📅 2024-yil 13-mart · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 13 март · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 13 марта 2024 г. · Законы и кодексы
Официальный текст. Официальный документ. Редакционные примечания не включены.
📅 13 March 2024 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг айрим қонун ҳужжатларига жиноятчиликка қарши курашиш бўйича фаолиятнинг ҳуқуқий асосларини такомиллаштиришга қаратилган қўшимча ва ўзгартиришлар киритиш тўғрисида
Қонунчилик палатаси томонидан 2023 йил 17 октябрда қабул қилинган Сенат томонидан 2024 йил 19 январда маъқулланган
Республикамизда фуқароларнинг ҳуқуқлари, эркинликлари ҳамда қонуний манфаатларини ҳимоя қилиш, шахс, жамоат ва давлат хавфсизлигини таъминлаш, ҳуқуқбузарликлар профилактикаси ҳамда жиноятчиликка қарши курашиш бўйича яхлит ҳуқуқий тизим яратилди.
Мамлакатимизда қонун устуворлигини таъминлаш борасида амалга оширилаётган ислоҳотлар ҳуқуқни муҳофаза қилувчи органлар олдига янги вазифаларни қўймоқда ҳамда ушбу органларнинг ўз зиммасига юклатилган вазифаларни бажариш бўйича тезкор ва самарали қарорлар қабул қилиши учун мустаҳкам ҳуқуқий асос яратишга қаратилган.
Мазкур Қонун билан «Тезкор-қидирув фаолияти тўғрисида»ги Ўзбекистон Республикаси Қонунига маълумотларни тўплаш, тезкор киритиш, ниқобланган операция каби тезкор-қидирув тадбирларини амалга ошириш тартибини аниқлаштиришни, шунингдек ахборот технологиялари соҳасидаги жиноятчиликка қарши курашишнинг ҳуқуқий асосларини мустаҳкамлашни, тезкор-қидирув тадбирлари ахборот-коммуникация технологияларини қўллаган ҳолда, шу жумладан кибермаконда ва (ёки) унинг имкониятларидан фойдаланган ҳолда ўтказилиши мумкин эканлигини белгилашни назарда тутувчи қўшимча ва ўзгартиришлар киритилмоқда.
Шу билан бирга «Ички ишлар органлари тўғрисида»ги Ўзбекистон Республикаси Қонунига жиноятларнинг ҳолатларини аниқлаш, жиноятларни содир этган шахсларни аниқлаш ва қидириш, шунингдек жазони ўташдан бўйин товлаётган ёки бедарак йўқолган шахсларни қидириш мақсадида оммавий ахборот воситаларининг имкониятларидан бепул фойдаланишга доир ички ишлар органларининг ҳуқуқларини аниқлаштиришни назарда тутувчи ўзгартириш киритилмоқда.
Бундан ташқари «Маъмурий қамоқни ўташ тартиби тўғрисида»ги Ўзбекистон Республикаси Қонунига маъмурий қамоққа олинган шахсларни қабул қилиш ва сақлаш учун мўлжалланган махсус муассасада тезкор-қидирув фаолиятини амалга ошириш мумкин эканлигини белгиловчи қўшимча киритилмоқда.
Ушбу Қонун жамоат тартибини сақлашни ва фуқаролар хавфсизлигини янада ишончли таъминлашга, шунингдек ҳуқуқбузарликлар профилактикаси ва жиноятчиликка қарши курашиш бўйича тадбирлар самарадорлигини оширишга хизмат қилади.
1-модда. Ўзбекистон Республикасининг 2012 йил 25 декабрда қабул қилинган «Тезкор-қидирув фаолияти тўғрисида»ги ЎРҚ-344-сонли Қонунига (Ўзбекистон Республикаси Олий Мажлиси палаталарининг Ахборотномаси, 2012 йил, № 12, 335-модда; 2016 йил, № 4, 125-модда; 2017 йил, № 9, 506-модда, № 10, 605-модда; 2019 йил, № 1, 5-модда, № 2, 47-модда, № 9, 589-модда, № 12, 891-модда; 2020 йил, № 12, 689-модда; 2021 йил, 4-сонга илова, № 6, 524-модда) қуйидаги қўшимча ва ўзгартиришлар киритилсин:
1) 14-модда :
биринчи қисмининг :
учинчи хатбошиси «маълумотлар базаларини» деган сўзлардан кейин «ахборот тизимларини ва ахборот ресурсларини» деган сўзлар билан тўлдирилсин;
ўн тўртинчи хатбошиси қуйидаги таҳрирда баён этилсин:
«тезкор киритиш — тезкор-қидирув фаолиятини амалга оширувчи орган ходимини ёхуд махфийлик асосида кўмаклашувчи шахсни жиноий-криминоген муҳитга ёки тезкор аҳамиятга эга бўлган объектга тезкор-қидирув фаолиятининг вазифаларини ҳал этиш мақсадида киритишдан ва уларнинг имкониятларидан ноошкора фойдаланишдан иборат бўлган тадбир»;
ўн олтинчи хатбошиси қуйидаги таҳрирда баён этилсин:
«ниқобланган операция — икки ёки ундан ортиқ тезкор-қидирув тадбирини тезкор-қидирув фаолиятининг вазифаларини ҳал этиш мақсадида ошкора ва ноошкора усуллардан фойдаланган ҳолда ўтказишни ўз ичига оладиган комплекс тадбир»;
қуйидаги мазмундаги иккинчи қисм билан тўлдирилсин:
«Тезкор-қидирув тадбирлари ахборот-коммуникация технологиялари қўлланилган ҳолда, шу жумладан кибермаконда ва (ёки) унинг имкониятларидан фойдаланилган ҳолда ўтказилиши мумкин»;
иккинчи қисми учинчи қисм деб ҳисоблансин;
2) 19-модданинг тўртинчи қисмидаги «Тақдим этиладиган материалларнинг ҳажми» деган сўзлар «Тақдим этиладиган материалларнинг тури, тоифаси ва ҳажми» деган сўзлар билан алмаштирилсин.
2-модда. Ўзбекистон Республикасининг 2016 йил 16 сентябрда қабул қилинган «Ички ишлар органлари тўғрисида»ги ЎРҚ-407-сонли Қонуни (Ўзбекистон Республикаси Олий Мажлиси палаталарининг Ахборотномаси, 2016 йил, № 9, 272-модда; 2017 йил, № 6, 300-модда, № 9, 510-модда; 2019 йил, № 2, 47-модда, № 5, 267-модда, № 9, 588, 591-моддалар, № 10, 674-модда, № 12, 891-модда; 2021 йил, 4-сонга илова; 2022 йил, № 3, 216-модда, № 5, 466-модда, № 6, 570-модда, № 10, 984-модда) 17-моддаси биринчи қисмининг йигирма биринчи хатбошиси «давлат органлари» деган сўзлардан кейин «ва бошқа ташкилотлар» деган сўзлар билан тўлдирилсин.
3-модда. Ўзбекистон Республикасининг 2017 йил 9 январда қабул қилинган «Маъмурий қамоқни ўташ тартиби тўғрисида»ги ЎРҚ-420-сонли Қонунининг (Ўзбекистон Республикаси Олий Мажлиси палаталарининг Ахборотномаси, 2017 йил, № 1, 2-модда; 2019 йил, № 12, 880-модда; 2021 йил, 4-сонга илова, № 11, 1061-модда; 2022 йил, № 10, 984-модда; 2023 йил, № 3, 185-модда) 1-боби қуйидаги мазмундаги 6 1 -модда билан тўлдирилсин:
« 6 1 -модда. Махсус қабулхоналардаги тезкор-қидирув фаолияти
Махсус қабулхоналардаги тезкор-қидирув фаолияти жиноятларнинг олдини олиш, уларни аниқлаш, уларга барҳам бериш ва уларни фош этиш, шунингдек жиноятларга тайёргарлик кўришга ва уларни содир этишга дахлдор бўлган шахсларни аниқлаш, топиш ҳамда қидириш мақсадида, қонунчиликда белгиланган тартибда амалга оширилади».
4-модда. Ўзбекистон Республикаси Ички ишлар вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
5-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
6-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2024 йил 13 март,
ЎРҚ-920-сон
Oʻzbekiston Respublikasining Qonuni
Oʻzbekiston Respublikasining ayrim qonun hujjatlariga jinoyatchilikka qarshi kurashish boʻyicha faoliyatning huquqiy asoslarini takomillashtirishga qaratilgan qoʻshimcha va oʻzgartirishlar kiritish toʻgʻrisida
Qonunchilik palatasi tomonidan 2023-yil 17-oktabrda qabul qilingan Senat tomonidan 2024-yil 19-yanvarda maʼqullangan
Respublikamizda fuqarolarning huquqlari, erkinliklari hamda qonuniy manfaatlarini himoya qilish, shaxs, jamoat va davlat xavfsizligini taʼminlash, huquqbuzarliklar profilaktikasi hamda jinoyatchilikka qarshi kurashish boʻyicha yaxlit huquqiy tizim yaratildi.
Mamlakatimizda qonun ustuvorligini taʼminlash borasida amalga oshirilayotgan islohotlar huquqni muhofaza qiluvchi organlar oldiga yangi vazifalarni qoʻymoqda hamda ushbu organlarning oʻz zimmasiga yuklatilgan vazifalarni bajarish boʻyicha tezkor va samarali qarorlar qabul qilishi uchun mustahkam huquqiy asos yaratishga qaratilgan.
Mazkur Qonun bilan “Tezkor-qidiruv faoliyati toʻgʻrisida”gi Oʻzbekiston Respublikasi Qonuniga maʼlumotlarni toʻplash, tezkor kiritish, niqoblangan operatsiya kabi tezkor-qidiruv tadbirlarini amalga oshirish tartibini aniqlashtirishni, shuningdek axborot texnologiyalari sohasidagi jinoyatchilikka qarshi kurashishning huquqiy asoslarini mustahkamlashni, tezkor-qidiruv tadbirlari axborot-kommunikatsiya texnologiyalarini qoʻllagan holda, shu jumladan kibermakonda va (yoki) uning imkoniyatlaridan foydalangan holda oʻtkazilishi mumkin ekanligini belgilashni nazarda tutuvchi qoʻshimcha va oʻzgartirishlar kiritilmoqda.
Shu bilan birga “Ichki ishlar organlari toʻgʻrisida”gi Oʻzbekiston Respublikasi Qonuniga jinoyatlarning holatlarini aniqlash, jinoyatlarni sodir etgan shaxslarni aniqlash va qidirish, shuningdek jazoni oʻtashdan boʻyin tovlayotgan yoki bedarak yoʻqolgan shaxslarni qidirish maqsadida ommaviy axborot vositalarining imkoniyatlaridan bepul foydalanishga doir ichki ishlar organlarining huquqlarini aniqlashtirishni nazarda tutuvchi oʻzgartirish kiritilmoqda.
Bundan tashqari “Maʼmuriy qamoqni oʻtash tartibi toʻgʻrisida”gi Oʻzbekiston Respublikasi Qonuniga maʼmuriy qamoqqa olingan shaxslarni qabul qilish va saqlash uchun moʻljallangan maxsus muassasada tezkor-qidiruv faoliyatini amalga oshirish mumkin ekanligini belgilovchi qoʻshimcha kiritilmoqda.
Ushbu Qonun jamoat tartibini saqlashni va fuqarolar xavfsizligini yanada ishonchli taʼminlashga, shuningdek huquqbuzarliklar profilaktikasi va jinoyatchilikka qarshi kurashish boʻyicha tadbirlar samaradorligini oshirishga xizmat qiladi.
1-modda. Oʻzbekiston Respublikasining 2012-yil 25-dekabrda qabul qilingan “Tezkor-qidiruv faoliyati toʻgʻrisida”gi OʻRQ-344-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2012-yil, № 12, 335-modda; 2016-yil, № 4, 125-modda; 2017-yil, № 9, 506-modda, № 10, 605-modda; 2019-yil, № 1, 5-modda, № 2, 47-modda, № 9, 589-modda, № 12, 891-modda; 2020-yil, № 12, 689-modda; 2021-yil, 4-songa ilova, № 6, 524-modda) quyidagi qoʻshimcha va oʻzgartirishlar kiritilsin:
1) 14-modda :
birinchi qismining :
uchinchi xatboshisi “maʼlumotlar bazalarini” degan soʻzlardan keyin “axborot tizimlarini va axborot resurslarini” degan soʻzlar bilan toʻldirilsin;
oʻn toʻrtinchi xatboshisi quyidagi tahrirda bayon etilsin:
“tezkor kiritish — tezkor-qidiruv faoliyatini amalga oshiruvchi organ xodimini yoxud maxfiylik asosida koʻmaklashuvchi shaxsni jinoiy-kriminogen muhitga yoki tezkor ahamiyatga ega boʻlgan obyektga tezkor-qidiruv faoliyatining vazifalarini hal etish maqsadida kiritishdan va ularning imkoniyatlaridan nooshkora foydalanishdan iborat boʻlgan tadbir”;
oʻn oltinchi xatboshisi quyidagi tahrirda bayon etilsin:
“niqoblangan operatsiya — ikki yoki undan ortiq tezkor-qidiruv tadbirini tezkor-qidiruv faoliyatining vazifalarini hal etish maqsadida oshkora va nooshkora usullardan foydalangan holda oʻtkazishni oʻz ichiga oladigan kompleks tadbir”;
quyidagi mazmundagi ikkinchi qism bilan toʻldirilsin:
“Tezkor-qidiruv tadbirlari axborot-kommunikatsiya texnologiyalari qoʻllanilgan holda, shu jumladan kibermakonda va (yoki) uning imkoniyatlaridan foydalanilgan holda oʻtkazilishi mumkin”;
ikkinchi qismi uchinchi qism deb hisoblansin;
2) 19-moddaning toʻrtinchi qismidagi “Taqdim etiladigan materiallarning hajmi” degan soʻzlar “Taqdim etiladigan materiallarning turi, toifasi va hajmi” degan soʻzlar bilan almashtirilsin.
2-modda. Oʻzbekiston Respublikasining 2016-yil 16-sentabrda qabul qilingan “Ichki ishlar organlari toʻgʻrisida”gi OʻRQ-407-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2016-yil, № 9, 272-modda; 2017-yil, № 6, 300-modda, № 9, 510-modda; 2019-yil, № 2, 47-modda, № 5, 267-modda, № 9, 588, 591-moddalar, № 10, 674-modda, № 12, 891-modda; 2021-yil, 4-songa ilova; 2022-yil, № 3, 216-modda, № 5, 466-modda, № 6, 570-modda, № 10, 984-modda) 17-moddasi birinchi qismining yigirma birinchi xatboshisi “davlat organlari” degan soʻzlardan keyin “va boshqa tashkilotlar” degan soʻzlar bilan toʻldirilsin.
3-modda. Oʻzbekiston Respublikasining 2017-yil 9-yanvarda qabul qilingan “Maʼmuriy qamoqni oʻtash tartibi toʻgʻrisida”gi OʻRQ-420-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2017-yil, № 1, 2-modda; 2019-yil, № 12, 880-modda; 2021-yil, 4-songa ilova, № 11, 1061-modda; 2022-yil, № 10, 984-modda; 2023-yil, № 3, 185-modda) 1-bobi quyidagi mazmundagi 6 1 -modda bilan toʻldirilsin:
“ 6 1 -modda. Maxsus qabulxonalardagi tezkor-qidiruv faoliyati
Maxsus qabulxonalardagi tezkor-qidiruv faoliyati jinoyatlarning oldini olish, ularni aniqlash, ularga barham berish va ularni fosh etish, shuningdek jinoyatlarga tayyorgarlik koʻrishga va ularni sodir etishga daxldor boʻlgan shaxslarni aniqlash, topish hamda qidirish maqsadida, qonunchilikda belgilangan tartibda amalga oshiriladi”.
4-modda. Oʻzbekiston Respublikasi Ichki ishlar vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
5-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
6-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2024-yil 13-mart,
OʻRQ-920-son
Закон Республики Узбекистан
О внесении дополнений и изменений в некоторые законодательные акты Республики Узбекистан, направленных на совершенствование правовых основ деятельности по борьбе с преступностью
Принят Законодательной палатой 17 октября 2023 года Одобрен Сенатом 19 января 2024 года
В республике создана целостная правовая система по защите прав, свобод и законных интересов граждан, обеспечению безопасности личности, общества и государства, профилактике правонарушений и борьбе с преступностью.
Осуществляемые реформы в стране по обеспечению верховенства закона ставят новые задачи перед правоохранительными органами и направлены на создание прочной правовой основы для принятия ими оперативных и эффективных решений по выполнению возложенных на них задач.
Данным Законом вносятся дополнения и изменения в Закон Республики Узбекистан «Об оперативно-розыскной деятельности», предусматривающие уточнение порядка осуществления таких оперативно-розыскных мероприятий, как наведение справок, оперативное внедрение, операция под прикрытием, а также укрепление правовых основ борьбы с преступностью в сфере информационных технологий, определение возможности проведения оперативно-розыскных мероприятий с применением информационно-коммуникационных технологий, в том числе в киберпространстве и (или) с использованием его возможностей.
Вместе с тем в Закон Республики Узбекистан «Об органах внутренних дел» вносится изменение, предусматривающее уточнение прав органов внутренних дел по безвозмездному использованию возможностей средств массовой информации в целях установления обстоятельств преступлений, установления и розыска лиц, совершивших преступления, а также розыска лиц, уклоняющихся от отбывания наказания или без вести пропавших.
Кроме того, в Закон Республики Узбекистан «О порядке отбывания административного ареста» вносится дополнение, устанавливающее возможность осуществления оперативно-розыскной деятельности в специальном учреждении, предназначенном для приема и содержания лиц, подвергнутых административному аресту.
Настоящий Закон будет служить более надежному обеспечению охраны общественного порядка и безопасности граждан, а также повышению эффективности мероприятий по профилактике правонарушений и борьбе с преступностью.
Статья 1. Внести в Закон Республики Узбекистан от 25 декабря 2012 года № ЗРУ-344 «Об оперативно-розыскной деятельности» (Ведомости палат Олий Мажлиса Республики Узбекистан, 2012 г., № 12, ст. 335; 2016 г., № 4, ст. 125; 2017 г., № 9, ст. 506, № 10, ст. 605; 2019 г., № 1, ст. 5, № 2, ст. 47, № 9, ст. 589, № 12, ст. 891; 2020 г., № 12, ст. 689; 2021 г., приложение к № 4, № 6, ст. 524) следующие дополнения и изменения:
1) в статье 14 :
в части первой :
абзац третий после слов «баз данных» дополнить словами «информационных систем и информационных ресурсов»;
абзац четырнадцатый изложить в следующей редакции:
«оперативное внедрение — мероприятие, заключающееся во внедрении сотрудника органа, осуществляющего оперативно-розыскную деятельность, либо лица, оказывающего содействие на конфиденциальной основе, в криминально-криминогенную среду или на объект оперативного интереса и в негласном использовании их возможностей в целях решения задач оперативно-розыскной деятельности»;
абзац шестнадцатый изложить в следующей редакции:
«операция под прикрытием — комплексное мероприятие, включающее проведение двух или более оперативно-розыскных мероприятий с использованием гласных и негласных методов, в целях решения задач оперативно-розыскной деятельности»;
дополнить частью второй следующего содержания:
«Оперативно-розыскные мероприятия могут проводиться с применением информационно-коммуникационных технологий, в том числе в киберпространстве и (или) с использованием его возможностей»;
часть вторую считать частью третьей;
2) в части четвертой статьи 19 слова «Объем представляемых материалов» заменить словами «Вид, категория и объем представляемых материалов».
Статья 2. Абзац двадцать первый части первой статьи 17 Закона Республики Узбекистан от 16 сентября 2016 года № ЗРУ-407 «Об органах внутренних дел» (Ведомости палат Олий Мажлиса Республики Узбекистан, 2016 г., № 9, ст. 272; 2017 г., № 6, ст. 300, № 9, ст. 510; 2019 г., № 2, ст. 47, № 5, ст. 267, № 9, ст.ст. 588, 591, № 10, ст. 674, № 12, ст. 891; 2021 г., приложение к № 4; 2022 г., № 3, ст. 216, № 5, ст. 466, № 6, ст. 570; № 10, ст. 984) после слов «государственными органами» дополнить словами «и иными организациями».
Статья 3. Главу 1 Закона Республики Узбекистан от 9 января 2017 года № ЗРУ-420 «О порядке отбывания административного ареста» (Ведомости палат Олий Мажлиса Республики Узбекистан, 2017 г., № 1, ст. 2; 2019 г., № 12, ст. 880; 2021 г., приложение к № 4, № 11, ст. 1061; 2022 г., № 10, ст. 984; 2023 г., № 3, ст. 185) дополнить статьей 6 1 следующего содержания:
« Статья 6 1 . Оперативно-розыскная деятельность в специальных приемниках
В специальных приемниках оперативно-розыскная деятельность осуществляется в порядке, установленном законодательством, в целях предупреждения, выявления, пресечения и раскрытия преступлений, а также выявления, установления и розыска лиц, причастных к подготовке и совершению преступления».
Статья 4. Министерству внутренних дел Республики Узбекистан, Национальному информационному агентству Узбекистана, Национальной телерадиокомпании Узбекистана и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 5. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 6. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
13 марта 2024 г.,
№ ЗРУ-920