UzbekAI

Ўзбекистон Республикаси Президентининг

қарори

РЕЖА-КЎРСАТКИЧЛАРИ

схемаси

Ёшларга ер ажратиш орқали уларнинг даромадларини ошириш ва бандлигини таъминлаш, шунингдек, янги ер майдонларини ўзлаштириш чора-тадбирлари тўғрисида

Қишлоқ хўжалигидаги ер ва сув ресурсларидан самарали фойдаланиш орқали озиқ-овқат экинлари етиштиришни кўпайтириш, аҳоли, шу жумладан, ёшлар бандлигини таъминлаш ва даромадларини ошириш мақсадида:

1. Белгилансинки, туман ҳокимликлари захирасидаги 60 минг гектар ер майдони (кейинги ўринларда — ер майдонлари) электрон онлайн аукцион савдоларига қўйилиб, деҳқон хўжаликларини ташкил этиш учун устувор равишда 1-иловага мувофиқ ёшларга ижарага берилади ҳамда қишлоқ хўжалиги маҳсулотларини етиштиришдан сотишгача бўлган занжирни қамраб олувчи қуйидаги янги тизим жорий этилади:

а) бир ой муддатда 60 минг гектар ер майдонини ижарага бериш бўйича электрон онлайн аукцион савдолари «E-auksion» электрон савдо платформаси орқали «маҳалла еттилиги»нинг тавсияси билан шакллантириладиган рўйхатга киритилган ёшлар (кейинги ўринларда — талабгорлар) ўртасида ўтказилади. Бунда:

закалат пули базавий ҳисоблаш миқдорининг 1 баравари миқдорида белгиланади;

б) талабгорларга:

сабзавот, картошка, полиз экинлари, гул, кўкатлар, маккажўхори дони, дуккакли ва мойли экинлар етиштиришга суғориладиган экин майдонлари;

боғдорчилик-узумчилик йўналишлари учун кўп йиллик дарахтзорлар ёки самарасиз боғлар ер майдонлари;

доривор ўсимликлар етиштириш, чорвачилик йўналишлари учун чорва озуқаси экинларини етиштиришга мўлжалланган, лалми, бўз, яйлов ва янги ўзлаштирилган ер майдонлари 30 йил муддатгача кичик лотларда «бир массив — бир маҳсулот» тамойили асосида ижарага берилади.

Бунда, электрон онлайн аукцион савдоларида 1 нафар талабгор иштирок этган тақдирда, истисно тариқасида, аукцион ўтказилган ҳисобланади ҳамда ушбу имтиёзли шартлар асосида ўтказиладиган аукцион савдоларида ёшларга ер майдонини фақат бир маротаба ижарага олишга рухсат берилади;

в) талабгорларга ажратиладиган ер майдонлари ўлчамлари «маҳалла еттилиги» таклифига кўра аниқланади. Бунда:

«маҳалла еттилиги» томонидан талабгорларга «E-auksion» электрон савдо платформасига жойлаштириладиган ер майдонлари бўйича кичик лотларни мажбурий бириктиришга йўл қўйилмайди;

ишни яхши ташкил қиладиган тадбиркорлар, маҳсулотни қайта ишловчи ёки экспорт қилувчиларга «Ёшлар дафтари»даги бир нечта ёшларнинг бандлигини таъминлаш мажбурияти билан яхлит контурдаги ер майдонларини беришга рухсат берилади;

г) ер майдонларини электрон онлайн аукцион савдолари орқали ижарага олган ёшлар «Темир дафтар», «Аёллар дафтари», «Ёшлар дафтари»дан чиқарилмайди ва улар учун қонунчиликда белгиланган барча имтиёз ва преференциялар сақлаб қолинади;

д) талабгорлар томонидан ер майдонларида етиштириладиган экин турлари ва улар миқдорининг доимий мониторинги Ёшлар ишлари агентлигининг «Ёш фермерлар» платформаси орқали амалга оширилади.

Ёшлар ишлари агентлиги бир ой муддатда Ёшларга оид давлат сиёсатини қўллаб-қувватлаш жамғармаси маблағлари ҳисобидан Ўзбекистон ёш фермерлар кенгаши ташаббуси асосида «Ёш фермерлар» платформасини ишга туширсин ва Қишлоқ хўжалиги вазирлигининг «Агроплатформа» ахборот тизими билан интеграция қилсин.

Ўзбекистон Республикаси Президенти маслаҳатчиси Ш. Ғаниев Қорақалпоғистон Республикаси Вазирлар Кенгаши Раиси ва вилоятлар ҳокимлари билан биргаликда ушбу тадбирларни 20 кун муддатда сифатли ташкил қилиш бўйича масъул этиб белгилансин.

2. Қишлоқ хўжалиги маҳсулотларини етиштиришдан сотишгача бўлган занжирни қамраб олувчи янги тизимни жорий қилиш мақсадида талабгорлар Ёшлар ишлари агентлиги туман (шаҳар) бўлими билан келишилган ҳолда «Агробанк» АТБнинг «Фермерлар мактаби», «Сувчилар мактаби», аграр соҳада кадрлар тайёрлайдиган олий таълим муассасаларига ва ҳудудлардаги кичик бизнесга кўмаклашиш марказларига ўқув курсларига йўналтирилсин.

3. Олий таълим, фан ва инновациялар вазирлиги Қишлоқ хўжалиги вазирлиги билан биргаликда бир ой муддатда аграр соҳадаги ва ҳудудлардаги бошқа олий таълим муассасалари тегишли ўқув-тажриба участкаларида боғ ва токзорларни барпо этиш, сабзавот, картошка, полиз, дуккакли ва мойли экинларни етиштириш бўйича кўргазмали дала майдонлари барпо этилишини таъминласин.

4. Қишлоқ хўжалиги маҳсулотларини етиштиришдан сотишгача бўлган занжирни қамраб олувчи янги тизим бўйича талабгорларга қуйидаги қўллаб-қувватлаш чоралари жорий этилсин:

Ўзбекистон Республикаси Президентининг 2021 йил 15 декабрдаги «Мева-сабзавотчилик соҳасини давлат томонидан қўллаб-қувватлаш, тармоқда кластер ва кооперация тизимини янада ривожлантириш чора-тадбирлари тўғрисида»ги ПҚ-52-сон қарорида назарда тутилган шартларда ва маблағлар доирасида талабгорларга тижорат банклари томонидан 7 йилгача муддатга 100 млн сўмгача кредит ажратиш. Бунда, қарор доирасида барча турдаги кредитларни «маҳалла еттилиги»нинг кафиллиги асосида ажратишга рухсат берилади ҳамда улар кредитларнинг натижадорлиги учун тенг жавобгар бўлади;

талабгорларга мини-техника, уруғ ва кўчат харидига «Ёшлар дафтари» жамғармасидан 5 миллион сўмдан субсидия, Фермер, деҳқон хўжаликлари ва томорқа ер эгаларини қўллаб-қувватлаш жамғармасидан — 33 млн сўмгача кредит ажратиш;

«Агробанк» АТБ ҳамда Ўзбекистон фермер, деҳқон хўжаликлари ва томорқа ер эгалари кенгаши томонидан жойлардаги 167 та «Агромарказлар» орқали хусусий секторни жалб этган ҳолда уруғ, кўчат етказиш, минерал ўғит бериш, мини-техника ва агроном хизматлари йўлга қўйилади ҳамда етиштирилган маҳсулотни харид қилишга қайта ишловчилар ва экспорт қилувчилар бириктирилади.

5. Белгилаб қўйилсинки:

мазкур қарорга мувофиқ ижарага бериладиган ер майдонларида турар жой, бино ва иншоотлар қуриш қатъиян ман этилади;

Қорақалпоғистон Республикаси Вазирлар Кенгаши Раиси, вилоятлар ҳокимлари экин майдонларини ёшларга ажратишда қишлоқ хўжалиги маҳсулотлари етиштирувчиларнинг ер участкаси ижара шартномаси асосида белгиланган ҳуқуқлари бузилмаслигига шахсан жавобгар ҳисобланади.

6. Ёшларга ажратиладиган ер майдонлари учун мини-техника, уруғ ва кўчат харид қилишга 2024 йилда Ёшлар ишлари агентлиги (А. Саъдуллаев) «Ёшлар дафтари» жамғармасидан 50 миллиард сўмгача, Ўзбекистон фермер, деҳқон хўжаликлари ва томорқа ер эгалари кенгаши (А. Хаитов) Фермер, деҳқон хўжаликлари ва томорқа ер эгаларини қўллаб-қувватлаш жамғармасидан 60 миллиард сўмгача маблағ йўналтириш чораларини кўрсин.

7. Қишлоқ хўжалиги вазирлиги, Сув хўжалиги вазирлиги, Қорақалпоғистон Республикаси Вазирлар Кенгаши ва вилоятлар ҳокимликларининг 2024 йилда 2-иловага мувофиқ қўшимча 218 минг гектар ер майдонини янгидан ўзлаштириш ва қайта фойдаланишга киритиш юзасидан таклифига розилик берилсин.

Қорақалпоғистон Республикаси Вазирлар Кенгаши Раиси ва вилоятлар ҳокимлари, Бош прокуратура (Ж. Хатамов), Ички ишлар вазирлиги (С. Нишанбаев) мазкур бандга асосан қўшимча ер майдонларини янгидан ўзлаштириш ва қайта фойдаланишга киритишга шахсан масъул этиб белгилансин.

Ўзбекистон Республикаси Президенти маслаҳатчиси Ш. Ғаниев қўшимча 218 минг гектар ер майдони янгидан ўзлаштирилиши ва қайта фойдаланишга киритилиши устидан қатъий назорат ўрнатсин.

8. 2024 йилда Қорақалпоғистон Республикаси ва вилоятларда қўшимча ер майдонларини янгидан ўзлаштириш ва қайта фойдаланишга киритиш схемаси 3-иловага мувофиқ тасдиқлансин.

Бунда, қўшимча ер майдонларини янгидан ўзлаштириш ва қайта фойдаланишга киритиш учун 2-иловага мувофиқ:

Қишлоқ хўжалигини давлат томонидан қўллаб-қувватлаш жамғармаси ҳисобидан 200 миллиард сўм миқдоридаги фоизсиз қарз маблағлари;

2024 йил учун Давлат бюджети параметрларида қишлоқ хўжалигида фойдаланилмаётган суғориладиган ер майдонлари ва чўл ҳудудларидаги ерларни қайта фойдаланишга киритиш учун режалаштирилган 100 миллиард сўм;

халқаро молия институтларининг грант маблағлари;

ушбу тадбирларни амалга оширишга етишмаган қолган маблағлар Қорақалпоғистон Республикаси бюджети ва вилоятлар маҳаллий бюджетларининг қўшимча манбалари ҳисобидан ажратилади.

Белгилансинки, ички суғориш тармоқларини ва улардаги гидротехник иншоотларни қуриш ва таъмирлаш ишлари ушбу ер участкаларини ижарага оладиган ташаббускорлар томонидан амалга оширилади.

9. Шундай тартиб ўрнатилсинки, унга мувофиқ:

Қорақалпоғистон Республикаси Вазирлар Кенгаши ва вилоятлар ҳокимликлари қудуқ қазиш, суғориш тармоқларини тиклаш орқали ер майдонларини сув билан таъминлаш, электр энергиясини тортиш, сув тежовчи технологияларни жорий этишнинг техник ва молиявий кўрсаткичларини белгилайди ҳамда ушбу ишларни амалга оширувчи пудратчи ташкилотларни, истисно тариқасида, мустақил аниқлайди;

мазкур қарорга 2-иловадаги ер майдонларини ижарага беришдан тушадиган маблағлар (аукцион харажатларидан ташқари) Қишлоқ хўжалигини давлат томонидан қўллаб-қувватлаш жамғармасига қайтарилади.

10. Бош прокурор Ҳисоб палатаси билан биргаликда мазкур қарорнинг 8-бандида кўзда тутилган тадбирларни амалга ошириш учун ажратиладиган маблағларнинг мақсадли ишлатилиши устидан назорат ўрнатсин.

11. Ўзбекистон Республикаси Солиқ кодексининг :

428-моддасига мувофиқ томчилатиб суғориш технологиялари жорий этилган ерлар — томчилатиб суғориш технологиялари жорий этилган ойнинг бошидан эътиборан беш йил муддатга, қишлоқ хўжалиги мақсадлари учун янги ўзлаштирилаётган ерлар — ваколатли орган томонидан тасдиқланган лойиҳага мувофиқ, уларни ўзлаштириш ишлари бажариладиган даврда ва улар ўзлаштирилган вақтдан эътиборан беш йил мобайнида ҳамда янги барпо этилаётган боғлар, токзорлар ва тутзорлар эгаллаган ерлар, дарахтларнинг қатор ораларидан қишлоқ хўжалиги экинларини экиш учун фойдаланишдан қатъи назар, беш йил муддатга ер солиғидан озод қилинганлиги;

337-моддасига мувофиқ ушбу Кодекснинг 57-моддасида назарда тутилган мезонларга жавоб берувчи қишлоқ хўжалиги товар ишлаб чиқарувчиларига ўзи ишлаб чиқарган ўз қишлоқ хўжалиги маҳсулотини реализация қилишдан олинган фойдаси бўйича фойда солиғи ставкаси ноль фоиз миқдорида белгиланганлиги маълумот учун қабул қилинсин.

12. Қишлоқ хўжалиги вазирлиги Иқтисодиёт ва молия вазирлиги, манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

13. Мазкур қарорнинг ижросини самарали ташкил қилишга масъул ва шахсий жавобгар этиб Маҳаллабай ишлаш ва тадбиркорликни ривожлантириш агентлиги директори М.М. Убайдуллаев ва Ўзбекистон маҳаллалари уюшмаси раиси К.К. Куранбаев белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Президенти маслаҳатчиси Ш.М. Ғаниев зиммасига юклансин.

Ўзбекистон Республикаси Президентининг 2024 йил 5 апрелдаги ПҚ-153-сон қарорига 1-ИЛОВА

2024 йилда туман ҳокимликлари захирасидаги 60 минг гектар ер майдонини электрон онлайн аукцион орқали ижарага олувчи ёшларнинг тоифаси *

1. «Темир дафтар»га киритилган оила фарзанди ** .

2. «Аёллар дафтари»га киритилган аёллар фарзанди ** .

3. «Ёшлар дафтари»га киритилган ёшлар.

4. «Меҳр дафтари»га киритилган ёшлар ** .

5. «Ижтимоий ҳимоя ягона реестри»га киритилган оила фарзанди ** .

6. Оиласи кам таъминланган ва ижтимоий ҳимояга муҳтож ёш фуқаро.

7. Ҳуқуқ-тартибот ва мудофаа органларига бириктирилган ёшлар.

8. Хорижда меҳнат фаолиятини амалга оширишдан қайтган ёшлар.

9. Боқувчисини йўқотган ва ота-она қарамоғидан маҳрум бўлган ижтимоий ҳимояга муҳтож ёш фуқаро.

10. I ва II гуруҳ ногиронлиги бўлган фуқароларнинг соғлом фарзанди ** .

11. Ногиронлиги бўлган бола парвариши билан шуғулланаётган ёш оила (эр-хотиннинг бири).

12. Ота-оналардан бирида I ёки II гуруҳ ногиронлиги бўлган, иккинчиси эса фаолиятини тўхтатган ҳолда беморга қарашга мажбур бўлган ёки ота-онасида I ёки II гуруҳ ногиронлиги бўлган ёш фуқаро.

13. Табиий офатлар, ҳалокатлар, ёнғинлар ва бошқа фавқулодда вазиятлар оқибатида ҳаётига, соғлиғига, мулкига зарар етган ёш фуқаро.

Ўзбекистон Республикаси Президентининг 2024 йил 5 апрелдаги ПҚ-153-сон қарорига 2-ИЛОВА

2024 йилда қўшимча 218 минг гектар ер майдонини янгидан ўзлаштириш ва қайта фойдаланишга киритиш

Т/р Ҳудудлар номи 2024 йилда янги ўзлаштириладиган ва қайта фойдаланишга киритиладиган ер майдонлари, (гектар) шундан 2024 йилда ажратиладиган маблағлар миқдори I чорак (маълумот учун) II чорак (режа) III чорак (режа) IV чорак (режа) Қишлоқ хўжалигини давлат томонидан қўллаб-қувватлаш жамғармаси маблағлари ҳисобидан, (млн сўм) Республика бюджети маблағлари ҳисобидан, (млн сўм) Халқаро молия институтлари маблағлари ҳисобидан, (млн АҚШ доллари) * 1. Қорақалпоғистон Республикаси 20 000 2 050 5 180 5 204 7 566 18 376 9 188 5 2. Андижон вилояти 7 100 58 1 694 2 507 2 842 6 523 3 262 4 3. Бухоро вилояти 20 000 2 441 5 134 4 999 7 427 18 376 9 188 5 4. Жиззах вилояти 21 476 2 249 3 969 7 745 7 513 19 732 9 866 5. Қашқадарё вилояти 25 000 4 127 6 071 5 986 8 816 22 970 11 485 6. Навоий вилояти 12 000 1 253 2 937 3 342 4 468 11 025 5 513 5 7. Наманган вилояти 10 000 1 067 2 801 2 283 3 849 9 188 4 594 4 8. Самарқанд вилояти 20 001 1 878 3 815 7 199 7 109 18 376 9 188 9. Сурхондарё вилояти 25 059 2 912 5 944 7 035 9 168 23 024 11 512 10. Сирдарё вилояти 10 003 909 2 499 2 809 3 786 9 226 4 613 11. Тошкент вилояти 20 000 950 3 422 8 376 7 252 18 376 9 188 12. Фарғона вилояти 10 001 1 341 2 682 1 984 3 993 9 188 4 594 4 13. Хоразм вилояти 17 000 791 3 554 6 244 6 411 15 620 7 809 5 Жами 217 640 22 025 49 701 65 713 80 200 200 000 100 000 32

Ўзбекистон Республикаси Президентининг 2024 йил 5 апрелдаги ПҚ-153-сон қарорига 3-ИЛОВА

2024 йилда Қорақалпоғистон Республикаси ва вилоятларда қўшимча ер майдонларини янгидан ўзлаштириш ва қайта фойдаланишга киритиш

Босқичлар Масъул вазирлик ва идоралар Чора-тадбирлар Муддатлар 1-босқич Қорақалпоғистон Республикаси Вазирлар Кенгаши ва вилоятлар ҳокимликлари, Қишлоқ хўжалиги вазирлиги, Сув хўжалиги вазирлиги Фойдаланишдан чиққан ва янги ўзлаштириладиган ерларнинг манзилли рўйхатини шакллантириш. Бир ҳафта муддатда 2-босқич Қорақалпоғистон Республикаси Вазирлар Кенгаши ва вилоятлар ҳокимликлари, Қишлоқ хўжалиги вазирлиги, Сув хўжалиги вазирлиги Фойдаланишдан чиққан ва янги ўзлаштириладиган ерларни фойдаланишга киритиш учун ишчи лойиҳаларни ишлаб чиқиш. Икки ой муддатда 3-босқич Қорақалпоғистон Республикаси Вазирлар Кенгаши ва вилоятлар ҳокимликлари Ишчи лойиҳалар асосида белгиланган тадбирларни амалга ошириш бўйича пудрат ташкилотларини аниқлаш. Ўн беш кун муддатда 4-босқич Қорақалпоғистон Республикаси Вазирлар Кенгаши ва вилоятлар ҳокимликлари, Қишлоқ хўжалиги вазирлиги, Сув хўжалиги вазирлиги Пудрат ташкилотлари томонидан бажарилган ишларни қабул қилиб олиш. Лойиҳада белгиланган муддатларда 5-босқич Қорақалпоғистон Республикаси Вазирлар Кенгаши ва вилоятлар ҳокимликлари, Қишлоқ хўжалиги вазирлиги, Давлат активларини бошқариш агентлиги Фойдаланишга киритилган ва янги ўзлаштирилган ерларни аукцион савдолари орқали жисмоний ва юридик шахсларга ижара ҳуқуқи асосида ажратиш. Бир ой муддатда

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 5 апрель,

ПҚ-153-сон

(Қонунчилик маълумотлари миллий базаси, 06.04.2024 й., 07/24/153/0268-сон; 22.11.2025 й., 06/25/223/1076-сон)

lex.uz

Oʻzbekiston Respublikasi Prezidentining

qarori

REJA-KOʻRSATKICHLARI

sxemasi

Yoshlarga yer ajratish orqali ularning daromadlarini oshirish va bandligini taʼminlash, shuningdek, yangi yer maydonlarini oʻzlashtirish chora-tadbirlari toʻgʻrisida

Qishloq xoʻjaligidagi yer va suv resurslaridan samarali foydalanish orqali oziq-ovqat ekinlari yetishtirishni koʻpaytirish, aholi, shu jumladan, yoshlar bandligini taʼminlash va daromadlarini oshirish maqsadida:

1. Belgilansinki, tuman hokimliklari zaxirasidagi 60 ming gektar yer maydoni (keyingi oʻrinlarda — yer maydonlari) elektron onlayn auksion savdolariga qoʻyilib, dehqon xoʻjaliklarini tashkil etish uchun ustuvor ravishda 1-ilovaga muvofiq yoshlarga ijaraga beriladi hamda qishloq xoʻjaligi mahsulotlarini yetishtirishdan sotishgacha boʻlgan zanjirni qamrab oluvchi quyidagi yangi tizim joriy etiladi:

a) bir oy muddatda 60 ming gektar yer maydonini ijaraga berish boʻyicha elektron onlayn auksion savdolari “E-auksion” elektron savdo platformasi orqali “mahalla yettiligi”ning tavsiyasi bilan shakllantiriladigan roʻyxatga kiritilgan yoshlar (keyingi oʻrinlarda — talabgorlar) oʻrtasida oʻtkaziladi. Bunda:

zakalat puli bazaviy hisoblash miqdorining 1 baravari miqdorida belgilanadi;

b) talabgorlarga:

sabzavot, kartoshka, poliz ekinlari, gul, koʻkatlar, makkajoʻxori doni, dukkakli va moyli ekinlar yetishtirishga sugʻoriladigan ekin maydonlari;

bogʻdorchilik-uzumchilik yoʻnalishlari uchun koʻp yillik daraxtzorlar yoki samarasiz bogʻlar yer maydonlari;

dorivor oʻsimliklar yetishtirish, chorvachilik yoʻnalishlari uchun chorva ozuqasi ekinlarini yetishtirishga moʻljallangan, lalmi, boʻz, yaylov va yangi oʻzlashtirilgan yer maydonlari 30 yil muddatgacha kichik lotlarda “bir massiv — bir mahsulot” tamoyili asosida ijaraga beriladi.

Bunda, elektron onlayn auksion savdolarida 1 nafar talabgor ishtirok etgan taqdirda, istisno tariqasida, auksion oʻtkazilgan hisoblanadi hamda ushbu imtiyozli shartlar asosida oʻtkaziladigan auksion savdolarida yoshlarga yer maydonini faqat bir marotaba ijaraga olishga ruxsat beriladi;

v) talabgorlarga ajratiladigan yer maydonlari oʻlchamlari “mahalla yettiligi” taklifiga koʻra aniqlanadi. Bunda:

“mahalla yettiligi” tomonidan talabgorlarga “E-auksion” elektron savdo platformasiga joylashtiriladigan yer maydonlari boʻyicha kichik lotlarni majburiy biriktirishga yoʻl qoʻyilmaydi;

ishni yaxshi tashkil qiladigan tadbirkorlar, mahsulotni qayta ishlovchi yoki eksport qiluvchilarga “Yoshlar daftari”dagi bir nechta yoshlarning bandligini taʼminlash majburiyati bilan yaxlit konturdagi yer maydonlarini berishga ruxsat beriladi;

g) yer maydonlarini elektron onlayn auksion savdolari orqali ijaraga olgan yoshlar “Temir daftar”, “Ayollar daftari”, “Yoshlar daftari”dan chiqarilmaydi va ular uchun qonunchilikda belgilangan barcha imtiyoz va preferensiyalar saqlab qolinadi;

d) talabgorlar tomonidan yer maydonlarida yetishtiriladigan ekin turlari va ular miqdorining doimiy monitoringi Yoshlar ishlari agentligining “Yosh fermerlar” platformasi orqali amalga oshiriladi.

Yoshlar ishlari agentligi bir oy muddatda Yoshlarga oid davlat siyosatini qoʻllab-quvvatlash jamgʻarmasi mablagʻlari hisobidan Oʻzbekiston yosh fermerlar kengashi tashabbusi asosida “Yosh fermerlar” platformasini ishga tushirsin va Qishloq xoʻjaligi vazirligining “Agroplatforma” axborot tizimi bilan integratsiya qilsin.

Oʻzbekiston Respublikasi Prezidenti maslahatchisi Sh. Gʻaniyev Qoraqalpogʻiston Respublikasi Vazirlar Kengashi Raisi va viloyatlar hokimlari bilan birgalikda ushbu tadbirlarni 20 kun muddatda sifatli tashkil qilish boʻyicha masʼul etib belgilansin.

2. Qishloq xoʻjaligi mahsulotlarini yetishtirishdan sotishgacha boʻlgan zanjirni qamrab oluvchi yangi tizimni joriy qilish maqsadida talabgorlar Yoshlar ishlari agentligi tuman (shahar) boʻlimi bilan kelishilgan holda “Agrobank” ATBning “Fermerlar maktabi”, “Suvchilar maktabi”, agrar sohada kadrlar tayyorlaydigan oliy taʼlim muassasalariga va hududlardagi kichik biznesga koʻmaklashish markazlariga oʻquv kurslariga yoʻnaltirilsin.

3. Oliy taʼlim, fan va innovatsiyalar vazirligi Qishloq xoʻjaligi vazirligi bilan birgalikda bir oy muddatda agrar sohadagi va hududlardagi boshqa oliy taʼlim muassasalari tegishli oʻquv-tajriba uchastkalarida bogʻ va tokzorlarni barpo etish, sabzavot, kartoshka, poliz, dukkakli va moyli ekinlarni yetishtirish boʻyicha koʻrgazmali dala maydonlari barpo etilishini taʼminlasin.

4. Qishloq xoʻjaligi mahsulotlarini yetishtirishdan sotishgacha boʻlgan zanjirni qamrab oluvchi yangi tizim boʻyicha talabgorlarga quyidagi qoʻllab-quvvatlash choralari joriy etilsin:

Oʻzbekiston Respublikasi Prezidentining 2021-yil 15-dekabrdagi “Meva-sabzavotchilik sohasini davlat tomonidan qoʻllab-quvvatlash, tarmoqda klaster va kooperatsiya tizimini yanada rivojlantirish chora-tadbirlari toʻgʻrisida”gi PQ-52-son qarorida nazarda tutilgan shartlarda va mablagʻlar doirasida talabgorlarga tijorat banklari tomonidan 7 yilgacha muddatga 100 mln soʻmgacha kredit ajratish. Bunda, qaror doirasida barcha turdagi kreditlarni “mahalla yettiligi”ning kafilligi asosida ajratishga ruxsat beriladi hamda ular kreditlarning natijadorligi uchun teng javobgar boʻladi;

talabgorlarga mini-texnika, urugʻ va koʻchat xaridiga “Yoshlar daftari” jamgʻarmasidan 5 million soʻmdan subsidiya, Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasidan — 33 mln soʻmgacha kredit ajratish;

“Agrobank” ATB hamda Oʻzbekiston fermer, dehqon xoʻjaliklari va tomorqa yer egalari kengashi tomonidan joylardagi 167 ta “Agromarkazlar” orqali xususiy sektorni jalb etgan holda urugʻ, koʻchat yetkazish, mineral oʻgʻit berish, mini-texnika va agronom xizmatlari yoʻlga qoʻyiladi hamda yetishtirilgan mahsulotni xarid qilishga qayta ishlovchilar va eksport qiluvchilar biriktiriladi.

5. Belgilab qoʻyilsinki:

mazkur qarorga muvofiq ijaraga beriladigan yer maydonlarida turar joy, bino va inshootlar qurish qatʼiyan man etiladi;

Qoraqalpogʻiston Respublikasi Vazirlar Kengashi Raisi, viloyatlar hokimlari ekin maydonlarini yoshlarga ajratishda qishloq xoʻjaligi mahsulotlari yetishtiruvchilarning yer uchastkasi ijara shartnomasi asosida belgilangan huquqlari buzilmasligiga shaxsan javobgar hisoblanadi.

6. Yoshlarga ajratiladigan yer maydonlari uchun mini-texnika, urugʻ va koʻchat xarid qilishga 2024-yilda Yoshlar ishlari agentligi (A. Saʼdullayev) “Yoshlar daftari” jamgʻarmasidan 50 milliard soʻmgacha, Oʻzbekiston fermer, dehqon xoʻjaliklari va tomorqa yer egalari kengashi (A. Xaitov) Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasidan 60 milliard soʻmgacha mablagʻ yoʻnaltirish choralarini koʻrsin.

7. Qishloq xoʻjaligi vazirligi, Suv xoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklarining 2024-yilda 2-ilovaga muvofiq qoʻshimcha 218 ming gektar yer maydonini yangidan oʻzlashtirish va qayta foydalanishga kiritish yuzasidan taklifiga rozilik berilsin.

Qoraqalpogʻiston Respublikasi Vazirlar Kengashi Raisi va viloyatlar hokimlari, Bosh prokuratura (J. Xatamov), Ichki ishlar vazirligi (S. Nishanbayev) mazkur bandga asosan qoʻshimcha yer maydonlarini yangidan oʻzlashtirish va qayta foydalanishga kiritishga shaxsan masʼul etib belgilansin.

Oʻzbekiston Respublikasi Prezidenti maslahatchisi Sh. Gʻaniyev qoʻshimcha 218 ming gektar yer maydoni yangidan oʻzlashtirilishi va qayta foydalanishga kiritilishi ustidan qatʼiy nazorat oʻrnatsin.

8. 2024-yilda Qoraqalpogʻiston Respublikasi va viloyatlarda qoʻshimcha yer maydonlarini yangidan oʻzlashtirish va qayta foydalanishga kiritish sxemasi 3-ilovaga muvofiq tasdiqlansin.

Bunda, qoʻshimcha yer maydonlarini yangidan oʻzlashtirish va qayta foydalanishga kiritish uchun 2-ilovaga muvofiq:

Qishloq xoʻjaligini davlat tomonidan qoʻllab-quvvatlash jamgʻarmasi hisobidan 200 milliard soʻm miqdoridagi foizsiz qarz mablagʻlari;

2024-yil uchun Davlat budjeti parametrlarida qishloq xoʻjaligida foydalanilmayotgan sugʻoriladigan yer maydonlari va choʻl hududlaridagi yerlarni qayta foydalanishga kiritish uchun rejalashtirilgan 100 milliard soʻm;

xalqaro moliya institutlarining grant mablagʻlari;

ushbu tadbirlarni amalga oshirishga yetishmagan qolgan mablagʻlar Qoraqalpogʻiston Respublikasi budjeti va viloyatlar mahalliy budjetlarining qoʻshimcha manbalari hisobidan ajratiladi.

Belgilansinki, ichki sugʻorish tarmoqlarini va ulardagi gidrotexnik inshootlarni qurish va taʼmirlash ishlari ushbu yer uchastkalarini ijaraga oladigan tashabbuskorlar tomonidan amalga oshiriladi.

9. Shunday tartib oʻrnatilsinki, unga muvofiq:

Qoraqalpogʻiston Respublikasi Vazirlar Kengashi va viloyatlar hokimliklari quduq qazish, sugʻorish tarmoqlarini tiklash orqali yer maydonlarini suv bilan taʼminlash, elektr energiyasini tortish, suv tejovchi texnologiyalarni joriy etishning texnik va moliyaviy koʻrsatkichlarini belgilaydi hamda ushbu ishlarni amalga oshiruvchi pudratchi tashkilotlarni, istisno tariqasida, mustaqil aniqlaydi;

mazkur qarorga 2-ilovadagi yer maydonlarini ijaraga berishdan tushadigan mablagʻlar (auksion xarajatlaridan tashqari) Qishloq xoʻjaligini davlat tomonidan qoʻllab-quvvatlash jamgʻarmasiga qaytariladi.

10. Bosh prokuror Hisob palatasi bilan birgalikda mazkur qarorning 8-bandida koʻzda tutilgan tadbirlarni amalga oshirish uchun ajratiladigan mablagʻlarning maqsadli ishlatilishi ustidan nazorat oʻrnatsin.

11. Oʻzbekiston Respublikasi Soliq kodeksining :

428-moddasiga muvofiq tomchilatib sugʻorish texnologiyalari joriy etilgan yerlar — tomchilatib sugʻorish texnologiyalari joriy etilgan oyning boshidan eʼtiboran besh yil muddatga, qishloq xoʻjaligi maqsadlari uchun yangi oʻzlashtirilayotgan yerlar — vakolatli organ tomonidan tasdiqlangan loyihaga muvofiq, ularni oʻzlashtirish ishlari bajariladigan davrda va ular oʻzlashtirilgan vaqtdan eʼtiboran besh yil mobaynida hamda yangi barpo etilayotgan bogʻlar, tokzorlar va tutzorlar egallagan yerlar, daraxtlarning qator oralaridan qishloq xoʻjaligi ekinlarini ekish uchun foydalanishdan qatʼi nazar, besh yil muddatga yer soligʻidan ozod qilinganligi;

337-moddasiga muvofiq ushbu Kodeksning 57-moddasida nazarda tutilgan mezonlarga javob beruvchi qishloq xoʻjaligi tovar ishlab chiqaruvchilariga oʻzi ishlab chiqargan oʻz qishloq xoʻjaligi mahsulotini realizatsiya qilishdan olingan foydasi boʻyicha foyda soligʻi stavkasi nol foiz miqdorida belgilanganligi maʼlumot uchun qabul qilinsin.

12. Qishloq xoʻjaligi vazirligi Iqtisodiyot va moliya vazirligi, manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

13. Mazkur qarorning ijrosini samarali tashkil qilishga masʼul va shaxsiy javobgar etib Mahallabay ishlash va tadbirkorlikni rivojlantirish agentligi direktori M.M. Ubaydullayev va Oʻzbekiston mahallalari uyushmasi raisi K.K. Kuranbayev belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Prezidenti maslahatchisi Sh.M. Gʻaniyev zimmasiga yuklansin.

Oʻzbekiston Respublikasi Prezidentining 2024-yil 5-apreldagi PQ-153-son qaroriga 1-ILOVA

2024-yilda tuman hokimliklari zaxirasidagi 60 ming gektar yer maydonini elektron onlayn auksion orqali ijaraga oluvchi yoshlarning toifasi *

1. “Temir daftar”ga kiritilgan oila farzandi ** .

2. “Ayollar daftari”ga kiritilgan ayollar farzandi ** .

3. “Yoshlar daftari”ga kiritilgan yoshlar.

4. “Mehr daftari”ga kiritilgan yoshlar ** .

5. “Ijtimoiy himoya yagona reyestri”ga kiritilgan oila farzandi ** .

6. Oilasi kam taʼminlangan va ijtimoiy himoyaga muhtoj yosh fuqaro.

7. Huquq-tartibot va mudofaa organlariga biriktirilgan yoshlar.

8. Xorijda mehnat faoliyatini amalga oshirishdan qaytgan yoshlar.

9. Boquvchisini yoʻqotgan va ota-ona qaramogʻidan mahrum boʻlgan ijtimoiy himoyaga muhtoj yosh fuqaro.

10. I va II guruh nogironligi boʻlgan fuqarolarning sogʻlom farzandi ** .

11. Nogironligi boʻlgan bola parvarishi bilan shugʻullanayotgan yosh oila (er-xotinning biri).

12. Ota-onalardan birida I yoki II guruh nogironligi boʻlgan, ikkinchisi esa faoliyatini toʻxtatgan holda bemorga qarashga majbur boʻlgan yoki ota-onasida I yoki II guruh nogironligi boʻlgan yosh fuqaro.

13. Tabiiy ofatlar, halokatlar, yongʻinlar va boshqa favqulodda vaziyatlar oqibatida hayotiga, sogʻligʻiga, mulkiga zarar yetgan yosh fuqaro.

Oʻzbekiston Respublikasi Prezidentining 2024-yil 5-apreldagi PQ-153-son qaroriga 2-ILOVA

2024-yilda qoʻshimcha 218 ming gektar yer maydonini yangidan oʻzlashtirish va qayta foydalanishga kiritish

T/r Hududlar nomi 2024-yilda yangi oʻzlashtiriladigan va qayta foydalanishga kiritiladigan yer maydonlari, (gektar) shundan 2024-yilda ajratiladigan mablagʻlar miqdori I chorak (maʼlumot uchun) II chorak (reja) III chorak (reja) IV chorak (reja) Qishloq xoʻjaligini davlat tomonidan qoʻllab-quvvatlash jamgʻarmasi mablagʻlari hisobidan, (mln soʻm) Respublika budjeti mablagʻlari hisobidan, (mln soʻm) Xalqaro moliya institutlari mablagʻlari hisobidan, (mln AQSH dollari) * 1. Qoraqalpogʻiston Respublikasi 20 000 2 050 5 180 5 204 7 566 18 376 9 188 5 2. Andijon viloyati 7 100 58 1 694 2 507 2 842 6 523 3 262 4 3. Buxoro viloyati 20 000 2 441 5 134 4 999 7 427 18 376 9 188 5 4. Jizzax viloyati 21 476 2 249 3 969 7 745 7 513 19 732 9 866 5. Qashqadaryo viloyati 25 000 4 127 6 071 5 986 8 816 22 970 11 485 6. Navoiy viloyati 12 000 1 253 2 937 3 342 4 468 11 025 5 513 5 7. Namangan viloyati 10 000 1 067 2 801 2 283 3 849 9 188 4 594 4 8. Samarqand viloyati 20 001 1 878 3 815 7 199 7 109 18 376 9 188 9. Surxondaryo viloyati 25 059 2 912 5 944 7 035 9 168 23 024 11 512 10. Sirdaryo viloyati 10 003 909 2 499 2 809 3 786 9 226 4 613 11. Toshkent viloyati 20 000 950 3 422 8 376 7 252 18 376 9 188 12. Fargʻona viloyati 10 001 1 341 2 682 1 984 3 993 9 188 4 594 4 13. Xorazm viloyati 17 000 791 3 554 6 244 6 411 15 620 7 809 5 Jami 217 640 22 025 49 701 65 713 80 200 200 000 100 000 32

Oʻzbekiston Respublikasi Prezidentining 2024-yil 5-apreldagi PQ-153-son qaroriga 3-ILOVA

2024-yilda Qoraqalpogʻiston Respublikasi va viloyatlarda qoʻshimcha yer maydonlarini yangidan oʻzlashtirish va qayta foydalanishga kiritish

Bosqichlar Masʼul vazirlik va idoralar Chora-tadbirlar Muddatlar 1-bosqich Qoraqalpogʻiston Respublikasi Vazirlar Kengashi va viloyatlar hokimliklari, Qishloq xoʻjaligi vazirligi, Suv xoʻjaligi vazirligi Foydalanishdan chiqqan va yangi oʻzlashtiriladigan yerlarning manzilli roʻyxatini shakllantirish. Bir hafta muddatda 2-bosqich Qoraqalpogʻiston Respublikasi Vazirlar Kengashi va viloyatlar hokimliklari, Qishloq xoʻjaligi vazirligi, Suv xoʻjaligi vazirligi Foydalanishdan chiqqan va yangi oʻzlashtiriladigan yerlarni foydalanishga kiritish uchun ishchi loyihalarni ishlab chiqish. Ikki oy muddatda 3-bosqich Qoraqalpogʻiston Respublikasi Vazirlar Kengashi va viloyatlar hokimliklari Ishchi loyihalar asosida belgilangan tadbirlarni amalga oshirish boʻyicha pudrat tashkilotlarini aniqlash. Oʻn besh kun muddatda 4-bosqich Qoraqalpogʻiston Respublikasi Vazirlar Kengashi va viloyatlar hokimliklari, Qishloq xoʻjaligi vazirligi, Suv xoʻjaligi vazirligi Pudrat tashkilotlari tomonidan bajarilgan ishlarni qabul qilib olish. Loyihada belgilangan muddatlarda 5-bosqich Qoraqalpogʻiston Respublikasi Vazirlar Kengashi va viloyatlar hokimliklari, Qishloq xoʻjaligi vazirligi, Davlat aktivlarini boshqarish agentligi Foydalanishga kiritilgan va yangi oʻzlashtirilgan yerlarni auksion savdolari orqali jismoniy va yuridik shaxslarga ijara huquqi asosida ajratish. Bir oy muddatda

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 5-aprel,

PQ-153-son

(Qonunchilik maʼlumotlari milliy bazasi, 06.04.2024-y., 07/24/153/0268-son; 22.11.2025-y., 06/25/223/1076-son)

lex.uz

Президента Республики Узбекистан

Постановление

ПЛАН-ПОКАЗАТЕЛИ

Схема

О мерах по повышению доходов и обеспечению занятости молодежи путем выделения ей земель, а также освоению новых земельных площадей

В целях увеличения производства продовольственных культур путем эффективного использования земельных и водных ресурсов в сельском хозяйстве, обеспечения занятости и повышения доходов населения, в том числе молодежи:

1. Установить, что 60 тысяч гектаров земельных площадей, находящихся в резерве районных хокимиятов (далее — земельные площади), выставляются на электронные онлайн-аукционные торги, которые передаются в аренду молодежи в приоритетном порядке согласно приложению № 1 для организации дехканских хозяйств, а также внедряется нижеследующая новая система, охватывающая цепочку от производства сельскохозяйственной продукции до ее реализации:

а) электронные онлайн-аукционные торги по передаче в аренду 60 тысяч гектаров земельных площадей проводятся в месячный срок среди молодежи, включенной в список, который будет сформирован по рекомендации «махаллинской семерки» (далее — претенденты), посредством электронной торговой платформы «E-auksion». При этом:

размер задатка определяется в однократном размере базовой расчетной величины;

б) претендентам передаются в аренду сроком до 30 лет в малых лотах на основе принципа «один массив — одна продукция»:

орошаемые посевные площади для производства овощей, картофеля, бахчевых культур, цветов, зелени, зерен кукурузы, бобовых и масличных культур;

земельные площади многолетних насаждений или неэффективных садов для садоводческого и виноградарского направлений;

земельные площади, предназначенные для производства кормовых культур, богарные, целинные, пастбищные и новые освоенные земельные площади для производства лекарственных растений, направления животноводства.

При этом в случае участия в электронных онлайн-аукционные торгах одного претендента аукцион, в порядке исключения, считается проведенным, а также молодежи на аукционных торгах, проводимых на основе данных льготных условий, разрешается получать в аренду земельную площадь только один раз;

в) размеры земельных площадей, выделяемых претендентам, определяются в соответствии с предложением «махаллинской семерки». При этом:

не допускается закрепление в обязательном порядке «махаллинской семеркой» за претендентами малых лотов по земельным площадям, размещаемым на электронной торговой платформе «E-auksion»;

разрешается предоставление хорошо организующим работу предпринимателям, переработчикам или экспортерам продукции земельных площадей на сплошном контуре с обязательством обеспечения занятости нескольких молодых людей, включенных в «Молодежную тетрадь»;

г) молодежь, получившая в аренду земельные площади посредством электронных онлайн-аукционных торгов, из «Железной тетради», «Женской тетради» и «Молодежной тетради» не исключается и все установленные для нее законодательством льготы и преференции сохраняются;

д) постоянный мониторинг видов и объема культур, выращиваемых претендентами на земельных площадях, осуществляется посредством платформы «Ёш фермерлар» («Молодые фермеры») Агентством по делам молодежи.

Агентству по делам молодежи в месячный срок на основе инициативы Совета молодых фермеров Узбекистана запустить платформу «Ёш фермерлар» («Молодые фермеры») за счет средств Фонда поддержки государственной молодежной политики и интегрировать ее с информационной системой «Агроплатформа» Министерства сельского хозяйства.

Определить советника Президента Республики Узбекистан Ш. Ганиева ответственным за качественную организацию совместно с Председателем Совета Министров Республики Каракалпакстан и хокимами областей данных мероприятий в двадцатидневный срок.

2. В целях внедрения новой системы, охватывающей цепочку от производства до реализации сельскохозяйственной продукции, направить претендентов на учебные курсы в «Школу фермеров» и «Школу водников» АКБ «Агробанк», высших образовательных учреждений по подготовке кадров в аграрной сфере и центрах содействия малому бизнесу в регионах по согласованию с районными (городскими) отделами Агентства по делам молодежи.

3. Министерству высшего образования, науки и инноваций совместно с Министерством сельского хозяйства в месячный срок обеспечить создание показательных полевых площадей по возведению садов и виноградников, производству овощей, картофеля, бахчевых, бобовых и масличных культур на соответствующих учебно-опытных участках высших образовательных учреждений в аграрной сфере и других высших образовательных учреждениях в регионах.

4. Внедрить следующие меры поддержки претендентов по новой системе, охватывающей цепочку от производства до реализации сельскохозяйственной продукции:

выделение претендентам коммерческими банками в рамках условий и средств, предусмотренных в постановлении Президента Республики Узбекистан от 15 декабря 2021 года № ПП-52 «О мерах по государственной поддержке сферы плодоовощеводства, дальнейшему развитию системы кластера и кооперации в отрасли», кредитов в размере до 100 млн сумов на срок до 7 лет. При этом в рамках постановления разрешается выделение всех видов кредитов на основе поручительства «махаллинской семерки» и она несет равноценную ответственность за результативность кредитов;

выделение претендентам на закупку мини-техники, семян и рассады субсидии в размере по 5 миллионов из Фонда «Молодежной тетради», кредитов в размере до 33 млн сумов — из Фонда поддержки фермерских, дехканских хозяйств и владельцев приусадебных земель;

АКБ «Агробанк» и Советом фермерских, дехканских хозяйств и владельцев приусадебных земель Узбекистана посредством 167 «агроцентров» на местах организуются услуги поставки семян, рассады, внесения минеральных удобрений, мини-техники и агронома с привлечением частного сектора, а также к закупке выращенной продукции прикрепляются переработчики и экспортеры.

5. Установить, что:

на земельных площадях, передаваемых в аренду в соответствии с настоящим постановлением, строительство жилья, зданий и сооружений строго запрещается;

Председатель Совета Министров Республики Каракалпакстан, хокимы областей при выделении молодежи посевных площадей несут персональную ответственность за ненарушение прав производителей сельскохозяйственной продукции, установленных на основе договора аренды земельного участка.

6. Агентству по делам молодежи (А. Саъдуллаев) и Совету фермерских, дехканских хозяйств и владельцев приусадебных земель Узбекистана (А. Хаитов) принять меры по направлению в 2024 году средств на закупку мини-техники, семян и рассады для земельных площадей, выделяемых молодежи, до 50 миллиардов сумов из Фонда «Молодежной тетради» и до 60 миллиардов сумов — из Фонда поддержки фермерских, дехканских хозяйств и владельцев приусадебных земель соответственно.

7. Согласиться с предложением Министерства сельского хозяйства, Министерства водного хозяйства, Совета Министров Республики Каракалпакстан и хокимиятов областей о новом освоении и повторном введении в пользование дополнительных 218 тысяч гектаров земельной площади в 2024 году согласно приложению № 2 .

Возложить на Председателя Совета Министров Республики Каракалпакстан и хокимов областей, Генеральную прокуратуру (Ж. Хатамов), Министерство внутренних дел (С. Нишанбаев) персональную ответственность за новое освоение и повторное введение в пользование дополнительных земельных площадей на основании настоящего пункта.

Советнику Президента Республики Узбекистан Ш. Ганиеву установить строгий контроль за новым освоением и повторным введением в пользование дополнительных 218 тысяч гектаров земельных площадей.

8. Утвердить Схему нового освоения и повторного введения в пользование дополнительных земельных площадей в Республике Каракалпакстан и областях в 2024 году согласно приложению № 3 .

При этом для нового освоения и возвращения в оборот дополнительных земельных площадей согласно приложению № 2 выделяются:

беспроцентные заемные средства в размере 200 миллиардов сумов за счет Фонда государственной поддержки сельского хозяйства;

100 миллиардов сумов, запланированных в параметрах Государственного бюджета на 2024 год для повторного введения в пользование орошаемых земельных площадей и земель степной местности, не используемых в сельском хозяйстве;

грантовые средства международных финансовых институтов;

часть средств, недостающая для реализации данных мероприятий, — за счет дополнительных источников бюджета Республики Каракалпакстан и местных бюджетов областей.

Определить, что работы по строительству и ремонту внутренних оросительных сетей и гидротехнических сооружений в них осуществляются инициаторами, получающими в аренду данные земельные участки.

9. Установить порядок, в соответствии с которым:

Совет Министров Республики Каракалпакстан и хокимияты областей определяют технические и финансовые показатели обеспечения водными ресурсами земельных площадей, прокладки электроэнергии, внедрения водосберегающих технологий путем бурения скважин, восстановления оросительных систем, а также самостоятельно определяют, в порядке исключения, подрядные организации, осуществляющие данные работы;

средства (помимо аукционных расходов), поступающие от аренды земельных площадей, указанные в приложении № 2 к настоящему постановлению, возвращаются в Фонд государственной поддержки сельского хозяйства.

10. Генеральному прокурору совместно со Счетной палатой установить контроль за целевым расходованием средств, выделяемых на реализацию мероприятий, предусмотренных в пункте 8 настоящего постановления.

11. Принять к сведению, что:

в соответствии со статьей 428 Налогового кодекса Республики Узбекистан освобождаются от уплаты земельного налога земли, на которых внедрена технология капельного орошения, — сроком на пять лет с начала месяца, в котором внедрена технология капельного орошения, вновь осваиваемые земли для сельскохозяйственных целей — на период выполнения работ по их освоению и в течение пяти лет со времени их освоения в соответствии с проектом, утвержденным уполномоченным органом, а также земли, на которых произведены новые посадки садов, виноградников и тутовников, — сроком на пять лет, независимо от использования междурядий для посева сельскохозяйственных культур;

в соответствии со статьей 337 Налогового кодекса Республики Узбекистан сельскохозяйственным товаропроизводителям, отвечающим критериям, предусмотренным статьей 57 настоящего Кодекса, по прибыли, полученной от реализации произведенной ими сельскохозяйственной продукции собственного производства, ставка налога на прибыль определена в размере ноль процентов.

12. Министерству сельского хозяйства совместно с Министерством экономики и финансов, заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

13. Возложить на директора Агентства по работе махаллабай и развития предпринимательства М.М. Убайдуллаева и председателя Ассоциации махаллей Узбекистана К.К. Куранбаева персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на советника Президента Республики Узбекистан Ш.М. Ганиева.

ПРИЛОЖЕНИЕ № 1 к постановлению Президента Республики Узбекистан от 5 апреля 2024 года № ПП-153

Категории молодежи, арендующей 60 тысяч гектаров земельной площади, находящейся в резерве районных хокимиятов, в 2024 году через электронный онлайн-аукцион *

1. Дети из семей, включенных в «Железную тетрадь» ** .

2. Дети женщин, включенных в «Женскую тетрадь» ** .

3. Представители молодежи, включенные в «Молодежную тетрадь».

4. Представители молодежи, включенные в «Мехр дафтари» ** .

5. Дети из семей, включенных в «Единый реестр социальной защиты» ** .

6. Молодые граждане из малообеспеченной семьи и нуждающиеся в социальной защите.

7. Представители молодежи, прикрепленной к органам правопорядка и обороны.

8. Представители молодежи, вернувшейся из трудовой миграции за рубежом.

9. Нуждающиеся в социальной защите молодые граждане, потерявшие кормильца и лишенные родительской опеки.

10. Здоровые дети граждан с инвалидностью I и II группы ** .

11. Молодые семьи (один из супругов), занимающиеся уходом за ребенком с инвалидностью.

12. Молодые граждане, у которых один из родителей имеет инвалидность I или II группы, а второй — вынужден приостановить деятельность и ухаживать за больным, либо родители которых имеют инвалидность I или II группы.

13. Молодые граждане, жизни, здоровью, имуществу которых нанесен ущерб вследствие природных стихий, катастроф, пожаров и других чрезвычайных ситуаций.

ПРИЛОЖЕНИЕ № 2 к постановлению Президента Республики Узбекистан от 5 апреля 2024 года № ПП-153

нового освоения и повторного введения в пользование дополнительно 218 тысяч гектаров земельной площади в 2024 году

№ Наименование регионов Новые осваиваемые и повторно вводимые в пользование в 2024 году земельные площади (гектар) из них Размер средств, выделяемых в 2024 году I квартал (к сведению) II квартал (план) III квартал (план) IV квартал (план) За счет средств Фонда государственной поддержки сельского хозяйства, (млн сумов) За счет средств республиканского бюджета, (млн сумов) За счет средств международных финансовых институтов (млн долларов США) * 1. Республика Каракалпакстан 20 000 2 050 5 180 5 204 7 566 18 376 9 188 5 2. Андижанская область 7 100 58 1 694 2 507 2 842 6 523 3 262 4 3. Бухарская область 20 000 2 441 5 134 4 999 7 427 18 376 9 188 5 4. Джизакская область 21 476 2 249 3 969 7 745 7 513 19 732 9 866 5. Кашкадарьинская область 25 000 4 127 6 071 5 986 8 816 22 970 11 485 6. Навоийская область 12 000 1 253 2 937 3 342 4 468 11 025 5 513 5 7. Наманганская область 10 000 1 067 2 801 2 283 3 849 9 188 4 594 4 8. Самаркандская область 20 001 1 878 3 815 7 199 7 109 18 376 9 188 9. Сурхандарьинская область 25 059 2 912 5 944 7 035 9 168 23 024 11 512 10. Сырдарьинская область 10 003 909 2 499 2 809 3 786 9 226 4 613 11. Ташкентская область 20 000 950 3 422 8 376 7 252 18 376 9 188 12. Ферганская область 10 001 1 341 2 682 1 984 3 993 9 188 4 594 4 13. Хорезмская область 17 000 791 3 554 6 244 6 411 15 620 7 809 5 Всего 217 640 22 025 49 701 65 713 80 200 200 000 100 000 32

ПРИЛОЖЕНИЕ № 3 к постановлению Президента Республики Узбекистан от 5 апреля 2024 года № ПП-153

нового освоения и повторного введения в пользование дополнительных земельных площадей в Республике Каракалпакстан и областях в 2024 году

Этапы Ответственные министерства и ведомства Меры Сроки 1-й этап Совет Министров Республики Каракалпакстан и хокимияты областей, Министерство сельского хозяйства, Министерство водного хозяйства Формирование адресного перечня выведенных из оборота и новых осваиваемых земель. В недельный срок 2-й этап Совет Министров Республики Каракалпакстан и хокимияты областей, Министерство сельского хозяйства, Министерство водного хозяйства Разработка рабочих проектов для введения в оборот выведенных из оборота и новых осваиваемых земель. В двухмесячный срок 3-й этап Совет Министров Республики Каракалпакстан и хокимияты областей Определение подрядных организаций по осуществлению мер, определенных на основе рабочих проектов. В пятнадцатидневный срок 4-й этап Совет Министров Республики Каракалпакстан и хокимияты областей, Министерство сельского хозяйства, Министерство водного хозяйства Приемка работ, выполненных подрядными организациями. В сроки, определенные в проекте 5-й этап Совет Министров Республики Каракалпакстан и хокимияты областей, Министерство сельского хозяйства, Агентство по управлению государственными активами Выделение введенных в оборот и новых освоенных земель физическим и юридическим лицам через аукционные торги на основе права аренды. В месячный срок

Президент Республики Узбекистан Ш. МИРЗИЁЕВ

г. Ташкент,

5 апреля 2024 г.,

№ ПП-153

(Национальная база данных законодательства, 06.04.2024 г., № 07/24/153/0268; 21.11.2025 г., № 06/25/223/1076)

lex.uz