📅 2024-yil 20-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 20 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 марта 2024 г. · Постановления Президента
Официальный текст. Официальный документ. Редакционные примечания не включены.
📅 20 March 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Маҳаллаларда футбол инфратузилмасини ривожлантириш ва тармоғини кенгайтириш чора-тадбирлари тўғрисида
Истиқболли ва иқтидорли футболчиларни танлаш ва тайёрлашнинг самарали тизимини яратиш, миллий терма жамоалар ва профессионал футбол клублари учун сифатли спорт захирасини шакллантириш, маҳаллалардан бошлаб футбол инфратузилмасини ривожлантириш ҳамда футбол мактаблари ва футбол академияларига иқтидорли футболчиларни саралаб олишни (селекция) янада такомиллаштириш мақсадида:
1. Қуйидагилар:
а) Ўзбекистон Республикаси Президентининг 2023 йил 3 ноябрдаги «Футбол-таълим муассасалари тармоғини кенгайтириш ҳамда халқаро стандартларга мос келадиган футбол инфратузилмасини ривожлантириш чора-тадбирлари тўғрисида»ги ПҚ-355-сон қарори билан:
ҳар бир ҳудудда оммавий ва профессионал футболни ривожлантириш, шунингдек, мавжуд футбол инфратузилмасидан самарали фойдаланишни ташкил этишга масъул бўлган спорт мактаби директорининг футболни ривожлантириш бўйича алоҳида ўринбосари лавозими жорий этилганлиги;
Ўзбекистон футбол ассоциацияси барча даражадаги футбол-таълим муассасалари, шунингдек Спорт вазирлиги тизимидаги спорт мактаблари ва ихтисослаштирилган спорт мактабларидаги мавжуд футбол секциялари тренерларига умумий услубий раҳбарликни амалга ошириши белгиланганлиги;
б) маҳаллаларда 16 — 30 ёш тоифасидаги ёшлар (ўғил ва қизлар) ўртасида 2021 йилдан бошлаб ҳар йили анъанавий тарзда футбол ва мини-футбол бўйича Давлат хавфсизлик хизмати (кейинги ўринларда — ДХХ) кубоги мусобақалари кенг қамровда ўтказиб келинаётганлиги маълумот учун қабул қилинсин.
2. Футболни ривожлантириш бўйича амалга оширилаётган кенг кўламли ислоҳотларни энг қуйи тизимгача тушириш ҳамда маҳаллалардан бошлаб иқтидорли ёшларни саралаб олиш (селекция) тизимини яратиш мақсадида маҳалладаги ёшлар етакчисига қуйидаги қўшимча вазифалар юклансин:
маҳалла ёшларини оммавий ва профессионал футболга қизиқтириш, шунингдек, бу борада турли тарғибот-ташвиқот ишларини ташкил этиш;
маҳаллаларда мавжуд бўлган футбол бўйича спорт иншоотлари ҳамда бошқа спорт майдончаларидан тизимли ва самарали фойдаланилишини ташкил этиш;
маҳаллада футбол бўйича эркаклар ва аёлларнинг турли ёш тоифалари кесимидаги «маҳалла терма жамоа»ларини шакллантириш ҳамда уларни тайёрлашни ташкил этиш;
маҳалла ёшларининг футбол билан шуғулланиши учун етарли шарт-шароитлар яратилганлигини таҳлил қилиб бориш ҳамда футболни ривожлантириш бўйича спорт-таълим ташкилотлари ва маҳаллий ижро этувчи ҳокимият органлари билан ҳамкорликни тизимли йўлга қўйиш;
маҳаллалардаги ёш иқтидорли футболчиларни аниқлаш ҳамда уларни профессионал футбол таълим муассасаларига йўналтириб бориш;
маҳаллаларда футбол инфратузилмасини ривожлантириш, спорт инвентарлари билан таъминлаш ва маҳалла терма жамоаларига қўшимча шарт-шароитларни яратиш бўйича маҳаллий ижро этувчи ҳокимият органларига таклифлар киритиш.
3. Белгилаб қўйилсинки:
маҳалладаги ёшлар етакчисининг ҳудудларда футбол соҳасидаги фаолиятини мувофиқлаштириш — Қорақалпоғистон Республикаси, вилоятлар ва Тошкент шаҳар ёшлар ишлари бошқармалари, Ўзбекистон футбол ассоциациясининг ҳудудий бўлинмалари, спорт мактабларидаги футбол бўйича директор ўринбосарлари;
маҳалладаги ёшлар етакчисининг футбол соҳасидаги фаолиятига тизимли равишда амалий ёрдам кўрсатиш — Ўзбекистон футбол ассоциациясининг ҳудудий бўлинмалари, спорт мактабларидаги футболни ривожлантириш бўйича директор ўринбосарлари, футбол мураббийлари ва жойлардаги умумий ўрта таълим муассасаларининг жисмоний тарбия фани ўқитувчилари томонидан амалга оширилади.
4. Спорт вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг маҳаллаларда спорт инфратузилмасини ривожлантириш доирасида Давлат бюджети ҳисобидан маҳаллаларда намунавий типдаги спорт иншоотларини барпо этишда жамоавий спорт турларига устунлик бериш тўғрисидаги таклифи маъқуллансин.
Спорт вазирлиги (А. Икрамов) икки ой муддатда Ўзбекистон Республикаси Президентининг 2023 йил 28 июлдаги ПҚ-245-сон қарори билан тасдиқланган «Беш ташаббус олимпиадаси» доирасида ғолиб ва совриндор бўлган ҳамда ҳудудида спорт инфратузилмаси мавжуд бўлмаган маҳаллаларда универсал, стритбол ва воркаут спорт майдончаларини 2030 йилга қадар ташкил қилишнинг умумий параметрларига қўшимча ва ўзгартиришлар киритсин.
5. Ўзбекистон футбол ассоциацияси (А. Азизов) Спорт вазирлиги (А. Икрамов), Ўзбекистон маҳаллалари уюшмаси (Қ. Қуранбоев) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда:
ҳар йили 1 январга қадар маҳаллаларда ўтказиладиган футбол мусобақалари, чемпионат ва турнирларнинг алоҳида йиллик календарь режасини тасдиқлаб борсин;
маҳалла терма жамоаларининг 12 — 15 ёш тоифалари ўртасида икки босқичли «Маҳалла лигаси» ва 16 — 30 ёш тоифалари ўртасида уч босқичли ДХХ кубоги мусобақаларини ўтказиш тизимини йўлга қўйсин;
бир ой муддатда футбол мусобақаларининг йиллик календарь режасига мувофиқ мусобақаларни ўтказиш ва ғолиб бўлган маҳалла жамоаларини рағбатлантириш тартибини ишлаб чиқсин;
2024/2025 ўқув йилига қадар «Маҳалла лигаси» мусобақаларида ўз иқтидорини намоён этган энг иқтидорли футболчи ёшларни саралаб олиш (селекция) орқали ҳудудий футбол ва спорт мактаблари ҳамда футбол академияларига йўналтириб бориш тизимини йўлга қўйсин.
6. Ўзбекистон футбол ассоциацияси (А. Азизов) Мактабгача ва мактаб таълими вазирлиги (Х. Умарова) билан биргаликда 2024 йилдан бошлаб Англия мактаблари футбол ассоциацияси тажрибаси асосида барча умумий ўрта таълим муассасаларида 8 — 11-синф ўқувчилари орасидан бир нафар мактаб футбол етакчисини танлаб олиш тизимини йўлга қўйсин.
Белгилаб қўйилсинки, умумий ўрта таълим муассасалари ўртасида бўладиган мусобақаларда мактаб футбол етакчилари ўзлари таҳсил олаётган умумий ўрта таълим муассасанинг иштирок этиши билан боғлиқ масалаларда спорт мактаби директорининг футболни ривожлантириш бўйича ўринбосарига кўмаклашади.
7. Ўзбекистон Миллий ахборот агентлиги ҳамда Ўзбекистон Миллий телерадиокомпанияси мазкур қарорнинг мазмун-моҳияти ва амалий аҳамиятини ёритишга оид мақолалар, брифинглар, тематик телекўрсатувлар ташкил этсин.
8. Спорт вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини самарали ташкил қилишга масъул ва шахсий жавобгар этиб спорт вазири А.И. Икрамов ҳамда Ўзбекистон футбол ассоциацияси раиси А.А. Азизов белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси департаменти раҳбари О.Қ. Абдурахманов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 20 март,
ПҚ-136-сон
Oʻzbekiston Respublikasi Prezidentining
qarori
Mahallalarda futbol infratuzilmasini rivojlantirish va tarmogʻini kengaytirish chora-tadbirlari toʻgʻrisida
Istiqbolli va iqtidorli futbolchilarni tanlash va tayyorlashning samarali tizimini yaratish, milliy terma jamoalar va professional futbol klublari uchun sifatli sport zaxirasini shakllantirish, mahallalardan boshlab futbol infratuzilmasini rivojlantirish hamda futbol maktablari va futbol akademiyalariga iqtidorli futbolchilarni saralab olishni (seleksiya) yanada takomillashtirish maqsadida:
1. Quyidagilar:
a) Oʻzbekiston Respublikasi Prezidentining 2023-yil 3-noyabrdagi “Futbol-taʼlim muassasalari tarmogʻini kengaytirish hamda xalqaro standartlarga mos keladigan futbol infratuzilmasini rivojlantirish chora-tadbirlari toʻgʻrisida”gi PQ-355-son qarori bilan:
har bir hududda ommaviy va professional futbolni rivojlantirish, shuningdek, mavjud futbol infratuzilmasidan samarali foydalanishni tashkil etishga masʼul boʻlgan sport maktabi direktorining futbolni rivojlantirish boʻyicha alohida oʻrinbosari lavozimi joriy etilganligi;
Oʻzbekiston futbol assotsiatsiyasi barcha darajadagi futbol-taʼlim muassasalari, shuningdek Sport vazirligi tizimidagi sport maktablari va ixtisoslashtirilgan sport maktablaridagi mavjud futbol seksiyalari trenerlariga umumiy uslubiy rahbarlikni amalga oshirishi belgilanganligi;
b) mahallalarda 16 — 30 yosh toifasidagi yoshlar (oʻgʻil va qizlar) oʻrtasida 2021-yildan boshlab har yili anʼanaviy tarzda futbol va mini-futbol boʻyicha Davlat xavfsizlik xizmati (keyingi oʻrinlarda — DXX) kubogi musobaqalari keng qamrovda oʻtkazib kelinayotganligi maʼlumot uchun qabul qilinsin.
2. Futbolni rivojlantirish boʻyicha amalga oshirilayotgan keng koʻlamli islohotlarni eng quyi tizimgacha tushirish hamda mahallalardan boshlab iqtidorli yoshlarni saralab olish (seleksiya) tizimini yaratish maqsadida mahalladagi yoshlar yetakchisiga quyidagi qoʻshimcha vazifalar yuklansin:
mahalla yoshlarini ommaviy va professional futbolga qiziqtirish, shuningdek, bu borada turli targʻibot-tashviqot ishlarini tashkil etish;
mahallalarda mavjud boʻlgan futbol boʻyicha sport inshootlari hamda boshqa sport maydonchalaridan tizimli va samarali foydalanilishini tashkil etish;
mahallada futbol boʻyicha erkaklar va ayollarning turli yosh toifalari kesimidagi “mahalla terma jamoa”larini shakllantirish hamda ularni tayyorlashni tashkil etish;
mahalla yoshlarining futbol bilan shugʻullanishi uchun yetarli shart-sharoitlar yaratilganligini tahlil qilib borish hamda futbolni rivojlantirish boʻyicha sport-taʼlim tashkilotlari va mahalliy ijro etuvchi hokimiyat organlari bilan hamkorlikni tizimli yoʻlga qoʻyish;
mahallalardagi yosh iqtidorli futbolchilarni aniqlash hamda ularni professional futbol taʼlim muassasalariga yoʻnaltirib borish;
mahallalarda futbol infratuzilmasini rivojlantirish, sport inventarlari bilan taʼminlash va mahalla terma jamoalariga qoʻshimcha shart-sharoitlarni yaratish boʻyicha mahalliy ijro etuvchi hokimiyat organlariga takliflar kiritish.
3. Belgilab qoʻyilsinki:
mahalladagi yoshlar yetakchisining hududlarda futbol sohasidagi faoliyatini muvofiqlashtirish — Qoraqalpogʻiston Respublikasi, viloyatlar va Toshkent shahar yoshlar ishlari boshqarmalari, Oʻzbekiston futbol assotsiatsiyasining hududiy boʻlinmalari, sport maktablaridagi futbol boʻyicha direktor oʻrinbosarlari;
mahalladagi yoshlar yetakchisining futbol sohasidagi faoliyatiga tizimli ravishda amaliy yordam koʻrsatish — Oʻzbekiston futbol assotsiatsiyasining hududiy boʻlinmalari, sport maktablaridagi futbolni rivojlantirish boʻyicha direktor oʻrinbosarlari, futbol murabbiylari va joylardagi umumiy oʻrta taʼlim muassasalarining jismoniy tarbiya fani oʻqituvchilari tomonidan amalga oshiriladi.
4. Sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining mahallalarda sport infratuzilmasini rivojlantirish doirasida Davlat budjeti hisobidan mahallalarda namunaviy tipdagi sport inshootlarini barpo etishda jamoaviy sport turlariga ustunlik berish toʻgʻrisidagi taklifi maʼqullansin.
Sport vazirligi (A. Ikramov) ikki oy muddatda Oʻzbekiston Respublikasi Prezidentining 2023-yil 28-iyuldagi PQ-245-son qarori bilan tasdiqlangan “Besh tashabbus olimpiadasi” doirasida gʻolib va sovrindor boʻlgan hamda hududida sport infratuzilmasi mavjud boʻlmagan mahallalarda universal, stritbol va vorkaut sport maydonchalarini 2030-yilga qadar tashkil qilishning umumiy parametrlariga qoʻshimcha va oʻzgartirishlar kiritsin.
5. Oʻzbekiston futbol assotsiatsiyasi (A. Azizov) Sport vazirligi (A. Ikramov), Oʻzbekiston mahallalari uyushmasi (Q. Quranboyev) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda:
har yili 1-yanvarga qadar mahallalarda oʻtkaziladigan futbol musobaqalari, chempionat va turnirlarning alohida yillik kalendar rejasini tasdiqlab borsin;
mahalla terma jamoalarining 12 — 15 yosh toifalari oʻrtasida ikki bosqichli “Mahalla ligasi” va 16 — 30 yosh toifalari oʻrtasida uch bosqichli DXX kubogi musobaqalarini oʻtkazish tizimini yoʻlga qoʻysin;
bir oy muddatda futbol musobaqalarining yillik kalendar rejasiga muvofiq musobaqalarni oʻtkazish va gʻolib boʻlgan mahalla jamoalarini ragʻbatlantirish tartibini ishlab chiqsin;
2024/2025 oʻquv yiliga qadar “Mahalla ligasi” musobaqalarida oʻz iqtidorini namoyon etgan eng iqtidorli futbolchi yoshlarni saralab olish (seleksiya) orqali hududiy futbol va sport maktablari hamda futbol akademiyalariga yoʻnaltirib borish tizimini yoʻlga qoʻysin.
6. Oʻzbekiston futbol assotsiatsiyasi (A. Azizov) Maktabgacha va maktab taʼlimi vazirligi (X. Umarova) bilan birgalikda 2024-yildan boshlab Angliya maktablari futbol assotsiatsiyasi tajribasi asosida barcha umumiy oʻrta taʼlim muassasalarida 8 — 11-sinf oʻquvchilari orasidan bir nafar maktab futbol yetakchisini tanlab olish tizimini yoʻlga qoʻysin.
Belgilab qoʻyilsinki, umumiy oʻrta taʼlim muassasalari oʻrtasida boʻladigan musobaqalarda maktab futbol yetakchilari oʻzlari tahsil olayotgan umumiy oʻrta taʼlim muassasaning ishtirok etishi bilan bogʻliq masalalarda sport maktabi direktorining futbolni rivojlantirish boʻyicha oʻrinbosariga koʻmaklashadi.
7. Oʻzbekiston Milliy axborot agentligi hamda Oʻzbekiston Milliy teleradiokompaniyasi mazkur qarorning mazmun-mohiyati va amaliy ahamiyatini yoritishga oid maqolalar, brifinglar, tematik telekoʻrsatuvlar tashkil etsin.
8. Sport vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini samarali tashkil qilishga masʼul va shaxsiy javobgar etib sport vaziri A.I. Ikramov hamda Oʻzbekiston futbol assotsiatsiyasi raisi A.A. Azizov belgilansin.
Qaror ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi departamenti rahbari O.Q. Abduraxmanov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 20-mart,
PQ-136-son
Президента Республики Узбекистан
Постановление
О мерах по развитию и расширению сети футбольной инфраструктуры в махаллях
В целях создания эффективной системы отбора и подготовки перспективных и талантливых игроков, формирования качественного спортивного резерва для национальных сборных и профессиональных футбольных клубов, развития футбольной инфраструктуры, начиная с махалли, а также дальнейшего совершенствования отбора (селекции) талантливых игроков в футбольные школы и футбольные академии:
1. Принять к сведению, что:
а) постановлением Президента Республики Узбекистан от 3 ноября 2023 года № ПП-355 «О мерах по расширению сети футбольных образовательных учреждений и развитию футбольной инфраструктуры, соответствующей международным стандартам»:
введена отдельная должность заместителя директора спортивной школы по развитию футбола, ответственного за развитие массового и профессионального футбола, а также организацию эффективной эксплуатации действующей футбольной инфраструктуры в каждом регионе;
определено осуществление Ассоциацией футбола Узбекистана общего методического руководства тренерами действующих футбольных секций в футбольно-образовательных учреждениях всех уровней, а также в спортивных и специализированных спортивных школах системы Министерства спорта;
б) ежегодно с 2021 года в махаллях на традиционной основе с широким охватом проводятся соревнования Кубка Службы государственной безопасности (далее — СГБ) по футболу и мини-футболу среди молодежи (мальчиков и девочек) возрастной категории 16 — 30 лет.
2. В целях доведения проводимых широкомасштабных реформ по развитию футбола до самого низшего звена, а также создания системы отбора (селекции) талантливой молодежи начиная с махалли возложить на лидера молодежи махалли нижеследующие дополнительные задачи:
повышение интереса молодежи махалли к массовому и профессиональному футболу, а также организацию различных пропагандистско-разъяснительных работ в данном направлении;
организацию системной и эффективной эксплуатации действующих футбольных спортивных сооружений и других спортивных площадок в махаллях;
формирование в махаллях мужских и женских сборных команд махалли по футболу разной возрастной категории и организацию их подготовки;
проведение анализа достаточности созданных условий для занятия молодежи махалли футболом, а также налаживание системного сотрудничества по развитию футбола со спортивно-образовательными организациями и органами исполнительной власти на местах;
выявление молодых талантливых футболистов в махаллях и направление их в профессиональные футбольные образовательные учреждения;
внесение предложений в органы исполнительной власти на местах по развитию футбольной инфраструктуры в махаллях, обеспечению спортивным инвентарем и созданию дополнительных условий для сборных команд махалли.
3. Установить, что:
координация деятельности в сфере футбола лидера молодежи махалли в регионах осуществляется управлениями по делам молодежи Республики Каракалпакстан, областей и города Ташкента, территориальными подразделениями Ассоциации футбола Узбекистана, а также заместителями директоров спортивных школ по футболу;
оказание практической помощи лидера молодежи махалли в сфере футбола осуществляется территориальными подразделениями Ассоциации футбола Узбекистана, заместителями директоров спортивных школ по развитию футбола, футбольными тренерами и учителями по физической культуре средних общих образовательных учреждений на местах.
4. Одобрить предложение Министерства спорта, Совета Министров Республики Каракалпакстан, хокимиятов областей и города Ташкента о предоставлении приоритета командным видам спорта при строительстве типовых спортивных сооружений в махаллях в рамках развития спортивной инфраструктуры махаллей за счет Государственного бюджета.
Министерству спорта (А. Икрамов) в двухмесячный срок внести дополнения и изменения в общие параметры строительства универсальных, стритбольных и воркаутных спортивных площадок до 2030 года в махаллях, ставших победителями и призерами в рамках «Олимпиады пяти инициатив» и не имеющих на своей территории спортивную инфраструктуру, утвержденные постановлением Президента Республики Узбекистан от 28 июля 2023 года № ПП-245.
5. Ассоциации футбола Узбекистана (А. Азизов) совместно с Министерством спорта (А. Икрамов), Ассоциацией махаллей Узбекистана (К. Куранбаев), Советом Министров Республики Каракалпакстан, хокимиятами областей и города Ташкента:
ежегодно до 1 января утверждать отдельный годовой календарный план соревнований, чемпионатов и турниров по футболу, проводимых в махаллях;
внедрить систему проведения двухэтапных соревнований «Лига махалли» в возрастной категории 12 — 15 лет и трехэтапных соревнований Кубка СГБ в возрастной категории 16 — 30 лет сборных командам махаллей на системной основе;
в месячный срок в соответствии с годовым календарным планом футбольных соревнований разработать порядок проведения соревнований и поощрения победивших команд махаллей;
в срок до 2024/2025 учебного года внедрить систему регулярного направления самых талантливых молодых людей, проявивших свой талант в соревнованиях «Лига махалли», в региональные футбольные и спортивные школы, а также футбольные академии путем проведения отбора (селекции).
6. Ассоциации футбола Узбекистана (А. Азизов) совместно с Министерством дошкольного и школьного образования (Х. Умарова) внедрить с 2024 года систему отбора одного футбольного лидера школы среди учащихся 8 — 11 классов во всех средних общих образовательных учреждениях на основе опыта Ассоциации школьного футбола Англии.
Установить, что футбольные лидеры школы оказывают содействие заместителю директора спортивной школы по развитию футбола в вопросах, связанных с участием среднего общего образовательного учреждения, в котором они обучаются, в соревнованиях, проводимых между средними общими образовательными учреждениями.
7. Национальному информационному агентству Узбекистана и Национальной телерадиокомпании Узбекистана организовать статьи, брифинги, тематические телепередачи по освещению сути и содержания, а также практического значения настоящего постановления.
8. Министерству спорта совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Возложить на министра спорта А.И. Икрамова и председателя Ассоциации футбола Узбекистана А.А. Азизова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ответственных организаций, возложить на Премьер-министра Республики Узбекистан А.Н. Арипова и руководителя Департамента Администрации Президента Республики Узбекистан О.К. Абдурахманова.
Президент Республики Узбекистан Ш. МИРЗИЁЕВ
г. Ташкент,
20 марта 2024 г.,
№ ПП-136