UzbekAI

Ўзбекистон Республикаси Вазирлар Маҳкамасининг

қарори

МАЪМУРИЙ РЕГЛАМЕНТИ

СХЕМАСИ

ПАСПОРТИ

РЎЙХАТИ

Хулоса бериш бўйича давлат хизматларини кўрсатиш тизимини янада такомиллаштириш тўғрисида

Ўзбекистон Республикаси Президентининг «Давлат хизматлари кўрсатишни соддалаштириш, бюрократик тўсиқларни қисқартириш ҳамда давлат хизматлари кўрсатиш миллий тизимини ривожлантиришнинг қўшимча чора-тадбирлари тўғрисида» 2022 йил 20 апрелдаги ПФ-113-сон Фармони ижросини таъминлаш ҳамда қонунчилик ҳужжатларини тизимлаштириш орқали аҳоли ва тадбиркорлик субъектларига давлат хизматларини кўрсатиш тизимини янада такомиллаштириш мақсадида Вазирлар Маҳкамаси қарор қилади:

1. Қуйидагиларни назарда тутувчи Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламенти 1-иловага мувофиқ тасдиқлансин:

хулосалар бериш бўйича аризаларни қабул қилиш ва кўриб чиқиш;

хулосалар бериш бўйича давлат хизматини кўрсатиш паспортлари;

давлат хизматини кўрсатишда ундириладиган тўловлар миқдори.

2. Белгилансинки, 2024 йил 1 майдан бошлаб ушбу қарор билан тасдиқланган паспортларда белгиланган давлат хизматлари Давлат хизматлари марказлари ёки Ягона интерактив давлат хизматлари портали (кейинги ўринларда — ЯИДХП) орқали кўрсатилади.

3. Маъмурий регламентга мувофиқ кўрсатиладиган давлат хизматлари бўйича ваколатли органлар икки ой муддатда:

Рақамли технологиялар вазирлиги ҳамда Адлия вазирлиги билан биргаликда давлат хизматлари ЯИДХП орқали кўрсатилишини таъминласин;

давлат хизматини кўрсатиш учун зарур ҳужжатларнинг намунавий шакллари ва бланкларини Адлия вазирлиги билан келишган ҳолда тасдиқласин.

4. Адлия вазирлиги:

2024 йил 1 майдан бошлаб ушбу қарорга мувофиқ берилган хулосалар реестри «Лицензия» ахборот тизимида электрон шакллантириб борилишини таъминласин;

давлат хизматларининг белгиланган тартибда кўрсатилишини доимий назорат қилиб борсин;

маъмурий регламент талабларини бузганлиги учун давлат органлари ва ташкилотлари мансабдор шахсларига нисбатан белгиланган тартибда чоралар кўрсин.

5. Вазирлар Маҳкамасининг «Дарё транспортида давлат хизматлари кўрсатишнинг маъмурий регламентини тасдиқлаш тўғрисида» 2022 йил 7 апрелдаги 167-сон қарорига 2-иловага мувофиқ ўзгартиришлар киритилсин.

6. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.

7. Манфаатдор вазирлик ва идоралар ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.

8. Мазкур қарорнинг бажарилишини назорат қилиш Ўзбекистон Республикаси адлия вазири А.Ж. Ташкулов зиммасига юклансин.

Вазирлар Маҳкамасининг 2024 йил 29 мартдаги 169-сон қарорига 1-ИЛОВА

Жисмоний ва юридик шахсларга хулосалар бериш бўйича давлат хизматларини кўрсатишнинг ягона

1-боб. Умумий қоидалар

1. Мазкур маъмурий регламент (кейинги ўринларда — Регламент) жисмоний ва юридик шахсларга (кейинги ўринларда — ариза берувчилар) айрим турдаги хулосалар бериш бўйича давлат хизматини (кейинги ўринларда — давлат хизмати) кўрсатиш тартибини белгилайди.

Давлат хизмати Давлат хизматлари марказлари ва Ягона интерактив давлат хизматлари портали (кейинги ўринларда — ЯИДХП) орқали мазкур Регламентга 1-иловада келтирилган схемага мувофиқ кўрсатилади.

Ушбу Регламент қоидалари 2 — 19-иловаларда келтирилган давлат хизматларини кўрсатиш паспортларида (кейинги ўринларда — Паспорт) назарда тутилган хулоса турларига нисбатан татбиқ этилади, мазкур банднинг тўртинчи хатбошисида назарда тутилган ҳоллар бундан мустасно.

Лицензия ва рухсат этиш хусусиятига эга ҳужжатларни бериш жараёнида мазкур Регламентга 2 — 6 1 -иловаларда назарда тутилган хулосаларни расмийлаштириш композит тарзда Паспортларнинг 9-бандида белгиланган мезонлар асосида Вазирлар Маҳкамасининг « Махсус электрон тизим орқали айрим фаолият турларини лицензиялаш тартиби тўғрисидаги ягона низомни тасдиқлаш ҳақида » 2022 йил 21 февралдаги 80-сон ва « Махсус электрон тизим орқали рухсат этиш хусусиятига эга айрим ҳужжатларни бериш тартиб-таомиллари тўғрисидаги ягона низомни тасдиқлаш ҳақида » 2022 йил 22 февралдаги 86-сон қарорлари билан тартибга солинади.

2. Ушбу Регламентда қуйидаги асосий тушунчалардан фойдаланилади:

хулоса бериш тартиб-таомили — хулоса бериш тўғрисидаги аризани бериш, кўриб чиқиш, хулосани расмийлаштириш (қайта расмийлаштириш) ва бекор қилиш жараёни билан боғлиқ тадбирлар мажмуи;

хулоса бериш соҳасидаги ваколатли органлар (кейинги ўринларда — ваколатли орган) — хулоса бериш тартиб-таомилини амалга оширадиган давлат органи (унинг ҳудудий бўлинмаси) ёки бошқа ташкилот;

хулоса — ваколатли органлар томонидан хулоса объектининг қонунчилик ҳужжатларида белгиланган мезон ёки талабларга мувофиқлигини тасдиқловчи ҳужжат;

хулоса объекти — қонунчилик ҳужжатларига асосан ваколатли органлар томонидан тегишли мезон ёки талабларга мувофиқлиги ўрганиладиган объект (бино, ер участкаси, фаолият, товар ва бошқалар);

хулоса реестри — берилган ва қайта расмийлаштирилган ёки бекор қилинган хулосалар тўғрисидаги маълумотларни ўз ичига олган маълумотлар базаси.

3. Давлат хизмати Давлат хизматлари марказлари ва ЯИДХП орқали хулосалар беришга масъул бўлган ваколатли органлар томонидан кўрсатилади.

4. Давлат хизматлари марказлари ва ваколатли орган ўртасидаги ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.

2-боб. Давлат хизматини кўрсатиш тартиби

5. Ариза берувчи давлат хизматидан фойдаланиш учун Давлат хизматлари марказига ўзи келиб мурожаат этади ёки давлат хизматларидан электрон шаклда фойдаланиш учун ЯИДХПда рўйхатдан ўтади.

Аризалар ЯИДХП орқали дам олиш ва байрам кунларидан қатъи назар, ҳар куни 24 соат давомида юборилиши мумкин.

Аризалар иш вақтидан кейин ёки дам олиш ва байрам кунлари тушганда, навбатдаги иш куни аризаларнинг ваколатли органга тушган ва ваколатли орган томонидан қабул қилинган кун ҳисобланади.

6. Ариза берувчи ёки унинг номидан мурожаат қилиш ҳуқуқига эга бўлган шахс ўзи келиб мурожаат этган тақдирда, Давлат хизматлари маркази ходими ариза берувчи номидан, ЯИДХП орқали мурожаат этган тақдирда эса, мустақил равишда аризани электрон равишда тўлдиради.

Ариза берувчи ишончнома асосида ҳаракат қилаётганда, белгиланган тартибда тасдиқланган ишончнома (юридик шахс томонидан берилган ишончнома бундан мустасно) аризага илова қилинади.

7. Паспортда аризага айрим ҳужжатлар илова қилиниши лозимлиги кўрсатилиши мумкин. Илова қилинадиган ҳужжатлар PDF, PNG ёки JPEG форматда бўлиши керак.

8. Ариза берувчидан хулоса тури бўйича Паспортнинг 5-бандида кўрсатилмаган маълумотлар ва ҳужжатларни талаб қилиш тақиқланади.

9. Ариза тўлдирилганидан сўнг ариза берувчи маълумотларнинг тўғрилигини текширади ва имзоларни идентификация қилишнинг тегишли воситалари (дактилоскопия, электрон имзо, мобил-ID ва бошқалар) билан тасдиқлайди.

Ариза берувчи ЯИДХП орқали мурожаат этган тақдирда, аризани ЭРИ билан тасдиқлаш талаб этилмайди.

10. Ариза кўриб чиқилганлиги учун Паспортнинг 6-бандида белгиланган миқдорда йиғим ундирилади.

Давлат хизмати кўрсатилиши учун ЯИДХП орқали мурожаат этилганда, паспортларда белгиланган йиғим суммасининг 90 фоизи ундирилади.

Давлати хизмати кўрсатилгани учун йиғим тўланганлиги Ягона биллинг тизими орқали тасдиқланади.

Йиғимлар суммаси қуйидаги тартибда тақсимланади:

а) Давлат хизматлари марказига келиб мурожаат этганда:

18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;

0,5 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига;

қолган маблағлар — давлат бюджетига;

б) ЯИДХП орқали мурожаат этилганда:

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;

11,75 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига (шу жумладан, 0,5 фоизи йиғим тўланганлиги Ягона биллинг тизими орқали тасдиқланганлиги учун);

қолган маблағлар — давлат бюджетига ўтказилади.

11. Ариза берувчилар давлат хизматларидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматларидан фойдаланишдан бош тортганда, унинг аризаси кўрмасдан қолдирилади. Бунда тўланган йиғим суммаси қайтарилмайди.

12. Ариза берувчи Давлат хизматлари марказига келиб мурожаат этганда, унинг аризаси марказ ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар 10 дақиқа мобайнида ваколатли органга электрон шаклда юборилади. ЯИДХП орқали мурожаат қилинганда эса ариза автоматик тарзда ваколатли органга юборилади.

13. Ваколатли орган Паспортнинг 8-бандида белгиланган муддат мобайнида аризани кўриб чиқади. Ваколатли орган аризани кўриб чиқиш муддати давомида ҳужжатларни текшириши, объектларни жойига чиқиб ўрганиши, ушбу ҳаракатларни амалга ошириш учун ўз ходимлари таркибидан ёки бошқа шахсларни жалб қилган ҳолда эксперт ва ишчи гуруҳлар ташкил этиши, шунингдек, ариза берувчининг хулоса талаблари ва шартларига мувофиқлигини белгилайдиган қонунчилик ҳужжатлари билан тақиқланмаган бошқа ҳаракатларни амалга ошириши мумкин.

Ариза берувчи томонидан Паспортда назарда тутилган ҳужжатлар ёки маълумотлар тўлиқ тақдим этилмаганда, ариза ва унга илова қилинадиган ҳужжатларда нотўғри ёки бузиб кўрсатилган маълумотлар мавжуд бўлганда ваколатли орган икки иш куни ичида ариза берувчига камчиликларни тўлиқ кўрсатган ҳолда хатоларни бартараф этиш ва етишмаётган ҳужжатларни тақдим этиш учун камида беш иш кунидан кам бўлмаган ва ўттиз кундан кўп бўлмаган муддат (имконият) беради.

Давлат хизматини кўрсатиш муддати хатоларни бартараф этиш ва етишмаётган ҳужжатларни тақдим этиш вақти мобайнида тўхтатиб турилади.

14. Давлат хизматини кўрсатишни рад этиш учун қуйидагилар асос бўлади:

ариза берувчи Паспортнинг 9-банди талабларига жавоб бермаганда;

ҳужжатларда ёлғон ёки қалбаки маълумотлар кўрсатилганлиги аниқланганда;

талабгор томонидан мазкур Регламентнинг 13-бандида белгиланган муддатда ҳужжатлар қайта тақдим этилмаганда.

Давлат хизматини кўрсатишни рад этишда аниқ асослар баён этилиши керак.

Давлат хизматини кўрсатишни бошқа асосларга кўра, шу жумладан, мақсадга мувофиқ эмаслик важи билан рад этишга йўл қўйилмайди.

15. Давлат хизматини кўрсатиш рад этилганда, ариза берувчи бир ой муддатда давлат хизматини кўрсатишни рад этиш асосларини бартараф қилган ҳолда йиғим тўламасдан қайта мурожаат қилиш ҳуқуқига эга.

Мазкур бандда белгиланган муддат ўтгандан кейин берилган аризалар янги берилган ҳисобланади ва умумий тартибда кўриб чиқилади.

16. Хулоса объекти мазкур Регламент ва тегишли паспортлар талабларига мувофиқ бўлганда, ваколатли орган томонидан QR-код (матрик штрихли код) қўйилган хулоса автоматик равишда шакллантирилади ва тегишли Давлат хизматлари марказига ёки ариза берувчининг ЯИДХПдаги шахсий кабинетига электрон шаклда юборилади.

Паспортда хулоса берганлик учун йиғим ундирилиши мумкин. Бунда ваколатли орган томонидан хулоса бериш тўғрисида қарор қабул қилинганда Паспортнинг 7-бандида белгиланган йиғим бўйича инвойс Давлат хизматлари марказига ёки ариза берувчининг ЯИДХПдаги шахсий кабинетига электрон шаклда юборилади.

Ариза берувчи инвойсда юборилган кундан бошлаб ўттиз кундан ортиқ бўлмаган муддатда хулоса берганлик учун йиғимни тўлайди.

Ариза берувчи томонидан инвойсда кўрсатилган йиғим тўлиқ тўланганидан сўнг реал вақт режимида хулосани юклаб олиш имкони пайдо бўлади.

Давлат хизмати кўрсатилиши учун ЯИДХП орқали мурожаат этилганда, Паспортда белгиланган йиғим суммасининг 90 фоизи ундирилади.

Хулоса берганлик учун йиғим тўланганлиги ахборот-коммуникация тизимлари орқали тасдиқланади.

Хулоса берганлик учун йиғим мазкур Регламентнинг 10-бандида белгиланган тартибда тақсимланади.

17. Давлат хизматлари маркази хулоса келиб тушгандан сўнг 10 дақиқа мобайнида уни ариза берувчининг электрон манзилига (мавжуд бўлса) юборади ва ариза берувчини бу ҳақда ахборот-коммуникация тизими орқали хабардор қилади. Давлат хизматлари маркази ариза берувчи ўзи келиб мурожаат қилган тақдирда, ариза берувчининг сўровига кўра унга хулосани электрон шаклда ёки қоғоз шаклда бериши шарт.

Сўровномада ариза берувчи томонидан давлат хизматларини кўрсатишнинг натижасини олиб кетишга масъул шахс кўрсатилган ҳолатларда давлат хизматларини кўрсатишнинг натижасини ушбу шахсга тақдим этишда тегишли ишончнома талаб этилмайди.

18. Ваколатли орган томонидан расмийлаштирилган хулосада нотўғри маълумотлар мавжудлиги аниқланган тақдирда, ариза берувчи бир ой ичида йиғим тўламасдан белгиланган тартибда қайта мурожаат қилиш ҳуқуқига эга.

19. Хулоса объекти ўзгартирилганда ариза берувчи қайтадан хулоса олиш учун мазкур бобда белгиланган тартибда мурожаат қилади.

4-боб. Хулосани қайта расмийлаштириш

20. Юридик шахснинг ташкилий-ҳуқуқий шакли, номи ёки жойлашган жойи (почта манзили), жисмоний шахснинг фамилияси, исми, отасининг исми, якка тартибдаги тадбиркорлик субъектининг унга давлат рўйхатидан ўтказилганлиги ҳақида берилган гувоҳномада кўрсатилган маълумотлар ўзгарган тақдирда, ариза берувчи хулосани қайта расмийлаштириш учун ваколатли органга ўн иш куни ичида Давлат хизматлари марказига бевосита ўзи келиб мурожаат этади ёки ЯИДХПда кўрсатиб ўтилган маълумотларни тасдиқловчи тегишли ҳужжатларни илова қилган ҳолда электрон шаклда ариза тўлдиради.

21. Хулосани қайта расмийлаштирганлик учун йиғим ундирилмайди.

22. Ваколатли орган ариза берувчининг аризаси келиб тушган кундан бошлаб икки иш кунидан кўп бўлмаган муддатда хулосани қайта расмийлаштиради ва ариза берувчига юборади.

23. Ваколатли орган хулосани қайта расмийлаштиришда хулоса реестрига тегишли ўзгартиришлар киритади.

Амал қилиш муддати чекланган хулосани қайта расмийлаштиришда илгари берилган хулосанинг амал қилиш муддати ўзгармайди.

5-боб. Хулосанинг бекор қилиш тартиби

24. Хулосанинг амал қилиши қуйидаги ҳолларда бекор бўлади:

ариза берувчи хулосанинг амал қилишини бекор қилиш бўйича мурожаат қилганда;

хулосанинг амал қилиш муддати тамом бўлганда;

хулоса объекти тугатилганда, ўзгартирилганда ва йўқ қилинганда.

25. Ваколатли орган хулосанинг амал қилишини бекор қилганда бу ҳақда бир иш куни ичида талабгорни хабардор қилади ва хулосанинг амал қилиши бекор қилинганлиги ҳақида хулосалар реестрига ёзув киритилади.

6-боб. Хулосалар реестрини юритиш тартиби

26. Ваколатли орган томонидан берилган хулосалар реестри юритилади ва унда қуйидаги маълумотлар қайд этилади:

юридик шахс учун — номи, жойлашган жойи (почта манзили), солиқ тўловчининг идентификация рақами (СТИР);

жисмоний шахс учун — фамилияси, исми, отасининг исми, жисмоний шахснинг шахсий идентификация рақами (ЖШШИР);

хулоса берилган сана ва тартиб рақами;

хулосанинг амал қилиш муддати (агар аниқ муддатга берилиши назарда тутилганда);

фаолият олиб бориш манзили;

хулоса талаб қилинадиган объект (ҳаракатлар) тури;

хулосанинг қайта расмийлаштирилганлиги ва бекор қилинганлиги тўғрисида маълумотлар.

Реестр электрон шаклда юритилади.

7-боб. Якунловчи қоидалар

27. Давлат хизматлари марказлари ва ваколатли орган ўз фаолиятини амалга ошириши натижасида олинган маълумотларнинг сир сақланишини таъминлайди.

28. Ўзбекистон Республикаси Адлия вазирлиги, унинг ҳудудий бошқармалари ва Давлат хизматлари марказлари Регламент талаблари ижроси бўйича давлат органлари ва бошқа ташкилотларнинг фаолиятини, шу жумладан, ЯИДХП орқали доимий назорат қилади.

29. Ариза берувчилар давлат органлари ва бошқа ташкилотлар ходимларининг хатти-ҳаракатлари юзасидан қонунчиликда белгиланган тартибда шикоят қилишлари мумкин.

30. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 1-ИЛОВА

Жисмоний ва юридик шахсларга хулосалар бериш бўйича давлат хизматларини кўрсатиш

Босқичлар Субъектлар Тадбирлар Бажариш муддатлари 1-босқич Ариза берувчилар Давлат хизматидан фойдаланиш учун Давлат хизматлари марказига шахсан келиб ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали мурожаат қилади. Ўз хоҳишига кўра 2-босқич 1. Давлат хизматлари маркази 1. Марказ ходими сўровномани тўлдириб, ваколатли органга юборади. 1. Сўровнома тўлдирилгандан кейин 10 дақиқада 2. ЯИДХП 2. Тўлдирилган сўровнома автоматик тарзда ваколатли органга юборилади. 2. Реал вақт режимида 3-босқич Ваколатли орган 1. QR-код (штрихли код) қўйилган хулосани расмийлаштиради ва уни Давлат хизматлари марказига ёки ариза берувчига (ЯИДХП орқали мурожаат қилганда) юборади ёки хулоса расмийлаштиришни рад этади. 2. Хулоса бериш тўғрисида қарор қабул қилинганда, ариза берувчига йиғимни тўлаш учун ҳисобварақ кўрсатилган хабарнома юборади (Паспортда хулоса берганлик учун йиғим назарда тутилганда). Тегишли давлат хизмати паспортининг 8-бандида белгиланган муддатларда 4-босқич Ариза берувчи Хулоса берганлик учун йиғимни тўлайди (паспортларда хулоса берганлик учун йиғим назарда тутилганда) Ўттиз кун ичида 5-босқич Давлат хизматлари маркази QR-код (матрик штрихли код) қўйилган хулоса ариза берувчиларга тақдим этади. 10 дақиқа ичида

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 2-ИЛОВА

Магистрал газ қувурлари, нефть қувурлари ва нефть маҳсулотлари қувурларини қуриш, улардан фойдаланиш ҳамда уларни таъмирлашда саноат хавфсизлиги талабларига мувофиқлиги тўғрисида хулоса бериш

1. Хулоса номи Магистрал газ қувурлари, нефть қувурлари ва нефть маҳсулотлари қувурларини қуриш, улардан фойдаланиш ҳамда уларни таъмирлашда саноат хавфсизлиги талабларига мувофиқлиги тўғрисида хулоса 2. Хулоса бериладиган объект (ҳаракат, фаолият, товар ва бошқалар) Магистрал газ қувурлари, нефть қувурлари ва нефть маҳсулотлари қувурлари 3. Хулоса олишни сўраб мурожаат қиладиган шахслар тоифаси Юридик шахслар 4. Хулосани беришга ваколатли орган (лар) Вазирлар Маҳкамаси ҳузуридаги Саноат, радиация ва ядро хавфсизлиги қўмитаси 5. Хулоса олиш учун талаб этиладиган маълумотлар ва ҳужжатлар а) ариза. Аризада қуйидагилар кўрсатилади: юридик шахснинг номи, СТИР рақами, почта манзили, электрон почта манзили (мавжуд бўлса) ҳамда телефон рақами; объект жойлашган манзил; ишларни бехатар амалга ошириш бўйича жавобгар шахслар тўғрисида маълумот (ФИО, ЖШШИР, буйруқ рақами ва санаси); б) асбоб-ускуналарнинг рўйхати ва техник созлиги; в) авария юз берган ҳолатда, хавфли ишлаб чиқариш объектлари ходимларининг ҳаёти ва соғлиғини муҳофаза қилиш чораларини кўриш, авария бартараф этиш режаси; г) ишларни хавфсиз олиб бориш бўйича йўриқномалар. 6. Аризани кўриб чиқиш учун тўланадиган йиғим миқдори Базавий ҳисоблаш миқдорининг 30 фоизи 7. Хулоса берганлик учун ундириладиган йиғим миқдори Йиғим ундирилмайди 8. Хулоса бериш бўйича аризаларни кўриб чиқиш муддати 5 иш кун 9. Хулоса беришнинг талаб ва мезонлари а) «Хавфли ишлаб чиқариш объектларининг саноат хавфсизлиги тўғрисида»ги Ўзбекистон Республикаси Қонуни талабларига мувофиқлиги; б) Саноат хавфсизлиги соҳасидаги норматив-ҳуқуқий ва техник жиҳатдан тартибга солиш соҳасидаги норматив ҳужжатлар талабларига мувофиқлиги; в) Меҳнат муҳофазаси бўйича ўқитиш ва билимларини синаш ишларини амалга ошириш тўғрисидаги намунавий низом (рўйхат рақами 272, 1996 йил 14 август) талабларига мувофиқлиги; г) Вазирлар Маҳкамасининг 2005 йил 30 июндаги 152-сон қарори билан тасдиқланган Техноген хавф юқори бўлган зоналар давлат кадастрини юритиш тартиби тўғрисидаги низомга мувофиқ техноген хавфи юқори бўлган зоналар кадастр паспорти ишлаб чиқилганлиги ва давлат реестридан ўтказилганлиги. 10. Хулосанинг амал қилиш муддати Чекланмаган 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили) ўзгарганда, хулосани қайта расмийлаштириш талаб этилмайди.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 3-ИЛОВА

Нефть, газ ва газ конденсатини қазиб олиш, қайта ишлаш ва сотишга мўлжалланган моддий-техник базанинг саноат хавфсизлиги талабларига мувофиқлиги тўғрисидаги хулоса

1. Хулоса номи Нефть, газ ва газ конденсатини қазиб олиш, қайта ишлаш ва сотишга мўлжалланган моддий-техника базанинг саноат хавфсизлиги талабларига мувофиқлиги тўғрисидаги хулоса 2. Хулоса бериладиган объект (ҳаракат, фаолият, товар ва бошқалар) Нефть, газ ва газ конденсатини қазиб олиш, қайта ишлаш ва сотишга мўлжалланган моддий-техник база 3. Хулоса олишни сўраб мурожаат қиладиган шахслар тоифаси Юридик шахслар 4. Хулосани беришга ваколатли орган (лар) Тоғ-кон саноати ва геология вазирлиги ҳузуридаги Тоғ-кон саноати ва геология соҳасини назорат қилиш инспекцияси — нефть, газ ва газ конденсатини қазиб олишга мўлжалланган моддий-техник базанинг саноат хавфсизлиги талабларини баҳолаш қисмида; Вазирлар Маҳкамаси ҳузуридаги Саноат, радиация ва ядро хавфсизлиги қўмитаси — нефть, газ ва газ конденсатини қайта ишлаш ва сотишга мўлжалланган моддий-техник базанинг саноат хавфсизлиги талабларини баҳолаш қисмида 5. Хулоса олиш учун талаб этиладиган маълумотлар ва ҳужжатлар а) ариза. Аризада қуйидагилар кўрсатилади: юридик шахснинг номи, СТИР рақами, почта манзили, хавфли ишлаб чиқариш объекти жойлашган манзили, электрон почта манзили (мавжуд бўлса), телефон рақами; ишларни бехатар олиб бориш бўйича жавобгар шахслар тўғрисида маълумот (ФИО, ЖШШИР, буйруқ рақами ва санаси); б) асбоб-ускуналарнинг рўйхати ва техник созлиги; в) авария юз берган ҳолатда, хавфли ишлаб чиқариш объектлари ходимларининг ҳаёти ва соғлиғини муҳофаза қилиш чораларини кўриш, авария бартараф этиш режаси; г) ишларни хавфсиз олиб бориш бўйича йўриқномалар. 6. Аризани кўриб чиқиш учун тўланадиган йиғим миқдори Базавий ҳисоблаш миқдорининг 30 фоизи. 7. Хулоса берганлик учун ундириладиган йиғим миқдори Йиғим ундирилмайди 8. Хулоса бериш бўйича аризаларни кўриб чиқиш муддати 5 иш куни 9. Хулоса беришнинг талаб ва мезонлари а) «Хавфли ишлаб чиқариш объектларининг саноат хавфсизлиги тўғрисида»ги Ўзбекистон Республикаси Қонуни талабларига мувофиқлиги; б) Саноат хавфсизлиги соҳасидаги норматив-ҳуқуқий ва техник жиҳатдан тартибга солиш соҳасидаги норматив ҳужжатлар талабларига мувофиқлиги; в) Меҳнат муҳофазаси бўйича ўқитиш ва билимларини синаш ишларини амалга ошириш тўғрисидаги намунавий низом (рўйхат рақами 272, 1996 йил 14 август) талабларига мувофиқлиги; г) Вазирлар Маҳкамасининг 2005 йил 30 июндаги 152-сон қарори билан тасдиқланган Техноген хавф юқори бўлган зоналар давлат кадастрини юритиш тартиби тўғрисидаги низомга мувофиқ техноген хавфи юқори бўлган зоналар кадастр паспорти ишлаб чиқилганлиги ва давлат реестридан ўтказилганлиги. 10. Хулосанинг амал қилиш муддати 1 йил 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили) ўзгарганда, хулосани қайта расмийлаштириш талаб этилмайди.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 4-ИЛОВА

Хавфи юқори бўлган объектларни ва потенциал хавфли ишлаб чиқаришларни қуриш ва улардан фойдаланиш бўйича тегишли моддий-техник база ҳамда ходимларнинг саноат хавфсизлиги талабларига мувофиқлиги тўғрисидаги хулоса

1. Хулоса номи Хавфи юқори бўлган объектларни ва потенциал хавфли ишлаб чиқаришларни қуриш ва фойдаланиш бўйича тегишли моддий-техник база ҳамда ходимларнинг саноат хавфсизлиги талабларига мувофиқлиги тўғрисидаги хулоса 2. Хулоса бериладиган объект (ҳаракат, фаолият, товар ва бошқалар) Хавфи юқори бўлган объектларни ва потенциал хавфли ишлаб чиқаришларни қуриш ва улардан фойдаланиш бўйича тегишли моддий-техник база ҳамда ходимлар 3. Хулоса олишни сўраб мурожаат қиладиган шахслар тоифаси Юридик шахслар 4. Хулосани беришга ваколатли орган (лар) Тоғ-кон саноати ва геология вазирлиги ҳузуридаги Тоғ-кон саноати ва геология соҳасини назорат қилиш инспекцияси – Тоғ-кон саноати ва геология вазирлиги тизимидаги кончилик, портлатиш ишлари, нефть, газ ҳамда газ конденсатини қазиб олиш ва портловчи материалларнинг айланмаси қисмида; Вазирлар Маҳкамаси ҳузуридаги Саноат, радиация ва ядро хавфсизлиги қўмитаси — магистрал қувурлар ва нефть маҳсулотлари сиғимлари, кимё, нефть-кимё ва газни қайта ишлаш, металл эритиш печлари, буғ қозонлари, босим остида ишловчи сиғимлар, кўтариш иншоотларини монтаж қилиш, таъмирлаш, ишга тушириш ва фойдаланиш қисмида 5. Хулоса олиш учун талаб этиладиган маълумотлар ва ҳужжатлар а) ариза. Аризада қуйидагилар кўрсатилади: юридик шахснинг номи, СТИР рақами, почта манзили, хавфли ишлаб чиқариш объекти жойлашган манзили, электрон почта манзили (мавжуд бўлса) ҳамда телефон рақами; хавфи юқори бўлган объектларни ва потенциал хавфли ишлаб чиқаришларни қуриш ва улардан фойдаланишда ишлатиладиган моддий-техник база маълумотлари; б) юк кўтариш кранларининг созлигига ва улардан хавфсиз фойдаланиш бўйича бириктирилган жавобгар шахсларнинг буйруқлари ва уларнинг билим синовлари текширилганлиги тўғрисида баённомалар. 6. Аризани кўриб чиқиш учун тўланадиган йиғим миқдори Базавий ҳисоблаш миқдорининг 30 фоизи. 7. Хулоса берганлик учун ундириладиган йиғим миқдори Йиғим ундирилмайди 8. Хулоса бериш бўйича аризаларни кўриб чиқиш муддати 5 иш куни 9. Хулоса беришнинг талаб ва мезонлари а) «Хавфли ишлаб чиқариш объектларининг саноат хавфсизлиги тўғрисида»ги Қонун талабларига мувофиқлиги; б) Саноат хавфсизлиги соҳасидаги норматив-ҳуқуқий ва техник жиҳатдан тартибга солиш соҳасидаги норматив ҳужжатлар талабларига мувофиқлиги. 10. Хулосанинг амал қилиш муддати 1 йил 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили) ўзгарганда, хулосани қайта расмийлаштириш талаб этилмайди.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 5-ИЛОВА

Меҳнатни муҳофаза қилиш ва техника хавфсизлиги талабларига мувофиқлик тўғрисида хулоса бериш

1. Хулоса номи Меҳнатни муҳофаза қилиш ва техника хавфсизлиги талабларига мувофиқлик тўғрисида хулоса 2. Хулоса бериладиган объект (ҳаракат, фаолият, товар ва бошқалар) Меҳнат шароитлари 3. Хулоса олишни сўраб мурожаат қиладиган шахслар тоифаси Юридик шахслар ва якка тартибдаги тадбиркорлар 4. Хулосани беришга ваколатли орган (лар) Камбағалликни қисқартириш ва бандлик вазирлиги ҳамда унинг ҳудудий бошқармалари 5. Хулоса олиш учун талаб этиладиган маълумотлар ва ҳужжатлар Ариза. Аризада қуйидаги маълумотлар кўрсатилади: юридик шахслар учун — юридик шахснинг номи ва ташкилий-ҳуқуқий шакли, унинг почта манзили, телефон рақами, СТИР, электрон почта манзили (мавжуд бўлса); якка тартибдаги тадбиркор учун — ФИО, ЖШШИР, яшаш манзили, телефон рақами, электрон почта манзили (мавжуд бўлса); фаолиятни амалга ошириш манзили. 6. Аризани кўриб чиқиш учун тўланадиган йиғим миқдори Базавий ҳисоблаш миқдорининг 30 фоизи 7. Хулоса берганлик учун ундириладиган йиғим миқдори Йиғим ундирилмайди 8. Хулоса бериш бўйича аризаларни кўриб чиқиш муддати 5 иш куни 9. Хулоса беришнинг талаб ва мезонлари Меҳнат шароитларининг Меҳнат кодексида , бошқа қонунчилик ҳужжатларида, шунингдек, меҳнатни муҳофаза қилиш масалаларига оид техник жиҳатдан тартибга солиш соҳасидаги норматив ҳужжатларда белгиланган талабларга мувофиқлиги. 10. Хулосанинг амал қилиш муддати Чекланмаган 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили), якка тартибдаги тадбиркорлик субъекти маълумотлари ўзгарганда, хулосани қайта расмийлаштириш талаб этилмайди.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 6-ИЛОВА

Бино (иншоот) ва хоналарнинг ёнғин хавфсизлиги талабларига мувофиқлиги тўғрисида хулоса бериш

1. Хулоса номи Бино (иншоот) ва хоналарнинг ёнғин хавфсизлиги талабларига мувофиқлиги тўғрисида хулоса 2. Хулоса бериладиган объект (ҳаракат, фаолият, товар ва бошқалар) Бино (иншоот) ва хоналар 3. Хулоса олишни сўраб мурожаат қиладиган шахслар тоифаси Юридик ва жисмоний шахслар 4. Хулосани беришга ваколатли орган (лар) Фавқулодда вазиятлар вазирлигининг давлат ёнғин назорати органлари 5. Хулоса олиш учун талаб этиладиган маълумотлар ва ҳужжатлар а) ариза. Аризада қуйидагилар кўрсатилади: юридик шахслар учун — юридик шахснинг номи ва ташкилий-ҳуқуқий шакли, телефон рақами, СТИР, электрон почта манзили (мавжуд бўлса); хулоса олинаётган бино (иншоот) ва хоналарнинг манзили; хулосани олиш мақсади (аниқ кўрсатилади); жисмоний шахслар учун — ФИО, ЖШШИР, телефон рақами, электрон почта манзили (мавжуд бўлса); хулоса олинаётган бино (иншоот) ва хоналарнинг манзили; хулосани олиш мақсади (аниқ кўрсатилади). 6. Аризани кўриб чиқиш учун тўланадиган йиғим миқдори Базавий ҳисоблаш миқдорининг 10 фоизи 7. Хулоса берганлик учун ундириладиган йиғим миқдори Йиғим ундирилмайди 8. Хулоса бериш бўйича аризаларни кўриб чиқиш муддати 10 иш куни 9. Хулоса беришнинг талаб ва мезонлари Бино (иншоот) ва хоналар Вазирлар Маҳкамасининг 2020 йил 20 октябрдаги 649-сон қарори билан тасдиқланган Ёнғин хавфсизлиги қоидалари , шунингдек, ёнғин хавфсизлиги талабларини тартибга солувчи бошқа норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатлар талабларига мувофиқлиги. 10. Хулосанинг амал қилиш муддати Чекланмаган 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили), жисмоний шахснинг фамилияси, исми, отасининг исми, якка тартибдаги тадбиркорлик субъекти маълумотлари ўзгарганда, хулосани қайта расмийлаштириш талаб этилмайди.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 6 1 -ИЛОВА

Чет эллик фуқароларни жалб этишнинг мақсадга мувофиқлиги ёки мақсадга мувофиқ эмаслиги тўғрисидаги хулосани бериш

1. Хулоса номи: Чет эллик фуқароларни жалб этишнинг мақсадга мувофиқлиги ёки мақсадга мувофиқ эмаслиги тўғрисида. 2. Хулоса бериладиган объект (ҳаракат, фаолият, товар ва бошқалар): Жалб этилаётган чет эллик фуқароларнинг ишчи кучига бўлган ҳақиқий эҳтиёжга мувофиқлиги. 3. Хулоса олишни сўраб мурожаат қиладиган шахслар тоифаси: Юридик шахс (иш берувчи) ва жисмоний шахс (иш берувчи ёки чет эл фуқароси). 4. Хулосани беришга ваколатли орган(лар): Ўзбекистон Республикаси Камбағалликни қисқартириш ва бандлик вазирлиги ҳамда ҳудудий бўлинмалари. 5. Хулоса олиш учун талаб этиладиган маълумотлар ва ҳужжатлар: Ариза. Аризада қуйидагилар кўрсатилади: чет эл фуқаросининг Ф.И.О, телефон рақами, электрон почта манзили, Ўзбекистон Республикасида яшаш манзили; маълумоти, мутахассислиги; иш берувчининг Ф.И.О ёки номи, фаолият тури, СТИР (ЖШ ШИР); тахмин қилинган иш ҳақи, мунтазамлиги, лавозими; миграция ва фуқароликни расмийлаштириш бўлимларида рўйхатдан ўтиш муддатлари (мавжуд бўлса). 6. Аризани кўриб чиқиш учун тўланадиган йиғим миқдори: Базавий ҳисоблаш миқдорининг 30 фоизи. 7. Хулоса берганлик учун ундириладиган йиғим миқдори: Йиғим ундирилмайди. 8. Хулоса бериш бўйича аризаларни кўриб чиқиш муддати: 5 иш куни. 9. Хулоса беришнинг талаб ва мезонлари: Жалб этилаётган чет эллик фуқароларнинг сони ва мутахассисликлари (лавозимлари) иш берувчининг ишчи кучига бўлган ҳақиқий эҳтиёжига мувофиқлиги. 10. Хулосанинг амал қилиш муддати: Чекланмаган. 11. Изоҳ: -

Жисмоний ва юридик шахсларга хулосалар бериш бўйича давлат хизматлари кўрсатишнинг ягона маъмурий регламентига 7-ИЛОВА

Гидрогеологик хулоса бериш

1. Хулоса номи: Гидрогеологик хулоса. 2. Хулоса бериладиган объект (ҳаракат, фаолият, товар ва бошқалар): Ҳудуднинг ер ости сувлари ҳолати. 3. Хулоса олишни сўраб мурожаат қиладиган шахслар тоифаси: Юридик ва жисмоний шахслар. 4. Хулосани беришга ваколатли орган(лар): Ўзбекистон Республикаси Тоғ-кон саноати ва геология вазирлиги ҳузуридаги «Ер қаъридан фойдаланиш маркази» ДМ томонидан Ўзбекистон Республикаси Тоғ-кон саноати ва геология вазирлиги тизимидаги гидрогеология корхоналари хулосасини инобатга олган ҳолда. 5. Хулоса олиш учун талаб этиладиган маълумотлар ва ҳужжатлар: Аризада қуйидагилар кўрсатилади: а) юридик шахс учун — номи, СТИР, почта манзили, электрон почта манзили (мавжуд бўлса), хизмат кўрсатувчи банкнинг номи ва ҳисобварағи, телефон рақами; б) жисмоний шахс учун — Ф.И.О, ЖШШИР, почта манзили, электрон почта манзили (мавжуд бўлса), телефон рақами; в) кўрсатилган ҳудуднинг аниқ жойи; г) лойиҳаланаётган қудуқнинг географик жойлашиш координаталари: шимолий кенглик; шарқий узунлик; д) ер ости сувини олишдан мақсад: хўжалик-ичимлик; ишлаб чиқариш-техник (саноат); қишлоқ хўжалиги (суғориш); зах қочириш (дренаж); даволаш-балнеологик; е) ер ости сувига бўлган талаб ҳажми (м 3 /кун). Аризада келтирилган барча сўров саволларига маълумотлар тўлиқ тўлдирилган бўлиши шарт. Маълумотларнинг тўғрилиги ва кўрсатилган ҳудуднинг аниқлигига қараб гидрогеологик хулоса аниқ бир майдон учун берилади. 6. Аризани кўриб чиқиш учун тўланадиган йиғим миқдори: Йиғим ундирилмайди. 7. Хулоса берганлик учун ундириладиган йиғим миқдори: Базавий ҳисоблаш миқдорининг 10 баравари. Йиғимлар суммаси қуйидаги тартибда тақсимланади: а) Давлат хизматлари марказига ўзи келиб мурожаат этганда: 18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига; 0,5 фоизи — «Рақамли ҳукумат лойиҳаларини бошқариш маркази» давлат муассасасининг Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига; 6,5 фоизи — «Ер қаъридан фойдаланиш маркази» ДМга; қолган маблағлар — Ўзбекистон Республикаси Тоғ-кон саноати ва геология вазирлиги тизимидаги «Ўзбекгидрогеология» ДМга; б) ЯИДХП орқали мурожаат этилганда: 10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига ўтказилади; 11,75 фоизи — «Рақамли ҳукумат лойиҳаларини бошқариш маркази» давлат муассасасининг Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига (шу жумладан, 0,5 фоизи йиғим тўланганлиги Ягона биллинг тизими орқали тасдиқланганлиги учун); 3,25 фоизи — «Ер қаъридан фойдаланиш маркази» ДМга; қолган маблағлар — Ўзбекистон Республикаси Тоғ-кон саноати ва геология вазирлиги тизимидаги «Ўзбекгидрогеология» ДМга». 8. Хулоса бериш бўйича аризаларни кўриб чиқиш муддати: 8 иш куни. 9. Хулоса беришнинг талаб ва мезонлари: Кўрсатилган ҳудудда ер ости сувлари ҳолатини ва тегишлича қудуқ бурғилашнинг мақсадга мувофиқлиги (ер ости сувлари захираларининг мавжудлиги, сув чиқариш имконияти, сифат кўрсаткичлари кабилар). 10. Хулосанинг амал қилиш муддати: 2 йил. 11. Изоҳ: Қонунчилик ҳужжатлари билан тасдиқланган рўйхатга мувофиқ ер ости сувларининг кўп йиллик ўртача сатҳига нисбатан сув сатҳи 5 метргача пасайган ҳудудлар бўйича ариза билан бир вақтда қуйидаги органлар томонидан 5 иш куни ичида келишиб берилади: а) Сув хўжалиги вазирлиги: қишлоқ хўжалиги экин майдонларини суғориш мақсадлари учун — сув тежовчи технологияларни жорий этиш шартлари билан ер ости сувларига қудуқларни бурғилашга гидрогеологик хулосани бериш учун аризани қабул қилиш ёки рад этишни келишиб беради; б) Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари: ишлаб чиқариш эҳтиёжлари учун — ҳудудий ривожлантириш дастурлари ва сувдан тежамли фойдаланиш шартлари билан ер ости сувларига қудуқларни бурғилашга гидрогеологик хулосани бериш учун аризани қабул қилиш ёки рад этишни келишиб беради. Ўзбекистон Республикаси Тоғ-кон саноати ва геология вазирлиги тизимидаги «Ўзбекгидрогеология» ДМ: гидрогеологик хулосани тайёрлайди ва «Ер қаъридан фойдаланиш маркази» ДМга юборади. Гидрогеологик хулоса ахборот ҳужжати бўлиб, сувга қудуқ бурғилаш лойиҳаларини тузиш учун асос ҳисобланади. Бурғилаш лойиҳаларини тузиш белгиланган тартибда шаҳарсозлик нормалари ва қоидаларининг талабларига асосан тайёрланади. Гидрогеологик хулосада қуйидаги асосий маълумотлар акс эттирилади: кўрсатилган ҳудуднинг геологик-гидрогеологик тузилиши ҳақида маълумот; ер ости сув қатламининг тавсифи, гидрокимёвий ва гидродинамик хоссалари ҳақида маълумот; тегишлича лойиҳалаштирилаётган қудуқларнинг конструкциясига тавсиялар. Махсус дала гидрогеологик тадқиқот ишлари ва фонд маълумотларини ўрганиш натижасида кўрсатилган ҳудудда ер ости сувлари мавжуд (етарли) эмаслиги аниқланса, ҳудудни сув билан таъминлашнинг бошқа манбалари тавсия этилган ҳолда (мавжуд бўлган ҳолларда) гидрогеологик хулоса тайёрланади. Гидрогеологик хулоса электрон шаклда матн кўринишида жадваллар, хариталар ва чизмалар каби қўшимча маълумотлар билан тўлдирилган ҳолда тайёрланади. Гидрогеологик хулосани тайёрлаш ва Давлат хизматлари марказига ёки ЯИДХП орқали юбориш жами 8 иш кунидан ошмаслиги зарур.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 8-ИЛОВА

Автомобилларга ёнилғи қуйиш шахобчаларининг саноат хавфсизлиги талабларига мувофиқлиги тўғрисида хулоса бериш

1. Хулоса номи Автомобилларга ёнилғи қуйиш шахобчаларининг саноат хавфсизлиги талабларига мувофиқлиги тўғрисида хулоса 2. Хулоса бериладиган объект (ҳаракат, фаолият, товар ва бошқалар) Автомобилларга ёнилғи қуйиш шахобчалари 3. Хулоса олишни сўраб мурожаат қиладиган шахслар тоифаси Юридик шахслар 4. Хулосани беришга ваколатли орган (лар) Вазирлар Маҳкамаси ҳузуридаги Саноат, радиация ва ядро хавфсизлиги қўмитаси 5. Хулоса олиш учун талаб этиладиган маълумотлар ва ҳужжатлар а) ариза. Аризада қуйидагилар кўрсатилади: юридик шахснинг номи, СТИР рақами, почта манзили, электрон почта манзили (мавжуд бўлса) ҳамда телефон рақами; объект жойлашган манзил; ишларни бехатар олиб бориш бўйича жавобгар шахслар тўғрисида маълумот (ФИО, ЖШШИР, буйруқ рақами ва санаси); б) ерлаштириш ва чақмоққа қарши жиҳозларни синовдан ўтказилганлиги тўғрисида далолатномалар; в) авария юз берган ҳолатда, хавфли ишлаб чиқариш объектлари ходимларининг ҳаёти ва соғлиғини муҳофаза қилиш чораларини кўриши, авария бартараф этиш режаси; г) ишларни хавфсиз олиб бориш бўйича йўриқномалар. 6. Аризани кўриб чиқиш учун тўланадиган йиғим миқдори Базавий ҳисоблаш миқдорининг 30 фоизи 7. Хулоса берганлик учун ундириладиган йиғим миқдори Йиғим ундирилмайди 8. Хулоса бериш бўйича аризаларни кўриб чиқиш муддати 5 иш кун 9. Хулоса беришнинг талаб ва мезонлари а) «Хавфли ишлаб чиқариш объектларининг саноат хавфсизлиги тўғрисида»ги Қонун талабларига мувофиқлиги; б) Саноат хавфсизлиги соҳасидаги норматив-ҳуқуқий ва техник жиҳатдан тартибга солиш соҳасидаги норматив ҳужжатлар талабларига мувофиқлиги. 10. Хулосанинг амал қилиш муддати 1 йил 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили) ўзгарганда, хулосани қайта расмийлаштириш талаб этилмайди.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 9-ИЛОВА

Нефть маҳсулотлари омборининг саноат хавфсизлиги талабларига мувофиқлиги тўғрисида хулоса

1. Хулоса номи Нефть маҳсулотлари омборининг саноат хавфсизлиги талабларига мувофиқлиги тўғрисида хулоса 2. Хулоса бериладиган объект (ҳаракат, фаолият, товар ва бошқалар) Нефть маҳсулотлари омбори 3. Хулоса олишни сўраб мурожаат қиладиган шахслар тоифаси Юридик шахслар 4. Хулосани беришга ваколатли орган (лар) Вазирлар Маҳкамаси ҳузуридаги Саноат, радиация ва ядро хавфсизлиги қўмитаси 5. Хулоса олиш учун талаб этиладиган маълумотлар ва ҳужжатлар а) ариза. Аризада қуйидагилар кўрсатилади: юридик шахснинг номи, СТИР рақами, почта манзили, электрон почта манзили (мавжуд бўлса) ҳамда телефон рақами; объект жойлашган манзили; ишларни бехатар олиб бориш бўйича жавобгар шахслар тўғрисида маълумот (ФИО, ЖШШИР, буйруқ рақами ва санаси); б) асбоб-ускуналарнинг рўйхати ва техник созлиги; в) моддий-техника базага (бинолар, хоналар, механизм ва транспорт, асбоблар, энергетика қурилмалари, назорат ва ўлчов воситалари, ташкилий техника, компьютерлар) нисбатан мулк ҳуқуқини ёки бошқа ашёвий ҳуқуқларни тасдиқловчи ҳужжат ёки ижара шартномасининг нусхаси; г) ишларни хавфсиз олиб бориш бўйича йўриқномалар. 6. Аризани кўриб чиқиш учун тўланадиган йиғим миқдори Базавий ҳисоблаш миқдорининг 30 фоизи 7. Хулоса берганлик учун ундириладиган йиғим миқдори Йиғим ундирилмайди 8. Хулоса бериш бўйича аризаларни кўриб чиқиш муддати 5 иш кун 9. Хулоса беришнинг талаб ва мезонлари а) «Хавфли ишлаб чиқариш объектларининг саноат хавфсизлиги тўғрисида»ги Қонун талабларига мувофиқлиги. б) Саноат хавфсизлиги соҳасидаги норматив-ҳуқуқий ва техник жиҳатдан тартибга солиш соҳасидаги норматив ҳужжатлар талабларига мувофиқлиги. 10. Хулосанинг амал қилиш муддати Чекланмаган 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили) ўзгарганда, хулосани қайта расмийлаштириш талаб этилмайди.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 10-ИЛОВА

Радиотехник иншоотларнинг санитария хулосасини (санитария паспорти) бериш

1. Хулоса номи Радиотехник иншоотларнинг санитария хулосасини (санитария паспорти) 2. Хулоса бериладиган объект (ҳаракат, фаолият, товар ва бошқалар) Радиотехник иншоот 3. Хулоса олишни сўраб мурожаат қиладиган шахслар тоифаси Юридик шахслар 4. Хулосани беришга ваколатли орган (лар) Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси ва унинг ҳудудий бошқармалари 5. Хулоса олиш учун талаб этиладиган маълумотлар ва ҳужжатлар а) ариза. Аризада қуйидагилар кўрсатилади: юридик шахснинг номи ва ташкилий-ҳуқуқий шакли, телефон рақами, СТИР, электрон почта манзили (мавжуд бўлса). радиотехник иншоот жойлашган манзил; радиотехник иншоотнинг санитария паспортини олиш мақсади (аниқ кўрсатилади); б) радиотехник иншоотнинг атроф-муҳит муҳофазаси лойиҳаси. 6. Аризани кўриб чиқиш учун тўланадиган йиғим миқдори Йиғим ундирилмайди 7. Хулоса берганлик учун ундириладиган йиғим миқдори Базавий ҳисоблаш миқдорининг 2 баравари 8. Хулоса бериш бўйича аризаларни кўриб чиқиш муддати 7 кун 9. Хулоса беришнинг талаб ва мезонлари Радиотехник иншоотларни жойлаштириш ва улардан фойдаланишга қўйиладиган санитария қоидалари, нормалари ва гигиена нормативларига талабларига мувофиқлиги. 10. Хулосанинг амал қилиш муддати 3 йил 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили) ўзгарганда, хулосани қайта расмийлаштириш талаб этилмайди. Радиотехник иншоот — умумий майдонда жойлашган бир ёки бир нечта антеннада ишлайдиган бир ёхуд бир нечта радио тўлқин узатгичлар. Радиотехник иншоотнинг санитария паспорти — хўжалик ва бошқа фаолият турлари, маҳсулотлар, ишлар ва хизматлар, шунингдек, лойиҳа ҳужжатлари, қурилиш лойиҳалари ва фойдаланиш ҳужжатлари ҳамда электромагнит майдони даражаси ўлчов натижаларининг санитария қоидалари, нормалари ва гигиена нормативларига мувофиқлигини тасдиқловчи санитария-эпидемиология ҳужжати.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 11-ИЛОВА

Халқаро ва хорижий ташкилотлар ва жамғармалар ҳамда илмий ҳамкорлик бўйича халқаро битимлар доирасида хориждан текин, гуманитар ва техник ёрдам тариқасида келтирилаётган пул маблағлари ва асбоб-ускуналарнинг ажратилган грантлар мақсад ва вазифаларига мувофиқлиги тўғрисида хулоса бериш

1. Хулоса номи Халқаро ва хорижий ташкилотлар ва жамғармалар ҳамда илмий ҳамкорлик бўйича халқаро битимлар доирасида хориждан текин, гуманитар ва техник ёрдам тариқасида келтирилаётган пул маблағлари ва асбоб-ускуналарнинг ажратилган грантлар мақсад ва вазифаларига мувофиқлиги тўғрисида хулоса 2. Хулоса талаб қилинадиган фаолият (объект, ҳаракат, маҳсулот ва бошқалар) Илмий тадқиқотлар, илмий ва инновация дастурлари ва лойиҳаларини бажаришга йўналтирилган пул маблағлари ва моддий-техник захиралар 3. Хулоса олишни сўраб мурожаат қиладиган шахслар тоифаси Юридик ва жисмоний шахслар 4. Хулосани беришга ваколатли орган (лар) Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги 5. Хулоса олиш учун талаб этиладиган маълумотлар ва ҳужжатлар а) ариза. Аризада қуйидагилар кўрсатилади: юридик шахс учун — номи, СТИР, почта манзили, электрон почта манзили (мавжуд бўлса), хизмат кўрсатувчи банкнинг номи ва ҳисобварағи, телефон рақами; жисмоний шахс учун — ФИО, ЖШШИР, почта манзили, электрон почта манзили (мавжуд бўлса), телефон рақами; б) халқаро ва хорижий ташкилотлар ва жамғармалардан грантлар ажратилганини тасдиқловчи ҳужжатларнинг нусхалари (шартнома, грантни тузиш учун берилган илмий лойиҳа, ишларни бажариш учун календарь режа, харажатлар сметаси ва иш мақсадини белгиловчи бошқа ҳужжатлар); в) бажариш учун олинган пул маблағлари ва асбоб-ускуналарни тасдиқловчи халқаро илмий ва инновацион дастурлардан кўчирма; г) олинган пул маблағлари ва асбоб-ускуналарни тасдиқловчи ва уларнинг ажратилган грантлар ёки халқаро илмий дастурлар ва илмий ҳамкорлик доирасидаги халқаро шартномалар бўйича лойиҳаларнинг мақсадлари ва вазифаларига мувофиқлиги бўйича тадқиқот ишларини бажариш учун экспертизасини ўтказишга имкон берувчи бошқа ҳужжатлар. 6. Аризани кўриб чиқиш учун тўланадиган йиғим миқдори Йиғим ундирилмайди 7. Хулоса берганлик учун ундириладиган йиғим миқдори Базавий ҳисоблаш миқдорининг 10 баробари 8. Хулоса бериш бўйича аризаларни кўриб чиқиш муддати 7 иш куни 9. Хулоса беришнинг талаб ва мезонлари Грантларни олган жисмоний шахслар даромадлар тўғрисидаги декларацияни тақдим этишда грантлар бўйича олинган даромаднинг қиймати, даромад солиғи миқдори, Олий таълим, фан ва инновациялар вазирлиги ҳузуридаги Инновацион ривожланиш агентлигининг солиққа тортиш мақсадлари учун йиллик умумий йиллик даромаддаги чиқариб ташланган маблағлар бўйича хулоса кўрсатилиши; Хориждан келтирилган асбоб-ускуналар бегоналаштирилган ҳолатда барча тўловлар ва солиқлар грант олувчи томонидан белгиланган тартибда тўланиши. 10. Хулосанинг амал қилиш муддати Чекланмаган 11. Изоҳ

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 12-ИЛОВА

Диний ташкилотларни рўйхатдан ўтказиш юзасидан хулоса бериш

1. Хулоса номи Диний ташкилотларни рўйхатдан ўтказиш юзасидан хулоса 2. Хулоса бериладиган объект (ҳаракат, фаолият, товар ва бошқалар) Диний ташкилот фаолияти 3. Хулоса олишни сўраб мурожаат қиладиган шахслар тоифаси Диний ташкилотни ташкил этиш ташаббускорлари ёки улар томонидан вакил қилинган шахслар 4. Хулосани беришга ваколатли орган (лар) Дин ишлари бўйича қўмитаси 5. Хулоса олиш учун талаб этиладиган маълумотлар ва ҳужжатлар а) ариза. Аризага қуйидагилар илова қилинади: марказий бошқарув органи учун: таъсис йиғилишининг (конференциясининг) марказий бошқарув органини ташкил этиш, унинг уставини тасдиқлаш ва бошқарув органларини сайлаш тўғрисидаги маълумотларини ўз ичига олган қарорининг нусхаси; марказий бошқарув органининг давлат тилидаги устави нусхаси; жойлашган жойидан диний ташкилотнинг почта манзили сифатида фойдаланиши мўлжалланаётган кўчмас мулкка эгалик қилиш ёки ундан фойдаланиш ҳуқуқини тасдиқловчи ҳужжатнинг нусхаси; марказий бошқарув органининг таъсисчилари тўғрисидаги маълумот; марказий бошқарув органининг раҳбар органи аъзолари тўғрисидаги маълумот; марказий бошқарув органининг раҳбарида диний профессионал маълумот мавжудлигини тасдиқловчи ҳужжатнинг нусхаси, таълимоти диний профессионал таълим тизимини назарда тутмайдиган конфессиялар бундан мустасно (диний маълумот ҳақидаги ҳужжат хорижий давлатда берилганда унинг тан олинганлиги бўйича ҳужжат нусхаси ҳам тақдим қилинади); диний таълим муассасалари учун: марказий бошқарув органининг диний таълим муассасасини ташкил этиш, унинг уставини тасдиқлаш ва раҳбар органларини сайлаш (тайинлаш) бўйича маълумотларни ўз ичига олган қарорининг нусхаси; диний таълим муассасасининг давлат тилидаги устави нусхаси; диний таълим муассасасининг раҳбар органи аъзолари тўғрисидаги маълумот; маҳаллий диний ташкилотлар учун: таъсис йиғилишининг маҳаллий диний ташкилотни ташкил этиш, унинг уставини тасдиқлаш ва раҳбар органларини сайлаш тўғрисидаги маълумотларни ўз ичига олган қарорининг нусхаси; маҳаллий диний ташкилотни давлат тилидаги уставининг нусхаси; Ўзбекистон Республикасининг тегишли тумани (шаҳри) ҳудудида доимий яшаётган, маҳаллий диний ташкилотни ўз ташаббусига кўра тузаётган, маҳаллий диний ташкилотни ташкил этиш бўйича ўн саккиз ёшга етган эллик нафардан кам бўлмаган ташаббускорлар томонидан имзоланган маълумот; маҳаллий диний ташкилотнинг раҳбар органи аъзолари тўғрисидаги маълумот; маҳаллий диний ташкилот раҳбарида диний профессионал маълумот мавжудлигини тасдиқловчи ҳужжатнинг нусхаси, таълимоти диний профессионал таълим тизимини назарда тутмайдиган конфессиялар бундан мустасно (диний маълумот ҳақидаги ҳужжат хорижий давлатда берилганда унинг тан олинганлиги бўйича ҳужжат нусхаси ҳам тақдим қилинади); маҳаллий диний ташкилотнинг почта манзили сифатида фойдаланилиши мўлжалланаётган кўчмас мулкнинг шаҳарсозлик нормалари талабларига мувофиқлиги тўғрисидаги хулосалар илова қилинган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари хулосасининг нусхаси. 6. Аризани кўриб чиқиш учун тўланадиган йиғим миқдори базавий ҳисоблаш миқдорининг 30 фоизи 7. Хулоса берганлик учун ундириладиган йиғим миқдори Йиғим ундирилмайди 8. Хулоса бериш бўйича аризаларни кўриб чиқиш муддати 30 кун 9. Хулоса беришнинг талаб ва мезонлари «Виждон эркинлиги ва диний ташкилотлар тўғрисида»ги Қонуни ва бошқа қонунчилик ҳужжатларига мувофиқлиги 10. Хулосанинг амал қилиш муддати Чекланмаган 11. Изоҳ Диний таълим муассасаси — муайян конфессияга мансуб бўлган, диний ташкилотларнинг профессионал хизматчиларини ва улар учун зарур бўлган диний ходимларни тайёрлаш учун диний ташкилотларнинг Ўзбекистон Республикаси бўйича марказий бошқарув органи томонидан ташкил этилган муассаса. Диний ташкилот — фуқароларнинг белгиланган тартибда рўйхатдан ўтказилган, биргаликда динга эътиқод қилиш, ибодат қилиш, диний расм-русумлар ва маросимларни бажариш мақсадида ташкил этилган, даромад (фойда) олишни ўз фаолиятининг асосий мақсади қилиб олмаган ҳамда олинган даромадларни (фойдани) ўз иштирокчилари (аъзолари) ўртасида тақсимламайдиган кўнгилли бирлашмаси (маҳаллий диний ташкилот, диний таълим муассасаси ва диний ташкилотларнинг Ўзбекистон Республикаси бўйича марказий бошқарув органи). Диний ташкилотларнинг Ўзбекистон Республикаси бўйича марказий бошқарув органи — бир конфессиянинг маҳаллий диний ташкилотлари, шунингдек, диний таълим муассасалари фаолиятини мувофиқлаштириш мақсадида Ўзбекистон Республикасининг камида саккизта маъмурий-ҳудудий бирлигида (Қорақалпоғистон Республикасида, вилоятда, Тошкент шаҳрида) рўйхатдан ўтиб фаолият кўрсатаётган маҳаллий диний ташкилотлар томонидан ташкил этилган диний ташкилот. Маҳаллий диний ташкилот — Ўзбекистон Республикасининг тегишли тумани (шаҳри) ҳудудида доимий яшаётган, ўн саккиз ёшга тўлган, эллик нафардан кам бўлмаган Ўзбекистон Республикаси фуқаролари ташаббуси билан ташкил этилган, фаолиятини Қорақалпоғистон Республикаси, вилоятлар, ва Тошкент шаҳри, туман ёки шаҳар ҳудудида амалга оширувчи диний ташкилот (масжидлар, черковлар, синагогалар, ибодатхоналар ва бошқалар). «Марказий бошқарув органининг таъсисчилари тўғрисидаги МАЪЛУМОТ Т/р Ташаббускор диний ташкилот номи Диний ташкилот рўйхатдан ўтган санаси ва рақами Диний ташкилот манзили Диний ташкилот раҳбарининг Ф.И.О. Ташаббускор диний ташкилот раҳбарининг имзоси ва диний ташкилот муҳри Марказий бошқарув органи раҳбари _____________________________ ________________ ______________________________________________________________ (Ф.И.О. ва имзоси) Ўзбекистон Республикасининг тегишли тумани (шаҳри) ҳудудида доимий яшаётган, маҳаллий диний ташкилотни ўз ташаббусига кўра тузаётган, маҳаллий диний ташкилотни ташкил этиш бўйича ўн саккиз ёшга етган эллик нафардан кам бўлмаган ташаббускорлар томонидан имзоланган маълумотлар. Диний ташкилот ташаббускорлари тўғрисидаги МАЪЛУМОТ Т/р Ф.И.О. Туғилган йили, ой, кун Турар жойи Имзо Диний ташкилотнинг раҳбари _________________________________ __________________ _______________________________________________________________ (Ф.И.О. ва имзоси) Маҳаллий диний ташкилотнинг раҳбар органи аъзолари тўғрисидаги маълумотлар. Диний ташкилотнинг раҳбар органи аъзолари тўғрисидаги МАЪЛУМОТ Т/р Ф.И.О. Туғилган йили, ой, кун Турар жойи Имзо Диний ташкилотнинг раҳбари _________________________________ __________________ _______________________________________________________________ (Ф.И.О. ва имзоси) Қуйидагилар диний ташкилотларни рўйхатдан ўтказиш учун хулоса олиш тўғрисидаги мурожаатни рад этишга асос бўлади: тегишли ҳужжатларнинг тўлиқ тақдим этилмаганлиги; тақдим этилган ҳужжатларда атайин нотўғри маълумотлар кўрсатилганлиги; илгари худди шу номдаги ёки адаштириб юборадиган даражада ўхшаш бўлган номдаги диний ташкилотнинг рўйхатдан ўтказилганлиги; ҳужжатлар суд томонидан муомалага лаёқатсиз ёки муомала лаёқати чекланган деб топилган шахслар томонидан тақдим этилганлиги.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 13-ИЛОВА

Донли экинлар уруғларини услубий таҳлил қилиш ва тупроқда нав тозалигини баҳолаш бўйича хулоса бериш

1. Хулоса номи Донли экинлар уруғларини услубий таҳлил қилиш ва тупроқда нав тозалигини баҳолаш бўйича хулоса 2. Хулоса талаб қилинадиган фаолият (объект, ҳаракат, маҳсулот ва бошқалар) Донли экинлар уруғларини услубий таҳлил қилиш ва тупроқда нав тозалигини баҳолаш ва уларнинг амалдаги норматив-ҳуқуқий ҳужжатлар талабларига мувофиқлигини аниқлаш 3. Хулоса олишни сўраб мурожаат қиладиган шахслар тоифаси Юридик ва жисмоний шахслар 4. Хулосани беришга ваколатли орган (лар) Вазирлар Маҳкамаси ҳузуридаги Агросаноат мажмуи устидан назорат қилиш инспекцияси 5. Хулоса олиш учун талаб этиладиган маълумотлар ва ҳужжатлар а) ариза. Аризада қуйидаги маълумотлар кўрсатилади: юридик шахслар учун — юридик шахснинг номи ва ташкилий-ҳуқуқий шакли, унинг почта манзили, фаолиятни амалга ошириш жойи, телефон рақами, СТИР, электрон почта манзили (мавжуд бўлса), нав намунаси сақланаётган манзил, нав намунасининг нави, авлоди ва сони; жисмоний шахслар учун — ФИО, ЖШШИР, яшаш манзили, телефон рақами, электрон почта манзили (мавжуд бўлса); б) фаолиятни амалга ошириш манзили, нав намунасининг нави, авлоди ва сони; в) нав намунасининг бирламчи ҳужжатларидан экилгандаги мувофиқлик сертификати ёки таҳлил натижаси ва апробация далолатномаси нусхалари. 6. Аризани кўриб чиқиш учун тўланадиган йиғим миқдори Йиғим ундирилмайди 7. Хулоса берганлик учун ундириладиган йиғим миқдори Базавий ҳисоблаш миқдорининг 4,5 баравари 8. Хулоса бериш бўйича аризаларни кўриб чиқиш муддати Паспортнинг изоҳ қисмида белгиланган 9. Хулоса беришнинг талаб ва шартлари (мезонлари) Паспортнинг изоҳ қисмида белгиланган 10. Хулосанинг амал қилиш муддати Чекланмаган 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили), жисмоний шахснинг фамилияси, исми, отасининг исми ўзгарганда, хулосани қайта расмийлаштириш талаб этилмайди. Агросаноат мажмуи устидан назорат қилиш инспекцияси (кейинги ўринларда — Ўзагроинспекция) томонидан илмий-тадқиқот институтлари, уруғлик етиштирувчи ва элита уруғчилик хўжаликларда етиштирилган навлардан белгиланган тартибда намуналар танлаб олинади, тегишли ҳужжатларни расмийлаштиради, рўйхатга олади, дала тажриба майдонига экади, парвариш қилади, методик ва агротехник тадбирларни ўтказади, навдорликни баҳолаш ишлари амалга оширилишини ҳамда баҳолаш хулосалари ариза берувчига тақдим этилишини таъминлайди. Ариза берувчи нав намунасини танлаб олиш ва Ўзагроинспекциянинг дала тажриба майдонига жўнатиш учун зарур шароит яратади ҳамда ушбу жараёнда иштирок этади. Нав намунаси Ўзагроинспекциянинг дала тажриба майдонида Ўзбекистон Республикаси ҳудудида экиш учун тавсия этилган қишлоқ хўжалиги экинлари давлат реестрига киритилган ва истиқболли деб ҳисобланган бошоқли дон экинлари навларининг дориланиб тайёрланган уруғлик дон тўдаларидан танлаб олинган нав намуналарини дала тажриба майдонида экиб ўрганиш йўли билан амалга оширилади. Ариза берувчи томонидан уруғлик тўдаси тозаланган, сараланган ва дорилангандан сўнг нав намуналарининг нав тозалигини (навдорлиги) баҳолаш учун 10 сентябрдан кечиктирмаган ҳолда мурожаат қилади. Ўзагроинспекция навдорликни баҳолаш ишлари бўйича буюртма бериш муддати 10 сентябрга қадар этиб белгиланганлиги ҳақида ўзининг расмий веб-сайтида июль ойининг биринчи ўн кунлигида эълон беради. Ариза берувчи томонидан нав намунаси 10 сентябрга қадар тақдим қилинмаса, ариза берувчининг мурожаати рад этилади. Нав намуналарини танлаб олиш тартиби Давлат хизматлари кўрсатиш учун Ўзагроинспекциянинг мутахассислари томонидан уруғлик тўдаларидан амалдаги стандарт талаблари асосида ариза берувчи ёки унинг ишончли вакили иштирокида нав намуналарини беш иш кунида танлаб олинади ва далолатнома расмийлаштирилади. Танлаб олинган ҳар бир нав намунасида ташқи ва ички ёрлиқлар бўлиши керак. Ҳар бир нав намуналарининг ёрлиқларида уруғлик тайёрловчининг номи, экин тури, нави, авлоди, уруғнинг келиб чиқиши, тўда рақами, тўда вазни, апробация бўйича нав тозалиги ва намуна вазни каби маълумотлар бўлиши лозим. Нав намуналарини танлаб олишда уруғлик сақланиш шароитлари текширилади ва текширув натижалари тўғрисидаги маълумотлар билан бирга нав назорати учун танлаб олинган уруғлик доннинг ўртача намуна далолатномаси Ўзагроинспекциянинг мутахассиси томонидан расмийлаштирилади. Далолатноманинг битта асл нусхаси ариза берувчида ёки унинг вакилида қолдирилади. Мазкур далолатноманинг асл нусхаси намуна билан биргаликда бўз қопчаларга жойлаштирилиб, икки иш кунида дала тажрибаларини ўтказиш майдончаси (ГРУНТ нав назорат) яъни, қишлоқ хўжалиги экинлари уруғларини тупроқда баҳолаш, ободонлаштириш, бино ва ердан фойдаланиш бўлимига юборилади. Нав намуналарини экишга тайёрлаш Танлаб олинган нав намуналари бир иш кунида рўйхатга олинади ва экиш рўйхати (экиш ведомости) тузилади. Рўйхатга олинган нав намуналаридан экиш учун ишчи намуналар тайёрланиб, махсус бўз қопчаларга жойлаштирилади ва уч иш кунида майдончаларнинг тартиб рақами қўйилади. Экиш учун жамланган барча нав намуналари касаллик ва зараркунандаларга қарши кимёвий препаратлар билан ишлов берилган бўлиши лозим. Кимёвий препаратлар билан ишлов берилмаган тўдалардан олинган нав намуналари бўйича давлат хизматлари Ўзагроинспекция билан тузилган шартномага мувофиқ кўрсатилади. Нав намуналарини экиш Нав намуналари ҳудуд учун мақбул бўлган муддатда, яъни об-ҳаво, табиий иқлим шароитидан келиб чиққан ҳолда сентябрь ва октябрь ойларида экилади. Нав намуналари 10 м 2 ёки 25 м 2 дала тажриба майдонида делянка усулида экилади. Нав намуналари юқори авлодлар бўйича тартиб асосида экилади. Тажриба даласида униб чиқмаган хатолар ўрнига экиш ва қайта экишга рухсат этилмайди. Экинларни парваришлаш ишлари ҳар йили ҳосил йилининг сентябрь-октябрь ойидан келгуси йилнинг май ойигача ҳудудларда амалда бўлган агротехник тадбирларни ўтказиш бўйича тавсия ва кўрсатмалар асосида ўтказилади. Нав тозалигини аниқлаш ва натижаларни расмийлаштириш Нав тозалиги нав муаллифи томонидан тақдим этилган навларнинг морфологик белгилари тавсифномаси асосида ўсимликнинг морфологик белгилари шаклланган вақтда аниқланади. Нав намуналарида нав тозалигини аниқлаш экинларнинг сут-мум пишиш даврида, яъни май ойида нав муаллифи томонидан тақдим этилган навларнинг морфологик белгиларни ўрганиш орқали амалга оширилади. Нав намуналарининг таҳлил натижаларига кўра Ўзагроинспекция томонидан ижобий ёки салбий хулосалар расмийлаштирилади.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 14-ИЛОВА

Техник лойиҳа ҳужжатларини кўриб чиқиш бўйича хулоса бериш

1. Хулоса номи Техник лойиҳа ҳужжатларини кўриб чиқиш бўйича хулоса 2. Хулоса талаб қилинадиган фаолият (объект, ҳаракат, маҳсулот ва бошқалар) Кемаларнинг техник лойиҳа ҳужжатларини кўриб чиқиш 3. Хулоса олишни сўраб мурожаат қиладиган шахслар тоифаси Юридик ва жисмоний шахслар 4. Хулосани беришга ваколатли орган (лар) Транспорт вазирлиги 5. Хулоса олиш учун талаб этиладиган маълумотлар ва ҳужжатлар Ариза. Аризада қуйидагилар кўрсатилади: юридик шахслар учун — юридик шахснинг номи ва ташкилий-ҳуқуқий шакли, унинг юридик манзили, телефон рақами, СТИР, электрон почта манзили (агар мавжуд бўлса); жисмоний шахслар учун — ФИО, ЖШШИР, телефон рақами, электрон почта манзили (мавжуд бўлса); фаолиятни амалга ошириш жойи. Аризага қуйидаги ҳужжатлар илова қилинади: кеманинг техник лойиҳа ҳужжатлари; тушунтириш хати; кеманинг чўкмаслиги тўғрисида, сузувчанлиги тўғрисида, устуворлиги тўғрисида ва кемани юклаш-тушириш тўғрисида йўриқномалар. Техник лойиҳа ҳужжатлари кемачилик регистри инспекторига қуйидаги усуллардан бири бўйича тақдим этилиши мумкин: кейинчалик кемачилик регистри инспекторига ишчи чизмаларни тақдим этиш шарти билан техник лойиҳа ҳужжатларини; кейинчалик кемачилик регистри инспекторига ишчи чизмаларни келишиш учун тақдим этмаган ҳолда техник лойиҳа ҳужжатларини. Бунда тақдим этилган техник лойиҳа ҳужжатлари лойиҳалаштирилган кеманинг берилган техник топшириқ талабларига мувофиқ эканлигини аниқлаш ҳамда кеманинг асосий конструктив қисмларини тайёрлаш даврида техник назорат олиб бориш имконини бериши керак. 6. Аризани кўриб чиқиш учун тўланадиган йиғим миқдори Йиғим ундирилмайди 7. Хулоса берганлик учун ундириладиган йиғим миқдори Ўзиюрмас кемаларнинг техник лойиҳа ҳужжатларини кўриб чиқиш учун БҲМнинг 50 баробари; Ўзиюрар ва земснарядларнинг техник лойиҳа ҳужжатларини кўриб чиқиш учун БҲМнинг 70 баробари. Битта техник лойиҳа ҳужжат асосида кетма-кет қуриладиган кемаларнинг техник лойиҳа ҳужжатлари кўриб чиқилмайди ва тўлов ундирилмайди. 8. Хулоса бериш бўйича аризаларни кўриб чиқиш муддати 15 иш куни 9. Хулоса беришнинг талаб ва мезонлари Техник лойиҳа ҳужжатларининг техник топшириқда кўрсатилган жиҳозлар бўйича тўлиқ тақдим этилганлиги; тушунтириш хати: тақдим этилган техник лойиҳа ҳужжатларининг рўйхати; ҳар бир назорат объектининг чизмаси ва бириктириш усули; ҳар бир назорат объектининг ўлчамларини техник топшириқда кўрсатилган ўлчамларга мувофиқлиги. Техник лойиҳа ҳужжатларида лойиҳалаштириладиган кемаларнинг техник топшириққа, маҳаллий сузиш шароитига ва Регистр қоидаларига мувофиқлиги (сув ҳавзалари разряди, сузиш ҳудуди, сувга ботиши, шамол-тўлқин режими). 10. Хулосанинг амал қилиш муддати Чекланмаган 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили), жисмоний шахснинг фамилияси, исми, отасининг исми ўзгарганда, хулосани қайта расмийлаштириш талаб этилмайди. Келишилган техник лойиҳа ҳужжатлари асосида кемалар серияли қурилганда, техник-лойиҳа ҳужжатлар фақат бош кема учун келишилади.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 15-ИЛОВА

Сув объектларидаги сув хўжалиги иншоотларини (қурилмаларини) кўчириш, реконструкция қилиш ва янгидан қуришга доир хулоса бериш

1. Хулоса номи Сув объектларидаги сув хўжалиги иншоотларини (қурилмаларини) кўчириш, уларни реконструкция қилиш ва янгидан қуришга доир хулоса 2. Хулоса бериладиган объект (ҳаракат, фаолият, товар ва бошқалар) Сув объектларидаги сув хўжалиги иншоотлари (қурилмалари) 3. Хулоса олишни сўраб мурожаат қиладиган шахслар тоифаси Юридик ва жисмоний шахслар 4. Хулосани беришга ваколатли орган (лар) Сув хўжалиги иншоотларини қуришга доир хулосалар қуйидаги ваколатли органлар томонидан берилади: а) Сув хўжалиги вазирлиги томонидан вилоятлараро ва давлатлараро (трансчегаравий), шунингдек, алоҳида аҳамиятга эга бўлган: табиий (жилғалар, сойлар, дарёлар, кўллар ва бошқалар) сув объектлари бўйича Экология, атроф-муҳитни муҳофаза қилиш ва иқлим ўзгариши вазирлиги билан келишилган ҳолда; сунъий (сув омборлари, очиқ ва ёпиқ каналлар, суғориш ва коллектор-дренаж тармоқлари, сел сувлари тўпланадиган жойлар, ҳовузлар ва бошқалар) сув объектлари бўйича; б) Қорақалпоғистон Республикаси Сув хўжалиги вазирлиги ва ирригация тизимлари ҳавза бошқармалари томонидан туманлараро ҳамда туман аҳамиятидаги: табиий (жилғалар, сойлар, дарёлар, кўллар ва бошқалар) сув объектлари бўйича Экология, атроф-муҳитни муҳофаза қилиш ва иқлим ўзгариши вазирлигининг ҳудудий органлари билан келишилган ҳолда; сунъий (сув омборлари, очиқ ва ёпиқ каналлар, суғориш ва коллектор-дренаж тармоқлари, сел сувлари тўпланадиган жойлар, ҳовузлар ва бошқалар) сув объектлари бўйича; в) туманлар (Қувасой шаҳри) ирригация бўлими томонидан хўжаликлараро (фермерлараро) ва ички суғориш ва коллектор-дренаж тармоқлари бўйича; г) Тоғ-кон саноати ва геология вазирлиги томонидан сув хўжалиги, санитария назорати органлари билан келишилган ҳолда ер ости сувларидан сув олиш иншоотлари бўйича. 5. Хулоса олиш учун талаб этиладиган маълумотлар ва ҳужжатлар а) ариза. Аризада қуйидагилар кўрсатилади: юридик шахслар учун — юридик шахснинг номи ва ташкилий-ҳуқуқий шакли, телефон рақами, СТИР, электрон почта манзили (мавжуд бўлса); жисмоний шахслар учун — ФИО, ЖШШИР, телефон рақами, электрон почта манзили (мавжуд бўлса). сув хўжалиги иншоотлари (қурилмалари) жойлашган манзил; сув хўжалиги иншоотларини (қурилмаларини) кўчириш, реконструкция қилиш ва янгидан қуришга бўлган заруратни асослаш, мавжуд муаммо ҳамда кутиладиган натижа тўғрисида маълумот; сув хўжалиги иншоотларини (қурилмаларини) кўчириш, реконструкция қилиш ва янгидан қуриш ишларини лойиҳалаштириш ҳамда қуриш ишларини молиялаштириш манбаи; б) белгиланган тартибда давлат-хусусий шериклик тамойили асосида бошқарувга берилган давлат сув хўжалиги объектлари, шунингдек, мақсадли фойдаланиш учун берилган ички суғориш ва коллектор-дренаж тармоқларининг кўчириладиган, реконструкция қилинадиган ва янгидан қуриладиган сув хўжалиги иншоотлари (қурилмалари) туширилган тархи; в) ер участкасининг ижара шартномаси ва ер участкаси тархининг нусхалари; г) сув хўжалиги иншоотларини (қурилмаларини) кўчириш, реконструкция қилиш ва янгидан қуриш ишларининг бошқа сув истеъмолчиларига салбий таъсири мавжуд эмаслиги тўғрисида уларнинг розилик хатлари. 6. Аризани кўриб чиқиш учун тўланадиган йиғим миқдори Йиғим ундирилмайди 7. Хулоса берганлик учун ундириладиган йиғим миқдори Базавий ҳисоблаш миқдорининг 50 фоизи 8. Хулоса бериш бўйича аризаларни кўриб чиқиш муддати 10 иш куни 9. Хулоса беришнинг талаб ва мезонлари Сув хўжалиги иншоотининг (қурилманинг) ҳозирги техник ҳолати, уни қуриш имконияти мавжуд ёки мавжуд эмаслиги, сув хўжалиги иншооти қуриш ўзбошимчалик билан қурилмаганлиги (лойиҳа-смета ҳужжатлари келишилган ва белгиланган тартибда экспертизадан ўтказилган), объект лойиҳа-смета ҳужжатларидан четга чиқмаган ҳолда ҳамда шаҳарсозлик нормалари ва қоидалари бузилмаган ҳолда қурилганлиги ва реконструкция қилинганлиги 10. Хулосанинг амал қилиш муддати 3 йил 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили), жисмоний шахснинг фамилияси, исми, отасининг исми ўзгарганда, хулосани қайта расмийлаштириш талаб этилмайди. Сув объекти — сувлар доимий равишда ёки вақтинча тўпланадиган ва сув режимининг ўзига хос шакллари ва белгилари бўлган табиий (жилғалар, сойлар, дарёлар ва бошқалар) ҳамда сунъий (очиқ ва ёпиқ каналлар, шунингдек, коллектор-дренаж тармоқлари) сув оқимлари, табиий (кўллар, денгизлар, ер ости сувли қатламлари) ва сунъий (сув омборлари, сел сувлари тўпланадиган жойлар, ҳовузлар ва бошқалар) сув ҳавзалари ва булоқлар. Сув хўжалиги объекти — сув ресурсларини тўплаш, бошқариш, етказиб бериш, улардан фойдаланиш, уларни истеъмол қилиш, ажратиб бериш ва муҳофаза қилиш мақсадида сув хўжалиги фаолияти амалга ошириладиган сув объекти. Сув хўжалиги иншоотлари (қурилмалари) — сув объектларидаги сув олиш, тақсимлаш, тўсиш, ўтказиш (нов, дюкер), ўлчаш (гидропост), кўтариш (насос агрегати, чархпалак) ва бошқа қурилмалар, кўприклар (очиқ, қувурли) ва бошқа сув хўжалиги иншоотлари. Сув хўжалигининг фойдаланувчи ташкилотлари — сув хўжалиги объектларидан фойдаланувчи сув хўжалигининг фойдаланувчи ташкилотлари, яъни туманларнинг ирригация бўлимлари, ирригация тизими бошқармалари, магистрал каналлар (тизимлар) бошқармалари, насос станциялари ва энергетика бошқармалари, мелиоратив экспедициялар, сув омборларидан ва йирик гидротехника иншоотларидан фойдаланиш бошқармалари, Қорақалпоғистон Республикаси Сув хўжалиги вазирлиги, Ўзбекистон Республикаси Сув хўжалиги вазирлиги ҳузуридаги Ирригация тизимлари ҳавза бошқармалари. Ички суғориш ва коллектор-дренаж тармоқлари (ички сув йўллари) — битта сув истеъмолчисига (агрокластер, фермер хўжалиги ва бошқа сув истеъмолчисига) хизмат кўрсатувчи сув хўжалиги объектлари. Хўжаликлараро (фермерлараро) суғориш ва коллектор-дренаж тармоқлари — икки ва ундан ортиқ сув истеъмолчисига хизмат кўрсатувчи сув хўжалиги объекти. Қуйидагилар давлат хизматини рад этишга асос бўлади: сув хўжалиги иншоотларини қуриш зарурати етарли даражада асосланмаганда (иншоот қурилиши нима мақсадга амалга оширилаётганлиги ва келгусида қандай мақсадларда фойдаланилиши тўғрисида тўлиқ маълумотлар бўлмаган тақдирда); сув хўжалиги иншоотларини (қурилмаларини) қуриш зарурати бўйича манфаатдор юридик ва жисмоний шахсларнинг тўлиқ розилиги олинмаганда; сув хўжалиги иншоотларини қуриш сув хўжалиги объектининг хавфсиз ва ишончли ишлашига ҳамда сувни самарали бошқаришга ва оқилона фойдаланишга салбий таъсир кўрсатиш хавфи бўлганда; қуриладиган сув хўжалиги иншоотларини (қурилмаларини) сувни бошқариш ва ҳисобга олиш воситалари билан жиҳозлаш ва рақамлаштириш режалаштирилмаганда (агрокластерлар, фермер хўжаликлари ва бошқа сув истеъмолчиларига мақсадли фойдаланиш учун берилган ички суғориш ва коллектор-дренаж тармоқларидаги бош сув олиш иншоотидан ташқари иншоотларда ҳамда томорқа ер эгаларининг сув олиш иншоотларида сувнинг ҳисобини юритиш ва рақамлаштириш мажбурий эмас).

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 16-ИЛОВА

Моддий маданий мероснинг кўчмас мулк объектларида амалга ошириладиган ишларнинг лойиҳаолди ва лойиҳа-смета ҳужжатлари бўйича хулоса

1. Хулоса номи Моддий маданий мероснинг кўчмас мулк объектларида амалга ошириладиган ишларнинг лойиҳаолди ва лойиҳа-смета ҳужжатлари бўйича хулоса 2. Хулоса талаб қилинадиган фаолият кичик тури (объект, ҳаракат, маҳсулот ва бошқалар) моддий маданий мероснинг кўчмас мулк объектларини асрашга доир ишларнинг лойиҳаолди ва лойиҳа-смета ҳужжатлари; моддий маданий мероснинг кўчмас мулк объектлари ва уларнинг қўриқланадиган теграларида ер қазиш, ер тузиш, қурилиш, мелиорация ва бошқа хўжалик ишлари, асрашга доир ишларни амалга ошириш ҳамда илмий ва илмий-техник тадқиқотлар ўтказишга оид лойиҳалар; алоҳида муҳофаза қилинадиган тарихий-маданий ҳудудлар ҳамда тарихий-маданий қимматига кўра, ЮНЕСКОнинг Умумжаҳон мероси рўйхатига киритилган ҳудудларда (объектларда) қурилиш-монтаж, ободонлаштириш ва тарихий-маданий қимматга эга бўлмаган бино ва иншоотларни бузиш ишлари ва ердан фойдаланиш лойиҳалари; алоҳида муҳофаза қилинадиган тарихий-маданий ҳудудлар, тарихий-маданий қимматига кўра ЮНЕСКОнинг Умумжаҳон мероси рўйхатига киритилган ҳудудлар (объектлар) бошқарув режалари; тарихий-маданий қимматига кўра, ЮНЕСКОнинг Умумжаҳон мероси рўйхатига киритилган ҳудудларнинг (объектларнинг) қўриқланадиган тегралари лойиҳалари. 3. Хулоса олишни сўраб мурожаат қиладиган шахслар тоифаси Жисмоний ва юридик шахс 4. Хулосани беришга ваколатли орган (лар) Маданий мерос агентлигининг Илмий-эксперт кенгаши 5. Хулоса олиш учун талаб этиладиган маълумотлар ва ҳужжатлар Ариза. Аризада қуйидаги маълумотлар кўрсатилади: юридик шахслар учун — юридик шахснинг номи ва ташкилий-ҳуқуқий шакли, унинг почта манзили, фаолиятни амалга ошириш жойи, телефон рақами, СТИР, электрон почта манзили (агар мавжуд бўлса) ; жисмоний шахслар учун — ФИО, ЖШШИР, яшаш манзили, телефон рақами, электрон почта манзили (мавжуд бўлса), фаолиятни амалга ошириш манзили . Аризага қуйидагилар илова қилинади: амалга оширилиши назарда тутилаётган асрашга доир ишларнинг лойиҳаолди ва лойиҳа-смета ҳужжатлари (ваколатли орган буюртмачи бўлган ҳолатлар бундан мустасно); лойиҳада кўрсатилган объектнинг кадастр йиғмажилди (агар мавжуд бўлса); археология маданий мерос объектларининг муҳофаза теграларида амалга ошириладиган лойиҳалар юзасидан археолог хулосаси. 6 Аризани кўриб чиқиш учун тўланадиган йиғим миқдори Базавий ҳисоблаш миқдорининг 1 баравари 7. Хулоса берганлик учун ундириладиган йиғим миқдори Моддий маданий мероснинг кўчмас мулк объектларини асрашга доир ишларни лойиҳа-смета ҳужжатлари бўйича экспертизадан ўтказиш учун — лойиҳа-смета ҳужжатидаги миқдорнинг 1 фоизи; Моддий маданий мероснинг кўчмас мулк объектлари ва уларнинг қўриқланадиган теграларида ер қазиш, ер тузиш, қурилиш, мелиорация ва бошқа хўжалик ишларини ўтказишга оид лойиҳаларни кўриб чиқиш учун — республика тоифасидаги объектлар учун — БҲМнинг 10 баравари; маҳаллий тоифадаги объектлар учун — БҲМнинг 5 баравари; Алоҳида муҳофаза қилинадиган тарихий-маданий ҳудудларда, шу жумладан, Умумжаҳон мероси рўйхатига киритилган ҳудудларда бино ва иншоотларни қуриш ёки уларни бузиш бўйича лойиҳаларни кўриб чиқиш учун — юридик шахслар учун — БҲМнинг 20 баравари; жисмоний шахслар учун — БҲМнинг 1 баравари. 8. Хулоса бериш бўйича аризаларни кўриб чиқиш муддати 30 иш куни 9. Хулоса беришнинг талаб ва шартлари (мезонлари) Лойиҳаолди ва лойиҳа-смета ҳужжатлари ҳужжатлари моддий маданий мероснинг кўчмас мулк объектларини асрашга доир фаолиятни амалга ошириш учун лицензия эга бўлган лойиҳачи ташкилот томонидан ишлаб чиқилган бўлиши керак; Лойиҳаолди ва лойиҳа-смета ҳужжатларида қуйидагилар акс эттирилиши мажбурий ҳисобланади: бинонинг фасад қисми; бино ва унинг атрофининг мавжуд ҳолати; кўча развёрткаси; қирқим (разрез); бош режа (М 1:500 масштабда); лойиҳалардаги мавжуд ҳолат режаси. 10. Хулосанинг амал қилиш муддати Чекланмаган 11. Изоҳ Юридик шахснинг ташкилий-ҳуқуқий шакли, унинг номи ёки жойлашган жойи (почта манзили), жисмоний шахснинг фамилияси, исми, отасининг исми ўзгарганда хулосани қайта расмийлаштириш талаб этилмайди. Ариза келиб тушганидан кейин 1 иш куни ичида Маданий мерос агентлигининг Илмий-эксперт кенгаши (кейинги ўринларда — Кенгаш) котиби аризани тегишлилик бўйича ҳудудий бошқармалар ҳузуридаги илмий-маслаҳат кенгашига юборади. Ҳудудий бошқармалар ҳузуридаги илмий-маслаҳат кенгаши ариза келиб тушганидан кейин 10 иш куни ичида, лойиҳаолди ва лойиҳа-смета ҳужжатларини ва объектни жойга чиққан ҳолда ўрганади ҳамда тақдим этилган лойиҳаолди ва лойиҳа-смета ҳужжатларидаги хато-камчиликларни аниқлаб, уларни бартараф этишда маслаҳат ҳамда амалий ёрдам кўрсатади. Ўрганиш натижаси юзасидан ўз хулосасини Кенгашга юборади. Кенгаш ҳудудий бошқарманинг илмий-маслаҳат кенгаши хулосаси олинганидан сўнг 15 иш куни ичида лойиҳаолди ва лойиҳа-смета ҳужжатларини кўриб чиқади. Кенгаш лойиҳа ҳужжатларини қуйидагиларга асосан кўриб чиқади: архив маълумотлари; тарихий манбалар; илмий адабиётлар; жаҳон маданий ва табиий меросини муҳофаза қилиш тўғрисидаги Конвенция; анъанавий меъморчилик мактаблари хусусиятларидан келиб чиққан ҳолда. Кенгаш томонидан ижобий хулоса беришга қарор қилинган тақдирда, ушбу Паспортнинг 7-банди талаби асосида шакллантирилган тўловни тўлаш учун ҳисобварақ кўрсатилган инвойсни ёки давлат хизмати кўрсатилишини рад этишнинг аниқ асосларини қонунчилик ҳужжатлари билан асослаган ва QR-код қўйилган салбий хулосани Давлат хизматлари марказига электрон тарзда ёки ариза берувчининг ЯИДХПдаги шахсий кабинетига автоматик тарзда юборади. Ариза берувчи томонидан инвойсда кўрсатилган тўлов амалга оширилганидан сўнг 4 иш куни ичида Кенгаш QR-код қўйилган ижобий хулосани Давлат хизматлари марказига электрон тарзда ёки ариза берувчининг ЯИДХПдаги шахсий кабинетига автоматик тарзда юборади. Ариза берувчи томонидан инвойсда белгиланган тўлов тўлиқ тўланмаслиги ёки белгиланган муддатда тўланмаслиги хулоса беришни рад этиш учун асос бўлади.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 17-ИЛОВА

Уруғлик пахта чигитини услубий таҳлил қилиш ва тупроқда нав тозалигини баҳолаш бўйича хулоса бериш

1. Хулоса номи Уруғлик пахта чигитини услубий таҳлил қилиш ва тупроқда нав тозалигини баҳолаш бўйича хулоса 2. Хулоса талаб қилинадиган фаолият (объект, ҳаракат, маҳсулот ва бошқалар) Уруғлик пахта чигити тўдасидан танлаб олинган нав намуналарини тупроқда нав тозалигини баҳолаш ва амалдаги норматив-ҳуқуқий ҳужжатлар талабларига мувофиқлигини аниқлаш 3. Хулоса олишни сўраб мурожаат қиладиган шахслар тоифаси Юридик ва жисмоний шахслар 4. Хулосани беришга ваколатли орган (лар) Вазирлар Маҳкамаси ҳузуридаги Агросаноат мажмуи устидан назорат қилиш инспекцияси 5. Хулоса олиш учун талаб этиладиган маълумотлар ва ҳужжатлар а) ариза. Аризада қуйидаги маълумотлар кўрсатилади: юридик шахслар учун — юридик шахснинг номи ва ташкилий-ҳуқуқий шакли, унинг почта манзили, фаолиятни амалга ошириш жойи, телефон рақами, СТИР, электрон почта манзили (мавжуд бўлса), нав намунаси сақланаётган манзил, нав намунасининг нави, авлоди ва сони; жисмоний шахслар учун — ФИО, ЖШШИР, яшаш манзили, телефон рақами, электрон почта манзили (мавжуд бўлса); б) фаолиятни амалга ошириш манзили, нав намунасининг нави, авлоди ва сони; в) нав намуналари ҳужжатлари. 6. Хулоса берганлик учун ундириладиган йиғим миқдори Базавий ҳисоблаш миқдорининг 4,5 баравари 7. Хулоса бериш бўйича аризаларни кўриб чиқиш муддати Паспортнинг изоҳ қисмида белгиланган 8. Хулоса беришнинг талаб ва шартлари (мезонлари) Паспортнинг изоҳ қисмида белгиланган 9. Хулосанинг амал қилиш муддати Чекланмаган 10. Изоҳ Умумий қоидалар Агросаноат мажмуи устидан назорат қилиш инспекцияси (кейинги ўринларда — Ўзагроинспекция) илмий-тадқиқот институтлари, уруғлик етиштирувчи ва элита уруғчилик хўжаликларда етиштирилган навлардан белгиланган тартибда намуналар танлаб олади, тегишли ҳужжатларни расмийлаштиради, рўйхатга олади, дала тажриба майдонига экади, парвариш қилади, методик ва агротехник тадбирларни ўтказади, навдорликни баҳолаш ишлари амалга оширилишини ҳамда баҳолаш хулосалари ариза берувчига тақдим этилишини таъминлайди; ариза берувчи нав намунасини танлаб олиш ва Ўзагроинспекциянинг дала тажриба майдонига жўнатиш учун зарур шароит яратади ҳамда ушбу жараёнда иштирок этади. Нав намунаси Ўзагроинспекциянинг дала тажриба майдонида Ўзбекистон Республикаси ҳудудида экиш учун тавсия этилган қишлоқ хўжалиги экинлари давлат реестрига киритилган ва истиқболли деб ҳисобланган ғўза навларининг дориланиб тайёрланган уруғлик чигит тўдаларидан танлаб олинган нав намуналарини дала тажриба майдонида экиб ўрганиш йўли билан амалга оширилади. Ариза берувчи томонидан уруғлик тўдаси тозаланган, сараланган ва дорилангандан сўнг, нав намуналарининг нав тозалигини (навдорлиги) баҳолаш учун 1 мартдан кечиктирмаган ҳолда мурожаат қилади. Ўзагроинспекция навдорликни баҳолаш ишлари бўйича буюртма бериш муддати 1 мартга қадар этиб белгиланганлиги ҳақида ўзининг расмий веб-сайтида январь ойининг биринчи ўн кунлигида эълон беради. Ариза берувчи томонидан нав намунаси 1 март кунига қадар тақдим қилинмаса, ариза берувчининг мурожаати рад этилади. Нав намуналарини танлаб олиш тартиби Давлат хизматлари кўрсатиш учун Ўзагроинспекциянинг мутахассислари томонидан уруғлик тўдаларидан амалдаги стандарт талаблари асосида ариза берувчи ёки унинг ишончли вакили иштирокида нав намуналарини беш иш кунида танлаб олинади ва далолатнома расмийлаштирилади. Танлаб олинган ҳар бир нав намунасида ташқи ва ички ёрлиқлар бўлиши керак. Ҳар бир нав намуналарининг ёрлиқларида уруғлик тайёрловчининг номи, экин тури, нави, авлоди, уруғнинг келиб чиқиши, тўда рақами, тўда вазни, апробация бўйича нав тозалиги ва намуна вазни каби маълумотлар бўлиши лозим. Нав намуналарини танлаб олишда уруғлик сақланиш шароитлари текширилади ва текширув натижалари тўғрисидаги маълумотлар билан бирга нав назорати учун танлаб олинган уруғлик чигитнинг ўртача намуна далолатномаси Ўзагроинспекциянинг мутахассиси томонидан расмийлаштирилади. Далолатноманинг битта асл нусхаси ариза берувчида ёки унинг вакилида қолдирилади. Мазкур далолатноманинг асл нусхаси намуна билан биргаликда бўз қопчаларга жойлаштирилиб, икки иш кунида дала тажрибаларини ўтказиш майдончаси (ГРУНТ нав назорат) яъни, қишлоқ хўжалиги экинлари уруғларини тупроқда баҳолаш, ободонлаштириш, бино ва ердан фойдаланиш бўлимига юборилади. Нав намуналарини экишга тайёрлаш Танлаб олинган нав намуналари бир иш кунида рўйхатга олинади ва экиш рўйхати (экиш ведомости) тузилади. Рўйхатга олинган нав намуналаридан экиш учун ишчи намуналари тайёрланиб, махсус бўз қопчаларга жойлаштирилади ва уч иш кунида майдончаларнинг тартиб рақами қўйилади. Экиш учун жамланган барча нав намуналари касаллик ва зараркунандаларга қарши кимёвий препаратлар билан ишлов берилган бўлиши лозим. Кимёвий препаратлар билан ишлов берилмаган тўдалардан олинган нав намуналари бўйича давлат хизматларини кўрсатиш Ўзагроинспекция билан тузилган шартномага мувофиқ амалга оширилади. Нав намуналарини экиш Нав намуналари ҳудуд учун мақбул бўлган муддатда, яъни об-ҳаво, табиий иқлим шароитидан келиб чиққан ҳолда март ва апрель ойларида экилади. Нав намуналари дала тажриба майдонида 25 метр узунликда икки қайтариқда экилади. Нав намуналари юқори авлодлар бўйича тартиб асосида экилади. Тажриба даласида униб чиқмаган хатолар ўрнига экиш ва қайта экишга рухсат этилмайди. Экинларни парваришлаш ишлари ҳудудда амалда бўлган агротехник тадбирларни ўтказиш бўйича тавсия ва кўрсатмалар асосида амалга оширилади. Нав тозалигини баҳолаш натижаларини расмийлаштириш Нав намуналарида нав тозалиги ҳар йили август ойида нав муаллифи томонидан тақдим этилган навларнинг морфологик белгилари тавсифномаси асосида аниқланади. Нав намуналарининг таҳлил натижаларига кўра Ўзагроинспекция томонидан ижобий ёки салбий хулосалар расмийлаштирилади.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 18-ИЛОВА

Дори воситалари ва биологик фаол қўшимчаларни телерадиоканаллар орқали реклама қилиш бўйича хулоса бериш

1. Хулоса номи Дори воситалари ва биологик фаол қўшимчаларни телерадиоканаллар орқали реклама қилиш бўйича хулоса 2. Хулоса бериладиган объект (ҳаракат, фаолият, товар ва бошқалар) Дори воситалари ва биологик фаол қўшимчаларни телерадиоканаллар орқали реклама қилиш 3. Хулоса олишни сўраб мурожаат қиладиган шахслар тоифаси Юридик шахслар 4. Хулосани беришга ваколатли орган (лар) Соғлиқни сақлаш вазирлиги 5. Хулоса олиш учун талаб этиладиган маълумотлар ва ҳужжатлар Ариза. Аризада қуйидаги маълумотлар кўрсатилади: юридик шахснинг номи ва ташкилий-ҳуқуқий шакли, унинг почта манзили, фаолиятни амалга ошириш жойи, телефон рақами, СТИР, электрон почта манзили (мавжуд бўлса); дори воситалари ва биологик фаол қўшимчаларнинг телерадиоканаллар орқали рекламасининг контенти (файл, аудио, видеоролик, реклама матни). 6. Аризани кўриб чиқиш учун тўланадиган йиғим миқдори Йиғим ундирилмайди 7. Хулоса берганлик учун ундириладиган йиғим миқдори Йиғим ундирилмайди 8. Хулоса бериш бўйича аризаларни кўриб чиқиш муддати 5 иш куни 9. Хулоса беришнинг талаб ва мезонлари Дори воситалари ва биологик фаол қўшимчаларнинг телерадиоканаллар орқали рекламаси контентининг «Реклама тўғрисида»ги Қонун , «Дори воситалари ва фармацевтика фаолияти тўғрисида»ги Қонун , Ўзбекистон Республикаси Президентининг «Фармацевтика соҳасини тартибга солиш бўйича қўшимча чора-тадбирлар тўғрисида» 2024 йил 23 январдаги ПФ–20-сон Фармони ва бошқа қонунчилик ҳужжатларида, шунингдек, дори воситалари ва биологик фаол қўшимчаларга оид техник жиҳатдан тартибга солиш соҳасидаги норматив ҳужжатларда белгиланган талабларга, қўллаш йўриқномаларига мувофиқлиги. 10. Хулосанинг амал қилиш муддати Чекланмаган 11. Изоҳ Юридик шахснинг ташкилий-ҳуқуқий шакли, номи ёки жойлашган жойи (почта манзили) ўзгарганда, хулосани қайта расмийлаштириш талаб этилмайди.

Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 19-ИЛОВА

Бино (иншоот) ва хоналарнинг санитария-гигиена нормаларига мувофиқлиги тўғрисидаги хулосани бериш

1. Хулоса номи: Бино (иншоот) ва хоналарнинг санитария-гигиена нормаларига мувофиқлиги тўғрисидаги хулоса. 2. Хулоса бериладиган объект (ҳаракат, фаолият, товар ва бошқалар): Бино (иншоот) ва хоналар. 3. Хулоса олишни сўраб мурожаат қиладиган шахслар тоифаси: Жисмоний ва юридик шахслар. 4. Хулосани беришга ваколатли орган(лар): Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг ҳудудий бошқармалари ҳамда туман (шаҳар) бўлимлари. 5. Хулоса олиш учун талаб этиладиган маълумотлар ва ҳужжатлар: а) Ариза. Аризада қуйидагилар кўрсатилади: юридик шахснинг номи ва ташкилий-ҳуқуқий шакли, телефон рақами, СТИР, электрон почта манзили (агар мавжуд бўлса); бино (иншоот) ва хоналарнинг жойлашган манзили; бино (иншоот) ва хоналарнинг санитария-гигиена нормаларига мувофиқлиги тўғрисидаги хулосасини олиш мақсади (аниқ кўрсатилади); б) бино (иншоот) ва хоналарнинг атроф-муҳит муҳофазаси лойиҳаси. 6. Аризани кўриб чиқиш учун тўланадиган йиғим миқдори: Йиғим ундирилмайди. 7. Хулоса берганлик учун ундириладиган йиғим миқдори: Базавий ҳисоблаш миқдорининг 70 фоизи. 8. Хулоса бериш бўйича аризаларни кўриб чиқиш муддати: 5 иш куни. 9. Хулоса беришнинг талаб ва мезонлари: Бино (иншоот) ва хоналарни жойлаштириш ва улардан фойдаланишга қўйиладиган санитария қоидалари, нормалари ва гигиена нормативларига талабларига мувофиқлиги. 10. Хулосанинг амал қилиш муддати: 3 йил. 11. Изоҳ: Юридик шахснинг ташкилий-ҳуқуқий шакли, унинг номи ёки жойлашган жойи (почта манзили) ўзгарганда хулосани қайта расмийлаштириш талаб этилмайди. Бино (иншоот) ва хоналар — умумий майдонда жойлашган бир ёки бир нечта бино (иншоот) ва хоналарнинг мавжудлиги; Бино (иншоот) ва хоналарнинг санитария-гигиена нормаларига мувофиқлиги тўғрисидаги хулосаси — хўжалик ва бошқа фаолият турлари, маҳсулотлар, ишлар ва хизматлар, шунингдек, лойиҳа ҳужжатлари, қурилиш лойиҳалари ва фойдаланиш ҳужжатлари ҳамда лаборатория таҳлиллари натижаларининг санитария қоидалари, нормалари ва гигиена нормативларига мувофиқлигини тасдиқловчи санитария-эпидемиология ҳужжати.

Вазирлар Маҳкамасининг 2024 йил 29 мартдаги 169-сон қарорига 2-ИЛОВА

Вазирлар Маҳкамасининг «Дарё транспортида давлат хизматлари кўрсатишнинг маъмурий регламентини тасдиқлаш тўғрисида» 2022 йил 7 апрелдаги 167-сон қарорига киритилаётган ўзгартиришлар

1. 1-бандда :

тўртинчи хатбошидаги «кемаларнинг техник лойиҳа ҳужжатларини келишиш» сўзлари чиқариб ташлансин;

еттинчи хатбоши чиқариб ташлансин;

саккизинчи хатбоши еттинчи хатбоши деб ҳисоблансин.

2. Дарё транспортида давлат хизматлари кўрсатишнинг маъмурий регламентида :

1-банддаги «ҳамда техник лойиҳа ҳужжатларини кўриб чиқиш» сўзлари чиқариб ташлансин;

6-бобнинг номидаги «кемаларнинг техник лойиҳа ҳужжатларини келишиш» сўзлари чиқариб ташлансин;

37-банддаги «ва техник лойиҳа ҳужжатларини кўриб чиқиш» сўзлари чиқариб ташлансин;

13-боб ўз кучини йўқотган деб ҳисоблансин.

3. Кемаларни қуриш, янгидан жиҳозлаш, таъмирлаш ва улардан фойдаланиш даврида Регистр хизматлари учун тарифларида :

2-бобнинг номидаги «техник лойиҳа ҳужжатларини кўриб чиқиш, уларни» сўзлари чиқариб ташлансин;

6-банд ўз кучини йўқотган деб ҳисоблансин.

Вазирлар Маҳкамасининг 2024 йил 29 мартдаги 169-сон қарорига 3-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган қарорлари

1. Вазирлар Маҳкамасининг «Ер ости сувларидан фойдаланишга оид рухсат этувчи ҳужжатларни бериш тартибини янада такомиллаштириш чора-тадбирлари тўғрисида» 2021 йил 8 январдаги 9-сон қарорининг 1-банди иккинчи хатбошиси ҳамда қарорга 1-илова .

2. Вазирлар Маҳкамасининг «Ўзбекистон Республикаси Молия вазирлиги ҳузуридаги Давлат молиявий назорати инспекцияси фаолиятини ташкил этиш чора-тадбирлари тўғрисида» 2022 йил 5 августдаги 431-сон қарорига 3-илованинг 60-банди «а» кичик банди .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига давлат хизматлари кўрсатишни соддалаштириш, бюрократик тўсиқларни қисқартириш ҳамда давлат хизматлари кўрсатиш миллий тизимини ривожлантиришга қаратилган ўзгартириш ва қўшимчалар киритиш тўғрисида» 2022 йил 28 сентябрдаги 541-сон қарорига илованинг 28-банди «а» кичик банди .

4. Вазирлар Маҳкамасининг «Қишлоқ хўжалиги экинлари уруғларини сертификатлаш ва навдорлигини баҳолаш бўйича давлат хизматлари кўрсатишни такомиллаштириш тўғрисида» 2022 йил 16 декабрдаги 712-сон қарорининг 2-банди « б » ва «в» кичик бандлари ҳамда қарорга 2 ва 3-иловалар .

5. Вазирлар Маҳкамасининг «Давлат ёнғин назорати ҳамда санитария-эпидемиология соҳасида давлат хизматларини кўрсатишни янада такомиллаштиришнинг қўшимча чора-тадбирлари тўғрисида» 2023 йил 4 апрелдаги 142-сон қарорининг 1-банди ҳамда қарорга 1 ва 2-иловалар .

Ўзбекистон Республикасининг Бош вазири А. АРИПОВ

Тошкент ш.,

2024 йил 29 март,

169-сон

(Қонунчилик маълумотлари миллий базаси, 02.04.2024 й., 09/24/169/0260-сон; 25.11.2024 й., 09/24/780/0962-сон; 03.03.2025 й., 09/25/135/0208-сон; 02.04.2025 й., 09/25/197/0299-сон; 05.05.2025 й., 09/25/289/0406-сон; 16.12.2025 й., 09/25/791/1167-сон; 25.12.2025 й., 09/25/821/1211-сон; 22.06.2026 й., 09/26/315/0614-сон; 15.07.2026 й., 09/26/381/0734-сон)

lex.uz

Oʻzbekiston Respublikasi Vazirlar Mahkamasining

qarori

MAʼMURIY REGLAMENTI

SXEMASI

PASPORTI

ROʻYXATI

Xulosa berish boʻyicha davlat xizmatlarini koʻrsatish tizimini yanada takomillashtirish toʻgʻrisida

Oʻzbekiston Respublikasi Prezidentining “Davlat xizmatlari koʻrsatishni soddalashtirish, byurokratik toʻsiqlarni qisqartirish hamda davlat xizmatlari koʻrsatish milliy tizimini rivojlantirishning qoʻshimcha chora-tadbirlari toʻgʻrisida” 2022-yil 20-apreldagi PF-113-son Farmoni ijrosini taʼminlash hamda qonunchilik hujjatlarini tizimlashtirish orqali aholi va tadbirkorlik subyektlariga davlat xizmatlarini koʻrsatish tizimini yanada takomillashtirish maqsadida Vazirlar Mahkamasi qaror qiladi:

1. Quyidagilarni nazarda tutuvchi Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamenti 1-ilovaga muvofiq tasdiqlansin:

xulosalar berish boʻyicha arizalarni qabul qilish va koʻrib chiqish;

xulosalar berish boʻyicha davlat xizmatini koʻrsatish pasportlari;

davlat xizmatini koʻrsatishda undiriladigan toʻlovlar miqdori.

2. Belgilansinki, 2024-yil 1-maydan boshlab ushbu qaror bilan tasdiqlangan pasportlarda belgilangan davlat xizmatlari Davlat xizmatlari markazlari yoki Yagona interaktiv davlat xizmatlari portali (keyingi oʻrinlarda — YIDXP) orqali koʻrsatiladi.

3. Maʼmuriy reglamentga muvofiq koʻrsatiladigan davlat xizmatlari boʻyicha vakolatli organlar ikki oy muddatda:

Raqamli texnologiyalar vazirligi hamda Adliya vazirligi bilan birgalikda davlat xizmatlari YIDXP orqali koʻrsatilishini taʼminlasin;

davlat xizmatini koʻrsatish uchun zarur hujjatlarning namunaviy shakllari va blanklarini Adliya vazirligi bilan kelishgan holda tasdiqlasin.

4. Adliya vazirligi:

2024-yil 1-maydan boshlab ushbu qarorga muvofiq berilgan xulosalar reyestri “Litsenziya” axborot tizimida elektron shakllantirib borilishini taʼminlasin;

davlat xizmatlarining belgilangan tartibda koʻrsatilishini doimiy nazorat qilib borsin;

maʼmuriy reglament talablarini buzganligi uchun davlat organlari va tashkilotlari mansabdor shaxslariga nisbatan belgilangan tartibda choralar koʻrsin.

5. Vazirlar Mahkamasining “Daryo transportida davlat xizmatlari koʻrsatishning maʼmuriy reglamentini tasdiqlash toʻgʻrisida” 2022-yil 7-apreldagi 167-son qaroriga 2-ilovaga muvofiq oʻzgartirishlar kiritilsin.

6. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

7. Manfaatdor vazirlik va idoralar oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

8. Mazkur qarorning bajarilishini nazorat qilish Oʻzbekiston Respublikasi adliya vaziri A.J. Tashkulov zimmasiga yuklansin.

Vazirlar Mahkamasining 2024-yil 29-martdagi 169-son qaroriga 1-ILOVA

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona

1-bob. Umumiy qoidalar

1. Mazkur maʼmuriy reglament (keyingi oʻrinlarda — Reglament) jismoniy va yuridik shaxslarga (keyingi oʻrinlarda — ariza beruvchilar) ayrim turdagi xulosalar berish boʻyicha davlat xizmatini (keyingi oʻrinlarda — davlat xizmati) koʻrsatish tartibini belgilaydi.

Davlat xizmati Davlat xizmatlari markazlari va Yagona interaktiv davlat xizmatlari portali (keyingi oʻrinlarda — YIDXP) orqali mazkur Reglamentga 1-ilovada keltirilgan sxemaga muvofiq koʻrsatiladi.

Ushbu Reglament qoidalari 2 — 19-ilovalarda keltirilgan davlat xizmatlarini koʻrsatish pasportlarida (keyingi oʻrinlarda — Pasport) nazarda tutilgan xulosa turlariga nisbatan tatbiq etiladi, mazkur bandning toʻrtinchi xatboshisida nazarda tutilgan hollar bundan mustasno.

Litsenziya va ruxsat etish xususiyatiga ega hujjatlarni berish jarayonida mazkur Reglamentga 2 — 6 1 -ilovalarda nazarda tutilgan xulosalarni rasmiylashtirish kompozit tarzda Pasportlarning 9-bandida belgilangan mezonlar asosida Vazirlar Mahkamasining “ Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomni tasdiqlash haqida ” 2022-yil 21-fevraldagi 80-son va “ Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomni tasdiqlash haqida ” 2022-yil 22-fevraldagi 86-son qarorlari bilan tartibga solinadi.

2. Ushbu Reglamentda quyidagi asosiy tushunchalardan foydalaniladi:

xulosa berish tartib-taomili — xulosa berish toʻgʻrisidagi arizani berish, koʻrib chiqish, xulosani rasmiylashtirish (qayta rasmiylashtirish) va bekor qilish jarayoni bilan bogʻliq tadbirlar majmui;

xulosa berish sohasidagi vakolatli organlar (keyingi oʻrinlarda — vakolatli organ) — xulosa berish tartib-taomilini amalga oshiradigan davlat organi (uning hududiy boʻlinmasi) yoki boshqa tashkilot;

xulosa — vakolatli organlar tomonidan xulosa obyektining qonunchilik hujjatlarida belgilangan mezon yoki talablarga muvofiqligini tasdiqlovchi hujjat;

xulosa obyekti — qonunchilik hujjatlariga asosan vakolatli organlar tomonidan tegishli mezon yoki talablarga muvofiqligi oʻrganiladigan obyekt (bino, yer uchastkasi, faoliyat, tovar va boshqalar);

xulosa reyestri — berilgan va qayta rasmiylashtirilgan yoki bekor qilingan xulosalar toʻgʻrisidagi maʼlumotlarni oʻz ichiga olgan maʼlumotlar bazasi.

3. Davlat xizmati Davlat xizmatlari markazlari va YIDXP orqali xulosalar berishga masʼul boʻlgan vakolatli organlar tomonidan koʻrsatiladi.

4. Davlat xizmatlari markazlari va vakolatli organ oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.

2-bob. Davlat xizmatini koʻrsatish tartibi

5. Ariza beruvchi davlat xizmatidan foydalanish uchun Davlat xizmatlari markaziga oʻzi kelib murojaat etadi yoki davlat xizmatlaridan elektron shaklda foydalanish uchun YIDXPda roʻyxatdan oʻtadi.

Arizalar YIDXP orqali dam olish va bayram kunlaridan qatʼi nazar, har kuni 24 soat davomida yuborilishi mumkin.

Arizalar ish vaqtidan keyin yoki dam olish va bayram kunlari tushganda, navbatdagi ish kuni arizalarning vakolatli organga tushgan va vakolatli organ tomonidan qabul qilingan kun hisoblanadi.

6. Ariza beruvchi yoki uning nomidan murojaat qilish huquqiga ega boʻlgan shaxs oʻzi kelib murojaat etgan taqdirda, Davlat xizmatlari markazi xodimi ariza beruvchi nomidan, YIDXP orqali murojaat etgan taqdirda esa, mustaqil ravishda arizani elektron ravishda toʻldiradi.

Ariza beruvchi ishonchnoma asosida harakat qilayotganda, belgilangan tartibda tasdiqlangan ishonchnoma (yuridik shaxs tomonidan berilgan ishonchnoma bundan mustasno) arizaga ilova qilinadi.

7. Pasportda arizaga ayrim hujjatlar ilova qilinishi lozimligi koʻrsatilishi mumkin. Ilova qilinadigan hujjatlar PDF, PNG yoki JPEG formatda boʻlishi kerak.

8. Ariza beruvchidan xulosa turi boʻyicha Pasportning 5-bandida koʻrsatilmagan maʼlumotlar va hujjatlarni talab qilish taqiqlanadi.

9. Ariza toʻldirilganidan soʻng ariza beruvchi maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, mobil-ID va boshqalar) bilan tasdiqlaydi.

Ariza beruvchi YIDXP orqali murojaat etgan taqdirda, arizani ERI bilan tasdiqlash talab etilmaydi.

10. Ariza koʻrib chiqilganligi uchun Pasportning 6-bandida belgilangan miqdorda yigʻim undiriladi.

Davlat xizmati koʻrsatilishi uchun YIDXP orqali murojaat etilganda, pasportlarda belgilangan yigʻim summasining 90 foizi undiriladi.

Davlati xizmati koʻrsatilgani uchun yigʻim toʻlanganligi Yagona billing tizimi orqali tasdiqlanadi.

Yigʻimlar summasi quyidagi tartibda taqsimlanadi:

a) Davlat xizmatlari markaziga kelib murojaat etganda:

18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

0,5 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga;

qolgan mablagʻlar — davlat budjetiga;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

11,75 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga (shu jumladan, 0,5 foizi yigʻim toʻlanganligi Yagona billing tizimi orqali tasdiqlanganligi uchun);

qolgan mablagʻlar — davlat budjetiga oʻtkaziladi.

11. Ariza beruvchilar davlat xizmatlaridan foydalanishdan uni koʻrsatishning har qanday bosqichida bosh tortish huquqiga ega. Ariza beruvchi davlat xizmatlaridan foydalanishdan bosh tortganda, uning arizasi koʻrmasdan qoldiriladi. Bunda toʻlangan yigʻim summasi qaytarilmaydi.

12. Ariza beruvchi Davlat xizmatlari markaziga kelib murojaat etganda, uning arizasi markaz xodimi tomonidan toʻldirilib, ariza beruvchi tomonidan tasdiqlangandan soʻng barcha hujjatlar 10 daqiqa mobaynida vakolatli organga elektron shaklda yuboriladi. YIDXP orqali murojaat qilinganda esa ariza avtomatik tarzda vakolatli organga yuboriladi.

13. Vakolatli organ Pasportning 8-bandida belgilangan muddat mobaynida arizani koʻrib chiqadi. Vakolatli organ arizani koʻrib chiqish muddati davomida hujjatlarni tekshirishi, obyektlarni joyiga chiqib oʻrganishi, ushbu harakatlarni amalga oshirish uchun oʻz xodimlari tarkibidan yoki boshqa shaxslarni jalb qilgan holda ekspert va ishchi guruhlar tashkil etishi, shuningdek, ariza beruvchining xulosa talablari va shartlariga muvofiqligini belgilaydigan qonunchilik hujjatlari bilan taqiqlanmagan boshqa harakatlarni amalga oshirishi mumkin.

Ariza beruvchi tomonidan Pasportda nazarda tutilgan hujjatlar yoki maʼlumotlar toʻliq taqdim etilmaganda, ariza va unga ilova qilinadigan hujjatlarda notoʻgʻri yoki buzib koʻrsatilgan maʼlumotlar mavjud boʻlganda vakolatli organ ikki ish kuni ichida ariza beruvchiga kamchiliklarni toʻliq koʻrsatgan holda xatolarni bartaraf etish va yetishmayotgan hujjatlarni taqdim etish uchun kamida besh ish kunidan kam boʻlmagan va oʻttiz kundan koʻp boʻlmagan muddat (imkoniyat) beradi.

Davlat xizmatini koʻrsatish muddati xatolarni bartaraf etish va yetishmayotgan hujjatlarni taqdim etish vaqti mobaynida toʻxtatib turiladi.

14. Davlat xizmatini koʻrsatishni rad etish uchun quyidagilar asos boʻladi:

ariza beruvchi Pasportning 9-bandi talablariga javob bermaganda;

hujjatlarda yolgʻon yoki qalbaki maʼlumotlar koʻrsatilganligi aniqlanganda;

talabgor tomonidan mazkur Reglamentning 13-bandida belgilangan muddatda hujjatlar qayta taqdim etilmaganda.

Davlat xizmatini koʻrsatishni rad etishda aniq asoslar bayon etilishi kerak.

Davlat xizmatini koʻrsatishni boshqa asoslarga koʻra, shu jumladan, maqsadga muvofiq emaslik vaji bilan rad etishga yoʻl qoʻyilmaydi.

15. Davlat xizmatini koʻrsatish rad etilganda, ariza beruvchi bir oy muddatda davlat xizmatini koʻrsatishni rad etish asoslarini bartaraf qilgan holda yigʻim toʻlamasdan qayta murojaat qilish huquqiga ega.

Mazkur bandda belgilangan muddat oʻtgandan keyin berilgan arizalar yangi berilgan hisoblanadi va umumiy tartibda koʻrib chiqiladi.

16. Xulosa obyekti mazkur Reglament va tegishli pasportlar talablariga muvofiq boʻlganda, vakolatli organ tomonidan QR-kod (matrik shtrixli kod) qoʻyilgan xulosa avtomatik ravishda shakllantiriladi va tegishli Davlat xizmatlari markaziga yoki ariza beruvchining YIDXPdagi shaxsiy kabinetiga elektron shaklda yuboriladi.

Pasportda xulosa berganlik uchun yigʻim undirilishi mumkin. Bunda vakolatli organ tomonidan xulosa berish toʻgʻrisida qaror qabul qilinganda Pasportning 7-bandida belgilangan yigʻim boʻyicha invoys Davlat xizmatlari markaziga yoki ariza beruvchining YIDXPdagi shaxsiy kabinetiga elektron shaklda yuboriladi.

Ariza beruvchi invoysda yuborilgan kundan boshlab oʻttiz kundan ortiq boʻlmagan muddatda xulosa berganlik uchun yigʻimni toʻlaydi.

Ariza beruvchi tomonidan invoysda koʻrsatilgan yigʻim toʻliq toʻlanganidan soʻng real vaqt rejimida xulosani yuklab olish imkoni paydo boʻladi.

Davlat xizmati koʻrsatilishi uchun YIDXP orqali murojaat etilganda, Pasportda belgilangan yigʻim summasining 90 foizi undiriladi.

Xulosa berganlik uchun yigʻim toʻlanganligi axborot-kommunikatsiya tizimlari orqali tasdiqlanadi.

Xulosa berganlik uchun yigʻim mazkur Reglamentning 10-bandida belgilangan tartibda taqsimlanadi.

17. Davlat xizmatlari markazi xulosa kelib tushgandan soʻng 10 daqiqa mobaynida uni ariza beruvchining elektron manziliga (mavjud boʻlsa) yuboradi va ariza beruvchini bu haqda axborot-kommunikatsiya tizimi orqali xabardor qiladi. Davlat xizmatlari markazi ariza beruvchi oʻzi kelib murojaat qilgan taqdirda, ariza beruvchining soʻroviga koʻra unga xulosani elektron shaklda yoki qogʻoz shaklda berishi shart.

Soʻrovnomada ariza beruvchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.

18. Vakolatli organ tomonidan rasmiylashtirilgan xulosada notoʻgʻri maʼlumotlar mavjudligi aniqlangan taqdirda, ariza beruvchi bir oy ichida yigʻim toʻlamasdan belgilangan tartibda qayta murojaat qilish huquqiga ega.

19. Xulosa obyekti oʻzgartirilganda ariza beruvchi qaytadan xulosa olish uchun mazkur bobda belgilangan tartibda murojaat qiladi.

4-bob. Xulosani qayta rasmiylashtirish

20. Yuridik shaxsning tashkiliy-huquqiy shakli, nomi yoki joylashgan joyi (pochta manzili), jismoniy shaxsning familiyasi, ismi, otasining ismi, yakka tartibdagi tadbirkorlik subyektining unga davlat roʻyxatidan oʻtkazilganligi haqida berilgan guvohnomada koʻrsatilgan maʼlumotlar oʻzgargan taqdirda, ariza beruvchi xulosani qayta rasmiylashtirish uchun vakolatli organga oʻn ish kuni ichida Davlat xizmatlari markaziga bevosita oʻzi kelib murojaat etadi yoki YIDXPda koʻrsatib oʻtilgan maʼlumotlarni tasdiqlovchi tegishli hujjatlarni ilova qilgan holda elektron shaklda ariza toʻldiradi.

21. Xulosani qayta rasmiylashtirganlik uchun yigʻim undirilmaydi.

22. Vakolatli organ ariza beruvchining arizasi kelib tushgan kundan boshlab ikki ish kunidan koʻp boʻlmagan muddatda xulosani qayta rasmiylashtiradi va ariza beruvchiga yuboradi.

23. Vakolatli organ xulosani qayta rasmiylashtirishda xulosa reyestriga tegishli oʻzgartirishlar kiritadi.

Amal qilish muddati cheklangan xulosani qayta rasmiylashtirishda ilgari berilgan xulosaning amal qilish muddati oʻzgarmaydi.

5-bob. Xulosaning bekor qilish tartibi

24. Xulosaning amal qilishi quyidagi hollarda bekor boʻladi:

ariza beruvchi xulosaning amal qilishini bekor qilish boʻyicha murojaat qilganda;

xulosaning amal qilish muddati tamom boʻlganda;

xulosa obyekti tugatilganda, oʻzgartirilganda va yoʻq qilinganda.

25. Vakolatli organ xulosaning amal qilishini bekor qilganda bu haqda bir ish kuni ichida talabgorni xabardor qiladi va xulosaning amal qilishi bekor qilinganligi haqida xulosalar reyestriga yozuv kiritiladi.

6-bob. Xulosalar reyestrini yuritish tartibi

26. Vakolatli organ tomonidan berilgan xulosalar reyestri yuritiladi va unda quyidagi maʼlumotlar qayd etiladi:

yuridik shaxs uchun — nomi, joylashgan joyi (pochta manzili), soliq toʻlovchining identifikatsiya raqami (STIR);

jismoniy shaxs uchun — familiyasi, ismi, otasining ismi, jismoniy shaxsning shaxsiy identifikatsiya raqami (JSHSHIR);

xulosa berilgan sana va tartib raqami;

xulosaning amal qilish muddati (agar aniq muddatga berilishi nazarda tutilganda);

faoliyat olib borish manzili;

xulosa talab qilinadigan obyekt (harakatlar) turi;

xulosaning qayta rasmiylashtirilganligi va bekor qilinganligi toʻgʻrisida maʼlumotlar.

Reyestr elektron shaklda yuritiladi.

7-bob. Yakunlovchi qoidalar

27. Davlat xizmatlari markazlari va vakolatli organ oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.

28. Oʻzbekiston Respublikasi Adliya vazirligi, uning hududiy boshqarmalari va Davlat xizmatlari markazlari Reglament talablari ijrosi boʻyicha davlat organlari va boshqa tashkilotlarning faoliyatini, shu jumladan, YIDXP orqali doimiy nazorat qiladi.

29. Ariza beruvchilar davlat organlari va boshqa tashkilotlar xodimlarining xatti-harakatlari yuzasidan qonunchilikda belgilangan tartibda shikoyat qilishlari mumkin.

30. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 1-ILOVA

Jismoniy va yuridik shaxslarga xulosalar berish boʻyicha davlat xizmatlarini koʻrsatish

Bosqichlar Subyektlar Tadbirlar Bajarish muddatlari 1-bosqich Ariza beruvchilar Davlat xizmatidan foydalanish uchun Davlat xizmatlari markaziga shaxsan kelib yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali murojaat qiladi. Oʻz xohishiga koʻra 2-bosqich 1. Davlat xizmatlari markazi 1. Markaz xodimi soʻrovnomani toʻldirib, vakolatli organga yuboradi. 1. Soʻrovnoma toʻldirilgandan keyin 10 daqiqada 2. YIDXP 2. Toʻldirilgan soʻrovnoma avtomatik tarzda vakolatli organga yuboriladi. 2. Real vaqt rejimida 3-bosqich Vakolatli organ 1. QR-kod (shtrixli kod) qoʻyilgan xulosani rasmiylashtiradi va uni Davlat xizmatlari markaziga yoki ariza beruvchiga (YIDXP orqali murojaat qilganda) yuboradi yoki xulosa rasmiylashtirishni rad etadi. 2. Xulosa berish toʻgʻrisida qaror qabul qilinganda, ariza beruvchiga yigʻimni toʻlash uchun hisobvaraq koʻrsatilgan xabarnoma yuboradi (Pasportda xulosa berganlik uchun yigʻim nazarda tutilganda). Tegishli davlat xizmati pasportining 8-bandida belgilangan muddatlarda 4-bosqich Ariza beruvchi Xulosa berganlik uchun yigʻimni toʻlaydi (pasportlarda xulosa berganlik uchun yigʻim nazarda tutilganda) Oʻttiz kun ichida 5-bosqich Davlat xizmatlari markazi QR-kod (matrik shtrixli kod) qoʻyilgan xulosa ariza beruvchilarga taqdim etadi. 10 daqiqa ichida

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 2-ILOVA

Magistral gaz quvurlari, neft quvurlari va neft mahsulotlari quvurlarini qurish, ulardan foydalanish hamda ularni taʼmirlashda sanoat xavfsizligi talablariga muvofiqligi toʻgʻrisida xulosa berish

1. Xulosa nomi Magistral gaz quvurlari, neft quvurlari va neft mahsulotlari quvurlarini qurish, ulardan foydalanish hamda ularni taʼmirlashda sanoat xavfsizligi talablariga muvofiqligi toʻgʻrisida xulosa 2. Xulosa beriladigan obyekt (harakat, faoliyat, tovar va boshqalar) Magistral gaz quvurlari, neft quvurlari va neft mahsulotlari quvurlari 3. Xulosa olishni soʻrab murojaat qiladigan shaxslar toifasi Yuridik shaxslar 4. Xulosani berishga vakolatli organ (lar) Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi 5. Xulosa olish uchun talab etiladigan maʼlumotlar va hujjatlar a) ariza. Arizada quyidagilar koʻrsatiladi: yuridik shaxsning nomi, STIR raqami, pochta manzili, elektron pochta manzili (mavjud boʻlsa) hamda telefon raqami; obyekt joylashgan manzil; ishlarni bexatar amalga oshirish boʻyicha javobgar shaxslar toʻgʻrisida maʼlumot (FIO, JSHSHIR, buyruq raqami va sanasi); b) asbob-uskunalarning roʻyxati va texnik sozligi; v) avariya yuz bergan holatda, xavfli ishlab chiqarish obyektlari xodimlarining hayoti va sogʻligʻini muhofaza qilish choralarini koʻrish, avariya bartaraf etish rejasi; g) ishlarni xavfsiz olib borish boʻyicha yoʻriqnomalar. 6. Arizani koʻrib chiqish uchun toʻlanadigan yigʻim miqdori Bazaviy hisoblash miqdorining 30 foizi 7. Xulosa berganlik uchun undiriladigan yigʻim miqdori Yigʻim undirilmaydi 8. Xulosa berish boʻyicha arizalarni koʻrib chiqish muddati 5 ish kun 9. Xulosa berishning talab va mezonlari a) “Xavfli ishlab chiqarish obyektlarining sanoat xavfsizligi toʻgʻrisida”gi Oʻzbekiston Respublikasi Qonuni talablariga muvofiqligi; b) Sanoat xavfsizligi sohasidagi normativ-huquqiy va texnik jihatdan tartibga solish sohasidagi normativ hujjatlar talablariga muvofiqligi; v) Mehnat muhofazasi boʻyicha oʻqitish va bilimlarini sinash ishlarini amalga oshirish toʻgʻrisidagi namunaviy nizom (roʻyxat raqami 272, 1996-yil 14-avgust) talablariga muvofiqligi; g) Vazirlar Mahkamasining 2005-yil 30-iyundagi 152-son qarori bilan tasdiqlangan Texnogen xavf yuqori boʻlgan zonalar davlat kadastrini yuritish tartibi toʻgʻrisidagi nizomga muvofiq texnogen xavfi yuqori boʻlgan zonalar kadastr pasporti ishlab chiqilganligi va davlat reyestridan oʻtkazilganligi. 10. Xulosaning amal qilish muddati Cheklanmagan 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili) oʻzgarganda, xulosani qayta rasmiylashtirish talab etilmaydi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 3-ILOVA

Neft, gaz va gaz kondensatini qazib olish, qayta ishlash va sotishga moʻljallangan moddiy-texnik bazaning sanoat xavfsizligi talablariga muvofiqligi toʻgʻrisidagi xulosa

1. Xulosa nomi Neft, gaz va gaz kondensatini qazib olish, qayta ishlash va sotishga moʻljallangan moddiy-texnika bazaning sanoat xavfsizligi talablariga muvofiqligi toʻgʻrisidagi xulosa 2. Xulosa beriladigan obyekt (harakat, faoliyat, tovar va boshqalar) Neft, gaz va gaz kondensatini qazib olish, qayta ishlash va sotishga moʻljallangan moddiy-texnik baza 3. Xulosa olishni soʻrab murojaat qiladigan shaxslar toifasi Yuridik shaxslar 4. Xulosani berishga vakolatli organ (lar) Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasi — neft, gaz va gaz kondensatini qazib olishga moʻljallangan moddiy-texnik bazaning sanoat xavfsizligi talablarini baholash qismida; Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi — neft, gaz va gaz kondensatini qayta ishlash va sotishga moʻljallangan moddiy-texnik bazaning sanoat xavfsizligi talablarini baholash qismida 5. Xulosa olish uchun talab etiladigan maʼlumotlar va hujjatlar a) ariza. Arizada quyidagilar koʻrsatiladi: yuridik shaxsning nomi, STIR raqami, pochta manzili, xavfli ishlab chiqarish obyekti joylashgan manzili, elektron pochta manzili (mavjud boʻlsa), telefon raqami; ishlarni bexatar olib borish boʻyicha javobgar shaxslar toʻgʻrisida maʼlumot (FIO, JSHSHIR, buyruq raqami va sanasi); b) asbob-uskunalarning roʻyxati va texnik sozligi; v) avariya yuz bergan holatda, xavfli ishlab chiqarish obyektlari xodimlarining hayoti va sogʻligʻini muhofaza qilish choralarini koʻrish, avariya bartaraf etish rejasi; g) ishlarni xavfsiz olib borish boʻyicha yoʻriqnomalar. 6. Arizani koʻrib chiqish uchun toʻlanadigan yigʻim miqdori Bazaviy hisoblash miqdorining 30 foizi. 7. Xulosa berganlik uchun undiriladigan yigʻim miqdori Yigʻim undirilmaydi 8. Xulosa berish boʻyicha arizalarni koʻrib chiqish muddati 5 ish kuni 9. Xulosa berishning talab va mezonlari a) “Xavfli ishlab chiqarish obyektlarining sanoat xavfsizligi toʻgʻrisida”gi Oʻzbekiston Respublikasi Qonuni talablariga muvofiqligi; b) Sanoat xavfsizligi sohasidagi normativ-huquqiy va texnik jihatdan tartibga solish sohasidagi normativ hujjatlar talablariga muvofiqligi; v) Mehnat muhofazasi boʻyicha oʻqitish va bilimlarini sinash ishlarini amalga oshirish toʻgʻrisidagi namunaviy nizom (roʻyxat raqami 272, 1996-yil 14-avgust) talablariga muvofiqligi; g) Vazirlar Mahkamasining 2005-yil 30-iyundagi 152-son qarori bilan tasdiqlangan Texnogen xavf yuqori boʻlgan zonalar davlat kadastrini yuritish tartibi toʻgʻrisidagi nizomga muvofiq texnogen xavfi yuqori boʻlgan zonalar kadastr pasporti ishlab chiqilganligi va davlat reyestridan oʻtkazilganligi. 10. Xulosaning amal qilish muddati 1 yil 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili) oʻzgarganda, xulosani qayta rasmiylashtirish talab etilmaydi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 4-ILOVA

Xavfi yuqori boʻlgan obyektlarni va potensial xavfli ishlab chiqarishlarni qurish va ulardan foydalanish boʻyicha tegishli moddiy-texnik baza hamda xodimlarning sanoat xavfsizligi talablariga muvofiqligi toʻgʻrisidagi xulosa

1. Xulosa nomi Xavfi yuqori boʻlgan obyektlarni va potensial xavfli ishlab chiqarishlarni qurish va foydalanish boʻyicha tegishli moddiy-texnik baza hamda xodimlarning sanoat xavfsizligi talablariga muvofiqligi toʻgʻrisidagi xulosa 2. Xulosa beriladigan obyekt (harakat, faoliyat, tovar va boshqalar) Xavfi yuqori boʻlgan obyektlarni va potensial xavfli ishlab chiqarishlarni qurish va ulardan foydalanish boʻyicha tegishli moddiy-texnik baza hamda xodimlar 3. Xulosa olishni soʻrab murojaat qiladigan shaxslar toifasi Yuridik shaxslar 4. Xulosani berishga vakolatli organ (lar) Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasi – Togʻ-kon sanoati va geologiya vazirligi tizimidagi konchilik, portlatish ishlari, neft, gaz hamda gaz kondensatini qazib olish va portlovchi materiallarning aylanmasi qismida; Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi — magistral quvurlar va neft mahsulotlari sigʻimlari, kimyo, neft-kimyo va gazni qayta ishlash, metall eritish pechlari, bugʻ qozonlari, bosim ostida ishlovchi sigʻimlar, koʻtarish inshootlarini montaj qilish, taʼmirlash, ishga tushirish va foydalanish qismida 5. Xulosa olish uchun talab etiladigan maʼlumotlar va hujjatlar a) ariza. Arizada quyidagilar koʻrsatiladi: yuridik shaxsning nomi, STIR raqami, pochta manzili, xavfli ishlab chiqarish obyekti joylashgan manzili, elektron pochta manzili (mavjud boʻlsa) hamda telefon raqami; xavfi yuqori boʻlgan obyektlarni va potensial xavfli ishlab chiqarishlarni qurish va ulardan foydalanishda ishlatiladigan moddiy-texnik baza maʼlumotlari; b) yuk koʻtarish kranlarining sozligiga va ulardan xavfsiz foydalanish boʻyicha biriktirilgan javobgar shaxslarning buyruqlari va ularning bilim sinovlari tekshirilganligi toʻgʻrisida bayonnomalar. 6. Arizani koʻrib chiqish uchun toʻlanadigan yigʻim miqdori Bazaviy hisoblash miqdorining 30 foizi. 7. Xulosa berganlik uchun undiriladigan yigʻim miqdori Yigʻim undirilmaydi 8. Xulosa berish boʻyicha arizalarni koʻrib chiqish muddati 5 ish kuni 9. Xulosa berishning talab va mezonlari a) “Xavfli ishlab chiqarish obyektlarining sanoat xavfsizligi toʻgʻrisida”gi Qonun talablariga muvofiqligi; b) Sanoat xavfsizligi sohasidagi normativ-huquqiy va texnik jihatdan tartibga solish sohasidagi normativ hujjatlar talablariga muvofiqligi. 10. Xulosaning amal qilish muddati 1 yil 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili) oʻzgarganda, xulosani qayta rasmiylashtirish talab etilmaydi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 5-ILOVA

Mehnatni muhofaza qilish va texnika xavfsizligi talablariga muvofiqlik toʻgʻrisida xulosa berish

1. Xulosa nomi Mehnatni muhofaza qilish va texnika xavfsizligi talablariga muvofiqlik toʻgʻrisida xulosa 2. Xulosa beriladigan obyekt (harakat, faoliyat, tovar va boshqalar) Mehnat sharoitlari 3. Xulosa olishni soʻrab murojaat qiladigan shaxslar toifasi Yuridik shaxslar va yakka tartibdagi tadbirkorlar 4. Xulosani berishga vakolatli organ (lar) Kambagʻallikni qisqartirish va bandlik vazirligi hamda uning hududiy boshqarmalari 5. Xulosa olish uchun talab etiladigan maʼlumotlar va hujjatlar Ariza. Arizada quyidagi maʼlumotlar koʻrsatiladi: yuridik shaxslar uchun — yuridik shaxsning nomi va tashkiliy-huquqiy shakli, uning pochta manzili, telefon raqami, STIR, elektron pochta manzili (mavjud boʻlsa); yakka tartibdagi tadbirkor uchun — FIO, JSHSHIR, yashash manzili, telefon raqami, elektron pochta manzili (mavjud boʻlsa); faoliyatni amalga oshirish manzili. 6. Arizani koʻrib chiqish uchun toʻlanadigan yigʻim miqdori Bazaviy hisoblash miqdorining 30 foizi 7. Xulosa berganlik uchun undiriladigan yigʻim miqdori Yigʻim undirilmaydi 8. Xulosa berish boʻyicha arizalarni koʻrib chiqish muddati 5 ish kuni 9. Xulosa berishning talab va mezonlari Mehnat sharoitlarining Mehnat kodeksida , boshqa qonunchilik hujjatlarida, shuningdek, mehnatni muhofaza qilish masalalariga oid texnik jihatdan tartibga solish sohasidagi normativ hujjatlarda belgilangan talablarga muvofiqligi. 10. Xulosaning amal qilish muddati Cheklanmagan 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili), yakka tartibdagi tadbirkorlik subyekti maʼlumotlari oʻzgarganda, xulosani qayta rasmiylashtirish talab etilmaydi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 6-ILOVA

Bino (inshoot) va xonalarning yongʻin xavfsizligi talablariga muvofiqligi toʻgʻrisida xulosa berish

1. Xulosa nomi Bino (inshoot) va xonalarning yongʻin xavfsizligi talablariga muvofiqligi toʻgʻrisida xulosa 2. Xulosa beriladigan obyekt (harakat, faoliyat, tovar va boshqalar) Bino (inshoot) va xonalar 3. Xulosa olishni soʻrab murojaat qiladigan shaxslar toifasi Yuridik va jismoniy shaxslar 4. Xulosani berishga vakolatli organ (lar) Favqulodda vaziyatlar vazirligining davlat yongʻin nazorati organlari 5. Xulosa olish uchun talab etiladigan maʼlumotlar va hujjatlar a) ariza. Arizada quyidagilar koʻrsatiladi: yuridik shaxslar uchun — yuridik shaxsning nomi va tashkiliy-huquqiy shakli, telefon raqami, STIR, elektron pochta manzili (mavjud boʻlsa); xulosa olinayotgan bino (inshoot) va xonalarning manzili; xulosani olish maqsadi (aniq koʻrsatiladi); jismoniy shaxslar uchun — FIO, JSHSHIR, telefon raqami, elektron pochta manzili (mavjud boʻlsa); xulosa olinayotgan bino (inshoot) va xonalarning manzili; xulosani olish maqsadi (aniq koʻrsatiladi). 6. Arizani koʻrib chiqish uchun toʻlanadigan yigʻim miqdori Bazaviy hisoblash miqdorining 10 foizi 7. Xulosa berganlik uchun undiriladigan yigʻim miqdori Yigʻim undirilmaydi 8. Xulosa berish boʻyicha arizalarni koʻrib chiqish muddati 10 ish kuni 9. Xulosa berishning talab va mezonlari Bino (inshoot) va xonalar Vazirlar Mahkamasining 2020-yil 20-oktabrdagi 649-son qarori bilan tasdiqlangan Yongʻin xavfsizligi qoidalari , shuningdek, yongʻin xavfsizligi talablarini tartibga soluvchi boshqa normativ-huquqiy hujjatlar va texnik jihatdan tartibga solish sohasidagi normativ hujjatlar talablariga muvofiqligi. 10. Xulosaning amal qilish muddati Cheklanmagan 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili), jismoniy shaxsning familiyasi, ismi, otasining ismi, yakka tartibdagi tadbirkorlik subyekti maʼlumotlari oʻzgarganda, xulosani qayta rasmiylashtirish talab etilmaydi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 6 1 -ILOVA

Chet ellik fuqarolarni jalb etishning maqsadga muvofiqligi yoki maqsadga muvofiq emasligi toʻgʻrisidagi xulosani berish

1. Xulosa nomi: Chet ellik fuqarolarni jalb etishning maqsadga muvofiqligi yoki maqsadga muvofiq emasligi toʻgʻrisida. 2. Xulosa beriladigan obyekt (harakat, faoliyat, tovar va boshqalar): Jalb etilayotgan chet ellik fuqarolarning ishchi kuchiga boʻlgan haqiqiy ehtiyojga muvofiqligi. 3. Xulosa olishni soʻrab murojaat qiladigan shaxslar toifasi: Yuridik shaxs (ish beruvchi) va jismoniy shaxs (ish beruvchi yoki chet el fuqarosi). 4. Xulosani berishga vakolatli organ(lar): Oʻzbekiston Respublikasi Kambagʻallikni qisqartirish va bandlik vazirligi hamda hududiy boʻlinmalari. 5. Xulosa olish uchun talab etiladigan maʼlumotlar va hujjatlar: Ariza. Arizada quyidagilar koʻrsatiladi: chet el fuqarosining F.I.O, telefon raqami, elektron pochta manzili, Oʻzbekiston Respublikasida yashash manzili; maʼlumoti, mutaxassisligi; ish beruvchining F.I.O yoki nomi, faoliyat turi, STIR (JSH SHIR); taxmin qilingan ish haqi, muntazamligi, lavozimi; migratsiya va fuqarolikni rasmiylashtirish boʻlimlarida roʻyxatdan oʻtish muddatlari (mavjud boʻlsa). 6. Arizani koʻrib chiqish uchun toʻlanadigan yigʻim miqdori: Bazaviy hisoblash miqdorining 30 foizi. 7. Xulosa berganlik uchun undiriladigan yigʻim miqdori: Yigʻim undirilmaydi. 8. Xulosa berish boʻyicha arizalarni koʻrib chiqish muddati: 5 ish kuni. 9. Xulosa berishning talab va mezonlari: Jalb etilayotgan chet ellik fuqarolarning soni va mutaxassisliklari (lavozimlari) ish beruvchining ishchi kuchiga boʻlgan haqiqiy ehtiyojiga muvofiqligi. 10. Xulosaning amal qilish muddati: Cheklanmagan. 11. Izoh: -

Jismoniy va yuridik shaxslarga xulosalar berish boʻyicha davlat xizmatlari koʻrsatishning yagona maʼmuriy reglamentiga 7-ILOVA

Gidrogeologik xulosa berish

1. Xulosa nomi: Gidrogeologik xulosa. 2. Xulosa beriladigan obyekt (harakat, faoliyat, tovar va boshqalar): Hududning yer osti suvlari holati. 3. Xulosa olishni soʻrab murojaat qiladigan shaxslar toifasi: Yuridik va jismoniy shaxslar. 4. Xulosani berishga vakolatli organ(lar): Oʻzbekiston Respublikasi Togʻ-kon sanoati va geologiya vazirligi huzuridagi “Yer qaʼridan foydalanish markazi” DM tomonidan Oʻzbekiston Respublikasi Togʻ-kon sanoati va geologiya vazirligi tizimidagi gidrogeologiya korxonalari xulosasini inobatga olgan holda. 5. Xulosa olish uchun talab etiladigan maʼlumotlar va hujjatlar: Arizada quyidagilar koʻrsatiladi: a) yuridik shaxs uchun — nomi, STIR, pochta manzili, elektron pochta manzili (mavjud boʻlsa), xizmat koʻrsatuvchi bankning nomi va hisobvaragʻi, telefon raqami; b) jismoniy shaxs uchun — F.I.O, JSHSHIR, pochta manzili, elektron pochta manzili (mavjud boʻlsa), telefon raqami; v) koʻrsatilgan hududning aniq joyi; g) loyihalanayotgan quduqning geografik joylashish koordinatalari: shimoliy kenglik; sharqiy uzunlik; d) yer osti suvini olishdan maqsad: xoʻjalik-ichimlik; ishlab chiqarish-texnik (sanoat); qishloq xoʻjaligi (sugʻorish); zax qochirish (drenaj); davolash-balneologik; e) yer osti suviga boʻlgan talab hajmi (m 3 /kun). Arizada keltirilgan barcha soʻrov savollariga maʼlumotlar toʻliq toʻldirilgan boʻlishi shart. Maʼlumotlarning toʻgʻriligi va koʻrsatilgan hududning aniqligiga qarab gidrogeologik xulosa aniq bir maydon uchun beriladi. 6. Arizani koʻrib chiqish uchun toʻlanadigan yigʻim miqdori: Yigʻim undirilmaydi. 7. Xulosa berganlik uchun undiriladigan yigʻim miqdori: Bazaviy hisoblash miqdorining 10 baravari. Yigʻimlar summasi quyidagi tartibda taqsimlanadi: a) Davlat xizmatlari markaziga oʻzi kelib murojaat etganda: 18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga; 0,5 foizi — “Raqamli hukumat loyihalarini boshqarish markazi” davlat muassasasining Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga; 6,5 foizi — “Yer qaʼridan foydalanish markazi” DMga; qolgan mablagʻlar — Oʻzbekiston Respublikasi Togʻ-kon sanoati va geologiya vazirligi tizimidagi “Oʻzbekgidrogeologiya” DMga; b) YIDXP orqali murojaat etilganda: 10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga oʻtkaziladi; 11,75 foizi — “Raqamli hukumat loyihalarini boshqarish markazi” davlat muassasasining Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga (shu jumladan, 0,5 foizi yigʻim toʻlanganligi Yagona billing tizimi orqali tasdiqlanganligi uchun); 3,25 foizi — “Yer qaʼridan foydalanish markazi” DMga; qolgan mablagʻlar — Oʻzbekiston Respublikasi Togʻ-kon sanoati va geologiya vazirligi tizimidagi “Oʻzbekgidrogeologiya” DMga”. 8. Xulosa berish boʻyicha arizalarni koʻrib chiqish muddati: 8 ish kuni. 9. Xulosa berishning talab va mezonlari: Koʻrsatilgan hududda yer osti suvlari holatini va tegishlicha quduq burgʻilashning maqsadga muvofiqligi (yer osti suvlari zaxiralarining mavjudligi, suv chiqarish imkoniyati, sifat koʻrsatkichlari kabilar). 10. Xulosaning amal qilish muddati: 2 yil. 11. Izoh: Qonunchilik hujjatlari bilan tasdiqlangan roʻyxatga muvofiq yer osti suvlarining koʻp yillik oʻrtacha sathiga nisbatan suv sathi 5 metrgacha pasaygan hududlar boʻyicha ariza bilan bir vaqtda quyidagi organlar tomonidan 5 ish kuni ichida kelishib beriladi: a) Suv xoʻjaligi vazirligi: qishloq xoʻjaligi ekin maydonlarini sugʻorish maqsadlari uchun — suv tejovchi texnologiyalarni joriy etish shartlari bilan yer osti suvlariga quduqlarni burgʻilashga gidrogeologik xulosani berish uchun arizani qabul qilish yoki rad etishni kelishib beradi; b) Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari: ishlab chiqarish ehtiyojlari uchun — hududiy rivojlantirish dasturlari va suvdan tejamli foydalanish shartlari bilan yer osti suvlariga quduqlarni burgʻilashga gidrogeologik xulosani berish uchun arizani qabul qilish yoki rad etishni kelishib beradi. Oʻzbekiston Respublikasi Togʻ-kon sanoati va geologiya vazirligi tizimidagi “Oʻzbekgidrogeologiya” DM: gidrogeologik xulosani tayyorlaydi va “Yer qaʼridan foydalanish markazi” DMga yuboradi. Gidrogeologik xulosa axborot hujjati boʻlib, suvga quduq burgʻilash loyihalarini tuzish uchun asos hisoblanadi. Burgʻilash loyihalarini tuzish belgilangan tartibda shaharsozlik normalari va qoidalarining talablariga asosan tayyorlanadi. Gidrogeologik xulosada quyidagi asosiy maʼlumotlar aks ettiriladi: koʻrsatilgan hududning geologik-gidrogeologik tuzilishi haqida maʼlumot; yer osti suv qatlamining tavsifi, gidrokimyoviy va gidrodinamik xossalari haqida maʼlumot; tegishlicha loyihalashtirilayotgan quduqlarning konstruksiyasiga tavsiyalar. Maxsus dala gidrogeologik tadqiqot ishlari va fond maʼlumotlarini oʻrganish natijasida koʻrsatilgan hududda yer osti suvlari mavjud (yetarli) emasligi aniqlansa, hududni suv bilan taʼminlashning boshqa manbalari tavsiya etilgan holda (mavjud boʻlgan hollarda) gidrogeologik xulosa tayyorlanadi. Gidrogeologik xulosa elektron shaklda matn koʻrinishida jadvallar, xaritalar va chizmalar kabi qoʻshimcha maʼlumotlar bilan toʻldirilgan holda tayyorlanadi. Gidrogeologik xulosani tayyorlash va Davlat xizmatlari markaziga yoki YIDXP orqali yuborish jami 8 ish kunidan oshmasligi zarur.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 8-ILOVA

Avtomobillarga yonilgʻi quyish shaxobchalarining sanoat xavfsizligi talablariga muvofiqligi toʻgʻrisida xulosa berish

1. Xulosa nomi Avtomobillarga yonilgʻi quyish shaxobchalarining sanoat xavfsizligi talablariga muvofiqligi toʻgʻrisida xulosa 2. Xulosa beriladigan obyekt (harakat, faoliyat, tovar va boshqalar) Avtomobillarga yonilgʻi quyish shaxobchalari 3. Xulosa olishni soʻrab murojaat qiladigan shaxslar toifasi Yuridik shaxslar 4. Xulosani berishga vakolatli organ (lar) Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi 5. Xulosa olish uchun talab etiladigan maʼlumotlar va hujjatlar a) ariza. Arizada quyidagilar koʻrsatiladi: yuridik shaxsning nomi, STIR raqami, pochta manzili, elektron pochta manzili (mavjud boʻlsa) hamda telefon raqami; obyekt joylashgan manzil; ishlarni bexatar olib borish boʻyicha javobgar shaxslar toʻgʻrisida maʼlumot (FIO, JSHSHIR, buyruq raqami va sanasi); b) yerlashtirish va chaqmoqqa qarshi jihozlarni sinovdan oʻtkazilganligi toʻgʻrisida dalolatnomalar; v) avariya yuz bergan holatda, xavfli ishlab chiqarish obyektlari xodimlarining hayoti va sogʻligʻini muhofaza qilish choralarini koʻrishi, avariya bartaraf etish rejasi; g) ishlarni xavfsiz olib borish boʻyicha yoʻriqnomalar. 6. Arizani koʻrib chiqish uchun toʻlanadigan yigʻim miqdori Bazaviy hisoblash miqdorining 30 foizi 7. Xulosa berganlik uchun undiriladigan yigʻim miqdori Yigʻim undirilmaydi 8. Xulosa berish boʻyicha arizalarni koʻrib chiqish muddati 5 ish kun 9. Xulosa berishning talab va mezonlari a) “Xavfli ishlab chiqarish obyektlarining sanoat xavfsizligi toʻgʻrisida”gi Qonun talablariga muvofiqligi; b) Sanoat xavfsizligi sohasidagi normativ-huquqiy va texnik jihatdan tartibga solish sohasidagi normativ hujjatlar talablariga muvofiqligi. 10. Xulosaning amal qilish muddati 1 yil 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili) oʻzgarganda, xulosani qayta rasmiylashtirish talab etilmaydi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 9-ILOVA

Neft mahsulotlari omborining sanoat xavfsizligi talablariga muvofiqligi toʻgʻrisida xulosa

1. Xulosa nomi Neft mahsulotlari omborining sanoat xavfsizligi talablariga muvofiqligi toʻgʻrisida xulosa 2. Xulosa beriladigan obyekt (harakat, faoliyat, tovar va boshqalar) Neft mahsulotlari ombori 3. Xulosa olishni soʻrab murojaat qiladigan shaxslar toifasi Yuridik shaxslar 4. Xulosani berishga vakolatli organ (lar) Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi 5. Xulosa olish uchun talab etiladigan maʼlumotlar va hujjatlar a) ariza. Arizada quyidagilar koʻrsatiladi: yuridik shaxsning nomi, STIR raqami, pochta manzili, elektron pochta manzili (mavjud boʻlsa) hamda telefon raqami; obyekt joylashgan manzili; ishlarni bexatar olib borish boʻyicha javobgar shaxslar toʻgʻrisida maʼlumot (FIO, JSHSHIR, buyruq raqami va sanasi); b) asbob-uskunalarning roʻyxati va texnik sozligi; v) moddiy-texnika bazaga (binolar, xonalar, mexanizm va transport, asboblar, energetika qurilmalari, nazorat va oʻlchov vositalari, tashkiliy texnika, kompyuterlar) nisbatan mulk huquqini yoki boshqa ashyoviy huquqlarni tasdiqlovchi hujjat yoki ijara shartnomasining nusxasi; g) ishlarni xavfsiz olib borish boʻyicha yoʻriqnomalar. 6. Arizani koʻrib chiqish uchun toʻlanadigan yigʻim miqdori Bazaviy hisoblash miqdorining 30 foizi 7. Xulosa berganlik uchun undiriladigan yigʻim miqdori Yigʻim undirilmaydi 8. Xulosa berish boʻyicha arizalarni koʻrib chiqish muddati 5 ish kun 9. Xulosa berishning talab va mezonlari a) “Xavfli ishlab chiqarish obyektlarining sanoat xavfsizligi toʻgʻrisida”gi Qonun talablariga muvofiqligi. b) Sanoat xavfsizligi sohasidagi normativ-huquqiy va texnik jihatdan tartibga solish sohasidagi normativ hujjatlar talablariga muvofiqligi. 10. Xulosaning amal qilish muddati Cheklanmagan 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili) oʻzgarganda, xulosani qayta rasmiylashtirish talab etilmaydi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 10-ILOVA

Radiotexnik inshootlarning sanitariya xulosasini (sanitariya pasporti) berish

1. Xulosa nomi Radiotexnik inshootlarning sanitariya xulosasini (sanitariya pasporti) 2. Xulosa beriladigan obyekt (harakat, faoliyat, tovar va boshqalar) Radiotexnik inshoot 3. Xulosa olishni soʻrab murojaat qiladigan shaxslar toifasi Yuridik shaxslar 4. Xulosani berishga vakolatli organ (lar) Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi va uning hududiy boshqarmalari 5. Xulosa olish uchun talab etiladigan maʼlumotlar va hujjatlar a) ariza. Arizada quyidagilar koʻrsatiladi: yuridik shaxsning nomi va tashkiliy-huquqiy shakli, telefon raqami, STIR, elektron pochta manzili (mavjud boʻlsa). radiotexnik inshoot joylashgan manzil; radiotexnik inshootning sanitariya pasportini olish maqsadi (aniq koʻrsatiladi); b) radiotexnik inshootning atrof-muhit muhofazasi loyihasi. 6. Arizani koʻrib chiqish uchun toʻlanadigan yigʻim miqdori Yigʻim undirilmaydi 7. Xulosa berganlik uchun undiriladigan yigʻim miqdori Bazaviy hisoblash miqdorining 2 baravari 8. Xulosa berish boʻyicha arizalarni koʻrib chiqish muddati 7 kun 9. Xulosa berishning talab va mezonlari Radiotexnik inshootlarni joylashtirish va ulardan foydalanishga qoʻyiladigan sanitariya qoidalari, normalari va gigiyena normativlariga talablariga muvofiqligi. 10. Xulosaning amal qilish muddati 3 yil 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili) oʻzgarganda, xulosani qayta rasmiylashtirish talab etilmaydi. Radiotexnik inshoot — umumiy maydonda joylashgan bir yoki bir nechta antennada ishlaydigan bir yoxud bir nechta radio toʻlqin uzatgichlar. Radiotexnik inshootning sanitariya pasporti — xoʻjalik va boshqa faoliyat turlari, mahsulotlar, ishlar va xizmatlar, shuningdek, loyiha hujjatlari, qurilish loyihalari va foydalanish hujjatlari hamda elektromagnit maydoni darajasi oʻlchov natijalarining sanitariya qoidalari, normalari va gigiyena normativlariga muvofiqligini tasdiqlovchi sanitariya-epidemiologiya hujjati.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 11-ILOVA

Xalqaro va xorijiy tashkilotlar va jamgʻarmalar hamda ilmiy hamkorlik boʻyicha xalqaro bitimlar doirasida xorijdan tekin, gumanitar va texnik yordam tariqasida keltirilayotgan pul mablagʻlari va asbob-uskunalarning ajratilgan grantlar maqsad va vazifalariga muvofiqligi toʻgʻrisida xulosa berish

1. Xulosa nomi Xalqaro va xorijiy tashkilotlar va jamgʻarmalar hamda ilmiy hamkorlik boʻyicha xalqaro bitimlar doirasida xorijdan tekin, gumanitar va texnik yordam tariqasida keltirilayotgan pul mablagʻlari va asbob-uskunalarning ajratilgan grantlar maqsad va vazifalariga muvofiqligi toʻgʻrisida xulosa 2. Xulosa talab qilinadigan faoliyat (obyekt, harakat, mahsulot va boshqalar) Ilmiy tadqiqotlar, ilmiy va innovatsiya dasturlari va loyihalarini bajarishga yoʻnaltirilgan pul mablagʻlari va moddiy-texnik zaxiralar 3. Xulosa olishni soʻrab murojaat qiladigan shaxslar toifasi Yuridik va jismoniy shaxslar 4. Xulosani berishga vakolatli organ (lar) Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi 5. Xulosa olish uchun talab etiladigan maʼlumotlar va hujjatlar a) ariza. Arizada quyidagilar koʻrsatiladi: yuridik shaxs uchun — nomi, STIR, pochta manzili, elektron pochta manzili (mavjud boʻlsa), xizmat koʻrsatuvchi bankning nomi va hisobvaragʻi, telefon raqami; jismoniy shaxs uchun — FIO, JSHSHIR, pochta manzili, elektron pochta manzili (mavjud boʻlsa), telefon raqami; b) xalqaro va xorijiy tashkilotlar va jamgʻarmalardan grantlar ajratilganini tasdiqlovchi hujjatlarning nusxalari (shartnoma, grantni tuzish uchun berilgan ilmiy loyiha, ishlarni bajarish uchun kalendar reja, xarajatlar smetasi va ish maqsadini belgilovchi boshqa hujjatlar); v) bajarish uchun olingan pul mablagʻlari va asbob-uskunalarni tasdiqlovchi xalqaro ilmiy va innovatsion dasturlardan koʻchirma; g) olingan pul mablagʻlari va asbob-uskunalarni tasdiqlovchi va ularning ajratilgan grantlar yoki xalqaro ilmiy dasturlar va ilmiy hamkorlik doirasidagi xalqaro shartnomalar boʻyicha loyihalarning maqsadlari va vazifalariga muvofiqligi boʻyicha tadqiqot ishlarini bajarish uchun ekspertizasini oʻtkazishga imkon beruvchi boshqa hujjatlar. 6. Arizani koʻrib chiqish uchun toʻlanadigan yigʻim miqdori Yigʻim undirilmaydi 7. Xulosa berganlik uchun undiriladigan yigʻim miqdori Bazaviy hisoblash miqdorining 10 barobari 8. Xulosa berish boʻyicha arizalarni koʻrib chiqish muddati 7 ish kuni 9. Xulosa berishning talab va mezonlari Grantlarni olgan jismoniy shaxslar daromadlar toʻgʻrisidagi deklaratsiyani taqdim etishda grantlar boʻyicha olingan daromadning qiymati, daromad soligʻi miqdori, Oliy taʼlim, fan va innovatsiyalar vazirligi huzuridagi Innovatsion rivojlanish agentligining soliqqa tortish maqsadlari uchun yillik umumiy yillik daromaddagi chiqarib tashlangan mablagʻlar boʻyicha xulosa koʻrsatilishi; Xorijdan keltirilgan asbob-uskunalar begonalashtirilgan holatda barcha toʻlovlar va soliqlar grant oluvchi tomonidan belgilangan tartibda toʻlanishi. 10. Xulosaning amal qilish muddati Cheklanmagan 11. Izoh

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 12-ILOVA

Diniy tashkilotlarni roʻyxatdan oʻtkazish yuzasidan xulosa berish

1. Xulosa nomi Diniy tashkilotlarni roʻyxatdan oʻtkazish yuzasidan xulosa 2. Xulosa beriladigan obyekt (harakat, faoliyat, tovar va boshqalar) Diniy tashkilot faoliyati 3. Xulosa olishni soʻrab murojaat qiladigan shaxslar toifasi Diniy tashkilotni tashkil etish tashabbuskorlari yoki ular tomonidan vakil qilingan shaxslar 4. Xulosani berishga vakolatli organ (lar) Din ishlari boʻyicha qoʻmitasi 5. Xulosa olish uchun talab etiladigan maʼlumotlar va hujjatlar a) ariza. Arizaga quyidagilar ilova qilinadi: markaziy boshqaruv organi uchun: taʼsis yigʻilishining (konferensiyasining) markaziy boshqaruv organini tashkil etish, uning ustavini tasdiqlash va boshqaruv organlarini saylash toʻgʻrisidagi maʼlumotlarini oʻz ichiga olgan qarorining nusxasi; markaziy boshqaruv organining davlat tilidagi ustavi nusxasi; joylashgan joyidan diniy tashkilotning pochta manzili sifatida foydalanishi moʻljallanayotgan koʻchmas mulkka egalik qilish yoki undan foydalanish huquqini tasdiqlovchi hujjatning nusxasi; markaziy boshqaruv organining taʼsischilari toʻgʻrisidagi maʼlumot; markaziy boshqaruv organining rahbar organi aʼzolari toʻgʻrisidagi maʼlumot; markaziy boshqaruv organining rahbarida diniy professional maʼlumot mavjudligini tasdiqlovchi hujjatning nusxasi, taʼlimoti diniy professional taʼlim tizimini nazarda tutmaydigan konfessiyalar bundan mustasno (diniy maʼlumot haqidagi hujjat xorijiy davlatda berilganda uning tan olinganligi boʻyicha hujjat nusxasi ham taqdim qilinadi); diniy taʼlim muassasalari uchun: markaziy boshqaruv organining diniy taʼlim muassasasini tashkil etish, uning ustavini tasdiqlash va rahbar organlarini saylash (tayinlash) boʻyicha maʼlumotlarni oʻz ichiga olgan qarorining nusxasi; diniy taʼlim muassasasining davlat tilidagi ustavi nusxasi; diniy taʼlim muassasasining rahbar organi aʼzolari toʻgʻrisidagi maʼlumot; mahalliy diniy tashkilotlar uchun: taʼsis yigʻilishining mahalliy diniy tashkilotni tashkil etish, uning ustavini tasdiqlash va rahbar organlarini saylash toʻgʻrisidagi maʼlumotlarni oʻz ichiga olgan qarorining nusxasi; mahalliy diniy tashkilotni davlat tilidagi ustavining nusxasi; Oʻzbekiston Respublikasining tegishli tumani (shahri) hududida doimiy yashayotgan, mahalliy diniy tashkilotni oʻz tashabbusiga koʻra tuzayotgan, mahalliy diniy tashkilotni tashkil etish boʻyicha oʻn sakkiz yoshga yetgan ellik nafardan kam boʻlmagan tashabbuskorlar tomonidan imzolangan maʼlumot; mahalliy diniy tashkilotning rahbar organi aʼzolari toʻgʻrisidagi maʼlumot; mahalliy diniy tashkilot rahbarida diniy professional maʼlumot mavjudligini tasdiqlovchi hujjatning nusxasi, taʼlimoti diniy professional taʼlim tizimini nazarda tutmaydigan konfessiyalar bundan mustasno (diniy maʼlumot haqidagi hujjat xorijiy davlatda berilganda uning tan olinganligi boʻyicha hujjat nusxasi ham taqdim qilinadi); mahalliy diniy tashkilotning pochta manzili sifatida foydalanilishi moʻljallanayotgan koʻchmas mulkning shaharsozlik normalari talablariga muvofiqligi toʻgʻrisidagi xulosalar ilova qilingan holda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari xulosasining nusxasi. 6. Arizani koʻrib chiqish uchun toʻlanadigan yigʻim miqdori bazaviy hisoblash miqdorining 30 foizi 7. Xulosa berganlik uchun undiriladigan yigʻim miqdori Yigʻim undirilmaydi 8. Xulosa berish boʻyicha arizalarni koʻrib chiqish muddati 30 kun 9. Xulosa berishning talab va mezonlari “Vijdon erkinligi va diniy tashkilotlar toʻgʻrisida”gi Qonuni va boshqa qonunchilik hujjatlariga muvofiqligi 10. Xulosaning amal qilish muddati Cheklanmagan 11. Izoh Diniy taʼlim muassasasi — muayyan konfessiyaga mansub boʻlgan, diniy tashkilotlarning professional xizmatchilarini va ular uchun zarur boʻlgan diniy xodimlarni tayyorlash uchun diniy tashkilotlarning Oʻzbekiston Respublikasi boʻyicha markaziy boshqaruv organi tomonidan tashkil etilgan muassasa. Diniy tashkilot — fuqarolarning belgilangan tartibda roʻyxatdan oʻtkazilgan, birgalikda dinga eʼtiqod qilish, ibodat qilish, diniy rasm-rusumlar va marosimlarni bajarish maqsadida tashkil etilgan, daromad (foyda) olishni oʻz faoliyatining asosiy maqsadi qilib olmagan hamda olingan daromadlarni (foydani) oʻz ishtirokchilari (aʼzolari) oʻrtasida taqsimlamaydigan koʻngilli birlashmasi (mahalliy diniy tashkilot, diniy taʼlim muassasasi va diniy tashkilotlarning Oʻzbekiston Respublikasi boʻyicha markaziy boshqaruv organi). Diniy tashkilotlarning Oʻzbekiston Respublikasi boʻyicha markaziy boshqaruv organi — bir konfessiyaning mahalliy diniy tashkilotlari, shuningdek, diniy taʼlim muassasalari faoliyatini muvofiqlashtirish maqsadida Oʻzbekiston Respublikasining kamida sakkizta maʼmuriy-hududiy birligida (Qoraqalpogʻiston Respublikasida, viloyatda, Toshkent shahrida) roʻyxatdan oʻtib faoliyat koʻrsatayotgan mahalliy diniy tashkilotlar tomonidan tashkil etilgan diniy tashkilot. Mahalliy diniy tashkilot — Oʻzbekiston Respublikasining tegishli tumani (shahri) hududida doimiy yashayotgan, oʻn sakkiz yoshga toʻlgan, ellik nafardan kam boʻlmagan Oʻzbekiston Respublikasi fuqarolari tashabbusi bilan tashkil etilgan, faoliyatini Qoraqalpogʻiston Respublikasi, viloyatlar, va Toshkent shahri, tuman yoki shahar hududida amalga oshiruvchi diniy tashkilot (masjidlar, cherkovlar, sinagogalar, ibodatxonalar va boshqalar). “Markaziy boshqaruv organining taʼsischilari toʻgʻrisidagi MAʼLUMOT T/r Tashabbuskor diniy tashkilot nomi Diniy tashkilot roʻyxatdan oʻtgan sanasi va raqami Diniy tashkilot manzili Diniy tashkilot rahbarining F.I.O. Tashabbuskor diniy tashkilot rahbarining imzosi va diniy tashkilot muhri Markaziy boshqaruv organi rahbari _____________________________ ________________ ______________________________________________________________ (F.I.O. va imzosi) Oʻzbekiston Respublikasining tegishli tumani (shahri) hududida doimiy yashayotgan, mahalliy diniy tashkilotni oʻz tashabbusiga koʻra tuzayotgan, mahalliy diniy tashkilotni tashkil etish boʻyicha oʻn sakkiz yoshga yetgan ellik nafardan kam boʻlmagan tashabbuskorlar tomonidan imzolangan maʼlumotlar. Diniy tashkilot tashabbuskorlari toʻgʻrisidagi MAʼLUMOT T/r F.I.O. Tugʻilgan yili, oy, kun Turar joyi Imzo Diniy tashkilotning rahbari _________________________________ __________________ _______________________________________________________________ (F.I.O. va imzosi) Mahalliy diniy tashkilotning rahbar organi aʼzolari toʻgʻrisidagi maʼlumotlar. Diniy tashkilotning rahbar organi aʼzolari toʻgʻrisidagi MAʼLUMOT T/r F.I.O. Tugʻilgan yili, oy, kun Turar joyi Imzo Diniy tashkilotning rahbari _________________________________ __________________ _______________________________________________________________ (F.I.O. va imzosi) Quyidagilar diniy tashkilotlarni roʻyxatdan oʻtkazish uchun xulosa olish toʻgʻrisidagi murojaatni rad etishga asos boʻladi: tegishli hujjatlarning toʻliq taqdim etilmaganligi; taqdim etilgan hujjatlarda atayin notoʻgʻri maʼlumotlar koʻrsatilganligi; ilgari xuddi shu nomdagi yoki adashtirib yuboradigan darajada oʻxshash boʻlgan nomdagi diniy tashkilotning roʻyxatdan oʻtkazilganligi; hujjatlar sud tomonidan muomalaga layoqatsiz yoki muomala layoqati cheklangan deb topilgan shaxslar tomonidan taqdim etilganligi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 13-ILOVA

Donli ekinlar urugʻlarini uslubiy tahlil qilish va tuproqda nav tozaligini baholash boʻyicha xulosa berish

1. Xulosa nomi Donli ekinlar urugʻlarini uslubiy tahlil qilish va tuproqda nav tozaligini baholash boʻyicha xulosa 2. Xulosa talab qilinadigan faoliyat (obyekt, harakat, mahsulot va boshqalar) Donli ekinlar urugʻlarini uslubiy tahlil qilish va tuproqda nav tozaligini baholash va ularning amaldagi normativ-huquqiy hujjatlar talablariga muvofiqligini aniqlash 3. Xulosa olishni soʻrab murojaat qiladigan shaxslar toifasi Yuridik va jismoniy shaxslar 4. Xulosani berishga vakolatli organ (lar) Vazirlar Mahkamasi huzuridagi Agrosanoat majmui ustidan nazorat qilish inspeksiyasi 5. Xulosa olish uchun talab etiladigan maʼlumotlar va hujjatlar a) ariza. Arizada quyidagi maʼlumotlar koʻrsatiladi: yuridik shaxslar uchun — yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, telefon raqami, STIR, elektron pochta manzili (mavjud boʻlsa), nav namunasi saqlanayotgan manzil, nav namunasining navi, avlodi va soni; jismoniy shaxslar uchun — FIO, JSHSHIR, yashash manzili, telefon raqami, elektron pochta manzili (mavjud boʻlsa); b) faoliyatni amalga oshirish manzili, nav namunasining navi, avlodi va soni; v) nav namunasining birlamchi hujjatlaridan ekilgandagi muvofiqlik sertifikati yoki tahlil natijasi va aprobatsiya dalolatnomasi nusxalari. 6. Arizani koʻrib chiqish uchun toʻlanadigan yigʻim miqdori Yigʻim undirilmaydi 7. Xulosa berganlik uchun undiriladigan yigʻim miqdori Bazaviy hisoblash miqdorining 4,5 baravari 8. Xulosa berish boʻyicha arizalarni koʻrib chiqish muddati Pasportning izoh qismida belgilangan 9. Xulosa berishning talab va shartlari (mezonlari) Pasportning izoh qismida belgilangan 10. Xulosaning amal qilish muddati Cheklanmagan 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili), jismoniy shaxsning familiyasi, ismi, otasining ismi oʻzgarganda, xulosani qayta rasmiylashtirish talab etilmaydi. Agrosanoat majmui ustidan nazorat qilish inspeksiyasi (keyingi oʻrinlarda — Oʻzagroinspeksiya) tomonidan ilmiy-tadqiqot institutlari, urugʻlik yetishtiruvchi va elita urugʻchilik xoʻjaliklarda yetishtirilgan navlardan belgilangan tartibda namunalar tanlab olinadi, tegishli hujjatlarni rasmiylashtiradi, roʻyxatga oladi, dala tajriba maydoniga ekadi, parvarish qiladi, metodik va agrotexnik tadbirlarni oʻtkazadi, navdorlikni baholash ishlari amalga oshirilishini hamda baholash xulosalari ariza beruvchiga taqdim etilishini taʼminlaydi. Ariza beruvchi nav namunasini tanlab olish va Oʻzagroinspeksiyaning dala tajriba maydoniga joʻnatish uchun zarur sharoit yaratadi hamda ushbu jarayonda ishtirok etadi. Nav namunasi Oʻzagroinspeksiyaning dala tajriba maydonida Oʻzbekiston Respublikasi hududida ekish uchun tavsiya etilgan qishloq xoʻjaligi ekinlari davlat reyestriga kiritilgan va istiqbolli deb hisoblangan boshoqli don ekinlari navlarining dorilanib tayyorlangan urugʻlik don toʻdalaridan tanlab olingan nav namunalarini dala tajriba maydonida ekib oʻrganish yoʻli bilan amalga oshiriladi. Ariza beruvchi tomonidan urugʻlik toʻdasi tozalangan, saralangan va dorilangandan soʻng nav namunalarining nav tozaligini (navdorligi) baholash uchun 10-sentabrdan kechiktirmagan holda murojaat qiladi. Oʻzagroinspeksiya navdorlikni baholash ishlari boʻyicha buyurtma berish muddati 10-sentabrga qadar etib belgilanganligi haqida oʻzining rasmiy veb-saytida iyul oyining birinchi oʻn kunligida eʼlon beradi. Ariza beruvchi tomonidan nav namunasi 10-sentabrga qadar taqdim qilinmasa, ariza beruvchining murojaati rad etiladi. Nav namunalarini tanlab olish tartibi Davlat xizmatlari koʻrsatish uchun Oʻzagroinspeksiyaning mutaxassislari tomonidan urugʻlik toʻdalaridan amaldagi standart talablari asosida ariza beruvchi yoki uning ishonchli vakili ishtirokida nav namunalarini besh ish kunida tanlab olinadi va dalolatnoma rasmiylashtiriladi. Tanlab olingan har bir nav namunasida tashqi va ichki yorliqlar boʻlishi kerak. Har bir nav namunalarining yorliqlarida urugʻlik tayyorlovchining nomi, ekin turi, navi, avlodi, urugʻning kelib chiqishi, toʻda raqami, toʻda vazni, aprobatsiya boʻyicha nav tozaligi va namuna vazni kabi maʼlumotlar boʻlishi lozim. Nav namunalarini tanlab olishda urugʻlik saqlanish sharoitlari tekshiriladi va tekshiruv natijalari toʻgʻrisidagi maʼlumotlar bilan birga nav nazorati uchun tanlab olingan urugʻlik donning oʻrtacha namuna dalolatnomasi Oʻzagroinspeksiyaning mutaxassisi tomonidan rasmiylashtiriladi. Dalolatnomaning bitta asl nusxasi ariza beruvchida yoki uning vakilida qoldiriladi. Mazkur dalolatnomaning asl nusxasi namuna bilan birgalikda boʻz qopchalarga joylashtirilib, ikki ish kunida dala tajribalarini oʻtkazish maydonchasi (GRUNT nav nazorat) yaʼni, qishloq xoʻjaligi ekinlari urugʻlarini tuproqda baholash, obodonlashtirish, bino va yerdan foydalanish boʻlimiga yuboriladi. Nav namunalarini ekishga tayyorlash Tanlab olingan nav namunalari bir ish kunida roʻyxatga olinadi va ekish roʻyxati (ekish vedomosti) tuziladi. Roʻyxatga olingan nav namunalaridan ekish uchun ishchi namunalar tayyorlanib, maxsus boʻz qopchalarga joylashtiriladi va uch ish kunida maydonchalarning tartib raqami qoʻyiladi. Ekish uchun jamlangan barcha nav namunalari kasallik va zararkunandalarga qarshi kimyoviy preparatlar bilan ishlov berilgan boʻlishi lozim. Kimyoviy preparatlar bilan ishlov berilmagan toʻdalardan olingan nav namunalari boʻyicha davlat xizmatlari Oʻzagroinspeksiya bilan tuzilgan shartnomaga muvofiq koʻrsatiladi. Nav namunalarini ekish Nav namunalari hudud uchun maqbul boʻlgan muddatda, yaʼni ob-havo, tabiiy iqlim sharoitidan kelib chiqqan holda sentabr va oktabr oylarida ekiladi. Nav namunalari 10 m 2 yoki 25 m 2 dala tajriba maydonida delyanka usulida ekiladi. Nav namunalari yuqori avlodlar boʻyicha tartib asosida ekiladi. Tajriba dalasida unib chiqmagan xatolar oʻrniga ekish va qayta ekishga ruxsat etilmaydi. Ekinlarni parvarishlash ishlari har yili hosil yilining sentabr-oktabr oyidan kelgusi yilning may oyigacha hududlarda amalda boʻlgan agrotexnik tadbirlarni oʻtkazish boʻyicha tavsiya va koʻrsatmalar asosida oʻtkaziladi. Nav tozaligini aniqlash va natijalarni rasmiylashtirish Nav tozaligi nav muallifi tomonidan taqdim etilgan navlarning morfologik belgilari tavsifnomasi asosida oʻsimlikning morfologik belgilari shakllangan vaqtda aniqlanadi. Nav namunalarida nav tozaligini aniqlash ekinlarning sut-mum pishish davrida, yaʼni may oyida nav muallifi tomonidan taqdim etilgan navlarning morfologik belgilarni oʻrganish orqali amalga oshiriladi. Nav namunalarining tahlil natijalariga koʻra Oʻzagroinspeksiya tomonidan ijobiy yoki salbiy xulosalar rasmiylashtiriladi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 14-ILOVA

Texnik loyiha hujjatlarini koʻrib chiqish boʻyicha xulosa berish

1. Xulosa nomi Texnik loyiha hujjatlarini koʻrib chiqish boʻyicha xulosa 2. Xulosa talab qilinadigan faoliyat (obyekt, harakat, mahsulot va boshqalar) Kemalarning texnik loyiha hujjatlarini koʻrib chiqish 3. Xulosa olishni soʻrab murojaat qiladigan shaxslar toifasi Yuridik va jismoniy shaxslar 4. Xulosani berishga vakolatli organ (lar) Transport vazirligi 5. Xulosa olish uchun talab etiladigan maʼlumotlar va hujjatlar Ariza. Arizada quyidagilar koʻrsatiladi: yuridik shaxslar uchun — yuridik shaxsning nomi va tashkiliy-huquqiy shakli, uning yuridik manzili, telefon raqami, STIR, elektron pochta manzili (agar mavjud boʻlsa); jismoniy shaxslar uchun — FIO, JSHSHIR, telefon raqami, elektron pochta manzili (mavjud boʻlsa); faoliyatni amalga oshirish joyi. Arizaga quyidagi hujjatlar ilova qilinadi: kemaning texnik loyiha hujjatlari; tushuntirish xati; kemaning choʻkmasligi toʻgʻrisida, suzuvchanligi toʻgʻrisida, ustuvorligi toʻgʻrisida va kemani yuklash-tushirish toʻgʻrisida yoʻriqnomalar. Texnik loyiha hujjatlari kemachilik registri inspektoriga quyidagi usullardan biri boʻyicha taqdim etilishi mumkin: keyinchalik kemachilik registri inspektoriga ishchi chizmalarni taqdim etish sharti bilan texnik loyiha hujjatlarini; keyinchalik kemachilik registri inspektoriga ishchi chizmalarni kelishish uchun taqdim etmagan holda texnik loyiha hujjatlarini. Bunda taqdim etilgan texnik loyiha hujjatlari loyihalashtirilgan kemaning berilgan texnik topshiriq talablariga muvofiq ekanligini aniqlash hamda kemaning asosiy konstruktiv qismlarini tayyorlash davrida texnik nazorat olib borish imkonini berishi kerak. 6. Arizani koʻrib chiqish uchun toʻlanadigan yigʻim miqdori Yigʻim undirilmaydi 7. Xulosa berganlik uchun undiriladigan yigʻim miqdori Oʻziyurmas kemalarning texnik loyiha hujjatlarini koʻrib chiqish uchun BHMning 50 barobari; Oʻziyurar va zemsnaryadlarning texnik loyiha hujjatlarini koʻrib chiqish uchun BHMning 70 barobari. Bitta texnik loyiha hujjat asosida ketma-ket quriladigan kemalarning texnik loyiha hujjatlari koʻrib chiqilmaydi va toʻlov undirilmaydi. 8. Xulosa berish boʻyicha arizalarni koʻrib chiqish muddati 15 ish kuni 9. Xulosa berishning talab va mezonlari Texnik loyiha hujjatlarining texnik topshiriqda koʻrsatilgan jihozlar boʻyicha toʻliq taqdim etilganligi; tushuntirish xati: taqdim etilgan texnik loyiha hujjatlarining roʻyxati; har bir nazorat obyektining chizmasi va biriktirish usuli; har bir nazorat obyektining oʻlchamlarini texnik topshiriqda koʻrsatilgan oʻlchamlarga muvofiqligi. Texnik loyiha hujjatlarida loyihalashtiriladigan kemalarning texnik topshiriqqa, mahalliy suzish sharoitiga va Registr qoidalariga muvofiqligi (suv havzalari razryadi, suzish hududi, suvga botishi, shamol-toʻlqin rejimi). 10. Xulosaning amal qilish muddati Cheklanmagan 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili), jismoniy shaxsning familiyasi, ismi, otasining ismi oʻzgarganda, xulosani qayta rasmiylashtirish talab etilmaydi. Kelishilgan texnik loyiha hujjatlari asosida kemalar seriyali qurilganda, texnik-loyiha hujjatlar faqat bosh kema uchun kelishiladi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 15-ILOVA

Suv obyektlaridagi suv xoʻjaligi inshootlarini (qurilmalarini) koʻchirish, rekonstruksiya qilish va yangidan qurishga doir xulosa berish

1. Xulosa nomi Suv obyektlaridagi suv xoʻjaligi inshootlarini (qurilmalarini) koʻchirish, ularni rekonstruksiya qilish va yangidan qurishga doir xulosa 2. Xulosa beriladigan obyekt (harakat, faoliyat, tovar va boshqalar) Suv obyektlaridagi suv xoʻjaligi inshootlari (qurilmalari) 3. Xulosa olishni soʻrab murojaat qiladigan shaxslar toifasi Yuridik va jismoniy shaxslar 4. Xulosani berishga vakolatli organ (lar) Suv xoʻjaligi inshootlarini qurishga doir xulosalar quyidagi vakolatli organlar tomonidan beriladi: a) Suv xoʻjaligi vazirligi tomonidan viloyatlararo va davlatlararo (transchegaraviy), shuningdek, alohida ahamiyatga ega boʻlgan: tabiiy (jilgʻalar, soylar, daryolar, koʻllar va boshqalar) suv obyektlari boʻyicha Ekologiya, atrof-muhitni muhofaza qilish va iqlim oʻzgarishi vazirligi bilan kelishilgan holda; sunʼiy (suv omborlari, ochiq va yopiq kanallar, sugʻorish va kollektor-drenaj tarmoqlari, sel suvlari toʻplanadigan joylar, hovuzlar va boshqalar) suv obyektlari boʻyicha; b) Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari tomonidan tumanlararo hamda tuman ahamiyatidagi: tabiiy (jilgʻalar, soylar, daryolar, koʻllar va boshqalar) suv obyektlari boʻyicha Ekologiya, atrof-muhitni muhofaza qilish va iqlim oʻzgarishi vazirligining hududiy organlari bilan kelishilgan holda; sunʼiy (suv omborlari, ochiq va yopiq kanallar, sugʻorish va kollektor-drenaj tarmoqlari, sel suvlari toʻplanadigan joylar, hovuzlar va boshqalar) suv obyektlari boʻyicha; v) tumanlar (Quvasoy shahri) irrigatsiya boʻlimi tomonidan xoʻjaliklararo (fermerlararo) va ichki sugʻorish va kollektor-drenaj tarmoqlari boʻyicha; g) Togʻ-kon sanoati va geologiya vazirligi tomonidan suv xoʻjaligi, sanitariya nazorati organlari bilan kelishilgan holda yer osti suvlaridan suv olish inshootlari boʻyicha. 5. Xulosa olish uchun talab etiladigan maʼlumotlar va hujjatlar a) ariza. Arizada quyidagilar koʻrsatiladi: yuridik shaxslar uchun — yuridik shaxsning nomi va tashkiliy-huquqiy shakli, telefon raqami, STIR, elektron pochta manzili (mavjud boʻlsa); jismoniy shaxslar uchun — FIO, JSHSHIR, telefon raqami, elektron pochta manzili (mavjud boʻlsa). suv xoʻjaligi inshootlari (qurilmalari) joylashgan manzil; suv xoʻjaligi inshootlarini (qurilmalarini) koʻchirish, rekonstruksiya qilish va yangidan qurishga boʻlgan zaruratni asoslash, mavjud muammo hamda kutiladigan natija toʻgʻrisida maʼlumot; suv xoʻjaligi inshootlarini (qurilmalarini) koʻchirish, rekonstruksiya qilish va yangidan qurish ishlarini loyihalashtirish hamda qurish ishlarini moliyalashtirish manbai; b) belgilangan tartibda davlat-xususiy sheriklik tamoyili asosida boshqaruvga berilgan davlat suv xoʻjaligi obyektlari, shuningdek, maqsadli foydalanish uchun berilgan ichki sugʻorish va kollektor-drenaj tarmoqlarining koʻchiriladigan, rekonstruksiya qilinadigan va yangidan quriladigan suv xoʻjaligi inshootlari (qurilmalari) tushirilgan tarxi; v) yer uchastkasining ijara shartnomasi va yer uchastkasi tarxining nusxalari; g) suv xoʻjaligi inshootlarini (qurilmalarini) koʻchirish, rekonstruksiya qilish va yangidan qurish ishlarining boshqa suv isteʼmolchilariga salbiy taʼsiri mavjud emasligi toʻgʻrisida ularning rozilik xatlari. 6. Arizani koʻrib chiqish uchun toʻlanadigan yigʻim miqdori Yigʻim undirilmaydi 7. Xulosa berganlik uchun undiriladigan yigʻim miqdori Bazaviy hisoblash miqdorining 50 foizi 8. Xulosa berish boʻyicha arizalarni koʻrib chiqish muddati 10 ish kuni 9. Xulosa berishning talab va mezonlari Suv xoʻjaligi inshootining (qurilmaning) hozirgi texnik holati, uni qurish imkoniyati mavjud yoki mavjud emasligi, suv xoʻjaligi inshooti qurish oʻzboshimchalik bilan qurilmaganligi (loyiha-smeta hujjatlari kelishilgan va belgilangan tartibda ekspertizadan oʻtkazilgan), obyekt loyiha-smeta hujjatlaridan chetga chiqmagan holda hamda shaharsozlik normalari va qoidalari buzilmagan holda qurilganligi va rekonstruksiya qilinganligi 10. Xulosaning amal qilish muddati 3 yil 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili), jismoniy shaxsning familiyasi, ismi, otasining ismi oʻzgarganda, xulosani qayta rasmiylashtirish talab etilmaydi. Suv obyekti — suvlar doimiy ravishda yoki vaqtincha toʻplanadigan va suv rejimining oʻziga xos shakllari va belgilari boʻlgan tabiiy (jilgʻalar, soylar, daryolar va boshqalar) hamda sunʼiy (ochiq va yopiq kanallar, shuningdek, kollektor-drenaj tarmoqlari) suv oqimlari, tabiiy (koʻllar, dengizlar, yer osti suvli qatlamlari) va sunʼiy (suv omborlari, sel suvlari toʻplanadigan joylar, hovuzlar va boshqalar) suv havzalari va buloqlar. Suv xoʻjaligi obyekti — suv resurslarini toʻplash, boshqarish, yetkazib berish, ulardan foydalanish, ularni isteʼmol qilish, ajratib berish va muhofaza qilish maqsadida suv xoʻjaligi faoliyati amalga oshiriladigan suv obyekti. Suv xoʻjaligi inshootlari (qurilmalari) — suv obyektlaridagi suv olish, taqsimlash, toʻsish, oʻtkazish (nov, dyuker), oʻlchash (gidropost), koʻtarish (nasos agregati, charxpalak) va boshqa qurilmalar, koʻpriklar (ochiq, quvurli) va boshqa suv xoʻjaligi inshootlari. Suv xoʻjaligining foydalanuvchi tashkilotlari — suv xoʻjaligi obyektlaridan foydalanuvchi suv xoʻjaligining foydalanuvchi tashkilotlari, yaʼni tumanlarning irrigatsiya boʻlimlari, irrigatsiya tizimi boshqarmalari, magistral kanallar (tizimlar) boshqarmalari, nasos stansiyalari va energetika boshqarmalari, meliorativ ekspeditsiyalar, suv omborlaridan va yirik gidrotexnika inshootlaridan foydalanish boshqarmalari, Qoraqalpogʻiston Respublikasi Suv xoʻjaligi vazirligi, Oʻzbekiston Respublikasi Suv xoʻjaligi vazirligi huzuridagi Irrigatsiya tizimlari havza boshqarmalari. Ichki sugʻorish va kollektor-drenaj tarmoqlari (ichki suv yoʻllari) — bitta suv isteʼmolchisiga (agroklaster, fermer xoʻjaligi va boshqa suv isteʼmolchisiga) xizmat koʻrsatuvchi suv xoʻjaligi obyektlari. Xoʻjaliklararo (fermerlararo) sugʻorish va kollektor-drenaj tarmoqlari — ikki va undan ortiq suv isteʼmolchisiga xizmat koʻrsatuvchi suv xoʻjaligi obyekti. Quyidagilar davlat xizmatini rad etishga asos boʻladi: suv xoʻjaligi inshootlarini qurish zarurati yetarli darajada asoslanmaganda (inshoot qurilishi nima maqsadga amalga oshirilayotganligi va kelgusida qanday maqsadlarda foydalanilishi toʻgʻrisida toʻliq maʼlumotlar boʻlmagan taqdirda); suv xoʻjaligi inshootlarini (qurilmalarini) qurish zarurati boʻyicha manfaatdor yuridik va jismoniy shaxslarning toʻliq roziligi olinmaganda; suv xoʻjaligi inshootlarini qurish suv xoʻjaligi obyektining xavfsiz va ishonchli ishlashiga hamda suvni samarali boshqarishga va oqilona foydalanishga salbiy taʼsir koʻrsatish xavfi boʻlganda; quriladigan suv xoʻjaligi inshootlarini (qurilmalarini) suvni boshqarish va hisobga olish vositalari bilan jihozlash va raqamlashtirish rejalashtirilmaganda (agroklasterlar, fermer xoʻjaliklari va boshqa suv isteʼmolchilariga maqsadli foydalanish uchun berilgan ichki sugʻorish va kollektor-drenaj tarmoqlaridagi bosh suv olish inshootidan tashqari inshootlarda hamda tomorqa yer egalarining suv olish inshootlarida suvning hisobini yuritish va raqamlashtirish majburiy emas).

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 16-ILOVA

Moddiy madaniy merosning koʻchmas mulk obyektlarida amalga oshiriladigan ishlarning loyihaoldi va loyiha-smeta hujjatlari boʻyicha xulosa

1. Xulosa nomi Moddiy madaniy merosning koʻchmas mulk obyektlarida amalga oshiriladigan ishlarning loyihaoldi va loyiha-smeta hujjatlari boʻyicha xulosa 2. Xulosa talab qilinadigan faoliyat kichik turi (obyekt, harakat, mahsulot va boshqalar) moddiy madaniy merosning koʻchmas mulk obyektlarini asrashga doir ishlarning loyihaoldi va loyiha-smeta hujjatlari; moddiy madaniy merosning koʻchmas mulk obyektlari va ularning qoʻriqlanadigan tegralarida yer qazish, yer tuzish, qurilish, melioratsiya va boshqa xoʻjalik ishlari, asrashga doir ishlarni amalga oshirish hamda ilmiy va ilmiy-texnik tadqiqotlar oʻtkazishga oid loyihalar; alohida muhofaza qilinadigan tarixiy-madaniy hududlar hamda tarixiy-madaniy qimmatiga koʻra, YUNESKOning Umumjahon merosi roʻyxatiga kiritilgan hududlarda (obyektlarda) qurilish-montaj, obodonlashtirish va tarixiy-madaniy qimmatga ega boʻlmagan bino va inshootlarni buzish ishlari va yerdan foydalanish loyihalari; alohida muhofaza qilinadigan tarixiy-madaniy hududlar, tarixiy-madaniy qimmatiga koʻra YUNESKOning Umumjahon merosi roʻyxatiga kiritilgan hududlar (obyektlar) boshqaruv rejalari; tarixiy-madaniy qimmatiga koʻra, YUNESKOning Umumjahon merosi roʻyxatiga kiritilgan hududlarning (obyektlarning) qoʻriqlanadigan tegralari loyihalari. 3. Xulosa olishni soʻrab murojaat qiladigan shaxslar toifasi Jismoniy va yuridik shaxs 4. Xulosani berishga vakolatli organ (lar) Madaniy meros agentligining Ilmiy-ekspert kengashi 5. Xulosa olish uchun talab etiladigan maʼlumotlar va hujjatlar Ariza. Arizada quyidagi maʼlumotlar koʻrsatiladi: yuridik shaxslar uchun — yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, telefon raqami, STIR, elektron pochta manzili (agar mavjud boʻlsa) ; jismoniy shaxslar uchun — FIO, JSHSHIR, yashash manzili, telefon raqami, elektron pochta manzili (mavjud boʻlsa), faoliyatni amalga oshirish manzili . Arizaga quyidagilar ilova qilinadi: amalga oshirilishi nazarda tutilayotgan asrashga doir ishlarning loyihaoldi va loyiha-smeta hujjatlari (vakolatli organ buyurtmachi boʻlgan holatlar bundan mustasno); loyihada koʻrsatilgan obyektning kadastr yigʻmajildi (agar mavjud boʻlsa); arxeologiya madaniy meros obyektlarining muhofaza tegralarida amalga oshiriladigan loyihalar yuzasidan arxeolog xulosasi. 6 Arizani koʻrib chiqish uchun toʻlanadigan yigʻim miqdori Bazaviy hisoblash miqdorining 1 baravari 7. Xulosa berganlik uchun undiriladigan yigʻim miqdori Moddiy madaniy merosning koʻchmas mulk obyektlarini asrashga doir ishlarni loyiha-smeta hujjatlari boʻyicha ekspertizadan oʻtkazish uchun — loyiha-smeta hujjatidagi miqdorning 1 foizi; Moddiy madaniy merosning koʻchmas mulk obyektlari va ularning qoʻriqlanadigan tegralarida yer qazish, yer tuzish, qurilish, melioratsiya va boshqa xoʻjalik ishlarini oʻtkazishga oid loyihalarni koʻrib chiqish uchun — respublika toifasidagi obyektlar uchun — BHMning 10 baravari; mahalliy toifadagi obyektlar uchun — BHMning 5 baravari; Alohida muhofaza qilinadigan tarixiy-madaniy hududlarda, shu jumladan, Umumjahon merosi roʻyxatiga kiritilgan hududlarda bino va inshootlarni qurish yoki ularni buzish boʻyicha loyihalarni koʻrib chiqish uchun — yuridik shaxslar uchun — BHMning 20 baravari; jismoniy shaxslar uchun — BHMning 1 baravari. 8. Xulosa berish boʻyicha arizalarni koʻrib chiqish muddati 30 ish kuni 9. Xulosa berishning talab va shartlari (mezonlari) Loyihaoldi va loyiha-smeta hujjatlari hujjatlari moddiy madaniy merosning koʻchmas mulk obyektlarini asrashga doir faoliyatni amalga oshirish uchun litsenziya ega boʻlgan loyihachi tashkilot tomonidan ishlab chiqilgan boʻlishi kerak; Loyihaoldi va loyiha-smeta hujjatlarida quyidagilar aks ettirilishi majburiy hisoblanadi: binoning fasad qismi; bino va uning atrofining mavjud holati; koʻcha razvyortkasi; qirqim (razrez); bosh reja (M 1:500 masshtabda); loyihalardagi mavjud holat rejasi. 10. Xulosaning amal qilish muddati Cheklanmagan 11. Izoh Yuridik shaxsning tashkiliy-huquqiy shakli, uning nomi yoki joylashgan joyi (pochta manzili), jismoniy shaxsning familiyasi, ismi, otasining ismi oʻzgarganda xulosani qayta rasmiylashtirish talab etilmaydi. Ariza kelib tushganidan keyin 1 ish kuni ichida Madaniy meros agentligining Ilmiy-ekspert kengashi (keyingi oʻrinlarda — Kengash) kotibi arizani tegishlilik boʻyicha hududiy boshqarmalar huzuridagi ilmiy-maslahat kengashiga yuboradi. Hududiy boshqarmalar huzuridagi ilmiy-maslahat kengashi ariza kelib tushganidan keyin 10 ish kuni ichida, loyihaoldi va loyiha-smeta hujjatlarini va obyektni joyga chiqqan holda oʻrganadi hamda taqdim etilgan loyihaoldi va loyiha-smeta hujjatlaridagi xato-kamchiliklarni aniqlab, ularni bartaraf etishda maslahat hamda amaliy yordam koʻrsatadi. Oʻrganish natijasi yuzasidan oʻz xulosasini Kengashga yuboradi. Kengash hududiy boshqarmaning ilmiy-maslahat kengashi xulosasi olinganidan soʻng 15 ish kuni ichida loyihaoldi va loyiha-smeta hujjatlarini koʻrib chiqadi. Kengash loyiha hujjatlarini quyidagilarga asosan koʻrib chiqadi: arxiv maʼlumotlari; tarixiy manbalar; ilmiy adabiyotlar; jahon madaniy va tabiiy merosini muhofaza qilish toʻgʻrisidagi Konvensiya; anʼanaviy meʼmorchilik maktablari xususiyatlaridan kelib chiqqan holda. Kengash tomonidan ijobiy xulosa berishga qaror qilingan taqdirda, ushbu Pasportning 7-bandi talabi asosida shakllantirilgan toʻlovni toʻlash uchun hisobvaraq koʻrsatilgan invoysni yoki davlat xizmati koʻrsatilishini rad etishning aniq asoslarini qonunchilik hujjatlari bilan asoslagan va QR-kod qoʻyilgan salbiy xulosani Davlat xizmatlari markaziga elektron tarzda yoki ariza beruvchining YIDXPdagi shaxsiy kabinetiga avtomatik tarzda yuboradi. Ariza beruvchi tomonidan invoysda koʻrsatilgan toʻlov amalga oshirilganidan soʻng 4 ish kuni ichida Kengash QR-kod qoʻyilgan ijobiy xulosani Davlat xizmatlari markaziga elektron tarzda yoki ariza beruvchining YIDXPdagi shaxsiy kabinetiga avtomatik tarzda yuboradi. Ariza beruvchi tomonidan invoysda belgilangan toʻlov toʻliq toʻlanmasligi yoki belgilangan muddatda toʻlanmasligi xulosa berishni rad etish uchun asos boʻladi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 17-ILOVA

Urugʻlik paxta chigitini uslubiy tahlil qilish va tuproqda nav tozaligini baholash boʻyicha xulosa berish

1. Xulosa nomi Urugʻlik paxta chigitini uslubiy tahlil qilish va tuproqda nav tozaligini baholash boʻyicha xulosa 2. Xulosa talab qilinadigan faoliyat (obyekt, harakat, mahsulot va boshqalar) Urugʻlik paxta chigiti toʻdasidan tanlab olingan nav namunalarini tuproqda nav tozaligini baholash va amaldagi normativ-huquqiy hujjatlar talablariga muvofiqligini aniqlash 3. Xulosa olishni soʻrab murojaat qiladigan shaxslar toifasi Yuridik va jismoniy shaxslar 4. Xulosani berishga vakolatli organ (lar) Vazirlar Mahkamasi huzuridagi Agrosanoat majmui ustidan nazorat qilish inspeksiyasi 5. Xulosa olish uchun talab etiladigan maʼlumotlar va hujjatlar a) ariza. Arizada quyidagi maʼlumotlar koʻrsatiladi: yuridik shaxslar uchun — yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, telefon raqami, STIR, elektron pochta manzili (mavjud boʻlsa), nav namunasi saqlanayotgan manzil, nav namunasining navi, avlodi va soni; jismoniy shaxslar uchun — FIO, JSHSHIR, yashash manzili, telefon raqami, elektron pochta manzili (mavjud boʻlsa); b) faoliyatni amalga oshirish manzili, nav namunasining navi, avlodi va soni; v) nav namunalari hujjatlari. 6. Xulosa berganlik uchun undiriladigan yigʻim miqdori Bazaviy hisoblash miqdorining 4,5 baravari 7. Xulosa berish boʻyicha arizalarni koʻrib chiqish muddati Pasportning izoh qismida belgilangan 8. Xulosa berishning talab va shartlari (mezonlari) Pasportning izoh qismida belgilangan 9. Xulosaning amal qilish muddati Cheklanmagan 10. Izoh Umumiy qoidalar Agrosanoat majmui ustidan nazorat qilish inspeksiyasi (keyingi oʻrinlarda — Oʻzagroinspeksiya) ilmiy-tadqiqot institutlari, urugʻlik yetishtiruvchi va elita urugʻchilik xoʻjaliklarda yetishtirilgan navlardan belgilangan tartibda namunalar tanlab oladi, tegishli hujjatlarni rasmiylashtiradi, roʻyxatga oladi, dala tajriba maydoniga ekadi, parvarish qiladi, metodik va agrotexnik tadbirlarni oʻtkazadi, navdorlikni baholash ishlari amalga oshirilishini hamda baholash xulosalari ariza beruvchiga taqdim etilishini taʼminlaydi; ariza beruvchi nav namunasini tanlab olish va Oʻzagroinspeksiyaning dala tajriba maydoniga joʻnatish uchun zarur sharoit yaratadi hamda ushbu jarayonda ishtirok etadi. Nav namunasi Oʻzagroinspeksiyaning dala tajriba maydonida Oʻzbekiston Respublikasi hududida ekish uchun tavsiya etilgan qishloq xoʻjaligi ekinlari davlat reyestriga kiritilgan va istiqbolli deb hisoblangan gʻoʻza navlarining dorilanib tayyorlangan urugʻlik chigit toʻdalaridan tanlab olingan nav namunalarini dala tajriba maydonida ekib oʻrganish yoʻli bilan amalga oshiriladi. Ariza beruvchi tomonidan urugʻlik toʻdasi tozalangan, saralangan va dorilangandan soʻng, nav namunalarining nav tozaligini (navdorligi) baholash uchun 1-martdan kechiktirmagan holda murojaat qiladi. Oʻzagroinspeksiya navdorlikni baholash ishlari boʻyicha buyurtma berish muddati 1-martga qadar etib belgilanganligi haqida oʻzining rasmiy veb-saytida yanvar oyining birinchi oʻn kunligida eʼlon beradi. Ariza beruvchi tomonidan nav namunasi 1-mart kuniga qadar taqdim qilinmasa, ariza beruvchining murojaati rad etiladi. Nav namunalarini tanlab olish tartibi Davlat xizmatlari koʻrsatish uchun Oʻzagroinspeksiyaning mutaxassislari tomonidan urugʻlik toʻdalaridan amaldagi standart talablari asosida ariza beruvchi yoki uning ishonchli vakili ishtirokida nav namunalarini besh ish kunida tanlab olinadi va dalolatnoma rasmiylashtiriladi. Tanlab olingan har bir nav namunasida tashqi va ichki yorliqlar boʻlishi kerak. Har bir nav namunalarining yorliqlarida urugʻlik tayyorlovchining nomi, ekin turi, navi, avlodi, urugʻning kelib chiqishi, toʻda raqami, toʻda vazni, aprobatsiya boʻyicha nav tozaligi va namuna vazni kabi maʼlumotlar boʻlishi lozim. Nav namunalarini tanlab olishda urugʻlik saqlanish sharoitlari tekshiriladi va tekshiruv natijalari toʻgʻrisidagi maʼlumotlar bilan birga nav nazorati uchun tanlab olingan urugʻlik chigitning oʻrtacha namuna dalolatnomasi Oʻzagroinspeksiyaning mutaxassisi tomonidan rasmiylashtiriladi. Dalolatnomaning bitta asl nusxasi ariza beruvchida yoki uning vakilida qoldiriladi. Mazkur dalolatnomaning asl nusxasi namuna bilan birgalikda boʻz qopchalarga joylashtirilib, ikki ish kunida dala tajribalarini oʻtkazish maydonchasi (GRUNT nav nazorat) yaʼni, qishloq xoʻjaligi ekinlari urugʻlarini tuproqda baholash, obodonlashtirish, bino va yerdan foydalanish boʻlimiga yuboriladi. Nav namunalarini ekishga tayyorlash Tanlab olingan nav namunalari bir ish kunida roʻyxatga olinadi va ekish roʻyxati (ekish vedomosti) tuziladi. Roʻyxatga olingan nav namunalaridan ekish uchun ishchi namunalari tayyorlanib, maxsus boʻz qopchalarga joylashtiriladi va uch ish kunida maydonchalarning tartib raqami qoʻyiladi. Ekish uchun jamlangan barcha nav namunalari kasallik va zararkunandalarga qarshi kimyoviy preparatlar bilan ishlov berilgan boʻlishi lozim. Kimyoviy preparatlar bilan ishlov berilmagan toʻdalardan olingan nav namunalari boʻyicha davlat xizmatlarini koʻrsatish Oʻzagroinspeksiya bilan tuzilgan shartnomaga muvofiq amalga oshiriladi. Nav namunalarini ekish Nav namunalari hudud uchun maqbul boʻlgan muddatda, yaʼni ob-havo, tabiiy iqlim sharoitidan kelib chiqqan holda mart va aprel oylarida ekiladi. Nav namunalari dala tajriba maydonida 25 metr uzunlikda ikki qaytariqda ekiladi. Nav namunalari yuqori avlodlar boʻyicha tartib asosida ekiladi. Tajriba dalasida unib chiqmagan xatolar oʻrniga ekish va qayta ekishga ruxsat etilmaydi. Ekinlarni parvarishlash ishlari hududda amalda boʻlgan agrotexnik tadbirlarni oʻtkazish boʻyicha tavsiya va koʻrsatmalar asosida amalga oshiriladi. Nav tozaligini baholash natijalarini rasmiylashtirish Nav namunalarida nav tozaligi har yili avgust oyida nav muallifi tomonidan taqdim etilgan navlarning morfologik belgilari tavsifnomasi asosida aniqlanadi. Nav namunalarining tahlil natijalariga koʻra Oʻzagroinspeksiya tomonidan ijobiy yoki salbiy xulosalar rasmiylashtiriladi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 18-ILOVA

Dori vositalari va biologik faol qoʻshimchalarni teleradiokanallar orqali reklama qilish boʻyicha xulosa berish

1. Xulosa nomi Dori vositalari va biologik faol qoʻshimchalarni teleradiokanallar orqali reklama qilish boʻyicha xulosa 2. Xulosa beriladigan obyekt (harakat, faoliyat, tovar va boshqalar) Dori vositalari va biologik faol qoʻshimchalarni teleradiokanallar orqali reklama qilish 3. Xulosa olishni soʻrab murojaat qiladigan shaxslar toifasi Yuridik shaxslar 4. Xulosani berishga vakolatli organ (lar) Sogʻliqni saqlash vazirligi 5. Xulosa olish uchun talab etiladigan maʼlumotlar va hujjatlar Ariza. Arizada quyidagi maʼlumotlar koʻrsatiladi: yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, telefon raqami, STIR, elektron pochta manzili (mavjud boʻlsa); dori vositalari va biologik faol qoʻshimchalarning teleradiokanallar orqali reklamasining kontenti (fayl, audio, videorolik, reklama matni). 6. Arizani koʻrib chiqish uchun toʻlanadigan yigʻim miqdori Yigʻim undirilmaydi 7. Xulosa berganlik uchun undiriladigan yigʻim miqdori Yigʻim undirilmaydi 8. Xulosa berish boʻyicha arizalarni koʻrib chiqish muddati 5 ish kuni 9. Xulosa berishning talab va mezonlari Dori vositalari va biologik faol qoʻshimchalarning teleradiokanallar orqali reklamasi kontentining “Reklama toʻgʻrisida”gi Qonun , “Dori vositalari va farmatsevtika faoliyati toʻgʻrisida”gi Qonun , Oʻzbekiston Respublikasi Prezidentining “Farmatsevtika sohasini tartibga solish boʻyicha qoʻshimcha chora-tadbirlar toʻgʻrisida” 2024-yil 23-yanvardagi PF–20-son Farmoni va boshqa qonunchilik hujjatlarida, shuningdek, dori vositalari va biologik faol qoʻshimchalarga oid texnik jihatdan tartibga solish sohasidagi normativ hujjatlarda belgilangan talablarga, qoʻllash yoʻriqnomalariga muvofiqligi. 10. Xulosaning amal qilish muddati Cheklanmagan 11. Izoh Yuridik shaxsning tashkiliy-huquqiy shakli, nomi yoki joylashgan joyi (pochta manzili) oʻzgarganda, xulosani qayta rasmiylashtirish talab etilmaydi.

Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona maʼmuriy reglamentiga 19-ILOVA

Bino (inshoot) va xonalarning sanitariya-gigiyena normalariga muvofiqligi toʻgʻrisidagi xulosani berish

1. Xulosa nomi: Bino (inshoot) va xonalarning sanitariya-gigiyena normalariga muvofiqligi toʻgʻrisidagi xulosa. 2. Xulosa beriladigan obyekt (harakat, faoliyat, tovar va boshqalar): Bino (inshoot) va xonalar. 3. Xulosa olishni soʻrab murojaat qiladigan shaxslar toifasi: Jismoniy va yuridik shaxslar. 4. Xulosani berishga vakolatli organ(lar): Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining hududiy boshqarmalari hamda tuman (shahar) boʻlimlari. 5. Xulosa olish uchun talab etiladigan maʼlumotlar va hujjatlar: a) Ariza. Arizada quyidagilar koʻrsatiladi: yuridik shaxsning nomi va tashkiliy-huquqiy shakli, telefon raqami, STIR, elektron pochta manzili (agar mavjud boʻlsa); bino (inshoot) va xonalarning joylashgan manzili; bino (inshoot) va xonalarning sanitariya-gigiyena normalariga muvofiqligi toʻgʻrisidagi xulosasini olish maqsadi (aniq koʻrsatiladi); b) bino (inshoot) va xonalarning atrof-muhit muhofazasi loyihasi. 6. Arizani koʻrib chiqish uchun toʻlanadigan yigʻim miqdori: Yigʻim undirilmaydi. 7. Xulosa berganlik uchun undiriladigan yigʻim miqdori: Bazaviy hisoblash miqdorining 70 foizi. 8. Xulosa berish boʻyicha arizalarni koʻrib chiqish muddati: 5 ish kuni. 9. Xulosa berishning talab va mezonlari: Bino (inshoot) va xonalarni joylashtirish va ulardan foydalanishga qoʻyiladigan sanitariya qoidalari, normalari va gigiyena normativlariga talablariga muvofiqligi. 10. Xulosaning amal qilish muddati: 3 yil. 11. Izoh: Yuridik shaxsning tashkiliy-huquqiy shakli, uning nomi yoki joylashgan joyi (pochta manzili) oʻzgarganda xulosani qayta rasmiylashtirish talab etilmaydi. Bino (inshoot) va xonalar — umumiy maydonda joylashgan bir yoki bir nechta bino (inshoot) va xonalarning mavjudligi; Bino (inshoot) va xonalarning sanitariya-gigiyena normalariga muvofiqligi toʻgʻrisidagi xulosasi — xoʻjalik va boshqa faoliyat turlari, mahsulotlar, ishlar va xizmatlar, shuningdek, loyiha hujjatlari, qurilish loyihalari va foydalanish hujjatlari hamda laboratoriya tahlillari natijalarining sanitariya qoidalari, normalari va gigiyena normativlariga muvofiqligini tasdiqlovchi sanitariya-epidemiologiya hujjati.

Vazirlar Mahkamasining 2024-yil 29-martdagi 169-son qaroriga 2-ILOVA

Vazirlar Mahkamasining “Daryo transportida davlat xizmatlari koʻrsatishning maʼmuriy reglamentini tasdiqlash toʻgʻrisida” 2022-yil 7-apreldagi 167-son qaroriga kiritilayotgan oʻzgartirishlar

1. 1-bandda :

toʻrtinchi xatboshidagi “kemalarning texnik loyiha hujjatlarini kelishish” soʻzlari chiqarib tashlansin;

yettinchi xatboshi chiqarib tashlansin;

sakkizinchi xatboshi yettinchi xatboshi deb hisoblansin.

2. Daryo transportida davlat xizmatlari koʻrsatishning maʼmuriy reglamentida :

1-banddagi “hamda texnik loyiha hujjatlarini koʻrib chiqish” soʻzlari chiqarib tashlansin;

6-bobning nomidagi “kemalarning texnik loyiha hujjatlarini kelishish” soʻzlari chiqarib tashlansin;

37-banddagi “va texnik loyiha hujjatlarini koʻrib chiqish” soʻzlari chiqarib tashlansin;

13-bob oʻz kuchini yoʻqotgan deb hisoblansin.

3. Kemalarni qurish, yangidan jihozlash, taʼmirlash va ulardan foydalanish davrida Registr xizmatlari uchun tariflarida :

2-bobning nomidagi “texnik loyiha hujjatlarini koʻrib chiqish, ularni” soʻzlari chiqarib tashlansin;

6-band oʻz kuchini yoʻqotgan deb hisoblansin.

Vazirlar Mahkamasining 2024-yil 29-martdagi 169-son qaroriga 3-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan qarorlari

1. Vazirlar Mahkamasining “Yer osti suvlaridan foydalanishga oid ruxsat etuvchi hujjatlarni berish tartibini yanada takomillashtirish chora-tadbirlari toʻgʻrisida” 2021-yil 8-yanvardagi 9-son qarorining 1-bandi ikkinchi xatboshisi hamda qarorga 1-ilova .

2. Vazirlar Mahkamasining “Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasi faoliyatini tashkil etish chora-tadbirlari toʻgʻrisida” 2022-yil 5-avgustdagi 431-son qaroriga 3-ilovaning 60-bandi “a” kichik bandi .

3. Vazirlar Mahkamasining “Oʻzbekiston Respublikasi Hukumatining ayrim qarorlariga davlat xizmatlari koʻrsatishni soddalashtirish, byurokratik toʻsiqlarni qisqartirish hamda davlat xizmatlari koʻrsatish milliy tizimini rivojlantirishga qaratilgan oʻzgartirish va qoʻshimchalar kiritish toʻgʻrisida” 2022-yil 28-sentabrdagi 541-son qaroriga ilovaning 28-bandi “a” kichik bandi .

4. Vazirlar Mahkamasining “Qishloq xoʻjaligi ekinlari urugʻlarini sertifikatlash va navdorligini baholash boʻyicha davlat xizmatlari koʻrsatishni takomillashtirish toʻgʻrisida” 2022-yil 16-dekabrdagi 712-son qarorining 2-bandi “ b ” va “v” kichik bandlari hamda qarorga 2 va 3-ilovalar .

5. Vazirlar Mahkamasining “Davlat yongʻin nazorati hamda sanitariya-epidemiologiya sohasida davlat xizmatlarini koʻrsatishni yanada takomillashtirishning qoʻshimcha chora-tadbirlari toʻgʻrisida” 2023-yil 4-apreldagi 142-son qarorining 1-bandi hamda qarorga 1 va 2-ilovalar .

Oʻzbekiston Respublikasining Bosh vaziri A. ARIPOV

Toshkent sh.,

2024-yil 29-mart,

169-son

(Qonunchilik maʼlumotlari milliy bazasi, 02.04.2024-y., 09/24/169/0260-son; 25.11.2024-y., 09/24/780/0962-son; 03.03.2025-y., 09/25/135/0208-son; 02.04.2025-y., 09/25/197/0299-son; 05.05.2025-y., 09/25/289/0406-son; 16.12.2025-y., 09/25/791/1167-son; 25.12.2025-y., 09/25/821/1211-son; 22.06.2026-y., 09/26/315/0614-son; 15.07.2026-y., 09/26/381/0734-son)

lex.uz