📅 2024-yil 2-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 2 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 апреля 2024 г. · Постановления Президента
Официальный текст. Официальный документ. Редакционные примечания не включены.
📅 2 April 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Оилавий тадбиркорликни ривожлантириш дастурлари доирасида аҳолининг бизнес ташаббусларини молиялаштиришни такомиллаштиришга доир қўшимча чора-тадбирлар тўғрисида
Аҳолининг бандлигини таъминлаш ва даромад топишга қаратилган фаолиятини молиявий қўллаб-қувватлаш борасидаги тадбирларни тизимли равишда давом эттириш мақсадида:
1. Қуйидагилар:
2024 йилда оилавий тадбиркорликни ривожлантириш дастурлари (кейинги ўринларда — дастурлар) доирасидаги лойиҳалар аввалги йилларда ажратилган кредитларнинг сўндирилиши ва қўшимча маблағлар йўналтирилиши ҳисобидан молиялаштирилиши;
дастурлар доирасида сўндирилган кредитлар ҳисобидан шаклланган ресурслар биринчи навбатда мазкур ҳудуддаги лойиҳаларни молиялаштиришга йўналтирилиши;
лойиҳаларни молиялаштириш учун мақсадли жамғармалар ҳамда Тикланиш ва тараққиёт жамғармасининг ресурслари тижорат банкларига Марказий банкнинг асосий ставкасида жойлаштирилиши;
Марказий банкнинг асосий ставкаси пасайтирилган тақдирда, ресурс маблағлари ва кредит бўйича фоиз ставкаси мутаносиб равишда пасайтирилиши, оширилган тақдирда эса ўзгаришсиз қолиши маълумот учун қабул қилинсин.
2. Белгилансинки, 2024 йил 1 апрелдан бошлаб дастурлар доирасида кредитлар ўзини ўзи банд қилган жисмоний шахсларга (асосий иш жойига эга шахслар бундан мустасно):
а) 33 миллион сўмгача, бир йилдан сўнг ушбу қарз олувчининг тадбиркорлик фаолияти самарадорлиги, қарзнинг мақсадли ишлатилганлиги ҳамда заруратга қараб гуруҳ кафиллиги (камида 3 нафар фуқаро) билан қўшимча 50 млн сўмгача револьвер асосида;
б) ушбу кредитлардан томорқани ривожлантиришнинг бир нечта йўналишларида (паррандачилик, қуёнчилик, чорвачилик, асаларичилик, балиқчилик ва ихчам иссиқхона) фойдаланиши учун;
в) ер майдони 10 сотихдан ортиқ бўлган томорқа ер эгаларига ва ижарачиларга 50 млн сўмгача гаровсиз;
г) 10 сотихли ихчам иссиқхоналарни барпо этиш ва балиқчилик фаолиятини ташкил этиш учун 100 млн сўмгача гаровсиз ажратилади.
Бунда:
чорвачиликни ривожлантириш йўналишида кредитлар туман (шаҳар) ветеринария бўлими томонидан идентификация қилинган (биркалаш усули) ва ҳақиқатдан етказиб берилган чорва молларини (қорамол, қўй, эчки) сотиб олишга;
аҳоли томорқасида бизнесни йўлга қўйиш учун ўзларининг ички имкониятларидан фойдаланган ҳолда тадбиркорлик қилишни истаган Ижтимоий реестрга киритилган оилаларга иссиқхона қуриш, чорва моллари боқиш, паррандачилик, қуёнчилик, томорқага мавсумий экинлар экиш учун кредитлар нақд пулда берилиши мумкин.
3. Рақобатни ривожлантириш ва истеъмолчилар ҳуқуқларини ҳимоя қилиш қўмитаси Савдо-саноат палатаси ҳамда Солиқ қўмитаси билан биргаликда дастурлар доирасида кредитлар ҳисобига маҳсулот (хизмат)ларнинг етказиб берилишида шаффофликни таъминлаш мақсадида «маркетплейс» эркин савдо майдончасида рақобат муҳитини шакллантириш, нархларнинг сунъий оширилишига йўл қўймаслик, таъминотчи корхоналар томонидан маҳсулот (хизмат)ларнинг ўз вақтида ва сифатли етказиб берилишини таъминлаш юзасидан кучайтирилган назоратни амалга оширсин.
4. Маҳаллабай ишлаш ва тадбиркорликни ривожлантириш агентлиги ваколатли банклар билан биргаликда 2024 йил 1 июлдан бошлаб маҳаллаларда дастурлар доирасида ажратилган кредитлардан мақсадли фойдаланилиши мониторингини ва уларнинг самарадорлигини баҳолаш механизмини жорий этсин.
5. Иқтисодиёт ва молия вазирлиги мақсадли дастурларни молиялаштириш учун Ўзбекистон Республикаси республика бюджетидан АТ «Халқ банки»га 1 220 миллиард сўм ва «Микрокредитбанк» АТБга 490 миллиард сўм ҳамда Тикланиш ва тараққиёт жамғармаси томонидан АТ «Халқ банки»га 1 837 миллиард сўм ва «Микрокредитбанк» АТБга 1 233 миллиард сўм миқдорида ажратилган маблағларни ушбу банкларнинг устав капиталини оширишга йўналтирсин.
6. 2024 йил 1 апрелдан бошлаб Ҳунармандчиликни ривожлантириш, Хотин-қизлар тадбиркорлигини қўллаб-қувватлаш, Ёшлар тадбиркорлигини қўллаб-қувватлаш, «Yoshlar — kelajagimiz» дастурлари доирасида мавжуд ва аввал берилган кредитларнинг сўндирилиши ҳисобидан шаклланадиган маблағлар «Ҳар бир оила — тадбиркор» дастурига йўналтирилсин.
7. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига иловага мувофиқ ўзгартириш ва қўшимчалар киритилсин.
8. Марказий банк манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2024 йил 2 апрелдаги ПҚ-149-сон қарорига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 7 июндаги «Ҳар бир оила — тадбиркор» дастурини амалга ошириш тўғрисида»ги ПҚ-3777-сон қарори 9-бандининг иккинчи хатбошиси қуйидаги таҳрирда баён этилсин:
«33 миллион сўмгача бўлган миқдорда — ўзини ўзи банд қилган жисмоний шахсларга (асосий иш жойига эга шахслар бундан мустасно) ҳамда белгиланган тартибда давлат рўйхатидан ўтган кичик тадбиркорлик субъектларига ҳар бир маҳаллага бириктирилган ҳоким ёрдамчисининг тавсиялари».
2. Ўзбекистон Республикаси Президентининг 2021 йил 20 декабрдаги «Оилавий тадбиркорликни ривожлантириш ва аҳолининг даромад манбаини кенгайтиришга доир қўшимча чора-тадбирлар тўғрисида»ги ПҚ-55-сон қарорининг 1-бандида :
а) «б» кичик бандда :
иккинчи хатбоши қуйидаги таҳрирда баён этилсин:
«оилавий тадбиркорлик, даромад топишга қаратилган муайян меҳнат фаолияти билан шуғулланиш ва фаолият турини кенгайтириш истагини билдирган ўзини ўзи банд қилган шахсларга (асосий иш жойига эга шахслар бундан мустасно) ҳамда тадбиркорлик субъектларига 6 ойдан 1 йилгача бўлган имтиёзли давр билан 3 йилдан 4 йилгача муддатга»;
учинчи хатбоши қуйидаги таҳрирда баён этилсин:
«чорвачилик (қорамол, қўй, эчки), балиқчилик ва паррандачилик (тухум йўналиши) учун — 1 йилгача имтиёзли давр билан 3 йилдан 4 йилгача муддатга»;
олтинчи хатбошидаги «3 йилгача муддатга» сўзлари «3 йилдан 4 йилгача муддатга» сўзлари билан алмаштирилсин;
б) «г» кичик банд қуйидаги таҳрирда баён этилсин:
«г) чорвачиликни ривожлантириш йўналишидаги кредитлар четдан келтирилган ёки маҳаллийлаштирилган (наслчилик хўжаликларида етиштирилган) ва ветеринария бўлими томонидан идентификация қилинган (биркалаш усули) чорва молларини (қорамол, қўй, эчки) боқиш учун ажратилади».
3. Ўзбекистон Республикаси Президентининг 2023 йил 31 январдаги «Оилавий тадбиркорликни ривожлантириш дастурлари доирасида аҳолининг бизнес ташаббусларини қўллаб-қувватлашни янги босқичга олиб чиқишга доир қўшимча чора-тадбирлар тўғрисида»ги ПҚ-39-сон қарори 2-бандининг еттинчи хатбошисидан «(нақдлаштириш имкониятини чеклаган ҳолда)» сўзлари чиқариб ташлансин.
4. Ўзбекистон Республикаси Президентининг 2023 йил 14 сентябрдаги «Кичик бизнесни ривожлантиришни молиявий ва институционал қўллаб-қувватлаш чора-тадбирлари тўғрисида»ги ПҚ-306-сон қарорининг 10-банди қуйидаги таҳрирда баён этилсин:
«10. 2024 йил 1 январдан бошлаб оилавий тадбиркорликни ривожлантириш дастурлари доирасида кредитлар 3 йилдан 4 йилгача муддатга 6 ойдан 1 йилгача имтиёзли давр билан йиллик Марказий банкнинг асосий ставкасидан 4 фоизлик пункт юқори ставкада ажратилиши белгилансин».
5. Ўзбекистон Республикаси Президентининг 2024 йил 28 февралдаги «Хоразм вилоятида тадбиркорларга қулай шароитлар яратишга оид қўшимча чора-тадбирлар тўғрисида»ги ПҚ-89-сон қарори 1-бандининг иккинчи хатбошиси «ушбу маблағлар» сўзларидан кейин «оилавий тадбиркорликни ривожлантириш дастурлари, шунингдек,» сўзлари билан тўлдирилсин.
6. Ўзбекистон Республикаси Президентининг 2024 йил 7 мартдаги «Хотин-қизларнинг тадбиркорлигини йўлга қўйиш ва ривожлантиришни қўллаб-қувватлашга оид қўшимча чора-тадбирлар тўғрисида»ги ПҚ-122-сон қарори 1-бандининг биринчи хатбошисидаги «икки йиллик имтиёзли давр билан беш йил муддатга» сўзлари «уч йиллик имтиёзли давр билан етти йил муддатга» сўзлари билан алмаштирилсин.
7. Вазирлар Маҳкамасининг 2022 йил 8 июлдаги «Оилавий тадбиркорликни ривожлантириш дастурларининг ягона электрон платформаси орқали кредитлар ажратиш тартиби тўғрисидаги низомни тасдиқлаш ҳақида»ги 373-сон қарорида :
а) 4-банд қуйидаги таҳрирда баён этилсин:
«4. Камбағалликни қисқартириш ва бандлик вазирининг ўринбосари ҳоким ёрдамчилари билан биргаликда дастурлар доирасида ажратилган кредитлардан мақсадли фойдаланилишини ва уларнинг самарадорлигини мониторинг қилиб бориш ҳамда кредитларнинг ўз вақтида қайтарилиши бўйича сектор раҳбарлари билан биргаликда тегишли чораларни кўришга масъул этиб белгилансин»;
б) 5-банд қуйидаги таҳрирда баён этилсин:
«5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин»;
в) иловада :
5-банднинг тўққизинчи хатбошиси қуйидаги таҳрирда баён этилсин:
«бино ва иншоотлар сотиб олиш ва қуриш (Ҳунармандчиликни ривожлантириш дастури, Фермер, деҳқон хўжаликлари ва томорқа ер эгаларини қўллаб-қувватлаш дастури доирасида дала дўкони, уруғлик, минерал ўғит ва кўчат дўконлари ташкил қилиш ҳамда енгил конструкцияли бино ва иншоотлар қуриш, кичик ишлаб чиқариш ва хизмат кўрсатиш йўналишида қурилиши 25 — 30 фоиз якунига етказилмаган бинолар қурилишини якунига етказиш, тадбиркорлик фаолияти билан боғлиқ биноларни таъмирлаш бундан мустасно) учун ажратилмайди»;
7-банднинг учинчи хатбошиси қуйидаги мазмундаги учинчи ва тўртинчи хатбошилар билан алмаштирилсин:
«Чорвачиликни ривожлантириш йўналишидаги кредитлар четдан келтирилган ёки маҳаллийлаштирилган (наслчилик хўжаликларида етиштирилган) ва ветеринария бўлими томонидан идентификация қилинган (биркалаш усули) чорва молларини (қорамол, қўй, эчки) боқиш учун ўзини ўзи банд қилган шахсларга ажратилади.
Бунда, кредитлар томорқасида бизнесни йўлга қўйиш учун ўзларининг ички имкониятларидан фойдаланган ҳолда тадбиркорлик қилиш истагини билдирган аҳолига иссиқхона қуриш, чорва моллари боқиш, томорқага мавсумий экинлар экиш учун бериладиган кредитлар бириктирилган банк ва ҳоким ёрдамчисининг ушбу тадбирлар амалга оширилиши борасидаги кафиллиги асосида нақд пулда берилиши мумкин»;
13-бандда :
биринчи хатбоши қуйидаги таҳрирда баён этилсин:
«13. Ўзини ўзи банд қилган жисмоний шахсларга (асосий иш жойига эга шахслар бундан мустасно) ҳамда белгиланган тартибда давлат рўйхатидан ўтган кичик тадбиркорлик субъектларига 33 миллион сўмгача бўлган миқдорда кредит ажратилишида ҳоким ёрдамчисининг тавсияномаси асос ҳисобланади. Бунда тижорат банклари ўз маблағлари ҳисобидан кредитнинг қайтмаслик хатарини суғурталайди»;
қуйидаги мазмундаги иккинчи хатбоши билан тўлдирилсин:
«Бир йилдан сўнг ушбу қарз олувчининг тадбиркорлик фаолияти самарадорлиги, қарзнинг мақсадли ишлатилганлиги ҳамда заруратга қараб гуруҳ кафиллиги (камида 3 нафар фуқаро) билан қўшимча 50 млн сўмгача револьвер асосида кредит ажратилади»;
иккинчи хатбоши учинчи хатбоши деб ҳисоблансин;
30 4 -бандда :
биринчи хатбошидан «(нақдлаштириш имкониятини чеклаган ҳолда)» сўзлари чиқариб ташлансин;
учинчи хатбошидан «нақдлаштириш имкониятисиз тегишли» сўзлари чиқариб ташлансин;
қуйидаги мазмундаги 30 8 — 30 11 -бандлар билан тўлдирилсин:
«30 8 . Аҳолига ушбу кредитлардан томорқани ривожлантиришнинг бир нечта йўналишларида (паррандачилик, қуёнчилик, чорвачилик, асаларичилик, балиқчилик ва ихчам иссиқхона) фойдаланишга рухсат этилади.
30 9 . Ер майдони 10 сотихдан ортиқ бўлган томорқа ер эгаларига 50 млн сўмгача гаровсиз кредитлар ажратилади.
30 10 . 10 сотихли ихчам иссиқхоналарни барпо этиш ва балиқчилик фаолиятини ташкил этиш учун ташаббускорларга 100 млн сўмгача гаровсиз кредитлар ажратилади.
30 11 . Маҳсулот етказиб берувчи томонидан маҳсулотга тегишли зарур маълумотлар (мотороллер, мотокультиватор, тикув машиналарининг мотор, двигатель ёки кузов серия рақами) шартномага киритилмаса, маркетплейс тизимида шартнома расмийлаштириш имконияти автоматик тарзда чекланади»;
40-банддан «шартнома суммасининг 0,1 фоизидан ошмаган, лекин БҲМнинг 1 фоизидан кам бўлмаган миқдорда» сўзлари чиқариб ташлансин;
44-банд қуйидаги таҳрирда баён этилсин:
«44. Туман (шаҳар) марказлари қуйидаги ҳолларда маҳсулот етказиб берувчини маркетплейс тизимида иштирок этишдан четлатади ва Ноҳалол таъминотчилар реестрига киритади:
маҳсулот етказиб берувчи ва қарз олувчи ўзаро келишган ҳолда кредит маблағини нақдлаштириш орқали мақсадсиз ишлатганлиги аниқланганда;
ўзига нисбатан тўловга қобилиятсизлик тартиб-таомиллари жорий этилган бўлса;
маҳсулот етказиб берувчи томонидан таклиф этилаётган маҳсулот ва хизматлар малака, техник ва тижорат талабларига жавоб бермаса;
маҳсулот етказиб берувчи кредитни ажратиш ва (ёки) маҳсулотларни танлаш (етказиб бериш) жараёнида қарз олувчилар томонидан бирор-бир хатти-ҳаракатнинг содир этилишига, қарор қабул қилинишига ёки бирор-бир харид қилиш тартиб-таомилининг қўлланилишига таъсир ўтказиш мақсадида қарз олувчининг, тижорат банкларининг ёки бошқа давлат органининг исталган ҳозирги ёки собиқ мансабдор шахсига ёки ходимига ҳар қандай шаклдаги ҳақни, ишга ёллаш тўғрисидаги таклифни ёхуд исталган бошқа қимматбаҳо ашёни ёки хизматни бевосита ёхуд билвосита таклиф қилса, берса ёки беришга розилик билдирса;
маҳсулот етказиб берувчи рақобатга қарши ҳаракатларни содир этса ёки қонунчиликни бузган ҳолда манфаатлар тўқнашувини келтириб чиқарса.
Маҳсулот етказиб берувчилар қуйидаги ҳолларда маркетплейс тизимида автоматлаштирилган ҳолда Ноҳалол таъминотчилар реестрига киритилади:
солиқ ҳисоботида тегишли маҳсулот кирим бўлмаганда;
унда солиқлар ва йиғимларни тўлаш бўйича муддати ўтган қарздорлик мавжуд бўлса;
маҳсулот етказиб берувчи 5 ва ундан ортиқ шартнома бўйича маҳсулотлар етказиб берилганлиги тўғрисида ҳисоб-фактура расмийлаштирилган, бироқ ҳоким ёрдамчиси томонидан ҳақиқатда маҳсулот етказиб берилмаганлиги тўғрисида далолатнома расмийлаштирилганда;
ушбу Низомнинг 43-бандига мувофиқ хизмат кўрсатилган фуқароларнинг 30 фоизидан кўпи томонидан салбий баҳоланганда».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 2 апрель,
ПҚ-149-сон
Oʻzbekiston Respublikasi Prezidentining
qarori
Oilaviy tadbirkorlikni rivojlantirish dasturlari doirasida aholining biznes tashabbuslarini moliyalashtirishni takomillashtirishga doir qoʻshimcha chora-tadbirlar toʻgʻrisida
Aholining bandligini taʼminlash va daromad topishga qaratilgan faoliyatini moliyaviy qoʻllab-quvvatlash borasidagi tadbirlarni tizimli ravishda davom ettirish maqsadida:
1. Quyidagilar:
2024-yilda oilaviy tadbirkorlikni rivojlantirish dasturlari (keyingi oʻrinlarda — dasturlar) doirasidagi loyihalar avvalgi yillarda ajratilgan kreditlarning soʻndirilishi va qoʻshimcha mablagʻlar yoʻnaltirilishi hisobidan moliyalashtirilishi;
dasturlar doirasida soʻndirilgan kreditlar hisobidan shakllangan resurslar birinchi navbatda mazkur hududdagi loyihalarni moliyalashtirishga yoʻnaltirilishi;
loyihalarni moliyalashtirish uchun maqsadli jamgʻarmalar hamda Tiklanish va taraqqiyot jamgʻarmasining resurslari tijorat banklariga Markaziy bankning asosiy stavkasida joylashtirilishi;
Markaziy bankning asosiy stavkasi pasaytirilgan taqdirda, resurs mablagʻlari va kredit boʻyicha foiz stavkasi mutanosib ravishda pasaytirilishi, oshirilgan taqdirda esa oʻzgarishsiz qolishi maʼlumot uchun qabul qilinsin.
2. Belgilansinki, 2024-yil 1-apreldan boshlab dasturlar doirasida kreditlar oʻzini oʻzi band qilgan jismoniy shaxslarga (asosiy ish joyiga ega shaxslar bundan mustasno):
a) 33 million soʻmgacha, bir yildan soʻng ushbu qarz oluvchining tadbirkorlik faoliyati samaradorligi, qarzning maqsadli ishlatilganligi hamda zaruratga qarab guruh kafilligi (kamida 3 nafar fuqaro) bilan qoʻshimcha 50 mln soʻmgacha revolver asosida;
b) ushbu kreditlardan tomorqani rivojlantirishning bir nechta yoʻnalishlarida (parrandachilik, quyonchilik, chorvachilik, asalarichilik, baliqchilik va ixcham issiqxona) foydalanishi uchun;
v) yer maydoni 10 sotixdan ortiq boʻlgan tomorqa yer egalariga va ijarachilarga 50 mln soʻmgacha garovsiz;
g) 10 sotixli ixcham issiqxonalarni barpo etish va baliqchilik faoliyatini tashkil etish uchun 100 mln soʻmgacha garovsiz ajratiladi.
Bunda:
chorvachilikni rivojlantirish yoʻnalishida kreditlar tuman (shahar) veterinariya boʻlimi tomonidan identifikatsiya qilingan (birkalash usuli) va haqiqatdan yetkazib berilgan chorva mollarini (qoramol, qoʻy, echki) sotib olishga;
aholi tomorqasida biznesni yoʻlga qoʻyish uchun oʻzlarining ichki imkoniyatlaridan foydalangan holda tadbirkorlik qilishni istagan Ijtimoiy reyestrga kiritilgan oilalarga issiqxona qurish, chorva mollari boqish, parrandachilik, quyonchilik, tomorqaga mavsumiy ekinlar ekish uchun kreditlar naqd pulda berilishi mumkin.
3. Raqobatni rivojlantirish va isteʼmolchilar huquqlarini himoya qilish qoʻmitasi Savdo-sanoat palatasi hamda Soliq qoʻmitasi bilan birgalikda dasturlar doirasida kreditlar hisobiga mahsulot (xizmat)larning yetkazib berilishida shaffoflikni taʼminlash maqsadida “marketpleys” erkin savdo maydonchasida raqobat muhitini shakllantirish, narxlarning sunʼiy oshirilishiga yoʻl qoʻymaslik, taʼminotchi korxonalar tomonidan mahsulot (xizmat)larning oʻz vaqtida va sifatli yetkazib berilishini taʼminlash yuzasidan kuchaytirilgan nazoratni amalga oshirsin.
4. Mahallabay ishlash va tadbirkorlikni rivojlantirish agentligi vakolatli banklar bilan birgalikda 2024-yil 1-iyuldan boshlab mahallalarda dasturlar doirasida ajratilgan kreditlardan maqsadli foydalanilishi monitoringini va ularning samaradorligini baholash mexanizmini joriy etsin.
5. Iqtisodiyot va moliya vazirligi maqsadli dasturlarni moliyalashtirish uchun Oʻzbekiston Respublikasi respublika budjetidan AT “Xalq banki”ga 1 220 milliard soʻm va “Mikrokreditbank” ATBga 490 milliard soʻm hamda Tiklanish va taraqqiyot jamgʻarmasi tomonidan AT “Xalq banki”ga 1 837 milliard soʻm va “Mikrokreditbank” ATBga 1 233 milliard soʻm miqdorida ajratilgan mablagʻlarni ushbu banklarning ustav kapitalini oshirishga yoʻnaltirsin.
6. 2024-yil 1-apreldan boshlab Hunarmandchilikni rivojlantirish, Xotin-qizlar tadbirkorligini qoʻllab-quvvatlash, Yoshlar tadbirkorligini qoʻllab-quvvatlash, “Yoshlar — kelajagimiz” dasturlari doirasida mavjud va avval berilgan kreditlarning soʻndirilishi hisobidan shakllanadigan mablagʻlar “Har bir oila — tadbirkor” dasturiga yoʻnaltirilsin.
7. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.
8. Markaziy bank manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2024-yil 2-apreldagi PQ-149-son qaroriga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 7-iyundagi “Har bir oila — tadbirkor” dasturini amalga oshirish toʻgʻrisida”gi PQ-3777-son qarori 9-bandining ikkinchi xatboshisi quyidagi tahrirda bayon etilsin:
“33 million soʻmgacha boʻlgan miqdorda — oʻzini oʻzi band qilgan jismoniy shaxslarga (asosiy ish joyiga ega shaxslar bundan mustasno) hamda belgilangan tartibda davlat roʻyxatidan oʻtgan kichik tadbirkorlik subyektlariga har bir mahallaga biriktirilgan hokim yordamchisining tavsiyalari”.
2. Oʻzbekiston Respublikasi Prezidentining 2021-yil 20-dekabrdagi “Oilaviy tadbirkorlikni rivojlantirish va aholining daromad manbaini kengaytirishga doir qoʻshimcha chora-tadbirlar toʻgʻrisida”gi PQ-55-son qarorining 1-bandida :
a) “b” kichik bandda :
ikkinchi xatboshi quyidagi tahrirda bayon etilsin:
“oilaviy tadbirkorlik, daromad topishga qaratilgan muayyan mehnat faoliyati bilan shugʻullanish va faoliyat turini kengaytirish istagini bildirgan oʻzini oʻzi band qilgan shaxslarga (asosiy ish joyiga ega shaxslar bundan mustasno) hamda tadbirkorlik subyektlariga 6 oydan 1 yilgacha boʻlgan imtiyozli davr bilan 3 yildan 4 yilgacha muddatga”;
uchinchi xatboshi quyidagi tahrirda bayon etilsin:
“chorvachilik (qoramol, qoʻy, echki), baliqchilik va parrandachilik (tuxum yoʻnalishi) uchun — 1 yilgacha imtiyozli davr bilan 3 yildan 4 yilgacha muddatga”;
oltinchi xatboshidagi “3 yilgacha muddatga” soʻzlari “3 yildan 4 yilgacha muddatga” soʻzlari bilan almashtirilsin;
b) “g” kichik band quyidagi tahrirda bayon etilsin:
“g) chorvachilikni rivojlantirish yoʻnalishidagi kreditlar chetdan keltirilgan yoki mahalliylashtirilgan (naslchilik xoʻjaliklarida yetishtirilgan) va veterinariya boʻlimi tomonidan identifikatsiya qilingan (birkalash usuli) chorva mollarini (qoramol, qoʻy, echki) boqish uchun ajratiladi”.
3. Oʻzbekiston Respublikasi Prezidentining 2023-yil 31-yanvardagi “Oilaviy tadbirkorlikni rivojlantirish dasturlari doirasida aholining biznes tashabbuslarini qoʻllab-quvvatlashni yangi bosqichga olib chiqishga doir qoʻshimcha chora-tadbirlar toʻgʻrisida”gi PQ-39-son qarori 2-bandining yettinchi xatboshisidan “(naqdlashtirish imkoniyatini cheklagan holda)” soʻzlari chiqarib tashlansin.
4. Oʻzbekiston Respublikasi Prezidentining 2023-yil 14-sentabrdagi “Kichik biznesni rivojlantirishni moliyaviy va institutsional qoʻllab-quvvatlash chora-tadbirlari toʻgʻrisida”gi PQ-306-son qarorining 10-bandi quyidagi tahrirda bayon etilsin:
“10. 2024-yil 1-yanvardan boshlab oilaviy tadbirkorlikni rivojlantirish dasturlari doirasida kreditlar 3 yildan 4 yilgacha muddatga 6 oydan 1 yilgacha imtiyozli davr bilan yillik Markaziy bankning asosiy stavkasidan 4 foizlik punkt yuqori stavkada ajratilishi belgilansin”.
5. Oʻzbekiston Respublikasi Prezidentining 2024-yil 28-fevraldagi “Xorazm viloyatida tadbirkorlarga qulay sharoitlar yaratishga oid qoʻshimcha chora-tadbirlar toʻgʻrisida”gi PQ-89-son qarori 1-bandining ikkinchi xatboshisi “ushbu mablagʻlar” soʻzlaridan keyin “oilaviy tadbirkorlikni rivojlantirish dasturlari, shuningdek,” soʻzlari bilan toʻldirilsin.
6. Oʻzbekiston Respublikasi Prezidentining 2024-yil 7-martdagi “Xotin-qizlarning tadbirkorligini yoʻlga qoʻyish va rivojlantirishni qoʻllab-quvvatlashga oid qoʻshimcha chora-tadbirlar toʻgʻrisida”gi PQ-122-son qarori 1-bandining birinchi xatboshisidagi “ikki yillik imtiyozli davr bilan besh yil muddatga” soʻzlari “uch yillik imtiyozli davr bilan yetti yil muddatga” soʻzlari bilan almashtirilsin.
7. Vazirlar Mahkamasining 2022-yil 8-iyuldagi “Oilaviy tadbirkorlikni rivojlantirish dasturlarining yagona elektron platformasi orqali kreditlar ajratish tartibi toʻgʻrisidagi nizomni tasdiqlash haqida”gi 373-son qarorida :
a) 4-band quyidagi tahrirda bayon etilsin:
“4. Kambagʻallikni qisqartirish va bandlik vazirining oʻrinbosari hokim yordamchilari bilan birgalikda dasturlar doirasida ajratilgan kreditlardan maqsadli foydalanilishini va ularning samaradorligini monitoring qilib borish hamda kreditlarning oʻz vaqtida qaytarilishi boʻyicha sektor rahbarlari bilan birgalikda tegishli choralarni koʻrishga masʼul etib belgilansin”;
b) 5-band quyidagi tahrirda bayon etilsin:
“5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin”;
v) ilovada :
5-bandning toʻqqizinchi xatboshisi quyidagi tahrirda bayon etilsin:
“bino va inshootlar sotib olish va qurish (Hunarmandchilikni rivojlantirish dasturi, Fermer, dehqon xoʻjaliklari va tomorqa yer egalarini qoʻllab-quvvatlash dasturi doirasida dala doʻkoni, urugʻlik, mineral oʻgʻit va koʻchat doʻkonlari tashkil qilish hamda yengil konstruksiyali bino va inshootlar qurish, kichik ishlab chiqarish va xizmat koʻrsatish yoʻnalishida qurilishi 25 — 30 foiz yakuniga yetkazilmagan binolar qurilishini yakuniga yetkazish, tadbirkorlik faoliyati bilan bogʻliq binolarni taʼmirlash bundan mustasno) uchun ajratilmaydi”;
7-bandning uchinchi xatboshisi quyidagi mazmundagi uchinchi va toʻrtinchi xatboshilar bilan almashtirilsin:
“Chorvachilikni rivojlantirish yoʻnalishidagi kreditlar chetdan keltirilgan yoki mahalliylashtirilgan (naslchilik xoʻjaliklarida yetishtirilgan) va veterinariya boʻlimi tomonidan identifikatsiya qilingan (birkalash usuli) chorva mollarini (qoramol, qoʻy, echki) boqish uchun oʻzini oʻzi band qilgan shaxslarga ajratiladi.
Bunda, kreditlar tomorqasida biznesni yoʻlga qoʻyish uchun oʻzlarining ichki imkoniyatlaridan foydalangan holda tadbirkorlik qilish istagini bildirgan aholiga issiqxona qurish, chorva mollari boqish, tomorqaga mavsumiy ekinlar ekish uchun beriladigan kreditlar biriktirilgan bank va hokim yordamchisining ushbu tadbirlar amalga oshirilishi borasidagi kafilligi asosida naqd pulda berilishi mumkin”;
13-bandda :
birinchi xatboshi quyidagi tahrirda bayon etilsin:
“13. Oʻzini oʻzi band qilgan jismoniy shaxslarga (asosiy ish joyiga ega shaxslar bundan mustasno) hamda belgilangan tartibda davlat roʻyxatidan oʻtgan kichik tadbirkorlik subyektlariga 33 million soʻmgacha boʻlgan miqdorda kredit ajratilishida hokim yordamchisining tavsiyanomasi asos hisoblanadi. Bunda tijorat banklari oʻz mablagʻlari hisobidan kreditning qaytmaslik xatarini sugʻurtalaydi”;
quyidagi mazmundagi ikkinchi xatboshi bilan toʻldirilsin:
“Bir yildan soʻng ushbu qarz oluvchining tadbirkorlik faoliyati samaradorligi, qarzning maqsadli ishlatilganligi hamda zaruratga qarab guruh kafilligi (kamida 3 nafar fuqaro) bilan qoʻshimcha 50 mln soʻmgacha revolver asosida kredit ajratiladi”;
ikkinchi xatboshi uchinchi xatboshi deb hisoblansin;
30 4 -bandda :
birinchi xatboshidan “(naqdlashtirish imkoniyatini cheklagan holda)” soʻzlari chiqarib tashlansin;
uchinchi xatboshidan “naqdlashtirish imkoniyatisiz tegishli” soʻzlari chiqarib tashlansin;
quyidagi mazmundagi 30 8 — 30 11 -bandlar bilan toʻldirilsin:
“30 8 . Aholiga ushbu kreditlardan tomorqani rivojlantirishning bir nechta yoʻnalishlarida (parrandachilik, quyonchilik, chorvachilik, asalarichilik, baliqchilik va ixcham issiqxona) foydalanishga ruxsat etiladi.
30 9 . Yer maydoni 10 sotixdan ortiq boʻlgan tomorqa yer egalariga 50 mln soʻmgacha garovsiz kreditlar ajratiladi.
30 10 . 10 sotixli ixcham issiqxonalarni barpo etish va baliqchilik faoliyatini tashkil etish uchun tashabbuskorlarga 100 mln soʻmgacha garovsiz kreditlar ajratiladi.
30 11 . Mahsulot yetkazib beruvchi tomonidan mahsulotga tegishli zarur maʼlumotlar (motoroller, motokultivator, tikuv mashinalarining motor, dvigatel yoki kuzov seriya raqami) shartnomaga kiritilmasa, marketpleys tizimida shartnoma rasmiylashtirish imkoniyati avtomatik tarzda cheklanadi”;
40-banddan “shartnoma summasining 0,1 foizidan oshmagan, lekin BHMning 1 foizidan kam boʻlmagan miqdorda” soʻzlari chiqarib tashlansin;
44-band quyidagi tahrirda bayon etilsin:
“44. Tuman (shahar) markazlari quyidagi hollarda mahsulot yetkazib beruvchini marketpleys tizimida ishtirok etishdan chetlatadi va Nohalol taʼminotchilar reyestriga kiritadi:
mahsulot yetkazib beruvchi va qarz oluvchi oʻzaro kelishgan holda kredit mablagʻini naqdlashtirish orqali maqsadsiz ishlatganligi aniqlanganda;
oʻziga nisbatan toʻlovga qobiliyatsizlik tartib-taomillari joriy etilgan boʻlsa;
mahsulot yetkazib beruvchi tomonidan taklif etilayotgan mahsulot va xizmatlar malaka, texnik va tijorat talablariga javob bermasa;
mahsulot yetkazib beruvchi kreditni ajratish va (yoki) mahsulotlarni tanlash (yetkazib berish) jarayonida qarz oluvchilar tomonidan biror-bir xatti-harakatning sodir etilishiga, qaror qabul qilinishiga yoki biror-bir xarid qilish tartib-taomilining qoʻllanilishiga taʼsir oʻtkazish maqsadida qarz oluvchining, tijorat banklarining yoki boshqa davlat organining istalgan hozirgi yoki sobiq mansabdor shaxsiga yoki xodimiga har qanday shakldagi haqni, ishga yollash toʻgʻrisidagi taklifni yoxud istalgan boshqa qimmatbaho ashyoni yoki xizmatni bevosita yoxud bilvosita taklif qilsa, bersa yoki berishga rozilik bildirsa;
mahsulot yetkazib beruvchi raqobatga qarshi harakatlarni sodir etsa yoki qonunchilikni buzgan holda manfaatlar toʻqnashuvini keltirib chiqarsa.
Mahsulot yetkazib beruvchilar quyidagi hollarda marketpleys tizimida avtomatlashtirilgan holda Nohalol taʼminotchilar reyestriga kiritiladi:
soliq hisobotida tegishli mahsulot kirim boʻlmaganda;
unda soliqlar va yigʻimlarni toʻlash boʻyicha muddati oʻtgan qarzdorlik mavjud boʻlsa;
mahsulot yetkazib beruvchi 5 va undan ortiq shartnoma boʻyicha mahsulotlar yetkazib berilganligi toʻgʻrisida hisob-faktura rasmiylashtirilgan, biroq hokim yordamchisi tomonidan haqiqatda mahsulot yetkazib berilmaganligi toʻgʻrisida dalolatnoma rasmiylashtirilganda;
ushbu Nizomning 43-bandiga muvofiq xizmat koʻrsatilgan fuqarolarning 30 foizidan koʻpi tomonidan salbiy baholanganda”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 2-aprel,
PQ-149-son
Президента Республики Узбекистан
Постановление
О дополнительных мерах по совершенствованию финансирования бизнес-инициатив населения в рамках программ развития семейного предпринимательства
В целях системного продолжения мер по обеспечению занятости и финансовой поддержке деятельности населения, направленной на получение дохода:
1. Принять к сведению, что:
проекты в рамках программ развития семейного предпринимательства в 2024 году (далее — программы) финансируются за счет погашения кредитов, выделенных в предыдущие годы, а также направления дополнительных средств;
ресурсы, сформированные за счет погашенных кредитов в рамках программ, направляются в первую очередь на финансирование проектов на данной территории;
целевые фонды для финансирования проектов и ресурсы Фонда реконструкции и развития размещаются в коммерческих банках по основной ставке Центрального банка;
в случае снижения основной ставки Центрального банка ресурсные средства и процентная ставка по кредиту пропорционально снижаются, а при увеличении — остаются без изменений.
2. Определить, что начиная с 1 апреля 2024 года кредиты в рамках программ выделяются самозанятым физическим лицам (за исключением лиц, имеющих основное место работы):
а) до 33 миллионов сумов, спустя один год — дополнительно до 50 миллионов сумов на револьверной основе при эффективности предпринимательской деятельности данного кредитополучателя, целевом использовании займа и при необходимости с ходатайством группы (не менее 3 граждан);
б) для использования данных кредитов в нескольких направлениях развития приусадебного хозяйства (птицеводство, кролиководство, животноводство, пчеловодство, рыбоводство и компактная теплица);
в) владельцам приусадебных земель, имеющим более 10 соток земельной площади, и арендаторам — до 50 миллионов сумов без залога;
г) для создания компактных теплиц на 10 сотках и организации рыбоводческой деятельности — до 100 миллионов сумов без залога.
При этом кредиты могут быть выделены наличными деньгами:
в направлении развития животноводства на покупку действительно доставленного скота (крупного рогатого скота, овец, коз) и идентифицированного (методом прикрепления бирки) районным (городским) отделом ветеринарии;
для налаживания бизнеса на приусадебной земле населения — семьям, включенным в Социальный реестр, желающим заниматься предпринимательством с использованием своих внутренних возможностей, на строительство теплиц, выращивание скота, птицеводство, кролиководство, посев сезонных культур на приусадебной земле.
3. Комитету по развитию конкуренции и защите прав потребителей совместно с Торгово-промышленной палатой и Налоговым комитетом в целях обеспечения прозрачности при поставке продукции (услуг) за счет кредитов в рамках программ осуществлять усиленный контроль за формированием конкурентной среды на свободной торговой площадке «маркетплейс», недопущением искусственного завышения цен, обеспечением своевременной и качественной поставки продукции (услуг) предприятиями-поставщиками.
4. Агентству по работе махаллабай и развитию предпринимательства совместно с уполномоченными банками начиная с 1 июля 2024 года внедрить механизм осуществления мониторинга за целевым использованием кредитов, выделенных в рамках программ в махаллях, а также оценки их эффективности.
5. Министерству экономики и финансов направить средства, выделенные для финансирования целевых программ из республиканского бюджета Республики Узбекистан АКБ «Халк банки» в размере 1 220 миллиардов сумов и АКБ «Микрокредитбанк» — 490 миллиардов сумов, а также Фондом реконструкции и развития — АКБ «Халк банки» — 1 837 миллиардов сумов и АКБ «Микрокредитбанк» — 1 233 миллиардов сумов, на повышение уставного капитала данных банков.
6. С 1 апреля 2024 года имеющиеся средства и средства, формируемые за счет погашения ранее выделенных кредитов в рамках программ «Развитие ремесленничества», «Поддержка женского предпринимательства», «Поддержка молодежного предпринимательства», «Yoshlar — kelajagimiz», направить на программу «Каждая семья — предприниматель».
7. Внести изменения и дополнения в некоторые постановления Президента Республики Узбекистан и Правительства Республики Узбекистан согласно приложению .
8. Центральному банку совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Контроль за исполнением настоящего постановления возложить на заместителя Премьер-министра Д.А. Кучкарова.
ПРИЛОЖЕНИЕ к постановлению Президента Республики Узбекистан от 2 апреля 2024 года № ПП-149
Изменения и дополнения, вносимые в некоторые постановления Президента Республики Узбекистан и Правительства Республики Узбекистан
1. Абзац второй пункта 9 постановления Президента Республики Узбекистан от 7 июня 2018 года № ПП-3777 «О реализации программы «Каждая семья — предприниматель» изложить в следующей редакции:
«до 33 миллионов сумов — самозанятым физическим лицам (за исключением лиц, имеющих основное место работы) и субъектам малого предпринимательства, прошедшим государственную регистрацию в установленном порядке, на основе рекомендаций помощника хокима, закрепленного за каждой махаллей».
2. В пункте 1 постановления Президента Республики Узбекистан от 20 декабря 2021 года № ПП-55 «О дополнительных мерах по развитию семейного предпринимательства и расширению источников доходов населения»:
а) в подпункте «б» :
абзац второй изложить в следующей редакции:
«самозанятым лицам (за исключением лиц, имеющих основное место работы) и субъектам предпринимательства, изъявившим желание заняться семейным предпринимательством, определенной трудовой деятельностью, направленной на получение дохода, и расширить вид деятельности, — сроком от трех до четырех лет, включая льготный период от шести месяцев до одного года»;
абзац третий изложить в следующей редакции:
«для животноводства (разведение крупного рогатого скота, овец, коз), рыбоводства и птицеводства (направление — производство яиц) сроком от трех до четырех лет, включая льготный период до одного года»;
в абзаце шестом слова «на срок до 3 лет» заменить словами «сроком от трех до четырех лет»;
б) подпункт «г» изложить в следующей редакции:
«г) кредиты в направлении развития животноводства выделяются для разведения скота (крупного рогатого скота, овец, коз), ввезенного из-за рубежа или локализованного (выращенного в племенных хозяйствах) и идентифицированного (методом прикрепления бирки) отделом ветеринарии».
3. Из абзаца седьмого пункта 2 постановления Президента Республики Узбекистан от 31 января 2023 года № ПП-39 «О дополнительных мерах по поднятию на новый этап поддержки бизнес-инициатив населения в рамках программ развития семейного предпринимательства» слова «(с ограничением возможности обналичивания)» исключить.
4. Пункт 10 постановления Президента Республики Узбекистан от 14 сентября 2023 года № ПП-306 «О мерах финансовой и институциональной поддержки развития малого бизнеса» изложить в следующей редакции:
«10. Установить, что с 1 января 2024 года кредиты в рамках программ развития семейного предпринимательства предоставляются на срок от 3 до 4 лет, включая льготный период от 6 месяцев до 1 года, с годовой ставкой, превышающей основную ставку Центрального банка на 4 процентных пункта».
5. В тексте на государственном языке постановления Президента Республики Узбекистан от 28 февраля 2024 года № ПП-89 «О дополнительных мерах по созданию благоприятных условий для предпринимателей Хорезмской области» абзац второй пункта 1 после слов «ушбу маблағлар» дополнить словами «оилавий тадбиркорликни ривожлантириш дастурлари, шунингдек,».
6. В абзаце первом пункта 1 постановления Президента Республики Узбекистан от 7 марта 2024 года № ПП-122 «О дополнительных мерах по поддержке организации и развития женского предпринимательства» слова «на срок 5 лет, включая льготный период 2 года» заменить словами «на срок 7 лет, включая льготный период 3 года».
7. В тексте на государственном языке постановления Кабинета Министров от 8 июля 2022 года № 373 «Об утверждении Положения о порядке предоставления кредитов через единую электронную платформу программ развития семейного предпринимательства»:
а) пункт 4 изложить в следующей редакции:
«4. Камбағалликни қисқартириш ва бандлик вазирининг ўринбосари ҳоким ёрдамчилари билан биргаликда дастурлар доирасида ажратилган кредитлардан мақсадли фойдаланилишини ва уларнинг самарадорлигини мониторинг қилиб бориш ҳамда кредитларнинг ўз вақтида қайтарилиши бўйича сектор раҳбарлари билан биргаликда тегишли чораларни кўришга масъул этиб белгилансин»;
б) пункт 5 изложить в следующей редакции:
«5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин»;
в) в приложении :
абзац девятый пункта 5 изложить в следующей редакции:
«бино ва иншоотлар сотиб олиш ва қуриш (Ҳунармандчиликни ривожлантириш дастури, Фермер, деҳқон хўжаликлари ва томорқа ер эгаларини қўллаб-қувватлаш дастури доирасида дала дўкони, уруғлик, минерал ўғит ва кўчат дўконлари ташкил қилиш ҳамда енгил конструкцияли бино ва иншоотлар қуриш, кичик ишлаб чиқариш ва хизмат кўрсатиш йўналишида қурилиши 25 — 30 фоиз якунига етказилмаган бинолар қурилишини якунига етказиш, тадбиркорлик фаолияти билан боғлиқ биноларни таъмирлаш бундан мустасно) учун ажратилмайди»;
абзац третий пункта 7 заменить абзацами третьим и четвертым следующего содержания:
«Чорвачиликни ривожлантириш йўналишидаги кредитлар четдан келтирилган ёки маҳаллийлаштирилган (наслчилик хўжаликларида етиштирилган) ва ветеринария бўлими томонидан идентификация қилинган (биркалаш усули) чорва молларини (қорамол, қўй, эчки) боқиш учун ўзини ўзи банд қилган шахсларга ажратилади.
Бунда, кредитлар томорқасида бизнесни йўлга қўйиш учун ўзларининг ички имкониятларидан фойдаланган ҳолда тадбиркорлик қилиш истагини билдирган аҳолига иссиқхона қуриш, чорва моллари боқиш, томорқага мавсумий экинлар экиш учун бериладиган кредитлар бириктирилган банк ва ҳоким ёрдамчисининг ушбу тадбирлар амалга оширилиши борасидаги кафиллиги асосида нақд пулда берилиши мумкин»;
в пункте 13 :
абзац первый изложить в следующей редакции:
«13. Ўзини ўзи банд қилган жисмоний шахсларга (асосий иш жойига эга шахслар бундан мустасно) ҳамда белгиланган тартибда давлат рўйхатидан ўтган кичик тадбиркорлик субъектларига 33 миллион сўмгача бўлган миқдорда кредит ажратилишида ҳоким ёрдамчисининг тавсияномаси асос ҳисобланади. Бунда тижорат банклари ўз маблағлари ҳисобидан кредитнинг қайтмаслик хатарини суғурталайди»;
дополнить абзацем вторым следующего содержания:
«Бир йилдан сўнг ушбу қарз олувчининг тадбиркорлик фаолияти самарадорлиги, қарзнинг мақсадли ишлатилганлиги ҳамда заруратга қараб гуруҳ кафиллиги (камида 3 нафар фуқаро) билан қўшимча 50 млн сўмгача револьвер асосида кредит ажратилади»;
абзац второй считать абзацем третьим;
в пункте 30 4 :
из абзаца первого слова «(нақдлаштириш имкониятини чеклаган ҳолда)» исключить;
из абзаца третьего слова «нақдлаштириш имкониятисиз тегишли» исключить;
дополнить пунктами 30 8 — 30 11 следующего содержания:
«30 8 . Аҳолига ушбу кредитлардан томорқани ривожлантиришнинг бир нечта йўналишларида (паррандачилик, қуёнчилик, чорвачилик, асаларичилик, балиқчилик ва ихчам иссиқхона) фойдаланишга рухсат этилади.
30 9 . Ер майдони 10 сотихдан ортиқ бўлган томорқа ер эгаларига 50 млн сўмгача гаровсиз кредитлар ажратилади.
30 10 . 10 сотихли ихчам иссиқхоналарни барпо этиш ва балиқчилик фаолиятини ташкил этиш учун ташаббускорларга 100 млн сўмгача гаровсиз кредитлар ажратилади.
30 11 . Маҳсулот етказиб берувчи томонидан маҳсулотга тегишли зарур маълумотлар (мотороллер, мотокультиватор, тикув машиналарининг мотор, двигатель ёки кузов серия рақами) шартномага киритилмаса, маркетплейс тизимида шартнома расмийлаштириш имконияти автоматик тарзда чекланади»;
из пункта 40 слова «шартнома суммасининг 0,1 фоизидан ошмаган, лекин БҲМнинг 1 фоизидан кам бўлмаган миқдорда» исключить;
пункт 44 изложить в следующей редакции:
«44. Туман (шаҳар) марказлари қуйидаги ҳолларда маҳсулот етказиб берувчини маркетплейс тизимида иштирок этишдан четлатади ва Ноҳалол таъминотчилар реестрига киритади:
маҳсулот етказиб берувчи ва қарз олувчи ўзаро келишган ҳолда кредит маблағини нақдлаштириш орқали мақсадсиз ишлатганлиги аниқланганда;
ўзига нисбатан тўловга қобилиятсизлик тартиб-таомиллари жорий этилган бўлса;
маҳсулот етказиб берувчи томонидан таклиф этилаётган маҳсулот ва хизматлар малака, техник ва тижорат талабларига жавоб бермаса;
маҳсулот етказиб берувчи кредитни ажратиш ва (ёки) маҳсулотларни танлаш (етказиб бериш) жараёнида қарз олувчилар томонидан бирор-бир хатти-ҳаракатнинг содир этилишига, қарор қабул қилинишига ёки бирор-бир харид қилиш тартиб-таомилининг қўлланилишига таъсир ўтказиш мақсадида қарз олувчининг, тижорат банкларининг ёки бошқа давлат органининг исталган ҳозирги ёки собиқ мансабдор шахсига ёки ходимига ҳар қандай шаклдаги ҳақни, ишга ёллаш тўғрисидаги таклифни ёхуд исталган бошқа қимматбаҳо ашёни ёки хизматни бевосита ёхуд билвосита таклиф қилса, берса ёки беришга розилик билдирса;
маҳсулот етказиб берувчи рақобатга қарши ҳаракатларни содир этса ёки қонунчиликни бузган ҳолда манфаатлар тўқнашувини келтириб чиқарса.
Маҳсулот етказиб берувчилар қуйидаги ҳолларда маркетплейс тизимида автоматлаштирилган ҳолда Ноҳалол таъминотчилар реестрига киритилади:
солиқ ҳисоботида тегишли маҳсулот кирим бўлмаганда;
унда солиқлар ва йиғимларни тўлаш бўйича муддати ўтган қарздорлик мавжуд бўлса;
маҳсулот етказиб берувчи 5 ва ундан ортиқ шартнома бўйича маҳсулотлар етказиб берилганлиги тўғрисида ҳисоб-фактура расмийлаштирилган, бироқ ҳоким ёрдамчиси томонидан ҳақиқатда маҳсулот етказиб берилмаганлиги тўғрисида далолатнома расмийлаштирилганда;
ушбу Низомнинг 43-бандига мувофиқ хизмат кўрсатилган фуқароларнинг 30 фоизидан кўпи томонидан салбий баҳоланганда».
Президент Республики Узбекистан Ш. МИРЗИЁЕВ
г. Ташкент,
2 апреля 2024 г.,
№ ПП-149