📅 2024-yil 14-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 14 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 марта 2024 г. · Постановления Президента
Официальный текст. Официальный документ. Редакционные примечания не включены.
📅 14 March 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Қашқадарё вилоятида қуввати 300 МВт бўлган қуёш фотоэлектр станциясини ҳамда 75 МВт бўлган электр энергиясини сақлаш тизимини давлат-хусусий шериклик шартлари асосида қуриш ва бошқариш» лойиҳасини амалга ошириш чора-тадбирлари тўғрисида
Электр энергиясини ишлаб чиқариш манбаларини диверсификациялаш, аҳоли ва иқтисодиёт тармоқларининг энергия ресурсларига ортиб бораётган эҳтиёжини таъминлаш, электр энергиясини ишлаб чиқаришда табиий газдан фойдаланишни камайтириш ҳамда қайта тикланувчи энергия манбаларидан фойдаланиш кўламини кенгайтириш учун тўғридан-тўғри хорижий инвестицияларни кенг жалб қилиш мақсадида:
1. Осиё тараққиёт банкининг молиявий ва техник кўмагида Ўзбекистон Республикасининг «Давлат-хусусий шериклик тўғрисида»ги Қонуни асосида «Қашқадарё вилоятида қуввати 300 МВт бўлган қуёш фотоэлектр станциясини ҳамда 75 МВт бўлган электр энергиясини сақлаш тизимини давлат-хусусий шериклик шартлари асосида қуриш ва бошқариш» лойиҳасини (кейинги ўринларда — Лойиҳа) молиялаштириш, лойиҳалаштириш, қуриш, ишга тушириш ва синовдан ўтказиш, унга эгалик қилиш, техник хизмат кўрсатиш ва ундан фойдаланиш, ишлаб чиқарилган электр энергиясини етказиб бериш (сотиш), шунингдек, қуёш фотоэлектр станциясини ягона электр энергетика тизимига улаш учун қуриладиган ҳаво электр узатиш тармоқлари ва бошқа электр инфратузилмасини барпо этиш бўйича халқаро тендер натижаларига кўра:
а) «Abu Dhabi Future Energy Company PJSC — Masdar» (БАА) компанияси тендер ғолиби (кейинги ўринларда — Тендер ғолиби) деб топилганлиги;
б) Тендер ғолиби томонидан Лойиҳани амалга ошириш учун хусусий шерик сифатида Ўзбекистон Республикасида «Nur Kashkadarya Solar PV» МЧЖ (кейинги ўринларда — Хусусий шерик) таъсис этилганлиги;
в) Ўзбекистон Республикаси номидан Иқтисодиёт ва молия вазирлиги ҳамда Тендер ғолиби номидан Хусусий шерик ўртасида 2023 йил 30 ноябрда Давлат томонидан қўллаб-қувватлаш тўғрисидаги битим тузилганлиги ҳамда унга мувофиқ:
Лойиҳани амалга оширишнинг бутун даври мобайнида Қашқадарё вилоятида қуввати 300 МВт бўлган қуёш фотоэлектр станциясини ҳамда 75 МВт бўлган электр энергиясини сақлаш тизимини Хусусий шерик лойиҳалаштириши, молиялаштириши, қуриши ва эксплуатация қилиши;
юзага келиши мумкин бўлган хавф-хатарларни ўз зиммасига олган ҳолда, дастлабки баҳолаш бўйича жами 250,5 млн АҚШ доллари миқдорида тўғридан-тўғри хорижий инвестицияларни жалб этиши;
г) «Ўзбекистон миллий электр тармоқлари» АЖ (кейинги ўринларда — Давлат шериги) ва Хусусий шерик ўртасида 2023 йил 30 ноябрда Электр энергиясини сотиб олиш тўғрисидаги битим имзоланганлиги ҳамда унга мувофиқ:
Хусусий шерик ишлаб чиқарилган электр энергиясини ва электр энергиясини сақлаш тизимидаги қувватни Давлат шеригига кафолатланган тарзда сотиш мажбуриятини олиши;
Хусусий шерик қурилиш давридаги ўз мажбуриятлари лозим даражада бажарилишининг таъминоти сифатида 60 млн АҚШ доллари миқдорида биринчи даражали хорижий банк кафолатини тақдим этиши;
Лойиҳа доирасида фотоэлектр станциясини ягона электр энергетика тармоғига улаш учун Хусусий шерик томонидан ҳаво электр узатиш тармоқлари қурилиши ҳамда ишга туширилгандан сўнг уларни Давлат шеригига топшириш мажбуриятини ўз зиммасига олиши;
Давлат шериги 25 йил давомида электр энергиясини кафолатланган тарзда харид қилиш мажбуриятини олиши белгиланганлиги;
д) Лойиҳа доирасида юзага келадиган қисқартирилган иссиқхона гази эмиссиялари ҳажми (яшил атрибутлар) Ўзбекистон Республикаси Ҳукумати томонидан тўлиқ тасарруф қилиниши маълумот учун қабул қилинсин.
2. Қуйидагилар:
Ўзбекистон Республикаси Ҳукумати номидан Иқтисодиёт ва молия вазирлиги ва Хусусий шерик ўртасида имзоланган Давлат томонидан қўллаб-қувватлаш тўғрисидаги битим тасдиқлансин;
Давлат шериги ва Хусусий шерик ўртасида тузилган Электр энергиясини сотиб олиш тўғрисидаги битим маъқуллансин.
3. Давлат томонидан қўллаб-қувватлаш тўғрисидаги битим ва Электр энергиясини сотиб олиш тўғрисидаги битим доирасида ишлаб чиқарилган 1 киловатт соат электр энергияси учун чет эл валютасида деноминацияланган 0,03 АҚШ доллари ва электр энергиясини сақлаш тизимининг фойдаланишга тайёр ҳолати учун ҳар бир мегаваттига (соатига) 6,33 АҚШ доллари миқдорида тариф ўрнатилганлиги белгилаб қўйилсин.
4. Иқтисодиёт ва молия вазирлиги, Энергетика вазирлиги ҳамда Давлат шеригига Хусусий шерик томонидан Лойиҳани амалга ошириш доирасида имзоланган битимлар бўйича мажбуриятлар бажарилмаган тақдирда, Хусусий шерик ва Тендер ғолиби ҳуқуқини Лойиҳани молиялаштиришда иштирок этадиган бошқа кредиторларга тўғридан-тўғри ўтказиш юзасидан битимлар тузиш ҳуқуқи берилсин.
5. Давлат шеригига:
Хусусий шерик билан биргаликда Электр энергиясини сотиб олиш тўғрисидаги битимда белгиланган тартиб-таомилларга мувофиқ Лойиҳани амалга ошириш учун халқаро мустақил инжиниринг компаниясини ва бошқа маслаҳатчиларни тўғридан-тўғри шартномалар тузган ҳолда жалб қилишга;
ишлаб чиқариладиган электр энергиясини уч ой мобайнида сотиб олиш мажбурияти бажарилишининг таъминоти сифатида Хусусий шерик фойдасига хорижий банкнинг чет эл валютасида тасдиқланган ва тикланадиган аккредитивини очишга рухсат берилсин.
6. Лойиҳани амалга ошириш доирасида Хусусий шерикка, барча солиқлар ва йиғимлар тўланган ҳолда, қуйидаги ҳуқуқлар берилсин:
чет эл валютасида маблағлар олиш ва улардан фойдаланиш (шу жумладан, чет эл валютасида кредит тушумлари) учун чет элдаги банкларда банк ҳисобварақларини очиш;
Ўзбекистон Республикасидан ташқарида бўлган хорижий пудрат ташкилотлари, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга ошириш.
7. Қашқадарё вилояти ҳокимлиги:
Энергетика вазирлиги, Иқтисодиёт ва молия вазирлиги, Қишлоқ хўжалиги вазирлиги ҳамда Хусусий шерик билан биргаликда уч ой муддатда Лойиҳани амалга ошириш учун Қашқадарё вилояти ҳудудида қуёш фотоэлектр станциясини, электр энергиясини сақлаш тизимини, электр узатиш тармоқларини ва электр инфратузилмаси қурилмаларини қуриш учун зарур ер участкаларини танлаб олсин ва уларнинг чегараларига аниқлик киритиб, Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига таклиф киритсин.
Хусусий шерик томонидан тақдим этиладиган Лойиҳа ҳужжатлари асосида танланган ер участкасини Энергетика вазирлигига доимий фойдаланиш ҳуқуқи билан ажратсин.
Энергетика вазирлиги мазкур ер участкаси Лойиҳани амалга ошириш муддатига тенг даврга Хусусий шерикка ижарага берилишини таъминласин.
Бунда, Хусусий шерик томонидан ер участкалари учун тўланадиган ижара тўлови миқдори ер солиғи миқдорига тенглаштирилсин.
8. Белгилансинки, Лойиҳани амалга оширишда:
Энергетика вазирлиги қишлоқ хўжалигига мўлжалланган ерлардан фойдаланганлик (тоифаси ўзгартирилганлиги) учун қишлоқ хўжалиги ишлаб чиқариши нобудгарчилиги ўрнини қоплашдан (компенсация тўловларидан) озод қилинади;
қуёш фотоэлектр станциясини ва электр энергиясини сақлаш тизимини қуриш билан боғлиқ қурилиш ва ер ишларини бажариш, бино ва иншоотлар пойдеворини лойиҳалаштириш нормалари ва қоидалари халқаро стандартлар билан тартибга солинади;
электр энергияси ва электр энергиясини сақлаш тизимидан фойдаланганлик учун тўловлар чет эл валютасида деноминацияланган қатъий тариф бўйича миллий валютада амалга оширилади.
9. Хусусий шерикнинг буюртманомасига биноан:
Ташқи ишлар вазирлиги — Лойиҳани амалга ошириш доирасида жалб қилинадиган хорижий мутахассислар учун кириш визалари, зарур ҳолларда, Ислом Каримов номидаги «Тошкент» халқаро аэропортида белгиланган тартибда расмийлаштирилишини;
Ички ишлар вазирлиги — Хусусий шерик ва Лойиҳа доирасида жалб қилинадиган пудрат ташкилотларининг хорижий мутахассислари ҳамда уларнинг оила аъзоларига кўп марталик виза берилиши ва муддати узайтирилишини, шунингдек, турган жойи бўйича рўйхатдан ўтказилиши ва унинг муддати узайтирилишини;
Камбағалликни қисқартириш ва бандлик вазирлиги — хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтиришини) таъминласин.
10. Қашқадарё вилояти ҳокимлиги, Қурилиш ва уй-жой коммунал хўжалиги вазирлиги, Кадастр агентлиги ҳамда Экология, атроф-муҳитни муҳофаза қилиш ва иқлим ўзгариши вазирлиги Лойиҳани амалга ошириш муддати давомида:
станциядан 500 метр радиус ичида станцияга соя тушишига сабаб бўлувчи объектларнинг қурилмаслигини;
Тоғ-кон саноати ва геология вазирлиги билан биргаликда станцияда ҳаво ифлосланишига олиб келувчи (радиация камайишига сабаб бўладиган) 5 км радиус ҳудудда янги саноат объектини қуриш, қазилмалар қазиб олиш ёки чиқиндилар билан амалиётларнинг, шунингдек, мавжуд сувнинг камайишига сабаб бўладиган ишларнинг амалга оширилмаслигини таъминласин.
11. Иқтисодиёт ва молия вазирлиги Энергетика вазирлиги билан биргаликда Лойиҳа амалга оширилиши, шунингдек, томонларнинг Давлат томонидан қўллаб-қувватлаш тўғрисидаги ва Электр энергиясини сотиб олиш тўғрисидаги битимлар доирасидаги мажбуриятлари бажарилиши устидан доимий назорат ўрнатсин.
12. Адлия вазирлиги Лойиҳани амалга ошириш доирасида Давлат томонидан қўллаб-қувватлаш тўғрисидаги битим ва унинг қоидаларига мувофиқ имзоланган битимлар юзасидан юридик хулосалар берсин.
13. Иқтисодиёт ва молия вазирига Ўзбекистон Республикаси Ҳукумати номидан «Ўзбекистон миллий электр тармоқлари» АЖнинг аккредитив очадиган хорижий банк олдидаги тўлов мажбуриятлари Осиё тараққиёт банки, Жаҳон банки ёки Европа тикланиш ва тараққиёт банки кафолати орқали бажарилган тақдирда, мазкур банк билан Ўзбекистон Республикаси Ҳукуматига мақбул шаклдаги ушбу банк харажатларини қоплаш тўғрисидаги битимни имзолаш ваколати берилсин.
14. Экология, атроф-муҳитни муҳофаза қилиш ва иқлим ўзгариши вазирлиги Лойиҳа ҳужжатлари белгиланган тартибда экологик экспертизадан ўтказилишини таъминласин ва Лойиҳани амалга оширишда табиатни муҳофаза қилишга оид қонунчилик ҳужжатларига риоя этилишини назорат қилсин.
15. Мазкур қарорнинг ижросини самарали ташкил қилишга масъул ва шахсий жавобгар этиб энергетика вазири Ж.Т. Мирзамаҳмудов белгилансин.
Қарор ижроси учун масъул вазирлик ва идоралар фаолиятини мувофиқлаштириш ҳамда назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 14 март,
ПҚ-125-сон
Oʻzbekiston Respublikasi Prezidentining
Qarori
“Qashqadaryo viloyatida quvvati 300 MVt boʻlgan quyosh fotoelektr stansiyasini hamda 75 MVt boʻlgan elektr energiyasini saqlash tizimini davlat-xususiy sheriklik shartlari asosida qurish va boshqarish” loyihasini amalga oshirish chora-tadbirlari toʻgʻrisida
Elektr energiyasini ishlab chiqarish manbalarini diversifikatsiyalash, aholi va iqtisodiyot tarmoqlarining energiya resurslariga ortib borayotgan ehtiyojini taʼminlash, elektr energiyasini ishlab chiqarishda tabiiy gazdan foydalanishni kamaytirish hamda qayta tiklanuvchi energiya manbalaridan foydalanish koʻlamini kengaytirish uchun toʻgʻridan-toʻgʻri xorijiy investitsiyalarni keng jalb qilish maqsadida:
1. Osiyo taraqqiyot bankining moliyaviy va texnik koʻmagida Oʻzbekiston Respublikasining “Davlat-xususiy sheriklik toʻgʻrisida”gi Qonuni asosida “Qashqadaryo viloyatida quvvati 300 MVt boʻlgan quyosh fotoelektr stansiyasini hamda 75 MVt boʻlgan elektr energiyasini saqlash tizimini davlat-xususiy sheriklik shartlari asosida qurish va boshqarish” loyihasini (keyingi oʻrinlarda — Loyiha) moliyalashtirish, loyihalashtirish, qurish, ishga tushirish va sinovdan oʻtkazish, unga egalik qilish, texnik xizmat koʻrsatish va undan foydalanish, ishlab chiqarilgan elektr energiyasini yetkazib berish (sotish), shuningdek, quyosh fotoelektr stansiyasini yagona elektr energetika tizimiga ulash uchun quriladigan havo elektr uzatish tarmoqlari va boshqa elektr infratuzilmasini barpo etish boʻyicha xalqaro tender natijalariga koʻra:
a) “Abu Dhabi Future Energy Company PJSC — Masdar” (BAA) kompaniyasi tender gʻolibi (keyingi oʻrinlarda — Tender gʻolibi) deb topilganligi;
b) Tender gʻolibi tomonidan Loyihani amalga oshirish uchun xususiy sherik sifatida Oʻzbekiston Respublikasida “Nur Kashkadarya Solar PV” MCHJ (keyingi oʻrinlarda — Xususiy sherik) taʼsis etilganligi;
v) Oʻzbekiston Respublikasi nomidan Iqtisodiyot va moliya vazirligi hamda Tender gʻolibi nomidan Xususiy sherik oʻrtasida 2023-yil 30-noyabrda Davlat tomonidan qoʻllab-quvvatlash toʻgʻrisidagi bitim tuzilganligi hamda unga muvofiq:
Loyihani amalga oshirishning butun davri mobaynida Qashqadaryo viloyatida quvvati 300 MVt boʻlgan quyosh fotoelektr stansiyasini hamda 75 MVt boʻlgan elektr energiyasini saqlash tizimini Xususiy sherik loyihalashtirishi, moliyalashtirishi, qurishi va ekspluatatsiya qilishi;
yuzaga kelishi mumkin boʻlgan xavf-xatarlarni oʻz zimmasiga olgan holda, dastlabki baholash boʻyicha jami 250,5 mln AQSH dollari miqdorida toʻgʻridan-toʻgʻri xorijiy investitsiyalarni jalb etishi;
g) “Oʻzbekiston milliy elektr tarmoqlari” AJ (keyingi oʻrinlarda — Davlat sherigi) va Xususiy sherik oʻrtasida 2023-yil 30-noyabrda Elektr energiyasini sotib olish toʻgʻrisidagi bitim imzolanganligi hamda unga muvofiq:
Xususiy sherik ishlab chiqarilgan elektr energiyasini va elektr energiyasini saqlash tizimidagi quvvatni Davlat sherigiga kafolatlangan tarzda sotish majburiyatini olishi;
Xususiy sherik qurilish davridagi oʻz majburiyatlari lozim darajada bajarilishining taʼminoti sifatida 60 mln AQSH dollari miqdorida birinchi darajali xorijiy bank kafolatini taqdim etishi;
Loyiha doirasida fotoelektr stansiyasini yagona elektr energetika tarmogʻiga ulash uchun Xususiy sherik tomonidan havo elektr uzatish tarmoqlari qurilishi hamda ishga tushirilgandan soʻng ularni Davlat sherigiga topshirish majburiyatini oʻz zimmasiga olishi;
Davlat sherigi 25 yil davomida elektr energiyasini kafolatlangan tarzda xarid qilish majburiyatini olishi belgilanganligi;
d) Loyiha doirasida yuzaga keladigan qisqartirilgan issiqxona gazi emissiyalari hajmi (yashil atributlar) Oʻzbekiston Respublikasi Hukumati tomonidan toʻliq tasarruf qilinishi maʼlumot uchun qabul qilinsin.
2. Quyidagilar:
Oʻzbekiston Respublikasi Hukumati nomidan Iqtisodiyot va moliya vazirligi va Xususiy sherik oʻrtasida imzolangan Davlat tomonidan qoʻllab-quvvatlash toʻgʻrisidagi bitim tasdiqlansin;
Davlat sherigi va Xususiy sherik oʻrtasida tuzilgan Elektr energiyasini sotib olish toʻgʻrisidagi bitim maʼqullansin.
3. Davlat tomonidan qoʻllab-quvvatlash toʻgʻrisidagi bitim va Elektr energiyasini sotib olish toʻgʻrisidagi bitim doirasida ishlab chiqarilgan 1 kilovatt soat elektr energiyasi uchun chet el valyutasida denominatsiyalangan 0,03 AQSH dollari va elektr energiyasini saqlash tizimining foydalanishga tayyor holati uchun har bir megavattiga (soatiga) 6,33 AQSH dollari miqdorida tarif oʻrnatilganligi belgilab qoʻyilsin.
4. Iqtisodiyot va moliya vazirligi, Energetika vazirligi hamda Davlat sherigiga Xususiy sherik tomonidan Loyihani amalga oshirish doirasida imzolangan bitimlar boʻyicha majburiyatlar bajarilmagan taqdirda, Xususiy sherik va Tender gʻolibi huquqini Loyihani moliyalashtirishda ishtirok etadigan boshqa kreditorlarga toʻgʻridan-toʻgʻri oʻtkazish yuzasidan bitimlar tuzish huquqi berilsin.
5. Davlat sherigiga:
Xususiy sherik bilan birgalikda Elektr energiyasini sotib olish toʻgʻrisidagi bitimda belgilangan tartib-taomillarga muvofiq Loyihani amalga oshirish uchun xalqaro mustaqil injiniring kompaniyasini va boshqa maslahatchilarni toʻgʻridan-toʻgʻri shartnomalar tuzgan holda jalb qilishga;
ishlab chiqariladigan elektr energiyasini uch oy mobaynida sotib olish majburiyati bajarilishining taʼminoti sifatida Xususiy sherik foydasiga xorijiy bankning chet el valyutasida tasdiqlangan va tiklanadigan akkreditivini ochishga ruxsat berilsin.
6. Loyihani amalga oshirish doirasida Xususiy sherikka, barcha soliqlar va yigʻimlar toʻlangan holda, quyidagi huquqlar berilsin:
chet el valyutasida mablagʻlar olish va ulardan foydalanish (shu jumladan, chet el valyutasida kredit tushumlari) uchun chet eldagi banklarda bank hisobvaraqlarini ochish;
Oʻzbekiston Respublikasidan tashqarida boʻlgan xorijiy pudrat tashkilotlari, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirish.
7. Qashqadaryo viloyati hokimligi:
Energetika vazirligi, Iqtisodiyot va moliya vazirligi, Qishloq xoʻjaligi vazirligi hamda Xususiy sherik bilan birgalikda uch oy muddatda Loyihani amalga oshirish uchun Qashqadaryo viloyati hududida quyosh fotoelektr stansiyasini, elektr energiyasini saqlash tizimini, elektr uzatish tarmoqlarini va elektr infratuzilmasi qurilmalarini qurish uchun zarur yer uchastkalarini tanlab olsin va ularning chegaralariga aniqlik kiritib, Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga taklif kiritsin.
Xususiy sherik tomonidan taqdim etiladigan Loyiha hujjatlari asosida tanlangan yer uchastkasini Energetika vazirligiga doimiy foydalanish huquqi bilan ajratsin.
Energetika vazirligi mazkur yer uchastkasi Loyihani amalga oshirish muddatiga teng davrga Xususiy sherikka ijaraga berilishini taʼminlasin.
Bunda, Xususiy sherik tomonidan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtirilsin.
8. Belgilansinki, Loyihani amalga oshirishda:
Energetika vazirligi qishloq xoʻjaligiga moʻljallangan yerlardan foydalanganlik (toifasi oʻzgartirilganligi) uchun qishloq xoʻjaligi ishlab chiqarishi nobudgarchiligi oʻrnini qoplashdan (kompensatsiya toʻlovlaridan) ozod qilinadi;
quyosh fotoelektr stansiyasini va elektr energiyasini saqlash tizimini qurish bilan bogʻliq qurilish va yer ishlarini bajarish, bino va inshootlar poydevorini loyihalashtirish normalari va qoidalari xalqaro standartlar bilan tartibga solinadi;
elektr energiyasi va elektr energiyasini saqlash tizimidan foydalanganlik uchun toʻlovlar chet el valyutasida denominatsiyalangan qatʼiy tarif boʻyicha milliy valyutada amalga oshiriladi.
9. Xususiy sherikning buyurtmanomasiga binoan:
Tashqi ishlar vazirligi — Loyihani amalga oshirish doirasida jalb qilinadigan xorijiy mutaxassislar uchun kirish vizalari, zarur hollarda, Islom Karimov nomidagi “Toshkent” xalqaro aeroportida belgilangan tartibda rasmiylashtirilishini;
Ichki ishlar vazirligi — Xususiy sherik va Loyiha doirasida jalb qilinadigan pudrat tashkilotlarining xorijiy mutaxassislari hamda ularning oila aʼzolariga koʻp martalik viza berilishi va muddati uzaytirilishini, shuningdek, turgan joyi boʻyicha roʻyxatdan oʻtkazilishi va uning muddati uzaytirilishini;
Kambagʻallikni qisqartirish va bandlik vazirligi — xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirishini) taʼminlasin.
10. Qashqadaryo viloyati hokimligi, Qurilish va uy-joy kommunal xoʻjaligi vazirligi, Kadastr agentligi hamda Ekologiya, atrof-muhitni muhofaza qilish va iqlim oʻzgarishi vazirligi Loyihani amalga oshirish muddati davomida:
stansiyadan 500 metr radius ichida stansiyaga soya tushishiga sabab boʻluvchi obyektlarning qurilmasligini;
Togʻ-kon sanoati va geologiya vazirligi bilan birgalikda stansiyada havo ifloslanishiga olib keluvchi (radiatsiya kamayishiga sabab boʻladigan) 5 km radius hududda yangi sanoat obyektini qurish, qazilmalar qazib olish yoki chiqindilar bilan amaliyotlarning, shuningdek, mavjud suvning kamayishiga sabab boʻladigan ishlarning amalga oshirilmasligini taʼminlasin.
11. Iqtisodiyot va moliya vazirligi Energetika vazirligi bilan birgalikda Loyiha amalga oshirilishi, shuningdek, tomonlarning Davlat tomonidan qoʻllab-quvvatlash toʻgʻrisidagi va Elektr energiyasini sotib olish toʻgʻrisidagi bitimlar doirasidagi majburiyatlari bajarilishi ustidan doimiy nazorat oʻrnatsin.
12. Adliya vazirligi Loyihani amalga oshirish doirasida Davlat tomonidan qoʻllab-quvvatlash toʻgʻrisidagi bitim va uning qoidalariga muvofiq imzolangan bitimlar yuzasidan yuridik xulosalar bersin.
13. Iqtisodiyot va moliya vaziriga Oʻzbekiston Respublikasi Hukumati nomidan “Oʻzbekiston milliy elektr tarmoqlari” AJning akkreditiv ochadigan xorijiy bank oldidagi toʻlov majburiyatlari Osiyo taraqqiyot banki, Jahon banki yoki Yevropa tiklanish va taraqqiyot banki kafolati orqali bajarilgan taqdirda, mazkur bank bilan Oʻzbekiston Respublikasi Hukumatiga maqbul shakldagi ushbu bank xarajatlarini qoplash toʻgʻrisidagi bitimni imzolash vakolati berilsin.
14. Ekologiya, atrof-muhitni muhofaza qilish va iqlim oʻzgarishi vazirligi Loyiha hujjatlari belgilangan tartibda ekologik ekspertizadan oʻtkazilishini taʼminlasin va Loyihani amalga oshirishda tabiatni muhofaza qilishga oid qonunchilik hujjatlariga rioya etilishini nazorat qilsin.
15. Mazkur qarorning ijrosini samarali tashkil qilishga masʼul va shaxsiy javobgar etib energetika vaziri J.T. Mirzamahmudov belgilansin.
Qaror ijrosi uchun masʼul vazirlik va idoralar faoliyatini muvofiqlashtirish hamda nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 14-mart,
PQ-125-son
Президента Республики Узбекистан
Постановление
О мерах по реализации проекта «Строительство и управление солнечной фотоэлектрической станцией мощностью 300 МВт и системой накопления электрической энергии мощностью 75 МВт в Кашкадарьинской области на основе условий государственно-частного партнерства»
В целях диверсификации источников производства электроэнергии, удовлетворения возрастающих потребностей населения и отраслей экономики в энергоресурсах, сокращения использования природного газа при выработке электроэнергии, а также широкого привлечения прямых иностранных инвестиций для расширения масштаба использования источников возобновляемой энергии:
1. Принять к сведению, что по результатам международного тендера на финансирование, проектирование, строительство, запуск и испытание проекта «Строительство и управление солнечной фотоэлектрической станцией мощностью 300 МВт и системой накопления электрической энергии мощностью 75 МВт в Кашкадарьинской области на основе условий государственно-частного партнерства» (далее — Проект) в соответствии с Законом Республики Узбекистан «О государственно-частном партнерстве» при финансовой и технической поддержке Международной финансовой корпорации, а также владение, техническое обслуживание и эксплуатацию, поставку (реализацию) произведенной электроэнергии, строительство воздушных линий электропередач и иных электросооружений для присоединения солнечной фотоэлектрической станции к единой электроэнергетической системе:
а) компания «Abu Dhabi Future Company PJSC — Masdar» (ОАЭ) признана победителем тендера (далее — Победитель тендера);
б) Победителем тендера для реализации Проекта в качестве частного партнера в Республике Узбекистан учреждено ИП ООО «Nur Kashkadarya Solar PV» (далее — Частный партнер);
в) между Правительством Республики Узбекистан в лице Министерства экономики и финансов и Частным партнером в лице Победителя тендера 30 ноября 2023 года заключено Соглашение о государственной поддержке, в соответствии с которым Частный партнер:
осуществляет проектирование, финансирование, строительство и эксплуатацию солнечной фотоэлектрической станции мощностью 300 МВт и системы накопления электрической энергии мощностью 75 МВт в Кашкадарьинской области на протяжении всего периода реализации Проекта;
привлекает прямые иностранные инвестиции в размере по предварительной оценке 250,5 млн долларов США с принятием на себя возможных рисков;
г) между АО «Национальные электрические сети Узбекистана» (далее — Государственный партнер) и Частным партнером 30 ноября 2023 года заключено Соглашение о закупке электроэнергии, в соответствии с которым Частный партнер принимает на себя обязательства по:
гарантированной реализации Государственному партнеру произведенной электрической энергии и мощностей системы накопления электрической энергии;
предоставлению банковской гарантии первоклассного иностранного банка в размере 60 млн долларов США в качестве обеспечения исполнения своих обязательств в период строительства на надлежащем уровне;
строительству воздушных линий электропередач для подключения солнечной фотоэлектростанции к единой электроэнергетической сети и передаче их Государственному партнеру после ввода в эксплуатацию в рамках Проекта.
Государственный партнер принимает на себя обязательство гарантированной закупки электрической энергии в течение 25 лет;
д) объемом эмиссии сокращенных выбросов парниковых газов, образующихся в рамках Проекта, (зеленые атрибуты) полностью распоряжается Правительство Республики Узбекистан.
2. Утвердить:
Соглашение о государственной поддержке, подписанное между Правительством Республики Узбекистан в лице Министерства экономики и финансов и Частным партнером;
Соглашение о закупке электрической энергии, заключенное между Государственным партнером и Частным партнером.
3. Установить деноминированные в иностранной валюте фиксированные тарифы в размере 0,03 доллара США за 1 киловатт/час электрической энергии и в размере 6,33 доллара США за каждый мегаватт (час), для состояния готовности системы к эксплуатации накопления электрической энергии, выработанные в рамках Соглашения о государственной поддержке и Соглашения о закупке электрической энергии.
4. Предоставить Министерству экономики и финансов, Министерству энергетики и Государственному партнеру право на заключение соглашений о прямой передаче прав Частного партнера и Победителя тендера другим кредиторам, принимающим участие в финансировании Проекта, в случае неисполнения Частным партнером обязательств по соглашениям, подписанным в рамках реализации Проекта.
5. Разрешить Государственному партнеру:
привлечение совместно с Частным партнером международных независимых инжиниринговых компаний и иных консультантов к реализации Проекта путем заключения прямых договоров в соответствии с процедурами, определенными в Соглашении о закупке электрической энергии;
открытие подтвержденного в иностранной валюте, возобновляемого аккредитива иностранного банка в пользу Частного партнера в качестве обеспечения исполнения обязательств по закупке производимой электрической энергии в течение трех месяцев.
6. Предоставить Частному партнеру в рамках реализации Проекта, после оплаты всех налогов и сборов, следующие права:
открывать банковские счета в иностранных банках за рубежом для получения и использования денежных средств в иностранной валюте (включая кредитные поступления в иностранной валюте);
напрямую осуществлять платежи зарубежным подрядным организациям, поставщикам или иностранным кредиторам, находящимся за пределами Республики Узбекистан, без проведения таких платежей через банковские счета в Республике Узбекистан.
7. Хокимияту Кашкадарьинской области:
совместно с Министерством энергетики, Министерством экономики и финансов, Министерством сельского хозяйства и Частным партнером в трехмесячный срок выбрать земельные участки на территории Кашкадарьинской области для строительства солнечной фотоэлектростанции, системы накопления электрической энергии, сетей передачи электроэнергии и сооружений электроинфраструктуры в рамках реализации Проекта, внести уточнения в границы выбранных земельных участков и внести соответствующее предложение в Правительственную комиссию по рассмотрению вопросов изменения категорий земельного фонда земель сельскохозяйственного назначения и лесного фонда;
выделить Министерству энергетики выбранные земельные участки на праве постоянного пользования на основании проектной документации, представленной Частным партнером.
Министерству энергетики обеспечить передачу в аренду Частному партнеру вышеуказанных земельных участков на период, равный сроку реализации Проекта.
При этом приравнять размер арендной платы за земельные участки, уплачиваемой Частным партнером, к размеру земельного налога.
8. Установить, что в рамках реализации Проекта:
Министерство энергетики освобождается от возмещения потерь сельскохозяйственного производства (компенсационных выплат) за использование (изменение категории) земель сельскохозяйственного назначения;
нормы и правила выполнения строительных и земельных работ, связанных со строительством солнечной фотоэлектростанции и системы накопления электрической энергии, а также проектирования фундаментов зданий и сооружений регулируются международными стандартами;
платежи за использование электрической энергии и системы накопления электрической энергии осуществляются в национальной валюте по фиксированному тарифу, деноминированному в иностранной валюте.
9. По заявкам Частного партнера:
Министерству иностранных дел — обеспечить оформление в установленном порядке въездных виз зарубежным специалистам, привлекаемым в рамках реализации Проекта, при необходимости — в Международном аэропорту «Ташкент» имени Ислама Каримова;
Министерству внутренних дел — обеспечить выдачу и продление срока действия многоразовых виз, а также регистрацию по месту пребывания и ее продление зарубежным специалистам, привлекаемым Частным партнером и подрядными организациями в рамках реализации Проекта, а также членам их семей;
Министерству занятости и сокращения бедности — обеспечить выдачу (продление) в установленном порядке подтверждений на право осуществления трудовой деятельности на территории Республики Узбекистан зарубежным специалистам.
10. Хокимияту Кашкадарьинской области, Министерству строительства и жилищно-коммунального хозяйства, Агентству по кадастру, а также Министерству экологии, охраны окружающей среды и изменения климата обеспечить в период реализации Проекта недопущение:
строительства в радиусе 500 метров от станции объектов, которые могут заслонить ее от солнечного света;
совместно с Министерством горнодобывающей промышленности и геологии — строительства новых промышленных объектов, добычи ископаемых либо проведения работ по обращению с отходами, приводящих к загрязнению атмосферного воздуха (являющихся причиной снижения уровня радиации), а также являющихся причиной сокращения объема имеющейся воды на территории в радиусе 5 километров от станции.
11. Министерству экономики и финансов совместно с Министерством энергетики установить постоянный контроль за реализацией Проекта, а также исполнением сторонами обязательств в рамках Соглашения о государственной поддержке и Соглашения о закупке электрической энергии.
12. Министерству юстиции выдать юридические заключения по Соглашению о государственной поддержке и соглашениям, подписанным в соответствии с положениями этого Соглашения, в рамках реализации Проекта.
13. Уполномочить министра экономики и финансов подписать от имени Правительства Республики Узбекистан соглашение с иностранным банком, открывающим аккредитив, о возмещении его расходов в форме, приемлемой для Правительства Республики Узбекистан, в случае исполнения обязательств АО «Национальные электрические сети Узбекистана» перед вышеуказанным банком под гарантию Азиатского банка развития, Всемирного банка либо Европейского банка реконструкции и развития.
14. Министерству экологии, охраны окружающей среды и изменения климата обеспечить проведение в установленном порядке экологической экспертизы документации Проекта и соблюдение актов законодательства по охране природы при реализации Проекта.
15. Возложить на министра энергетики Ж.Т. Мирзамахмудова персональную ответственность за эффективную организацию исполнения настоящего постановления.
Осуществление координации и контроля за деятельностью министерств и ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
14 марта 2024 г.,
№ ПП-125