📅 2024-yil 18-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 18 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 марта 2024 г. · Постановления Президента
Официальный текст. Официальный документ. Редакционные примечания не включены.
📅 18 March 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Ўзбекистон Республикасида электромобиль ва гибрид автомобиллар ҳамда уларнинг бутловчи қисмларини ишлаб чиқаришни ташкил этиш» инвестиция лойиҳасини амалга ошириш тўғрисидаги инвестиция шартномасини тасдиқлаш ҳақида
Ўзбекистон Республикаси Президентининг 2022 йил 19 декабрдаги «Электромобиллар ишлаб чиқаришни ташкил этишни давлат томонидан қўллаб-қувватлаш чора-тадбирлари тўғрисида»ги ПҚ-443-сон қарори ижросини таъминлаш, республикада «BYD» электромобиллари ва гибрид автомобилларни ишлаб чиқаришни ташкил этиш ҳамда маҳаллий автомобилсозлик маҳсулотлари номенклатурасини янада кенгайтириш мақсадида:
1. Қуйидагилар:
а) 2022 йил 29 декабрда «Ўзавтосаноат» АЖ ва «BYD Europe B.V.» (Нидерландия Қироллиги) компанияси (кейинги ўринларда — Инвестор) иштирокида масъулияти чекланган жамият шаклида «BYD Uzbekistan Factory» қўшма корхонаси (кейинги ўринларда — Қўшма корхона) таъсис этилганлиги;
б) Ўзбекистон Республикаси Ҳукумати номидан Инвестициялар, саноат ва савдо вазирлиги ва Инвестор ўртасида 2023 йил 26 сентябрда «Ўзбекистон Республикасида электромобиль ва гибрид автомобиллар ҳамда уларнинг бутловчи қисмларини ишлаб чиқаришни ташкил этиш» инвестиция лойиҳасини (кейинги ўринларда — Инвестиция лойиҳаси) амалга ошириш тўғрисидаги инвестиция шартномаси имзоланганлиги ҳамда унга мувофиқ Инвестор ва Қўшма корхона ўз зиммасига қуйидагиларни:
Инвестиция лойиҳасини амалга оширишнинг бутун даври мобайнида умумий қиймати 160 миллион АҚШ доллари миқдорида инвестицияларни, шу жумладан 60 миллион АҚШ доллари миқдорида тўғридан-тўғри хорижий инвестицияларни жалб этиши;
Инвестиция лойиҳасининг биринчи босқичида (2024 йил давомида) ишлаб чиқариш қувватини майда узелли йиғиш (CKD) усулида 50 минг дона электромобиль ва гибрид автомобилга етказиш;
Инвестор ишлаб чиқариладиган электромобиль ва гибрид автомобиллар учун босқичма-босқич маҳаллий корхоналарда бутловчи ва эҳтиёт қисмларни, шу жумладан ойналар, ўриндиқлар, пластик қисмлар ва бамперларни маҳаллийлаштиришга кўмаклашиш;
маҳаллий аҳоли учун 1000 та янги иш ўринларини яратиш;
Инвестор Қўшма корхонанинг маблағларини тадқиқотлар олиб бориш ҳамда маҳаллий ходимларнинг малакасини ошириб боришга (шу жумладан хориждаги «BYD» корхоналарида) йўналтириш юзасидан мажбуриятларни олганлиги;
в) Инвесторнинг электромобилларнинг маҳаллий иқлим ва йўл шароитларига мослаштирилмагани ҳамда расмий кафолатга эга бўлмагани учун тартибсиз импортни чеклаш бўйича Ҳукуматга мурожаат қилганлиги маълумот учун қабул қилинсин.
2. Инвестиция лойиҳасини амалга ошириш доирасида Ўзбекистон Республикаси Ҳукумати номидан Инвестициялар, саноат ва савдо вазирлиги ва Инвестор ўртасида имзоланган «Ўзбекистон Республикасида электромобиль ва гибрид автомобиллар ҳамда уларнинг бутловчи қисмларини ишлаб чиқаришни ташкил этиш» инвестиция лойиҳасини амалга ошириш тўғрисидаги инвестиция шартномаси тасдиқлансин.
Бунда, Инвестициялар, саноат ва савдо вазирлиги, «Ўзавтосаноат» АЖ инвестиция шартномасига қуйидаги масалаларни қўшиш бўйича Инвестор билан музокаралар олиб борсин ва натижаси бўйича қўшимча келишувни Вазирлар Маҳкамасига киритсин:
Инвестиция лойиҳасини амалга оширишнинг кейинги даврларида электромобиль ва гибрид автомобиллар ишлаб чиқариш қувватини босқичма-босқич йилига 500 минг донагача ошириш;
Инвестиция лойиҳасини амалга оширишнинг кейинги даврларида ишлаб чиқариладиган электромобиль ва гибрид автомобилларнинг маҳаллийлаштириш даражасини 60 фоизгача етказиш;
маҳаллий аҳоли учун 10 000 та янги иш ўринларини яратиш;
ишлаб чиқарилган электромобиль ва гибрид автомобилларни Қўшма корхона томонидан белгиланган экспорт давлатларидан ташқари доимий равишда экспорт қилинадиган давлатлар рўйхатини кенгайтириш;
сифатли ва хавфсиз электромобиль ва гибрид автомобилларни харид қилиш, уларнинг маҳаллий иқлим шароитларига мувофиқлигини таъминлаш ҳамда кафолатли сервис хизматини кўрсатиш бўйича истеъмолчиларнинг манфаатларини ҳимоя қилиш чораларини ишлаб чиқиш;
барча автомобиль ишлаб чиқарувчи корхоналарга, шу жумладан Инвесторга, қонунчилик ҳужжатларида назарда тутилган имтиёз ва преференцияларни беришда тенг шартлар ва шароитларни яратиш.
3. Иқтисодиёт ва молия вазирлиги, Инвестициялар, саноат ва савдо вазирлиги ҳамда «Ўзавтосаноат» АЖ 2024 йил 1 июлга қадар амалдаги қонунчилик ҳужжатлари, шу жумладан рақобат тўғрисидаги қонунчилик ҳужжатлари ҳамда Жаҳон савдо ташкилотининг тамойилларидан келиб чиқиб «BYD» бренди остидаги электромобиль ва гибрид автомобиллар импортини тартибга солиш бўйича Инвесторнинг талабини амалга оширишга қаратилган таклифларни Вазирлар Маҳкамасига киритсин.
4. Қўшма корхонанинг буюртманомаларига биноан:
Ташқи ишлар вазирлиги — Инвестиция лойиҳасини амалга ошириш доирасида жалб қилинадиган хорижий мутахассислар учун кириш визалари расмийлаштирилишини;
Ички ишлар вазирлиги — Инвестиция лойиҳасини амалга ошириш доирасида жалб қилинадиган хорижий мутахассисларга ҳамда уларнинг оила аъзоларига кўп марталик визалар берилиши ва уларнинг муддати узайтирилишини, шунингдек, турган жойи бўйича рўйхатдан ўтказилиши ва муддати узайтирилишини таъминласин.
5. Мазкур қарорнинг ижросини самарали ташкил қилишга масъул ва шахсий жавобгар этиб инвестициялар, саноат ва савдо вазири Л.Ш. Қудратов белгилансин.
Қарор ижроси учун масъул вазирлик ва идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 18 март,
ПҚ-132-сон
Oʻzbekiston Respublikasi Prezidentining
Qarori
“Oʻzbekiston Respublikasida elektromobil va gibrid avtomobillar hamda ularning butlovchi qismlarini ishlab chiqarishni tashkil etish” investitsiya loyihasini amalga oshirish toʻgʻrisidagi investitsiya shartnomasini tasdiqlash haqida
Oʻzbekiston Respublikasi Prezidentining 2022-yil 19-dekabrdagi “Elektromobillar ishlab chiqarishni tashkil etishni davlat tomonidan qoʻllab-quvvatlash chora-tadbirlari toʻgʻrisida”gi PQ-443-son qarori ijrosini taʼminlash, respublikada “BYD” elektromobillari va gibrid avtomobillarni ishlab chiqarishni tashkil etish hamda mahalliy avtomobilsozlik mahsulotlari nomenklaturasini yanada kengaytirish maqsadida:
1. Quyidagilar:
a) 2022-yil 29-dekabrda “Oʻzavtosanoat” AJ va “BYD Europe B.V.” (Niderlandiya Qirolligi) kompaniyasi (keyingi oʻrinlarda — Investor) ishtirokida masʼuliyati cheklangan jamiyat shaklida “BYD Uzbekistan Factory” qoʻshma korxonasi (keyingi oʻrinlarda — Qoʻshma korxona) taʼsis etilganligi;
b) Oʻzbekiston Respublikasi Hukumati nomidan Investitsiyalar, sanoat va savdo vazirligi va Investor oʻrtasida 2023-yil 26-sentabrda “Oʻzbekiston Respublikasida elektromobil va gibrid avtomobillar hamda ularning butlovchi qismlarini ishlab chiqarishni tashkil etish” investitsiya loyihasini (keyingi oʻrinlarda — Investitsiya loyihasi) amalga oshirish toʻgʻrisidagi investitsiya shartnomasi imzolanganligi hamda unga muvofiq Investor va Qoʻshma korxona oʻz zimmasiga quyidagilarni:
Investitsiya loyihasini amalga oshirishning butun davri mobaynida umumiy qiymati 160 million AQSH dollari miqdorida investitsiyalarni, shu jumladan 60 million AQSH dollari miqdorida toʻgʻridan-toʻgʻri xorijiy investitsiyalarni jalb etishi;
Investitsiya loyihasining birinchi bosqichida (2024-yil davomida) ishlab chiqarish quvvatini mayda uzelli yigʻish (CKD) usulida 50 ming dona elektromobil va gibrid avtomobilga yetkazish;
Investor ishlab chiqariladigan elektromobil va gibrid avtomobillar uchun bosqichma-bosqich mahalliy korxonalarda butlovchi va ehtiyot qismlarni, shu jumladan oynalar, oʻrindiqlar, plastik qismlar va bamperlarni mahalliylashtirishga koʻmaklashish;
mahalliy aholi uchun 1000 ta yangi ish oʻrinlarini yaratish;
Investor Qoʻshma korxonaning mablagʻlarini tadqiqotlar olib borish hamda mahalliy xodimlarning malakasini oshirib borishga (shu jumladan xorijdagi “BYD” korxonalarida) yoʻnaltirish yuzasidan majburiyatlarni olganligi;
v) Investorning elektromobillarning mahalliy iqlim va yoʻl sharoitlariga moslashtirilmagani hamda rasmiy kafolatga ega boʻlmagani uchun tartibsiz importni cheklash boʻyicha Hukumatga murojaat qilganligi maʼlumot uchun qabul qilinsin.
2. Investitsiya loyihasini amalga oshirish doirasida Oʻzbekiston Respublikasi Hukumati nomidan Investitsiyalar, sanoat va savdo vazirligi va Investor oʻrtasida imzolangan “Oʻzbekiston Respublikasida elektromobil va gibrid avtomobillar hamda ularning butlovchi qismlarini ishlab chiqarishni tashkil etish” investitsiya loyihasini amalga oshirish toʻgʻrisidagi investitsiya shartnomasi tasdiqlansin.
Bunda, Investitsiyalar, sanoat va savdo vazirligi, “Oʻzavtosanoat” AJ investitsiya shartnomasiga quyidagi masalalarni qoʻshish boʻyicha Investor bilan muzokaralar olib borsin va natijasi boʻyicha qoʻshimcha kelishuvni Vazirlar Mahkamasiga kiritsin:
Investitsiya loyihasini amalga oshirishning keyingi davrlarida elektromobil va gibrid avtomobillar ishlab chiqarish quvvatini bosqichma-bosqich yiliga 500 ming donagacha oshirish;
Investitsiya loyihasini amalga oshirishning keyingi davrlarida ishlab chiqariladigan elektromobil va gibrid avtomobillarning mahalliylashtirish darajasini 60 foizgacha yetkazish;
mahalliy aholi uchun 10 000 ta yangi ish oʻrinlarini yaratish;
ishlab chiqarilgan elektromobil va gibrid avtomobillarni Qoʻshma korxona tomonidan belgilangan eksport davlatlaridan tashqari doimiy ravishda eksport qilinadigan davlatlar roʻyxatini kengaytirish;
sifatli va xavfsiz elektromobil va gibrid avtomobillarni xarid qilish, ularning mahalliy iqlim sharoitlariga muvofiqligini taʼminlash hamda kafolatli servis xizmatini koʻrsatish boʻyicha isteʼmolchilarning manfaatlarini himoya qilish choralarini ishlab chiqish;
barcha avtomobil ishlab chiqaruvchi korxonalarga, shu jumladan Investorga, qonunchilik hujjatlarida nazarda tutilgan imtiyoz va preferensiyalarni berishda teng shartlar va sharoitlarni yaratish.
3. Iqtisodiyot va moliya vazirligi, Investitsiyalar, sanoat va savdo vazirligi hamda “Oʻzavtosanoat” AJ 2024-yil 1-iyulga qadar amaldagi qonunchilik hujjatlari, shu jumladan raqobat toʻgʻrisidagi qonunchilik hujjatlari hamda Jahon savdo tashkilotining tamoyillaridan kelib chiqib “BYD” brendi ostidagi elektromobil va gibrid avtomobillar importini tartibga solish boʻyicha Investorning talabini amalga oshirishga qaratilgan takliflarni Vazirlar Mahkamasiga kiritsin.
4. Qoʻshma korxonaning buyurtmanomalariga binoan:
Tashqi ishlar vazirligi — Investitsiya loyihasini amalga oshirish doirasida jalb qilinadigan xorijiy mutaxassislar uchun kirish vizalari rasmiylashtirilishini;
Ichki ishlar vazirligi — Investitsiya loyihasini amalga oshirish doirasida jalb qilinadigan xorijiy mutaxassislarga hamda ularning oila aʼzolariga koʻp martalik vizalar berilishi va ularning muddati uzaytirilishini, shuningdek, turgan joyi boʻyicha roʻyxatdan oʻtkazilishi va muddati uzaytirilishini taʼminlasin.
5. Mazkur qarorning ijrosini samarali tashkil qilishga masʼul va shaxsiy javobgar etib investitsiyalar, sanoat va savdo vaziri L.Sh. Qudratov belgilansin.
Qaror ijrosi uchun masʼul vazirlik va idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 18-mart,
PQ-132-son
Президента Республики Узбекистан
Постановление
Об утверждении Инвестиционного договора по реализации инвестиционного проекта «Организация производства электрических и гибридных транспортных средств и их комплектующих частей в Республике Узбекистан»
В целях обеспечения исполнения постановления Президента Республики Узбекистан от 19 декабря 2022 года № ПП-443 «О мерах по государственной поддержке организации производства электромобилей», организации в республике производства электромобилей и гибридных автомобилей «BYD» и дальнейшего расширения номенклатуры отечественной автомобильной продукции:
1. Принять к сведению, что:
а) 29 декабря 2022 года с участием АО «Узавтосаноат» и компании «BYD Europe B.V.» (Королевство Нидерландов) (далее — Инвестор) учреждено совместное предприятие «BYD Uzbekistan Factory» в форме общества с ограниченной ответственностью (далее — Совместное предприятие);
б) между Правительством Республики Узбекистан в лице Министерства инвестиций, промышленности и торговли и Инвестором 26 сентября 2023 года подписан Инвестиционный договор по реализации инвестиционного проекта «Организация производства электрических и гибридных транспортных средств и их комплектующих частей в Республике Узбекистан» (далее — Инвестиционный проект), согласно которому Инвестор и Совместное предприятие взяли на себя следующие обязательства:
привлечение на протяжении всего периода реализации Инвестиционного проекта инвестиций в общем объеме 160 миллионов долларов США, в том числе прямых иностранных инвестиций — в размере 60 миллионов долларов США;
производство на первом этапе Инвестиционного проекта (в течение 2024 года) электромобилей и гибридных автомобилей методом мелкоузловой сборки (CKD) с доведением мощности производства до 50 тысяч единиц;
оказание Инвестором содействия в поэтапной локализации производства на отечественных предприятиях комплектующих и запасных частей для производимых электромобилей и гибридных автомобилей, включая стекла, сидения, пластиковые детали и бамперы;
создание для местного населения 1 000 новых рабочих мест;
направление Инвестором средств Совместного предприятия на проведение исследований и регулярное повышение квалификации местного персонала (в том числе на предприятиях «BYD» за рубежом);
в) Инвестор обратился к Правительству об ограничении неупорядоченного импорта электромобилей, не соответствующих местным климатическим и дорожным условиям, а также не имеющих официальной гарантии.
2. Утвердить подписанный между Правительством Республики Узбекистан в лице Министерства инвестиций, промышленности и торговли и Инвестором Инвестиционный договор по реализации инвестиционного проекта «Организация производства электрических и гибридных транспортных средств и их комплектующих частей в Республике Узбекистан» в рамках реализации Инвестиционного проекта.
При этом Министерству инвестиций, промышленности и торговли, АО «Узавтосаноат» провести переговоры с Инвестором о включении в Инвестиционный договор нижеследующих вопросов и по результатам внести в Кабинет Министров дополнительное соглашение:
поэтапное увеличение на последующих этапах реализации Инвестиционного проекта мощности производства электромобилей и гибридных автомобилей до 500 тысяч единиц в год;
доведение на последующих этапах реализации Инвестиционного проекта уровня локализации производства электромобилей и гибридных автомобилей до 60 процентов;
создание для местного населения 10 000 новых рабочих мест;
расширение перечня государств, в которые будет осуществляться экспорт производимых электромобилей и гибридных автомобилей на постоянной основе, помимо экспортных государств, определенных Совместным предприятием;
разработка мер защиты интересов потребителей по приобретению качественных и безопасных электромобилей и гибридных автомобилей, обеспечению их соответствия местным климатическим условиям и оказанию гарантийных сервисных услуг;
создание равных условий при предоставлении льгот и преференций, предусмотренных актами законодательства, всем предприятиям, производящим автомобили, в том числе Инвестору.
3. Министерству экономики и финансов, Министерству инвестиций, промышленности и торговли и АО «Узавтосаноат» до 1 июля 2024 года внести в Кабинет Министров предложения, направленные на реализацию требования Инвестора по урегулированию импорта электромобилей и гибридных автомобилей под брендом «BYD» на основании действующего законодательства, в том числе актов законодательства о конкуренции, а также принципов Всемирной торговой организации.
4. По заявкам Совместного предприятия в рамках реализации Инвестиционного проекта:
Министерству иностранных дел — обеспечить оформление въездных виз привлекаемым зарубежным специалистам;
Министерству внутренних дел — обеспечить выдачу, продление срока действия многоразовых виз, а также регистрацию по месту пребывания и ее продление привлекаемым зарубежным специалистам, а также членам их семей.
5. Возложить на министра инвестиций, промышленности и торговли Л.Ш. Кудратова персональную ответственность за эффективную организацию исполнения настоящего постановления.
Осуществление координации и контроля за деятельностью министерств и ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
18 марта 2024 г.,
№ ПП-132