UzbekAI

Ўзбекистон Республикаси Президентининг

Қарори

ТАРКИБИ

2025 йилда ЮНЕСКО Бош конференцияси 43-сессиясининг Самарқанд шаҳрида ўтказилишига тайёргарлик кўриш бўйича чора-тадбирлар тўғрисида

[Кўчирма]

Кейинги йилларда Ўзбекистонинг ЮНЕСКО билан ҳамкорлиги янги босқичга кўтарилди. Мамлакатимизнинг жаҳон ҳамжамиятидаги обрўсини янада ошириш ва мустаҳкамлашда, икки ва кўп томонлама ҳамкорликларни кенгайтириш ва чуқурлаштиришда ЮНЕСКО муҳим платформа вазифасини ўтаб келмоқда.

Бунинг натижасида 2017 — 2023 йилларда миллий маданий меросимизнинг 14 та ноёб намунаси ЮНЕСКОнинг рўйхатларидан жой олиб, инсоният мероси сифатида халқаро миқёсда эътироф этилди. Бухоро шаҳри Ижодкор шаҳарлар тармоғига киритилди. 2023 йил сентябрь ойида ЮНЕСКО Бош қароргоҳида буюк мутафаккир ва қомусий олим Абу Райҳон Беруний таваллудининг 1050 йиллиги кенг нишонланди.

Айниқса, 2023 йил 7 — 22 ноябрь кунлари Париж шаҳрида бўлиб ўтган ЮНЕСКО Бош конференциясининг 42-сессияси якунида Ўзбекистон Республикасининг ЮНЕСКО Бош конференциясининг 43-сессиясини (кейинги ўринларда — Сессия) 2025 йилда Самарқанд шаҳрида ўтказиш тўғрисидаги ташаббуси бир овоздан қўллаб-қувватлангани жаҳон ҳамжамияти томонидан муҳим воқеа сифатида эътироф этилди.

Ушбу нуфузли халқаро анжуманни юқори даражада ўтказишга ҳар жиҳатдан пухта тайёргарлик кўриш, шунингдек, Ўзбекистон ва ЮНЕСКО ҳамкорлигини янада ривожлантириш мақсадида:

1. 2025 йилда ЮНЕСКО Бош конференцияси 43-сессиясининг Самарқанд шаҳрида ўтказилишига тайёргарлик кўриш бўйича ташкилий қўмита (кейинги ўринларда — Ташкилий қўмита) тузилсин ҳамда унинг таркиби 1-иловага мувофиқ тасдиқлансин.

2. Ташкилий қўмита (А.Н. Арипов):

Сессияни ўтказиш билан боғлиқ барча ташкилий масалаларни ҳал қилиб борсин, шунингдек, ахборот-таҳлилий ва бошқа ҳужжатларнинг ўз вақтида ва сифатли тайёрланишини таъминласин;

Сессиянинг Самарқанд шаҳрида ўтказилишининг аҳамияти ҳақида юқори сифатли медиа маҳсулотлар ҳамда аудиовизуал асарлар яратиб, уларни маҳаллий ва хорижий оммавий ахборот воситаларида эфирга бериб бориш, ижтимоий тармоқларга жойлаштириш, хештег ва челленж каби усулларни қўллаш орқали кенг тарғиб қилиш чораларини кўрсин;

Сессиянинг Самарқанд шаҳрида ўтказилиши муносабати билан «Самарқанд — жаҳон тамаддунлари чорраҳасида» китоб-альбомни ўзбек, рус, инглиз ва француз тилларида чоп этиш, почта маркалари ва конвертлар туркумини яратиш, тақвимлар ва кўргазмали тарғибот воситалари, эсдалик тангалари, кумуш ва олтин тангаларнинг муомалага чиқарилишини ташкил қилсин;

Сессия доирасида Самарқанд шаҳрида тадбирлар ўтказиладиган жойларни замонавий техник ва телекоммуникация ускуналари билан жиҳозласин ҳамда Тошкент ва Самарқанд шаҳарларидаги объектлар ва зарур бўлган меҳмонхона фондини тайёрласин;

Сессия доирасида Тошкент, Самарқанд, Бухоро, Хива ва Шаҳрисабз шаҳарларида маданий тадбирлар, экскурсиялар ва қабулларни юқори савияда ташкил этсин;

Сессия иштирокчиларининг келиши ва кетиши, уларга виза расмийлаштириш, транспорт ва тиббий хизматлар кўрсатиш масалалари самарали ҳал қилинишини мувофиқлаштирсин.

3. Сессия «Silk Road Samarkand» сайёҳлик мажмуасида ўтказилсин.

4. Сессияга тайёргарлик доирасида:

Маданий мерос агентлиги Маданият ва санъатни ривожлантириш жамғармаси, Иқтисодиёт ва молия вазирлиги билан биргаликда — Самарқанд шаҳридаги тегишли маданий мерос объектларини асрашга доир ишларни ҳамда иммерсив ва мавзули кўргазмаларни ташкил этсин;

Ташқи ишлар вазирлиги — ЮНЕСКО Бош директори номига Ўзбекистон Республикасининг Маданий ёдгорликларни сақлаш ва реставрация қилиш бўйича халқаро тадқиқот марказига аъзо бўлиши учун расмий ариза топширсин;

ЮНЕСКО ишлари бўйича миллий комиссия — Ўзбекистондаги шаҳарлар, ноёб маданий ва табиий мерос объектларини тегишлича ЮНЕСКОнинг Ижодкор шаҳарлар ҳамда Таълимни тарғиб этувчи шаҳарлар тармоқларига, шунингдек, халқаро рўйхатларига киритиш чораларини кўрсин;

Маданият ва санъатни ривожлантириш жамғармаси — ЮНЕСКО мезонлари асосида ва хорижий экспертларни жалб этган ҳолда Самарқанд шаҳрида Буюк ипак йўли давлат музейини ташкил этиш, соҳибқирон Амир Темур боғларини қайта тиклаш, Бибихоним мажмуасини реставрация қилиш, Умумжаҳон мероси рўйхатига киритилган Бухоро тарихий марказини муҳофаза қилишга қаратилган унинг мастер ва менежмент режаларини ишлаб чиқиш бўйича тегишли қарорлар лойиҳаларини белгиланган тартибда киритсин;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, тегишли вазирлик ва идоралар Ташқи ишлар вазирлиги билан биргаликда — Сессиянинг мамлакатимизда ўтказилишининг аҳамиятини, шунингдек, Ўзбекистон жаҳон сиёсатининг марказларидан бирига, глобал ташаббуслар муаллифига айланиб бораётганини атрофлича очиб беришга қаратилган тарғибот-ташвиқот ишларини ташкил этсин.

5. Қуйидагилар:

2025 йилда ЮНЕСКО Бош конференцияси 43-сессиясининг Самарқанд шаҳрида ўтказилишига тайёргарлик кўриш бўйича «йўл харитаси» 2-иловага * мувофиқ;

2025 йилда ЮНЕСКО Бош конференцияси 43-сессиясининг Самарқанд шаҳрида ўтказилишига тайёргарлик кўриш доирасида хорижий давлатларда тарғибот ишларини ташкил этадиган Ўзбекистон Республикасининг хориждаги дипломатик ваколатхоналари ва олий таълим муассасалари рўйхати 3-иловага * мувофиқ тасдиқлансин.

Ташкилий қўмита, Олий таълим, фан ва инновациялар вазирлиги, Ташқи ишлар вазирлиги, тегишли вазирлик ва идоралар ушбу қарорга мувофиқ давлатчилигимиз ривожининг уч минг йилдан зиёд тарихи, жаҳон цивилизациясига беқиёс ҳисса қўшган буюк аждодларимизнинг илмий, маданий ва маънавий мероси ҳамда мамлакатимизда амалга оширилаётган ислоҳотлар натижаларини хорижий давлатларда кенг тарғиб қилиш ҳамда улар билан ҳамкорлик алоқаларини янада ривожлантириш чора-тадбирларини белгиланган тартибда амалга оширсин.

6. Белгилансинки:

Маданият ва санъатни ривожлантириш жамғармаси Ташкилий қўмитанинг Ишчи органи (кейинги ўринларда — Ишчи орган) ҳисобланади;

«ИнтерФорум» давлат унитар корхонаси Сессияни ташкил этишга тайёргарлик кўриш бўйича Бош оператор ҳисобланади;

вазирликлар ва идораларнинг биринчи раҳбарлари ушбу қарорда назарда тутилган топшириқлар, шунингдек, Ташкилий қўмита ҳамда Ишчи органнинг бошқа тезкор кўрсатмалари ўз вақтида ва сифатли бажарилиши учун шахсан жавобгар ҳисобланади.

7. Ташқи ишлар вазирлиги Сессия иштирокчилари учун Ишчи органнинг виза талабномаларига биноан кириш визаларини консуллик йиғимлари ва ҳақиқий харажатларнинг ўрнини қоплаш ҳисобидан йиғимлар ундирмасдан, зарур ҳолларда «Тошкент» ва «Самарқанд» халқаро аэропортларида расмийлаштиришни таъминласин.

8. 2024 йил 1 апрелдан бошлаб Ўзбекистон Республикасининг чет давлатлардаги дипломатик ваколатхоналари, консуллик муассасалари ва халқаро ташкилотлар ҳузуридаги ваколатхоналарининг умумий штат бирликлари сонини ўзгартирган ҳолда Ўзбекистон Республикасининг ЮНЕСКО ҳузуридаги Доимий ваколатхонаси (кейинги ўринларда — Доимий ваколатхона) штатлар жадвалига маслаҳатчи ва иккинчи котиб иккита қўшимча штат бирлиги киритилсин, шунингдек, Доимий ваколатхонага қўшимча битта транспорт воситасини сақлашга лимит ажратилсин.

9. Ташқи ишлар вазирлиги Доимий ваколатхонани сақлаш харажатларини унинг ташкилий-штат тузилмасидаги ўзгаришларни ва қўшимча битта транспорт воситасини сақлашга лимит ажратилганини инобатга олган ҳолда, Ўзбекистон Республикасининг 2024 йилга мўлжалланган Давлат бюджети параметрларида Ташқи ишлар вазирлигига ажратилган маблағлар доирасида молиялаштиришни таъминласин.

10. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон миллий медиа ассоциацияси, «Дунё» ахборот агентлиги ва бошқа оммавий ахборот воситаларига Сессиянинг мамлакатимизда ўтказилишининг аҳамияти ҳамда ушбу қарор доирасида амалга оширилаётган ишларни кенг ёритиб бориш тавсия этилсин.

11. Ўзбекистон Республикаси Президентининг 2018 йил 3 октябрдаги «Ўзбекистон Республикасининг Бирлашган Миллатлар Ташкилоти ҳузуридаги Таълим, фан ва маданият масалалари бўйича (ЮНЕСКО) доимий ваколатхонаси фаолиятини самарали ташкил этиш чора-тадбирлари тўғрисида»ги ПҚ-3957-сон қарорига 4-иловага * мувофиқ ўзгартиришлар киритилсин.

12. Мазкур қарорнинг ижросини самарали ташкил қилишга масъул этиб ЮНЕСКО ишлари бўйича Ўзбекистон Республикаси миллий комиссияси раиси Г.О. Умерова ва ташқи ишлар вазири Б.О. Саидов белгилансин.

Қарор ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрациясининг Ижтимоий ривожланиш департаменти раҳбари О.Қ. Абдурахмонов зиммасига юклансин.

Ўзбекистон Республикаси Президентининг 2024 йил 15 мартдаги ПҚ-128-сон қарорига 1-ИЛОВА

2025 йилда ЮНЕСКО Бош конференцияси 43-сессиясининг Самарқанд шаҳрида ўтказилишига тайёргарлик кўриш бўйича ташкилий қўмита

1. А.Н. Арипов — Ўзбекистон Республикасининг Бош вазири, Ташкилий қўмита раиси 2. С.Ш. Мирзиёева — Ўзбекистон Республикаси Президентининг ёрдамчиси, Ташкилий қўмита раисининг ўринбосари 3. Г.О. Умерова — Ўзбекистон Республикаси Президенти Администрациясининг Ижтимоий ривожланиш департаменти раҳбари ўринбосари, ЮНЕСКО ишлари бўйича Ўзбекистон Республикаси Миллий комиссия раиси 4. Ж.А. Ходжаев — Ўзбекистон Республикаси Бош вазирининг ўринбосари 5. А.Ж. Раматов — Ўзбекистон Республикаси Бош вазирининг ўринбосари 6. Ж.А. Қўчқоров — Ўзбекистон Республикаси Бош вазирининг ўринбосари — иқтисодиёт ва молия вазири 7. Б.О. Саидов — ташқи ишлар вазири 8. Л.Ш. Кудратов — инвестициялар, саноат ва савдо вазири 9. О.А. Назарбеков — маданият вазири 10. И.Р. Маҳкамов — транспорт вазири 11. А.И. Икрамов — спорт вазири 12. Б.И. Закиров — қурилиш ва уй-жой коммунал хўжалиги вазири 13. Ж.Т. Мирзамаҳмудов — энергетика вазири 14. А.А. Абдуҳакимов — экология, атроф-муҳитни муҳофаза қилиш ва иқлим ўзгариши вазири 15. К.А. Шарипов — олий таълим, фан ва инновациялар вазири 16. Ш.Х. Шерматов — рақамли технологиялар вазири 17. А.А. Худояров — соғлиқни сақлаш вазири в.б. 18. П.Р. Бобожонов — ички ишлар вазири 19. Р.М. Джураев — Миллий гвардия қўмондони 20. Э.О. Турдимов — Самарқанд вилояти ҳокими 21. Б.К. Зарипов — Бухоро вилояти ҳокими 22. Ж.Р. Рахимов — Хоразм вилояти ҳокими 23. М.Б. Азимов — Қашқадарё вилояти ҳокими 24. Ш.Б. Умурзоқов — Тошкент шаҳар ҳокими в.б. 25. А.Ю. Мавлонов — Божхона қўмитаси раиси 26. Лавозими бўйича — Давлат хавфсизлик хизмати масъул ходими 27. У.Р. Шадиев — Туризм қўмитаси раиси 28. А.А. Ходжаев — Ахборот ва оммавий коммуникациялар агентлиги директори 29. Б.Г. Абдикаримов — Маданий мерос агентлиги директори 30. Ж.О. Умарходжаев — «Uzbekistan Airports» АЖ бошқаруви раиси в.в.б. 31. Ш.Ш. Худайкулов — «Uzbekistan Airways» АЖ бошқаруви раиси 32. З.Г. Нарзуллаев — «Ўзбекистон темир йўллари» АЖ бошқаруви раиси 33. А.А. Джурабаев — Ўзбекистон Миллий телерадиокомпанияси раиси 34. Б.А. Зуфаров — «ИнтерФорум» ДУК директори 35. Э.И. Нажимов — ЮНЕСКО ишлари бўйича Миллий комиссия Бош котиби ўринбосари, Маданият ва санъатни ривожлантириш жамғармаси раисининг биринчи ўринбосари, Ташкилий қўмита котиби

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 15 март,

ПҚ-128-сон

(Қонунчилик маълумотлари миллий базаси, 16.03.2024 й., 07/24/128/0216-сон)

lex.uz

Oʻzbekiston Respublikasi Prezidentining

Qarori

TARKIBI

2025-yilda YUNESKO Bosh konferensiyasi 43-sessiyasining Samarqand shahrida oʻtkazilishiga tayyorgarlik koʻrish boʻyicha chora-tadbirlar toʻgʻrisida

[Koʻchirma]

Keyingi yillarda Oʻzbekistoning YUNESKO bilan hamkorligi yangi bosqichga koʻtarildi. Mamlakatimizning jahon hamjamiyatidagi obroʻsini yanada oshirish va mustahkamlashda, ikki va koʻp tomonlama hamkorliklarni kengaytirish va chuqurlashtirishda YUNESKO muhim platforma vazifasini oʻtab kelmoqda.

Buning natijasida 2017 — 2023-yillarda milliy madaniy merosimizning 14 ta noyob namunasi YUNESKOning roʻyxatlaridan joy olib, insoniyat merosi sifatida xalqaro miqyosda eʼtirof etildi. Buxoro shahri Ijodkor shaharlar tarmogʻiga kiritildi. 2023-yil sentyabr oyida YUNESKO Bosh qarorgohida buyuk mutafakkir va qomusiy olim Abu Rayhon Beruniy tavalludining 1050 yilligi keng nishonlandi.

Ayniqsa, 2023-yil 7 — 22-noyabr kunlari Parij shahrida boʻlib oʻtgan YUNESKO Bosh konferensiyasining 42-sessiyasi yakunida Oʻzbekiston Respublikasining YUNESKO Bosh konferensiyasining 43-sessiyasini (keyingi oʻrinlarda — Sessiya) 2025-yilda Samarqand shahrida oʻtkazish toʻgʻrisidagi tashabbusi bir ovozdan qoʻllab-quvvatlangani jahon hamjamiyati tomonidan muhim voqea sifatida eʼtirof etildi.

Ushbu nufuzli xalqaro anjumanni yuqori darajada oʻtkazishga har jihatdan puxta tayyorgarlik koʻrish, shuningdek, Oʻzbekiston va YUNESKO hamkorligini yanada rivojlantirish maqsadida:

1. 2025-yilda YUNESKO Bosh konferensiyasi 43-sessiyasining Samarqand shahrida oʻtkazilishiga tayyorgarlik koʻrish boʻyicha tashkiliy qoʻmita (keyingi oʻrinlarda — Tashkiliy qoʻmita) tuzilsin hamda uning tarkibi 1-ilovaga muvofiq tasdiqlansin.

2. Tashkiliy qoʻmita (A.N. Aripov):

Sessiyani oʻtkazish bilan bogʻliq barcha tashkiliy masalalarni hal qilib borsin, shuningdek, axborot-tahliliy va boshqa hujjatlarning oʻz vaqtida va sifatli tayyorlanishini taʼminlasin;

Sessiyaning Samarqand shahrida oʻtkazilishining ahamiyati haqida yuqori sifatli media mahsulotlar hamda audiovizual asarlar yaratib, ularni mahalliy va xorijiy ommaviy axborot vositalarida efirga berib borish, ijtimoiy tarmoqlarga joylashtirish, xeshteg va chellenj kabi usullarni qoʻllash orqali keng targʻib qilish choralarini koʻrsin;

Sessiyaning Samarqand shahrida oʻtkazilishi munosabati bilan “Samarqand — jahon tamaddunlari chorrahasida” kitob-albomni oʻzbek, rus, ingliz va fransuz tillarida chop etish, pochta markalari va konvertlar turkumini yaratish, taqvimlar va koʻrgazmali targʻibot vositalari, esdalik tangalari, kumush va oltin tangalarning muomalaga chiqarilishini tashkil qilsin;

Sessiya doirasida Samarqand shahrida tadbirlar oʻtkaziladigan joylarni zamonaviy texnik va telekommunikatsiya uskunalari bilan jihozlasin hamda Toshkent va Samarqand shaharlaridagi obyektlar va zarur boʻlgan mehmonxona fondini tayyorlasin;

Sessiya doirasida Toshkent, Samarqand, Buxoro, Xiva va Shahrisabz shaharlarida madaniy tadbirlar, ekskursiyalar va qabullarni yuqori saviyada tashkil etsin;

Sessiya ishtirokchilarining kelishi va ketishi, ularga viza rasmiylashtirish, transport va tibbiy xizmatlar koʻrsatish masalalari samarali hal qilinishini muvofiqlashtirsin.

3. Sessiya “Silk Road Samarkand” sayyohlik majmuasida oʻtkazilsin.

4. Sessiyaga tayyorgarlik doirasida:

Madaniy meros agentligi Madaniyat va sanʼatni rivojlantirish jamgʻarmasi, Iqtisodiyot va moliya vazirligi bilan birgalikda — Samarqand shahridagi tegishli madaniy meros obyektlarini asrashga doir ishlarni hamda immersiv va mavzuli koʻrgazmalarni tashkil etsin;

Tashqi ishlar vazirligi — YUNESKO Bosh direktori nomiga Oʻzbekiston Respublikasining Madaniy yodgorliklarni saqlash va restavratsiya qilish boʻyicha xalqaro tadqiqot markaziga aʼzo boʻlishi uchun rasmiy ariza topshirsin;

YUNESKO ishlari boʻyicha milliy komissiya — Oʻzbekistondagi shaharlar, noyob madaniy va tabiiy meros obyektlarini tegishlicha YUNESKOning Ijodkor shaharlar hamda Taʼlimni targʻib etuvchi shaharlar tarmoqlariga, shuningdek, xalqaro roʻyxatlariga kiritish choralarini koʻrsin;

Madaniyat va sanʼatni rivojlantirish jamgʻarmasi — YUNESKO mezonlari asosida va xorijiy ekspertlarni jalb etgan holda Samarqand shahrida Buyuk ipak yoʻli davlat muzeyini tashkil etish, sohibqiron Amir Temur bogʻlarini qayta tiklash, Bibixonim majmuasini restavratsiya qilish, Umumjahon merosi roʻyxatiga kiritilgan Buxoro tarixiy markazini muhofaza qilishga qaratilgan uning master va menejment rejalarini ishlab chiqish boʻyicha tegishli qarorlar loyihalarini belgilangan tartibda kiritsin;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tegishli vazirlik va idoralar Tashqi ishlar vazirligi bilan birgalikda — Sessiyaning mamlakatimizda oʻtkazilishining ahamiyatini, shuningdek, Oʻzbekiston jahon siyosatining markazlaridan biriga, global tashabbuslar muallifiga aylanib borayotganini atroflicha ochib berishga qaratilgan targʻibot-tashviqot ishlarini tashkil etsin.

5. Quyidagilar:

2025-yilda YUNESKO Bosh konferensiyasi 43-sessiyasining Samarqand shahrida oʻtkazilishiga tayyorgarlik koʻrish boʻyicha “yoʻl xaritasi” 2-ilovaga * muvofiq;

2025-yilda YUNESKO Bosh konferensiyasi 43-sessiyasining Samarqand shahrida oʻtkazilishiga tayyorgarlik koʻrish doirasida xorijiy davlatlarda targʻibot ishlarini tashkil etadigan Oʻzbekiston Respublikasining xorijdagi diplomatik vakolatxonalari va oliy taʼlim muassasalari roʻyxati 3-ilovaga * muvofiq tasdiqlansin.

Tashkiliy qoʻmita, Oliy taʼlim, fan va innovatsiyalar vazirligi, Tashqi ishlar vazirligi, tegishli vazirlik va idoralar ushbu qarorga muvofiq davlatchiligimiz rivojining uch ming yildan ziyod tarixi, jahon sivilizatsiyasiga beqiyos hissa qoʻshgan buyuk ajdodlarimizning ilmiy, madaniy va maʼnaviy merosi hamda mamlakatimizda amalga oshirilayotgan islohotlar natijalarini xorijiy davlatlarda keng targʻib qilish hamda ular bilan hamkorlik aloqalarini yanada rivojlantirish chora-tadbirlarini belgilangan tartibda amalga oshirsin.

6. Belgilansinki:

Madaniyat va sanʼatni rivojlantirish jamgʻarmasi Tashkiliy qoʻmitaning Ishchi organi (keyingi oʻrinlarda — Ishchi organ) hisoblanadi;

“InterForum” davlat unitar korxonasi Sessiyani tashkil etishga tayyorgarlik koʻrish boʻyicha Bosh operator hisoblanadi;

vazirliklar va idoralarning birinchi rahbarlari ushbu qarorda nazarda tutilgan topshiriqlar, shuningdek, Tashkiliy qoʻmita hamda Ishchi organning boshqa tezkor koʻrsatmalari oʻz vaqtida va sifatli bajarilishi uchun shaxsan javobgar hisoblanadi.

7. Tashqi ishlar vazirligi Sessiya ishtirokchilari uchun Ishchi organning viza talabnomalariga binoan kirish vizalarini konsullik yigʻimlari va haqiqiy xarajatlarning oʻrnini qoplash hisobidan yigʻimlar undirmasdan, zarur hollarda “Toshkent” va “Samarqand” xalqaro aeroportlarida rasmiylashtirishni taʼminlasin.

8. 2024-yil 1-apreldan boshlab Oʻzbekiston Respublikasining chet davlatlardagi diplomatik vakolatxonalari, konsullik muassasalari va xalqaro tashkilotlar huzuridagi vakolatxonalarining umumiy shtat birliklari sonini oʻzgartirgan holda Oʻzbekiston Respublikasining YUNESKO huzuridagi Doimiy vakolatxonasi (keyingi oʻrinlarda — Doimiy vakolatxona) shtatlar jadvaliga maslahatchi va ikkinchi kotib ikkita qoʻshimcha shtat birligi kiritilsin, shuningdek, Doimiy vakolatxonaga qoʻshimcha bitta transport vositasini saqlashga limit ajratilsin.

9. Tashqi ishlar vazirligi Doimiy vakolatxonani saqlash xarajatlarini uning tashkiliy-shtat tuzilmasidagi oʻzgarishlarni va qoʻshimcha bitta transport vositasini saqlashga limit ajratilganini inobatga olgan holda, Oʻzbekiston Respublikasining 2024-yilga moʻljallangan Davlat budjeti parametrlarida Tashqi ishlar vazirligiga ajratilgan mablagʻlar doirasida moliyalashtirishni taʼminlasin.

10. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston milliy media assotsiatsiyasi, “Dunyo” axborot agentligi va boshqa ommaviy axborot vositalariga Sessiyaning mamlakatimizda oʻtkazilishining ahamiyati hamda ushbu qaror doirasida amalga oshirilayotgan ishlarni keng yoritib borish tavsiya etilsin.

11. Oʻzbekiston Respublikasi Prezidentining 2018-yil 3-oktabrdagi “Oʻzbekiston Respublikasining Birlashgan Millatlar Tashkiloti huzuridagi Taʼlim, fan va madaniyat masalalari boʻyicha (YUNESKO) doimiy vakolatxonasi faoliyatini samarali tashkil etish chora-tadbirlari toʻgʻrisida”gi PQ-3957-son qaroriga 4-ilovaga * muvofiq oʻzgartirishlar kiritilsin.

12. Mazkur qarorning ijrosini samarali tashkil qilishga masʼul etib YUNESKO ishlari boʻyicha Oʻzbekiston Respublikasi milliy komissiyasi raisi G.O. Umerova va tashqi ishlar vaziri B.O. Saidov belgilansin.

Qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasining Ijtimoiy rivojlanish departamenti rahbari O.Q. Abduraxmonov zimmasiga yuklansin.

Oʻzbekiston Respublikasi Prezidentining 2024-yil 15-martdagi PQ-128-son qaroriga 1-ILOVA

2025-yilda YUNESKO Bosh konferensiyasi 43-sessiyasining Samarqand shahrida oʻtkazilishiga tayyorgarlik koʻrish boʻyicha tashkiliy qoʻmita

1. A.N. Aripov — Oʻzbekiston Respublikasining Bosh vaziri, Tashkiliy qoʻmita raisi 2. S.Sh. Mirziyoyeva — Oʻzbekiston Respublikasi Prezidentining yordamchisi, Tashkiliy qoʻmita raisining oʻrinbosari 3. G.O. Umerova — Oʻzbekiston Respublikasi Prezidenti Administratsiyasining Ijtimoiy rivojlanish departamenti rahbari oʻrinbosari, YUNESKO ishlari boʻyicha Oʻzbekiston Respublikasi Milliy komissiya raisi 4. J.A. Xodjayev — Oʻzbekiston Respublikasi Bosh vazirining oʻrinbosari 5. A.J. Ramatov — Oʻzbekiston Respublikasi Bosh vazirining oʻrinbosari 6. J.A. Qoʻchqorov — Oʻzbekiston Respublikasi Bosh vazirining oʻrinbosari — iqtisodiyot va moliya vaziri 7. B.O. Saidov — tashqi ishlar vaziri 8. L.Sh. Kudratov — investitsiyalar, sanoat va savdo vaziri 9. O.A. Nazarbekov — madaniyat vaziri 10. I.R. Mahkamov — transport vaziri 11. A.I. Ikramov — sport vaziri 12. B.I. Zakirov — qurilish va uy-joy kommunal xoʻjaligi vaziri 13. J.T. Mirzamahmudov — energetika vaziri 14. A.A. Abduhakimov — ekologiya, atrof-muhitni muhofaza qilish va iqlim oʻzgarishi vaziri 15. K.A. Sharipov — oliy taʼlim, fan va innovatsiyalar vaziri 16. Sh.X. Shermatov — raqamli texnologiyalar vaziri 17. A.A. Xudoyarov — sogʻliqni saqlash vaziri v.b. 18. P.R. Bobojonov — ichki ishlar vaziri 19. R.M. Djurayev — Milliy gvardiya qoʻmondoni 20. E.O. Turdimov — Samarqand viloyati hokimi 21. B.K. Zaripov — Buxoro viloyati hokimi 22. J.R. Raximov — Xorazm viloyati hokimi 23. M.B. Azimov — Qashqadaryo viloyati hokimi 24. Sh.B. Umurzoqov — Toshkent shahar hokimi v.b. 25. A.Y. Mavlonov — Bojxona qoʻmitasi raisi 26. Lavozimi boʻyicha — Davlat xavfsizlik xizmati masʼul xodimi 27. U.R. Shadiyev — Turizm qoʻmitasi raisi 28. A.A. Xodjayev — Axborot va ommaviy kommunikatsiyalar agentligi direktori 29. B.G. Abdikarimov — Madaniy meros agentligi direktori 30. J.O. Umarxodjayev — “Uzbekistan Airports” AJ boshqaruvi raisi v.v.b. 31. Sh.Sh. Xudaykulov — “Uzbekistan Airways” AJ boshqaruvi raisi 32. Z.G. Narzullayev — “Oʻzbekiston temir yoʻllari” AJ boshqaruvi raisi 33. A.A. Djurabayev — Oʻzbekiston Milliy teleradiokompaniyasi raisi 34. B.A. Zufarov — “InterForum” DUK direktori 35. E.I. Najimov — YUNESKO ishlari boʻyicha Milliy komissiya Bosh kotibi oʻrinbosari, Madaniyat va sanʼatni rivojlantirish jamgʻarmasi raisining birinchi oʻrinbosari, Tashkiliy qoʻmita kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 15-mart,

PQ-128-son

(Qonunchilik maʼlumotlari milliy bazasi, 16.03.2024-y., 07/24/128/0216-son)

lex.uz

Президента Республики Узбекистан

Постановление

СОСТАВ

О мерах по подготовке к проведению в городе Самарканде 43-й сессии Генеральной конференции ЮНЕСКО в 2025 году

[Извлечение]

В последние годы сотрудничество Узбекистана с ЮНЕСКО поднялось на новый уровень. ЮНЕСКО выполняет функцию важной платформы в дальнейшем повышении и укреплении авторитета нашей страны в мировом сообществе, расширении и углублении двустороннего и многостороннего сотрудничества.

В результате в 2017 — 2023 годах 14 уникальных образцов нашего национального культурного наследия включены в списки ЮНЕСКО и признаны на международном уровне в качестве наследия человечества. Город Бухара включен в Сеть творческих городов. В сентябре 2023 года в штаб-квартире ЮНЕСКО было широко отмечено 1050-летие со дня рождения великого мыслителя и ученого-энциклопедиста Абу Райхона Беруни.

Единогласная поддержка по итогам 42-й сессии Генеральной конференции ЮНЕСКО, прошедшей 7 — 22 ноября 2023 года в городе Париже, инициативы Республики Узбекистан о проведении в 2025 году в городе Самарканде 43-й сессии Генеральной конференции ЮНЕСКО (далее — Сессия) нашла широкое признание мирового сообщества в качестве важного события.

В целях тщательной и всесторонней подготовки к проведению на высоком уровне данного престижного международного форума, а также дальнейшего развития сотрудничества Узбекистана и ЮНЕСКО:

1. Создать Организационный комитет по подготовке к проведению в городе Самарканде 43-й сессии Генеральной конференции ЮНЕСКО в 2025 году (далее — Организационный комитет) и утвердить его состав согласно приложению № 1 .

2. Организационному комитету (А.Н. Арипов):

обеспечить решение всех организационных вопросов, связанных с проведением Сессии, а также своевременную и качественную подготовку информационно-аналитической и иной документации;

принять меры по созданию медиапродукции и аудиовизуальных произведений высокого качества о значении проведения Сессии в городе Самарканде, обеспечению их широкого продвижения путем передачи в эфир в отечественных и зарубежных средствах массовой информации, размещения в социальных сетях, применения таких приемов, как хэштег и челлендж;

организовать в связи с проведением Сессии в городе Самарканде издание книги-альбома «Самарканд — на перекрестке мировых цивилизаций» на узбекском, русском, английском и французском языках, создание серии почтовых марок и конвертов, выпуск в обращение календарей и наглядных средств пропаганды, памятных монет, серебряных и золотых монет;

оснастить в рамках Сессии места проведения мероприятий в городе Самарканде современным техническим и телекоммуникационным оборудованием, а также подготовить объекты в городах Ташкенте и Самарканде и необходимый гостиничный фонд;

организовать в рамках Сессии в городах Ташкенте, Самарканде, Бухаре, Хиве и Шахрисабзе культурные мероприятия, экскурсии и приемы на высоком уровне;

координировать эффективное решение вопросов прибытия и убытия участников Сессии, оформления им визы, оказания транспортных и медицинских услуг.

3. Провести Сессию в туристическом комплексе «Silk Road Samarkand».

4. В рамках подготовки к Сессии:

Агентству культурного наследия совместно с Фондом развития культуры и искусства, Министерством экономики и финансов организовать работу по сохранению соответствующих объектов культурного наследия в городе Самарканде, а также иммерсивные и тематические выставки;

Министерству иностранных дел подать официальную заявку на имя Генерального директора ЮНЕСКО по вхождению Республики Узбекистан в Международный исследовательский центр по хранению и реставрации памятников культуры;

Национальной комиссии по делам ЮНЕСКО принять меры по включению городов Узбекистана, уникальных культурных объектов и объектов природного наследия в Сети творческих городов и обучающихся городов ЮНЕСКО, а также международные списки соответственно;

Фонду развития культуры и искусства на основе критериев ЮНЕСКО и с привлечением зарубежных экспертов внести в установленном порядке проекты соответствующих постановлений по созданию в городе Самарканде Государственного музея Великого шелкового пути, восстановлению садов великого полководца Амира Темура, реставрации комплекса «Бибиханум», разработке мастер-плана и менеджмент-плана, направленных на охрану Исторического центра «Бухара», внесенного в Список всемирного наследия;

Совету Министров Республики Каракалпакстан, хокимиятам областей и города Ташкента, соответствующим министерствам и ведомствам совместно с Министерством иностранных дел организовать информационно-разъяснительную работу, направленную на детальное раскрытие значения проведения Сессии в нашей стране, а также превращения Узбекистана в один из центров мировой политики, автора глобальных инициатив.

5. Утвердить:

«Дорожную карту» по подготовке к проведению в городе Самарканде 43-й сессии Генеральной конференции ЮНЕСКО в 2025 году согласно приложению № 2 * ;

Перечень дипломатических представительств за рубежом и высших образовательных учреждений Республики Узбекистан, организующих пропагандистскую работу в зарубежных государствах в рамках подготовки к проведению 43-й сессии Генеральной конференции ЮНЕСКО в городе Самарканде в 2025 году, согласно приложению № 3 * .

Организационному комитету, Министерству высшего образования, науки и инноваций, Министерству иностранных дел, соответствующим министерствам и ведомствам в соответствии с настоящим постановлением принять в установленном порядке меры по широкой пропаганде в зарубежных государствах более чем трехтысячелетней истории развития нашей государственности, научного, культурного и духовного наследия наших великих предков, внесших бесценный вклад в мировую цивилизацию, результатов осуществляемых в нашей стране реформ, а также дальнейшего развития сотрудничества с ними.

6. Определить, что:

Фонд развития культуры и искусства является Рабочим органом Организационного комитета (далее — Рабочий орган);

Государственное унитарное предприятие «ИнтерФорум» является Главным оператором по подготовке к организации Сессии;

первые руководители министерств и ведомств несут персональную ответственность за своевременное и качественное выполнение поручений, предусмотренных настоящим постановлением, а также других оперативных поручений Организационного комитета и Рабочего органа.

7. Министерству иностранных дел обеспечить по визовым заявкам Рабочего органа оформление въездных виз участникам Сессии без взимания консульских сборов и сборов в счет возмещения фактических расходов, при необходимости — в международных аэропортах «Ташкент» и «Самарканд».

8. Ввести с 1 апреля 2024 года две дополнительные штатные единицы советника и второго секретаря в штатное расписание Постоянного представительства Республики Узбекистан при ЮНЕСКО (далее — Постоянное представительство) с изменением общей штатной численности дипломатических представительств за рубежом, консульских учреждений и представительств Республики Узбекистан при международных организациях, а также выделить Постоянному представительству лимит на содержание дополнительной одной единицы транспортного средства.

9. Министерству иностранных дел с учетом изменений в организационно-штатной структуре Постоянного представительства и выделения ему лимита на содержание дополнительной одной единицы транспортного средства обеспечить финансирование расходов на содержание Постоянного представительства в рамках средств, выделенных Министерству иностранных дел в параметрах Государственного бюджета Республики Узбекистан на 2024 год.

10. Рекомендовать Национальному информационному агентству Узбекистана, Национальной телерадиокомпании Узбекистана, Национальной медиа-ассоциации Узбекистана, Информационному агентству «Дунё» и другим средствам массовой информации широко освещать значение проведения Сессии в нашей стране и работы, осуществляемой в рамках настоящего постановления.

11. Внести изменения в постановление Президента Республики Узбекистан от 3 октября 2018 года № ПП-3957 «О мерах по организации эффективной деятельности Постоянного представительства Республики Узбекистан при Организации Объединенных Наций по вопросам образования, науки и культуры (ЮНЕСКО)» согласно приложению № 4 * .

12. Возложить на председателя Национальной комиссии Республики Узбекистан по делам ЮНЕСКО Г.О. Умерову и министра иностранных дел Б.О. Саидова персональную ответственность за эффективную организацию исполнения настоящего постановления.

Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахмонова.

ПРИЛОЖЕНИЕ № 1 к постановлению Президента Республики Узбекистан от 15 марта 2024 года № ПП-128

Организационного комитета по подготовке к проведению в городе Самарканде 43-й сессии Генеральной конференции ЮНЕСКО в 2025 году

1. А.Н. Арипов — Премьер-министр Республики Узбекистан, председатель Организационного комитета 2. С.Ш. Мирзиёева — помощник Президента Республики Узбекистан, заместитель председателя Организационного комитета 3. Г.О. Умерова — заместитель руководителя Департамента социального развития Администрации Президента Республики Узбекистан, председатель Национальной комиссии Республики Узбекистан по делам ЮНЕСКО 4. Ж.А. Ходжаев — заместитель Премьер-министра Республики Узбекистан 5. А.Ж. Раматов — заместитель Премьер-министра Республики Узбекистан 6. Д.А. Кучкаров — заместитель Премьер-министра Республики Узбекистан — министр экономики и финансов 7. Б.О. Саидов — министр иностранных дел 8. Л.Ш. Кудратов — министр инвестиций, промышленности и торговли 9. Ж.Т. Мирзамахмудов — министр энергетики 10. И.Р. Махкамов — министр транспорта 11. А.И. Икрамов — министр спорта 12. О.А. Назарбеков — министр культуры 13. Б.И. Закиров — министр строительства и жилищно-коммунального хозяйства 14. А.А. Абдухакимов — министр экологии, охраны окружающей среды и изменения климата 15. К.А. Шарипов — министр высшего образования, науки и инноваций 16. Ш.Х. Шерматов — министр цифровых технологий 17. А.А. Худаяров — и.о. министра здравоохранения 18. П.Р. Бобожонов — министр внутренних дел 19. Р.М. Джураев — командующий Национальной гвардией 20. А.Ю. Мавлонов — председатель Таможенного комитета 21. По должности — ответственный сотрудник Службы государственной безопасности 22. У.Р. Шадиев — председатель Комитета по туризму 23. А.А. Ходжаев — директор Агентства информации и массовых коммуникаций 24. Б.Г. Абдикаримов — директор Агентства культурного наследия 25. Ж.О. Умарходжаев — врио председателя АО «Uzbekistan Airports» 26. Ш.Ш. Худайкулов — председатель правления АО «Uzbekistan Airways» 27. З.Г. Нарзуллаев — председатель правления АО «Узбекистон темир йуллари» 28. Э.О. Турдимов — хоким Самаркандской области 29. Б.К. Зарипов — хоким Бухарской области 30. Ж.Р. Рахимов — хоким Хорезмской области 31. М.Б. Азимов — хоким Кашкадарьинской области 32. Ш.Б. Умурзаков — и.о. хокима города Ташкента 33. А.А. Джурабаев — председатель Национальной телерадиокомпании Узбекистана 34. Б.А. Зуфаров — директор ГУП «Интерфорум» 35. Э.И. Нажимов — заместитель Генерального секретаря Национальной комиссии по делам ЮНЕСКО, первый заместитель председателя Фонда развития культуры и искусства, секретарь Организационного комитета

Президент Республики Узбекистан Ш. МИРЗИЁЕВ

г. Ташкент,

15 марта 2024 г.,

№ ПП-128

(Национальная база данных законодательства, 16.03.2024 г., № 07/24/128/0216)

lex.uz