📅 2024-yil 13-mart · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 13 март · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 13 марта 2024 г. · Указы Президента
Официальный текст. Официальный документ. Редакционные примечания не включены.
📅 13 March 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Республика ва маҳаллий ижро этувчи ҳокимият органлари ҳамда хўжалик бирлашмалари фаолияти самарадорлигини баҳолаш тизимини такомиллаштириш чора-тадбирлари тўғрисида
«Ўзбекистон — 2030» стратегиясини амалга ошириш доирасида 2024 йил учун белгиланган мақсадли кўрсаткичларга ўз вақтида, тўлақонли ва сифатли эришилишини таъминлаш, республика ва маҳаллий ижро этувчи ҳокимият органлари ҳамда хўжалик бирлашмалари раҳбарлари ва уларнинг ўринбосарларининг бу борадаги масъулияти ва шахсий жавобгарлигини ошириш ҳамда фаолияти самарадорлигини баҳолаш тизимини такомиллаштириш мақсадида:
1. Шундай тартиб ўрнатилсинки, унга мувофиқ:
республика ижро этувчи ҳокимият органлари ва хўжалик бирлашмалари раҳбарлари ва уларнинг ўринбосарлари фаолиятининг энг муҳим самарадорлик кўрсаткичлари (KPI) (кейинги ўринларда — самарадорлик кўрсаткичлари), уларга эришиш бўйича «йўл хариталари» ҳамда улар томонидан ҳудудларда амалга ошириладиган чора-тадбирлар дастури Вазирлар Маҳкамаси томонидан тасдиқланади;
республика ижро этувчи ҳокимият органлари ва хўжалик бирлашмалари раҳбарлари ва уларнинг ўринбосарлари фаолиятининг самарадорлик кўрсаткичлари ҳамда ҳудудлар кесимидаги чора-тадбирлар дастури асосида ишлаб чиқиладиган Қорақалпоғистон Республикаси Вазирлар Кенгаши Раиси ўринбосарларининг, вилоятлар ва Тошкент шаҳри ҳокимлари ўринбосарлари фаолиятининг самарадорлик кўрсаткичлари Вазирлар Маҳкамаси томонидан ва уларга эришиш бўйича «йўл хариталари» Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари томонидан тасдиқланади;
Вазирлар Маҳкамаси томонидан тасдиқланадиган маҳаллий ижро этувчи ҳокимият органлари раҳбарлари ўринбосарлари фаолиятининг самарадорлик кўрсаткичлари асосида туман (шаҳар) ҳокимлари ва уларнинг ўринбосарлари фаолиятининг самарадорлик кўрсаткичлари Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари томонидан тасдиқланади.
Бунда, самарадорлик кўрсаткичлари Ўзбекистон Республикаси Президенти ва Вазирлар Маҳкамаси қарорлари ва топшириқларида белгиланган кўрсаткичлардан паст бўлмаган даражада чораклар кесимида белгиланади.
2. Самарадорлик кўрсаткичларига ўз вақтида ва сифатли эришилишини таъминлаш ва уларнинг бажарилишини мониторинг қилиш тизимини рақамлаштириш мақсадида белгилансинки:
самарадорлик кўрсаткичлари бажарилиши тўғрисидаги маълумот ҳар чоракда Бошқарув самарадорлиги агентлигининг «samaradorlik.uz» электрон платформасига (кейинги ўринларда — платформа) киритилади ҳамда унда раҳбарлар ва уларнинг ўринбосарлари фаолиятининг самарадорлиги рейтинги шаклланади;
Миллий статистика қўмитаси ва бошқа давлат ташкилотларининг ахборот тизимларида электрон ҳисоботи юритиладиган самарадорлик кўрсаткичларига эришиш натижалари ушбу ахборот тизимларини платформага интеграция қилиш орқали автоматик тарзда шакллантирилади;
самарадорлик кўрсаткичлари бажарилганлиги Вазирлар Маҳкамаси томонидан белгиланадиган ташкилотлар ёки Вазирлар Маҳкамасининг масъул ходимлари томонидан тасдиқланади, бундан натижаси автоматик тарзда шакллантириладиган самарадорлик кўрсаткичлари мустасно;
ҳар бир самарадорлик кўрсаткичига белгиланадиган салмоқ ўлчови йиғиндисидан келиб чиқиб, самарадорлик кўрсаткичлари улар бажарилиши 70 фоиздан кам бўлганда — «қониқарсиз», 70 фоиздан 85 фоизгача — «қониқарли», 85 фоиздан 100 фоизгача — «яхши» ҳамда 100 фоиз ва ундан юқори бўлганда «аъло» деб баҳоланади;
самарадорлик кўрсаткичларининг бажарилиши тўғрисидаги маълумот платформага ўз вақтида ва сифатли киритилиши ҳамда тасдиқланиши танланма тартибда Бошқарув самарадорлиги агентлиги томонидан мониторинг қилинади.
3. Самарадорлик кўрсаткичларининг бажарилишида раҳбарларнинг шахсий масъулиятини ошириш мақсадида ўрнатилсинки:
республика ижро этувчи ҳокимият органлари, хўжалик бирлашмалари раҳбарлари ва уларнинг ўринбосарларини рағбатлантириш тўловлари миқдори уларнинг самарадорлик кўрсаткичларини баҳолаш натижаларидан келиб чиқиб белгиланади;
чорак якуни бўйича самарадорлик кўрсаткичларига эришиш натижалари «қониқарсиз» деб баҳоланган раҳбарлар ва уларнинг ўринбосарларига рағбатлантириш тўловлари келгуси уч ой учун тўхтатилади ва уларга нисбатан интизомий таъсир чораларини қўллаш масаласи кўриб чиқилади, бундан Вазирлар Маҳкамаси Раёсатида самарадорлик кўрсаткичлари асослантирилган сабабларга кўра бажарилмаганлиги тасдиқланган ҳоллар мустасно;
йил якуни бўйича самарадорлик кўрсаткичларига эришиш натижалари «қониқарсиз» деб баҳоланган раҳбарлар ва уларнинг ўринбосарларига нисбатан уларнинг эгаллаб турган лавозимига лойиқлиги масаласи кўриб чиқилади.
4. Олий Мажлис Қонунчилик палатасига республика ижро этувчи ҳокимият органлари ва хўжалик бирлашмалари раҳбарлари ва ўринбосарларининг самарадорлик кўрсаткичлари бажарилиши юзасидан ҳар бир ташкилот бўйича ҳисоботларни ҳар йили эшитиб бориш тавсия этилсин.
5. Белгилансинки:
республика ва маҳаллий ижро этувчи ҳокимият органлари, хўжалик бирлашмалари раҳбарлари ва уларнинг ўринбосарлари фаолиятининг самарадорлигини баҳолашда платформада шакллантирилган самарадорлик кўрсаткичлари бирламчи манба ҳисобланади;
фаолияти самарадорлик кўрсаткичлари асосида баҳоланадиган республика ижро этувчи ҳокимият органлари ва хўжалик бирлашмалари раҳбарлари ва уларнинг ўринбосарларининг рўйхати Вазирлар Маҳкамаси томонидан белгиланади;
Вазирлар Маҳкамаси қарори асосида тасдиқланадиган самарадорлик кўрсаткичлари, уларга белгиланадиган салмоқ ўлчови ва бошқа кўрсаткичлар Вазирлар Маҳкамаси Раёсати қарори билан ўзгартирилиши мумкин.
6. Вазирлар Маҳкамаси:
а) бир ҳафта муддатда республика ижро этувчи ҳокимият органлари ва хўжалик бирлашмалари раҳбарлари ва уларнинг ўринбосарлари фаолиятининг самарадорлик кўрсаткичлари, уларга эришиш бўйича «йўл хариталари» ҳамда улар томонидан ҳудудларда амалга ошириладиган чора-тадбирлар дастурини;
б) уч ой муддатда:
республика ижро этувчи ҳокимият органлари, хўжалик бирлашмалари раҳбарлари ва уларнинг ўринбосарлари ҳамда маҳаллий ижро этувчи ҳокимият органлари раҳбарлари ўринбосарларининг самарадорлик кўрсаткичларини баҳолаш натижаларидан келиб чиқиб амалга ошириладиган рағбатлантириш тўловлари турлари ва уларни ҳисоблаш тартибини;
Қорақалпоғистон Республикаси Вазирлар Кенгаши Раиси ўринбосарларининг, вилоятлар ва Тошкент шаҳри ҳокимлари ўринбосарларининг самарадорлик кўрсаткичларини тасдиқласин.
7. Рақамли технологиялар вазирлиги Давлат хизматини ривожлантириш агентлиги, манфаатдор вазирлик ва идоралар билан биргаликда бир ой муддатда ушбу Фармон талабларидан келиб чиқиб, Давлат хизматини ривожлантиришни қўллаб-қувватлаш жамғармаси маблағлари ҳисобидан платформани такомиллаштирсин ва тегишли ахборот тизимлари билан интеграция қилсин.
Рақамли технологиялар вазирлиги Миллий статистика қўмитаси, Давлат хизматини ривожлантириш агентлиги, манфаатдор вазирлик ва идоралар билан биргаликда уч ой муддатда электрон ҳисоботи юритилмайдиган самарадорлик кўрсаткичларини 2025 йил якунига қадар босқичма-босқич рақамлаштириш бўйича чора-тадбирлар режасини тасдиқласин.
8. Давлат хизматини ривожлантириш агентлиги:
бир ой муддатда республика ва маҳаллий ижро этувчи ҳокимият органлари ҳамда хўжалик бирлашмаларининг раҳбарлари ва уларнинг ўринбосарлари фаолияти самарадорлигини баҳолаш асослари бўйича Давлат бошқаруви академиясида қисқа муддатли ўқув курсларни ташкил этсин;
икки ой муддатда республика ва маҳаллий ижро этувчи ҳокимият органлари ҳамда хўжалик бирлашмалари раҳбарлари ва уларнинг ўринбосарларининг фаолиятини самарадорлик кўрсаткичлари асосида платформа орқали баҳолаш тартибини Вазирлар Маҳкамасига киритсин.
9. Иқтисодиёт ва молия вазирлиги, Давлат активларини бошқариш агентлиги икки ой муддатда давлат улуши 50 фоиздан ортиқ бўлган йирик хўжалик жамиятлари уставларига мазкур Фармондан келиб чиқиб, тегишли ўзгартириш ва қўшимчалар киритилишини таъминласин.
10. Қуйидагиларга:
Бош вазир ўринбосарлари А. Раматов, Ж. Қўчқоров, Ж. Ходжаев, З. Махкамовага — тегишлилиги бўйича республика ва маҳаллий ижро этувчи ҳокимият органлари ҳамда хўжалик бирлашмаларининг раҳбарлари ва уларнинг ўринбосарлари учун самарадорлик кўрсаткичлари ўз вақтида ва сифатли ишлаб чиқилиши, уларга эришилишини таъминлаш юзасидан;
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимларига — ўзларининг ўринбосарлари учун самарадорлик кўрсаткичлари ўз вақтида ва сифатли ишлаб чиқилиши, уларга эришилишини таъминлаш, шунингдек, туман (шаҳар) ҳокимлари ва уларнинг ўринбосарлари учун самарадорлик кўрсаткичларини тасдиқлаш юзасидан;
Бошқарув самарадорлиги агентлиги директорининг биринчи ўринбосарига — республика ва маҳаллий ижро этувчи ҳокимият органлари ҳамда хўжалик бирлашмалари раҳбарлари ва уларнинг ўринбосарлари фаолиятини самарадорлик кўрсаткичлари асосида баҳолаш ишларини услубий жиҳатдан мувофиқлаштириш, самарадорлик кўрсаткичлари натижалари бўйича таҳлилий маълумотларни Ўзбекистон Республикаси Президенти Администрациясига киритиш юзасидан;
республика ижро этувчи ҳокимият органлари ва давлат иштирокидаги йирик корхоналар раҳбарларига — ўзлари масъул бўлган тармоқ ва соҳалар бўйича белгиланган самарадорлик кўрсаткичларига эришилиши ҳамда маълумотларнинг тўғри ва ўз вақтида платформага киритилиши юзасидан шахсий масъулият юклансин.
11. Давлат хизматини ривожлантириш агентлиги уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.
12. Ушбу Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 13 март,
ПФ-49-сон
Oʻzbekiston Respublikasi Prezidentining
Farmoni
Respublika va mahalliy ijro etuvchi hokimiyat organlari hamda xoʻjalik birlashmalari faoliyati samaradorligini baholash tizimini takomillashtirish chora-tadbirlari toʻgʻrisida
“Oʻzbekiston — 2030” strategiyasini amalga oshirish doirasida 2024-yil uchun belgilangan maqsadli koʻrsatkichlarga oʻz vaqtida, toʻlaqonli va sifatli erishilishini taʼminlash, respublika va mahalliy ijro etuvchi hokimiyat organlari hamda xoʻjalik birlashmalari rahbarlari va ularning oʻrinbosarlarining bu boradagi masʼuliyati va shaxsiy javobgarligini oshirish hamda faoliyati samaradorligini baholash tizimini takomillashtirish maqsadida:
1. Shunday tartib oʻrnatilsinki, unga muvofiq:
respublika ijro etuvchi hokimiyat organlari va xoʻjalik birlashmalari rahbarlari va ularning oʻrinbosarlari faoliyatining eng muhim samaradorlik koʻrsatkichlari (KPI) (keyingi oʻrinlarda — samaradorlik koʻrsatkichlari), ularga erishish boʻyicha “yoʻl xaritalari” hamda ular tomonidan hududlarda amalga oshiriladigan chora-tadbirlar dasturi Vazirlar Mahkamasi tomonidan tasdiqlanadi;
respublika ijro etuvchi hokimiyat organlari va xoʻjalik birlashmalari rahbarlari va ularning oʻrinbosarlari faoliyatining samaradorlik koʻrsatkichlari hamda hududlar kesimidagi chora-tadbirlar dasturi asosida ishlab chiqiladigan Qoraqalpogʻiston Respublikasi Vazirlar Kengashi Raisi oʻrinbosarlarining, viloyatlar va Toshkent shahri hokimlari oʻrinbosarlari faoliyatining samaradorlik koʻrsatkichlari Vazirlar Mahkamasi tomonidan va ularga erishish boʻyicha “yoʻl xaritalari” Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari tomonidan tasdiqlanadi;
Vazirlar Mahkamasi tomonidan tasdiqlanadigan mahalliy ijro etuvchi hokimiyat organlari rahbarlari oʻrinbosarlari faoliyatining samaradorlik koʻrsatkichlari asosida tuman (shahar) hokimlari va ularning oʻrinbosarlari faoliyatining samaradorlik koʻrsatkichlari Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari tomonidan tasdiqlanadi.
Bunda, samaradorlik koʻrsatkichlari Oʻzbekiston Respublikasi Prezidenti va Vazirlar Mahkamasi qarorlari va topshiriqlarida belgilangan koʻrsatkichlardan past boʻlmagan darajada choraklar kesimida belgilanadi.
2. Samaradorlik koʻrsatkichlariga oʻz vaqtida va sifatli erishilishini taʼminlash va ularning bajarilishini monitoring qilish tizimini raqamlashtirish maqsadida belgilansinki:
samaradorlik koʻrsatkichlari bajarilishi toʻgʻrisidagi maʼlumot har chorakda Boshqaruv samaradorligi agentligining “samaradorlik.uz” elektron platformasiga (keyingi oʻrinlarda — platforma) kiritiladi hamda unda rahbarlar va ularning oʻrinbosarlari faoliyatining samaradorligi reytingi shakllanadi;
Milliy statistika qoʻmitasi va boshqa davlat tashkilotlarining axborot tizimlarida elektron hisoboti yuritiladigan samaradorlik koʻrsatkichlariga erishish natijalari ushbu axborot tizimlarini platformaga integratsiya qilish orqali avtomatik tarzda shakllantiriladi;
samaradorlik koʻrsatkichlari bajarilganligi Vazirlar Mahkamasi tomonidan belgilanadigan tashkilotlar yoki Vazirlar Mahkamasining masʼul xodimlari tomonidan tasdiqlanadi, bundan natijasi avtomatik tarzda shakllantiriladigan samaradorlik koʻrsatkichlari mustasno;
har bir samaradorlik koʻrsatkichiga belgilanadigan salmoq oʻlchovi yigʻindisidan kelib chiqib, samaradorlik koʻrsatkichlari ular bajarilishi 70 foizdan kam boʻlganda — “qoniqarsiz”, 70 foizdan 85 foizgacha — “qoniqarli”, 85 foizdan 100 foizgacha — “yaxshi” hamda 100 foiz va undan yuqori boʻlganda “aʼlo” deb baholanadi;
samaradorlik koʻrsatkichlarining bajarilishi toʻgʻrisidagi maʼlumot platformaga oʻz vaqtida va sifatli kiritilishi hamda tasdiqlanishi tanlanma tartibda Boshqaruv samaradorligi agentligi tomonidan monitoring qilinadi.
3. Samaradorlik koʻrsatkichlarining bajarilishida rahbarlarning shaxsiy masʼuliyatini oshirish maqsadida oʻrnatilsinki:
respublika ijro etuvchi hokimiyat organlari, xoʻjalik birlashmalari rahbarlari va ularning oʻrinbosarlarini ragʻbatlantirish toʻlovlari miqdori ularning samaradorlik koʻrsatkichlarini baholash natijalaridan kelib chiqib belgilanadi;
chorak yakuni boʻyicha samaradorlik koʻrsatkichlariga erishish natijalari “qoniqarsiz” deb baholangan rahbarlar va ularning oʻrinbosarlariga ragʻbatlantirish toʻlovlari kelgusi uch oy uchun toʻxtatiladi va ularga nisbatan intizomiy taʼsir choralarini qoʻllash masalasi koʻrib chiqiladi, bundan Vazirlar Mahkamasi Rayosatida samaradorlik koʻrsatkichlari asoslantirilgan sabablarga koʻra bajarilmaganligi tasdiqlangan hollar mustasno;
yil yakuni boʻyicha samaradorlik koʻrsatkichlariga erishish natijalari “qoniqarsiz” deb baholangan rahbarlar va ularning oʻrinbosarlariga nisbatan ularning egallab turgan lavozimiga loyiqligi masalasi koʻrib chiqiladi.
4. Oliy Majlis Qonunchilik palatasiga respublika ijro etuvchi hokimiyat organlari va xoʻjalik birlashmalari rahbarlari va oʻrinbosarlarining samaradorlik koʻrsatkichlari bajarilishi yuzasidan har bir tashkilot boʻyicha hisobotlarni har yili eshitib borish tavsiya etilsin.
5. Belgilansinki:
respublika va mahalliy ijro etuvchi hokimiyat organlari, xoʻjalik birlashmalari rahbarlari va ularning oʻrinbosarlari faoliyatining samaradorligini baholashda platformada shakllantirilgan samaradorlik koʻrsatkichlari birlamchi manba hisoblanadi;
faoliyati samaradorlik koʻrsatkichlari asosida baholanadigan respublika ijro etuvchi hokimiyat organlari va xoʻjalik birlashmalari rahbarlari va ularning oʻrinbosarlarining roʻyxati Vazirlar Mahkamasi tomonidan belgilanadi;
Vazirlar Mahkamasi qarori asosida tasdiqlanadigan samaradorlik koʻrsatkichlari, ularga belgilanadigan salmoq oʻlchovi va boshqa koʻrsatkichlar Vazirlar Mahkamasi Rayosati qarori bilan oʻzgartirilishi mumkin.
6. Vazirlar Mahkamasi:
a) bir hafta muddatda respublika ijro etuvchi hokimiyat organlari va xoʻjalik birlashmalari rahbarlari va ularning oʻrinbosarlari faoliyatining samaradorlik koʻrsatkichlari, ularga erishish boʻyicha “yoʻl xaritalari” hamda ular tomonidan hududlarda amalga oshiriladigan chora-tadbirlar dasturini;
b) uch oy muddatda:
respublika ijro etuvchi hokimiyat organlari, xoʻjalik birlashmalari rahbarlari va ularning oʻrinbosarlari hamda mahalliy ijro etuvchi hokimiyat organlari rahbarlari oʻrinbosarlarining samaradorlik koʻrsatkichlarini baholash natijalaridan kelib chiqib amalga oshiriladigan ragʻbatlantirish toʻlovlari turlari va ularni hisoblash tartibini;
Qoraqalpogʻiston Respublikasi Vazirlar Kengashi Raisi oʻrinbosarlarining, viloyatlar va Toshkent shahri hokimlari oʻrinbosarlarining samaradorlik koʻrsatkichlarini tasdiqlasin.
7. Raqamli texnologiyalar vazirligi Davlat xizmatini rivojlantirish agentligi, manfaatdor vazirlik va idoralar bilan birgalikda bir oy muddatda ushbu Farmon talablaridan kelib chiqib, Davlat xizmatini rivojlantirishni qoʻllab-quvvatlash jamgʻarmasi mablagʻlari hisobidan platformani takomillashtirsin va tegishli axborot tizimlari bilan integratsiya qilsin.
Raqamli texnologiyalar vazirligi Milliy statistika qoʻmitasi, Davlat xizmatini rivojlantirish agentligi, manfaatdor vazirlik va idoralar bilan birgalikda uch oy muddatda elektron hisoboti yuritilmaydigan samaradorlik koʻrsatkichlarini 2025-yil yakuniga qadar bosqichma-bosqich raqamlashtirish boʻyicha chora-tadbirlar rejasini tasdiqlasin.
8. Davlat xizmatini rivojlantirish agentligi:
bir oy muddatda respublika va mahalliy ijro etuvchi hokimiyat organlari hamda xoʻjalik birlashmalarining rahbarlari va ularning oʻrinbosarlari faoliyati samaradorligini baholash asoslari boʻyicha Davlat boshqaruvi akademiyasida qisqa muddatli oʻquv kurslarni tashkil etsin;
ikki oy muddatda respublika va mahalliy ijro etuvchi hokimiyat organlari hamda xoʻjalik birlashmalari rahbarlari va ularning oʻrinbosarlarining faoliyatini samaradorlik koʻrsatkichlari asosida platforma orqali baholash tartibini Vazirlar Mahkamasiga kiritsin.
9. Iqtisodiyot va moliya vazirligi, Davlat aktivlarini boshqarish agentligi ikki oy muddatda davlat ulushi 50 foizdan ortiq boʻlgan yirik xoʻjalik jamiyatlari ustavlariga mazkur Farmondan kelib chiqib, tegishli oʻzgartirish va qoʻshimchalar kiritilishini taʼminlasin.
10. Quyidagilarga:
Bosh vazir oʻrinbosarlari A. Ramatov, J. Qoʻchqorov, J. Xodjayev, Z. Maxkamovaga — tegishliligi boʻyicha respublika va mahalliy ijro etuvchi hokimiyat organlari hamda xoʻjalik birlashmalarining rahbarlari va ularning oʻrinbosarlari uchun samaradorlik koʻrsatkichlari oʻz vaqtida va sifatli ishlab chiqilishi, ularga erishilishini taʼminlash yuzasidan;
Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlariga — oʻzlarining oʻrinbosarlari uchun samaradorlik koʻrsatkichlari oʻz vaqtida va sifatli ishlab chiqilishi, ularga erishilishini taʼminlash, shuningdek, tuman (shahar) hokimlari va ularning oʻrinbosarlari uchun samaradorlik koʻrsatkichlarini tasdiqlash yuzasidan;
Boshqaruv samaradorligi agentligi direktorining birinchi oʻrinbosariga — respublika va mahalliy ijro etuvchi hokimiyat organlari hamda xoʻjalik birlashmalari rahbarlari va ularning oʻrinbosarlari faoliyatini samaradorlik koʻrsatkichlari asosida baholash ishlarini uslubiy jihatdan muvofiqlashtirish, samaradorlik koʻrsatkichlari natijalari boʻyicha tahliliy maʼlumotlarni Oʻzbekiston Respublikasi Prezidenti Administratsiyasiga kiritish yuzasidan;
respublika ijro etuvchi hokimiyat organlari va davlat ishtirokidagi yirik korxonalar rahbarlariga — oʻzlari masʼul boʻlgan tarmoq va sohalar boʻyicha belgilangan samaradorlik koʻrsatkichlariga erishilishi hamda maʼlumotlarning toʻgʻri va oʻz vaqtida platformaga kiritilishi yuzasidan shaxsiy masʼuliyat yuklansin.
11. Davlat xizmatini rivojlantirish agentligi uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.
12. Ushbu Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 13-mart,
PF-49-son
Президента Республики Узбекистан
Указ
О мерах по совершенствованию системы оценки эффективности деятельности республиканских и местных органов исполнительной власти, а также хозяйственных объединений
В целях обеспечения своевременного, полного и качественного достижения целевых показателей на 2024 год, определенных в рамках реализации Стратегии «Узбекистан — 2030», повышения персональной ответственности и совершенствования системы оценки эффективности деятельности руководителей и заместителей руководителей республиканских и местных органов исполнительной власти, а также хозяйственных объединений в данном направлении:
1. Установить порядок, в соответствии с которым:
ключевые показатели эффективности (KPI) (далее — показатели эффективности) деятельности руководителей и заместителей руководителей республиканских органов исполнительной власти и хозяйственных объединений, «дорожные карты» по их достижению и программа мер, осуществляемых ими в регионах, утверждаются Кабинетом Министров;
показатели эффективности деятельности заместителей Председателя Совета Министров Республики Каракалпакстан, заместителей хокимов областей и города Ташкента, разрабатываемые на основе показателей эффективности деятельности руководителей и заместителей руководителей республиканских органов исполнительной власти и хозяйственных объединений, а также программы мер в разрезе регионов, утверждаются Кабинетом Министров, «дорожные карты» по их достижению — Председателем Совета Министров Республики Каракалпакстан, хокимами областей и города Ташкента;
показатели эффективности деятельности хокимов районов (городов) и их заместителей утверждаются Председателем Совета Министров Республики Каракалпакстан, хокимами областей и города Ташкента, на основе показателей эффективности деятельности заместителей руководителей местных органов исполнительной власти, утверждаемых Кабинетом Министров.
При этом показатели эффективности устанавливаются поквартально на уровне не ниже показателей, определенных в решениях и поручениях Президента Республики Узбекистан и Кабинета Министров.
2. Установить, что в целях обеспечения своевременного и качественного достижения показателей эффективности и цифровизации системы мониторинга их исполнения:
сведения об исполнении показателей эффективности вносятся ежеквартально в электронную платформу «samaradorlik.uz» Агентства эффективности управления (далее — платформа), на которой формируется рейтинг эффективности деятельности руководителей и их заместителей;
результаты достижения показателей эффективности, по которым ведется электронная отчетность в информационных системах Национального комитета по статистике и других государственных органов, формируются автоматически путем осуществления интеграции этих информационных систем с платформой;
исполнение показателей эффективности, за исключением показателей эффективности, результаты которых формируются автоматически, подтверждается организациями, определяемыми Кабинетом Министров, либо ответственными работниками Кабинета Министров;
исходя из суммы удельного веса, установленной по каждому показателю эффективности, показатели эффективности, если их исполнение составляет менее 70 процентов, оцениваются как «неудовлетворительно», от 70 процентов до 85 процентов — «удовлетворительно», от 85 процентов до 100 процентов — «хорошо», 100 процентов и более — «отлично»;
Агентство эффективности управления ведет мониторинг своевременного и качественного внесения сведений об исполнении показателей эффективности в платформу, а также подтверждения их исполнения методом выборки.
3. Установить, что в целях повышения персональной ответственности руководителей за исполнение показателей эффективности:
размер стимулирующих выплат руководителям и заместителям руководителей республиканских органов исполнительной власти и хозяйственных объединений определяется исходя из результатов оценки их показателей эффективности;
в отношении руководителей и их заместителей, результаты достижения показателей эффективности которых по итогам квартала оценены на «неудовлетворительно», стимулирующие выплаты на следующие три месяца приостанавливаются и рассматривается вопрос применения к ним мер дисциплинарного воздействия, за исключением случаев неисполнения показателей эффективности по обоснованным причинам, подтвержденным на Президиуме Кабинета Министров;
в отношении руководителей и их заместителей, результаты достижения показателей эффективности которых по итогам года оценены на «неудовлетворительно», рассматривается вопрос их соответствия занимаемой должности.
4. Рекомендовать Законодательной палате Олий Мажлиса ежегодно заслушивать отчеты об исполнении показателей эффективности руководителей и заместителей руководителей республиканских органов исполнительной власти и хозяйственных объединений в разрезе каждой организации.
5. Определить, что:
при оценке эффективности деятельности руководителей и заместителей руководителей республиканских и местных органов исполнительной власти, хозяйственных объединений показатели эффективности, сформированные на платформе, являются первичным источником;
список руководителей и заместителей руководителей республиканских органов исполнительной власти и хозяйственных объединений, деятельность которых оценивается на основе показателей эффективности, определяется Кабинетом Министров;
в показатели эффективности, устанавливаемые к ним удельный вес и иные показатели, утверждаемые решениями Кабинета Министров, могут вноситься изменения в соответствии с решениями Президиума Кабинета Министров.
6. Кабинету Министров утвердить:
а) в недельный срок — показатели эффективности деятельности руководителей и заместителей руководителей республиканских органов исполнительной власти и хозяйственных объединений, «дорожные карты» по их достижению и программу мер, осуществляемых ими в регионах;
б) в трехмесячный срок:
виды и порядок расчета стимулирующих выплат, осуществляемых исходя из результатов оценки показателей эффективности руководителей и заместителей руководителей республиканских органов исполнительной власти и хозяйственных объединений, а также заместителей руководителей местных органов исполнительной власти;
показатели эффективности заместителей Председателя Совета Министров Республики Каракалпакстан, заместителей хокимов областей и города Ташкента.
7. Министерству цифровых технологий совместно с Агентством развития государственной службы, заинтересованными министерствами и ведомствами в месячный срок исходя из требований настоящего Указа усовершенствовать платформу и провести ее интеграцию с соответствующими информационными системами за счет средств Фонда поддержки развития государственной службы.
Министерству цифровых технологий совместно с Национальным комитетом по статистике, Агентством развития государственной службы, заинтересованными министерствами и ведомствами в трехмесячный срок утвердить план мер по поэтапной цифровизации показателей эффективности, электронная отчетность по которым не ведется, до конца 2025 года.
8. Агентству развития государственной службы:
в месячный срок организовать в Академии государственного управления краткосрочные учебные курсы по основам оценки эффективности деятельности руководителей и заместителей руководителей республиканских и местных органов исполнительной власти, а также хозяйственных объединений;
в двухмесячный срок внести в Кабинет Министров порядок оценки деятельности руководителей и заместителей руководителей республиканских и местных органов исполнительной власти, хозяйственных объединений на основе показателей эффективности посредством платформы.
9. Министерству экономики и финансов, Агентству по управлению государственными активами в двухмесячный срок исходя из настоящего Указа обеспечить внесение соответствующих изменений и дополнений в уставы крупных хозяйственных обществ, в которых государственная доля составляет свыше 50 процентов.
10. Возложить персональную ответственность на:
заместителей Премьер-министра А. Раматова, Д. Кучкарова, Ж. Ходжаева, З. Махкамову — за обеспечение своевременной и качественной разработки показателей эффективности для руководителей и заместителей руководителей республиканских и местных органов исполнительной власти, хозяйственных объединений, а также их достижение (по подведомственности);
Председателя Совета Министров Республики Каракалпакстан, хокимов областей и города Ташкента — за обеспечение своевременной и качественной разработки показателей эффективности для своих заместителей, их достижения, а также утверждение показателей эффективности для хокимов районов (городов) и их заместителей;
первого заместителя директора Агентства эффективности управления — за методическую координацию работ по оценке на основе показателей эффективности деятельности руководителей и заместителей руководителей республиканских и местных органов исполнительной власти, хозяйственных объединений, внесение аналитической информации о результатах оценки показателей эффективности в Администрацию Президента Республики Узбекистан;
руководителей республиканских органов исполнительной власти и крупных предприятий с государственным участием — за достижение показателей эффективности, установленных по отраслям и сферам, за которые они несут ответственность, а также правильное и своевременное внесение сведений в платформу.
11. Агентству развития государственной службы в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
12. Контроль за исполнением настоящего Указа возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
13 марта 2024 г.,
№ УП-49