📅 2024-yil 15-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 15 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 марта 2024 г. · Постановления Президента
Официальный текст. Официальный документ. Редакционные примечания не включены.
📅 15 March 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Тадбиркорлик субъектларига халқаро платформалар орқали рақамли технологиялар соҳасида хизматлар кўрсатиш учун қулай шарт-шароитлар яратиш чора-тадбирлари тўғрисида
Рақамли технологиялар соҳасида фаолият юритувчи тадбиркорлик субъектларига халқаро хизматлар бозорида иштирок этиш ва ҳамкорлар билан алоқалар ўрнатиш учун қулай шароитлар яратиш, уларнинг экспорт фаолиятини қўллаб-қувватлаш, бу борадаги тартиботларни соддалаштириш, шунингдек, Ўзбекистон Республикаси Президентининг 2023 йил 4 сентябрдаги «Ўзбекистон Республикаси Президентининг тадбиркорлар билан 2023 йилдаги очиқ мулоқотида белгиланган вазифаларни амалга ошириш чора-тадбирлари тўғрисида»ги ПҚ-292-сон қарорида белгиланган вазифалар ижросини таъминлаш мақсадида:
1. Инвестициялар, саноат ва савдо вазирлиги ҳамда Рақамли технологиялар вазирлигининг ҳуқуқий эксперимент тариқасида рақамлаштириш соҳасида хизматлар кўрсатиш бўйича экспорт шартномавий ҳужжатларни халқаро платформаларда расмийлаштиришга рухсат бериш тўғрисидаги таклифи маъқуллансин.
2. Белгилаб қўйилсинки:
2024 йил 1 апрелдан бошлаб ҳуқуқий эксперимент доирасида Дастурий маҳсулотлар ва ахборот технологиялари технологик парки (кейинги ўринларда — IT-парк) резидентлари томонидан рақамлаштириш соҳасидаги хизматлар (улар амалга ошириши рухсат этилган фаолият турлари рўйхатига мувофиқ) экспорти бўйича халқаро платформаларда электрон шаклда расмийлаштирилган қиймати 100 минг АҚШ долларигача (ёки ушбу эквивалентга тенг миқдоргача) бўлган шартномалар (келишув, ҳисобварақ-фактура, инвойс) электрон ҳужжат сифатида тан олинади ҳамда уларнинг қоғоз шаклидаги нусхаси талаб этилмайди;
рақамлаштириш соҳасидаги хизматлар экспорти бўйича шартномаларни расмийлаштириш рухсат этиладиган халқаро платформалар рўйхати Рақамли технологиялар вазирлиги ҳамда Инвестициялар, саноат ва савдо вазирлиги томонидан тасдиқланади.
3. Шундай тартиб ўрнатилсинки, унга мувофиқ ҳуқуқий эксперимент доирасида:
IT-парк резиденти иштирокидаги оддий ёзма шаклдаги ташқи савдо битими у тўғрисидаги таклиф иккинчи тарафнинг шартнома тузишга тайёрлиги ҳақида хабардор қилиш (акцептлаш) йўли билан қабул қилинган бўлса тузилган ҳисобланади;
ташқи савдо битими бўйича ўзаро ҳисоб-китоблар IT-парк резидентлари томонидан фақат Ўзбекистон Республикаси тижорат банкидаги ҳисоб рақами орқали амалга оширилади;
электрон ёки бошқа алоқа воситалари, ахборот тизимлари ёки ахборот тармоқларидан фойдаланган ҳолда дастурий кодлар билан алмашиш ёки тарафлар ва уларнинг хоҳиш-иродасининг мазмунини аниқ ифодалайдиган бошқа ҳужжатларни ўзаро айирбошлаш ёзма шаклда тузилган битимга тенглаштирилади;
IT-парк резидентлари учун Ўзбекистон Республикаси Ягона интерактив давлат хизматлари портали орқали Ташқи савдо операцияларининг ягона электрон ахборот тизимига ташқи савдо битимлари бўйича тегишли маълумотларни киритиб бориш мажбурий ҳисобланади.
4. Белгилансинки:
Рақамли технологиялар вазирлиги ҳуқуқий экспериментни амалга ошириш ва мувофиқлаштириш бўйича ваколатли орган ҳисобланади;
ҳуқуқий экспериментнинг амал қилиш муддати бир йилни ташкил этади.
5. Рақамли технологиялар вазирлиги ҳамда Инвестициялар, саноат ва савдо вазирлиги:
икки ҳафта муддатда рақамлаштириш соҳасидаги хизматларни экспорт қилиш бўйича шартномаларни расмийлаштириш рухсат этиладиган халқаро платформалар рўйхатини тасдиқласин (заруратга кўра, мунтазам равишда янгилаб борсин) ҳамда оммавий ахборот воситалари ва Интернет, шу жумладан ижтимоий тармоқлар орқали эълон қилсин;
Адлия вазирлиги билан биргаликда ҳуқуқий эксперимент якунлари бўйича қонунчилик ҳужжатларига тегишли ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Ходжаев ҳамда рақамли технологиялар вазири Ш.Х. Шерматов белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 15 март,
ПҚ-129-сон
Oʻzbekiston Respublikasi Prezidentining
qarori
Tadbirkorlik subyektlariga xalqaro platformalar orqali raqamli texnologiyalar sohasida xizmatlar koʻrsatish uchun qulay shart-sharoitlar yaratish chora-tadbirlari toʻgʻrisida
Raqamli texnologiyalar sohasida faoliyat yurituvchi tadbirkorlik subyektlariga xalqaro xizmatlar bozorida ishtirok etish va hamkorlar bilan aloqalar oʻrnatish uchun qulay sharoitlar yaratish, ularning eksport faoliyatini qoʻllab-quvvatlash, bu boradagi tartibotlarni soddalashtirish, shuningdek, Oʻzbekiston Respublikasi Prezidentining 2023-yil 4-sentabrdagi “Oʻzbekiston Respublikasi Prezidentining tadbirkorlar bilan 2023-yildagi ochiq muloqotida belgilangan vazifalarni amalga oshirish chora-tadbirlari toʻgʻrisida”gi PQ-292-son qarorida belgilangan vazifalar ijrosini taʼminlash maqsadida:
1. Investitsiyalar, sanoat va savdo vazirligi hamda Raqamli texnologiyalar vazirligining huquqiy eksperiment tariqasida raqamlashtirish sohasida xizmatlar koʻrsatish boʻyicha eksport shartnomaviy hujjatlarni xalqaro platformalarda rasmiylashtirishga ruxsat berish toʻgʻrisidagi taklifi maʼqullansin.
2. Belgilab qoʻyilsinki:
2024-yil 1-apreldan boshlab huquqiy eksperiment doirasida Dasturiy mahsulotlar va axborot texnologiyalari texnologik parki (keyingi oʻrinlarda — IT-park) rezidentlari tomonidan raqamlashtirish sohasidagi xizmatlar (ular amalga oshirishi ruxsat etilgan faoliyat turlari roʻyxatiga muvofiq) eksporti boʻyicha xalqaro platformalarda elektron shaklda rasmiylashtirilgan qiymati 100 ming AQSh dollarigacha (yoki ushbu ekvivalentga teng miqdorgacha) boʻlgan shartnomalar (kelishuv, hisobvaraq-faktura, invoys) elektron hujjat sifatida tan olinadi hamda ularning qogʻoz shaklidagi nusxasi talab etilmaydi;
raqamlashtirish sohasidagi xizmatlar eksporti boʻyicha shartnomalarni rasmiylashtirish ruxsat etiladigan xalqaro platformalar roʻyxati Raqamli texnologiyalar vazirligi hamda Investitsiyalar, sanoat va savdo vazirligi tomonidan tasdiqlanadi.
3. Shunday tartib oʻrnatilsinki, unga muvofiq huquqiy eksperiment doirasida:
IT-park rezidenti ishtirokidagi oddiy yozma shakldagi tashqi savdo bitimi u toʻgʻrisidagi taklif ikkinchi tarafning shartnoma tuzishga tayyorligi haqida xabardor qilish (akseptlash) yoʻli bilan qabul qilingan boʻlsa tuzilgan hisoblanadi;
tashqi savdo bitimi boʻyicha oʻzaro hisob-kitoblar IT-park rezidentlari tomonidan faqat Oʻzbekiston Respublikasi tijorat bankidagi hisob raqami orqali amalga oshiriladi;
elektron yoki boshqa aloqa vositalari, axborot tizimlari yoki axborot tarmoqlaridan foydalangan holda dasturiy kodlar bilan almashish yoki taraflar va ularning xohish-irodasining mazmunini aniq ifodalaydigan boshqa hujjatlarni oʻzaro ayirboshlash yozma shaklda tuzilgan bitimga tenglashtiriladi;
IT-park rezidentlari uchun Oʻzbekiston Respublikasi Yagona interaktiv davlat xizmatlari portali orqali Tashqi savdo operatsiyalarining yagona elektron axborot tizimiga tashqi savdo bitimlari boʻyicha tegishli maʼlumotlarni kiritib borish majburiy hisoblanadi.
4. Belgilansinki:
Raqamli texnologiyalar vazirligi huquqiy eksperimentni amalga oshirish va muvofiqlashtirish boʻyicha vakolatli organ hisoblanadi;
huquqiy eksperimentning amal qilish muddati bir yilni tashkil etadi.
5. Raqamli texnologiyalar vazirligi hamda Investitsiyalar, sanoat va savdo vazirligi:
ikki hafta muddatda raqamlashtirish sohasidagi xizmatlarni eksport qilish boʻyicha shartnomalarni rasmiylashtirish ruxsat etiladigan xalqaro platformalar roʻyxatini tasdiqlasin (zaruratga koʻra, muntazam ravishda yangilab borsin) hamda ommaviy axborot vositalari va Internet, shu jumladan ijtimoiy tarmoqlar orqali eʼlon qilsin;
Adliya vazirligi bilan birgalikda huquqiy eksperiment yakunlari boʻyicha qonunchilik hujjatlariga tegishli oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev hamda raqamli texnologiyalar vaziri Sh.X. Shermatov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 15-mart,
PQ-129-son
Президента Республики Узбекистан
Постановление
О мерах по созданию благоприятных условий субъектам предпринимательства для оказания услуг в сфере цифровых технологий посредством международных платформ
В целях создания благоприятных условий субъектам предпринимательства, осуществляющим деятельность в сфере цифровых технологий, для участия на международном рынке услуг и установления взаимосвязей с партнерами, поддержки их экспортной деятельности, упрощения процедур в этом направлении, а также обеспечения исполнения задач, определенных в постановлении Президента Республики Узбекистан от 4 сентября 2023 года № ПП-292 «О мерах по реализации задач, определенных в открытом диалоге 2023 года Президента Республики Узбекистан с предпринимателями»:
1. Одобрить предложение Министерства инвестиций, промышленности и торговли и Министерства цифровых технологий о разрешении оформления на международных платформах экспортных договорных документов по оказанию услуг в сфере цифровизации в порядке правового эксперимента.
2. Определить, что:
начиная с 1 апреля 2024 года в рамках правового эксперимента оформленные резидентами Технологического парка программных продуктов и информационных технологий (далее — IT-парк) договора (соглашение, счет-фактура, инвойс) по экспорту услуг в сфере цифровизации (согласно перечню разрешенных им направлений деятельности) в электронной форме на международных платформах стоимостью до 100 тысяч долларов США (или в размере, равном данному эквиваленту) признаются в качестве электронного документа и их бумажная копия не требуется;
перечень международных платформ, на которых разрешается оформление договоров по экспорту услуг в сфере цифровизации, утверждается Министерством цифровых технологий и Министерством инвестиций, промышленности и торговли.
3. Установить порядок, в соответствии с которым в рамках правового эксперимента:
внешнеторговая сделка в обычной письменной форме с участием резидента IT-парка считается заключенным, если предложение о нем принято путем уведомления (акцепта) о готовности второй стороны к заключению договора;
взаиморасчеты по внешнеторговому сделку осуществляются резидентами IT-парка исключительно через расчетный счет в коммерческом банке Республики Узбекистан;
обмен программными кодами с использованием электронных или других средств связи, информационных систем или информационных сетей либо взаимный обмен документами сторон и другими документами, ясно отражающими суть их волеизъявления, приравниваются к сделке, заключенной в письменной форме;
для резидентов IT-парка является обязательным регулярное внесение соответствующих данных по внешнеторговым сделкам в Единую электронную информационную систему внешнеторговых операций через Единый портал интерактивных государственных услуг Республики Узбекистан.
4. Определить, что:
Министерство цифровых технологий является уполномоченным органом по осуществлению и координации правового эксперимента;
срок действия правового эксперимента составляет один год.
5. Министерству цифровых технологий и Министерству инвестиций, промышленности и торговли:
в двухнедельный срок утвердить (при необходимости регулярно обновлять), а также опубликовать в средствах массовой информации и сети Интернет, включая социальные сети, перечень международных платформ, на которых разрешается оформление договоров по экспорту услуг в сфере цифровизации;
совместно с Министерством юстиции внести в Кабинет Министров предложения о соответствующих изменениях и дополнениях в акты законодательства по итогам правового эксперимента.
6. Возложить на заместителя Премьер-министра Ж.А. Ходжаева и министра цифровых технологий Ш.Х. Шерматова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля деятельности ответственных организаций возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
15 марта 2024 г.,
№ ПП-129