуждение эффективности и результативности осуществляемых работ.
5. Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 марта 2024 г.,
№ ПП-122