📅 2024-yil 2-aprel · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 2 апрель · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 2 апреля 2024 г. · Законы и кодексы
Официальный текст. Официальный документ. Редакционные примечания не включены.
📅 2 April 2024 · Laws and codes
Official text. Official document. Editorial notes are not included.
Ўзбекистон Республикасининг Қонуни
Камбағалликни қисқартиришда тадбиркорлик субъектлари билан ўзаро манфаатли ҳамкорлик ўрнатишга қаратилган чора‑тадбирлар белгиланганлиги муносабати билан Ўзбекистон Республикасининг Солиқ кодексига қўшимчалар киритиш тўғрисида
Қонунчилик палатаси томонидан 2023 йил 26 декабрда қабул қилинган Сенат томонидан 2024 йил 9 февралда маъқулланган
Кейинги йилларда мамлакатимизда ижтимоий ҳимояга муҳтож оилаларни қўллаб-қувватлаш тизими самарадорлигини ошириш доирасида камбағалликни қисқартириш ҳамда кам таъминланган оилалар аъзолари бандлигини таъминлашга қаратилган кенг кўламли ишлар амалга оширилмоқда.
Шу билан бирга солиқ имтиёзлари ва преференциялар, хусусан, солиқларни бўлиб-бўлиб тўлаш имкониятини бериш ҳамда пасайтирилган солиқ ставкаларини белгилаш орқали тадбиркорлик субъектларини камбағалликни қисқартиришга қаратилган чора-тадбирларга фаол жалб қилиш мақсадга мувофиқ.
Шу туфайли ушбу Қонун билан Ўзбекистон Республикасининг Солиқ кодексига тадбиркорлик субъектларига улар яратган янги иш ўринлари сонига қараб тегишли солиқларни муайян муддатларда бўлиб-бўлиб тўлаш имконияти берилишини, шунингдек юридик шахсларнинг мол-мулкига солинадиган солиқ ва юридик шахслардан олинадиган ер солиғи пасайтирилган солиқ ставкалари бўйича тўланишини назарда тутувчи қўшимчалар киритилмоқда.
Ушбу Қонун аҳоли бандлигининг ўсишига, камбағалликни қисқартиришга ҳамда кам таъминланган оилалар аъзоларини ишга қабул қилишда тадбиркорлик субъектларини рағбатлантириш учун қулай шарт-шароитлар яратишга хизмат қилади.
1-модда . Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодексига (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1199-модда; 2022 йил, № 2, 79-модда, № 3, 215, 216-моддалар, № 5, 461, 464, 467-моддалар, № 6, 570-модда, № 7, 664, 666-моддалар, № 12, 1190-модда; 2023 йил, № 6, 444, 446-моддалар, № 7, 540-модда) қуйидаги қўшимчалар киритилсин:
1) 482-модда қуйидаги мазмундаги ўн иккинчи ва ўн учинчи қисмлар билан тўлдирилсин:
«Ҳамкорлик шартномалари»га асосан «20 минг тадбиркор — 500 минг малакали мутахассис» дастурига киритилган тадбиркорлик субъектларига (бундан Тошкент шаҳрида рўйхатдан ўтган тадбиркорлик субъектлари мустасно) ушбу Кодекс 17-моддаси биринчи қисмининг 2, 3 (бундан тўлов манбаидан олинадиган фойда солиғи мустасно) ва 5 — 9-бандларида кўрсатилган солиқларни ҳамда айланмадан олинадиган солиқни ушбу субъектлар яратган янги иш ўринлари сонига қараб қуйидаги муддатларда бўлиб-бўлиб тўлаш имконияти берилади:
51 тадан 100 тагача янги иш ўрни яратилганда — уч ойгача;
101 тадан 200 тагача янги иш ўрни яратилганда — олти ойгача;
200 тадан ортиқ янги иш ўрни яратилганда — ўн икки ойгача.
Ушбу модданинг ўн иккинчи қисмида кўрсатилган солиқлар бўйича бўлиб-бўлиб тўлаш имконияти:
«20 минг тадбиркор — 500 минг малакали мутахассис» дастурига киритилган тадбиркорлик субъектларининг аризасига асосан Ўзбекистон Республикаси Вазирлар Маҳкамаси ҳузуридаги Солиқ қўмитаси томонидан;
ушбу Кодекснинг 13-бобида назарда тутилган мол-мулк гарови, кафиллик ёхуд банк кафолати таъминотисиз ушбу Кодекснинг 100-моддасида назарда тутилган фоизлар ҳисобланмаган ҳолда, шунингдек молиявий ҳолат таҳлил қилинмаган ва ушбу Кодекс 101-моддасининг иккинчи қисмида назарда тутилган ҳужжатлар тақдим этилмаган ҳолда (бундан ушбу Кодекс 98-моддасининг биринчи қисмида назарда тутилган ҳоллар мустасно) берилади»;
2) 483-модда қуйидаги мазмундаги қирқ олтинчи, қирқ еттинчи ва қирқ саккизинчи қисмлар билан тўлдирилсин:
«20 минг тадбиркор — 500 минг малакали мутахассис» дастурига киритилган тадбиркорлик субъектлари юридик шахсларнинг мол-мулкига солинадиган солиқ ва юридик шахслардан олинадиган ер солиғини 2025 йил 1 январга қадар қуйидаги миқдорда пасайтирилган солиқ ставкалари бўйича тўлайди:
51 тадан 100 тагача янги иш ўрни яратилганда — белгиланган солиқ ставкасининг 50 фоизи;
101 дан 200 тагача янги иш ўрни яратилганда — белгиланган солиқ ставкасининг 75 фоизи;
200 дан ортиқ янги иш ўрни яратилганда — ушбу солиқларни тўлашдан озод этилади.
Ушбу модданинг қирқ олтинчи қисмида назарда тутилган имтиёзлар «ҳамкорлик шартномалари»га асосан «20 минг тадбиркор — 500 минг малакали мутахассис» дастурига киритилган тадбиркорлик субъектларига (бундан Тошкент шаҳрида рўйхатдан ўтган тадбиркорлик субъектлари мустасно) улар бир вақтнинг ўзида қуйидаги шартларга риоя этган тақдирда берилади:
«Ижтимоий ҳимоянинг ягона реестри»га киритилган фуқаролар ишга қабул қилинганда ва камида бир йил давомида уларга ҳар ойда меҳнатга ҳақ тўлаш энг кам миқдорининг бир баравари миқдоридан кам бўлмаган иш ҳақи тўланган ҳолда, уларнинг бандлиги таъминланганда;
ушбу фуқаролар жами ишчилар сонининг камида 20 фоизини ташкил этганда.
«Ҳамкорлик шартномалари» бўйича мажбуриятлар тадбиркорлик субъектлари томонидан бажарилмаган тақдирда, ушбу модданинг қирқ олтинчи қисмида назарда тутилган солиқ имтиёзларининг амал қилиши солиқ имтиёзларини қўллашнинг бутун даври учун бекор қилиниб, ушбу солиқларни тўлашга доир мажбуриятлар тикланади».
2-модда. Ўзбекистон Республикаси Иқтисодиёт ва молия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ушбу Қонун 1-моддасининг қоидалари 2023 йил 1 июлдан эътиборан юзага келган муносабатларга нисбатан ҳам татбиқ этилади.
Ўзбекистон Республикасининг Президенти Ш. МИРЗИЁЕВ
Тошкент ш.,
2024 йил 2 апрель,
ЎРҚ-923-сон
Oʻzbekiston Respublikasining Qonuni
Kambagʻallikni qisqartirishda tadbirkorlik subyektlari bilan oʻzaro manfaatli hamkorlik oʻrnatishga qaratilgan chora‑tadbirlar belgilanganligi munosabati bilan Oʻzbekiston Respublikasining Soliq kodeksiga qoʻshimchalar kiritish toʻgʻrisida
Qonunchilik palatasi tomonidan 2023-yil 26-dekabrda qabul qilingan Senat tomonidan 2024-yil 9-fevralda maʼqullangan
Keyingi yillarda mamlakatimizda ijtimoiy himoyaga muhtoj oilalarni qoʻllab-quvvatlash tizimi samaradorligini oshirish doirasida kambagʻallikni qisqartirish hamda kam taʼminlangan oilalar aʼzolari bandligini taʼminlashga qaratilgan keng koʻlamli ishlar amalga oshirilmoqda.
Shu bilan birga soliq imtiyozlari va preferensiyalar, xususan, soliqlarni boʻlib-boʻlib toʻlash imkoniyatini berish hamda pasaytirilgan soliq stavkalarini belgilash orqali tadbirkorlik subyektlarini kambagʻallikni qisqartirishga qaratilgan chora-tadbirlarga faol jalb qilish maqsadga muvofiq.
Shu tufayli ushbu Qonun bilan Oʻzbekiston Respublikasining Soliq kodeksiga tadbirkorlik subyektlariga ular yaratgan yangi ish oʻrinlari soniga qarab tegishli soliqlarni muayyan muddatlarda boʻlib-boʻlib toʻlash imkoniyati berilishini, shuningdek yuridik shaxslarning mol-mulkiga solinadigan soliq va yuridik shaxslardan olinadigan yer soligʻi pasaytirilgan soliq stavkalari boʻyicha toʻlanishini nazarda tutuvchi qoʻshimchalar kiritilmoqda.
Ushbu Qonun aholi bandligining oʻsishiga, kambagʻallikni qisqartirishga hamda kam taʼminlangan oilalar aʼzolarini ishga qabul qilishda tadbirkorlik subyektlarini ragʻbatlantirish uchun qulay shart-sharoitlar yaratishga xizmat qiladi.
1-modda . Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda; 2023-yil, № 6, 444, 446-moddalar, № 7, 540-modda) quyidagi qoʻshimchalar kiritilsin:
1) 482-modda quyidagi mazmundagi oʻn ikkinchi va oʻn uchinchi qismlar bilan toʻldirilsin:
“Hamkorlik shartnomalari”ga asosan “20 ming tadbirkor — 500 ming malakali mutaxassis” dasturiga kiritilgan tadbirkorlik subyektlariga (bundan Toshkent shahrida roʻyxatdan oʻtgan tadbirkorlik subyektlari mustasno) ushbu Kodeks 17-moddasi birinchi qismining 2, 3 (bundan toʻlov manbaidan olinadigan foyda soligʻi mustasno) va 5 — 9-bandlarida koʻrsatilgan soliqlarni hamda aylanmadan olinadigan soliqni ushbu subyektlar yaratgan yangi ish oʻrinlari soniga qarab quyidagi muddatlarda boʻlib-boʻlib toʻlash imkoniyati beriladi:
51 tadan 100 tagacha yangi ish oʻrni yaratilganda — uch oygacha;
101 tadan 200 tagacha yangi ish oʻrni yaratilganda — olti oygacha;
200 tadan ortiq yangi ish oʻrni yaratilganda — oʻn ikki oygacha.
Ushbu moddaning oʻn ikkinchi qismida koʻrsatilgan soliqlar boʻyicha boʻlib-boʻlib toʻlash imkoniyati:
“20 ming tadbirkor — 500 ming malakali mutaxassis” dasturiga kiritilgan tadbirkorlik subyektlarining arizasiga asosan Oʻzbekiston Respublikasi Vazirlar Mahkamasi huzuridagi Soliq qoʻmitasi tomonidan;
ushbu Kodeksning 13-bobida nazarda tutilgan mol-mulk garovi, kafillik yoxud bank kafolati taʼminotisiz ushbu Kodeksning 100-moddasida nazarda tutilgan foizlar hisoblanmagan holda, shuningdek moliyaviy holat tahlil qilinmagan va ushbu Kodeks 101-moddasining ikkinchi qismida nazarda tutilgan hujjatlar taqdim etilmagan holda (bundan ushbu Kodeks 98-moddasining birinchi qismida nazarda tutilgan hollar mustasno) beriladi”;
2) 483-modda quyidagi mazmundagi qirq oltinchi, qirq yettinchi va qirq sakkizinchi qismlar bilan toʻldirilsin:
“20 ming tadbirkor — 500 ming malakali mutaxassis” dasturiga kiritilgan tadbirkorlik subyektlari yuridik shaxslarning mol-mulkiga solinadigan soliq va yuridik shaxslardan olinadigan yer soligʻini 2025-yil 1-yanvarga qadar quyidagi miqdorda pasaytirilgan soliq stavkalari boʻyicha toʻlaydi:
51 tadan 100 tagacha yangi ish oʻrni yaratilganda — belgilangan soliq stavkasining 50 foizi;
101 dan 200 tagacha yangi ish oʻrni yaratilganda — belgilangan soliq stavkasining 75 foizi;
200 dan ortiq yangi ish oʻrni yaratilganda — ushbu soliqlarni toʻlashdan ozod etiladi.
Ushbu moddaning qirq oltinchi qismida nazarda tutilgan imtiyozlar “hamkorlik shartnomalari”ga asosan “20 ming tadbirkor — 500 ming malakali mutaxassis” dasturiga kiritilgan tadbirkorlik subyektlariga (bundan Toshkent shahrida roʻyxatdan oʻtgan tadbirkorlik subyektlari mustasno) ular bir vaqtning oʻzida quyidagi shartlarga rioya etgan taqdirda beriladi:
“Ijtimoiy himoyaning yagona reyestri”ga kiritilgan fuqarolar ishga qabul qilinganda va kamida bir yil davomida ularga har oyda mehnatga haq toʻlash eng kam miqdorining bir baravari miqdoridan kam boʻlmagan ish haqi toʻlangan holda, ularning bandligi taʼminlanganda;
ushbu fuqarolar jami ishchilar sonining kamida 20 foizini tashkil etganda.
“Hamkorlik shartnomalari” boʻyicha majburiyatlar tadbirkorlik subyektlari tomonidan bajarilmagan taqdirda, ushbu moddaning qirq oltinchi qismida nazarda tutilgan soliq imtiyozlarining amal qilishi soliq imtiyozlarini qoʻllashning butun davri uchun bekor qilinib, ushbu soliqlarni toʻlashga doir majburiyatlar tiklanadi”.
2-modda. Oʻzbekiston Respublikasi Iqtisodiyot va moliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Ushbu Qonun 1-moddasining qoidalari 2023-yil 1-iyuldan eʼtiboran yuzaga kelgan munosabatlarga nisbatan ham tatbiq etiladi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2024-yil 2-aprel,
OʻRQ-923-son
Закон Республики Узбекистан
О внесении дополнений в Налоговый кодекс Республики Узбекистан в связи с определением мер, направленных на установление взаимовыгодного сотрудничества с субъектами предпринимательства по сокращению бедности
Принят Законодательной палатой 26 декабря 2023 года Одобрен Сенатом 9 февраля 2024 года
В последние годы в стране в рамках повышения эффективности системы поддержки семей, нуждающихся в социальной защите, проводится широкомасштабная работа, направленная на сокращение бедности и обеспечение занятости членов малообеспеченных семей.
Вместе с тем целесообразно активно вовлекать субъектов предпринимательства в мероприятия, направленные на сокращение бедности, путем предоставления налоговых льгот и преференций, в частности возможности рассрочки по уплате налогов и установления сниженных налоговых ставок.
В связи с этим настоящим Законом в Налоговый кодекс Республики Узбекистан вносятся дополнения, предусматривающие предоставление субъектам предпринимательства рассрочки по уплате соответствующих налогов на определенные сроки в зависимости от количества созданных ими новых рабочих мест, а также уплату налога на имущество юридических лиц и земельного налога с юридических лиц по сниженным налоговым ставкам.
Настоящий Закон послужит созданию благоприятных условий для роста занятости населения, сокращения бедности и поощрения субъектов предпринимательства при приеме ими на работу членов малообеспеченных семей.
Статья 1 . Внести в Налоговый кодекс Республики Узбекистан, утвержденный в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4, № 8, ст. 800, № 9, ст. 901, № 10, ст.ст. 968, 969, 972, 973, № 12, ст. 1199; 2022 г., № 2, ст. 79, № 3, ст.ст. 215, 216, № 5, ст.ст. 461, 464, 467, № 6, ст. 570, № 7, ст.ст. 664, 666, № 12, ст. 1190; 2023 г., № 6, ст.ст. 444, 446, № 7, ст. 540), следующие дополнения:
1) статью 482 дополнить частями двенадцатой и тринадцатой следующего содержания:
«Субъектам предпринимательства, включенным в Программу «20 тысяч предпринимателей — 500 тысяч квалифицированных специалистов» (за исключением субъектов предпринимательства, зарегистрированных в городе Ташкенте) на основании «договоров о сотрудничестве», предоставляется рассрочка по уплате налогов, указанных в пунктах 2, 3 (за исключением налога на прибыль у источника выплаты) и 5 — 9 части первой статьи 17 настоящего Кодекса, и налога с оборота на следующие сроки в зависимости от количества созданных данными субъектами новых рабочих мест:
до трех месяцев — при создании от 51 до 100 новых рабочих мест;
до шести месяцев — при создании от 101 до 200 новых рабочих мест;
до двенадцати месяцев — при создании свыше 200 новых рабочих мест.
Рассрочка по налогам, указанным в части двенадцатой настоящей статьи, предоставляется:
Налоговым комитетом при Кабинете Министров Республики Узбекистан на основании заявления субъектов предпринимательства, включенных в Программу «20 тысяч предпринимателей — 500 тысяч квалифицированных специалистов»;
без обеспечения залогом имущества, поручительства либо банковской гарантии, предусмотренных главой 13 настоящего Кодекса, без начисления процентов, предусмотренных статьей 100 настоящего Кодекса, а также без проведения анализа финансового состояния и представления документов, предусмотренных частью второй статьи 101 настоящего Кодекса (за исключением случаев, предусмотренных частью первой статьи 98 настоящего Кодекса)»;
2) статью 483 дополнить частями сорок шестой, сорок седьмой и сорок восьмой следующего содержания:
«До 1 января 2025 года субъекты предпринимательства, включенные в Программу «20 тысяч предпринимателей — 500 тысяч квалифицированных специалистов», уплачивают налог на имущество юридических лиц и земельный налог с юридических лиц по налоговым ставкам, сниженным на:
50 процентов от установленной налоговой ставки — при создании ими от 51 до 100 новых рабочих мест;
75 процентов от установленной налоговой ставки — при создании ими от 101 до 200 новых рабочих мест;
при создании свыше 200 новых рабочих мест — освобождаются от уплаты этих налогов.
Льготы, предусмотренные частью сорок шестой настоящей статьи, предоставляются субъектам предпринимательства, включенным в Программу «20 тысяч предпринимателей — 500 тысяч квалифицированных специалистов» (за исключением субъектов предпринимательства, зарегистрированных в городе Ташкенте) на основании «договоров о сотрудничестве», при соблюдении ими одновременно следующих условий:
прием на работу граждан, включенных в «Единый реестр социальной защиты», и обеспечение их занятости в течение не менее одного года с ежемесячной выплатой им заработной платы в размере не менее одного минимального размера оплаты труда;
доля указанных граждан от общей численности работников составляет не менее 20 процентов.
При невыполнении субъектами предпринимательства обязательств по «договорам о сотрудничестве» действие налоговых льгот, предусмотренных частью сорок шестой настоящей статьи, аннулируется с восстановлением обязательств по уплате этих налогов за весь период применения налоговых льгот».
Статья 2. Министерству экономики и финансов Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Положения статьи 1 настоящего Закона распространяются также на отношения, возникшие с 1 июля 2023 года.
Президент Республики Узбекистан Ш. МИРЗИЁЕВ
г. Ташкент,
2 апреля 2024 г.,
№ ЗРУ-923